4. махааяамагаваг̇г̇о
1. жуул̣аг̇осин̇г̇асуд̇д̇аван̣н̣анаа
325. н̃аад̇ийнам̣ наад̇иго. со гира г̇аамо язсам̣ санд̇аго, д̇зсам̣ буб̣б̣абурисзна ад̇д̇ано н̃аад̇ийнам̣ саад̇хааран̣абхаавзна нивзсид̇о, д̇зна ‘‘наад̇иго’’д̇и бан̃н̃ааяид̇т̇а. ат̇а бажчаа д̇ад̇т̇а д̣̇вийхи д̣̇ааяаад̣̇зхи д̣̇вид̇хаа вибхаж̇ид̇ваа барибхуд̇д̇о. д̇знааха ‘‘д̣̇виннам̣ жуул̣абид̇имахаабид̇ибуд̇д̇аанам̣ д̣̇вз г̇аамаа’’д̇и. г̇ин̃ж̇агаа вужжанд̇и идтагаа, г̇ин̃ж̇агаахиязва гад̇о аавасат̇о г̇ин̃ж̇агаавасат̇о. д̇асмим̣ гира бад̣̇зсз мад̇д̇игаа сагкарамарумб̣аваалигаад̣̇ийхи асаммиссаа агатинаа сан̣хаа сукумаа, д̇ааяа гад̇аани гулаалабхааж̇анааниби силаамаяаани вияа д̣̇ал̣хаани, д̇асмаа д̇з убаасагаа д̇ааяа мад̇д̇игааяа д̣̇ийгхабут̇улаидтагаа гаарзд̇ваа д̇аахи табзд̇ваа д̣̇ваараб̣аахаваад̇абаанагаваадад̇улааяо сзсам̣ саб̣б̣ам̣ д̣̇аб̣б̣асамбхаарзна винаа идтагаахи зва баасаад̣̇ам̣ гаарзсум̣. д̇знааха ‘‘идтагаахзваа’’д̇иаад̣̇и.
г̇осин̇г̇асаалаванад̣̇ааяанд̇и г̇осин̇г̇асаалавананд̇и лад̣̇д̇ханаамам̣ рагкид̇ам̣ аран̃н̃ам̣. ж̇здтагаругкассаад̇и ванаббад̇ибхууд̇асса сааларугкасса. саамаг̇г̇ирасанд̇и самаг̇г̇абхааваад̣̇иг̇ун̣ам̣ вивзгасукам̣. убарибан̣н̣аасагз убаггилзсасуд̇д̇з (ма. ни. 3.237-238) бут̇уж̇ж̇анагаало гат̇ид̇о, ид̇ха жуул̣аг̇осин̇г̇асуд̇д̇з кийн̣аасавагаало гат̇ид̇о. гад̇агижжааби хи д̇з махаат̇зраа ад̇д̇ано д̣̇идтад̇хаммасукавихаарам̣ барзсам̣ д̣̇идтаануг̇ад̇им̣ аабаж̇ж̇анан̃жа самбассанд̇аа бараман̃жа вивзгам̣ ануб̣рууханд̇аа саамаг̇г̇ирасам̣ анубхавамаанаа д̇ад̇т̇а вихаранд̇и. д̇ад̣̇аад̇и д̇асмим̣ убаггилзсасуд̇д̇ад̣̇зсанаагаалз. д̇зд̇и ануруд̣̇д̇хаббамукаа гулабуд̇д̇аа. лад̣̇д̇хассаад̣̇аад̇и вибассанааяа вийт̇ибадибад̇д̇ияаа ад̇хиг̇ад̇ассаад̣̇аа. вибассанаа хи буб̣б̣знаабарам̣ висзсам̣ ааваханд̇ий бавад̇д̇амаанаа саад̇исаяам̣ бийд̇исоманассам̣ аавахад̇и. д̇знааха бхаг̇аваа –
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
лабхад̇и бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и. (д̇ха. ба. 374);
лад̣̇д̇хабад̇идтаа
гаамам̣ саарибуд̇д̇амог̇г̇аллаанааби махаасаавагабарияаабаннаава, аг̇г̇асаавагабхаавзна бана нзсам̣ висзсад̣̇ассанад̇т̇ам̣ ‘‘д̇хаммасзнаабад̇имахаамог̇г̇аллаанад̇т̇зрзсу ваа’’д̇и висум̣ г̇ахан̣ам̣. сад̇иби хи сааман̃н̃аяог̇з висзсаванд̇о висум̣ г̇аяханд̇и яат̇аа ‘‘б̣раахман̣аа ааг̇ад̇аа, ваасидтоби ааг̇ад̇о’’д̇и. д̇зсу бана висум̣ г̇ахид̇зсуби ‘‘асийд̇имахаасаавагзсуу’’д̇и асийд̇иг̇г̇ахан̣ам̣ аббагам̣ уунамад̇хигам̣ ваа г̇ан̣анубаг̇ам̣ на ход̇ийд̇и. анд̇амасод̇и ид̣̇ам̣ д̇хаммабхан̣д̣ааг̇ааригасса убадтаагабхаавзна аасаннажаарид̇ааяа вуд̇д̇ам̣. анийгаад̇и хад̇т̇аанийгаа, хад̇т̇аанийгад̇о хад̇т̇исамуухад̇од̇и ад̇т̇о. гаал̣асийхо язбхуяязна яуут̇ажарод̇и гад̇ваа вуд̇д̇ам̣ ‘‘яуут̇аа ниссадо гаал̣асийхо вияаа’’д̇и. гзсарий бана згажарова. ваад̇ажчинно валаахаго вияаад̇и ваад̇ажчинно баб̣б̣ад̇агуудаббамаан̣о валаахагажчзд̣̇о вияа. д̇зсам̣ баг̇г̇ан̣ханад̇од̇и яат̇аа наама ж̇игхажчид̇асса бхож̇анз, бибаасид̇асса баанийяз, сийд̇зна пудтасса ун̣хз, ун̣хзна пудтасса сийд̇з, д̣̇угкид̇асса сукз абхиружи уббаж̇ж̇ад̇и, звамзвам̣ бхаг̇авад̇о госамб̣агз бхигкуу ан̃н̃аман̃н̃ам̣ виваад̣̇аабаннз д̣̇исваа абарз самаг̇г̇ааваасам̣ васанд̇з ааваж̇ж̇ид̇асса имз д̇аяо гулабуд̇д̇аа аабаат̇ам̣ ааг̇амим̣су, ат̇а нз баг̇г̇ан̣хид̇угаамо убасан̇гами, звааяам̣ бадибад̇д̇иануггамзна госамб̣агаанам̣ бхигкуунам̣ винаяанубааяо ход̇ийд̇и. д̇знааха ‘‘д̇зсам̣ баг̇г̇ан̣ханад̇о’’д̇и. зд̇знзва бажчимаж̇анад̇ам̣ анугамбанад̇од̇и ид̣̇амби гааран̣ам̣ згад̣̇зсзна сам̣ван̣н̣ид̇анд̇и д̣̇адтаб̣б̣ам̣. уггам̣сид̇ваад̇и яат̇аабхууд̇зхи г̇ун̣зхи самбахам̣санзна висзсзд̇ваа висидтз гад̇ваа басам̣саавасзна жзд̇ам̣ аамзд̣ид̇аважанам̣.
д̇ам̣ аран̃н̃ам̣ рагкад̇и ванасааминаа аан̣ад̇д̇о. рагкид̇аг̇обид̇ам̣ ванасан̣д̣ам̣, на махааванаад̣̇и вияа абариг̇г̇ахид̇ам̣. сийлаад̣̇иббабхзд̣̇ааяа ад̇д̇ад̇т̇ааяа бадибаннаа ад̇д̇агаамаа, на абарижжад̇д̇асинзхаад̇и ааха ‘‘ад̇д̇ано хид̇ам̣ гаамаяамаанаа’’д̇и. д̇знааха ‘‘яо хий’’д̇иаад̣̇и. бхинд̣̇зяяаад̇и винаасзяяа.
д̣̇уб̣б̣аламануссаад̇и бан̃н̃ааяа д̣̇уб̣б̣алаа авид̣̇д̣̇асуно мануссаа. д̇аанийд̇и абхиж̇аад̇иаад̣̇ийсу уббаннабаадихаарияаани. жийвараг̇аб̣бхзна бадижчаад̣̇зд̇ваад̇и жийварасан̇каад̇з оварагз ниг̇уухид̇ваа вияа. на хи жийварабаарубанамад̇д̇зна б̣уд̣̇д̇хаанубхааво бадижчанно ход̇и. ‘‘маа суд̇ха гожимам̣ б̣уд̣̇д̇хаанубхаавам̣ ан̃н̃аасий’’д̇и бана ‘‘ан̃н̃аад̇агавзсзна аг̇амаасий’’д̇и.
абхиггамат̇аад̇и ‘‘ид̇о ааг̇ажчат̇аа’’д̇и. б̣уд̣̇д̇хаанам̣ гааяо наама сувисуд̣̇д̇хаж̇аад̇иман̣и вияа собхано, гин̃жи малам̣ абанзд̇аб̣б̣ам̣ над̇т̇и, гимад̇т̇ам̣ бхаг̇аваа баад̣̇з багкаалзсийд̇и ааха ‘‘б̣уд̣̇д̇хаана’’нд̇иаад̣̇и.
326. ануруд̣̇д̇хаад̇и ваа згасзсанаязна вуд̇д̇ам̣ вируубзгасзсассаби ижчид̇аб̣б̣ад̇д̇аа, зван̃жа гад̇ваа б̣ахуважананид̣̇д̣̇зсоби самад̇т̇ид̇о ход̇и. ирияаабат̇о камад̇ийд̇и сарийрасса лахудтаанад̇ааяа жад̇уб̣б̣ид̇хоби ирияаабат̇о сукаббавад̇д̇иго. ж̇ийвид̇ам̣ яаабзд̇ийд̇и яаабанаалагкан̣ам̣ ж̇ийвид̇ам̣ имам̣ сарийраяанд̇ам̣ яаабзд̇и сукзна бавад̇д̇зд̇и. ул̣ун̇гаяааг̇ум̣ ваа гадажчубхигкам̣ ваад̇и ид̣̇ам̣ магаравуд̇д̇ияаа миссагабхад̇д̇зна яаабанам̣ вад̇д̇анд̇и гад̇ваа вуд̇д̇ам̣. д̇знааха ‘‘бхигкаажааравад̇д̇ам̣ бужчад̇ий’’д̇и.
ан̃н̃аман̃н̃ам̣ сам̣санд̣̇ад̇ийд̇и сад̇иби убхаязсам̣ галаабаанам̣ барамад̇т̇ад̇о бхзд̣̇з бажураж̇анзхи д̣̇увин̃н̃зяяанаанад̇д̇ам̣ кийрод̣̇агасаммод̣̇ид̇ам̣ ажжанд̇амзва сам̣садтам̣ вияа худ̇ваа д̇идтад̇и. д̇знааха ‘‘висум̣ на ход̇и, згад̇д̇ам̣ вияа убзд̇ий’’д̇и. бияабхаавад̣̇ийбанаани жагкууни бияажагкууни. бияааяад̇и, бияааяид̇аб̣б̣од̇и ваа бияод̇и. самаг̇г̇аваасасса яам̣ зганд̇агааран̣ам̣, д̇ам̣ бужчанд̇о бхаг̇аваа ‘‘яат̇аа гат̇ам̣ банаа’’д̇иаад̣̇имаахаад̇и ‘‘гат̇анд̇и гааран̣абужчаа’’д̇и вуд̇д̇ам̣. яо нзсам̣ мзд̇д̇аасахид̇аанам̣язва гаммаад̣̇ийнам̣ ан̃н̃аман̃н̃асмим̣ бажжубадтаанаагааро, д̇ам̣ санд̇хааяа ‘‘гат̇а’’нд̇и бужчаа. д̇ат̇аа хи барад̇о ‘‘звам̣ ко маяам̣, бханд̇з’’д̇иаад̣̇инаа т̇зрзхи виссаж̇ж̇анам̣ гат̇ид̇ам̣.
мид̇д̇ам̣ зд̇асса ад̇т̇ийд̇и мзд̇д̇ам̣, гааяагаммам̣. аавийд̇и багаасам̣. раход̇и аббагаасам̣. яан̃хи уд̣̇д̣̇исса мзд̇д̇ам̣ гааяагаммам̣ бажжубадтабзд̇и, д̇ам̣ д̇асса саммукаа жз, багаасам̣ ход̇и, бараммукаа жз, аббагаасам̣. д̇знааха ‘‘аави жзва рахо жаад̇и саммукаа жзва бараммукаа жаа’’д̇и. ид̇араанийд̇и бараммукаа гааяаважийгаммаани. ‘‘д̇ад̇т̇аа’’д̇иаад̣̇инаа сан̇кзбад̇о вуд̇д̇амад̇т̇ам̣ виварид̇ум̣ ‘‘яам̣ хий’’д̇иаад̣̇и вуд̇д̇ам̣. саммаж̇ж̇анаад̣̇ивасзна бадиж̇аг̇г̇ид̇аб̣б̣аяуд̇д̇ам̣ таанам̣ ваа. д̇ат̇зваад̇и яат̇аа саммукаа гад̇з мзд̇д̇аагааяагаммз вуд̇д̇ам̣, д̇ат̇зва саммод̣̇анийяагат̇аа. яат̇аа барзхи сад̣̇д̇хим̣ ад̇д̇ано чид̣̇д̣̇ам̣ на ход̇и, д̇ат̇аа бадисант̇ааравасзна бавад̇д̇аа гат̇аа бадисант̇аарагат̇аа. ‘‘ахо д̇ад̣̇аа т̇зрзна маяхам̣ д̣̇инно оваад̣̇о, д̣̇иннаа анусаасаний’’д̇и звам̣ гааланд̇арз сарид̇аб̣б̣аяуд̇д̇аа, часааран̣ийяабадисам̣яуд̇д̇аа ваа гат̇аа сааран̣ийяагат̇аа. суд̇д̇абад̣̇ам̣ нигкибид̇ваа д̇асса ад̇т̇анид̣̇д̣̇зсавасзна сийлаад̣̇ид̇хаммабадисам̣яуд̇д̇аа гат̇аа д̇хаммийгат̇аа. сарзна суд̇д̇асса ужжааран̣ам̣ сарабхан̃н̃ам̣. бан̃хасса н̃аад̇ум̣ ижчид̇асса ад̇т̇асса бужчанам̣ бан̃хабужчанам̣. д̇асса яат̇аабужчид̇ассааад̣̇исанам̣ бан̃хависсаж̇ж̇анам̣. звам̣ саманнаахарад̇од̇и звам̣ манасигарод̇о, звам̣ мзд̇д̇ам̣ убасам̣харад̇од̇и ад̇т̇о.
згад̇о гаад̇ум̣ на саггаа, д̇асмаа наанаа. хид̇адтзнаад̇и ад̇д̇ано вияа ан̃н̃аман̃н̃асса хид̇абхаавзна. ниранд̇арадтзнаад̇и анд̇араабхаавзна бхзд̣̇аабхаавзна. авиг̇г̇ахадтзнаад̇и авирод̇хабхаавзна. самаг̇г̇адтзнаад̇и сахид̇абхаавзна. барибхан̣д̣ам̣ гад̇ваад̇и б̣ахалад̇анумад̇д̇игаалзбзхи лимбзд̇ваа. жийварам̣ ваа д̇хованд̇ийд̇и ад̇д̇ано жийварам̣ ваа д̇хованд̇и. барибхан̣д̣ам̣ ваад̇и ад̇д̇ано бан̣н̣асаалааяа барибхан̣д̣ам̣ ваа гаронд̇и.
327. бадивируд̣̇д̇хаа зваад̇и зд̇т̇ааби ‘‘язбхуяязнаа’’д̇и бад̣̇ам̣ аанзд̇ваа самб̣анд̇хид̇аб̣б̣ам̣. д̇зсам̣ аббамаад̣̇алагкан̣анд̇и д̇зсам̣ аббамаж̇ж̇анасабхаавам̣. гажжи бана во ануруд̣̇д̇хаа самаг̇г̇аад̇и зд̇т̇ааби вод̇и нибаад̇амад̇д̇ам̣, бажжад̇д̇аважанам̣ ваа, гажжи д̇умхзд̇и звамад̇т̇о взд̣̇ид̇аб̣б̣о. самуг̇г̇абаад̇инд̇и самуг̇г̇абудасад̣̇исам̣ баад̇им̣.
бан̣н̣асаалааяам̣ анд̇о б̣ахи жа саммаж̇ж̇анзна сод̇хид̇ан̇г̇ан̣ад̇аа вад̇д̇абадибад̇д̇и. бадивисамад̇д̇амзваад̇и ад̇д̇ано яаабанабадивисамад̇д̇амзва. осаабзд̇ваад̇и багкибид̇ваа. бамаан̣амзваад̇и ад̇д̇ано яаабанабамаан̣амзва. вуд̇д̇анаязна ж̇ахид̇ваад̇и баал̣ияам̣ вуд̇д̇анаязна ж̇ахид̇ваа.
хад̇т̇зна хад̇т̇ам̣ сам̣сиб̣б̣анд̇аад̇и ад̇д̇ано хад̇т̇зна ид̇арасса хад̇т̇ам̣ д̣̇ал̣хаг̇г̇ахан̣авасзна б̣анд̇ханд̇аа. вилан̇гхзд̇и д̣̇зсанд̇арам̣ баабзд̇и зд̇знаад̇и вилан̇гхаго, хад̇т̇о. хад̇т̇о зва вилан̇гхаго хад̇т̇авилан̇гхаго, д̇зна хад̇т̇авилан̇гхагзна.
д̇ам̣ акан̣д̣ам̣ гад̇ваад̇и д̇ам̣ д̇ийсуби д̣̇ивасзсу д̇хаммассаванам̣ бавад̇д̇анавасзна акан̣д̣игам̣ гад̇ваа. зд̇анд̇и ‘‘бан̃жаахигам̣ ко банаа’’д̇иаад̣̇иважанам̣. бан̃жамз бан̃жамз бан̃жаахигам̣. бхаг̇авад̇аа бужчид̇зна ануруд̣̇д̇хад̇т̇зрзна. бамаад̣̇адтаанзсуязваад̇и ан̃н̃зсам̣ бамаад̣̇адтаанзсуязва. ‘‘бамаад̣̇адтаанзсуязваа’’д̇и вуд̇д̇амзвад̇т̇ам̣ баагадад̇арам̣ гаад̇ум̣ ‘‘ан̃н̃зсан̃хий’’д̇иаад̣̇и вуд̇д̇ам̣. бабан̃жагаран̣адтаанаанийд̇и гат̇аабабан̃жасса гаран̣адтаанаани виссадтагат̇аабавад̇д̇анзна гаммадтаанз бамаж̇ж̇анадтаанаани. д̇ад̇т̇ааби ‘‘маяам̣, бханд̇з, гаммадтаанавируд̣̇д̇хам̣ на бадибаж̇ж̇аамаа’’д̇и сикааббад̇д̇ам̣ ад̇д̇ано аббамаад̣̇алагкан̣ам̣ т̇зро д̣̇ассзд̇и. зд̇д̇агам̣ таанам̣ мун̃жид̇ваад̇и бана ид̣̇ам̣ д̇ад̣̇аа вихаарасамаабад̇д̇ийнам̣ вал̣ан̃ж̇аабхаавзна вуд̇д̇ам̣.
328. жхаанасса ‘‘аламарияан̃аан̣ад̣̇ассанависзсо’’ижжзва вуд̇д̇ам̣. ад̇д̇ано саммаабадибаннад̇ааяа сад̇т̇у жид̇д̇аараад̇ханад̇т̇ам̣ д̇асса жа висзсаад̇хиг̇амасса сад̇т̇у бажжагкабхаавад̇о т̇зро ‘‘гин̃хи но сияаа, бханд̇з’’д̇и ааха. яаавад̣̇зваад̇и яад̇д̇агам̣ гаалам̣ згам̣ д̣̇ивасабхааг̇ам̣ ваа сагаларад̇д̇им̣ ваа яаава сад̇д̇а ваа д̣̇ивасз.
329. самад̇иггамааяаад̇и саммад̣̇зва ад̇иггаманааяа. сад̇и хи убари висзсаад̇хиг̇амз хздтимаж̇жхаанам̣ самад̇игганд̇ам̣ наама ход̇и бадиббассад̣̇д̇хи жа. д̇знааха ‘‘бадиббассад̣̇д̇хияаа’’д̇и. н̃аан̣ад̣̇ассанависзсод̇и гааран̣уубажаарзна вуд̇д̇од̇и взд̣̇ид̇аб̣б̣о. взд̣̇аяид̇асукад̇од̇и взд̣̇анаасахид̇аж̇жхаанасукад̇о ваа паласукад̇о ваа. авзд̣̇аяид̇асуканд̇и ниб̣б̣аанасукам̣ вияа взд̣̇анаарахид̇ам̣ сукам̣. авзд̣̇аяид̇асуканд̇и жа нид̣̇ассанамад̇д̇амзд̇ам̣, д̇ам̣ бана апассам̣ асан̃н̃ам̣ ажзд̇ананд̇и саб̣б̣ажид̇д̇ажзд̇асигарахид̇амзва. д̇ад̇о жа сад̇иби руубад̇хаммаббавад̇д̇ияам̣ д̇асса ажзд̇анад̇д̇аа саб̣б̣асо сан̇каарад̣̇угкавирахид̇ад̇ааяа санд̇ад̇араа бан̣ийд̇ад̇араа жа нирод̇хасамаабад̇д̇ийд̇и вужжад̇з. д̇знааха ‘‘авзд̣̇аяид̇асукам̣ санд̇ад̇арам̣ бан̣ийд̇ад̇арам̣ ход̇ий’’д̇и. д̇зна вуд̇д̇ам̣ ‘‘имамхаа жаа’’д̇иаад̣̇и.
330. саамаг̇г̇ирасаанисам̣самзва нзсам̣ бхаг̇аваа гат̇зси аж̇жхаасаяаанугуулад̇д̇аа д̇асса. анусаавзд̇ваад̇и анубаг̇аманавасзна саммад̣̇зва аарожзд̇ваа. ‘‘анусам̣саавзд̇ваа’’д̇и ваа баато, со звад̇т̇о. д̇ад̇о бадинивад̇д̇ид̇ваад̇и зд̇арахи бхаг̇авад̇о згавихаарз аж̇жхаасаяод̇и сад̇т̇у манам̣ г̇ан̣ханд̇аа ‘‘ид̇хзва д̇идтат̇аа’’д̇и виссаж̇ж̇ид̇адтаанад̇о нивад̇д̇ид̇ваа баб̣б̣аж̇ж̇аад̣̇ийнийд̇и аад̣̇и-сад̣̇д̣̇зна убасамбад̣̇аа-висуд̣̇д̇хи-д̇худ̇агаммадтаанаануяог̇а-жхаанавимогка-самаабад̇д̇и-н̃аан̣ад̣̇ассана-маг̇г̇абхааванаа-паласажчигирияаад̣̇игз сан̇г̇ан̣хаад̇и. ад̇хиг̇анд̇ваабийд̇и би-сад̣̇д̣̇зна яат̇аад̇хиг̇ад̇аанамби. ад̇д̇ано г̇ун̣агат̇ааяа аддияамаанаад̇и бхаг̇аванд̇ам̣ ниссааяа ад̇хиг̇анд̇вааби д̇хаммаад̇хигаран̣ам̣ сад̇т̇увихзсаабхаавад̣̇ийбанз бхаг̇авад̇о баагадаг̇ун̣аанам̣ гат̇ааяа аддияамаанаабийд̇и яож̇анаа. д̣̇звад̇аад̇и д̇ам̣д̇ам̣самаабад̇д̇илаабхинияо д̣̇звад̇аа. мукам̣ мз саж̇ж̇анд̇и мукам̣ мз гат̇анз самад̇т̇ам̣, гат̇анз яог̇яанд̇и ад̇т̇о.
331. звам̣ ааг̇ад̇од̇и звам̣ аадаанаадияасуд̇д̇з ааг̇ад̇о. баливзтзнд̇зд̇и жод̣̇знд̇з. мажчарааяанд̇ийд̇и ад̇д̇ано г̇ун̣аанам̣ бхаг̇авад̇оби аарожанам̣ асахамаанаа мажчарааяанд̇ийд̇и со жинд̇зд̇ийд̇и гад̇ваа вуд̇д̇ам̣.
01 д̇зсам̣ лаабхаад̇и д̇зсам̣ важ̇ж̇ирааж̇уунам̣ важ̇ж̇ирадтаваасийнан̃жа мануссад̇д̇ам̣, бад̇ируубад̣̇зсаваасаад̣̇иго, бхаг̇авад̇о д̇ин̣н̣ан̃жа гулабуд̇д̇аанам̣ д̣̇ассанаванд̣̇анад̣̇аанад̇хаммассаванаад̣̇аяо лаабхаа. сулад̣̇д̇хаа лаабхаад̇и яож̇анаа. басаннажид̇д̇ам̣ ануссарзяяаад̇и д̇ам̣ гулан̃хзд̇ам̣ сийлаад̣̇иг̇ун̣з жид̇д̇ам̣ басаад̣̇зд̇ваа ануссарзяяа. вуд̇д̇ам̣ д̇зсам̣ ‘‘ануссаран̣амбаахам̣, бхигкавз, д̇зсам̣ бхигкуунам̣ б̣ахуубагаарам̣ вад̣̇аамий’’д̇и (ид̇иву. 104; сам̣. ни. 5.184).
жуул̣аг̇осин̇г̇асуд̇д̇аван̣н̣анааяа лийнад̇т̇аббагаасанаа самад̇д̇аа.
2. махааг̇осин̇г̇асуд̇д̇аван̣н̣анаа
332. гожид̣̇зваад̇и саб̣б̣ад̇т̇аад̇и д̣̇звалогз мануссалогз жа. т̇ирагаарагзхийд̇и саасанз т̇ирабхаавагаарагзхи. савананд̇з ж̇аад̇ад̇д̇аад̇и жад̇усажжаг̇аб̣бхасса д̇хаммассаванасса барияосаанз арияааяа ж̇аад̇ияаа ж̇аад̇ад̇д̇аа. яат̇аа бадивзд̇хаб̣аахусажжам̣ иж̇жхад̇и, д̇ат̇аа д̇хаммасса саванад̇о саавагаа суурияо вияа бхаасураг̇ун̣арам̣сид̇ааяа моханд̇хагааравид̇хаманад̇о. жанд̣̇о вияа раман̣ийяаманохарасийд̇алаг̇ун̣ад̇ааяа гилзсабарил̣аахавуубасамад̇о. сааг̇аро вияа г̇амбхийрат̇иравибулаанзгаг̇ун̣ад̇ааяа тид̇ад̇хаммасабхаавад̇о. г̇ун̣амаханд̇ад̇ааяа т̇зрасса абхин̃н̃аад̇ад̇аа, г̇ун̣амаханд̇ад̇аа жа суд̇д̇зсу ааг̇ад̇анаязнзва н̃аад̇аб̣б̣аад̇и д̇ам̣ вид̇т̇аарад̇о д̣̇ассзд̇ум̣ ‘‘на гзвала’’нд̇иаад̣̇и вуд̇д̇ам̣. сийханаад̣̇асуд̇д̇анд̇и маж̇жхиманигааяз ааг̇ад̇ам̣ махаасийханаад̣̇асуд̇д̇ам̣ (ма. ни. 1.146). т̇зрабан̃хасуд̇д̇анд̇и суд̇д̇анибаад̇з адтагаваг̇г̇з ааг̇ад̇ам̣ саарибуд̇д̇асуд̇д̇ам̣ (су. ни. 961-981). т̇зрасийханаад̣̇асуд̇д̇анд̇и имасса жа т̇зрасса ж̇анабад̣̇ажааригааяа сад̇т̇у саммукаа сийханаад̣̇асуд̇д̇ам̣. абхинигкамананд̇и т̇зрассзва махад̇аа н̃аад̇ибариваддзна махад̇аа жа бхог̇абариваддзна саха гхарааваасабарижжааг̇о абхинигкаманам̣. зса наяо ид̇о барзсуби. яад̣̇ид̣̇анд̇и нибаад̇о, яо аяанд̇и ад̇т̇о.
махаабан̃н̃з бхигкуу г̇ахзд̇ваад̇и ааяасмад̇о гира саарибуд̇д̇ад̇т̇зрасса бариваарабхигкууби махаабан̃н̃аа зва ахзсум̣. д̇хаад̇усо хи сад̇д̇аа сам̣санд̣̇анд̇и. саяам̣ ид̣̇д̇химаад̇иаад̣̇ийсуби зсзва наяо. аяам̣ банад̇т̇о д̇хаад̇усам̣яуд̇д̇зна (сам̣. ни. 2.99) д̣̇ийбзд̇аб̣б̣о – г̇иж̇жхагуудабаб̣б̣ад̇з г̇илаанасзяяааяа нисинно бхаг̇аваа аарагкад̇т̇ааяа бариваарзд̇ваа васанд̇зсу саарибуд̇д̇амог̇г̇аллаанаад̣̇ийсу згамзгам̣ ад̇д̇ано барисааяа сад̣̇д̇хим̣ жан̇гаманд̇ам̣ вологзд̇ваа бхигкуу ааманд̇зси – ‘‘бассат̇а но д̇умхз, бхигкавз, саарибуд̇д̇ам̣ самб̣ахулзхи бхигкуухи сад̣̇д̇хим̣ жан̇гаманд̇анд̇и. звам̣, бханд̇з. саб̣б̣з ко зд̇з, бхигкавз, бхигкуу махаабан̃н̃аа’’д̇и саб̣б̣ам̣ вид̇т̇аарзд̇аб̣б̣ам̣.
вананд̇зд̇и убавананд̇з. мзгхаван̣н̣ааяаад̇и нийлаабхааяа. самуд̣̇д̣̇агужчид̇о уг̇г̇ажчанд̇асса вияа убадтаанам̣ санд̇хааяа вуд̇д̇ам̣. жаггаваал̣абаб̣б̣ад̇амад̇т̇агасамийбз аабхаапаран̣авасзна бавад̇д̇ияаа ‘‘баажийнажаггаваал̣абаб̣б̣ад̇амад̇т̇агз’’д̇и вуд̇д̇ам̣, на жаггаваал̣абаб̣б̣ад̇амад̇т̇агз жанд̣̇аман̣д̣аласса вижаран̣ад̇о. д̇ат̇аа ‘‘лаакаарасзна син̃жамаанам̣ вияаа’’д̇и. убаг̇ааяамаанаа вияаад̇и баяирубаасанавасзна убзжжа г̇ааяамаанаа вияа гааяа ну ко аж̇ж̇а рад̇ияаад̇и аж̇ж̇а жхаанасамаабад̇д̇ирад̇ияаа зва ну ко, уд̣̇ааху д̇хаммасаагажчаарад̇ияаа д̇хаммад̣̇зсанаарад̇ияаад̇и жинд̇зси.
д̣̇вз жанд̣̇аман̣д̣алаани вияа барамасобхаг̇г̇аббад̇д̇ааяа ганд̇ияаа. д̣̇вз суурияаман̣д̣алаани вияа ад̇ивияа сувисуд̣̇д̇хасамуж̇ж̇алааяа г̇ун̣авибхууд̇ияаа. д̣̇вз чад̣̇д̣̇анд̇анааг̇арааж̇аано вияа махаанубхаавад̇ааяа. д̣̇вз сийхаа вияа д̇зж̇уссад̣̇ад̇ааяа. д̣̇вз б̣яаг̇гхаа вияа анолийнавуд̇д̇ид̇ааяа. саб̣б̣абаалипулламзваад̇и саб̣б̣амзва саманд̇ад̇о вигасид̇ам̣.
333. гат̇аа убажарад̇и бавад̇д̇ад̇и зд̇т̇аад̇и гат̇ааубажааро, савануубажааро бад̣̇зсо, д̇ам̣ гат̇ааубажаарам̣. раман̣ийяамзва рааман̣зяяагам̣. уж̇ж̇ан̇г̇алзд̇и луукабад̣̇зсз гатинабад̣̇зсз. д̣̇осзхи ид̇аа абаг̇ад̇аад̇и д̣̇осинаа д̇а-гаарасса на-гаарам̣ гад̇ваа. д̣̇иб̣б̣аа ман̃н̃з г̇анд̇хаад̇и д̣̇звалогз г̇анд̇хаа вияа. д̣̇иви бхаваад̇и д̣̇иб̣б̣аа. д̣̇вз т̇зраад̇и саарибуд̇д̇ад̇т̇зрааананд̣̇ад̇т̇зраа. аананд̣̇ад̇т̇зро д̇аава мамааяад̇у акийн̣аасавабхаавад̇о, саарибуд̇д̇ад̇т̇зро гат̇анд̇и? на ид̣̇ам̣ мамааяанам̣ г̇зхассид̇абзмавасзна, ат̇а ко г̇ун̣абхад̇д̇ивасзнаад̇и нааяам̣ д̣̇осо.
анумад̇ияаа бужчаа анумад̇ибужчаа, анумад̇иг̇г̇ахан̣ад̇т̇ам̣ бужчанам̣. д̇ад̇т̇а яасмаа ад̇хаммигамби вуд̣̇д̇хасса анумад̇им̣ ид̇аро бадигкибид̇ум̣ на лабхад̇и, д̇зна саа ануж̇аанид̇аб̣б̣аава ход̇и, д̇асмаа сан̇гхакуд̣̇д̣̇агад̇о бадтааяа анумад̇и бужчид̇аб̣б̣аа. д̇знааха ‘‘анумад̇ибужчаа наамзсаа’’д̇иаад̣̇и. куд̣̇д̣̇агад̇о бадтааяаад̇и ган̣идтад̇о бадтааяа. бадибхаад̇и убадтаад̇ийд̇и бадибхаанам̣, яат̇аад̇хиббзд̇о ад̇т̇о, д̇ам̣ бадибхаанам̣. сикааббад̇д̇аа взбуллаббад̇д̇аа на бхависсад̇и бад̣̇зсан̃аан̣з тид̇зхи бхаасид̇ад̇д̇аа. сикааббад̇д̇аа взбуллаббад̇д̇аа бхависсад̇и саб̣б̣ан̃н̃уд̇ан̃н̃аан̣зна сам̣санд̣̇ид̇ад̇д̇аа. вуд̇д̇амзвад̇т̇ам̣ убамааяа вибхаавзд̇ум̣ ‘‘яат̇аа хий’’д̇иаад̣̇и вуд̇д̇ам̣. д̇ад̇т̇а бажжад̇т̇игаа аддияанд̇и д̣̇угкааяанд̇и зд̇знаад̇и аддо, винижчид̇аб̣б̣авохааро. г̇аамабхож̇аганд̇и яасмим̣ г̇аамз со уббанно, д̇ам̣ г̇аамабхож̇агам̣. ж̇анабад̣̇абхож̇аганд̇и яасмим̣ ж̇анабад̣̇з со уббанно, д̇ам̣ ж̇анабад̣̇абхож̇агам̣. махаавинижчаяаамажжанд̇и яасмим̣ раж̇ж̇з со ж̇анабад̣̇о, д̇асса рааж̇ад̇хаанияам̣ махаавинижчаяаамажжам̣. сзнаабад̇инд̇и яасса ран̃н̃о со амажжо, д̇асса сзнаабад̇им̣. д̇ат̇аа убарааж̇анд̇и абараабарам̣ на сан̃жарад̇и винижчаяанаарахзна винижчид̇абхаавад̇о.
