3. гаарагаган̣д̣а
ат̇а
д̇ад̇т̇а згамби ад̇т̇ам̣ гаммаад̣̇ивасзна, згад̇д̇аад̣̇ивасзна жа вибхаж̇анд̇ийд̇и вибхад̇д̇ияо, сяаад̣̇аяо. д̇аа бана батамаад̣̇ибхзд̣̇зна сад̇д̇авид̇хаа.
д̇ад̇т̇а гасмим̣ ад̇т̇з батамаа?
283. лин̇г̇ад̇т̇з батамаа.
лин̇г̇ад̇т̇аабхид̇хаанамад̇д̇з батамаавибхад̇д̇и ход̇и.
лин̇г̇асса ад̇т̇о лин̇г̇ад̇т̇о. зд̇т̇а жа лийнам̣ ан̇г̇анд̇и лин̇г̇ам̣, абаагадо аваяаво, бурисод̇иаад̣̇ийнан̃хи багад̇иббажжаяаад̣̇ивибхааг̇агаббанааяа нибпаад̣̇ид̇аанам̣ сад̣̇д̣̇аббад̇ируубагаанам̣ наамигабад̣̇аанам̣ батамам̣ табзд̇аб̣б̣ам̣ багад̇ируубам̣ абаагадад̇д̇аа, аваяавад̇д̇аа жа лин̇г̇анд̇и вужжад̇и. ат̇а ваа висад̣̇аависад̣̇обхаяарахид̇аагааравохаарасан̇каад̇зна д̇ивид̇халин̇г̇зна сахид̇ад̇т̇асса, д̇аб̣б̣инимуд̇д̇ассубасаг̇г̇аад̣̇ийнамад̇т̇асса жа лийнасса г̇аманад̇о, лин̇г̇анад̇о ваа лин̇г̇анд̇и анвад̇т̇анаамавасзна ваа ‘‘д̇хаад̇уббажжаяавибхад̇д̇иваж̇ж̇ид̇амад̇т̇авам̣ лин̇г̇а’’нд̇и важанад̇о барасаман̃н̃аавасзна ваа лин̇г̇анд̇и ид̇ха баадибад̣̇игаабаранаамад̇хзяяам̣ сяаад̣̇ивибхад̇яанд̇абад̣̇абагад̇ируубамзва вужжад̇ийд̇и д̣̇адтаб̣б̣ам̣.
лин̇г̇ассад̇т̇о наама баб̣анд̇хависзсаагаарзна бавад̇д̇амаанз руубаад̣̇аяо убаад̣̇ааяа бан̃н̃аабийяамаано д̇ад̣̇ан̃н̃аанан̃н̃абхаавзна аниб̣б̣ажанийяо самуухасанд̇аанаад̣̇ибхзд̣̇о убаад̣̇аабан̃н̃ад̇д̇исан̇каад̇о гхадабадаад̣̇ивохаарад̇т̇о жа бат̇авийд̇хаад̇упассаад̣̇ийнам̣ сабхаавад̇хаммаанам̣
со бана гаммаад̣̇исам̣садто, суд̣̇д̇хо жаад̇и д̣̇увид̇хо. д̇ад̇т̇а гаммаад̣̇ийсу д̣̇уд̇ияаад̣̇ийнам̣ вид̇хийяамаанад̇д̇аа гаммаад̣̇исам̣саг̇г̇арахид̇о лин̇г̇асан̇кяаабаримаан̣аяуд̇д̇о, д̇аб̣б̣инимуд̇д̇убасаг̇г̇аад̣̇ибад̣̇ад̇т̇абхууд̇о жа суд̣̇д̇хо сад̣̇д̣̇ад̇т̇о ид̇ха лин̇г̇ад̇т̇о наама.
яо бана аакяаад̇агид̇агад̇ад̣̇д̇хид̇асамаасзхи вуд̇д̇о гаммаад̣̇исам̣садто ад̇т̇о, соби д̣̇уд̇ияаад̣̇ийнам̣ буна ад̇д̇анаа вад̇д̇аб̣б̣асса ад̇т̇ависзсассаабхаавзна ависаяад̇д̇аа, лин̇г̇ад̇т̇амад̇д̇асса самбхавад̇о жа батамааязва висаяо.
ход̇и жзд̇т̇а –
батамаавубасаг̇г̇ад̇т̇з, гзсан̃жад̇т̇з нибаад̇асад̣̇д̣̇аанам̣;
лин̇г̇аад̣̇игз жа суд̣̇д̇хз-бхихид̇з гаммаад̣̇иад̇т̇зби.
салин̇г̇з д̇аава – зсо бурисо, зд̇з бурисаа, зсаа ган̃н̃аа, зд̇аа ган̃н̃ааяо, зд̇ам̣ жид̇д̇ам̣, зд̇аани жид̇д̇аани.
сасан̇кяз – зго д̣̇вз.
сабаримаан̣з – д̣̇он̣о каарий аал̣хагам̣.
лин̇г̇аад̣̇ивинимуд̇д̇з сад̇д̇аамад̇д̇з – жа ваа ха ахам̣ ад̇т̇и саггаалаб̣бхаа ижжаад̣̇и.
‘‘лин̇г̇ад̇т̇з батамаа’’д̇и ад̇хигижжа ‘‘аалабанз жаа’’д̇и аалабанад̇т̇з жа батамаа, абхимукам̣ гад̇ваа лабанам̣ аалабанам̣, ааманд̇анам̣ авхаананд̇и ад̇т̇о.
зд̇т̇а жа ааманд̇анам̣ наама баг̇зва лад̣̇д̇хасаруубасса сад̣̇д̣̇зна абхимукийгаран̣ам̣, гад̇аабхимуко бана ‘‘г̇ажчаа’’д̇иаад̣̇инаа наязна грияааяа
вуд̇д̇ан̃жа
‘‘сад̣̇д̣̇знаабхимукийгааро, виж̇ж̇амаанасса вад̇т̇уно;
ааманд̇анам̣ вид̇хаад̇аб̣б̣з, над̇т̇и ‘рааж̇аа бхавз’д̇ид̣̇а’’нд̇и.
бхо буриса зхи, бхо бурисаа ваа, бхаванд̇о бурисаа зт̇а.
гасмим̣ ад̇т̇з д̣̇уд̇ияаа?
284. гаммад̇т̇з д̣̇уд̇ияаа.
гаммад̇т̇з лин̇г̇амхаа д̣̇уд̇ияаавибхад̇д̇и ход̇и.
анабхихид̇з звааяам̣, ‘‘гаммани д̣̇уд̇ияааяам̣ д̇д̇о’’д̇и важанан̃жзд̇т̇а н̃аабагам̣.
гим̣ гаммам̣?
‘‘язна ваа гаяирад̇з д̇ам̣ гаран̣а’’нд̇и ид̇о ‘‘ваа’’д̇и вад̇д̇ад̇з.
285. яам̣ гарод̇и д̇ам̣ гаммам̣.
яам̣ ваа гарод̇и, яам̣ ваа вигарод̇и, яам̣ ваа баабун̣аад̇и, д̇ам̣ гаарагам̣ гаммасан̃н̃ам̣ ход̇и.
ид̇ха лин̇г̇агаалаважанамад̇анд̇ам̣. гарийяад̇ийд̇и гаммам̣. д̇ад̇т̇а гаарагам̣, саад̇хагам̣ грияаанибпад̇д̇ияаа гааран̣амужжад̇з, д̇ам̣ бана гаарагам̣ чаб̣б̣ид̇хам̣ гаммам̣ гад̇д̇аа гаран̣ам̣ самбад̣̇аанамабаад̣̇аанамогаасо жаад̇и. д̇ад̇т̇а сабхаавад̇о, баригаббад̇о ваа гаммаад̣̇имхи сад̇иязва грияаабхаавад̇о гаммаад̣̇ийнам̣ чаннамби гаарагавохааро сид̣̇д̇хова ход̇и.
д̇ам̣ гаммам̣ д̇ивид̇хам̣ ниб̣б̣ад̇д̇анийяам̣ вигаран̣ийяам̣ баабан̣ийяан̃жаад̇и. яат̇аа – маад̇аа буд̇д̇ам̣ виж̇ааяад̇и, аахааро сукам̣ ж̇анаяад̇и. гхадам̣ гарод̇и д̣̇звад̣̇ад̇д̇о, гадтаман̇г̇аарам̣ гарод̇и, суван̣н̣ам̣ гзяуурам̣, гадагам̣ ваа гарод̇и, вийхаяо лунаад̇и. д̣̇звад̣̇ад̇д̇о нивзсанам̣ бависад̇и, аад̣̇ижжам̣ бассад̇и, д̇хаммам̣ сун̣аад̇и, бан̣д̣ид̇з баяирубаасад̇и.
вуд̇д̇ан̃жа
‘‘ниб̣б̣ад̇д̇ивигад̇иббад̇д̇и-бхзд̣̇зна д̇ивид̇хам̣ мад̇ам̣;
гад̇д̇у грияаабхиг̇аммам̣ д̇ам̣, сукан̇г̇аарам̣ нивзсана’’нд̇и.
зд̇т̇а жа ижчид̇аанижчид̇агат̇ид̇аагат̇ид̇аад̣̇ибхзд̣̇аманабзгкид̇ваа саб̣б̣асан̇г̇аахагавасзна ‘‘яам̣ гарод̇и д̇ам̣ гамма’’нд̇и вуд̇д̇ад̇д̇аа, ад̇т̇анд̇аравигаббанаваад̇хигаарад̇о жа саб̣б̣ад̇т̇а иминаава гаммасан̃н̃аа ход̇и.
д̇ад̇т̇а анижчид̇агаммам̣ яат̇аа – ган̣дагам̣ мад̣̇д̣̇ад̇и, висам̣ г̇илад̇и, г̇аамам̣ г̇ажчанд̇о ругкамуулам̣ убаг̇ажчад̇и.
агат̇ид̇агаммам̣ яат̇аа – яан̃н̃ад̣̇ад̇д̇ам̣ гамб̣алам̣ яаажад̇з б̣раахман̣о. зд̇т̇а хи ‘‘гамб̣ала’’мид̇и гат̇ид̇агаммам̣ д̣̇вигаммигааяа яаажанагрияааяа бад̇д̇умижчид̇ад̇арад̇д̇аа. ‘‘яан̃н̃ад̣̇ад̇д̇а’’мид̇и аббад̇хаанад̇д̇аа агат̇ид̇агаммам̣. д̇ат̇аа самид̣̇д̇хам̣ д̇ханам̣ бхигкад̇з, аж̇ам̣ г̇аамам̣ наяад̇и, бараабхаванд̇ам̣ бурисам̣, маяам̣ бужчаама г̇од̇амам̣, бхаг̇аваа бхигкуу зд̇ад̣̇авожа ижжаад̣̇и.
абхихид̇агаммз бана на ход̇и, яат̇аа – гадо гарийяад̇з д̣̇звад̣̇ад̇д̇зна, суг̇ад̇зна д̣̇зсид̇о д̇хаммо, яан̃н̃ад̣̇ад̇д̇о гамб̣алам̣ яаажийяад̇з б̣раахман̣зна ижжаад̣̇и.
‘‘д̣̇уд̇ияаа’’д̇и ад̇хигааро.
286. г̇ад̇и б̣уд̣̇д̇хи бхуж̇а бата хара гара саяаад̣̇ийнам̣ гаарид̇з ваа.
г̇аму сабба г̇ад̇имхи, б̣уд̇ха б̣од̇ханз, б̣уд̇ха аваг̇аманз ваа, бхуж̇а бааланаб̣яавахаран̣зсу, бата б̣яад̇д̇ияам̣ ваажааяам̣, хара харан̣з, гара гаран̣з, си саяз ижжзвамаад̣̇ийнам̣ д̇хаад̇уунам̣ баяог̇з гаарид̇з сад̇и баяож̇ж̇агагад̇д̇убхууд̇з гаммани лин̇г̇амхаа д̣̇уд̇ияаавибхад̇д̇и ход̇и ваа. нижжасамбад̇д̇з вигаббад̇т̇ояам̣, д̇зна д̇асса багкз д̇ад̇ияаа ход̇и.
