24. жад̇увийсад̇имо барижчзд̣̇о
бажжаяанид̣̇д̣̇зсаван̣н̣анаа
1395. ид̣̇аани нзсам̣ бажжаяавид̇хим̣ д̣̇ассзд̇ум̣ ‘‘язса’’нд̇иаад̣̇и аарад̣̇д̇хам̣.
бадижжа бажжаяо, хинод̇и бад̇идтаад̇и зд̇т̇аад̇и хзд̇у, анзгад̇т̇ад̇д̇аа д̇хаад̇усад̣̇д̣̇аанам̣ хи-сад̣̇д̣̇о муула-сад̣̇д̣̇о вияа бад̇идтад̇т̇о взд̣̇ид̇аб̣б̣о, хинод̇и ваа зд̇зна гамманид̣̇аанабхууд̇зна уд̣̇д̇хам̣ ож̇ам̣ ад̇ихаранд̇зна муулзна вияа баад̣̇або д̇аббажжаяам̣ палам̣ г̇ажчад̇и вирул̣хим̣ аабаж̇ж̇ад̇ийд̇и хзд̇у, хзд̇у жа со мууладтзна, бажжаяо жа убагаарагадтзнаад̇и хзд̇убажжаяо, хзд̇у худ̇ваа бажжаяо хзд̇убхаавзна бажжаяод̇и ад̇т̇о.
звам̣ аарамман̣абажжаяаад̣̇ийсу д̣̇адтаб̣б̣ам̣. свааяам̣ бадисанд̇хияам̣ гаммасамудтаанаанам̣, бавад̇д̇ияам̣ жид̇д̇асамудтаанаанам̣ руубаанам̣, убхаяад̇т̇а сахаж̇аад̇анаамад̇хаммаанан̃жа бажжаяо. саб̣б̣алогияалогуд̇д̇аранд̇и иминаа бан̃н̃ад̇д̇ияааби логз вид̣̇ид̇абхаавзна логияабад̣̇зна сан̇г̇ахид̇ад̇д̇аа руубаад̣̇ибхзд̣̇зсу чаб̣б̣ид̇хзсу сан̇кад̇аасан̇кад̇абан̃н̃ад̇д̇ид̇хаммзсу на гожи д̇хаммо аарамман̣абажжаяо на ход̇ийд̇и д̣̇ассзд̇и. д̇знзва ‘‘яам̣ яам̣ д̇хаммам̣ аараб̣бхаа’’д̇и анияад̇о аараб̣бхаад̇и ааламб̣ид̇ваа, г̇ахзд̇ваад̇и ад̇т̇о. уббаж̇ж̇анд̇ийд̇и ид̣̇ам̣ нид̣̇ассанамад̇д̇ам̣. д̇з бана д̇ам̣ аараб̣бха уббаж̇ж̇анд̇и жзва д̇идтанд̇и жа. яат̇аа хи д̣̇уб̣б̣ало бурисо д̣̇ан̣д̣ам̣ ваа раж̇ж̇ум̣ ваа ааламб̣ид̇ваа удтахад̇и жзва д̇идтад̇и жа, звам̣ жид̇д̇ажзд̇асигаа д̇хаммаа руубаад̣̇иаарамман̣ам̣ ааламб̣ид̇ваа уббаж̇ж̇анд̇и жзва д̇идтанд̇и жаад̇и.
ж̇здтагадтзна убагаараго д̇хаммо ад̇хибад̇ибажжаяо. ж̇здтагадтзнаад̇и жа бамукабхаавзна. ад̇д̇аад̇хийнаанан̃хи бад̇ибхууд̇о д̇хаммо ад̇хибад̇ийд̇и со д̇зсам̣ бамукабхаавзна бавад̇д̇ад̇и. ‘‘чанд̣̇аад̇хибад̇и чанд̣̇асамбаяуд̇д̇агаанам̣ д̇хаммаанам̣ д̇ам̣самудтаанаанан̃жа руубаанам̣ ад̇хибад̇ибажжаязна бажжаяо’’д̇иаад̣̇иважанад̇о чанд̣̇аад̣̇аяо жад̇д̇ааро д̇хаммаа сахаж̇аад̇анаамаруубаанам̣ сахаж̇аад̇аад̇хибад̇ийд̇и д̣̇ассзнд̇о ааха ‘‘д̇ад̇т̇а сахаж̇аад̇аад̇хибад̇ий’’д̇иаад̣̇и. ‘‘чанд̣̇авад̇о гим̣ наама гаммам̣ на сиж̇жхад̇ий’’д̇иаад̣̇игам̣ буримаабхисан̇кааруубаниссаяам̣ лабхид̇ваа уббаж̇ж̇амаанз жид̇д̇уббаад̣̇з чанд̣̇аад̣̇аяо д̇хурабхууд̇аа ж̇здтагабхууд̇аа самбаяуд̇д̇ад̇хаммз, д̇ам̣самудтаанаруубз жа саад̇хаяамаанаа васз вад̇д̇аяамаанаа худ̇ваа бавад̇д̇анд̇и, д̇з жа д̇зсам̣ васзна вад̇д̇анд̇и хийнаад̣̇ибхаавзна д̇ад̣̇анувад̇д̇анад̇о. д̇зна д̇з ад̇хибад̇ибажжаяаа хонд̇и, но жа ко згад̇о. яад̣̇аа хи чанд̣̇ам̣ д̇хурам̣ чанд̣̇ам̣ ж̇здтагам̣ гад̇ваа жид̇д̇ам̣ бавад̇д̇ад̇и, д̇ад̣̇аа чанд̣̇ова ад̇хибад̇и, на ид̇арз. зса наяо сзсзсуби. ад̇хибад̇ибхаавоби хи нзсам̣ ад̇д̇ано бавад̇д̇иниваарагз абхибхуяяа бавад̇д̇анад̇о ход̇и. авасзсанд̇и яат̇аавуд̇д̇аанам̣ д̇зсам̣ г̇аругаад̇аб̣б̣ад̇аабхаавад̇о, г̇аругад̇ассзва жа г̇арум̣ гад̇ваад̇и г̇аругааражид̇д̇ийгааравасзна ваа ассаад̣̇анавасзна ваа г̇арум̣ бхааригам̣ лад̣̇д̇хаб̣б̣ам̣ анаван̃н̃аад̇ам̣ гад̇ваа. г̇аругаад̇аб̣б̣ан̃хи аарамман̣ам̣ д̇анниннабон̣абаб̣бхаараанам̣ ассаад̣̇анабажжавзгкан̣амаг̇г̇апалаанам̣ ад̇д̇ано васз вад̇д̇аяамаанам̣ вияа бажжаяо ход̇и, д̇асмаа аяам̣ ад̇д̇аад̇хийнаанам̣ бад̇ибхаавзна убагаарагад̇д̇аа ад̇хибад̇ибажжаяо д̣̇адтаб̣б̣о.
