4. ад̇т̇аалан̇гаарааваб̣од̇ха-жад̇уд̇т̇абарижчзд̣̇а
164.
ад̇т̇аалан̇гаарасахид̇аа, саг̇ун̣аа б̣анд̇хабад̣̇д̇хад̇и;
ажжанд̇аганд̇аа ганд̇аа
165.
сабхаава, ван̇гавуд̇д̇ийнам̣, бхзд̣̇аа д̣̇вид̇хаа алам̣грияаа;
батамаа д̇ад̇т̇а вад̇т̇уунам̣, наанаавад̇т̇аа’вибхаавиний.
яат̇аа
166.
лийлаа виганд̇и субхаг̇о, д̣̇исаа т̇ира вилогано;
б̣од̇хисад̇д̇ан̇гуро бхаасам̣, вирожи ваажа маасабхим̣.
167.
вуд̇д̇и вад̇т̇усабхаавасса, яаа’н̃н̃ат̇аа саа’бараа бхавз;
д̇ассаа’нанд̇авигаббад̇д̇аа, ход̇и б̣ийж̇о’бад̣̇ассанам̣.
ван̇гавуд̇д̇и ад̇т̇аалан̇гаара
уд̣̇д̣̇зса
168.
д̇ад̇т̇аа’д̇исаяа, убамаа, руубагаа, вуд̇д̇и, д̣̇ийбагам̣,;
агкзбо, д̇т̇анд̇араняаасо, б̣яад̇ирзго, вибхааванаа.
169.
хзд̇у
самаахид̇ам̣, барияааяа, вуд̇д̇и, б̣яааж̇обаван̣н̣анам̣.
170.
висзса, рул̣хаахан̇гаараа, силзсо, д̇уляаяог̇ид̇аа;
нид̣̇ассанам̣, маханд̇ад̇д̇ам̣, ван̃жанаа, ббагад̇ад̇т̇уд̇и,.
171.
згаавали, ан̃н̃аман̃н̃ам̣, сахавуд̇д̇и, вирод̇хид̇аа;
баривуд̇д̇и, б̣бхамо, бхааво, мисса, маасий, расий, ид̇и.
172.
зд̇з бхзд̣̇аа самуд̣̇д̣̇идтаа, бхааво ж̇ийвид̇а мужжад̇з;
ван̇гавуд̇д̇ийсу босзси, силзсо д̇у сирим̣ барам̣.
нид̣̇д̣̇зса
173.
багаасагаа висзсасса, сияаа’д̇исаяавуд̇д̇и яаа;
логаа’д̇игганд̇ависаяаа, логияаа,д̇и жа саа д̣̇вид̇хаа.
174.
логияаад̇исаяассз’д̇з,
бхзд̣̇аа яз ж̇аад̇иаад̣̇аяо;
бадибаад̣̇ийяад̇з д̇ва’ж̇ж̇а, логаад̇игганд̇аг̇ожараа.
175.
биванд̇и д̣̇зхаганд̇ий яз, нзд̇д̇ан̃ж̇алибудзна д̇з;
наа’лам̣ ханд̇ум̣ ж̇инз’сам̣ д̇вам̣, д̇ан̣хам̣ д̇ан̣хаахароби гим̣?
176.
убамаано’бамзяяаанам̣, сад̇хаммад̇д̇ам̣ сияо’бамаа;
сад̣̇д̣̇а, д̇т̇аг̇аммаа, ваагяад̇т̇а, висаяаа,д̇и жа саа бхид̇хаа.
177.
самааса, бажжаяз, ваа’д̣̇ий, сад̣̇д̣̇аа д̇зсам̣ васаа д̇ид̇хаа;
сад̣̇д̣̇аг̇аммаа самаасзна, мунинд̣̇о жанд̣̇имаа’нано.
178.
ааяаад̣̇ий бажжаяаа д̇зхи, вад̣̇анам̣ бан̇гаж̇ааяад̇з;
мунинд̣̇анаяана д̣̇ванд̣̇ам̣, нийлуббалад̣̇алийяад̇и.
179.
иваад̣̇ий ива, ваа, д̇уляа, самаана, нибха, саннибхаа;
яат̇аа, сан̇гааса, д̇улид̇а, ббагааса, бад̇ируубагаа.
180.
сарий, саригка, сам̣ваад̣̇ий, вирод̇хи, сад̣̇исаа, вияа;
бадибагка, бажжанийгаа, сабагко, бамид̇о, бамаа.
181.
бадиб̣имб̣а, бадижчанна, сарууба, сама, самид̇аа;
саван̣н̣аа, бхаа, бадинид̇хи, сад̇хаммаа, д̣̇и салагкан̣аа.
182.
ж̇аяад̇яа
усууяад̇яа, важ̇аанаад̇и, нинд̣̇ад̇и, ссад̇и, рунд̇хад̇и.
183.
д̇асса жорзд̇и собхаг̇г̇ам̣, д̇асса ганд̇им̣ вилумбад̇и;
д̇зна сад̣̇д̇хим̣ вивад̣̇ад̇и, д̇уляам̣ д̇знаа’д̇хирохад̇и.
184.
гажчам̣ виг̇аахад̇з, д̇асса, д̇а манвзд̇яа, нуб̣анд̇хад̇и;
д̇ам̣сийлам̣, д̇ам̣нисзд̇хзд̇и, д̇асса жаа’нугарод̇и, мз.
185.
убамаано’бамзяяаанам̣, сад̇хаммад̇д̇ам̣ вибхаавибхи;
имзхи убамаабхзд̣̇аа, гзжи нияяанд̇и самбад̇и.
186.
вигаасибад̣̇умам̣’ваа’д̇и, сунд̣̇арам̣ суг̇ад̇аа’нанам̣;
ид̇и д̇хаммобамаа наама, д̇уляад̇хамманид̣̇ассанаа.
