18. д̇хаммахад̣̇аяавибхан̇г̇о
1. саб̣б̣асан̇г̇аахигаваараван̣н̣анаа
978. ид̣̇аани
979. звам̣ д̣̇асахи ваарзхи барижчиннааяа баал̣ияаа батамз д̇аава саб̣б̣асан̇г̇аахигаваарз ‘‘авийжид̇о яаава бхаваг̇г̇ам̣ зд̇т̇анд̇арз гад̇и канд̇хаа’’д̇и бужчид̇з ‘‘згод̇и ваа…бз… жад̇д̇аарод̇и ваа чаад̇и ваа авад̇ваа бан̃жаад̇и вад̇д̇ум̣ самад̇т̇о ан̃н̃о над̇т̇ий’’д̇и ад̇д̇ано н̃аан̣аб̣алам̣ д̣̇ийбзнд̇о бан̃жагканд̇хаад̇и бужчаануруубам̣ виссаж̇ж̇анам̣ ааха. яат̇аабужчам̣ виссаж̇ж̇анан̃хи саб̣б̣ан̃н̃уб̣яаагаран̣ам̣ наамаад̇и вужжад̇и. д̣̇ваад̣̇асааяад̇анаанийд̇иаад̣̇ийсуби зсзва наяо. руубагканд̇хаад̣̇ийнам̣ бабхзд̣̇о канд̇хавибхан̇г̇аад̣̇ийсу вуд̇д̇анаязнзва взд̣̇ид̇аб̣б̣о.
2. уббад̇д̇аануббад̇д̇иваараван̣н̣анаа
991. д̣̇уд̇ияаваарз гаамад̇хаад̇уяаа бан̃жагканд̇хаад̇иаад̣̇и вуд̇д̇ам̣. руубад̇хаад̇уаад̣̇ийсуби зсзва наяо. яасмаа бана руубад̇хаад̇убарияаабаннаанам̣ сад̇д̇аанам̣ гхаанааяад̇анаад̣̇ийнам̣ абхаавзна г̇анд̇хааяад̇анаад̣̇ийни ааяад̇анаад̣̇игижжам̣ на гаронд̇и, д̇асмаа руубад̇хаад̇уяаа ча ааяад̇анаани, нава д̇хаад̇уяод̇иаад̣̇и вуд̇д̇ам̣ абарияаабаннз гад̇и канд̇хаад̇иаад̣̇и вуд̇д̇ам̣.
3. барияаабаннаабарияаабаннаваараван̣н̣анаа
999. д̇ад̇ияаваарз гаамад̇хаад̇убарияаабаннаад̇и гаамад̇хаад̇убхаж̇анадтзна барияаабаннаа; д̇ам̣ниссид̇аа д̇ад̣̇анд̇ог̇ад̇хаа гаамад̇хаад̇уд̇взва сан̇кам̣ г̇ад̇аад̇и ад̇т̇о. сзсабад̣̇зсуби зсзва наяо. барияаабаннаад̇и бхававасзна огаасавасзна жа барижчиннаа. абарияаабаннаад̇и д̇ат̇аа абарижчиннаа.
4. д̇хаммад̣̇ассанаваараван̣н̣анаа
1007. жад̇уд̇т̇аваарз згаад̣̇асааяад̇анаанийд̇и сад̣̇д̣̇ааяад̇анаваж̇ж̇аани. д̇ан̃хи зганд̇зна бадисанд̇хияам̣ нуббаж̇ж̇ад̇и. иминаа наязна саб̣б̣ад̇т̇а ад̇т̇о взд̣̇ид̇аб̣б̣о. сад̇д̇агз ‘‘д̣̇зваанам̣ асураана’’нд̇и г̇ад̇ивасзна авад̇ваа ависзсзна г̇аб̣бхасзяяагаананд̇и вуд̇д̇ам̣. д̇асмаа яад̇т̇а яад̇т̇а г̇аб̣бхасзяяагаа самбхаванд̇и д̇ад̇т̇а д̇ад̇т̇а д̇зсам̣ сад̇д̇ааяад̇анаани взд̣̇ид̇аб̣б̣аани. д̇ат̇аа д̇хаад̇уяо. сзсамзд̇т̇а уд̇д̇аанад̇т̇амзва. бан̃жамаваарз яам̣ вад̇д̇аб̣б̣ам̣ д̇ам̣ д̇хаммасан̇г̇ахадтагат̇ааяам̣ вуд̇д̇амзва.
