4. маарасам̣яуд̇д̇ам̣
1. батамаваг̇г̇о
1. д̇абогаммасуд̇д̇ам̣
137. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хамуулз батамаабхисамб̣уд̣̇д̇хо. ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘муд̇д̇о вад̇амхи д̇ааяа д̣̇уггарагааригааяа. саад̇ху муд̇д̇о вад̇амхи д̇ааяа анад̇т̇асам̣хид̇ааяа д̣̇уггарагааригааяа. саад̇ху вад̇амхи муд̇д̇о б̣од̇хим̣ самаж̇жхаг̇а’’нд̇и саад̇ху тид̇о сад̇о б̣од̇хим̣ самаж̇жхзг̇анд̇и (сий. бий.), саад̇ху вад̇амхи сад̇д̇о б̣од̇хисамаж̇жхаг̇ууд̇и (сяаа. гам̣.).
ат̇а ко мааро баабимаа бхаг̇авад̇о жзд̇асаа жзд̇обаривид̇аггаман̃н̃ааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘д̇абогаммаа абаггамма, язна на суж̇жханд̇и маан̣аваа;
асуд̣̇д̇хо ман̃н̃аси суд̣̇д̇хо, суд̣̇д̇химаг̇г̇аа абарад̣̇д̇хо’’ суд̣̇д̇химаг̇г̇амабарад̣̇д̇хо (сий. сяаа. гам̣. бий.) д̇и.
ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇аахи аж̇жхабхааси –
‘‘анад̇т̇асам̣хид̇ам̣ н̃ад̇ваа, яам̣ гин̃жи амарам̣ д̇абам̣ абарам̣ д̇абам̣ (га.);
саб̣б̣ам̣ над̇т̇аавахам̣ ход̇и, пияаарид̇д̇ам̣ва д̇хаммани ваммани (сий.), д̇хамманим̣ (бий.), ж̇амманим̣ (га.) зд̇т̇ааяам̣ д̇хаммасад̣̇д̣̇о саггад̇з д̇ханванам̣-сад̣̇д̣̇зна сад̣̇исо маруваажагод̇и взд̣̇ид̇аб̣б̣о, яат̇аа д̣̇ал̣хад̇хаммаад̇ибад̣̇ам̣.
‘‘сийлам̣ самаад̇хи бан̃н̃ан̃жа, маг̇г̇ам̣ б̣од̇хааяа бхааваяам̣;
бад̇д̇осми барамам̣ суд̣̇д̇хим̣, нихад̇о д̇вамаси анд̇агаа’’д̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и, д̣̇угкий д̣̇уммано д̇ад̇т̇званд̇арад̇хааяийд̇и.
2. хад̇т̇ирааж̇аван̣н̣асуд̇д̇ам̣
138. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хамуулз батамаабхисамб̣уд̣̇д̇хо . д̇зна ко бана самаязна бхаг̇аваа рад̇д̇анд̇хагаарад̇имисааяам̣ аб̣бхогаасз нисинно ход̇и, д̣̇зво жа згамзгам̣ пусааяад̇и. ат̇а ко мааро баабимаа бхаг̇авад̇о бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо маханд̇ам̣ хад̇т̇ирааж̇аван̣н̣ам̣ абхинимминид̇ваа язна бхаг̇аваа д̇знубасан̇гами. сзяяат̇ааби наама махаааридтаго ман̣и, звамасса сийсам̣ ход̇и. сзяяат̇ааби наама суд̣̇д̇хам̣ руубияам̣, звамасса д̣̇анд̇аа хонд̇и. сзяяат̇ааби наама махад̇ий нан̇г̇алийсаа нан̇г̇аласийсаа (бий. га.), звамасса сон̣д̣о ход̇и. ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇ааяа аж̇жхабхааси –
‘‘сам̣сарам̣ д̣̇ийгхамад̣̇д̇хаанам̣, ван̣н̣ам̣ гад̇ваа субхаасубхам̣;
алам̣ д̇з д̇зна баабима, нихад̇о д̇вамаси анд̇агаа’’д̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
3. субхасуд̇д̇ам̣
139. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хамуулз батамаабхисамб̣уд̣̇д̇хо. д̇зна ко бана самаязна бхаг̇аваа рад̇д̇анд̇хагаарад̇имисааяам̣ аб̣бхогаасз нисинно ход̇и, д̣̇зво жа згамзгам̣ пусааяад̇и. ат̇а ко мааро баабимаа, бхаг̇авад̇о бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо, язна бхаг̇аваа д̇знубасан̇гами; убасан̇гамид̇ваа бхаг̇авад̇о авид̣̇уурз ужжааважаа ван̣н̣анибхаа убад̣̇ам̣сзд̇и, субхаа жзва асубхаа жа. ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇аахи аж̇жхабхааси –
‘‘сам̣сарам̣ д̣̇ийгхамад̣̇д̇хаанам̣, ван̣н̣ам̣ гад̇ваа субхаасубхам̣;
алам̣ д̇з д̇зна баабима, нихад̇о д̇вамаси анд̇ага.
‘‘яз жа гааязна ваажааяа, манасаа жа сусам̣вуд̇аа;
на д̇з мааравасаануг̇аа, на д̇з маарасса б̣ад̣̇д̇хаг̇уу’’ б̣ад̣̇д̇хабхуу (га.), бажжаг̇уу (сий. сяаа. гам̣. бий.) д̇и.
ат̇а ко мааро…бз… д̇ад̇т̇званд̇арад̇хааяийд̇и.
4. батамамаарабаасасуд̇д̇ам̣
140. звам̣ мз суд̇ам̣ – згам̣ самаяам̣ бхаг̇аваа б̣аараан̣асияам̣ вихарад̇и исибад̇анз миг̇ад̣̇ааяз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘маяхам̣ ко, бхигкавз, яонисо манасигаараа яонисо саммаббад̇хаанаа ануд̇д̇араа вимуд̇д̇и ануббад̇д̇аа, ануд̇д̇араа вимуд̇д̇и сажчигад̇аа. д̇умхзби, бхигкавз, яонисо манасигаараа яонисо саммаббад̇хаанаа ануд̇д̇арам̣ вимуд̇д̇им̣ анубаабун̣аат̇а, ануд̇д̇арам̣ вимуд̇д̇им̣ сажчигарот̇аа’’д̇и. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘б̣ад̣̇д̇хоси маарабаасзна, яз д̣̇иб̣б̣аа яз жа маанусаа;
маараб̣анд̇ханаб̣ад̣̇д̇хоси, на мз саман̣а могкасий’’д̇и.
‘‘муд̇д̇аахам̣ муд̇д̇охам̣ (сий. сяаа. гам̣. бий.) маарабаасзна, яз д̣̇иб̣б̣аа яз жа маанусаа;
маараб̣анд̇ханамуд̇д̇омхи, нихад̇о д̇вамаси анд̇агаа’’д̇и.
ат̇а ко мааро баабимаа…бз… д̇ад̇т̇званд̇арад̇хааяийд̇и.
5. д̣̇уд̇ияамаарабаасасуд̇д̇ам̣
141. згам̣ самаяам̣ бхаг̇аваа б̣аараан̣асияам̣ вихарад̇и исибад̇анз миг̇ад̣̇ааяз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘муд̇д̇аахам̣, бхигкавз, саб̣б̣абаасзхи яз д̣̇иб̣б̣аа яз жа маанусаа. д̇умхзби, бхигкавз, муд̇д̇аа саб̣б̣абаасзхи яз д̣̇иб̣б̣аа яз жа маанусаа. жарат̇а, бхигкавз, жааригам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. маа згзна д̣̇вз аг̇амид̇т̇а. д̣̇зсзт̇а, бхигкавз, д̇хаммам̣ аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзт̇а. санд̇и сад̇д̇аа аббараж̇агкаж̇аад̇игаа, ассаванад̇аа д̇хаммасса барихааяанд̇и. бхависсанд̇и д̇хаммасса ан̃н̃аад̇ааро. ахамби, бхигкавз, язна урувзлаа сзнааниг̇амо д̇знубасан̇гамиссаами д̇хаммад̣̇зсанааяаа’’д̇и. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘б̣ад̣̇д̇хоси саб̣б̣абаасзхи, яз д̣̇иб̣б̣аа яз жа маанусаа;
махааб̣анд̇ханаб̣ад̣̇д̇хоси, на мз саман̣а могкасий’’д̇и.
‘‘муд̇д̇аахам̣ саб̣б̣абаасзхи, яз д̣̇иб̣б̣аа яз жа маанусаа;
махааб̣анд̇ханамуд̇д̇омхи, нихад̇о д̇вамаси анд̇агаа’’д̇и.
ат̇а ко мааро баабимаа…бз… д̇ад̇т̇званд̇арад̇хааяийд̇и.
6. саббасуд̇д̇ам̣
142. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна бхаг̇аваа рад̇д̇анд̇хагаарад̇имисааяам̣ аб̣бхогаасз нисинно ход̇и, д̣̇зво жа згамзгам̣ пусааяад̇и.
