6. б̣рахмасам̣яуд̇д̇ам̣
1. батамаваг̇г̇о
1. б̣рахмааяаажанасуд̇д̇ам̣
172. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хамуулз батамаабхисамб̣уд̣̇д̇хо. ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘ад̇хиг̇ад̇о ко мяааяам̣ д̇хаммо г̇амбхийро д̣̇уд̣̇д̣̇асо д̣̇урануб̣од̇хо санд̇о бан̣ийд̇о ад̇аггааважаро нибун̣о бан̣д̣ид̇авзд̣̇анийяо. аалаяараамаа ко банааяам̣ баж̇аа аалаяарад̇аа аалаяасаммуд̣̇ид̇аа. аалаяараамааяа ко бана баж̇ааяа аалаяарад̇ааяа аалаяасаммуд̣̇ид̇ааяа д̣̇уд̣̇д̣̇асам̣ ид̣̇ам̣ таанам̣ яад̣̇ид̣̇ам̣ ид̣̇аббажжаяад̇аабадижжасамуббаад̣̇о. ид̣̇амби ко таанам̣ д̣̇уд̣̇д̣̇асам̣ яад̣̇ид̣̇ам̣ саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хаагкаяо вирааг̇о нирод̇хо ниб̣б̣аанам̣. ахан̃жзва ко бана д̇хаммам̣ д̣̇зсзяяам̣; барз жа мз на ааж̇аанзяяум̣; со мамасса гиламат̇о, саа мамасса вихзсаа’’д̇и. абиссу бхаг̇аванд̇ам̣ имаа анажчарияаа г̇аат̇ааяо бадибхам̣су буб̣б̣з ассуд̇абуб̣б̣аа –
‘‘гижчзна мз ад̇хиг̇ад̇ам̣, халам̣ д̣̇аани багаасид̇ум̣;
рааг̇ад̣̇осабарзд̇зхи, нааяам̣ д̇хаммо сусамб̣уд̇хо.
‘‘бадисод̇аг̇аамим̣ нибун̣ам̣, г̇амбхийрам̣ д̣̇уд̣̇д̣̇асам̣ ан̣ум̣;
рааг̇арад̇д̇аа на д̣̇агканд̇и, д̇амоканд̇хзна аавудаа’’д̇и д̇амогканд̇хзна аавуд̇аад̇и (сий. сяаа. гам̣. бий.).
ид̇иха бхаг̇авад̇о бадисан̃жигкад̇о аббоссуггад̇ааяа жид̇д̇ам̣ намад̇и, но д̇хаммад̣̇зсанааяа.
ат̇а ко б̣рахмуно сахамбад̇исса бхаг̇авад̇о жзд̇асаа жзд̇обаривид̇аггаман̃н̃ааяа зд̇ад̣̇ахоси – ‘‘нассад̇и вад̇а бхо лого, винассад̇и вад̇а бхо лого, яад̇ра хи наама д̇ат̇ааг̇ад̇асса арахад̇о саммаасамб̣уд̣̇д̇хасса аббоссуггад̇ааяа жид̇д̇ам̣ намад̇и намиссад̇и (?), но д̇хаммад̣̇зсанааяаа’’д̇и. ат̇а ко б̣рахмаа сахамбад̇и – сзяяат̇ааби наама б̣алаваа бурисо самин̃ж̇ид̇ам̣ саммин̃ж̇ид̇ам̣ (сий. сяаа. гам̣. бий.) ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – б̣рахмалогз анд̇арахид̇о бхаг̇авад̇о бурад̇о баад̇урахоси. ат̇а ко б̣рахмаа сахамбад̇и згам̣сам̣ уд̇д̇араасан̇г̇ам̣ гарид̇ваа д̣̇агкин̣аж̇аан̣уман̣д̣алам̣ бат̇авияам̣ ниханд̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘д̣̇зсзд̇у, бханд̇з, бхаг̇аваа д̇хаммам̣, д̣̇зсзд̇у суг̇ад̇о д̇хаммам̣. санд̇и сад̇д̇аа аббараж̇агкаж̇аад̇игаа, ассаванад̇аа д̇хаммасса барихааяанд̇и. бхависсанд̇и д̇хаммасса ан̃н̃аад̇ааро’’д̇и. ид̣̇амавожа б̣рахмаа сахамбад̇и, ид̣̇ам̣ вад̇ваа ат̇аабарам̣ зд̇ад̣̇авожа –
‘‘баад̇урахоси маг̇ад̇хзсу буб̣б̣з,
д̇хаммо асуд̣̇д̇хо самалзхи жинд̇ид̇о;
абаабурзд̇ам̣ аваабурзд̇ам̣ (сий.) амад̇асса д̣̇ваарам̣,
сун̣анд̇у д̇хаммам̣ вималзнаануб̣уд̣̇д̇хам̣.
‘‘сзлз яат̇аа баб̣б̣ад̇амуд̣̇д̇ханидтид̇о,
яат̇ааби бассз ж̇анад̇ам̣ саманд̇ад̇о;
д̇ат̇уубамам̣ д̇хаммамаяам̣ сумзд̇ха,
баасаад̣̇амааруяха саманд̇ажагку;
согаавад̇ин̣н̣ам̣ согаавагин̣н̣ам̣ (сий.) ж̇анад̇амабзд̇асого,
авзгкассу ж̇аад̇иж̇араабхибхууд̇ам̣.
‘‘удтзхи вийра виж̇ид̇асан̇г̇аама,
сад̇т̇авааха анан̣а ан̣ан̣а (руубасид̣̇д̇хидийгаа) вижара логз;
д̣̇зсассу д̣̇зсзд̇у (сяаа. гам̣. бий. га.) бхаг̇аваа д̇хаммам̣,
ан̃н̃аад̇ааро бхависсанд̇ий’’д̇и.
ат̇а ко бхаг̇аваа б̣рахмуно жа аж̇жхзсанам̣ вид̣̇ид̇ваа сад̇д̇зсу жа гаарун̃н̃ад̇ам̣ бадижжа б̣уд̣̇д̇хажагкунаа логам̣ вологзси. ад̣̇д̣̇асаа ко бхаг̇аваа б̣уд̣̇д̇хажагкунаа логам̣ вологзнд̇о сад̇д̇з аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз, аббзгажжз баралогаваж̇ж̇абхаяад̣̇ассаавинз вихаранд̇з, аббзгажжз на баралогаваж̇ж̇абхаяад̣̇ассаавинз д̣̇ассаавино (сий. сяаа. гам̣. бий.) вихаранд̇з. сзяяат̇ааби наама уббалинияам̣ ваа бад̣̇уминияам̣ ваа бун̣д̣арийгинияам̣ ваа аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаануг̇г̇ад̇аани анд̇о нимуг̇г̇абосийни, аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани самод̣̇агам̣ тид̇аани, аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаа ажжуг̇г̇амма тид̇аани д̇идтанд̇и (сий. сяаа. гам̣. бий.) анубалид̇д̇аани уд̣̇агзна; звамзва бхаг̇аваа б̣уд̣̇д̇хажагкунаа логам̣ вологзнд̇о ад̣̇д̣̇аса сад̇д̇з аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз, аббзгажжз баралогаваж̇ж̇абхаяад̣̇ассаавинз вихаранд̇з, аббзгажжз на баралогаваж̇ж̇абхаяад̣̇ассаавинз вихаранд̇з. д̣̇исваана б̣рахмаанам̣ сахамбад̇им̣ г̇аат̇ааяа бажжабхааси –
‘‘абааруд̇аа д̇зсам̣ амад̇асса д̣̇ваараа,
яз сод̇аванд̇о бамун̃жанд̇у сад̣̇д̇хам̣;
вихим̣сасан̃н̃ий баг̇ун̣ам̣ на бхаасим̣,
д̇хаммам̣ бан̣ийд̇ам̣ мануж̇зсу б̣рахмз’’д̇и.
ат̇а ко б̣рахмаа сахамбад̇и ‘‘гад̇аавагаасо комхи бхаг̇авад̇аа д̇хаммад̣̇зсанааяаа’’д̇и бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяийд̇и.
2. г̇ааравасуд̇д̇ам̣
173. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хамуулз батамаабхисамб̣уд̣̇д̇хо. ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘д̣̇угкам̣ ко аг̇аараво вихарад̇и аббад̇иссо, гам̣ ну кваахам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа г̇аругад̇ваа (сий. сяаа. гам̣. бий.) убаниссааяа вихарзяяа’’нд̇и?
ат̇а ко бхаг̇авад̇о зд̇ад̣̇ахоси – ‘‘абарибун̣н̣асса ко сийлагканд̇хасса баарибуурияаа ан̃н̃ам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа убаниссааяа вихарзяяам̣ . на ко банаахам̣ бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ад̇д̇анаа сийласамбаннад̇арам̣ ан̃н̃ам̣ саман̣ам̣ ваа б̣раахман̣ам̣ ваа, яамахам̣ саггад̇ваа г̇арум̣ гад̇ваа убаниссааяа вихарзяяам̣.
‘‘абарибун̣н̣асса ко самаад̇хигканд̇хасса баарибуурияаа ан̃н̃ам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа убаниссааяа вихарзяяам̣. на ко банаахам̣ бассаами сад̣̇звагз логз…бз… ад̇д̇анаа самаад̇хисамбаннад̇арам̣ ан̃н̃ам̣ саман̣ам̣ ваа б̣раахман̣ам̣ ваа, яамахам̣ саггад̇ваа г̇арум̣ гад̇ваа убаниссааяа вихарзяяам̣.
