8. адтамо барижчзд̣̇о
багин̣н̣аганид̣̇д̣̇зсаван̣н̣анаа
475.
ид̣̇аани бана саб̣б̣зсам̣, зд̇зсам̣ маанасам̣ маяаа;
баадавад̇т̇ааяа бхигкуунам̣, гат̇ийяад̇и багин̣н̣агам̣.
ид̣̇аани бана гаалз зд̇зсам̣ д̇ихзд̇угад̣̇вихзд̇угаахзд̇угаанам̣ саб̣б̣зсам̣ буг̇г̇алаанам̣ багин̣н̣агам̣ маанасам̣ бхигкуунам̣ баадавад̇т̇ааяа
476-85. бант̇амаггадаго ун̣н̣анаабхи бант̇амаггадаго наама бан̃жасу д̣̇исаасу д̇асса суд̇д̇ам̣ басаарзд̇ваа ж̇ааламаж̇жхз нибаж̇ж̇ад̇и. батамааяа д̣̇исааязд̇т̇а зд̇т̇а зд̇аасу д̣̇исаасу батамааяа д̣̇исааяа басаарид̇з суд̇д̇з баан̣агзна бадан̇г̇зна ваа магкигааяа ваа гхаддид̇з сад̇и саа ун̣н̣анаабхи гин̃жи жалид̇ваа панд̣̇анам̣ гад̇ваа нибаннадтаанад̇о суд̇д̇аанусаарзна суд̇д̇ам̣ анусаарзд̇ваа д̇асса баан̣агасса яуусам̣ яуусасан̇каад̇ам̣ сон̣ид̇ам̣ бивад̇и. бунааг̇анд̇ваа д̇ад̇т̇зва д̇асмим̣ ж̇ааламаж̇жхзязва яат̇аасукам̣ нибаж̇ж̇ад̇и, яат̇аа батамааяа д̣̇исааяа жаланаад̣̇игам̣ гирияам̣ гарод̇и, звамзва д̣̇уд̇ияаад̣̇ийсу жад̇уусу д̣̇исаасу жаланаад̣̇игам̣ гирияам̣ гарод̇и, звам̣ бан̃жасу д̣̇исаасу суд̇д̇ам̣ вияа бан̃жа басаад̣̇аа бан̣д̣ид̇зна д̣̇адтаб̣б̣аа, маж̇жхз маггадаго вияа жа жид̇д̇ам̣ бана бан̣д̣ид̇зна д̣̇адтаб̣б̣ам̣. баан̣агаад̣̇ийхи куд̣̇д̣̇агад̇иражчаанзхи д̇асса сан̇гхадданаа вияа аарамман̣з бана басаад̣̇аанам̣ сан̇гхадданаа бан̣д̣ид̇зна д̣̇адтаб̣б̣аа. ж̇ааламаж̇жхз нибаннааяа ун̣н̣анаабхияаа д̇ам̣ жаланам̣ вияа басаад̣̇з гхаддзд̇ийд̇и басаад̣̇агхадданам̣, гим̣ д̇ам̣? аарамман̣ам̣. д̇ад̇т̇а д̇иссам̣ вийт̇ияам̣ басаад̣̇агхадданам̣ аарамман̣ам̣ г̇ахзд̇ваа манод̇хаад̇угирияаажид̇д̇ам̣ бхаван̇г̇ам̣ ааваддзд̇ийд̇и бхаван̇г̇аавадданам̣ мад̇ам̣ бхаг̇авад̇аа. д̇асса бант̇амаггадагасса суд̇д̇аанусаарам̣ва суд̇д̇ам̣ ануг̇аманам̣ вияа вийт̇ижид̇д̇аббавад̇д̇анам̣ бан̣д̣ид̇зна д̣̇адтаб̣б̣ам̣. сийсз бана виж̇жхид̇ваа асса маггадасса яуусабаанам̣ вияа ж̇аванасса жид̇д̇асса аарамман̣зсу бавад̇д̇анам̣ бан̣д̣ид̇зна д̣̇адтаб̣б̣ам̣. буна ааг̇анд̇ваа суд̇д̇аж̇ааламаж̇жхз нибаж̇ж̇анам̣ яат̇аа вад̇т̇ум̣язва хад̣̇аяавад̇т̇ум̣ зва ниссааяа жид̇д̇асса баривад̇д̇анам̣ бан̣д̣ид̇зна д̣̇адтаб̣б̣ам̣.
