9. махаасад̇ибадтаанасуд̇д̇ам̣
372. звам̣ мз суд̇ам̣ – згам̣ самаяам̣ бхаг̇аваа гуруусу вихарад̇и гаммаасад̇хаммам̣ наама гуруунам̣ ниг̇амо. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇д̣̇анд̇з’’д̇и бхад̣̇анд̇зд̇и (сий. сяаа. бий.) д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
уд̣̇д̣̇зсо
373. ‘‘згааяано аяам̣, бхигкавз, маг̇г̇о сад̇д̇аанам̣ висуд̣̇д̇хияаа, согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа, яад̣̇ид̣̇ам̣ жад̇д̇ааро сад̇ибадтаанаа.
‘‘гад̇амз жад̇д̇ааро? ид̇ха, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣, взд̣̇анаасу взд̣̇анаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣, жид̇д̇з жид̇д̇аанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣, д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣.
уд̣̇д̣̇зсо нидтид̇о.
гааяаанубассанаа аанаабаанабаб̣б̣ам̣
374. ‘‘гат̇ан̃жа бана, бхигкавз, бхигку гааяз гааяаанубассий вихарад̇и? ид̇ха, бхигкавз, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со сад̇ова ассасад̇и, сад̇ова бассасад̇и. д̣̇ийгхам̣ ваа ассасанд̇о ‘д̣̇ийгхам̣ ассасаамий’д̇и баж̇аанаад̇и, д̣̇ийгхам̣ ваа бассасанд̇о ‘д̣̇ийгхам̣ бассасаамий’д̇и баж̇аанаад̇и. рассам̣ ваа ассасанд̇о ‘рассам̣ ассасаамий’д̇и баж̇аанаад̇и, рассам̣ ваа бассасанд̇о ‘рассам̣ бассасаамий’д̇и баж̇аанаад̇и. ‘саб̣б̣агааяабадисам̣взд̣̇ий ассасиссаамий’д̇и сигкад̇и , ‘саб̣б̣агааяабадисам̣взд̣̇ий бассасиссаамий’д̇и сигкад̇и. ‘бассамбхаяам̣ гааяасан̇каарам̣ ассасиссаамий’д̇и сигкад̇и, ‘бассамбхаяам̣ гааяасан̇каарам̣ бассасиссаамий’д̇и сигкад̇и.
‘‘сзяяат̇ааби, бхигкавз, д̣̇агко бхамагааро ваа бхамагааранд̇зваасий ваа д̣̇ийгхам̣ ваа ан̃чанд̇о ‘д̣̇ийгхам̣ ан̃чаамий’д̇и баж̇аанаад̇и, рассам̣ ваа ан̃чанд̇о ‘рассам̣ ан̃чаамий’д̇и баж̇аанаад̇и звамзва ко, бхигкавз, бхигку д̣̇ийгхам̣ ваа ассасанд̇о ‘д̣̇ийгхам̣ ассасаамий’д̇и баж̇аанаад̇и, д̣̇ийгхам̣ ваа бассасанд̇о ‘д̣̇ийгхам̣ бассасаамий’д̇и баж̇аанаад̇и, рассам̣ ваа ассасанд̇о ‘рассам̣ ассасаамий’д̇и баж̇аанаад̇и, рассам̣ ваа бассасанд̇о ‘рассам̣ бассасаамий’д̇и баж̇аанаад̇и. ‘саб̣б̣агааяабадисам̣взд̣̇ий ассасиссаамий’д̇и сигкад̇и, ‘саб̣б̣агааяабадисам̣взд̣̇ий бассасиссаамий’д̇и сигкад̇и, ‘бассамбхаяам̣ гааяасан̇каарам̣ ассасиссаамий’д̇и сигкад̇и, ‘бассамбхаяам̣ гааяасан̇каарам̣ бассасиссаамий’д̇и сигкад̇и. ид̇и аж̇жхад̇д̇ам̣ ваа гааяз гааяаанубассий вихарад̇и, б̣ахид̣̇д̇хаа ваа гааяз гааяаанубассий вихарад̇и, аж̇жхад̇д̇аб̣ахид̣̇д̇хаа ваа гааяз гааяаанубассий вихарад̇и. самуд̣̇аяад̇хаммаанубассий ваа гааяасмим̣ вихарад̇и, ваяад̇хаммаанубассий ваа гааяасмим̣ вихарад̇и, самуд̣̇аяаваяад̇хаммаанубассий ваа гааяасмим̣ вихарад̇и. ‘ад̇т̇и гааяо’д̇и ваа банасса сад̇и бажжубадтид̇аа ход̇и яаавад̣̇зва н̃аан̣амад̇д̇ааяа бадиссад̇имад̇д̇ааяа аниссид̇о жа вихарад̇и, на жа гин̃жи логз убаад̣̇ияад̇и. звамби ко звамби (сий. сяаа. бий.), бхигкавз, бхигку гааяз гааяаанубассий вихарад̇и.
аанаабаанабаб̣б̣ам̣ нидтид̇ам̣.
гааяаанубассанаа ирияаабат̇абаб̣б̣ам̣
375. ‘‘буна жабарам̣, бхигкавз, бхигку г̇ажчанд̇о ваа ‘г̇ажчаамий’д̇и баж̇аанаад̇и, тид̇о ваа ‘тид̇омхий’д̇и баж̇аанаад̇и, нисинно ваа ‘нисинномхий’д̇и баж̇аанаад̇и, саяаано ваа ‘саяааномхий’д̇и баж̇аанаад̇и, яат̇аа яат̇аа ваа банасса гааяо бан̣ихид̇о ход̇и, д̇ат̇аа д̇ат̇аа нам̣ баж̇аанаад̇и. ид̇и аж̇жхад̇д̇ам̣ ваа гааяз гааяаанубассий вихарад̇и, б̣ахид̣̇д̇хаа ваа гааяз гааяаанубассий вихарад̇и, аж̇жхад̇д̇аб̣ахид̣̇д̇хаа ваа гааяз гааяаанубассий вихарад̇и. самуд̣̇аяад̇хаммаанубассий ваа гааяасмим̣ вихарад̇и, ваяад̇хаммаанубассий ваа гааяасмим̣ вихарад̇и, самуд̣̇аяаваяад̇хаммаанубассий ваа гааяасмим̣ вихарад̇и. ‘ад̇т̇и гааяо’д̇и ваа банасса сад̇и бажжубадтид̇аа ход̇и яаавад̣̇зва н̃аан̣амад̇д̇ааяа бадиссад̇имад̇д̇ааяа аниссид̇о жа вихарад̇и, на жа гин̃жи логз убаад̣̇ияад̇и. звамби ко, бхигкавз, бхигку гааяз гааяаанубассий вихарад̇и.
ирияаабат̇абаб̣б̣ам̣ нидтид̇ам̣.
гааяаанубассанаа самбаж̇аанабаб̣б̣ам̣
376. ‘‘буна жабарам̣, бхигкавз, бхигку абхигганд̇з бадигганд̇з самбаж̇аанагаарий ход̇и, аалогид̇з вилогид̇з самбаж̇аанагаарий ход̇и, самин̃ж̇ид̇з басаарид̇з самбаж̇аанагаарий ход̇и, сан̇гхаадибад̇д̇ажийварад̇хааран̣з самбаж̇аанагаарий ход̇и, асид̇з бийд̇з кааяид̇з сааяид̇з самбаж̇аанагаарий ход̇и, ужжаарабассаавагаммз самбаж̇аанагаарий ход̇и, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий ход̇и. ид̇и аж̇жхад̇д̇ам̣ ваа…бз… звамби ко, бхигкавз, бхигку гааяз гааяаанубассий вихарад̇и.
самбаж̇аанабаб̣б̣ам̣ нидтид̇ам̣.
гааяаанубассанаа бадигууламанасигаарабаб̣б̣ам̣
377. ‘‘буна жабарам̣, бхигкавз, бхигку имамзва гааяам̣ уд̣̇д̇хам̣ баад̣̇ад̇алаа ад̇хо гзсамад̇т̇агаа д̇ажабарияанд̇ам̣ буурам̣ наанаббагаарасса асужино бажжавзгкад̇и – ‘ад̇т̇и имасмим̣ гааяз гзсаа ломаа накаа д̣̇анд̇аа д̇ажо, мам̣сам̣ нхаару адти адтимин̃ж̇ам̣ ваггам̣, хад̣̇аяам̣ яаганам̣ гиломагам̣ бихагам̣ бабпаасам̣, анд̇ам̣ анд̇аг̇ун̣ам̣ уд̣̇арияам̣ гарийсам̣ гарийсам̣ мад̇т̇алун̇г̇ам̣ (га.), бид̇д̇ам̣ сзмхам̣ буб̣б̣о лохид̇ам̣ сзд̣̇о мзд̣̇о, ассу васаа кзл̣о син̇гхаан̣игаа ласигаа муд̇д̇а’нд̇и.