багадтаанам̣ баал̣и, барияад̇д̇ид̇хаммо. буримасса ад̇т̇асса бажчимзна ад̇т̇зна анусанд̇хаанам̣ анусанд̇хи. ад̇т̇амукзна бана баал̣ибад̣̇зсаанамби анусанд̇хи ход̇иязва, со жа буб̣б̣аабараанусанд̇хи-бужчаанусанд̇хи-аж̇жхаасаяаанусанд̇хи-яат̇аанусанд̇хивасзна жад̇уб̣б̣ид̇хо. д̇ам̣д̇ам̣д̣̇зсанаанам̣ бана буб̣б̣аабарасам̣санд̣̇анам̣ буб̣б̣аабарам̣. баал̣ивасзна анусанд̇хивасзна буб̣б̣аабаравасзнаад̇и бажжзгам̣ яож̇зд̇аб̣б̣ам̣. уг̇г̇ахид̇анд̇и б̣яан̃ж̇анасо ад̇т̇асо жа уд̣̇д̇хам̣ уд̣̇д̇хам̣ г̇ахид̇ам̣, барияаабун̣анавасзна жзва барибужчаавасзна жа хад̣̇аязна г̇ахид̇анд̇и ад̇т̇о. ваддад̣̇угканиссаран̣ад̇т̇игзхи сод̇аб̣б̣ад̇о суд̇ам̣, барияад̇д̇ид̇хаммо, д̇ам̣ д̇хаарзд̇ийд̇и суд̇ад̇харо. яо хи суд̇ад̇харо, суд̇ам̣ д̇асмим̣ бад̇идтид̇ам̣ ход̇и суббад̇идтид̇ам̣, д̇асмаа вуд̇д̇ам̣ ‘‘суд̇асса аад̇хаарабхууд̇о’’д̇и. д̇знааха ‘‘яасса хий’’д̇иаад̣̇и. згабад̣̇ам̣ згагкарамби авинадтам̣ худ̇ваа саннижийяад̇ийд̇и саннижаяо, суд̇ам̣ саннижаяо зд̇асминд̇и суд̇асаннижаяо. аж̇жхосааяаад̇и анубависид̇ваа. д̇идтад̇ийд̇и на муссад̇и.
тид̇аа баг̇ун̣аад̇и баг̇ун̣аа ваажуг̇г̇ад̇аа. нижжалид̇анд̇и абаривад̇д̇ид̇ам̣. сам̣санд̣̇ид̇ваад̇и ан̃н̃зхи сам̣санд̣̇ид̇ваа. самануг̇г̇аахид̇ваад̇и барибужчаавасзна ад̇т̇ам̣ ог̇аахзд̇ваа. баб̣анд̇хасса виб̣анд̇хаабхаавад̇о г̇ан̇г̇аасод̇асад̣̇исам̣, ‘‘бхаван̇г̇асод̇асад̣̇иса’’нд̇и ваа баато, агид̇д̇имам̣ сукаббавад̇д̇ийд̇и ад̇т̇о. суд̇д̇згад̣̇зсасса суд̇д̇асса жа важасаа барижаяо ид̇ха наад̇хиббзд̇о, ваг̇г̇аад̣̇ивасзна бана ад̇хиббзд̇од̇и ааха ‘‘суд̇д̇ад̣̇асага…бз… саж̇жхааяид̇аа’’д̇и, ‘‘д̣̇аса суд̇д̇аани г̇ад̇аани, д̣̇аса ваг̇г̇ааг̇ад̇аа’’д̇иаад̣̇инаа саллагкзд̇ваа ваажааяа саж̇жхааяид̇аад̇и ад̇т̇о. манасаа ану ану бзгкид̇аа бхааг̇асо ниж̇жхааяид̇аа жинд̇ид̇аа манасаанубзгкид̇аа. руубаг̇ад̇ам̣ вияа бан̃н̃ааяад̇ийд̇и руубаг̇ад̇ам̣ вияа жагкусса вибхууд̇ам̣ худ̇ваа бан̃н̃ааяад̇и. суббадивид̣̇д̇хаад̇и ниж̇ж̇адам̣ ниг̇г̇умб̣ам̣ гад̇ваа судту яаат̇аавад̇о бадивид̣̇д̇хаа.
баж̇ж̇ад̇и ад̇т̇о н̃ааяад̇и зд̇знаад̇и бад̣̇ам̣, д̇ад̣̇зва ад̇т̇ам̣ б̣яан̃ж̇зд̇ийд̇и б̣яан̃ж̇ананд̇и ааха ‘‘бад̣̇амзва ад̇т̇асса б̣яан̃ж̇анад̇о бад̣̇аб̣яан̃ж̇ана’’нд̇и. агкарабаарибуурияаа бад̣̇аб̣яан̃ж̇анасса ‘‘д̣̇асавид̇хаб̣яан̃ж̇анаб̣уд̣̇д̇хияо абарихаабзд̇ваа’’д̇и. ан̃н̃ам̣ убаарамбхагаранд̇и яат̇аанигкид̇д̇асуд̇д̇ад̇о ан̃н̃ам̣ д̇асса анануломагам̣ суд̇д̇ам̣ аахарад̇и. д̇ад̣̇ад̇т̇ам̣ од̇аарзд̇ийд̇и д̇асса аахадасуд̇д̇ассзва ад̇т̇ам̣ вижаарзд̇и. д̇асса гат̇аа абариман̣д̣алаа наама ход̇и ад̇т̇асса абарибун̣н̣абхаавад̇о. яат̇аанигкид̇д̇асса суд̇д̇асса ад̇т̇асам̣ван̣н̣анаавасзнзва суд̇д̇анд̇арамби аанзнд̇о б̣ахи згабад̣̇амби на г̇ажчад̇и наама. амагкзнд̇од̇и авинаасзнд̇о. д̇ам̣ д̇ам̣ ад̇т̇ам̣ судту вавад̇т̇ид̇ам̣ гад̇ваа д̣̇ассзнд̇о д̇улигааяа барижчинд̣̇анд̇о вияа. г̇амбхийрад̇арамад̇т̇ам̣ г̇амбхийрамаад̇игааяа уд̣̇агам̣ бзсзнд̇о вияа. уд̇д̇аанамаад̇игааяа хи марияаад̣̇ам̣ од̇т̇арид̇ваа уд̣̇агам̣ ан̃н̃ат̇аа г̇ажчзяяа. згам̣язва бад̣̇ам̣ анзгзхи барияааязхи бунаббунам̣ сам̣ван̣н̣знд̇о бад̣̇ам̣ годдзнд̇о синд̇хавааж̇аанийяо вияа. со хи ваг̇г̇ид̇ааяа г̇ад̇ияаа бад̣̇з бад̣̇ам̣ годдзнд̇о г̇ажчад̇и. гат̇аамаг̇г̇зна д̇асса гат̇аа бариман̣д̣алаа наама ход̇и д̇хаммад̇о ад̇т̇ад̇о анусанд̇хид̇о буб̣б̣аабарад̇о аажарияуг̇г̇ахад̇од̇и саб̣б̣асо барибун̣н̣абхаавад̇о.
ануббаб̣анд̇хзхийд̇и виссадтзхи аасаж̇ж̇амаанзхи. наад̇исийгхам̣ наад̇исан̣игам̣ ниранд̇арам̣ згарасан̃жа гад̇ваа барисааяа аж̇жхаасаяаануруубам̣ д̇хаммам̣ гат̇знд̇о виссадтааяа гат̇ааяа гат̇зд̇и наама, на ан̃н̃ат̇аад̇и д̣̇ассзнд̇о ‘‘яо бхигкуу’’д̇иаад̣̇имааха. аран̣им̣ мант̇знд̇о вияа, ун̣хакаад̣̇анийяам̣ каад̣̇анд̇о вияаад̇и сийгхам̣ сийгхам̣ гат̇анасса уд̣̇аахаран̣ам̣, г̇ахид̇ам̣ г̇ахид̇амзваад̇иаад̣̇и лан̇гхзд̇ваа гат̇анасса. бураан̣абан̣н̣анд̇арзсу хи барибаад̇ияамаанаг̇од̇хаа гад̣̇аажи д̣̇иссад̇и, звамзгажжасса ад̇т̇аван̣н̣анаа гад̇т̇ажи на д̣̇иссад̇и. охааяаад̇и табзд̇ваа. яобийд̇иаад̣̇инаа згаруубзна гат̇ааяа агат̇анам̣ д̣̇ассзд̇и. бзд̇аг̇г̇и ниж̇жхаамад̇ан̣хигабзд̇асса мукад̇о нижчаран̣агааг̇г̇и. вид̇т̇ааяад̇ийд̇и аббадид̇аанад̇амаабаж̇ж̇ад̇и. гзнажи рог̇зна д̣̇угкам̣ бад̇д̇о вияа нид̇т̇унанд̇о. ганд̣̇анд̇о вияаад̇и уггудтим̣ гаронд̇о вияа. аббаб̣анд̇хаа наама ход̇и сукзна аббавад̇д̇абхаавад̇о. аажариязхи д̣̇иннанаяз тид̇од̇и аажарияуг̇г̇ахам̣ амун̃жанд̇о, яат̇аа жа аажарияаа д̇ам̣ д̇ам̣ суд̇д̇ам̣ сам̣ван̣н̣зсум̣, д̇знзва наязна сам̣ван̣н̣знд̇од̇и ад̇т̇о. ажчиннад̇хаарам̣ гад̇ваад̇и ‘‘наад̇исийгхам̣ наад̇исан̣ига’’нд̇иаад̣̇инаа хздтаа вуд̇д̇анаязна авижчиннам̣ гат̇аабаб̣анд̇хам̣ гад̇ваа. анусаяасамуг̇гхаад̇ааяаад̇и иминаа д̇ассаа гат̇ааяа арахад̇д̇абарияосаанад̇ам̣ д̣̇ассзд̇и зваруубзнаад̇и наяид̣̇ам̣ згаважанам̣ д̇ад̇д̇агавасзна г̇ахзд̇аб̣б̣ам̣, ат̇а ко лагкан̣з бавад̇д̇анд̇и д̣̇ассзнд̇о ‘‘д̇ат̇ааруубзнзва бхигкусад̇зна бхигкусахассзна ваа’’д̇и вуд̇д̇ам̣. баллан̇гзнаад̇и баллан̇габад̣̇зсзна, баллан̇гаасананд̇знаад̇и ад̇т̇о. иминаа наязнаад̇и вааранд̇арасаад̇хааран̣ам̣ ад̇т̇ам̣ ад̇ид̣̇исад̇и, асаад̇хааран̣ам̣ бана вагкад̇зваад̇и.
334. аарамад̇и зд̇знаад̇и аараамо.
335. д̇хувасзвананд̇и нияад̇асзвид̇ам̣. баасаад̣̇абаривзн̣зд̇и баасаад̣̇ан̇г̇ан̣з. наабхияаа бад̇идтид̇аананд̇и наабхияаа бхуумияам̣ бад̇идтид̇аанам̣. аранд̇араанийд̇и аравивараани д̇ам̣д̇ам̣араанам̣ взмаж̇жхадтаанаани.
336. самаад̣̇иннааран̃н̃ад̇худ̇ан̇г̇о ааран̃н̃иго, на аран̃н̃аваасамад̇д̇зна.
337. на осаад̣̇знд̇ийд̇и на авасаад̣̇знд̇и, на авасаад̣̇анаабзгкаа ан̃н̃аман̃н̃ам̣ бан̃хам̣ бужчанд̇ийд̇и ад̇т̇о. бавад̇д̇инийд̇и баг̇ун̣аа.
338. логуд̇д̇араа вихаарасамаабад̇д̇и наама т̇зрасса арахад̇д̇апаласамаабад̇д̇ияо, барияааяад̇о бана нирод̇хасамаабад̇д̇иби взд̣̇ид̇аб̣б̣аа.
339. саад̇хугааро аананд̣̇ад̇т̇зрасса д̣̇инно. д̇знааха бхаг̇аваа ‘‘яат̇аа д̇ам̣ аананд̣̇ова саммаа б̣яаагарамаано б̣яаагарзяяаа’’д̇иаад̣̇и. саммаад̇и судту, яат̇аааж̇жхаасаяанд̇и ад̇хиббааяо. язна хи яам̣ яат̇аажид̇д̇ам̣ гат̇ид̇ам̣, д̇ам̣ саммаа гат̇ид̇ам̣ наама ход̇и. самбад̇д̇авасзна хи яат̇аагаарий д̇ат̇ааваад̣̇ий собхад̇и. д̇знааха ‘‘ад̇д̇ано анужчавигамзваа’’д̇иаад̣̇и. б̣ахуссуд̇о бхигку д̇ад̇т̇а д̇ад̇т̇а суд̇д̇з сийлаад̣̇ийнам̣ ааг̇ад̇адтаанз д̇зсам̣ сувид̣̇ид̇ад̇д̇аа яат̇аанусидтам̣ бадибаж̇ж̇амаано д̇аани барибуурзд̇ийд̇и ааха ‘‘сийласса ааг̇ад̇адтаанз’’д̇иаад̣̇и. маг̇г̇аад̣̇ибасаванааяа вибассанааг̇аб̣бхам̣ г̇ан̣хаабзд̇ваа барибаагам̣ г̇амзд̇ваад̇и ад̇т̇о.
340. ‘‘зсзва наяо’’д̇и ад̇ид̣̇зсавасзна сан̇кзбад̇о вуд̇д̇амад̇т̇ам̣ виваранд̇о ‘‘ааяасмаа хи рзвад̇о’’д̇иаад̣̇имааха.
342. абарзби наанаббагаарз гилзсзд̇и абарзби наанаббагаарз д̣̇осамохаад̣̇игилзсз. д̇хунид̇ваад̇и вид̇хамзд̇ваа.
343. ааяасмаа махаамог̇г̇аллаано звам̣ б̣яаагаасийд̇и самб̣анд̇хо. сагаламби жагкувин̃н̃аан̣авийт̇иг̇ад̇ам̣ жид̇д̇ам̣ жагкувин̃н̃аан̣анд̇и аг̇г̇ахзд̇ваа жагкусанниссид̇амзва бана вин̃н̃аан̣ам̣ жагкувин̃н̃аан̣ам̣, д̇ад̣̇ананд̇арам̣ самбадижчанам̣, д̇ад̣̇ананд̇арам̣ санд̇ийран̣анд̇иаад̣̇инаа сан̣хам̣ сукумам̣ ад̇иид̇д̇аракан̣аванд̇ам̣ жид̇д̇анд̇арам̣ жид̇д̇анаанад̇д̇ам̣. канд̇хаад̣̇ийнан̃жа наанад̇д̇асан̇каад̇ам̣ канд̇ханд̇араад̣̇и. бат̇авийгасин̣з батамаж̇жхаанам̣ самаабаж̇ж̇ид̇ваа д̇ат̇зва д̇ад̇ияам̣ жхаананд̇иаад̣̇инаа аарамман̣ам̣ ануггамид̇ваа жхаанассзва зганд̇аригабхаавзна уггаманам̣ жхааногганд̇игам̣ наама. бат̇авийгасин̣з батамам̣ жхаанам̣ самаабаж̇ж̇ид̇ваа буна д̇ад̣̇зва д̇зж̇огасин̣зд̇иаад̣̇инаа жхаанам̣ ануггамид̇ваа аарамман̣ассзва зганд̇аригабхаавзна уггаманам̣ аарамман̣огганд̇игам̣ наама. ‘‘батамаж̇жхаанам̣ бан̃жан̇г̇ига’’нд̇иаад̣̇инаа яаава нзвасан̃н̃аанаасан̃н̃ааяад̇анам̣ д̣̇уван̇г̇иганд̇и жхаанан̇г̇амад̇д̇ассзва вавад̇т̇аабанам̣ ан̇г̇ававад̇т̇аанам̣. ‘‘ид̣̇ам̣ бат̇авийгасин̣ам̣…бз… ид̣̇ам̣ од̣̇аад̇агасин̣а’’нд̇и аарамман̣амад̇д̇ассзва вавад̇т̇аабанам̣ аарамман̣ававад̇т̇аанам̣. бат̇авийгасин̣з батамам̣ жхаанам̣ самаабаж̇ж̇ид̇ваа д̇ад̇т̇зва ид̇арзсамби самаабаж̇ж̇анам̣ ан̇г̇асан̇ганд̇и. бат̇авийгасин̣з батамам̣ жхаанам̣ самаабаж̇ж̇ид̇ваа д̇ад̣̇зва аабогасин̣зд̇и звам̣ саб̣б̣агасин̣зсу згассзва жхаанасса самаабаж̇ж̇анам̣ аарамман̣асан̇ганд̇и. згад̇овад̣дханам̣ убхад̇овад̣дхананд̇и ид̣̇ам̣ канд̇хаад̣̇ид̣̇зсанааяам̣ лаб̣бхад̇и. абхид̇хаммабхааж̇анийяз хи взд̣̇анаагканд̇хам̣ бхааж̇знд̇о бхаг̇аваа д̇игз г̇ахзд̇ваа д̣̇угзсу багкиби, д̣̇угз г̇ахзд̇ваа д̇игзсу багкиби, ид̣̇ам̣ згад̇овад̣дханам̣. д̇игз жа д̣̇угз жа убхад̇овад̣дхананийхаарзна гат̇зси, ид̣̇ам̣ убхад̇овад̣дханам̣. звам̣ сзсаканд̇хзсу д̇хаад̇ааяад̇анаад̣̇ийсу жа яат̇аарахам̣ вибхан̇г̇аббагаран̣з (вибха. 32-33; 155-156, 183-184) абхид̇хаммабхааж̇анийяз ааг̇ад̇анаязна взд̣̇ид̇аб̣б̣ам̣. д̇знааха ‘‘аабхид̇хаммигад̇хаммагат̇игассзва баагада’’нд̇и. канд̇хаад̣̇ийсу сабхаавад̇хаммзсу д̇ийсу лагкан̣зсу бан̃н̃ад̇д̇ияам̣ самаяанд̇арзсу жа госаллаабхаавад̇о аяам̣ сагаваад̣̇о аяам̣ бараваад̣̇од̇и на ж̇аанаад̇и. д̇ад̇о зва сагаваад̣̇ам̣…бз… д̇хамманд̇арам̣ висам̣ваад̣̇зд̇и. канд̇хаад̣̇ийсу бана гусалад̇ааяа аабхид̇хаммиго сагаваад̣̇ам̣…бз… на висам̣ваад̣̇зд̇и.
344. жид̇д̇ам̣ ад̇д̇ано васз вад̇д̇зд̇ум̣ саггод̇и бадисан̇каанабхааванааб̣алзхи бариг̇г̇ан̣ханасамад̇т̇ад̇д̇аа. ид̣̇аани д̇амад̇т̇ам̣ б̣яад̇ирзгад̇о анваяад̇о жа вибхаавзд̇ум̣ ‘‘д̣̇уббан̃н̃о хий’’д̇иаад̣̇имааха. д̇ад̇т̇а саб̣б̣аанассаад̇и саб̣б̣аани асса. висзвид̇авибпанд̣̇ид̇аанийд̇и гилзсависуугааяигаани жзва д̣̇ужжарид̇авибпанд̣̇ид̇аани жа. бхан̃ж̇ид̇ваад̇и мад̣̇д̣̇ид̇ваа. б̣ахийд̇и гаммадтаанад̇о б̣ахи бут̇уд̇д̇аарамман̣з.
345. барияааязнаад̇и зд̇т̇а барияааяа-сад̣̇д̣̇о ‘‘ад̇т̇и квзса, б̣раахман̣а, барияааяо’’д̇иаад̣̇ийсу (а. ни. 8.11; баараа. 3-9) вияа гааран̣ад̇т̇од̇и ааха ‘‘собханагааран̣ам̣ ад̇т̇ий’’д̇и. яад̣̇и бхаг̇аваа – ‘‘ид̇ха, саарибуд̇д̇а, бхигку бажчаабхад̇д̇ам̣ бин̣д̣абаад̇абадигганд̇о’’д̇иаад̣̇инаа ад̇д̇ано махааб̣од̇хибаллан̇гам̣ санд̇хааяааха, звам̣ санд̇з саммаасамб̣уд̣̇д̇хзхзва сан̇гхаараамо собхзд̇аб̣б̣о, на ан̃н̃зхийд̇и аабаннанд̇и ааха ‘‘абижа бажчимам̣ ж̇анад̇а’’нд̇иаад̣̇и. ниб̣б̣аанад̇т̇ааяа бадибад̇д̇исаарам̣ зд̇ассаад̇и бадибад̇д̇исааро, д̇ам̣ бадибад̇д̇исаарам̣. ниббарияааязнзваад̇и гзнажи барияааязна лзсзна винаа мукязна наязнзва. яо ‘‘арахад̇д̇ам̣ аббад̇ваа на вудтахиссаамий’’д̇и д̣̇ал̣хасамаад̣̇аанам̣ гад̇ваа нисинно д̇ам̣ ад̇хиг̇анд̇ваава удтахад̇и. зваруубзна ид̣̇ам̣ г̇осин̇г̇асаалаванам̣ собхад̇и, саасанз саб̣б̣аарамбхаанам̣ д̇ад̣̇ад̇т̇ад̇д̇аад̇и ад̇т̇о. аасавагкаяаавахам̣ бадибад̇д̇им̣ аарабхид̇ваа аасавагкаязнзва д̣̇зсанааяа барияосаабид̇ад̇д̇аа яат̇аанусанд̇хинаава д̣̇зсанам̣ нидтабзсийд̇и.
махааг̇осин̇г̇асуд̇д̇аван̣н̣анааяа лийнад̇т̇аббагаасанаа самад̇д̇аа.
3. махааг̇обаалагасуд̇д̇аван̣н̣анаа
346. д̇ад̇т̇аад̇и д̇иссо гат̇аад̇и (а. ни. дий. 3.11.17) д̇иссо адтагат̇аа, д̇ивид̇хаа суд̇д̇асса ад̇т̇аван̣н̣анаад̇и ад̇т̇о. згзгам̣ бад̣̇ам̣ наал̣ам̣ муулам̣ зд̇иссаад̇и звам̣сан̃н̃ид̇аа зганаал̣игаа, згзгам̣ ваа бад̣̇ам̣ наал̣ам̣ ад̇т̇аниг̇г̇аманамаг̇г̇о зд̇иссаад̇и зганаал̣игаа. д̇знааха ‘‘згзгабад̣̇асса ад̇т̇агат̇ана’’нд̇и. жад̇д̇ааро ам̣саа бхааг̇аа ад̇т̇асаллагкан̣уубааяаа зд̇иссаад̇и жад̇урассаа. д̇знааха ‘‘жад̇уггам̣ б̣анд̇хид̇ваа гат̇ана’’нд̇и. нияамад̇о нисиннасса аарад̣̇д̇хасса нисиннавад̇д̇игаа, яат̇аарад̣̇д̇хасса ад̇т̇асса висум̣ висум̣ барияосаабигаад̇и ад̇т̇о. д̇знааха ‘‘бан̣д̣ид̇ам̣ г̇обаалагам̣ д̣̇ассзд̇ваа’’д̇иаад̣̇и. згзгабад̣̇ассаад̇и бин̣д̣ад̇т̇ад̣̇ассанавасзна б̣ахуннам̣ бад̣̇аанам̣ згаж̇жхам̣ ад̇т̇ам̣ агат̇зд̇ваа згамзгасса бад̣̇асса ад̇т̇аван̣н̣анаа. аяам̣ саб̣б̣ад̇т̇зва лаб̣бхад̇и. жад̇уггам̣ б̣анд̇хид̇ваад̇и ган̣хабагкз убамуубамзяяад̣̇ваяам̣, д̇ат̇аа суггабагкзд̇и ид̣̇ам̣ жад̇уггам̣ яож̇зд̇ваа. аяам̣ ийд̣̇исзсу зва суд̇д̇зсу лаб̣бхад̇и. барияосаанаг̇амананд̇и гзжи д̇аава ааху – ‘‘ган̣хабагкз убамам̣ д̣̇ассзд̇ваа убамаа жа наама яаавад̣̇зва убамзяяасамбадид̣̇аанад̇т̇аад̇и убамзяяад̇т̇ам̣ аахарид̇ваа сам̣гилзсабагканид̣̇д̣̇зсо жа вод̣̇аанабагкавибхааванад̇т̇ааяаад̇и суггабагкамби убамуубамзяяавибхааг̇зна аахарид̇ваа суд̇д̇ад̇т̇асса барияосаабана’’нд̇и. ган̣хабагкз убамзяяам̣ д̣̇ассзд̇ваа барияосаанаг̇аманаад̣̇ийсуби зсзва наяо. абарз бана ‘‘ган̣хабагкз суггабагкз жа д̇ам̣д̇ам̣убамуубамзяяад̇т̇аанам̣ висум̣ висум̣ барияосаабзд̇ваава гат̇анам̣ барияосаанаг̇амана’’нд̇и вад̣̇анд̇и. аяанд̇и нисиннавад̇д̇игаа. ид̇хаад̇и имасмим̣ г̇обаалагасуд̇д̇з. саб̣б̣аажарияаанам̣ аажин̣н̣аад̇и саб̣б̣зхиби буб̣б̣аажариязхи аажарид̇аа сам̣ван̣н̣ид̇аа, д̇ат̇аа жзва баал̣и бавад̇д̇аад̇и.
ан̇г̇ийяанд̇и аваяавабхаавзна н̃ааяанд̇ийд̇и ан̇г̇аани, бхааг̇аа. д̇аани банзд̇т̇а яасмаа сааваж̇ж̇асабхааваани, д̇асмаа ааха ‘‘ан̇г̇зхийд̇и аг̇ун̣агодтаасзхий’’д̇и. г̇оман̣д̣аланд̇и г̇осамуухам̣. барихарид̇унд̇и рагкид̇ум̣. д̇ам̣ бана барихаран̣ам̣ бариг̇г̇ахзд̇ваа вижаран̣анд̇и ааха ‘‘бариг̇г̇ахзд̇ваа вижарид̇у’’нд̇и. вад̣дхинд̇и г̇уннам̣ б̣ахубхаавам̣ б̣ахуг̇орасад̇аасан̇каад̇ам̣ баривуд̣̇д̇хим̣. ‘‘зд̇д̇агамид̣̇а’’нд̇и руубийяад̇ийд̇и руубам̣, баримаанабарижчзд̣̇оби сарийраруубамбийд̇и ааха ‘‘г̇ан̣анад̇о ваа ван̣н̣ад̇о ваа’’д̇и. на бариязсад̇и винадтабхаавассзва аж̇аананад̇о. нийлаад̇и зд̇т̇а ид̇и-сад̣̇д̣̇о аад̣̇иад̇т̇о. д̇зна сзд̇асаб̣алаад̣̇иван̣н̣ам̣ сан̇г̇ан̣хаад̇и.
д̇ханусад̇д̇исуулаад̣̇ийд̇и д̇ханулагкан̣ам̣. гумаарабхад̇д̇иг̇ан̣аанам̣ г̇аавийсу гад̇ам̣ сад̇д̇илагкан̣ам̣. иссарабхад̇д̇иг̇ан̣аанам̣ г̇аавийсу гад̇ам̣ суулалагкан̣анд̇и яож̇анаа. аад̣̇и-сад̣̇д̣̇зна раамаваасуд̣̇зваг̇ан̣аад̣̇ийнам̣ г̇аавийсу гад̇ам̣ парасужаггаад̣̇илагкан̣ам̣ сан̇г̇ан̣хаад̇и.
нийламагкигаад̇и бин̇г̇аламагкигаа, куд̣̇д̣̇амагкигаа зва ваа. садад̇и руж̇ад̇и зд̇ааяаад̇и саадигаа, сам̣вад̣̇д̇хаа саадигаад̇и аасаадигаа. д̇знааха ‘‘вад̣дханд̇ий’’д̇иаад̣̇и.
ваагзнаад̇и жийрагзнаад̇и билод̇игзна. анд̇овассзд̇и вассагааласса аб̣бханд̇арз. ниг̇г̇ааханд̇и сусумаараад̣̇иг̇г̇аахарахид̇ам̣. бийд̇анд̇и баанийяасса бийд̇абхаавам̣. сийхаб̣яаг̇гхаад̣̇ибариссаязна саасан̇го саббадибхаяо.
бан̃жа ахаани бхууд̇аани зд̇ассаад̇и бан̃жаахид̇о, со зва ваарод̇и бан̃жаахигавааро. звам̣ сад̇д̇аахигаваарод̇и взд̣̇ид̇аб̣б̣о. жин̣н̣адтаананд̇и жарид̇адтаанам̣ г̇ожараг̇г̇ахид̇адтаанам̣.
бид̇удтаананд̇и бид̇араа гаад̇аб̣б̣адтаанам̣, бид̇араа гаад̇аб̣б̣агаран̣анд̇и ад̇т̇о. яат̇ааружим̣ г̇ахзд̇ваа г̇ажчанд̇ийд̇и г̇уннам̣ ружиануруубам̣ г̇ожарабхуумияам̣ ваа над̣̇ибаарам̣ ваа г̇ахзд̇ваа г̇ажчанд̇и. г̇обхад̇д̇анд̇и габбаасадтигаад̣̇имиссам̣ г̇обхун̃ж̇ид̇аб̣б̣ам̣ бхад̇д̇ам̣, бхад̇д̇аг̇г̇ахан̣знзва яааг̇уби г̇ахид̇аа.
347. ‘‘д̣̇вийхаагаарзхий’’д̇и вуд̇д̇ам̣ аагаарад̣̇ваяам̣ д̣̇ассзд̇ум̣ ‘‘г̇ан̣анад̇о ваа самудтаанад̇о ваа’’д̇и вуд̇д̇ам̣. звам̣ баал̣ияам̣ ааг̇ад̇аад̇и ‘‘убажаяо санд̇ад̇ий’’д̇и ж̇аад̇им̣ д̣̇вид̇хаа бхинд̣̇ид̇ваа хад̣̇аяавад̇т̇ум̣ аг̇г̇ахзд̇ваа ‘‘д̣̇аса ааяад̇анаани бан̃жад̣̇аса сукумаруубааний’’д̇и звам̣ руубаган̣д̣абаал̣ияам̣ (д̇ха. са. 651-655) ааг̇ад̇аа. бан̃жавийсад̇и руубагодтаасаад̇и салагкан̣ад̇о ан̃н̃аман̃н̃асан̇гараабхаавад̇о руубабхааг̇аа. руубагодтаасаад̇и ваа висум̣ висум̣ аббавад̇д̇ид̇ваа галаабабхаавзнзва бавад̇д̇анад̇о руубагалаабаа. годтаасаад̇и жа ам̣саа, аваяаваад̇и ад̇т̇о. годтанд̇и ваа сарийрам̣, д̇асса ам̣саа гзсаад̣̇аяо годтаасаад̇и ан̃н̃зби аваяаваа годтаасаа вияа годтаасаа. сзяяат̇аабийд̇и убамаасам̣санд̣̇анам̣. д̇ад̇т̇а руубам̣ бариг̇г̇ахзд̇ваад̇и яат̇аавуд̇д̇ам̣ руубам̣ салагкан̣ад̇о н̃аан̣зна бариг̇г̇ан̣хид̇ваа. аруубам̣ вавад̇т̇абзд̇ваад̇и д̇ам̣ руубам̣ ниссааяа аарамман̣ан̃жа гад̇ваа бавад̇д̇амаанз взд̣̇анаад̣̇игз жад̇д̇ааро канд̇хз ‘‘арууба’’нд̇и вавад̇т̇абзд̇ваа. руубааруубам̣ бариг̇г̇ахзд̇ваад̇и буна д̇ад̇т̇а яам̣ руббаналагкан̣ам̣, д̇ам̣ руубам̣, д̇ад̣̇ан̃н̃ам̣ аруубам̣, убхаяавинимуд̇д̇ам̣ гин̃жи над̇т̇и ад̇д̇аа ваа ад̇д̇анияам̣ ваад̇и звам̣ руубааруубам̣ бариг̇г̇ахзд̇ваа. д̇ад̣̇убхаяан̃жа авиж̇ж̇аад̣̇инаа бажжаязна саббажжаяанд̇и бажжаяам̣ саллагкзд̇ваа анижжаад̣̇илагкан̣ам̣ ааробзд̇ваа яо галаабасаммасанаад̣̇иггамзна гаммадтаанам̣ мад̇т̇агам̣ баабзд̇ум̣ на саггод̇и, со на вад̣дхад̇ийд̇и яож̇анаа.
зд̇д̇агам̣ руубам̣ згасамудтаананд̇и жагкааяад̇анам̣, сод̇агхаанаж̇ивхаагааяааяад̇анам̣ ид̇т̇инд̣̇рияам̣ бурисинд̣̇рияам̣ ж̇ийвид̇инд̣̇рияанд̇и адтавид̇хам̣ гаммавасзна, гааяавин̃н̃ад̇д̇и важийвин̃н̃ад̇д̇ийд̇и ид̣̇ам̣ д̣̇ваяам̣ жид̇д̇авасзнаад̇и зд̇д̇агам̣ руубам̣ згасамудтаанам̣. сад̣̇д̣̇ааяад̇анамзгам̣ уд̇ужид̇д̇авасзна д̣̇висамудтаанам̣. руубасса лахуд̇аа муд̣̇уд̇аа гамман̃н̃ад̇аад̇и зд̇д̇агам̣ руубам̣ уд̇ужид̇д̇аахааравасзна д̇исамудтаанам̣. руубаг̇анд̇харасаподтаб̣б̣ааяад̇анам̣ аагаасад̇хаад̇у аабод̇хаад̇у габ̣ал̣ийгааро аахаарод̇и зд̇д̇агам̣ руубам̣ уд̇ужид̇д̇аахаарагаммавасзна жад̇усамудтаанам̣. убажаяо санд̇ад̇и ж̇арад̇аа руубасса анижжад̇аад̇и зд̇д̇агам̣ руубам̣ на гуд̇ожи самудтаад̇ийд̇и на ж̇аанаад̇и. самудтаанад̇о руубам̣ аж̇аананд̇од̇иаад̣̇ийсу вад̇д̇аб̣б̣ам̣ ‘‘г̇ан̣анад̇о руубам̣ аж̇аананд̇о’’д̇иаад̣̇зсу вуд̇д̇анаязнзва взд̣̇ид̇аб̣б̣ам̣.