яо гожи бурисо г̇аамам̣ г̇ажчад̇и, д̇аман̃н̃о баяож̇аяад̇и. бурисо бурисам̣ г̇аамам̣ г̇амаяад̇и, бурисзна ваа г̇аамам̣ г̇амаяад̇и. звам̣ сиссам̣ д̇хаммам̣ б̣од̇хзд̇и аажарияо, маад̇аа буд̇д̇ам̣ бхож̇анам̣ бхож̇аяад̇и, сиссам̣ д̇хаммам̣ баатзд̇и аажарияо, бурисо бурисам̣ бхаарам̣ хаарзд̇и, д̇ат̇аа бурисо бурисам̣ гаммам̣ гаараяад̇и, бурисзна ваа гаммам̣ гаараабаяад̇и, бурисо бурисам̣ саяаабаяад̇и. звам̣ саб̣б̣ад̇т̇а гаарид̇з гад̇д̇угаммани д̣̇уд̇ияаа.
гаарид̇зд̇и гим̣? бурисо г̇аамам̣ г̇ажчад̇и.
абхихид̇з на бхавад̇и, бурисзна бурисо г̇аамам̣ г̇амийяад̇з, сиссо д̇хаммам̣ б̣од̇хийяад̇з ижжаад̣̇и.
287. гаалад̣̇д̇хаанамажжанд̇асам̣яог̇з.
ажжанд̇ам̣ ниранд̇арам̣ сам̣яог̇оажжанд̇асам̣яог̇о. гаалад̣̇д̇хаанам̣ д̣̇аб̣б̣аг̇ун̣агрияаахи ажжанд̇асам̣яог̇з д̇зхи гаалад̣̇д̇хаанаваажийхи лин̇г̇зхи д̣̇уд̇ияаавибхад̇д̇и ход̇и.
гаалз д̇аава – сад̇д̇аахам̣ г̇авабаанам̣, маасам̣ мам̣сод̣̇анам̣, сарад̣̇ам̣ раман̣ийяаа над̣̇ий, саб̣б̣агаалам̣ раман̣ийяам̣ нанд̣̇анам̣, маасам̣ саж̇жхааяад̇и, д̇аяо маасз абхид̇хаммам̣ д̣̇зсзси.
ад̣̇д̇хаанз
ажжанд̇асам̣яог̇зд̇и гим̣? маасз маасз бхун̃ж̇ад̇и, яож̇анз яож̇анз вихаарам̣ бад̇идтаабзси.
288. гаммаббаважанийяаяуд̇д̇з.
гаммаббаважанийязхи нибаад̇обасаг̇г̇зхи яуд̇д̇з яог̇з сад̇и лин̇г̇амхаа д̣̇уд̇ияаавибхад̇д̇и ход̇и.
гаммам̣ баважанийяам̣ язсам̣ д̇з гаммаббаважанийяаа, барасаман̃н̃аавасзна ваа анваад̣̇аяо гаммаббаважанийяаа.
д̇ад̇т̇а анусад̣̇д̣̇асса лагкан̣з, сахад̇т̇з, хийнз жа гаммаббаважанийяасан̃н̃аа вуд̇д̇аа. яат̇аа – баб̣б̣аж̇ид̇аману баб̣б̣аж̇им̣су, над̣̇иманвавасид̇аа б̣аараан̣асий, над̣̇ияаа саха аваб̣ад̣̇д̇хаад̇и ад̇т̇о, ану саарибуд̇д̇ам̣ бан̃н̃аваа.
лагкан̣аад̣̇ийсу ‘‘лагкан̣и’д̇т̇амбхууд̇агкаанабхааг̇а вижчаасу бад̇и бари анаво’’д̇и бад̇и бари ануунам̣ гаммаббаважанийяасан̃н̃аа вуд̇д̇аа.
лагкан̣з суурияуг̇г̇аманам̣ бад̇и д̣̇иб̣б̣аа бхагкаа баад̇убхавзяяум̣, ругкам̣ бад̇и виж̇ж̇од̇ад̇з жанд̣̇о, ругкам̣ бари, ругкам̣ ану.
ид̇т̇амбхууд̇агкаанз саад̇ху д̣̇звад̣̇ад̇д̇о маад̇арам̣ бад̇и, маад̇арам̣ бари, маад̇арам̣ ану.
бхааг̇з яад̣̇зд̇т̇а мам̣ бад̇и сияаа, мам̣ бари, мам̣ ану, д̇ам̣ д̣̇ийяад̇у.
вижчааяог̇з
‘‘абхирабхааг̇з’’д̇и абхисса бхааг̇аваж̇ж̇ид̇зсу лагкан̣аад̣̇ийсу гаммаббаважанийяасан̃н̃аа вуд̇д̇аа. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о, саад̇ху д̣̇звад̣̇ад̇д̇о маад̇арам̣ абхи.
нибаад̇з д̇хи б̣раахман̣асса ханд̇аара мижжзвамаад̣̇и.
289. гважи д̣̇уд̇ияаа чадтийнамад̇т̇з.
чадтийнам̣ ад̇т̇з гважи д̣̇уд̇ияаавибхад̇д̇и ход̇и. анд̇арааабхид̇о барид̇о бад̇и бадибхаад̇ияог̇з аяам̣. анд̇араа жа рааж̇аг̇ахам̣ анд̇араа жа наал̣анд̣̇ам̣ ад̣̇д̇хаанамаг̇г̇аббадибанно, рааж̇аг̇ахасса жа наал̣анд̣̇ааяа жа маж̇жхзд̇и ад̇т̇о. абхид̇о г̇аамам̣ васад̇и, барид̇о г̇аамам̣ васад̇и, над̣̇им̣ нзран̃ж̇арам̣ бад̇и, нзран̃ж̇арааяа над̣̇ияаа самийбзд̇и ад̇т̇о. бадибханд̇у д̇ам̣ жунд̣̇а б̣ож̇жхан̇г̇аа, убамаа мам̣ бадибхаад̇и, убамаа маяхам̣ убадтахад̇ийд̇и ад̇т̇о.
‘‘гважи д̣̇уд̇ияаа, ад̇т̇з’’д̇и жа вад̇д̇ад̇з.
290. д̇ад̇ияаасад̇д̇амийнан̃жа.
д̇ад̇ияаасад̇д̇амийнамад̇т̇з жа гважи лин̇г̇амхаа д̣̇уд̇ияаавибхад̇д̇и ход̇и.
д̇ад̇ияад̇т̇з сажз мам̣ наалабиссад̇и, д̇ван̃жа мам̣ наабхибхаасаси, винаа сад̣̇д̇хаммам̣ гуд̇о сукам̣, убааяаманд̇арзна на ад̇т̇асид̣̇д̇хи.
сад̇д̇амияад̇т̇з
гаалз д̇аава – буб̣б̣ан̣хасамаяам̣ ниваасзд̇ваа, згам̣ самаяам̣ бхаг̇аваа. имам̣ рад̇д̇им̣ жад̇д̇ааро махаарааж̇аано.
убаад̣̇ибуб̣б̣асса васад̇хаад̇усса баяог̇з – г̇аамам̣ убавасад̇и, г̇аамам̣ анувасад̇и, вихаарам̣ ад̇хивасад̇и, г̇аамам̣ аавасад̇и, аг̇аарам̣ аж̇жхаавасад̇и. д̇ат̇аа бат̇авим̣ ад̇хисзссад̇и, г̇аамам̣ ад̇хид̇идтад̇и, г̇аамам̣ аж̇жхаавасад̇и.
д̇аббаанажаарзсу – над̣̇им̣ бивад̇и, г̇аамам̣ жарад̇и ижжаад̣̇и.
гасмим̣ ад̇т̇з д̇ад̇ияаа?
291. гаран̣з д̇ад̇ияаа.
гаран̣агаарагз д̇ад̇ияаавибхад̇д̇и ход̇и.
гим̣ гаран̣ам̣?
292. язна ваа гаяирад̇з д̇ам̣ гаран̣ам̣.
язна ваа гад̇д̇аа убагаран̣абхууд̇зна вад̇т̇унаа грияам̣ аб̣яавад̇хаанзна гарод̇и, язна ваа вигарод̇и, язна ваа баабун̣аад̇и, д̇ам̣ гаарагам̣ гаран̣асан̃н̃ам̣ ход̇и.
гарийяад̇з анзнаад̇и гаран̣ам̣, зд̇т̇а жа сад̇иби саб̣б̣агаарагаанам̣ грияаасаад̇хагад̇д̇з ‘‘язна ваа гаяирад̇з’’д̇и висзсзд̇ваа важанам̣ гад̇д̇уубагаран̣абхууд̇зсу гаарагзсу саад̇хагад̇амассзва г̇ахан̣ад̇т̇ам̣.
вуд̇д̇ан̃жа
‘‘яасса саб̣б̣ависзсзна, грияаасам̣сид̣̇д̇хихзд̇уд̇аа;
самбхаавийяад̇и д̇ам̣ вуд̇д̇ам̣, гаран̣ам̣ наама гаарага’’нд̇и.
д̇ам̣ бана д̣̇увид̇хам̣ аж̇жхад̇д̇ига б̣аахиравасзна.
яат̇аа – хад̇т̇зна гаммам̣ гарод̇и, жагкунаа руубам̣ бассад̇и, манасаа д̇хаммам̣ вин̃н̃ааяа. д̣̇ад̇д̇зна вийхаяо лунаад̇и, аг̇г̇инаа гудим̣ жхаабзд̇и.
‘‘д̇ад̇ияаа’’д̇и ад̇хигааро.
293. гад̇д̇ари жа.
гад̇д̇ари жа гаарагз лин̇г̇амхаа д̇ад̇ияаавибхад̇д̇и ход̇и. жаг̇г̇ахан̣зна ид̇т̇амбхууд̇алагкан̣з, грияаабаваг̇г̇з, буб̣б̣асад̣̇исасамуунад̇т̇а галаха нибун̣а миссага сакилад̇т̇аад̣̇ияог̇з, гаалад̣̇д̇хаанзсу, бажжад̇д̇агаммад̇т̇абан̃жамияад̇т̇аад̣̇ийсу жа д̇ад̇ияаа.
го жа гад̇д̇аа?
294. яо гарод̇и са гад̇д̇аа.
яо грияам̣ ад̇д̇аббад̇хаано худ̇ваа гарод̇и, со гад̇д̇усан̃н̃о ход̇и.
со д̇ивид̇хо суд̣̇д̇хагад̇д̇аа хзд̇угад̇д̇аа гаммагад̇д̇аад̇и. д̇ад̇т̇а яо саяамзва грияам̣ гарод̇и, со суд̣̇д̇хагад̇д̇аа. яо ан̃н̃ам̣ гаад̇ум̣ самад̇т̇ам̣ агаронд̇ам̣ гаммам̣ нияож̇зд̇и, со хзд̇угад̇д̇аа, яат̇аа – г̇анд̇ум̣ самад̇т̇о д̣̇звад̣̇ад̇д̇о, д̇аман̃н̃о баяож̇зд̇и ‘‘г̇амаяад̇и д̣̇звад̣̇ад̇д̇а’’нд̇и.
яам̣ бана д̇ад̇т̇а д̇ад̇т̇а г̇ажчад̇и д̣̇звад̣̇ад̇д̇о, д̇аман̃н̃о баяож̇аяад̇и ‘‘г̇амаяад̇и д̣̇звад̣̇ад̇д̇а’’нд̇и хзд̇вад̇т̇анид̣̇ассанам̣, д̇амби саамад̇т̇ияад̣̇ассанавасзна
зд̇т̇а бана
‘‘гад̇д̇аа’’д̇и вад̇д̇ад̇з.
