6. баасаад̣̇игасуд̇д̇ам̣
164. звам̣ мз суд̇ам̣ – згам̣ самаяам̣ бхаг̇аваа саггзсу вихарад̇и взд̇хан̃н̃аа наама сагяаа, д̇зсам̣ амб̣аванз баасаад̣̇з.
ниг̇ан̣танаадабуд̇д̇агаалан̇гирияаа
д̇зна ко бана самаязна ниг̇ан̣то наадабуд̇д̇о наат̇абуд̇д̇о (сий. бий.) баавааяам̣ ад̇хунаагаалан̇гад̇о ход̇и. д̇асса гаалан̇гирияааяа бхиннаа ниг̇ан̣таа д̣̇взд̇хигаж̇аад̇аа бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и – ‘‘на д̇вам̣ имам̣ д̇хаммавинаяам̣ ааж̇аанааси, ахам̣ имам̣ д̇хаммавинаяам̣ ааж̇аанаами, гим̣ д̇вам̣ имам̣ д̇хаммавинаяам̣ ааж̇ааниссаси? мижчаабадибанно д̇вамаси, ахамасми саммаабадибанно. сахид̇ам̣ мз, асахид̇ам̣ д̇з. бурзважанийяам̣ бажчаа аважа, бажчааважанийяам̣ бурз аважа. ад̇хижин̣н̣ам̣ д̇з вибараавад̇д̇ам̣, ааробид̇о д̇з ваад̣̇о, ниг̇г̇ахид̇о д̇вамаси, жара ваад̣̇аббамогкааяа, ниб̣б̣зтзхи ваа сажз бахосий’’д̇и. вад̇хоязва ко вад̇хоязвзго (га.) ман̃н̃з ниг̇ан̣тзсу наадабуд̇д̇иязсу вад̇д̇ад̇и анувад̇д̇ад̇и (сяаа. га.). язби ниг̇ан̣тасса наадабуд̇д̇асса саавагаа г̇ихий од̣̇аад̇авасанаа , д̇зби д̇з д̇зсу (га.) ниг̇ан̣тзсу наадабуд̇д̇иязсу ниб̣б̣иннаруубаа ниб̣б̣инд̣̇аруубаа (га.) вирад̇д̇аруубаа бадиваанаруубаа, яат̇аа д̇ам̣ д̣̇урагкаад̇з д̇хаммавинаяз д̣̇уббавзд̣̇ид̇з анияяаанигз анубасамасам̣вад̇д̇анигз асаммаасамб̣уд̣̇д̇хаббавзд̣̇ид̇з бхиннат̇уубз аббадисаран̣з.
165. ат̇а ко жунд̣̇о саман̣уд̣̇д̣̇зсо баавааяам̣ вассам̣вудто вассам̣вуд̇т̇о (сий. сяаа. бий.) язна саамаг̇аамо, язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко жунд̣̇о саман̣уд̣̇д̣̇зсо ааяасманд̇ам̣ аананд̣̇ам̣ зд̇ад̣̇авожа – ‘‘ниг̇ан̣то, бханд̇з, наадабуд̇д̇о баавааяам̣ ад̇хунаагаалан̇гад̇о. д̇асса гаалан̇гирияааяа бхиннаа ниг̇ан̣таа д̣̇взд̇хигаж̇аад̇аа…бз… бхиннат̇уубз аббадисаран̣з’’д̇и.
звам̣ вуд̇д̇з, ааяасмаа аананд̣̇о жунд̣̇ам̣ саман̣уд̣̇д̣̇зсам̣ зд̇ад̣̇авожа – ‘‘ад̇т̇и ко ид̣̇ам̣, аавусо жунд̣̇а, гат̇аабаабхад̇ам̣ бхаг̇аванд̇ам̣ д̣̇ассанааяа. ааяаамаавусо жунд̣̇а, язна бхаг̇аваа д̇знубасан̇гамиссаама; убасан̇гамид̇ваа зд̇амад̇т̇ам̣ бхаг̇авад̇о аарожзссаамаа’’д̇и аарожзяяаамаад̇и (сяаа.). ‘‘звам̣, бханд̇з’’д̇и ко жунд̣̇о саман̣уд̣̇д̣̇зсо ааяасмад̇о аананд̣̇асса бажжассоси.
ат̇а ко ааяасмаа жа аананд̣̇о жунд̣̇о жа саман̣уд̣̇д̣̇зсо язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘аяам̣, бханд̇з, жунд̣̇о саман̣уд̣̇д̣̇зсо звамааха, ‘ниг̇ан̣то, бханд̇з, наадабуд̇д̇о баавааяам̣ ад̇хунаагаалан̇гад̇о, д̇асса гаалан̇гирияааяа бхиннаа ниг̇ан̣таа…бз… бхиннат̇уубз аббадисаран̣з’’’д̇и.
асаммаасамб̣уд̣̇д̇хаббавзд̣̇ид̇ад̇хаммавинаяо
166. ‘‘звам̣ хзд̇ам̣, жунд̣̇а, ход̇и д̣̇урагкаад̇з д̇хаммавинаяз д̣̇уббавзд̣̇ид̇з анияяаанигз анубасамасам̣вад̇д̇анигз асаммаасамб̣уд̣̇д̇хаббавзд̣̇ид̇з. ид̇ха, жунд̣̇а, сад̇т̇аа жа ход̇и асаммаасамб̣уд̣̇д̇хо, д̇хаммо жа д̣̇урагкаад̇о д̣̇уббавзд̣̇ид̇о анияяааниго анубасамасам̣вад̇д̇аниго асаммаасамб̣уд̣̇д̇хаббавзд̣̇ид̇о, сааваго жа д̇асмим̣ д̇хаммз на д̇хаммаануд̇хаммаббадибанно вихарад̇и на саамийжиббадибанно на ануд̇хаммажаарий, воггамма жа д̇амхаа д̇хаммаа вад̇д̇ад̇и. со звамасса важанийяо – ‘д̇асса д̇з, аавусо, лаабхаа, д̇асса д̇з сулад̣̇д̇хам̣, сад̇т̇аа жа д̇з асаммаасамб̣уд̣̇д̇хо, д̇хаммо жа д̣̇урагкаад̇о д̣̇уббавзд̣̇ид̇о анияяааниго анубасамасам̣вад̇д̇аниго асаммаасамб̣уд̣̇д̇хаббавзд̣̇ид̇о. д̇ван̃жа д̇асмим̣ д̇хаммз на д̇хаммаануд̇хаммаббадибанно вихараси, на саамийжиббадибанно, на ануд̇хаммажаарий, воггамма жа д̇амхаа д̇хаммаа вад̇д̇асий’д̇и. ид̇и ко, жунд̣̇а, сад̇т̇ааби д̇ад̇т̇а г̇аараяхо, д̇хаммоби д̇ад̇т̇а г̇аараяхо, сааваго жа д̇ад̇т̇а звам̣ баасам̣со. яо ко, жунд̣̇а, зваруубам̣ саавагам̣ звам̣ вад̣̇зяяа – ‘зд̇ааяасмаа д̇ат̇аа бадибаж̇ж̇ад̇у, яат̇аа д̇з сад̇т̇аараа д̇хаммо д̣̇зсид̇о бан̃н̃ад̇д̇о’д̇и. яо жа самаад̣̇абзд̇и самаад̣̇аабзд̇и (сий. дта.), яан̃жа самаад̣̇абзд̇и, яо жа самаад̣̇абид̇о самаад̣̇аабид̇о (сий. дта.) д̇ат̇ад̇д̇ааяа бадибаж̇ж̇ад̇и. саб̣б̣з д̇з б̣ахум̣ абун̃н̃ам̣ басаванд̇и. д̇ам̣ гисса хзд̇у? звам̣ хзд̇ам̣, жунд̣̇а, ход̇и д̣̇урагкаад̇з д̇хаммавинаяз д̣̇уббавзд̣̇ид̇з анияяаанигз анубасамасам̣вад̇д̇анигз асаммаасамб̣уд̣̇д̇хаббавзд̣̇ид̇з.
167. ‘‘ид̇ха бана, жунд̣̇а, сад̇т̇аа жа ход̇и асаммаасамб̣уд̣̇д̇хо, д̇хаммо жа д̣̇урагкаад̇о д̣̇уббавзд̣̇ид̇о анияяааниго анубасамасам̣вад̇д̇аниго асаммаасамб̣уд̣̇д̇хаббавзд̣̇ид̇о, сааваго жа д̇асмим̣ д̇хаммз д̇хаммаануд̇хаммаббадибанно вихарад̇и саамийжиббадибанно ануд̇хаммажаарий, самаад̣̇ааяа д̇ам̣ д̇хаммам̣ вад̇д̇ад̇и. со звамасса важанийяо – ‘д̇асса д̇з, аавусо, алаабхаа, д̇асса д̇з д̣̇уллад̣̇д̇хам̣, сад̇т̇аа жа д̇з асаммаасамб̣уд̣̇д̇хо , д̇хаммо жа д̣̇урагкаад̇о д̣̇уббавзд̣̇ид̇о анияяааниго анубасамасам̣вад̇д̇аниго асаммаасамб̣уд̣̇д̇хаббавзд̣̇ид̇о. д̇ван̃жа д̇асмим̣ д̇хаммз д̇хаммаануд̇хаммаббадибанно вихараси саамийжиббадибанно ануд̇хаммажаарий, самаад̣̇ааяа д̇ам̣ д̇хаммам̣ вад̇д̇асий’д̇и. ид̇и ко, жунд̣̇а, сад̇т̇ааби д̇ад̇т̇а г̇аараяхо, д̇хаммоби д̇ад̇т̇а г̇аараяхо, саавагоби д̇ад̇т̇а звам̣ г̇аараяхо. яо ко, жунд̣̇а, зваруубам̣ саавагам̣ звам̣ вад̣̇зяяа – ‘ад̣̇д̇хааяасмаа н̃ааяаббадибанно н̃ааяамаараад̇хзссад̇ий’д̇и. яо жа басам̣сад̇и, яан̃жа басам̣сад̇и, яо жа басам̣сид̇о бхияяосо мад̇д̇ааяа вийрияам̣ аарабхад̇и. саб̣б̣з д̇з б̣ахум̣ абун̃н̃ам̣ басаванд̇и. д̇ам̣ гисса хзд̇у? зван̃хзд̇ам̣, жунд̣̇а, ход̇и д̣̇урагкаад̇з д̇хаммавинаяз д̣̇уббавзд̣̇ид̇з анияяаанигз анубасамасам̣вад̇д̇анигз асаммаасамб̣уд̣̇д̇хаббавзд̣̇ид̇з.