гаммалагкан̣од̇и ад̇д̇анаа гад̇ам̣ д̣̇ужжарид̇агаммам̣ лагкан̣ам̣ зд̇ассаад̇и гаммалагкан̣о, б̣аало. вуд̇д̇ан̃хзд̇ам̣ – ‘‘д̇ийн̣имаани, бхигкавз, б̣ааласса б̣аалалагкан̣аани. гад̇амаани д̇ийн̣и? д̣̇ужжинд̇ид̇ажинд̇ий ход̇и, д̣̇уб̣бхаасид̇абхаасий, д̣̇уггадагаммагаарий. имаани ко…бз… лагкан̣ааний’’д̇и (а. ни. 3.2; нзд̇д̇и. 116). ад̇д̇анаа гад̇ам̣ сужарид̇агаммам̣ лагкан̣ам̣ зд̇ассаад̇и гаммалагкан̣о, бан̣д̣ид̇о. вуд̇д̇амби жзд̇ам̣ – ‘‘д̇ийн̣имаани, бхигкавз, бан̣д̣ид̇асса бан̣д̣ид̇алагкан̣аани. гад̇амаани д̇ийн̣и? сужинд̇ид̇ажинд̇ий ход̇и, субхаасид̇абхаасий, сугад̇агаммагаарий. имаани ко…бз… бан̣д̣ид̇алагкан̣ааний’’д̇и (ма. ни. 3.253; а. ни. 3.3; нзд̇д̇и. 116). д̇знааха ‘‘гусалаагусалам̣ гаммам̣ бан̣д̣ид̇амаалалагкан̣а’’нд̇и. б̣аалз важ̇ж̇зд̇ваа бан̣д̣ид̇з на сзвад̇ийд̇и яам̣ б̣аалабуг̇г̇алз важ̇ж̇зд̇ваа бан̣д̣ид̇асзванам̣ ад̇т̇агаамзна гаад̇аб̣б̣ам̣, д̇ам̣ на гарод̇и. д̇ат̇аабхууд̇асса аяамаад̣̇ийнавод̇и д̣̇ассзд̇ум̣ буна ‘‘б̣аалз важ̇ж̇зд̇ваа’’д̇иаад̣̇и вуд̇д̇ам̣. д̇ад̇т̇а яам̣ бхаг̇авад̇аа ‘‘ид̣̇ам̣ во габбад̇ий’’д̇и анун̃н̃аад̇ам̣, д̇ад̣̇ануломан̃жз, д̇ам̣ габбияам̣. яам̣ ‘‘ид̣̇ам̣ во на габбад̇ий’’д̇и бадигкид̇д̇ам̣, д̇ад̣̇ануломан̃жз, д̇ам̣ агаббияам̣. яам̣ госалласамбхууд̇ам̣, д̇ам̣ гусалам̣, д̇аббадибагкам̣ агусалам̣. д̇ад̣̇зва сааваж̇ж̇ам̣, гусалам̣ анаваж̇ж̇ам̣. аабад̇д̇ид̇о аад̣̇ид̇о д̣̇вз аабад̇д̇игканд̇хаа г̇аругам̣, д̇ад̣̇ан̃н̃ам̣ лахугам̣. д̇хаммад̇о махаасааваж̇ж̇ам̣ г̇аругам̣, аббасааваж̇ж̇ам̣ лахугам̣. саббадигаарам̣ сад̇згижжам̣, аббадигаарам̣ ад̇згижчам̣. д̇хаммад̇аануг̇ад̇ам̣ гааран̣ам̣, ид̇арам̣ агааран̣ам̣. д̇ам̣ аж̇аананд̇од̇и габбияаагаббияам̣ г̇аругалахугам̣ сад̇згижчаад̇згижчам̣ аж̇аананд̇о сувисуд̣̇д̇хам̣ гад̇ваа сийлам̣ рагкид̇ум̣ на саггод̇и, гусалаагусалам̣ сааваж̇ж̇аанаваж̇ж̇ам̣ гааран̣аагааран̣ам̣ аж̇аананд̇о канд̇хаад̣̇ийсу ‘‘гаммадтаанам̣ г̇ахзд̇ваа вад̣дхзд̇ум̣ на саггод̇ий’’д̇и.
г̇ован̣асад̣̇исз ад̇д̇абхаавз уббаж̇ж̇ид̇ваа д̇ад̇т̇а д̣̇угкуббад̇д̇ихзд̇уд̇о мижчаавид̇аггаа аасаадигаа вияаад̇и аасаадигаад̇и ааха ‘‘агусалавид̇аггам̣ аасаадигам̣ ахаарзд̇ваа’’д̇и.
‘‘г̇ан̣д̣од̇и ко, бхигкавз, бан̃жаннзд̇ам̣ убаад̣̇аанагканд̇хаанам̣ ад̇хиважана’’нд̇и важанад̇о (а. ни. 8.56) чахи ван̣амукзхи виссанд̣̇амаанаяуусо г̇ан̣д̣о вияа билод̇игакан̣д̣зна чахи д̣̇ваарзхи виссанд̣̇амаанагилзсаасужи ад̇д̇абхаававан̣о сад̇исам̣варзна бид̣̇ахид̇аб̣б̣о, аяам̣ бана звам̣ на гарод̇ийд̇и ааха ‘‘яат̇аа со г̇обаалаго ван̣ам̣ на бадижчаад̣̇зд̇и, звам̣ сам̣варам̣ на самбаад̣̇зд̇ий’’д̇и.
яат̇аа д̇хуумо инд̇ханам̣ ниссааяа уббаж̇ж̇амаано сан̣хо сукумо д̇ам̣ д̇ам̣ виварам̣ анубависса б̣яаабзнд̇о сад̇д̇аанам̣ д̣ам̣самагасаад̣̇ибариссаяам̣ винод̣̇зд̇и, аг̇г̇иж̇ааласамудтаанасса буб̣б̣ан̇г̇амо ход̇и, звам̣ д̇хаммад̣̇зсанаан̃аан̣асса инд̇ханабхууд̇ам̣ руубааруубад̇хаммаж̇аад̇ам̣ ниссааяа уббаж̇ж̇амаанаа сан̣хаа сукумаа д̇ам̣ д̇ам̣ канд̇ханд̇арам̣ ааяад̇ананд̇аран̃жа анубависса б̣яаабзд̇и, сад̇д̇аанам̣ мижчаавид̇аггаад̣̇ибариссаяам̣ винод̣̇зд̇и, н̃аан̣аг̇г̇иж̇ааласамудтаанасса буб̣б̣ан̇г̇амод̇и д̇хуумо вияаад̇и д̇хуумод̇и ааха ‘‘г̇обаалаго д̇хуумам̣ вияа д̇хаммад̣̇зсанаад̇хуумам̣ на гарод̇ий’’д̇и. ад̇д̇ано санд̇игам̣ убаг̇анд̇ваа нисиннасса гаад̇аб̣б̣аа д̇ад̣̇анужчавигаа д̇хаммагат̇аа убанисиннагат̇аа. гад̇асса д̣̇аанаад̣̇ибун̃н̃асса анумод̣̇анагат̇аа анумод̣̇анаа. д̇ад̇од̇и д̇хаммагат̇аад̣̇ийнам̣ агаран̣ад̇о. ‘‘б̣ахуссуд̇о г̇ун̣аваа’’д̇и на ж̇аананд̇ийд̇и гасмаа вуд̇д̇ам̣, нану ад̇д̇ано ж̇аанаабанад̇т̇ам̣ д̇хаммагат̇аад̣̇и на гаад̇аб̣б̣амзваад̇и? сажжам̣, на гаад̇аб̣б̣амзва, суд̣̇д̇хаасаязна бана д̇хаммз гат̇ид̇з д̇асса г̇ун̣аж̇аананад̇ам̣ санд̇хааязд̇ам̣ вуд̇д̇ам̣. д̇знааха бхаг̇аваа –
‘‘наабхаасамаанам̣ ж̇аананд̇и, миссам̣ б̣аалзхи бан̣д̣ид̇ам̣;
бхаасаяз ж̇од̇аяз д̇хаммам̣, баг̇г̇ан̣хз исинам̣ д̇хаж̇а’’нд̇и. (сам̣. ни. 2.241);
д̇аранд̇и зд̇т̇аад̇и д̇ид̇т̇ам̣, над̣̇ийд̇ал̣аагаад̣̇ийнам̣ нахаанаад̣̇иад̇т̇ам̣ од̇аран̣адтаанам̣. яат̇аа бана д̇ам̣ уд̣̇агзна од̇ин̣н̣асад̇д̇аанам̣ сарийрамалам̣ баваахзд̇и, бариссамам̣ винод̣̇зд̇и, висуд̣̇д̇хим̣ уббаад̣̇зд̇и, звам̣ б̣ахуссуд̇аа ад̇д̇ано самийбам̣ од̇ин̣н̣асад̇д̇аанам̣ д̇ид̇т̇ам̣. д̇знааха ‘‘д̇ид̇т̇абхууд̇з б̣ахуссуд̇абхигкуу’’д̇и. б̣яан̃ж̇анам̣ гат̇ам̣ робзд̇аб̣б̣анд̇и, бханд̇з, ид̣̇ам̣ б̣яан̃ж̇анам̣ аяам̣ сад̣̇д̣̇о гат̇ам̣ имасмим̣ ад̇т̇з имасса бхаасид̇асса го ад̇т̇од̇и сад̣̇д̣̇ад̇т̇ам̣ бужчад̇и. имасмим̣ таанзд̇и имасмим̣ баал̣ибад̣̇зсз. баал̣и гим̣ вад̣̇зд̇ийд̇и бхаавад̇т̇ам̣ бужчад̇и. ад̇т̇о гим̣ д̣̇ийбзд̇ийд̇и бхаавад̇т̇ам̣ ваа сан̇гзд̇ад̇т̇ам̣ ваа. на барибужчад̇ийд̇и вимад̇ижчзд̣̇анабужчаавасзна саб̣б̣асо бужчам̣ на гарод̇и. на барибан̃хад̇ийд̇и бари бари ад̇д̇ано н̃аад̇ум̣ ижчам̣ на аажигкад̇и на вибхаавзд̇и. д̇знааха ‘‘на ж̇аанаабзд̇ий’’д̇и. д̇зд̇и б̣ахуссуд̇абхигкуу. виваран̣ам̣ наама ад̇т̇асса вибхаж̇ид̇ваа гат̇ананд̇и ааха ‘‘бхааж̇зд̇ваа на д̣̇ассзнд̇ий’’д̇и. ануд̇д̇аанийгад̇анд̇и н̃аан̣зна абаагадийгад̇ам̣ г̇уяхам̣ бадижчаннам̣. на уд̇д̇аанийгаронд̇ийд̇и синзрумуулагам̣ ваалигам̣ уд̣̇д̇харанд̇о вияа бат̇авийсанд̇хаарод̣̇агам̣ виварид̇ваа д̣̇ассзнд̇о вияа жа уд̇д̇аанам̣ на гаронд̇и. звам̣ яасса д̇хаммасса васзна б̣ахуссуд̇аа ‘‘д̇ид̇т̇а’’нд̇и вуд̇д̇аа барияааяад̇о, ид̣̇аани д̇амзва д̇хаммам̣ ниббарияааяад̇о д̇ид̇т̇анд̇и д̣̇ассзд̇ум̣ ‘‘яат̇аа жаа’’д̇иаад̣̇и вуд̇д̇ам̣. д̇хаммо хи д̇аранд̇и зд̇зна ниб̣б̣аанам̣ наама д̇ал̣ааганд̇и ‘‘д̇ид̇т̇а’’нд̇и вужжад̇и. д̇знааха бхаг̇аваа сумзд̇хабхууд̇о –
‘‘звам̣ гилзсамалад̇ховам̣, виж̇ж̇анд̇з амад̇анд̇ал̣з;
на г̇авзсад̇и д̇ам̣ д̇ал̣аагам̣, на д̣̇осо амад̇анд̇ал̣з’’д̇и. (б̣у. вам̣. 2.14);
д̇хаммассзва ниб̣б̣аанассод̇аран̣ад̇ид̇т̇абхууд̇асса од̇аран̣абагаарам̣ аж̇аананд̇о ‘‘д̇хаммад̇ид̇т̇ам̣ на ж̇аанаад̇ий’’д̇и вуд̇д̇о.
бийд̇аабийд̇анд̇и г̇ог̇ан̣з бийд̇ам̣ абийд̇ан̃жа г̇оруубам̣ на ж̇аанаад̇и на винд̣̇ад̇и. авинд̣̇анд̇о хи на лабхад̇ийд̇и вуд̇д̇о. ‘‘аанисам̣сам̣ на винд̣̇ад̇ий’’д̇и вад̇ваа д̇асса авинд̣̇анаагаарам̣ д̣̇ассзнд̇о ‘‘д̇хаммассаванаг̇г̇ам̣ г̇анд̇ваа’’д̇иаад̣̇имааха.
аяам̣ логуд̇д̇арод̇и бад̣̇ам̣ санд̇хааяааха ‘‘арияа’’нд̇и. бажжаасад̇д̇ин̃ааязна ананд̇аравид̇хиббадисзд̇хо ваа, арияа-сад̣̇д̣̇о ваа нид̣̇д̣̇осабарияааяо д̣̇адтаб̣б̣о. адтан̇г̇иганд̇и жа висум̣ згаж̇жхан̃жа адтан̇г̇игам̣ убаад̣̇ааяа г̇ахзд̇аб̣б̣ам̣, адтан̇г̇ад̇аа
жад̇д̇ааро сад̇ибадтаанзд̇иаад̣̇ийсу ависзсзна сад̇ибадтаанаа вуд̇д̇аа. д̇ад̇т̇а гааяавзд̣̇анаажид̇д̇ад̇хаммаарамман̣аа имз логияаа, имз логуд̇д̇араад̇и яат̇аабхууд̇ам̣ на баж̇аанаад̇и.
анавасзсам̣ д̣̇ухад̇ийд̇и бадиг̇г̇ахан̣з мад̇д̇ам̣ аж̇аананд̇о гисмин̃жи д̣̇ааяагз сад̣̇д̇хаахаанияаа гисмин̃жи бажжаяахаанияаа анавасзсам̣ д̣̇ухад̇и. ваажааяа абхихааро ваажаабхихааро. бажжаяаанам̣ абхихааро бажжаяаабхихааро.
имз амхзсу г̇аружид̇д̇ийгаарам̣ на гаронд̇ийд̇и иминаа навагаанам̣ бхигкуунам̣ д̇хаммасамбадибад̇д̇ияаа абхаавам̣ д̣̇ассзд̇и аажарияубаж̇жхааязсу бид̇убзмасса анубадтаабанад̇о. д̇зна жа сигкааг̇ааравад̇аабхаавад̣̇ийбанзна сан̇г̇ахасса абхааж̇анабхаавам̣, д̇зна т̇зраанам̣ д̇зсу ануг̇г̇ахаабхаавам̣. на хи сийлаад̣̇иг̇ун̣зхи саасанз т̇ирабхааваббад̇д̇аа анануг̇г̇ахзд̇аб̣б̣з саб̣рахмажаарий ануг̇г̇ан̣ханд̇и, нирад̇т̇агам̣ ваа ануг̇г̇ахам̣ гаронд̇и. д̇знааха ‘‘навагз бхигкуу’’д̇и. д̇хаммагат̇ааб̣анд̇ханд̇и бавзн̣иааг̇ад̇ам̣ багин̣н̣агад̇хаммагат̇аамаг̇г̇ам̣. сажжасад̇д̇абадисанд̇хибажжаяаагаарабадисам̣яуд̇д̇ам̣ сун̃н̃ад̇аад̣̇ийбанам̣ г̇уяхаг̇ант̇ам̣. вуд̇д̇авибаллаасавасзнаад̇и ‘‘на руубан̃н̃уу’’д̇иаад̣̇ийсу вуд̇д̇асса бадисзд̇хасса бадигкзбавасзна аг̇г̇ахан̣авасзна. яож̇зд̇ваад̇и ‘‘руубан̃н̃уу ход̇ийд̇и г̇ан̣анаад̇о ваа ван̣н̣ад̇о ваа руубам̣ ж̇аанаад̇ий’’д̇иаад̣̇инаа, ‘‘д̇асса г̇ог̇ан̣оби на барихааяад̇и, бан̃жаг̇орасабарибхог̇ад̇оби на бариб̣аахиро ход̇ий’’д̇иаад̣̇инаа жа ад̇т̇ам̣ яож̇зд̇ваа. взд̣̇ид̇аб̣б̣од̇и д̇асмим̣ д̇асмим̣ бад̣̇зсз яат̇аарахам̣ ад̇т̇о взд̣̇ид̇аб̣б̣о.
махааг̇обаалагасуд̇д̇аван̣н̣анааяа лийнад̇т̇аббагаасанаа самад̇д̇аа.
4. жуул̣аг̇обаалагасуд̇д̇аван̣н̣анаа
350. жзлуггаахийд̇и уггажзлаа, наг̇арам̣. саб̣б̣аа г̇ан̇г̇аа баагадаа худ̇ваа бан̃н̃ааяад̇ийд̇и багад̇ижагкусса сод̇т̇ийд̇и анубад̣̇д̣̇аво. вад̣дхийд̇и абарихаани. аарог̇яанд̇и арог̇ад̇аа ааб̣аад̇хаабхааво.
маг̇ад̇хо ж̇анабад̣̇о ниваасо зд̇ассаад̇и мааг̇ад̇хо, мааг̇ад̇хова мааг̇ад̇хиго. бан̃н̃ааяа наама д̣̇удтубхааво над̇т̇и зганд̇аанаваж̇ж̇ад̇ааяа, д̇асмаа д̣̇у-сад̣̇д̣̇о абхаававаажий ‘‘д̣̇уссийло’’д̇иаад̣̇ийсу вияа, ж̇аад̇и-сад̣̇д̣̇о жа сабхаавад̇т̇од̇и ааха ‘‘ниббан̃н̃асабхааво’’д̇и. -сад̣̇д̣̇о аарамбхад̇т̇од̇и ааха ‘‘бад̇аарзсийд̇и д̇аарзд̇ум̣ аарабхий’’д̇и барад̇ийрам̣ г̇аавийнам̣ аббад̇д̇ад̇д̇аа. сувид̣̇зхаананд̇и сунд̣̇аравид̣̇зхаанам̣. вид̣̇зхарадтам̣ гира бхуумибхааг̇ад̣̇ассанасамбад̇д̇ияаа жа ванарааман̣зяяагаад̣̇инаа жа сунд̣̇арам̣. ааман̣д̣алигам̣ гарид̇ваад̇и аавад̇д̇з бад̇ид̇аа д̇зман̣д̣алаагаарзна бариб̣бхамид̇ваа. гад̇ибаяааби г̇аавияо асзсзд̇ваа над̣̇ийсод̇зна вуул̣хад̇д̇аа вуд̇д̇ам̣ ‘‘авад̣дхим̣ винаасам̣ баабун̣им̣суу’’д̇и. гад̇ибаяаасуби хи авасидтаасу г̇аавийсу ануггамзнаби сияаа г̇ог̇ан̣асса вад̣дхийд̇и. виссамадтаананд̇и бариссамавинод̣̇анадтаанам̣. д̇ид̇т̇аа бхадтаад̇и г̇ахзд̇ум̣ асамад̇т̇ад̇ааяа д̇ид̇т̇ам̣ аббад̇д̇аа. арог̇о наама наахосийд̇и ломамад̇д̇амби асзсзд̇ваа саб̣б̣аа г̇аавияо над̣̇ийсод̇з винадтаад̇и ад̇т̇о.
язсу канд̇хааяад̇анад̇хаад̇уусу ид̇ха логасаман̃н̃аа, д̇з аж̇аананд̇аа ‘‘агусалаа имасса логассаа’’д̇и вуд̇д̇аад̇и ааха ‘‘ид̇халогз канд̇хад̇хаад̇ааяад̇анзсу агусалаа ачзгаа’’д̇и. аяамзва наяо ‘‘агусалаа барасса логассаа’’д̇и зд̇т̇аабийд̇и ааха ‘‘баралогзби зсзва наяо’’д̇и. мааро зд̇т̇а д̇хийяад̇ийд̇и маарад̇хзяяам̣. маарод̇и жзд̇т̇а гилзсамааро взд̣̇ид̇аб̣б̣о. канд̇хаабхисан̇каараа хи д̇асса бавад̇д̇анабхаавзна г̇ахид̇аа, мажжумааро висум̣ г̇ахид̇о зва, гилзсамааравасзнзва жа д̣̇звабуд̇д̇амаарасса гаамабхавз аад̇хибажжанд̇и. д̇зсанд̇и яз ид̇халогаад̣̇ийсу ачзгаа, д̇зсам̣. д̇з бана уггадтанид̣̇д̣̇зсзна д̣̇ассзнд̇о ааха ‘‘иминаа ча сад̇т̇ааро д̣̇ассид̇аа’’д̇и.
351. б̣алаваг̇аавод̇и б̣алаванд̇з г̇оруубз. д̇з бана д̣̇аммад̇ам̣ убаг̇ад̇аг̇он̣аа жзва д̇хзнуяо жаад̇и ааха ‘‘д̣̇анд̇аг̇он̣з жзва д̇хзнуяо жаа’’д̇и авиж̇аад̇аг̇аавод̇и на виж̇аад̇аг̇аавияо. важчагзд̇и куд̣̇д̣̇агаважчз. аббад̇т̇о хи аяам̣ га-сад̣̇д̣̇о. д̇знааха ‘‘д̇арун̣аважчагз’’д̇и. гисааб̣алагзд̇и д̣̇уб̣б̣алз.
352. маарасса д̇ан̣хаасод̇ам̣ чзд̇ваад̇и канд̇хамаарасамб̣анд̇хийд̇ан̣хаасан̇каад̇ам̣ сод̇ам̣ самужчинд̣̇ид̇ваа. д̇аяо годтаасз кзбзд̇ваа тид̇аад̇и анааг̇аамино санд̇хааяааха. саб̣б̣аваарзсууд̇и сагад̣̇ааг̇аамисод̇аабаннаадтамагаваарзсу. д̇ад̇т̇а бана яат̇ааггамам̣ жад̇умаг̇г̇аваж̇жхаанам̣ гилзсаанам̣ д̣̇вз годтаасз кзбзд̇ваа тид̇аа, згагодтаасам̣ кзбзд̇ваа тид̇аа, батамам̣ годтаасам̣ кзбзнд̇од̇и вад̇д̇аб̣б̣ам̣. д̇хаммам̣ ануссаранд̇и, д̇хаммасса ваа ануссаран̣асийлаад̇и д̇хаммаанусаарино. д̇хаммод̇и жзд̇т̇а бан̃н̃аа ад̇хиббзд̇аа. сад̣̇д̇хам̣ ануссаранд̇и, сад̣̇д̇хааяа ваа ануссаран̣асийлаад̇и сад̣̇д̇хаанусаарино.
ж̇аанад̇аад̇и зд̇т̇а ж̇аананагирияаависаяасса ависзсид̇ад̇д̇аа ад̇хигааравасзна анавасзсан̃зяяависзсаа ад̇хиббзд̇аад̇и ааха ‘‘саб̣б̣ад̇хаммз ж̇аананд̇знаа’’д̇и. анд̇осааравирахад̇о аб̣бхуг̇г̇ад̇адтзна жа нал̣о вияаад̇и нал̣о, маанод̇и ааха ‘‘виг̇ад̇амаананал̣ам̣ гад̇а’’нд̇и. кзмам̣ бад̇т̇зт̇аад̇и зд̇т̇а жад̇уухи яог̇зхи анубад̣̇д̣̇авад̇д̇аа ‘‘кзма’’нд̇и арахад̇д̇ам̣ ад̇хиббзд̇ам̣. бад̇т̇анаа жа чанд̣̇абад̇т̇анаа, на д̇ан̣хаабад̇т̇анаад̇и ааха ‘‘гад̇д̇угамяад̇аачанд̣̇зна арахад̇д̇ам̣ бад̇т̇зт̇аа’’д̇и. бад̇д̇ааязва наама д̇асса бад̇д̇ияаа на гожи анд̇арааяо. сод̇т̇инаа баараг̇аманам̣ уд̣̇д̣̇исса д̣̇зсанам̣ аарабхид̇ваа кзмаббад̇д̇ияаа д̣̇зсанааяа барияосаабид̇ад̇д̇аа яат̇аанусанд̇хинаава д̣̇зсанам̣ нидтаабзсийд̇и.
жуул̣аг̇обаалагасуд̇д̇аван̣н̣анааяа лийнад̇т̇аббагаасанаа самад̇д̇аа.
5. жуул̣асажжагасуд̇д̇аван̣н̣анаа
353. хам̣саваддагажчаннзнаад̇и
вад̣̇анд̇и зд̇знаад̇и ваад̣̇о, маг̇г̇о. гим̣ вад̣̇анд̇и? уд̇д̇арам̣. ваад̣̇аанам̣ сад̇аани ваад̣̇асад̇аани. ‘‘ниг̇ан̣то бан̃жаваад̣̇асад̇аани, ниг̇ан̣тий бан̃жаваад̣̇асад̇ааний’’д̇и звам̣ ниг̇ан̣то жа ниг̇ан̣тий жа бан̃жа бан̃жа ваад̣̇асад̇аани уг̇г̇ахзд̇ваа вижаранд̇аа. гирияад̇о д̇з бужчим̣су, лин̇г̇ад̇о бана ниг̇ан̣табхааво н̃аад̇о. д̇знааха ‘‘ахам̣ ваад̣̇ам̣ ааробзссаамий’’д̇и.
ж̇аг̇г̇анд̇о саммаж̇ж̇анаад̣̇ивасзна. д̣̇иваад̇аранд̇и ад̇ид̣̇ивам̣. ‘‘гасса бужчаа, гасса виссаж̇ж̇анам̣ ход̇уу’’д̇и бариб̣б̣ааж̇игаахи вуд̇д̇з т̇зро ааха ‘‘бужчаа наама амхаагам̣ бад̇д̇аа’’д̇и. бужчаа ваад̣̇аанам̣ буб̣б̣абагко, яасмаа д̇умхз ваад̣̇абасуд̇аа ваад̣̇аабхирад̇аа д̇хаж̇ам̣ баг̇г̇аяха вижарат̇а, д̇асмаа ваад̣̇аанам̣ буб̣б̣абагко амхаагам̣ бад̇д̇о, звам̣ санд̇зби д̇умхаагам̣ маад̇уг̇аамабхаавад̇о буб̣б̣абагкам̣ д̣̇змаад̇и ааха ‘‘д̇умхз бана маад̇уг̇аамаа наама батамам̣ бужчат̇аа’’д̇и. д̇аа бариб̣б̣ааж̇игаа згзгаа ад̣дхад̇зяяасад̇аваад̣̇амаг̇г̇ам̣ бужчанд̇ияо ваад̣̇асахассам̣ бужчим̣су. яат̇аа нисид̇асса каг̇г̇асса гумуд̣̇анаал̣ажчзд̣̇анз гимад̇т̇и бхаарияам̣, звам̣ бадисамбхид̣̇ааббад̇д̇асса саавагзсу бан̃н̃аванд̇аанам̣ аг̇г̇абхаавз тид̇асса д̇хаммасзнаабад̇ино бут̇уж̇ж̇анабаригаббид̇абан̃хависсаж̇ж̇анз гимад̇т̇и бхаарияам̣. д̇знааха ‘‘т̇зро каг̇г̇знаа’’д̇иаад̣̇и. д̇ад̇т̇а ниж̇ж̇адам̣ ниг̇г̇ан̣тим̣ гад̇ваад̇и яат̇аа д̇аа буна д̇ад̇т̇а ж̇адам̣ г̇ан̣тим̣ гаад̇ум̣ на висаханд̇и, д̇ат̇аа виж̇адзд̇ваа гат̇зси. аяам̣ т̇зро жад̇уран̇г̇асаманнааг̇ад̇з анд̇хагаарз сахассаваддигам̣ д̣̇ийбзнд̇о вияа ан̃н̃зсам̣ ависаяз анд̇хагаарабхууд̇з бан̃хз бужчид̇амад̇д̇зязва виссаж̇ж̇зсийд̇и т̇зрасса бан̃н̃аавзяяад̇д̇ияам̣ д̣̇исваа саяан̃жа анд̇имабхавигад̇ааяа гохан̃н̃з таад̇ум̣ асаггонд̇ияо ‘‘зд̇д̇агамзва, бханд̇з, маяам̣ ж̇аанаамаа’’д̇и аахам̣су. т̇зрасса висаяанд̇и т̇зрасса бан̃н̃аависаяам̣.
нзва анд̇ам̣ на годим̣ ад̣̇д̣̇асам̣сууд̇и зганд̇и вад̇д̇аб̣б̣асса б̣ахубхаавад̇о д̇ассаа бужчааяа ад̇т̇о зваманд̇о звамавасаанагодийд̇и на бассим̣су на ж̇ааним̣су. т̇зро д̇аасам̣ аж̇жхаасаяам̣ ологзнд̇о баб̣б̣аж̇ж̇ааружим̣ д̣̇исваа ааха ‘‘ид̣̇аани гим̣ гариссат̇аа’’д̇и? уд̇д̇арид̇арабан̃н̃од̇и ваад̣̇амаг̇г̇абарижаязна мзд̇хаавид̇ааяа жа яаад̣̇исаа д̇аасам̣ бан̃н̃аа, д̇ад̇о уд̇д̇арид̇арабан̃н̃о.
гат̇аамаг̇г̇од̇и бхассаббаваад̣̇аго. бан̣д̣ид̇аваад̣̇од̇и ахам̣ бан̣д̣ид̇о нибун̣о б̣ахуссуд̇од̇и звам̣ваад̣̇ий. яам̣ яам̣ нагкад̇д̇аажаарзна аад̣̇исад̇ийд̇и нагкад̇д̇аг̇ад̇ияаа гаалан̃аан̣зна ‘‘асугад̣̇ивасз жанд̣̇аг̇г̇аахо бхависсад̇и, суурияаг̇г̇аахо бхависсад̇ий’’д̇иаад̣̇инаа яам̣ яам̣ аад̣̇зсам̣ бхан̣ад̇и. саад̇хулад̣̇д̇хиго н̃аан̣асамбад̇д̇ияаа сунд̣̇аро. ааробид̇од̇и бадин̃н̃аахзд̇унид̣̇ассанаад̣̇ид̣̇осам̣ т̇уун̣анд̇и сарийрам̣ кобхид̇анд̇и гад̇ваа. т̇уун̣анд̇и хи лохид̇абид̇д̇асзмхаанам̣ ад̇хиважанам̣ саб̣б̣ан̇г̇асарийрад̇хааран̣ад̇о. абижа т̇уун̣абад̣̇о наама ад̇т̇и гат̇аамаг̇г̇о ваад̣̇амаг̇г̇ам̣ г̇ан̣ханд̇аанам̣. сажжаго бана гохан̃н̃з тад̇ваа ад̇д̇ано ваад̣̇аббабхзд̣̇авасзна барз вимхаабзнд̇о ‘‘т̇уун̣ам̣ жзбааха’’нд̇иаад̣̇имааха. саавагаанам̣ винаяам̣ наама сигкаабад̣̇ам̣, д̇ан̃жа д̇хаммад̣̇зсанаа ход̇ийд̇и зсаа зва жасса анусаасанийд̇и винаяанаад̣̇имукзна саммаасамб̣уд̣̇д̇хасса мад̇ам̣ саасанам̣ бужчанд̇о сажжаго ‘‘гат̇ам̣ бана, бхо, ассаж̇ий’’д̇иаад̣̇имааха. ат̇асса т̇зро ‘‘лагкан̣ад̇д̇аяагат̇аа наама анан̃н̃асаад̇хааран̣аа б̣уд̣̇д̇хаавзн̣игаа д̇хаммад̣̇зсанаа, д̇ад̇ра жа маяаа анижжагат̇ааяа самудтаабид̇ааяа д̇ам̣ асаханд̇о сажжаго д̇ужчамаанзна бадабадааяанд̇о гурумаано лижчавий г̇ахзд̇ваа бхаг̇авад̇о санд̇игам̣ ааг̇амиссад̇и, ат̇асса бхаг̇аваа ваад̣̇ам̣ мад̣̇д̣̇ид̇ваа анижжанд̇и бад̇идтабзнд̇о д̇хаммам̣ гат̇зссад̇и, д̇ад̣̇аа бхависсад̇и виж̇ахид̇аваад̣̇о саммаабадибад̇д̇ияаа бад̇идтид̇о’’д̇и жинд̇зд̇ваа анижжаанад̇д̇алагкан̣абадисам̣яуд̇д̇ам̣ бхаг̇авад̇о анусаасанам̣ д̣̇ассзнд̇о ‘‘звам̣, бхо, аг̇г̇ивзссанаа’’д̇иаад̣̇имааха.
гасмаа банзд̇т̇а д̣̇угкалагкан̣ам̣ аг̇г̇ахид̇анд̇и ааха ‘‘т̇зро банаа’’д̇иаад̣̇и. ‘‘убаарамбхасса огаасо ход̇ий’’д̇и сан̇кзбад̇о вуд̇д̇ам̣ виварид̇ум̣ ‘‘маг̇г̇апалааний’’д̇иаад̣̇и вуд̇д̇ам̣. д̇ад̇т̇а барияааязнаад̇и сан̇каарад̣̇угкад̇аабарияааязна. аяанд̇и сажжаго. наяид̣̇ам̣ д̇умхаагам̣ саасанам̣ наамаад̇и яад̇т̇а д̇умхз авадтид̇аа, ид̣̇ам̣ д̇умхаагам̣ саб̣б̣ан̃н̃усаасанам̣ наама на ход̇и д̣̇угкад̇о аниссаран̣ад̇д̇аа, ат̇а ко махаааагхаад̇анам̣ наамзд̇ам̣, махаад̣̇угканид̣̇д̣̇идтад̇д̇аа бана нираяуссад̣̇о наама уссад̣̇анираяо наама, д̇асмаа над̇д̇и наама д̇умхаагам̣ сукаасаа. удтааяудтааяаад̇и уссуггам̣ гад̇ваа, д̣̇угкамзва ж̇ийраабзнд̇аа саб̣б̣асо д̣̇угкамзва анубхаванд̇аа, аахин̣д̣ат̇а вижарат̇аад̇и. саб̣б̣амид̣̇ам̣ д̇асса мижчаабаригаббид̇амзва. гасмаа? д̣̇угкасажжуубасан̃хид̇ааязва хзд̇т̇а ниббарияааяагат̇аа наама. д̇асса хи барин̃н̃ад̇т̇ам̣ бхаг̇авад̇и б̣рахмажарияам̣ вуссад̇и. маг̇г̇апалаани сан̇каарабхаавзна ‘‘яад̣̇анижжам̣, д̇ам̣ д̣̇угка’’нд̇и барияааяад̇о д̣̇угкам̣, на ниббарияааяад̇о. д̇знааха ‘‘д̇асмаа’’д̇иаад̣̇и. сод̇ум̣ аяуд̇д̇ам̣ мижчааваад̣̇ад̇д̇аад̇и ад̇хиббааяо.