293. яо гаарзд̇и са хзд̇у.
яо гад̇д̇аарам̣ гаарзд̇и, со хзд̇усан̃н̃о ход̇и, гад̇д̇аа жаад̇и хзд̇угад̇д̇усан̃н̃аа.
яо бана барасса грияам̣ бадижжа гаммабхууд̇оби сугарад̇д̇аа саяамзва сиж̇жханд̇о вияа ход̇и, со гаммагад̇д̇аа наама, яат̇аа – саяам̣ гарийяад̇з гадо, саяамзва бажжад̇з од̣̇анод̇и.
вуд̇д̇ан̃жа
‘‘ад̇д̇аббад̇хаано гирияам̣, яо ниб̣б̣ад̇д̇зд̇и гаараго;
аббаяуд̇д̇о баяуд̇д̇о ваа, са гад̇д̇аад̇и бавужжад̇и.
хзд̇угад̇д̇аад̇и гат̇ид̇о,
гад̇д̇уно яо баяож̇аго;
гаммагад̇д̇аад̇и сугаро,
гаммабхууд̇о гат̇ийяад̇з’’д̇и.
нану жа ‘‘сам̣яог̇о ж̇ааяад̇з’’д̇иаад̣̇ийсу гат̇ам̣ бурз асад̇о ж̇ананагрияааяа гад̇д̇убхаавосияаад̇и? вужжад̇з – логасан̇гзд̇асид̣̇д̇хо хи сад̣̇д̣̇аббаяог̇о, авиж̇ж̇амаанамби хи лого сад̣̇д̣̇аабхид̇хзяяад̇ааяа виж̇ж̇амаанам̣ вияа г̇ахзд̇ваа вохарад̇и
яат̇ааха
‘‘вохаарависаяо сад̣̇д̣̇о, нзганд̇абарамад̇т̇иго;
б̣уд̣̇д̇хисан̇габбид̇о ад̇т̇о, д̇ассад̇т̇од̇и бавужжад̇и.
б̣уд̣̇д̇хияаа г̇ахид̇ад̇д̇аа хи, сам̣яог̇о ж̇ааяад̇з ид̇и;
сам̣яог̇о виж̇ж̇амаанова, гад̇д̇аа бхавад̇и ж̇аад̇ияаа’’д̇и.
д̇ад̇ра д̇ад̇ияаа ж̇инзна д̣̇зсид̇о д̇хаммо, б̣уд̣̇д̇хзна ж̇ид̇о мааро, ахинаа д̣̇адто наро, б̣уд̣̇д̇хзна б̣од̇хид̇о лого, сад̣̇д̇хзхи гаарид̇о вихааро.
абхихид̇з на бхавад̇и. гадам̣ гарод̇и д̣̇звад̣̇ад̇д̇о, гаарзд̇и ваа.
ид̇т̇амбхууд̇асса лагкан̣з – саа бхиннзна сийсзна баг̇гхаранд̇зна лохид̇зна бадивиссагаанам̣ уж̇жхаабзси, уунабан̃жаб̣анд̇ханзна бад̇д̇зна ан̃н̃ам̣ навам̣ бад̇д̇ам̣ жзд̇аабзяяа, д̇ид̣̇ан̣д̣агзна бариб̣б̣ааж̇агамад̣̇д̣̇агки.
абаваг̇г̇з – згаахзнзва б̣аараан̣асим̣ бааяааси, навахи маасзхи вихаарам̣ нидтаабзси, яож̇анзна ад̇хийд̇ам̣ б̣яаагаран̣ам̣, грияаабаваг̇г̇од̇и грияааяа аасум̣ баринидтаабанам̣.
буб̣б̣аад̣̇ияог̇з
гаалад̣̇д̇хаанзсу – маасзна бхун̃ж̇ад̇и, яож̇анзна г̇ажчад̇и.
бажжад̇д̇з – ад̇д̇анаава ад̇д̇аанам̣ самманнад̇и.
гаммад̇т̇з – д̇илзхи кзд̇д̇з вабад̇и.
бан̃жамияад̇т̇з – сумуд̇д̇аа маяам̣ д̇зна махаасаман̣зна.
296. сахаад̣̇ияог̇з жа.
саха сад̣̇д̇хим̣ самам̣ наанаа винаа алам̣ гимижжзвамаад̣̇ийхи яог̇з лин̇г̇амхаа д̇ад̇ияаавибхад̇д̇и ход̇и, жасад̣̇д̣̇зна сахад̇т̇зби.
д̇ад̇т̇а сахасад̣̇д̣̇зна яог̇о грияаа г̇ун̣а д̣̇аб̣б̣а самавааяз самбхавад̇и. яат̇аа – вид̇аггзна саха вад̇д̇ад̇и, буд̇д̇зна саха т̇ууло, анд̇зваасигасад̣̇д̇хивихааригзхи саха аажарияубаж̇жхааяаанам̣ лаабхо, нисийд̣̇и бхаг̇аваа сад̣̇д̇хим̣ бхигкусан̇гхзна, сахассзна самам̣ мид̇аа, саб̣б̣зхи мз биязхи манаабзхи наанаабхааво винаабхааво, сан̇гхо винааби г̇аг̇г̇зна убосат̇ам̣ гарзяяа, алам̣ д̇з ид̇ха ваасзна, гим̣ мз згзна д̇ин̣н̣зна, бурисзна т̇аамад̣̇ассинаа, гим̣ д̇з ж̇адаахи д̣̇уммзд̇ха, гим̣ д̇з аж̇инасаадияаа.
сахад̇т̇з
297. хзд̇вад̇т̇з жа.
яог̇аг̇г̇ахан̣амихаанувад̇д̇ад̇з, хзд̇вад̇т̇з, хзд̇вад̇т̇аббаяог̇з жа лин̇г̇амхаа д̇ад̇ияаавибхад̇д̇и ход̇и.
гисмин̃жи палз д̣̇идтасаамад̇т̇ияам̣ гааран̣ам̣ хзд̇у, соязва ад̇т̇о, д̇асмим̣ хзд̇вад̇т̇з, аннзна васад̇и, д̇хаммзна васад̇и, виж̇ж̇ааяа васад̇и.
на ж̇ажжаавасало ход̇и,
на ж̇ажжаа ход̇и б̣раахман̣о;
гаммунаа васало ход̇и,
гаммунаа ход̇и б̣раахман̣о.
д̣̇аанзна бхог̇аваа, аажаарзна гулий.
гзна баан̣и гаамад̣̇ад̣̇о, гзна баан̣и мад̇хуссаво;
гзна д̇з б̣рахмажариязна, бун̃н̃ам̣ баан̣имхи иж̇жхад̇и.
хзд̇вад̇т̇аббаяог̇з – гзна нимид̇д̇зна, гзна баяож̇анзна, гзнадтзна, гзна хзд̇унаа васад̇и.
298. сад̇д̇амяад̇т̇з жа.
сад̇д̇амяад̇т̇з жа лин̇г̇амхаа д̇ад̇ияаавибхад̇д̇и ход̇и.
гаалад̣̇д̇хаанад̣̇исаад̣̇зсаад̣̇ийсу жааяам̣. д̇зна самаязна, д̇зна гаалзна, гаалзна д̇хаммассаван̣ам̣, со во мамажжаязна сад̇т̇аа, маасзна бхун̃ж̇ад̇и, яож̇анзна д̇хаавад̇и. бурад̇т̇имзна д̇хад̇арадто, д̣̇агкин̣зна вируул̣хаго, бажчимзна вируубагко, уд̇д̇арзна
299. язнан̇г̇авигааро.
язна б̣яаад̇химад̇аа ан̇г̇зна ан̇г̇ино вигааро лагкийяад̇з, д̇ад̇т̇а д̇ад̇ияаавибхад̇д̇и ход̇и. зд̇т̇а жа ан̇г̇амасса ад̇т̇ийд̇и ан̇г̇ам̣, сарийрам̣. агкинаа гаан̣о, хад̇т̇зна гун̣ий, баад̣̇зна кан̃ж̇о, бидтияаа куж̇ж̇о.
300. висзсанз жа.
висзсийяад̇и висзсид̇аб̣б̣ам̣ анзнаад̇и висзсанам̣, г̇од̇д̇аад̣̇и. д̇асмим̣ г̇од̇д̇анаамаж̇аад̇исиббаваяог̇ун̣асан̇каад̇з висзсанад̇т̇з д̇ад̇ияаавибхад̇д̇и ход̇и, жасад̣̇д̣̇зна багад̇иаад̣̇ийхи жа. г̇од̇д̇зна г̇од̇амо наат̇о.
саарибуд̇д̇од̇и наамзна, виссуд̇о бан̃н̃аваа жа со;
ж̇аад̇ияаа кад̇д̇ияо б̣уд̣̇д̇хо, логз аббадибуг̇г̇ало.
д̇ад̣̇аху баб̣б̣аж̇ид̇о санд̇о, ж̇аад̇ияаа сад̇д̇авассиго;
соби мам̣ анусаасзяяа, самбадижчаами мад̇т̇агз.
сиббзна нал̣агааро со, згуунад̇им̣со ваяасаа, виж̇ж̇ааяа саад̇ху, бан̃н̃ааяа саад̇ху, д̇абасаа уд̇д̇амо, суван̣н̣зна абхируубо.
багад̇иаад̣̇ийсу – багад̇ияаа абхируубо, язбхуяязна мад̇д̇игаа, самзна д̇хаавад̇и, висамзна д̇хаавад̇и, д̣̇вид̣̇он̣зна д̇хан̃н̃ам̣ гин̣аад̇и, сахассзна ассагз гин̣аад̇и ижжаад̣̇и.
гасмим̣ ад̇т̇з жад̇уд̇т̇ий?
301. самбад̣̇аанз жад̇уд̇т̇ий.
самбад̣̇аанагаарагз лин̇г̇амхаа жад̇уд̇т̇ийвибхад̇д̇и ход̇и.
гин̃жа самбад̣̇аанам̣?
302. яасса д̣̇аад̇угаамо рожад̇з д̇хаараяад̇з ваа д̇ам̣ самбад̣̇аанам̣.
яасса ваа д̣̇аад̇угаамо, яасса ваа рожад̇з, яасса ваа д̇хаараяад̇з, д̇ам̣ гаарагам̣ самбад̣̇аанасан̃н̃ам̣ ход̇и. саммаа бад̣̇ийяад̇з ассаад̇и самбад̣̇аанам̣, бадиг̇г̇аахаго.
д̇ам̣ бана д̇ивид̇хам̣ д̣̇ияяамаанассаанивааран̣аж̇жхзсанаанумад̇ивасзна. яат̇аа – б̣уд̣̇д̇хасса бубпам̣ яаж̇ад̇и, б̣од̇хиругкасса ж̇алам̣ д̣̇ад̣̇аад̇и. аж̇жхзсанз – яаажагаанам̣ д̇ханам̣ д̣̇ад̣̇аад̇и. анумад̇ияам̣ – бхигкуунам̣ д̣̇аанам̣ д̣̇зд̇и.
яат̇ааха
‘‘анираагаран̣аараад̇ха-нааб̣бханун̃н̃авасзна хи;
самбад̣̇аанам̣ д̇ид̇хаа вуд̇д̇ам̣, ругка яаажага бхигкаво’’д̇и.
д̣̇аад̇угаамод̇и гим̣? ран̃н̃о д̣̇ан̣д̣ам̣ д̣̇ад̣̇аад̇и.
рожанаад̣̇ийсу бана – саман̣асса рожад̇з сажжам̣, мааяасманд̇аанамби сан̇гхабхзд̣̇о ружжид̇т̇а, яассааяасмад̇о камад̇и, д̣̇звад̣̇ад̇д̇асса суван̣н̣ажчад̇д̇ам̣ д̇хаараяад̇з яан̃н̃ад̣̇ад̇д̇о.