6. уббаад̣̇агагаммаааяуббамаан̣аваараван̣н̣анаа
(1.) уббаад̣̇агагаммам̣
1021. чадтаваарз д̣̇зваа. саммуд̇ид̣̇зваад̇и ‘д̣̇зво, д̣̇звий’д̇и звам̣ логасаммуд̇ияаа д̣̇зваа. убабад̇д̇ид̣̇зваад̇и д̣̇звалогз уббаннад̇д̇аа убабад̇д̇ияаа д̣̇зваа. висуд̣̇д̇хид̣̇зваад̇и саб̣б̣зсам̣ д̣̇зваанам̣ бууж̇аарахаа саб̣б̣агилзсависуд̣̇д̇хияаа д̣̇зваа. рааж̇аанод̇и муд̣̇д̇хаабхисид̇д̇акад̇д̇ияаа. д̣̇звияод̇и д̇зсам̣ махзсияо. гумаараад̇и абхисид̇д̇арааж̇уунам̣ абхисид̇д̇ад̣̇звияаа гужчисмим̣ уббаннагумаараа.
убосат̇агаммам̣ гад̇ваад̇и жаад̇уд̣̇д̣̇асаад̣̇ийсу адтан̇г̇асаманнааг̇ад̇ам̣ убосат̇ам̣ убавасид̇ваа. ид̣̇аани яасмаа барид̇д̇ад̣̇аанаад̣̇ибун̃н̃агаммам̣ мануссасобхаг̇яад̇ааяа бажжаяо, мад̇д̇асо гад̇ам̣ мануссасобхаг̇яад̇ааяа ад̇химад̇д̇ам̣, ад̇химад̇д̇абхаавзби наанаббагаарабхзд̣̇ад̇о наанаббагаарасса кад̇д̇ияамахаасаалаад̣̇ибхаавасса бажжаяо, д̇асмаа д̇асса васзна убабад̇д̇ибхзд̣̇ам̣ д̣̇ассзнд̇о аббзгажжз г̇ахабад̇имахаасаалаананд̇иаад̣̇имааха. д̇ад̇т̇а г̇ахабад̇имахаасаалаа. сзсзсуби зсзва наяо. д̇ад̇т̇а яасса г̇зхз бажчиманд̇зна жад̇д̇аалийсагодид̇ханам̣ нид̇хаанаг̇ад̇ам̣ ход̇и, гахаабан̣аанан̃жа бан̃жа амб̣ан̣аани д̣̇ивасавал̣ан̃ж̇о нигкамад̇и – аяам̣ г̇ахабад̇имахаасаало наама. яасса бана г̇зхз бажчиманд̇зна асийд̇игодид̇ханам̣ нид̇хаанаг̇ад̇ам̣ ход̇и, гахаабан̣аанан̃жа д̣̇асаамб̣ан̣аани д̣̇ивасавал̣ан̃ж̇о нигкамад̇и – аяам̣ б̣раахман̣амахаасаало наама. яасса бана г̇зхз бажчиманд̇зна годисад̇ад̇ханам̣ нид̇хаанаг̇ад̇ам̣ ход̇и, гахаабан̣аанан̃жа вийсад̇и амб̣ан̣аани д̣̇ивасавал̣ан̃ж̇о нигкамад̇и – аяам̣ кад̇д̇ияамахаасаало наама.
сахаб̣яад̇анд̇и сахабхаавам̣; сабхааг̇аа худ̇ваа ниб̣б̣ад̇д̇анд̇ийд̇и ад̇т̇о. жаад̇умахаарааж̇игаананд̇иаад̣̇ийсу жаад̇умахаарааж̇игаа наама синзрубаб̣б̣ад̇асса взмаж̇жхз хонд̇и. д̇зсу баб̣б̣ад̇адтагааби ад̇т̇и, аагаасадтааби; д̇зсам̣ барамбараа жаггаваал̣абаб̣б̣ад̇ам̣ бад̇д̇аа. кид̣д̣аабад̣̇осигаа, манобад̣̇осигаа, сийд̇авалаахагаа, ун̣хавалаахагаа, жанд̣̇имаа д̣̇звабуд̇д̇о, суурияо д̣̇звабуд̇д̇од̇и зд̇з саб̣б̣зби жаад̇умахаарааж̇игад̣̇звалогадтагаа зва.
