5. гассабасам̣яуд̇д̇ам̣
1. санд̇удтасуд̇д̇ам̣
144. саавад̇т̇ияам̣ вихарад̇и…бз… ‘‘санд̇удтааяам̣ санд̇удтояам̣ (сий.), бхигкавз, гассабо ид̇арийд̇арзна жийварзна, ид̇арийд̇аражийварасанд̇удтияаа жа ван̣н̣аваад̣̇ий; на жа жийварахзд̇у анзсанам̣ аббад̇ируубам̣ аабаж̇ж̇ад̇и; алад̣̇д̇хаа жа жийварам̣ на барид̇ассад̇и; лад̣̇д̇хаа жа жийварам̣ аг̇ад̇хид̇о аг̇ат̇ид̇о (сий.) амужчид̇о анаж̇жхаабанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и’’.
‘‘санд̇удтааяам̣, бхигкавз, гассабо ид̇арийд̇арзна бин̣д̣абаад̇зна, ид̇арийд̇арабин̣д̣абаад̇асанд̇удтияаа жа ван̣н̣аваад̣̇ий; на жа бин̣д̣абаад̇ахзд̇у анзсанам̣ аббад̇ируубам̣ аабаж̇ж̇ад̇и; алад̣̇д̇хаа жа бин̣д̣абаад̇ам̣ на барид̇ассад̇и; лад̣̇д̇хаа жа бин̣д̣абаад̇ам̣ аг̇ад̇хид̇о амужчид̇о анаж̇жхаабанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и.
‘‘санд̇удтааяам̣, бхигкавз, гассабо ид̇арийд̇арзна сзнаасанзна, ид̇арийд̇арасзнаасанасанд̇удтияаа жа ван̣н̣аваад̣̇ий; на жа сзнаасанахзд̇у анзсанам̣ аббад̇ируубам̣ аабаж̇ж̇ад̇и; алад̣̇д̇хаа жа сзнаасанам̣ на барид̇ассад̇и; лад̣̇д̇хаа жа сзнаасанам̣ аг̇ад̇хид̇о амужчид̇о анаж̇жхаабанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и.
‘‘санд̇удтааяам̣, бхигкавз, гассабо ид̇арийд̇арзна г̇илаанаббажжаяабхзсаж̇ж̇абаригкаарзна, ид̇арийд̇араг̇илаанаббажжаяабхзсаж̇ж̇абаригкаарасанд̇удтияаа жа ван̣н̣аваад̣̇ий; на жа г̇илаанаббажжаяабхзсаж̇ж̇абаригкаарахзд̇у анзсанам̣ аббад̇ируубам̣ аабаж̇ж̇ад̇и; алад̣̇д̇хаа жа г̇илаанаббажжаяабхзсаж̇ж̇абаригкаарам̣ на барид̇ассад̇и; лад̣̇д̇хаа жа г̇илаанаббажжаяабхзсаж̇ж̇абаригкаарам̣ аг̇ад̇хид̇о амужчид̇о анаж̇жхаабанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и.
‘‘д̇асмаад̇иха , бхигкавз, звам̣ сигкид̇аб̣б̣ам̣ – ‘санд̇удтаа бхависсаама ид̇арийд̇арзна жийварзна, ид̇арийд̇аражийварасанд̇удтияаа жа ван̣н̣аваад̣̇ино; на жа жийварахзд̇у анзсанам̣ аббад̇ируубам̣ аабаж̇ж̇иссаама; алад̣̇д̇хаа жа жийварам̣ на жа барид̇ассиссаама; лад̣̇д̇хаа жа жийварам̣ аг̇ад̇хид̇аа амужчид̇аа анаж̇жхаабаннаа аад̣̇ийнавад̣̇ассаавино ниссаран̣абан̃н̃аа барибхун̃ж̇иссаама’’’. (звам̣ саб̣б̣ам̣ гаад̇аб̣б̣ам̣).
