8. саггабан̃хасуд̇д̇ам̣
344. звам̣ мз суд̇ам̣ – згам̣ самаяам̣ бхаг̇аваа маг̇ад̇хзсу вихарад̇и, баажийнад̇о рааж̇аг̇ахасса амб̣асан̣д̣аа наама б̣раахман̣аг̇аамо, д̇ассуд̇д̇арад̇о взд̣̇ияагз баб̣б̣ад̇з инд̣̇асаалаг̇ухааяам̣. д̇зна ко бана самаязна саггасса д̣̇зваанаминд̣̇асса уссуггам̣ уд̣̇абаад̣̇и бхаг̇аванд̇ам̣ д̣̇ассанааяа. ат̇а ко саггасса д̣̇зваанаминд̣̇асса зд̇ад̣̇ахоси – ‘‘гахам̣ ну ко бхаг̇аваа зд̇арахи вихарад̇и арахам̣ саммаасамб̣уд̣̇д̇хо’’д̇и? ад̣̇д̣̇асаа ко сагго д̣̇зваанаминд̣̇о бхаг̇аванд̇ам̣ маг̇ад̇хзсу вихаранд̇ам̣ баажийнад̇о рааж̇аг̇ахасса амб̣асан̣д̣аа наама б̣раахман̣аг̇аамо, д̇ассуд̇д̇арад̇о взд̣̇ияагз баб̣б̣ад̇з инд̣̇асаалаг̇ухааяам̣. д̣̇исваана д̣̇звз д̇аавад̇им̣сз ааманд̇зси – ‘‘аяам̣, маарисаа, бхаг̇аваа маг̇ад̇хзсу вихарад̇и, баажийнад̇о рааж̇аг̇ахасса амб̣асан̣д̣аа наама б̣раахман̣аг̇аамо, д̇ассуд̇д̇арад̇о взд̣̇ияагз баб̣б̣ад̇з инд̣̇асаалаг̇ухааяам̣. яад̣̇и бана, маарисаа, маяам̣ д̇ам̣ бхаг̇аванд̇ам̣ д̣̇ассанааяа убасан̇гамзяяаама араханд̇ам̣ саммаасамб̣уд̣̇д̇ха’’нд̇и? ‘‘звам̣ бхад̣̇д̣̇анд̇аваа’’д̇и ко д̣̇зваа д̇аавад̇им̣саа саггасса д̣̇зваанаминд̣̇асса бажжассосум̣.
345. ат̇а ко сагго д̣̇зваанаминд̣̇о бан̃жасикам̣ г̇анд̇хаб̣б̣ад̣̇звабуд̇д̇ам̣ г̇анд̇хаб̣б̣абуд̇д̇ам̣ (сяаа.) ааманд̇зси – ‘‘аяам̣, д̇аад̇а бан̃жасика, бхаг̇аваа маг̇ад̇хзсу вихарад̇и баажийнад̇о рааж̇аг̇ахасса амб̣асан̣д̣аа наама б̣раахман̣аг̇аамо, д̇ассуд̇д̇арад̇о взд̣̇ияагз баб̣б̣ад̇з инд̣̇асаалаг̇ухааяам̣. яад̣̇и бана , д̇аад̇а бан̃жасика, маяам̣ д̇ам̣ бхаг̇аванд̇ам̣ д̣̇ассанааяа убасан̇гамзяяаама араханд̇ам̣ саммаасамб̣уд̣̇д̇ха’’нд̇и? ‘‘звам̣ бхад̣̇д̣̇анд̇аваа’’д̇и ко бан̃жасико г̇анд̇хаб̣б̣ад̣̇звабуд̇д̇о саггасса д̣̇зваанаминд̣̇асса бадиссуд̇ваа б̣злувабан̣д̣увийн̣ам̣ аад̣̇ааяа саггасса д̣̇зваанаминд̣̇асса анужарияам̣ убааг̇ами.
346. ат̇а ко сагго д̣̇зваанаминд̣̇о д̣̇звзхи д̇аавад̇им̣сзхи баривуд̇о бан̃жасикзна г̇анд̇хаб̣б̣ад̣̇звабуд̇д̇зна бурагкад̇о сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа басаарид̇ам̣ ваа б̣аахам̣ самин̃ж̇зяяа; звамзва д̣̇звзсу д̇аавад̇им̣сзсу анд̇арахид̇о маг̇ад̇хзсу баажийнад̇о рааж̇аг̇ахасса амб̣асан̣д̣аа наама б̣раахман̣аг̇аамо, д̇ассуд̇д̇арад̇о взд̣̇ияагз баб̣б̣ад̇з бажжудтааси. д̇зна ко бана самаязна взд̣̇ияаго баб̣б̣ад̇о ад̇ирива обхаасаж̇аад̇о ход̇и амб̣асан̣д̣аа жа б̣раахман̣аг̇аамо яат̇аа д̇ам̣ д̣̇зваанам̣ д̣̇зваанубхаавзна. абиссуд̣̇ам̣ барид̇о г̇аамзсу мануссаа звамаахам̣су – ‘‘аад̣̇ид̇д̇ассу наамаж̇ж̇а взд̣̇ияаго баб̣б̣ад̇о жхааяад̇ису жхааяад̇ассу (сяаа.), баж̇жхааяид̇ассу (сий. бий.) наамаж̇ж̇а взд̣̇ияаго баб̣б̣ад̇о ж̇алад̇ису ж̇алад̇ассу (сяаа.), ж̇алид̇ассу (сий. бий.) наамаж̇ж̇а взд̣̇ияаго баб̣б̣ад̇о гим̣су наамаж̇ж̇а взд̣̇ияаго баб̣б̣ад̇о ад̇ирива обхаасаж̇аад̇о амб̣асан̣д̣аа жа б̣раахман̣аг̇аамо’’д̇и сам̣виг̇г̇аа ломахадтаж̇аад̇аа ахзсум̣.
347. ат̇а ко сагго д̣̇зваанаминд̣̇о бан̃жасикам̣ г̇анд̇хаб̣б̣ад̣̇звабуд̇д̇ам̣ ааманд̇зси – ‘‘д̣̇урубасан̇гамаа ко, д̇аад̇а бан̃жасика, д̇ат̇ааг̇ад̇аа маад̣̇исзна, жхааяий жхаанарад̇аа, д̇ад̣̇анд̇арам̣ д̇ад̣̇ананд̇арам̣ (сий. сяаа. бий. га.) бадисаллийнаа. яад̣̇и бана д̇вам̣, д̇аад̇а бан̃жасика, бхаг̇аванд̇ам̣ батамам̣ басаад̣̇зяяааси, д̇аяаа, д̇аад̇а, батамам̣ басаад̣̇ид̇ам̣ бажчаа маяам̣ д̇ам̣ бхаг̇аванд̇ам̣ д̣̇ассанааяа убасан̇гамзяяаама араханд̇ам̣ саммаасамб̣уд̣̇д̇ха’’нд̇и. ‘‘звам̣ бхад̣̇д̣̇анд̇аваа’’д̇и ко бан̃жасико г̇анд̇хаб̣б̣ад̣̇звабуд̇д̇о саггасса д̣̇зваанаминд̣̇асса бадиссуд̇ваа б̣злувабан̣д̣увийн̣ам̣ аад̣̇ааяа язна инд̣̇асаалаг̇ухаа д̇знубасан̇гами; убасан̇гамид̇ваа ‘‘зд̇д̇аавад̇аа мз бхаг̇аваа нзва ад̇ид̣̇уурз бхависсад̇и наажжаасаннз, сад̣̇д̣̇ан̃жа мз соссад̇ий’’д̇и згаманд̇ам̣ адтааси.
бан̃жасикаг̇ийд̇аг̇аат̇аа
348. згаманд̇ам̣ тид̇о ко бан̃жасико г̇анд̇хаб̣б̣ад̣̇звабуд̇д̇о б̣злувабан̣д̣увийн̣ам̣ взл̣увабан̣д̣увийн̣ам̣ аад̣̇ааяа (сяаа.) ассаавзси, имаа жа г̇аат̇аа абхааси б̣уд̣̇д̇хуубасан̃хид̇аа д̇хаммуубасан̃хид̇аа сан̇гхуубасан̃хид̇аа араханд̇уубасан̃хид̇аа гаамуубасан̃хид̇аа –
‘‘ванд̣̇з д̇з бид̇арам̣ бхад̣̇д̣̇з, д̇имб̣арум̣ суурияаважчасз;
язна ж̇аад̇ааси галяаан̣ий, аананд̣̇аж̇ананий мама.
‘‘ваад̇ова сзд̣̇ад̇ам̣ ганд̇о, баанийяам̣ва бибаасад̇о;
ан̇г̇ийраси бияаамзси, д̇хаммо арахад̇аамива.