‘‘самбад̣̇аанам̣, ваа’’д̇и жа вад̇д̇ад̇з.
303. силаагха хану таа саба д̇хаара биха гуд̇ха д̣̇ухи ссаасууяа раад̇хигка бажжаасун̣а анубад̇иг̇ин̣абуб̣б̣агад̇д̇аарожанад̇т̇ад̇ад̣̇ад̇т̇а д̇умад̇т̇ааламад̇т̇а ман̃н̃аанаад̣̇араббаан̣ини г̇ад̇яад̇т̇агаммани аасисад̇т̇а саммуд̇и бхияяасад̇д̇амяад̇т̇зсу жа.
жад̇уббад̣̇амид̣̇ам̣ силаагха гад̇т̇анз, хану абанаяанз, таа г̇ад̇инивад̇д̇имхи, саба аггосз, д̇хара д̇хааран̣з, биха ижчааяам̣ ижжзд̇зсам̣ д̇хаад̇уунам̣ баяог̇з, гуд̇ха гобз, д̣̇уха ж̇игхам̣сааяам̣, исса иссааяам̣, усууяа д̣̇осаавигаран̣з ижжзд̇зсам̣ д̇ад̣̇ад̇т̇аваажийнан̃жа д̇хаад̇уунам̣ баяог̇з жа раад̇ха хим̣саасам̣раад̇хзсу, игка д̣̇ассанан̇гзсууд̇и имзсам̣ баяог̇з жа бад̇и аабуб̣б̣асса су саван̣зд̇и имасса жа анубад̇ибуб̣б̣асса г̇зсад̣̇д̣̇зд̇и имасса жа буб̣б̣агад̇д̇аа жа аарожанад̇т̇аббаяог̇з, д̇ад̣̇ад̇т̇з, д̇умад̇т̇з, аламад̇т̇аббаяог̇з жа ман̃н̃ад̇иббаяог̇з анаад̣̇арз аббаан̣ини жа г̇ад̇яад̇т̇аанам̣ гаммани жа аасисад̇т̇аббаяог̇з жа саммуд̇и бхияяаббаяог̇зсу жа сад̇д̇амяад̇т̇з жаад̇и д̇ам̣ гаммаад̣̇игаарагам̣ самбад̣̇аанасан̃н̃ам̣ ход̇и, жасад̣̇д̣̇аг̇г̇ахан̣зна бахин̣ад̇игаббад̇и баход̇и убамаан̃ж̇алигаран̣а паасу ад̇т̇асзяяаббабхуд̇ияог̇з жа бурз вияа жад̇уд̇т̇ий.
силаагхаад̣̇иббаяог̇з д̇аава – б̣уд̣̇д̇хасса силаагхад̇з. убаж̇жхааяасса силаагхад̇з, т̇омзд̇ийд̇и ад̇т̇о.
хануд̇з маяхамзва, хануд̇з д̇уяхамзва, абалабад̇ийд̇и ад̇т̇о.
убад̇идтзяяа сагяабуд̇д̇аанам̣ вад̣дхагий, зд̇т̇а жа убадтаанам̣ наама убаг̇аманам̣. бхигкусса бхун̃ж̇амаанасса баанийязна ваа вид̇хуубанзна ваа убад̇идтзяяа.
д̇уяхам̣ сабад̇з, маяхам̣ сабад̇з, зд̇т̇а жа сабанам̣ наама сажжагаран̣ам̣.
д̇хаараяад̇иббаяог̇з д̇ханигоязва самбад̣̇аанам̣, суван̣н̣ам̣ д̇з д̇хаараяад̇з, ин̣ам̣ д̇хаараяад̇ийд̇и ад̇т̇о. д̇асса ран̃н̃о маяам̣ нааг̇ам̣ д̇хаараяаама.
бихаббаяог̇з
год̇хаад̣̇иад̇т̇аанам̣ баяог̇з яам̣ бад̇и гобо, д̇асса гуж̇жха махаавийра, яад̣̇ихам̣ д̇асса губбзяяам̣.
д̣̇ухаяад̇и д̣̇исаанам̣ мзгхо, яо мид̇д̇аанам̣ на д̣̇уб̣бхад̇и.
д̇ид̇т̇ияаа иссанд̇и саман̣аанам̣.
д̣̇уж̇ж̇анаа г̇ун̣аванд̇аанам̣ усууяанд̇и, гаа усууяаа виж̇аанад̇ам̣.
раад̇хигкаббаяог̇з яасса вибужчанам̣ гаммавикяаабанад̇т̇ам̣, ваад̇хигаарад̇о д̣̇уд̇ияаа жа. аараад̇хо мз ран̃н̃о, ран̃н̃о абараж̇жхад̇и, рааж̇аанам̣ ваа абараж̇жхад̇и, гяаахам̣ аяяаанам̣ абараж̇жхаами, гяаахам̣ аяяз абараж̇жхаами ваа.
ааяасмад̇о убаалид̇т̇зрасса убасамбад̣̇аабзгко убад̇иссо, ааяасманд̇ам̣ ваа.
бажжаасун̣а анубад̇иг̇ин̣аанам̣ буб̣б̣агад̇д̇аа жа сун̣од̇исса д̇хаад̇усса бажжааяог̇з, г̇ин̣асса жа анубад̇ияог̇з буб̣б̣асса гаммуно яо гад̇д̇аа, со самбад̣̇аанасан̃н̃о ход̇и. яат̇аа – бхаг̇аваа бхигкуу зд̇ад̣̇авожа, зд̇т̇а ‘‘бхигкуу’’д̇и агат̇ид̇агаммам̣, ‘‘зд̇а’’нд̇и гат̇ид̇агаммам̣, буб̣б̣асса важанагаммасса гад̇д̇аа бхаг̇аваа. бхигкуу бхаг̇авад̇о бажжассосум̣, аасун̣анд̇и б̣уд̣̇д̇хасса бхигкуу, д̇ат̇аа бхигку ж̇анам̣ д̇хаммам̣ саавзд̇и, д̇асса бхигкуно ж̇ано ануг̇ин̣аад̇и, д̇асса бхигкуно ж̇ано бад̇иг̇ин̣аад̇и, саад̇хугаарад̣̇аанаад̣̇инаа д̇ам̣ уссаахаяад̇ийд̇и ад̇т̇о.
яо вад̣̇зд̇и са гад̇д̇аад̇и, вуд̇д̇ам̣ гамманд̇и вужжад̇и;
яо бадиг̇г̇аахаго д̇асса, самбад̣̇аанам̣ виж̇аанияаад̇и.
аарожанад̇т̇аббаяог̇з аарожанасад̣̇д̣̇асса гат̇анаббагаарад̇т̇ад̇д̇аа д̣̇зсанад̇т̇аад̣̇иббаяог̇зби жад̇уд̇т̇ий. д̇хаммам̣ во д̣̇зсзссаами, д̣̇зсзд̇у бханд̇з бхаг̇аваа д̇хаммам̣ бхигкуунам̣, яат̇аа но бхаг̇аваа б̣яаагарзяяа, нируд̇д̇им̣ д̇з бавагкаами ижжаад̣̇и.
д̇ад̣̇ад̇т̇з самбад̣̇аанасан̃н̃аа, жад̇уд̇т̇ий жа.
‘‘ад̇о, ваа’’д̇и жа вад̇д̇ад̇з.
304. ааяа жад̇уд̇т̇згаважанасса д̇у.
агааранд̇ад̇о лин̇г̇амхаа барасса жад̇уд̇т̇згаважанасса ааяаад̣̇зсо ход̇и ваа, саралобаад̣̇и.
б̣уд̣̇д̇хассад̇т̇ааяа д̇хаммассад̇т̇ааяа сан̇гхассад̇т̇ааяа ж̇ийвид̇ам̣ барижжаж̇аами, бин̣д̣абаад̇ам̣ бадисзваами нзва д̣̇авааяа на мад̣̇ааяа на ман̣д̣анааяа на вибхуусанааяа, уунасса баарибуурияаа, ад̇т̇ааяа хид̇ааяа сукааяа сам̣вад̇д̇ад̇и.
д̇умад̇т̇з – логаанугамбааяа, логаманугамбид̇унд̇и ад̇т̇о. д̇ат̇аа паасувихаарааяа.
алам̣сад̣̇д̣̇асса ад̇т̇аа арахабадигкзбаа. арахад̇т̇з – алам̣ мз раж̇ж̇ам̣, алам̣ бхигку бад̇д̇асса, агкад̇худ̇д̇о бурисабуг̇г̇ало наалам̣ д̣̇аарабхаран̣ааяа, алам̣ малло малласса, арахад̇и малло малласса.
бадигкзбз
ман̃н̃ад̇иббаяог̇з анаад̣̇арз аббаан̣ини гамманиязва – гадтасса д̇увам̣ ман̃н̃з, гал̣ин̇г̇арасса д̇увам̣ ман̃н̃з, ж̇ийвид̇ам̣ д̇ин̣ааяаби на ман̃н̃амаано.
анаад̣̇арзд̇и гим̣? суван̣н̣ам̣ д̇ам̣ ман̃н̃з. аббаан̣инийд̇и гим̣? г̇ад̣̇рабхам̣ д̇увам̣ ман̃н̃з.
г̇ад̇яад̇т̇агаммани ваад̇хигаарад̇о д̣̇уд̇ияаа жа. аббо саг̇г̇ааяа г̇ажчад̇и, аббо саг̇г̇ам̣ г̇ажчад̇и, ниб̣б̣аанааяа важ̇анд̇ияаа, муулааяа бадигассзяяа, муулам̣ бадигассзяяа.
аасийсанад̇т̇з ааяубхад̣̇д̣̇агусалаад̣̇ияог̇зязва, ааяасмад̇о д̣̇ийгхааяу ход̇у, ‘‘д̇од̇ид̇аа сасмим̣наасуу’’д̇и нд̇усса савибхад̇д̇исса д̇о аад̣̇зсо. бхад̣̇д̣̇ам̣ бхавад̇о ход̇у, гусалам̣ бхавад̇о ход̇у, анаамаяам̣ бхавад̇о ход̇у, сукам̣ бхавад̇о ход̇у, ад̇т̇ам̣ бхавад̇о ход̇у, хид̇ам̣ бхавад̇о ход̇у, свааг̇ад̇ам̣ бхавад̇о ход̇у, сод̇т̇и ход̇у саб̣б̣асад̇д̇аанам̣.
саммуд̇иббаяог̇з – саад̇ху саммуд̇и мз д̇асса бхаг̇авад̇о д̣̇ассанааяа.
бхияяаббаяог̇з бхияяосо мад̇д̇ааяа.
сад̇д̇амияад̇т̇з аавигаран̣а баад̇убхаванаад̣̇ияог̇з – д̇уяхан̃жасса аавигароми, д̇асса мз сагго баад̇урахоси.
жасад̣̇д̣̇аг̇г̇ахан̣зна
‘‘жад̇уд̇т̇ий’’д̇и вад̇д̇ад̇з.
305. намояог̇аад̣̇ийсваби жа.
намосад̣̇д̣̇аяог̇з, сод̇т̇исвааг̇ад̇аад̣̇ийхи жа яог̇з лин̇г̇амхаа жад̇уд̇т̇ийвибхад̇д̇и ход̇и. намо д̇з б̣уд̣̇д̇ха вийрад̇т̇у, намо гарохи нааг̇асса, намад̇т̇у б̣уд̣̇д̇хаанам̣, намад̇т̇у б̣од̇хияаа, сод̇т̇и баж̇аанам̣, свааг̇ад̇ам̣ д̇з махаарааж̇а, ат̇о д̇з ад̣̇урааг̇ад̇ам̣.
‘‘гаалз, бхависсад̇ий’’д̇и жа вад̇д̇ад̇з.
306. бхаававаажимхи жад̇уд̇т̇ий.