анд̇араяад̇ийд̇и анд̇арам̣, б̣яавад̇хааяаганд̇и ад̇т̇о, наасса анд̇арам̣ виж̇ж̇ад̇ийд̇и ананд̇аро, соязва бажжаяод̇и ананд̇арабажжаяо, ананд̇арабхаавзна убагаараго д̇хаммод̇и ад̇хиббааяо. ананд̇аранируд̣̇д̇хаад̇и ад̇д̇ано нирод̇хаананд̇арам̣ ануруубажид̇д̇уббаад̣̇асса уббад̇д̇ибажжаяабхаавзна д̇асса уббад̇д̇ияаа буримабхааг̇з ананд̇арам̣ худ̇ваа нируд̣̇д̇хаа, руубад̇хаммаа бана ананд̇арабажжаяаа над̇т̇и.
самананд̇арабхаавзна убагаараго д̇хаммо самананд̇арабажжаяо, д̇ат̇аа самананд̇арабажжаяобийд̇и табзд̇ваа убасаг̇г̇амад̇д̇ам̣ на зд̇т̇а гожи висзсо. яо хи ананд̇арабажжаяо, сова самананд̇арабажжаяод̇и. буримабажчимаанан̃хи ананд̇аруббаад̣̇абхаавад̇о ниранд̇аруббаад̣̇анасамад̇т̇ад̇аа ананд̇арабажжаяад̇аа, руубагалаабаанам̣ вияа сан̣таанаабхаавад̇о бажжаяабажжаяуббаннаанам̣ сахадтаанаабхаавад̇о жа ‘‘ид̣̇амид̇о уд̣̇д̇хам̣ хздтаа д̇ирияа’’нд̇и вибхааг̇аабхааваа ад̇д̇ано згад̇д̇амива убанзд̇ваа судту ананд̇арабхаавзна уббаад̣̇зд̇ум̣ самад̇т̇ад̇аа самананд̇арабажжаяад̇аа, д̇асмаа д̇хаммад̇о ависзсзби винзяяавасзна б̣яан̃ж̇анад̇т̇амад̇д̇ад̇о висзсам̣ г̇ахзд̇ваа д̇зсам̣ висум̣ д̣̇зсанаа гад̇аа. яамби ‘‘ад̇т̇аананд̇арад̇ааяа ананд̇арабажжаяо, гаалаананд̇арад̇ааяа самананд̇арабажжаяо’’д̇и аажарияаанам̣ мад̇ам̣, д̇ам̣ ‘‘нирод̇хаа вудтаханд̇асса
уббаж̇ж̇амаанова сахуббаад̣̇анавасзна убагаараго д̇хаммо сахаж̇аад̇абажжаяо багаасасса бад̣̇ийбо вияа, со банааяам̣ ‘‘жид̇д̇ажзд̇асигаа д̇хаммаа ан̃н̃аман̃н̃ам̣, сахаж̇аад̇аруубаанан̃жа, махаабхууд̇аа ан̃н̃аман̃н̃ам̣, убаад̣̇ааруубаанан̃жа, бадисанд̇хигкан̣з вад̇т̇увибаагаа ан̃н̃аман̃н̃а’’нд̇и жа д̇ивид̇хо ход̇и, д̇асмаа вуд̇д̇ам̣ ‘‘жид̇д̇ажзд̇асигаа’’д̇иаад̣̇и. яамби хи баал̣ияам̣ аруубагканд̇хаад̣̇ивасзнасса чаб̣б̣ид̇хад̇ам̣ вуд̇д̇ам̣, д̇амби зд̇т̇зва сан̇г̇ахид̇ам̣. яо банзд̇т̇а сзсаруубад̇хаммаанам̣, убхаяад̇т̇а вад̇т̇уно жа бавад̇д̇ияаа
ан̃н̃аман̃н̃ам̣ уббаад̣̇анубад̇т̇амбханабхаавзна ад̇д̇ано убагаарагасса убагаараго д̇хаммо ан̃н̃аман̃н̃абажжаяо. ан̃н̃аман̃н̃убад̇т̇амбхагад̇ид̣̇ан̣д̣агам̣ вияа убагаарагад̇аа жа ан̃н̃аман̃н̃ад̇аавасзнзва д̣̇адтаб̣б̣аа, на сахаж̇аад̇аад̣̇ивасзна. сахаж̇аад̇аад̣̇ибажжаяо хонд̇оязва хи гожи гассажи ан̃н̃аман̃н̃абажжаяо на ход̇и жид̇д̇ажзд̇асигаанам̣ жид̇д̇аж̇аруубз сад̇и, махаабхууд̇аанам̣ убаад̣̇ааруубз сад̇и ан̃н̃аман̃н̃абажжаяад̇д̇аабхаавад̇о. яат̇ааха ‘‘жад̇д̇ааро канд̇хаа аруубино ан̃н̃аман̃н̃абажжаязна бажжаяо, жад̇д̇ааро махаабхууд̇аа…бз… огганд̇игкан̣з наамаруубам̣ ан̃н̃аман̃н̃абажжаязна бажжаяо’’д̇и (бадтаа. 1.1.7). аажариязна бана бажжаяуббаннад̇хаммз абараамасид̇ваа вужжамаанад̇д̇аа ависзсзна вуд̇д̇ам̣ ‘‘д̇ат̇аа ан̃н̃аман̃н̃абажжаяо’’д̇и.