486-93. ид̣̇ам̣ д̇у бана обаммам̣, ад̇т̇ам̣ д̣̇ийбзд̇и гим̣ д̇у хи ид̣̇ам̣ обаммам̣ гам̣ ад̇т̇ам̣ д̣̇ийбзд̇и багаасзд̇и? батамам̣ басаад̣̇з аарамман̣зна басаад̣̇авад̇т̇уд̇о басаад̣̇о вад̇т̇у ниссаяо зд̇ассаад̇и басаад̣̇авад̇т̇у, жид̇д̇ам̣, д̇ад̇о басаад̣̇авад̇т̇уд̇о, батамам̣ зва вад̇т̇усанниссид̇ам̣ бхаван̇г̇асан̇каад̇ам̣ мано ж̇ааяад̇и, ид̇иби ад̇т̇о д̇зна обаммзна д̣̇ийбид̇о. згзгаарамман̣ам̣ д̣̇вийсу д̣̇вийсу д̣̇ваарзсу саб̣б̣асо саб̣б̣аббагаарзна бана аабаат̇ам̣ ааг̇ажчад̇и, аяамад̇т̇оби д̇зна обаммзна д̣̇ийбид̇о ‘‘д̣̇вийсу д̣̇вийсу д̣̇ваарзсуу’’д̇и, згам̣ руубаарамман̣ам̣ згасмим̣язва кан̣з жагкуд̣̇ваарз, манод̣̇ваарз жаад̇и д̣̇вийсу д̣̇ваарзсу аабаат̇ам̣ ааг̇ажчад̇ийд̇и ад̇т̇о. сод̇ад̣̇ваараад̣̇ийсуби зсзва наяо н̃зяяо. руубам̣ жагкубасаад̣̇амхи гхаддзд̇ваа д̇ан̇кан̣з бана д̇асса кан̣з бана д̇ат̇аа манод̣̇ваарз бана аабаат̇ам̣ ааг̇ажчад̇и, бхаван̇г̇ажаланасса бажжаяо ход̇ийд̇и ад̇т̇о. на сам̣саяо зд̇асмим̣ важанз сам̣саяо над̇т̇и. яат̇аа каг̇о яат̇аа сагун̣о. хи сажжам̣ маяаа вуд̇д̇ам̣ важанам̣. ругкаг̇г̇з ругкагодияам̣ нилийяанд̇ова саакино саакам̣ гхаддзд̇и, д̇асса чааяаа бхуумияам̣ бат̇авияам̣ парад̇и бадихан̃н̃ад̇и. ид̇хаад̇и нибаад̇о. саакааяа сагун̣зна гхадданам̣ бхуумияам̣ чааяаапаран̣ааби жа абуб̣б̣ам̣ ажаримам̣ згагкан̣асмим̣язва ж̇ааяарз ж̇ааяанд̇и. звамзва бана руубасса, басаад̣̇асса жа гхадданам̣, д̇ат̇зва ад̇т̇ад̇о ад̇т̇авасзна бхаван̇г̇ажаланассааби бажжаяад̇д̇зна бажжаяабхаавзна манод̣̇ваарз аабаат̇ам̣ ааг̇аманам̣ абуб̣б̣ам̣ ажаримам̣ згагкан̣зязва ход̇и.
494-7. д̇ад̇о барам̣ бхаван̇г̇асод̇ам̣ чинд̣̇ид̇ваа жагкуд̣̇ваарз жагкубасаад̣̇з яат̇ааггамам̣ ааваж̇ж̇анз самуббаннз, д̣̇ассанз самуббаннз, самбадижчанз самуббаннз, санд̇ийран̣з самуббаннз, д̇ат̇аа водтаб̣б̣анз жа самуббаннз гусалам̣ ж̇аванажид̇д̇ам̣ ж̇авад̇и, д̇ат̇аа агусаламзва жид̇д̇ам̣ ж̇авад̇и. сод̇ад̣̇ваараад̣̇ийсуби сад̣̇д̣̇аад̣̇ийнам̣ аарамман̣аанам̣ гхадданз зсзва наяо ависзсзна вин̃н̃унаа вин̃н̃зяяо. зд̇асса ад̇т̇асса д̣̇ийбанз д̣̇овааригобамаад̣̇ийни важанаани уд̣̇д̇харид̇ваа д̇ад̇о багаран̣ад̇о нийхарид̇ваа зд̇т̇а зд̇асмим̣ вийт̇ияаад̇хигаарз вин̃н̃унаа д̣̇ассзд̇аб̣б̣аани.
498-9. асамбхзд̣̇зна жагкуссаад̇и д̇ассааби жагку асамбхиннам̣ ход̇и. ж̇ийвид̇аа нируд̣̇д̇хамби бид̇д̇зна ваа сзмхзна ваа рухирзна ваа балиб̣уд̣̇д̇хам̣ жагкувин̃н̃аан̣асса бажжаяо бхавид̇ум̣ асаггонд̇ам̣ самбхиннам̣ наама, саггонд̇ам̣ асамбхиннам̣ наама ход̇и. д̇зна жагкубасаад̣̇асса асамбхиннзна руубаабаат̇аг̇аманзна аалогасанниссаязнааби. д̇зна д̇ивид̇хзна бажжаязна саманаггаарахзд̇унаа бан̃жад̣̇ваарааваж̇ж̇анабажжаязна саха бавад̇д̇анзна. зд̇зхи бана жад̇уухи бажжаязхи сам̣ згад̇о инд̇и бавад̇д̇анд̇ийд̇и самзд̇зхи сахаг̇ад̇зхи самааг̇амам̣ згийбхаавам̣ ааг̇ад̇зхи, д̇ам̣ жагкувин̃н̃аан̣ам̣ жагкубасаад̣̇аниссид̇ам̣ вин̃н̃аан̣ам̣ самбаяуд̇д̇зхи жзд̇асигзхи саха ж̇ааяад̇з.