бхаававаажимхи жад̇уд̇т̇ийвибхад̇д̇и ход̇и бхависсад̇игаалз. бхаванам̣ бхааво. бажжиссад̇з, бажанам̣ ваа бааго, баагааяа важ̇ад̇и, бажид̇ум̣ г̇ажчад̇ийд̇и ад̇т̇о. звам̣ бхог̇ааяа важ̇ад̇и ижжаад̣̇и.
гасмим̣ ад̇т̇з бан̃жамий?
307. абаад̣̇аанз бан̃жамий.
гимабаад̣̇аанам̣?
308. яасмаад̣̇абзд̇и бхаяамаад̣̇ад̇д̇з ваа д̇ад̣̇абаад̣̇аанам̣.
яасмаа ваа авад̇хид̇о абзд̇и, яасмаа ваа бхаяахзд̇уд̇о бхаяам̣ бхавад̇и, яасмаа ваа агкаад̇аараа виж̇ж̇ам̣ аад̣̇ад̣̇аад̇и, д̇ам̣ гаарагам̣ абаад̣̇аанасан̃н̃ам̣ ход̇и. абанзд̇ваа ид̇о аад̣̇ад̣̇аад̇ийд̇и абаад̣̇аанам̣.
д̇ам̣ бана д̇ивид̇хам̣ висаяабхзд̣̇зна нид̣̇д̣̇идтависаяам̣, убаад̇д̇ависаяам̣, анумзяяависаяан̃жаад̇и.
абаад̣̇аанасан̃н̃аависаяасса грияаависзсасса нид̣̇д̣̇идтад̇д̇аа нид̣̇д̣̇идтависаяам̣. яат̇аа – г̇аамаа абзнд̇и мунаяо, наг̇араа ниг̇г̇ад̇о рааж̇аа.
зд̇т̇а жа ‘‘баабаа жид̇д̇ам̣ ниваараяз, баабаа ниваарзнд̇ий’’д̇иаад̣̇ийсу яад̣̇иби гааяасам̣яог̇абуб̣б̣агаабаг̇аманам̣ над̇т̇и, д̇ат̇ааби жид̇д̇асам̣яог̇абуб̣б̣агасса абаг̇аманасса самбхавад̇о иминаа жа абаад̣̇аанасан̃н̃аа.
яад̇т̇а бана абаг̇аманагрияам̣ убаад̇д̇ам̣ аж̇жхаахадам̣ висаяам̣ гад̇ваа бавад̇д̇ад̇и, д̇ам̣ убаад̇д̇ависаяам̣. яат̇аа – валаахагаа виж̇ж̇од̇ад̇з виж̇ж̇у, гусуулад̇о бажад̇ийд̇и. зд̇т̇а жа ‘‘валаахагаа нигкамма, гусуулад̇о абанзд̇ваа’’д̇и жа буб̣б̣агрияаа аж̇жхаахарийяад̇и.
анумзяяависаяам̣ яат̇аа – маат̇ураа баадалибуд̇д̇агзхи абхируубаа. зд̇т̇а хи гзнажи г̇ун̣зна уггам̣сийяанд̇ийд̇и анумзяяова грияаависзсо. ид̇ха бана д̣̇ууранд̇игаад̣̇исуд̇д̇з вибхад̇д̇аг̇г̇ахан̣зна абаад̣̇аанасан̃н̃аа.
вуд̇д̇ан̃жа
‘‘нид̣̇д̣̇идтависаяам̣ гин̃жи, убаад̇д̇ависаяам̣ д̇ат̇аа;
анумзяяависаяан̃жаад̇и, абаад̣̇аанам̣ д̇ид̇хаа мад̇а’’нд̇и.
д̇ад̣̇зва
жалам̣ яат̇аа – д̇хаавад̇аа хад̇т̇имхаа бад̇ид̇о ан̇гусад̇хаарий.
ажалам̣ яат̇аа – баб̣б̣ад̇аа од̇аранд̇и ванажараа.
бхаяахзд̇умхи – жораа бхаяам̣ ж̇ааяад̇и, д̇ан̣хааяа ж̇ааяад̇ий бхаяам̣, баабад̇о уд̇д̇асад̇и, агкаад̇ари – убаж̇жхааяаа сигкам̣ г̇ан̣хаад̇и, аажарияамхаа ад̇хийд̇з, аажарияад̇о сун̣аад̇и.
‘‘абаад̣̇аана’’нд̇и ад̇хигааро.
309. д̇хаад̇унаамаанамубасаг̇г̇аяог̇аад̣̇ийсваби жа.
д̇хаад̇аво жа наамаани жа д̇хаад̇унаамаани, д̇зсам̣ авихид̇алагкан̣аанам̣ д̇хаад̇унаамаанам̣ баяог̇з, убасаг̇г̇аяог̇з жа аад̣̇исад̣̇д̣̇зна нибаад̇аяог̇з жа д̇ам̣яуд̇д̇ам̣ гаарагам̣ абаад̣̇аанасан̃н̃ам̣ ход̇и.
д̇хаад̇уббаяог̇з д̇аава – барааж̇ияог̇з яо асаяхо, бабхууяог̇з бабхаво, ж̇анияог̇з ж̇ааяамаанасса багад̇и жа. яат̇аа – б̣уд̣̇д̇хасмаа барааж̇знд̇и ан̃н̃ад̇ид̇т̇ияаа. химавад̇аа бабхаванд̇и бан̃жа махаанад̣̇ияо, анавад̇ад̇д̇амхаа махаасараа бабхаванд̇и, ажиравад̇ияаа бабхаванд̇и гуннад̣̇ияо. гаамад̇о ж̇ааяад̇ий сого, яасмаа со ж̇ааяад̇з г̇ини, урасмаа ж̇аад̇о буд̇д̇о, гаммад̇о ж̇аад̇ам̣ инд̣̇рияам̣.
наамаббаяог̇з ан̃н̃ад̇т̇ид̇араад̣̇ийхи яуд̇д̇з – наан̃н̃ад̇ра д̣̇угкаа самбход̇и, наан̃н̃ам̣ д̣̇угкаа нируж̇жхад̇и, д̇ад̇о ан̃н̃зна гаммзна, д̇ад̇о ид̇арам̣, убхад̇о суж̇аад̇о буд̇д̇о ижжаад̣̇и.
убасаг̇г̇аяуд̇д̇зсу абабарийхи важ̇ж̇анад̇т̇зхи яог̇з, марияаад̣̇аабхивид̇хиад̇т̇з ааяог̇з бад̇инаа бад̇инид̇хибад̇ид̣̇аанад̇т̇зна яог̇з жа. яат̇аа – абасаалааяа ааяанд̇и ваан̣иж̇аа, саалам̣ важ̇ж̇зд̇ваад̇и ад̇т̇о. д̇ат̇аа барибаб̣б̣ад̇аа д̣̇зво вассад̇и, баб̣б̣ад̇ам̣ важ̇ж̇зд̇ваад̇и ад̇т̇о. марияаад̣̇ааяам̣ – аабаб̣б̣ад̇аа кзд̇д̇ам̣. абхивид̇химхи – ааб̣рахмалогаа сад̣̇д̣̇о аб̣бхуг̇г̇ажчад̇и, б̣рахмалогам̣ абхиб̣яаабзд̇ваад̇и ад̇т̇о. бад̇инид̇химхи – б̣уд̣̇д̇хасмаа бад̇и саарибуд̇д̇о д̇хаммад̣̇зсанааяа аалабад̇и д̇змаасам̣. бад̇ид̣̇аанз – гхад̇амасса д̇зласмаа бад̇и д̣̇ад̣̇аад̇и, ганагамасса хиран̃н̃асмаа бад̇и д̣̇ад̣̇аад̇и.
нибаад̇аяуд̇д̇зсу рид̇з наанаа винаад̣̇ийхи яог̇з – рид̇з сад̣̇д̇хаммаа гуд̇о сукам̣ лабхад̇и. д̇з бхигкуу наанаагулаа баб̣б̣аж̇ид̇аа. винаа сад̣̇д̇хаммаа над̇т̇ан̃н̃о гожи наат̇о логз виж̇ж̇ад̇и. ариязхи бут̇аг̇звааяам̣ ж̇ано, яаава б̣рахмалогаа сад̣̇д̣̇о аб̣бхуг̇г̇ажчад̇и.
абиг̇г̇ахан̣зна гаммаабаад̣̇аанагаарагамаж̇жхзби бан̃жамий гаалад̣̇д̇хаанзхи, багкасмаа виж̇жхад̇и миг̇ам̣ луд̣̇д̣̇аго, ид̇о багкасмаа миг̇ам̣ виж̇жхад̇ийд̇и вуд̇д̇ам̣ ход̇и. звам̣ маасасмаа бхун̃ж̇ад̇и бхож̇анам̣, госаа виж̇жхад̇и гун̃ж̇арам̣.
жасад̣̇д̣̇аг̇г̇ахан̣зна бабхуд̇яаад̣̇иад̇т̇з, д̇ад̣̇ад̇т̇аббаяог̇з жа – яад̇охам̣ бхаг̇ини арияааяа ж̇аад̇ияаа ж̇аад̇о, яад̇о сараами ад̇д̇аанам̣, яад̇о бад̇д̇осми вин̃н̃уд̇ам̣, яад̇ваад̇хигаран̣амзнам̣, яад̇о бабхуд̇и, яад̇о бадтааяа, д̇ад̇о бадтааяа ижжаад̣̇и.
310. рагкан̣ад̇т̇аанамижчид̇ам̣
рагкан̣ад̇т̇аанам̣ д̇хаад̇уунам̣ баяог̇з яам̣ ижчид̇ам̣, д̇ам̣ гаарагам̣ абаад̣̇аанасан̃н̃ам̣ ход̇и, жагаараад̇хигаарад̇о анижчид̇ан̃жа. рагкан̣ан̃жзд̇т̇а нивааран̣ам̣, д̇ааяанан̃жа. гаагз рагканд̇и д̇ан̣д̣улаа, яаваа бадисзд̇хзнд̇и г̇ааво.
анижчид̇ам̣ яат̇аа – баабаа жид̇д̇ам̣ ниваараяз, баабааниваарзнд̇и, рааж̇ад̇о ваа жорад̇о ваа аг̇г̇ид̇о ваа уд̣̇агад̇о ваа наанаабхаяад̇о ваа наанаарог̇ад̇о ваа наанааубад̣̇д̣̇авад̇о ваа аарагкам̣ г̇ан̣ханд̇у.
‘‘ижчид̇а’’мид̇и вад̇д̇ад̇з.
311. язна ваа’д̣̇ассанам̣.
язна ад̣̇ассанамижчид̇ам̣ анд̇арад̇хааяанд̇зна, д̇ам̣ гаарагам̣ абаад̣̇аанасан̃н̃ам̣ ход̇и ваа, анд̇арад̇хаанзвааяам̣. убаж̇жхааяаа анд̇арад̇хааяад̇и сиссо, нилийяад̇ийд̇и ад̇т̇о. маад̇аабид̇уухи анд̇арад̇хааяад̇и буд̇д̇о.
ваад̇и гим̣? ж̇зд̇аванз анд̇арахид̇о. язнаад̇и гим̣? яагко д̇ад̇т̇зва анд̇арад̇хааяад̇и.
312. д̣̇ууранд̇игад̣̇д̇хагааланиммаанад̇ваалобад̣̇исааяог̇авибхад̇д̇аараббаяог̇а суд̣̇д̇хаббаможана хзд̇у вивид̇д̇аббамаан̣а буб̣б̣аяог̇а б̣анд̇хана г̇ун̣аважана бан̃ха гат̇анат̇огаагад̇д̇уусу жа.
