২. দুকনিপাতো
১. অভিরূপনন্দাথেরীগাথা
১৯.
অসুভায চিত্তং ভাৰেহি, একগ্গং সুসমাহিতং॥
২০.
‘‘অনিমিত্তঞ্চ ভাৰেহি, মানানুসযমুজ্জহ।
ততো মানাভিসমযা, উপসন্তা চরিস্সসী’’তি॥
ইত্থং সুদং ভগৰা অভিরূপনন্দং সিক্খমানং ইমাহি গাথাহি অভিণ্হং ওৰদতীতি
২. জেন্তাথেরীগাথা
২১.
‘‘যে ইমে সত্ত বোজ্ঝঙ্গা, মগ্গা নিব্বানপত্তিযা।
ভাৰিতা তে মযা সব্বে, যথা বুদ্ধেন দেসিতা॥
২২.
‘‘দিট্ঠো হি মে সো ভগৰা, অন্তিমোযং সমুস্সযো।
ৰিক্খীণো জাতিসংসারো, নত্থি দানি পুনব্ভৰো’’তি॥
ইত্থং সুদং জেন্তা থেরী গাথাযো অভাসিত্থাতি।
৩. সুমঙ্গলমাতাথেরীগাথা
২৩.
‘‘সুমুত্তিকা
অহিরিকো মে ছত্তকং ৰাপি, উক্খলিকা মে দেড্ডুভং ৰাতি॥
২৪.
‘‘রাগঞ্চ অহং দোসঞ্চ, চিচ্চিটি চিচ্চিটীতি ৰিহনামি।
সা রুক্খমূলমুপগম্ম, অহো সুখন্তি সুখতো ঝাযামী’’তি॥
… সুমঙ্গলমাতা থেরী
৪. অড্ঢকাসিথেরীগাথা
২৫.
‘‘যাৰ কাসিজনপদো, সুঙ্কো মে তত্থকো অহু।
তং কত্ৰা নেগমো অগ্ঘং, অড্ঢেনগ্ঘং ঠপেসি মং॥
২৬.
‘‘অথ
মা পুন জাতিসংসারং, সন্ধাৰেয্যং পুনপ্পুনং।
তিস্সো ৰিজ্জা সচ্ছিকতা, কতং বুদ্ধস্স সাসন’’ন্তি॥
… অড্ঢকাসি থেরী…।
৫. চিত্তাথেরীগাথা
২৭.
‘‘কিঞ্চাপি খোম্হি কিসিকা, গিলানা বাল়্হদুব্বলা।
দণ্ডমোলুব্ভ গচ্ছামি, পব্বতং অভিরূহিয॥
২৮.
‘‘সঙ্ঘাটিং নিক্খিপিত্ৰান, পত্তকঞ্চ নিকুজ্জিয।
সেলে খম্ভেসিমত্তানং, তমোখন্ধং পদালিযা’’তি॥
… চিত্তা থেরী…।
৬. মেত্তিকাথেরীগাথা
২৯.
‘‘কিঞ্চাপি খোম্হি দুক্খিতা, দুব্বলা গতযোব্বনা।
দণ্ডমোলুব্ভ গচ্ছামি, পব্বতং অভিরূহিয॥
৩০.
‘‘নিক্খিপিত্ৰান
নিসিন্না চম্হি সেলম্হি, অথ চিত্তং ৰিমুচ্চি মে।
তিস্সো
… মেত্তিকা থেরী…।
৭. মিত্তাথেরীগাথা
৩১.
‘‘চাতুদ্দসিং পঞ্চদসিং, যা চ পক্খস্স অট্ঠমী।
পাটিহারিযপক্খঞ্চ, অট্ঠঙ্গসুসমাগতং॥
৩২.
‘‘উপোসথং
সাজ্জ একেন ভত্তেন, মুণ্ডা সঙ্ঘাটিপারুতা।
দেৰকাযং ন পত্থেহং, ৰিনেয্য হদযে দর’’ন্তি॥
… মিত্তা থেরী…।
৮. অভযমাতুথেরীগাথা
৩৩.
‘‘উদ্ধং পাদতলা অম্ম, অধো ৰে কেসমত্থকা।
পচ্চৰেক্খস্সুমং কাযং, অসুচিং পূতিগন্ধিকং॥
৩৪.
‘‘এৰং
পরিল়াহো সমুচ্ছিন্নো, সীতিভূতাম্হি নিব্বুতা’’তি॥
… অভযমাতু থেরী…।
৯. অভযাথেরীগাথা
৩৫.
‘‘অভযে ভিদুরো কাযো, যত্থ সতা পুথুজ্জনা।
নিক্খিপিস্সামিমং দেহং, সম্পজানা সতীমতী॥
৩৬.
‘‘বহূহি দুক্খধম্মেহি, অপ্পমাদরতায মে।
তণ্হক্খযো অনুপ্পত্তো, কতং বুদ্ধস্স সাসন’’ন্তি॥
… অভযা থেরী…।
১০. সামাথেরীগাথা
৩৭.
‘‘চতুক্খত্তুং
অলদ্ধা চেতসো সন্তিং, চিত্তে অৰসৰত্তিনী।
তস্সা মে অট্ঠমী রত্তি, যতো তণ্হা সমূহতা॥
৩৮.
‘‘বহূহি দুক্খধম্মেহি, অপ্পমাদরতায মে।
তণ্হক্খযো অনুপ্পত্তো, কতং বুদ্ধস্স সাসন’’ন্তি॥
… সামা থেরী…।
দুকনিপাতো নিট্ঠিতো।