354. саха сант̇ааг̇аарзд̇и ад̇т̇о. згасмим̣ гаалз д̇аад̣̇исз гаалз рааж̇агижжаанам̣ сант̇аанамзд̇т̇а вижаарзнд̇ийд̇и санд̇хааг̇аарам̣, д̇асмим̣ сант̇ааг̇аарзд̇иби ад̇т̇о. бад̇идтид̇анд̇и ‘‘анижжам̣ анад̇д̇аа’’д̇и жа бадин̃н̃аад̇ам̣. ид̣̇аанзва бидтим̣ баривад̇д̇знд̇од̇и бхаг̇авад̇о налаадам̣ анологзд̇ваа вимукабхаавам̣ аабаж̇ж̇анд̇о. сураагхарзд̇и сураасамбаад̣̇агаг̇зхз. бидтагилан̃ж̇анд̇и бидтатабанагил̣ан̃ж̇ам̣. вааланд̇и жан̇г̇аваарам̣. саан̣асаадагагаран̣ад̇т̇анд̇и саан̣асаадагам̣ гаронд̇и зд̇знаад̇и саан̣асаадагагаран̣ам̣, суд̇д̇ам̣, д̇ад̣̇ад̇т̇ам̣. саан̣аваагаа зд̇зсу санд̇ийд̇и саан̣аваагаа, саан̣ад̣̇ан̣д̣аа. д̇з г̇ахзд̇ваа саан̣аанам̣ д̇хованасад̣̇исам̣ гийл̣ид̇аж̇аад̇ам̣ яат̇аа ‘‘уд̣̇д̣̇аалабубпабхан̃ж̇игаа, саан̣абхан̃ж̇игаа’’д̇и жа. гим̣ со бхавамаанод̇и гийд̣̇исо худ̇ваа со бхавамаано, гим̣ хонд̇о логз аг̇г̇абуг̇г̇аласса саммаасамб̣уд̣̇д̇хасса ваад̣̇ааробанам̣ наама д̇ад̇о уд̇д̇арид̇арасуураг̇ун̣о зва яагкаад̣̇ибхаавзна со бхавамаано абхисамбхун̣зяяа. аяам̣ бана аббаанубхаавад̇ааяа бисаажаруубо гим̣ зд̇д̇агам̣ гаалам̣ нид̣̇д̣̇ааяанд̇о аж̇ж̇а баб̣уж̇жхид̇ваа звам̣ вад̣̇ад̇ийд̇и ад̇хиббааяо. д̇знааха ‘‘гим̣ яагко’’д̇иаад̣̇и.
355. махаамаж̇жханхигасамаязд̇и махад̇и маж̇жханхигагаалз, г̇аг̇анамаж̇жхз суурияаг̇ад̇авзлааяа. д̣̇иваабад̇хаанигаа бад̇хаанаануяун̃ж̇агаа. вад̇д̇ам̣ д̣̇ассзд̇ваад̇и бажчаабхад̇д̇ам̣ д̣̇иваавихааруубаг̇аманад̇о буб̣б̣з гаад̇аб̣б̣авад̇д̇ам̣ д̣̇ассзд̇ваа бадибаж̇ж̇ид̇ваа. бхаг̇аванд̇ам̣ д̣̇ассзнд̇од̇и бхаг̇авад̇и г̇аараваб̣ахумаанам̣ вибхаавзнд̇о убхо хад̇т̇з гамаламагулаагаарз гад̇ваа угкибба бхаг̇аванд̇ам̣ д̣̇ассзнд̇о.
д̇ам̣ санд̇хааяаад̇и д̇ам̣ абарижчиннаг̇ан̣анам̣ санд̇хааяа звам̣ ‘‘махад̇ияаа лижчавибарисааяаа’’д̇и вуд̇д̇ам̣. гим̣ сийсзна бхуумим̣ бахаранд̇знзва ванд̣̇анаа гад̇аа ход̇и? гзраадигаад̇и сатаа. можзнд̇аад̇и бхигкаад̣̇аанад̇о можзнд̇аа. авагкид̇д̇амад̇д̇игаабин̣д̣о вияаад̇и хздтаакид̇д̇амад̇д̇игаабин̣д̣о вияа. яад̇т̇а гад̇т̇ажийд̇и ад̇д̇ано ануруубам̣ важанам̣ асаллабзнд̇о яад̇т̇а гад̇т̇ажи.
356. д̣̇иссад̇и д̣̇зсо, гааран̣ам̣, д̇ад̣̇зва д̇асса бавад̇д̇идтаанад̇ааяа огаасод̇и ааха ‘‘ган̃жид̣̇зва д̣̇зсанд̇и ган̃жи огаасам̣ гин̃жи гааран̣а’’нд̇и. огаасо таананд̇и жа гааран̣ам̣ вужжад̇и ‘‘адтаанамзд̇ам̣ анавагаасо’’д̇иаад̣̇ийсу (д̣̇ий. ни. 3.161; ма. ни. 3.128-131; а. ни. 1.268-295; вибха. 809). яад̣̇ааган̇касийд̇и на вад̣̇анд̇и анавасзсад̇хаммависаяад̇д̇аа бадин̃н̃ааяа. д̇умханд̇и д̇умхаагам̣. яагка…бз… бариб̣б̣ааж̇агаананд̇и зд̇т̇а ‘‘бужчаавусо, яад̣̇ааган̇касий’’д̇иаад̣̇ийни (сам̣. ни. 1.246; су. ни. аал̣авагасуд̇д̇а) бужчааважанаани яат̇ааггамам̣ яож̇зд̇аб̣б̣аани.
н̃ад̇ваа саяам̣ логамимам̣ баран̃жаад̇и ид̣̇ам̣ махаасад̇д̇о нираяам̣ саг̇г̇ан̃жа д̇зсам̣ бажжагкад̇о д̣̇ассзд̇ваа ааха.
д̇аг̇гха д̇з ахамагкиссам̣, яат̇ааби гусало д̇ат̇аад̇и яат̇аа багаарзна сугусало саб̣б̣ан̃н̃уу ж̇аанаад̇и гат̇зд̇и, д̇ат̇аа ахам̣ гат̇зссаами. д̇асса бана гааран̣ам̣ агааран̣ан̃жа авиж̇аананд̇о рааж̇аанам̣ гарод̇у ваа маа ваа, ахам̣ бана д̇з агкиссаамийд̇и ааха ‘‘рааж̇аа жа ко…бз… на ваа’’д̇и.
гат̇ид̇анияаамзнзва гат̇знд̇од̇и д̇збариваддагат̇ааяа д̣̇угкалагкан̣амбзса гат̇зссад̇и, ид̇ха бана ан̃н̃ат̇аа саавагзна ассаж̇инаа гат̇ид̇ам̣, ан̃н̃ат̇аа саман̣зна г̇од̇амзнаад̇и важаногаасабарихаран̣ад̇т̇ам̣ д̣̇угкалагкан̣ам̣ анаамасид̇ваа т̇зрзна гат̇ид̇анияаамзнзва анижжаанад̇д̇алагкан̣амзва гат̇знд̇зна бхаг̇авад̇аа – ‘‘руубам̣ анад̇д̇аа яаава вин̃н̃аан̣ам̣ анад̇д̇аа’’д̇и вуд̇д̇з сажжаго д̇ам̣ асамбадижчанд̇о убамааяа ад̇т̇ан̃аабанз убамаабамаан̣ам̣ яат̇аа ‘‘г̇о вияа г̇аваяо’’д̇и ад̇д̇аанам̣ убамзяяам̣ гад̇ваа убамаабамаан̣зна бад̇идтаабзд̇угаамо ааха ‘‘убамаа мам̣, бхо г̇од̇ама, бадибхаад̇ий’’д̇и, убамам̣ д̇з гариссаами, убамааяабид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇ийд̇и ад̇хиббааяо. бхаг̇аваа убамаасад̇зна, ан̃н̃зна вааби бамаан̣зна д̇ава ад̇д̇аа бад̇идтаабзд̇ум̣ на лаб̣бхаа ад̇д̇ано вияа бамаан̣ассаби анубалаб̣бханад̇од̇и ааха ‘‘бадибхаад̇у д̇ам̣ аг̇г̇ивзссанаа’’д̇и. яат̇аа хи ад̇д̇аа наама гожи барамад̇т̇ад̇о на убалаб̣бхад̇и згам̣сзна анубалад̣̇д̇хид̇о, звасса н̃аабагабуг̇г̇алам̣ бамаан̣амби на убалаб̣бхад̇и. д̇знааха ‘‘аахара д̇ам̣ убамам̣ виссад̇т̇о’’д̇и, на д̇зна д̇ава ад̇д̇аваад̣̇о бад̇идтам̣ лабхад̇ийд̇и ад̇хиббааяо.
яам̣ д̣̇идтам̣ гааяигам̣ ваа бун̃н̃аабун̃н̃ам̣ бурисабуг̇г̇алз убалаб̣бхад̇и, д̇зна вин̃н̃ааяад̇и руубад̇д̇ааяам̣ бурисабуг̇г̇ало, д̇ат̇аа яам̣ д̣̇идтам̣ сукад̣̇угкабадисам̣взд̣̇анам̣ бурисабуг̇г̇алз убалаб̣бхад̇и, яам̣ д̣̇идтам̣ нийлаад̣̇исан̃ж̇аананам̣, яам̣ д̣̇идтам̣ раж̇ж̇анад̣̇уссанаад̣̇и, яам̣ д̣̇идтам̣ аарамман̣абадивиж̇аананам̣ бурисабуг̇г̇алз убалаб̣бхад̇и, д̇зна вин̃н̃ааяад̇и вин̃н̃аан̣ад̇д̇ааяам̣ бурисабуг̇г̇алод̇и. звам̣ руубаад̣̇илагкан̣о ад̇д̇аа д̇ад̇т̇а д̇ад̇т̇а гааяз галяаан̣абаабагаанам̣ гаммаанам̣ вибаагам̣ сукад̣̇угкам̣ бадисам̣взд̣̇зд̇и, зван̃жзд̇ам̣ самбадижчид̇аб̣б̣ам̣, ан̃н̃ат̇аа гаммапаласамб̣анд̇хо на яуж̇ж̇зяяаад̇и имамад̇т̇ам̣ д̣̇ассзнд̇о ‘‘иминаа гим̣ д̣̇ийбзд̇ий’’д̇иаад̣̇имааха. д̇ад̇т̇а д̇зд̇и сад̇д̇аа. бад̇идтааяаад̇и ниссааяа. ‘‘руубад̇д̇ааяам̣ бурисабуг̇г̇ало’’д̇иаад̣̇инаа руубаад̣̇ид̇хаммз ‘‘ад̇д̇аа’’д̇и вад̇ваа буна ‘‘руубз бад̇идтааяаа’’д̇иаад̣̇им̣ вад̣̇анд̇о аяам̣ ниг̇ан̣то ад̇д̇ано ваад̣̇ам̣ бхинд̣̇ад̇и бад̇идтаанасса, бад̇идтааяагасса жа абхзд̣̇ад̣̇ийбанад̇о. руубаад̣̇аяо ‘‘ад̇ивияа сагааран̣ам̣ гад̇ваа убамам̣ аахарий’’д̇и. д̇асса бана ‘‘б̣алагаран̣ийяаа’’д̇и вуд̇д̇абурисаббаяог̇аа вияа б̣ийж̇аг̇аамабхууд̇аг̇аамааби саж̇ийваа зваад̇и лад̣̇д̇хийд̇и д̇з сад̣̇исууд̣̇аахаран̣абхаавзна вуд̇д̇аад̇и д̣̇адтаб̣б̣ам̣. сажз бана яз ж̇ийвасса аад̇хааран̣абхаавзна сахид̇зна бавад̇д̇зд̇аб̣б̣абхаавзна саллагкзд̇аб̣б̣аа, д̇з саж̇ийваад̇и ижчид̇аа, на гзвалзна бавад̇д̇зд̇аб̣б̣абхаавзна. звам̣ сад̇и ‘‘б̣алагаран̣ийяаа гамманд̇аа’’д̇и вад̣̇анд̇зна висад̣̇исууд̣̇аахаран̣абхаавзна убанийд̇анд̇и д̣̇адтаб̣б̣ам̣.
самад̇т̇о наама над̇т̇и ад̇д̇аваад̣̇абхан̃ж̇анасса анад̇д̇ад̇аабад̇идтаабанасса жа суг̇ад̇аавзн̣игад̇д̇аа. яам̣ банзд̇арахи саасанигаа яат̇аасад̇д̇и д̇ад̣̇убхаяам̣ гаронд̇и, д̇ам̣ б̣уд̣̇д̇хзхи д̣̇иннанаяз тад̇ваа д̇зсам̣ д̣̇зсанаанусаарад̇о. нивад̇д̇зд̇ваад̇и сагалам̣ взсаалинд̇и саб̣б̣авзсааливаасинам̣ ж̇анам̣ ниссаяуубажаарзна ниссид̇ам̣ вад̣̇ад̇и яат̇аа ‘‘г̇аамо ааг̇ад̇о’’д̇и. сам̣ваддид̇ваад̇и самбин̣д̣ид̇ваа, згаж̇жхам̣ г̇ахзд̇ваад̇и ад̇т̇о.
357. бад̇идтабзд̇ваад̇и яат̇аа д̇ам̣ ваад̣̇ам̣ на аваж̇аанаад̇и, звам̣ бадин̃н̃ам̣ гаарзд̇ваад̇и ад̇т̇о. гхаад̇и-сад̣̇д̣̇о хим̣санад̇т̇о, д̇ад̇о жа сад̣̇д̣̇авид̣̇уу арахад̇т̇ам̣ д̇ааяа-сад̣̇д̣̇ам̣ уббаад̣̇зд̇ваа гхаад̇зд̇ааяанд̇и руубасид̣̇д̇хим̣ ижчанд̇ийд̇и ааха ‘‘гхаад̇аараха’’нд̇и. ж̇аабзд̇ааяанд̇иаад̣̇ийсуби зсзва наяо. вад̇д̇ид̇ун̃жа марахад̇ийд̇и ма-гааро бад̣̇асанд̇хигаро. висзсзд̇ваа д̣̇ийбзд̇ийд̇и ‘‘вад̇д̇ад̇и’’ижжзва авад̇ваа ‘‘вад̇д̇ид̇ун̃жа марахад̇ий’’д̇и д̣̇уд̇иязна бад̣̇зна бхаг̇авад̇аа вуд̇д̇ам̣ висзсзд̇ваа д̣̇ийбзд̇и.
баасаад̣̇игам̣ абхируубанд̇и абхимад̇аруубасамбаннам̣ саб̣б̣ааваяавам̣. д̇ад̇о зва сусаж̇ж̇ид̇ам̣ саб̣б̣агаалам̣ судту саж̇ж̇ид̇аагаарамзва. звам̣вид̇ханд̇и яаад̣̇исам̣ санд̇хааяа вуд̇д̇ам̣, д̇ам̣ д̣̇ассзд̇и ‘‘д̣̇уб̣б̣ан̣н̣а’’нд̇иаад̣̇инаа. имасмим̣ таанзд̇и ‘‘вад̇д̇ад̇и д̇з д̇асмим̣ руубз васо’’д̇и зд̇асмим̣ гааран̣аг̇г̇ахан̣з. гааран̣ан̃хзд̇ам̣ бхаг̇авад̇аа г̇ахид̇ам̣ ‘‘вад̇д̇ад̇и…бз… маа ахосий’’д̇и. д̇знзд̇ам̣ д̣̇ассзд̇и руубам̣ анад̇д̇аа авасавад̇д̇анад̇о, яан̃хи васз на вад̇д̇ад̇и, д̇ам̣ анад̇д̇агамзва д̣̇идтам̣ яат̇аа д̇ам̣ самбад̇д̇и. ваад̣̇анд̇и д̣̇осам̣ ниг̇г̇ахам̣ ааробзссад̇и. сад̇д̇ад̇хаа муд̣̇д̇хаа палад̇ийд̇и сахад̇хаммигасаагажчаахи д̇ат̇ааг̇ад̇з, бужчанд̇з аб̣яаагаран̣зна вихзсааяа гаяирамаанад̇д̇аа д̇ад̇ияз ваарз д̇хаммад̇аавасзна вихзсагасса сад̇д̇ад̇хаа муд̣̇д̇хаа палад̇и яат̇аа д̇ам̣ саб̣б̣ан̃н̃убадин̃н̃ааяа бхаг̇авад̇о саммукабхаавуубаг̇аманз. важ̇ирабаан̣и адтагат̇ааяам̣ ‘‘бужчид̇з’’ижжзва вуд̇д̇ам̣.
аад̣̇ид̇д̇анд̇и д̣̇иббамаанам̣. агкинаасаад̣̇ийнийд̇и аад̣̇и-сад̣̇д̣̇зна зл̣агасийсасад̣̇исагзсамассуаад̣̇ийнам̣ сан̇г̇ан̣хаад̇и. ‘‘д̣̇идтивиссаж̇ж̇аабанад̇т̇а’’нд̇и вад̇ваа наяид̣̇ам̣ яад̣̇ижчаавасзна ‘‘абижаа’’д̇иаад̣̇имааха. нд̇и важ̇ирабаан̣им̣. д̇ам̣ сажжагасса бадин̃н̃ааяа баривад̇д̇анагааран̣ам̣. ан̃н̃зби ну код̇иаад̣̇и сажжагасса виймам̣сагабхаавад̣̇ассанам̣. авиймам̣сагзна хи д̇ам̣ д̣̇исваа махааяагкод̇и вад̣̇зяяа, д̇знасса асааруббам̣ сияаа, аяам̣ бана ан̃н̃зсам̣ абхийд̇абхаавам̣ убад̇хаарзд̇ваа ‘‘ад̣̇д̇хаамз яагкам̣ на бассанд̇и, д̇асмаа маяхамзва бхаяам̣ уббанна’’нд̇и д̇ийрзд̇ваа яуд̇д̇аббад̇д̇авасзна бадибаж̇ж̇и.
358. убад̇хаарзд̇ваад̇и б̣яаагаад̇аб̣б̣амад̇т̇ам̣ саллагкзд̇ваа. зсзва наяод̇и сан̇кааравин̃н̃аан̣зсуби сан̃н̃ааяа вияа наяод̇и ад̇т̇о. вуд̇д̇авибарияааязнаад̇и ‘‘агусалаа д̣̇угкаа взд̣̇анаа маа ахоси, агусалаа д̣̇оманассасамбаяуд̇д̇аа сан̃н̃аа маа ахосий’’д̇иаад̣̇инаа наязна ад̇т̇о взд̣̇ид̇аб̣б̣о. саббад̣̇адтависанд̇и саб̣б̣асад̇д̇аанам̣ саббад̣̇адтадтаанз сарийрабад̣̇зсз бад̇ид̇ам̣ висам̣. аллийнод̇и сам̣силидто. убаг̇ад̇од̇и на абаг̇ад̇о. аж̇жхосид̇од̇и г̇илид̇ваа баринидтабзд̇ваа тид̇о. барид̇о ж̇аанзяяаад̇и саманд̇ад̇о саб̣б̣асо гин̃жиби асзсзд̇ваа ж̇аанзяяа. баригкзбзд̇ваад̇и ааяад̇им̣ ануббад̇д̇ид̇хаммад̇аабаад̣̇анавасзна саб̣б̣асо кзбзд̇ваа. д̇ат̇аабхууд̇о жасса каяаваяам̣ убанзд̇и наамаад̇и ааха ‘‘каяам̣ ваяам̣ ануббаад̣̇ам̣ убанзд̇ваа’’д̇и.
359. ад̇д̇ано ваад̣̇асса асаарабхаавад̇о, яат̇аабаригаббид̇асса ваа саарасса абхаавад̇о анд̇осааравирахид̇о рид̇д̇о. виббагааранд̇и д̣̇идтияаа сийлаажаарасса жа васзна вируубад̇ам̣ саабараад̇хад̇ам̣ сааваж̇ж̇ад̇ам̣ д̇зсам̣ убари ааробзд̇ваа. синнабад̇д̇од̇и д̇анугабад̇д̇о. випаарид̇анд̇и випаал̣ид̇ам̣.
асаарагаругкабарижид̇од̇и балаасаад̣̇иасаараругкагодданз гад̇абарижаяо. т̇ад̣̇д̇хабхааванд̇и вибаггабхаавам̣, д̇игкабхааванд̇и ад̇т̇о. над̇т̇ийд̇и сад̣̇аа над̇т̇ийд̇и на вад̇д̇аб̣б̣ам̣. барисад̇ийд̇и жад̇убарисамаж̇жхз ‘‘г̇ан̣тигам̣ бадимун̃жид̇ваа бадижчаннасарийраа’’д̇и вуд̇д̇ам̣. яанд̇аарул̣хасса вияаад̇и б̣яаагаран̣ад̇т̇ам̣ вааяамаяанд̇ам̣ аарул̣хасса вияа.
360. д̣̇идтивисуугаанийд̇и д̣̇идтисан̃жарид̇аанийд̇и д̣̇идтид̇аал̣анаани. д̣̇идтивибпанд̣̇ид̇аанийд̇и д̣̇идтиин̃ж̇ид̇аани. д̇зсам̣ ад̇хиббааяам̣ н̃ад̇ваад̇и д̇зсам̣ лижчавигумаараанам̣ ин̃ж̇ид̇знзва аж̇жхаасаяам̣ ж̇аанид̇ваа. д̇знааха ‘‘имз’’д̇иаад̣̇и.
361. яасмим̣ ад̇хиг̇ад̇з буг̇г̇ало сад̇т̇усаасанз висаарад̣̇о ход̇и барзхи асам̣хаарияо, д̇ам̣ н̃аан̣ам̣ висаарад̣̇асса бхаавод̇и гад̇ваа взсаараж̇ж̇анд̇и ааха ‘‘взсаараж̇ж̇аббад̇д̇од̇и н̃аан̣аббад̇д̇о’’д̇и. д̇ад̇о звамасса на баро бажжзд̇аб̣б̣о зд̇асса ад̇т̇ийд̇и абараббажжаяо. на баро бад̇д̇ияо сад̣̇д̣̇ахаад̇аб̣б̣о зд̇асса ад̇т̇ийд̇и абараббад̇д̇ияо. гаамам̣ сажжаго сзгкабхууми асзгкабхуумийд̇и ид̣̇ам̣ саасанавохаарам̣ на ж̇аанаад̇и. бассад̇ийд̇и бана д̣̇ассанагирияааяа виббагад̇абхаавасса вуд̇д̇ад̇д̇аа ‘‘на зд̇д̇аавад̇аа бхигкугижжам̣ барияосид̇а’’нд̇и ан̃н̃ааси, д̇асмаа буна ‘‘гид̇д̇аавад̇аа банаа’’д̇и бужчам̣ аарабхи. д̇зна вуд̇д̇ам̣ ‘‘бассад̇ийд̇и вуд̇д̇ад̇д̇аа’’д̇иаад̣̇и.
яат̇аабхууд̇ам̣ бассад̇ийд̇и д̣̇ассанам̣, висидтадтзна ануд̇д̇арияам̣, д̣̇ассанамзва ануд̇д̇арияанд̇и д̣̇ассанаануд̇д̇арияам̣, д̣̇ассанзсу ваа ануд̇д̇арияам̣ д̣̇ассанаануд̇д̇арияам̣. логияабан̃н̃аад̇и жзд̇т̇а вибассанаабан̃н̃аа взд̣̇ид̇аб̣б̣аа. саа хи саб̣б̣алогияабан̃н̃аахи висидтадтзна ‘‘ануд̇д̇араа’’д̇и вуд̇д̇аа. логияабадибад̣̇аануд̇д̇ариязсуби зсзва наяо. ид̣̇аани ниббарияааяад̇ова д̇ивид̇хамби ануд̇д̇арияам̣ д̣̇ассзд̇ум̣ ‘‘суд̣̇д̇халогуд̇д̇арамзваа’’д̇иаад̣̇и вуд̇д̇ам̣. сад̇иби саб̣б̣зсамби логуд̇д̇арад̇хаммаанам̣ ануд̇д̇арабхаавз уггадтанид̣̇д̣̇зсзна аг̇г̇амаг̇г̇абан̃н̃аа д̇ад̇о уд̇д̇арид̇арасса абхаавад̇о д̣̇ассанаануд̇д̇арияам̣. д̇знааха ‘‘арахад̇д̇амаг̇г̇асаммаад̣̇идтий’’д̇и. сзсаани маг̇г̇ан̇г̇аанийд̇и сзсаани арахад̇д̇амаг̇г̇ан̇г̇аани. д̇аани хи мад̇т̇агаббад̇д̇аани ниб̣б̣аанаг̇ааминий бадибад̣̇аад̇и. аг̇г̇апалавимуд̇д̇ийд̇и аг̇г̇амаг̇г̇асса палавимуд̇д̇и арахад̇д̇апалам̣. кийн̣аасавассаад̇и саб̣б̣асо кийяамаанаасавасса. ниб̣б̣аанад̣̇ассананд̇и аг̇г̇амаг̇г̇асаммаад̣̇идтияаа сажчигирияаабхисамаяамааха. д̇ад̇т̇а маг̇г̇ан̇г̇аанийд̇и адта маг̇г̇ан̇г̇аани. жад̇усажжанд̇ог̇ад̇хад̇д̇аа саб̣б̣асса н̃зяяад̇хаммасса ‘‘жад̇д̇аари сажжаани б̣уд̣̇д̇хо’’д̇и вуд̇д̇ам̣. сажжаануг̇ад̇асаммохавид̣̇д̇хам̣санзнзва хи бхаг̇авад̇о саб̣б̣асо н̃зяяааваран̣аббахаанам̣. ниб̣б̣исзванод̇и нируд̣̇д̇хагилзсависзвано.
362. д̇хам̣сийд̇и ануд̣̇д̇хам̣санасийлаа. анубахад̇анд̇и авигкид̇д̇ам̣. сагаланд̇и ануунам̣. гааяан̇г̇анд̇и ваажан̇г̇анд̇и.
363. аахаранд̇ийд̇и абхихаранд̇и. бун̃н̃анд̇и бун̃н̃апаласан̇каад̇о аанубхааво. бун̃н̃апаламби хи уд̇д̇арабад̣̇алобзна ‘‘бун̃н̃а’’нд̇и вужжад̇и – ‘‘гусалаанам̣, бхигкавз, д̇хаммаанам̣ самаад̣̇аанахзд̇у звамид̣̇ам̣ бун̃н̃ам̣ бавад̣дхад̇ий’’д̇иаад̣̇ийсу (д̣̇ий. ни. 3.80). д̇знааха ‘‘ааяад̇им̣ вибаагагканд̇хаа’’д̇и. бун̃н̃амахийд̇и махад̇и бун̃н̃апалавибхууд̇и сзд̇ажчад̇д̇амагудажаамараад̣̇и. д̇зна вуд̇д̇ам̣ ‘‘вибаагагканд̇хаанам̣язва баривааро’’д̇и. лижчавийхи бзсид̇зна каад̣̇анийяабхож̇анийязна саман̣о г̇од̇амо сасаавагасан̇гхо маяаа баривисид̇о, д̇асмаа лижчавийнамзва д̇ам̣ бун̃н̃ам̣ ход̇ийд̇и. д̇знааха ‘‘д̇ам̣ д̣̇ааяагаанам̣ сукааяа ход̇уу’’д̇и. яасмаа бана бхаг̇авад̇о бхигкусан̇гхасса жа сажжагзна д̣̇аанам̣ д̣̇иннам̣, на лижчавийхи, д̇асмаа бхаг̇аваа сажжагасса сад̇им̣ баривад̇д̇знд̇о ‘‘яам̣ ко’’д̇иаад̣̇имааха. д̇зна вуд̇д̇ам̣ ‘‘ид̇и бхаг̇аваа’’д̇иаад̣̇и. ниг̇ан̣тасса мад̇зна винааязваад̇и сажжагасса жид̇д̇зна винаа зва д̇асса д̣̇агкин̣ам̣ кзд̇д̇аг̇ад̇ам̣ гад̇ваа д̣̇ассзд̇и. д̇знааха ‘‘ад̇д̇ано д̣̇иннам̣ д̣̇агкин̣ам̣…бз… нияяаад̇зсий’’д̇и.
жуул̣асажжагасуд̇д̇аван̣н̣анааяа лийнад̇т̇аббагаасанаа самад̇д̇аа.
6. махаасажжагасуд̇д̇аван̣н̣анаа
364. згам̣ самаяам̣ бхаг̇аваа взсаалияам̣ вихарад̇ийд̇и иминаа д̇ад̣̇аа бхаг̇авад̇о взсаалияам̣ ниваасабарижчинно буб̣б̣ан̣хаад̣̇ибхзд̣̇о саб̣б̣о самаяо саад̇хааран̣ад̇о г̇ахид̇о, д̇ат̇аа д̇зна ко бана самаязнаад̇и жа иминаа. буб̣б̣ан̣хасамаяанд̇и бана иминаа д̇аб̣б̣исзсо, яо бхигкаажаарад̇т̇ааяа бажжавзгкан̣агаало. адтагат̇ааяам̣ бана ‘‘д̇ийхи бад̣̇зхи згова самаяо вуд̇д̇о’’д̇и вуд̇д̇ам̣ висзсасса сааман̃н̃анд̇ог̇ад̇хад̇д̇аа. мукад̇хованасса буб̣б̣агаалагирияаабхаавасааман̃н̃ад̇о вуд̇д̇ам̣ ‘‘мукам̣ д̇ховид̇ваа’’д̇и. мукам̣ д̇ховид̇ваа зва хи ваасад̇хуро жз, взлам̣ саллагкзд̇ваа яат̇аажин̣н̣ам̣ бхааванаануяог̇ам̣, г̇ант̇ад̇хуро жз, г̇ант̇абарижаяз гад̇ибаяз нисаж̇ж̇аваарз ануяун̃ж̇ид̇ваа бад̇д̇ажийварам̣ аад̣̇ааяа вид̇аггамаал̣ам̣ убаг̇ажчад̇и.
гааран̣ам̣ ‘‘бассзна д̇аава барихаранд̇о’’д̇и.
365. ууругкамбхоби наама бхависсад̇ийд̇и зд̇т̇а наама-сад̣̇д̣̇о вимхаяад̇т̇од̇и гад̇ваа вуд̇д̇ам̣ ‘‘вимхаяад̇т̇авасзнаа’’д̇иаад̣̇и. ‘‘анд̇хо наама баб̣б̣ад̇ам̣ абхирухиссад̇ий’’д̇иаад̣̇ийсу вияа вимхаяаваажийсад̣̇д̣̇аяог̇зна хи ‘‘бхависсад̇ий’’д̇и анааг̇ад̇аважанам̣. гааяанваяанд̇и гааяаануг̇ад̇ам̣. ‘‘аяамби ко гааяо звам̣д̇хаммо звам̣бхаавий звам̣анад̇ийд̇о’’д̇иаад̣̇инаа (д̣̇ий. ни. 2.379; ма. ни. 1.112; ма. ни. 3.154) гааяасса асубхаанижжаад̣̇ид̇ааяа анубассанаа гааяабхааванаад̇и ааха ‘‘гааяабхааванаад̇и бана вибассанаа вужжад̇ий’’д̇и. анааг̇ад̇аруубанд̇и абхийд̇з ад̇т̇з анааг̇ад̇асад̣̇д̣̇ааробанам̣ анааг̇ад̇аббаяог̇о на самзд̇и. ад̇т̇обийд̇и ‘‘ууругкамбхоби наама бхависсад̇ий’’д̇и вуд̇д̇аад̇т̇оби на самзд̇и. аяанд̇и ад̇д̇агиламат̇аануяог̇о. д̇зсанд̇и ниг̇ан̣таанам̣.
366. ад̇д̇ано ад̇хиббзд̇агааяабхааванам̣ вид̇т̇аарзнд̇о вид̇т̇аарад̇о д̣̇ассзнд̇о яз д̇ам̣ ануяуд̇д̇аа, д̇з наамаг̇од̇д̇ад̇о вибхаавзнд̇о ‘‘нанд̣̇о важчо’’д̇иаад̣̇имааха. гилидтад̇абаананд̇и гааяасса гилзсанад̇абаанам̣ буг̇г̇алаанам̣. ж̇аад̇амзд̣̇анд̇и мзд̣̇абхааваабад̇д̇ивасзна уббаннамзд̣̇ам̣. буримам̣ бахааяаад̇и гаалабарижчзд̣̇зна анаахаарааббаахаарад̇аад̣̇ивасзна гааяасса абажинанам̣ кзд̣̇анам̣ барижжаж̇ид̇ваа. гааяабхааванаа бана на бан̃н̃ааяад̇ийд̇и нияамам̣ барамад̇т̇ад̇о гааяабхааванааби д̇ава н̃аан̣зна на н̃ааяад̇и, сзсад̇оби на д̣̇иссад̇и.