‘‘сзяяат̇ааби, бхигкавз, убхад̇омукаа буд̇ол̣и мууд̇ол̣ий (сяаа.), муд̇оли (бий.) буураа наанаавихид̇асса д̇хан̃н̃асса, сзяяат̇ид̣̇ам̣ саалийнам̣ вийхийнам̣ муг̇г̇аанам̣ маасаанам̣ д̇илаанам̣ д̇ан̣д̣улаанам̣. д̇амзнам̣ жагкумаа бурисо мун̃жид̇ваа бажжавзгкзяяа – ‘имз саалий, имз вийхий имз муг̇г̇аа имз маасаа имз д̇илаа имз д̇ан̣д̣улаа’д̇и. звамзва ко, бхигкавз, бхигку имамзва гааяам̣ уд̣̇д̇хам̣ баад̣̇ад̇алаа ад̇хо гзсамад̇т̇агаа д̇ажабарияанд̇ам̣ буурам̣ наанаббагаарасса асужино бажжавзгкад̇и – ‘ад̇т̇и имасмим̣ гааяз гзсаа ломаа…бз… муд̇д̇а’нд̇и.
ид̇и аж̇жхад̇д̇ам̣ ваа…бз… звамби ко, бхигкавз, бхигку гааяз гааяаанубассий вихарад̇и.
бадигууламанасигаарабаб̣б̣ам̣ нидтид̇ам̣.
гааяаанубассанаа д̇хаад̇уманасигаарабаб̣б̣ам̣
378. ‘‘буна жабарам̣, бхигкавз, бхигку имамзва гааяам̣ яат̇аатид̇ам̣ яат̇аабан̣ихид̇ам̣ д̇хаад̇усо бажжавзгкад̇и – ‘ад̇т̇и имасмим̣ гааяз бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и.
‘‘сзяяат̇ааби , бхигкавз, д̣̇агко г̇огхаад̇аго ваа г̇огхаад̇аганд̇зваасий ваа г̇аавим̣ вад̇хид̇ваа жад̇умахаабат̇з б̣иласо вибхаж̇ид̇ваа нисинно асса, звамзва ко, бхигкавз, бхигку имамзва гааяам̣ яат̇аатид̇ам̣ яат̇аабан̣ихид̇ам̣ д̇хаад̇усо бажжавзгкад̇и – ‘ад̇т̇и имасмим̣ гааяз бат̇авийд̇хаад̇у аабод̇хаад̇у д̇зж̇од̇хаад̇у вааяод̇хаад̇уу’д̇и.
‘‘ид̇и аж̇жхад̇д̇ам̣ ваа гааяз гааяаанубассий вихарад̇и…бз… звамби ко, бхигкавз, бхигку гааяз гааяаанубассий вихарад̇и.
д̇хаад̇уманасигаарабаб̣б̣ам̣ нидтид̇ам̣.
гааяаанубассанаа навасиват̇игабаб̣б̣ам̣
379. ‘‘буна жабарам̣, бхигкавз, бхигку сзяяат̇ааби бассзяяа сарийрам̣ сиват̇игааяа чад̣д̣ид̇ам̣ згаахамад̇ам̣ ваа д̣̇вийхамад̇ам̣ ваа д̇ийхамад̇ам̣ ваа уд̣̇д̇хумаад̇агам̣ винийлагам̣ вибуб̣б̣агаж̇аад̇ам̣. со имамзва гааяам̣ убасам̣харад̇и – ‘аяамби ко гааяо звам̣д̇хаммо звам̣бхаавий звам̣анад̇ийд̇о’д̇и.
‘‘ид̇и аж̇жхад̇д̇ам̣ ваа …бз… звамби ко, бхигкавз, бхигку гааяз гааяаанубассий вихарад̇и.
‘‘буна жабарам̣, бхигкавз, бхигку сзяяат̇ааби бассзяяа сарийрам̣ сиват̇игааяа чад̣д̣ид̇ам̣ гаагзхи ваа каж̇ж̇амаанам̣ гулалзхи ваа каж̇ж̇амаанам̣ г̇иж̇жхзхи ваа каж̇ж̇амаанам̣ ган̇гзхи ваа каж̇ж̇амаанам̣ сунакзхи ваа каж̇ж̇амаанам̣ б̣яаг̇гхзхи ваа каж̇ж̇амаанам̣ д̣̇ийбийхи ваа каж̇ж̇амаанам̣ син̇г̇аалзхи ваа г̇иж̇жхзхи ваа каж̇ж̇амаанам̣, суваанзхи ваа каж̇ж̇амаанам̣, сиг̇аалзхи ваа каж̇ж̇амаанам̣, (сяаа. бий.) каж̇ж̇амаанам̣ вивид̇хзхи ваа баан̣агаж̇аад̇зхи каж̇ж̇амаанам̣. со имамзва гааяам̣ убасам̣харад̇и – ‘аяамби ко гааяо звам̣д̇хаммо звам̣бхаавий звам̣анад̇ийд̇о’д̇и.
‘‘ид̇и аж̇жхад̇д̇ам̣ ваа…бз… звамби ко, бхигкавз, бхигку гааяз гааяаанубассий вихарад̇и.
‘‘буна жабарам̣, бхигкавз, бхигку сзяяат̇ааби бассзяяа сарийрам̣ сиват̇игааяа чад̣д̣ид̇ам̣ адтигасан̇калигам̣ самам̣салохид̇ам̣ нхаарусамб̣анд̇хам̣…бз… адтигасан̇калигам̣ нимам̣салохид̇амагкид̇ам̣ нхаарусамб̣анд̇хам̣…бз… адтигасан̇калигам̣ абаг̇ад̇амам̣салохид̇ам̣ нхаарусамб̣анд̇хам̣…бз… адтигаани абаг̇ад̇асамб̣анд̇хаани абаг̇ад̇анхаарусамб̣анд̇хаани (сяаа.) д̣̇исаа вид̣̇исаа вигкид̇д̇аани, ан̃н̃зна хад̇т̇адтигам̣ ан̃н̃зна баад̣̇адтигам̣ ан̃н̃зна г̇обпагадтигам̣ ‘‘ан̃н̃зна г̇обпагадтига’’нд̇и ид̣̇ам̣ сий. сяаа. бий. бод̇т̇агзсу над̇т̇и ан̃н̃зна ж̇ан̇гхадтигам̣ ан̃н̃зна уурудтигам̣ ан̃н̃зна гадидтигам̣ ан̃н̃зна гададтигам̣ ан̃н̃зна бидтадтигам̣ ан̃н̃зна ган̣д̣агадтигам̣ ан̃н̃зна паасугадтигам̣ ан̃н̃зна урадтигам̣ ан̃н̃зна ам̣садтигам̣ ан̃н̃зна б̣аахудтигам̣ (сяаа.) ан̃н̃зна паасугадтигам̣ ан̃н̃зна бидтидтигам̣ ан̃н̃зна канд̇хадтигам̣ ан̃н̃зна гададтигам̣ ан̃н̃зна бидтадтигам̣ ан̃н̃зна ган̣д̣агадтигам̣ ан̃н̃зна паасугадтигам̣ ан̃н̃зна урадтигам̣ ан̃н̃зна ам̣садтигам̣ ан̃н̃зна б̣аахудтигам̣ (сяаа.) ан̃н̃зна г̇ийвадтигам̣ ан̃н̃зна ханугадтигам̣ ан̃н̃зна д̣̇анд̇адтигам̣ ан̃н̃зна сийсагадаахам̣. со имамзва гааяам̣ убасам̣харад̇и – ‘аяамби ко гааяо звам̣д̇хаммо звам̣бхаавий звам̣анад̇ийд̇о’д̇и.
‘‘ид̇и аж̇жхад̇д̇ам̣ ваа …бз… вихарад̇и.
‘‘буна жабарам̣, бхигкавз, бхигку сзяяат̇ааби бассзяяа сарийрам̣ сиват̇игааяа чад̣д̣ид̇ам̣ адтигаани сзд̇аани сан̇каван̣н̣абадибхааг̇аани…бз… адтигаани бун̃ж̇агид̇аани д̇зровассигаани …бз… адтигаани бууд̇ийни жун̣н̣агаж̇аад̇аани. со имамзва гааяам̣ убасам̣харад̇и – ‘аяамби ко гааяо звам̣д̇хаммо звам̣бхаавий звам̣анад̇ийд̇о’д̇и. ид̇и аж̇жхад̇д̇ам̣ ваа гааяз гааяаанубассий вихарад̇и, б̣ахид̣̇д̇хаа ваа гааяз гааяаанубассий вихарад̇и, аж̇жхад̇д̇аб̣ахид̣̇д̇хаа ваа гааяз гааяаанубассий вихарад̇и. самуд̣̇аяад̇хаммаанубассий ваа гааяасмим̣ вихарад̇и, ваяад̇хаммаанубассий ваа гааяасмим̣ вихарад̇и, самуд̣̇аяаваяад̇хаммаанубассий ваа гааяасмим̣ вихарад̇и. ‘ад̇т̇и гааяо’д̇и ваа банасса сад̇и бажжубадтид̇аа ход̇и яаавад̣̇зва н̃аан̣амад̇д̇ааяа бадиссад̇имад̇д̇ааяа аниссид̇о жа вихарад̇и, на жа гин̃жи логз убаад̣̇ияад̇и. звамби ко, бхигкавз, бхигку гааяз гааяаанубассий вихарад̇и.
навасиват̇игабаб̣б̣ам̣ нидтид̇ам̣.
жуд̣̇д̣̇аса гааяаанубассанаа нидтид̇аа.