‘‘‘санд̇удтаа бхависсаама ид̇арийд̇арзна бин̣д̣абаад̇зна…бз… санд̇удтаа бхависсаама ид̇арийд̇арзна сзнаасанзна…бз… санд̇удтаа бхависсаама ид̇арийд̇арзна г̇илаанаббажжаяабхзсаж̇ж̇абаригкаарзна, ид̇арийд̇араг̇илаанаббажжаяабхзсаж̇ж̇абаригкаарасанд̇удтияаа жа ван̣н̣аваад̣̇ино; на жа г̇илаанаббажжаяабхзсаж̇ж̇абаригкаарахзд̇у анзсанам̣ аббад̇ируубам̣ аабаж̇ж̇иссаама алад̣̇д̇хаа жа г̇илаанаббажжаяабхзсаж̇ж̇абаригкаарам̣ на барид̇ассиссаама; лад̣̇д̇хаа жа г̇илаанаббажжаяабхзсаж̇ж̇абаригкаарам̣ аг̇ад̇хид̇аа амужчид̇аа анаж̇жхаабаннаа аад̣̇ийнавад̣̇ассаавино ниссаран̣абан̃н̃аа барибхун̃ж̇иссаамаа’д̇и. зван̃хи во, бхигкавз, сигкид̇аб̣б̣ам̣. гассабзна ваа хи во, бхигкавз, овад̣̇иссаами яо ваа банасса яо ваа бана (сий.), яо ваа (бий.) гассабасад̣̇исо, овад̣̇ид̇зхи жа бана во д̇ат̇ад̇д̇ааяа бадибаж̇ж̇ид̇аб̣б̣а’’нд̇и. батамам̣.
2. анод̇д̇аббийсуд̇д̇ам̣
145. звам̣ мз суд̇ам̣ – згам̣ самаяам̣ ааяасмаа жа махаагассабо ааяасмаа жа саарибуд̇д̇о б̣аараан̣асияам̣ вихаранд̇и исибад̇анз миг̇ад̣̇ааяз. ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о язнааяасмаа махаагассабо д̇знубасан̇гами; убасан̇гамид̇ваа ааяасмад̇аа махаагассабзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о ааяасманд̇ам̣ махаагассабам̣ зд̇ад̣̇авожа – ‘‘вужжад̇и хид̣̇ам̣, аавусо гассаба, анаад̇аабий анод̇д̇аббий абхаб̣б̣о самб̣од̇хааяа абхаб̣б̣о ниб̣б̣аанааяа абхаб̣б̣о ануд̇д̇арасса яог̇агкзмасса ад̇хиг̇амааяа; аад̇аабий жа ко од̇д̇аббий бхаб̣б̣о самб̣од̇хааяа бхаб̣б̣о ниб̣б̣аанааяа бхаб̣б̣о ануд̇д̇арасса яог̇агкзмасса ад̇хиг̇амааяаа’’д̇и.
‘‘гид̇д̇аавад̇аа ну ко, аавусо, анаад̇аабий ход̇и анод̇д̇аббий абхаб̣б̣о самб̣од̇хааяа абхаб̣б̣о ниб̣б̣аанааяа абхаб̣б̣о ануд̇д̇арасса яог̇агкзмасса ад̇хиг̇амааяа; гид̇д̇аавад̇аа жа банаавусо, аад̇аабий ход̇и од̇д̇аббий бхаб̣б̣о самб̣од̇хааяа бхаб̣б̣о ниб̣б̣аанааяа бхаб̣б̣о ануд̇д̇арасса яог̇агкзмасса ад̇хиг̇амааяаа’’д̇и? ‘‘ид̇хаавусо, бхигку ‘ануббаннаа мз баабагаа агусалаа д̇хаммаа уббаж̇ж̇амаанаа анад̇т̇ааяа сам̣вад̇д̇зяяу’нд̇и на аад̇аббам̣ гарод̇и, ‘уббаннаа мз баабагаа агусалаа д̇хаммаа аббахийяамаанаа анад̇т̇ааяа сам̣вад̇д̇зяяу’нд̇и на аад̇аббам̣ гарод̇и, ‘ануббаннаа мз гусалаа д̇хаммаануббаж̇ж̇амаанаа анад̇т̇ааяа сам̣вад̇д̇зяяу’нд̇и на аад̇аббам̣ гарод̇и, ‘уббаннаа мз гусалаа д̇хаммаа нируж̇жхамаанаа анад̇т̇ааяа сам̣вад̇д̇зяяу’нд̇и на аад̇аббам̣ гарод̇и. звам̣ ко, аавусо, анаад̇аабий ход̇и’’.
‘‘гат̇ан̃жаавусо, анод̇д̇аббий ход̇и? ид̇хаавусо, бхигку ‘ануббаннаа мз баабагаа агусалаа д̇хаммаа уббаж̇ж̇амаанаа анад̇т̇ааяа сам̣вад̇д̇зяяу’нд̇и на од̇д̇аббад̇и, ‘уббаннаа мз баабагаа агусалаа д̇хаммаа аббахийяамаанаа анад̇т̇ааяа сам̣вад̇д̇зяяу’нд̇и на од̇д̇аббад̇и, ‘ануббаннаа мз гусалаа д̇хаммаануббаж̇ж̇амаанаа анад̇т̇ааяа сам̣вад̇д̇зяяу’нд̇и на од̇д̇аббад̇и, ‘уббаннаа мз гусалаа д̇хаммаа нируж̇жхамаанаа анад̇т̇ааяа сам̣вад̇д̇зяяу’нд̇и на од̇д̇аббад̇и. звам̣ ко, аавусо, анод̇д̇аббий ход̇и. звам̣ ко, аавусо, анаад̇аабий анод̇д̇аббий абхаб̣б̣о самб̣од̇хааяа абхаб̣б̣о ниб̣б̣аанааяа абхаб̣б̣о ануд̇д̇арасса яог̇агкзмасса ад̇хиг̇амааяа.