367. имасмим̣ бана таанзд̇и ‘‘гааяабхааванамби ко д̇вам̣, аг̇г̇ивзссана, на ан̃н̃ааси, гуд̇о бана д̇вам̣ жид̇д̇абхааванам̣ ж̇ааниссасий’’д̇и имасмим̣ таанз. д̇ат̇аа ‘‘яо д̇вам̣ звам̣ ол̣ааригам̣ д̣̇уб̣б̣алам̣ гааяабхааванам̣ на ж̇аанааси, со д̇вам̣ гуд̇о санд̇асукумам̣ жид̇д̇абхааванам̣ ж̇ааниссасий’’д̇и зд̇асмим̣ ад̇т̇аван̣н̣анаатаанз. аб̣уд̣̇д̇хаважанам̣ наамзд̇ам̣ бад̣̇анд̇и гааяабхааванаасан̃н̃ид̇авибассанаад̇о жид̇д̇абхааванаа санд̇аа, вибассанаа бана баад̣̇агаж̇жхаанад̇о ол̣ааригаа жзва д̣̇уб̣б̣алаа жаад̇и аяан̃жа зд̇асса бад̣̇асса ад̇т̇о. ‘‘аб̣уд̣̇д̇хаважанам̣ наамзд̇ам̣ важанам̣ ‘‘д̣̇иссад̇и, бхигкавз’’д̇и суд̇д̇абад̣̇ам̣ (сам̣. ни. 2.62) аахари. д̇ад̇т̇а аад̣̇аананд̇и бадисанд̇хи. нигкзбананд̇и жуд̇и. ол̣аариганд̇и аруубад̇хаммзхи д̣̇удтуллабхаавад̇д̇аа ол̣ааригам̣. гааяанд̇и жад̇усанд̇ад̇ируубасамуухабхууд̇ам̣ гааяам̣. ол̣аариганд̇и бхааванабум̣саганид̣̇д̣̇зсо, ол̣ааригаагаарзнаад̇и ад̇т̇о. д̇знзва вуд̇д̇ам̣ ‘‘аад̣̇аанамби нигкзбанамбий’’д̇и.
368. сукасаарааг̇зна саманнааг̇ад̇од̇и сукавзд̣̇анааяа б̣алавад̇арарааг̇зна саман̇г̇ийбхууд̇о. бадтаанз бадисид̣̇д̇хаа аважанзнзва. д̇асмаад̇и сукз тид̇з зва д̣̇угкассаануббаж̇ж̇анад̇о. звам̣ вуд̇д̇анд̇и ‘‘сукааяа взд̣̇анааяа нирод̇хаа уббаж̇ж̇ад̇и д̣̇угкаа взд̣̇анаа’’д̇и звам̣ вуд̇д̇ам̣, на ананд̇араава уббаж̇ж̇анад̇о. кзбзд̇ваад̇и гусалаани кзбзд̇ваа. г̇ан̣хид̇ваа ад̇д̇ано зва огаасам̣ г̇ахзд̇ваа. убхад̇обагкам̣ худ̇ваад̇и ‘‘гад̣̇аажи сукавзд̣̇анаа, гад̣̇аажи д̣̇угкавзд̣̇анаа’’д̇и багкад̣̇ваяавасзнаби взд̣̇анаа жид̇д̇асса барияаад̣̇ааяа ход̇и яат̇ааггамам̣ абхаавид̇агааяасса абхаавид̇ажид̇д̇асса.
369. вибассанаа жа сукасса бажжанийгаад̇и сугкавибассагассааад̣̇игаммигасса махаабхууд̇абариг̇г̇ахаад̣̇игаалз б̣ахи жид̇д̇ажаарам̣ нисзд̇хзд̇ваа гаммадтаанз зва сад̇им̣ сам̣харанд̇асса алад̣̇д̇хассаад̣̇ам̣ гааяасукам̣ на винд̣̇ад̇и, самб̣аад̇хз важ̇з саннируд̣̇д̇хо г̇ог̇ан̣о вияа вихан̃н̃ад̇и вибпанд̣̇ад̇и, ажжаасаннахзд̇уган̃жа сарийрз д̣̇угкам̣ уббаж̇ж̇ад̇зва. д̇зна вуд̇д̇ам̣ ‘‘д̣̇угкасса аасаннаа’’д̇и. д̇знааха ‘‘вибассанам̣ бадтабзд̇ваа’’д̇иаад̣̇и. ад̣̇д̇хаанз г̇ажчанд̇з г̇ажчанд̇зд̇и махаабхууд̇абариг̇г̇ахаад̣̇ивасзна гаалз г̇ажчанд̇з. д̇ад̇т̇а д̇ад̇т̇аад̇и д̇асмим̣ д̇асмим̣ сарийрабад̣̇зсз. д̣̇угкам̣ д̣̇уураабаг̇ад̇ам̣ ход̇и самаабад̇д̇иб̣алзна вигкамбхид̇ад̇д̇аа аббанаабхаавад̇о. анаббагам̣ вибулам̣. суканд̇и жхаанасукам̣ оггамад̇ийд̇и жхаанасамудтаанабан̣ийд̇аруубавасзна руубагааяам̣ анубависад̇и, наамагааяоггаманз вад̇д̇аб̣б̣амзва над̇т̇и. гааяабассад̣̇д̇хигаммигассаби саммасанабхааванаа бадтабзд̇ваа нисиннасса гассажи аад̣̇ид̇ова гааяагиламат̇ажид̇д̇убагхаад̇ааби самбхаванд̇и, самаад̇хисса бана абажжанийгад̇д̇аа синид̣̇д̇хабхаавад̇о жа ‘‘яат̇аа самаад̇хий’’д̇и. яат̇аа самаад̇хи, вибассанааяа банзд̇ам̣ над̇т̇ийд̇и ааха ‘‘на жа д̇ат̇аа вибассанаа’’д̇и. д̇зна вуд̇д̇анд̇и яасмаа вибассанаа сукасса бажжанийгаа, саа жа гааяабхааванаа, д̇зна вуд̇д̇ам̣ ‘‘уббаннааби сукаа взд̣̇анаа жид̇д̇ам̣ на барияаад̣̇ааяа д̇идтад̇и, бхаавид̇ад̇д̇аа гааяассаа’’д̇и. д̇ат̇аа яасмаа самаад̇хи д̣̇угкасса бажжанийго, со жа жид̇д̇абхааванаа, д̇зна вуд̇д̇ам̣ ‘‘уббаннааби д̣̇угкаа взд̣̇анаа жид̇д̇ам̣ на барияаад̣̇ааяа д̇идтад̇и, бхаавид̇ад̇д̇аа жид̇д̇ассаа’’д̇и яож̇анаа.
370. г̇ун̣з гхаддзд̇ваад̇и абад̣̇зсзна винаа самийбамзва нзд̇ваа. д̇ам̣ вад̇а мама жид̇д̇ам̣ уббаннаа сукаа взд̣̇анаа барияаад̣̇ааяа тассад̇ийд̇и нзд̇ам̣ таанам̣ виж̇ж̇ад̇ийд̇и яож̇анаа.
371. гим̣ на бхависсад̇и, сукааби д̣̇угкааби взд̣̇анаа яат̇аабажжаяам̣ уббаж̇ж̇ад̇зваад̇и ад̇т̇о. д̇амад̇т̇анд̇и сукад̣̇угкавзд̣̇анаанам̣ уббад̇д̇ияаа ад̇д̇ано жид̇д̇асса анабхибхаванийяад̇аасан̇каад̇ам̣ ад̇т̇ам̣. д̇ад̇т̇а д̇аава баасараасисуд̇д̇з б̣од̇хибаллан̇гз нисаж̇ж̇аа ‘‘д̇ад̇т̇зва нисийд̣̇и’’нд̇и вуд̇д̇аа. ид̇ха махаасажжагасуд̇д̇з д̣̇уггарагааригааяа д̣̇уггаражаран̣з нисаж̇ж̇аа ‘‘д̇ад̇т̇зва нисийд̣̇и’’нд̇и вуд̇д̇аа.
374. чанд̣̇агаран̣авасзнаад̇и д̇ан̣хааяанавасзнаад̇и ад̇т̇о. синзхагаран̣авасзнаад̇и синзханавасзна. мужчаагаран̣авасзнаад̇и моханавасзна бамаад̣̇аабаад̣̇анзна. вибаасаагаран̣авасзнаад̇и баад̇угамяад̇аавасзна. ануд̣̇аханавасзнаад̇и рааг̇аг̇г̇инаа ануд̣̇аханавасзна. логуд̇д̇арамаг̇г̇авзважанамзва вадданиссаран̣асса ад̇хиббзд̇ад̇д̇аа.
аллаг̇г̇ахан̣зна гилзсаанам̣ асамужчиннабхаавам̣ д̣̇ассзд̇и, саснзхаг̇г̇ахан̣зна авигкамбхид̇абхаавам̣, уд̣̇агз багкид̇д̇абхааваг̇г̇ахан̣зна самуд̣̇аажаараавад̇т̇ам̣, уд̣̇умб̣арагадтаг̇г̇ахан̣зна ад̇д̇абхаавасса асаарагад̇д̇ам̣. иминаава наязнаад̇и ‘‘аллам̣ уд̣̇умб̣арагадта’’нд̇иаад̣̇инаа вуд̇д̇анаязна. сабуд̇д̇абхарияабаб̣б̣аж̇ж̇ааяаад̇и буд̇д̇абхариязхи сад̣̇д̇хим̣ гад̇абариб̣б̣ааж̇агабаб̣б̣аж̇ж̇аавасзна взд̣̇ид̇аб̣б̣аа. гудийжагаб̣ахууд̣̇агахам̣са-барамахам̣саад̣̇ибхзд̣̇аа б̣раахман̣абаб̣б̣аж̇ж̇аа.
376. гуд̇оби гол̣аабам̣. д̇знааха ‘‘чиннасинзхам̣ нирааба’’нд̇и. гол̣анд̇и ваа сугкагалин̇г̇арам̣ вужжад̇и, гол̣ам̣ гол̣абхаавам̣ аабаннанд̇и гол̣аабам̣. бадибаннасса убаггамамахад̇д̇аниссид̇ад̇аа багад̇ияаа гилзсзхи анабхибхууд̇ад̇ааяа. ад̇инд̇ад̇аа бадибагкабхааванааяа. д̇ат̇аа хи сугкагол̣аабабхааво, аарагаа уд̣̇агаа т̇алз нигкид̇д̇абхааво жа нид̣̇ассид̇о. обаггамигаахийд̇и гилзсаад̇иниг̇г̇ан̣ханубаггамаббабхаваахи. взд̣̇анаахийд̇и бадибад̇д̇ивзд̣̇анаахи. д̣̇угкаа бадибад̣̇аа хи ид̇хаад̇хиббзд̇аа.
377. гим̣ бана на самад̇т̇о, яад̇о звам̣ барзхи жинд̇ид̇умби асаггун̣зяяам̣ д̣̇уггаражарияам̣ чаб̣б̣ассаани агаасийд̇и ад̇хиббааяо. гад̇вааби агад̇вааби самад̇т̇ова гааран̣асса нибпаннад̇д̇аа. ‘‘яат̇ааби саб̣б̣зсамби ко б̣од̇хисад̇д̇аанам̣ жаримабхавз анд̇амасо сад̇д̇аахамад̇д̇амби д̇хаммад̇аавасзна д̣̇уггаражарияаа ход̇иязва, звам̣ бхаг̇аваа самад̇т̇о д̣̇уггаражарияам̣ гаад̇ум̣, зван̃жа нам̣ агааси, на бана д̇ааяа б̣уд̣̇д̇хо ж̇аад̇о, ат̇а ко маж̇жхимааяа зва бадибад̇д̇ияаа’’д̇и д̇ассаа б̣яад̇ирзгамукзна сад̣̇звагасса логасса б̣од̇хааяа амаг̇г̇абхаавад̣̇ийбанад̇т̇ам̣, имасса бана бхаг̇авад̇о гаммавибаагавасзна чаб̣б̣ассаани д̣̇уггаражарияаа ахоси. вуд̇д̇ан̃хзд̇ам̣ –
‘‘аважаахам̣ ж̇од̇ибаало, гассабам̣ суг̇ад̇ам̣ д̇ад̣̇аа;
гуд̇о ну б̣од̇хи мун̣д̣асса, б̣од̇хи барамад̣̇уллабхаа.
д̇зна гаммавибаагзна, ажарим̣ д̣̇уггарам̣ б̣ахум̣;
чаб̣б̣ассаанурувзлааяам̣, д̇ад̇о б̣од̇химабаабун̣им̣.
наахам̣ зд̇зна маг̇г̇зна, баабун̣им̣ б̣од̇химуд̇д̇амам̣;
гумаг̇г̇зна г̇авзсиссам̣, буб̣б̣агаммзна ваарид̇о’’д̇и.
д̣̇уггаражарияааяа б̣од̇хааяа амаг̇г̇абхаавад̣̇ассанад̇т̇ам̣ д̣̇уггаражарияам̣ агаасийд̇и гзжи. ат̇а ваа логанаат̇асса ад̇д̇ано бараггамасамбад̇д̇ид̣̇ассанад̇т̇ааяа д̣̇уггаражарияаа. бан̣ийд̇аад̇химуд̇д̇ияаа хи барамуггам̣саг̇ад̇абхаавад̇о абхинийхаараануруубам̣ самб̣од̇хияам̣ д̇иб̣б̣ачанд̣̇ад̇ааяа сикааббад̇д̇ияаа д̇ад̣̇ад̇т̇ам̣ ийд̣̇исамби наама д̣̇уггаражарияам̣ агаасийд̇и логз ад̇д̇ано вийрияаанубхаавам̣ вибхаавзд̇ум̣ – ‘‘со жа мз бажчаа бийд̇исоманассаавахо бхависсад̇ий’’д̇и логанаат̇о д̣̇уггаражарияам̣ ‘‘сад̣̇звагасса логассаа’’д̇иаад̣̇и. д̇ад̇т̇а вийрияаниммат̇анаг̇ун̣од̇и вийрияасса сам̣вад̣дханасамбаад̣̇анаг̇ун̣о. яат̇аавуд̇д̇амад̇т̇ам̣ ‘‘баасаад̣̇з’’д̇иаад̣̇и вуд̇д̇ам̣. сан̇г̇аамз д̣̇вз д̇аяо самбахаарзд̇и д̣̇вигкад̇д̇ум̣ д̇игкад̇д̇ум̣ ваа барасзнааяа бахаарабаяог̇з. бад̇хаанавийрияанд̇и саммаббад̇хаанзхи аасзванавийрияам̣, саб̣б̣ам̣ ваа буб̣б̣абхааг̇авийрияам̣.
абхид̣̇анд̇анд̇и абхибхаванад̣̇анд̇ам̣, убарид̣̇анд̇анд̇и ад̇т̇о. д̇знааха ‘‘убарид̣̇анд̇а’’нд̇и. со хи ид̇арам̣ мусалам̣ вияа уд̣̇угкалам̣ висзсад̇о гассажи каад̣̇анагаалз абхибхуяяа вад̇д̇ад̇и. гусалажид̇д̇знаад̇и б̣алавасаммаасан̇габбаяуд̇д̇зна гусалажид̇д̇зна. агусалажид̇д̇анд̇и гаамавид̇аггаад̣̇исахид̇ам̣ агусалажид̇д̇ам̣. агусалажид̇д̇асса бавад̇д̇ид̇ум̣ аббад̣̇аанам̣ ниг̇г̇ахо. д̇ам̣д̇ам̣бадигкзбавасзна винод̣̇анам̣ абхиниббийл̣анам̣. вийрияад̇аабзна вигкамбханам̣ абхисанд̇аабанам̣. сад̣̇арат̇од̇и сабарил̣аахо. бад̇хаанзнаад̇и бад̣̇аханзна, гааяасса гиламат̇уббаад̣̇агзна вийриязнаад̇и ад̇т̇о. вид̣̇д̇хассаад̇и д̇уд̣̇асса. сад̇од̇и самаанасса.
378. сийсавзтананд̇и сийсам̣ раж̇ж̇уяаа б̣анд̇хид̇ваа д̣̇ан̣д̣агзна баривад̇д̇агавзтанам̣. араханд̇о наама зваруубаа хонд̇ийд̇и иминаа яат̇ааяам̣, звам̣ висан̃н̃ийбхууд̇ааби худ̇ваа вихаранд̇ийд̇и д̣̇ассзд̇и. д̇знааха ‘‘мад̇агасад̣̇исаа’’д̇и, взд̣̇анааббад̇д̇аа вияа хонд̇ийд̇и ад̇т̇о. субинаббадиг̇г̇ахан̣ад̇о бадтааяаад̇и бадисанд̇хиг̇г̇ахан̣з сзд̇авааран̣асубинам̣ бассид̇ваа б̣раахман̣зхи б̣яаагад̇агаалад̇о бадтааяа.
379. д̇хаммасарийрасса арог̇абхаавзна саад̇хууд̇и марисанияод̇и маарисо, бияааяанаважанамзд̇ам̣. д̇знааха ‘‘самбияааяамаанаа’’д̇иаад̣̇и. аж̇аж̇ж̇ид̇анд̇и звам̣ абхун̃ж̇ид̇ам̣ бхагаарасса ж̇агаараад̣̇зсам̣ гад̇ваа. д̇знааха ‘‘абхож̇ана’’нд̇и. звам̣ маа гарид̇т̇аад̇и ‘‘ломагуубзхи аж̇жхохаарзссаама ануббавзсзссаамаа’’д̇и яат̇аа д̇умхзхи вуд̇д̇ам̣, звам̣ маа гарид̇т̇а. гасмаа? яаабзссаамаханд̇и ахан̃жа яаавад̣̇ад̇т̇ам̣ аахаарамад̇д̇ам̣ бхун̃ж̇анд̇о яат̇аа яаабзссаами, звам̣ аахаарам̣ бадисзвиссаами.
380-81. зд̇аава бараманд̇и зд̇д̇агам̣ барамам̣, на ид̇о барам̣ обаггамигад̣̇угкавзд̣̇анаавзд̣̇ияанам̣ ад̇т̇ийд̇и ад̇т̇о. ран̃н̃о г̇ахзд̇аб̣б̣анан̇г̇алад̇о ан̃н̃аани санд̇хааяа ‘‘згзна ууна’’нд̇и вуд̇д̇ам̣. д̇ам̣ суван̣н̣абаригкад̇ам̣, ид̇араани раж̇ад̇абаригкад̇аани. д̇знааха ‘‘амажжаа згзнуунаадтасад̇араж̇ад̇анан̇г̇алааний’’д̇и. аал̣ааруд̣̇агасамааг̇амз лад̣̇д̇хаж̇жхаанаани ваддабаад̣̇агаани, аанаабаанасамаад̇хи бана гааяаг̇ад̇аасад̇ибарияаабаннад̇д̇аа саб̣б̣зсан̃жа б̣од̇хисад̇д̇аанам̣ вибассанаабаад̣̇агад̇д̇аа ‘‘б̣од̇хааяа маг̇г̇о’’д̇и вуд̇д̇о. б̣уж̇жханад̇т̇ааяаад̇и жад̇уннам̣ арияасажжаанам̣, саб̣б̣ассзва ваа н̃зяяад̇хаммасса абхисамб̣уж̇жханааяа сад̇аанусааривин̃н̃аан̣ам̣. гассаа бана сад̇ияаад̇и д̇ам̣ д̣̇ассзд̇ум̣ ‘‘наяид̣̇а’’нд̇иаад̣̇и вуд̇д̇ам̣.
382. бажжубадтид̇аад̇и д̇ам̣д̇ам̣вад̇д̇агаран̣авасзна бад̇иубадтид̇аа убадтааяагаа. д̇знааха ‘‘бан̣н̣асаалаа’’д̇иаад̣̇и. бажжаяаб̣аахуллигод̇и бажжаяаанам̣ б̣аахуллааяа бадибанно. аавад̇д̇од̇и буб̣б̣з бажжаяаг̇зд̇хаббахаанааяа бадибанно, ид̣̇аани д̇ад̇о бадинивад̇д̇о. д̇знааха ‘‘расаг̇ид̣̇д̇хо…бз… аавад̇д̇о’’д̇и. д̇хамманияаамзнаад̇и д̇хаммад̇ааяа. д̇амзва д̇хаммад̇ам̣ д̣̇ассзд̇ум̣ ‘‘б̣од̇хисад̇д̇ассаа’’д̇иаад̣̇имааха. б̣аараан̣асимзва д̇ад̇т̇ааби жа саб̣б̣аб̣уд̣̇д̇хаанам̣ авиж̇ахид̇ад̇хаммажаггабавад̇д̇анадтаанамзва аг̇амам̣су. бан̃жаваг̇г̇ияаа гира висаакамаасасса ад̣̇д̇хамаасияам̣ г̇ад̇аа. д̇знааха ‘‘д̇зсу г̇ад̇зсу ад̣дхамаасам̣ гааяавивзгам̣ лабхид̇ваа’’д̇и.
387. ‘‘ад̣̇д̇хаабход̇о г̇од̇амасса саавагаажид̇д̇абхааванаануяог̇амануяуд̇д̇аа вихаранд̇и, но гааяабхаавана’’нд̇и имам̣ санд̇хааяааха ‘‘згам̣ бан̃хам̣ бужчи’’нд̇и. имам̣ д̇хаммад̣̇зсананд̇и ‘‘абхиж̇аанаами ко банааха’’нд̇иаад̣̇игам̣ д̇хаммад̣̇зсанам̣. асаллийно д̇ан̣хаад̣̇идтигилзсаанам̣ самужчиннад̇д̇аа д̇зхи саб̣б̣асо на лид̇д̇о. анубалид̇д̇од̇и д̇ассзва взважанам̣ д̇ан̣хаананд̣̇ияаа абхаавзна. г̇ожараж̇жхад̇д̇амзваад̇и г̇ожараж̇жхад̇д̇асан̃н̃ид̇з паласамаабад̇д̇ияаа аарамман̣з, ниб̣б̣аанзд̇и ад̇т̇о. яам̣ санд̇хааяа баал̣ияам̣ ‘‘буримасмим̣ самаад̇хинимид̇д̇з’’д̇и вуд̇д̇ам̣ саннисийд̣̇аабзмийд̇и паласамаабад̇д̇исамаад̇хинаа ажжанд̇асамаад̣̇аанавасзна жид̇д̇ам̣ саммад̣̇зва нисийд̣̇аабзми. буб̣б̣аабхог̇знаад̇и самаабаж̇ж̇анад̇о буб̣б̣з бавад̇д̇ааабхог̇зна. барижчинд̣̇ид̇ваад̇и самаабаж̇ж̇анагкан̣ам̣ барижчинд̣̇ид̇ваа. д̇знааха ‘‘саад̇хугаара…бз… авижчиннзязваа’’д̇и. звамасса барижчиннагааласамаабаж̇ж̇анам̣ яат̇аабарижчиннагаалам̣ вудтаанан̃жа б̣уд̣̇д̇хаанам̣ на бхаарияам̣ васийбхаавасса д̇ат̇аасуббаг̇ун̣абхаавад̇од̇и д̣̇ассзнд̇о ааха ‘‘б̣уд̣̇д̇хаанам̣ хий’’д̇иаад̣̇и. д̇хаммасамбадиг̇г̇аахагаанам̣ ассаасаваарз ваа. д̇ад̣̇аа хи д̣̇зсияамаанам̣ д̇хаммам̣ убад̇хаарзд̇ум̣ на
огаббанийяамзд̇анд̇и ‘‘д̇ассаа зва гат̇ааяаа’’д̇иаад̣̇инаа вуд̇д̇ам̣ ад̇ивияа ажчарияаг̇ад̇ам̣ адтуббад̇д̇им̣ суд̇ваа ийд̣̇исий бадибад̇д̇и саммаасамб̣уд̣̇д̇хассзва ход̇ийд̇и убаваад̣̇авасзна вад̣̇ад̇и, на сабхаавзна. д̇знааха ‘‘сад̇т̇ари басаад̣̇амад̇д̇амби на уббанна’’нд̇и. гааяад̣̇арат̇од̇и бажжаяависзсавасзна руубагааяасса бариссамаагааро. убаад̣̇иннагзд̇и инд̣̇рияаб̣ад̣̇д̇хз. анубаад̣̇иннагзд̇и анинд̣̇рияаб̣ад̣̇д̇хз. вигасанд̇и суурияарасмисампассзна. д̇ад̣̇абхаавзна магулаани хонд̇и. гзсан̃жи д̇инд̇инигаад̣̇иругкаанам̣ бад̇илийяанд̇и ниссаяаруубад̇хаммаавибпааригад̇ааяа. аруубад̇хаммад̇ааяа бан̃жавин̃н̃аан̣аанан̃жзва гирияаамаяавин̃н̃аан̣аанан̃жа аббавад̇д̇исан̃н̃ид̇аа авибпааригад̇аа ход̇и, яад̇т̇а нид̣̇д̣̇аасаман̃н̃аа. д̇знааха ‘‘д̣̇арат̇авасзна бхаван̇г̇асод̇ан̃жа ид̇ха нид̣̇д̣̇аад̇и ад̇хиббзд̇а’’нд̇и. д̇ад̇т̇а д̣̇арат̇авасзнаад̇и д̣̇арат̇авасзнзва, на т̇инамид̣̇д̇хавасзнаад̇и авад̇хааран̣ам̣ авад̇хааран̣апалан̃жа нид̣̇д̇хаарзд̇аб̣б̣ам̣. д̇ам̣ санд̇хааяаад̇и гааяасса д̣̇арат̇асан̇каад̇асарийраг̇илаанахзд̇угам̣ нид̣̇д̣̇ам̣ санд̇хааяа. сарийраг̇илаанан̃жа бхаг̇авад̇о над̇т̇ийд̇и на саггаа вад̇д̇ум̣ ‘‘бидти мз ааг̇илааяад̇ий’’д̇и (д̣̇ий. ни. 3.300; ма. ни. 2.22; жуул̣ава. 345) важанад̇о. саммохавихаарасминд̇и бажжад̇д̇з зд̇ам̣ бхуммаважананд̇и ааха ‘‘саммохавихаарод̇и вад̣̇анд̇ий’’д̇и, саммохавихаарасмим̣ ваа барияаабаннам̣ зд̇ам̣ вад̣̇анд̇и, яад̣̇ид̣̇ам̣ д̣̇иваа нид̣̇д̣̇оггамананд̇и яож̇анаа.
389. убанийд̇зхийд̇и д̣̇осамаг̇г̇ам̣ нинд̣̇аабат̇ам̣ убанийд̇зхи. абхинанд̣̇ид̇ваад̇и самбияааяид̇ваа. д̇знааха ‘‘жид̇д̇зна самбадижчанд̇о’’д̇и. анумод̣̇ид̇ваад̇и ‘‘саад̇ху саад̇хуу’’д̇и д̣̇зсанааяа т̇оманавасзна анумод̣̇ид̇ваа. д̇знааха ‘‘ваажааяаби басам̣санд̇о’’д̇и. самбад̇д̇з гаалзд̇и баб̣б̣аж̇ж̇ааяог̇г̇з гаалз ануббад̇д̇з.
г̇ан̣ам̣ винод̣̇зд̇ваад̇и г̇ан̣ам̣ абанзд̇ваа г̇ан̣абалиб̣од̇хам̣ чинд̣̇ид̇ваа. бабан̃жанд̇и авасзсагилзсам̣. ‘‘бун̃н̃аваа рааж̇абууж̇ид̇о’’д̇и вуд̇д̇амад̇т̇ам̣ виварид̇ум̣ ‘‘д̇асмин̃хи гаалз’’д̇иаад̣̇и вуд̇д̇ам̣. чанд̣̇аваасахаран̣зна убосат̇агаммам̣ гаронд̇о.
сагалам̣ ‘‘зд̇д̇агаава, бханд̇з, б̣уд̣̇д̇хаг̇ун̣аа’’д̇и. имааяа, бханд̇з, д̇умхаагам̣ д̇хаммагат̇ааяа анавасзсад̇о б̣уд̣̇д̇хаг̇ун̣аа гат̇ид̇аа вияа ж̇ааяанд̇и, звам̣ санд̇зби ананд̇аабаримзяяаава д̇з, гим̣ ид̇о барзби виж̇ж̇анд̇зваад̇и т̇зрам̣ д̇ад̇т̇а сийханаад̣̇ам̣ над̣̇аабзд̇угаамо ааха ‘‘уд̣̇ааху ан̃н̃зби ад̇т̇ий’’д̇иаад̣̇и. раж̇ж̇асса бад̣̇зсигад̇д̇аа, яат̇аавуд̇д̇асубхаасид̇асса жа анаг̇гхад̇д̇аа вуд̇д̇ам̣ ‘‘аяам̣ мз д̣̇уг̇г̇ад̇абан̣н̣аагааро’’д̇и. д̇ияож̇анасад̇иганд̇и ид̣̇ам̣ баригкзбавасзна вуд̇д̇ам̣, д̇ан̃жа ко мануссаанам̣ барибхог̇авасзнаад̇и д̣̇адтаб̣б̣ам̣.
махаасажжагасуд̇д̇аван̣н̣анааяа лийнад̇т̇аббагаасанаа самад̇д̇аа.
7. жуул̣ад̇ан̣хаасан̇каяасуд̇д̇аван̣н̣анаа
390. д̇ад̇раад̇и аяам̣ ид̣̇аани вужжамаанаа анубуб̣б̣ий гат̇аа. ман̣ийнанд̇и зд̇т̇а бад̣̇умарааг̇аман̣ийнам̣ ад̇хиббзд̇ад̇д̇аа ааха ‘‘ан̃н̃зхи жаа’’д̇и. д̇зна инд̣̇анийлаад̣̇иман̣ийнам̣ сан̇г̇ахо д̣̇адтаб̣б̣о. нийлабийд̇алохид̇од̣̇аад̇аман̃ж̇идтабабхассарагаб̣араван̣н̣авасзна сад̇д̇аван̣н̣зхи.
д̇ан̣хаа саб̣б̣асо кийяанд̇и зд̇т̇аад̇и д̇ан̣хаасан̇каяо (а. ни. дий. 3.7.61), д̇асмим̣. д̇ан̣хаасан̇каязд̇и жа висаяз ид̣̇ам̣ бхумманд̇и ааха ‘‘д̇ам̣ аарамман̣ам̣ гад̇ваа’’д̇и. вимуд̇д̇ажид̇д̇ад̇ааяаад̇и саб̣б̣асам̣гилзсзхи вимуд̇д̇ажид̇д̇ад̇ааяа. абарабхааг̇абадибад̣̇аа наама арияасажжаабхисамаяо, саа саасанажаариг̇ожараа бажжад̇д̇ам̣ взд̣̇ид̇аб̣б̣ад̇од̇и ааха ‘‘буб̣б̣абхааг̇аббадибад̣̇ам̣ сам̣кид̇д̇зна д̣̇зсзт̇аад̇и бужчад̇ий’’д̇и. агуббад̇хаммад̇ааяа каяаваяасан̇каад̇ам̣ анд̇ам̣ ад̇ийд̇аад̇и ажжанд̇аа, со зва абарихаанасабхаавад̇д̇аа ажжанд̇аа нидтаа зд̇ассаад̇и ажжанд̇анидто. д̇знааха ‘‘зганд̇анидто сад̇ад̇анидтод̇и ад̇т̇о’’д̇и. на хи бадивид̣̇д̇хасса логуд̇д̇арад̇хаммасса д̣̇ассанам̣ губбанам̣ наама ад̇т̇и. ажжанд̇амзва жад̇уухи яог̇зхи кзмо зд̇асса ад̇т̇ийд̇и ажжанд̇аяог̇агкзмий. маг̇г̇аб̣рахмажарияасса вусид̇ад̇д̇аа, д̇асса жа абарихаанасабхаавад̇д̇аа ажжанд̇ам̣ б̣рахмажаарийд̇и ажжанд̇аб̣рахмажаарий. д̇знааха ‘‘нижжаб̣рахмажаарийд̇и ад̇т̇о’’д̇и. барияосаананд̇и б̣рахмажарияасса барияосаанам̣.
взг̇ааяад̇ийд̇и д̇урид̇ааяад̇и. саллагкзсийд̇и жинд̇зси, ад̇д̇анаа яат̇аа суд̇ааяа сад̇т̇у д̣̇зсанааяа ануссаран̣авасзна убад̇хаарзси. ануг̇г̇ан̣хид̇вааваад̇и ад̇т̇авинижчаяавасзна ануг̇г̇ахзд̇ваа зва. часу д̣̇ваарзсу нияуд̇д̇аад̇и чад̣̇вааригаа, д̇зхи.
бан̃жагканд̇хаад̇и бан̃жубаад̣̇аанагканд̇хаа. саггааяасаб̣б̣ан̃хи санд̇хааяа ид̇ха ‘‘саб̣б̣з д̇хаммаа’’д̇и вуд̇д̇ам̣ вибассанаависаяасса ад̇хиббзд̇ад̇д̇аа, д̇асмаа ааяад̇анад̇хаад̇уяоби д̇аг̇г̇ад̇игаа зва д̣̇адтаб̣б̣аа. д̇знааха бхаг̇аваа ‘‘наалам̣ абхинивзсааяаа’’д̇и. на яуд̇д̇аа абхинивзсааяа ‘‘зд̇ам̣ мама, зсо мз ад̇д̇аа’’д̇и аж̇жхосаанааяа. ‘‘аламзва ниб̣б̣инд̣̇ид̇ум̣ алам̣ вираж̇ж̇ид̇у’’нд̇иаад̣̇ийсу (д̣̇ий. ни. 2.272; сам̣. ни. 2.124-125, 128, 134, 143) вияа алам̣-сад̣̇д̣̇о яуд̇д̇ад̇т̇оби ход̇ийд̇и ааха ‘‘на яуд̇д̇аа’’д̇и. самбаж̇ж̇анд̇ийд̇и бхаванд̇и. яад̣̇иби ‘‘д̇ад̇ияаа, жад̇уд̇т̇ий’’д̇и ид̣̇ам̣ висуд̣̇д̇хид̣̇ваяам̣ ‘‘анижжам̣ д̣̇угкам̣ анад̇д̇аад̇и н̃аад̇абарин̃н̃ааяа абхиж̇аанаад̇ий’’д̇и. д̇ат̇зва д̇ийран̣абарин̃н̃ааяаад̇и иминаа анижжаад̣̇ибхаавзна наалам̣ абхинивзсааяаад̇и наамаруубасса убасам̣харад̇и, на абхин̃н̃аабан̃н̃аанам̣ самбхаарад̇хаммаанам̣. буримааяа хи ад̇т̇ад̇о аабанналагкан̣ад̇д̇аяам̣ г̇ан̣хаад̇и салагкан̣асаллагкан̣абарад̇д̇аа д̇ассаа, д̣̇уд̇ияааяа саруубад̇о д̇ассаа лагкан̣ад̇д̇аяааробанавасзна саммасанабхаавад̇о. згажид̇д̇агкан̣игад̇ааяа абхинибаад̇амад̇д̇ад̇ааяа жа аббамад̇д̇агамби. руубабариг̇г̇ахасса ол̣ааригабхаавад̇о аруубабариг̇г̇ахам̣ д̣̇ассзд̇и. д̣̇ассзнд̇о жа взд̣̇анааяа аасаннабхаавад̇о, висзсад̇о сукасаарааг̇ид̇ааяа, бхавассаад̣̇аг̇ад̇хид̇амаанасад̇ааяа жа саггасса взд̣̇анаавасзна ниб̣б̣ад̇д̇зд̇ваа д̣̇ассзд̇и.