взд̣̇анаанубассанаа
380. ‘‘гат̇ан̃жа бана, бхигкавз, бхигку взд̣̇анаасу взд̣̇анаанубассий вихарад̇и? ид̇ха, бхигкавз, бхигку сукам̣ ваа взд̣̇анам̣ взд̣̇аяамаано ‘сукам̣ взд̣̇анам̣ взд̣̇аяаамий’д̇и баж̇аанаад̇и . д̣̇угкам̣ ваа взд̣̇анам̣ взд̣̇аяамаано ‘д̣̇угкам̣ взд̣̇анам̣ взд̣̇аяаамий’д̇и баж̇аанаад̇и. ад̣̇угкамасукам̣ ваа взд̣̇анам̣ взд̣̇аяамаано ‘ад̣̇угкамасукам̣ взд̣̇анам̣ взд̣̇аяаамий’д̇и баж̇аанаад̇и. саамисам̣ ваа сукам̣ взд̣̇анам̣ взд̣̇аяамаано ‘саамисам̣ сукам̣ взд̣̇анам̣ взд̣̇аяаамий’д̇и баж̇аанаад̇и, нираамисам̣ ваа сукам̣ взд̣̇анам̣ взд̣̇аяамаано ‘нираамисам̣ сукам̣ взд̣̇анам̣ взд̣̇аяаамий’д̇и баж̇аанаад̇и. саамисам̣ ваа д̣̇угкам̣ взд̣̇анам̣ взд̣̇аяамаано ‘саамисам̣ д̣̇угкам̣ взд̣̇анам̣ взд̣̇аяаамий’д̇и баж̇аанаад̇и, нираамисам̣ ваа д̣̇угкам̣ взд̣̇анам̣ взд̣̇аяамаано ‘нираамисам̣ д̣̇угкам̣ взд̣̇анам̣ взд̣̇аяаамий’д̇и баж̇аанаад̇и. саамисам̣ ваа ад̣̇угкамасукам̣ взд̣̇анам̣ взд̣̇аяамаано ‘саамисам̣ ад̣̇угкамасукам̣ взд̣̇анам̣ взд̣̇аяаамий’д̇и баж̇аанаад̇и, нираамисам̣ ваа ад̣̇угкамасукам̣ взд̣̇анам̣ взд̣̇аяамаано ‘нираамисам̣ ад̣̇угкамасукам̣ взд̣̇анам̣ взд̣̇аяаамий’д̇и баж̇аанаад̇и. ид̇и аж̇жхад̇д̇ам̣ ваа взд̣̇анаасу взд̣̇анаанубассий вихарад̇и, б̣ахид̣̇д̇хаа ваа взд̣̇анаасу взд̣̇анаанубассий вихарад̇и, аж̇жхад̇д̇аб̣ахид̣̇д̇хаа ваа взд̣̇анаасу взд̣̇анаанубассий вихарад̇и. самуд̣̇аяад̇хаммаанубассий ваа взд̣̇анаасу вихарад̇и, ваяад̇хаммаанубассий ваа взд̣̇анаасу вихарад̇и, самуд̣̇аяаваяад̇хаммаанубассий ваа взд̣̇анаасу вихарад̇и. ‘ад̇т̇и взд̣̇анаа’д̇и ваа банасса сад̇и бажжубадтид̇аа ход̇и яаавад̣̇зва н̃аан̣амад̇д̇ааяа бадиссад̇имад̇д̇ааяа аниссид̇о жа вихарад̇и, на жа гин̃жи логз убаад̣̇ияад̇и. звамби ко, бхигкавз, бхигку взд̣̇анаасу взд̣̇анаанубассий вихарад̇и.
взд̣̇анаанубассанаа нидтид̇аа.
жид̇д̇аанубассанаа
381. ‘‘гат̇ан̃жа бана, бхигкавз, бхигку жид̇д̇з жид̇д̇аанубассий вихарад̇и? ид̇ха, бхигкавз, бхигку сарааг̇ам̣ ваа жид̇д̇ам̣ ‘сарааг̇ам̣ жид̇д̇а’нд̇и баж̇аанаад̇и, вийд̇арааг̇ам̣ ваа жид̇д̇ам̣ ‘вийд̇арааг̇ам̣ жид̇д̇а’нд̇и баж̇аанаад̇и. сад̣̇осам̣ ваа жид̇д̇ам̣ ‘сад̣̇осам̣ жид̇д̇а’нд̇и баж̇аанаад̇и, вийд̇ад̣̇осам̣ ваа жид̇д̇ам̣ ‘вийд̇ад̣̇осам̣ жид̇д̇а’нд̇и баж̇аанаад̇и. самохам̣ ваа жид̇д̇ам̣ ‘самохам̣ жид̇д̇а’нд̇и баж̇аанаад̇и, вийд̇амохам̣ ваа жид̇д̇ам̣ ‘вийд̇амохам̣ жид̇д̇а’нд̇и баж̇аанаад̇и. сан̇кид̇д̇ам̣ ваа жид̇д̇ам̣ ‘сан̇кид̇д̇ам̣ жид̇д̇а’нд̇и баж̇аанаад̇и, вигкид̇д̇ам̣ ваа жид̇д̇ам̣ ‘вигкид̇д̇ам̣ жид̇д̇а’нд̇и баж̇аанаад̇и. махаг̇г̇ад̇ам̣ ваа жид̇д̇ам̣ ‘махаг̇г̇ад̇ам̣ жид̇д̇а’нд̇и баж̇аанаад̇и, амахаг̇г̇ад̇ам̣ ваа жид̇д̇ам̣ ‘амахаг̇г̇ад̇ам̣ жид̇д̇а’нд̇и баж̇аанаад̇и. сауд̇д̇арам̣ ваа жид̇д̇ам̣ ‘сауд̇д̇арам̣ жид̇д̇а’нд̇и баж̇аанаад̇и, ануд̇д̇арам̣ ваа жид̇д̇ам̣ ‘ануд̇д̇арам̣ жид̇д̇а’нд̇и баж̇аанаад̇и. самаахид̇ам̣ ваа жид̇д̇ам̣ ‘самаахид̇ам̣ жид̇д̇а’нд̇и баж̇аанаад̇и, асамаахид̇ам̣ ваа жид̇д̇ам̣ ‘асамаахид̇ам̣ жид̇д̇а’нд̇и баж̇аанаад̇и. вимуд̇д̇ам̣ ваа жид̇д̇ам̣ ‘вимуд̇д̇ам̣ жид̇д̇а’нд̇и баж̇аанаад̇и. авимуд̇д̇ам̣ ваа жид̇д̇ам̣ ‘авимуд̇д̇ам̣ жид̇д̇а’нд̇и баж̇аанаад̇и. ид̇и аж̇жхад̇д̇ам̣ ваа жид̇д̇з жид̇д̇аанубассий вихарад̇и, б̣ахид̣̇д̇хаа ваа жид̇д̇з жид̇д̇аанубассий вихарад̇и, аж̇жхад̇д̇аб̣ахид̣̇д̇хаа ваа жид̇д̇з жид̇д̇аанубассий вихарад̇и. самуд̣̇аяад̇хаммаанубассий ваа жид̇д̇асмим̣ вихарад̇и, ваяад̇хаммаанубассий ваа жид̇д̇асмим̣ вихарад̇и, самуд̣̇аяаваяад̇хаммаанубассий ваа жид̇д̇асмим̣ вихарад̇и, ‘ад̇т̇и жид̇д̇а’нд̇и ваа банасса сад̇и бажжубадтид̇аа ход̇и яаавад̣̇зва н̃аан̣амад̇д̇ааяа бадиссад̇имад̇д̇ааяа аниссид̇о жа вихарад̇и, на жа гин̃жи логз убаад̣̇ияад̇и . звамби ко, бхигкавз, бхигку жид̇д̇з жид̇д̇аанубассий вихарад̇и.
жид̇д̇аанубассанаа нидтид̇аа.
д̇хаммаанубассанаа нийваран̣абаб̣б̣ам̣
382. ‘‘гат̇ан̃жа бана, бхигкавз, бхигку д̇хаммзсу д̇хаммаанубассий вихарад̇и? ид̇ха, бхигкавз, бхигку д̇хаммзсу д̇хаммаанубассий вихарад̇и бан̃жасу нийваран̣зсу. гат̇ан̃жа бана, бхигкавз, бхигку д̇хаммзсу д̇хаммаанубассий вихарад̇и бан̃жасу нийваран̣зсу?
‘‘ид̇ха, бхигкавз, бхигку санд̇ам̣ ваа аж̇жхад̇д̇ам̣ гаамажчанд̣̇ам̣ ‘ад̇т̇и мз аж̇жхад̇д̇ам̣ гаамажчанд̣̇о’д̇и баж̇аанаад̇и, асанд̇ам̣ ваа аж̇жхад̇д̇ам̣ гаамажчанд̣̇ам̣ ‘над̇т̇и мз аж̇жхад̇д̇ам̣ гаамажчанд̣̇о’д̇и баж̇аанаад̇и, яат̇аа жа ануббаннасса гаамажчанд̣̇асса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса гаамажчанд̣̇асса бахаанам̣ ход̇и д̇ан̃жа баж̇аанаад̇и, яат̇аа жа бахийнасса гаамажчанд̣̇асса ааяад̇им̣ ануббаад̣̇о ход̇и д̇ан̃жа баж̇аанаад̇и.
‘‘санд̇ам̣ ваа аж̇жхад̇д̇ам̣ б̣яаабаад̣̇ам̣ ‘ад̇т̇и мз аж̇жхад̇д̇ам̣ б̣яаабаад̣̇о’д̇и баж̇аанаад̇и, асанд̇ам̣ ваа аж̇жхад̇д̇ам̣ б̣яаабаад̣̇ам̣ ‘над̇т̇и мз аж̇жхад̇д̇ам̣ б̣яаабаад̣̇о’д̇и баж̇аанаад̇и, яат̇аа жа ануббаннасса б̣яаабаад̣̇асса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса б̣яаабаад̣̇асса бахаанам̣ ход̇и д̇ан̃жа баж̇аанаад̇и, яат̇аа жа бахийнасса б̣яаабаад̣̇асса ааяад̇им̣ ануббаад̣̇о ход̇и д̇ан̃жа баж̇аанаад̇и.