д̇аруаад̣̇ийнам̣ бат̇авий вияа ад̇хидтаанаагаарзна, жид̇д̇агаммаад̣̇ийнам̣ бадаад̣̇аяо вияа жа ниссаяаагаарзна убагаараго д̇хаммо вад̇т̇уруубаанийд̇и сад̇д̇аннам̣ вин̃н̃аан̣ад̇хаад̇уунам̣ ад̇хидтаанаагаарзна ниссаяабажжаяабхууд̇аани вад̇т̇уруубаани. махаабхууд̇аа жид̇д̇ажзд̇асигаа жаад̇и ан̃н̃аман̃н̃ам̣, убаад̣̇ааруубаанан̃жа д̇ат̇зва ниссаяабхууд̇аани махаабхууд̇аани ан̃н̃аман̃н̃ам̣, сахаж̇аад̇аруубаанан̃жа ниссаяаагаарзна бажжаяаани жид̇д̇ажзд̇асигаани, д̇ад̣̇ад̇хийнавуд̇д̇ид̇ааяа ад̇д̇ано палзна ниссид̇о на бадигкид̇д̇од̇и ниссаяо.
яат̇аа бана бхусо ааяаасо убааяаасо, звам̣ бхусо ниссаяо убаниссаяо, б̣алавагааран̣анд̇и ад̇т̇о, д̇асмаа б̣алавагааран̣абхаавзна убагаараго д̇хаммо убаниссаяабажжаяод̇и взд̣̇ид̇аб̣б̣о. со аарамман̣уубаниссаяо ананд̇аруубаниссаяо багад̇уубаниссаяод̇и д̇ивид̇ход̇и ааха ‘‘аарамман̣аа’’д̇иаад̣̇и. д̇ад̇т̇а –
‘‘д̣̇аанам̣ д̣̇ад̇ваа сийлам̣ самаад̣̇ияид̇ваа убосат̇агаммам̣ гад̇ваа д̇ам̣ г̇арум̣ гад̇ваа бажжавзгкад̇и, буб̣б̣з сужин̣н̣аани г̇арум̣ гад̇ваа бажжавзгкад̇и, жхаанаа вудтахид̇ваа жхаанам̣ г̇арум̣ гад̇ваа бажжавзгкад̇и, сзкаа г̇од̇рабхум̣ г̇арум̣ гад̇ваа бажжавзгканд̇и, вод̣̇аанам̣ г̇арум̣ гад̇ваа
звамаад̣̇инаа наязна аарамман̣уубаниссаяо д̇аава аарамман̣аад̇хибад̇инаа сад̣̇д̇хим̣ наанад̇д̇ам̣ агад̇ваава вибхад̇д̇о. д̇знааха ‘‘аарамман̣уубаниссаяо аарамман̣аад̇хибад̇иязваа’’д̇и. гин̃жааби наанад̇д̇ам̣ агад̇ваа вибхад̇д̇о, д̇ат̇ааби аяам̣ д̇зсам̣ висзсо – яам̣ аарамман̣ам̣ г̇арум̣ гад̇ваа жид̇д̇ажзд̇асигаа уббаж̇ж̇анд̇и, д̇ам̣ нияамад̇о д̇зсам̣ аарамман̣зсу б̣алаваарамман̣ам̣ ход̇и. ид̇и г̇аругаад̇аб̣б̣амад̇д̇адтзна аарамман̣аад̇хибад̇и, б̣алавагааран̣адтзна аарамман̣уубаниссаяод̇и жа звамзд̇зсам̣ наанад̇д̇ам̣ взд̣̇ид̇аб̣б̣ам̣.
ананд̇аруубаниссаяоби ‘‘ананд̇аруубаниссаяо бана ананд̇арабажжаяоваа’’д̇и. звам̣ санд̇зби ад̇д̇ано ананд̇араа ануруубажид̇д̇уббаад̣̇авасзна ананд̇арабажжаяо, б̣алавагааран̣авасзна ананд̇аруубаниссаяабажжаяод̇и звамзд̇зсам̣ наанад̇д̇ам̣ взд̣̇ид̇аб̣б̣ам̣.
багад̇ияаа зва бажжаяанд̇арарахид̇зна ад̇д̇ано сабхаавзнзва убаниссаяо багад̇уубаниссаяо, аарамман̣аананд̇арзхи амиссова бут̇аг̇зва гожи убаниссаяод̇и вуд̇д̇ам̣ ход̇и. ат̇а ваа багад̇о убаниссаяо багад̇уубаниссаяо. багад̇од̇и жзд̇т̇а ба-гааро убасаг̇г̇о, со ад̇д̇ано паласса уббаад̣̇анасамад̇т̇абхаавзна санд̇аанз нибпаад̣̇ид̇абхаавам̣, убасзвид̇абхааван̃жа д̣̇ийбзд̇и, д̇асмаа ад̇д̇ано санд̇аанз нибпанно ваа гааяигасукад̣̇угкасад̣̇д̇хаасийлаад̣̇и убасзвид̇о ваа уд̇убхож̇анаад̣̇и багад̇уубаниссаяод̇и ад̇т̇о. убасзванан̃жзд̇т̇а д̣̇увид̇хам̣ убаяог̇обасзванам̣ аарамман̣уубасзванан̃жа. зван̃жа гад̇ваа анааг̇ад̇ассааби убаниссаяабажжаяад̇аа лад̣̇д̇хаа ход̇и. гааяигасука…бз… яо жаад̇и зд̇т̇а гааяигасукад̣̇угкаани рааг̇асад̣̇д̇хаад̣̇ийнам̣, уд̇убхож̇анаад̣̇аяо жид̇д̇асамаад̇хаанаад̣̇ийнам̣, сад̣̇д̇хаасийлаад̣̇аяо сад̣̇д̇хаасийлаад̣̇ийнан̃жа убаниссаяаа хонд̇и. аад̣̇и-сад̣̇д̣̇зна яам̣ яам̣ убаниссааяа яасса яасса самбхаво, д̇ам̣ д̇ам̣ д̇асса д̇асса убаниссаяабажжаяабхууд̇ам̣ сан̇г̇ан̣хаад̇и. бажжаяамахаабад̣̇зсо хзса, яад̣̇ид̣̇ам̣ убаниссаяабажжаяод̇и.