‘‘гат̇ан̃жаавусо, аад̇аабий ход̇и? ид̇хаавусо, бхигку ‘ануббаннаа мз баабагаа агусалаа д̇хаммаа уббаж̇ж̇амаанаа анад̇т̇ааяа сам̣вад̇д̇зяяу’нд̇и аад̇аббам̣ гарод̇и, ‘уббаннаа мз баабагаа агусалаа д̇хаммаа аббахийяамаанаа анад̇т̇ааяа сам̣вад̇д̇зяяу’нд̇и аад̇аббам̣ гарод̇и, ануббаннаа мз гусалаа д̇хаммаа…бз… аад̇аббам̣ гарод̇и. звам̣ ко, аавусо, аад̇аабий ход̇и.
‘‘гат̇ан̃жаавусо, од̇д̇аббий ход̇и? ид̇хаавусо, бхигку ‘ануббаннаа мз баабагаа агусалаа д̇хаммаа уббаж̇ж̇амаанаа анад̇т̇ааяа сам̣вад̇д̇зяяу’нд̇и од̇д̇аббад̇и, ‘уббаннаа мз баабагаа агусалаа д̇хаммаа аббахийяамаанаа анад̇т̇ааяа сам̣вад̇д̇зяяу’нд̇и од̇д̇аббад̇и, ‘ануббаннаа мз гусалаа д̇хаммаа ануббаж̇ж̇амаанаа анад̇т̇ааяа сам̣вад̇д̇зяяу’нд̇и од̇д̇аббад̇и, ‘уббаннаа мз гусалаа д̇хаммаа нируж̇жхамаанаа анад̇т̇ааяа сам̣вад̇д̇зяяу’нд̇и од̇д̇аббад̇и. звам̣ ко, аавусо, од̇д̇аббий ход̇и. звам̣ ко, аавусо, аад̇аабий од̇д̇аббий бхаб̣б̣о самб̣од̇хааяа бхаб̣б̣о ниб̣б̣аанааяа бхаб̣б̣о ануд̇д̇арасса яог̇агкзмасса ад̇хиг̇амааяаа’’д̇и. д̣̇уд̇ияам̣.
3. жанд̣̇уубамасуд̇д̇ам̣
146. саавад̇т̇ияам̣ вихарад̇и…бз… ‘‘жанд̣̇уубамаа, бхигкавз, гулаани убасан̇гамат̇а – абагассзва гааяам̣, абагасса жид̇д̇ам̣, нижжанавагаа гулзсу аббаг̇аб̣бхаа аббаг̇аб̣б̣аа (га.). сзяяат̇ааби , бхигкавз, бурисо ж̇аруд̣̇абаанам̣ ваа ологзяяа баб̣б̣ад̇ависамам̣ ваа над̣̇ийвид̣̇уг̇г̇ам̣ ваа – абагассзва гааяам̣, абагасса жид̇д̇ам̣; звамзва ко, бхигкавз, жанд̣̇уубамаа гулаани убасан̇гамат̇а – абагассзва гааяам̣, абагасса жид̇д̇ам̣, нижжанавагаа гулзсу аббаг̇аб̣бхаа’’.
‘‘гассабо, бхигкавз, жанд̣̇уубамо гулаани убасан̇гамад̇и – абагассзва гааяам̣, абагасса жид̇д̇ам̣, нижжанаваго гулзсу аббаг̇аб̣бхо. д̇ам̣ гим̣ ман̃н̃ат̇а, бхигкавз, гат̇ам̣руубо бхигку арахад̇и гулаани убасан̇гамид̇у’’нд̇и? ‘‘бхаг̇авам̣муулагаа но, бханд̇з, д̇хаммаа бхаг̇авам̣нзд̇д̇игаа бхаг̇авам̣бадисаран̣аа. саад̇ху вад̇а, бханд̇з, бхаг̇аванд̇ам̣язва бадибхаад̇у зд̇асса бхаасид̇асса ад̇т̇о. бхаг̇авад̇о суд̇ваа бхигкуу д̇хаарзссанд̇ий’’д̇и.