‘‘абарибун̣н̣асса бан̃н̃аагканд̇хасса баарибуурияаа ан̃н̃ам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа убаниссааяа вихарзяяам̣. на ко банаахам̣ бассаами сад̣̇звагз…бз… ад̇д̇анаа бан̃н̃аасамбаннад̇арам̣ ан̃н̃ам̣ саман̣ам̣ ваа б̣раахман̣ам̣ ваа, яамахам̣ саггад̇ваа г̇арум̣ гад̇ваа убаниссааяа вихарзяяам̣.
‘‘абарибун̣н̣асса ко вимуд̇д̇игканд̇хасса баарибуурияаа ан̃н̃ам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа убаниссааяа вихарзяяам̣. на ко банаахам̣ бассаами сад̣̇звагз…бз… ад̇д̇анаа вимуд̇д̇исамбаннад̇арам̣ ан̃н̃ам̣ саман̣ам̣ ваа б̣раахман̣ам̣ ваа, яамахам̣ саггад̇ваа г̇арум̣ гад̇ваа убаниссааяа вихарзяяам̣.
‘‘абарибун̣н̣асса ко вимуд̇д̇ин̃аан̣ад̣̇ассанагканд̇хасса баарибуурияаа ан̃н̃ам̣ саман̣ам̣ ваа б̣раахман̣ам̣ ваа саггад̇ваа г̇арум̣ гад̇ваа убаниссааяа вихарзяяам̣. на ко банаахам̣ бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ад̇д̇анаа вимуд̇д̇ин̃аан̣ад̣̇ассанасамбаннад̇арам̣ ан̃н̃ам̣ саман̣ам̣ ваа б̣раахман̣ам̣ ваа, яамахам̣ саггад̇ваа г̇арум̣ гад̇ваа убаниссааяа вихарзяяам̣. яам̣нуунаахам̣ явааяам̣ д̇хаммо маяаа абхисамб̣уд̣̇д̇хо д̇амзва д̇хаммам̣ саггад̇ваа г̇арум̣ гад̇ваа убаниссааяа вихарзяяа’’нд̇и.
ат̇а ко б̣рахмаа сахамбад̇и бхаг̇авад̇о жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа басаарид̇ам̣ ваа б̣аахам̣ самин̃ж̇зяяа звамзва – б̣рахмалогз анд̇арахид̇о бхаг̇авад̇о бурад̇о баад̇урахоси. ат̇а ко б̣рахмаа сахамбад̇и згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘звамзд̇ам̣ , бхаг̇аваа, звамзд̇ам̣, суг̇ад̇а! язби д̇з, бханд̇з, ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа, д̇зби бхаг̇аванд̇о д̇хамман̃н̃зва саггад̇ваа г̇арум̣ гад̇ваа убаниссааяа вихарим̣су; язби д̇з, бханд̇з, бхависсанд̇и анааг̇ад̇амад̣̇д̇хаанам̣ араханд̇о саммаасамб̣уд̣̇д̇хаа д̇зби бхаг̇аванд̇о д̇хамман̃н̃зва саггад̇ваа г̇арум̣ гад̇ваа убаниссааяа вихариссанд̇и. бхаг̇авааби, бханд̇з, зд̇арахи арахам̣ саммаасамб̣уд̣̇д̇хо д̇хамман̃н̃зва саггад̇ваа г̇арум̣ гад̇ваа убаниссааяа вихарад̇уу’’д̇и. ид̣̇амавожа б̣рахмаа сахамбад̇и, ид̣̇ам̣ вад̇ваа ат̇аабарам̣ зд̇ад̣̇авожа –
‘‘яз жа ад̇ийд̇аа самб̣уд̣̇д̇хаа, яз жа б̣уд̣̇д̇хаа анааг̇ад̇аа;
яо жзд̇арахи самб̣уд̣̇д̇хо, б̣ахуунам̣ б̣ахуннам̣ (сий. сяаа. гам̣. бий.) соганаасано.
‘‘саб̣б̣з сад̣̇д̇хаммаг̇аруно, вихам̣су вихарим̣су (сий. сяаа. гам̣. бий.) вихаранд̇и жа;
д̇ат̇ааби вихариссанд̇и, зсаа б̣уд̣̇д̇хаана д̇хаммад̇аа.
‘‘д̇асмаа хи ад̇д̇агаамзна ад̇т̇агаамзна (сий. бий. га.), махад̇д̇амабхиган̇кад̇аа;
сад̣̇д̇хаммо г̇аругаад̇аб̣б̣о, сарам̣ б̣уд̣̇д̇хаана саасана’’нд̇и.
3. б̣рахмад̣̇звасуд̇д̇ам̣
174. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇ариссаа б̣раахман̣ияаа б̣рахмад̣̇зво наама буд̇д̇о бхаг̇авад̇о санд̇игз аг̇аарасмаа анаг̇аарияам̣ баб̣б̣аж̇ид̇о ход̇и.
ат̇а ко ааяасмаа б̣рахмад̣̇зво зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и , вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро жа банааяасмаа б̣рахмад̣̇зво арахад̇ам̣ ахоси.
ат̇а ко ааяасмаа б̣рахмад̣̇зво буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. саавад̇т̇ияам̣ сабад̣̇аанам̣ бин̣д̣ааяа жарамаано язна сагамаад̇у нивзсанам̣ д̇знубасан̇гами. д̇зна ко бана самаязна ааяасмад̇о б̣рахмад̣̇звасса маад̇аа б̣раахман̣ий б̣рахмуно аахуд̇им̣ нижжам̣ баг̇г̇ан̣хаад̇и . ат̇а ко б̣рахмуно сахамбад̇исса зд̇ад̣̇ахоси – ‘‘аяам̣ ко ааяасмад̇о б̣рахмад̣̇звасса маад̇аа б̣раахман̣ий б̣рахмуно аахуд̇им̣ нижжам̣ баг̇г̇ан̣хаад̇и. яам̣нуунаахам̣ д̇ам̣ убасан̇гамид̇ваа сам̣взж̇зяяа’’нд̇и. ат̇а ко б̣рахмаа сахамбад̇и – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – б̣рахмалогз анд̇арахид̇о ааяасмад̇о б̣рахмад̣̇звасса маад̇у нивзсанз баад̇урахоси. ат̇а ко б̣рахмаа сахамбад̇и взхаасам̣ тид̇о ааяасмад̇о б̣рахмад̣̇звасса маад̇арам̣ б̣раахман̣им̣ г̇аат̇ааяа аж̇жхабхааси –
‘‘д̣̇уурз ид̇о б̣раахман̣и б̣рахмалого,
яассаахуд̇им̣ баг̇г̇ан̣хааси нижжам̣;
нзд̇аад̣̇исо б̣раахман̣и б̣рахмабхагко,
гим̣ ж̇аббаси б̣рахмабат̇ам̣ аж̇аанам̣ аж̇аананд̇ий (сий. бий. га.).
‘‘зсо хи д̇з б̣раахман̣и б̣рахмад̣̇зво,
нируубад̇хиго ад̇ид̣̇звабад̇д̇о;
агин̃жано бхигку анан̃н̃абосий,
яо д̇з со д̇з со (сий. бий.), яо д̇з са (?) бин̣д̣ааяа гхарам̣ бавидто.
‘‘аахунзяяо взд̣̇аг̇у бхаавид̇ад̇д̇о,
нараанам̣ д̣̇зваанан̃жа д̣̇агкин̣зяяо;
б̣аахид̇ваа баабаани ануубалид̇д̇о,
гхаасзсанам̣ ирияад̇и сийд̇ибхууд̇о.
‘‘на д̇асса бажчаа на бурад̇т̇амад̇т̇и,
санд̇о вид̇хуумо анигхо нираасо;
нигкид̇д̇ад̣̇ан̣д̣о д̇асат̇ааварзсу,
со д̇яаахуд̇им̣ бхун̃ж̇ад̇у аг̇г̇абин̣д̣ам̣.
‘‘висзнибхууд̇о убасанд̇ажид̇д̇о,
нааг̇ова д̣̇анд̇о жарад̇и анзж̇о;
бхигку сусийло сувимуд̇д̇ажид̇д̇о,
со д̇яаахуд̇им̣ бхун̃ж̇ад̇у аг̇г̇абин̣д̣ам̣.
‘‘д̇асмим̣ басаннаа авигамбамаанаа,
бад̇идтабзхи д̣̇агкин̣ам̣ д̣̇агкин̣зяяз;
гарохи бун̃н̃ам̣ сукамааяад̇игам̣,
д̣̇исваа муним̣ б̣раахман̣и огхад̇ин̣н̣а’’нд̇и.
‘‘д̇асмим̣ басаннаа авигамбамаанаа,
бад̇идтабзси д̣̇агкин̣ам̣ д̣̇агкин̣зяяз;
агааси бун̃н̃ам̣ сукамааяад̇игам̣,
д̣̇исваа муним̣ б̣раахман̣ий огхад̇ин̣н̣а’’нд̇и.
4. б̣агаб̣рахмасуд̇д̇ам̣
175. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна б̣агасса б̣рахмуно зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘‘ид̣̇ам̣ нижжам̣, ид̣̇ам̣ д̇хувам̣, ид̣̇ам̣ сассад̇ам̣, ид̣̇ам̣ гзвалам̣, ид̣̇ам̣ ажаванад̇хаммам̣, ид̣̇ан̃хи на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, ид̇о жа банан̃н̃ам̣ уд̇д̇арим̣ уд̇д̇арим̣ (сий. сяаа. гам̣. бий.) ниссаран̣ам̣ над̇т̇ий’’д̇и.