500-1. асамбхзд̣̇зна сод̇асса сод̇абасаад̣̇асса асамбхиннзна сад̣̇д̣̇аабаат̇аг̇амзна жа сад̣̇д̣̇асса аабаат̇аг̇аманзна жа. аагаасаниссаязнааби бихид̇аган̣н̣ажчид̣̇д̣̇асса сод̇авин̃н̃аан̣ам̣ нуббаж̇ж̇ад̇и. д̇зна д̇ивид̇хзна бажжаязна. саманаггаарахзд̇унаа бан̃жад̣̇ваарааваж̇ж̇анабажжаязна саха бавад̇д̇зна. зд̇зхи бана жад̇уухи бажжаязхи самзд̇зхи сахаг̇ад̇зхи самааг̇амам̣ згийбхаавам̣ ааг̇ад̇зхи д̇ам̣ сод̇авин̃н̃аан̣ам̣ самбаяуд̇д̇зхи саха ж̇ааяад̇и.
502-3. асамбхзд̣̇зна гхаанасса гхаанабасаад̣̇асса асамбхиннзна г̇анд̇хаабаат̇аг̇амзна жа г̇анд̇хасса аабаат̇аг̇аманзна жа. вааяосанниссаязнаабийд̇и гхаанаб̣иламхи бависанд̇зна вааяунаад̇и ад̇т̇о. д̇зна д̇ивид̇хзна бажжаязна. саманаггаарахзд̇унаа бан̃жад̣̇ваарааваж̇ж̇анабажжаязна саха бавад̇д̇зна. зд̇зхи бана жад̇уухи бажжаязхи самзд̇зхи сахаг̇ад̇зхи самааг̇амам̣ згийбхаавам̣
504-5. асамбхзд̣̇зна ж̇ивхааяа ж̇ивхааяа асамбхиннзна расаабаат̇аг̇амзна жа расасса аабаат̇аг̇аманзна жа. аабосанниссаязнаабийд̇и ж̇ивхаад̇зманам̣ аабам̣ лад̣̇д̇хаа жа уббаж̇ж̇ад̇и, д̇зна винаа сугкакаад̣̇анийяз ж̇ивхааяа сааяид̇зби ж̇ивхаавин̃н̃аан̣ам̣ нуббаж̇ж̇ад̇ийд̇и ад̇т̇о. д̇зна д̇ивид̇хзна бажжаязна. саманаггаарахзд̇унаа бан̃жад̣̇ваарааваж̇ж̇анабажжаязна саха бавад̇д̇зна. зд̇зхи бана жад̇уухи бажжаязхи самзд̇зхи сахаг̇ад̇зхи самааг̇амам̣ згийбхаавам̣ ааг̇ад̇зхи д̇ам̣ ж̇ивхаавин̃н̃аан̣ам̣ самбаяуд̇д̇зхи саха ж̇ааяад̇и.
506-7. гааяабасаад̣̇асса асамбхзд̣̇зна подтаб̣б̣асса аабаат̇аг̇аманзна жа. бат̇авийниссаязнаабийд̇и д̇зна винаа гааяад̣̇ваарамбийд̇и б̣ахид̣̇д̇хаа махаабхууд̇аарамман̣ам̣ аж̇жхад̇д̇игам̣ гааяабасаад̣̇ам̣ гхаддзд̇ваа басаад̣̇абажжаязсу махаабхууд̇зсу бадихан̃н̃ад̇и. д̇зна д̇ивид̇хзна бажжаязна. саманаггаарахзд̇унаа бан̃жад̣̇ваарааваж̇ж̇анабажжаязна саха бавад̇д̇зна. зд̇зхи бана жад̇уухи бажжаязхи самзд̇зхи сахаг̇ад̇зхи самааг̇амам̣ згийбхаавам̣ ааг̇ад̇зхи д̇ам̣ гааяавин̃н̃аан̣ам̣ самбаяуд̇д̇зхи саха ж̇ааяад̇и.