187.
д̇хаммахийнаа ‘‘мука’мбхож̇а, сад̣̇исам̣ мунино’’ид̇и;
вибарийд̇о’бамаа ‘‘д̇уляа, маананзна’мб̣уж̇ам̣ д̇ава’’.
188.
д̇аваа’нана’мива’мбхож̇ам̣, амбхож̇а’мива д̇з мукам̣;
ан̃н̃аман̃н̃обамаа саа’яам̣, ан̃н̃аман̃н̃обамаанад̇о.
189.
‘‘яад̣̇и гин̃жи бхавз’мбхож̇ам̣, ложана’б̣бхамувиб̣бхамам̣;
д̇хаарзд̇ум̣ мукасобхам̣ д̇ам̣, д̇авз’’д̇и аб̣бхуд̇обамаа.
190.
‘‘суг̇анд̇хи собхаа самб̣анд̇хий, сисирам̣’су вирод̇хи жа;
мукам̣ д̇ава’мб̣уж̇ам̣вз’д̇и’’, саа силзсобамаа мад̇аа.
191.
саруубасад̣̇д̣̇аваажжад̇д̇аа, саа санд̇аанобамаа яат̇аа;
б̣аалаа’ву’яяаанамаалаа’яам̣, саа’лагаа’нанасобхиний.
192.
каяий жанд̣̇о, б̣ахураж̇ам̣, бад̣̇умам̣, д̇зхи д̇з мукам̣;
самаанамби самуггам̣си, д̇яа’яам̣ нинд̣̇обамаа мад̇аа.
193.
асамад̇т̇о мукзни’нд̣̇у, ж̇ина! д̇з бадиг̇аж̇ж̇ид̇ум̣;
ж̇ал̣о галан̇гий’д̇и аяам̣, бадисзд̇хобамаа сияаа.
194.
‘‘гажчам̣ жанд̣̇ааравинд̣̇аанам̣, ад̇иггамма мукам̣ д̇ава;
ад̇д̇анаа’ва самам̣ ж̇аад̇а’’, мид̇яа’саад̇хааран̣обамаа.
195.
‘‘саб̣б̣а’мбхож̇а’ббабхаасааро, раасибхууд̇о’ва гад̇т̇ажи;
д̇аваа’нанам̣ вибхаад̇ий’’д̇и, ход̇аа’бхууд̇обамаа аяам̣.
196.
бад̇ийяад̇з’д̇т̇аг̇аммаа д̇у, сад̣̇д̣̇асаамад̇т̇ияаа гважи;
самааса, ббажжаяз, ваад̣̇и, сад̣̇д̣̇аяог̇ам̣ винаа аби.
197.
бхин̇г̇аанз’маани жагкууни, наа’мб̣уж̇ам̣ мука’мзви’д̣̇ам̣;
суб̣яад̇д̇асад̣̇исад̇д̇зна, саа саруубобамаа мад̇аа.
198.
‘‘маяз’ва мукасобхаа’ссз, д̇яала’минд̣̇у! вигад̇т̇анаа;
яад̇о’мб̣уж̇зби саа’д̇т̇ийд̇и’’, баригаббобамаа аяам̣.
199.
‘‘гим̣ ваа’мб̣уж̇а’нд̇обханд̇аали, гим̣ лоланаяанам̣ мукам̣;
мама д̣̇олааяад̇з жид̇д̇а’’, мижжа’яам̣ сам̣саяобамаа.
200.
гин̃жи вад̇т̇ум̣ бад̣̇ассзд̇ваа, сад̇хаммассаа’бхид̇хаанад̇о;
саамяаббад̇ийд̇исаб̣бхааваа, бад̇ивад̇т̇убамаа яат̇аа.
201.
ж̇анзсу ж̇ааяамаанзсу, нз’гоби ж̇инасаад̣̇исо;
д̣̇уд̇ияо нану над̇т̇з’ва, баариж̇аад̇асса баад̣̇або.
202.
ваагяад̇т̇знз’ва ваагяад̇т̇о, яад̣̇и гожуу’бамийяад̇з;
иваяуд̇д̇аа, вияуд̇д̇ад̇д̇аа, саа ваагяад̇т̇обамаа д̣̇вид̇хаа.
иваяуд̇д̇аа
203.
ж̇ино сам̣глзсад̇ад̇д̇аанам̣, аавибхууд̇о ж̇анаана’яам̣;
гхаммасанд̇аабад̇ад̇д̇аанам̣, гхаммагаалз’мб̣уд̣̇о вияа.
ивавияуд̇д̇аа
204.
мунинд̣̇аанана маабхаад̇и, вилаасзгаманохарам̣;
уд̣̇д̇хам̣ самуг̇г̇ад̇ассаа’би, гим̣ д̇з жанд̣̇а виж̇амбханаа.
205.
самуб̣б̣зж̇зд̇и д̇хийманд̇ам̣, бхинналин̇г̇аад̣̇игам̣ д̇у яам̣;
убамаад̣̇уусанааяаа’ла, мзд̇ам̣ гад̇т̇ажи д̇ам̣ яат̇аа.
206.
хам̣сий’ваа’яам̣ сасий бхинна, лин̇г̇аа, гаасам̣ сараани’ва;
виж̇аад̇и важанаа, хийнаа, саа’ва бхад̇д̇о бхадо’д̇хибз.
207.
‘‘каж̇ж̇од̇о бхаан̣умаалий’ва, вибхаад̇и’’д̇яад̇хигобамаа;
апудтад̇т̇аа ‘‘б̣аламб̣од̇хи, сааг̇аро вияа сам̣кубхи.’’
208.
‘‘жанд̣̇з галан̇го бхин̇г̇о’вз’, д̇яу’бамаабзгкиний аяам̣;
кан̣д̣ид̇аа гзраваа’гааро, сагалан̇го нисаагаро.