саммаасамб̣уд̣̇д̇хаббавзд̣̇ид̇ад̇хаммавинаяо
168. ‘‘ид̇ха бана, жунд̣̇а, сад̇т̇аа жа ход̇и саммаасамб̣уд̣̇д̇хо, д̇хаммо жа сваагкаад̇о суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о, сааваго жа д̇асмим̣ д̇хаммз на д̇хаммаануд̇хаммаббадибанно вихарад̇и, на саамийжиббадибанно, на ануд̇хаммажаарий, воггамма жа д̇амхаа д̇хаммаа вад̇д̇ад̇и. со звамасса важанийяо – ‘д̇асса д̇з, аавусо, алаабхаа, д̇асса д̇з д̣̇уллад̣̇д̇хам̣, сад̇т̇аа жа д̇з саммаасамб̣уд̣̇д̇хо, д̇хаммо жа сваагкаад̇о суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о. д̇ван̃жа д̇асмим̣ д̇хаммз на д̇хаммаануд̇хаммаббадибанно вихараси, на саамийжиббадибанно, на ануд̇хаммажаарий, воггамма жа д̇амхаа д̇хаммаа вад̇д̇асий’д̇и. ид̇и ко, жунд̣̇а, сад̇т̇ааби д̇ад̇т̇а баасам̣со, д̇хаммоби д̇ад̇т̇а баасам̣со, сааваго жа д̇ад̇т̇а звам̣ г̇аараяхо. яо ко, жунд̣̇а, зваруубам̣ саавагам̣ звам̣ вад̣̇зяяа – ‘зд̇ааяасмаа д̇ат̇аа бадибаж̇ж̇ад̇у яат̇аа д̇з сад̇т̇аараа д̇хаммо д̣̇зсид̇о бан̃н̃ад̇д̇о’д̇и. яо жа самаад̣̇абзд̇и, яан̃жа самаад̣̇абзд̇и, яо жа самаад̣̇абид̇о д̇ат̇ад̇д̇ааяа бадибаж̇ж̇ад̇и. саб̣б̣з д̇з б̣ахум̣ бун̃н̃ам̣ басаванд̇и. д̇ам̣ гисса хзд̇у? зван̃хзд̇ам̣ , жунд̣̇а, ход̇и сваагкаад̇з д̇хаммавинаяз суббавзд̣̇ид̇з нияяаанигз убасамасам̣вад̇д̇анигз саммаасамб̣уд̣̇д̇хаббавзд̣̇ид̇з.
169. ‘‘ид̇ха бана, жунд̣̇а, сад̇т̇аа жа ход̇и саммаасамб̣уд̣̇д̇хо, д̇хаммо жа сваагкаад̇о суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о, сааваго жа д̇асмим̣ д̇хаммз д̇хаммаануд̇хаммаббадибанно вихарад̇и саамийжиббадибанно ануд̇хаммажаарий, самаад̣̇ааяа д̇ам̣ д̇хаммам̣ вад̇д̇ад̇и. со звамасса важанийяо – ‘д̇асса д̇з, аавусо, лаабхаа, д̇асса д̇з сулад̣̇д̇хам̣, сад̇т̇аа жа д̇з сад̇т̇аа жа д̇з арахам̣ (сяаа.) саммаасамб̣уд̣̇д̇хо , д̇хаммо жа сваагкаад̇о суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о. д̇ван̃жа д̇асмим̣ д̇хаммз д̇хаммаануд̇хаммаббадибанно вихараси саамийжиббадибанно ануд̇хаммажаарий, самаад̣̇ааяа д̇ам̣ д̇хаммам̣ вад̇д̇асий’д̇и. ид̇и ко, жунд̣̇а, сад̇т̇ааби д̇ад̇т̇а баасам̣со, д̇хаммоби д̇ад̇т̇а баасам̣со, саавагоби д̇ад̇т̇а звам̣ баасам̣со. яо ко, жунд̣̇а, зваруубам̣ саавагам̣ звам̣ вад̣̇зяяа – ‘ад̣̇д̇хааяасмаа н̃ааяаббадибанно н̃ааяамаараад̇хзссад̇ий’д̇и. яо жа басам̣сад̇и, яан̃жа басам̣сад̇и, яо жа басам̣сид̇о басад̇т̇о (сяаа.) бхияяосо мад̇д̇ааяа вийрияам̣ аарабхад̇и. саб̣б̣з д̇з б̣ахум̣ бун̃н̃ам̣ басаванд̇и. д̇ам̣ гисса хзд̇у? зван̃хзд̇ам̣, жунд̣̇а, ход̇и сваагкаад̇з д̇хаммавинаяз суббавзд̣̇ид̇з нияяаанигз убасамасам̣вад̇д̇анигз саммаасамб̣уд̣̇д̇хаббавзд̣̇ид̇з.
саавагаануд̇аббасад̇т̇у
170. ‘‘ид̇ха бана, жунд̣̇а, сад̇т̇аа жа логз уд̣̇абаад̣̇и арахам̣ саммаасамб̣уд̣̇д̇хо, д̇хаммо жа сваагкаад̇о суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о, авин̃н̃аабид̇ад̇т̇аа жасса хонд̇и саавагаа сад̣̇д̇хаммз, на жа д̇зсам̣ гзвалам̣ барибуурам̣ б̣рахмажарияам̣ аавигад̇ам̣ ход̇и уд̇д̇аанийгад̇ам̣ саб̣б̣асан̇г̇аахабад̣̇агад̇ам̣ саббаадихийрагад̇ам̣ яаава д̣̇звамануссзхи суббагаасид̇ам̣. ат̇а нзсам̣ сад̇т̇уно анд̇арад̇хаанам̣ ход̇и. зваруубо ко, жунд̣̇а, сад̇т̇аа саавагаанам̣ гаалан̇гад̇о ануд̇аббо ход̇и. д̇ам̣ гисса хзд̇у? сад̇т̇аа жа но логз уд̣̇абаад̣̇и арахам̣ саммаасамб̣уд̣̇д̇хо, д̇хаммо жа сваагкаад̇о суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о, авин̃н̃аабид̇ад̇т̇аа жамха сад̣̇д̇хаммз, на жа но гзвалам̣ барибуурам̣ б̣рахмажарияам̣ аавигад̇ам̣ ход̇и уд̇д̇аанийгад̇ам̣ саб̣б̣асан̇г̇аахабад̣̇агад̇ам̣ саббаадихийрагад̇ам̣ яаава д̣̇звамануссзхи суббагаасид̇ам̣. ат̇а но сад̇т̇уно анд̇арад̇хаанам̣ ход̇ийд̇и. зваруубо ко, жунд̣̇а, сад̇т̇аа саавагаанам̣ гаалан̇гад̇о ануд̇аббо ход̇и.
саавагаанануд̇аббасад̇т̇у
171. ‘‘ид̇ха бана, жунд̣̇а, сад̇т̇аа жа логз уд̣̇абаад̣̇и арахам̣ саммаасамб̣уд̣̇д̇хо. д̇хаммо жа сваагкаад̇о суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о. вин̃н̃аабид̇ад̇т̇аа жасса хонд̇и саавагаа сад̣̇д̇хаммз, гзвалан̃жа д̇зсам̣ барибуурам̣ б̣рахмажарияам̣ аавигад̇ам̣ ход̇и уд̇д̇аанийгад̇ам̣ саб̣б̣асан̇г̇аахабад̣̇агад̇ам̣ саббаадихийрагад̇ам̣ яаава д̣̇звамануссзхи суббагаасид̇ам̣. ат̇а нзсам̣ сад̇т̇уно анд̇арад̇хаанам̣ ход̇и. зваруубо ко, жунд̣̇а, сад̇т̇аа саавагаанам̣ гаалан̇гад̇о анануд̇аббо ход̇и . д̇ам̣ гисса хзд̇у? сад̇т̇аа жа но логз уд̣̇абаад̣̇и арахам̣ саммаасамб̣уд̣̇д̇хо. д̇хаммо жа сваагкаад̇о суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о. вин̃н̃аабид̇ад̇т̇аа жамха сад̣̇д̇хаммз, гзвалан̃жа но барибуурам̣ б̣рахмажарияам̣ аавигад̇ам̣ ход̇и уд̇д̇аанийгад̇ам̣ саб̣б̣асан̇г̇аахабад̣̇агад̇ам̣ саббаадихийрагад̇ам̣ яаава д̣̇звамануссзхи суббагаасид̇ам̣ . ат̇а но сад̇т̇уно анд̇арад̇хаанам̣ ход̇ийд̇и. зваруубо ко, жунд̣̇а, сад̇т̇аа саавагаанам̣ гаалан̇гад̇о анануд̇аббо ход̇и.
б̣рахмажарияаабарибуураад̣̇игат̇аа
172. ‘‘зд̇зхи жзби, жунд̣̇а, ан̇г̇зхи саманнааг̇ад̇ам̣ б̣рахмажарияам̣ ход̇и, но жа ко сад̇т̇аа ход̇и т̇зро рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о. звам̣ д̇ам̣ б̣рахмажарияам̣ абарибуурам̣ ход̇и д̇знан̇г̇зна.