‘‘аад̇урассзва бхзсаж̇ж̇ам̣, бхож̇анам̣ва ж̇игхажчад̇о;
бариниб̣б̣аабаяа мам̣ бхад̣̇д̣̇з, ж̇аланд̇амива вааринаа.
‘‘сийд̇од̣̇агам̣ богкаран̣им̣, яуд̇д̇ам̣ гин̃ж̇агкарзн̣унаа;
нааг̇о гхаммаабхид̇ад̇д̇ова, ог̇аахз д̇з т̇анууд̣̇арам̣.
‘‘ажжан̇гусова нааг̇ова, ж̇ид̇ам̣ мз д̇уд̇д̇ад̇омарам̣;
гааран̣ам̣ наббаж̇аанаами, саммад̇д̇о лагкан̣ууруяаа.
‘‘д̇аяи г̇зд̇хид̇ажид̇д̇осми, жид̇д̇ам̣ вибарин̣аамид̇ам̣;
бадиг̇анд̇ум̣ на саггоми, ван̇гагхасд̇ова амб̣уж̇о.
‘‘ваамууру саж̇а мам̣ бхад̣̇д̣̇з, саж̇а мам̣ манд̣̇аложанз;
балиссаж̇а мам̣ галяаан̣и, зд̇ам̣ мз абхибад̇т̇ид̇ам̣.
‘‘аббаго вад̇а мз санд̇о, гаамо взллид̇агзсияаа;
анзгабхааво самуббаад̣̇и, араханд̇зва д̣̇агкин̣аа.
‘‘яам̣ мз ад̇т̇и гад̇ам̣ бун̃н̃ам̣, араханд̇зсу д̇аад̣̇ису;
д̇ам̣ мз саб̣б̣ан̇г̇агаляаан̣и, д̇аяаа сад̣̇д̇хим̣ вибажжад̇ам̣.
‘‘яам̣ мз ад̇т̇и гад̇ам̣ бун̃н̃ам̣, асмим̣ бат̇авиман̣д̣алз;
д̇ам̣ мз саб̣б̣ан̇г̇агаляаан̣и, д̇аяаа сад̣̇д̇хим̣ вибажжад̇ам̣.
‘‘сагяабуд̇д̇ова жхаанзна, згод̣̇и нибаго сад̇о;
амад̇ам̣ муни ж̇иг̇ийсаано ж̇иг̇им̣саано (сий. сяаа. бий.), д̇амахам̣ суурияаважчасз.
‘‘яат̇ааби муни нанд̣̇зяяа, бад̇ваа самб̣од̇химуд̇д̇амам̣;
звам̣ нанд̣̇зяяам̣ галяаан̣и, миссийбхаавам̣ г̇ад̇о д̇аяаа.
‘‘сагго жз мз варам̣ д̣̇аж̇ж̇аа, д̇аавад̇им̣саанамиссаро;
д̇аахам̣ бхад̣̇д̣̇з варзяяаахз, звам̣ гаамо д̣̇ал̣хо мама.
‘‘саалам̣ва на жирам̣ пуллам̣, бид̇арам̣ д̇з сумзд̇хасз;
ванд̣̇амаано намассаами, яассаа сзд̇аад̣̇исий баж̇аа’’д̇и.
349. звам̣ вуд̇д̇з бхаг̇аваа бан̃жасикам̣ г̇анд̇хаб̣б̣ад̣̇звабуд̇д̇ам̣ зд̇ад̣̇авожа – ‘‘сам̣санд̣̇ад̇и ко д̇з, бан̃жасика, д̇анд̇иссаро г̇ийд̇ассарзна, г̇ийд̇ассаро жа д̇анд̇иссарзна; на жа бана нзва бана (сяаа.) д̇з бан̃жасика, д̇анд̇иссаро г̇ийд̇ассарам̣ ад̇ивад̇д̇ад̇и, г̇ийд̇ассаро жа д̇анд̇иссарам̣. гад̣̇аа сам̣яуул̣хаа бана д̇з, бан̃жасика, имаа г̇аат̇аа б̣уд̣̇д̇хуубасан̃хид̇аа д̇хаммуубасан̃хид̇аа сан̇гхуубасан̃хид̇аа араханд̇уубасан̃хид̇аа гаамуубасан̃хид̇аа’’д̇и? ‘‘згамид̣̇ам̣, бханд̇з, самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хз батамаабхисамб̣уд̣̇д̇хо . д̇зна ко банаахам̣, бханд̇з, самаязна бхад̣̇д̣̇аа наама суурияаважчасаа д̇имб̣аруно г̇анд̇хаб̣б̣аран̃н̃о д̇хийд̇аа, д̇амабхиган̇каами. саа ко бана, бханд̇з, бхаг̇иний барагааминий ход̇и; сикан̣д̣ий наама маад̇алисса сан̇г̇аахагасса буд̇д̇о, д̇амабхиган̇кад̇и. яад̇о ко ахам̣, бханд̇з, д̇ам̣ бхаг̇иним̣ наалад̇т̇ам̣ гзнажи барияааязна. ат̇аахам̣ б̣злувабан̣д̣увийн̣ам̣ аад̣̇ааяа язна д̇имб̣аруно г̇анд̇хаб̣б̣аран̃н̃о нивзсанам̣ д̇знубасан̇гамим̣; убасан̇гамид̇ваа б̣злувабан̣д̣увийн̣ам̣ ассаавзсим̣, имаа жа г̇аат̇аа абхаасим̣ б̣уд̣̇д̇хуубасан̃хид̇аа д̇хаммуубасан̃хид̇аа сан̇гхуубасан̃хид̇аа араханд̇уубасан̃хид̇аа гаамуубасан̃хид̇аа –
‘‘ванд̣̇з д̇з бид̇арам̣ бхад̣̇д̣̇з, д̇имб̣арум̣ суурияаважчасз;
язна ж̇аад̇ааси галяаан̣ий, аананд̣̇аж̇ананий мама. …бз…
саалам̣ва на жирам̣ пуллам̣, бид̇арам̣ д̇з сумзд̇хасз;
ванд̣̇амаано намассаами, яассаа сзд̇аад̣̇исий баж̇аа’’д̇и.
‘‘звам̣ вуд̇д̇з, бханд̇з, бхад̣̇д̣̇аа суурияаважчасаа мам̣ зд̇ад̣̇авожа – ‘на ко мз, маариса, со бхаг̇аваа саммукаа д̣̇идто аби жа суд̇оязва мз со бхаг̇аваа д̣̇зваанам̣ д̇аавад̇им̣саанам̣ суд̇хаммааяам̣ сабхааяам̣ убанажжанд̇ияаа. яад̇о ко д̇вам̣, маариса, д̇ам̣ бхаг̇аванд̇ам̣ гид̇д̇зси, ход̇у но аж̇ж̇а самааг̇амо’д̇и. соязва но, бханд̇з, д̇ассаа бхаг̇инияаа сад̣̇д̇хим̣ самааг̇амо ахоси. на жа д̣̇аани д̇ад̇о бажчаа’’д̇и.
саггуубасан̇гама
350. ат̇а ко саггасса д̣̇зваанаминд̣̇асса зд̇ад̣̇ахоси – ‘‘бадисаммод̣̇ад̇и бан̃жасико г̇анд̇хаб̣б̣ад̣̇звабуд̇д̇о бхаг̇авад̇аа, бхаг̇аваа жа бан̃жасикзнаа’’д̇и. ат̇а ко сагго д̣̇зваанаминд̣̇о бан̃жасикам̣ г̇анд̇хаб̣б̣ад̣̇звабуд̇д̇ам̣ ааманд̇зси – ‘‘абхиваад̣̇зхи мз д̇вам̣, д̇аад̇а бан̃жасика, бхаг̇аванд̇ам̣ – ‘сагго, бханд̇з, д̣̇зваанаминд̣̇о саамажжо сабариж̇ано бхаг̇авад̇о баад̣̇з сирасаа ванд̣̇ад̇ий’д̇и’’. ‘‘звам̣ бхад̣̇д̣̇анд̇аваа’’д̇и ко бан̃жасико г̇анд̇хаб̣б̣ад̣̇звабуд̇д̇о саггасса д̣̇зваанаминд̣̇асса бадиссуд̇ваа бхаг̇аванд̇ам̣ абхиваад̣̇зд̇и – ‘‘сагго, бханд̇з, д̣̇зваанаминд̣̇о саамажжо сабариж̇ано бхаг̇авад̇о баад̣̇з сирасаа ванд̣̇ад̇ий’’д̇и. ‘‘звам̣ сукий ход̇у, бан̃жасика, сагго д̣̇зваанаминд̣̇о саамажжо сабариж̇ано; сукагаамаа хи д̣̇зваа мануссаа асураа нааг̇аа г̇анд̇хаб̣б̣аа яз жан̃н̃з санд̇и бут̇угааяаа’’д̇и.