ат̇а ко мааро баабимаа бхаг̇авад̇о бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо маханд̇ам̣ саббарааж̇аван̣н̣ам̣ абхинимминид̇ваа язна бхаг̇аваа д̇знубасан̇гами. сзяяат̇ааби наама махад̇ий згаругкигаа нааваа, звамасса гааяо ход̇и. сзяяат̇ааби наама маханд̇ам̣ сон̣д̣игаагил̣ан̃ж̇ам̣, звамасса пан̣о ход̇и. сзяяат̇ааби наама махад̇ий госалигаа гам̣сабаад̇и, звамасса агкийни бхаванд̇и. сзяяат̇ааби наама д̣̇звз г̇ал̣аг̇ал̣ааяанд̇з виж̇ж̇уллад̇аа нижчаранд̇и, звамасса мукад̇о ж̇ивхаа нижчарад̇и. сзяяат̇ааби наама гаммаараг̇аг̇г̇арияаа д̇хамамаанааяа сад̣̇д̣̇о ход̇и, звамасса ассаасабассаасаанам̣ сад̣̇д̣̇о ход̇и.
ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇аахи аж̇жхабхааси –
‘‘яо сун̃н̃аг̇зхаани сзвад̇и,
сзяяо со муни ад̇д̇асан̃н̃ад̇о;
воссаж̇ж̇а жарзяяа д̇ад̇т̇а со,
бад̇ируубан̃хи д̇ат̇аавид̇хасса д̇ам̣.
‘‘жарагаа б̣ахуу бхзраваа б̣ахуу,
ат̇о д̣ам̣сасарийсабаа д̣ам̣са сирим̣сабаа (сий. сяаа. гам̣. бий.) б̣ахуу;
ломамби на д̇ад̇т̇а ин̃ж̇аяз,
сун̃н̃ааг̇аараг̇ад̇о махаамуни.
‘‘набхам̣ палзяяа бат̇авий жалзяяа,
саб̣б̣зби баан̣аа уд̣̇а санд̇асзяяум̣;
салламби жз ураси багаббаязяяум̣,
убад̇хийсу д̇аан̣ам̣ на гаронд̇и б̣уд̣̇д̇хаа’’д̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
7. субад̇исуд̇д̇ам̣
143. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇а ко бхаг̇аваа б̣ахуд̣̇зварад̇д̇им̣ аб̣бхогаасз жан̇гамид̇ваа рад̇д̇ияаа бажжуусасамаяам̣ баад̣̇з багкаалзд̇ваа вихаарам̣ бависид̇ваа д̣̇агкин̣зна бассзна сийхасзяяам̣ габбзси баад̣̇з баад̣̇ам̣ ажжаад̇хааяа сад̇о самбаж̇аано удтаанасан̃н̃ам̣ манаси гарид̇ваа. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘гим̣ соббаси гим̣ ну соббаси,
гимид̣̇ам̣ соббаси д̣̇уб̣бхаг̇о д̣̇уб̣бхад̇о (сяаа. гам̣.), д̣̇уб̣бхаяо (бий.) вияа;
сун̃н̃амаг̇ааранд̇и соббаси,
гимид̣̇ам̣ соббаси суурияз уг̇г̇ад̇з’’д̇и.
‘‘яасса ж̇аалиний висад̇д̇игаа,
д̇ан̣хаа над̇т̇и гухин̃жи нзд̇авз;
саб̣б̣уубад̇хибаригкаяаа б̣уд̣̇д̇хо,
соббад̇и гим̣ д̇авзд̇т̇а маараа’’д̇и.
ат̇а ко мааро баабимаа…бз… д̇ад̇т̇званд̇арад̇хааяийд̇и.
8. нанд̣̇ад̇исуд̇д̇ам̣
144. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇авад̇о санд̇игз имам̣ г̇аат̇ам̣ абхааси –
‘‘нанд̣̇ад̇и буд̇д̇зхи буд̇д̇имаа, г̇омаа г̇обхи д̇ат̇зва нанд̣̇ад̇и;
убад̇хийхи нарасса нанд̣̇анаа, на хи со нанд̣̇ад̇и яо нируубад̇хий’’д̇и.
‘‘сожад̇и буд̇д̇зхи буд̇д̇имаа, г̇омаа г̇обхи д̇ат̇зва сожад̇и;
убад̇хийхи нарасса сожанаа, на хи со сожад̇и яо нируубад̇хий’’д̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
9. батамаааяусуд̇д̇ам̣
145. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘аббамид̣̇ам̣, бхигкавз, мануссаанам̣ ааяу. г̇аманийяо самбарааяо, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣. над̇т̇и ж̇аад̇асса амаран̣ам̣. яо, бхигкавз, жирам̣ ж̇ийвад̇и, со вассасад̇ам̣ аббам̣ ваа бхияяо’’д̇и.
ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘д̣̇ийгхамааяу мануссаанам̣, на нам̣ хийл̣з суборисо;
жарзяяа кийрамад̇д̇ова, над̇т̇и мажжусса ааг̇амо’’д̇и.
‘‘аббамааяу мануссаанам̣, хийл̣зяяа нам̣ суборисо;
жарзяяаад̣̇ид̇д̇асийсова, над̇т̇и мажжусса нааг̇амо’’д̇и.
ат̇а ко мааро…бз… д̇ад̇т̇званд̇арад̇хааяийд̇и.
10. д̣̇уд̇ияаааяусуд̇д̇ам̣
146. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇ад̇ра ко бхаг̇аваа…бз… зд̇ад̣̇авожа –
‘‘аббамид̣̇ам̣, бхигкавз, мануссаанам̣ ааяу. г̇аманийяо самбарааяо, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣. над̇т̇и ж̇аад̇асса амаран̣ам̣. яо, бхигкавз, жирам̣ ж̇ийвад̇и, со вассасад̇ам̣ аббам̣ ваа бхияяо’’д̇и.
ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘наажжаяанд̇и ахорад̇д̇аа, ж̇ийвид̇ам̣ нуубаруж̇жхад̇и;
ааяу анубарияааяад̇и, мажжаанам̣ нзмийва рат̇агуб̣б̣ара’’нд̇и.
‘‘ажжаяанд̇и ахорад̇д̇аа, ж̇ийвид̇ам̣ убаруж̇жхад̇и;
ааяу кийяад̇и мажжаанам̣, гуннад̣̇ийнам̣ва од̣̇ага’’нд̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
батамо ваг̇г̇о.
д̇ассуд̣̇д̣̇аанам̣ –
д̇абогамман̃жа нааг̇о жа, субхам̣ баасзна д̇з д̣̇увз;
саббо субад̇и нанд̣̇анам̣, ааяунаа абарз д̣̇увзд̇и.
2. д̣̇уд̇ияаваг̇г̇о
1. баасаан̣асуд̇д̇ам̣
147. згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. д̇зна ко бана самаязна бхаг̇аваа рад̇д̇анд̇хагаарад̇имисааяам̣ аб̣бхогаасз нисинно ход̇и, д̣̇зво жа згамзгам̣ пусааяад̇и. ат̇а ко мааро баабимаа бхаг̇авад̇о бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо язна бхаг̇аваа д̇знубасан̇гами; убасан̇гамид̇ваа бхаг̇авад̇о авид̣̇уурз маханд̇з баасаан̣з бад̣̇аалзси.
ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇ааяа аж̇жхабхааси –
‘‘сажзби гзвалам̣ саб̣б̣ам̣, г̇иж̇жхагуудам̣ жалзссаси г̇ал̣зяяаси (сяаа. гам̣.), жалзяяааси (га.);
нзва саммаавимуд̇д̇аанам̣, б̣уд̣̇д̇хаанам̣ ад̇т̇и ин̃ж̇ид̇а’’нд̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
2. гиннусийхасуд̇д̇ам̣
148. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхаг̇аваа махад̇ияаа барисааяа баривуд̇о д̇хаммам̣ д̣̇зсзд̇и.
ат̇а ко маарасса баабимад̇о зд̇ад̣̇ахоси – ‘‘аяам̣ ко саман̣о г̇од̇амо махад̇ияаа барисааяа баривуд̇о д̇хаммам̣ д̣̇зсзд̇и. яам̣нуунаахам̣ язна саман̣о г̇од̇амо д̇знубасан̇гамзяяам̣ вижагкугаммааяаа’’д̇и. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘гинну сийхова над̣̇аси, барисааяам̣ висаарад̣̇о;
бадималло хи д̇з ад̇т̇и, виж̇ид̇аавий ну ман̃н̃асий’’д̇и.
‘‘над̣̇анд̇и вз махаавийраа, барисаасу висаарад̣̇аа;
д̇ат̇ааг̇ад̇аа б̣алаббад̇д̇аа, д̇ин̣н̣аа логз висад̇д̇ига’’нд̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
3. сагалигасуд̇д̇ам̣
149. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и мад̣̇д̣̇агужчисмим̣ миг̇ад̣̇ааяз. д̇зна ко бана самаязна бхаг̇авад̇о баад̣̇о сагалигааяа кад̇о ход̇и, бхусаа суд̣̇ам̣ бхаг̇авад̇о взд̣̇анаа вад̇д̇анд̇и саарийригаа д̣̇угкаа д̇иб̣б̣аа караа гадугаа асаад̇аа аманаабаа. д̇аа суд̣̇ам̣ бхаг̇аваа сад̇о самбаж̇аано ад̇хиваасзд̇и авихан̃н̃амаано. ат̇а ко бхаг̇аваа жад̇уг̇г̇ун̣ам̣ сан̇гхаадим̣ бан̃н̃абзд̇ваа д̣̇агкин̣зна бассзна сийхасзяяам̣ габбзси баад̣̇з баад̣̇ам̣ ажжаад̇хааяа сад̇о самбаж̇аано. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘манд̣̇ияаа ну ко сзси уд̣̇ааху гаавзяяамад̇д̇о,
ад̇т̇аа ну д̇з самбажураа на санд̇и;
зго вивид̇д̇з саяанаасанамхи,
нид̣̇д̣̇аамуко гимид̣̇ам̣ соббасз ваа’’д̇и.