д̇зд̇д̇им̣са д̇аавад̇им̣саа. абижа д̇аавад̇им̣саад̇и д̇зсам̣ д̣̇зваанам̣ наамамзваад̇и вуд̇д̇ам̣. д̇зби ад̇т̇и баб̣б̣ад̇адтагаа, ад̇т̇и аагаасадтагаа. д̇зсам̣ барамбараа жаггаваал̣абаб̣б̣ад̇ам̣ бад̇д̇аа. д̇ат̇аа яаамаад̣̇ийнам̣. згад̣̇звалогзби хи д̣̇зваанам̣ барамбараа жаггаваал̣абаб̣б̣ад̇ам̣ аббад̇д̇аа наама над̇т̇и. д̇ад̇т̇а д̣̇иб̣б̣ам̣ сукам̣ яаад̇аа баяаад̇аа самбад̇д̇аад̇и яаамаа. д̇удтаа бахадтаад̇и д̇усид̇аа. багад̇ибадияад̇д̇аарамман̣ад̇о ад̇ирзгзна рамид̇угаамагаалз яат̇ааружид̇з бхог̇з нимминид̇ваа раманд̇ийд̇и ниммаанарад̇ий. жид̇д̇аажаарам̣ н̃ад̇ваа барзхи ниммид̇зсу бхог̇зсу васам̣ вад̇д̇знд̇ийд̇и бараниммид̇авасавад̇д̇ий.
(2.) ааяуббамаан̣ам̣
1022. аббам̣ ваа бхияяод̇и д̣̇уд̇ияам̣ вассасад̇ам̣ аббад̇ваа вийсааяа ваа д̇им̣сааяа ваа жад̇д̇аалийсааяа ваа бан̃н̃аасааяа ваа садтияаа ваа вассзхи ад̇хигамби вассасад̇анд̇и ад̇т̇о. саб̣б̣амби хзд̇ам̣ д̣̇уд̇ияам̣ вассасад̇ам̣ аббад̇д̇ад̇д̇аа аббанд̇и вуд̇д̇ам̣.
1024. б̣рахмабаарисаж̇ж̇аад̣̇ийсу махааб̣рахмаанам̣ баарисаж̇ж̇аа барижааригаад̇и б̣рахмабаарисаж̇ж̇аа. д̇зсам̣ бурохид̇абхаавз тид̇аад̇и б̣рахмабурохид̇аа. ван̣н̣аванд̇ад̇ааяа махааб̣рахмаанам̣. имз д̇аяоби ж̇анаа батамаж̇жхаанабхуумияам̣ згад̇алз васанд̇и; ааяуанд̇арам̣ бана нзсам̣ наанаа.
1025. барид̇д̇аа аабхаа зд̇зсанд̇и барид̇д̇аабхаа. аббамаан̣аа аабхаа зд̇зсанд̇и аббамаан̣аабхаа. д̣̇ан̣д̣ад̣̇ийбигааяа ажжи вияа зд̇зсам̣ сарийрад̇о аабхаа чиж̇ж̇ид̇ваа чиж̇ж̇ид̇ваа бад̇анд̇ий вияа сарад̇и висарад̇ийд̇и аабхассараа. имзби д̇аяо ж̇анаа д̣̇уд̇ияаж̇жхаанабхуумияам̣ згад̇алз васанд̇и; ааяуанд̇арам̣ бана нзсам̣ наанаа.
1026. барид̇д̇аа субхаа зд̇зсанд̇и барид̇д̇асубхаа. аббамаан̣аа субхаа зд̇зсанд̇и аббамаан̣асубхаа. субхзна огин̣н̣аа вигин̣н̣аа, субхзна сарийраббабхааван̣н̣зна згаг̇гханаа, суван̣н̣аман̃ж̇усааяа табид̇асамбаж̇ж̇алид̇аган̃жанабин̣д̣асассирийгаад̇и субхагин̣хаа. имзби д̇аяо ж̇анаа д̇ад̇ияаж̇жхаанабхуумияам̣ згад̇алз васанд̇и; ааяуанд̇арам̣ бана нзсам̣ наанаа.