ат̇а ко бхаг̇аваа б̣агасса б̣рахмуно жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – ж̇зд̇аванз анд̇арахид̇о д̇асмим̣ б̣рахмалогз баад̇урахоси. ад̣̇д̣̇асаа ко б̣аго б̣рахмаа бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана бхаг̇аванд̇ам̣ зд̇ад̣̇авожа – ‘‘зхи ко маариса, свааг̇ад̇ам̣ д̇з, маариса! жирассам̣ ко маариса! имам̣ барияааяамагааси яад̣̇ид̣̇ам̣ ид̇хааг̇аманааяа. ид̣̇ан̃хи, маариса, нижжам̣, ид̣̇ам̣ д̇хувам̣, ид̣̇ам̣ сассад̇ам̣, ид̣̇ам̣ гзвалам̣, ид̣̇ам̣ ажаванад̇хаммам̣, ид̣̇ан̃хи на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и. ид̇о жа банан̃н̃ам̣ уд̇д̇ари ниссаран̣ам̣ над̇т̇ий’’д̇и.
звам̣ вуд̇д̇з, бхаг̇аваа б̣агам̣ б̣рахмаанам̣ зд̇ад̣̇авожа – ‘‘авиж̇ж̇ааг̇ад̇о вад̇а, бхо, б̣аго б̣рахмаа; авиж̇ж̇ааг̇ад̇о вад̇а, бхо, б̣аго б̣рахмаа. яад̇ра хи наама анижжам̣язва самаанам̣ нижжанд̇и вагкад̇и, ад̇хувам̣язва самаанам̣ д̇хуванд̇и вагкад̇и, асассад̇ам̣язва самаанам̣ сассад̇анд̇и вагкад̇и, агзвалам̣язва самаанам̣ гзваланд̇и вагкад̇и, жаванад̇хаммам̣язва самаанам̣ ажаванад̇хамманд̇и вагкад̇и. яад̇т̇а жа бана ж̇ааяад̇и жа ж̇ийяад̇и жа мийяад̇и жа жавад̇и жа убабаж̇ж̇ад̇и жа, д̇ан̃жа д̇ат̇аа вагкад̇и – ‘ид̣̇ан̃хи на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и’. санд̇ан̃жа банан̃н̃ам̣ уд̇д̇ари ниссаран̣ам̣, ‘над̇т̇ан̃н̃ам̣ уд̇д̇ари ниссаран̣а’нд̇и вагкад̇ий’’д̇и.
‘‘д̣̇ваасад̇д̇ад̇и г̇од̇ама бун̃н̃агаммаа,
васавад̇д̇ино ж̇аад̇иж̇арам̣ ад̇ийд̇аа;
аяаманд̇имаа взд̣̇аг̇уу б̣рахмубабад̇д̇и,
асмаабхиж̇аббанд̇и ж̇анаа анзгаа’’д̇и.
‘‘аббан̃хи зд̇ам̣ на хи д̣̇ийгхамааяу,
яам̣ д̇вам̣ б̣ага ман̃н̃аси д̣̇ийгхамааяум̣;
сад̇ам̣ сахассаанам̣ сахассаана (сяаа. гам̣.) нираб̣б̣уд̣̇аанам̣,
ааяум̣ баж̇аанаами д̇аваахам̣ б̣рахмз’’д̇и.
‘‘ананд̇ад̣̇ассий бхаг̇аваахамасми,
ж̇аад̇иж̇арам̣ согамубаад̇ивад̇д̇о;
гим̣ мз бураан̣ам̣ вад̇асийлавад̇д̇ам̣,
аажигка мз д̇ам̣ яамахам̣ виж̇ан̃н̃аа’’д̇и.
‘‘яам̣ д̇вам̣ абааязси б̣ахуу мануссз,
бибаасид̇з гхаммани самбарзд̇з;
д̇ам̣ д̇з бураан̣ам̣ вад̇асийлавад̇д̇ам̣,
суд̇д̇аббаб̣уд̣̇д̇хова ануссараами.
‘‘яам̣ зн̣игууласмим̣ ж̇анам̣ г̇ахийд̇ам̣,
аможаяий г̇аяхагам̣ нийяамаанам̣;
д̇ам̣ д̇з бураан̣ам̣ вад̇асийлавад̇д̇ам̣,
суд̇д̇аббаб̣уд̣̇д̇хова ануссараами.
‘‘г̇ан̇г̇ааяа сод̇асмим̣ г̇ахийд̇анаавам̣,
луд̣̇д̣̇зна нааг̇зна мануссагамяаа;
баможаяид̇т̇а б̣аласаа басаяха,
д̇ам̣ д̇з бураан̣ам̣ вад̇асийлавад̇д̇ам̣,
суд̇д̇аббаб̣уд̣̇д̇хова ануссараами.
‘‘габбо жа д̇з б̣ад̣̇д̇хажаро ахосим̣,
самб̣уд̣̇д̇химанд̇ам̣ самб̣уд̣̇д̇хиванд̇ам̣ (б̣ахуусу) вад̇инам̣ аман̃н̃и;
д̇ам̣ д̇з бураан̣ам̣ вад̇асийлавад̇д̇ам̣,
суд̇д̇аббаб̣уд̣̇д̇хова ануссараамий’’д̇и.
‘‘ад̣̇д̇хаа баж̇аанааси мамзд̇амааяум̣,
ан̃н̃зби ан̃н̃амби (сий. бий.) ж̇аанааси д̇ат̇аа хи б̣уд̣̇д̇хо;
д̇ат̇аа хи д̇яааяам̣ ж̇алид̇аанубхааво,
обхаасаяам̣ д̇идтад̇и б̣рахмалога’’нд̇и.
5. ан̃н̃ад̇араб̣рахмасуд̇д̇ам̣
176. саавад̇т̇инид̣̇аанам̣ . д̇зна ко бана самаязна ан̃н̃ад̇арасса б̣рахмуно зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘‘над̇т̇и со саман̣о ваа б̣раахман̣о ваа яо ид̇ха ааг̇ажчзяяаа’’д̇и. ат̇а ко бхаг̇аваа д̇асса б̣рахмуно жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо…бз… д̇асмим̣ б̣рахмалогз баад̇урахоси. ат̇а ко бхаг̇аваа д̇асса б̣рахмуно убари взхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа.
ат̇а ко ааяасмад̇о махаамог̇г̇аллаанасса зд̇ад̣̇ахоси – ‘‘гахам̣ ну ко бхаг̇аваа зд̇арахи вихарад̇ий’’д̇и? ад̣̇д̣̇асаа ко ааяасмаа махаамог̇г̇аллаано махаамог̇г̇алаано (га.) бхаг̇аванд̇ам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна д̇асса б̣рахмуно убари взхаасам̣ баллан̇гзна нисиннам̣ д̇зж̇од̇хаад̇ум̣ самаабаннам̣. д̣̇исваана – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко ааяасмаа махаамог̇г̇аллаано бурад̇т̇имам̣ д̣̇исам̣ ниссааяа убаниссааяа (сий.) д̇асса б̣рахмуно убари взхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о.
ат̇а ко ааяасмад̇о махаагассабасса зд̇ад̣̇ахоси – ‘‘гахам̣ ну ко бхаг̇аваа зд̇арахи вихарад̇ий’’д̇и? ад̣̇д̣̇асаа ко ааяасмаа махаагассабо бхаг̇аванд̇ам̣ д̣̇иб̣б̣зна жагкунаа…бз… д̣̇исваана – сзяяат̇ааби наама б̣алаваа бурисо…бз… звамзва – ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко ааяасмаа махаагассабо д̣̇агкин̣ам̣ д̣̇исам̣ ниссааяа д̇асса б̣рахмуно убари взхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о.
ат̇а ко ааяасмад̇о махаагаббинасса зд̇ад̣̇ахоси – ‘‘гахам̣ ну ко бхаг̇аваа зд̇арахи вихарад̇ий’’д̇и? ад̣̇д̣̇асаа ко ааяасмаа махаагаббино бхаг̇аванд̇ам̣ д̣̇иб̣б̣зна жагкунаа…бз… д̇зж̇од̇хаад̇ум̣ самаабаннам̣. д̣̇исваана – сзяяат̇ааби наама б̣алаваа бурисо…бз… звамзва – ж̇зд̇аванз анд̇арахид̇о д̇асмим̣ б̣рахмалогз баад̇урахоси. ат̇а ко ааяасмаа махаагаббино бажчимам̣ д̣̇исам̣ ниссааяа д̇асса б̣рахмуно убари взхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о.
ат̇а ко ааяасмад̇о ануруд̣̇д̇хасса зд̇ад̣̇ахоси – ‘‘гахам̣ ну ко бхаг̇аваа зд̇арахи вихарад̇ий’’д̇и? ад̣̇д̣̇асаа ко ааяасмаа ануруд̣̇д̇хо…бз… д̇зж̇од̇хаад̇ум̣ самаабаннам̣. д̣̇исваана – сзяяат̇ааби наама б̣алаваа бурисо…бз… д̇асмим̣ б̣рахмалогз баад̇урахоси. ат̇а ко ааяасмаа ануруд̣̇д̇хо уд̇д̇арам̣ д̣̇исам̣ ниссааяа д̇асса б̣рахмуно убари взхаасам̣ баллан̇гзна нисийд̣̇и д̇зж̇од̇хаад̇ум̣ самаабаж̇ж̇ид̇ваа нийжад̇арам̣ бхаг̇авад̇о.
ат̇а ко ааяасмаа махаамог̇г̇аллаано д̇ам̣ б̣рахмаанам̣ г̇аат̇ааяа аж̇жхабхааси –
‘‘аж̇ж̇ааби д̇з аавусо саа д̣̇идти, яаа д̇з д̣̇идти бурз аху;
бассаси вийд̇ивад̇д̇анд̇ам̣, б̣рахмалогз бабхассара’’нд̇и.