‘‘санд̇ам̣ ваа аж̇жхад̇д̇ам̣ т̇инамид̣̇д̇хам̣ ‘ад̇т̇и мз аж̇жхад̇д̇ам̣ т̇инамид̣̇д̇ха’нд̇и баж̇аанаад̇и, асанд̇ам̣ ваа аж̇жхад̇д̇ам̣ т̇инамид̣̇д̇хам̣ ‘над̇т̇и мз аж̇жхад̇д̇ам̣ т̇инамид̣̇д̇ха’нд̇и баж̇аанаад̇и, яат̇аа жа ануббаннасса т̇инамид̣̇д̇хасса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса т̇инамид̣̇д̇хасса бахаанам̣ ход̇и д̇ан̃жа баж̇аанаад̇и, яат̇аа жа бахийнасса т̇инамид̣̇д̇хасса ааяад̇им̣ ануббаад̣̇о ход̇и д̇ан̃жа баж̇аанаад̇и.
‘‘санд̇ам̣ ваа аж̇жхад̇д̇ам̣ уд̣̇д̇хажжагуггужжам̣ ‘ад̇т̇и мз аж̇жхад̇д̇ам̣ уд̣̇д̇хажжагуггужжа’нд̇и баж̇аанаад̇и, асанд̇ам̣ ваа аж̇жхад̇д̇ам̣ уд̣̇д̇хажжагуггужжам̣ ‘над̇т̇и мз аж̇жхад̇д̇ам̣ уд̣̇д̇хажжагуггужжа’нд̇и баж̇аанаад̇и, яат̇аа жа ануббаннасса уд̣̇д̇хажжагуггужжасса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса уд̣̇д̇хажжагуггужжасса бахаанам̣ ход̇и д̇ан̃жа баж̇аанаад̇и, яат̇аа жа бахийнасса уд̣̇д̇хажжагуггужжасса ааяад̇им̣ ануббаад̣̇о ход̇и д̇ан̃жа баж̇аанаад̇и.
‘‘санд̇ам̣ ваа аж̇жхад̇д̇ам̣ вижигижчам̣ ‘ад̇т̇и мз аж̇жхад̇д̇ам̣ вижигижчаа’д̇и баж̇аанаад̇и, асанд̇ам̣ ваа аж̇жхад̇д̇ам̣ вижигижчам̣ ‘над̇т̇и мз аж̇жхад̇д̇ам̣ вижигижчаа’д̇и баж̇аанаад̇и, яат̇аа жа ануббаннааяа вижигижчааяа уббаад̣̇о ход̇и д̇ан̃жа баж̇аанаад̇и, яат̇аа жа уббаннааяа вижигижчааяа бахаанам̣ ход̇и д̇ан̃жа баж̇аанаад̇и, яат̇аа жа бахийнааяа вижигижчааяа ааяад̇им̣ ануббаад̣̇о ход̇и д̇ан̃жа баж̇аанаад̇и.
‘‘ид̇и аж̇жхад̇д̇ам̣ ваа д̇хаммзсу д̇хаммаанубассий вихарад̇и, б̣ахид̣̇д̇хаа ваа д̇хаммзсу д̇хаммаанубассий вихарад̇и, аж̇жхад̇д̇аб̣ахид̣̇д̇хаа ваа д̇хаммзсу д̇хаммаанубассий вихарад̇и самуд̣̇аяад̇хаммаанубассий ваа д̇хаммзсу вихарад̇и, ваяад̇хаммаанубассий ваа д̇хаммзсу вихарад̇и, самуд̣̇аяаваяад̇хаммаанубассий ваа д̇хаммзсу вихарад̇и ‘ад̇т̇и д̇хаммаа’д̇и ваа банасса сад̇и бажжубадтид̇аа ход̇и яаавад̣̇зва н̃аан̣амад̇д̇ааяа бадиссад̇имад̇д̇ааяа аниссид̇о жа вихарад̇и, на жа гин̃жи логз убаад̣̇ияад̇и. звамби ко, бхигкавз, бхигку д̇хаммзсу д̇хаммаанубассий вихарад̇и бан̃жасу нийваран̣зсу.
нийваран̣абаб̣б̣ам̣ нидтид̇ам̣.
д̇хаммаанубассанаа канд̇хабаб̣б̣ам̣
383. ‘‘буна жабарам̣, бхигкавз, бхигку д̇хаммзсу д̇хаммаанубассий вихарад̇и бан̃жасу убаад̣̇аанагканд̇хзсу. гат̇ан̃жа бана, бхигкавз, бхигку д̇хаммзсу д̇хаммаанубассий вихарад̇и бан̃жасу убаад̣̇аанагканд̇хзсу? ид̇ха, бхигкавз, бхигку – ‘ид̇и руубам̣, ид̇и руубасса самуд̣̇аяо, ид̇и руубасса ад̇т̇ан̇г̇амо; ид̇и взд̣̇анаа, ид̇и взд̣̇анааяа самуд̣̇аяо, ид̇и взд̣̇анааяа ад̇т̇ан̇г̇амо; ид̇и сан̃н̃аа, ид̇и сан̃н̃ааяа самуд̣̇аяо, ид̇и сан̃н̃ааяа ад̇т̇ан̇г̇амо; ид̇и сан̇каараа, ид̇и сан̇каараанам̣ самуд̣̇аяо, ид̇и сан̇каараанам̣ ад̇т̇ан̇г̇амо, ид̇и вин̃н̃аан̣ам̣, ид̇и вин̃н̃аан̣асса самуд̣̇аяо, ид̇и вин̃н̃аан̣асса ад̇т̇ан̇г̇амо’д̇и, ид̇и аж̇жхад̇д̇ам̣ ваа д̇хаммзсу д̇хаммаанубассий вихарад̇и, б̣ахид̣̇д̇хаа ваа д̇хаммзсу д̇хаммаанубассий вихарад̇и, аж̇жхад̇д̇аб̣ахид̣̇д̇хаа ваа д̇хаммзсу д̇хаммаанубассий вихарад̇и. самуд̣̇аяад̇хаммаанубассий ваа д̇хаммзсу вихарад̇и, ваяад̇хаммаанубассий ваа д̇хаммзсу вихарад̇и, самуд̣̇аяаваяад̇хаммаанубассий ваа д̇хаммзсу вихарад̇и. ‘ад̇т̇и д̇хаммаа’д̇и ваа банасса сад̇и бажжубадтид̇аа ход̇и яаавад̣̇зва н̃аан̣амад̇д̇ааяа бадиссад̇имад̇д̇ааяа, аниссид̇о жа вихарад̇и, на жа гин̃жи логз убаад̣̇ияад̇и . звамби ко, бхигкавз, бхигку д̇хаммзсу д̇хаммаанубассий вихарад̇и бан̃жасу убаад̣̇аанагканд̇хзсу.
канд̇хабаб̣б̣ам̣ нидтид̇ам̣.
д̇хаммаанубассанаа ааяад̇анабаб̣б̣ам̣
384. ‘‘буна жабарам̣, бхигкавз, бхигку д̇хаммзсу д̇хаммаанубассий вихарад̇и часу аж̇жхад̇д̇игаб̣аахирзсу ааяад̇анзсу. гат̇ан̃жа бана, бхигкавз, бхигку д̇хаммзсу д̇хаммаанубассий вихарад̇и часу аж̇жхад̇д̇игаб̣аахирзсу ааяад̇анзсу?
‘‘ид̇ха, бхигкавз, бхигку жагкун̃жа баж̇аанаад̇и, руубз жа баж̇аанаад̇и, яан̃жа д̇ад̣̇убхаяам̣ бадижжа уббаж̇ж̇ад̇и сам̣яож̇анам̣ д̇ан̃жа баж̇аанаад̇и, яат̇аа жа ануббаннасса сам̣яож̇анасса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса сам̣яож̇анасса бахаанам̣ ход̇и д̇ан̃жа баж̇аанаад̇и, яат̇аа жа бахийнасса сам̣яож̇анасса ааяад̇им̣ ануббаад̣̇о ход̇и д̇ан̃жа баж̇аанаад̇и.
‘‘сод̇ан̃жа баж̇аанаад̇и, сад̣̇д̣̇з жа баж̇аанаад̇и, яан̃жа д̇ад̣̇убхаяам̣ бадижжа уббаж̇ж̇ад̇и сам̣яож̇анам̣ д̇ан̃жа баж̇аанаад̇и, яат̇аа жа ануббаннасса сам̣яож̇анасса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса сам̣яож̇анасса бахаанам̣ ход̇и д̇ан̃жа баж̇аанаад̇и, яат̇аа жа бахийнасса сам̣яож̇анасса ааяад̇им̣ ануббаад̣̇о ход̇и д̇ан̃жа баж̇аанаад̇и.