1027. аарамман̣анаанад̇д̇ад̇аад̇и манасигааранаанад̇д̇ад̇аад̣̇ийсуби зсзва наяо. зд̇т̇а згасса бат̇авийгасин̣ам̣ аарамман̣ам̣ ход̇и…бз… згасса од̣̇аад̇агасин̣анд̇и ид̣̇ам̣ аарамман̣анаанад̇д̇ам̣. зго бат̇авийгасин̣ам̣ манаси гарод̇и…бз… зго од̣̇аад̇агасин̣анд̇и ид̣̇ам̣ манасигааранаанад̇д̇ам̣. згасса бат̇авийгасин̣з чанд̣̇о ход̇и…бз… згасса од̣̇аад̇агасин̣зд̇и ид̣̇ам̣ чанд̣̇анаанад̇д̇ам̣. зго бат̇авийгасин̣з бад̇т̇анам̣ гарод̇и…бз… зго од̣̇аад̇агасин̣зд̇и ид̣̇ам̣ бан̣ид̇хинаанад̇д̇ам̣. зго бат̇авийгасин̣авасзна ад̇химужжад̇и…бз… зго од̣̇аад̇агасин̣авасзнаад̇и ид̣̇ам̣ ад̇химогканаанад̇д̇ам̣. зго бат̇авийгасин̣авасзна жид̇д̇ам̣ абхинийхарад̇и…бз… зго абхинийхааранаанад̇д̇ам̣. згасса бат̇авийгасин̣абарижчинд̣̇анагабан̃н̃аа ход̇и…бз… згасса од̣̇аад̇агасин̣абарижчинд̣̇анагабан̃н̃аад̇и ид̣̇ам̣ бан̃н̃аанаанад̇д̇ам̣. д̇ад̇т̇а аарамман̣аманасигаараа буб̣б̣абхааг̇зна гат̇ид̇аа. чанд̣̇абан̣ид̇хиад̇химогкаабхинийхаараа аббанааяаби вад̇д̇анд̇и убажаарзби. бан̃н̃аа бана логияалогуд̇д̇арамиссагаа гат̇ид̇аа.
асан̃н̃асад̇д̇аананд̇и сан̃н̃аавирахид̇аанам̣ сад̇д̇аанам̣. згажжз хи д̇ид̇т̇ааяад̇анз баб̣б̣аж̇ид̇ваа ‘жид̇д̇ам̣ ниссааяа раж̇ж̇анад̣̇уссанамуяханаани наама хонд̇ий’д̇и жид̇д̇з д̣̇осам̣ д̣̇исваа ‘ажид̇д̇агабхааво наама собхано, д̣̇идтад̇хамманиб̣б̣аанамзд̇а’нд̇и
вибулаа палаа зд̇зсанд̇и взхабпалаа. ад̇д̇ано самбад̇д̇ияаа на хааяанд̇и на вихааяанд̇ийд̇и авихаа. на ган̃жи сад̇д̇ам̣ д̇аббанд̇ийд̇и ад̇аббаа. сунд̣̇араа д̣̇ассанаа абхируубаа баасаад̣̇игаад̇и суд̣̇ассаа. судта бассанд̇и, сунд̣̇арамзд̇зсам̣ ваа д̣̇ассананд̇и суд̣̇ассий. саб̣б̣зхи зва г̇ун̣зхи жа бхавасамбад̇д̇ияаа жа ж̇здтаа, над̇т̇зд̇т̇а ганидтаад̇и аганидтаа.