351. зван̃жа бана д̇ат̇ааг̇ад̇аа зваруубз махзсагкз яагкз абхивад̣̇анд̇и. абхивад̣̇ид̇о сагго д̣̇зваанаминд̣̇о бхаг̇авад̇о инд̣̇асаалаг̇ухам̣ бависид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. д̣̇звааби д̇аавад̇им̣саа инд̣̇асаалаг̇ухам̣ бависид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. бан̃жасикоби г̇анд̇хаб̣б̣ад̣̇звабуд̇д̇о инд̣̇асаалаг̇ухам̣ бависид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси.
д̇зна ко бана самаязна инд̣̇асаалаг̇ухаа висамаа санд̇ий самаа самабаад̣̇и, самб̣аад̇хаа санд̇ий урунд̣̇аа уруд̣̇д̣̇аа (га.) самабаад̣̇и, анд̇хагааро г̇ухааяам̣ анд̇арад̇хааяи, аалого уд̣̇абаад̣̇и яат̇аа д̇ам̣ д̣̇зваанам̣ д̣̇зваанубхаавзна.
352. ат̇а ко бхаг̇аваа саггам̣ д̣̇зваанаминд̣̇ам̣ зд̇ад̣̇авожа – ‘‘ажчарияамид̣̇ам̣ ааяасмад̇о госияасса, аб̣бхуд̇амид̣̇ам̣ ааяасмад̇о госияасса д̇аава б̣ахугижжасса б̣ахугаран̣ийяасса яад̣̇ид̣̇ам̣ ид̇хааг̇амана’’нд̇и. ‘‘жирабадигаахам̣, бханд̇з, бхаг̇аванд̇ам̣ д̣̇ассанааяа убасан̇гамид̇угаамо; аби жа д̣̇зваанам̣ д̇аавад̇им̣саанам̣ гзхижи гзхижи гзхижи (сяаа.) гижжагаран̣ийязхи б̣яаавадо; зваахам̣ наасагким̣ бхаг̇аванд̇ам̣ д̣̇ассанааяа убасан̇гамид̇ум̣. згамид̣̇ам̣, бханд̇з, самаяам̣ бхаг̇аваа саавад̇т̇ияам̣ вихарад̇и салал̣ааг̇аарагз. ат̇а кваахам̣, бханд̇з, саавад̇т̇им̣ аг̇амаасим̣ бхаг̇аванд̇ам̣ д̣̇ассанааяа. д̇зна ко бана, бханд̇з, самаязна бхаг̇аваа ан̃н̃ад̇арзна самаад̇хинаа нисинно ход̇и, бхууж̇ад̇и бхун̃ж̇ад̇ий жа (сий. бий.), бхуж̇аг̇ий (сяаа.) жа наама взссаван̣асса махаарааж̇асса барижааригаа бхаг̇аванд̇ам̣ бажжубадтид̇аа ход̇и, бан̃ж̇алигаа намассамаанаа д̇идтад̇и. ат̇а кваахам̣, бханд̇з, бхууж̇ад̇им̣ зд̇ад̣̇авожам̣ – ‘абхиваад̣̇зхи мз д̇вам̣, бхаг̇ини, бхаг̇аванд̇ам̣ – ‘‘сагго, бханд̇з, д̣̇зваанаминд̣̇о саамажжо сабариж̇ано бхаг̇авад̇о баад̣̇з сирасаа ванд̣̇ад̇ий’’д̇и. звам̣ вуд̇д̇з, бханд̇з, саа бхууж̇ад̇и мам̣ зд̇ад̣̇авожа – ‘агаало ко, маариса, бхаг̇аванд̇ам̣ д̣̇ассанааяа; бадисаллийно бхаг̇аваа’д̇и. ‘д̇зна хий, бхаг̇ини, яад̣̇аа бхаг̇аваа д̇амхаа самаад̇химхаа вудтид̇о ход̇и, ат̇а мама важанзна бхаг̇аванд̇ам̣ абхиваад̣̇зхи – ‘‘сагго, бханд̇з, д̣̇зваанаминд̣̇о саамажжо сабариж̇ано бхаг̇авад̇о баад̣̇з сирасаа ванд̣̇ад̇ий’’д̇и. гажжи мз саа, бханд̇з, бхаг̇иний бхаг̇аванд̇ам̣ абхиваад̣̇зси? сарад̇и бхаг̇аваа д̇ассаа бхаг̇инияаа важана’’нд̇и? ‘‘абхиваад̣̇зси мам̣ саа, д̣̇зваанаминд̣̇а, бхаг̇иний, сараамахам̣ д̇ассаа бхаг̇инияаа важанам̣. аби жаахам̣ ааяасмад̇о нзмисад̣̇д̣̇зна жагганзмисад̣̇д̣̇зна (сяаа.) д̇амхаа самаад̇химхаа вудтид̇о’’д̇и. ‘‘яз д̇з, бханд̇з, д̣̇зваа амхзхи батамад̇арам̣ д̇аавад̇им̣сагааяам̣ убабаннаа, д̇зсам̣ мз саммукаа суд̇ам̣ саммукаа бадиг̇г̇ахид̇ам̣ – ‘яад̣̇аа д̇ат̇ааг̇ад̇аа логз уббаж̇ж̇анд̇и араханд̇о саммаасамб̣уд̣̇д̇хаа, д̣̇иб̣б̣аа гааяаа барибуурзнд̇и, хааяанд̇и асурагааяаа’д̇и. д̇ам̣ мз ид̣̇ам̣, бханд̇з, сагкид̣̇идтам̣ яад̇о д̇ат̇ааг̇ад̇о логз уббанно арахам̣ саммаасамб̣уд̣̇д̇хо, д̣̇иб̣б̣аа гааяаа барибуурзнд̇и, хааяанд̇и асурагааяаад̇и.
г̇обагавад̇т̇у
353. ‘‘ид̇хзва, бханд̇з, габилавад̇т̇усмим̣ г̇обигаа наама сагяад̇хийд̇аа ахоси б̣уд̣̇д̇хз басаннаа д̇хаммз басаннаа сан̇гхз басаннаа сийлзсу барибуурагаариний. саа ид̇т̇ид̇д̇ам̣ ид̇т̇ижид̇д̇ам̣ (сяаа.) вирааж̇зд̇ваа бурисад̇д̇ам̣ бурисажид̇д̇ам̣ (сяаа.) бхаавзд̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа. д̣̇зваанам̣ д̇аавад̇им̣саанам̣ сахаб̣яад̇ам̣ амхаагам̣ буд̇д̇ад̇д̇ам̣ аж̇жхубаг̇ад̇аа. д̇ад̇раби нам̣ звам̣ ж̇аананд̇и – ‘г̇обаго д̣̇звабуд̇д̇о, г̇обаго д̣̇звабуд̇д̇о’д̇и. ан̃н̃зби, бханд̇з, д̇аяо бхигкуу бхаг̇авад̇и б̣рахмажарияам̣ жарид̇ваа хийнам̣ г̇анд̇хаб̣б̣агааяам̣ убабаннаа. д̇з бан̃жахи гаамаг̇ун̣зхи самаббид̇аа саман̇г̇ийбхууд̇аа барижаараяамаанаа амхаагам̣ убадтаанам̣ ааг̇ажчанд̇и амхаагам̣ баарижарияам̣. д̇з амхаагам̣ убадтаанам̣ ааг̇ад̇з амхаагам̣ баарижарияам̣ г̇обаго д̣̇звабуд̇д̇о бадижод̣̇зси – ‘гуд̇омукаа наама д̇умхз , маарисаа, д̇асса бхаг̇авад̇о д̇хаммам̣ ассуд̇т̇а ааяухид̇т̇а (сяаа.) – ахан̃хи наама ид̇т̇игаа самаанаа б̣уд̣̇д̇хз басаннаа д̇хаммз басаннаа сан̇гхз басаннаа сийлзсу барибуурагаариний ид̇т̇ид̇д̇ам̣ вирааж̇зд̇ваа бурисад̇д̇ам̣ бхаавзд̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа, д̣̇зваанам̣ д̇аавад̇им̣саанам̣ сахаб̣яад̇ам̣ саггасса д̣̇зваанаминд̣̇асса буд̇д̇ад̇д̇ам̣ аж̇жхубаг̇ад̇аа. ид̇хааби мам̣ звам̣ ж̇аананд̇и ‘‘г̇обаго д̣̇звабуд̇д̇о г̇обаго д̣̇звабуд̇д̇о’д̇и. д̇умхз бана, маарисаа, бхаг̇авад̇и б̣рахмажарияам̣ жарид̇ваа хийнам̣ г̇анд̇хаб̣б̣агааяам̣ убабаннаа. д̣̇уд̣̇д̣̇идтаруубам̣ вад̇а, бхо, ад̣̇д̣̇асаама, яз маяам̣ ад̣̇д̣̇асаама сахад̇хаммигз хийнам̣ г̇анд̇хаб̣б̣агааяам̣ убабаннз’д̇и. д̇зсам̣, бханд̇з, г̇обагзна д̣̇звабуд̇д̇зна бадижод̣̇ид̇аанам̣ д̣̇вз д̣̇зваа д̣̇идтзва д̇хаммз сад̇им̣ бадилабхим̣су гааяам̣ б̣рахмабурохид̇ам̣, зго бана д̣̇зво гаамз аж̇жхааваси.