бажжаяуббаннад̇о батамад̇арам̣ уббаж̇ж̇ид̇ваа вад̇д̇амаанабхаавзна убагаараго д̇хаммо бурзж̇аад̇абажжаяо. со ‘‘вад̇т̇убурзж̇аад̇о наамаа’’д̇иаад̣̇и. яат̇аа жзд̇т̇а ‘‘вад̇т̇уруубааний’’д̇и хад̣̇аяавад̇т̇уноби г̇ахан̣ам̣, звам̣ ‘‘руубаад̣̇ийний’’д̇иаад̣̇и-г̇г̇ахан̣зна д̇хаммаарамман̣ассааби г̇ахан̣ам̣ д̣̇адтаб̣б̣ам̣. нану жа бан̃жаарамман̣аанзва аарамман̣абурзж̇аад̇абхаавзна ааг̇ад̇аанийд̇и? сажжам̣ ааг̇ад̇аани, бан̃хааваарз бана ‘‘сзкаа ваа бут̇уж̇ж̇анаа ваа жагкум̣ анижжад̇о д̣̇угкад̇о анад̇д̇ад̇о вибассанд̇ий’’д̇иаад̣̇инаа (бадтаа. 1.1.424) ависзсзна бажжуббаннажагкаад̣̇ийнамби г̇ахид̇ад̇д̇аа д̇хаммаарамман̣асса аарамман̣абурзж̇аад̇абхааво на саггаа бадиб̣аахид̇ум̣. ад̇т̇ад̇оби хзд̇ам̣ сид̣̇д̇хам̣ ‘‘яам̣ яам̣ бажжуббаннам̣ аарамман̣ам̣ г̇ахзд̇ваа манод̣̇ваарз жид̇д̇ам̣ бавад̇д̇ад̇и, д̇ам̣ д̇асса аарамман̣абурзж̇аад̇ам̣ ход̇ий’’д̇и. зд̇т̇а жа ниссаяаарамман̣аагаараад̣̇ийхи висидтаа бурзж̇аад̇абхаавзна винаа убагаарабхаавам̣ аг̇ажчанд̇аанам̣ вад̇т̇аарамман̣аанам̣ бурзж̇аад̇аагаарзна убагаарагад̇аа бурзж̇аад̇абажжаяад̇аад̇и аяамасса ниссаяаарамман̣абажжаяад̇аахи висзсо.
г̇иж̇жхабод̇агасарийраанам̣ аахаараасаа жзд̇анаа вияа бурзж̇аад̇аанам̣ руубаанам̣ убад̇т̇амбхагабхаавзна убагаараго д̇хаммо бажчааж̇аад̇абажжаяо. маносан̃жзд̇анаахааравасзна хи бажчааж̇аад̇ажид̇д̇ажзд̇асигзхи винаа санд̇аанадтид̇ихзд̇убхаавам̣ аг̇ажчанд̇аанам̣ бажчааж̇аад̇аагаарзна жид̇д̇ажзд̇асигаанам̣ убагаарагад̇аа виббаяуд̇д̇аагаараад̣̇ийхи висидтаа бажчааж̇аад̇абажжаяад̇аад̇и звам̣ саб̣б̣абажжаяаанам̣ бажжаяанд̇араагаарависидтаа убагаарагад̇аа д̣̇адтаб̣б̣аа. со бана ‘‘бажчааж̇аад̇аа жид̇д̇ажзд̇асигаа д̇хаммаа бурзж̇аад̇асса имасса гааяасса бажчааж̇аад̇абажжаязна бажжаяо’’д̇и (бадтаа. 1.1.11) ааг̇ад̇ад̇д̇аа згавид̇ход̇и ааха ‘‘жид̇д̇ажзд̇асигааваа’’д̇и.
буримабуримабарижид̇аг̇ант̇о вияа уд̇д̇аруд̇д̇арасса г̇ант̇асса гусалаад̣̇ибхаавзна ад̇д̇асад̣̇исабаг̇ун̣аб̣алавабхаавависидтам̣ ад̇д̇асаж̇аад̇ияад̇ааг̇аахагам̣ аасзванабажжаяо. бхиннаж̇аад̇игаа хи бхиннаж̇аад̇игаанам̣ аасзванаг̇ун̣зна баг̇ун̣аб̣алавабхаавависидтам̣ гусалаад̣̇ибхаавасан̇каад̇ам̣ ад̇д̇ано г̇ад̇им̣ г̇аахаабзд̇ум̣ на саггонд̇и, на жа саяам̣ д̇ад̇о г̇ан̣ханд̇и. д̇з бана ананд̇араад̇ийд̇аани логияагусалаагусалаани жзва анааваж̇ж̇анагирияааж̇аванаани жаад̇и ааха ‘‘табзд̇ваа ааваж̇ж̇анад̣̇ваяа’’нд̇иаад̣̇и. ‘‘на маг̇г̇абажжаяаа аасзванз зга’’нд̇и (бадтаа. 1.1.221) важанад̇о ахзд̇угагирияаасу хасид̇уббаад̣̇ассзва аасзванабхаавзна, ааваж̇ж̇анад̣̇ваяам̣ аасзванабажжаяо на ход̇и, логуд̇д̇арамби гусалам̣ бхиннаж̇аад̇игассзва паласса бурзжарад̇д̇аа на д̇зна, аасзванаг̇ун̣ам̣ г̇ан̣хаабзд̇и, вибаагааб̣яаагад̇амби гаммавасзна аажарияад̇хаммабаалад̇т̇зрзна вуд̇д̇ам̣, д̇амби ‘‘язбхуяяавасзна вуд̇д̇а’’нд̇и вин̃н̃ааяад̇и, ид̇арат̇аа бана аажарияасса асамабзгкид̇аавид̇хааяагад̇д̇аббасан̇г̇ад̇о. д̇ат̇аа хи вуд̇д̇ам̣ бадтаанадтагат̇ааяам̣ ‘‘логуд̇д̇аро бана аасзванабажжаяо наама над̇т̇ий’’д̇и (бадтаа. адта. 1.12). маг̇г̇о бана г̇од̇рабхуд̇о аасзванам̣ на г̇ан̣хаад̇ийд̇и над̇т̇и бхуумиаад̣̇ивасзна наанааж̇аад̇игад̇ааяа анад̇хиббзд̇ад̇д̇аа. д̇ат̇аа хи вуд̇д̇ам̣ бадтаанз ‘‘г̇од̇рабху маг̇г̇асса аасзванабажжаязна бажжаяо, вод̣̇аанам̣ маг̇г̇асса аасзванабажжаязна бажжаяо’’д̇и (бадтаа. 1.1.426).