‘‘яад̇о жа ко, жунд̣̇а, зд̇зхи жзва ан̇г̇зхи саманнааг̇ад̇ам̣ б̣рахмажарияам̣ ход̇и, сад̇т̇аа жа ход̇и т̇зро рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о. звам̣ д̇ам̣ б̣рахмажарияам̣ барибуурам̣ ход̇и д̇знан̇г̇зна.
173. ‘‘зд̇зхи жзби, жунд̣̇а, ан̇г̇зхи саманнааг̇ад̇ам̣ б̣рахмажарияам̣ ход̇и, сад̇т̇аа жа ход̇и т̇зро рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о , но жа квасса т̇зраа бхигкуу саавагаа хонд̇и вияад̇д̇аа винийд̇аа висаарад̣̇аа бад̇д̇аяог̇агкзмаа. алам̣ самагкаад̇ум̣ сад̣̇д̇хаммасса, алам̣ уббаннам̣ бараббаваад̣̇ам̣ сахад̇хаммзхи суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзд̇ум̣. звам̣ д̇ам̣ б̣рахмажарияам̣ абарибуурам̣ ход̇и д̇знан̇г̇зна.
‘‘яад̇о жа ко, жунд̣̇а, зд̇зхи жзва ан̇г̇зхи саманнааг̇ад̇ам̣ б̣рахмажарияам̣ ход̇и, сад̇т̇аа жа ход̇и т̇зро рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о, т̇зраа жасса бхигкуу саавагаа хонд̇и вияад̇д̇аа винийд̇аа висаарад̣̇аа бад̇д̇аяог̇агкзмаа. алам̣ самагкаад̇ум̣ сад̣̇д̇хаммасса, алам̣ уббаннам̣ бараббаваад̣̇ам̣ сахад̇хаммзхи суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзд̇ум̣. звам̣ д̇ам̣ б̣рахмажарияам̣ барибуурам̣ ход̇и д̇знан̇г̇зна.
174. ‘‘зд̇зхи жзби, жунд̣̇а, ан̇г̇зхи саманнааг̇ад̇ам̣ б̣рахмажарияам̣ ход̇и, сад̇т̇аа жа ход̇и т̇зро рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о, т̇зраа жасса бхигкуу саавагаа хонд̇и вияад̇д̇аа винийд̇аа висаарад̣̇аа бад̇д̇аяог̇агкзмаа. алам̣ самагкаад̇ум̣ сад̣̇д̇хаммасса, алам̣ уббаннам̣ бараббаваад̣̇ам̣ сахад̇хаммзхи суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзд̇ум̣. но жа квасса маж̇жхимаа бхигкуу саавагаа хонд̇и…бз… маж̇жхимаа жасса бхигкуу саавагаа хонд̇и, но жа квасса наваа бхигкуу саавагаа хонд̇и…бз… наваа жасса бхигкуу саавагаа хонд̇и, но жа квасса т̇зраа бхигкунияо саавигаа хонд̇и…бз… т̇зраа жасса бхигкунияо саавигаа хонд̇и, но жа квасса маж̇жхимаа бхигкунияо саавигаа хонд̇и…бз… маж̇жхимаа жасса бхигкунияо саавигаа хонд̇и , но жа квасса наваа бхигкунияо саавигаа хонд̇и…бз… наваа жасса бхигкунияо саавигаа хонд̇и, но жа квасса убаасагаа саавагаа хонд̇и г̇ихий од̣̇аад̇авасанаа б̣рахмажаарино…бз… убаасагаа жасса саавагаа хонд̇и г̇ихий од̣̇аад̇авасанаа б̣рахмажаарино, но жа квасса убаасагаа саавагаа хонд̇и г̇ихий од̣̇аад̇авасанаа гаамабхог̇ино…бз… убаасагаа жасса саавагаа хонд̇и г̇ихий од̣̇аад̇авасанаа гаамабхог̇ино, но жа квасса убаасигаа саавигаа хонд̇и г̇ихинияо од̣̇аад̇авасанаа б̣рахмажааринияо…бз… убаасигаа жасса саавигаа хонд̇и г̇ихинияо од̣̇аад̇авасанаа б̣рахмажааринияо, но жа квасса убаасигаа саавигаа хонд̇и г̇ихинияо од̣̇аад̇авасанаа гаамабхог̇инияо…бз… убаасигаа жасса саавигаа хонд̇и г̇ихинияо од̣̇аад̇авасанаа гаамабхог̇инияо, но жа квасса б̣рахмажарияам̣ ход̇и ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇ам̣…бз… б̣рахмажарияан̃жасса ход̇и ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇ам̣, но жа ко лаабхаг̇г̇аяасаг̇г̇аббад̇д̇ам̣. звам̣ д̇ам̣ б̣рахмажарияам̣ абарибуурам̣ ход̇и д̇знан̇г̇зна.
‘‘яад̇о жа ко, жунд̣̇а, зд̇зхи жзва ан̇г̇зхи саманнааг̇ад̇ам̣ б̣рахмажарияам̣ ход̇и, сад̇т̇аа жа ход̇и т̇зро рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о, т̇зраа жасса бхигкуу саавагаа хонд̇и вияад̇д̇аа винийд̇аа висаарад̣̇аа бад̇д̇аяог̇агкзмаа. алам̣ самагкаад̇ум̣ сад̣̇д̇хаммасса, алам̣ уббаннам̣ бараббаваад̣̇ам̣ сахад̇хаммзхи суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзд̇ум̣. маж̇жхимаа жасса бхигкуу саавагаа хонд̇и…бз… наваа жасса бхигкуу саавагаа хонд̇и…бз… т̇зраа жасса бхигкунияо саавигаа хонд̇и…бз… маж̇жхимаа жасса бхигкунияо саавигаа хонд̇и…бз… наваа жасса бхигкунияо саавигаа хонд̇и…бз… убаасагаа жасса саавагаа хонд̇и…бз… г̇ихий од̣̇аад̇авасанаа б̣рахмажаарино . убаасагаа жасса саавагаа хонд̇и г̇ихий од̣̇аад̇авасанаа гаамабхог̇ино…бз… убаасигаа жасса саавигаа хонд̇и г̇ихинияо од̣̇аад̇авасанаа б̣рахмажааринияо…бз… убаасигаа жасса саавигаа хонд̇и г̇ихинияо од̣̇аад̇авасанаа гаамабхог̇инияо…бз… б̣рахмажарияан̃жасса ход̇и ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇ам̣, лаабхаг̇г̇аббад̇д̇ан̃жа яасаг̇г̇аббад̇д̇ан̃жа. звам̣ д̇ам̣ б̣рахмажарияам̣ барибуурам̣ ход̇и д̇знан̇г̇зна.
175. ‘‘ахам̣ ко бана, жунд̣̇а, зд̇арахи сад̇т̇аа логз уббанно арахам̣ саммаасамб̣уд̣̇д̇хо. д̇хаммо жа сваагкаад̇о суббавзд̣̇ид̇о нияяааниго убасамасам̣вад̇д̇аниго саммаасамб̣уд̣̇д̇хаббавзд̣̇ид̇о. вин̃н̃аабид̇ад̇т̇аа жа мз саавагаа сад̣̇д̇хаммз, гзвалан̃жа д̇зсам̣ барибуурам̣ б̣рахмажарияам̣ аавигад̇ам̣ уд̇д̇аанийгад̇ам̣ саб̣б̣асан̇г̇аахабад̣̇агад̇ам̣ саббаадихийрагад̇ам̣ яаава д̣̇звамануссзхи суббагаасид̇ам̣. ахам̣ ко бана, жунд̣̇а, зд̇арахи сад̇т̇аа т̇зро рад̇д̇ан̃н̃уу жирабаб̣б̣аж̇ид̇о ад̣̇д̇хаг̇ад̇о ваяоануббад̇д̇о.
‘‘санд̇и ко бана мз, жунд̣̇а, зд̇арахи т̇зраа бхигкуу саавагаа хонд̇и вияад̇д̇аа винийд̇аа висаарад̣̇аа бад̇д̇аяог̇агкзмаа. алам̣ самагкаад̇ум̣ сад̣̇д̇хаммасса, алам̣ уббаннам̣ бараббаваад̣̇ам̣ сахад̇хаммзхи суниг̇г̇ахид̇ам̣ ниг̇г̇ахзд̇ваа саббаадихаарияам̣ д̇хаммам̣ д̣̇зсзд̇ум̣. санд̇и ко бана мз, жунд̣̇а , зд̇арахи маж̇жхимаа бхигкуу саавагаа…бз… санд̇и ко бана мз, жунд̣̇а, зд̇арахи наваа бхигкуу саавагаа…бз… санд̇и ко бана мз, жунд̣̇а, зд̇арахи т̇зраа бхигкунияо саавигаа…бз… санд̇и ко бана мз, жунд̣̇а, зд̇арахи маж̇жхимаа бхигкунияо саавигаа…бз… санд̇и ко бана мз, жунд̣̇а, зд̇арахи наваа бхигкунияо саавигаа…бз… санд̇и ко бана мз, жунд̣̇а, зд̇арахи убаасагаа саавагаа г̇ихий од̣̇аад̇авасанаа б̣рахмажаарино…бз… санд̇и ко бана мз, жунд̣̇а, зд̇арахи убаасагаа саавагаа г̇ихий од̣̇аад̇авасанаа гаамабхог̇ино…бз… санд̇и ко бана мз, жунд̣̇а, зд̇арахи убаасигаа саавигаа г̇ихинияо од̣̇аад̇авасанаа б̣рахмажааринияо…бз… санд̇и ко бана мз, жунд̣̇а, зд̇арахи убаасигаа саавигаа г̇ихинияо од̣̇аад̇авасанаа гаамабхог̇инияо…бз… зд̇арахи ко бана мз, жунд̣̇а, б̣рахмажарияам̣ ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇ам̣.