354.‘‘‘убаасигаа жагкумад̇о ахосим̣,
наамамби маяхам̣ аху ‘г̇обигаа’д̇и;
б̣уд̣̇д̇хз жа д̇хаммз жа абхиббасаннаа,
сан̇гхан̃жубадтаасим̣ басаннажид̇д̇аа.
‘‘‘д̇ассзва б̣уд̣̇д̇хасса суд̇хаммад̇ааяа,
саггасса буд̇д̇омхи махаанубхааво;
махааж̇уд̇ийго д̇ид̣̇ивуубабанно,
ж̇аананд̇и мам̣ ид̇хааби ‘г̇обаго’д̇и.
‘‘‘ат̇ад̣̇д̣̇асам̣ бхигкаво д̣̇идтабуб̣б̣з,
г̇анд̇хаб̣б̣агааяуубаг̇ад̇з васийнз;
имзхи д̇з г̇од̇амасаавагаасз,
яз жа маяам̣ буб̣б̣з мануссабхууд̇аа.
‘‘‘аннзна баанзна убадтахимхаа,
баад̣̇уубасан̇г̇аяха сагз нивзсанз;
гуд̇омукаа наама имз бхаванд̇о,
б̣уд̣̇д̇хасса д̇хаммаани бадиг̇г̇ахзсум̣ б̣уд̣̇д̇хасса д̇хаммам̣ на бадиг̇г̇ахзсум̣ (сяаа.).
‘‘‘бажжад̇д̇ам̣ взд̣̇ид̇аб̣б̣о хи д̇хаммо,
суд̣̇зсид̇о жагкумад̇аануб̣уд̣̇д̇хо;
ахан̃хи д̇умхзва убаасамаано,
суд̇ваана арияаана субхаасид̇аани.
‘‘‘саггасса буд̇д̇омхи махаанубхааво,
махааж̇уд̇ийго д̇ид̣̇ивуубабанно;
д̇умхз бана сздтамубаасамаанаа,
ануд̇д̇арам̣ б̣рахмажарияам̣ жарид̇ваа.
‘‘‘хийнам̣ гааяам̣ убабаннаа бхаванд̇о,
анаануломаа бхавад̇уубабад̇д̇и;
д̣̇уд̣̇д̣̇идтаруубам̣ вад̇а ад̣̇д̣̇асаама,
сахад̇хаммигз хийнагааяуубабаннз.
‘‘‘г̇анд̇хаб̣б̣агааяуубаг̇ад̇аа бхаванд̇о,
д̣̇зваанамааг̇ажчат̇а баарижарияам̣;
аг̇аарз васад̇о маяхам̣,
имам̣ басса висзсад̇ам̣.
‘‘‘ид̇т̇ий худ̇ваа сваж̇ж̇а бумомхи д̣̇зво,
д̣̇иб̣б̣зхи гаамзхи саман̇г̇ибхууд̇о’;
д̇з жод̣̇ид̇аа г̇од̇амасаавагзна,
сам̣взг̇амаабаад̣̇у самзжжа г̇обагам̣.
‘‘‘ханд̣̇а вияааяаама виг̇ааяаама (сяаа.), вид̇ааяаама (бий.) б̣яааяаама вияааяамаама (сий. бий.),
маа но маяам̣ барабзссаа ахумхаа’;
д̇зсам̣ д̣̇увз вийрияамаарабхим̣су,
ануссарам̣ г̇од̇амасаасанаани.
‘‘ид̇хзва жид̇д̇аани вирааж̇аяид̇ваа,
гаамзсу аад̣̇ийнавамад̣̇д̣̇асам̣су;
д̇з гаамасам̣яож̇анаб̣анд̇ханаани,
баабимаяог̇аани д̣̇уражжаяаани.
‘‘нааг̇ова саннаани г̇ун̣аани санд̣̇аанаг̇ун̣аани (сий. бий.), санд̇аани г̇ун̣аани (сяаа.) чзд̇ваа,
д̣̇звз д̇аавад̇им̣сз ад̇иггамим̣су;
саинд̣̇аа д̣̇зваа сабаж̇аабад̇игаа,
саб̣б̣з суд̇хаммааяа сабхааяубавидтаа.
‘‘д̇зсам̣ нисиннаанам̣ абхиггамим̣су,
вийраа вирааг̇аа вираж̇ам̣ гаронд̇аа;
д̇з д̣̇исваа сам̣взг̇амагааси ваасаво,
д̣̇зваабхибхуу д̣̇зваг̇ан̣асса маж̇жхз.
‘‘‘имзхи д̇з хийнагааяуубабаннаа,
д̣̇звз д̇аавад̇им̣сз абхиггаманд̇и’;
сам̣взг̇аж̇аад̇асса важо нисамма,
со г̇обаго ваасавамаж̇жхабхааси.
‘‘‘б̣уд̣̇д̇хо ж̇анинд̣̇ад̇т̇и мануссалогз,
гаамаабхибхуу сагяамунийд̇и н̃ааяад̇и;
д̇ассзва д̇з буд̇д̇аа сад̇ияаа вихийнаа,
жод̣̇ид̇аа маяаа д̇з сад̇имаж̇жхалад̇т̇ум̣.
‘‘‘д̇ин̣н̣ам̣ д̇зсам̣ аавасинзд̇т̇а авасийнзд̇т̇а (бий.) зго,
г̇анд̇хаб̣б̣агааяуубаг̇ад̇о васийно;
д̣̇вз жа самб̣од̇хибат̇аанусаарино,
д̣̇звзби хийл̣знд̇и самаахид̇ад̇д̇аа.
‘‘‘зд̇аад̣̇исий д̇хаммаббагаасанзд̇т̇а,
на д̇ад̇т̇а гим̣ган̇кад̇и гожи сааваго;
нид̇ин̣н̣аогхам̣ вижигижчачиннам̣,
б̣уд̣̇д̇хам̣ намассаама ж̇инам̣ ж̇анинд̣̇ам̣’.
‘‘яам̣ д̇з д̇хаммам̣ ид̇хан̃н̃ааяа,
висзсам̣ аж̇жхаг̇ам̣су аж̇жхаг̇амам̣су (сяаа.) д̇з;
гааяам̣ б̣рахмабурохид̇ам̣,
д̣̇увз д̇зсам̣ висзсаг̇уу.
‘‘д̇асса д̇хаммасса бад̇д̇ияаа,
ааг̇ад̇амхааси маариса;
гад̇аавагаасаа бхаг̇авад̇аа,
бан̃хам̣ бужчзму маарисаа’’д̇и.
355. ат̇а ко бхаг̇авад̇о зд̇ад̣̇ахоси – ‘‘д̣̇ийгхарад̇д̇ам̣ висуд̣̇д̇хо ко аяам̣ яагко сагго (сий. сяаа. бий.), яам̣ гин̃жи мам̣ бан̃хам̣ бужчиссад̇и, саб̣б̣ам̣ д̇ам̣ ад̇т̇асан̃хид̇ам̣язва бужчиссад̇и, но анад̇т̇асан̃хид̇ам̣. яан̃жассаахам̣ будто б̣яаагариссаами, д̇ам̣ киббамзва ааж̇ааниссад̇ий’’д̇и.
356. ат̇а ко бхаг̇аваа саггам̣ д̣̇зваанаминд̣̇ам̣ г̇аат̇ааяа аж̇жхабхааси –
‘‘бужча ваасава мам̣ бан̃хам̣, яам̣ гин̃жи манасижчаси;
д̇асса д̇ассзва бан̃хасса, ахам̣ анд̇ам̣ гароми д̇з’’д̇и.
батамабхаан̣авааро нидтид̇о.