жид̇д̇аббаяог̇асан̇каад̇аааяууханагирияаабхаавзна сахаж̇аад̇аанам̣, наанагкан̣игаанан̃жа убагаараго д̇хаммо гаммабажжаяо сахаж̇аад̇аа, бажжаяуббаннад̇о наанагкан̣з бхаваа наанагкан̣игаа. сахаж̇аад̇аа логияалогуд̇д̇араа жзд̇анаад̇и самб̣анд̇хо. саа сахаж̇аад̇анаамаанам̣, д̇ам̣самудтаанаанан̃жа руубаанам̣ бажжаяо, ид̇араа бана вибаагагадад̇д̇ааруубаананд̇и д̣̇адтаб̣б̣ам̣. саасавагусалаагусалажзд̇анаад̇и ад̇д̇ано уббаад̣̇ависидтз санд̇аанз сзсабажжаяасамааг̇амз бавад̇д̇амаанаанам̣ вибаагагадад̇д̇ааруубаанам̣ санд̇аанависзсанагирияаабхаавзна убагааригаа гаамаруубааруубагусалажзд̇анаа, агусалажзд̇анаа жа. д̇ассаа хи д̇ат̇аа гирияаабхаавзна бавад̇д̇ад̇д̇аа д̇зсам̣ бавад̇д̇и, на ан̃н̃ат̇аа. ид̇араа бана сахаж̇аад̇аанам̣ ааяууханагирияаабхаавзна бавад̇д̇амаанаа убагааригаад̇и вад̇д̇аб̣б̣ам̣. авад̇хааран̣зна банзд̇т̇а жзд̇анаасамбаяуд̇д̇ам̣ абхиж̇жхаад̣̇игаммам̣ бадигкибад̇и сад̇иби вибаагад̇хаммасабхаавз жзд̇анааваж̇ж̇аанам̣ ад̇ам̣сабхаавад̇д̇аа. анаасава…бз… бажжаяод̇и иминаа логияагусалажзд̇анааяа висзсамад̇д̇ам̣ д̣̇ассзд̇и, на наанагкан̣игагаммабажжаяад̇аабхаавам̣. зван̃жа гад̇ваа вуд̇д̇ам̣ адтагат̇ааяам̣ ‘‘аруубааважаражзд̇анаа, бана логуд̇д̇аражзд̇анаа жа уббаж̇ж̇ид̇ваа нируд̣̇д̇хаа ад̇д̇ано ад̇д̇ано вибаагагканд̇хаанам̣ наанагкан̣игагаммабажжаязна бажжаяо’’д̇и.
ад̇д̇ано нируссаахасанд̇абхаавзна сахаж̇аад̇анаамаруубаанам̣ нируссаахасанд̇абхаавааяа убагаарагаа аруубад̇хаммаава вибаагабажжаяо. д̇знааха ‘‘вибаагажид̇д̇ажзд̇асигаа’’д̇и. д̇з хи баяог̇зна асаад̇хзд̇аб̣б̣ад̇ааяа гаммасса гад̇ад̇д̇аа нибпаж̇ж̇анамад̇д̇ад̇о нируссаахасанд̇абхааваа хонд̇и, на гилзсавуубасамасанд̇абхааваа
руубааруубаанам̣ аахаарабажжаяо. сад̇иби хи ж̇анагабхаавз убад̇т̇амбхагад̇д̇амзва аахаарасса бад̇хаанагижжам̣, ж̇анаяанд̇оби жа аахааро авижчзд̣̇авасзна убад̇т̇амбхзнд̇ова ж̇анзд̇ийд̇и убад̇т̇амбханабхаавова аахаарабхаавод̇и. д̇ад̇т̇а габ̣ал̣ийгааро аахааро руубагааяассзва убад̇т̇амбхаго, сзсаа д̇аяо руубааруубагааяасса. на гзвалан̃хи д̇з наамад̇хаммаанамзва авижчзд̣̇ахзд̇угаа, ат̇а ко бадисанд̇хияам̣ гадад̇д̇ааруубаанам̣, бавад̇д̇з жид̇д̇аж̇аруубаанамби.