‘‘на манд̣̇ияаа саяаами нааби гаавзяяамад̇д̇о,
ад̇т̇ам̣ самзжжаахамабзд̇асого;
зго вивид̇д̇з саяанаасанамхи,
саяаамахам̣ саб̣б̣абхууд̇аанугамбий.
‘‘язсамби саллам̣ ураси бавидтам̣,
мухум̣ мухум̣ хад̣̇аяам̣ взд̇хамаанам̣;
д̇збийд̇ха соббам̣ лабхарз сасаллаа,
д̇асмаа ахам̣ на субз вийд̇асалло.
‘‘ж̇аг̇г̇ам̣ на сан̇гз наби бхзми сод̇д̇ум̣,
рад̇д̇инд̣̇иваа наануд̇абанд̇и маамам̣;
хааним̣ на бассаами гухин̃жи логз,
д̇асмаа субз саб̣б̣абхууд̇аанугамбий’’д̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
4. бад̇ируубасуд̇д̇ам̣
150. згам̣ самаяам̣ бхаг̇аваа госалзсу вихарад̇и згасаалааяам̣ б̣раахман̣аг̇аамз. д̇зна ко бана самаязна бхаг̇аваа махад̇ияаа г̇ихибарисааяа баривуд̇о д̇хаммам̣ д̣̇зсзд̇и.
ат̇а ко маарасса баабимад̇о зд̇ад̣̇ахоси – ‘‘аяам̣ ко саман̣о г̇од̇амо махад̇ияаа г̇ихибарисааяа баривуд̇о д̇хаммам̣ д̣̇зсзд̇и. яам̣нуунаахам̣ язна саман̣о г̇од̇амо д̇знубасан̇гамзяяам̣ вижагкугаммааяаа’’д̇и. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘нзд̇ам̣ д̇ава бад̇ируубам̣, яад̣̇ан̃н̃аманусаасаси;
анурод̇хавирод̇хзсу, маа саж̇ж̇ид̇т̇о д̇ад̣̇аажара’’нд̇и.
‘‘хид̇аанугамбий самб̣уд̣̇д̇хо, яад̣̇ан̃н̃аманусаасад̇и;
анурод̇хавирод̇хзхи, виббамуд̇д̇о д̇ат̇ааг̇ад̇о’’д̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
5. маанасасуд̇д̇ам̣
151. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘анд̇алигкажаро баасо, явааяам̣ жарад̇и маанасо;
д̇зна д̇ам̣ б̣аад̇хаяиссаами, на мз саман̣а могкасий’’д̇и.
‘‘руубаа сад̣̇д̣̇аа расаа г̇анд̇хаа, подтаб̣б̣аа жа манорамаа;
зд̇т̇а мз виг̇ад̇о чанд̣̇о, нихад̇о д̇вамаси анд̇агаа’’д̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
6. бад̇д̇асуд̇д̇ам̣
152. саавад̇т̇инид̣̇аанам̣ . д̇зна ко бана самаязна бхаг̇аваа бан̃жаннам̣ убаад̣̇аанагканд̇хаанам̣ убаад̣̇ааяа бхигкуунам̣ д̇хаммияаа гат̇ааяа санд̣̇ассзд̇и самаад̣̇абзд̇и самаад̣̇аабзд̇и (?) самуд̇д̇зж̇зд̇и самбахам̣сзд̇и. д̇з жа бхигкуу адтим̣ гад̇ваа адтигад̇ваа (сий. сяаа. гам̣. бий.) манаси гад̇ваа саб̣б̣ажзд̇асаа саб̣б̣ажзд̇асо (сий. сяаа. гам̣. бий.), саб̣б̣ам̣ жзд̇асаа (га.) саманнаахарид̇ваа охид̇асод̇аа д̇хаммам̣ сун̣анд̇и.
ат̇а ко маарасса баабимад̇о зд̇ад̣̇ахоси – ‘‘аяам̣ ко саман̣о г̇од̇амо бан̃жаннам̣ убаад̣̇аанагканд̇хаанам̣ убаад̣̇ааяа бхигкуунам̣ д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и. д̇з жа бхигкуу адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇аа д̇хаммам̣ сун̣анд̇и. яам̣нуунаахам̣ язна саман̣о г̇од̇амо д̇знубасан̇гамзяяам̣ вижагкугаммааяаа’’д̇и.
д̇зна ко бана самаязна самб̣ахулаа бад̇д̇аа аб̣бхогаасз нигкид̇д̇аа хонд̇и. ат̇а ко мааро баабимаа б̣алийб̣ад̣̇д̣̇аван̣н̣ам̣ абхинимминид̇ваа язна д̇з бад̇д̇аа д̇знубасан̇гами. ат̇а ко ан̃н̃ад̇аро бхигку ан̃н̃ад̇арам̣ бхигкум̣ зд̇ад̣̇авожа – ‘‘бхигку, бхигку, зсо б̣алийб̣ад̣̇д̣̇о бад̇д̇з бхинд̣̇зяяаа’’д̇и. звам̣ вуд̇д̇з бхаг̇аваа д̇ам̣ бхигкум̣ зд̇ад̣̇авожа – ‘‘на со, бхигку, б̣алийб̣ад̣̇д̣̇о. мааро зсо баабимаа д̇умхаагам̣ вижагкугаммааяа ааг̇ад̇о’’д̇и. ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇ааяа аж̇жхабхааси –
‘‘руубам̣ взд̣̇аяид̇ам̣ сан̃н̃аа, вин̃н̃аан̣ам̣ яан̃жа сан̇кад̇ам̣;
нзсохамасми нзд̇ам̣ мз, звам̣ д̇ад̇т̇а вираж̇ж̇ад̇и.
‘‘звам̣ вирад̇д̇ам̣ кзмад̇д̇ам̣, саб̣б̣асам̣яож̇анаад̇иг̇ам̣;
анвзсам̣ саб̣б̣адтаанзсу, маарасзнааби нааж̇жхаг̇аа’’д̇и.
ат̇а ко мааро баабимаа…бз… д̇ад̇т̇званд̇арад̇хааяийд̇и.
7. чапассааяад̇анасуд̇д̇ам̣
153. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна бхаг̇аваа чаннам̣ пассааяад̇анаанам̣ убаад̣̇ааяа бхигкуунам̣ д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и. д̇з жа бхигкуу адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇аа д̇хаммам̣ сун̣анд̇и.
ат̇а ко маарасса баабимад̇о зд̇ад̣̇ахоси – ‘‘аяам̣ ко саман̣о г̇од̇амо чаннам̣ пассааяад̇анаанам̣ убаад̣̇ааяа бхигкуунам̣ д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и саббахам̣сзд̇и . д̇з жа бхигкуу адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇аа д̇хаммам̣ сун̣анд̇и. яам̣нуунаахам̣ язна саман̣о г̇од̇амо д̇знубасан̇гамзяяам̣ вижагкугаммааяаа’’д̇и. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇авад̇о авид̣̇уурз маханд̇ам̣ бхаяабхзравам̣ сад̣̇д̣̇амагааси, абиссуд̣̇ам̣ бат̇авий ман̃н̃з унд̣̇рийяад̇и уд̣̇рийяад̇и (сий. сяаа. гам̣. бий) у + д̣̇ара + яа + д̇и = уд̣̇рийяад̇и. ат̇а ко ан̃н̃ад̇аро бхигку ан̃н̃ад̇арам̣ бхигкум̣ зд̇ад̣̇авожа – ‘‘бхигку, бхигку, зсаа бат̇авий ман̃н̃з унд̣̇рийяад̇ий’’д̇и. звам̣ вуд̇д̇з, бхаг̇аваа д̇ам̣ бхигкум̣ зд̇ад̣̇авожа – ‘‘нзсаа бхигку бат̇авий унд̣̇рийяад̇и. мааро зсо баабимаа д̇умхаагам̣ вижагкугаммааяа ааг̇ад̇о’’д̇и. ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇ааяа аж̇жхабхааси –
‘‘руубаа сад̣̇д̣̇аа расаа г̇анд̇хаа, пассаа д̇хаммаа жа гзвалаа;
зд̇ам̣ логаамисам̣ гхорам̣, зд̇т̇а лого вимужчид̇о.
‘‘зд̇ан̃жа самад̇иггамма, сад̇о б̣уд̣̇д̇хасса сааваго;
маарад̇хзяяам̣ ад̇иггамма, аад̣̇ижжова вирожад̇ий’’д̇и.
ат̇а ко мааро баабимаа…бз… д̇ад̇т̇званд̇арад̇хааяийд̇и.