357. гад̇аавагаасо сагго д̣̇зваанаминд̣̇о бхаг̇авад̇аа имам̣ бхаг̇аванд̇ам̣ д̣̇зваанаминд̣̇о бхаг̇аванд̇ам̣ имам̣ (сий. бий.) батамам̣ бан̃хам̣ абужчи –
‘‘гим̣ сам̣яож̇анаа ну ко, маариса, д̣̇зваа мануссаа асураа нааг̇аа г̇анд̇хаб̣б̣аа яз жан̃н̃з санд̇и бут̇угааяаа, д̇з – ‘авзраа ад̣̇ан̣д̣аа асабад̇д̇аа аб̣яаабаж̇ж̇аа вихарзму авзрино’д̇и ид̇и жа нзсам̣ ход̇и, ат̇а жа бана савзраа сад̣̇ан̣д̣аа сасабад̇д̇аа саб̣яаабаж̇ж̇аа вихаранд̇и савзрино’’д̇и? ид̇т̇ам̣ сагго д̣̇зваанаминд̣̇о бхаг̇аванд̇ам̣ бан̃хам̣ имам̣ батамам̣ бан̃хам̣ (сий. бий.) абужчи. д̇асса бхаг̇аваа бан̃хам̣ будто б̣яаагааси –
‘‘иссаамажчарияасам̣яож̇анаа ко, д̣̇зваанаминд̣̇а, д̣̇зваа мануссаа асураа нааг̇аа г̇анд̇хаб̣б̣аа яз жан̃н̃з санд̇и бут̇угааяаа, д̇з – ‘авзраа ад̣̇ан̣д̣аа асабад̇д̇аа аб̣яаабаж̇ж̇аа вихарзму авзрино’д̇и ид̇и жа нзсам̣ ход̇и, ат̇а жа бана савзраа сад̣̇ан̣д̣аа сасабад̇д̇аа саб̣яаабаж̇ж̇аа вихаранд̇и савзрино’’д̇и. ид̇т̇ам̣ бхаг̇аваа саггасса д̣̇зваанаминд̣̇асса бан̃хам̣ будто б̣яаагааси. ад̇д̇амано сагго д̣̇зваанаминд̣̇о бхаг̇авад̇о бхаасид̇ам̣ абхинанд̣̇и анумод̣̇и – ‘‘звамзд̇ам̣, бхаг̇аваа, звамзд̇ам̣, суг̇ад̇а. д̇ин̣н̣аа мзд̇т̇а ган̇каа виг̇ад̇аа гат̇ам̣гат̇аа бхаг̇авад̇о бан̃хавзяяаагаран̣ам̣ суд̇ваа’’д̇и.
358. ид̇иха сагго д̣̇зваанаминд̣̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ уд̇д̇арим̣ уд̇д̇арим̣ (сий. сяаа. бий.) бан̃хам̣ абужчи –
‘‘иссаамажчарияам̣ бана, маариса, гим̣нид̣̇аанам̣ гим̣самуд̣̇аяам̣ гим̣ж̇аад̇игам̣ гим̣бабхавам̣; гисмим̣ сад̇и иссаамажчарияам̣ ход̇и; гисмим̣ асад̇и иссаамажчарияам̣ на ход̇ий’’д̇и? ‘‘иссаамажчарияам̣ ко, д̣̇зваанаминд̣̇а, бияааббияанид̣̇аанам̣ бияааббияасамуд̣̇аяам̣ бияааббияаж̇аад̇игам̣ бияааббияабабхавам̣; бияааббияз сад̇и иссаамажчарияам̣ ход̇и, бияааббияз асад̇и иссаамажчарияам̣ на ход̇ий’’д̇и.
‘‘бияааббияам̣ ко бана, маариса, гим̣нид̣̇аанам̣ гим̣самуд̣̇аяам̣ гим̣ж̇аад̇игам̣ гим̣бабхавам̣; гисмим̣ сад̇и бияааббияам̣ ход̇и; гисмим̣ асад̇и бияааббияам̣ на ход̇ий’’д̇и? ‘‘бияааббияам̣ ко, д̣̇зваанаминд̣̇а, чанд̣̇анид̣̇аанам̣ чанд̣̇асамуд̣̇аяам̣ чанд̣̇аж̇аад̇игам̣ чанд̣̇абабхавам̣; чанд̣̇з сад̇и бияааббияам̣ ход̇и; чанд̣̇з асад̇и бияааббияам̣ на ход̇ий’’д̇и.
‘‘чанд̣̇о ко бана, маариса, гим̣нид̣̇аано гим̣самуд̣̇аяо гим̣ж̇аад̇иго гим̣бабхаво; гисмим̣ сад̇и чанд̣̇о ход̇и; гисмим̣ асад̇и чанд̣̇о на ход̇ий’’д̇и? ‘‘чанд̣̇о ко, д̣̇зваанаминд̣̇а, вид̇агганид̣̇аано вид̇аггасамуд̣̇аяо вид̇аггаж̇аад̇иго вид̇аггабабхаво; вид̇аггз сад̇и чанд̣̇о ход̇и; вид̇аггз асад̇и чанд̣̇о на ход̇ий’’д̇и.
‘‘вид̇агго ко бана, маариса, гим̣нид̣̇аано гим̣самуд̣̇аяо гим̣ж̇аад̇иго гим̣бабхаво; гисмим̣ сад̇и вид̇агго ход̇и; гисмим̣ асад̇и вид̇агго на ход̇ий’’д̇и? ‘‘вид̇агго ко, д̣̇зваанаминд̣̇а, бабан̃жасан̃н̃аасан̇каанид̣̇аано бабан̃жасан̃н̃аасан̇каасамуд̣̇аяо бабан̃жасан̃н̃аасан̇кааж̇аад̇иго бабан̃жасан̃н̃аасан̇каабабхаво; бабан̃жасан̃н̃аасан̇кааяа сад̇и вид̇агго ход̇и; бабан̃жасан̃н̃аасан̇кааяа асад̇и вид̇агго на ход̇ий’’д̇и.
‘‘гат̇ам̣ бадибанно бана, маариса, бхигку бабан̃жасан̃н̃аасан̇каанирод̇хасааруббаг̇ааминим̣ бадибад̣̇ам̣ бадибанно ход̇ий’’д̇и?
взд̣̇анаагаммадтаанам̣
359. ‘‘соманассам̣баахам̣ бахам̣ (сий. бий.), жаахам̣ (сяаа. гам̣.), д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амби. д̣̇оманассам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амби. убзгкам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амби.
360. ‘‘соманассам̣баахам̣, д̣̇зваанаминд̣̇а, д̣̇увид̇хзна вад̣̇аами сзвид̇аб̣б̣амби, асзвид̇аб̣б̣амбийд̇и ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа соманассам̣ ‘имам̣ ко мз соманассам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и, зваруубам̣ соманассам̣ на сзвид̇аб̣б̣ам̣. д̇ад̇т̇а яам̣ ж̇ан̃н̃аа соманассам̣ ‘имам̣ ко мз соманассам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубам̣ соманассам̣ сзвид̇аб̣б̣ам̣. д̇ад̇т̇а яам̣ жз савид̇аггам̣ савижаарам̣, яам̣ жз авид̇аггам̣ авижаарам̣, яз авид̇аггз авижаарз, д̇з сз (сий. бий.) бан̣ийд̇ад̇арз. соманассам̣баахам̣, д̣̇зваанаминд̣̇а, д̣̇увид̇хзна вад̣̇аами сзвид̇аб̣б̣амби, асзвид̇аб̣б̣амбийд̇и. ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
361. ‘‘д̣̇оманассам̣баахам̣, д̣̇зваанаминд̣̇а, д̣̇увид̇хзна вад̣̇аами сзвид̇аб̣б̣амби , асзвид̇аб̣б̣амбийд̇и. ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа д̣̇оманассам̣ ‘имам̣ ко мз д̣̇оманассам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и, зваруубам̣ д̣̇оманассам̣ на сзвид̇аб̣б̣ам̣. д̇ад̇т̇а яам̣ ж̇ан̃н̃аа д̣̇оманассам̣ ‘имам̣ ко мз д̣̇оманассам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубам̣ д̣̇оманассам̣ сзвид̇аб̣б̣ам̣. д̇ад̇т̇а яам̣ жз савид̇аггам̣ савижаарам̣, яам̣ жз авид̇аггам̣ авижаарам̣, яз авид̇аггз авижаарз, д̇з бан̣ийд̇ад̇арз. д̣̇оманассам̣баахам̣, д̣̇зваанаминд̣̇а, д̣̇увид̇хзна вад̣̇аами сзвид̇аб̣б̣амби, асзвид̇аб̣б̣амбий’д̇и ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
362. ‘‘убзгкам̣баахам̣, д̣̇зваанаминд̣̇а, д̣̇увид̇хзна вад̣̇аами сзвид̇аб̣б̣амби, асзвид̇аб̣б̣амбийд̇и ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа убзгкам̣ ‘имам̣ ко мз убзгкам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и, зваруубаа убзгкаа на сзвид̇аб̣б̣аа. д̇ад̇т̇а яам̣ ж̇ан̃н̃аа убзгкам̣ ‘имам̣ ко мз убзгкам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубаа убзгкаа сзвид̇аб̣б̣аа. д̇ад̇т̇а яам̣ жз савид̇аггам̣ савижаарам̣, яам̣ жз авид̇аггам̣ авижаарам̣, яз авид̇аггз авижаарз, д̇з бан̣ийд̇ад̇арз. убзгкам̣баахам̣, д̣̇зваанаминд̣̇а, д̣̇увид̇хзна вад̣̇аами сзвид̇аб̣б̣амби, асзвид̇аб̣б̣амбийд̇и ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
363. ‘‘звам̣ бадибанно ко, д̣̇зваанаминд̣̇а, бхигку бабан̃жасан̃н̃аасан̇каанирод̇хасааруббаг̇ааминим̣ бадибад̣̇ам̣ бадибанно ход̇ий’’д̇и. ид̇т̇ам̣ бхаг̇аваа саггасса д̣̇зваанаминд̣̇асса бан̃хам̣ будто б̣яаагааси. ад̇д̇амано сагго д̣̇зваанаминд̣̇о бхаг̇авад̇о бхаасид̇ам̣ абхинанд̣̇и анумод̣̇и – ‘‘звамзд̇ам̣, бхаг̇аваа, звамзд̇ам̣, суг̇ад̇а, д̇ин̣н̣аа мзд̇т̇а ган̇каа виг̇ад̇аа гат̇ам̣гат̇аа бхаг̇авад̇о бан̃хавзяяаагаран̣ам̣ суд̇ваа’’д̇и.