‘‘на мз маариса саа д̣̇идти, яаа мз д̣̇идти бурз аху;
бассаами вийд̇ивад̇д̇анд̇ам̣, б̣рахмалогз бабхассарам̣;
сваахам̣ аж̇ж̇а гат̇ам̣ важ̇ж̇ам̣, ахам̣ нижжомхи сассад̇о’’д̇и.
ат̇а ко бхаг̇аваа д̇ам̣ б̣рахмаанам̣ сам̣взж̇зд̇ваа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – д̇асмим̣ б̣рахмалогз анд̇арахид̇о ж̇зд̇аванз баад̇урахоси. ат̇а ко со б̣рахмаа ан̃н̃ад̇арам̣ б̣рахмабаарисаж̇ж̇ам̣ ааманд̇зси – ‘‘зхи д̇вам̣, маариса, язнааяасмаа махаамог̇г̇аллаано д̇знубасан̇гама; убасан̇гамид̇ваа ааяасманд̇ам̣ махаамог̇г̇аллаанам̣ звам̣ вад̣̇зхи – ‘ад̇т̇и ну ко, маариса мог̇г̇аллаана, ан̃н̃зби д̇асса бхаг̇авад̇о саавагаа звам̣махид̣̇д̇хигаа звам̣махаанубхааваа ; сзяяат̇ааби бхавам̣ мог̇г̇аллаано гассабо габбино ануруд̣̇д̇хо’’’д̇и? ‘‘звам̣, маарисаа’’д̇и ко со б̣рахмабаарисаж̇ж̇о д̇асса б̣рахмуно бадиссуд̇ваа язнааяасмаа махаамог̇г̇аллаано д̇знубасан̇гами; убасан̇гамид̇ваа ааяасманд̇ам̣ махаамог̇г̇аллаанам̣ зд̇ад̣̇авожа – ‘‘ад̇т̇и ну ко, маариса мог̇г̇аллаана, ан̃н̃зби д̇асса бхаг̇авад̇о саавагаа звам̣махид̣̇д̇хигаа звам̣махаанубхааваа; сзяяат̇ааби бхавам̣ мог̇г̇аллаано гассабо габбино ануруд̣̇д̇хо’’д̇и? ат̇а ко ааяасмаа махаамог̇г̇аллаано д̇ам̣ б̣рахмабаарисаж̇ж̇ам̣ г̇аат̇ааяа аж̇жхабхааси –
‘‘д̇звиж̇ж̇аа ид̣̇д̇хибад̇д̇аа жа, жзд̇обарияааяаговид̣̇аа;
кийн̣аасаваа араханд̇о, б̣ахуу б̣уд̣̇д̇хасса саавагаа’’д̇и.
ат̇а ко со б̣рахмабаарисаж̇ж̇о ааяасмад̇о махаамог̇г̇аллаанасса бхаасид̇ам̣ абхинанд̣̇ид̇ваа анумод̣̇ид̇ваа язна со б̣рахмаа д̇знубасан̇гами; убасан̇гамид̇ваа д̇ам̣ б̣рахмаанам̣ зд̇ад̣̇авожа – ‘‘ааяасмаа маариса, махаамог̇г̇аллаано звамааха –
‘‘д̇звиж̇ж̇аа ид̣̇д̇хибад̇д̇аа жа, жзд̇обарияааяаговид̣̇аа;
кийн̣аасаваа араханд̇о, б̣ахуу б̣уд̣̇д̇хасса саавагаа’’д̇и.
ид̣̇амавожа со б̣рахмабаарисаж̇ж̇о. ад̇д̇амано жа со б̣рахмаа д̇асса б̣рахмабаарисаж̇ж̇асса бхаасид̇ам̣ абхинанд̣̇ийд̇и.
6. б̣рахмалогасуд̇д̇ам̣
177. саавад̇т̇инид̣̇аанам̣. д̇зна ко бана самаязна бхаг̇аваа д̣̇иваавихаараг̇ад̇о ход̇и бадисаллийно. ат̇а ко суб̣рахмаа жа бажжзгаб̣рахмаа суд̣̇д̇хааваасо жа бажжзгаб̣рахмаа язна бхаг̇аваа д̇знубасан̇гамим̣су; убасан̇гамид̇ваа бажжзгам̣ д̣̇ваараб̣аахам̣ бажжзгад̣̇ваараб̣аахам̣ (бий. га.) убаниссааяа адтам̣су. ат̇а ко суб̣рахмаа бажжзгаб̣рахмаа суд̣̇д̇хааваасам̣ бажжзгаб̣рахмаанам̣ зд̇ад̣̇авожа – ‘‘агаало ко д̇аава, маариса, бхаг̇аванд̇ам̣ баяирубаасид̇ум̣; д̣̇иваавихаараг̇ад̇о бхаг̇аваа бадисаллийно жа. асуго жа б̣рахмалого ид̣̇д̇хо жзва пийд̇о жа, б̣рахмаа жа д̇ад̇ра бамаад̣̇авихаарам̣ вихарад̇и. ааяаама, маариса, язна со б̣рахмалого д̇знубасан̇гамиссаама; убасан̇гамид̇ваа д̇ам̣ б̣рахмаанам̣ сам̣взж̇зяяаамаа’’д̇и. ‘‘звам̣ , маарисаа’’д̇и ко суд̣̇д̇хааваасо бажжзгаб̣рахмаа суб̣рахмуно бажжзгаб̣рахмуно бажжассоси.
ат̇а ко суб̣рахмаа жа бажжзгаб̣рахмаа суд̣̇д̇хааваасо жа бажжзгаб̣рахмаа – сзяяат̇ааби наама б̣алаваа бурисо…бз… звамзва – бхаг̇авад̇о бурад̇о анд̇арахид̇аа д̇асмим̣ б̣рахмалогз баад̇урахзсум̣. ад̣̇д̣̇асаа ко со б̣рахмаа д̇з б̣рахмаано д̣̇уурад̇ова ааг̇ажчанд̇з. д̣̇исваана д̇з б̣рахмаано зд̇ад̣̇авожа – ‘‘ханд̣̇а гуд̇о ну д̇умхз, маарисаа, ааг̇ажчат̇аа’’д̇и? ‘‘ааг̇ад̇аа ко маяам̣, маариса, амха д̇асса бхаг̇авад̇о санд̇игаа арахад̇о саммаасамб̣уд̣̇д̇хасса. г̇ажчзяяааси бана д̇вам̣, маариса, д̇асса бхаг̇авад̇о убадтаанам̣ арахад̇о саммаасамб̣уд̣̇д̇хассаа’’д̇и?
звам̣ вуд̇д̇о звам̣ вуд̇д̇з (сий. сяаа. гам̣.) ко со б̣рахмаа д̇ам̣ важанам̣ анад̇хиваасзнд̇о сахассагкад̇д̇ум̣ ад̇д̇аанам̣ абхинимминид̇ваа суб̣рахмаанам̣ бажжзгаб̣рахмаанам̣ зд̇ад̣̇авожа – ‘‘бассаси мз но д̇вам̣, маариса, зваруубам̣ ид̣̇д̇хаанубхаава’’нд̇и? ‘‘бассаами ко д̇яаахам̣, маариса, зваруубам̣ ид̣̇д̇хаанубхаава’’нд̇и. ‘‘со кваахам̣, маариса, звам̣махид̣̇д̇хиго звам̣махаанубхааво гасса ан̃н̃асса саман̣асса ваа б̣раахман̣асса ваа убадтаанам̣ г̇амиссаамий’’д̇и?
ат̇а ко суб̣рахмаа бажжзгаб̣рахмаа д̣̇висахассагкад̇д̇ум̣ ад̇д̇аанам̣ абхинимминид̇ваа д̇ам̣ б̣рахмаанам̣ зд̇ад̣̇авожа – ‘‘бассаси мз но д̇вам̣, маариса, зваруубам̣ ид̣̇д̇хаанубхаава’’нд̇и? ‘‘бассаами ко д̇яаахам̣, маариса, зваруубам̣ ид̣̇д̇хаанубхаава’’нд̇и. ‘‘д̇аяаа жа ко, маариса, маяаа жа свзва бхаг̇аваа махид̣̇д̇хигад̇аро жзва махаанубхаавад̇аро жа. г̇ажчзяяааси д̇вам̣, маариса, д̇асса бхаг̇авад̇о убадтаанам̣ арахад̇о саммаасамб̣уд̣̇д̇хассаа’’д̇и? ат̇а ко со б̣рахмаа суб̣рахмаанам̣ бажжзгаб̣рахмаанам̣ г̇аат̇ааяа аж̇жхабхааси –
‘‘д̇аяо субан̣н̣аа жад̇уро жа хам̣саа,
б̣яаг̇гхийнисаа бан̃жасад̇аа жа жхааяино;
д̇аяид̣̇ам̣ вимаанам̣ ж̇алад̇з жа ж̇алад̇зва (бий. га.) б̣рахмз,
обхаасаяам̣ уд̇д̇арассам̣ д̣̇исааяа’’нд̇и.
‘‘гин̃жааби д̇з д̇ам̣ ж̇алад̇з вимаанам̣,
обхаасаяам̣ уд̇д̇арассам̣ д̣̇исааяам̣;
руубз ран̣ам̣ д̣̇исваа сад̣̇аа бавзд̇хид̇ам̣,
д̇асмаа на руубз рамад̇ий сумзд̇хо’’д̇и.