1028. аагаасаанан̃жааяад̇анам̣ убаг̇ад̇аад̇и аагаасаанан̃жааяад̇ануубаг̇аа. ид̇арзсуби зсзва наяо
д̇ад̇т̇а саммаасамб̣уд̣̇д̇хзна мануссаанам̣ д̣̇зваанан̃жа ааяум̣ барижчинд̣̇амаанзна жад̇уусу абааязсу бхуммад̣̇звзсу жа ааяу барижчиннам̣ д̇ам̣ гасмаад̇и? нираяз д̇аава гаммамзва бамаан̣ам̣. яаава гаммам̣ на кийяад̇и, на д̇аава жаванд̇и. д̇ат̇аа сзсаабааязсу. бхуммад̣̇зваанамби гаммамзва бамаан̣ам̣. д̇ад̇т̇а ниб̣б̣ад̇д̇аа хи гзжи
д̇ад̇т̇а мануссзсу г̇ихибхаавз тид̇ааязва сод̇аабаннааби хонд̇и, сагад̣̇ааг̇аамипаламби анааг̇аамипаламби арахад̇д̇апаламби баабун̣анд̇и. д̇зсу сод̇аабаннаад̣̇аяо яааваж̇ийвам̣ д̇идтанд̇и. кийн̣аасаваа бана бариниб̣б̣ааяанд̇и ваа баб̣б̣аж̇анд̇и ваа. гасмаа? арахад̇д̇ам̣ наама сздтаг̇ун̣о, г̇ихилин̇г̇ам̣ хийнам̣, д̇ам̣ хийнад̇ааяа уд̇д̇амам̣ г̇ун̣ам̣ д̇хаарзд̇ум̣ на саггод̇и. д̇асмаа д̇з бариниб̣б̣аад̇угаамаа ваа баб̣б̣аж̇ид̇угаамаа ваа хонд̇и.
бхуммад̣̇зваа бана арахад̇д̇ам̣ бад̇вааби яааваж̇ийвам̣ д̇идтанд̇и. часу гаамааважарад̣̇звзсу сод̇аабаннасагад̣̇ааг̇аамино яааваж̇ийвам̣ д̇идтанд̇и; анааг̇ааминаа руубабхавам̣ г̇анд̇ум̣ ваддад̇и, кийн̣аасавзна бариниб̣б̣аад̇ум̣. гасмаа
адтасамаабад̇д̇илаабхийнам̣ бана гим̣ нияамзд̇и? баг̇ун̣аж̇жхаанам̣. яад̣̇звасса баг̇ун̣ам̣ ход̇и, д̇зна уббаж̇ж̇ад̇и. саб̣б̣зсу бана баг̇ун̣зсу гим̣ нияамзд̇и? бад̇т̇анаа. яад̇т̇а убабад̇д̇им̣ бад̇т̇зд̇и д̇ад̇т̇зва убабаж̇ж̇ад̇и. бад̇т̇анааяа асад̇и гим̣ нияамзд̇и? маран̣асамаяз самаабаннаа самаабад̇д̇и. маран̣асамаяз самаабаннаа над̇т̇и, гим̣ нияамзд̇и? нзвасан̃н̃аанаасан̃н̃ааяад̇анасамаабад̇д̇и. згам̣сзна хи со нзвасан̃н̃аанаасан̃н̃ааяад̇анз убабаж̇ж̇ад̇и. навасу б̣рахмалогзсу ниб̣б̣ад̇д̇аарияасаавагаанам̣ д̇ад̇руубабад̇д̇иби ход̇и убаруубабад̇д̇иби на хздтуубабад̇д̇и. бут̇уж̇ж̇анаанам̣ бана д̇ад̇руубабад̇д̇иби ход̇и убаруубабад̇д̇иби сздтабхаваа наама. имзсу д̇ийсу таанзсу ниб̣б̣ад̇д̇аанааг̇аамино нзва уд̣̇д̇хам̣ г̇ажчанд̇и, на ад̇хо, д̇ад̇т̇а д̇ад̇т̇зва бариниб̣б̣ааяанд̇ийд̇и. ид̣̇амзд̇т̇а багин̣н̣агам̣.
7. абхин̃н̃зяяаад̣̇иваараван̣н̣анаа
1030. сад̇д̇амаваарз абхин̃н̃зяяад̇аа взд̣̇ид̇аб̣б̣аа. н̃аад̇ад̇ийран̣абахаанабарин̃н̃аанам̣ васзна барин̃н̃зяяад̇аа. саа жа руубагканд̇хо абхин̃н̃зяяо барин̃н̃зяяо на бахаад̇аб̣б̣од̇иаад̣̇ийсу н̃аад̇ад̇ийран̣абарин̃н̃аавасзнзва взд̣̇ид̇аб̣б̣аа. самуд̣̇аяасажжам̣ абхин̃н̃зяяам̣ барин̃н̃зяяам̣ бахаад̇аб̣б̣анд̇иаад̣̇ийсу бахаанабарин̃н̃аавасзна.