д̣̇уурад̇т̇з, анд̇игад̇т̇з, ад̣̇д̇ханиммаанз, гааланиммаанз, д̇ваалобз, д̣̇исааяог̇з, вибхад̇д̇з, аарад̇иббаяог̇з, суд̣̇д̇хад̇т̇аббаяог̇з, баможанад̇т̇аббаяог̇з, хзд̇вад̇т̇з, вивид̇д̇ад̇т̇аббаяог̇з, бамаан̣ад̇т̇з, буб̣б̣аяог̇з, б̣анд̇ханад̇т̇аббаяог̇з, г̇ун̣аважанз жасад̣̇д̣̇зна яат̇ааяог̇ам̣ д̣̇уд̇ияаа, д̇ад̇ияаа, чадтий жа.
зд̇т̇а жа д̣̇ууранд̇иган̃жа д̣̇ууранд̇игад̇т̇ан̃жаад̇и д̣̇ууранд̇иганд̇и саруубзгасзсам̣ гад̇ваа вуд̇д̇анд̇и д̣̇адтаб̣б̣ам̣, д̇зна д̣̇ууранд̇игад̇т̇аббаяог̇з, д̇ад̣̇ад̇т̇з жа абаад̣̇аанасан̃н̃о ход̇и.
д̣̇уурад̇т̇аббаяог̇з д̇аава – гийвад̣̇ууро ид̇о нал̣агаараг̇аамо, д̇ад̇о хавз д̣̇уурад̇арам̣ вад̣̇анд̇и, г̇аамад̇о наад̇ид̣̇уурз. аарагаа д̇з могхабурисаа имасмаа д̇хаммавинаяаа, аарагаа д̇зхи бхаг̇аваа. д̣̇уурад̇т̇з – д̣̇уурад̇ова намассанд̇и, ад̣̇д̣̇аса д̣̇уурад̇ова ааг̇ажчанд̇ам̣.
анд̇игад̇т̇аббаяог̇з – анд̇игам̣ г̇аамаа, аасаннам̣ г̇аамаа, самийбам̣ г̇аамаа, г̇аамасса самийбанд̇и ад̇т̇о.
д̣̇уд̇ияаа, д̇ад̇ияаа жа, д̣̇уурам̣ г̇аамам̣ ааг̇ад̇о, д̣̇уурзна г̇аамзна ааг̇ад̇о, д̣̇уурад̇о г̇аамаа ааг̇ад̇од̇и ад̇т̇о. д̣̇уурам̣ г̇аамзна ваа. анд̇игам̣ г̇аамам̣ ааг̇ад̇о, анд̇игам̣ г̇аамзна ваа, аасаннам̣ г̇аамам̣, аасаннам̣ г̇аамзна ваа ижжаад̣̇и.
ад̣̇д̇хагааланиммаанз ниммаанам̣ наама баримаан̣ам̣, д̇асмим̣ г̇амяамаанз – ид̇о мат̇урааяа жад̇уусу яож̇анзсу сан̇гассам̣, рааж̇аг̇ахад̇о бан̃жажад̇д̇аалийсаяож̇анамад̇т̇агз саавад̇т̇и.
гааланиммаанз – ид̇о зганавуд̇игаббамад̇т̇агз вибассий бхаг̇аваа логз уд̣̇абаад̣̇и, ид̇о вассасахассажжаязна б̣уд̣̇д̇хо логз уббаж̇ж̇иссад̇и.
д̇ваабажжаяанд̇асса лобо наама д̇ад̣̇ад̇т̇асамбхавзби авиж̇ж̇амаанад̇аа, д̇асмим̣ д̇ваалобз гаммаад̇хигаран̣зсу – баасаад̣̇аа сан̇гамзяяа, баасаад̣̇ам̣ абхирухид̇ваа сан̇гамзяяаад̇и ад̇т̇о
д̣̇исад̇т̇аваажийхи яог̇з, д̣̇исад̇т̇з жа – ид̇о саа буримаа д̣̇исаа, ид̇о саа д̣̇агкин̣аа д̣̇исаа, ид̇о саа бажчимаа д̣̇исаа, ид̇о саа уд̇д̇араа д̣̇исаа, авийжид̇о убарибхаваг̇г̇аа, уд̣̇д̇хам̣ баад̣̇ад̇алаа, ад̇хо гзсамад̇т̇агаа ижжаад̣̇и. д̣̇исад̇т̇з – бурад̇т̇имад̇о д̣̇агкин̣ад̇од̇иаад̣̇и. зд̇т̇а бана сад̇д̇амияад̇т̇з д̇обажжаяоби бхависсад̇и.
вибхад̇д̇ам̣ наама саяам̣ вибхад̇д̇ассзва д̇ад̣̇ан̃н̃ад̇о г̇ун̣зна вибхаж̇анам̣, д̇асмим̣ вибхад̇д̇з – яад̇о бан̣ийд̇ад̇аро ваа висидтад̇аро ваа над̇т̇и, ад̇д̇ад̣̇анд̇о д̇ад̇о варам̣. гин̃жааби д̣̇аанад̇о сийламзва варам̣, д̇ад̇о маяаа суд̇аа ассуд̇амзва б̣ахуд̇арам̣, сийламзва суд̇аа сзяяо. чадтий жа, чаннавуд̇ийнам̣ баасан̣д̣аанам̣ баварам̣ яад̣̇ид̣̇ам̣ суг̇ад̇авинаяо.
аарад̇иббаяог̇о наама вираман̣ад̇т̇асад̣̇д̣̇аббаяог̇о. д̇ад̇т̇а – асад̣̇д̇хаммаа аарад̇и, вирад̇и баабаа, баан̣аад̇ибаад̇аа взраман̣ий, ад̣̇иннаад̣̇аанаа бадивирад̇о, аббадивирад̇о мусааваад̣̇аа.
суд̣̇д̇хад̇т̇аббаяог̇з – лобханийязхи д̇хаммзхи суд̣̇д̇хо асам̣садто, маад̇ид̇о жа бид̇ид̇о жа суд̣̇д̇хо анубаггудто аг̇арахид̇о.
баможанад̇т̇аббаяог̇з
хзд̇вад̇т̇з, саруубзгасзсасса г̇ахид̇ад̇д̇аа хзд̇вад̇т̇аббаяог̇з жа саб̣б̣анаамад̇о – гасмаа ну д̇умхам̣ д̣̇ахараа на мийяарз, гасмаа ид̇хзва маран̣ам̣ бхависсад̇и, гасмаа хзд̇унаа, яасмаа жа гаммаани гаронд̇и, яасмаа д̇иха бхигкавз, д̇асмаа д̇иха бхигкавз звам̣ сигкид̇аб̣б̣ам̣, д̇асмаа б̣уд̣̇д̇хосми б̣раахман̣а, яасмаа гааран̣аа, д̇асмаа гааран̣аа, гим̣ гааран̣аа. д̣̇уд̇ияаа, чадтий жа, гим̣ гааран̣ам̣, д̇ам̣ гисса хзд̇у, гисса д̇умхз гиламат̇а.
гзна хзд̇унаа, гзна гааран̣зна, язна мид̇хзгажжз сад̇д̇аа, д̇зна нимид̇д̇зна, д̇зна вуд̇д̇амижжаад̣̇ийсу ‘‘хзд̇вад̇т̇з жаа’’д̇и д̇ад̇ияаа.
вивид̇д̇ам̣ наама вивзжанам̣, д̇ад̣̇ад̇т̇аббаяог̇з – вивид̇д̇о баабагаа д̇хаммаа, вивижжзва гаамзхи, вивижжа агусалзхи д̇хаммзхи.
бамаан̣ад̇т̇з д̇ад̇ияаа жа, ааяаамад̇о жа вид̇т̇аарад̇о жа яож̇анам̣, г̇амбхийрад̇о жа бут̇улад̇о жа яож̇анам̣ жанд̣̇абхааг̇ааяа баримаан̣ам̣, баригкзбад̇о наваяож̇анасад̇абаримаан̣о маж̇жхимабад̣̇зсо.
д̣̇ийгхасо нава вид̣̇ад̇т̇ияо суг̇ад̇авид̣̇ад̇т̇ияаа бамаан̣игаа гаарзд̇аб̣б̣аа.
зд̇т̇а жа ‘‘смаахисмим̣на’’мижжаад̣̇ид̇о ‘‘смаа’’д̇и жа ‘‘со, ваа’’д̇и жа вад̇д̇амаанз
313. д̣̇ийгхорзхи
д̣̇ийгха ораижжзд̇зд̇и смааважанасса соаад̣̇зсо ход̇и ваа.
д̣̇ийгхасо, д̣̇ийгхамхаа ваа, [орасо, орамхаа ваа] д̇ад̇ияаа жа, яож̇анам̣ ааяаамзна, яож̇анам̣ вид̇т̇аарзна, яож̇анам̣ уб̣б̣зд̇хзна саасабарааси.
батамад̇т̇аваажагзна буб̣б̣асад̣̇д̣̇зна яог̇о буб̣б̣аяог̇о, зд̇т̇а жа буб̣б̣аг̇г̇ахан̣ам̣ ад̣̇исад̇т̇авуд̇д̇ино буб̣б̣аад̣̇иг̇г̇ахан̣ассубалагкан̣анд̇и д̣̇адтаб̣б̣ам̣, д̇зна бараад̣̇ияог̇зби. яат̇аа – буб̣б̣зва мз бхигкавз самб̣од̇хаа, ид̇о буб̣б̣знаахоси, д̇ад̇о барам̣ бажжанд̇имаа ж̇анабад̣̇аа, д̇хаад̇улин̇г̇зхи бараа бажжаяаа, д̇ад̇о абарзна самаязна, д̇ад̇о уд̇д̇аримби ижжаад̣̇и.
б̣анд̇ханад̇т̇аббаяог̇з б̣анд̇ханахзд̇умхи ин̣з бан̃жамий, д̇ад̇ияаа жа ход̇и, сад̇асмаа б̣ад̣̇д̇хо наро ран̃н̃аа, сад̇зна ваа б̣ад̣̇д̇хо наро.
паласаад̇ханахзд̇убхууд̇асса г̇ун̣асса важанам̣ г̇ун̣аважанам̣, д̇асмим̣ г̇ун̣аважанз бан̃жамий, д̇ад̇ияаа жа, иссарияаа ж̇анам̣ рагкад̇и рааж̇аа, иссариязна ваа, сийлад̇о нам̣ басам̣санд̇и, сийлзна ваа, бан̃н̃ааяа вимуд̇д̇имано ижжаад̣̇и.
бан̃хагат̇анзсу – гуд̇оси д̇вам̣, гуд̇о бхавам̣, баадалибуд̇д̇ад̇о. зд̇т̇а жа гат̇анам̣ наама виссаж̇ж̇анам̣.
т̇огад̇т̇з асад̇ваважанз гаран̣з д̇ад̇ияаа жа, т̇огаа мужжад̇и, т̇огзна мужжад̇и ваа, аббамад̇д̇агаа мужжад̇и, аббамад̇д̇агзна ваа, гижчаа мужжад̇и, гижчзна ваа.
агад̇д̇ари агаарагз н̃аабагахзд̇умхи – гаммасса гад̇ад̇д̇аа убажид̇ад̇д̇аа уссаннад̇д̇аа вибулад̇д̇аа уббаннам̣ ход̇и жагкувин̃н̃аан̣а, на д̇аавид̣̇ам̣ наамаруубам̣ ахзд̇угам̣ саб̣б̣ад̇т̇а саб̣б̣ад̣̇аа саб̣б̣зсан̃жа згасад̣̇исабхааваабад̇д̇ид̇о.
худ̇ваа абхаавад̇о нижжаа, уд̣̇аяаб̣б̣аяабийл̣анаа;
д̣̇угкаа авасавад̇д̇ид̇д̇аа, анад̇д̇аад̇и д̇илагкан̣ам̣.
‘‘бан̃жамий’’д̇и вад̇д̇ад̇з.
314. гааран̣ад̇т̇з жа.