ат̇а ко бхаг̇аваа аагаасз баан̣им̣ жаалзси. ‘‘сзяяат̇ааби, бхигкавз, аяам̣ аагаасз баан̣и на саж̇ж̇ад̇и на г̇аяхад̇и на б̣аж̇жхад̇и; звамзва ко, бхигкавз, яасса гассажи бхигкуно гулаани убасан̇гамад̇о гулзсу жид̇д̇ам̣ на саж̇ж̇ад̇и на г̇аяхад̇и на б̣аж̇жхад̇и – ‘лабханд̇у лаабхагаамаа, бун̃н̃агаамаа гаронд̇у бун̃н̃ааний’д̇и; яат̇аасагзна лаабхзна ад̇д̇амано ход̇и сумано, звам̣ барзсам̣ лаабхзна ад̇д̇амано ход̇и сумано; зваруубо ко, бхигкавз, бхигку арахад̇и гулаани убасан̇гамид̇ум̣.
‘‘гассабасса, бхигкавз, гулаани убасан̇гамад̇о гулзсу жид̇д̇ам̣ на саж̇ж̇ад̇и на г̇аяхад̇и на б̣аж̇жхад̇и – ‘лабханд̇у лаабхагаамаа, бун̃н̃агаамаа гаронд̇у бун̃н̃ааний’д̇и; яат̇аасагзна лаабхзна ад̇д̇амано ход̇и сумано; звам̣ барзсам̣ лаабхзна ад̇д̇амано ход̇и сумано.
‘‘д̇ам̣ гим̣ ман̃н̃ат̇а, бхигкавз, гат̇ам̣руубасса бхигкуно абарисуд̣̇д̇хаа д̇хаммад̣̇зсанаа ход̇и, гат̇ам̣руубасса бхигкуно барисуд̣̇д̇хаа д̇хаммад̣̇зсанаа ход̇ий’’д̇и? ‘‘бхаг̇авам̣муулагаа но, бханд̇з, д̇хаммаа бхаг̇авам̣нзд̇д̇игаа бхаг̇авам̣бадисаран̣аа. саад̇ху вад̇а, бханд̇з, бхаг̇аванд̇ам̣язва бадибхаад̇у зд̇асса бхаасид̇асса ад̇т̇о . бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘д̇зна хи, бхигкавз, сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘яо хи гожи, бхигкавз, бхигку звам̣жид̇д̇о барзсам̣ д̇хаммам̣ д̣̇зсзд̇и – ‘ахо вад̇а мз д̇хаммам̣ сун̣зяяум̣, суд̇ваа жа бана д̇хаммам̣ басийд̣̇зяяум̣, басаннаа жа мз басаннаагаарам̣ гарзяяу’нд̇и; зваруубасса ко, бхигкавз, бхигкуно абарисуд̣̇д̇хаа д̇хаммад̣̇зсанаа ход̇и.
‘‘яо жа ко, бхигкавз, бхигку звам̣жид̇д̇о барзсам̣ д̇хаммам̣ д̣̇зсзд̇и – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухийд̇и вин̃н̃уухи (?). ахо, вад̇а мз д̇хаммам̣ сун̣зяяум̣, суд̇ваа жа бана д̇хаммам̣ ааж̇аанзяяум̣, ааж̇аанид̇ваа жа бана д̇ат̇ад̇д̇ааяа бадибаж̇ж̇зяяу’нд̇и. ид̇и д̇хаммасуд̇хаммад̇ам̣ бадижжа барзсам̣ д̇хаммам̣ д̣̇зсзд̇и, гаарун̃н̃ам̣ бадижжа ануд̣̇д̣̇аяам̣ ануд̣̇аяам̣ (б̣ахуусу) д̣̇вид̇д̇агааран̣ам̣ бана г̇авзсид̇аб̣б̣ам̣ бадижжа анугамбам̣ убаад̣̇ааяа барзсам̣ д̇хаммам̣ д̣̇зсзд̇и. зваруубасса ко, бхигкавз, бхигкуно барисуд̣̇д̇хаа д̇хаммад̣̇зсанаа ход̇и.