8. бин̣д̣асуд̇д̇ам̣
154. згам̣ самаяам̣ бхаг̇аваа маг̇ад̇хзсу вихарад̇и бан̃жасаалааяам̣ б̣раахман̣аг̇аамз. д̇зна ко бана самаязна бан̃жасаалааяам̣ б̣раахман̣аг̇аамз гумааригаанам̣ баахунагаани бхаванд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа бан̃жасаалам̣ б̣раахман̣аг̇аамам̣ бин̣д̣ааяа баависи. д̇зна ко бана самаязна бан̃жасаалзяяагаа б̣раахман̣аг̇ахабад̇игаа маарзна баабимад̇аа анваавидтаа бхаванд̇и – маа саман̣о г̇од̇амо бин̣д̣амалад̇т̇аад̇и.
ат̇а ко бхаг̇аваа яат̇аад̇ход̇зна бад̇д̇зна бан̃жасаалам̣ б̣раахман̣аг̇аамам̣ бин̣д̣ааяа баависи д̇ат̇аад̇ход̇зна яат̇аад̇ход̇зна (?) бад̇д̇зна бадиггами. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘аби д̇вам̣, саман̣а, бин̣д̣амалад̇т̇аа’’д̇и? ‘‘д̇ат̇аа ну д̇вам̣, баабима, агааси яат̇аахам̣ бин̣д̣ам̣ на лабхзяяа’’нд̇и. ‘‘д̇зна хи, бханд̇з, бхаг̇аваа д̣̇уд̇ияамби бан̃жасаалам̣ б̣раахман̣аг̇аамам̣ бин̣д̣ааяа бависад̇у. д̇ат̇аахам̣ гариссаами яат̇аа бхаг̇аваа бин̣д̣ам̣ лажчад̇ий’’д̇и.
‘‘абун̃н̃ам̣ басави мааро, аасаж̇ж̇а нам̣ д̇ат̇ааг̇ад̇ам̣;
гим̣ ну ман̃н̃аси баабима, на мз баабам̣ вибажжад̇и.
‘‘сусукам̣ вад̇а ж̇ийваама, язсам̣ но над̇т̇и гин̃жанам̣;
бийд̇ибхагкаа бхависсаама, д̣̇зваа аабхассараа яат̇аа’’д̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
9. гассагасуд̇д̇ам̣
155. саавад̇т̇инид̣̇аанам̣. д̇зна ко бана самаязна бхаг̇аваа бхигкуунам̣ ниб̣б̣аанабадисам̣яуд̇д̇ааяа д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и . д̇з жа бхигкуу адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇аа д̇хаммам̣ сун̣анд̇и.
ат̇а ко маарасса баабимад̇о зд̇ад̣̇ахоси – ‘‘аяам̣ ко саман̣о г̇од̇амо бхигкуунам̣ ниб̣б̣аанабадисам̣яуд̇д̇ааяа д̇хаммияаа гат̇ааяа…бз… яам̣нуунаахам̣ язна саман̣о г̇од̇амо д̇знубасан̇гамзяяам̣ вижагкугаммааяаа’’д̇и. ат̇а ко мааро баабимаа гассагаван̣н̣ам̣ абхинимминид̇ваа маханд̇ам̣ нан̇г̇алам̣ канд̇хз гарид̇ваа д̣̇ийгхабаажанаяадтим̣ г̇ахзд̇ваа хадахадагзсо саан̣асаадинивад̇т̇о гад̣̇д̣̇амамагкид̇зхи баад̣̇зхи язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘аби, саман̣а, б̣алийб̣ад̣̇д̣̇з ад̣̇д̣̇асаа’’д̇и? ‘‘гим̣ бана, баабима, д̇з б̣алийб̣ад̣̇д̣̇зхий’’д̇и? ‘‘мамзва, саман̣а, жагку, мама руубаа, мама жагкусампассавин̃н̃аан̣ааяад̇анам̣. гухим̣ мз, саман̣а, г̇анд̇ваа могкаси? мамзва, саман̣а, сод̇ам̣, мама сад̣̇д̣̇аа…бз… мамзва, саман̣а, гхаанам̣, мама г̇анд̇хаа; мамзва, саман̣а, ж̇ивхаа, мама расаа; мамзва, саман̣а, гааяо, мама подтаб̣б̣аа; мамзва, саман̣а, мано, мама д̇хаммаа, мама маносампассавин̃н̃аан̣ааяад̇анам̣. гухим̣ мз, саман̣а, г̇анд̇ваа могкасий’’д̇и?
‘‘д̇авзва , баабима, жагку, д̇ава руубаа, д̇ава жагкусампассавин̃н̃аан̣ааяад̇анам̣. яад̇т̇а жа ко, баабима, над̇т̇и жагку, над̇т̇и руубаа, над̇т̇и жагкусампассавин̃н̃аан̣ааяад̇анам̣, аг̇ад̇и д̇ава д̇ад̇т̇а, баабима. д̇авзва, баабима , сод̇ам̣, д̇ава сад̣̇д̣̇аа, д̇ава сод̇асампассавин̃н̃аан̣ааяад̇анам̣. яад̇т̇а жа ко, баабима, над̇т̇и сод̇ам̣, над̇т̇и сад̣̇д̣̇аа, над̇т̇и сод̇асампассавин̃н̃аан̣ааяад̇анам̣, аг̇ад̇и д̇ава д̇ад̇т̇а, баабима. д̇авзва , баабима, гхаанам̣, д̇ава г̇анд̇хаа, д̇ава гхаанасампассавин̃н̃аан̣ааяад̇анам̣. яад̇т̇а жа ко, баабима, над̇т̇и гхаанам̣, над̇т̇и г̇анд̇хаа, над̇т̇и гхаанасампассавин̃н̃аан̣ааяад̇анам̣, аг̇ад̇и д̇ава д̇ад̇т̇а, баабима. д̇авзва, баабима, ж̇ивхаа, д̇ава расаа, д̇ава ж̇ивхаасампассавин̃н̃аан̣ааяад̇анам̣…бз… д̇авзва, баабима, гааяо, д̇ава подтаб̣б̣аа, д̇ава гааяасампассавин̃н̃аан̣ааяад̇анам̣…бз… д̇авзва, баабима, мано, д̇ава д̇хаммаа, д̇ава маносампассавин̃н̃аан̣ааяад̇анам̣. яад̇т̇а жа ко, баабима, над̇т̇и мано, над̇т̇и д̇хаммаа, над̇т̇и маносампассавин̃н̃аан̣ааяад̇анам̣, аг̇ад̇и д̇ава д̇ад̇т̇а, баабимаа’’д̇и.
‘‘яам̣ вад̣̇анд̇и мама яид̣̇анд̇и, яз вад̣̇анд̇и маманд̇и жа;
зд̇т̇а жз д̇з мано ад̇т̇и, на мз саман̣а могкасий’’д̇и.
‘‘яам̣ вад̣̇анд̇и на д̇ам̣ маяхам̣, яз вад̣̇анд̇и на д̇з ахам̣;
звам̣ баабима ж̇аанаахи, на мз маг̇г̇амби д̣̇агкасий’’д̇и.
ат̇а ко мааро баабимаа…бз… д̇ад̇т̇званд̇арад̇хааяийд̇и.
10. раж̇ж̇асуд̇д̇ам̣
156. згам̣ самаяам̣ бхаг̇аваа госалзсу вихарад̇и химаванд̇абад̣̇зсз химаванд̇абассз (сий.) аран̃н̃агудигааяам̣. ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘саггаа ну ко раж̇ж̇ам̣ гаарзд̇ум̣ аханам̣ агхаад̇аяам̣ аж̇инам̣ аж̇аабаяам̣ асожам̣ асожаабаяам̣ д̇хаммзнаа’’д̇и?
ат̇а ко мааро баабимаа бхаг̇авад̇о жзд̇асаа жзд̇обаривид̇аггаман̃н̃ааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘гаарзд̇у, бханд̇з, бхаг̇аваа раж̇ж̇ам̣, гаарзд̇у, суг̇ад̇о, раж̇ж̇ам̣ аханам̣ агхаад̇аяам̣ аж̇инам̣ аж̇аабаяам̣ асожам̣ асожаабаяам̣ д̇хаммзнаа’’д̇и. ‘‘гим̣ бана мз д̇вам̣, баабима, бассаси яам̣ мам̣ д̇вам̣ звам̣ вад̣̇зси – ‘гаарзд̇у, бханд̇з, бхаг̇аваа раж̇ж̇ам̣, гаарзд̇у суг̇ад̇о , раж̇ж̇ам̣ аханам̣ агхаад̇аяам̣ аж̇инам̣ аж̇аабаяам̣ асожам̣ асожаабаяам̣ д̇хаммзнаа’’’д̇и? ‘‘бхаг̇авад̇аа ко, бханд̇з, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа. ааган̇камаано жа, бханд̇з, бхаг̇аваа химаванд̇ам̣ баб̣б̣ад̇арааж̇ам̣ суван̣н̣ам̣ д̇взва ад̇химужжзяяа суван̣н̣ан̃жа банассаа’’д̇и суван̣н̣абаб̣б̣ад̇ассаад̇и (сий. сяаа. гам̣.), суван̣н̣ан̃жа баб̣б̣ад̇ассаад̇и (бий.).