209.
ижжзвамаад̣̇ируубзсу, бхаванд̇и виг̇ад̇аа’д̣̇араа;
гаронд̇и жаа’д̣̇арам̣ д̇хийраа, баяог̇з гважи д̣̇з’ва д̇у.
210.
ид̇т̇ийяам̣’ваа’ж̇ано яаад̇и, вад̣̇ад̇яз’саа бумаа вияа;
бияо баан̣аа иваа’яам̣ мз, виж̇ж̇аа д̇хана’мива’жжид̇аа.
211.
бхавам̣ вияа махийбаала, д̣̇зварааж̇аа вирожад̇з;
ала’мам̣сумад̇о гажчам̣, д̇зж̇асаа рохид̇ум̣ аяам̣.
212.
убамаано’бамзяяаанам̣, абхзд̣̇асса нируубанаа;
убамаа’ва д̇иробхууд̇а, бхзд̣̇аа руубага мужжад̇з.
213.
асзса вад̇т̇у висаяам̣, згад̣̇зса вивуд̇д̇и
д̇ам̣ д̣̇вид̇хаа буна бажжзгам̣, самаасаад̣̇ивасаа д̇ид̇хаа.
асзсавад̇т̇увисаяасамааса
214.
ан̇г̇улид̣̇ала сам̣собхим̣, накад̣̇ийд̇хид̇и гзсарам̣;
сирасаа на биланд̇ханд̇и, гз мунинд̣̇а бад̣̇а’мб̣уж̇ам̣.
асзсавад̇т̇увисаяаасамааса
215.
рад̇анаани г̇ун̣аа бхуурий, гарун̣аа сийд̇алам̣ ж̇алам̣;
г̇амбхийрад̇д̇а маг̇аад̇хад̇д̇ам̣, бажжагко’яам̣ ж̇ино’мб̣уд̇хи.
асзсавад̇т̇увисаяамиссага
216.
жанд̣̇игаа манд̣̇ахаасаа д̇з, мунинд̣̇а! вад̣̇ани’нд̣̇уно;
баб̣од̇хаяад̇яа’яам̣ саад̇ху, мано гумуд̣̇а гаананам̣.
217.
асзсавад̇т̇увисаяз, бабхзд̣̇о руубагз аяам̣;
згад̣̇зсавивуд̇д̇имхи, бхзд̣̇о д̣̇аани бавужжад̇и.
згад̣̇зсавивуд̇д̇исамааса
218.
вилааса хааса гусумам̣, ружираа’д̇хара баллавам̣;
сукам̣ гз ваа на винд̣̇анд̇и, бассанд̇аа мунино мукам̣.
згад̣̇зсавивуд̇д̇иасамааса
219.
баад̣̇ад̣̇ванд̣̇ам̣ мунинд̣̇асса, д̣̇ад̣̇аад̇у виж̇аяам̣ д̇ава;
накарам̣сий барам̣ ганд̇аа, яасса баабаж̇аяад̣̇д̇хаж̇аа.
згад̣̇зсавивуд̇д̇имиссага
220.
суниммалагаболасса, мунинд̣̇а вад̣̇ани’нд̣̇уно;
саад̇ху’ббаб̣уд̣̇д̇ха хад̣̇аяам̣, ж̇аад̇ам̣ гзрава гаананам̣.
221.
руубагаани яуд̇д̇аа, яуд̇д̇аад̣̇ибхзд̣̇ад̇о;
висум̣ на д̇аани вуд̇д̇аани, зд̇т̇з’ва’нд̇ог̇ад̇хаани’д̇и.
222.
‘‘жанд̣̇имаа’гаасабад̣̇ума’’, мижжзд̇ам̣ кан̣д̣аруубагам̣;
д̣̇удта, ‘‘мамб̣орухаванам̣, нзд̇д̇аани’жжаа’’д̣̇и сунд̣̇арам̣.
223.
барияанд̇о вигаббаанам̣, руубагассо’бамааяа жа;
над̇т̇и яам̣ д̇зна вин̃н̃зяяам̣, авуд̇д̇а манумаанад̇о.
224.
бунаббуна мужжааран̣ам̣
убхаязсан̃жа вин̃н̃зяяаа, саа’яа’маавуд̇д̇и наамад̇о.
ад̇т̇аавуд̇д̇и
225.
мано харад̇и саб̣б̣зсам̣, аад̣̇ад̣̇аад̇и д̣̇исаа д̣̇аса;
г̇ан̣хаад̇и ниммалад̇д̇ан̃жа, яасорааси ж̇инасса’яам̣.
бад̣̇аавуд̇д̇и
226.
вибхаасзнд̇и д̣̇исаа саб̣б̣аа, мунино д̣̇зхаганд̇ияо;
вибхаа сзнд̇и жа саб̣б̣ааби, жанд̣̇аад̣̇ийнам̣ хад̇аа вияа.
убхаяаавуд̇д̇и
227.
ж̇ид̇ваа вихарад̇и глзса, рибум̣ логз ж̇ино аяам̣;
вихарад̇яа’риваг̇г̇о’яам̣, раасибхууд̇о’ва д̣̇уж̇ж̇анз.
228.
згад̇т̇а вад̇д̇амаанамби, саб̣б̣аваагяо’багаарагам̣;
д̣̇ийбагам̣ наама д̇ам̣ жаад̣̇и, маж̇жха, нд̇ависаяам̣ д̇ид̇хаа.
аад̣̇и д̣̇ийбага
229.
агааси б̣уд̣̇д̇хо взнзяяа, б̣анд̇хууна мамид̇о’д̣̇аяам̣;
саб̣б̣абаабзхи жа самам̣, нзгад̇ид̇т̇ияамад̣̇д̣̇анам̣.
маж̇жхз д̣̇ийбага
230.