‘‘гассабо, бхигкавз, звам̣жид̇д̇о барзсам̣ д̇хаммам̣ д̣̇зсзд̇и – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухийд̇и. ахо, вад̇а мз д̇хаммам̣ сун̣зяяум̣, суд̇ваа жа бана д̇хаммам̣ ааж̇аанзяяум̣, ааж̇аанид̇ваа жа бана д̇ат̇ад̇д̇ааяа бадибаж̇ж̇зяяу’нд̇и. ид̇и д̇хаммасуд̇хаммад̇ам̣ бадижжа барзсам̣ д̇хаммам̣ д̣̇зсзд̇и, гаарун̃н̃ам̣ бадижжа ануд̣̇д̣̇аяам̣ бадижжа анугамбам̣ убаад̣̇ааяа барзсам̣ д̇хаммам̣ д̣̇зсзд̇и. гассабзна ваа хи во, бхигкавз, овад̣̇иссаами яо ваа банасса гассабасад̣̇исо, овад̣̇ид̇зхи жа бана во д̇ат̇ад̇д̇ааяа бадибаж̇ж̇ид̇аб̣б̣а’’нд̇и. д̇ад̇ияам̣.
4. гулуубагасуд̇д̇ам̣
147. саавад̇т̇ияам̣ вихарад̇и…бз… ‘‘д̇ам̣ гим̣ ман̃н̃ат̇а, бхигкавз, гат̇ам̣руубо бхигку арахад̇и гулуубаго ход̇ум̣, гат̇ам̣руубо бхигку на арахад̇и гулуубаго ход̇у’’нд̇и? бхаг̇авам̣муулагаа но, бханд̇з, д̇хаммаа…бз… бхаг̇аваа зд̇ад̣̇авожа –
‘‘яо хи гожи, бхигкавз, бхигку звам̣жид̇д̇о гулаани убасан̇гамад̇и – ‘д̣̇знд̇уязва мз, маа наад̣̇ам̣су; б̣ахуган̃н̃зва мз д̣̇знд̇у, маа т̇огам̣; бан̣ийд̇ан̃н̃зва мз д̣̇знд̇у, маа луукам̣; сийгхан̃н̃зва мз д̣̇знд̇у, маа д̣̇анд̇хам̣; саггажжан̃н̃зва мз д̣̇знд̇у, маа асаггажжа’нд̇и. д̇асса жз, бхигкавз, бхигкуно звам̣жид̇д̇асса гулаани убасан̇гамад̇о на д̣̇знд̇и, д̇зна бхигку санд̣̇ийяад̇и; со д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. т̇огам̣ д̣̇знд̇и, но б̣ахугам̣…бз… луукам̣ д̣̇знд̇и, но бан̣ийд̇ам̣… д̣̇анд̇хам̣ д̣̇знд̇и, но сийгхам̣, д̇зна бхигку санд̣̇ийяад̇и; со д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. асаггажжам̣ д̣̇знд̇и, но саггажжам̣; д̇зна бхигку санд̣̇ийяад̇и; со д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. зваруубо ко, бхигкавз, бхигку на арахад̇и гуулуубаго ход̇ум̣.
‘‘яо жа ко, бхигкавз, бхигку звам̣жид̇д̇о гулаани убасан̇гамад̇и – ‘д̇ам̣ гуд̇зд̇т̇а лаб̣бхаа барагулзсу – д̣̇знд̇уязва мз, маа наад̣̇ам̣су; б̣ахуган̃н̃зва мз д̣̇знд̇у, маа т̇огам̣; бан̣ийд̇ан̃н̃зва мз д̣̇знд̇у, маа луукам̣; д̣̇ийгхан̃н̃зва мз д̣̇знд̇у, маа д̣̇анд̇хам̣; саггажжан̃н̃зва мз д̣̇знд̇у, маа асаггажжа’нд̇и. д̇асса жз, бхигкавз, бхигкуно звам̣жид̇д̇асса гулаани убасан̇гамад̇о на д̣̇знд̇и; д̇зна бхигку на санд̣̇ийяад̇и; со на д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. т̇огам̣ д̣̇знд̇и, но б̣ахугам̣; д̇зна бхигку на санд̣̇ийяад̇и; со на д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. луукам̣ д̣̇знд̇и, но бан̣ийд̇ам̣; д̇зна бхигку на санд̣̇ийяад̇и; со на д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. д̣̇анд̇хам̣ д̣̇знд̇и, но сийгхам̣; д̇зна бхигку на санд̣̇ийяад̇и; со на д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. асаггажжам̣ д̣̇знд̇и, но саггажжам̣; д̇зна бхигку на санд̣̇ийяад̇и; со на д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. зваруубо ко, бхигкавз, бхигку арахад̇и гулуубаго ход̇ум̣.