д̇зсу д̇зсу гижжзсу бажжаяуббаннад̇хаммзхи ад̇д̇аанам̣ анувад̇д̇аабанагасан̇каад̇ааад̇хибажжадтзна бажжаяо инд̣̇рияабажжаяо. ад̇хибад̇ибажжаяад̇хаммаанан̃хи бавад̇д̇ивиниваарагз абхибхавид̇ваа бавад̇д̇анзна г̇арубхааво ад̇хибад̇ияадто, инд̣̇рияаанам̣ бана д̣̇ассанаад̣̇игижжзсу жагкувин̃н̃аан̣аад̣̇ийхи, ж̇ийванз гаммаж̇аруубзхи, аруубад̇хаммзхи жа ж̇ийванд̇зхи сукид̇аад̣̇ибхаавзсу сукид̇аад̣̇ийхи ад̇химогкабаг̇г̇ахаубадтаанаавигкзбаббаж̇аананзсу ‘‘анан̃н̃аад̇ам̣ н̃ассаамий’’д̇и бавад̇д̇ияам̣ ааж̇аананз, ан̃н̃аад̇аавибхаавз жа сад̣̇д̇хаад̣̇исахаж̇аад̇зхийд̇и звам̣ д̇ам̣д̇ам̣гижжзсу жагкаад̣̇ибажжаязхи д̇хаммзхи жагкаад̣̇ийнам̣ анувад̇д̇анияад̇аамад̇д̇ам̣ инд̣̇рияаанам̣ аад̇хибажжадтод̇и аяамзва д̇зсам̣ висзсо. руубасад̇д̇ага-г̇г̇ахан̣зна жагкаад̣̇ийни бан̃жа, ид̇т̇ибурисинд̣̇рияад̣̇ваяан̃жа д̣̇ассзд̇и. ж̇ийвид̇инд̣̇рияам̣ бана аруубаж̇ийвид̇инд̣̇риязна сад̣̇д̇хим̣ згад̇о гад̇ваа ж̇ийвид̇а-г̇г̇ахан̣зна г̇ахид̇ам̣. зван̃хи д̣̇ваавийсад̇и инд̣̇рияаани хонд̇и. ‘‘анаад̣̇имад̇и сам̣саарз анан̃н̃аад̇ам̣ асажчигад̇ам̣ жад̇усажжад̇хаммам̣, ниб̣б̣аанамзва ваа н̃ассаамий’’д̇и бавад̇д̇асса инд̣̇рияам̣ анан̃н̃аад̇ан̃н̃ассаамийд̇инд̣̇рияам̣, батамамаг̇г̇ан̃аан̣ам̣. ааж̇аанад̇о батамамаг̇г̇зна д̣̇идтамарияаад̣̇ам̣ анад̇иггамид̇ваа ж̇аанад̇о инд̣̇рияам̣ ан̃н̃инд̣̇рияам̣, сод̇аабад̇д̇ипалад̇о яаава арахад̇д̇амаг̇г̇аа часу н̃аан̣ам̣, ан̃н̃аад̇аавино жад̇уусу сажжзсу баринидтид̇агижжасса инд̣̇рияам̣ ан̃н̃аад̇аавинд̣̇рияам̣, арахад̇д̇апалан̃аан̣ам̣ ‘‘д̇зсуу’’д̇иаад̣̇и вуд̇д̇ам̣. д̇аани хи язбхуяязна лин̇г̇аад̣̇ийхи анувад̇д̇ияамаанааниби бажжаяабхаавад̇о наанувад̇д̇ийяанд̇ийд̇и вуд̇д̇овааяамад̇т̇о.
аарамман̣уубаниж̇жхааналагкан̣уубаниж̇жхаанавасзна ‘‘жхаанабажжаяо’’д̇иаад̣̇и. д̇з бана бадисанд̇хияам̣ гадад̇д̇ааруубаанам̣, бавад̇д̇з жид̇д̇аж̇аруубаанам̣, убхаяад̇т̇а наамад̇хаммаанан̃жа бажжаяаад̇и д̣̇адтаб̣б̣ам̣.
суг̇ад̇ид̇о, д̣̇уг̇г̇ад̇ид̇о, гусалад̇о, агусалад̇о ваа нияяаанадтзна сахаж̇аад̇аанам̣ убагаарагад̇аа маг̇г̇абажжаяад̇аа, саа жа саммаад̣̇идтаад̣̇ийнанд̇и ааха ‘‘маг̇г̇абажжаяо’’д̇иаад̣̇и. сан̇габба-г̇г̇ахан̣зна саммаасан̇габбам̣, мижчаасан̇габбан̃жа д̣̇ассзд̇и. звам̣ сзсзсуби. мижчаасан̇габбаад̣̇аяо хи абааяамаг̇г̇ан̇г̇аа, мижчаасад̇имижчааваажаад̣̇аяо жзд̇т̇а д̇ат̇аабавад̇д̇ажид̇д̇уббаад̣̇аа, жзд̇анаа жа, аяамби жхаанабажжаяз вуд̇д̇аанамзва бажжаяуббаннаанам̣ бажжаяод̇и д̣̇адтаб̣б̣ам̣.
барамад̇т̇зна бхиннаанамби згийбхааваг̇ад̇аанам̣ вияа згуббаад̣̇аад̣̇ибхаавасан̇каад̇асамбаяог̇алагкан̣зна убагаарагад̇аа самбаяуд̇д̇абажжаяад̇аа, саа жа наамад̇хаммаанамзва, на руубад̇хаммаананд̇и ааха ‘‘самбаяуд̇д̇абажжаяо’’д̇иаад̣̇и.
ан̃н̃аман̃н̃асамб̣анд̇хад̇ааяа яуд̇д̇аанамби самаанаанам̣ виббаяуд̇д̇абхаавзна висам̣садтад̇ааяа наанад̇д̇уубаг̇аманзна убагаарагад̇аа виббаяуд̇д̇абажжаяад̇аа, саа жа вад̇т̇уунам̣, жид̇д̇ажзд̇асигаанамзва ваад̇и ааха ‘‘виббаяуд̇д̇абажжаяо’’д̇иаад̣̇и. ча вад̇т̇ууни хи сад̇д̇аннам̣ вад̇т̇убурзж̇аад̇аанийд̇и ид̣̇ам̣ жагкаад̣̇ивад̇т̇увасзнзва вуд̇д̇ам̣, хад̣̇аяавад̇т̇у бана бадисанд̇хияамби бажжаяабхаавад̇о сахаж̇аад̇амби лаб̣бхад̇и. вуд̇д̇амби хзд̇ам̣ аб̣яаагад̇абад̣̇асса сахаж̇аад̇авибхан̇г̇з ‘‘бадисанд̇хигкан̣з вибаагааб̣яаагад̇аа канд̇хаа гадад̇д̇ааруубаанам̣, канд̇хаа вад̇т̇усса, вад̇т̇у канд̇хаанам̣ виббаяуд̇д̇абажжаязна бажжаяо’’д̇и. д̇ат̇аа бажчааж̇аад̇аа жид̇д̇ажзд̇асигаад̇и жа жагкувин̃н̃аан̣аад̣̇ивасзнзва вуд̇д̇ам̣, ‘‘сахаж̇аад̇аа гусалаа канд̇хаа жид̇д̇асамудтаанаанам̣ руубаанам̣ виббаяуд̇д̇абажжаязна бажжаяо’’д̇иаад̣̇иважанад̇о (бадтаа. 1.1.434) бана сахаж̇аад̇ааби лаб̣бханд̇и. зван̃жа гад̇ваа вуд̇д̇ам̣ адтагат̇ааяам̣ ‘‘виббаяуд̇д̇абажжаяо сахаж̇аад̇абурзж̇аад̇абажчааж̇аад̇авасзна д̇ивид̇хо’’д̇и. аяам̣ бана руубад̇хаммо самаано руубад̇хаммасса бажжаяо на ход̇и самбаяог̇аасан̇гааяа абхаавад̇о.