508-9. асамбхзд̣̇аа манассаабийд̇и мананд̇и бхаван̇г̇ажид̇д̇ам̣. д̇ам̣ нируд̣̇д̇хамби ааваж̇ж̇анажид̇д̇асса бажжаяо бхавид̇ум̣ асамад̇т̇ам̣ манд̣̇ад̇амаг̇ад̇амзва вад̇д̇амаанамби самбхиннам̣ наама ход̇и. ааваж̇ж̇анасса бажжаяо бхавид̇ум̣ самад̇т̇ам̣ асамбхиннам̣ наама. манасса асамбхзд̣̇зна д̇хаммасса аабаат̇аг̇аманзна жа вад̇т̇усанниссаязна хад̣̇аяавад̇т̇усанниссаязна. д̇зна д̇ивид̇хзна бажжаязна. саманаггаарахзд̇унаа манод̣̇ваарааваж̇ж̇анзна саха бавад̇д̇зна. зд̇зхи бана жад̇уухи бажжаязхи самзд̇зхи сахаг̇ад̇зхи самааг̇амам̣ д̇ам̣ мановин̃н̃аан̣ам̣ д̇ам̣ мановин̃н̃аан̣асан̇каад̇ам̣ ж̇аванажид̇д̇ам̣ самбаяуд̇д̇зхи саха ж̇ааяад̇з.
510-11. мано бхаван̇г̇ажид̇д̇ам̣ наама вибхаавинаа взд̣̇ид̇аб̣б̣ам̣. ааваж̇ж̇анагрияаажид̇д̇ам̣ ааваж̇ж̇анагирияаажид̇д̇ад̣̇ваяам̣ саманаггааро наама вибхаавинаа сан̃н̃ид̇ам̣. вад̇т̇усанниссаязна ид̇и аяам̣ баато саб̣б̣ад̇т̇а саб̣б̣зсу бхавзсу на г̇ажчад̇и. бан̃жахи канд̇хзхи вогааро вогин̣н̣од̇и бан̃жавогааро, бан̃жавогаарабхавам̣ санд̇хааяа гааран̣ам̣ гад̇ваа ‘‘вад̇т̇усанниссаязнаа’’д̇и аяам̣ баато бана гат̇ид̇о маяаа, бан̃жавогаарабхаво наама гаамаруубабхаво, аруубабхаво жад̇увогаарабхаво наама, асан̃н̃ийбхаво згавогаарабхаво наама. аяам̣ баато жад̇увогаарааруубабхавам̣ санд̇хааяа на гат̇ид̇од̇и ад̇т̇о. вад̇т̇усса руубад̇д̇аа аруубабхавз гат̇ам̣ вад̇т̇усанниссаяо бхавзяяаад̇и ад̇т̇о.
512-4. бадисанд̇хаад̣̇ижид̇д̇аани, саб̣б̣аанзгуунавийсад̇и хонд̇и, гаамааважарзсу д̣̇аса, руубзсу бан̃жа, аруубийсу жад̇д̇аари, саб̣б̣аани бадисанд̇хижид̇д̇аани згуунавийсад̇и хонд̇и. гаммам̣ наама гусалаагусалажзд̇анаа. гамманимид̇д̇ам̣ наама руубаани бан̃жаарамман̣аани бан̃н̃ад̇д̇и жа махаг̇г̇ад̇ажид̇д̇ан̃жа. д̇ат̇аа г̇ад̇инимид̇д̇агам̣ наама габбаругкаад̣̇аяо, агусалабагкз руубаад̣̇иаарамман̣абхууд̇аа лохагумбхаад̣̇аяо жа. ид̇и звам̣ иминаа маяаа вуд̇д̇аббагаарзна д̇зсам̣ бадисанд̇хаад̣̇ижид̇д̇аанам̣ аарамман̣ам̣ д̇ивид̇хам̣ бхаг̇авад̇аа уд̣̇ийрид̇ам̣. гаамааважарасанд̇хийнам̣ барид̇д̇аарамман̣ам̣ гаамааважараарамман̣ам̣ бхаг̇авад̇аа мад̇ам̣. бажжуббаннам̣ руубаад̣̇ибан̃жаарамман̣ам̣, г̇ад̇инимид̇д̇ам̣ бан̃жаарамман̣ан̃жа бажжуббаннан̃жа ход̇и. ад̇ийд̇ам̣ ваа гаммам̣ гусалаагусалажзд̇анаа ад̇ийд̇ааязва, на бажжуббаннаа. анааг̇ад̇ам̣ аарамман̣ам̣ над̇т̇и.