176. ‘‘яаавад̇аа ко, жунд̣̇а, зд̇арахи сад̇т̇ааро логз уббаннаа, наахам̣, жунд̣̇а, ан̃н̃ам̣ згасад̇т̇аарамби саманубассаами звам̣лаабхаг̇г̇аяасаг̇г̇аббад̇д̇ам̣ яат̇ариваахам̣. яаавад̇аа ко бана, жунд̣̇а, зд̇арахи сан̇гхо ваа г̇ан̣о ваа логз уббанно; наахам̣, жунд̣̇а, ан̃н̃ам̣ згам̣ сам̣гхамби саманубассаами звам̣лаабхаг̇г̇аяасаг̇г̇аббад̇д̇ам̣ яат̇аривааяам̣, жунд̣̇а, бхигкусан̇гхо. яам̣ ко д̇ам̣, жунд̣̇а, саммаа вад̣̇амаано вад̣̇зяяа – ‘саб̣б̣аагаарасамбаннам̣ саб̣б̣аагаарабарибуурам̣ ануунаманад̇хигам̣ сваагкаад̇ам̣ гзвалам̣ барибуурам̣ б̣рахмажарияам̣ суббагаасид̇а’нд̇и. ид̣̇амзва д̇ам̣ саммаа вад̣̇амаано вад̣̇зяяа – ‘саб̣б̣аагаарасамбаннам̣…бз… суббагаасид̇а’нд̇и.
‘‘уд̣̇аго уд̣̇д̣̇аго (сий. сяаа. бий.) суд̣̇ам̣, жунд̣̇а, раамабуд̇д̇о звам̣ ваажам̣ бхаасад̇и – ‘бассам̣ на бассад̇ий’д̇и. гин̃жа бассам̣ на бассад̇ийд̇и? курасса саад̇хунисид̇асса д̇аламасса бассад̇и, д̇хааран̃жа квасса на бассад̇и. ид̣̇ам̣ вужжад̇и – ‘бассам̣ на бассад̇ий’д̇и. яам̣ ко банзд̇ам̣, жунд̣̇а, уд̣̇агзна раамабуд̇д̇зна бхаасид̇ам̣ хийнам̣ г̇аммам̣ бот̇уж̇ж̇анигам̣ анарияам̣ анад̇т̇асам̣хид̇ам̣ курамзва санд̇хааяа. яан̃жа д̇ам̣ яан̃жзд̇ам̣ (сяаа. га.), жунд̣̇а, саммаа вад̣̇амаано вад̣̇зяяа – ‘бассам̣ на бассад̇ий’д̇и, ид̣̇амзва д̇ам̣ ид̣̇амзвзд̇ам̣ (га.) саммаа вад̣̇амаано вад̣̇зяяа – ‘бассам̣ на бассад̇ий’д̇и. гин̃жа бассам̣ на бассад̇ийд̇и? звам̣ саб̣б̣аагаарасамбаннам̣ саб̣б̣аагаарабарибуурам̣ ануунаманад̇хигам̣ сваагкаад̇ам̣ гзвалам̣ барибуурам̣ б̣рахмажарияам̣ суббагаасид̇анд̇и, ид̇и хзд̇ам̣ бассад̇и суббагаасид̇ам̣, ид̇и хзд̇ам̣ на бассад̇ийд̇и (сяаа. га.). ид̣̇амзд̇т̇а абагад̣дхзяяа, звам̣ д̇ам̣ барисуд̣̇д̇хад̇арам̣ ассаад̇и, ид̇и хзд̇ам̣ на бассад̇и на бассад̇ийд̇и (сяаа. га.). ид̣̇амзд̇т̇а убагад̣дхзяяа, звам̣ д̇ам̣ барибуурам̣ барисуд̣̇д̇хад̇арам̣ (сяаа. га.), барибуурад̇арам̣ (?) ассаад̇и, ид̇и хзд̇ам̣ на бассад̇и. ид̣̇ам̣ вужжад̇и жунд̣̇а – ‘бассам̣ на бассад̇ий’д̇и. яам̣ ко д̇ам̣, жунд̣̇а, саммаа вад̣̇амаано вад̣̇зяяа – ‘саб̣б̣аагаарасамбаннам̣…бз… б̣рахмажарияам̣ суббагаасид̇а’нд̇и. ид̣̇амзва д̇ам̣ саммаа вад̣̇амаано вад̣̇зяяа – ‘саб̣б̣аагаарасамбаннам̣ саб̣б̣аагаарабарибуурам̣ ануунаманад̇хигам̣ сваагкаад̇ам̣ гзвалам̣ барибуурам̣ б̣рахмажарияам̣ суббагаасид̇а’нд̇и.
сан̇г̇ааяид̇аб̣б̣ад̇хаммо
177. д̇асмаад̇иха, жунд̣̇а, яз во маяаа д̇хаммаа абхин̃н̃аа д̣̇зсид̇аа, д̇ад̇т̇а саб̣б̣зхзва сан̇г̇амма самааг̇амма ад̇т̇зна ад̇т̇ам̣ б̣яан̃ж̇анзна б̣яан̃ж̇анам̣ сан̇г̇ааяид̇аб̣б̣ам̣ на вивад̣̇ид̇аб̣б̣ам̣, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. гад̇амз жа д̇з, жунд̣̇а , д̇хаммаа маяаа абхин̃н̃аа д̣̇зсид̇аа, яад̇т̇а саб̣б̣зхзва сан̇г̇амма самааг̇амма ад̇т̇зна ад̇т̇ам̣ б̣яан̃ж̇анзна б̣яан̃ж̇анам̣ сан̇г̇ааяид̇аб̣б̣ам̣ на вивад̣̇ид̇аб̣б̣ам̣, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣? сзяяат̇ид̣̇ам̣ – жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇аа , арияо адтан̇г̇иго маг̇г̇о. имз ко д̇з, жунд̣̇а, д̇хаммаа маяаа абхин̃н̃аа д̣̇зсид̇аа. яад̇т̇а саб̣б̣зхзва сан̇г̇амма самааг̇амма ад̇т̇зна ад̇т̇ам̣ б̣яан̃ж̇анзна б̣яан̃ж̇анам̣ сан̇г̇ааяид̇аб̣б̣ам̣ на вивад̣̇ид̇аб̣б̣ам̣, яат̇аяид̣̇ам̣ б̣рахмажарияам̣ ад̣̇д̇ханияам̣ асса жирадтид̇игам̣, д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣.
сан̃н̃аабзд̇аб̣б̣авид̇хи
178. ‘‘д̇зсан̃жа во, жунд̣̇а, самаг̇г̇аанам̣ саммод̣̇амаанаанам̣ авивад̣̇амаанаанам̣ сигкад̇ам̣ сигкид̇аб̣б̣ам̣ (б̣ахуусу) ан̃н̃ад̇аро саб̣рахмажаарий сан̇гхз д̇хаммам̣ бхаасзяяа. д̇ад̇ра жз д̇умхаагам̣ звамасса – ‘аяам̣ ко ааяасмаа ад̇т̇ан̃жзва мижчаа г̇ан̣хаад̇и, б̣яан̃ж̇анаани жа мижчаа робзд̇ий’д̇и. д̇асса нзва абхинанд̣̇ид̇аб̣б̣ам̣ на бадиггосид̇аб̣б̣ам̣, анабхинанд̣̇ид̇ваа аббадиггосид̇ваа со звамасса важанийяо – ‘имасса ну ко, аавусо, ад̇т̇асса имаани ваа б̣яан̃ж̇анаани зд̇аани ваа б̣яан̃ж̇анаани гад̇амаани обааяигад̇араани, имзсан̃жа имзсам̣ ваа (сяаа. бий. га.), имзсам̣ (сий.) б̣яан̃ж̇анаанам̣ аяам̣ ваа ад̇т̇о зсо ваа ад̇т̇о гад̇амо обааяигад̇аро’д̇и ? со жз звам̣ вад̣̇зяяа – ‘имасса ко, аавусо, ад̇т̇асса имаанзва б̣яан̃ж̇анаани обааяигад̇араани, яаа жзва яан̃жзва (сий. га.), дийгаа ологзд̇аб̣б̣аа зд̇аани; имзсан̃жа имзд̣̇ам̣ (саб̣б̣ад̇т̇а) б̣яан̃ж̇анаанам̣ аяамзва ад̇т̇о обааяигад̇аро, яаа жзва яан̃жзва (сий. га.), дийгаа ологзд̇аб̣б̣аа зсо’д̇и. со нзва уссаад̣̇зд̇аб̣б̣о на абасаад̣̇зд̇аб̣б̣о, ануссаад̣̇зд̇ваа анабасаад̣̇зд̇ваа свзва саад̇хугам̣ сан̃н̃аабзд̇аб̣б̣о д̇асса жа ад̇т̇асса д̇зсан̃жа б̣яан̃ж̇анаанам̣ нисанд̇ияаа.
179. ‘‘абароби жз, жунд̣̇а, саб̣рахмажаарий сан̇гхз д̇хаммам̣ бхаасзяяа. д̇ад̇ра жз д̇умхаагам̣ звамасса – ‘аяам̣ ко ааяасмаа ад̇т̇ан̃хи ко мижчаа г̇ан̣хаад̇и б̣яан̃ж̇анаани саммаа робзд̇ий’д̇и. д̇асса нзва абхинанд̣̇ид̇аб̣б̣ам̣ на бадиггосид̇аб̣б̣ам̣, анабхинанд̣̇ид̇ваа аббадиггосид̇ваа со звамасса важанийяо – ‘имзсам̣ ну ко, аавусо, б̣яан̃ж̇анаанам̣ аяам̣ ваа ад̇т̇о зсо ваа ад̇т̇о гад̇амо обааяигад̇аро’д̇и? со жз звам̣ вад̣̇зяяа – ‘имзсам̣ ко, аавусо, б̣яан̃ж̇анаанам̣ аяамзва ад̇т̇о обааяигад̇аро, яаа жзва зсо’д̇и. со нзва уссаад̣̇зд̇аб̣б̣о на абасаад̣̇зд̇аб̣б̣о, ануссаад̣̇зд̇ваа анабасаад̣̇зд̇ваа свзва саад̇хугам̣ сан̃н̃аабзд̇аб̣б̣о д̇ассзва ад̇т̇асса нисанд̇ияаа.