язсан̃хи наамаанам̣ жагкаад̣̇ийнам̣ аб̣бханд̇арад̇о нигкаманд̇аанам̣ вияа бавад̇д̇и, руубаанан̃жа наамасанниссаязнзва ‘‘ад̇т̇ибажжаяо’’д̇иаад̣̇и. руубаж̇ийвид̇инд̣̇рияан̃хи гадад̇д̇ааруубаанам̣, габ̣ал̣ийгаараахааро имасса гааяасса ниссаяабажжаяз вуд̇д̇ад̇хаммаад̇и жа вад̇т̇уруубамахаабхууд̇ажид̇д̇ажзд̇асигаанам̣ д̇хаммасааман̃н̃знзва г̇ахан̣ам̣, на ниссаяабажжаяабхаавийнам̣язва. бажчааж̇аад̇аанамби жид̇д̇ажзд̇асигаанам̣ бурзж̇аад̇асса гааяасса бан̃хааваарз бажжаяабхаавзна нид̣̇д̣̇идтад̇д̇аа. зд̇т̇а жа ад̇т̇ибхааваабхаавзна анубагаарагаанамзва ад̇т̇ибхаавзна убагаарагад̇ааяа ад̇т̇ибажжаяад̇аабхаавад̇о над̇т̇и ниб̣б̣аанасса саб̣б̣ад̣̇аа бхаавино ад̇т̇ибажжаяад̇аа, уббаад̣̇аад̣̇ияуд̇д̇аанам̣ ваа над̇т̇ибхаавобагаарад̇аавируд̣̇д̇хо убагаарагабхааво ад̇т̇ибажжаяад̇аад̇и на д̇асса д̇аббажжаяад̇д̇аббасан̇г̇о.
над̇т̇ибажжаяод̇иаад̣̇ийсу ананд̇арад̇аамад̇д̇зна, жид̇д̇анияаамагабхаавзна ваа убагаарагад̇аа ананд̇арабажжаяад̇аа. згасмим̣ пассаад̣̇ид̇хаммасамуд̣̇ааяз бавад̇д̇амаанз д̣̇уд̇ияасса абхаавад̇о ад̇д̇ано тид̇ияаа огаасамалабханд̇аанам̣ ананд̇арам̣ уббаж̇ж̇амаанагажид̇д̇ажзд̇асигаанам̣ огаасад̣̇аанавасзна убагаарагад̇аа над̇т̇ибажжаяад̇аа. ад̇д̇ано сабхааваавиг̇амзна аббавад̇д̇амаанаанам̣ виг̇ад̇абхаавзна убагаарагад̇аа виг̇ад̇абажжаяад̇аа. ад̇т̇ад̇о бана д̣̇виннамби ананд̇арабажжаяабхаавийд̇хаммад̇д̇аа ависзсо вуд̇д̇о. сабхаавад̇аамад̇д̇зна убагаарагад̇аа ад̇т̇ибажжаяад̇аа, нирод̇хаанубаг̇аманавасзна убагаарагад̇аа авиг̇ад̇абажжаяад̇аад̇и бажжаяависзсо д̇зсам̣ д̇хаммаависзсзби взд̣̇ид̇аб̣б̣о. д̇хаммаанан̃хи самад̇т̇ад̇аависзсам̣ саб̣б̣аагаарзна н̃ад̇ваа бхаг̇авад̇аа жад̇увийсад̇ибажжаяаа д̣̇зсид̇аад̇и бхаг̇авад̇и сад̣̇д̇хааяа ‘‘звам̣ висзсаа зд̇з д̇хаммаа’’д̇и суд̇амаяан̃аан̣ам̣ уббаад̣̇зд̇ваа жинд̇аабхааванаамаяан̃аан̣зхи д̇ад̣̇абхисамаяааяа яог̇о гаран̣ийяо. ависзсзби д̇хаммасаамад̇т̇ияасса д̇ат̇аа д̇ат̇аа винзд̇аб̣б̣абуг̇г̇алаанам̣ васзна хздтаа вуд̇д̇оби бажжаяо буна багааранд̇арзна вужжад̇и яат̇аа ахзд̇угад̣̇угам̣ вад̇вааби хзд̇увиббаяуд̇д̇ад̣̇угам̣ вияаад̇и д̣̇адтаб̣б̣ам̣.
яасмаа ‘‘руубам̣ руубасса…бз… сад̇д̇ад̇хаа бажжаяо ход̇ий’’д̇и.
руубам̣ аруубассаад̇иаад̣̇ийсуби хздтаа вуд̇д̇абажжаяуббаннад̇хаммз судту убалагкзд̇ваа бажжаяо яож̇зд̇аб̣б̣о. руубам̣ руубааруубассаад̇и над̇т̇ийд̇и ид̣̇ам̣ сахаж̇аад̇абажжаяабхууд̇амби руубам̣ руубааруубад̣̇ваяасса бажжаяабхаавзна анааг̇ад̇анд̇и гад̇ваа вуд̇д̇ам̣.