515-26. адтзва жа махаавибаагаа, д̇ийн̣и санд̇ийран̣аани жаад̇и згаад̣̇асавид̇хам̣ жид̇д̇ам̣ д̇ад̣̇аарамман̣асан̃н̃ид̇ам̣. згаад̣̇асавид̇хз жид̇д̇з бун̃н̃авибаагаани гусалавибаагаа д̣̇аса абун̃н̃аж̇ам̣ агусалавибаагам̣ бана згам̣ ход̇и. махаавибаагаа руубааруубабхавад̣̇ваяз на ж̇ааяанд̇и, гаамаруубабхавз санд̇ийран̣ад̇д̇аяам̣ ход̇и. яаани д̇ад̣̇аарамман̣ажид̇д̇аани сад̇т̇унаа ж̇инзна вуд̇д̇аани, д̇зсу д̇ад̣̇аарамман̣ажид̇д̇зсу згамби д̇ад̣̇аарамман̣ажид̇д̇ам̣ руубааруубабхавад̣̇ваяз д̇ад̣̇аарамман̣ам̣ худ̇ваа гад̣̇аажиби наббавад̇д̇ад̇и. гасмаа гааран̣аа? д̇ад̇т̇а д̇асмим̣ руубааруубабхавад̣̇ваяз ‘‘д̇ад̣̇аарамман̣ам̣ на ход̇ий’’д̇и важанам̣ жод̣̇аго бхавзяяа, б̣ийж̇ассаабхаавад̇о бана на ход̇ийд̇и барихааро. агаамааважараарамман̣з агаамааважарад̇хаммз ид̣̇ам̣ д̇ад̣̇аарамман̣амаанасам̣ нзва ануб̣анд̇хад̇и. хи гасмаа гааран̣аа? барид̇д̇аарамман̣ад̇д̇аа жа зганд̇зна авассам̣ д̇ад̣̇аарамман̣амаанасасса гаамааважараарамман̣ад̇д̇аа жа д̇ат̇аа абарижид̇ад̇д̇аа жа саб̣б̣ад̣̇аа наануб̣анд̇хад̇и. д̇ан̃хи яат̇аа бид̇арам̣ ваа бид̇усад̣̇исам̣ ваа н̃аад̇им̣ ануб̣анд̇ханд̇оби д̇арун̣ад̣̇аараго гхарад̣̇вааранд̇аравийт̇ижад̇уггаад̣̇имхи барижид̇зязва д̣̇зсз ануб̣анд̇хад̇и, на аран̃н̃ам̣ ваа яуд̣̇д̇хабхуумим̣ ваа г̇ажчад̇и, звам̣ гаамааважарз д̇хаммз ануб̣анд̇ханд̇амби махаг̇г̇ад̇алогуд̇д̇арад̇хаммамаараб̣бха бавад̇д̇амаанз д̇хаммз наануб̣анд̇хад̇и. яасмаа жасса саб̣б̣о гаамааважарабааго жа гирияааманод̇хаад̇у гирияааахзд̇угамановин̃н̃аан̣ад̇хаад̇у соманассасахаг̇ад̇аа имз д̇хаммаа барид̇д̇аарамман̣аад̇и звам̣ ажжанд̇ам̣ барид̇д̇амзва аарамман̣ам̣ вуд̇д̇ам̣, д̇асмаа жзд̇ам̣ махаг̇г̇ад̇алогуд̇д̇араарамман̣з гаамааважарад̇хаммзби наануб̣анд̇хад̇ийд̇и взд̣̇ид̇аб̣б̣ам̣.
527-32. гим̣ д̇зна яуд̇д̇иваад̣̇зна, вуд̇д̇ам̣ адтагат̇аасу хи ‘‘ж̇анагам̣ д̇зна д̇уляа’’нд̇иаад̣̇игзна д̇зна, яуд̇д̇ияаа ваад̣̇о яуд̇д̇иваад̣̇о, ‘‘ж̇анагам̣ д̇зна д̇уляа’’нд̇иаад̣̇игааяа яуд̇д̇игат̇ааяа гим̣ баяож̇анам̣ вуд̇д̇ам̣? адтагат̇аасу хи сажжам̣ ‘‘гим̣ д̇зна яуд̇д̇иваад̣̇знаа’’д̇и важанам̣, ‘‘ад̇т̇агат̇аасуу’’д̇и вад̇д̇аб̣б̣з самаасз хи д̇т̇а-сса дта-гаарам̣ гад̇ваа ‘‘адтагат̇аасуу’’д̇и вуд̇д̇ам̣ д̇ад̣̇аарамман̣ажид̇д̇аани, згаад̣̇асаби саб̣б̣асо саб̣б̣аббагаарзнаби д̇ад̣̇аарамман̣ажид̇д̇аани наамаг̇од̇д̇ам̣ банаараб̣бха д̇иссаад̣̇игам̣ наамабан̃н̃ад̇д̇им̣ бадижжа гажжааяанаг̇од̇д̇агассабаг̇од̇д̇аад̣̇игам̣ г̇од̇д̇абан̃н̃ад̇д̇им̣ бадижжа ж̇аванз ж̇авид̇зби жа д̇ад̣̇аарамман̣ам̣ на г̇ан̣ханд̇и, руубааруубабхавзсу ваа