‘‘гхаанан̃жа баж̇аанаад̇и, г̇анд̇хз жа баж̇аанаад̇и, яан̃жа д̇ад̣̇убхаяам̣ бадижжа уббаж̇ж̇ад̇и сам̣яож̇анам̣ д̇ан̃жа баж̇аанаад̇и, яат̇аа жа ануббаннасса сам̣яож̇анасса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса сам̣яож̇анасса бахаанам̣ ход̇и д̇ан̃жа баж̇аанаад̇и, яат̇аа жа бахийнасса сам̣яож̇анасса ааяад̇им̣ ануббаад̣̇о ход̇и д̇ан̃жа баж̇аанаад̇и.
‘‘ж̇ивхан̃жа баж̇аанаад̇и, расз жа баж̇аанаад̇и, яан̃жа д̇ад̣̇убхаяам̣ бадижжа уббаж̇ж̇ад̇и сам̣яож̇анам̣ д̇ан̃жа баж̇аанаад̇и, яат̇аа жа ануббаннасса сам̣яож̇анасса уббаад̣̇о ход̇и д̇ан̃жа баж̇аанаад̇и , яат̇аа жа уббаннасса сам̣яож̇анасса бахаанам̣ ход̇и д̇ан̃жа баж̇аанаад̇и, яат̇аа жа бахийнасса сам̣яож̇анасса ааяад̇им̣ ануббаад̣̇о ход̇и д̇ан̃жа баж̇аанаад̇и.
‘‘гааяан̃жа баж̇аанаад̇и, подтаб̣б̣з жа баж̇аанаад̇и, яан̃жа д̇ад̣̇убхаяам̣ бадижжа уббаж̇ж̇ад̇и сам̣яож̇анам̣ д̇ан̃жа баж̇аанаад̇и, яат̇аа жа ануббаннасса сам̣яож̇анасса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса сам̣яож̇анасса бахаанам̣ ход̇и д̇ан̃жа баж̇аанаад̇и, яат̇аа жа бахийнасса сам̣яож̇анасса ааяад̇им̣ ануббаад̣̇о ход̇и д̇ан̃жа баж̇аанаад̇и.
‘‘манан̃жа баж̇аанаад̇и, д̇хаммз жа баж̇аанаад̇и, яан̃жа д̇ад̣̇убхаяам̣ бадижжа уббаж̇ж̇ад̇и сам̣яож̇анам̣ д̇ан̃жа баж̇аанаад̇и, яат̇аа жа ануббаннасса сам̣яож̇анасса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса сам̣яож̇анасса бахаанам̣ ход̇и д̇ан̃жа баж̇аанаад̇и, яат̇аа жа бахийнасса сам̣яож̇анасса ааяад̇им̣ ануббаад̣̇о ход̇и д̇ан̃жа баж̇аанаад̇и.
‘‘ид̇и аж̇жхад̇д̇ам̣ ваа д̇хаммзсу д̇хаммаанубассий вихарад̇и, б̣ахид̣̇д̇хаа ваа д̇хаммзсу д̇хаммаанубассий вихарад̇и, аж̇жхад̇д̇аб̣ахид̣̇д̇хаа ваа д̇хаммзсу д̇хаммаанубассий вихарад̇и. самуд̣̇аяад̇хаммаанубассий ваа д̇хаммзсу вихарад̇и, ваяад̇хаммаанубассий ваа д̇хаммзсу вихарад̇и, самуд̣̇аяаваяад̇хаммаанубассий ваа д̇хаммзсу вихарад̇и. ‘ад̇т̇и д̇хаммаа’д̇и ваа банасса сад̇и бажжубадтид̇аа ход̇и яаавад̣̇зва н̃аан̣амад̇д̇ааяа бадиссад̇имад̇д̇ааяа, аниссид̇о жа вихарад̇и, на жа гин̃жи логз убаад̣̇ияад̇и. звамби ко, бхигкавз, бхигку д̇хаммзсу д̇хаммаанубассий вихарад̇и часу аж̇жхад̇д̇игаб̣аахирзсу ааяад̇анзсу.
ааяад̇анабаб̣б̣ам̣ нидтид̇ам̣.
д̇хаммаанубассанаа б̣ож̇жхан̇г̇абаб̣б̣ам̣
385. ‘‘буна жабарам̣, бхигкавз, бхигку д̇хаммзсу д̇хаммаанубассий вихарад̇и сад̇д̇асу б̣ож̇жхан̇г̇зсу. гат̇ан̃жа бана, бхигкавз, бхигку д̇хаммзсу д̇хаммаанубассий вихарад̇и сад̇д̇асу б̣ож̇жхан̇г̇зсу? ид̇ха, бхигкавз, бхигку санд̇ам̣ ваа аж̇жхад̇д̇ам̣ сад̇исамб̣ож̇жхан̇г̇ам̣ ‘ад̇т̇и мз аж̇жхад̇д̇ам̣ сад̇исамб̣ож̇жхан̇г̇о’д̇и баж̇аанаад̇и, асанд̇ам̣ ваа аж̇жхад̇д̇ам̣ сад̇исамб̣ож̇жхан̇г̇ам̣ ‘над̇т̇и мз аж̇жхад̇д̇ам̣ сад̇исамб̣ож̇жхан̇г̇о’д̇и баж̇аанаад̇и, яат̇аа жа ануббаннасса сад̇исамб̣ож̇жхан̇г̇асса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса сад̇исамб̣ож̇жхан̇г̇асса бхааванааяа баарибуурий ход̇и д̇ан̃жа баж̇аанаад̇и.
‘‘санд̇ам̣ ваа аж̇жхад̇д̇ам̣ д̇хаммавижаяасамб̣ож̇жхан̇г̇ам̣ ‘ад̇т̇и мз аж̇жхад̇д̇ам̣ д̇хаммавижаяасамб̣ож̇жхан̇г̇о’д̇и баж̇аанаад̇и, асанд̇ам̣ ваа аж̇жхад̇д̇ам̣ д̇хаммавижаяасамб̣ож̇жхан̇г̇ам̣ ‘над̇т̇и мз аж̇жхад̇д̇ам̣ д̇хаммавижаяасамб̣ож̇жхан̇г̇о’д̇и баж̇аанаад̇и, яат̇аа жа ануббаннасса д̇хаммавижаяасамб̣ож̇жхан̇г̇асса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса д̇хаммавижаяасамб̣ож̇жхан̇г̇асса бхааванааяа баарибуурий ход̇и д̇ан̃жа баж̇аанаад̇и.
‘‘санд̇ам̣ ваа аж̇жхад̇д̇ам̣ вийрияасамб̣ож̇жхан̇г̇ам̣ ‘ад̇т̇и мз аж̇жхад̇д̇ам̣ вийрияасамб̣ож̇жхан̇г̇о’д̇и баж̇аанаад̇и, асанд̇ам̣ ваа аж̇жхад̇д̇ам̣ вийрияасамб̣ож̇жхан̇г̇ам̣ ‘над̇т̇и мз аж̇жхад̇д̇ам̣ вийрияасамб̣ож̇жхан̇г̇о’д̇и баж̇аанаад̇и, яат̇аа жа ануббаннасса вийрияасамб̣ож̇жхан̇г̇асса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса вийрияасамб̣ож̇жхан̇г̇асса бхааванааяа баарибуурий ход̇и д̇ан̃жа баж̇аанаад̇и.
‘‘санд̇ам̣ ваа аж̇жхад̇д̇ам̣ бийд̇исамб̣ож̇жхан̇г̇ам̣ ‘ад̇т̇и мз аж̇жхад̇д̇ам̣ бийд̇исамб̣ож̇жхан̇г̇о’д̇и баж̇аанаад̇и, асанд̇ам̣ ваа аж̇жхад̇д̇ам̣ бийд̇исамб̣ож̇жхан̇г̇ам̣ ‘над̇т̇и мз аж̇жхад̇д̇ам̣ бийд̇исамб̣ож̇жхан̇г̇о’д̇и баж̇аанаад̇и, яат̇аа жа ануббаннасса бийд̇исамб̣ож̇жхан̇г̇асса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса бийд̇исамб̣ож̇жхан̇г̇асса бхааванааяа баарибуурий ход̇и д̇ан̃жа баж̇аанаад̇и.
‘‘санд̇ам̣ ваа аж̇жхад̇д̇ам̣ бассад̣̇д̇хисамб̣ож̇жхан̇г̇ам̣ ‘ад̇т̇и мз аж̇жхад̇д̇ам̣ бассад̣̇д̇хисамб̣ож̇жхан̇г̇о’д̇и баж̇аанаад̇и, асанд̇ам̣ ваа аж̇жхад̇д̇ам̣ бассад̣̇д̇хисамб̣ож̇жхан̇г̇ам̣ ‘над̇т̇и мз аж̇жхад̇д̇ам̣ бассад̣̇д̇хисамб̣ож̇жхан̇г̇о’д̇и баж̇аанаад̇и, яат̇аа жа ануббаннасса бассад̣̇д̇хисамб̣ож̇жхан̇г̇асса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса бассад̣̇д̇хисамб̣ож̇жхан̇г̇асса бхааванааяа баарибуурий ход̇и д̇ан̃жа баж̇аанаад̇и.
‘‘санд̇ам̣ ваа аж̇жхад̇д̇ам̣ самаад̇хисамб̣ож̇жхан̇г̇ам̣ ‘ад̇т̇и мз аж̇жхад̇д̇ам̣ самаад̇хисамб̣ож̇жхан̇г̇о’д̇и баж̇аанаад̇и, асанд̇ам̣ ваа аж̇жхад̇д̇ам̣ самаад̇хисамб̣ож̇жхан̇г̇ам̣ ‘над̇т̇и мз аж̇жхад̇д̇ам̣ самаад̇хисамб̣ож̇жхан̇г̇о’д̇и баж̇аанаад̇и, яат̇аа жа ануббаннасса самаад̇хисамб̣ож̇жхан̇г̇асса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса самаад̇хисамб̣ож̇жхан̇г̇асса бхааванааяа баарибуурий ход̇и д̇ан̃жа баж̇аанаад̇и.