д̣̇ассанам̣ мунино саад̇ху, ж̇анаанам̣ ж̇ааяад̇з’мад̇ам̣;
д̇ад̣̇а’н̃н̃зсам̣ д̇у ж̇анд̇уунам̣, висам̣ нижжо’бад̇аабанам̣.
анд̇ад̣̇ийбага
231.
ажжанд̇а
ж̇инаа’нани’нд̣̇у инд̣̇у жа, гасса наа’нанд̣̇аго бхавз.
маалаад̣̇ийбага
232.
ход̇аа’виббадисаарааяа, сийлам̣, баамож̇ж̇ахзд̇у со;
д̇ам̣ бийд̇ихзд̇у, саа жаа’яам̣, бассад̣̇д̇хяаа’д̣̇и басид̣̇д̇хияаа.
233.
ижжаа’д̣̇ид̣̇ийбагад̇д̇зби, буб̣б̣ам̣ буб̣б̣а мабзгкиний;
ваагяамаалаа бавад̇д̇аад̇и, д̇ам̣ маалаад̣̇ийбагам̣ мад̇ам̣.
234.
анзнз’ва’ббагаарзна, сзсаана маби д̣̇ийбагз;
вигаббаанам̣ вид̇хаад̇аб̣б̣аа, нуг̇ад̇и суд̣̇д̇хаб̣уд̣̇д̇хибхи.
235.
висзса важани’жчааяам̣, нисзд̇хаважанам̣ д̇у яам̣;
агкзбо наама сояан̃жа, д̇ид̇хаа гаалаббабхзд̣̇ад̇о.
236.
згаагий’ нзгасзнам̣ д̇ам̣, маарам̣ са виж̇аяий ж̇ино;
гат̇ам̣ д̇а мат̇аваа д̇асса, баарамийб̣ала мийд̣̇исам̣.
ад̇ийд̇агкзбо.
237.
гим̣ жид̇д̇з’ж̇аасамуг̇гхаад̇ам̣, абад̇д̇о’смийд̇и киж̇ж̇асз;
бан̣аамо нану со яз’ва, сагимби суг̇ад̇з г̇ад̇о.
вад̇д̇амаанагкзбо.
238.
сажжам̣ на д̇з г̇амиссанд̇и, сивам̣ суж̇анаг̇ожарам̣;
мижчаад̣̇идти баригганд̇а
анааг̇ад̇агкзбо.
239.
н̃зяяо ад̇т̇анд̇араняаасо, яо, н̃н̃аваагяад̇т̇асаад̇хано;
саб̣б̣аб̣яаабий висзсадто, хивисидта’сса бхзд̣̇ад̇о.
хи рахид̇а саб̣б̣аб̣яаабий
240.
д̇зби логахид̇аа сад̇д̇аа, суурияо жанд̣̇имаа аби;
ад̇т̇ам̣ басса г̇амиссанд̇и, нияамо гзна лан̇гхяад̇з.
хи сахид̇а саб̣б̣аб̣яаабий
241.
сад̇т̇аа д̣̇звамануссаанам̣, васий соби муниссаро;
г̇ад̇о’ва ниб̣б̣уд̇им̣ саб̣б̣з, сан̇каараа на хи сассад̇аа.
хи рахид̇а висзсадта
242.
ж̇ино
нану яуд̇д̇аа г̇ад̇и саа’яам̣, взсаараж̇ж̇а саман̇г̇инам̣.
хи сахид̇а висзсадта
243.
сурад̇д̇ам̣ д̇з’д̇харапудам̣, ж̇ина! ран̃ж̇зд̇и маанасам̣;
саяам̣ рааг̇абарийд̇аа хи, барз ран̃ж̇знд̇и сан̇г̇ад̇з.
244.
ваажжз г̇аммз т̇а вад̇т̇уунам̣, сад̣̇исад̇д̇з бабхзд̣̇анам̣;
б̣яад̇ирзго’яа’мабяз’го, бхаяабхзд̣̇аа жад̇уб̣б̣ид̇хо.
ваажжазгаб̣яад̇ирзга
245.
г̇амбхийрад̇д̇а махад̇д̇аад̣̇и, г̇ун̣аа ж̇алад̇хинаа ж̇ина!;
д̇уляо д̇ва маси бхзд̣̇о д̇у, сарийрзнз’д̣̇исзна д̇з.
ваажжа убхаяаб̣яад̇ирзга
246.
махаасад̇д̇аа’д̇иг̇амбхийраа, сааг̇аро суг̇ад̇оби жа;
сааг̇аро’н̃ж̇анасан̇гаасо, ж̇ино жаамийгараж̇ж̇уд̇и.
г̇амма згаб̣яад̇ирзга
247.
на санд̇аабаабахам̣ нзви, жчид̇ад̣̇ам̣ миг̇аложанам̣;
мунинд̣̇а! наяанад̣̇ванд̣̇ам̣, д̇ава д̇аг̇г̇ун̣а бхуусид̇ам̣.
г̇аммаубхаяаб̣яад̇ирзга
248.
мунинд̣̇аанана мамбхож̇а, мзсам̣ наанад̇д̇а мийд̣̇исам̣;
сувуд̇д̇аа’мад̇асанд̣̇ааяий, вад̣̇анам̣ нз’д̣̇иса’мб̣уж̇ам̣.
249.
басид̣̇д̇хам̣ гааран̣ам̣ яад̇т̇а, нивад̇д̇зд̇ваа’ н̃аагааран̣ам̣;
саабхаавигад̇д̇а мат̇аваа, вибхааб̣яам̣ саа вибхааванаа.
гааран̣анд̇аравибхааванаа
250.
анан̃ж̇ид̇аа’сид̇ам̣ нзд̇д̇ам̣, ад̇харо ран̃ж̇ид̇аа’рун̣о;
самаанад̇аа бхаму жаа’яам̣, ж̇инаа’нааван̃жид̇аа д̇ава.