уббаад̣̇аваяадтзнаад̇и уд̣̇аяаб̣б̣аяасабхаавзна уббаж̇ж̇ид̇ваа нируж̇жханзна. анижжаад̇и ад̣̇д̇ху ваа. анижжалагкан̣ам̣ анижжад̇аа уд̣̇аяаваяад̇аа. д̇асмаад̇и яасмаа бан̃жаннам̣ канд̇хаанам̣ каяад̇о ваяад̇о д̣̇ассанан̃аан̣ам̣ анижжаанубассанаа, д̇ам̣саман̇г̇ий жа буг̇г̇ало анижжаанубассий каяавирааг̇од̇и каяасан̇каад̇о вирааг̇о сан̇каараанам̣ балуж̇ж̇анаа. яам̣ ааг̇амма саб̣б̣асо сан̇каарзхи вираж̇ж̇анаа ход̇и, д̇ам̣ ниб̣б̣аанам̣ ажжанд̇авирааг̇о. нирод̇хаанубассимхибийд̇и нирод̇хаанубассибад̣̇зби. ‘‘зсзва наяо’’д̇и абхид̣̇исид̇ваа д̇ам̣ згад̣̇зсзна виваранд̇о ‘‘нирод̇хоби хи…бз… д̣̇увид̇хоязваа’’д̇и ааха. саб̣б̣аасавасам̣варз вуд̇д̇авоссаг̇г̇ова ид̇ха ‘‘бадиниссаг̇г̇о’’д̇и вуд̇д̇од̇и д̣̇ассзнд̇о ‘‘бадиниссаг̇г̇о вужжад̇и воссаг̇г̇о’’д̇иаад̣̇имааха. барижжааг̇авоссаг̇г̇о вибассанаа. багканд̣̇анавасзна аббанад̇о багканд̣̇анавоссаг̇г̇о маг̇г̇о ан̃н̃асса д̇ад̣̇абхаавад̇о. сод̇и маг̇г̇о. аарамман̣ад̇од̇и гижжасаад̇ханавасзна аарамман̣агаран̣ад̇о. зван̃хи маг̇г̇ад̇о ан̃н̃зсам̣ ниб̣б̣аанаарамман̣аанам̣ багканд̣̇анавоссаг̇г̇аабхааво сид̣̇д̇хо ход̇и. барижжаж̇анзна багканд̣̇анзна жаад̇и д̣̇вийхиби ваа гааран̣зхи. саб̣б̣зсам̣ канд̇хаанам̣ воссаж̇ж̇анам̣ д̇аббадиб̣ад̣̇д̇хасам̣гилзсаббахаанзна д̣̇адтаб̣б̣ам̣. жид̇д̇ам̣ багканд̣̇ад̇ийд̇и маг̇г̇асамбаяуд̇д̇ам̣ жид̇д̇ам̣ санд̇хааяааха. убхаяамбзд̇ам̣ воссаж̇ж̇анам̣. д̇ад̣̇убхаяасаман̇г̇ийд̇и вибассанаасаман̇г̇ий маг̇г̇асаман̇г̇ий жа. ‘‘анижжаанубассанааяа нижжасан̃н̃ам̣ баж̇ахад̇ий’’д̇иаад̣̇иважанад̇о (бади. ма. 1.52) яат̇аа вибассанааяа гилзсаанам̣ барижжааг̇абадиниссаг̇г̇о лаб̣бхад̇и, звам̣ ааяад̇им̣ д̇зхи гилзсзхи уббаад̣̇зд̇аб̣б̣аканд̇хаанамби барижжааг̇абадиниссаг̇г̇о вад̇д̇аб̣б̣о, багканд̣̇анабадиниссаг̇г̇о бана маг̇г̇з лаб̣бхамаанааяа зганд̇агааран̣абхууд̇ааяа вудтаанаг̇ааминивибассанааяа васзна взд̣̇ид̇аб̣б̣о, маг̇г̇з бана д̇ад̣̇убхаяамби н̃ааяааг̇ад̇амзва ниббарияааяад̇ова лаб̣бхамаанад̇д̇аа. д̇знааха ‘‘д̇ад̣̇убхаяасаман̇г̇ий буг̇г̇ало’’д̇иаад̣̇и.
бужчанд̇асса ‘‘д̇ан̣хаавасзна на убаад̣̇ияад̇ий’’д̇и. д̇ан̣хаавасзна ваа асад̇и убаад̣̇ияанз д̣̇идтивасзна убаад̣̇ияанам̣ анавагаасамзваад̇и ‘‘д̇ан̣хаавасзна’’ижжзва вуд̇д̇ам̣. на бараамасад̇ийд̇и наад̣̇ияад̇и, д̣̇идтибараамаасавасзна ваа ‘‘нижжа’’нд̇иаад̣̇инаа на бараамасад̇и. сам̣кид̇д̇знзва киббам̣ гат̇зсийд̇и д̇асса аж̇жхаасаяавасзна бабан̃жам̣ агад̇ваа гат̇зси.
391. абхисамааг̇анд̇ваад̇и абхимукан̃аан̣зна н̃зяяам̣ самааг̇анд̇ваа яаат̇аавад̇о вид̣̇ид̇ваа. д̇знааха ‘‘ж̇аанид̇ваа’’д̇и. яат̇аабарисавин̃н̃аабагад̇д̇аад̇и яат̇аабарисам̣ барияанд̇ам̣ на нижчарад̇ийд̇и на бавад̇д̇ад̇и. маа нирад̇т̇агаа аг̇амаасийд̇и ид̣̇ам̣ д̇хаммад̇аавасзна вуд̇д̇ам̣, на сад̇т̇у аж̇жхаасаяавасзна. зган̃хзд̇ам̣ сад̇т̇у важийгхосасса адтасу ан̇г̇зсу, яад̣̇ид̣̇ам̣ барисабарияанд̇ад̇аа. чид̣̇д̣̇авиварогаасод̇и чид̣̇д̣̇абхууд̇о, виварабхууд̇о ваа огаасоби над̇т̇и, бхаг̇авад̇о сад̣̇д̣̇аасаванагааран̣ам̣ вуд̇д̇амзва. д̇асмаад̇и яат̇аавуд̇д̇агааран̣ад̇о.
бан̃жа ан̇г̇аани зд̇ассаад̇и бан̃жан̇г̇ам̣, бан̃жан̇г̇ам̣ зва бан̃жан̇г̇игам̣. махад̇ийаад̣̇и вийн̣аависзсоби аад̇ад̇амзваад̇и ‘‘жаммабарияонад̣̇д̇хзсуу’’д̇и висзсид̇ам̣. згад̇алам̣ гумбхат̇уун̣ад̣̇ад̣̇д̣̇араад̣̇и. жаммабарияонад̣̇д̇хам̣ худ̇ваа д̇анд̇иб̣ад̣̇д̇хам̣ аад̇ад̇авид̇ад̇ам̣. д̇знааха ‘‘д̇анд̇иб̣ад̣̇д̇хабан̣аваад̣̇ий’’д̇и. г̇омукийаад̣̇ийнамби зд̇т̇зва сан̇г̇ахо д̣̇адтаб̣б̣о. вам̣саад̣̇ийд̇и аад̣̇и-сад̣̇д̣̇зна сан̇касин̇г̇аад̣̇ийнам̣ сан̇г̇ахо. саммаад̣̇ийд̇и саммад̇аал̣агам̣сад̇аал̣асилаасалаагад̇аал̣аад̣̇и. д̇ад̇т̇а саммад̇аал̣ам̣ наама д̣̇ан̣д̣амаяад̇аал̣ам̣. гам̣сад̇аал̣ам̣ лохамаяам̣. силааяа аяобад̇д̇зна жа ваад̣̇анад̇аал̣ам̣ силаасалаагад̇аал̣ам̣. самаббид̇од̇и саммаа аббид̇о убзд̇о. д̇знааха ‘‘убаг̇ад̇о’’д̇и. убадтаанавасзна бан̃жахи д̇уурияасад̇зхи убзд̇о. звам̣бхууд̇о жа яасмаа д̇зхи убадтид̇о саманнааг̇ад̇о наама ход̇и, д̇асмаа вуд̇д̇ам̣ ‘‘саман̇г̇ийбхууд̇од̇и д̇ассзва взважана’’нд̇и. барижаарзд̇ийд̇и барид̇о жаарзд̇и. гаани бана жаарзд̇и, гат̇ам̣ ваа жаарзд̇ийд̇и ааха ‘‘самбад̇д̇им̣…бз… жаарзд̇ий’’д̇и. д̇ад̇т̇а д̇ад̇о д̇ад̇од̇и д̇асмим̣ д̇асмим̣ ваад̣̇ид̇з д̇ад̇т̇а д̇ад̇т̇а жа ваад̣̇агаж̇анз. абанзд̇ваад̇и ваад̣̇агаж̇анз нисзд̇хзд̇ваа. д̇знааха ‘‘ниссад̣̇д̣̇аани гаараабзд̇ваа’’д̇и. д̣̇зважааригам̣ г̇ажчад̇иязва д̣̇звад̇аанам̣ мануссаанан̃жа анугамбааяа. свааяамад̇т̇о вимаанавад̇т̇уухи (ви. ва. 1) д̣̇ийбзд̇аб̣б̣о.
392. аббзва сагзна гаран̣ийязнаад̇и маариса, мог̇г̇аллаана, маяам̣ сагзна гаран̣ийязна аббзва б̣ахугижжааби на хома. абижа д̣̇зваанам̣язваад̇и абижа ко бана д̣̇зваанам̣язва д̇аавад̇им̣саанам̣ гаран̣ийязна ‘‘бат̇авид̇о бадтааяаа’’д̇и. нияамзнд̇од̇и авад̇хаарзнд̇о. д̇ам̣ бана гаран̣ийяам̣ саруубад̇о д̣̇ассзд̇ум̣ ‘‘д̣̇зваанам̣ хий’’д̇иаад̣̇и вуд̇д̇ам̣. д̇аасанд̇и д̣̇звад̇хийд̇уд̣̇звабуд̇д̇абаад̣̇абарижааригаанам̣. ман̣д̣анабасаад̇ханагааригаад̇и ман̣д̣анабасаад̇ханасам̣вид̇хааяигаа. аддагаран̣ам̣ над̇т̇и сам̣саяассзва абхаавад̇о.
яанд̇и савануг̇г̇ахан̣аад̣̇ивасзна субарижид̇амби яам̣ ад̇т̇аж̇аад̇ам̣. на д̣̇иссад̇и, бан̃н̃аажагкуно саб̣б̣асо на бадибхаад̇ийд̇и ад̇т̇о. гзжийд̇и саарасамаасаажарияаа. соманассасам̣взг̇анд̇и соманассасамудтаанам̣ сам̣взг̇ам̣, на жид̇д̇асанд̇аасам̣.
самубаб̣яуул̣ход̇и яуж̇жханавасзна сахабад̇ид̇о самог̇аал̣хо. звам̣бхууд̇о жа яасмаа самуухавасзна самбин̣д̣ид̇о ход̇и, д̇асмаа вуд̇д̇ам̣ ‘‘саннибад̇ид̇о раасибхууд̇о’’д̇и. ананд̇арз ад̇д̇абхаавзд̇и ид̣̇ам̣ д̣̇уд̇ияам̣ саггад̇д̇абхаавам̣ д̇ад̇о ананд̇араад̇ийд̇зна саггад̇д̇абхаавзна саггад̇д̇абхаавасааман̃н̃ад̇о згамива гад̇ваа г̇ахан̣авасзна вуд̇д̇ам̣, ан̃н̃ат̇аа ‘‘д̇ад̇ияз ад̇д̇абхаавз’’д̇и вад̇д̇аб̣б̣ам̣ сияаа. магхад̇д̇абхааво хи ид̇о д̇ад̇ияод̇и. ат̇а ваа яасмим̣ ад̇д̇абхаавз со д̣̇зваасурасан̇г̇аамо ахоси, д̇асса ананд̇арад̇д̇аа магхад̇д̇абхаавасса вуд̇д̇ам̣ ‘‘ананд̇арз ад̇д̇абхаавз’’д̇и. сад̇д̇аанам̣ хид̇зсид̇ааяа маад̇аабид̇уубадтаанаад̣̇инаа жарияаахи б̣од̇хисад̇д̇ажарияаа вияасса жарияаа ахоси. сад̇д̇а вад̇абад̣̇аанийд̇и сад̇д̇а вад̇агодтаасз.
махаабаананд̇и маханд̇ам̣ сураабаанам̣. г̇ан̣д̣абаананд̇и г̇ан̣д̣асураабаанам̣, ад̇химад̇д̇абаананд̇и ад̇т̇о. барихарамаанаад̇и бариваарзнд̇аа. взд̣̇игаабаад̣̇аад̇и синзрусса барияанд̇з взд̣̇игаабаригкзбаа. бан̃жасу таанзсууд̇и бан̃жасу барибхан̣д̣адтаанзсу нааг̇асзнаад̣̇ийхи аарагкам̣ табзси.
393. рааман̣зяяаганд̇и раман̣ийяабхаавам̣. масаараг̇аллад̇т̇амбхзд̇и габ̣араман̣имаяз т̇амбхз. суван̣н̣аад̣̇имаяз гхадагзд̇и ‘‘раж̇ад̇ад̇т̇амбхзсу суван̣н̣амаяз, суван̣н̣ад̇т̇амбхзсу раж̇ад̇амаяз’’д̇иаад̣̇инаа суван̣н̣аад̣̇имаяз гхадагз ваал̣аруубагаани жа. баб̣аал̣хам̣ мад̇д̇од̇и бамад̇д̇о. д̇знааха ‘‘ад̇ивияа мад̇д̇о’’д̇и. наадагабариваарзнаад̇и ажчараабариваарзна.
ажчарияаб̣бхуд̇анд̇и сан̃ж̇аад̇аажчарияааб̣бхуд̇аа, д̇ат̇аа бавад̇д̇ажид̇д̇уббаад̣̇аа. ажчарияаб̣бхуд̇ахзд̇угаа сан̃ж̇аад̇аа сан̃ж̇аад̇ад̇удтино. сам̣виг̇г̇анд̇и сан̃ж̇аад̇асам̣взг̇ам̣. свааяам̣ сам̣взг̇о яасмаа буримаавад̇т̇ааяа жид̇д̇асса жаланам̣ ход̇и, д̇асмаа вуд̇д̇ам̣ ‘‘жалид̇а’’нд̇и.
394. д̇амам̣ винод̣̇ид̇анд̇и баадихаарияад̣̇ассанзна ‘‘ахо т̇зрасса ид̣̇д̇хаанубхааво’’д̇и саммаабадибад̇д̇ияам̣ сан̃ж̇аад̇аб̣ахумаано, ийд̣̇исам̣ наама саасанам̣ лабхид̇вааби маяам̣ нирад̇т̇агзна бхог̇амад̣̇зна саммад̇д̇аа бхаваамаад̇и яонисо манасигааруббаад̣̇анзна саммохад̇амам̣ винод̣̇ид̇ам̣ вид̇хамид̇ам̣. зд̇зд̇и махаат̇зро сагго жаад̇и д̇з д̣̇взби самаанаб̣рахмажарияад̇ааяа саб̣рахмажаарино.
395. бан̃н̃аад̇аананд̇и баагадаанам̣ жаад̇умахаарааж̇а-суяаама-санд̇усид̇а-бараниммид̇авасавад̇д̇имахааб̣рахмаанам̣ ан̃н̃ад̇аро, на язсам̣ гзсан̃жийд̇и ад̇хиббааяо. аарад̣̇д̇хад̇хаммавасзнзва барияосаабид̇ад̇д̇аа яат̇аанусанд̇хинаава нидтабзси.
жуул̣ад̇ан̣хаасан̇каяасуд̇д̇аван̣н̣анааяа лийнад̇т̇аббагаасанаа самад̇д̇аа.
8. махаад̇ан̣хаасан̇каяасуд̇д̇аван̣н̣анаа
396. лад̣̇д̇химад̇д̇анд̇и сассад̇ад̣̇идтийд̇и нижжаабхинивзсо. сод̇и аридто бхигку. гат̇зд̇ваа самод̇хаанзнд̇анд̇и яож̇анаа. самод̇хаанзнд̇анд̇и жа ниг̇амзнд̇анд̇и ад̇т̇о. д̇ад̇т̇а д̇ад̇т̇зваад̇и д̇зсу д̇зсу зва бхавзсу нируж̇жханд̇и, на бхаванд̇арам̣ сан̇гаманд̇и. вин̃н̃аан̣ам̣ бана абхиннасабхаавам̣ анан̃н̃анд̇и ад̇хиббааяо. ид̇халогад̇од̇и имасмаа ад̇д̇абхааваа. баралоганд̇и барабхавасан̃н̃ид̇ам̣ ад̇д̇абхаавам̣. санд̇хаавад̇ийд̇и нижжад̇ааяа гзнажи асамб̣ад̣̇д̇хам̣ вияа г̇ажчад̇и. д̇зна ид̇халогад̇о баралогаг̇аманамааха. сам̣сарад̇ийд̇и иминаа баралогад̇о ид̇хааг̇аманам̣. санд̇хаавад̇ийд̇и ваа бхаванд̇арасан̇гаманамааха. сам̣сарад̇ийд̇и д̇ад̇т̇а д̇ад̇т̇а абараабарасан̃жаран̣ам̣.
‘‘бажжаяз б̣уд̣̇д̇хзна агат̇ид̇ам̣ гат̇зсийд̇и иминаа ‘‘яам̣ абхаасид̇ам̣ алабид̇ам̣ д̇ат̇ааг̇ад̇зна, д̇ам̣ бхаасид̇ам̣ лабид̇ам̣ д̇ат̇ааг̇ад̇знаад̇и д̣̇ийбзд̇ий’’д̇и (жуул̣ава. 352, 353) имасмим̣ бхзд̣̇агаравад̇т̇усмим̣ санд̣̇иссад̇ийд̇и д̣̇ассзд̇и. ж̇инажаггз бахаарам̣ д̣̇зд̇ийд̇и ‘‘д̇ад̣̇звид̣̇ам̣ вин̃н̃аан̣ам̣…бз… анан̃н̃а’’нд̇и нижжад̇ам̣ бадиж̇аананд̇о – ‘‘саб̣б̣з сан̇каараа анижжаа (д̇ха. ба. 277), руубам̣, бхигкавз, анижжа’’нд̇и (сам̣. ни. 3.93-94) жа аад̣̇инаяаббавад̇д̇з сад̇т̇у д̇хаммажаггз кийлам̣ уббаад̣̇знд̇о бахаарам̣ д̣̇зд̇и. саб̣б̣ан̃н̃уд̇ан̃н̃аан̣зна анижжанд̇и д̣̇идтам̣ бавзд̣̇ид̇ан̃жа вин̃н̃аан̣ам̣ нижжанд̇и бадиж̇аананд̇о взсаараж̇ж̇ан̃аан̣ам̣ бадиб̣аахад̇и. сод̇угаамам̣ ж̇ананд̇и арияад̇хаммаад̇хиг̇амасса зганд̇аубааяабхууд̇ам̣ вибассанаамаг̇г̇ам̣ сод̇угаамам̣ ж̇анам̣ нижжаг̇г̇аахабаг̇г̇ан̣ханзна висам̣ваад̣̇зд̇и. д̇ад̇о зва арияабат̇з арияад̇хаммавийт̇ияам̣ д̇ассаа бадигкибанзна д̇ирияам̣ нибад̇ид̇ваа.
398. вин̃н̃аан̣асийсзна ад̇д̇анаа г̇ахид̇ам̣ ад̇д̇аанам̣ вибхаавзнд̇о ‘‘явааяам̣, бханд̇з’’д̇иаад̣̇имааха. д̇ад̇т̇а вад̣̇о взд̣̇зяяод̇иаад̣̇аяо сассад̇ад̣̇идтияаа зва абхинивзсаагаараа. вад̣̇ад̇ийд̇и вад̣̇о, важийгаммасса гаарагод̇и ад̇т̇о. иминаа хи гаарагабхаавубааяигасад̇д̇аанам̣ хид̇асукааваб̣од̇ханасамад̇т̇ад̇ам̣ ад̇д̇ано д̣̇ассзд̇и. взд̣̇ияова взд̣̇зяяо, ж̇аанаад̇и анубхавад̇и жаад̇и ад̇т̇о. ийд̣̇исаанан̃хи бад̣̇аанам̣ б̣ахулаа гад̇д̇усаад̇ханад̇ам̣ сад̣̇д̣̇авид̣̇уу ман̃н̃анд̇и. взд̣̇аяад̇ийд̇и д̇ам̣ д̇ам̣ анубхавид̇аб̣б̣ам̣ анубхавад̇и. д̇ахим̣ д̇ахинд̇и д̇зсу д̇зсу бхаваяониг̇ад̇итид̇исад̇д̇ааваасасад̇д̇анигааязсу.
399. д̇ам̣ хздтаад̇и алаг̇ад̣̇д̣̇асуд̇д̇асам̣ван̣н̣анам̣ (ма. ни. адта. 2.236-237) санд̇хааяааха. барад̇о хздтаад̇и вуд̇д̇адтаанзби зсзва наяо. баадиязгго анусанд̇хийд̇и д̇ийхиби анусанд̇хийхи авомиссо висум̣язвзго анусанд̇хи. нану жааяамби саад̇исса аж̇жхаасаяавасзна бавад̇д̇ид̇ад̇д̇аа аж̇жхаасаяаанусанд̇хиязваад̇и? на, нияяаанамукзна аббавад̇д̇ад̇д̇аа. нияяаанан̃хи бурагкад̇ваа бужчаад̣̇ивасзна бавад̇д̇аа ид̇араа д̣̇зсанаабужчаанусанд̇хиаад̣̇аяо. ид̇ха д̇ад̣̇абхаавад̇о ‘‘баадиязгго анусанд̇хий’’д̇и. барисааяа лад̣̇д̇хим̣ сод̇хзнд̇од̇и яаад̣̇исий саад̇исса лад̣̇д̇хи, д̇ад̣̇абхаавад̣̇ассанавасзна барисааяа лад̣̇д̇хим̣ сод̇хзнд̇о, барисааяа лад̣̇д̇хисод̇ханзнзва саад̇и г̇ан̣ад̇о ниссаарид̇о наама ж̇аад̇о.
400. яам̣ яад̣̇зваад̇и ид̣̇ам̣ яад̣̇иби ависзсад̇о бажжаяад̇хаммаг̇г̇ахан̣ам̣, ‘‘вин̃н̃аан̣анд̇взва сан̇кяам̣ г̇ажчад̇ий’’д̇и бана вуд̇д̇ад̇д̇аа д̇ам̣д̇ам̣вин̃н̃аан̣асса саман̃н̃аанимид̇д̇абажжаяаж̇аад̇ам̣ г̇ахид̇анд̇и д̣̇адтаб̣б̣ам̣. д̇зна вуд̇д̇ам̣ баал̣ияам̣ – ‘‘жагкувин̃н̃аан̣анд̇взва сан̇кяам̣ г̇ажчад̇ий’’д̇иаад̣̇и. ат̇а ваа д̇ам̣д̇ам̣д̣̇вааранияад̇ам̣ ид̇арамби саб̣б̣ам̣ д̇асса д̇асса вин̃н̃аан̣асса бажжаяаж̇аад̇ам̣ ид̇ха ‘‘яам̣ яад̣̇зваа’’д̇и г̇ахид̇ам̣, д̇ад̇т̇а бана яам̣ асаад̇хааран̣ам̣, д̇зна саман̃н̃аад̇и ‘‘жагкувин̃н̃аан̣анд̇взваа’’д̇иаад̣̇и вуд̇д̇ам̣. д̣̇ваарасан̇ганд̇ияаа абхааванд̇и вин̃н̃аан̣асса д̣̇вааранд̇арасан̇гаманасса абхаавам̣. свааяам̣ ол̣аариганаязна манд̣̇аб̣уд̣̇д̇хийнам̣ сукааваб̣од̇ханад̇т̇ам̣ наяад̣̇ассанавасзна вуд̇д̇о. на хи гад̣̇аажи бажжуббаннам̣ вин̃н̃аан̣ам̣ виг̇ажчанд̇ам̣ ананд̇аравин̃н̃аан̣ам̣ сан̇гамад̇и ананд̇араад̣̇ибажжаяаалаабхз д̇асса ануббаж̇ж̇анад̇о.
звамзваад̇и яат̇аа аг̇г̇и убаад̣̇аанам̣ бадижжа ж̇аланд̇о анубаад̣̇аано д̇ад̇т̇зва ниб̣б̣ааяад̇и, на гад̇т̇ажи сан̇гамад̇и, звамзва. ‘‘бажжаяавзгаллзна д̇ад̇т̇зва нируж̇жхад̇ий’’д̇и гасмаа вуд̇д̇ам̣, на хзд̇т̇а ануббаад̣̇анирод̇хо ижчид̇о д̇аад̣̇исасса нирод̇хасса ид̇ха анад̇хиббзд̇ад̇д̇аа, ат̇а ко кан̣анирод̇хо, со жа саабхаавигад̇д̇аа на бажжаяавзгаллахзд̇уго? сажжамзд̇ам̣, д̇ам̣д̇ам̣д̣̇вааригасса бана вин̃н̃аан̣асса д̣̇вааранд̇арам̣ асан̇гамид̇ваа д̇ад̇т̇а д̇ад̇т̇зва нируж̇жханам̣ ид̇хаад̇хиббзд̇ам̣. язсан̃жа бажжаяаанам̣ васзна д̣̇вааранд̇аригавин̃н̃аан̣зна бхавид̇аб̣б̣ам̣, д̇зсам̣ д̇ад̣̇абхаавад̇о бажжаяавзгаллаг̇г̇ахан̣ам̣, д̇асмаа бажжаяавзгаллзна на сод̇аад̣̇ийни сан̇гамид̇ваа сод̇авин̃н̃аан̣анд̇иаад̣̇и сан̇кяам̣ г̇ажчад̇ийд̇и яож̇анаа. зд̇зна яам̣ вин̃н̃аан̣ам̣ жагкуруубаад̣̇ибажжаяасаамаг̇г̇ияаа васзна жагкувин̃н̃аан̣асан̇кяам̣ г̇ажчад̇и, д̇ад̇т̇а д̇ад̇т̇зва нируж̇жхад̇и д̇аавагаалигабхаавад̇о, д̇асса бана сод̇асад̣̇д̣̇аад̣̇ибажжаяаабхаавад̇о гуд̇о сод̇авин̃н̃аан̣аад̣̇исаман̃н̃аа, звамаббавад̇д̇ид̇о д̇асса гуд̇о сан̇гамод̇и д̣̇ассид̇ам̣ ход̇и. вин̃н̃аан̣аббавад̇д̇зд̇и вин̃н̃аан̣аббавад̇д̇ияам̣. д̣̇ваарасан̇ганд̇имад̇д̇анд̇и д̣̇вааранд̇арасан̇гаманамад̇д̇амби на вад̣̇аами д̇ад̇т̇а д̇ад̇т̇зва
401. ‘‘бадижжасамуббаннам̣ ‘‘саббажжаяабхаавам̣ д̣̇ассзд̇ваа’’д̇и. хзд̇убажжаязхи ж̇аад̇ам̣ ниб̣б̣ад̇д̇ам̣ ‘‘бхууд̇а’’нд̇и ид̇хаад̇хиббзд̇ам̣, д̇ам̣ ад̇т̇ад̇о бан̃жагканд̇хаа д̇аб̣б̣инимуд̇д̇асса саббажжаяасса абхаавад̇о, яан̃жа канд̇хабан̃жагам̣ ад̇д̇ано д̇зсан̃жа бхигкуунам̣, д̇ам̣ ‘‘бхууд̇амид̣̇а’’нд̇и бхаг̇аваа авожаад̇и ааха ‘‘ид̣̇ам̣ канд̇хабан̃жага’’нд̇и. ад̇д̇ано палам̣ аахарад̇ийд̇и аахааро, бажжаяо. самбхавад̇и зд̇асмаад̇и самбхаво, аахааро самбхаво зд̇ассаад̇и аахаарасамбхавам̣. д̇знааха ‘‘бажжаяасамбхава’’нд̇и. д̇асса бажжаяасса нирод̇хаад̇и язна авиж̇ж̇аад̣̇инаа бажжаязна канд̇хабан̃жагам̣ самбхавад̇и, д̇асса бажжаяасса ануббаад̣̇анирод̇хаа. кан̣анирод̇хо бана гааран̣анирабзгко.
носсууд̇и сам̣саяаж̇од̇ано нибаад̇од̇и ааха ‘‘бхууд̇ам̣ ну ко ид̣̇ам̣, на ну ко бхууд̇а’’нд̇и. бхууд̇амид̣̇ам̣ носсууд̇и жа иминаа канд̇хабан̃жагамзва ну ко ид̣̇ам̣, уд̣̇ааху ад̇д̇ад̇д̇анияанд̇и звам̣ж̇аад̇иго сам̣саяанаагааро г̇ахид̇о. д̇ад̣̇аахаарасамбхавам̣ носсууд̇и бана иминаа сахзд̇угам̣ ну ко ид̣̇ам̣ бхууд̇ам̣, уд̣̇ааху ахзд̇уганд̇и яат̇аа ахзд̇угабхааваабанно сам̣саяанаагааро г̇ахид̇о, звам̣ висамахзд̇угабхааваабанноби сам̣саяанаагааро г̇ахид̇од̇и д̣̇адтаб̣б̣ам̣. висамахзд̇уноби барамад̇т̇ад̇о бхууд̇асса ахзд̇угабхаавад̇о. висамахзд̇уваад̣̇оби барзхи баригаббид̇амад̇д̇ад̇ааяа сабхааванияад̇ияад̣̇ижчаад̣̇иваад̣̇зхи самаанаяог̇агкамод̇и. нирод̇хад̇хаммам̣ носсууд̇и иминаа яат̇аа анижжам̣ ну ко ид̣̇ам̣ бхууд̇ам̣, уд̣̇ааху нижжанд̇и анижжад̇ам̣ бадижжа сам̣саяанаагааро г̇ахид̇о, звам̣ д̣̇угкам̣ ну ко, уд̣̇ааху на д̣̇угкам̣, анад̇д̇аа ну ко, уд̣̇ааху на анад̇д̇аад̇иби сам̣саяанаагааро г̇ахид̇оязваад̇и д̣̇адтаб̣б̣ам̣ анижжасса д̣̇угкабхааваад̣̇иавассам̣бхаавад̇о, нижжз жа д̇ад̣̇убхаяаабхаавад̇о. яаат̇аавасарасалагкан̣ад̇од̇и авибарийд̇асарасад̇о салагкан̣ад̇о жа, гижжад̇о жзва сабхаавад̇о жаад̇и ад̇т̇о. вибассанааяа ад̇хидтаанабхууд̇ааби бан̃н̃аа вибассанаа зваад̇и вуд̇д̇ам̣ ‘‘вибассанаабан̃н̃ааяаа’’д̇и. сарасад̇од̇и жа сабхаавад̇о. салагкан̣ад̇од̇и сааман̃н̃алагкан̣ад̇о. д̇знааха ‘‘вибассанаабан̃н̃ааяа саммаа бассанд̇ассаа’’д̇и. вуд̇д̇анаязнзваад̇и ‘‘яаат̇аавасарасалагкан̣ад̇о’’д̇и вуд̇д̇анаязнзва. яз язд̇и д̇ассам̣ барисааяам̣ яз яз бхигкуу. саллагкзсунд̇и саммад̣̇зва убад̇хаарзсум̣.
д̇зхийд̇и д̇ад̇т̇аад̇и д̇иссам̣ вибассанаабан̃н̃ааяам̣. нид̇д̇ан̣хабхааванд̇и д̇ан̣хаабхаавам̣ ‘‘зд̇ам̣ мама’’нд̇и д̇ан̣хааг̇г̇аахасса бахийнад̇ам̣. зд̇знаби бхаг̇аваа ‘‘ахам̣, бхигкавз, д̇хаммзсуби д̇ан̣хаабахаанамзва ван̣н̣зми, саад̇и бана могхабурисо ад̇д̇абхаавзби д̇ан̣хаасам̣вад̣̇д̇ханим̣ вибарийд̇ад̣̇идтим̣ баг̇г̇аяха д̇идтад̇ий’’д̇и саад̇им̣ ниг̇г̇ан̣хаад̇и. сабхаавад̣̇ассанзнаад̇и д̇хаммаанам̣ авибарийд̇асабхаавад̣̇ассанзна. бажжаяад̣̇ассанзнаад̇и гааран̣ад̣̇ассанзна анавасзсад̇о хзд̇уно бажжаяасса жа д̣̇ассанзна. аллийязт̇аад̇и д̇ан̣хаад̣̇идтивасзна ниссаязт̇а. д̇знааха ‘‘д̇ан̣хаад̣̇идтийхий’’д̇и. гзлааязт̇аад̇и барихаран̣агзл̣ияаа барихарзяяаат̇а. д̇знааха ‘‘гийл̣амаанаа вихарзяяаат̇аа’’д̇и. д̇ханам̣ вияа ижчанд̇аад̇и д̇ханам̣ вияа д̣̇раб̣яам̣ вияа ижчам̣ д̇ан̣хам̣ ж̇анзнд̇аа. д̇знааха ‘‘г̇зд̇хам̣ аабаж̇ж̇зяяаат̇аа’’д̇и. мамад̇д̇ам̣ уббаад̣̇зяяаат̇аад̇и ‘‘мамамид̣̇а’’нд̇и д̇ан̣хаад̣̇идтивасзна абхинивзсам̣ ж̇анзяяаат̇а. ниганд̇ивасзнаби г̇ахан̣ад̇т̇ааяа но д̣̇зсид̇о, д̇асса ваа сан̣хасукумасса вибассанаад̇хаммасса г̇ахан̣ам̣ наама ниганд̇ияаа зва сияаа, на ол̣ааригад̇ан̣хааяаад̇и вуд̇д̇ам̣ ‘‘ниганд̇ивасзнаа’’д̇и.