‘‘санд̇ам̣ ваа аж̇жхад̇д̇ам̣ убзгкаасамб̣ож̇жхан̇г̇ам̣ ‘ад̇т̇и мз аж̇жхад̇д̇ам̣ убзгкаасамб̣ож̇жхан̇г̇о’д̇и баж̇аанаад̇и , асанд̇ам̣ ваа аж̇жхад̇д̇ам̣ убзгкаасамб̣ож̇жхан̇г̇ам̣ ‘над̇т̇и мз аж̇жхад̇д̇ам̣ убзгкаасамб̣ож̇жхан̇г̇о’д̇и баж̇аанаад̇и, яат̇аа жа ануббаннасса убзгкаасамб̣ож̇жхан̇г̇асса уббаад̣̇о ход̇и д̇ан̃жа баж̇аанаад̇и, яат̇аа жа уббаннасса убзгкаасамб̣ож̇жхан̇г̇асса бхааванааяа баарибуурий ход̇и д̇ан̃жа баж̇аанаад̇и.
‘‘ид̇и аж̇жхад̇д̇ам̣ ваа д̇хаммзсу д̇хаммаанубассий вихарад̇и, б̣ахид̣̇д̇хаа ваа д̇хаммзсу д̇хаммаанубассий вихарад̇и, аж̇жхад̇д̇аб̣ахид̣̇д̇хаа ваа д̇хаммзсу д̇хаммаанубассий вихарад̇и. самуд̣̇аяад̇хаммаанубассий ваа д̇хаммзсу вихарад̇и, ваяад̇хаммаанубассий ваа д̇хаммзсу вихарад̇и, самуд̣̇аяаваяад̇хаммаанубассий ваа д̇хаммзсу вихарад̇и ‘ад̇т̇и д̇хаммаа’д̇и ваа банасса сад̇и бажжубадтид̇аа ход̇и яаавад̣̇зва н̃аан̣амад̇д̇ааяа бадиссад̇имад̇д̇ааяа аниссид̇о жа вихарад̇и, на жа гин̃жи логз убаад̣̇ияад̇и. звамби ко, бхигкавз, бхигку д̇хаммзсу д̇хаммаанубассий вихарад̇и сад̇д̇асу б̣ож̇жхан̇г̇зсу.
б̣ож̇жхан̇г̇абаб̣б̣ам̣ нидтид̇ам̣. б̣ож̇жхан̇г̇абаб̣б̣ам̣ нидтид̇ам̣, батамабхаан̣аваарам̣ (сяаа.)
д̇хаммаанубассанаа сажжабаб̣б̣ам̣
386. ‘‘буна жабарам̣, бхигкавз, бхигку д̇хаммзсу д̇хаммаанубассий вихарад̇и жад̇уусу арияасажжзсу. гат̇ан̃жа бана, бхигкавз, бхигку д̇хаммзсу д̇хаммаанубассий вихарад̇и жад̇уусу арияасажжзсу? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и.
батамабхаан̣авааро нидтид̇о.
д̣̇угкасажжанид̣̇д̣̇зсо
387. ‘‘гад̇аман̃жа , бхигкавз, д̣̇угкам̣ арияасажжам̣? ж̇аад̇иби д̣̇угкаа, ж̇арааби д̣̇угкаа, маран̣амби д̣̇угкам̣, согабарид̣̇звад̣̇угкад̣̇оманассубааяаасааби д̣̇угкаа, аббиязхи самбаяог̇оби д̣̇угко, биязхи виббаяог̇оби д̣̇угко аббиязхи…бз… виббаяог̇о д̣̇угкод̇ибаато жзва д̇ам̣нид̣̇д̣̇зсо жа гад̇т̇ажи на д̣̇иссад̇и, адтагат̇ааяам̣би д̇ам̣сам̣ван̣н̣анаа над̇т̇и, яамбижчам̣ на лабхад̇и д̇амби д̣̇угкам̣, сан̇кид̇д̇зна бан̃жубаад̣̇аанагканд̇хаа бан̃жубаад̣̇аанагканд̇хааби (га.) д̣̇угкаа.
388. ‘‘гад̇амаа жа, бхигкавз, ж̇аад̇и? яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇аад̇и сан̃ж̇аад̇и огганд̇и абхиниб̣б̣ад̇д̇и канд̇хаанам̣ баад̇убхааво ааяад̇анаанам̣ бадилаабхо, аяам̣ вужжад̇и, бхигкавз, ж̇аад̇и.
389. ‘‘гад̇амаа жа, бхигкавз, ж̇араа? яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇араа ж̇ийран̣ад̇аа кан̣д̣ижжам̣ баалижжам̣ валид̇д̇ажад̇аа ааяуно сам̣хаани инд̣̇рияаанам̣ барибааго, аяам̣ вужжад̇и, бхигкавз, ж̇араа.
390. ‘‘гад̇аман̃жа, бхигкавз, маран̣ам̣? яам̣ адтагат̇аа ологзд̇аб̣б̣аа д̇зсам̣ д̇зсам̣ сад̇д̇аанам̣ д̇амхаа д̇амхаа сад̇д̇анигааяаа жуд̇и жаванад̇аа бхзд̣̇о анд̇арад̇хаанам̣ мажжу маран̣ам̣ гаалагирияаа канд̇хаанам̣ бхзд̣̇о гал̣зварасса нигкзбо ж̇ийвид̇инд̣̇рияассубажчзд̣̇о, ид̣̇ам̣ вужжад̇и, бхигкавз, маран̣ам̣.
391. ‘‘гад̇амо жа, бхигкавз, сого? яо ко, бхигкавз, ан̃н̃ад̇аран̃н̃ад̇арзна б̣яасанзна саманнааг̇ад̇асса ан̃н̃ад̇аран̃н̃ад̇арзна д̣̇угкад̇хаммзна пудтасса сого сожанаа сожид̇ад̇д̇ам̣ анд̇осого анд̇обарисого, аяам̣ вужжад̇и, бхигкавз, сого.
392. ‘‘гад̇амо жа, бхигкавз, барид̣̇зво? яо ко, бхигкавз, ан̃н̃ад̇аран̃н̃ад̇арзна б̣яасанзна саманнааг̇ад̇асса ан̃н̃ад̇аран̃н̃ад̇арзна д̣̇угкад̇хаммзна пудтасса аад̣̇зво барид̣̇зво аад̣̇званаа барид̣̇званаа аад̣̇звид̇ад̇д̇ам̣ барид̣̇звид̇ад̇д̇ам̣, аяам̣ вужжад̇и, бхигкавз барид̣̇зво.
393. ‘‘гад̇аман̃жа , бхигкавз, д̣̇угкам̣? яам̣ ко, бхигкавз, гааяигам̣ д̣̇угкам̣ гааяигам̣ асаад̇ам̣ гааяасампассаж̇ам̣ д̣̇угкам̣ асаад̇ам̣ взд̣̇аяид̇ам̣, ид̣̇ам̣ вужжад̇и, бхигкавз, д̣̇угкам̣.
394. ‘‘гад̇аман̃жа , бхигкавз, д̣̇оманассам̣? яам̣ ко, бхигкавз, жзд̇асигам̣ д̣̇угкам̣ жзд̇асигам̣ асаад̇ам̣ маносампассаж̇ам̣ д̣̇угкам̣ асаад̇ам̣ взд̣̇аяид̇ам̣, ид̣̇ам̣ вужжад̇и, бхигкавз, д̣̇оманассам̣.
395. ‘‘гад̇амо жа, бхигкавз, убааяаасо? яо ко, бхигкавз, ан̃н̃ад̇аран̃н̃ад̇арзна б̣яасанзна саманнааг̇ад̇асса ан̃н̃ад̇аран̃н̃ад̇арзна д̣̇угкад̇хаммзна пудтасса ааяаасо убааяаасо ааяаасид̇ад̇д̇ам̣ убааяаасид̇ад̇д̇ам̣, аяам̣ вужжад̇и, бхигкавз, убааяаасо.
396. ‘‘гад̇амо жа, бхигкавз, аббиязхи самбаяог̇о д̣̇угко? ид̇ха яасса д̇з хонд̇и анидтаа аганд̇аа аманаабаа руубаа сад̣̇д̣̇аа г̇анд̇хаа расаа подтаб̣б̣аа д̇хаммаа, яз ваа банасса д̇з хонд̇и анад̇т̇агаамаа ахид̇агаамаа апаасугагаамаа аяог̇агкзмагаамаа, яаа д̇зхи сад̣̇д̇хим̣ сан̇г̇ад̇и самааг̇амо самод̇хаанам̣ миссийбхааво, аяам̣ вужжад̇и, бхигкавз, аббиязхи самбаяог̇о д̣̇угко.