180. ‘‘абароби жз, жунд̣̇а, саб̣рахмажаарий сан̇гхз д̇хаммам̣ бхаасзяяа. д̇ад̇ра жз д̇умхаагам̣ звамасса – ‘аяам̣ ко ааяасмаа ад̇т̇ан̃хи ко саммаа г̇ан̣хаад̇и б̣яан̃ж̇анаани мижчаа робзд̇ий’д̇и. д̇асса нзва абхинанд̣̇ид̇аб̣б̣ам̣ на бадиггосид̇аб̣б̣ам̣; анабхинанд̣̇ид̇ваа аббадиггосид̇ваа со звамасса важанийяо – ‘имасса ну ко, аавусо, ад̇т̇асса имаани ваа б̣яан̃ж̇анаани зд̇аани ваа б̣яан̃ж̇анаани гад̇амаани обааяигад̇арааний’д̇и? со жз звам̣ вад̣̇зяяа – ‘имасса ко, аавусо, ад̇т̇асса имаанзва б̣яан̃ж̇анаани обаяигад̇араани, яаани жзва зд̇ааний’д̇и . со нзва уссаад̣̇зд̇аб̣б̣о на абасаад̣̇зд̇аб̣б̣о; ануссаад̣̇зд̇ваа анабасаад̣̇зд̇ваа свзва саад̇хугам̣ сан̃н̃аабзд̇аб̣б̣о д̇зсан̃н̃зва б̣яан̃ж̇анаанам̣ нисанд̇ияаа.
181. ‘‘абароби жз, жунд̣̇а, саб̣рахмажаарий сан̇гхз д̇хаммам̣ бхаасзяяа. д̇ад̇ра жз д̇умхаагам̣ звамасса – ‘аяам̣ ко ааяасмаа ад̇т̇ан̃жзва саммаа г̇ан̣хаад̇и б̣яан̃ж̇анаани жа саммаа робзд̇ий’д̇и. д̇асса ‘саад̇хуу’д̇и бхаасид̇ам̣ абхинанд̣̇ид̇аб̣б̣ам̣ анумод̣̇ид̇аб̣б̣ам̣; д̇асса ‘саад̇хуу’д̇и бхаасид̇ам̣ абхинанд̣̇ид̇ваа анумод̣̇ид̇ваа со звамасса важанийяо – ‘лаабхаа но аавусо, сулад̣̇д̇хам̣ но аавусо, яз маяам̣ ааяасманд̇ам̣ д̇аад̣̇исам̣ саб̣рахмажаарим̣ бассаама звам̣ ад̇т̇убзд̇ам̣ б̣яан̃ж̇анубзд̇а’нд̇и.
бажжаяаанун̃н̃аад̇агааран̣ам̣
182. ‘‘на во ахам̣, жунд̣̇а, д̣̇идтад̇хаммигаанам̣язва аасаваанам̣ сам̣варааяа д̇хаммам̣ д̣̇зсзми. на банаахам̣, жунд̣̇а, самбарааяигаанам̣язва аасаваанам̣ бадигхаад̇ааяа д̇хаммам̣ д̣̇зсзми. д̣̇идтад̇хаммигаанам̣ жзваахам̣, жунд̣̇а, аасаваанам̣ сам̣варааяа д̇хаммам̣ д̣̇зсзми; самбарааяигаанан̃жа аасаваанам̣ бадигхаад̇ааяа. д̇асмаад̇иха, жунд̣̇а, яам̣ во маяаа жийварам̣ анун̃н̃аад̇ам̣, алам̣ во д̇ам̣ – яаавад̣̇зва сийд̇асса бадигхаад̇ааяа, ун̣хасса бадигхаад̇ааяа, д̣ам̣самагасаваад̇аад̇абасарийсаба сирим̣саба (сяаа.) сампассаанам̣ бадигхаад̇ааяа, яаавад̣̇зва хиригобийнабадижчаад̣̇анад̇т̇ам̣. яо во маяаа бин̣д̣абаад̇о анун̃н̃аад̇о, алам̣ во со яаавад̣̇зва имасса гааяасса тид̇ияаа яаабанааяа вихим̣суубарад̇ияаа б̣рахмажарияаануг̇г̇ахааяа, ид̇и бураан̣ан̃жа взд̣̇анам̣ бадихан̇каами, наван̃жа взд̣̇анам̣ на уббаад̣̇зссаами, яаад̇раа жа мз бхависсад̇и анаваж̇ж̇ад̇аа жа паасувихааро жа жаад̇и (б̣ахуусу). яам̣ во маяаа сзнаасанам̣ анун̃н̃аад̇ам̣, алам̣ во д̇ам̣ яаавад̣̇зва сийд̇асса бадигхаад̇ааяа, ун̣хасса бадигхаад̇ааяа, д̣ам̣самагасаваад̇аад̇абасарийсабасампассаанам̣ бадигхаад̇ааяа, яаавад̣̇зва уд̇убариссаяавинод̣̇ана бадисаллаанаараамад̇т̇ам̣. яо во маяаа г̇илаанабажжаяабхзсаж̇ж̇а баригкааро анун̃н̃аад̇о, алам̣ во со яаавад̣̇зва уббаннаанам̣ взяяааб̣аад̇хигаанам̣ взд̣̇анаанам̣ бадигхаад̇ааяа аб̣яаабаж̇ж̇абарамад̇ааяа аб̣яаабаж̇жхабарамад̇ааяаад̇и (сий. сяаа. бий.), аб̣яааб̣аж̇жхабарамад̇ааяа (?).
сукаллигаануяог̇о
183. ‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘сукаллигаануяог̇амануяуд̇д̇аа саман̣аа сагяабуд̇д̇ияаа вихаранд̇ий’д̇и. звам̣ваад̣̇ино вад̣̇амаанаа (сяаа.), жунд̣̇а, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘гад̇амо со , аавусо, сукаллигаануяог̇о? сукаллигаануяог̇аа хи б̣ахуу анзгавихид̇аа наанаббагаарагаа’д̇и.
‘‘жад̇д̇ааромз, жунд̣̇а, сукаллигаануяог̇аа хийнаа г̇аммаа бот̇уж̇ж̇анигаа анарияаа анад̇т̇асам̣хид̇аа на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇анд̇и. гад̇амз жад̇д̇ааро?
‘‘ид̇ха, жунд̣̇а, згажжо б̣аало баан̣з вад̇хид̇ваа вад̇хид̇ваа ад̇д̇аанам̣ сукзд̇и бийн̣зд̇и. аяам̣ батамо сукаллигаануяог̇о.
‘‘буна жабарам̣, жунд̣̇а, ид̇хзгажжо ад̣̇иннам̣ аад̣̇ияид̇ваа аад̣̇ияид̇ваа ад̇д̇аанам̣ сукзд̇и бийн̣зд̇и. аяам̣ д̣̇уд̇ияо сукаллигаануяог̇о.
‘‘буна жабарам̣, жунд̣̇а, ид̇хзгажжо мусаа бхан̣ид̇ваа бхан̣ид̇ваа ад̇д̇аанам̣ сукзд̇и бийн̣зд̇и. аяам̣ д̇ад̇ияо сукаллигаануяог̇о.
‘‘буна жабарам̣, жунд̣̇а, ид̇хзгажжо бан̃жахи гаамаг̇ун̣зхи самаббид̇о саман̇г̇ийбхууд̇о барижаарзд̇и. аяам̣ жад̇уд̇т̇о сукаллигаануяог̇о.
‘‘имз ко, жунд̣̇а, жад̇д̇ааро сукаллигаануяог̇аа хийнаа г̇аммаа бот̇уж̇ж̇анигаа анарияаа анад̇т̇асам̣хид̇аа на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇анд̇и.
‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘‘имз жад̇д̇ааро сукаллигаануяог̇з ануяуд̇д̇аа саман̣аа сагяабуд̇д̇ияаа вихаранд̇ий’д̇и. д̇з во д̇з (сий. бий.) ‘маахзвам̣’ д̇иссу важанийяаа. на д̇з во саммаа вад̣̇амаанаа вад̣̇зяяум̣, аб̣бхаажигкзяяум̣ асад̇аа абхууд̇зна.
184. ‘‘жад̇д̇ааромз, жунд̣̇а, сукаллигаануяог̇аа зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇анд̇и. гад̇амз жад̇д̇ааро?
‘‘ид̇ха , жунд̣̇а, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. аяам̣ батамо сукаллигаануяог̇о.
‘‘буна жабарам̣, жунд̣̇а, бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и. аяам̣ д̣̇уд̇ияо сукаллигаануяог̇о.
‘‘буна жабарам̣, жунд̣̇а, бхигку бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и. аяам̣ д̇ад̇ияо сукаллигаануяог̇о.
‘‘буна жабарам̣, жунд̣̇а, бхигку сукасса жа бахаанаа д̣̇угкасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣ жад̇уд̇т̇о сукаллигаануяог̇о.
‘‘имз ко, жунд̣̇а, жад̇д̇ааро сукаллигаануяог̇аа зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇анд̇и.
‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘‘имз жад̇д̇ааро сукаллигаануяог̇з ануяуд̇д̇аа саман̣аа сагяабуд̇д̇ияаа вихаранд̇ий’д̇и. д̇з во ‘звам̣’ д̇иссу важанийяаа. саммаа д̇з во вад̣̇амаанаа вад̣̇зяяум̣, на д̇з во аб̣бхаажигкзяяум̣ асад̇аа абхууд̇зна.