саабхаавига вибхааванаа
251.
на ход̇и калу д̣̇уж̇ж̇аняа, маби д̣̇уж̇ж̇анасан̇г̇амз;
сабхааваниммалад̇арз, саад̇хуж̇анд̇ууна жзд̇аси.
252.
ж̇анаго хзд̇аво сияум̣;
бадисан̇каран̣ам̣ д̇зсам̣, алан̇гаарад̇ааяо’д̣̇ид̇ам̣.
253.
бхааваа’бхаава гижжавасаа, жид̇д̇ахзд̇увасааби жа;
бхзд̣̇аа’нанд̇аа ид̣̇ам̣ д̇зсам̣, мукамад̇д̇а нид̣̇ассанам̣.
254.
барамад̇т̇абагаасз’га, расаа саб̣б̣аманохараа;
мунино д̣̇зсанаа’яам̣ мз, гаамам̣ д̇осзд̇и маанасам̣.
бхаавагижжо гаарагахзд̇у.
255.
д̇хийрзхи саха сам̣ваасаа, сад̣̇д̇хаммассаа’бхияог̇ад̇о;
ниг̇г̇ахзни’нд̣̇рияаанан̃жа, д̣̇угкассу’басамо сияаа.
абхаавагижжо гаарагахзд̇у.
256.
мунинд̣̇а’жанд̣̇а сам̣ваад̣̇и, ганд̇абхааво’басобхинаа;
мукзнз’ва суб̣од̇хам̣ д̇з, манам̣ баабаа’бхиниссадам̣.
бхаавагижжо н̃аабагахзд̇у.
257.
саад̇хухад̇т̇аа’равинд̣̇аани, сан̇гожаяад̇и д̇з гат̇ам̣;
мунинд̣̇а! жаран̣ад̣̇ванд̣̇а, рааг̇аб̣аалаа’д̇або пусам̣?
аяуд̇д̇агаарий жид̇д̇ахзд̇у.
258.
сан̇гожаяанд̇и ж̇анд̇уунам̣, баан̣ибан̇гзрухаани’ха;
мунинд̣̇а! жаран̣ад̣̇ванд̣̇а, нака жанд̣̇аана’ мам̣саво.
яуд̇д̇агаарий жид̇д̇ахзд̇у.
259.
уд̣̇д̣̇идтаанам̣ бад̣̇ад̇т̇аанам̣, ануд̣̇д̣̇зсо яат̇ааггамам̣;
‘сан̇кяаана’мид̇и нид̣̇д̣̇идтам̣, яат̇аасан̇кяам̣ гамоби жа.
260.
аалааба хааса лийл̣аахи, мунинд̣̇а! виж̇аяаа д̇ава;
гогилаа гумуд̣̇аани жо, басзванд̇з ванам̣ ж̇алам̣.
261.
сияаа бияад̇арам̣ наама, ад̇т̇аруубасса гассажи;
бияассаа’д̇исаязнз’д̇ам̣, яам̣ ход̇и бадибаад̣̇анам̣.
262.
бийд̇ияаа мз самуббаннаа, санд̇а! санд̣̇ассанаа д̇ава;
гаалзнаа’яам̣ бхавз бийд̇и, д̇авз’ва буна д̣̇ассанаа.
263.
ван̣н̣ид̇зно’бамаанзна, вуд̇яаа’д̇хиббзд̇а вад̇т̇уно;
самаасавуд̇д̇и наамаа’яам̣, ад̇т̇а сан̇кзба руубад̇о.
264.
саа’яам̣ бхиннаа’бхиннависзсанаа;
ад̇т̇з’ва абараа бяа’д̇т̇и, бхиннаа’бхиннависзсанаа.
абхиннависзсана
265.
висуд̣̇д̇хаа’мад̇асанд̣̇ааяий, басад̇т̇арад̇анаа’лаяо;
г̇амбхийро жаа’яа’ мамб̣од̇хи, бун̃н̃знаа’баад̣̇ид̇о маяаа.
бхиннаабхиннависзсана
266.
ижчид̇а’д̇т̇абад̣̇о сааро, палабубпо’басобхид̇о;
сажчааяо’яа’мабуб̣б̣ова габбаругко самудтид̇о.
267.
сааг̇арад̇д̇зна сад̣̇д̇хаммо, ругкад̇д̇зно’д̣̇ид̇о ж̇ино;
саб̣б̣з саад̇хааран̣аа д̇хаммаа, буб̣б̣ад̇раа’н̃н̃ад̇ра д̇у’д̇д̇аяам̣.
268.
вад̇т̇уно’н̃н̃аббагаарзна, тид̇аа вуд̇д̇и д̇ад̣̇а’н̃н̃ат̇аа;
баригаббийяад̇з яад̇т̇а, саа ход̇и баригаббанаа.
269.
убамаа’б̣бханд̇арад̇д̇зна, гирияаад̣̇ивасзна жа;
гамзно’д̣̇аахариссаами, вивид̇хаа баригаббанаа.
убамааб̣бханд̇арабаригаббанаа
270.
ижчаабхан̇г̇аа’д̇ураа’сийнаа, д̇аа’д̇инижжала мажчараа;
васам̣ нзнд̇и’ва д̇хийрам̣ д̇ам̣, д̇ад̣̇аа яог̇аа’бхияог̇ад̇о.
грияаабаригаббанаа
271.
г̇аж̇ам̣ мааро самаарул̣хо, яуд̣̇д̇хааяа’жжанд̇а’муннад̇ам̣;
маг̇г̇а манвзсад̇ий нууна, ж̇инабхийд̇о балааяид̇ум̣.
г̇ун̣абаригаббанаа
272.
мунинд̣̇а! баад̣̇ад̣̇ванд̣̇з д̇з, жаару рааж̇ива сунд̣̇арз;
ман̃н̃з баабаа’бхи’саммад̣̇д̣̇а, ж̇аад̇асон̣зна сон̣имаа.