397. ‘‘гад̇амо жа, бхигкавз, биязхи виббаяог̇о д̣̇угко? ид̇ха яасса д̇з хонд̇и идтаа ганд̇аа манаабаа руубаа сад̣̇д̣̇аа г̇анд̇хаа расаа подтаб̣б̣аа д̇хаммаа, яз ваа банасса д̇з хонд̇и ад̇т̇агаамаа хид̇агаамаа паасугагаамаа яог̇агкзмагаамаа маад̇аа ваа бид̇аа ваа бхаад̇аа ваа бхаг̇иний ваа мид̇д̇аа ваа амажжаа ваа н̃аад̇исаалохид̇аа ваа, яаа д̇зхи сад̣̇д̇хим̣ асан̇г̇ад̇и асамааг̇амо асамод̇хаанам̣ амиссийбхааво, аяам̣ вужжад̇и, бхигкавз, биязхи виббаяог̇о д̣̇угко.
398. ‘‘гад̇аман̃жа , бхигкавз, яамбижчам̣ на лабхад̇и д̇амби д̣̇угкам̣? ж̇аад̇ид̇хаммаанам̣, бхигкавз, сад̇д̇аанам̣ звам̣ ижчаа уббаж̇ж̇ад̇и – ‘ахо вад̇а маяам̣ на ж̇аад̇ид̇хаммаа ассаама, на жа вад̇а но ж̇аад̇и ааг̇ажчзяяаа’д̇и. на ко банзд̇ам̣ ижчааяа бад̇д̇аб̣б̣ам̣, ид̣̇амби яамбижчам̣ на лабхад̇и д̇амби д̣̇угкам̣. ж̇араад̇хаммаанам̣, бхигкавз, сад̇д̇аанам̣ звам̣ ижчаа уббаж̇ж̇ад̇и – ‘ахо вад̇а маяам̣ на ж̇араад̇хаммаа ассаама, на жа вад̇а но ж̇араа ааг̇ажчзяяаа’д̇и. на ко банзд̇ам̣ ижчааяа бад̇д̇аб̣б̣ам̣, ид̣̇амби яамбижчам̣ на лабхад̇и д̇амби д̣̇угкам̣. б̣яаад̇хид̇хаммаанам̣, бхигкавз, сад̇д̇аанам̣ звам̣ ижчаа уббаж̇ж̇ад̇и ‘ахо вад̇а маяам̣ на б̣яаад̇хид̇хаммаа ассаама, на жа вад̇а но б̣яаад̇хи ааг̇ажчзяяаа’д̇и. на ко банзд̇ам̣ ижчааяа бад̇д̇аб̣б̣ам̣, ид̣̇амби яамбижчам̣ на лабхад̇и д̇амби д̣̇угкам̣. маран̣ад̇хаммаанам̣, бхигкавз, сад̇д̇аанам̣ звам̣ ижчаа уббаж̇ж̇ад̇и ‘ахо вад̇а маяам̣ на маран̣ад̇хаммаа ассаама, на жа вад̇а но маран̣ам̣ ааг̇ажчзяяаа’д̇и. на ко банзд̇ам̣ ижчааяа бад̇д̇аб̣б̣ам̣, ид̣̇амби яамбижчам̣ на лабхад̇и д̇амби д̣̇угкам̣. согабарид̣̇звад̣̇угкад̣̇оманассубааяаасад̇хаммаанам̣, бхигкавз, сад̇д̇аанам̣ звам̣ ижчаа уббаж̇ж̇ад̇и ‘ахо вад̇а маяам̣ на согабарид̣̇звад̣̇угкад̣̇оманассубааяаасад̇хаммаа ассаама, на жа вад̇а но согабарид̣̇звад̣̇угкад̣̇оманассубааяаасад̇хаммаа ааг̇ажчзяяу’нд̇и. на ко банзд̇ам̣ ижчааяа бад̇д̇аб̣б̣ам̣, ид̣̇амби яамбижчам̣ на лабхад̇и д̇амби д̣̇угкам̣.
399. ‘‘гад̇амз жа, бхигкавз, сан̇кид̇д̇зна бан̃жубаад̣̇аанагканд̇хаа д̣̇угкаа? сзяяат̇ид̣̇ам̣ – руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо. имз вужжанд̇и, бхигкавз, сан̇кид̇д̇зна бан̃жубаад̣̇аанагканд̇хаа д̣̇угкаа. ид̣̇ам̣ вужжад̇и, бхигкавз, д̣̇угкам̣ арияасажжам̣.
самуд̣̇аяасажжанид̣̇д̣̇зсо
400. ‘‘гад̇аман̃жа , бхигкавз, д̣̇угкасамуд̣̇аяам̣ д̣̇угкасамуд̣̇аяо (сяаа.) арияасажжам̣? яааяам̣ д̇ан̣хаа боноб̣бхавигаа бонобхавигаа (сий. бий.) нанд̣̇ийрааг̇асахаг̇ад̇аа нанд̣̇ирааг̇асахаг̇ад̇аа (сий. сяаа. бий.) д̇ад̇рад̇ад̇раабхинанд̣̇иний, сзяяат̇ид̣̇ам̣ – гаамад̇ан̣хаа бхавад̇ан̣хаа вибхавад̇ан̣хаа.
‘‘саа ко банзсаа, бхигкавз, д̇ан̣хаа гад̇т̇а уббаж̇ж̇амаанаа уббаж̇ж̇ад̇и, гад̇т̇а нивисамаанаа нивисад̇и? яам̣ логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и.
‘‘гин̃жа логз бияаруубам̣ саад̇аруубам̣? жагку логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и. сод̇ам̣ логз…бз… гхаанам̣ логз… ж̇ивхаа логз… гааяо логз… мано логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и.
‘‘руубаа логз… сад̣̇д̣̇аа логз… г̇анд̇хаа логз… расаа логз… подтаб̣б̣аа логз… д̇хаммаа логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и.
‘‘жагкувин̃н̃аан̣ам̣ логз… сод̇авин̃н̃аан̣ам̣ логз… гхаанавин̃н̃аан̣ам̣ логз… ж̇ивхаавин̃н̃аан̣ам̣ логз… гааяавин̃н̃аан̣ам̣ логз… мановин̃н̃аан̣ам̣ логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и.
‘‘жагкусампассо логз… сод̇асампассо логз… гхаанасампассо логз… ж̇ивхаасампассо логз… гааяасампассо логз… маносампассо логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и.
‘‘жагкусампассаж̇аа взд̣̇анаа логз… сод̇асампассаж̇аа взд̣̇анаа логз… гхаанасампассаж̇аа взд̣̇анаа логз… ж̇ивхаасампассаж̇аа взд̣̇анаа логз… гааяасампассаж̇аа взд̣̇анаа логз… маносампассаж̇аа взд̣̇анаа логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и.
‘‘руубасан̃н̃аа логз… сад̣̇д̣̇асан̃н̃аа логз… г̇анд̇хасан̃н̃аа логз… расасан̃н̃аа логз… подтаб̣б̣асан̃н̃аа логз… д̇хаммасан̃н̃аа логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и.
‘‘руубасан̃жзд̇анаа логз… сад̣̇д̣̇асан̃жзд̇анаа логз… г̇анд̇хасан̃жзд̇анаа логз… расасан̃жзд̇анаа логз… подтаб̣б̣асан̃жзд̇анаа логз… д̇хаммасан̃жзд̇анаа логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и.
‘‘руубад̇ан̣хаа логз… сад̣̇д̣̇ад̇ан̣хаа логз… г̇анд̇хад̇ан̣хаа логз… расад̇ан̣хаа логз… подтаб̣б̣ад̇ан̣хаа логз… д̇хаммад̇ан̣хаа логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и.
‘‘руубавид̇агго логз… сад̣̇д̣̇авид̇агго логз… г̇анд̇хавид̇агго логз… расавид̇агго логз… подтаб̣б̣авид̇агго логз… д̇хаммавид̇агго логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и.
‘‘руубавижааро логз… сад̣̇д̣̇авижааро логз… г̇анд̇хавижааро логз… расавижааро логз… подтаб̣б̣авижааро логз… д̇хаммавижааро логз бияаруубам̣ саад̇аруубам̣, зд̇т̇зсаа д̇ан̣хаа уббаж̇ж̇амаанаа уббаж̇ж̇ад̇и, зд̇т̇а нивисамаанаа нивисад̇и. ид̣̇ам̣ вужжад̇и, бхигкавз, д̣̇угкасамуд̣̇аяам̣ арияасажжам̣.
нирод̇хасажжанид̣̇д̣̇зсо
401. ‘‘гад̇аман̃жа , бхигкавз, д̣̇угканирод̇хам̣ д̣̇угканирод̇хо (сяаа.) арияасажжам̣? яо д̇ассааязва д̇ан̣хааяа асзсавирааг̇анирод̇хо жааг̇о бадиниссаг̇г̇о муд̇д̇и анаалаяо.
‘‘саа ко банзсаа, бхигкавз, д̇ан̣хаа гад̇т̇а бахийяамаанаа бахийяад̇и, гад̇т̇а нируж̇жхамаанаа нируж̇жхад̇и? яам̣ логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и.
‘‘гин̃жа логз бияаруубам̣ саад̇аруубам̣? жагку логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и. сод̇ам̣ логз…бз… гхаанам̣ логз… ж̇ивхаа логз… гааяо логз… мано логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и.
‘‘руубаа логз… сад̣̇д̣̇аа логз… г̇анд̇хаа логз… расаа логз… подтаб̣б̣аа логз… д̇хаммаа логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и.
‘‘жагкувин̃н̃аан̣ам̣ логз… сод̇авин̃н̃аан̣ам̣ логз… гхаанавин̃н̃аан̣ам̣ логз… ж̇ивхаавин̃н̃аан̣ам̣ логз… гааяавин̃н̃аан̣ам̣ логз… мановин̃н̃аан̣ам̣ логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и.