ат̇а ко суб̣рахмаа жа бажжзгаб̣рахмаа суд̣̇д̇хааваасо жа бажжзгаб̣рахмаа д̇ам̣ б̣рахмаанам̣ сам̣взж̇зд̇ваа д̇ад̇т̇званд̇арад̇хааяим̣су . аг̇амааси жа ко со б̣рахмаа абарзна самаязна бхаг̇авад̇о убадтаанам̣ арахад̇о саммаасамб̣уд̣̇д̇хассаад̇и.
7. гогаалигасуд̇д̇ам̣
178. саавад̇т̇инид̣̇аанам̣. д̇зна ко бана самаязна бхаг̇аваа д̣̇иваавихаараг̇ад̇о ход̇и бадисаллийно. ат̇а ко суб̣рахмаа жа бажжзгаб̣рахмаа суд̣̇д̇хааваасо жа бажжзгаб̣рахмаа язна бхаг̇аваа д̇знубасан̇гамим̣су; убасан̇гамид̇ваа бажжзгам̣ д̣̇ваараб̣аахам̣ ниссааяа адтам̣су. ат̇а ко суб̣рахмаа бажжзгаб̣рахмаа гогаалигам̣ бхигкум̣ аараб̣бха бхаг̇авад̇о санд̇игз имам̣ г̇аат̇ам̣ абхааси –
‘‘аббамзяяам̣ баминанд̇о, год̇ха вид̣̇ваа вигаббаяз;
аббамзяяам̣ бамааяинам̣, нивуд̇ам̣ д̇ам̣ ман̃н̃з бут̇уж̇ж̇ана’’нд̇и.
8. гад̇амод̣̇агад̇иссасуд̇д̇ам̣
179. саавад̇т̇инид̣̇аанам̣. д̇зна ко бана самаязна бхаг̇аваа д̣̇иваавихаараг̇ад̇о ход̇и бадисаллийно. ат̇а ко суб̣рахмаа жа бажжзгаб̣рахмаа суд̣̇д̇хааваасо жа бажжзгаб̣рахмаа язна бхаг̇аваа д̇знубасан̇гамим̣су; убасан̇гамид̇ваа бажжзгам̣ д̣̇ваараб̣аахам̣ ниссааяа адтам̣су. ат̇а ко суд̣̇д̇хааваасо бажжзгаб̣рахмаа гад̇амод̣̇агад̇иссагам̣ гад̇аморагад̇иссагам̣ (сий. сяаа. гам̣.) бхигкум̣ аараб̣бха бхаг̇авад̇о санд̇игз имам̣ г̇аат̇ам̣ абхааси –
‘‘аббамзяяам̣ баминанд̇о, год̇ха вид̣̇ваа вигаббаяз;
аббамзяяам̣ бамааяинам̣, нивуд̇ам̣ д̇ам̣ ман̃н̃з агиссава’’нд̇и.
9. д̇урууб̣рахмасуд̇д̇ам̣
180. саавад̇т̇инид̣̇аанам̣. д̇зна ко бана самаязна гогаалиго бхигку ааб̣аад̇хиго ход̇и д̣̇угкид̇о б̣аал̣хаг̇илаано. ат̇а ко д̇уруу д̇уд̣̇у (сий. сяаа. гам̣. бий.) бажжзгаб̣рахмаа абхигганд̇ааяа рад̇д̇ияаа абхигганд̇аван̣н̣о гзвалагаббам̣ ж̇зд̇аванам̣ обхаасзд̇ваа язна гогаалиго бхигку д̇знубасан̇гами; убасан̇гамид̇ваа взхаасам̣ тид̇о гогаалигам̣ бхигкум̣ зд̇ад̣̇авожа – ‘‘басаад̣̇зхи, гогаалига, саарибуд̇д̇амог̇г̇аллаанзсу жид̇д̇ам̣. бзсалаа саарибуд̇д̇амог̇г̇аллаанаа’’д̇и. ‘‘госи д̇вам̣, аавусо’’д̇и? ‘‘ахам̣ д̇уруу бажжзгаб̣рахмаа’’д̇и. ‘‘нану д̇вам̣, аавусо, бхаг̇авад̇аа анааг̇аамий б̣яаагад̇о, ат̇а гин̃жарахи ид̇хааг̇ад̇о? басса, яааван̃жа д̇з ид̣̇ам̣ абарад̣̇д̇ха’’нд̇и.
‘‘бурисасса хи ж̇аад̇асса, гутаарий д̣̇уд̇хаарий (сяаа. гам̣. га.) ж̇ааяад̇з мукз;
яааяа чинд̣̇ад̇и ад̇д̇аанам̣, б̣аало д̣̇уб̣бхаасид̇ам̣ бхан̣ам̣.
‘‘яо нинд̣̇ияам̣ басам̣сад̇и,
д̇ам̣ ваа нинд̣̇ад̇и яо басам̣сияо;
вижинаад̇и мукзна со галим̣,
галинаа д̇зна сукам̣ на винд̣̇ад̇и.
‘‘аббамад̇д̇аго аяам̣ гали,
яо агкзсу д̇ханабарааж̇аяо;
саб̣б̣ассааби сахааби ад̇д̇анаа,
аяамзва маханд̇ад̇аро гали;
яо суг̇ад̇зсу манам̣ бад̣̇осаяз.
‘‘сад̇ам̣ сахассаанам̣ нираб̣б̣уд̣̇аанам̣,
чад̇д̇им̣сад̇и бан̃жа жа аб̣б̣уд̣̇аани;
яамарияаг̇арахий яамарияз г̇арахий (сяаа. гам̣.), яамарияам̣ г̇арахам̣ (га.) нираяам̣ убзд̇и,
ваажам̣ манан̃жа бан̣ид̇хааяа баабага’’нд̇и.
10. гогаалигасуд̇д̇ам̣
181. саавад̇т̇инид̣̇аанам̣ . ат̇а ко гогаалиго бхигку язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко гогаалиго бхигку бхаг̇аванд̇ам̣ зд̇ад̣̇авожа – ‘‘баабижчаа, бханд̇з, саарибуд̇д̇амог̇г̇аллаанаа баабигаанам̣ ижчаанам̣ васам̣ г̇ад̇аа’’д̇и. звам̣ вуд̇д̇з, бхаг̇аваа гогаалигам̣ бхигкум̣ зд̇ад̣̇авожа – ‘‘маа хзвам̣, гогаалига, аважа; маа хзвам̣, гогаалига, аважа. басаад̣̇зхи, гогаалига, саарибуд̇д̇амог̇г̇аллаанзсу жид̇д̇ам̣. бзсалаа саарибуд̇д̇амог̇г̇аллаанаа’’д̇и. д̣̇уд̇ияамби ко гогаалиго бхигку бхаг̇аванд̇ам̣ зд̇ад̣̇авожа – ‘‘гин̃жааби мз, бханд̇з, бхаг̇аваа сад̣̇д̇хааяиго бажжаяиго; ат̇а ко баабижчаава бханд̇з, саарибуд̇д̇амог̇г̇аллаанаа баабигаанам̣ ижчаанам̣ васам̣ г̇ад̇аа’’д̇и. д̣̇уд̇ияамби ко бхаг̇аваа гогаалигам̣ бхигкум̣ зд̇ад̣̇авожа – ‘‘маа хзвам̣, гогаалига, аважа; маа хзвам̣, гогаалига, аважа. басаад̣̇зхи, гогаалига, саарибуд̇д̇амог̇г̇аллаанзсу жид̇д̇ам̣. бзсалаа саарибуд̇д̇амог̇г̇аллаанаа’’д̇и. д̇ад̇ияамби ко гогаалиго бхигку бхаг̇аванд̇ам̣ зд̇ад̣̇авожа – ‘‘гин̃жааби…бз… ижчаанам̣ васам̣ г̇ад̇аа’’д̇и. д̇ад̇ияамби ко бхаг̇аваа гогаалигам̣ бхигкум̣ зд̇ад̣̇авожа – ‘‘маа хзвам̣…бз… бзсалаа саарибуд̇д̇амог̇г̇аллаанаа’’д̇и.
ат̇а ко гогаалиго бхигку удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ажирабагганд̇асса жа гогаалигасса бхигкуно саасабамад̇д̇ийхи бийл̣агаахи бил̣агаахи (сий. бий.) саб̣б̣о гааяо пудо ахоси. саасабамад̇д̇ияо худ̇ваа муг̇г̇амад̇д̇ияо ахзсум̣, муг̇г̇амад̇д̇ияо худ̇ваа галааяамад̇д̇ияо ахзсум̣, галааяамад̇д̇ияо худ̇ваа голадтимад̇д̇ияо ахзсум̣, голадтимад̇д̇ияо худ̇ваа голамад̇д̇ияо ахзсум̣, голамад̇д̇ияо худ̇ваа аамалагамад̇д̇ияо ахзсум̣, аамалагамад̇д̇ияо худ̇ваа б̣злувасалаадугамад̇д̇ияо ахзсум̣, б̣злувасалаадугамад̇д̇ияо худ̇ваа б̣илламад̇д̇ияо ахзсум̣, б̣илламад̇д̇ияо худ̇ваа бабхиж̇ж̇им̣су. буб̣б̣ан̃жа лохид̇ан̃жа баг̇гхарим̣су. ат̇а ко гогаалиго бхигку д̇знзва ааб̣аад̇хзна гааламагааси . гаалан̇гад̇о жа гогаалиго бхигку бад̣̇умам̣ нираяам̣ убабаж̇ж̇и саарибуд̇д̇амог̇г̇аллаанзсу жид̇д̇ам̣ аагхаад̇зд̇ваа.