баад̇имогкасам̣варо
364. ид̇иха сагго д̣̇зваанаминд̣̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ уд̇д̇арим̣ бан̃хам̣ абужчи –
‘‘гат̇ам̣ бадибанно бана, маариса, бхигку баад̇имогкасам̣варааяа бадибанно ход̇ий’’д̇и? ‘‘гааяасамаажаарам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амби. важийсамаажаарам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амби. бариязсанам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣а’’мби.
‘‘гааяасамаажаарам̣баахам̣ , д̣̇зваанаминд̣̇а, д̣̇увид̇хзна вад̣̇аами сзвид̇аб̣б̣амби асзвид̇аб̣б̣амбийд̇и ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа гааяасамаажаарам̣ ‘имам̣ ко мз гааяасамаажаарам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и, зваруубо гааяасамаажааро на сзвид̇аб̣б̣о. д̇ад̇т̇а яам̣ ж̇ан̃н̃аа гааяасамаажаарам̣ ‘имам̣ ко мз гааяасамаажаарам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубо гааяасамаажааро сзвид̇аб̣б̣о. гааяасамаажаарам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амбийд̇и ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
‘‘важийсамаажаарам̣баахам̣ , д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амбий’д̇и. ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа важийсамаажаарам̣ ‘имам̣ ко мз важийсамаажаарам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и, зваруубо важийсамаажааро на сзвид̇аб̣б̣о. д̇ад̇т̇а яам̣ ж̇ан̃н̃аа важийсамаажаарам̣ ‘имам̣ ко мз важийсамаажаарам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубо важийсамаажааро сзвид̇аб̣б̣о. важийсамаажаарам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амбийд̇и ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
‘‘бариязсанам̣баахам̣ , д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амбийд̇и ид̇и ко банзд̇ам̣ вуд̇д̇ам̣, гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа бариязсанам̣ ‘имам̣ ко мз бариязсанам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и, зваруубаа бариязсанаа на сзвид̇аб̣б̣аа. д̇ад̇т̇а яам̣ ж̇ан̃н̃аа бариязсанам̣ ‘имам̣ ко мз бариязсанам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубаа бариязсанаа сзвид̇аб̣б̣аа. бариязсанам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амбийд̇и ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
‘‘звам̣ бадибанно ко, д̣̇зваанаминд̣̇а, бхигку баад̇имогкасам̣варааяа бадибанно ход̇ий’’д̇и. ид̇т̇ам̣ бхаг̇аваа саггасса д̣̇зваанаминд̣̇асса бан̃хам̣ будто б̣яаагааси. ад̇д̇амано сагго д̣̇зваанаминд̣̇о бхаг̇авад̇о бхаасид̇ам̣ абхинанд̣̇и анумод̣̇и – ‘‘звамзд̇ам̣, бхаг̇аваа, звамзд̇ам̣, суг̇ад̇а. д̇ин̣н̣аа мзд̇т̇а ган̇каа виг̇ад̇аа гат̇ам̣гат̇аа бхаг̇авад̇о бан̃хавзяяаагаран̣ам̣ суд̇ваа’’д̇и.
инд̣̇рияасам̣варо
365. ид̇иха сагго д̣̇зваанаминд̣̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ уд̇д̇арим̣ бан̃хам̣ абужчи –
‘‘гат̇ам̣ бадибанно бана, маариса, бхигку инд̣̇рияасам̣варааяа бадибанно ход̇ий’’д̇и? ‘‘жагкувин̃н̃зяяам̣ руубам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амби. сод̇авин̃н̃зяяам̣ сад̣̇д̣̇ам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амби. гхаанавин̃н̃зяяам̣ г̇анд̇хам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амби. ж̇ивхаавин̃н̃зяяам̣ расам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амби. гааяавин̃н̃зяяам̣ подтаб̣б̣ам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амби. мановин̃н̃зяяам̣ д̇хаммам̣баахам̣, д̣̇зваанаминд̣̇а, д̣̇увид̇хзна вад̣̇аами – сзвид̇аб̣б̣амби, асзвид̇аб̣б̣амбий’’д̇и.
звам̣ вуд̇д̇з, сагго д̣̇зваанаминд̣̇о бхаг̇аванд̇ам̣ зд̇ад̣̇авожа –
‘‘имасса ко ахам̣, бханд̇з, бхаг̇авад̇аа сан̇кид̇д̇зна бхаасид̇асса звам̣ вид̇т̇аарзна ад̇т̇ам̣ ааж̇аанаами. яат̇ааруубам̣, бханд̇з, жагкувин̃н̃зяяам̣ руубам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и, зваруубам̣ жагкувин̃н̃зяяам̣ руубам̣ на сзвид̇аб̣б̣ам̣ . яат̇ааруубан̃жа ко, бханд̇з, жагкувин̃н̃зяяам̣ руубам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇и, зваруубам̣ жагкувин̃н̃зяяам̣ руубам̣ сзвид̇аб̣б̣ам̣. яат̇ааруубан̃жа ко, бханд̇з, сод̇авин̃н̃зяяам̣ сад̣̇д̣̇ам̣ сзвад̇о…бз… гхаанавин̃н̃зяяам̣ г̇анд̇хам̣ сзвад̇о… ж̇ивхаавин̃н̃зяяам̣ расам̣ сзвад̇о… гааяавин̃н̃зяяам̣ подтаб̣б̣ам̣ сзвад̇о… мановин̃н̃зяяам̣ д̇хаммам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и, зваруубо мановин̃н̃зяяо д̇хаммо на сзвид̇аб̣б̣о. яат̇ааруубан̃жа ко, бханд̇з, мановин̃н̃зяяам̣ д̇хаммам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇и, зваруубо мановин̃н̃зяяо д̇хаммо сзвид̇аб̣б̣о.
‘‘имасса ко мз, бханд̇з, бхаг̇авад̇аа сан̇кид̇д̇зна бхаасид̇асса звам̣ вид̇т̇аарзна ад̇т̇ам̣ ааж̇аанад̇о д̇ин̣н̣аа мзд̇т̇а ган̇каа виг̇ад̇аа гат̇ам̣гат̇аа бхаг̇авад̇о бан̃хавзяяаагаран̣ам̣ суд̇ваа’’д̇и.
366. ид̇иха сагго д̣̇зваанаминд̣̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ уд̇д̇арим̣ бан̃хам̣ абужчи –
‘‘саб̣б̣зва ну ко, маариса, саман̣аб̣раахман̣аа зганд̇аваад̣̇аа зганд̇асийлаа зганд̇ачанд̣̇аа зганд̇ааж̇жхосаанаа’’д̇и? ‘‘на ко, д̣̇зваанаминд̣̇а, саб̣б̣з саман̣аб̣раахман̣аа зганд̇аваад̣̇аа зганд̇асийлаа зганд̇ачанд̣̇аа зганд̇ааж̇жхосаанаа’’д̇и.