‘‘жагкусампассо логз… сод̇асампассо логз… гхаанасампассо логз… ж̇ивхаасампассо логз… гааяасампассо логз… маносампассо логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и.
‘‘жагкусампассаж̇аа взд̣̇анаа логз… сод̇асампассаж̇аа взд̣̇анаа логз … гхаанасампассаж̇аа взд̣̇анаа логз… ж̇ивхаасампассаж̇аа взд̣̇анаа логз… гааяасампассаж̇аа взд̣̇анаа логз… маносампассаж̇аа взд̣̇анаа логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и.
‘‘руубасан̃н̃аа логз… сад̣̇д̣̇асан̃н̃аа логз… г̇анд̇хасан̃н̃аа логз… расасан̃н̃аа логз… подтаб̣б̣асан̃н̃аа логз… д̇хаммасан̃н̃аа логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и.
‘‘руубасан̃жзд̇анаа логз… сад̣̇д̣̇асан̃жзд̇анаа логз… г̇анд̇хасан̃жзд̇анаа логз… расасан̃жзд̇анаа логз… подтаб̣б̣асан̃жзд̇анаа логз… д̇хаммасан̃жзд̇анаа логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и.
‘‘руубад̇ан̣хаа логз… сад̣̇д̣̇ад̇ан̣хаа логз… г̇анд̇хад̇ан̣хаа логз… расад̇ан̣хаа логз… подтаб̣б̣ад̇ан̣хаа логз… д̇хаммад̇ан̣хаа логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и.
‘‘руубавид̇агго логз… сад̣̇д̣̇авид̇агго логз… г̇анд̇хавид̇агго логз… расавид̇агго логз… подтаб̣б̣авид̇агго логз… д̇хаммавид̇агго логз бияаруубам̣ саад̇аруубам̣, зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и.
‘‘руубавижааро логз… сад̣̇д̣̇авижааро логз… г̇анд̇хавижааро логз… расавижааро логз… подтаб̣б̣авижааро логз… д̇хаммавижааро логз бияаруубам̣ саад̇аруубам̣ , зд̇т̇зсаа д̇ан̣хаа бахийяамаанаа бахийяад̇и, зд̇т̇а нируж̇жхамаанаа нируж̇жхад̇и. ид̣̇ам̣ вужжад̇и, бхигкавз, д̣̇угканирод̇хам̣ арияасажжам̣.
маг̇г̇асажжанид̣̇д̣̇зсо
402. ‘‘гад̇аман̃жа, бхигкавз, д̣̇угканирод̇хаг̇ааминий бадибад̣̇аа арияасажжам̣? аяамзва арияо адтан̇г̇иго маг̇г̇о сзяяат̇ид̣̇ам̣ – саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи.
‘‘гад̇амаа жа, бхигкавз, саммаад̣̇идти? яам̣ ко, бхигкавз, д̣̇угкз н̃аан̣ам̣, д̣̇угкасамуд̣̇аяз н̃аан̣ам̣, д̣̇угканирод̇хз н̃аан̣ам̣, д̣̇угканирод̇хаг̇ааминияаа бадибад̣̇ааяа н̃аан̣ам̣, аяам̣ вужжад̇и, бхигкавз, саммаад̣̇идти.
‘‘гад̇амо жа, бхигкавз, саммаасан̇габбо? нзгкаммасан̇габбо аб̣яаабаад̣̇асан̇габбо авихим̣саасан̇габбо, аяам̣ вужжад̇и бхигкавз, саммаасан̇габбо.
‘‘гад̇амаа жа, бхигкавз, саммааваажаа? мусааваад̣̇аа взраман̣ий взраман̣и (га.) бисун̣ааяа ваажааяа взраман̣ий парусааяа ваажааяа взраман̣ий сампаббалаабаа взраман̣ий, аяам̣ вужжад̇и, бхигкавз, саммааваажаа.
‘‘гад̇амо жа, бхигкавз, саммаагамманд̇о? баан̣аад̇ибаад̇аа взраман̣ий ад̣̇иннаад̣̇аанаа взраман̣ий гаамзсумижчаажаараа взраман̣ий, аяам̣ вужжад̇и, бхигкавз, саммаагамманд̇о.
‘‘гад̇амо жа, бхигкавз, саммааааж̇ийво? ид̇ха, бхигкавз, арияасааваго мижчааааж̇ийвам̣ бахааяа саммааааж̇ийвзна ж̇ийвид̇ам̣ габбзд̇и, аяам̣ вужжад̇и, бхигкавз, саммааааж̇ийво.
‘‘гад̇амо жа, бхигкавз, саммаавааяаамо? ид̇ха, бхигкавз, бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. аяам̣ вужжад̇и, бхигкавз, саммаавааяаамо.
‘‘гад̇амаа жа, бхигкавз, саммаасад̇и? ид̇ха, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣; взд̣̇анаасу взд̣̇анаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣; жид̇д̇з жид̇д̇аанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣; д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. аяам̣ вужжад̇и, бхигкавз, саммаасад̇и.
‘‘гад̇амо жа, бхигкавз, саммаасамаад̇хи? ид̇ха, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. бийд̇ияаа жа вирааг̇аа убзгкаго жа вихарад̇и, сад̇о жа самбаж̇аано, сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз , саммаасамаад̇хи. ид̣̇ам̣ вужжад̇и, бхигкавз, д̣̇угканирод̇хаг̇ааминий бадибад̣̇аа арияасажжам̣.
403. ‘‘ид̇и аж̇жхад̇д̇ам̣ ваа д̇хаммзсу д̇хаммаанубассий вихарад̇и, б̣ахид̣̇д̇хаа ваа д̇хаммзсу д̇хаммаанубассий вихарад̇и, аж̇жхад̇д̇аб̣ахид̣̇д̇хаа ваа д̇хаммзсу д̇хаммаанубассий вихарад̇и. самуд̣̇аяад̇хаммаанубассий ваа д̇хаммзсу вихарад̇и, ваяад̇хаммаанубассий ваа д̇хаммзсу вихарад̇и, самуд̣̇аяаваяад̇хаммаанубассий ваа д̇хаммзсу вихарад̇и. ‘ад̇т̇и д̇хаммаа’д̇и ваа банасса сад̇и бажжубадтид̇аа ход̇и яаавад̣̇зва н̃аан̣амад̇д̇ааяа бадиссад̇имад̇д̇ааяа аниссид̇о жа вихарад̇и, на жа гин̃жи логз убаад̣̇ияад̇и. звамби ко, бхигкавз, бхигку д̇хаммзсу д̇хаммаанубассий вихарад̇и жад̇уусу арияасажжзсу.
сажжабаб̣б̣ам̣ нидтид̇ам̣.
д̇хаммаанубассанаа нидтид̇аа.
404. ‘‘яо хи гожи, бхигкавз, имз жад̇д̇ааро сад̇ибадтаанз звам̣ бхаавзяяа сад̇д̇авассаани, д̇асса д̣̇виннам̣ палаанам̣ ан̃н̃ад̇арам̣ палам̣ баадиган̇кам̣ д̣̇идтзва д̇хаммз ан̃н̃аа; сад̇и ваа убаад̣̇исзсз анааг̇аамид̇аа.
‘‘д̇идтанд̇у, бхигкавз, сад̇д̇авассаани. яо хи гожи, бхигкавз, имз жад̇д̇ааро сад̇ибадтаанз звам̣ бхаавзяяа ча вассаани…бз… бан̃жа вассаани… жад̇д̇аари вассаани… д̇ийн̣и вассаани… д̣̇вз вассаани… згам̣ вассам̣… д̇идтад̇у, бхигкавз, згам̣ вассам̣. яо хи гожи, бхигкавз, имз жад̇д̇ааро сад̇ибадтаанз звам̣ бхаавзяяа сад̇д̇амаасаани, д̇асса д̣̇виннам̣ палаанам̣ ан̃н̃ад̇арам̣ палам̣ баадиган̇кам̣ д̣̇идтзва д̇хаммз ан̃н̃аа; сад̇и ваа убаад̣̇исзсз анааг̇аамид̇аа.
‘‘д̇идтанд̇у , бхигкавз, сад̇д̇а маасаани. яо хи гожи, бхигкавз, имз жад̇д̇ааро сад̇ибадтаанз звам̣ бхаавзяяа ча маасаани…бз… бан̃жа маасаани… жад̇д̇аари маасаани… д̇ийн̣и маасаани … д̣̇вз маасаани… згам̣ маасам̣… ад̣дхамаасам̣… д̇идтад̇у, бхигкавз, ад̣дхамаасо. яо хи гожи, бхигкавз, имз жад̇д̇ааро сад̇ибадтаанз звам̣ бхаавзяяа сад̇д̇аахам̣, д̇асса д̣̇виннам̣ палаанам̣ ан̃н̃ад̇арам̣ палам̣ баадиган̇кам̣ д̣̇идтзва д̇хаммз ан̃н̃аа; сад̇и ваа убаад̣̇исзсз анааг̇аамид̇аад̇и.
405. ‘‘згааяано аяам̣, бхигкавз, маг̇г̇о сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа яад̣̇ид̣̇ам̣ жад̇д̇ааро сад̇ибадтаанаад̇и. ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇а’’нд̇и. ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
махаасад̇ибадтаанасуд̇д̇ам̣ нидтид̇ам̣ навамам̣.