ат̇а ко б̣рахмаа сахамбад̇и абхигганд̇ааяа рад̇д̇ияаа абхигганд̇аван̣н̣о гзвалагаббам̣ ж̇зд̇аванам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко б̣рахмаа сахамбад̇и бхаг̇аванд̇ам̣ зд̇ад̣̇авожа – ‘‘гогаалиго, бханд̇з, бхигку гаалан̇гад̇о. гаалан̇гад̇о жа, бханд̇з, гогаалиго бхигку бад̣̇умам̣ нираяам̣ убабанно саарибуд̇д̇амог̇г̇аллаанзсу жид̇д̇ам̣ аагхаад̇зд̇ваа’’д̇и. ид̣̇амавожа б̣рахмаа сахамбад̇и, ид̣̇ам̣ вад̇ваа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяийд̇и.
ат̇а ко бхаг̇аваа д̇ассаа рад̇д̇ияаа ажжаязна бхигкуу ааманд̇зси – ‘‘имам̣, бхигкавз, рад̇д̇им̣ б̣рахмаа сахамбад̇и абхигганд̇ааяа рад̇д̇ияаа абхигганд̇аван̣н̣о гзвалагаббам̣ ж̇зд̇аванам̣ обхаасзд̇ваа язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко, бхигкавз, б̣рахмаа сахамбад̇и мам̣ зд̇ад̣̇авожа – ‘гогаалиго, бханд̇з, бхигку гаалан̇гад̇о. гаалан̇гад̇о жа, бханд̇з, гогаалиго бхигку бад̣̇умам̣ нираяам̣ убабанно саарибуд̇д̇амог̇г̇аллаанзсу жид̇д̇ам̣ аагхаад̇зд̇ваа’д̇и. ид̣̇амавожа, бхигкавз , б̣рахмаа сахамбад̇и, ид̣̇ам̣ вад̇ваа мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяий’’д̇и.
звам̣ вуд̇д̇з, ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘гийвад̣̇ийгхам̣ ну ко, бханд̇з, бад̣̇умз нираяз ааяуббамаан̣а’’нд̇и? ‘‘д̣̇ийгхам̣ ко, бхигку, бад̣̇умз нираяз ааяуббамаан̣ам̣. д̇ам̣ на сугарам̣ сан̇каад̇ум̣ – зд̇д̇агаани вассаани ид̇и ваа, зд̇д̇агаани вассасад̇аани ид̇и ваа, зд̇д̇агаани вассасахассаани ид̇и ваа, зд̇д̇агаани вассасад̇асахассаани ид̇и ваа’’д̇и. ‘‘саггаа бана, бханд̇з, убамам̣ гаад̇у’’нд̇и? ‘‘саггаа , бхигкуу’’д̇и бхаг̇аваа авожа –
‘‘сзяяат̇ааби, бхигку вийсад̇икаариго госалаго д̇илаваахо. д̇ад̇о бурисо вассасад̇асса вассасад̇асса ажжаязна згамзгам̣ д̇илам̣ уд̣̇д̇харзяяа; киббад̇арам̣ ко со, бхигку, вийсад̇икаариго госалаго д̇илаваахо иминаа убаггамзна баригкаяам̣ барияаад̣̇аанам̣ г̇ажчзяяа, на д̇взва зго аб̣б̣уд̣̇о нираяо. сзяяат̇ааби, бхигку, вийсад̇и аб̣б̣уд̣̇аа нираяаа, звамзго нираб̣б̣уд̣̇анираяо. сзяяат̇ааби, бхигку, вийсад̇и нираб̣б̣уд̣̇аа нираяаа, звамзго аб̣аб̣о нираяо. сзяяат̇ааби, бхигку, вийсад̇и аб̣аб̣аа нираяаа, звамзго ададо нираяо. сзяяат̇ааби, бхигку, вийсад̇и ададаа нираяаа, звамзго ахахо нираяо. сзяяат̇ааби, бхигку, вийсад̇и ахахаа нираяаа, звамзго гумуд̣̇о нираяо. сзяяат̇ааби, бхигку, вийсад̇и гумуд̣̇аа нираяаа, звамзго сог̇анд̇хиго нираяо. сзяяат̇ааби, бхигку, вийсад̇и сог̇анд̇хигаа нираяаа, звамзго уббаланираяо. сзяяат̇ааби, бхигку, вийсад̇и уббалаа нираяаа, звамзго бун̣д̣ариго нираяо. сзяяат̇ааби , бхигку, вийсад̇и бун̣д̣аригаа нираяаа, звамзго бад̣̇умо нираяо. бад̣̇умз бана, бхигку, нираяз гогаалиго бхигку убабанно саарибуд̇д̇амог̇г̇аллаанзсу жид̇д̇ам̣ аагхаад̇зд̇ваа’’д̇и. ид̣̇амавожа бхаг̇аваа, ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
‘‘бурисасса хи ж̇аад̇асса,
гутаарий ж̇ааяад̇з мукз;
яааяа чинд̣̇ад̇и ад̇д̇аанам̣,
б̣аало д̣̇уб̣бхаасид̇ам̣ бхан̣ам̣.
‘‘яо нинд̣̇ияам̣ басам̣сад̇и,
д̇ам̣ ваа нинд̣̇ад̇и яо басам̣сияо;
вижинаад̇и мукзна со галим̣,
галинаа д̇зна сукам̣ на винд̣̇ад̇и.
‘‘аббамад̇д̇аго аяам̣ гали,
яо агкзсу д̇ханабарааж̇аяо;
саб̣б̣ассааби сахааби ад̇д̇анаа,
аяамзва маханд̇аро гали;
яо суг̇ад̇зсу манам̣ бад̣̇осаяз.
‘‘сад̇ам̣ сахассаанам̣ нираб̣б̣уд̣̇аанам̣,
чад̇д̇им̣сад̇и бан̃жа жа аб̣б̣уд̣̇аани;
яамарияаг̇арахий нираяам̣ убзд̇и,
ваажам̣ манан̃жа бан̣ид̇хааяа баабага’’нд̇и.
батамо ваг̇г̇о.
д̇ассуд̣̇д̣̇аанам̣ –
ааяаажанам̣ г̇аараво б̣рахмад̣̇зво,
б̣аго жа б̣рахмаа абараа жа д̣̇идти;
бамаад̣̇агогаалигад̇иссаго жа,
д̇уруу жа б̣рахмаа абаро жа гогаалигод̇и.
2. д̣̇уд̇ияаваг̇г̇о
1. санан̇гумаарасуд̇д̇ам̣
182. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и саббинийд̇ийрз. ат̇а ко б̣рахмаа санан̇гумааро абхигганд̇ааяа рад̇д̇ияаа абхигганд̇аван̣н̣о гзвалагаббам̣ саббинийд̇ийрам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко б̣рахмаа санан̇гумааро бхаг̇авад̇о санд̇игз имам̣ г̇аат̇ам̣ абхааси –
‘‘кад̇д̇ияо сздто ж̇анзд̇асмим̣, яз г̇од̇д̇абадисаарино;
виж̇ж̇аажаран̣асамбанно, со сздто д̣̇звамаанусз’’д̇и.
ид̣̇амавожа б̣рахмаа санан̇гумааро. саманун̃н̃о сад̇т̇аа ахоси. ат̇а ко б̣рахмаа санан̇гумааро ‘‘саманун̃н̃о мз сад̇т̇аа’’д̇и бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяийд̇и.
2. д̣̇звад̣̇ад̇д̇асуд̇д̇ам̣
183. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з ажирабагганд̇з д̣̇звад̣̇ад̇д̇з. ат̇а ко б̣рахмаа сахамбад̇и абхигганд̇ааяа рад̇д̇ияаа абхигганд̇аван̣н̣о гзвалагаббам̣ г̇иж̇жхагуудам̣ баб̣б̣ад̇ам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко б̣рахмаа сахамбад̇и д̣̇звад̣̇ад̇д̇ам̣ аараб̣бха бхаг̇авад̇о санд̇игз имам̣ г̇аат̇ам̣ абхааси –
‘‘палам̣ вз гад̣̇алим̣ ханд̇и, палам̣ взл̣ум̣ палам̣ нал̣ам̣;
саггааро гаабурисам̣ ханд̇и, г̇аб̣бхо ассад̇арим̣ яат̇аа’’д̇и.
3. анд̇хагавинд̣̇асуд̇д̇ам̣
184. згам̣ самаяам̣ бхаг̇аваа мааг̇ад̇хзсу вихарад̇и анд̇хагавинд̣̇з. д̇зна ко бана самаязна бхаг̇аваа рад̇д̇анд̇хагаарад̇имисааяам̣ аб̣бхогаасз нисинно ход̇и, д̣̇зво жа згамзгам̣ пусааяад̇и. ат̇а ко б̣рахмаа сахамбад̇и абхигганд̇ааяа рад̇д̇ияаа абхигганд̇аван̣н̣о гзвалагаббам̣ анд̇хагавинд̣̇ам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко б̣рахмаа сахамбад̇и бхаг̇авад̇о санд̇игз имаа г̇аат̇ааяо абхааси –
‘‘сзвзт̇а банд̇аани сзнаасанаани,
жарзяяа сам̣яож̇анавиббамогкаа;
сажз рад̇им̣ наад̇хиг̇ажчзяяа д̇ад̇т̇а,
сан̇гхз васз рагкид̇ад̇д̇о сад̇иймаа.
‘‘гулаагулам̣ бин̣д̣игааяа жаранд̇о,
инд̣̇рияаг̇уд̇д̇о нибаго сад̇иймаа;
сзвзт̇а банд̇аани сзнаасанаани,
бхаяаа бамуд̇д̇о абхаяз вимуд̇д̇о.