‘‘баб̣б̣ад̇асса суван̣н̣асса, ж̇аад̇аруубасса гзвало;
д̣̇вид̇д̇аава нааламзгасса, ид̇и вид̣̇ваа саман̃жарз.
‘‘яо д̣̇угкамад̣̇д̣̇агки яад̇онид̣̇аанам̣,
гаамзсу со ж̇анд̇у гат̇ам̣ намзяяа;
убад̇хим̣ вид̣̇ид̇ваа сан̇г̇од̇и логз,
д̇ассзва ж̇анд̇у винаяааяа сигкз’’д̇и.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
д̣̇уд̇ияо ваг̇г̇о.
д̇ассуд̣̇д̣̇аанам̣ –
баасаан̣о сийхо сагалигам̣ сагкалигам̣ (га.), бад̇ируубан̃жа маанасам̣;
бад̇д̇ам̣ ааяад̇анам̣ бин̣д̣ам̣, гассагам̣ раж̇ж̇зна д̇з д̣̇асаад̇и.
3. д̇ад̇ияаваг̇г̇о
1. самб̣ахуласуд̇д̇ам̣
157. звам̣ мз суд̇ам̣ – згам̣ самаяам̣ бхаг̇аваа саггзсу вихарад̇и силаавад̇ияам̣. д̇зна ко бана самаязна самб̣ахулаа бхигкуу бхаг̇авад̇о авид̣̇уурз аббамад̇д̇аа аад̇аабино бахид̇ад̇д̇аа вихаранд̇и. ат̇а ко мааро баабимаа б̣раахман̣аван̣н̣ам̣ абхинимминид̇ваа маханд̇зна ж̇адан̣д̣увзна аж̇инагкибанивад̇т̇о ж̇ин̣н̣о г̇обаанасиван̇го гхуругхурубассаасий уд̣̇умб̣арад̣̇ан̣д̣ам̣ г̇ахзд̇ваа язна д̇з бхигкуу д̇знубасан̇гами; убасан̇гамид̇ваа д̇з бхигкуу зд̇ад̣̇авожа – ‘‘д̣̇ахараа бхаванд̇о баб̣б̣аж̇ид̇аа сусуу гаал̣агзсаа бхад̣̇рзна яоб̣б̣анзна саманнааг̇ад̇аа батамзна ваяасаа аниггийл̣ид̇аавино гаамзсу. бхун̃ж̇анд̇у бхаванд̇о маанусагз гаамз. маа санд̣̇идтигам̣ хид̇ваа гаалигам̣ ануд̇хаавид̇т̇аа’’д̇и. ‘‘на ко маяам̣, б̣раахман̣а, санд̣̇идтигам̣ хид̇ваа гаалигам̣ ануд̇хааваама. гаалиган̃жа ко маяам̣, б̣раахман̣а, хид̇ваа санд̣̇идтигам̣ ануд̇хааваама. гаалигаа хи, б̣раахман̣а, гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. санд̣̇идтиго аяам̣ д̇хаммо агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’’д̇и. звам̣ вуд̇д̇з, мааро баабимаа сийсам̣ огамбзд̇ваа ж̇ивхам̣ ниллаалзд̇ваа д̇ивисаакам̣ налаадз налаадигам̣ вудтаабзд̇ваа д̣̇ан̣д̣амолуб̣бха баггаами.
ат̇а ко д̇з бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ид̇ха маяам̣, бханд̇з, бхаг̇авад̇о авид̣̇уурз аббамад̇д̇аа аад̇аабино бахид̇ад̇д̇аа вихараама. ат̇а ко, бханд̇з, ан̃н̃ад̇аро б̣раахман̣о маханд̇зна ж̇адан̣д̣увзна аж̇инагкибанивад̇т̇о ж̇ин̣н̣о г̇обаанасиван̇го гхуругхурубассаасий уд̣̇умб̣арад̣̇ан̣д̣ам̣ г̇ахзд̇ваа язна маяам̣ д̇знубасан̇гами; убасан̇гамид̇ваа амхз зд̇ад̣̇авожа – ‘д̣̇ахараа бхаванд̇о баб̣б̣аж̇ид̇аа сусуу гаал̣агзсаа бхад̣̇рзна яоб̣б̣анзна саманнааг̇ад̇аа батамзна ваяасаа аниггийл̣ид̇аавино гаамзсу. бхун̃ж̇анд̇у бхаванд̇о маанусагз гаамз. маа санд̣̇идтигам̣ хид̇ваа гаалигам̣ ануд̇хаавид̇т̇аа’д̇и. звам̣ вуд̇д̇з, маяам̣, бханд̇з, д̇ам̣ б̣раахман̣ам̣ зд̇ад̣̇авожумха – ‘на ко маяам̣, б̣раахман̣а, санд̣̇идтигам̣ хид̇ваа гаалигам̣ ануд̇хааваама. гаалиган̃жа ко маяам̣, б̣раахман̣а, хид̇ваа санд̣̇идтигам̣ ануд̇хааваама. гаалигаа хи, б̣раахман̣а, гаамаа вуд̇д̇аа бхаг̇авад̇аа б̣ахуд̣̇угкаа б̣ахубааяаасаа, аад̣̇ийнаво зд̇т̇а бхияяо. санд̣̇идтиго аяам̣ д̇хаммо агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’д̇и. звам̣ вуд̇д̇з, бханд̇з, со б̣раахман̣о сийсам̣ огамбзд̇ваа ж̇ивхам̣ ниллаалзд̇ваа д̇ивисаакам̣ налаадз налаадигам̣ вудтаабзд̇ваа д̣̇ан̣д̣амолуб̣бха багганд̇о’’д̇и.
‘‘нзсо, бхигкавз, б̣раахман̣о. мааро зсо баабимаа д̇умхаагам̣ вижагкугаммааяа ааг̇ад̇о’’д̇и. ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ г̇аат̇ам̣ абхааси –
‘‘яо д̣̇угкамад̣̇д̣̇агки яад̇онид̣̇аанам̣,
гаамзсу со ж̇анд̇у гат̇ам̣ намзяяа;
убад̇хим̣ вид̣̇ид̇ваа сан̇г̇од̇и логз,
д̇ассзва ж̇анд̇у винаяааяа сигкз’’д̇и.
2. самид̣̇д̇хисуд̇д̇ам̣
158. згам̣ самаяам̣ бхаг̇аваа саггзсу вихарад̇и силаавад̇ияам̣. д̇зна ко бана самаязна ааяасмаа самид̣̇д̇хи бхаг̇авад̇о авид̣̇уурз аббамад̇д̇о аад̇аабий бахид̇ад̇д̇о вихарад̇и. ат̇а ко ааяасмад̇о самид̣̇д̇хисса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘лаабхаа вад̇а мз, сулад̣̇д̇хам̣ вад̇а мз, яасса мз сад̇т̇аа арахам̣ саммаасамб̣уд̣̇д̇хо. лаабхаа вад̇а мз, сулад̣̇д̇хам̣ вад̇а мз, яваахам̣ звам̣ сваагкаад̇з д̇хаммавинаяз баб̣б̣аж̇ид̇о. лаабхаа вад̇а мз, сулад̣̇д̇хам̣ вад̇а мз, яасса мз саб̣рахмажаарино сийлаванд̇о галяаан̣ад̇хаммаа’’д̇и. ат̇а ко мааро баабимаа ааяасмад̇о самид̣̇д̇хисса жзд̇асаа жзд̇обаривид̇аггаман̃н̃ааяа язнааяасмаа самид̣̇д̇хи д̇знубасан̇гами; убасан̇гамид̇ваа ааяасмад̇о самид̣̇д̇хисса авид̣̇уурз маханд̇ам̣ бхаяабхзравам̣ сад̣̇д̣̇амагааси, абиссуд̣̇ам̣ бат̇авий ман̃н̃з унд̣̇рийяад̇и.
ат̇а ко ааяасмаа самид̣̇д̇хи язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ааяасмаа самид̣̇д̇хи бхаг̇аванд̇ам̣ зд̇ад̣̇авожа – ‘‘ид̇хаахам̣, бханд̇з, бхаг̇авад̇о авид̣̇уурз аббамад̇д̇о аад̇аабий бахид̇ад̇д̇о вихараами. д̇асса маяхам̣, бханд̇з, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘лаабхаа вад̇а мз, сулад̣̇д̇хам̣ вад̇а мз, яасса мз сад̇т̇аа арахам̣ саммаасамб̣уд̣̇д̇хо. лаабхаа вад̇а мз, сулад̣̇д̇хам̣ вад̇а мз, яваахам̣ звам̣ сваагкаад̇з д̇хаммавинаяз баб̣б̣аж̇ид̇о. лаабхаа вад̇а мз, сулад̣̇д̇хам̣ вад̇а мз, яасса мз саб̣рахмажаарино сийлаванд̇о галяаан̣ад̇хаммаа’д̇и. д̇асса маяхам̣, бханд̇з, авид̣̇уурз махаабхаяабхзравасад̣̇д̣̇о ахоси, абиссуд̣̇ам̣ бат̇авий ман̃н̃з унд̣̇рийяад̇ий’’д̇и.