сукаллигаануяог̇аанисам̣со
185. ‘‘таанам̣ ко банзд̇ам̣, жунд̣̇а, виж̇ж̇ад̇и, яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘имз банаавусо, жад̇д̇ааро сукаллигаануяог̇з ануяуд̇д̇аанам̣ вихарад̇ам̣ гад̇и палаани гад̇аанисам̣саа баадиган̇каа’д̇и? звам̣ваад̣̇ино, жунд̣̇а, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘имз ко, аавусо, жад̇д̇ааро сукаллигаануяог̇з ануяуд̇д̇аанам̣ вихарад̇ам̣ жад̇д̇аари палаани жад̇д̇ааро аанисам̣саа баадиган̇каа. гад̇амз жад̇д̇ааро? ид̇хаавусо, бхигку д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о. ид̣̇ам̣ батамам̣ палам̣, батамо аанисам̣со. буна жабарам̣, аавусо, бхигку д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий ход̇и, сагид̣̇зва имам̣ логам̣ ааг̇анд̇ваа д̣̇угкассанд̇ам̣ гарод̇и. ид̣̇ам̣ д̣̇уд̇ияам̣ палам̣, д̣̇уд̇ияо аанисам̣со. буна жабарам̣, аавусо, бхигку бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и, д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. ид̣̇ам̣ д̇ад̇ияам̣ палам̣, д̇ад̇ияо аанисам̣со. буна жабарам̣, аавусо, бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. ид̣̇ам̣ жад̇уд̇т̇ам̣ палам̣ жад̇уд̇т̇о аанисам̣со. имз ко, аавусо, жад̇д̇ааро сукаллигаануяог̇з ануяуд̇д̇аанам̣ вихарад̇ам̣ имаани жад̇д̇аари палаани, жад̇д̇ааро аанисам̣саа баадиган̇каа’’д̇и.
кийн̣аасаваабхаб̣б̣атаанам̣
186. ‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘адтид̇ад̇хаммаа саман̣аа сагяабуд̇д̇ияаа вихаранд̇ий’д̇и. звам̣ваад̣̇ино, жунд̣̇а, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘ад̇т̇и ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саавагаанам̣ д̇хаммаа д̣̇зсид̇аа бан̃н̃ад̇д̇аа яааваж̇ийвам̣ анад̇иггаманийяаа. сзяяат̇ааби, аавусо, инд̣̇акийло ваа аяокийло ваа г̇амбхийранзмо суникаад̇о ажало асамбавзд̇хий. звамзва ко, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна саавагаанам̣ д̇хаммаа д̣̇зсид̇аа бан̃н̃ад̇д̇аа яааваж̇ийвам̣ анад̇иггаманийяаа. яо со, аавусо, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о, абхаб̣б̣о со нава таанаани аж̇жхаажарид̇ум̣. абхаб̣б̣о, аавусо, кийн̣аасаво бхигку сан̃жижжа баан̣ам̣ ж̇ийвид̇аа воробзд̇ум̣; абхаб̣б̣о кийн̣аасаво бхигку ад̣̇иннам̣ т̇зяяасан̇каад̇ам̣ аад̣̇ияид̇ум̣; абхаб̣б̣о кийн̣аасаво бхигку мзт̇унам̣ д̇хаммам̣ бадисзвид̇ум̣; абхаб̣б̣о кийн̣аасаво бхигку самбаж̇аанамусаа бхаасид̇ум̣; абхаб̣б̣о кийн̣аасаво бхигку саннид̇хигаарагам̣ гаамз барибхун̃ж̇ид̇ум̣ сзяяат̇ааби буб̣б̣з ааг̇ааригабхууд̇о; абхаб̣б̣о кийн̣аасаво бхигку чанд̣̇ааг̇ад̇им̣ г̇анд̇ум̣; абхаб̣б̣о кийн̣аасаво бхигку д̣̇осааг̇ад̇им̣ г̇анд̇ум̣; абхаб̣б̣о кийн̣аасаво бхигку мохааг̇ад̇им̣ г̇анд̇ум̣; абхаб̣б̣о кийн̣аасаво бхигку бхаяааг̇ад̇им̣ г̇анд̇ум̣. яо со, аавусо, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о, абхаб̣б̣о со имаани нава таанаани аж̇жхаажарид̇у’’нд̇и.
бан̃хааб̣яаагаран̣ам̣
187. ‘‘таанам̣ ко банзд̇ам̣, жунд̣̇а, виж̇ж̇ад̇и, яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘ад̇ийд̇ам̣ ко ад̣̇д̇хаанам̣ аараб̣бха саман̣о г̇од̇амо ад̇ийрагам̣ н̃аан̣ад̣̇ассанам̣ бан̃н̃абзд̇и, но жа ко анааг̇ад̇ам̣ ад̣̇д̇хаанам̣ аараб̣бха ад̇ийрагам̣ н̃аан̣ад̣̇ассанам̣ бан̃н̃абзд̇и, д̇аяид̣̇ам̣ гим̣су д̇аяид̣̇ам̣ гат̇ам̣суу’д̇и? д̇з жа ан̃н̃ад̇ид̇т̇ияаа бариб̣б̣ааж̇агаа ан̃н̃авихид̇агзна н̃аан̣ад̣̇ассанзна ан̃н̃авихид̇агам̣ н̃аан̣ад̣̇ассанам̣ бан̃н̃абзд̇аб̣б̣ам̣ ман̃н̃анд̇и яат̇арива б̣аалаа аб̣яад̇д̇аа. ад̇ийд̇ам̣ ко, жунд̣̇а, ад̣̇д̇хаанам̣ аараб̣бха д̇ат̇ааг̇ад̇асса сад̇аанусаари н̃аан̣ам̣ ход̇и; со яаавад̇агам̣ ааган̇кад̇и д̇аавад̇агам̣ ануссарад̇и. анааг̇ад̇ан̃жа ко ад̣̇д̇хаанам̣ аараб̣бха д̇ат̇ааг̇ад̇асса б̣од̇хиж̇ам̣ н̃аан̣ам̣ уббаж̇ж̇ад̇и – ‘аяаманд̇имаа ж̇аад̇и, над̇т̇ид̣̇аани бунаб̣бхаво’д̇и. ‘ад̇ийд̇ам̣ жзби, жунд̣̇а, ход̇и абхууд̇ам̣ ад̇ажчам̣ анад̇т̇асам̣хид̇ам̣, на д̇ам̣ д̇ат̇ааг̇ад̇о б̣яаагарод̇и. ад̇ийд̇ам̣ жзби, жунд̣̇а, ход̇и бхууд̇ам̣ д̇ажчам̣ анад̇т̇асам̣хид̇ам̣, д̇амби д̇ат̇ааг̇ад̇о на б̣яаагарод̇и. ад̇ийд̇ам̣ жзби жунд̣̇а, ход̇и бхууд̇ам̣ д̇ажчам̣ ад̇т̇асам̣хид̇ам̣, д̇ад̇ра гаалан̃н̃уу д̇ат̇ааг̇ад̇о ход̇и д̇асса бан̃хасса взяяаагаран̣ааяа. анааг̇ад̇ам̣ жзби, жунд̣̇а, ход̇и абхууд̇ам̣ ад̇ажчам̣ анад̇т̇асам̣хид̇ам̣, на д̇ам̣ д̇ат̇ааг̇ад̇о б̣яаагарод̇и…бз… д̇асса бан̃хасса взяяаагаран̣ааяа. бажжуббаннам̣ жзби, жунд̣̇а, ход̇и абхууд̇ам̣ ад̇ажчам̣ анад̇т̇асам̣хид̇ам̣, на д̇ам̣ д̇ат̇ааг̇ад̇о б̣яаагарод̇и. бажжуббаннам̣ жзби, жунд̣̇а, ход̇и бхууд̇ам̣ д̇ажчам̣ анад̇т̇асам̣хид̇ам̣, д̇амби д̇ат̇ааг̇ад̇о на б̣яаагарод̇и. бажжуббаннам̣ жзби, жунд̣̇а, ход̇и бхууд̇ам̣ д̇ажчам̣ ад̇т̇асам̣хид̇ам̣, д̇ад̇ра гаалан̃н̃уу д̇ат̇ааг̇ад̇о ход̇и д̇асса бан̃хасса взяяаагаран̣ааяа.
188. ‘‘ид̇и ко, жунд̣̇а, ад̇ийд̇аанааг̇ад̇абажжуббаннзсу д̇хаммзсу д̇ат̇ааг̇ад̇о гаалаваад̣̇ий гаалаваад̣̇ий сажжаваад̣̇ий (сяаа.) бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий, д̇асмаа ‘д̇ат̇ааг̇ад̇о’д̇и вужжад̇и. яан̃жа ко, жунд̣̇а, сад̣̇звагасса логасса самаарагасса саб̣рахмагасса сассаман̣аб̣раахман̣ияаа баж̇ааяа сад̣̇звамануссааяа д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа, саб̣б̣ам̣ д̇ат̇ааг̇ад̇зна абхисамб̣уд̣̇д̇хам̣, д̇асмаа ‘д̇ат̇ааг̇ад̇о’д̇и вужжад̇и. яан̃жа, жунд̣̇а, рад̇д̇им̣ д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и, яам̣ зд̇асмим̣ анд̇арз бхаасад̇и лабад̇и нид̣̇д̣̇исад̇и. саб̣б̣ам̣ д̇ам̣ д̇ат̇зва ход̇и но ан̃н̃ат̇аа, д̇асмаа ‘д̇ат̇ааг̇ад̇о’д̇и вужжад̇и. яат̇ааваад̣̇ий, жунд̣̇а, д̇ат̇ааг̇ад̇о д̇ат̇аагаарий, яат̇аагаарий д̇ат̇ааваад̣̇ий. ид̇и яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий, д̇асмаа ‘д̇ат̇ааг̇ад̇о’д̇и вужжад̇и. сад̣̇звагз логз, жунд̣̇а, самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа д̇ат̇ааг̇ад̇о абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий, д̇асмаа ‘д̇ат̇ааг̇ад̇о’д̇и вужжад̇и.