д̇ад̣̇аарамман̣ам̣ на г̇ан̣ханд̇и. яад̣̇аа бан̃н̃ад̇д̇имаараб̣бха, ж̇аванз ж̇авид̇зби ваа яад̣̇аа маяаа вуд̇д̇ааяа бан̃н̃ад̇д̇ияаа сзсабан̃н̃ад̇д̇им̣ бадижжа ж̇аванз ж̇авид̇зби ваа д̇ад̣̇аарамман̣ам̣ на лаб̣бхад̇з аажариязна, д̇ат̇аа д̣̇угкаанижжаанад̇д̇алагкан̣аарамман̣игааяа вибассанааяа д̇ад̣̇аарамман̣ам̣ на лаб̣бхад̇з аажариязна. д̇ад̣̇аарамман̣аа на лаб̣бханд̇и, мижчад̇д̇анияад̇зсуби мижчад̇д̇з мижчаасабхаавз ‘‘над̇т̇и д̣̇инна’’нд̇яаад̣̇ивасзна нияад̇аани жад̇д̇аари д̣̇идтияуд̇д̇аж̇аванаани мижчад̇д̇анияад̇аани, мижчад̇д̇анияад̇зсуби д̇ад̣̇аарамман̣ам̣ на лаб̣бхад̇з аажариязна, логуд̇д̇арад̇хаммз аараб̣бха
533-4. манод̣̇ваарз аарамман̣агхадданаа на виж̇ж̇ад̇и. бхаван̇г̇ад̇о жзд̇асо вийт̇ижид̇д̇асса вудтаанам̣ гат̇ам̣ гзна багаарзна ход̇и? манод̣̇ваарзби гхадданааяа винаа гхадданам̣ важ̇ж̇зд̇ваа аабаат̇ам̣ ааг̇ажчанд̇зва яасмаа гааран̣аа, д̇асмаа вийт̇ижид̇д̇аанам̣ самбхаво ход̇и.
535-6. д̣̇ваад̣̇асаабун̃н̃ажид̇д̇аанам̣ д̣̇ваад̣̇асаагусалажид̇д̇аанам̣ вибаагаа сад̇д̇асад̇д̇ад̇и баабабаагаа д̣̇ваад̣̇асабаабажид̇д̇аанам̣ вибаагаа згаад̣̇асавид̇хаанам̣ д̇у, хид̇ваа уд̣̇д̇хажжамаанасам̣ уд̣̇д̇хажжамаанасам̣ хид̇ваа згаад̣̇асавид̇хаанам̣ бадисанд̇хияо згаад̣̇асавид̇хаа жзва бхаванд̇и.
537-8. грияажид̇д̇зсу саб̣б̣зсу яам̣ ааваж̇ж̇анад̣̇ваяам̣ ж̇аванам̣ на жа ход̇и, д̇ам̣ ааваж̇ж̇анад̣̇ваяам̣ гаран̣амад̇д̇ад̇д̇аа гирияаамад̇д̇ад̇д̇аа ваад̇абубпасамам̣ ваад̇абубпзна сад̣̇исам̣ мад̇ам̣ бхаг̇авад̇аа. аяамзд̇т̇аад̇хиббааяо – кийн̣аасавз уббаннагаалз ваа д̇ам̣ ааваж̇ж̇анад̣̇ваяам̣ гирияажид̇д̇ам̣ бхавид̇ум̣ яуд̇д̇ам̣. саб̣б̣зсу бут̇уж̇ж̇анзсу уббаннагаалз гат̇ам̣ гирияаа ход̇ийд̇и жз? гаран̣амад̇д̇ад̇д̇аа апалад̣̇ааяагам̣ ваад̇абубпам̣ вияа апалад̣̇ааяагам̣ гирияажид̇д̇ам̣ бхавид̇ум̣ яуд̇д̇ихааро гирияаа бана ход̇и. яам̣ саб̣б̣ам̣ гирияажид̇д̇ам̣ гижжасаад̇ханад̇о ж̇аванагижжасаад̇ханавасзна ж̇аванад̇д̇ам̣ ж̇аванабхаавам̣ бад̇д̇ам̣ чиннамууласса ругкасса бубпам̣ апалам̣ ход̇и яат̇аа, звам̣ чиннаавиж̇ж̇аад̇ан̣хаамууласса вийд̇арааг̇асса д̇ам̣ саб̣б̣ам̣ гирияажид̇д̇ам̣ апалам̣ вибаагавирахид̇ам̣ сияаа бхавзяяа.
539-40. бадижжа бана зд̇асмаа, паламзд̇ийд̇и бажжаяо згам̣ д̇хаммам̣ бадижжа зд̇асмаа д̇хаммад̇о палам̣ зд̇и бавад̇д̇ад̇и д̇асмаа бажжаяо, яо д̇хаммо яасса д̇хаммасса тид̇ияаа уббад̇д̇ияааби убагааро со д̇хаммо д̇асса д̇хаммасса бажжаяод̇и бажжаяо наама бан̣д̣ид̇зна бавужжад̇з. самбхаво бабхаво хзд̇у гааран̣ам̣ бажжаяо мад̇о бхаг̇авад̇аа. ид̣̇ам̣ важанам̣ ан̃н̃ад̇т̇а д̣̇ийбанаважанам̣.