‘‘гассабо, бхигкавз, звам̣жид̇д̇о гулаани убасан̇гамад̇и – ‘д̇ам̣ гуд̇зд̇т̇а лаб̣бхаа барагулзсу – д̣̇знд̇уязва мз, маа наад̣̇ам̣су; б̣ахуган̃н̃зва мз д̣̇знд̇у, маа т̇огам̣; бан̣ийд̇ан̃н̃зва мз д̣̇знд̇у, маа луукам̣; сийгхан̃н̃зва мз д̣̇знд̇у, маа д̣̇анд̇хам̣; саггажжан̃н̃зва мз д̣̇знд̇у, маа асаггажжа’нд̇и. д̇асса жз, бхигкавз, гассабасса звам̣жид̇д̇асса гулаани убасан̇гамад̇о на д̣̇знд̇и; д̇зна гассабо на санд̣̇ийяад̇и; со на д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. т̇огам̣ д̣̇знд̇и, но б̣ахугам̣; д̇зна гассабо на санд̣̇ийяад̇и; со на д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. луукам̣ д̣̇знд̇и , но бан̣ийд̇ам̣; д̇зна гассабо на санд̣̇ийяад̇и; со на д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. д̣̇анд̇хам̣ д̣̇знд̇и, но сийгхам̣; д̇зна гассабо на санд̣̇ийяад̇и; со на д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. асаггажжам̣ д̣̇знд̇и, но саггажжам̣; д̇зна гассабо на санд̣̇ийяад̇и ; со на д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇аяад̇и. гассабзна ваа хи во, бхигкавз, овад̣̇иссаами яо ваа банасса гассабасад̣̇исо. овад̣̇ид̇зхи жа бана во д̇ат̇ад̇д̇ааяа бадибаж̇ж̇ид̇аб̣б̣а’’нд̇и. жад̇уд̇т̇ам̣.
5. ж̇ин̣н̣асуд̇д̇ам̣
148. звам̣ мз суд̇ам̣…бз… рааж̇аг̇ахз взл̣уванз. ат̇а ко ааяасмаа махаагассабо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ махаагассабам̣ бхаг̇аваа зд̇ад̣̇авожа – ‘‘ж̇ин̣н̣оси д̣̇аани д̇вам̣, гассаба, г̇аругаани жа д̇з имаани саан̣аани бам̣сугуулаани ниб̣б̣асанаани. д̇асмаад̇иха д̇вам̣, гассаба, г̇ахабад̇аани г̇ахабад̇игаани (сий.) жзва жийвараани д̇хаарзхи, ниманд̇анаани жа бхун̃ж̇аахи, мама жа санд̇игз вихараахий’’д̇и.
‘‘ахам̣ ко, бханд̇з, д̣̇ийгхарад̇д̇ам̣ ааран̃н̃иго жзва ааран̃н̃игад̇д̇асса жа ван̣н̣аваад̣̇ий, бин̣д̣абаад̇иго жзва бин̣д̣абаад̇игад̇д̇асса жа ван̣н̣аваад̣̇ий, бам̣сугуулиго жзва бам̣сугуулигад̇д̇асса жа ван̣н̣аваад̣̇ий, д̇зжийвариго жзва д̇зжийваригад̇д̇асса жа ван̣н̣аваад̣̇ий, аббижчо жзва аббижчад̇ааяа жа ван̣н̣аваад̣̇ий, санд̇удто жзва санд̇удтияаа жа ван̣н̣аваад̣̇ий, бавивид̇д̇о жзва бавивзгасса жа ван̣н̣аваад̣̇ий, асам̣садто жзва асам̣саг̇г̇асса жа ван̣н̣аваад̣̇ий, аарад̣̇д̇хавийрияо жзва вийрияаарамбхасса вийрияаараб̣бхасса (га.) жа ван̣н̣аваад̣̇ий’’д̇и.
‘‘гим̣ гам̣ (га.) бана д̇вам̣, гассаба, ад̇т̇авасам̣ самбассамаано д̣̇ийгхарад̇д̇ам̣ ааран̃н̃иго жзва ааран̃н̃игад̇д̇асса жа ван̣н̣аваад̣̇ий, бин̣д̣абаад̇иго жзва…бз… бам̣сугуулиго жзва… д̇зжийвариго жзва… аббижчо жзва… санд̇удто жзва… бавивид̇д̇о жзва… асам̣садто жзва… аарад̣̇д̇хавийрияо жзва вийрияаарамбхасса жа ван̣н̣аваад̣̇ий’’д̇и?