гарод̇и ад̇д̇ано паланд̇и гааран̣ам̣, гаарагахзд̇у [ж̇анагахзд̇у], д̇асмим̣ гааран̣ад̇т̇з жа бан̃жамийвибхад̇д̇и ход̇и, вигаббзнааяам̣, хзд̇вад̇т̇з д̇ад̇ияааяа жа вихид̇ад̇д̇аа, анануб̣од̇хаа аббадивзд̇хаа жад̇уннам̣ арияасажжаанам̣ яат̇аабхууд̇ам̣ ад̣̇ассанаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣, авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣, авиж̇ж̇ааяа д̇взва асзсавирааг̇анирод̇хаа сан̇кааранирод̇хо, сан̇кааранирод̇хаа вин̃н̃аан̣анирод̇хо, вин̃н̃аан̣анирод̇хаа ижжаад̣̇и.
гасмим̣ ад̇т̇з чадтий?
315. саамисмим̣ чадтий.
го жа саамий?
316. яасса ваа бариг̇г̇ахо д̇ам̣ саамий.
бариг̇г̇аяхад̇ийд̇и бариг̇г̇ахо, яо яасса бариг̇г̇ахо ааяад̇д̇о самб̣анд̇хий, д̇ам̣ бад̇и со ад̇т̇о саамисан̃н̃о ход̇и. вааг̇г̇ахан̣зна саамид̇аб̣б̣а руж̇аад̣̇ияог̇зби.
зд̇т̇а саамий наамаад̇и г̇ахзд̇аб̣б̣о.
вуд̇д̇ан̃жа
‘‘грияаагаарагасан̃ж̇аад̇о,
ассзд̣̇ам̣ бхаавахзд̇уго;
самб̣анд̇хо наама со ад̇т̇о,
д̇ад̇т̇а чадтий вид̇хийяад̇з.
баарад̇анд̇яан̃хи самб̣анд̇хо,
д̇ад̇т̇а чадтий бхавзд̇ид̇о;
убаад̇хидтаанаа г̇амид̇о,
на висзсяаад̣̇ид̇о д̇ид̇о’’д̇и.
висзсанад̇о д̇аава – ран̃н̃о бурисод̇и, зд̇т̇а жа рааж̇аа бурисам̣ ан̃н̃асаамид̇о висзсзд̇и нивад̇д̇зд̇ийд̇и висзсанам̣, бурисо д̇зна висзсийяад̇ийд̇и висзсид̇аб̣б̣о, звам̣ саб̣б̣ад̇т̇а висзсид̇аб̣б̣аяог̇з висзсанад̇ова чадтий.
бхан̣д̣зна самб̣анд̇хз – бахууд̇ам̣ мз д̇ханам̣ сагга, зд̇асса бадивийсо, бхигкусса бад̇д̇ажийварам̣.
самийбасамб̣анд̇хз – амб̣аванасса авид̣̇уурз, ниб̣б̣аанассзва санд̇игз.
самуухасамб̣анд̇хз
аваяавасамб̣анд̇хз – мануссассзва д̇з сийсам̣, ругкасса саакаа.
вигаарасамб̣анд̇хз – суван̣н̣асса вигад̇и, бхадтад̇хан̃н̃аанам̣ сад̇д̇у.
гаарияасамб̣анд̇хз – яавасса ан̇гуро, мзгхасса сад̣̇д̣̇о, буд̇д̇ааби д̇асса б̣ахаво, гаммаанам̣ палам̣ вибааго.
авад̇т̇аасамб̣анд̇хз – канд̇хаанам̣ баад̇убхааво, канд̇хаанам̣ ж̇араа, канд̇хаанам̣ бхзд̣̇о.
ж̇аад̇исамб̣анд̇хз – мануссасса бхааво, мануссаанам̣ ж̇аад̇и.
г̇ун̣асамб̣анд̇хз – суван̣н̣асса ван̣н̣о, ван̣н̣о на кийязт̇а д̇ат̇ааг̇ад̇асса, б̣уд̣̇д̇хасса г̇ун̣агхосо, бубпаанам̣ г̇анд̇хо, палаанам̣ расо, жид̇д̇асса пусанаа, сиббигаанам̣ сад̇ам̣ над̇т̇и, д̇илаанам̣ мудти, д̇зсам̣ самааяог̇о, санд̇хино вимогко, д̇ат̇ааг̇ад̇асса бан̃н̃аабаарамим̣ аараб̣бха, буб̣б̣ажарияам̣ ваа, сукам̣ д̇з, д̣̇угкам̣ д̇з, жзд̇асо баривид̇агго уд̣̇абаад̣̇и, бан̃н̃ааяа бадубхааво, руубасса лахуд̇аа, руубасса муд̣̇уд̇аа, руубасса убажаяо.
грияаасамб̣анд̇хз – баад̣̇асса угкибанам̣, баад̣̇асса авагкзбанам̣ ваа, хад̇т̇асса самин̃ж̇анам̣, баад̣̇аанам̣ басааран̣ам̣, д̇хаад̇уунам̣ г̇аманам̣, д̇хаад̇уунам̣язва таанам̣, нисаж̇ж̇аа, саяанам̣ ваа. д̇ат̇аа д̇асса наамаг̇од̇д̇аад̣̇и, д̇асса гааран̣ам̣, д̇асса маад̇аабид̇аро, д̇асса бурад̇о баад̇урахоси, д̇асса бажчад̇о, наг̇арасса д̣̇агкин̣ад̇о, вассаанам̣ д̇ад̇ияз маасз, на д̇асса убамаа, гувзрасса б̣али ижжаад̣̇и.
таанид̇о
ааг̇амид̇о – бут̇ассааг̇амо ижжаад̣̇и.
саамияог̇з – д̣̇зваанаминд̣̇о, миг̇аанам̣ рааж̇аа.
д̇аб̣б̣а руж̇аад̣̇ияог̇з – махаасзнаабад̇ийнам̣ уж̇жхаабзд̇аб̣б̣ам̣ виганд̣̇ид̇аб̣б̣ам̣ виравид̇аб̣б̣ам̣, д̣̇звад̣̇ад̇д̇асса руж̇ад̇и, д̇асса рог̇о уббаж̇ж̇ад̇и, раж̇агасса вад̇т̇ам̣ д̣̇ад̣̇аад̇и, мусааваад̣̇асса од̇д̇аббам̣ ижжаад̣̇и.
‘‘гважи, д̇ад̇ияаасад̇д̇амийна’’нд̇и жа вад̇д̇ад̇з.
317. чадтий жа.
д̇ад̇ияаасад̇д̇амийнамад̇т̇з гважи чадтийвибхад̇д̇и ход̇и.
яаж̇асса гаран̣з – бубпасса б̣уд̣̇д̇хам̣ яаж̇ад̇и, бубпзна ваа, гхад̇асса аг̇г̇им̣ ж̇уход̇и.
сухид̇ад̇т̇аяог̇з – бад̇д̇ам̣ од̣̇анасса буурзд̇ваа, од̣̇анзнаад̇и ад̇т̇о. имамзва гааяам̣ буурам̣ наанаббагаарасса асужино бажжавзгкад̇и, буурам̣ хиран̃н̃асуван̣н̣асса, буурад̇и б̣аало баабасса.
д̇уляад̇т̇агималамаад̣̇ияог̇з – бид̇усса д̇уляо, бид̇араа ваа д̇уляо, маад̇у сад̣̇исо, маад̇араа сад̣̇исо ваа, гим̣ д̇асса жа д̇удтасса, гим̣ д̇зна д̇удтзнаад̇и ад̇т̇о. алам̣ д̇асса жа д̇удтасса.
гад̇д̇ари гид̇аббажжаяаяог̇з – собханаа гажжааяанасса гад̇и, гажжааяанзна ваа, ран̃н̃о саммад̇о, ран̃н̃аа ваа, звам̣ ран̃н̃о
сад̇д̇амияад̇т̇з гусалаад̣̇ияог̇з – гусалаа нажжаг̇ийд̇асса сигкид̇аа жаад̇урид̇т̇ияо, гусало д̇вам̣ рат̇асса ан̇г̇абажжан̇г̇аанам̣, гусало маг̇г̇асса, гусало амаг̇г̇асса, санд̇и хи бханд̇з ул̣аараа яагкаа бхаг̇авад̇о басаннаа, д̣̇ивасасса д̇игкад̇д̇ум̣, д̣̇ивасз д̇игкад̇д̇ум̣ ваа, маасасса д̣̇вигкад̇д̇ум̣ ижжаад̣̇и.
‘‘гважи, чадтий’’д̇и жа вад̇д̇ад̇з.
318. д̣̇уд̇ияаабан̃жамийнан̃жа.
д̣̇уд̇ияаабан̃жамийнамад̇т̇з жа гважи чадтийвибхад̇д̇и ход̇и.
д̣̇уд̇ияад̇т̇з гаммани гид̇агаяог̇з – д̇асса бхаванд̇и вад̇д̇ааро, сахасаа гаммасса гад̇д̇ааро, амад̇асса д̣̇аад̇аа, бхиннаанам̣ санд̇хаад̇аа, сахид̇аанам̣ ануббад̣̇аад̇аа, б̣од̇хзд̇аа баж̇ааяа, гаммасса гаараго над̇т̇и, вибаагасса жа взд̣̇аго, ависам̣ваад̣̇аго логасса, баабаанам̣ агаран̣ам̣ сукам̣, жад̇уннам̣ махаабхууд̇аанам̣ убаад̣̇ааяа басаад̣̇о, ажчарияо араж̇агзна вад̇т̇аанам̣ рааг̇о, ажчарияо аг̇обаалагзна г̇аавийнам̣ д̣̇охо.
д̇ат̇аа сарижчаад̣̇ийнам̣ гаммани – маад̇у сарад̇и, маад̇арам̣ сарад̇и, на д̇зсам̣ гожи сарад̇и, сад̇д̇аанам̣ гаммаббажжаяаа, буд̇д̇асса ижчад̇и, буд̇д̇амижчад̇и.
гарод̇исса бад̇ияад̇анз жа – бад̇ияад̇анам̣ абхисан̇кааро, уд̣̇агасса бад̇игуруд̇з, уд̣̇агам̣ бад̇игуруд̇з, ган̣д̣асса бад̇игуруд̇з, ган̣д̣ам̣ бад̇игуруд̇з.
бан̃жамияад̇т̇з барихаанибхаяад̇т̇аяог̇з – ассаванад̇аа д̇хаммасса барихааяанд̇и, гим̣ ну ко ахам̣ д̇асса сукасса бхааяаами, саб̣б̣з д̇асанд̇и д̣̇ан̣д̣асса, саб̣б̣з бхааяанд̇и мажжуно, бхийд̇о жад̇уннам̣ аасивисаанам̣ ижжаад̣̇и.
гважийд̇и гим̣? г̇амбхийран̃жа гат̇ам̣ гад̇д̇аа, гаалзна д̇хаммим̣ гат̇ам̣ бхаасид̇аа ход̇и, барзсам̣ бун̃н̃аани анумод̣̇ид̇аа, б̣уж̇жхид̇аа сажжаани, гадам̣ гаараго, басаво гхаад̇аго.
д̇ат̇аа на нидтаад̣̇ийсу жа – сукагаамий вихаарам̣ гад̇о, рат̇ам̣ гад̇аванд̇о, рат̇ам̣ гад̇аавий, гадам̣ гад̇ваа, гадам̣ гаронд̇о, гадам̣ гараано, гадам̣ гурумаано ижжаад̣̇и.
гасмим̣ ад̇т̇з сад̇д̇амий?
319. огаасз сад̇д̇амий.
огаасагаарагз сад̇д̇амийвибхад̇д̇и ход̇и.
го жа огаасо?
320. яод̇хааро д̇амогаасам̣.
аад̇хаарийяад̇и асминд̇и аад̇хааро, ад̇хигаран̣ам̣. гад̇д̇угаммасамавзд̇аанам̣ нисаж̇ж̇абажанаад̣̇игрияаанам̣ бад̇идтаанадтзна яо аад̇хааро, д̇ам̣ гаарагам̣ огаасасан̃н̃ам̣ ход̇и.