541. лобхаад̣̇и бана яо д̇хаммо, мууладтзнубагаараго яо лобхаад̣̇и бана д̇хаммо муулабхаавзна палад̇хаммасса хзд̇ууд̇и хзд̇у наама вибхаавинаа вин̃н̃аад̇аб̣б̣о.
542. лобхо д̣̇осо жа мохо жа д̇ат̇аа алобхаад̣̇аяо д̇аяо хзд̇уу, д̇з ча зва хзд̇уяо хонд̇и, ж̇аад̇ид̇о ж̇аад̇ивасзна гусалаж̇аад̇иагусалаж̇аад̇иаб̣яаагад̇аж̇аад̇ивасзна навад̇хаа навахи годтаасзхи сияум̣.
543-4. д̇хаммаанам̣ гусалаад̣̇ийнам̣, гусалаад̣̇ид̇д̇асаад̇хаго яо д̇хаммо гусалаад̣̇ийнам̣ д̇хаммаанам̣ гусалаад̣̇ид̇д̇асаад̇хаго гусалаад̣̇ибхаавасаад̇хаго, со д̇хаммо мууладто наама. звам̣ важанам̣ згз згажжз аажарияаа вад̣̇анд̇и. звам̣ санд̇з гусалаагусалаад̣̇ийнам̣ д̇хаммаанам̣ гусалаад̣̇ид̇д̇асаад̇хагавасзна мууладтз санд̇з д̇ам̣самудтаанаруубийсу д̇зхи жид̇д̇зхи самудтаанаруубзсу д̇зхи жид̇д̇зхи самудтид̇зсу жид̇д̇аж̇аруубзсу хзд̇уунам̣ лобхаад̣̇ихзд̇уунам̣ хзд̇убажжаяад̇аа гад̣̇аажиби нзва самбаж̇ж̇ад̇и. аяамзд̇т̇аад̇хиббааяо – яад̣̇и жид̇д̇зсу руубаани самудтаабзнд̇зсу д̇з лобхаад̣̇аяоби жид̇д̇аанам̣ самбаяуд̇д̇ажид̇д̇аанам̣ згуббаад̣̇ад̇д̇аа жа руубаани самудтаабзнд̇иязва. д̇ад̣̇аа д̇зсам̣ мад̇з д̇зсам̣ жид̇д̇аж̇аруубаанам̣ гусалаад̣̇ид̇д̇ам̣ сияаа. на жа гад̣̇аажи руубаани гусалаад̣̇инаамагаани д̣̇иссанд̇и яасмаа, д̇асмаа жид̇д̇аж̇аруубаанам̣ гусалаад̣̇ибхааван̃аабанад̇т̇ам̣ д̇зсам̣ жид̇д̇аж̇аруубаанам̣ д̇з лобхаад̣̇аяо хзд̇убажжаяаа на хонд̇и, ид̇и важанам̣ вад̇д̇аб̣б̣ам̣ сияаа. зван̃жа сад̇и жид̇д̇аж̇аруубаани наама гад̣̇аажиби вияуд̇д̇аани жаранд̇и, д̇асмаа гусалаад̣̇ид̇д̇асаад̇хаго мууладто на ход̇и.
545-6. хи сажжам̣ ‘‘звам̣ санд̇з д̇у хзд̇ууна’’нд̇иаад̣̇игам̣ важанам̣. д̇з лобхаад̣̇аяо хзд̇уу д̇зсам̣ руубаанам̣ гусалаад̣̇ид̇ам̣ гусалаад̣̇ибхаавам̣ на саад̇хзнд̇и на нибпаад̣̇знд̇и. д̇з хзд̇уу д̇зсам̣ на жа на хонд̇иязва, д̇асмаа гааран̣аа гусалаад̣̇ийнам̣ д̇хаммаанам̣ гусалаад̣̇ид̇д̇асаад̇хаго яо д̇хаммо, со д̇хаммо мууладтод̇и мууласабхааво наама самаяан̃н̃унаа самаяавиж̇аананасийлзна вин̃н̃унаа г̇анд̇аб̣б̣о ж̇аанид̇аб̣б̣о.
547. суббад̇идтид̇абхаавасса саад̇ханзнубагаараго суббад̇идтид̇абхаавам̣ саад̇ханзна убагаараго яо ад̇т̇о, со ад̇т̇о хзд̇уунам̣ лобхаад̣̇ийнам̣ мууладто мууласабхааво ид̇и жа г̇ахан̣ам̣ вибхаавинаа вин̃н̃аад̇аб̣б̣ам̣.