402. бадижжа зд̇асмаа палам̣ зд̇ийд̇и бажжаяо, саб̣б̣о гааран̣ависзсод̇и ааха ‘‘канд̇хаанам̣ бажжаяам̣ д̣̇ассзнд̇о’’д̇и. яаава авиж̇ж̇аа хи саб̣б̣о нзсам̣ гааран̣ависзсо ид̇ха д̣̇ассид̇о. буна аад̣̇ид̇о бадтааяа яаава барияосаанаа, анд̇ад̇о бадтааяа яаава аад̣̇ийд̇и ануломад̇о бадиломад̇о жа ваддавиваддад̣̇ассанавасзна наанаанаязхи бадижжасамуббаад̣̇о д̣̇ассид̇о, нижжаг̇г̇аахасса нимид̇д̇абхууд̇о гилзсоби ид̇ха над̇т̇ийд̇и д̣̇ийбзд̇и. д̇амби вуд̇д̇ад̇т̇амзваад̇и д̇амби ‘‘имз жа, бхигкавз, жад̇д̇ааро аахаараа’’д̇иаад̣̇и яаава ‘‘д̇ан̣хаабабхаваа’’д̇и баал̣ибад̣̇ам̣, д̇аава вуд̇д̇ад̇т̇амзва саммаад̣̇идтисуд̇д̇аван̣н̣анааяам̣ (ма. ни. адта. 1.89). сзсам̣ бадижжасамуббаад̣̇агат̇аабхаавад̇о висуд̣̇д̇химаг̇г̇з (висуд̣̇д̇хи. 2.570) вид̇т̇аарид̇ааваад̇и иминаава сан̇г̇ахид̇ам̣.
404. имасмим̣ сад̇и ид̣̇ам̣ ход̇ийд̇иаад̣̇ийсу яам̣ вад̇д̇аб̣б̣ам̣, д̇ам̣ барамад̇т̇ад̣̇ийбанияам̣ уд̣̇аанадтагат̇ааяам̣ (уд̣̇аа. адта. 1) вуд̇д̇анаязнзва взд̣̇ид̇аб̣б̣ам̣.
407. бадид̇хааванаад̇и бадисаран̣ам̣, буб̣б̣з ад̇д̇ано ааг̇ад̇ам̣ ад̇ийд̇ам̣ ад̣̇д̇хаанам̣ уд̣̇д̣̇исса д̇ан̣хаад̣̇идтивасзна бадиг̇амананд̇и ад̇т̇о. нану вижигижчаавасзна баал̣ияам̣ д̇ад̇т̇аад̇и д̇асмим̣ яат̇аад̇хиг̇ад̇з н̃аан̣ад̣̇ассанз.
нижжалабхааванд̇и г̇арууд̇и г̇аруг̇ун̣аяуд̇д̇о. бхаариго баасаан̣ажчад̇д̇асад̣̇исо. агаамаа анувад̇д̇ид̇аб̣б̣од̇и сад̣̇д̇хаамад̇д̇агзнзва анувад̇д̇анамааха, на авзжжаббасаад̣̇зна. гижжанд̇и сад̇т̇угижжам̣. б̣раахман̣аананд̇и ж̇аад̇иманд̇аб̣раахман̣аанам̣. вад̇асамаад̣̇аанаанийд̇и маг̇авад̇аад̣̇ивад̇асамаад̣̇аанаани. д̣̇идтигуд̇уухалаанийд̇и д̇ам̣д̇ам̣д̣̇идтиг̇г̇аахавасзна ‘‘ид̣̇ам̣ сажжам̣, ид̣̇ам̣ сажжа’’нд̇иаад̣̇инаа г̇ахзд̇аб̣б̣агуд̇уухалаани. звам̣ ниссадтаанийд̇и яат̇аа маяаа д̇умхаагам̣ оваад̣̇о д̣̇инно, звам̣ ниссадтаани вад̇аад̣̇ийни д̇ам̣ ад̇иггамид̇ваа гим̣ г̇ан̣хзяяаат̇а. саяам̣ н̃аан̣зна н̃аад̇анд̇и баранзяяад̇ам̣ мун̃жид̇ваа ад̇д̇ано зва н̃аан̣зна яаат̇аавад̇о н̃аад̇ам̣. звам̣бхууд̇ан̃жа саяам̣ бажжагкад̇о д̣̇идтам̣ наама ход̇ийд̇и ааха ‘‘саяам̣ бан̃н̃аажагкунаа д̣̇идта’’нд̇и. саяам̣ вибхаавид̇анд̇и д̇зхи бхигкуухи д̇асса ад̇т̇асса бажжад̇д̇ам̣ вибхууд̇абхаавам̣ аабаад̣̇ид̇ам̣. убанийд̇аад̇и убаггамзна д̇хаммад̣̇зсанаанусаарзна нийд̇аа. маяаад̇и гад̇д̇ари гаран̣аважанам̣. д̇хаммзнаад̇и гааран̣зна. зд̇ам̣ важананд̇и зд̇ам̣ ‘‘санд̣̇идтиго’’д̇иаад̣̇иважанам̣.
408. д̇ам̣ саммохадтаанам̣ асса логасса. самод̇хаанзнаад̇и самааг̇амзна. г̇аб̣бхад̇и ад̇д̇абхаавабхаавзна вад̇д̇ад̇ийд̇и г̇аб̣бхо, галалаад̣̇иавад̇т̇о д̇хаммабаб̣анд̇хо, д̇анниссид̇ад̇д̇аа бана сад̇д̇асанд̇аано ‘‘г̇аб̣бхо’’д̇и вуд̇д̇о яат̇аа ‘‘ман̃жаа уггудтим̣ гаронд̇ий’’д̇и. д̇анниссаяабхаавад̇о маад̇угужчи ‘‘г̇аб̣бхо’’д̇и взд̣̇ид̇аб̣б̣о, г̇аб̣бхо вияаад̇и ваа. яат̇аа хи ниваасадтаанад̇ааяа сад̇д̇аанам̣ овараго ‘‘г̇аб̣бхо’’д̇и вужжад̇и, звам̣ г̇аб̣бхасзяяагаанам̣ яаава абхиж̇аад̇и ниваасадтаанад̇ааяа маад̇угужчи ‘‘г̇аб̣бхо’’д̇и вуд̇д̇од̇и.
яамзгарад̇д̇инд̇и яассам̣ згарад̇д̇ияам̣. бхуммад̇т̇з хи ид̣̇ам̣ убаяог̇аважанам̣, ажжанд̇асам̣яог̇з ваа. батаманд̇и саб̣б̣абатамам̣ бадисанд̇хигкан̣з. г̇аб̣бхзд̇и маад̇угужчияам̣. маан̣авод̇и сад̇д̇о. язбхуяязна сад̇д̇аа рад̇д̇ияам̣ бадисанд̇хим̣ г̇ан̣ханд̇ийд̇и аб̣бхудтид̇оваад̇и удтид̇ааб̣бхо вияа, абхимукабхаавзна ваа удтид̇о зва маран̣ассаад̇и ад̇хиббааяо. со яаад̇ийд̇и со маан̣аво яаад̇и батамагкан̣ад̇о бадтааяа г̇ажчад̇зва. са г̇ажчам̣ на нивад̇д̇ад̇ийд̇и со звам̣ г̇ажчанд̇о кан̣амад̇д̇амби на нивад̇д̇ад̇и, ан̃н̃ад̣̇ад̇т̇у маран̣амзва убаг̇ажчад̇ийд̇и г̇аат̇ааяа ад̇т̇о.
уд̇усамаяам̣ санд̇хааяа вуд̇д̇ам̣, на логасаман̃н̃аад̇араж̇асса лаг̇г̇анад̣̇ивасамад̇д̇ам̣. ид̣̇аани вуд̇д̇амзвад̇т̇ам̣ баагадад̇арам̣ гаад̇ум̣ ‘‘маад̇уг̇аамасса гира яасми’’нд̇иаад̣̇и вуд̇д̇ам̣. д̇ад̇т̇аад̇и д̇асмим̣ г̇аб̣бхаасаяз. сан̣тахид̇ваад̇и ниб̣б̣ад̇д̇ид̇ваа. бхиж̇ж̇ид̇ваад̇и аг̇г̇ахид̇аг̇аб̣бхаа зва бхиннаа худ̇ваа. аяан̃хи д̇ассаа сабхааво. вад̇т̇у суд̣̇д̇хам̣ ход̇ийд̇и баг̇гхарид̇алохид̇ад̇д̇аа анаамаяад̇д̇аа жа г̇аб̣бхаасаяо суд̣̇д̇хо ход̇и. суд̣̇д̇хавад̇т̇уд̇д̇аа кзд̇д̇амзва ход̇и г̇аб̣бхасан̣таханасса барид̇д̇асса лохид̇алзсасса виж̇ж̇амаанад̇д̇аа. самбхавасса бана гат̇ам̣ саб̣бхаавод̇и ааха ‘‘д̇асмим̣ самаяз’’д̇иаад̣̇и. ид̇т̇исанд̇аанзби суггад̇хаад̇у лаб̣бхад̇зва. д̇знааха ‘‘ан̇г̇абараамасанзнаби д̣̇аараго ниб̣б̣ад̇д̇ад̇иязваа’’д̇и. яат̇аа бааригааяа наабхибараамасанзна саамасса б̣од̇хисад̇д̇асса, д̣̇идтаман̇г̇алигааяа наабхибараамасанзна ман̣д̣аб̣яасса ниб̣б̣ад̇д̇и. г̇анд̇хаб̣б̣од̇и г̇анд̇ханад̇о уббаж̇ж̇анаг̇ад̇ияаа нимид̇д̇убадтаабанзна суужанад̇о г̇анд̇ход̇и лад̣̇д̇ханаамзна бхаваг̇аамигаммунаа аб̣б̣ад̇и бавад̇д̇ад̇ийд̇и г̇анд̇хаб̣б̣о, д̇ад̇т̇а уббаж̇ж̇анагасад̇д̇о. д̇знааха ‘‘д̇ад̇руубаг̇асад̇д̇о’’д̇и. гаммаяанд̇аяанд̇ид̇од̇и д̇ад̇руубабад̇д̇иаавахзна гаммасан̇каад̇зна бзлланагаяанд̇зна д̇ат̇ад̇д̇ааяа бзллид̇о убанийд̇о. маханд̇зна ж̇ийвид̇асам̣саязнаад̇и виж̇ааяанабариггилзсзна ‘‘ж̇ийвиссаами ко, на ну ко ж̇ийвиссаами ахам̣ ваа, буд̇д̇о ваа мз’’д̇и звам̣ бавад̇д̇зна ж̇ийвид̇асам̣саязна вибулзна г̇аруд̇арзна сам̣саязна. д̇ам̣ таананд̇и т̇анаббад̣̇зсамааха. гийл̣анд̇и д̇знаад̇и гийл̣анам̣, гийл̣анамзва гийл̣анагам̣.
409. саараж̇ж̇ад̇ийд̇и саарад̇д̇ажид̇д̇о ход̇и. б̣яаабаж̇ж̇ад̇ийд̇и б̣яаабаннажид̇д̇о ход̇и. гааяз гзсаад̣̇ид̣̇вад̇д̇им̣саасужисамуд̣̇ааяз д̇ам̣сабхааваарамман̣аа сад̇и гааяасад̇и. анубадтабзд̇ваад̇и ануббаад̣̇зд̇ваа, яат̇аасабхаавад̇о гааяам̣ анубад̇хаарзд̇ваад̇и ад̇т̇о. барид̇д̇ажзд̇асод̇и гилзсзхи ‘‘агусалажид̇д̇о’’д̇и. зд̇з агусалад̇хаммаа. нируж̇жханд̇ийд̇и нирод̇хам̣ бад̇д̇аа хонд̇и. д̇ан̣хаавасзна абхинанд̣̇ад̇ийд̇и саббийд̇игад̇ан̣хаавасзна абхимукам̣ худ̇ваа нанд̣̇ад̇и. абхивад̣̇ад̇ийд̇и д̇ан̣хаавасзна д̇ам̣ д̇ам̣ аарамман̣ам̣ абхинивисса вад̣̇ад̇и. аж̇жхосааяаад̇и анан̃н̃асаад̇хааран̣ам̣ вияа аарамман̣ам̣ д̇ан̣хаавасзна анубависид̇ваа. д̇знааха ‘‘г̇илид̇ваа баринидтабзд̇ваа’’д̇и. д̣̇угкам̣ гат̇ам̣ абхинанд̣̇ад̇ийд̇и зд̇т̇а д̣̇угкахзд̇угам̣ абхинанд̣̇анд̇о д̣̇угкам̣ абхинанд̣̇ад̇и наамаад̇и д̣̇адтаб̣б̣ам̣. адтагат̇ааяам̣ бана яаавад̇аа яасса д̣̇угкз д̣̇идтид̇ан̣хаа абхинанд̣̇анаа аббахийнаа, д̇аавад̇ааяам̣ д̣̇угкам̣ абхинанд̣̇ад̇и наамаад̇и д̣̇ассзд̇ум̣ ‘‘ахам̣ д̣̇угкид̇о мама д̣̇угканд̇и г̇ан̣ханд̇о абхинанд̣̇ад̇и наамаа’’д̇и вуд̇д̇ам̣. д̇зна г̇аахад̣̇ваяахзд̇угаа д̇ад̇т̇а абхинанд̣̇анаад̇и д̣̇ассзд̇и. буна згавааранд̇и бунаби згаваарам̣. палахзд̇усанд̇хихзд̇упаласанд̇хивасзна д̣̇висанд̇хий. ‘‘г̇аб̣бхассаавагганд̇и ход̇ий’’д̇иаад̣̇инаа ад̇т̇ад̇о саруубад̇о жа зд̇арахи паласан̇кзбасса. саруубзнзва жа ид̇арад̣̇ваяасса д̣̇зсид̇ад̇д̇аа ааха ‘‘д̇исан̇кзба’’нд̇и.
410-414. самат̇аяаанигасса бхигкуно взд̣̇анаамукзна сан̇кзбзнзва яаава арахад̇д̇аа гаммадтаанам̣ ид̇ха гат̇ид̇анд̇и ааха ‘‘сам̣кид̇д̇зна д̇ан̣хаасан̇каяавимуд̇д̇им̣ д̇хаарзт̇аа’’д̇и. ‘‘имам̣ д̇ан̣хаасан̇каяавимуд̇д̇и’’нд̇и жа бхаг̇аваа яат̇аад̣̇зсид̇ам̣ д̣̇зсанам̣ авожаад̇и вуд̇д̇ам̣ ‘‘имам̣…бз… вимуд̇д̇ид̣̇зсана’’нд̇и ‘‘д̣̇зсанаа хи…бз… вимуд̇д̇ийд̇и вуд̇д̇аа’’д̇и. яассаа д̇ан̣хааяа васзна саад̇и бхигку сассад̇аг̇г̇аахамахаасан̇гхаадабадимугго, саа саб̣б̣аб̣уд̣̇д̇хаанам̣ д̣̇зсанаа хад̇т̇ааваламб̣амаанзби д̣̇уруг̇гхаадияаа ж̇аад̇аад̇и ааха ‘‘махаад̇ан̣хааж̇аалад̇ан̣хаасан̇гхаадабадимугга’’нд̇и. махаад̇ан̣хааж̇аалзд̇и маханд̇з д̇ан̣хааж̇адз. д̇ан̣хаасан̇гхаадзд̇и д̇ан̣хааяа сан̇гхаадз. д̇ат̇аабхууд̇о жа д̇асса аб̣бханд̇арз гад̇о наама ход̇ийд̇и ааха ‘‘анубавидто анд̇ог̇ад̇хо’’д̇и. сзсам̣ сувин̃н̃зяяамзва.
махаад̇ан̣хаасан̇каяасуд̇д̇аван̣н̣анааяа лийнад̇т̇аббагаасанаа самад̇д̇аа.
9. махааассабурасуд̇д̇аван̣н̣анаа
415. ж̇аанабад̣̇инод̇и ан̇г̇аа наама. д̇зсам̣ ниваасо яад̣̇и зго ж̇анабад̣̇о ‘‘рул̣хийсад̣̇д̣̇знаа’’д̇и. агкаражинд̇агаа хи ийд̣̇исзсу таанзсу яуд̇д̇з вияа салин̇г̇аважанаани (баан̣ини 1.2.51) ижчанд̇и. аяамзд̇т̇а рул̣хий яат̇аа ‘‘гуруусу вихарад̇и, маллзсу вихарад̇ий’’д̇и жа. д̇аб̣б̣исзсанз бана ж̇анабад̣̇асад̣̇д̣̇з ж̇аад̇исад̣̇д̣̇з згаважанамзва. д̇знааха ‘‘ан̇г̇зсу ж̇анабад̣̇з’’д̇и. ассаа вужжанд̇и баасаан̣аани, д̇аани сунд̣̇араани д̇ад̇т̇а санд̇ийд̇и ‘‘ассабура’’нд̇и со ниг̇амо вуд̇д̇од̇и гзжий. абарз бана ааж̇аанийяо ассо ран̃н̃о д̇ад̇т̇а г̇ахан̣ам̣ убаг̇ад̇од̇и ‘‘ассабура’’нд̇и вуд̇д̇од̇и вад̣̇анд̇и. гим̣ д̇зхи, наамамзд̇ам̣ д̇асса ниг̇амасса. яасмаа бана д̇ад̇т̇а бхаг̇авад̇о ниб̣ад̣̇д̇хавасанадтаанам̣ гин̃жи наахоси, д̇асмаа ‘‘д̇ам̣ г̇ожараг̇аамам̣ гад̇ваа вихарад̇и’’жжзва вуд̇д̇ам̣. д̇ат̇аа хи баал̣ияам̣ ‘‘ассабурам̣ наама ан̇г̇аанам̣ ниг̇амо’’д̇и г̇ожараг̇аамагид̇д̇анамзва гад̇ам̣.
зваруубзна сийлзнаад̇иаад̣̇ийсу сийлаг̇г̇ахан̣зна ваарид̇д̇асийламааха. д̇зна саммааваажаагамманд̇ааж̇ийвз д̣̇ассзд̇и. аажаараг̇г̇ахан̣зна жаарид̇д̇асийлам̣. д̇зна барисуд̣̇д̇хам̣ гааяаважийсамаажаарам̣. бадибад̇д̇иг̇г̇ахан̣зна самат̇авибассанаамаг̇г̇апаласан̇г̇ахам̣ саммаабадибад̇д̇им̣. лаж̇ж̇инод̇и иминаа яат̇аавуд̇д̇асийлаажаарамуулагааран̣ам̣. бзсалаад̇и иминаа баарисуд̣̇д̇хим̣. ул̣аараг̇ун̣аад̇и иминаа бадибад̇д̇ияаа баарибуурим̣. бхигкусан̇гхассзва ван̣н̣ам̣ гат̇знд̇ийд̇и ид̣̇ам̣ д̇зсам̣ убаасагаанам̣ язбхуяязна бхигкуунам̣ г̇ун̣агид̇д̇анабасуд̇ад̇ааяа вуд̇д̇ам̣. д̇з бана сад̣̇д̇хаммзби саммаасамб̣уд̣̇д̇хзби абхиббасаннаа зва. д̇знааха ‘‘б̣уд̣̇д̇хамаамагаа д̇хаммамаамагаа’’д̇и. вад̇т̇уд̇д̇аяз хи згасмим̣ абхиббасаннаа ид̇арад̣̇ваяз абхиббасаннаа зва д̇ад̣̇авинаабхаавад̇о. бин̣д̣абаад̇аабажааяанзд̇и лагкан̣аважанамзд̇ам̣ яат̇аа ‘‘гаагзхи сабби рагкид̇аб̣б̣а’’нд̇и, д̇асмаа бажжаяабадибууж̇анзд̇и вуд̇д̇ам̣ ход̇и. бажжаяад̣̇ааяагаанан̃хи гаарасса ад̇д̇ано саммаабадибад̇д̇ияаа махабпалабхаавасса гаран̣ам̣ ид̇ха ‘‘бин̣д̣абаад̇аабажааяана’’нд̇и ад̇хиббзд̇ам̣.
саман̣агаран̣аад̇и саман̣абхаавагараа, саман̣абхаавасса гаарагаад̇и ад̇т̇о. д̇з бана зганд̇ад̇о ад̇д̇ано санд̇аанз уббаад̣̇ид̇аа вад̣дхид̇аа жа хонд̇ийд̇и ааха ‘‘самаад̣̇ааяа барибуурид̇аа’’д̇и. саман̣аг̇г̇ахан̣ан̃жзд̇т̇а саман̣авасзна, на сааман̃н̃амад̇д̇знаад̇и ааха ‘‘самид̇абаабасаман̣а’’нд̇и. б̣раахман̣агаран̣аад̇и зд̇т̇ааби вуд̇д̇анаязнзвад̇т̇о взд̣̇ид̇аб̣б̣о. б̣яан̃ж̇анад̇о зва жааяам̣ бхзд̣̇о, яад̣̇ид̣̇ам̣ саман̣аб̣раахман̣аад̇и саман̣зна гад̇д̇аб̣б̣ад̇хаммаад̇и ‘‘д̇зби жа саман̣агаран̣аа хонд̇иязваа’’д̇и. ид̇ха банаад̇и махааассабурз. хирод̇д̇аббаад̣̇ивасзна д̣̇зсанаа вид̇т̇аарид̇аад̇и хирод̇д̇абба-барисуд̣̇д̇хагааяаважийманосамаажаарааж̇ийваинд̣̇рияасам̣вара-бхож̇анзмад̇д̇ан̃н̃уд̇а- ж̇ааг̇арияаануяог̇асад̇исамбаж̇ан̃н̃а-жхаанавиж̇ж̇аавасзна саман̣агаран̣ад̇хаммад̣̇зсанаа вид̇т̇аарад̇о д̣̇зсид̇аа, на д̇иганибаад̇з вияа сан̇кзбад̇о. палаг̇г̇ахан̣знзва вибаагапалам̣ г̇ахид̇ам̣, д̇ам̣ бана уггадтанид̣̇д̣̇зсзна жад̇уб̣б̣ид̇хам̣ сааман̃н̃апалам̣ д̣̇адтаб̣б̣ам̣. аанисам̣саг̇г̇ахан̣зна бияаманаабад̇аад̣̇иуд̣̇раяо. д̇ассзва ад̇т̇од̇и д̇ассзва аван̃жаабад̣̇ассзва ад̇т̇анид̣̇д̣̇зсо. ‘‘яассаа хий’’д̇иаад̣̇инаа б̣яад̇ирзгавасзна ад̇т̇ам̣ вад̣̇ад̇и. зд̇д̇агзна таанзнаад̇и зд̇д̇агзна баал̣ибад̣̇зсзна. хирод̇д̇аббаад̣̇ийнам̣ убари баал̣ияам̣ вужжамаанаанам̣ саман̣агаран̣ад̇хаммаанам̣. ван̣н̣ам̣ гат̇зсийд̇и г̇ун̣ам̣ аанисам̣сам̣ абхааси. сад̇ибадтаанз вуд̇д̇анаязнаад̇и ‘‘абижа ван̣н̣абхан̣анамзд̇а’’нд̇иаад̣̇инаа сад̇ибадтаанаван̣н̣анааяам̣ (д̣̇ий. ни. адта. 2.373; ма. ни. адта. 1.106) вуд̇д̇анаязна.
416. яам̣ хирийяад̇ийд̇и язна д̇хаммзна хзд̇убхууд̇зна ваа ж̇иг̇ужчад̇и. гаран̣з хзд̇ам̣ бажжад̇д̇аважанам̣. яанд̇и ваа лин̇г̇авибаллаасзна вуд̇д̇о, д̇хаммод̇и ад̇т̇о. хирийяид̇аб̣б̣знаад̇и убаяог̇ад̇т̇з гаран̣аважанам̣, хирийяид̇аб̣б̣аяуд̇д̇агам̣ гааяад̣̇ужжарид̇аад̣̇инд̇и ад̇т̇о. од̇д̇аббид̇аб̣б̣знаад̇и зд̇т̇ааби зсзва наяо. аж̇жхад̇д̇ам̣ нияагаж̇жхад̇д̇ам̣ ж̇аад̇иаад̣̇и самудтаанам̣ зд̇иссаад̇и аж̇жхад̇д̇асамудтаанаа хирий, б̣ахид̣̇д̇хаа ад̇д̇ад̇о б̣ахибхууд̇о барасад̇д̇о самудтаанам̣ зд̇иссаад̇и б̣ахид̣̇д̇хаасамудтаанам̣ од̇д̇аббам̣. ад̇д̇аад̇хибад̇ид̇о ааг̇ад̇аа ад̇д̇аад̇хибад̇зяяаа, ад̇д̇аанам̣ ад̇хибад̇им̣ гад̇ваа бавад̇д̇аа. лаж̇ж̇аасабхаавасан̣тид̇аад̇и баабаж̇иг̇ужчанасабхаавадтааяиний. саббад̇иссавалагкан̣ад̇д̇аа г̇арунаа гисмин̃жи вуд̇д̇з г̇аарававасзна бад̇иссаванам̣ бад̇иссаво, саха бад̇иссавзнаад̇и саббад̇иссавам̣, бад̇иссавабхууд̇ам̣ д̇ам̣сабхааван̃жа яам̣ гин̃жи г̇ааравам̣. ж̇аад̇иаад̣̇имахад̇д̇ад̇аабажжавзгкан̣зна уббаж̇ж̇амаанаа жа хирий д̇ад̇т̇а г̇аарававасзна бавад̇д̇ад̇ийд̇и саббад̇иссавалагкан̣аад̇и вужжад̇и. бхаяасабхаавасан̣тид̇анд̇и баабад̇о бхааяанасабхаавадтааяий, важ̇ж̇абхийругабхаяад̣̇ассаавилагкан̣ад̇д̇аа важ̇ж̇абхийругабхаяад̣̇ассаавий, звам̣сабхаавам̣ од̇д̇аббам̣. аж̇жхад̇д̇асамудтаанаад̣̇ид̇аа жа хирод̇д̇аббаанам̣ д̇ад̇т̇а д̇ад̇т̇а баагадабхаавзнзва вужжад̇и, на барзсам̣ гад̣̇аажи ан̃н̃аман̃н̃авиббаяог̇аа. на хи лаж̇ж̇анам̣ ниб̣бхаяам̣, баабабхаяам̣ ваа алаж̇ж̇анам̣ ход̇ийд̇и. аяамзд̇т̇а сан̇кзбо, вид̇т̇ааро бана адтасаалинияам̣ (д̇ха. са. адта. 1.б̣алараасиван̣н̣анаа) вуд̇д̇анаязнзва взд̣̇ид̇аб̣б̣о. логамарияаад̣̇асса бааланад̇о логабаалад̇хаммаа наама. суггаад̇и ваа суггаа. самбхзд̣̇анд̇и аажаарамарияаад̣̇аасан̇гарам̣. д̣̇звабхааваавахаа д̇хаммаад̇и д̣̇звад̇хаммаа.
суггад̇хаммасамаахид̇аад̇и яат̇аавуд̇д̇асуггад̇хаммасаман̇г̇ино. санд̇од̇и вуубасанд̇ад̣̇осаа. саббурисаад̇и санд̇аж̇анаа. сабарахид̇асаад̇хагаа хи саад̇хаво.
аваяававинимуд̇д̇асса самуд̣̇ааяасса абхаавад̇о, аваяавзна жа самуд̣̇ааяасса абад̣̇исид̇аб̣б̣ад̇о оваад̣̇уубасамбад̣̇аавахаоваад̣̇згад̣̇зсо оваад̣̇уубасамбад̣̇аад̇и. ид̇хаад̇и имасмим̣ ассабурз. зд̇з хирод̇д̇аббад̇хаммаа. саман̣ад̇хаммаа наамаад̇и д̣̇ассид̇аа муулабхууд̇асаман̣абхаавагараа д̇хаммаад̇и гад̇ваа. д̇ат̇аа хи д̇зсам̣ аад̣̇ид̇о г̇ахан̣ам̣.
яасса ад̇хиг̇амзна ниббарияааяад̇о саман̣аа наама хонд̇и, со арияамаг̇г̇о ‘‘саман̣асса гаммам̣ бадибад̣̇аа’’д̇и гад̇ваа сааман̃н̃ам̣, д̇асса бана палабхаавад̇о, аарамман̣агаран̣авасзна аран̣ийяад̇о паланиб̣б̣аанаани сааман̃н̃ад̇т̇о. рааг̇ам̣ кзбзд̇ийд̇и рааг̇агкаяо, арияамаг̇г̇о. рааг̇о кийяад̇и зд̇т̇аад̇и рааг̇агкаяо, ниб̣б̣аанам̣. палам̣ бана гааран̣уубажаарзна рааг̇агкаяо д̣̇адтаб̣б̣о. д̣̇осагкаяо мохагкаяод̇и зд̇т̇ааби зсзва наяо. сааман̃н̃абхууд̇о ад̇т̇о сааман̃н̃ад̇т̇о, маг̇г̇о, сааман̃н̃асса ад̇т̇од̇и сааман̃н̃ад̇т̇о, паланд̇и ааха ‘‘маг̇г̇амби паламби згад̇о гад̇ваа сааман̃н̃ад̇т̇о гат̇ид̇о’’д̇и. д̇аяид̣̇ам̣ уггадтанид̣̇д̣̇зсзна вуд̇д̇ам̣. сийлаад̣̇ибуб̣б̣абхааг̇абадибад̣̇ааби хи ид̇ха ‘‘сааман̃н̃ад̇т̇о’’д̇и г̇ахид̇аа. д̇знзвааха ‘‘сад̇и уд̇д̇аригаран̣ийяз’’д̇и. бадивзд̣̇аяаамийд̇и бунаббунам̣ н̃аабзми.
417. гаммабат̇авасзнзваад̇и агусалагаммабат̇абхаавзнзва, д̇ад̇о д̇аад̣̇исамби агусалагаммам̣ бхигкусса гаад̇ум̣ на яуд̇д̇анд̇и д̣̇удтуллабхаавзнзва д̇ад̇о сигкаабад̣̇аб̣ад̣̇д̇хзнаад̇и сигкаабад̣̇абан̃н̃аабанзна. баанийяагхадз ваа бад̇д̇з ваа гаагаанам̣ хад̇т̇ам̣ ваа д̣̇ан̣д̣ам̣ ваа лзд̣д̣ум̣ ваад̇и саб̣б̣амид̣̇ам̣ нид̣̇ассанамад̇д̇ам̣ д̣̇адтаб̣б̣ам̣. яад̇т̇а гад̇т̇ажи хи тид̇аанам̣ ан̃н̃зсамби баан̣ийнам̣ удтаабанаад̣̇и саб̣б̣ам̣ анидтагаран̣ам̣ ид̇ха абарисуд̣̇д̇хагааяасамаажаарабхаавзнзва сан̇г̇ахид̇анд̇и. уд̇д̇аанод̇и уд̣̇д̇хамуд̣̇д̇хам̣ д̇анод̇ийд̇и уд̇д̇аано. звам̣бхууд̇о жа гзнажи ануббаад̣̇абхуумияам̣ сан̃ж̇аад̇асаалагаляаан̣ийканд̇хо вияа убаруубари уг̇г̇ад̇уг̇г̇ад̇о баагадо жа ход̇ийд̇и ааха ‘‘уг̇г̇ад̇о баагадо’’д̇и. анаавадод̇и анивуд̇о. д̇знааха ‘‘асан̃чанно’’д̇и, нажчаад̣̇зд̇аб̣б̣од̇и ад̇т̇о. згасад̣̇исо висуд̣̇д̇хабхаавзна. анд̇аранд̇арз чид̣̇д̣̇арахид̇о буб̣б̣знаабарам̣ саммаабадибад̇д̇ияаа санд̇хаанзна. сам̣вуд̇о гааяигасса сам̣варасса анубаггилзсад̇о. д̇знааха ‘‘гилзсаанам̣ д̣̇ваарам̣ бид̣̇аханзнаа’’д̇и.
418. зд̇т̇а
420. ааж̇ийвоби згажжо гаммабат̇авасзна ваарид̇о лаб̣бхад̇и. со бана ад̇иол̣аариго гааяаважийсамаажаараваарзсу вуд̇д̇анаяо зваад̇и на г̇ахид̇од̇и д̣̇адтаб̣б̣ам̣. яз бана ‘‘д̇аад̣̇исо бхигкуунам̣ аяог̇яад̇о на г̇ахид̇о’’д̇и вад̣̇анд̇и, д̇ам̣ мижчаа д̇ат̇аа сад̇и гааяаважийсамаажаараваарзби д̇асса аг̇г̇ахзд̇аб̣б̣абхааваабад̇д̇ид̇о. ‘‘каад̣̇ат̇а биват̇аа’’д̇и бужчаа ад̇д̇ано каад̣̇ид̇угаамад̇аад̣̇ийбанзна, барияааяагат̇аабхаавад̇о банзсаа саллзкавигобанаа ж̇аад̇аа.
422. анзсанам̣ бахааяа д̇хаммзна самзна бажжаяз бариязсанд̇о бариязсанамад̇д̇ан̃н̃уу наама. д̣̇ааяагасса д̣̇зяяад̇хаммасса ад̇д̇ано жа бамаан̣ан̃н̃уд̇аабадиг̇г̇ан̣ханд̇о бадиг̇г̇ахан̣амад̇д̇ан̃н̃уу наама. яонисо бажжавзгкид̇ваа барибхун̃ж̇анд̇о барибхог̇амад̇д̇ан̃н̃уу наама.
423. згасмим̣ годтаасзд̇и маж̇жхимаяаамасан̃н̃ид̇з згасмим̣ годтаасз. ‘‘ваамзна бассзна сзнд̇ий’’д̇и звам̣ вуд̇д̇аа. д̣̇агкин̣абассзна саяаано наама над̇т̇и д̣̇агкин̣ахад̇т̇асса сарийраг̇г̇ахан̣аад̣̇ибаяог̇агкамад̇о. бурисавасзна жзд̇ам̣ вуд̇д̇ам̣.
д̇зж̇уссад̣̇ад̇д̇аад̇и иминаа сийхасса абхийругабхаавам̣ д̣̇ассзд̇и. бхийругаа хи сзсамиг̇аа ад̇д̇ано аасаяам̣ бависид̇ваа санд̇аасабуб̣б̣агам̣ яат̇аа д̇ат̇аа саяанд̇и, сийхо бана абхийругабхаавад̇о сад̇огаарий бхигку вияа сад̇им̣ убадтабзд̇ваава саяад̇и. д̇знааха ‘‘д̣̇вз буримабаад̣̇з’’д̇иаад̣̇и. сзд̇и аб̣яаавадабхаавзна бавад̇д̇ад̇и зд̇т̇аад̇и сзяяаа, жад̇уд̇т̇аж̇жхаанамзва сзяяаа. гим̣ бана д̇ам̣ жад̇уд̇т̇аж̇жхаананд̇и? аанаабаанажад̇уд̇т̇аж̇жхаанам̣. д̇ад̇т̇а хи тад̇ваа вибассанам̣ вад̣дхзд̇ваа бхаг̇аваа ануггамзна аг̇г̇амаг̇г̇ам̣ ад̇хиг̇ад̇о д̇ат̇ааг̇ад̇о ж̇аад̇од̇и гзжи, д̇аяид̣̇ам̣ бад̣̇адтаанам̣ наама на сзяяаа. абарз бана ‘‘жад̇уд̇т̇аж̇жхаанасамананд̇араа бхаг̇аваа бариниб̣б̣ааяий’’д̇и вуд̇д̇абад̣̇ам̣ г̇ахзд̇ваа ‘‘логияажад̇уд̇т̇аж̇жхаанасамаабад̇д̇и д̇ат̇ааг̇ад̇асзяяаа’’д̇и вад̣̇анд̇и, д̇ат̇аа сад̇и бариниб̣б̣аанагаалигаа д̇ат̇ааг̇ад̇асзяяаад̇и аабаж̇ж̇ад̇и, на жа бхаг̇аваа жад̇уд̇т̇аж̇жхаанам̣ самаабаж̇ж̇анаб̣ахуло вихааси, аг̇г̇апалажхаанам̣ банзд̇т̇а ‘‘жад̇уд̇т̇аж̇жхаана’’нд̇и ад̇хиббзд̇ам̣. д̇ад̇т̇а яат̇аа сад̇д̇аанам̣ нид̣̇д̣̇убаг̇аманалагкан̣аа сзяяаа сийхасзяяаад̇и сздтасзяяаад̇и ааха ‘‘уд̇д̇амасзяяаа’’д̇и.