‘‘нзсаа, самид̣̇д̇хи, бат̇авий унд̣̇рийяад̇и. мааро зсо баабимаа д̇уяхам̣ вижагкугаммааяа ааг̇ад̇о. г̇ажча д̇вам̣, самид̣̇д̇хи, д̇ад̇т̇зва аббамад̇д̇о аад̇аабий бахид̇ад̇д̇о вихараахий’’д̇и. ‘‘звам̣, бханд̇з’’д̇и ко ааяасмаа самид̣̇д̇хи бхаг̇авад̇о бадиссуд̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. д̣̇уд̇ияамби ко ааяасмаа самид̣̇д̇хи д̇ад̇т̇зва аббамад̇д̇о аад̇аабий бахид̇ад̇д̇о вихааси. д̣̇уд̇ияамби ко ааяасмад̇о самид̣̇д̇хисса рахог̇ад̇асса бадисаллийнасса…бз… д̣̇уд̇ияамби ко мааро баабимаа ааяасмад̇о самид̣̇д̇хисса жзд̇асаа жзд̇обаривид̇аггаман̃н̃ааяа…бз… абиссуд̣̇ам̣ бат̇авий ман̃н̃з унд̣̇рийяад̇и. ат̇а ко ааяасмаа самид̣̇д̇хи маарам̣ баабиманд̇ам̣ г̇аат̇ааяа аж̇жхабхааси –
‘‘сад̣̇д̇хааяаахам̣ баб̣б̣аж̇ид̇о, аг̇аарасмаа анаг̇аарияам̣;
сад̇и бан̃н̃аа жа мз б̣уд̣̇д̇хаа, жид̇д̇ан̃жа сусамаахид̇ам̣;
гаамам̣ гарассу руубаани, нзва мам̣ б̣яаад̇хаяиссасий’’д̇и.
ат̇а ко мааро баабимаа ‘‘ж̇аанаад̇и мам̣ самид̣̇д̇хи бхигкуу’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
3. г̇од̇хигасуд̇д̇ам̣
159. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа г̇од̇хиго исиг̇илибассз вихарад̇и гаал̣асилааяам̣. ат̇а ко ааяасмаа г̇од̇хиго аббамад̇д̇о аад̇аабий бахид̇ад̇д̇о вихаранд̇о саамаяигам̣ жзд̇овимуд̇д̇им̣ пуси. ат̇а ко ааяасмаа г̇од̇хиго д̇амхаа саамаяигааяа жзд̇овимуд̇д̇ияаа барихааяи . д̣̇уд̇ияамби ко ааяасмаа г̇од̇хиго аббамад̇д̇о аад̇аабий бахид̇ад̇д̇о вихаранд̇о саамаяигам̣ жзд̇овимуд̇д̇им̣ пуси. д̣̇уд̇ияамби ко ааяасмаа г̇од̇хиго д̇амхаа саамаяигааяа жзд̇овимуд̇д̇ияаа барихааяи. д̇ад̇ияамби ко ааяасмаа г̇од̇хиго аббамад̇д̇о аад̇аабий бахид̇ад̇д̇о вихаранд̇о саамаяигам̣ жзд̇овимуд̇д̇им̣ пуси. д̇ад̇ияамби ко ааяасмаа г̇од̇хиго д̇амхаа…бз… барихааяи. жад̇уд̇т̇амби ко ааяасмаа г̇од̇хиго аббамад̇д̇о…бз… вимуд̇д̇им̣ пуси . жад̇уд̇т̇амби ко ааяасмаа г̇од̇хиго д̇амхаа…бз… барихааяи. бан̃жамамби ко ааяасмаа г̇од̇хиго…бз… жзд̇овимуд̇д̇им̣ пуси. бан̃жамамби ко ааяасмаа…бз… вимуд̇д̇ияаа барихааяи. чадтамби ко ааяасмаа г̇од̇хиго аббамад̇д̇о аад̇аабий бахид̇ад̇д̇о вихаранд̇о саамаяигам̣ жзд̇овимуд̇д̇им̣ пуси. чадтамби ко ааяасмаа г̇од̇хиго д̇амхаа саамаяигааяа жзд̇овимуд̇д̇ияаа барихааяи. сад̇д̇амамби ко ааяасмаа г̇од̇хиго аббамад̇д̇о аад̇аабий бахид̇ад̇д̇о вихаранд̇о саамаяигам̣ жзд̇овимуд̇д̇им̣ пуси.
ат̇а ко ааяасмад̇о г̇од̇хигасса зд̇ад̣̇ахоси – ‘‘яаава чадтам̣ кваахам̣ саамаяигааяа жзд̇овимуд̇д̇ияаа барихийно. яам̣нуунаахам̣ сад̇т̇ам̣ аахарзяяа’’нд̇и. ат̇а ко мааро баабимаа ааяасмад̇о г̇од̇хигасса жзд̇асаа жзд̇обаривид̇аггаман̃н̃ааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇аахи аж̇жхабхааси –
‘‘махаавийра махаабан̃н̃а, ид̣̇д̇хияаа яасасаа ж̇ала;
саб̣б̣авзрабхаяаад̇ийд̇а, баад̣̇з ванд̣̇аами жагкума.
‘‘сааваго д̇з махаавийра, маран̣ам̣ маран̣аабхибхуу;
ааган̇кад̇и жзд̇аяад̇и, д̇ам̣ нисзд̇ха ж̇уд̇инд̇хара.
‘‘гат̇ан̃хи бхаг̇аваа д̇уяхам̣, сааваго саасанз рад̇о;
аббад̇д̇амаанасо сзгко, гаалам̣ гаяираа ж̇анзсуд̇аа’’д̇и.
д̇зна ко бана самаязна ааяасмад̇о г̇од̇хигзна сад̇т̇ам̣ аахарид̇ам̣ ход̇и. ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇ааяа аж̇жхабхааси –
‘‘зван̃хи д̇хийраа губ̣б̣анд̇и, нааваган̇канд̇и ж̇ийвид̇ам̣;
самуулам̣ д̇ан̣хамаб̣б̣уяха, г̇од̇хиго бариниб̣б̣уд̇о’’д̇и.
ат̇а ко бхаг̇аваа бхигкуу ааманд̇зси – ‘‘ааяаама, бхигкавз, язна исиг̇илибассам̣ гаал̣асилаа д̇знубасан̇гамиссаама яад̇т̇а г̇од̇хигзна гулабуд̇д̇зна сад̇т̇ам̣ аахарид̇а’’нд̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣.
ат̇а ко бхаг̇аваа самб̣ахулзхи бхигкуухи сад̣̇д̇хим̣ язна исиг̇илибассам̣ гаал̣асилаа д̇знубасан̇гами. ад̣̇д̣̇асаа ко бхаг̇аваа ааяасманд̇ам̣ г̇од̇хигам̣ д̣̇уурад̇ова ман̃жагз вивад̇д̇агканд̇хам̣ сзмаанам̣ сзяяамаанам̣ (сяаа. гам̣.), соббамаанам̣ (га.). д̇зна ко бана самаязна д̇хуумааяид̇ад̇д̇ам̣ д̇имирааяид̇ад̇д̇ам̣ г̇ажчад̇зва буримам̣ д̣̇исам̣, г̇ажчад̇и бажчимам̣ д̣̇исам̣, г̇ажчад̇и уд̇д̇арам̣ д̣̇исам̣, г̇ажчад̇и д̣̇агкин̣ам̣ д̣̇исам̣, г̇ажчад̇и уд̣̇д̇хам̣, г̇ажчад̇и ад̇хо, г̇ажчад̇и ануд̣̇исам̣.
ат̇а ко бхаг̇аваа бхигкуу ааманд̇зси – ‘‘бассат̇а но д̇умхз, бхигкавз, зд̇ам̣ д̇хуумааяид̇ад̇д̇ам̣ д̇имирааяид̇ад̇д̇ам̣ г̇ажчад̇зва буримам̣ д̣̇исам̣, г̇ажчад̇и бажчимам̣ д̣̇исам̣, г̇ажчад̇и уд̇д̇арам̣ д̣̇исам̣, г̇ажчад̇и д̣̇агкин̣ам̣ д̣̇исам̣, г̇ажчад̇и уд̣̇д̇хам̣, г̇ажчад̇и ад̇хо, г̇ажчад̇и ануд̣̇иса’’нд̇и? ‘‘звам̣, бханд̇з’’. ‘‘зсо ко, бхигкавз, мааро баабимаа г̇од̇хигасса гулабуд̇д̇асса вин̃н̃аан̣ам̣ саманвзсад̇и – ‘гад̇т̇а г̇од̇хигасса гулабуд̇д̇асса вин̃н̃аан̣ам̣ бад̇идтид̇а’нд̇и? аббад̇идтид̇зна жа, бхигкавз, вин̃н̃аан̣зна г̇од̇хиго гулабуд̇д̇о бариниб̣б̣уд̇о’’д̇и. ат̇а ко мааро баабимаа б̣злувабан̣д̣увийн̣ам̣ аад̣̇ааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘уд̣̇д̇хам̣ ад̇хо жа д̇ирияам̣, д̣̇исаа ануд̣̇исаа свахам̣;
анвзсам̣ наад̇хиг̇ажчаами, г̇од̇хиго со гухим̣ г̇ад̇о’’д̇и.