‘‘яад̇т̇а бхзраваа сарийсабаа сирим̣ сабаа (сий. сяаа. гам̣. бий.),
виж̇ж̇у сан̃жарад̇и т̇анаяад̇и д̣̇зво;
анд̇хагаарад̇имисааяа рад̇д̇ияаа,
нисийд̣̇и д̇ад̇т̇а бхигку виг̇ад̇аломахам̣со.
‘‘ид̣̇ан̃хи ж̇аад̇у мз д̣̇идтам̣, наяид̣̇ам̣ ид̇ихийд̇ихам̣;
згасмим̣ б̣рахмажарияасмим̣, сахассам̣ мажжухааяинам̣.
‘‘бхияяо бхийяо (сий. сяаа. гам̣. бий.) бан̃жасад̇аа сзгкаа, д̣̇асаа жа д̣̇асад̇хаа д̣̇аса;
саб̣б̣з сод̇асамаабаннаа, ад̇иражчаанаг̇аамино.
‘‘ат̇ааяам̣ ад̇т̇ааяам̣-ид̇иби д̣̇ий. ни. 2.290 ид̇араа баж̇аа, бун̃н̃абхааг̇аад̇и мз мано;
сан̇каад̇ум̣ ноби саггоми, мусааваад̣̇асса од̇д̇аба’’нд̇и од̇д̇абзд̇и (сий. сяаа. гам̣. бий.), од̇д̇аббзд̇и (га.).
4. арун̣авад̇ийсуд̇д̇ам̣
185. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и…бз… д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘бхууд̇абуб̣б̣ам̣, бхигкавз, рааж̇аа ахоси арун̣аваа наама. ран̃н̃о ко бана, бхигкавз, арун̣авад̇о арун̣авад̇ий наама рааж̇ад̇хааний ахоси. арун̣авад̇им̣ ко бана, бхигкавз, рааж̇ад̇хааним̣ арун̣авад̇ияам̣ ко бана бхигкавз рааж̇ад̇хаанияам̣ (бий. га.) сикий бхаг̇аваа арахам̣ саммаасамб̣уд̣̇д̇хо убаниссааяа вихааси. сикисса ко бана, бхигкавз, бхаг̇авад̇о арахад̇о саммаасамб̣уд̣̇д̇хасса абхибхуусамбхавам̣ наама саавагаяуг̇ам̣ ахоси аг̇г̇ам̣ бхад̣̇д̣̇аяуг̇ам̣. ат̇а ко, бхигкавз, сикий бхаг̇аваа арахам̣ саммаасамб̣уд̣̇д̇хо абхибхум̣ бхигкум̣ ааманд̇зси – ‘ааяаама, б̣раахман̣а, язна ан̃н̃ад̇аро б̣рахмалого д̇знубасан̇гамиссаама, яаава бхад̇д̇асса гаало бхависсад̇ий’д̇и. ‘звам̣, бханд̇з’д̇и ко бхигкавз, абхибхуу бхигку сикисса бхаг̇авад̇о арахад̇о саммаасамб̣уд̣̇д̇хасса бажжассоси. ат̇а ко, бхигкавз, сикий бхаг̇аваа арахам̣ саммаасамб̣уд̣̇д̇хо абхибхуу жа бхигку – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – арун̣авад̇ияаа рааж̇ад̇хаанияаа анд̇арахид̇аа д̇асмим̣ б̣рахмалогз баад̇урахзсум̣.
‘‘ат̇а ко, бхигкавз, сикий бхаг̇аваа арахам̣ саммаасамб̣уд̣̇д̇хо абхибхум̣ бхигкум̣ ааманд̇зси – ‘бадибхаад̇у, б̣раахман̣а, д̇ам̣ б̣рахмуно жа б̣рахмабарисааяа жа б̣рахмабаарисаж̇ж̇аанан̃жа д̇хаммий гат̇аа’д̇и. ‘звам̣, бханд̇з’д̇и ко, бхигкавз, абхибхуу бхигку сикисса бхаг̇авад̇о арахад̇о саммаасамб̣уд̣̇д̇хасса бадиссуд̇ваа, б̣рахмаанан̃жа б̣рахмабарисан̃жа б̣рахмабаарисаж̇ж̇з жа д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. д̇ад̇ра суд̣̇ам̣, бхигкавз, б̣рахмаа жа б̣рахмабарисаа жа б̣рахмабаарисаж̇ж̇аа жа уж̇жхааяанд̇и кияяанд̇и кийяанд̇и (сий. сяаа. гам̣. бий.) вибаажзнд̇и – ‘ажчарияам̣ вад̇а , бхо, аб̣бхуд̇ам̣ вад̇а бхо, гат̇ан̃хи наама сад̇т̇ари саммукийбхууд̇з сааваго д̇хаммам̣ д̣̇зсзссад̇ий’’’д̇и !
‘‘ат̇а ко, бхигкавз, сикий бхаг̇аваа арахам̣ саммаасамб̣уд̣̇д̇хо абхибхум̣ бхигкум̣ ааманд̇зси – ‘уж̇жхааяанд̇и ко д̇з, б̣раахман̣а, б̣рахмаа жа б̣рахмабарисаа жа б̣рахмабаарисаж̇ж̇аа жа – ажчарияам̣ вад̇а, бхо, аб̣бхуд̇ам̣ вад̇а, бхо, гат̇ан̃хи наама сад̇т̇ари саммукийбхууд̇з сааваго д̇хаммам̣ д̣̇зсзссад̇ийд̇и! д̇зна хи д̇вам̣ б̣раахман̣а, бхияяосомад̇д̇ааяа б̣рахмаанан̃жа б̣рахмабарисан̃жа б̣рахмабаарисаж̇ж̇з жа сам̣взж̇зхий’д̇и. ‘звам̣, бханд̇з’д̇и ко, бхигкавз, абхибхуу бхигку сикисса бхаг̇авад̇о арахад̇о саммаасамб̣уд̣̇д̇хасса бадиссуд̇ваа д̣̇иссамаанзнаби гааязна д̇хаммам̣ д̣̇зсзси, ад̣̇иссамаанзнаби гааязна д̇хаммам̣ д̣̇зсзси, д̣̇иссамаанзнаби хздтимзна убад̣дхагааязна ад̣̇иссамаанзна убаримзна убад̣дхагааязна д̇хаммам̣ д̣̇зсзси, д̣̇иссамаанзнаби убаримзна убад̣дхагааязна ад̣̇иссамаанзна хздтимзна убад̣дхагааязна д̇хаммам̣ д̣̇зсзси. д̇ад̇ра суд̣̇ам̣, бхигкавз, б̣рахмаа жа б̣рахмабарисаа жа б̣рахмабаарисаж̇ж̇аа жа ажчарияаб̣бхуд̇ажид̇д̇аж̇аад̇аа ахзсум̣ – ‘ажчарияам̣ вад̇а, бхо, аб̣бхуд̇ам̣ вад̇а, бхо, саман̣асса махид̣̇д̇хигад̇аа махаанубхаавад̇аа’’’д̇и!
‘‘ат̇а ко абхибхуу бхигку сиким̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ зд̇ад̣̇авожа – ‘абхиж̇аанаами кваахам̣, бханд̇з, бхигкусан̇гхасса маж̇жхз зваруубим̣ ваажам̣ бхаасид̇аа – бахоми кваахам̣ аавусо, б̣рахмалогз тид̇о сахассилогад̇хаад̇ум̣ сахассийлогад̇хаад̇ум̣ (сий. сяаа. гам̣. бий.) сарзна вин̃н̃аабзд̇у’нд̇и. ‘зд̇асса, б̣раахман̣а, гаало, зд̇асса, б̣раахман̣а, гаало; яам̣ д̇вам̣, б̣раахман̣а, б̣рахмалогз тид̇о сахассилогад̇хаад̇ум̣ сарзна вин̃н̃аабзяяаасий’д̇и. ‘звам̣, бханд̇з’д̇и ко, бхигкавз, абхибхуу бхигку сикисса бхаг̇авад̇о арахад̇о саммаасамб̣уд̣̇д̇хасса бадиссуд̇ваа б̣рахмалогз тид̇о имаа г̇аат̇ааяо абхааси –
‘‘аарамбхат̇а аараб̣бхат̇а (саб̣б̣ад̇т̇а) ниггамат̇а нигкамат̇а (сий. бий.), яун̃ж̇ат̇а б̣уд̣̇д̇хасаасанз;
д̇хунаат̇а мажжуно сзнам̣, нал̣ааг̇аарам̣ва гун̃ж̇аро.
‘‘яо имасмим̣ д̇хаммавинаяз, аббамад̇д̇о вихассад̇и;
бахааяа ж̇аад̇исам̣саарам̣, д̣̇угкассанд̇ам̣ гариссад̇ий’’д̇и.