273.
ман̃н̃з, сан̇гз, д̇хувам̣, нууна, мива, мижжзва маад̣̇ихи;
саа’яам̣ б̣яан̃ж̇ийяад̇з гваа’би, гваа’би ваагязна г̇амяад̇з.
г̇аммабаригаббанаа
274.
д̣̇аяаа сан̃ж̇аад̇а сарасаа, д̣̇зхаа нигканд̇аганд̇ияо;
бийн̣знд̇аа ж̇ина! д̇з саад̇ху, ж̇анам̣ сарасад̇ам̣ наяум̣.
275.
аараб̣бханд̇асса
саад̇хана’нд̇аралаабхо яо, д̇ам̣ вад̣̇анд̇и самаахид̇ам̣.
276.
маараа’рибхан̇г̇аа’бхимука, маанасо д̇асса сад̇т̇уно;
махаамахий махааравам̣, равий’яа’мубагааригаа.
277.
авад̇ваа’бхимад̇ам̣ д̇асса, сид̣̇д̇хияаа д̣̇ассана’н̃н̃ат̇аа;
вад̣̇анд̇и д̇ам̣ ‘барияааяа, вуд̇д̇ий’д̇и сужиб̣уд̣̇д̇хаяо.
278.
вивада’н̇г̇ан̣анигкид̇д̇ам̣, д̇хана’маарагка важ̇ж̇ид̇ам̣;
д̇ханагаама! яат̇аагаамам̣, д̇увам̣ г̇ажча яад̣̇ижчаси.
279.
т̇уд̇им̣ гарод̇и нинд̣̇анд̇о, вияа д̇ам̣ б̣яааж̇аван̣н̣анам̣;
д̣̇осаа’бхаасаа г̇ун̣аа зва, яанд̇и саннид̇хи мад̇ра хи.
280.
сан̃жаалзд̇у малам̣ д̇вам̣’си, бхусам̣ гувалаяаа’килам̣;
висзсам̣ д̇аавад̇аа наат̇а!, г̇ун̣аанам̣ д̇з вад̣̇аама гим̣?
281.
висзси’жчааяам̣ д̣̇аб̣б̣асса, грияаа, ж̇аад̇и, г̇ун̣асса жа;
взгаллад̣̇ассанам̣ яад̇ра, висзсо наама яам̣ бхавз.
282.
на рат̇аа, на жа маад̇ан̇г̇аа, на хаяаа, на бад̣̇аад̇аяо;
ж̇ид̇о маараари мунинаа, самбхаарааваж̇ж̇анзна хи.
д̣̇аб̣б̣ависзсавуд̇д̇и.
283.
на б̣ад̣̇д̇хаа бхуугуди, нзва, пурид̇о д̣̇асанажчад̣̇о;
маараарибхан̇г̇ам̣ жаа’гааси, муни вийро варо саяам̣.
грияаависзсавуд̇д̇и.
284.
на д̣̇исаасу б̣яаад̇д̇аа
наа’лого логабад̇т̇адо;
д̇ат̇аабяа’нд̇хад̇амахарам̣, барам̣ саад̇хусубхаасид̇ам̣.
ж̇аад̇ивисзсавуд̇д̇и.
285.
на карам̣, на хи ваа т̇ад̣̇д̇хам̣, мунинд̣̇а! важанам̣ д̇ава;
д̇ат̇ааби г̇аал̣хам̣ кан̣ад̇и, ниммуулам̣ ж̇анад̇аамад̣̇ам̣.
г̇ун̣ависзсавуд̇д̇и
286.
д̣̇ассийяад̇з’д̇ирид̇д̇ам̣
вад̣̇анд̇и вин̃н̃ууважанам̣, рул̣хаахан̇гаара мийд̣̇исам̣.
287.
д̣̇амз нанд̣̇обананд̣̇асса, гим̣ мз б̣яаабаарад̣̇ассанаа?
буд̇д̇аа мз баад̣̇асамбхад̇д̇аа, саж̇ж̇аа санд̇з’ва д̇аад̣̇исз.
288.
силзсо важанаа’нзгаа, бхид̇хзяяз’габад̣̇ааяуд̇ам̣;
абхиннабад̣̇аваагяаад̣̇и, васаа д̇зд̇хаа’яа мийрид̇о.
289.
анд̇хад̇амахаро хаарий, самаарул̣хо маход̣̇аяам̣;
рааж̇ад̇з рам̣симаалий’яам̣, бхаг̇аваа б̣од̇хаяам̣ ж̇анз.
абхиннабад̣̇аваагяасилзсо.
290.
саарад̣̇аа’малагаа’бхаасо, самаанийд̇а баригкаяо;
гумуд̣̇аа’гарасамб̣од̇хо, бийн̣зд̇и ж̇анад̇ам̣ суд̇хий.
бхиннабад̣̇аваагяасилзсо.
291.
самаахид̇а’д̇д̇авинаяо, ахийна мад̣̇а мад̣̇д̣̇ано;
суг̇ад̇о висад̣̇ам̣ баад̇у, баан̣инам̣ со винааяаго.
бхиннаабхиннабад̣̇аваагяасилзсо.
292.
вируд̣̇д̇хаа, вируд̣̇д̇хаа, бхинна, гаммаа, нияамаваа, баро;
нияама’гкзбаважано, авирод̇хи, вирод̇хяа’би.
293.
ожид̇яа самбосагаад̣̇и, силзсо, бад̣̇аж̇аа’д̣̇и
зсам̣ нид̣̇ассанзсвз’ва, рууба маави бхависсад̇и.
вируд̣̇д̇хагаммасилзса
294.
савасз вад̇д̇аяам̣ логам̣, акилам̣ галлавиг̇г̇ахо;
бараабхавад̇и маараари, д̇хаммарааж̇аа виж̇амбхад̇з.