аб̣яаагад̇адтаанам̣
189. ‘‘таанам̣ ко банзд̇ам̣, жунд̣̇а, виж̇ж̇ад̇и яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘гим̣ ну ко, аавусо, ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’нд̇и? звам̣ваад̣̇ино, жунд̣̇а, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘аб̣яаагад̇ам̣ ко, аавусо, бхаг̇авад̇аа – ‘‘ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’’’нд̇и.
‘‘таанам̣ ко банзд̇ам̣, жунд̣̇а, виж̇ж̇ад̇и, яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘гим̣ банаавусо, на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’нд̇и? звам̣ваад̣̇ино, жунд̣̇а, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘зд̇амби ко, аавусо, бхаг̇авад̇аа аб̣яаагад̇ам̣ – ‘‘на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’’’нд̇и.
‘‘таанам̣ ко банзд̇ам̣, жунд̣̇а, виж̇ж̇ад̇и, яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘гим̣ банаавусо, ход̇и жа на жа ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’нд̇и? звам̣ваад̣̇ино, жунд̣̇а, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘аб̣яаагад̇ам̣ ко зд̇ам̣, аавусо, бхаг̇авад̇аа – ‘‘ход̇и жа на жа ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’’’нд̇и.
‘‘таанам̣ ко банзд̇ам̣, жунд̣̇а, виж̇ж̇ад̇и, яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘гим̣ банаавусо, нзва ход̇и на на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’нд̇и? звам̣ваад̣̇ино, жунд̣̇а, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘зд̇амби ко, аавусо, бхаг̇авад̇аа аб̣яаагад̇ам̣ – ‘‘нзва ход̇и на на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’’’нд̇и.
‘‘таанам̣ ко банзд̇ам̣, жунд̣̇а, виж̇ж̇ад̇и, яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘гасмаа банзд̇ам̣, аавусо, саман̣зна г̇од̇амзна аб̣яаагад̇а’нд̇и? звам̣ваад̣̇ино, жунд̣̇а, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘на хзд̇ам̣, аавусо, ад̇т̇асам̣хид̇ам̣ на д̇хаммасам̣хид̇ам̣ на аад̣̇иб̣рахмажарияагам̣ на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и, д̇асмаа д̇ам̣ бхаг̇авад̇аа аб̣яаагад̇а’нд̇и.
б̣яаагад̇адтаанам̣
190. ‘‘таанам̣ ко банзд̇ам̣, жунд̣̇а, виж̇ж̇ад̇и, яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘гим̣ банаавусо, саман̣зна г̇од̇амзна б̣яаагад̇а’нд̇и? звам̣ваад̣̇ино, жунд̣̇а, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘ид̣̇ам̣ д̣̇угканд̇и ко, аавусо, бхаг̇авад̇аа б̣яаагад̇ам̣, аяам̣ д̣̇угкасамуд̣̇аяод̇и ко, аавусо, бхаг̇авад̇аа б̣яаагад̇ам̣, аяам̣ д̣̇угканирод̇ход̇и ко, аавусо, бхаг̇авад̇аа б̣яаагад̇ам̣, аяам̣ д̣̇угканирод̇хаг̇ааминий бадибад̣̇аад̇и ко, аавусо, бхаг̇авад̇аа б̣яаагад̇а’нд̇и.
‘‘таанам̣ ко банзд̇ам̣, жунд̣̇а, виж̇ж̇ад̇и, яам̣ ан̃н̃ад̇ид̇т̇ияаа бариб̣б̣ааж̇агаа звам̣ вад̣̇зяяум̣ – ‘гасмаа банзд̇ам̣, аавусо, саман̣зна г̇од̇амзна б̣яаагад̇а’нд̇и? звам̣ваад̣̇ино, жунд̣̇а, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘зд̇ан̃хи, аавусо, ад̇т̇асам̣хид̇ам̣, зд̇ам̣ д̇хаммасам̣хид̇ам̣, зд̇ам̣ аад̣̇иб̣рахмажарияагам̣ зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. д̇асмаа д̇ам̣ бхаг̇авад̇аа б̣яаагад̇а’нд̇и.
буб̣б̣анд̇асахаг̇ад̇ад̣̇идтиниссаяаа
191. ‘‘язби д̇з, жунд̣̇а, буб̣б̣анд̇асахаг̇ад̇аа д̣̇идтиниссаяаа, д̇зби во маяаа б̣яаагад̇аа, яат̇аа д̇з б̣яаагаад̇аб̣б̣аа. яат̇аа жа д̇з на б̣яаагаад̇аб̣б̣аа, гим̣ во ахам̣ д̇з д̇ат̇аа д̇ад̇т̇а (сяаа. га.) б̣яаагариссаами? язби д̇з, жунд̣̇а, абаранд̇асахаг̇ад̇аа д̣̇идтиниссаяаа, д̇зби во маяаа б̣яаагад̇аа, яат̇аа д̇з б̣яаагаад̇аб̣б̣аа. яат̇аа жа д̇з на б̣яаагаад̇аб̣б̣аа, гим̣ во ахам̣ д̇з д̇ат̇аа б̣яаагариссаами? гад̇амз жа д̇з, жунд̣̇а, буб̣б̣анд̇асахаг̇ад̇аа д̣̇идтиниссаяаа, яз во маяаа б̣яаагад̇аа, яат̇аа д̇з б̣яаагаад̇аб̣б̣аа. (яат̇аа жа д̇з на б̣яаагаад̇аб̣б̣аа, гим̣ во ахам̣ д̇з д̇ат̇аа б̣яаагариссаами) (яат̇аа жа д̇з на б̣яаагаад̇аб̣б̣аа) саб̣б̣ад̇т̇а? санд̇и ко, жунд̣̇а, згз саман̣аб̣раахман̣аа звам̣ваад̣̇ино звам̣д̣̇идтино – ‘сассад̇о ад̇д̇аа жа лого жа, ид̣̇амзва сажжам̣ могхаман̃н̃а’нд̇и. санд̇и бана, жунд̣̇а, згз саман̣аб̣раахман̣аа звам̣ваад̣̇ино звам̣д̣̇идтино – ‘асассад̇о ад̇д̇аа жа лого жа…бз… сассад̇о жа асассад̇о жа ад̇д̇аа жа лого жа… нзва сассад̇о наасассад̇о ад̇д̇аа жа лого жа… саяам̣гад̇о ад̇д̇аа жа лого жа… барам̣гад̇о ад̇д̇аа жа лого жа… саяам̣гад̇о жа барам̣гад̇о жа ад̇д̇аа жа лого жа… асаяам̣гааро абарам̣гааро ад̇хижжасамуббанно ад̇д̇аа жа лого жа, ид̣̇амзва сажжам̣ могхаман̃н̃а’нд̇и. сассад̇ам̣ сукад̣̇угкам̣… асассад̇ам̣ сукад̣̇угкам̣… сассад̇ан̃жа асассад̇ан̃жа сукад̣̇угкам̣… нзвасассад̇ам̣ наасассад̇ам̣ сукад̣̇угкам̣… саяам̣гад̇ам̣ сукад̣̇угкам̣… барам̣гад̇ам̣ сукад̣̇угкам̣… саяам̣гад̇ан̃жа барам̣гад̇ан̃жа сукад̣̇угкам̣… асаяам̣гаарам̣ абарам̣гаарам̣ ад̇хижжасамуббаннам̣ сукад̣̇угкам̣, ид̣̇амзва сажжам̣ могхаман̃н̃а’нд̇и.
192. ‘‘д̇ад̇ра, жунд̣̇а, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘сассад̇о ад̇д̇аа жа лого жа, ид̣̇амзва сажжам̣ могхаман̃н̃а’нд̇и. д̇яаахам̣ убасан̇гамид̇ваа звам̣ вад̣̇аами – ‘ад̇т̇и ну ко ид̣̇ам̣, аавусо, вужжад̇и – ‘‘сассад̇о ад̇д̇аа жа лого жаа’’д̇и? яан̃жа ко д̇з звамаахам̣су – ‘ид̣̇амзва сажжам̣ могхаман̃н̃а’нд̇и. д̇ам̣ д̇зсам̣ наануж̇аанаами. д̇ам̣ гисса хзд̇у? ан̃н̃ат̇аасан̃н̃иноби хзд̇т̇а, жунд̣̇а, санд̇згз сад̇д̇аа. имааяаби ко ахам̣, жунд̣̇а, бан̃н̃ад̇д̇ияаа нзва ад̇д̇анаа самасамам̣ саманубассаами гуд̇о бхияяо. ат̇а ко ахамзва д̇ад̇т̇а бхияяо яад̣̇ид̣̇ам̣ ад̇хибан̃н̃ад̇д̇и.