адтамаваарз руубаад̣̇иаарамман̣аанам̣ жагкувин̃н̃аан̣аад̣̇ийнам̣ васзна саарамман̣аанаарамман̣ад̇аа взд̣̇ид̇аб̣б̣аа. навамавааро уд̇д̇аанад̇т̇оязва. д̣̇асамаваарзби яам̣ вад̇д̇аб̣б̣ам̣ сияаа д̇ам̣ саб̣б̣ам̣ д̇ад̇т̇а д̇ад̇т̇а бан̃хаабужчагаваарз вуд̇д̇амзваад̇и.
саммохавинод̣̇анияаа вибхан̇г̇адтагат̇ааяа
д̇хаммахад̣̇аяавибхан̇г̇аван̣н̣анаа нидтид̇аа.
ниг̇аманагат̇аа
зд̇д̇аавад̇аа
абхид̇хаммам̣ д̣̇зсзнд̇о, д̇хаммаг̇ару д̇хаммаг̇аараваяуд̇д̇аанам̣;
д̣̇зваанам̣ д̣̇звабурз, д̣̇зваг̇ан̣асахассабаривааро.
д̣̇уд̇ияам̣ вибхан̇г̇абагаран̣ам̣ наат̇о;
адтаарасахи вибхан̇г̇зхи, ман̣д̣ид̇аман̣д̣абзяяаг̇ун̣о.
ад̇т̇аббагаасанад̇т̇ам̣, д̇ассаахам̣ яаажид̇о тид̇аг̇ун̣зна;
яад̇инаа ад̣̇анд̇хаг̇ад̇инаа, суб̣уд̣̇д̇хинаа б̣уд̣̇д̇хагхосзна.
яам̣ аарабхим̣ ражаяид̇ум̣, адтагат̇ам̣ сунибун̣зсу ад̇т̇зсу;
саммохавинод̣̇анад̇о, саммохавинод̣̇аним̣ наама.
бораан̣адтагат̇аанам̣, саарам̣ аад̣̇ааяа саа аяам̣ нидтам̣;
бад̇д̇аа ананд̇арааязна, баал̣ияаа бхаан̣аваарзхи.
жад̇д̇аалийсааяа яат̇аа, згзна жа звамзва саб̣б̣зби;
нидтам̣ важ̇анд̇у вималаа, манорат̇аа саб̣б̣асад̇д̇аанам̣.
сад̣̇д̇хаммасса тид̇ад̇т̇ам̣, яан̃жа имам̣ ражаяад̇аа маяаа бун̃н̃ам̣;
бад̇д̇ам̣ д̇зна самад̇д̇ам̣, баабун̣ад̇у сад̣̇зваго лого.
сужирам̣ д̇идтад̇у д̇хаммо, д̇хаммаабхирад̇о сад̣̇аа бхавад̇у лого;
нижжам̣ кзмасубхигкаад̣̇и-самбад̣̇аа ж̇анабад̣̇аа хонд̇ууд̇и.
барамависуд̣̇д̇хасад̣̇д̇хааб̣уд̣̇д̇хивийрияабадиман̣д̣ид̇зна сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяасамуд̣̇ид̇зна сагасамаяасамаяанд̇араг̇аханаж̇жхог̇аахан̣асамад̇т̇зна бан̃н̃аавзяяад̇д̇ияасаманнааг̇ад̇зна д̇ибидагабарияад̇д̇иббабхзд̣̇з саадтагат̇з сад̇т̇усаасанз аббадихад̇ан̃аан̣аббабхаавзна махаавзяяаагаран̣зна б̣уд̣̇д̇хагхосод̇и г̇аруухи г̇ахид̇анаамад̇хзяязна т̇зрзна гад̇аа аяам̣ саммохавинод̣̇аний наама вибхан̇г̇адтагат̇аа.
д̇аава д̇идтад̇у логасмим̣, логанид̇т̇аран̣зсинам̣;
д̣̇ассзнд̇ий гулабуд̇д̇аанам̣, наяам̣ бан̃н̃аависуд̣̇д̇хияаа.
яаава б̣уд̣̇д̇ход̇и наамамби, суд̣̇д̇хажид̇д̇асса д̇аад̣̇ино;
логамхи логаж̇здтасса, бавад̇д̇ад̇и махзсинод̇и.
саммохавинод̣̇аний наама вибхан̇г̇а-адтагат̇аа нидтид̇аа.