авируд̣̇д̇хагаммасилзса
295.
сабхаавамад̇хурам̣ бун̃н̃а висзсо’д̣̇аяа самбхавам̣;
сун̣анд̇и ваажам̣ мунино, ж̇анаа бассанд̇и жаа’мад̇ам̣.
абхиннагаммасилзса
296.
анд̇хагаараа’бахаарааяа
мано бийн̣зд̇и ж̇анд̇уунам̣, ж̇ино ваажааяа бхааяа жа.
нияамаванд̇асилзса
297.
гзса’гкийнам̣’ва ган̣хад̇д̇ам̣, бхамуунам̣язва ван̇гад̇аа;
баан̣ибаад̣̇аа’д̇хараанам̣’ва, мунинд̣̇ассаа’бхирад̇д̇ад̇аа.
нияамагкзбасилзса
298.
баан̣ибаад̣̇аа’д̇харзсвз’ва, саарааг̇о д̇ава д̣̇иссад̇и;
д̣̇иссад̇з со’яа мат̇аваа, наат̇а! саад̇хуг̇ун̣зсва’би.
авирод̇хисилзса
299.
салагкан̣о’д̇исубхаг̇о, д̇зж̇ассий нияад̇о’д̣̇аяо;
логзсо ж̇ид̇асам̣глзсо,
вибхаад̇и саман̣иссаро.
вирод̇хисилзса
300.
асамоби само логз,
логзсоби наруд̇д̇амо;
сад̣̇аяо бяа’д̣̇аяо баабз, жид̇д̇аа’яам̣ мунино г̇ад̇и.
ожид̇яасамбосагабад̣̇асилзса
301.
сам̣саарад̣̇угко’бахад̇аа, ванад̇аа ж̇анад̇аа д̇ваяи;
сука мижчид̇а мажжанд̇ам̣, амад̇анд̣̇ад̣̇а! винд̣̇ад̇и.
302.
г̇ун̣аяуд̇д̇зхи вад̇т̇уухи, самам̣ гад̇ваана гассажи;
сам̣гид̇д̇анам̣ бхавад̇и яам̣, саа мад̇аа д̇уляаяог̇ид̇аа.
303.
самбад̇д̇асаммад̣̇о лого, самбад̇д̇аа’логасамбад̣̇о;
убхохи рам̣симаалий жа, бхаг̇аваа жа д̇амонуд̣̇о.
304.
ад̇т̇анд̇арам̣ саад̇хаяад̇аа, гин̃жи д̇ам̣ сад̣̇исам̣ палам̣;
д̣̇ассийяад̇з асанд̇ам̣ ваа, санд̇ам̣ ваа д̇ам̣ нид̣̇ассанам̣.
асанд̇апаланид̣̇ассана
305.
уд̣̇аяаа
д̇хаммарааж̇авируд̣̇д̇хаанам̣, суужаяанд̇аа д̣̇ура’нд̇ад̇ам̣.
санд̇апаланид̣̇ассана
306.
сиро нигкид̇д̇а жаран̣о, жчарияаана’мб̣уж̇аана’яам̣;
барама’б̣бхуд̇ад̇ам̣ логз, вин̃н̃аабзд̇а’д̇д̇ано ж̇ино.
307.
вибхууд̇ияаа маханд̇ад̇д̇ам̣, ад̇хиббааяасса ваа сияаа;
барамуггам̣сад̇ам̣ яаад̇ам̣, д̇ам̣ маханд̇ад̇д̇а мийрид̇ам̣.
вибхууд̇имаханд̇ад̇д̇а
308.
гирийда рад̇ана’жчааяаа, нувид̣̇д̇хаа’д̇аба вааран̣о;
бураа барам̣ сирим̣ винд̣̇и, б̣од̇хисад̇д̇о’ бхинигкамаа.
ад̇хиббааяамаханд̇ад̇д̇а
309.
сад̇д̇о самб̣од̇хияам̣ б̣од̇хи, сад̇д̇о сад̇д̇ахид̇ааяа со;
хид̇ваа снзхарасааб̣анд̇ха, маби раахуламаад̇арам̣.
310.
г̇обзд̇ваа ван̣н̣анийяам̣ яам̣, гин̃жи д̣̇ассийяад̇з барам̣;
асамам̣ ваа самам̣ д̇асса, яад̣̇и саа ван̃жанаа мад̇аа.
асамаван̃жанаа
311.
бурад̇о на сахассзсу, на бан̃жзсу жа д̇аад̣̇ино;
мааро барзсу д̇ассз’сам̣, сахассам̣ д̣̇асавад̣дхид̇ам̣.
самаван̃жанаа
312.
виваад̣̇а мануяун̃ж̇анд̇о, мунинд̣̇авад̣̇ани’нд̣̇унаа;
самбун̣н̣о жанд̣̇имаа наа’яам̣, чад̇д̇а мзд̇ам̣ манобхуно.
313.
бараанувад̇д̇анаад̣̇ийхи, ниб̣б̣инд̣̇зни’ха яаа гад̇аа;
т̇уд̇и ра’ббагад̇з саа’яам̣, сияаа аббагад̇ад̇т̇уд̇и.
314.
сукам̣ ж̇ийванд̇и харин̣аа, ванзсва’барасзвино;
анааяаасо балаабхзхи, ж̇алад̣̇аб̣бхан̇гураад̣̇ибхи.
315.
уд̇д̇арам̣ уд̇д̇арам̣ яад̇т̇а, буб̣б̣абуб̣б̣ависзсанам̣;
сияаа згаавали саа’яам̣, д̣̇вид̇хаа вид̇хи, нисзд̇хад̇о.
вид̇хизгаавали
316.
баад̣̇аа
рам̣сийд̇амобахаанз’га, расаа собханд̇и сад̇т̇уно.