‘‘яо со (сий. бий.) д̇хийро д̇хид̇исамбанно, жхааяий жхаанарад̇о сад̣̇аа;
ахорад̇д̇ам̣ ануяун̃ж̇ам̣, ж̇ийвид̇ам̣ анигаамаяам̣.
‘‘ж̇зд̇ваана мажжуно бхзд̇ваа намужино (сий.) сзнам̣, анааг̇анд̇ваа бунаб̣бхавам̣;
самуулам̣ д̇ан̣хамаб̣б̣уяха, г̇од̇хиго бариниб̣б̣уд̇о’’д̇и.
‘‘д̇асса согабарзд̇асса, вийн̣аа гажчаа абхассат̇а;
д̇ад̇о со д̣̇уммано яагко, д̇ад̇т̇званд̇арад̇хааяат̇аа’’д̇и д̇ад̇т̇званд̇арад̇хааяит̇аад̇и (сяаа. гам̣.), д̇ад̇т̇зва анд̇арад̇хааяийд̇и (га.).
4. сад̇д̇авассаануб̣анд̇хасуд̇д̇ам̣
160. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хз. д̇зна ко бана самаязна мааро баабимаа сад̇д̇авассаани бхаг̇аванд̇ам̣ ануб̣анд̇хо ход̇и од̇аараабзгко од̇аарам̣ алабхамаано. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘согаавад̇ин̣н̣о ну ванамхи жхааяаси,
вид̇д̇ам̣ ну ж̇ийно уд̣̇а бад̇т̇аяаано;
ааг̇ум̣ ну г̇аамасмимагааси гин̃жи,
гасмаа ж̇анзна на гароси сагким̣;
сагкий на самбаж̇ж̇ад̇и гзнажи д̇з’’д̇и.
‘‘согасса муулам̣ баликааяа саб̣б̣ам̣,
анааг̇у жхааяаами асожамаано;
чзд̇ваана саб̣б̣ам̣ бхавалобхаж̇аббам̣,
анаасаво жхааяаами бамад̇д̇аб̣анд̇хуу’’д̇и.
‘‘яам̣ вад̣̇анд̇и мама яид̣̇анд̇и, яз вад̣̇анд̇и маманд̇и жа;
зд̇т̇а жз д̇з мано ад̇т̇и, на мз саман̣а могкасий’’д̇и.
‘‘яам̣ вад̣̇анд̇и на д̇ам̣ маяхам̣, яз вад̣̇анд̇и на д̇з ахам̣;
звам̣ баабима ж̇аанаахи, на мз маг̇г̇амби д̣̇агкасий’’д̇и.
‘‘сажз маг̇г̇ам̣ ануб̣уд̣̇д̇хам̣, кзмам̣ амад̇аг̇ааминам̣;
абзхи г̇ажча д̇вамзвзго, гиман̃н̃аманусаасасий’’д̇и.
‘‘амажжуд̇хзяяам̣ бужчанд̇и, яз ж̇анаа баараг̇аамино;
д̇зсаахам̣ будто агкаами, яам̣ сажжам̣ д̇ам̣ нируубад̇хи’’нд̇и.
‘‘сзяяат̇ааби, бханд̇з, г̇аамасса ваа ниг̇амасса ваа авид̣̇уурз богкаран̣ий. д̇ад̇расса гаггадаго. ат̇а ко, бханд̇з, самб̣ахулаа гумаарагаа ваа гумааригааяо ваа д̇амхаа г̇аамаа ваа ниг̇амаа ваа нигкамид̇ваа язна саа богкаран̣ий д̇знубасан̇гамзяяум̣; убасан̇гамид̇ваа д̇ам̣ гаггадагам̣ уд̣̇агаа уд̣̇д̇харид̇ваа т̇алз бад̇идтабзяяум̣. яам̣ яад̣̇зва хи со, бханд̇з, гаггадаго ал̣ам̣ абхининнаамзяяа д̇ам̣ д̇ад̣̇зва д̇з гумаарагаа ваа гумааригааяо ваа гадтзна ваа гат̇алааяа ваа сан̃чинд̣̇зяяум̣ самбхан̃ж̇зяяум̣ самбалибхан̃ж̇зяяум̣. зван̃хи со, бханд̇з, гаггадаго саб̣б̣зхи ал̣зхи сан̃чиннзхи самбхаг̇г̇зхи самбалибхаг̇г̇зхи абхаб̣б̣о д̇ам̣ богкаран̣им̣ од̇арид̇ум̣. звамзва ко, бханд̇з, яаани гаанижи висуугааяигаани яаани висугааяигаани (сий. бий. га.) висзвид̇аани вибпанд̣̇ид̇аани, саб̣б̣аани д̇аани гаанижи гаанижи саб̣б̣аани (сий. бий. га.) бхаг̇авад̇аа сан̃чиннаани самбхаг̇г̇аани самбалибхаг̇г̇аани. абхаб̣б̣о д̣̇аанаахам̣, бханд̇з, буна бхаг̇аванд̇ам̣ убасан̇гамид̇ум̣ яад̣̇ид̣̇ам̣ од̇аараабзгко’’д̇и. ат̇а ко мааро баабимаа бхаг̇авад̇о санд̇игз имаа ниб̣б̣зж̇анийяаа г̇аат̇ааяо абхааси –
‘‘мзд̣̇аван̣н̣ан̃жа баасаан̣ам̣, вааяасо анубарияаг̇аа;
абзд̇т̇а муд̣̇ум̣ винд̣̇зма, аби ассаад̣̇анаа сияаа.
‘‘алад̣̇д̇хаа д̇ад̇т̇а ассаад̣̇ам̣, вааяасзд̇д̇о абаггамз;
гаагова сзламаасаж̇ж̇а, ниб̣б̣иж̇ж̇аабзма г̇од̇амаа’’д̇и.
5. маарад̇хийд̇усуд̇д̇ам̣
161. ат̇а ко мааро баабимаа бхаг̇авад̇о санд̇игз имаа ниб̣б̣зж̇анийяаа г̇аат̇ааяо абхаасид̇ваа д̇амхаа таанаа абаггамма бхаг̇авад̇о авид̣̇уурз бат̇авияам̣ баллан̇гзна нисийд̣̇и д̇ун̣хийбхууд̇о ман̇губхууд̇о бад̇д̇агканд̇хо ад̇хомуко баж̇жхааяанд̇о аббадибхаано гадтзна бхуумим̣ виликанд̇о. ат̇а ко д̇ан̣хаа жа арад̇и жа раг̇аа жа маарад̇хийд̇аро язна мааро баабимаа д̇знубасан̇гамим̣су; убасан̇гамид̇ваа маарам̣ баабиманд̇ам̣ г̇аат̇ааяа аж̇жхабхаасим̣су –
‘‘гзнааси д̣̇уммано д̇аад̇а, бурисам̣ гам̣ ну сожаси;
маяам̣ д̇ам̣ рааг̇абаасзна, ааран̃н̃амива гун̃ж̇арам̣;
б̣анд̇хид̇ваа аанаяиссаама, васаг̇о д̇з бхависсад̇ий’’д̇и.
‘‘арахам̣ суг̇ад̇о логз, на рааг̇зна суваанаяо;
маарад̇хзяяам̣ ад̇игганд̇о, д̇асмаа сожаамахам̣ бхуса’’нд̇и.
ат̇а ко д̇ан̣хаа жа арад̇и жа раг̇аа жа маарад̇хийд̇аро язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ зд̇ад̣̇авожум̣ – ‘‘баад̣̇з д̇з, саман̣а, барижаарзмаа’’д̇и. ат̇а ко бхаг̇аваа на манасаагааси, яат̇аа д̇ам̣ ануд̇д̇арз убад̇хисан̇каяз вимуд̇д̇о.
ат̇а ко д̇ан̣хаа жа арад̇и жа раг̇аа жа маарад̇хийд̇аро згаманд̇ам̣ абаггамма звам̣ самажинд̇зсум̣ – ‘‘ужжааважаа ко бурисаанам̣ ад̇хиббааяаа. яам̣нууна маяам̣ згасад̇ам̣ згасад̇ам̣ гумаариван̣н̣асад̇ам̣ абхинимминзяяаамаа’’д̇и. ат̇а ко д̇ан̣хаа жа арад̇и жа раг̇аа жа маарад̇хийд̇аро згасад̇ам̣ згасад̇ам̣ гумаариван̣н̣асад̇ам̣ абхинимминид̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ зд̇ад̣̇авожум̣ – ‘‘баад̣̇з д̇з, саман̣а, барижаарзмаа’’д̇и. д̇амби бхаг̇аваа на манасаагааси, яат̇аа д̇ам̣ ануд̇д̇арз убад̇хисан̇каяз вимуд̇д̇о.
ат̇а ко д̇ан̣хаа жа арад̇и жа раг̇аа жа маарад̇хийд̇аро згаманд̇ам̣ абаггамма звам̣ самажинд̇зсум̣ – ‘‘ужжааважаа ко бурисаанам̣ ад̇хиббааяаа . яам̣нууна маяам̣ згасад̇ам̣ згасад̇ам̣ авиж̇аад̇аван̣н̣асад̇ам̣ абхинимминзяяаамаа’’д̇и. ат̇а ко д̇ан̣хаа жа арад̇и жа раг̇аа жа маарад̇хийд̇аро згасад̇ам̣ згасад̇ам̣ авиж̇аад̇аван̣н̣асад̇ам̣ абхинимминид̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ зд̇ад̣̇авожум̣ – ‘‘баад̣̇з д̇з, саман̣а, барижаарзмаа’’д̇и. д̇амби бхаг̇аваа на манасаагааси, яат̇аа д̇ам̣ ануд̇д̇арз убад̇хисан̇каяз вимуд̇д̇о.