гадз
со банааяамогаасо жад̇уб̣б̣ид̇хо б̣яаабиго обасилзсиго саамийбиго взсаяигод̇и.
д̇ад̇т̇а б̣яаабиго наама яад̇т̇а сагалоби аад̇хаарабхууд̇о ад̇т̇о аад̇хзяязна бад̇т̇адо ход̇и, яасмин̃жа аад̇хзяяабхууд̇ам̣ гин̃жи б̣яаабзд̇ваа д̇идтад̇и, д̇ам̣ яат̇аа – д̇илзсу д̇злам̣ ад̇т̇и, кийлзсу ж̇алам̣, д̣̇ад̇химхи саббийд̇и.
обасилзсиго наама бажжзгасид̣̇д̇хаанам̣ бхааваанам̣ яад̇т̇а убасилзсзна убаг̇амо ход̇и, яасмин̃жа аад̇хзяяо убасилиссад̇и аллийяид̇ваа д̇идтад̇и, д̇ам̣ яат̇аа – аасанз нисинно сан̇гхо, т̇аалияам̣ од̣̇анам̣ бажад̇и, гхадзсу уд̣̇агам̣ ад̇т̇и, д̣̇уурз тид̇о, самийбз тид̇од̇и.
саамийбиго наама яад̇т̇а самийбз самийбивохаарам̣ гад̇ваа д̇ад̣̇ааяад̇д̇авуд̇д̇ид̇аад̣̇ийбанад̇т̇ам̣ аад̇хаарабхааво вигаббийяад̇и, д̇ам̣ яат̇аа – г̇ан̇г̇ааяам̣ гхосо васад̇и, г̇ан̇г̇ааяа самийбз важ̇о васад̇ийд̇и ад̇т̇о. бхаг̇аваа саавад̇т̇ияам̣ вихарад̇и ж̇зд̇аванз, саавад̇т̇ияаа самийбзд̇и ад̇т̇о.
взсаяиго наама яад̇т̇а ан̃н̃ад̇т̇аабхаававасзна, д̣̇зсанд̇арааважчзд̣̇авасзна ваа аад̇хаарабхааво баригаббо, д̇ам̣ яат̇аа – аагаасз сагун̣аа багканд̇и, бхуумийсу мануссаа жаранд̇и, ж̇алзсу мажчаа, баад̣̇зсу бад̇ид̇о, баабасмим̣ рамад̇ий мано, басанно б̣уд̣̇д̇хасаасанз, бан̃н̃ааяа саад̇ху, винаяз нибун̣о, маад̇ари саад̇ху, бид̇ари нибун̣о ижжаад̣̇и.
саб̣б̣оби огаасод̇взва вуд̇д̇од̇и взд̣̇ид̇аб̣б̣о.
вуд̇д̇ан̃жзд̇ам̣
‘‘гирияаа гад̇д̇угаммаанам̣,
яад̇т̇а ход̇и бад̇идтид̇аа;
‘огаасо’д̇и бавуд̇д̇о со,
жад̇уд̇хаа б̣яаабигаад̣̇ид̇о.
б̣яаабиго д̇илакийраад̣̇и,
гадо обасилзсиго;
саамийбиго д̇у г̇ан̇г̇аад̣̇и,
аагаасо висаяо мад̇о’’д̇и.
‘‘чадтий, сад̇д̇амий’’д̇и жа ад̇хигааро.
321. саамиссараад̇хибад̇ид̣̇ааяаад̣̇асагкийбад̇ибхуубасууд̇агусалзхи жа.
саамий иссара ад̇хибад̇и д̣̇ааяаад̣̇а сагкибад̇ибхуу басууд̇а гусалаижжзд̇зхи яог̇з чадтийвибхад̇д̇и ход̇и, сад̇д̇амий жа. убхаяад̇т̇ам̣ важанам̣.
г̇авам̣ саами, г̇осу саами, г̇авам̣ иссаро, г̇осу иссаро, г̇авам̣ ад̇хибад̇и, г̇осу ад̇хибад̇и, г̇авам̣ д̣̇ааяаад̣̇о, г̇осу д̣̇ааяаад̣̇о, г̇авам̣ сагки, г̇осу сагки, г̇авам̣ бад̇ибхуу, г̇осу бад̇ибхуу, г̇авам̣ басууд̇о, г̇осу басууд̇о, г̇авам̣ гусало, г̇осу гусало.
322. нид̣̇д̇хааран̣з жа.
нийхарид̇ваа д̇хааран̣ам̣ нид̣̇д̇хааран̣ам̣, ж̇аад̇и г̇ун̣а грияаа наамзхи самуд̣̇ааяад̇о згад̣̇зсасса бут̇аггаран̣ам̣, д̇асмим̣ нид̣̇д̇хааран̣ад̇т̇з г̇амяамаанз
мануссаанам̣ кад̇д̇ияо суурад̇амо, мануссзсу кад̇д̇ияо суурад̇амо, ган̣хаа г̇аавийнам̣ самбаннакийрад̇амаа, ган̣хаа г̇аавийсу самбаннакийрад̇амаа, ад̣̇д̇хигаанам̣ д̇хааванд̇о сийгхад̇амо, ад̣̇д̇хигзсу д̇хааванд̇о сийгхад̇амо, ааяасмаа аананд̣̇о арахад̇ам̣ ан̃н̃ад̇аро ахоси, араханд̇зсу ваа ижжаад̣̇и.
323. анаад̣̇арз жа.
анаад̣̇арз г̇амяамаанз бхаававад̇аа лин̇г̇амхаа чадтийвибхад̇д̇и ход̇и, сад̇д̇амий жа. агаамагаанам̣ маад̇аабид̇уунам̣ руд̣̇анд̇аанам̣ баб̣б̣аж̇и, маад̇аабид̇уусу руд̣̇анд̇зсу баб̣б̣аж̇и.
аагодаяанд̇о со нзд̇и,
сивирааж̇асса бзгкад̇о;
мажжу г̇ажчад̇и аад̣̇ааяа,
бзгкамаанз махааж̇анз.
324. гаммагаран̣анимид̇д̇ад̇т̇зсу сад̇д̇амий.
гаммагаран̣анимид̇д̇аижжзд̇зсвад̇т̇зсу лин̇г̇амхаа сад̇д̇амийвибхад̇д̇и ход̇и.
гаммад̇т̇з – бхигкуусу абхиваад̣̇знд̇и, муд̣̇д̇хани жумб̣ид̇ваа, бурисасса б̣аахаасу г̇ахзд̇ваа.
гаран̣ад̇т̇з – хад̇т̇зсу бин̣д̣ааяа жаранд̇и, бад̇д̇зсу бин̣д̣ааяа жаранд̇и, бат̇зсу г̇ажчанд̇и, соби мам̣ анусаасзяяа, самбадижчаами мад̇т̇агз.
нимид̇д̇ад̇т̇з
‘‘сад̇д̇амий’’д̇и ад̇хигааро.
325. самбад̣̇аанз жа.
самбад̣̇аанад̇т̇з жа лин̇г̇амхаа сад̇д̇амийвибхад̇д̇и ход̇и. сан̇гхз д̣̇иннам̣ махабпалам̣, сан̇гхз г̇од̇ами д̣̇зхи, сан̇гхз д̇з д̣̇иннз ахан̃жзва бууж̇ид̇о бхависсаами.
яаа балааламаяам̣ маалам̣, наарий д̣̇ад̇ваана жзд̇ияз;
алад̇т̇а ган̃жанамаяам̣, маалам̣ б̣ож̇жхан̇г̇иган̃жа саа.
326. бан̃жамяад̇т̇з жа.
бан̃жамяад̇т̇з жа лин̇г̇амхаа сад̇д̇амийвибхад̇д̇и ход̇и. гад̣̇алийсу г̇аж̇з рагканд̇и.
327. гаалабхаавзсу жа.
гаало наама нимзса кан̣а лаяа мухуд̇д̇а буб̣б̣ан̣хаад̣̇иго, бхааво наама грияаа, саа жзд̇т̇а грияанд̇аруубалагкан̣аава ад̇хиббзд̇аа, д̇асмим̣ гаалад̇т̇з жа бхаавалагкан̣з бхаавад̇т̇з жа лин̇г̇амхаа сад̇д̇амийвибхад̇д̇и ход̇и.
гаалз – буб̣б̣ан̣хасамаяз г̇ад̇о, сааяанхасамаяз ааг̇ад̇о, агаалз вассад̇и д̇асса, гаалз д̇асса на вассад̇и, пуссамаасамхаа д̇ийсу маасзсу взсаакамаасо, ид̇о сад̇асахассамхи, габбз уббаж̇ж̇и жагкумаа.
бхаавзнабхаавалагкан̣з
баасаан̣аа сагкараа жзва, гаталаа каан̣уган̣дагаа;
саб̣б̣з маг̇г̇аа виваж̇ж̇знд̇и, г̇ажчанд̇з логанааяагз.
имасмим̣ сад̇и ид̣̇ам̣ ход̇и ижжаад̣̇и.
328. убаажхаад̇хигиссараважанз.
д̣̇вибад̣̇амид̣̇ам̣. ад̇хигад̇т̇з, иссарад̇т̇з жа вад̇д̇амаанзхи убаад̇хиижжзд̇зхи яог̇з ад̇хигиссараважанз г̇амяамаанз лин̇г̇амхаа сад̇д̇амийвибхад̇д̇и ход̇и.
ад̇хигаважанз – уба каарияам̣ д̣̇он̣о, каарияаа д̣̇он̣о ад̇хигод̇и ад̇т̇о. д̇ат̇аа уба нигкз гахаабан̣ам̣, ад̇хи д̣̇звзсу б̣уд̣̇д̇хо, саммуд̇иубабад̇д̇ивисуд̣̇д̇хид̣̇звасан̇каад̇зхи д̇ивид̇хзхиби д̣̇звзхи саб̣б̣ан̃н̃уу б̣уд̣̇д̇хова ад̇хигод̇и ад̇т̇о.
иссараважанз – ад̇хи б̣рахмад̣̇ад̇д̇з бан̃жаалаа, б̣рахмад̣̇ад̇д̇иссараа бан̃жаалаад̇и ад̇т̇о.
329. ман̣д̣ид̇уссуггзсу д̇ад̇ияаа жа.
ман̣д̣ид̇ауссуггаижжзд̇зсвад̇т̇зсу г̇амяамаанзсу лин̇г̇амхаа д̇ад̇ияаавибхад̇д̇и ход̇и, сад̇д̇амий жа. ман̣д̣ид̇асад̣̇д̣̇о банзд̇т̇а басаннад̇т̇аваажаго, уссуггасад̣̇д̣̇о саийхад̇т̇о. н̃аан̣зна басанно, н̃аан̣асмим̣ басанно, н̃аан̣зна уссугго, н̃аан̣асмим̣ уссугго саббурисо.
гаарагам̣
бабхзд̣̇аа сад̇д̇ад̇хаа гаммам̣, гад̇д̇аа бан̃жавид̇хо бхавз.
гаран̣ам̣ д̣̇увид̇хам̣ ход̇и, самбад̣̇аанам̣ д̇ид̇хаа мад̇ам̣;
абаад̣̇аанам̣ бан̃жавид̇хам̣, аад̇хааро д̇у жад̇уб̣б̣ид̇хо.
вибхад̇д̇ияо бана бажжад̇д̇аважанаад̣̇ивасзна адтавид̇хаа бхаванд̇и. яат̇ааха
‘‘бажжад̇д̇амубаяог̇ан̃жа, гаран̣ам̣ самбад̣̇аанияам̣;
ниссаггам̣ саамиважанам̣, бхуммаалабанамадтама’’нд̇и.
ид̇и бад̣̇аруубасид̣̇д̇хияам̣ гаарагаган̣д̣о
д̇ад̇ияо.