548-9. гусалаагусалаа хзд̇уу гусалаа хзд̇уу, агусалаа хзд̇уу, грияаахзд̇уу саб̣б̣асо саб̣б̣аббагаарзна саб̣б̣з гирияаахзд̇уяо жа самбаяуд̇д̇аанам̣ бан̃жавогаарабхуумияам̣ самбаяуд̇д̇аанам̣ д̇хаммаанам̣ ан̃н̃аман̃н̃абажжаяабхаавзна хзд̇убажжаяад̇ам̣ яаад̇аа г̇ад̇аа. д̇ам̣самудтаанаанам̣ жид̇д̇аж̇аруубаанан̃жа хзд̇убажжаяад̇ам̣ яаад̇аа г̇ад̇аа, зд̇з хзд̇уу жад̇увогаарабхуумияам̣ самбаяуд̇д̇аанам̣ зва д̇хаммаанам̣ хзд̇убажжаяад̇ам̣ яаад̇аа г̇ад̇аа.
550-1. гаамз вибаагахзд̇ууби ад̇д̇анаа самбаяуд̇д̇аанам̣ хзд̇убажжаяад̇ам̣ яаад̇аа, бадисанд̇хигкан̣зби гадад̇д̇ааруубаж̇аад̇аанам̣ гаммаж̇аруубаанам̣ хзд̇убажжаяад̇ам̣ яаад̇аа, д̇асмаа бадисанд̇хижид̇д̇уббаад̣̇агкан̣зязва гаммаж̇аруубаанам̣ уббаад̣̇о ход̇и, яасмаа гааран̣аа бавад̇д̇ияам̣ жид̇д̇аж̇аанан̃жа руубаанам̣ хзд̇убажжаяад̇ам̣ г̇ад̇аа.
552-5. руубз вибаагахзд̇уу гаамааважарабхуумияам̣ хзд̇уяо вияа хзд̇убажжаяаа хонд̇и, бан̃жавогаарз логуд̇д̇аравибаагахзд̇аво жид̇д̇аж̇аанам̣ руубаанан̃жа самбаяуд̇д̇аанан̃жа бан̃жавогаарабхуумияам̣ хзд̇убажжаяаа хонд̇и. жад̇увогаарз логуд̇д̇аравибаагаж̇аа хзд̇аво самбаяуд̇д̇аанам̣ зва жад̇увогаарабхуумияам̣ хзд̇убажжаяаа бхаванд̇и. ид̇арз жад̇увогаарз аруубабхавз вибаагаж̇аа хзд̇аво самбаяуд̇д̇аанам̣ зва сабхуумияам̣ ад̇д̇ано хзд̇уд̇т̇о хзд̇уунам̣ ад̇т̇о хзд̇уяо жзва хзд̇убажжаяо жзва хзд̇убажжаяасамбхаво хзд̇убажжаяуббад̇д̇и, звамзва звам̣ иминаа багаарзна. сан̃ж̇аад̇о сукахзд̇у яассаад̇и сан̃ж̇аад̇асукахзд̇у, д̇зна вин̃н̃зяяо.
556-8. чанд̣̇о жид̇д̇ан̃жа вийрияам̣ виймам̣саа жаад̇и жад̇уд̇хаад̇хибад̇ий логаад̇хибад̇инаа сад̇т̇унаа вуд̇д̇аа. чанд̣̇ам̣ ж̇здтагам̣ гад̇ваа жид̇д̇асса уббад̇д̇игааласмим̣ яо чанд̣̇о, со чанд̣̇аад̇хибад̇и наама, чанд̣̇ам̣ д̇хурам̣ гад̇ваа самаад̇хигаран̣ажид̇д̇асса зсзва наяо сзсзсуби жа д̇ийсу маяаа вуд̇д̇ад̇о чанд̣̇аад̇хибад̇ид̇о сзсзсуби жа ад̇хибад̇ийсу. яо д̇хаммо ж̇здтадтзна убагаараго, со д̇хаммо ад̇хибад̇ийд̇и ад̇хибад̇и наама бхаг̇авад̇аа нид̣̇д̣̇идто.
559.
сумад̇имад̇ивиб̣од̇ханам̣ вижид̇д̇ам̣,
гумад̇имад̇инд̇ханабаавагам̣ бад̇хаанам̣;
имамад̇имад̇хурам̣ авзд̣̇и яо яо,
ж̇инаважанам̣ сагалам̣ авзд̣̇и со со.
яо яо ж̇ано имам̣ абхид̇хаммаавад̇аарам̣ сумад̇имад̇ивиб̣од̇ханам̣ сумад̇ийнам̣ сунд̣̇арамад̇ийнам̣ бан̣д̣ид̇аанам̣ мад̇ияаа виб̣од̇ханагарам̣ вижид̇д̇ам̣ гумад̇ийнам̣ гужчид̇амад̇ийнам̣ б̣аалаанам̣ мад̇иинд̇ханз бад̇хаанам̣ баавагам̣ ад̇имад̇хурагарам̣ авзд̣̇и ж̇аани, со со ж̇ано сагалам̣ ж̇инаважанам̣ авзд̣̇и ж̇аани.
ид̇и абхид̇хаммаавад̇аарадийгааяа
багин̣н̣аганид̣̇д̣̇зсаван̣н̣анаа нидтид̇аа.
адтамо барижчзд̣̇о.