‘‘гасмаа бана, маариса, на саб̣б̣з саман̣аб̣раахман̣аа зганд̇аваад̣̇аа зганд̇асийлаа зганд̇ачанд̣̇аа зганд̇ааж̇жхосаанаа’’д̇и? ‘‘анзгад̇хаад̇у наанаад̇хаад̇у ко, д̣̇зваанаминд̣̇а, лого. д̇асмим̣ анзгад̇хаад̇унаанаад̇хаад̇усмим̣ логз яам̣ яад̣̇зва сад̇д̇аа д̇хаад̇ум̣ абхинивисанд̇и, д̇ам̣ д̇ад̣̇зва т̇аамасаа бараамаасаа абхинивисса вохаранд̇и – ‘ид̣̇амзва сажжам̣ могхаман̃н̃а’нд̇и. д̇асмаа на саб̣б̣з саман̣аб̣раахман̣аа зганд̇аваад̣̇аа зганд̇асийлаа зганд̇ачанд̣̇аа зганд̇ааж̇жхосаанаа’’д̇и.
‘‘саб̣б̣зва ну ко, маариса, саман̣аб̣раахман̣аа ажжанд̇анидтаа ажжанд̇аяог̇агкзмий ажжанд̇аб̣рахмажаарий ажжанд̇абарияосаанаа’’д̇и? ‘‘на ко, д̣̇зваанаминд̣̇а, саб̣б̣з саман̣аб̣раахман̣аа ажжанд̇анидтаа ажжанд̇аяог̇агкзмий ажжанд̇аб̣рахмажаарий ажжанд̇абарияосаанаа’’д̇и.
‘‘гасмаа бана, маариса, на саб̣б̣з саман̣аб̣раахман̣аа ажжанд̇анидтаа ажжанд̇аяог̇агкзмий ажжанд̇аб̣рахмажаарий ажжанд̇абарияосаанаа’’д̇и? ‘‘яз ко, д̣̇зваанаминд̣̇а, бхигкуу д̇ан̣хаасан̇каяавимуд̇д̇аа д̇з ажжанд̇анидтаа ажжанд̇аяог̇агкзмий ажжанд̇аб̣рахмажаарий ажжанд̇абарияосаанаа. д̇асмаа на саб̣б̣з саман̣аб̣раахман̣аа ажжанд̇анидтаа ажжанд̇аяог̇агкзмий ажжанд̇аб̣рахмажаарий ажжанд̇абарияосаанаа’’д̇и.
ид̇т̇ам̣ бхаг̇аваа саггасса д̣̇зваанаминд̣̇асса бан̃хам̣ будто б̣яаагааси. ад̇д̇амано сагго д̣̇зваанаминд̣̇о бхаг̇авад̇о бхаасид̇ам̣ абхинанд̣̇и анумод̣̇и – ‘‘звамзд̇ам̣, бхаг̇аваа, звамзд̇ам̣, суг̇ад̇а. д̇ин̣н̣аа мзд̇т̇а ган̇каа виг̇ад̇аа гат̇ам̣гат̇аа бхаг̇авад̇о бан̃хавзяяаагаран̣ам̣ суд̇ваа’’д̇и.
367. ид̇иха сагго д̣̇зваанаминд̣̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ зд̇ад̣̇авожа –
‘‘зж̇аа, бханд̇з, рог̇о, зж̇аа г̇ан̣д̣о, зж̇аа саллам̣, зж̇аа имам̣ бурисам̣ баригад̣дхад̇и д̇асса д̇ассзва бхавасса абхиниб̣б̣ад̇д̇ияаа. д̇асмаа аяам̣ бурисо ужжааважамаабаж̇ж̇ад̇и . язсаахам̣, бханд̇з, бан̃хаанам̣ ид̇о б̣ахид̣̇д̇хаа ан̃н̃зсу саман̣аб̣раахман̣зсу огаасагаммамби наалад̇т̇ам̣, д̇з мз бхаг̇авад̇аа б̣яаагад̇аа. д̣̇ийгхарад̇д̇аанусаяид̇ан̃жа бана д̣̇ийгхарад̇д̇аанубассад̇аа, яан̃жа бана (сяаа.), д̣̇ийгхарад̇д̇аанусаяино, яан̃жа бана (сий. бий.) мз вижигижчаагат̇ам̣гат̇аасаллам̣, д̇ан̃жа бхаг̇авад̇аа аб̣б̣ул̣ха’’нд̇и.
‘‘абхиж̇аанааси но д̇вам̣, д̣̇зваанаминд̣̇а, имз бан̃хз ан̃н̃з саман̣аб̣раахман̣з бужчид̇аа’’д̇и? ‘‘абхиж̇аанаамахам̣, бханд̇з, имз бан̃хз ан̃н̃з саман̣аб̣раахман̣з бужчид̇аа’’д̇и. ‘‘яат̇аа гат̇ам̣ бана д̇з, д̣̇зваанаминд̣̇а, б̣яаагам̣су? сажз д̇з аг̇ару бхаасассуу’’д̇и. ‘‘на ко мз, бханд̇з, г̇ару яад̇т̇асса бхаг̇аваа нисинно бхаг̇аванд̇аруубо ваа’’д̇и. ‘‘д̇зна хи, д̣̇зваанаминд̣̇а, бхаасассуу’’д̇и. ‘‘язсваахам̣ язсаахам̣ (сий. сяаа. бий.), бханд̇з , ман̃н̃аами саман̣аб̣раахман̣аа ааран̃н̃игаа банд̇асзнаасанаад̇и, д̇яаахам̣ убасан̇гамид̇ваа имз бан̃хз бужчаами, д̇з маяаа будтаа на самбааяанд̇и, асамбааяанд̇аа мамам̣язва бадибужчанд̇и – ‘го наамо ааяасмаа’д̇и? д̇зсаахам̣ будто б̣яаагароми – ‘ахам̣ ко, маариса, сагго д̣̇зваанаминд̣̇о’д̇и. д̇з мамам̣язва уд̇д̇ари бадибужчанд̇и – ‘гим̣ банааяасмаа, д̣̇зваанаминд̣̇а д̣̇зваанаминд̣̇о (сий. бий.), гаммам̣ гад̇ваа имам̣ таанам̣ бад̇д̇о’д̇и? д̇зсаахам̣ яат̇аасуд̇ам̣ яат̇аабарияад̇д̇ам̣ д̇хаммам̣ д̣̇зсзми. д̇з д̇аавад̇агзнзва ад̇д̇аманаа хонд̇и – ‘сагго жа но д̣̇зваанаминд̣̇о д̣̇идто, яан̃жа но абужчимхаа, д̇ан̃жа но б̣яаагаасий’д̇и. д̇з ан̃н̃ад̣̇ад̇т̇у мамам̣язва саавагаа самбаж̇ж̇анд̇и, на жаахам̣ д̇зсам̣. ахам̣ ко бана, бханд̇з, бхаг̇авад̇о сааваго сод̇аабанно авинибаад̇ад̇хаммо нияад̇о самб̣од̇хибарааяан̣о’’д̇и .
соманассабадилаабхагат̇аа
368. ‘‘абхиж̇аанааси но д̇вам̣, д̣̇зваанаминд̣̇а, ид̇о буб̣б̣з зваруубам̣ взд̣̇абадилаабхам̣ соманассабадилаабха’’нд̇и? ‘‘абхиж̇аанаамахам̣ , бханд̇з, ид̇о буб̣б̣з зваруубам̣ взд̣̇абадилаабхам̣ соманассабадилаабха’’нд̇и. ‘‘яат̇аа гат̇ам̣ бана д̇вам̣, д̣̇зваанаминд̣̇а, абхиж̇аанааси ид̇о буб̣б̣з зваруубам̣ взд̣̇абадилаабхам̣ соманассабадилаабха’’нд̇и?
‘‘бхууд̇абуб̣б̣ам̣, бханд̇з, д̣̇зваасурасан̇г̇аамо самубаб̣яуул̣хо самуубаб̣б̣ул̣хо (сий. бий.) ахоси. д̇асмим̣ ко бана, бханд̇з, сан̇г̇аамз д̣̇зваа ж̇иним̣су, асураа барааж̇аяим̣су барааж̇им̣су (сий. бий.). д̇асса маяхам̣, бханд̇з, д̇ам̣ сан̇г̇аамам̣ абхивиж̇инид̇ваа виж̇ид̇асан̇г̇аамасса зд̇ад̣̇ахоси – ‘яаа жзва д̣̇аани д̣̇иб̣б̣аа ож̇аа яаа жа асураа ож̇аа, убхаяамзд̇ам̣ убхаяамзд̇т̇а (сяаа.) д̣̇зваа барибхун̃ж̇иссанд̇ий’д̇и. со ко бана мз, бханд̇з, взд̣̇абадилаабхо соманассабадилаабхо сад̣̇ан̣д̣ааважаро сасад̇т̇ааважаро на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и. яо ко бана мз аяам̣, бханд̇з, бхаг̇авад̇о д̇хаммам̣ суд̇ваа взд̣̇абадилаабхо соманассабадилаабхо, со ад̣̇ан̣д̣ааважаро асад̇т̇ааважаро зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇ий’’д̇и.