193. ‘‘д̇ад̇ра, жунд̣̇а, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘асассад̇о ад̇д̇аа жа лого жа…бз… сассад̇о жа асассад̇о жа ад̇д̇аа жа лого жа… нзвасассад̇о наасассад̇о ад̇д̇аа жа лого жа… саяам̣гад̇о ад̇д̇аа жа лого жа… барам̣гад̇о ад̇д̇аа жа лого жа… саяам̣гад̇о жа барам̣гад̇о жа ад̇д̇аа жа лого жа… асаяам̣гааро абарам̣гааро ад̇хижжасамуббанно ад̇д̇аа жа лого жа… сассад̇ам̣ сукад̣̇угкам̣… асассад̇ам̣ сукад̣̇угкам̣… сассад̇ан̃жа асассад̇ан̃жа сукад̣̇угкам̣… нзвасассад̇ам̣ наасассад̇ам̣ сукад̣̇угкам̣… саяам̣гад̇ам̣ сукад̣̇угкам̣… барам̣гад̇ам̣ сукад̣̇угкам̣… саяам̣гад̇ан̃жа барам̣гад̇ан̃жа сукад̣̇угкам̣… асаяам̣гаарам̣ абарам̣гаарам̣ ад̇хижжасамуббаннам̣ сукад̣̇угкам̣, ид̣̇амзва сажжам̣ могхаман̃н̃а’нд̇и. д̇яаахам̣ убасан̇гамид̇ваа звам̣ вад̣̇аами – ‘ад̇т̇и ну ко ид̣̇ам̣, аавусо, вужжад̇и – ‘‘асаяам̣гаарам̣ абарам̣гаарам̣ ад̇хижжасамуббаннам̣ сукад̣̇угка’’’нд̇и? яан̃жа ко д̇з звамаахам̣су – ‘ид̣̇амзва сажжам̣ могхаман̃н̃а’нд̇и. д̇ам̣ д̇зсам̣ наануж̇аанаами. д̇ам̣ гисса хзд̇у? ан̃н̃ат̇аасан̃н̃иноби хзд̇т̇а, жунд̣̇а, санд̇згз сад̇д̇аа. имааяаби ко ахам̣, жунд̣̇а, бан̃н̃ад̇д̇ияаа нзва ад̇д̇анаа самасамам̣ саманубассаами гуд̇о бхияяо. ат̇а ко ахамзва д̇ад̇т̇а бхияяо яад̣̇ид̣̇ам̣ ад̇хибан̃н̃ад̇д̇и. имз ко д̇з, жунд̣̇а, буб̣б̣анд̇асахаг̇ад̇аа д̣̇идтиниссаяаа, яз во маяаа б̣яаагад̇аа, яат̇аа д̇з б̣яаагаад̇аб̣б̣аа . яат̇аа жа д̇з на б̣яаагаад̇аб̣б̣аа, гим̣ во ахам̣ д̇з д̇ат̇аа б̣яаагариссаамийд̇и б̣яаагариссаамийд̇и (сий. га.)?
абаранд̇асахаг̇ад̇ад̣̇идтиниссаяаа
194. ‘‘гад̇амз жа д̇з, жунд̣̇а, абаранд̇асахаг̇ад̇аа д̣̇идтиниссаяаа, яз во маяаа б̣яаагад̇аа, яат̇аа д̇з б̣яаагаад̇аб̣б̣аа. (яат̇аа жа д̇з на б̣яаагаад̇аб̣б̣аа, гим̣ во ахам̣ д̇з д̇ат̇аа б̣яаагариссаамий) ( ) зд̇т̇анд̇арз баато саб̣б̣ад̇т̇аби барибун̣н̣о д̣̇иссад̇и? санд̇и, жунд̣̇а, згз саман̣аб̣раахман̣аа звам̣ваад̣̇ино звам̣д̣̇идтино – ‘руубий ад̇д̇аа ход̇и арог̇о барам̣ маран̣аа, ид̣̇амзва сажжам̣ могхаман̃н̃а’нд̇и. санд̇и бана, жунд̣̇а, згз саман̣аб̣раахман̣аа звам̣ваад̣̇ино звам̣д̣̇идтино – ‘аруубий ад̇д̇аа ход̇и…бз… руубий жа аруубий жа ад̇д̇аа ход̇и… нзваруубий нааруубий ад̇д̇аа ход̇и… сан̃н̃ий ад̇д̇аа ход̇и… асан̃н̃ий ад̇д̇аа ход̇и… нзвасан̃н̃ийнаасан̃н̃ий ад̇д̇аа ход̇и… ад̇д̇аа ужчиж̇ж̇ад̇и винассад̇и на ход̇и барам̣ маран̣аа, ид̣̇амзва сажжам̣ могхаман̃н̃а’нд̇и. д̇ад̇ра, жунд̣̇а, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘руубий ад̇д̇аа ход̇и арог̇о барам̣ маран̣аа, ид̣̇амзва сажжам̣ могхаман̃н̃а’нд̇и. д̇яаахам̣ убасан̇гамид̇ваа звам̣ вад̣̇аами – ‘ад̇т̇и ну ко ид̣̇ам̣, аавусо, вужжад̇и – ‘‘руубий ад̇д̇аа ход̇и арог̇о барам̣ маран̣аа’’’д̇и? яан̃жа ко д̇з звамаахам̣су – ‘ид̣̇амзва сажжам̣ могхаман̃н̃а’нд̇и. д̇ам̣ д̇зсам̣ наануж̇аанаами. д̇ам̣ гисса хзд̇у? ан̃н̃ат̇аасан̃н̃иноби хзд̇т̇а, жунд̣̇а, санд̇згз сад̇д̇аа. имааяаби ко ахам̣, жунд̣̇а, бан̃н̃ад̇д̇ияаа нзва ад̇д̇анаа самасамам̣ саманубассаами гуд̇о бхияяо. ат̇а ко ахамзва д̇ад̇т̇а бхияяо яад̣̇ид̣̇ам̣ ад̇хибан̃н̃ад̇д̇и.
195. ‘‘д̇ад̇ра, жунд̣̇а, яз д̇з саман̣аб̣раахман̣аа звам̣ваад̣̇ино звам̣д̣̇идтино – ‘аруубий ад̇д̇аа ход̇и…бз… руубий жа аруубий жа ад̇д̇аа ход̇и… нзваруубийнааруубий ад̇д̇аа ход̇и… сан̃н̃ий ад̇д̇аа ход̇и… асан̃н̃ий ад̇д̇аа ход̇и… нзвасан̃н̃ийнаасан̃н̃ий ад̇д̇аа ход̇и… ад̇д̇аа ужчиж̇ж̇ад̇и винассад̇и на ход̇и барам̣ маран̣аа, ид̣̇амзва сажжам̣ могхаман̃н̃а’нд̇и. д̇яаахам̣ убасан̇гамид̇ваа звам̣ вад̣̇аами – ‘ад̇т̇и ну ко ид̣̇ам̣, аавусо, вужжад̇и – ‘‘ад̇д̇аа ужчиж̇ж̇ад̇и винассад̇и на ход̇и барам̣ маран̣аа’’’д̇и? яан̃жа ко д̇з, жунд̣̇а, звамаахам̣су – ‘ид̣̇амзва сажжам̣ могхаман̃н̃а’нд̇и. д̇ам̣ д̇зсам̣ наануж̇аанаами. д̇ам̣ гисса хзд̇у? ан̃н̃ат̇аасан̃н̃иноби хзд̇т̇а, жунд̣̇а, санд̇згз сад̇д̇аа. имааяаби ко ахам̣, жунд̣̇а, бан̃н̃ад̇д̇ияаа нзва ад̇д̇анаа самасамам̣ саманубассаами, гуд̇о бхияяо. ат̇а ко ахамзва д̇ад̇т̇а бхияяо яад̣̇ид̣̇ам̣ ад̇хибан̃н̃ад̇д̇и. имз ко д̇з, жунд̣̇а, абаранд̇асахаг̇ад̇аа д̣̇идтиниссаяаа, яз во маяаа б̣яаагад̇аа , яат̇аа д̇з б̣яаагаад̇аб̣б̣аа. яат̇аа жа д̇з на б̣яаагаад̇аб̣б̣аа, гим̣ во ахам̣ д̇з д̇ат̇аа б̣яаагариссаамийд̇и б̣яаагариссаамийд̇и (сий. га.)?
196. ‘‘имзсан̃жа, жунд̣̇а, буб̣б̣анд̇асахаг̇ад̇аанам̣ д̣̇идтиниссаяаанам̣ имзсан̃жа абаранд̇асахаг̇ад̇аанам̣ д̣̇идтиниссаяаанам̣ бахаанааяа самад̇иггамааяа звам̣ маяаа жад̇д̇ааро сад̇ибадтаанаа д̣̇зсид̇аа бан̃н̃ад̇д̇аа. гад̇амз жад̇д̇ааро? ид̇ха, жунд̣̇а, бхигку гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. взд̣̇анаасу взд̣̇анаанубассий…бз… жид̇д̇з жид̇д̇аанубассий… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. имзсан̃жа жунд̣̇а, буб̣б̣анд̇асахаг̇ад̇аанам̣ д̣̇идтиниссаяаанам̣ имзсан̃жа абаранд̇асахаг̇ад̇аанам̣ д̣̇идтиниссаяаанам̣ бахаанааяа самад̇иггамааяа. звам̣ маяаа имз жад̇д̇ааро сад̇ибадтаанаа д̣̇зсид̇аа бан̃н̃ад̇д̇аа’’д̇и.
197. д̇зна ко бана самаязна ааяасмаа убаваан̣о бхаг̇авад̇о бидтид̇о тид̇о ход̇и бхаг̇аванд̇ам̣ б̣ийж̇аяамаано. ат̇а ко ааяасмаа убаваан̣о бхаг̇аванд̇ам̣ зд̇ад̣̇авожа – ‘‘ажчарияам̣, бханд̇з, аб̣бхуд̇ам̣, бханд̇з! баасаад̣̇иго вад̇ааяам̣, бханд̇з, д̇хаммабарияааяо; субаасаад̣̇иго вад̇ааяам̣ бханд̇з, д̇хаммабарияааяо, го наамааяам̣ бханд̇з д̇хаммабарияааяо’’д̇и? ‘‘д̇асмаад̇иха д̇вам̣, убаваан̣а, имам̣ д̇хаммабарияааяам̣ ‘баасаад̣̇иго’ д̇взва нам̣ д̇хаарзхий’’д̇и. ид̣̇амавожа бхаг̇аваа. ад̇д̇амано ааяасмаа убаваан̣о бхаг̇авад̇о бхаасид̇ам̣ абхинанд̣̇ийд̇и.
баасаад̣̇игасуд̇д̇ам̣ нидтид̇ам̣ чадтам̣.