ат̇а ко д̇ан̣хаа жа…бз… яам̣нууна маяам̣ згасад̇ам̣ згасад̇ам̣ сагим̣ виж̇аад̇аван̣н̣асад̇ам̣ абхинимминзяяаамаад̇и. ат̇а ко д̇ан̣хаа жа…бз… сагим̣ виж̇аад̇аван̣н̣асад̇ам̣ абхинимминид̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ зд̇ад̣̇авожум̣ – ‘‘баад̣̇з д̇з, саман̣а, барижаарзмаа’’д̇и. д̇амби бхаг̇аваа на манасаагааси, яат̇аа д̇ам̣ ануд̇д̇арз убад̇хисан̇каяз вимуд̇д̇о.
ат̇а ко д̇ан̣хаа жа…бз… яам̣нууна маяам̣ згасад̇ам̣ згасад̇ам̣ д̣̇увиж̇аад̇аван̣н̣асад̇ам̣ абхинимминзяяаамаад̇и. ат̇а ко д̇ан̣хаа жа…бз… д̣̇увиж̇аад̇аван̣н̣асад̇ам̣ абхинимминид̇ваа язна бхаг̇аваа…бз… яат̇аа д̇ам̣ ануд̇д̇арз убад̇хисан̇каяз вимуд̇д̇о. ат̇а ко д̇ан̣хаа жа…бз… маж̇жхимид̇т̇иван̣н̣асад̇ам̣ абхинимминзяяаамаад̇и. ат̇а ко д̇ан̣хаа жа…бз… маж̇жхимид̇т̇иван̣н̣асад̇ам̣ абхинимминид̇ваа…бз… ануд̇д̇арз убад̇хисан̇каяз вимуд̇д̇о.
ат̇а ко д̇ан̣хаа жа…бз… махид̇т̇иван̣н̣асад̇ам̣ абхинимминзяяаамаад̇и . ат̇а ко д̇ан̣хаа жа…бз… махид̇т̇иван̣н̣асад̇ам̣ абхинимминид̇ваа язна бхаг̇аваа…бз… ануд̇д̇арз убад̇хисан̇каяз вимуд̇д̇о. ат̇а ко д̇ан̣хаа жа арад̇и жа раг̇аа жа маарад̇хийд̇аро згаманд̇ам̣ абаггамма зд̇ад̣̇авожум̣ – сажжам̣ гира но бид̇аа авожа –
‘‘арахам̣ суг̇ад̇о логз, на рааг̇зна суваанаяо;
маарад̇хзяяам̣ ад̇игганд̇о, д̇асмаа сожаамахам̣ бхуса’’нд̇и.
‘‘яан̃хи маяам̣ саман̣ам̣ ваа б̣раахман̣ам̣ ваа авийд̇арааг̇ам̣ иминаа убаггамзна убаггамзяяаама хад̣̇аяам̣ ваасса палзяяа, ун̣хам̣ лохид̇ам̣ ваа мукад̇о уг̇г̇ажчзяяа, уммаад̣̇ам̣ ваа баабун̣зяяа жид̇д̇агкзбам̣ ваа. сзяяат̇аа ваа бана нал̣о харид̇о луд̇о уссуссад̇и висуссад̇и милааяад̇и; звамзва уссуссзяяа висуссзяяа милааязяяаа’’д̇и.
ат̇а ко д̇ан̣хаа жа арад̇и жа раг̇аа жа маарад̇хийд̇аро язна бхаг̇аваа д̇знубасан̇гамим̣су; убасан̇гамид̇ваа згаманд̇ам̣ адтам̣су. згаманд̇ам̣ тид̇аа ко д̇ан̣хаа маарад̇хийд̇аа бхаг̇аванд̇ам̣ г̇аат̇ааяа аж̇жхабхааси –
‘‘согаавад̇ин̣н̣о ну ванамхи жхааяаси,
вид̇д̇ам̣ ну ж̇ийно уд̣̇а бад̇т̇аяаано;
ааг̇ум̣ ну г̇аамасмимагааси гин̃жи,
гасмаа ж̇анзна на гароси сагким̣;
сагкий на самбаж̇ж̇ад̇и гзнажи д̇з’’д̇и.
‘‘ад̇т̇асса бад̇д̇им̣ хад̣̇аяасса санд̇им̣,
ж̇зд̇ваана сзнам̣ бияасаад̇аруубам̣;
згохам̣ згаахам̣ (сяаа. гам̣. бий. га.) жхааяам̣ сукамануб̣од̇хим̣,
д̇асмаа ж̇анзна на гароми сагким̣;
сагкий на самбаж̇ж̇ад̇и гзнажи мз’’д̇и.
ат̇а ко арад̇и арад̇и жа (га.) маарад̇хийд̇аа бхаг̇аванд̇ам̣ г̇аат̇ааяа аж̇жхабхааси –
‘‘гат̇ам̣ вихаарийб̣ахулод̇ха бхигку,
бан̃жогхад̇ин̣н̣о ад̇арийд̇ха чадтам̣;
гат̇ам̣ жхааяим̣ гат̇ам̣ жхааяам̣ (сяаа. гам̣. бий.), гат̇аж̇жхааяам̣ (га.) б̣ахулам̣ гаамасан̃н̃аа,
бариб̣аахираа хонд̇и алад̣̇д̇ха яо д̇а’’нд̇и.
‘‘бассад̣̇д̇хагааяо сувимуд̇д̇ажид̇д̇о,
асан̇караано сад̇имаа аного;
ан̃н̃ааяа д̇хаммам̣ авид̇аггажхааяий,
на губбад̇и на сарад̇и на т̇ино на губбад̇ий нассарад̇ий на т̇ийно (сий.).
‘‘звам̣вихаарийб̣ахулод̇ха бхигку,
бан̃жогхад̇ин̣н̣о ад̇арийд̇ха чадтам̣;
звам̣ жхааяим̣ б̣ахулам̣ гаамасан̃н̃аа,
бариб̣аахираа хонд̇и алад̣̇д̇ха яо д̇а’’нд̇и.
ат̇а ко раг̇аа раг̇аажа (га.) маарад̇хийд̇аа бхаг̇авад̇о санд̇игз г̇аат̇ааяа аж̇жхабхааси –
‘‘ажчзж̇ж̇а д̇ан̣хам̣ г̇ан̣асан̇гхажаарий,
ад̣̇д̇хаа жариссанд̇и д̇ариссанд̇и (сий.) б̣ахуу жа сад̣̇д̇хаа;
б̣ахум̣ вад̇ааяам̣ ж̇анад̇ам̣ аного,
ажчзж̇ж̇а нзссад̇и мажжурааж̇асса баара’’нд̇и.
‘‘наяанд̇и вз махаавийраа, сад̣̇д̇хаммзна д̇ат̇ааг̇ад̇аа;
д̇хаммзна наяамаанаанам̣, гаа усууяаа виж̇аанад̇а’’нд̇и.
ат̇а ко д̇ан̣хаа жа арад̇и жа раг̇аа жа маарад̇хийд̇аро язна мааро баабимаа д̇знубасан̇гамим̣су. ад̣̇д̣̇асаа ко мааро баабимаа д̇ан̣хан̃жа арад̇ин̃жа раг̇ан̃жа маарад̇хийд̇аро д̣̇уурад̇ова ааг̇ажчанд̇ияо. д̣̇исваана г̇аат̇аахи аж̇жхабхааси –
‘‘б̣аалаа гумуд̣̇анаал̣зхи, баб̣б̣ад̇ам̣ абхимад̇т̇ат̇а абхимант̇ат̇а (сий.);
г̇ирим̣ накзна канат̇а, аяо д̣̇анд̇зхи каад̣̇ат̇а.
‘‘сзлам̣ва сирасуухажжа сираси уухажжа (сий.), сираси охажжа (сяаа. гам̣.), баад̇аалз г̇аад̇хамзсат̇а;
каан̣ум̣ва урасаасаж̇ж̇а, ниб̣б̣иж̇ж̇аабзт̇а г̇од̇амаа’’д̇и.
‘‘д̣̇ад̣̇д̣̇алламаанаа ааг̇ан̃чум̣, д̇ан̣хаа жа арад̇ий раг̇аа;
д̇аа д̇ад̇т̇а бануд̣̇ий сад̇т̇аа, д̇уулам̣ бхадтам̣ва маалуд̇о’’д̇и.
д̇ад̇ияо ваг̇г̇о.
д̇ассуд̣̇д̣̇аанам̣ –
самб̣ахулаа самид̣̇д̇хи жа, г̇од̇хигам̣ сад̇д̇авассаани;
д̇хийд̇арам̣ д̣̇зсид̇ам̣ б̣уд̣̇д̇ха, сздтзна имам̣ маарабан̃жаганд̇и.
маарасам̣яуд̇д̇ам̣ самад̇д̇ам̣.