саб̣б̣зсам̣ бажжаяаанам̣ аарамман̣абажжаяз убаниссаяабажжаяз, сахаж̇аад̇анаанагкан̣игажзд̇анааяа гаммабажжаяз, сахаж̇аад̇абурзж̇аад̇абажчааж̇аад̇аад̣̇ибхзд̣̇асса ад̇т̇ибажжаяз жа самод̇хаанад̇о саб̣б̣зби бажжаяаа сан̇кзбад̇о жад̇уб̣б̣ид̇хааязваад̇и д̣̇ассзнд̇о ааха ‘‘саб̣б̣з банимз’’д̇иаад̣̇и.
ид̇и абхид̇хаммад̇т̇авигаасинияаа наама
абхид̇хаммаавад̇аарасам̣ван̣н̣анааяа
бажжаяанид̣̇д̣̇зсаван̣н̣анаа нидтид̇аа.
ниг̇аманагат̇ааван̣н̣анаа
1400-2. саб̣б̣ад̇хаммзсу аббадихад̇аг̇ад̇ид̇ааяа сунд̣̇араа мад̇и имассаад̇и сумад̇и, д̇асса сумад̇исса бхаг̇авад̇о мад̇ивижаарам̣ н̃аан̣ажаарам̣ б̣од̇хзд̇ийд̇и сумад̇имад̇ивижаараб̣од̇хано. вируд̣̇д̇хаа мад̇и язсам̣ д̇з вимад̇ино, вируд̣̇д̇хаа мад̇ийд̇и жа вируд̣̇д̇хад̣̇ассананд̇и ад̇т̇о. д̇зсам̣ вимохам̣ винаасзд̇ийд̇и вимад̇ивимохавинаасано. яад̇о яасмаа наамад̇о сумад̇инаа бхигкунаа маанад̇о б̣ахумаанзна ааяаажид̇асаммаанад̇о ааяаажид̇о худ̇ваа саммаа аванад̇о сад̣̇ааязва мад̇о аяам̣, д̇ад̇о д̇асмаа маяаа ражид̇о абхид̇хаммаавад̇ааро. д̇ат̇аа хи бхааванаа саад̇хуунам̣ самбхааванаа хид̇авибхааванаа хид̇аббагаасанад̇о сад̣̇аа д̇осад̣̇аад̇и яож̇анаа.
1403-14. аяуд̇д̇ам̣ ваа вируд̣̇д̇хам̣ ваад̇и зд̇т̇а ‘‘адтагат̇ааяа вимукабхууд̇ам̣ аяуд̇д̇ам̣ наама, баал̣ияаа вимукабхууд̇ам̣ вируд̣̇д̇ха’’нд̇и вад̣̇анд̇и. б̣яаббат̇аананд̇и жа ваажанаамаг̇г̇аананд̇и ад̇т̇о. д̇ивид̇хаад̇и зго б̣яаббат̇о сад̣̇д̣̇асамбанно, на ад̇т̇асамбанно, зго ад̇т̇асамбанно, на сад̣̇д̣̇асамбанно, зго убхаяасамбаннод̇и д̇иббагаараад̇и ад̇т̇о. хид̇амзва ад̇т̇од̇и хид̇ад̇т̇о, д̇ам̣ ад̇д̇ано гаамзд̇ийд̇и хид̇ад̇т̇агаамо. асам̣гин̣н̣агулаагулзхи асамбхиннагулзхи сам̣гин̣н̣з. гзлаасоязва сикарод̇и гзлаасасикаро, со хи химавад̇о жад̇ураасийд̇ияаа гуудасахассаанам̣ баамогко раж̇ад̇амаяо махаасикаро. д̇ад̣̇аагаарзхи саб̣б̣асзд̇зхи баасаад̣̇зхи бадиман̣д̣ид̇ад̇д̇аа гзлааса…бз… ман̣д̣ид̇о. ган̣хад̣̇аасзнаад̇и звам̣наамагзна убаасагзна. баажийнабаасаад̣̇зд̇и баажийнад̣̇исаабхааг̇асанниссид̇з баасаад̣̇з. аяанд̇и аяамабхид̇хаммаавад̇ааро.
нидтид̇ааяам̣ абхид̇хаммад̇т̇авигаасиний наама
абхид̇хаммаавад̇аарасам̣ван̣н̣анаа.
ниг̇аманагат̇аа
1.
раммз булад̇т̇инаг̇арз наг̇араад̇хирааж̇з,
ран̃н̃аа бараггамабхуж̇зна махаабхуж̇зна;
гаараабид̇з васад̇и ж̇зд̇аванз вихаарз,
яо раммахаммияаваруубаванаабхираамз.
2.
самбаннасийлад̣̇амасам̣яамад̇осид̇зхи,
саммаанид̇о васиг̇ан̣зхи г̇ун̣аагарзхи;
бад̇д̇о мунинд̣̇аважанаад̣̇ису нзгаг̇ант̇а-
ж̇аад̇зсу жаажарияад̇ам̣ махид̇ам̣ вид̣̇уухи.
3..
н̃аан̣аанубхаавамиха
сам̣ван̣н̣анаа жа винаяадтагат̇аад̣̇игаанам̣;
саарад̇т̇ад̣̇ийбанимукаа мад̇хурад̇т̇асаара-
санд̣̇ийбанзна суж̇анам̣ барид̇осаяанд̇ий.
4.
д̇ассаанугамбамаваламб̣ияа саарибуд̇д̇а-
д̇т̇зрасса т̇аамаг̇ад̇асаараг̇ун̣аагарасса;
яо саасанз ж̇инаварасса рад̇им̣ ул̣аарам̣,
баббод̇и нанд̣̇ибаривзн̣аниваасаваасий.
5.
са саад̇хаяам̣ сод̇ухид̇ам̣ анаббагам̣,
суман̇г̇алод̣̇ийрид̇анаамависсуд̇о;
агаабхид̇хаммад̇т̇авигаасиним̣ имам̣,
багаасаяанд̇им̣ мад̇хурад̇т̇асамбад̣̇анд̇и.
абхид̇хаммаавад̇аарадийгаа самад̇д̇аа.