২০. ফুস্সবুদ্ধৰংসো
১.
তত্থেৰ মণ্ডকপ্পম্হি, অহু সত্থা অনুত্তরো।
অনুপমো অসমসমো, ফুস্সো লোকগ্গনাযকো॥
২.
সোপি সব্বং তমং হন্ত্ৰা, ৰিজটেত্ৰা মহাজটং।
সদেৰকং তপ্পযন্তো, অভিৰস্সি অমতম্বুনা॥
৩.
ধম্মচক্কং পৰত্তেন্তে, ফুস্সে নক্খত্তমঙ্গলে।
কোটিসতসহস্সানং, পঠমাভিসমযো অহু॥
৪.
নৰুতিসতসহস্সানং
অসীতিসতসহস্সানং, ততিযাভিসমযো অহু॥
৫.
সন্নিপাতা তযো আসুং, ফুস্সস্সাপি মহেসিনো।
খীণাসৰানং ৰিমলানং, সন্তচিত্তান তাদিনং॥
৬.
সট্ঠিসতসহস্সানং
পঞ্ঞাসসতসহস্সানং, দুতিযো আসি সমাগমো॥
৭.
চত্তারীসসতসহস্সানং, ততিযো আসি সমাগমো।
অনুপাদা ৰিমুত্তানং, ৰোচ্ছিন্নপটিসন্ধিনং॥
৮.
অহং তেন সমযেন, ৰিজিতাৰী নাম খত্তিযো।
ছড্ডযিত্ৰা মহারজ্জং, পব্বজিং তস্স সন্তিকে॥
৯.
সোপি
‘‘দ্ৰেনৰুতে ইতো কপ্পে, অযং বুদ্ধো ভৰিস্সতি॥
১০.
‘‘পধানং পদহিত্ৰান…পে॰…
১১.
তস্সাপি ৰচনং সুত্ৰা, ভিয্যো চিত্তং পসাদযিং।
উত্তরিং ৰতমধিট্ঠাসিং, দসপারমিপূরিযা॥
১২.
সুত্তন্তং
সব্বং পরিযাপুণিত্ৰা, সোভযিং জিনসাসনং॥
১৩.
তত্থপ্পমত্তো
অভিঞ্ঞাসু পারমিং গন্ত্ৰা, ব্রহ্মলোকমগঞ্ছহং॥
১৪.
কাসিকং নাম নগরং, জযসেনো নাম খত্তিযো।
সিরিমা নাম জনিকা, ফুস্সস্সাপি মহেসিনো॥
১৫.
নৰৰস্সসহস্সানি, অগারং অজ্ঝ সো ৰসি।
গরুল়পক্খ হংস সুৰণ্ণভারা, তযো পাসাদমুত্তমা॥
১৬.
তিংসইত্থিসহস্সানি, নারিযো সমলঙ্কতা।
কিসাগোতমী নাম নারী, অনূপমো নাম অত্রজো॥
১৭.
নিমিত্তে চতুরো দিস্ৰা, হত্থিযানেন নিক্খমি।
ছমাসং পধানচারং, অচরী পুরিসুত্তমো॥
১৮.
ব্রহ্মুনা যাচিতো সন্তো, ফুস্সো লোকগ্গনাযকো।
ৰত্তি চক্কং মহাৰীরো, মিগদাযে নরুত্তমো॥
১৯.
সুরক্খিতো ধম্মসেনো, অহেসুং অগ্গসাৰকা।
সভিযো নামুপট্ঠাকো, ফুস্সস্সাপি মহেসিনো॥
২০.
চালা
বোধি তস্স ভগৰতো, আমণ্ডোতি পৰুচ্চতি॥
২১.
ধনঞ্চযো ৰিসাখো চ, অহেসুং অগ্গুপট্ঠকা।
পদুমা চেৰ নাগা চ, অহেসুং অগ্গুপট্ঠিকা॥
২২.
অট্ঠপণ্ণাসরতনং
সোভতে সতরংসীৰ, উল়ুরাজাৰ পূরিতো॥
২৩.
নৰুতিৰস্সসহস্সানি, আযু ৰিজ্জতি তাৰদে।
তাৰতা তিট্ঠমানো সো, তারেসি জনতং বহুং॥
২৪.
ওৰদিত্ৰা
সোপি সত্থা অতুলযসো, নিব্বুতো সো সসাৰকো॥
২৫.
ফুস্সো জিনৰরো সত্থা, সেনারামম্হি নিব্বুতো।
ধাতুৰিত্থারিকং আসি, তেসু তেসু পদেসতোতি॥
ফুস্সস্স ভগৰতো ৰংসো অট্ঠারসমো।