426. виг̇ад̇анд̇аанийд̇и ин̣амуулаани. д̇зсанд̇и ин̣амуулаанам̣. барияанд̇од̇и авасзсо.
бавад̇д̇инивааран̣зна жад̇уирияаабат̇ам̣ чинд̣̇анд̇о. ааб̣аад̇хад̇ийд̇и бийл̣зд̇и. д̣̇угкид̇од̇и сан̃ж̇аад̇ад̣̇угко. аббам̣ б̣алам̣ б̣аламад̇д̇аа. аббад̇т̇о хи аяам̣ мад̇д̇аа-сад̣̇д̣̇о ‘‘мад̇д̇аасукабарижжааг̇аа’’д̇иаад̣̇ийсу (д̇ха. ба. 290) вияа, б̣алавад̇т̇о бана мад̇д̇аа-сад̣̇д̣̇о анад̇т̇анд̇аро. сзсанд̇и ‘‘д̇асса хи б̣анд̇ханаа муд̇д̇омхийд̇и ааваж̇ж̇аяад̇о д̇ад̣̇убхаяам̣ ход̇ий’’д̇иаад̣̇инаа вад̇д̇аб̣б̣ам̣ санд̇хааяааха. саб̣б̣абад̣̇зсууд̇и вуд̇д̇аавасидтзсу саб̣б̣абад̣̇зсу. язнагаамам̣ яат̇ааружи г̇ажчад̇ийд̇и язнагаамам̣г̇амод̇и бхуж̇иссо, саамиго. со бана абарасанд̇агад̇ааяа ‘‘ад̇д̇ано санд̇аго’’д̇и вуд̇д̇о. д̣̇уллабхааабад̇ааяа гам̣ д̇аарзнд̇и зд̇т̇аад̇и ганд̇аарод̇и ааха ‘‘нируд̣̇агам̣ д̣̇ийгхамаг̇г̇а’’нд̇и.
винаасзд̇ийд̇и каад̣̇анад̣̇уб̣б̣инияож̇анаад̣̇ийхи яат̇аа ин̣амуулам̣ гин̃жи на ход̇и, д̇ат̇аа гарод̇и. яамхи рааг̇авад̇т̇умхи. со буг̇г̇ало. д̇зна рааг̇авад̇т̇унаа, бурисо жз ид̇т̇ияаа, ид̇т̇ий жз бурисзна. ин̣ам̣ вияа гаамажчанд̣̇о д̣̇адтаб̣б̣о бийл̣аасамаанад̇о.
на винд̣̇ад̇ийд̇и на ж̇аанаад̇и. убад̣̇д̣̇авзт̇аад̇и сукавихаарасса убад̣̇д̣̇авам̣ гарот̇а, виб̣аад̇хзт̇аад̇и ад̇т̇о. рог̇о вияа б̣яаабаад̣̇о д̣̇адтаб̣б̣о сукабхан̃ж̇анасамаанад̇о.
наанаавид̇хахзд̇уубааяаалан̇гад̇ад̇ааяа канд̇хааяад̇анад̇хаад̇убадижжасамуббаад̣̇аад̣̇ид̇хамманийд̇ивижид̇д̇ад̇ааяа жа вижид̇д̇анаяз. д̇хаммассаванзд̇и д̇хаммагат̇ааяам̣. гат̇аа хи сод̇аб̣б̣адтзна ‘‘савана’’нд̇и вуд̇д̇аа. звамзд̇т̇а сийлам̣ вибхад̇д̇ам̣, звам̣ жхаанаабхин̃н̃аа, звам̣ вибассанаамаг̇г̇апалаанийд̇и нзва д̇асса д̇хаммассаванасса аад̣̇имаж̇жхабарияосаанам̣ ж̇аанаад̇и. удтид̇зд̇и нидтид̇з. ахо гааран̣анд̇и д̇ад̇т̇а д̇ад̇т̇а бадин̃н̃аануруубзна нигкид̇д̇асаад̇ханавасзна г̇ахид̇агааран̣ам̣. ахо убамаад̇и д̇ассзва гааран̣асса бад̇идтаабанавасзна анваяад̇о б̣яад̇ирзгад̇о жа бад̇идтам̣ уд̣̇аахаран̣аад̣̇и. б̣анд̇ханааг̇аарам̣ вияа т̇инамид̣̇д̇хам̣ д̣̇адтаб̣б̣ам̣ д̣̇угкад̇о нияяаанасса виб̣анд̇ханад̇о.
яасмаа ‘‘винаяз абагад̇ан̃н̃унаа’’д̇иаад̣̇имааха. яат̇аа хи уд̣̇д̇хажжам̣ сад̇д̇асса авуубасамагарам̣, д̇ат̇аа гуггужжамби. яат̇ааби уд̣̇д̇хажжасса н̃аад̇ивид̇аггаад̣̇и аахааро, д̇ат̇аа гуггужжассаби. яат̇аа жа уд̣̇д̇хажжасса самат̇о бадибагко, д̇ат̇аа гуггужжассабийд̇и. д̣̇аасаб̣яам̣ вияа уд̣̇д̇хажжагуггужжам̣ д̣̇адтаб̣б̣ам̣ асзрибхааваабаад̣̇анад̇о.
сол̣асавад̇т̇угаа вижигижчаа адтавад̇т̇угам̣ вижигижчам̣ анубавидтаад̇и ааха ‘‘адтасу таанзсу вижигижчаа’’д̇и. вижигижчанд̇од̇и сам̣саяанд̇о. ад̇химужжид̇ваад̇и г̇ан̣хид̇унд̇и сад̣̇д̇хзяяавад̇т̇ум̣ бариг̇г̇ахзд̇ум̣. абхимукам̣ саббанам̣ аасаббанам̣, барид̇о саббанам̣ барисаббанам̣. бад̣̇ад̣̇ваязнаби жид̇д̇асса анижчанаагаарамзва вад̣̇ад̇и. кзманд̇аг̇аамимаг̇г̇ам̣ на барияог̇аахад̇и зд̇знаад̇и абарияог̇ааханам̣, уссан̇гид̇абарисан̇гид̇абхаавзна чамбхид̇ам̣ ход̇и жид̇д̇ам̣ яасса д̇хаммасса васзна, со д̇хаммо чамбхид̇ад̇д̇анд̇и вижигижчанаагаарамааха. д̇знааха ‘‘жид̇д̇асса уббаад̣̇аяамаанаа’’д̇и. ганд̇аарад̣̇д̇хаанамаг̇г̇о вияаад̇и саасан̇гаганд̇аарад̣̇д̇хаанамаг̇г̇о вияа д̣̇адтаб̣б̣аа аббадибад̇д̇ихзд̇убхаавад̇о.
над̇т̇и зд̇т̇а ин̣анд̇и ан̣ан̣о, д̇асса бхааво аан̣ан̣яам̣, гассажи ин̣асса ад̇хааран̣ам̣. самид̣̇д̇хагамманд̇од̇и нибпаннаж̇ийвигаббаяог̇о. бариб̣унд̇хад̇и убарод̇хзд̇ийд̇и ра-гаарасса ла-гаарам̣ гад̇ваа балиб̣од̇хо, асзривихааро, д̇асса муулам̣ гааран̣анд̇и балиб̣од̇хамуулам̣. ча д̇хаммз бхаавзд̇ваад̇и асубханимид̇д̇аг̇г̇аахаад̣̇игз ча д̇хаммз уббаад̣̇зд̇ваа вад̣дхзд̇ваа. ча д̇хаммз бхаавзд̇ваад̇и жа мзд̇д̇аанимид̇д̇аг̇г̇аахаад̣̇аяо жа д̇ад̇т̇а д̇ад̇т̇а ча д̇хаммаад̇и вуд̇д̇аад̇и взд̣̇ид̇аб̣б̣о. баж̇ахад̇ийд̇и вигкамбханавасзна баж̇ахад̇и. д̇знааха ‘‘аажаарабан̣н̣ад̇д̇иаад̣̇ийни сигкаабияамаано’’д̇иаад̣̇и. баравад̇т̇умхийд̇и висабхааг̇авад̇т̇усмим̣, барависаяз ваа. барависаяаа хзд̇з бхигкуно, яад̣̇ид̣̇ам̣ бан̃жа гаамаг̇ун̣аа. аан̣ан̣яамива гаамажчанд̣̇аббахаанам̣ ааха бияавад̇т̇уабхааваавахад̇о.
аажааравибад̇д̇ибадиб̣аахагаани сигкаабад̣̇аани аажаарабан̣н̣ад̇д̇иаад̣̇ийни. аарог̇яамива б̣яаабаад̣̇аббахаанам̣ ааха гааяажид̇д̇аанам̣ паасубхааваавахад̇о.
б̣анд̇ханаа могкамива т̇инамид̣̇д̇хаббахаанам̣ ааха жид̇д̇асса ниг̇г̇ахид̇абхааваавахад̇о.
бхуж̇иссам̣ вияа уд̣̇д̇хажжагуггужжаббахаанам̣ ааха жид̇д̇асса сзрибхааваавахад̇о.
д̇ин̣ам̣ вияаад̇и д̇ин̣амива гад̇ваа. аг̇ан̣зд̇ваад̇и ажинд̇зд̇ваа. кзманд̇абхуумим̣ вияа вижигижчаабахаанам̣ ааха ануссан̇гид̇аабарисан̇гид̇абхаавзна саммаабадибад̇д̇ихзд̇убхаавад̇о.
427. гирийяад̇и (а. ни. дий. 3.5.28-29) г̇аб̣бхаасаяз кибийяад̇ийд̇и гаро, самбхаво, гарад̇о ж̇аад̇од̇и гараж̇о, маад̇аабзд̇д̇игасамбхавод̇и ад̇т̇о. маад̇уяаа хи сарийрасан̣таабанавасзна гараж̇од̇и абарз. убхаяат̇ааби гараж̇агааяанд̇и жад̇усанд̇ад̇ируубамааха. д̇змзд̇ийд̇и д̇инд̇ам̣ гарод̇и. го банзд̇т̇а д̇инд̇абхаавод̇и ааха ‘‘снзхзд̇ий’’д̇и, бийд̇иснзхзна бийн̣анам̣ гарод̇ийд̇и ад̇т̇о. д̇знааха ‘‘саб̣б̣ад̇т̇а бавад̇д̇абийд̇исукам̣ гарод̇ий’’д̇и. бийд̇исамудтаанабан̣ийд̇аруубзхи сагаласса гараж̇агааяасса барипудад̇ааяа жзд̇т̇а д̇ам̣самудтаабагабийд̇исукаанам̣ саб̣б̣ад̇т̇а бавад̇д̇и ж̇од̇ид̇аа. барисанд̣̇зд̇ийд̇иаад̣̇ийсуби зсзва наяо. д̇ад̇т̇ааби хи ‘‘саманд̇ад̇о санд̣̇зд̇и д̇змзд̇и снзхзд̇и, саб̣б̣ад̇т̇а бавад̇д̇абийд̇исукам̣ гарод̇ий’’д̇иаад̣̇инаа яат̇аарахам̣ ад̇т̇о взд̣̇ид̇аб̣б̣о. барибуурзд̇ийд̇и вааяунаа бхасд̇ам̣ вияа имам̣ гараж̇агааяам̣ бийд̇исукзна буурзд̇и. саманд̇ад̇о пусад̇ийд̇и имам̣ гараж̇агааяам̣ бийд̇исукзна пусад̇и. саб̣б̣аавад̇од̇и а-гаарасса аа-гааро гад̇о, саб̣б̣ааваяававад̇од̇и ад̇т̇од̇и ааха ‘‘саб̣б̣агодтаасавад̇о’’д̇и, мам̣саад̣̇исаб̣б̣аабхааг̇авад̇од̇и ад̇т̇о. апудам̣ наама на ход̇и бийд̇исукасамудтаанзхи руубзхи саб̣б̣ад̇т̇агамзва б̣яаабид̇ад̇д̇аа. гаад̇ун̃жзва яож̇зд̇ун̃жа чзго саннзд̇ум̣ бадиб̣алод̇и яож̇анаа. нхаанийяажун̣н̣аанам̣ баримад̣̇д̣̇анавасзна бин̣д̣ам̣ гаронд̇зна хад̇т̇зна бхааж̇анам̣ ниббийл̣зд̇аб̣б̣ам̣ ход̇ийд̇и ааха ‘‘саннзнд̇асса бхиж̇ж̇ад̇ий’’д̇и. ануг̇ад̇аад̇и анубавидтаа. бариг̇ад̇аад̇и барид̇о саманд̇ад̇о д̇инд̇аа. д̇инд̇абхаавзнзва самам̣ анд̇арам̣ б̣аахиран̃жа зд̇иссаад̇и санд̇араб̣аахираа. саб̣б̣ад̇т̇агамзваад̇и саб̣б̣ад̇т̇зва. на жа баг̇гхарин̣ий бамаан̣аяуд̇д̇ассзва уд̣̇агасса сид̇д̇ад̇д̇аа. зд̇т̇а жа нхаанийяабин̣д̣ам̣ вияа гараж̇агааяо, д̇ам̣ д̇змзд̇ваа самбин̣д̣ид̇абамаан̣аяуд̇д̇ауд̣̇агам̣ вияа батамаж̇жхаанасукам̣ д̣̇адтаб̣б̣ам̣.
428. хздтаа уб̣бхиж̇ж̇ид̇ваа уг̇г̇ажчанауд̣̇агод̇и рахад̣̇асса ад̇хот̇уулад̇хаараавасзна уб̣бхиж̇ж̇а удтаханауд̣̇аго. анд̇оязва уб̣бхиж̇ж̇анауд̣̇агод̇и рахад̣̇асса аб̣бханд̇арзязва т̇уулад̇хаараа ахуд̇ваа удтид̇ауд̣̇агасираамукзхи уб̣бхиж̇ж̇анаго. ааг̇аманамаг̇г̇од̇и над̣̇ийд̇ал̣аагаганд̣̇арасарааад̣̇ид̇о ааг̇аманамаг̇г̇о.
429. уббалаг̇ажчаани зд̇т̇а санд̇ийд̇и уббалиний (а. ни. дий. 3.5.28-29), ваари. аяамзд̇т̇а винижчаяо, д̇ат̇аа хи логз рад̇д̇агкиго ‘‘бун̣д̣арийгагко’’д̇и вужжад̇и. гзжи бана ‘‘буриманаязнаа’’д̇и ад̇ид̣̇зсзнзва вибхаавид̇од̇и д̣̇адтаб̣б̣ам̣.
430. нирубаггилзсадтзнаад̇и раж̇ож̇аллаад̣̇инаа анубаггилидтад̇ааяа амалийнабхаавзна. амалийнамби гин̃жи вад̇т̇у бабхассарасабхаавам̣ ход̇ийд̇и вуд̇д̇ам̣ ‘‘бабхассарадтзнаа’’д̇и. уд̇упаран̣анд̇и ун̣хауд̇упаран̣ам̣. саб̣б̣ад̇т̇агамзва жхаанасукзна пудто гараж̇агааяо яат̇аа уд̇унаа пудтавад̇т̇асад̣̇исод̇и ааха ‘‘вад̇т̇ам̣ вияа гараж̇агааяо’’д̇и. д̇асмаад̇и ‘‘вад̇т̇ам̣ вияаа’’д̇иаад̣̇инаа вуд̇д̇амзвад̇т̇ам̣ хзд̇убхаавзна бажжаамасад̇и, гараж̇агааяасса вад̇т̇асад̣̇исад̇д̇аа жад̇уд̇т̇аж̇жхаанасукасса жа уд̇упаран̣асад̣̇исад̇д̇аад̇и ад̇т̇о. санд̇асабхаавад̇д̇аа н̃аан̣уд̇д̇арад̇д̇аа жзд̇т̇а убзгкааби сукз сан̇г̇ахид̇аад̇и жад̇уд̇т̇аж̇жхаанзби сукаг̇г̇ахан̣ам̣ гад̇ам̣. ‘‘барисуд̣̇д̇хзна барияод̣̇аад̇зна парид̇ваа нисинно ход̇ий’’д̇и важанад̇о жад̇уд̇т̇аж̇жхаанажид̇д̇асса вад̇т̇асад̣̇исад̇аа вуд̇д̇аа. жад̇уд̇т̇аж̇жхаанасамудтаанаруубзхи бхигкуно гааяасса пудабхаавам̣ санд̇хааяа ‘‘д̇ам̣самудтаанаруубам̣ уд̇упаран̣ам̣ вияаа’’д̇и вуд̇д̇ам̣. бурисасса гааяо вияа бхигкуно гараж̇агааяод̇и аяам̣ банад̇т̇о баагадод̇и на г̇ахид̇о, г̇ахид̇о зва ваа ‘‘яат̇аа хи гад̇т̇ажи…бз… гааяо пудо ход̇ий’’д̇и вуд̇д̇ад̇д̇аа.
431. буб̣б̣зниваасан̃аан̣аубамааяанд̇и буб̣б̣зниваасан̃аан̣асса д̣̇ассид̇аубамааяам̣. д̇ам̣д̣̇ивасам̣гад̇агирияааг̇ахан̣ам̣ баагад̇игасад̇д̇ассаби язбхуяязна баагадаа ход̇ийд̇и д̣̇ассанад̇т̇ам̣. д̇ам̣д̣̇ивасаг̇ад̇аг̇аамад̇д̇аяаг̇г̇ахан̣знзва махаабхинийхаарзхи ан̃н̃зсамби буб̣б̣зниваасан̃аан̣алаабхийнам̣ д̇ийсу бхавзсу гад̇аа гирияаа язбхуяязна баагадаа ход̇ийд̇и д̣̇ийбид̇анд̇и д̣̇адтаб̣б̣ам̣.
432. саммукад̣̇ваараад̇и ан̃н̃аман̃н̃асса абхимукад̣̇ваараа. абараабарам̣ сан̃жаранд̇зд̇и д̇ам̣д̇ам̣гижжавасзна ид̇о жид̇о жа сан̃жаранд̇з. ид̇о бана г̇зхаа…бз… бависанавасзнабийд̇и ид̣̇ам̣ жуд̇уубабаад̇ан̃аан̣асса висаяад̣̇ассанавасзна вуд̇д̇ам̣. д̣̇виннам̣ г̇зхаанам̣ анд̇арз тад̇ваад̇и д̣̇виннам̣ г̇зхад̣̇ваараанам̣ саммукадтаанабхууд̇з анд̇аравийт̇ияам̣ взмаж̇жхз тад̇ваа. д̇зсу хи згасса жз баажийнамукад̣̇ваарам̣ ид̇арасса бажчимамукам̣, д̇асса саммукам̣ убхиннам̣ анд̇аравийт̇ияам̣ тид̇асса д̣̇агкин̣аамукасса, уд̇д̇араамукасса ваа жагкумад̇о бурисасса д̇ад̇т̇а бависанаганигкаманагабурисаа яат̇аа сукзнзва д̇ассаад̇и н̃аан̣асса.
433. баб̣б̣ад̇асикарам̣ ‘‘баб̣б̣ад̇асан̇кзбо’’д̇и вуд̇д̇ам̣, баб̣б̣ад̇абарияаабанно ваа бад̣̇зсо баб̣б̣ад̇асан̇кзбо. анаавилод̇и агаалуссо. саа жасса анаавилад̇аа гад̣̇д̣̇амаабхаавзна ход̇ийд̇и ааха ‘‘ниггад̣̇д̣̇амо’’д̇и. тид̇аасуби нисиннаасуби г̇аавийсу. виж̇ж̇амаанаасууд̇и лаб̣бхамаанаасу. ид̇араа тид̇ааби нисиннааби жаранд̇ийд̇и вужжанд̇и сахажаран̣ан̃ааязна. д̇идтанд̇амзва, на гад̣̇аажиби жаранд̇ам̣. д̣̇ваяанд̇и сиббисаммугам̣ мажчаг̇умб̣анд̇и имам̣ убхаяам̣ д̇идтанд̇анд̇и вуд̇д̇ам̣, жаранд̇амбийд̇и ад̇хиббааяо. гим̣ ваа имааяа сахажарияааяа, яат̇аалаабхаг̇г̇ахан̣ам̣ банзд̇т̇а д̣̇адтаб̣б̣ам̣. сагкарагат̇аласса хи васзна ‘‘д̇идтанд̇а’’нд̇и, сиббисамб̣угасса мажчаг̇умб̣асса жа васзна ‘‘д̇идтанд̇амби, жаранд̇амбий’’д̇и яож̇анаа гаад̇аб̣б̣аа.
434. бхигкууд̇и бхиннагилзсод̇и бхигку. со хи барамад̇т̇ад̇о саман̣од̇инаамаго. д̇ад̇т̇а арияамаг̇г̇зна саб̣б̣асо баабаанам̣ самид̇аавийд̇и саман̣о. д̇знааха ‘‘самид̇абаабад̇д̇аа’’д̇и. сздтадтзна б̣рахмаа вужжад̇и саммаасамб̣уд̣̇д̇хо, д̇ад̇о ааг̇ад̇од̇и б̣рахмаа, арияамаг̇г̇о, д̇ам̣ асаммохабадивзд̇хавасзна ан̃н̃аасийд̇и б̣раахман̣о. д̇ам̣саман̇г̇ид̇ааяа хисса баабаанам̣ б̣аахид̇абхааво. д̇знааха ‘‘б̣аахид̇абаабад̇д̇аа б̣раахман̣о’’д̇и. адтан̇г̇игзна арияамаг̇г̇аж̇алзна нхаад̇аваа нид̣̇д̇ход̇агилзсод̇и нхаад̇аго. г̇ад̇ад̇д̇аад̇и бахаанаабхисамаяавасзна бадивид̣̇д̇хад̇д̇аа. д̇знааха ‘‘вид̣̇ид̇ад̇д̇аа’’д̇и. ниссуд̇ад̇д̇аад̇и самужчзд̣̇аббахаанавасзна санд̇аанад̇о саб̣б̣асо нихад̇ад̇д̇аа. д̇знааха ‘‘абахад̇ад̇д̇аа’’д̇и, марияаад̣̇авасзна гилзсаанам̣ хим̣сид̇ад̇д̇аа арияамаг̇г̇зхи од̇хисо саб̣б̣асо гилзсаанам̣ самужчиннад̇д̇аад̇и ад̇т̇о. д̇знааха ‘‘хад̇ад̇д̇аа’’д̇и. аарагад̇д̇аад̇и суббахийнад̇ааяа виббагадтабхаавад̇о. д̇знааха ‘‘д̣̇уурийбхууд̇ад̇д̇аа’’д̇и. убхаяамби убхаяад̇т̇а яож̇зд̇аб̣б̣ам̣ – гилзсаанам̣ аарагад̇д̇аа арияо, д̇ат̇аа араханд̇и. яам̣ банзд̇т̇а ад̇т̇ад̇о на вибхад̇д̇ам̣, д̇ам̣ уд̇д̇аанад̇т̇ад̇д̇аа сувин̃н̃зяяамзва.
махааассабурасуд̇д̇аван̣н̣анааяа лийнад̇т̇аббагаасанаа самад̇д̇аа.
10. жуул̣аассабурасуд̇д̇аван̣н̣анаа
435. буримасад̣̇исамзваад̇и саман̣аанам̣ анужчавигаад̇и саман̣аанам̣ саман̣абхаавасса анужчавигаа бад̇ируубаа. саман̣аанам̣ ануломаббадибад̣̇аад̇и саман̣аанам̣ сааман̃н̃асан̇каад̇асса арияамаг̇г̇асса анугуулаббадибад̣̇аа.
436. зд̇з д̇хаммаад̇и зд̇з баал̣ияам̣ ааг̇ад̇аа абхиж̇жхааб̣яаабаад̣̇аад̣̇аяо баабад̇хаммаа. уббаж̇ж̇амаанаад̇и уббаж̇ж̇амаанаа зва, баг̇зва санд̇аанз бхаавид̇аа. малинзд̇и малаванд̇з гилидтз. малаг̇г̇ахид̇зд̇и г̇ахид̇амалз сан̃ж̇аад̇амалз. саман̣амалаад̇и саман̣аанам̣ саман̣абхаавасса малаа. д̣̇уссанд̇ийд̇и вибаж̇ж̇анд̇и винассанд̇и. саман̣ад̣̇осаад̇и саман̣аанам̣ саман̣абхаавад̣̇уусанаа. гасадзд̇и асаарз. нирож̇зд̇и нид̇д̇зж̇з. аяад̇о сукад̇о абзд̇аад̇и абааяаа, нираяаад̣̇аяо, д̇ам̣ палам̣ араханд̇и, д̇ам̣ баяож̇анам̣ ваа зд̇зсанд̇и аабааяигаа. таанаани абхиж̇жхаад̣̇аяо. д̇знааха ‘‘абааяз’’д̇иаад̣̇и. гааран̣абхаавзна д̣̇уг̇г̇ад̇ибарияаабаннааяа взд̣̇анааяа хид̇аанийд̇и д̣̇уг̇г̇ад̇ивзд̣̇анияаани. д̇зна вуд̇д̇ам̣ ‘‘д̣̇уг̇г̇ад̇ияам̣ вибаагавзд̣̇анааяа бажжаяаана’’нд̇и. д̇икин̣ам̣ аяанд̇и взганд̇агасад̣̇исам̣ саарааяам̣. аязнаад̇и аяогхам̣сагзна. гон̃жасагун̣аанам̣ гира гужчияам̣ нивуд̇т̇ам̣ яам̣ гин̃жи карам̣ д̇икин̣ан̃жа ход̇и. д̇ат̇аа хи д̇зсам̣ важжам̣ адтимби баасаан̣амби вилийяаабзд̇и. д̇зна вуд̇д̇ам̣ ‘‘гон̃жасагун̣з каад̣̇аабзнд̇ий’’д̇и. д̇ам̣ гира аяажун̣н̣ам̣ аг̇г̇инааби гижчзна д̣̇аяхад̇и, бхзсаж̇ж̇аб̣алзна бана сукзна д̣̇аяхзяяа. д̇зна вуд̇д̇ам̣ ‘‘сусигкид̇аа жа нам̣ аяагаараа б̣ахухад̇т̇агаммамуулам̣ лабхид̇ваа гаронд̇ий’’д̇иаад̣̇и. ад̇ид̇икин̣ам̣ ход̇и, ан̃н̃ад̇арам̣ аяоб̣анд̇ханам̣ пзг̇г̇уд̣̇ан̣д̣ам̣ вияа сукзнзва чинд̣̇анд̇и. сасаб̣ил̣ааражаммзхи сан̇гхаадийд̇и вужжад̇и аавуд̇хабарижчад̣̇од̇и ааха ‘‘сан̇гхаадияаад̇и госияаа’’д̇и. барияонад̣̇д̇ханд̇и барид̇о онад̣̇д̇хам̣ чаад̣̇ид̇ам̣. саманд̇ад̇о взтид̇анд̇и саб̣б̣асо бихид̇ам̣.
437. раж̇од̇и ааг̇анд̇угараж̇о. ж̇алланд̇и сарийрз удтаанагалон̣аад̣̇ималам̣. раж̇ож̇аллан̃жа вад̇асамаад̣̇аанавасзна анабанийд̇ам̣ зд̇асса ад̇т̇ийд̇и раж̇ож̇аллиго, д̇асса. д̇знааха ‘‘раж̇ож̇аллад̇хаарино’’д̇и. уд̣̇агам̣ ороханд̇ассаад̇иаад̣̇ийнамад̇т̇о махаасийханаад̣̇асуд̇д̇аван̣н̣анааяам̣ вуд̇д̇оязва. саб̣б̣амзд̇анд̇иаад̣̇ийсу саб̣б̣асоби вад̇асамаад̣̇аанавасзнаад̇и ад̇хиббааяо. яасмаа саб̣б̣амзд̇ам̣ б̣аахирасамаяавасзнзва сан̇гхаадигассаад̇и билод̇игакан̣д̣зхи сан̇гхадид̇ад̇д̇аа ‘‘сан̇гхаадий’’д̇и лад̣̇д̇ханаамавад̇т̇ад̇хааринод̇и ад̇т̇о. д̇ат̇аа хи баал̣ияам̣ ‘‘сан̇гхаадигасса’’ижжзва вуд̇д̇ам̣, на ‘‘бхигкуно’’д̇и. д̇знааха ‘‘имасмим̣ хий’’д̇иаад̣̇и. гасмаа банзд̇т̇а бхаг̇авад̇аа сан̇гхаадигад̇д̇аад̣̇ийниязва вад̇асамаад̣̇аанаани бадигкид̇д̇аанийд̇и? наяад̣̇ассанамзд̇ам̣ ан̃н̃зсамби бан̃жаад̇абамууг̇авад̇аад̣̇ийнам̣ д̇аббадигкзбзнзва басид̣̇д̇хид̇о. абарз бана бхан̣анд̇и – ‘‘наахам̣, бхигкавз, сан̇гхаадигасса сан̇гхаадид̇хааран̣амад̇д̇зна сааман̃н̃ам̣ вад̣̇аамий’’д̇и вуд̇д̇з д̇ад̇т̇а нисинно гожи д̇ид̇т̇анд̇аралад̣̇д̇хиго ажзлагад̇д̇ам̣ ну ко гат̇анд̇и жинд̇зси, абарз раж̇ож̇аллагад̇д̇ам̣ ну ко гат̇анд̇и, звам̣ д̇ам̣ д̇ам̣ жинд̇знд̇аанам̣ аж̇жхаасаяавасзна бхаг̇аваа имаанзва вад̇асамаад̣̇аанаани ид̇ха бадигкибийд̇и. сан̇гхаадиганд̇и ниваасанабаарубанавасзна сан̇гхаадиванд̇ам̣. д̇знааха ‘‘сан̇гхаадигам̣ вад̇т̇а’’нд̇иаад̣̇и. ад̇д̇ано ружияаа мид̇д̇аад̣̇аяо сан̇гхаадигам̣ гарзяяум̣, бажчаа вин̃н̃уд̇ам̣ бад̇д̇агаалз сан̇гхаадигад̇д̇з самаад̣̇абзяяум̣.
438. ад̇д̇аанам̣ висуж̇жханд̇ам̣ бассад̇и абхиж̇жхаад̣̇ийнам̣ самуд̣̇аажаараабхаавад̇о. маг̇г̇зна асамужчиннад̇д̇аа висуд̣̇д̇ход̇и бана на вад̇д̇аб̣б̣о. баамож̇ж̇анд̇и д̇арун̣абийд̇имааха. д̇асса хи ад̇д̇ано саммаабадибад̇д̇ияаа гилзсаанам̣ вигкамбхид̇ад̇д̇аа жид̇д̇асса висуд̣̇д̇хад̇ам̣ бассанд̇асса баамож̇ж̇ам̣ ж̇ааяад̇и, д̇ам̣ д̇удтаагаарам̣. д̇знааха ‘‘д̇удтаагааро’’д̇и. бийд̇ийд̇и бассад̣̇д̇хиаавахаа б̣алавабийд̇и. наамагааяо бассамбхад̇ийд̇и иминаа убхаяамби бассад̣̇д̇хим̣ вад̣̇ад̇и. взд̣̇ияад̇ийд̇и анубхавад̇и винд̣̇ад̇и. ид̣̇аани д̇зна нийваран̣зхи жид̇д̇асса висод̇ханад̇д̇ам̣ лад̣̇д̇ханд̇и ааха ‘‘аббанааббад̇д̇ам̣ вияа ход̇ий’’д̇и. ан̃н̃ад̇т̇а удтид̇аа ан̃н̃ам̣ таанам̣ убаг̇ад̇аад̇и зд̇д̇агзна убамаабхаавзна ужжанийжад̇аасааман̃н̃зна хздтаа асад̣̇д̇хаммаанам̣ бадибагкавасзна д̣̇зсанааяа барияосаабид̇ад̇д̇аа вуд̇д̇ам̣ ‘‘яат̇аанусанд̇хинаа’’д̇и. махаасийханаад̣̇асуд̇д̇з маг̇г̇о богкаран̣ияаа убамид̇о ‘‘сзяяат̇ааби, саарибуд̇д̇а, богкаран̣ий’’д̇иаад̣̇им̣ (ма. ни. 1.154) аарабхид̇ваа убамаасам̣санд̣̇анз ‘‘д̇ат̇ааяам̣ буг̇г̇ало бадибанно, д̇ат̇аа жа ирияад̇и, д̇ан̃жа маг̇г̇ам̣ самаарул̣хо, яат̇аа аасаваанам̣ каяаа’’д̇и (ма. ни. 1.154) вуд̇д̇ад̇д̇аа. яат̇аа хи бурад̇т̇имаад̣̇ид̣̇исаахи ааг̇ад̇аа бурисаа д̇ам̣ богкаран̣им̣ ааг̇амма висуд̣̇д̇харуубагааяаа виг̇ад̇абарил̣аахаа жа хонд̇и, звам̣ кад̇д̇ияаад̣̇игулад̇о ааг̇ад̇аа д̇ат̇ааг̇ад̇аббавзд̣̇ид̇ам̣ д̇хаммавинаяам̣ саасанам̣ ааг̇амма висуд̣̇д̇ханаамагааяаа виг̇ад̇агилзсабарил̣аахаа жа хонд̇и. д̇асмаа саб̣б̣агилзсаанам̣ самид̇ад̇д̇аа барамад̇т̇асаман̣о ход̇ийд̇и. сзсам̣ сувин̃н̃зяяамзва.
жуул̣аассабурасуд̇д̇аван̣н̣анааяа лийнад̇т̇аббагаасанаа самад̇д̇аа.
нидтид̇аа жа махааяамагаваг̇г̇аван̣н̣анаа.