369. ‘‘гим̣ бана д̇вам̣, д̣̇зваанаминд̣̇а, ад̇т̇авасам̣ самбассамаано зваруубам̣ взд̣̇абадилаабхам̣ соманассабадилаабхам̣ бавзд̣̇зсий’’д̇и? ‘‘ча ко ахам̣, бханд̇з, ад̇т̇авасз самбассамаано зваруубам̣ взд̣̇абадилаабхам̣ соманассабадилаабхам̣ бавзд̣̇зми.
‘‘ид̇хзва д̇идтамаанасса, д̣̇звабхууд̇асса мз сад̇о;
бунарааяу жа мз лад̣̇д̇хо, звам̣ ж̇аанаахи маариса.
‘‘имам̣ ко ахам̣, бханд̇з, батамам̣ ад̇т̇авасам̣ самбассамаано зваруубам̣ взд̣̇абадилаабхам̣ соманассабадилаабхам̣ бавзд̣̇зми.
‘‘жуд̇аахам̣ д̣̇ивияаа гааяаа, ааяум̣ хид̇ваа амаанусам̣;
амуул̣хо г̇аб̣бхамзссаами, яад̇т̇а мз рамад̇ий мано.
‘‘имам̣ ко ахам̣, бханд̇з, д̣̇уд̇ияам̣ ад̇т̇авасам̣ самбассамаано зваруубам̣ взд̣̇абадилаабхам̣ соманассабадилаабхам̣ бавзд̣̇зми.
‘‘сваахам̣ амуул̣хабан̃н̃асса амуул̣хабан̃хасса (?), вихарам̣ саасанз рад̇о;
н̃ааязна вихариссаами, самбаж̇аано бадиссад̇о.
‘‘имам̣ ко ахам̣, бханд̇з, д̇ад̇ияам̣ ад̇т̇авасам̣ самбассамаано зваруубам̣ взд̣̇абадилаабхам̣ соманассабадилаабхам̣ бавзд̣̇зми.
‘‘н̃ааязна мз жарад̇о жа, самб̣од̇хи жз бхависсад̇и;
ан̃н̃аад̇аа вихариссаами, свзва анд̇о бхависсад̇и.
‘‘имам̣ ко ахам̣, бханд̇з, жад̇уд̇т̇ам̣ ад̇т̇авасам̣ самбассамаано зваруубам̣ взд̣̇абадилаабхам̣ соманассабадилаабхам̣ бавзд̣̇зми.
‘‘жуд̇аахам̣ маанусаа гааяаа, ааяум̣ хид̇ваана маанусам̣;
буна д̣̇зво бхависсаами, д̣̇звалогамхи уд̇д̇амо.
‘‘имам̣ ко ахам̣, бханд̇з, бан̃жамам̣ ад̇т̇авасам̣ самбассамаано зваруубам̣ взд̣̇абадилаабхам̣ соманассабадилаабхам̣ бавзд̣̇зми.
‘‘д̇з яз (?) бан̣ийд̇ад̇араа д̣̇зваа, аганидтаа яасассино;
анд̇имз вад̇д̇амаанамхи, со ниваасо бхависсад̇и.
‘‘имам̣ ко ахам̣, бханд̇з, чадтам̣ ад̇т̇авасам̣ самбассамаано зваруубам̣ взд̣̇абадилаабхам̣ соманассабадилаабхам̣ бавзд̣̇зми.
‘‘имз ко ахам̣, бханд̇з, ча ад̇т̇авасз самбассамаано зваруубам̣ взд̣̇абадилаабхам̣ соманассабадилаабхам̣ бавзд̣̇зми.
370.‘‘абарияосид̇асан̇габбо , вижигижчо гат̇ам̣гат̇ий.
вижарим̣ д̣̇ийгхамад̣̇д̇хаанам̣, анвзсанд̇о д̇ат̇ааг̇ад̇ам̣.
‘‘яассу ман̃н̃аами саман̣з, бавивид̇д̇авихаарино;
самб̣уд̣̇д̇хаа ид̇и ман̃н̃аано, г̇ажчаами д̇з убаасид̇ум̣.
‘‘‘гат̇ам̣ аараад̇ханаа ход̇и, гат̇ам̣ ход̇и вираад̇ханаа’;
ид̇и будтаа на самбааяанд̇и самбхонд̇и (сяаа.), маг̇г̇з бадибад̣̇аасу жа.
‘‘д̇яассу яад̣̇аа мам̣ ж̇аананд̇и, сагго д̣̇зваанамааг̇ад̇о;
д̇яассу мамзва бужчанд̇и, ‘гим̣ гад̇ваа баабун̣ий ид̣̇ам̣’.
‘‘д̇зсам̣ яат̇аасуд̇ам̣ д̇хаммам̣, д̣̇зсаяаами ж̇анз суд̇ам̣ ж̇анзсуд̇а (га. сий.);
д̇зна ад̇д̇аманаа хонд̇и, ‘д̣̇идто но ваасавод̇и жа’.
‘‘яад̣̇аа жа б̣уд̣̇д̇хамад̣̇д̣̇агким̣, вижигижчаавид̇ааран̣ам̣;
сомхи вийд̇абхаяо аж̇ж̇а, самб̣уд̣̇д̇хам̣ баяирубаасияа баяирубаасаяим̣ (сяаа. га.).
‘‘д̇ан̣хаасалласса ханд̇аарам̣, б̣уд̣̇д̇хам̣ аббадибуг̇г̇алам̣;
ахам̣ ванд̣̇з махаавийрам̣, б̣уд̣̇д̇хамаад̣̇ижжаб̣анд̇хунам̣.
‘‘яам̣ гаромаси б̣рахмуно, самам̣ д̣̇звзхи маариса;
д̇ад̣̇аж̇ж̇а д̇уяхам̣ гассаама д̣̇ассаама (сяаа. га.), ханд̣̇а саамам̣ гарома д̇з.
‘‘д̇вамзва аси д̇увамзваси (бий.) самб̣уд̣̇д̇хо, д̇увам̣ сад̇т̇аа ануд̇д̇аро;
сад̣̇звагасмим̣ логасмим̣, над̇т̇и д̇з бадибуг̇г̇ало’’д̇и.
371. ат̇а ко сагго д̣̇зваанаминд̣̇о бан̃жасикам̣ г̇анд̇хаб̣б̣абуд̇д̇ам̣ ааманд̇зси – ‘‘б̣ахуубагааро ко мзси д̇вам̣, д̇аад̇а бан̃жасика, яам̣ д̇вам̣ бхаг̇аванд̇ам̣ батамам̣ басаад̣̇зси. д̇аяаа, д̇аад̇а, батамам̣ басаад̣̇ид̇ам̣ бажчаа маяам̣ д̇ам̣ бхаг̇аванд̇ам̣ д̣̇ассанааяа убасан̇гамимхаа араханд̇ам̣ саммаасамб̣уд̣̇д̇хам̣. бзд̇д̇игз ваа таанз табаяиссаами , г̇анд̇хаб̣б̣арааж̇аа бхависсаси, бхад̣̇д̣̇ан̃жа д̇з суурияаважчасам̣ д̣̇амми, саа хи д̇з абхибад̇т̇ид̇аа’’д̇и.
ат̇а ко сагго д̣̇зваанаминд̣̇о баан̣инаа бат̇авим̣ бараамасид̇ваа д̇игкад̇д̇ум̣ уд̣̇аанам̣ уд̣̇аанзси – ‘‘намо д̇асса бхаг̇авад̇о арахад̇о саммаасамб̣уд̣̇д̇хассаа’’д̇и.
имасмин̃жа бана взяяаагаран̣асмим̣ бхан̃н̃амаанз саггасса д̣̇зваанаминд̣̇асса вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и. ан̃н̃зсан̃жа асийд̇ияаа д̣̇звад̇аасахассаанам̣ , ид̇и яз саггзна д̣̇зваанаминд̣̇зна аж̇жхидтабан̃хаа будтаа , д̇з бхаг̇авад̇аа б̣яаагад̇аа. д̇асмаа имасса взяяаагаран̣асса саггабан̃хаад̇взва ад̇хиважананд̇и.
саггабан̃хасуд̇д̇ам̣ нидтид̇ам̣ адтамам̣.