‘‘ат̇а ко, бхигкавз, сикий жа бхаг̇аваа арахам̣ саммаасамб̣уд̣̇д̇хо абхибхуу жа бхигку б̣рахмаанан̃жа б̣рахмабарисан̃жа б̣рахмабаарисаж̇ж̇з жа сам̣взж̇зд̇ваа – сзяяат̇ааби наама…бз… д̇асмим̣ б̣рахмалогз анд̇арахид̇аа арун̣авад̇ияаа рааж̇ад̇хаанияаа баад̇урахзсум̣. ат̇а ко, бхигкавз, сикий бхаг̇аваа арахам̣ саммаасамб̣уд̣̇д̇хо бхигкуу ааманд̇зси – ‘ассуд̇т̇а но, д̇умхз, бхигкавз, абхибхусса бхигкуно б̣рахмалогз тид̇асса г̇аат̇ааяо бхаасамаанассаа’д̇и? ‘ассумха ко маяам̣, бханд̇з, абхибхусса бхигкуно б̣рахмалогз тид̇асса г̇аат̇ааяо бхаасамаанассаа’д̇и. ‘яат̇аа гат̇ам̣ бана д̇умхз, бхигкавз, ассуд̇т̇а абхибхусса бхигкуно б̣рахмалогз тид̇асса г̇аат̇ааяо бхаасамаанассаа’’’д̇и? звам̣ ко маяам̣, бханд̇з, ассумха абхибхусса бхигкуно б̣рахмалогз тид̇асса г̇аат̇ааяо бхаасамаанасса –
‘‘аарамбхат̇а ниггамат̇а, яун̃ж̇ат̇а б̣уд̣̇д̇хасаасанз;
д̇хунаат̇а мажжуно сзнам̣, нал̣ааг̇аарам̣ва гун̃ж̇аро.
‘‘яо имасмим̣ д̇хаммавинаяз, аббамад̇д̇о вихассад̇и;
бахааяа ж̇аад̇исам̣саарам̣, д̣̇угкассанд̇ам̣ гариссад̇ий’’д̇и.
‘‘‘звам̣ ко маяам̣, бханд̇з, ассумха абхибхусса бхигкуно б̣рахмалогз тид̇асса г̇аат̇ааяо бхаасамаанассаа’д̇и. ‘саад̇ху саад̇ху, бхигкавз; саад̇ху ко д̇умхз, бхигкавз! ассуд̇т̇а абхибхусса бхигкуно б̣рахмалогз тид̇асса г̇аат̇ааяо бхаасамаанассаа’’’д̇и.
ид̣̇амавожа бхаг̇аваа, ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
5. бариниб̣б̣аанасуд̇д̇ам̣
186. згам̣ самаяам̣ бхаг̇аваа гусинаарааяам̣ вихарад̇и убавад̇д̇анз маллаанам̣ саалаванз анд̇арзна яамагасаалаанам̣ бариниб̣б̣аанасамаяз. ат̇а ко бхаг̇аваа бхигкуу ааманд̇зси – ‘‘ханд̣̇а д̣̇аани, бхигкавз , ааманд̇аяаами во – ‘ваяад̇хаммаа сан̇каараа, аббамаад̣̇зна самбаад̣̇зт̇аа’д̇и. аяам̣ д̇ат̇ааг̇ад̇асса бажчимаа ваажаа’’.
ат̇а ко бхаг̇аваа батамам̣ жхаанам̣ батамаж̇жхаанам̣ (сяаа. гам̣.) звам̣ д̣̇уд̇ияам̣ жхаанам̣ ижжаад̣̇ийсуби самаабаж̇ж̇и. батамаа жхаанаа батамаж̇жхаанаа (сяаа. гам̣.) звам̣ д̣̇уд̇ияаа жхаанаа ижжаад̣̇ийсуби вудтахид̇ваа д̣̇уд̇ияам̣ жхаанам̣ самаабаж̇ж̇и. д̣̇уд̇ияаа жхаанаа вудтахид̇ваа д̇ад̇ияам̣ жхаанам̣ самаабаж̇ж̇и. д̇ад̇ияаа жхаанаа вудтахид̇ваа жад̇уд̇т̇ам̣ жхаанам̣ самаабаж̇ж̇и. жад̇уд̇т̇аа жхаанаа вудтахид̇ваа аагаасаанан̃жааяад̇анам̣ самаабаж̇ж̇и. аагаасаанан̃жааяад̇анаа вудтахид̇ваа вин̃н̃аан̣ан̃жааяад̇анам̣ самаабаж̇ж̇и. вин̃н̃аан̣ан̃жааяад̇анаа вудтахид̇ваа аагин̃жан̃н̃ааяад̇анам̣ самаабаж̇ж̇и. аагин̃жан̃н̃ааяад̇анаа вудтахид̇ваа нзвасан̃н̃аанаасан̃н̃ааяад̇анам̣ самаабаж̇ж̇и. нзвасан̃н̃аанаасан̃н̃ааяад̇анаа вудтахид̇ваа сан̃н̃аавзд̣̇аяид̇анирод̇хам̣ самаабаж̇ж̇и.
сан̃н̃аавзд̣̇аяид̇анирод̇хаа вудтахид̇ваа нзвасан̃н̃аанаасан̃н̃ааяад̇анам̣ самаабаж̇ж̇и. нзвасан̃н̃аанаасан̃н̃ааяад̇анаа вудтахид̇ваа аагин̃жан̃н̃ааяад̇анам̣ самаабаж̇ж̇и. аагин̃жан̃н̃ааяад̇анаа вудтахид̇ваа вин̃н̃аан̣ан̃жааяад̇анам̣ самаабаж̇ж̇и. вин̃н̃аан̣ан̃жааяад̇анаа вудтахид̇ваа аагаасаанан̃жааяад̇анам̣ самаабаж̇ж̇и. аагаасаанан̃жааяад̇анаа вудтахид̇ваа жад̇уд̇т̇ам̣ жхаанам̣ самаабаж̇ж̇и. жад̇уд̇т̇аа жхаанаа вудтахид̇ваа д̇ад̇ияам̣ жхаанам̣ самаабаж̇ж̇и. д̇ад̇ияаа жхаанаа вудтахид̇ваа д̣̇уд̇ияам̣ жхаанам̣ самаабаж̇ж̇и. д̣̇уд̇ияаа жхаанаа вудтахид̇ваа батамам̣ жхаанам̣ самаабаж̇ж̇и. батамаа жхаанаа вудтахид̇ваа д̣̇уд̇ияам̣ жхаанам̣ самаабаж̇ж̇и. д̣̇уд̇ияаа жхаанаа вудтахид̇ваа д̇ад̇ияам̣ жхаанам̣ самаабаж̇ж̇и. д̇ад̇ияаа жхаанаа вудтахид̇ваа жад̇уд̇т̇ам̣ жхаанам̣ самаабаж̇ж̇и. жад̇уд̇т̇аа жхаанаа вудтахид̇ваа самананд̇арам̣ бхаг̇аваа бариниб̣б̣ааяи. бариниб̣б̣уд̇з бхаг̇авад̇и саха бариниб̣б̣аанаа б̣рахмаа сахамбад̇и имам̣ г̇аат̇ам̣ абхааси –
‘‘саб̣б̣зва нигкибиссанд̇и, бхууд̇аа логз самуссаяам̣;
яад̇т̇а зд̇аад̣̇исо сад̇т̇аа, логз аббадибуг̇г̇ало;
д̇ат̇ааг̇ад̇о б̣алаббад̇д̇о, самб̣уд̣̇д̇хо бариниб̣б̣уд̇о’’д̇и.
бариниб̣б̣уд̇з бхаг̇авад̇и саха бариниб̣б̣аанаа сагго д̣̇зваанаминд̣̇о имам̣ г̇аат̇ам̣ абхааси –
‘‘анижжаа вад̇а сан̇каараа, уббаад̣̇аваяад̇хаммино;
уббаж̇ж̇ид̇ваа нируж̇жханд̇и, д̇зсам̣ вуубасамо суко’’д̇и.
бариниб̣б̣уд̇з бхаг̇авад̇и саха бариниб̣б̣аанаа ааяасмаа аананд̣̇о имам̣ г̇аат̇ам̣ абхааси –
‘‘д̇ад̣̇ааси яам̣ бхим̣санагам̣, д̇ад̣̇ааси ломахам̣санам̣;
саб̣б̣аагаараваруубзд̇з, самб̣уд̣̇д̇хз бариниб̣б̣уд̇з’’д̇и.
бариниб̣б̣уд̇з бхаг̇авад̇и саха бариниб̣б̣аанаа ааяасмаа ануруд̣̇д̇хо имаа г̇аат̇ааяо абхааси –
‘‘нааху ассаасабассаасо, тид̇ажид̇д̇асса д̇аад̣̇ино;
анзж̇о санд̇имаараб̣бха, жагкумаа бариниб̣б̣уд̇о яам̣ гааламагарий муни (махаабариниб̣б̣аанасуд̇д̇з).
‘‘асаллийнзна жид̇д̇зна, взд̣̇анам̣ аж̇жхаваасаяи;
баж̇ж̇од̇ассзва ниб̣б̣аанам̣, вимогко жзд̇асо ахуу’’д̇и.
д̣̇уд̇ияо ваг̇г̇о.
д̇ассуд̣̇д̣̇аанам̣ –
б̣рахмаасанам̣ д̣̇звад̣̇ад̇д̇о, анд̇хагавинд̣̇о арун̣авад̇ий;
бариниб̣б̣аанзна жа д̣̇зсид̇ам̣, ид̣̇ам̣ б̣рахмабан̃жаганд̇и.
б̣рахмасам̣яуд̇д̇ам̣ самад̇д̇ам̣. ид̇о барам̣ мараммабод̇т̇агзсу звамби д̣̇иссад̇и –§б̣рахмааяаажанам̣ аг̇аараван̃жа, б̣рахмад̣̇зво б̣аго жа б̣рахмаа.§ан̃н̃ад̇аро жа б̣рахмаагогаалиган̃жа, д̇иссаган̃жа д̇уруу жа§б̣рахмаа гогаалигабхигку, санан̇гумаарзна д̣̇звад̣̇ад̇д̇ам̣.§анд̇хагавинд̣̇ам̣ арун̣авад̇и, бариниб̣б̣аанзна баннарасаад̇и