нисзд̇хазгаавали
317.
асанд̇удто яад̇и нзва,
санд̇осо наа’лаяаахад̇о;
наа’лаяо яо са ж̇анд̇уунам̣, наа’нанд̇а б̣яасанаа вахо.
318.
яахим̣ бхуусияа бхуусад̇д̇ам̣, ан̃н̃аман̃н̃ам̣ д̇у вад̇т̇унам̣;
винаа’ва сад̣̇исад̇д̇ам̣ д̇ам̣, ан̃н̃аман̃н̃авибхуусанам̣.
319.
б̣яаамам̣’су ман̣д̣алам̣ д̇зна, мунинаа логаб̣анд̇хунаа;
маханд̇им̣ винд̣̇ад̇ий ганд̇им̣, соби д̇знзва д̇аад̣̇исим̣.
320.
гат̇анам̣ сахабхаавасса, грияааяа жа, г̇ун̣асса жа;
‘сахавуд̇д̇ий’д̇и вин̃н̃зяяам̣, д̇а’д̣̇уд̣̇аахаран̣ам̣ яат̇аа.
грияаасахавуд̇д̇и
321.
ж̇аланд̇и жанд̣̇арам̣сийхи, самам̣ сад̇т̇у накам̣ саво;
виж̇амбхад̇и жа жанд̣̇зна, самам̣ д̇аммукажанд̣̇имаа.
г̇ун̣асахавуд̇д̇и
322.
ж̇ино’д̣̇аязна малийнам̣, саха д̣̇уж̇ж̇ана жзд̇асаа;
баабам̣ д̣̇исаа сувималаа, саха саж̇ж̇ана жзд̇асаа.
323.
вирод̇хийнам̣ бад̣̇а’д̇т̇аанам̣, яад̇т̇а сам̣саг̇г̇ад̣̇ассанам̣;
самуггам̣саа’бхид̇хаанад̇т̇ам̣, мад̇аа саа’яам̣ вирод̇хид̇аа.
324.
г̇ун̣аа сабхаава мад̇хураа, аби логз’га б̣анд̇хуно;
сзвид̇аа бааба сзвийнам̣, самбад̣̇уусзнд̇и маанасам̣.
325.
яасса гасса жи д̣̇аанзна, яасса гасса жи вад̇т̇уно;
висидтасса яа маад̣̇аанам̣, ‘баривуд̇д̇ий’д̇и саа мад̇аа.
326.
бураа барзсам̣ д̣̇ад̇ваана, манун̃н̃ам̣ наяанаад̣̇игам̣;
мунинаа самануббад̇д̇аа, д̣̇аани саб̣б̣ан̃н̃уд̇аасирий
327.
гин̃жи
сам̣саяаа’баг̇ад̇ам̣ вад̇т̇ум̣, яад̇т̇а со’яам̣ бхамо мад̇о.
328.
самам̣ д̣̇исаасу’ж̇ж̇алаасу, ж̇ина баад̣̇а накам̣’сунаа;
бассанд̇аа абхинанд̣̇анд̇и, жанд̣̇аа’д̇аба манаа ж̇анаа.
329.
бавужжад̇з яам̣ наамаад̣̇и, гавийнам̣ бхааваб̣од̇ханам̣;
язна гзнажи ван̣н̣зна, бхааво наамаа’яа мийрид̇о.
330.
нану д̇зяз’ва санд̇аано, сааг̇араа на гулаажалаа;
манамби марияаад̣̇ам̣ яз, сам̣ваддзби ж̇аханд̇и но.
331.
ан̇г̇ан̇г̇и бхааваа сад̣̇иса, б̣алабхааваа жа б̣анд̇ханз;
сам̣саг̇г̇о’лан̇гад̇ийнам̣ яо, д̇ам̣ ‘мисса’нд̇и бавужжад̇и.
ан̇г̇ан̇г̇ийбхаавамисса
332.
басад̇т̇аа мунино баад̣̇а, нака рам̣си махаанад̣̇ий;
ахо! г̇аал̣хам̣ нимуг̇г̇зби, сукаяад̇яз’ва д̇з ж̇анз.
сад̣̇иса б̣ала бхаава мисса
333.
взсо сабхаава мад̇хуро, руубам̣ нзд̇д̇а расааяанам̣;
мад̇хуу’ва мунино ваажаа, на самбийн̣зд̇и гам̣ ж̇анам̣.
334.
аасий наама сияаа’д̇т̇асса, идтассаа’сийсанам̣ яат̇аа;
д̇илогз’гаг̇ад̇и наат̇о,
баад̇у лога мабааяад̇о.
335.
раса’ббад̇ийд̇и ж̇анагам̣, ж̇ааяад̇з яам̣ вибхуусанам̣;
‘расаванд̇а’нд̇и д̇ам̣ н̃зяяам̣, расаванд̇а вид̇хаанад̇о.
336.
рааг̇аа’над̇а’б̣бхуд̇а сарож̇а мукам̣ д̇харааяа,
баад̣̇аа д̇илогаг̇аруно’д̇хига б̣анд̇харааг̇аа;
аад̣̇ааяа нижжасарасзна гарзна г̇аал̣хам̣,
сан̃жумб̣аяанд̇и сад̇ад̇аа’хид̇а самбхамзна.
337.
ижжаа’нуг̇амма
сан̇кзбад̇о ниг̇ад̣̇ид̇о’яа малан̇гад̇ийнам̣;
бхзд̣̇о’баруубари гавийхи вигаббияаанам̣,
го наама бассид̇у малам̣ калу д̇ааса манд̇ам̣.
ид̇и сан̇гхарагкид̇амахаасаами виражид̇з суб̣од̇хаалан̇гаарз
ад̇т̇аалан̇гаарааваб̣од̇хо наама
жад̇уд̇т̇о барижчзд̣̇о.