‘‘д̣̇вз кваахам̣, бханд̇з, ад̇т̇авасз самбассамаано д̣̇ийгхарад̇д̇ам̣ ааран̃н̃иго жзва ааран̃н̃игад̇д̇асса жа ван̣н̣аваад̣̇ий, бин̣д̣абаад̇иго жзва…бз… бам̣сугуулиго жзва… д̇зжийвариго жзва… аббижчо жзва… санд̇удто жзва… бавивид̇д̇о жзва… асам̣садто жзва… аарад̣̇д̇хавийрияо жзва вийрияаарамбхасса жа ван̣н̣аваад̣̇ий. ад̇д̇ано жа д̣̇идтад̇хаммасукавихаарам̣ самбассамаано, бажчиман̃жа ж̇анад̇ам̣ анугамбамаано – ‘аббзва наама бажчимаа ж̇анад̇аа д̣̇идтаануг̇ад̇им̣ аабаж̇ж̇зяяум̣’ аабаж̇ж̇зяяа (сий. сяаа. гам̣.). ‘яз гира д̇з ахзсум̣ б̣уд̣̇д̇хаануб̣уд̣̇д̇хасаавагаа д̇з д̣̇ийгхарад̇д̇ам̣ ааран̃н̃игаа жзва ахзсум̣ ааран̃н̃игад̇д̇асса жа ван̣н̣аваад̣̇ино…бз… бин̣д̣абаад̇игаа жзва ахзсум̣ …бз… бам̣сугуулигаа жзва ахзсум̣… д̇зжийваригаа жзва ахзсум̣… аббижчаа жзва ахзсум̣… санд̇удтаа жзва ахзсум̣… бавивид̇д̇аа жзва ахзсум̣… асам̣садтаа жзва ахзсум̣… аарад̣̇д̇хавийрияаа жзва ахзсум̣ вийрияаарамбхасса жа ван̣н̣аваад̣̇ино’д̇и. д̇з д̇ат̇ад̇д̇ааяа бадибаж̇ж̇иссанд̇и, д̇зсам̣ д̇ам̣ бхависсад̇и д̣̇ийгхарад̇д̇ам̣ хид̇ааяа сукааяа.
‘‘имз кваахам̣, бханд̇з, д̣̇вз ад̇т̇авасз самбассамаано д̣̇ийгхарад̇д̇ам̣ ааран̃н̃иго жзва ааран̃н̃игад̇д̇асса жа ван̣н̣аваад̣̇ий, бин̣д̣абаад̇иго жзва…бз… бам̣сугуулиго жзва… д̇зжийвариго жзва… аббижчо жзва… санд̇удто жзва… бавивид̇д̇о жзва… асам̣садто жзва… аарад̣̇д̇хавийрияо жзва вийрияаарамбхасса жа ван̣н̣аваад̣̇ий’’д̇и.
‘‘саад̇ху саад̇ху, гассаба. б̣ахуж̇анахид̇ааяа гира д̇вам̣, гассаба, бадибанно б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. д̇асмаад̇иха д̇вам̣, гассаба, саан̣аани жзва бам̣сугуулаани д̇хаарзхи ниб̣б̣асанаани, бин̣д̣ааяа жа жараахи, аран̃н̃з жа вихараахий’’д̇и. бан̃жамам̣.
6. оваад̣̇асуд̇д̇ам̣
149. рааж̇аг̇ахз взл̣уванз. ат̇а ко ааяасмаа махаагассабо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ махаагассабам̣ бхаг̇аваа зд̇ад̣̇авожа – ‘‘овад̣̇а, гассаба, бхигкуу; гарохи, гассаба, бхигкуунам̣ д̇хаммим̣ гат̇ам̣. ахам̣ ваа, гассаба , бхигкуу овад̣̇зяяам̣ д̇вам̣ ваа; ахам̣ ваа бхигкуунам̣ д̇хаммим̣ гат̇ам̣ гарзяяам̣ д̇вам̣ ваа’’д̇и.
‘‘д̣̇уб̣б̣ажаа ко, бханд̇з, зд̇арахи бхигкуу, д̣̇оважассагаран̣зхи д̇хаммзхи саманнааг̇ад̇аа, агкамаа, аббад̣̇агкин̣аг̇г̇аахино анусаасаним̣. ид̇хаахам̣, бханд̇з, ад̣̇д̣̇асам̣ бхан̣д̣ан̃жа бхан̣д̣ун̃жа (сий.) наама бхигкум̣ аананд̣̇асса сад̣̇д̇хивихаарим̣ абхиж̇иган̃жа аабхин̃ж̇иган̃жа (сий. га.), аабхиж̇ж̇иган̃жа (сяаа. гам̣.) наама бхигкум̣ ануруд̣̇д̇хасса сад̣̇д̇хивихаарим̣ ан̃н̃аман̃н̃ам̣ суд̇зна ажжаавад̣̇анд̇з – ‘зхи, бхигку, го б̣ахуд̇арам̣ бхаасиссад̇и, го сунд̣̇арад̇арам̣ бхаасиссад̇и, го жирад̇арам̣ бхаасиссад̇ий’’’д̇и.
ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣, бхигку, мама важанзна бхан̣д̣ан̃жа бхигкум̣ аананд̣̇асса сад̣̇д̇хивихаарим̣ абхиж̇иган̃жа бхигкум̣ ануруд̣̇д̇хасса сад̣̇д̇хивихаарим̣ ааманд̇зхи – ‘сад̇т̇аа ааяасманд̇з ааманд̇зд̇ий’’’д̇и. ‘‘звам̣, бханд̇з’’д̇и ко со бхигку бхаг̇авад̇о бадиссуд̇ваа язна д̇з бхигкуу д̇знубасан̇гами; убасан̇гамид̇ваа д̇з бхигкуу зд̇ад̣̇авожа – ‘‘сад̇т̇аа ааяасманд̇з ааманд̇зд̇ий’’д̇и.
‘‘звамаавусо’’д̇и ко д̇з бхигкуу д̇асса бхигкуно бадиссуд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з бхигкуу бхаг̇аваа зд̇ад̣̇авожа – ‘‘сажжам̣ гира д̇умхз, бхигкавз, ан̃н̃аман̃н̃ам̣ суд̇зна ажжаавад̣̇ат̇а – ‘зхи, бхигку, го б̣ахуд̇арам̣ бхаасиссад̇и, го сунд̣̇арад̇арам̣ бхаасиссад̇и, го жирад̇арам̣ бхаасиссад̇ий’’’д̇и? ‘‘звам̣, бханд̇з’’. ‘‘гим̣ ну ко мз д̇умхз, бхигкавз, звам̣ д̇хаммам̣ д̣̇зсид̇ам̣ ааж̇аанаат̇а – ‘зт̇а д̇умхз, бхигкавз, ан̃н̃аман̃н̃ам̣ суд̇зна ажжаавад̣̇ат̇а – зхи, бхигку, го б̣ахуд̇арам̣ бхаасиссад̇и, го сунд̣̇арад̇арам̣ бхаасиссад̇и, го жирад̇арам̣ бхаасиссад̇ий’’’д̇и? ‘‘но хзд̇ам̣, бханд̇з’’. ‘‘но жз гира мз д̇умхз, бхигкавз, звам̣ д̇хаммам̣ д̣̇зсид̇ам̣ ааж̇аанаат̇а, ат̇а гим̣ жарахи д̇умхз, могхабурисаа, гим̣ ж̇аананд̇аа гим̣ бассанд̇аа звам̣ сваагкаад̇з д̇хаммавинаяз баб̣б̣аж̇ид̇аа самаанаа ан̃н̃аман̃н̃ам̣ суд̇зна ажжаавад̣̇ат̇а – ‘зхи, бхигку, го б̣ахуд̇арам̣ бхаасиссад̇и, го сунд̣̇арад̇арам̣ бхаасиссад̇и, го жирад̇арам̣ бхаасиссад̇ий’’’д̇и.
ат̇а ко д̇з бхигкуу бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожум̣ – ‘‘ажжаяо но, бханд̇з, ажжаг̇амаа, яат̇ааб̣аалз яат̇аамуул̣хз яат̇ааагусалз яат̇аа б̣аалз яат̇аа муул̣хз яат̇аа агусалз (бий.), яат̇ааб̣аалам̣ яат̇аамуул̣хам̣ яат̇ааагусалам̣ (?), яз маяам̣ звам̣ сваагкаад̇з д̇хаммавинаяз баб̣б̣аж̇ид̇аа самаанаа ан̃н̃аман̃н̃ам̣ суд̇зна ажжаавад̣̇имха – ‘зхи, бхигку, го б̣ахуд̇арам̣ бхаасиссад̇и , го сунд̣̇арад̇арам̣ бхаасиссад̇и, го жирад̇арам̣ бхаасиссад̇ий’д̇и. д̇зсам̣ но, бханд̇з, бхаг̇аваа ажжаяам̣ ажжаяад̇о бадиг̇г̇ан̣хаад̇у ааяад̇им̣ сам̣варааяаа’’д̇и.
‘‘д̇аг̇гха д̇умхз, бхигкавз, ажжаяо ажжаг̇амаа яат̇ааб̣аалз яат̇аамуул̣хз яат̇ааагусалз, яз д̇умхз звам̣ сваагкаад̇з д̇хаммавинаяз баб̣б̣аж̇ид̇аа самаанаа ан̃н̃аман̃н̃ам̣ суд̇зна ажжаавад̣̇ид̇т̇а – ‘зхи, бхигку, го б̣ахуд̇арам̣ бхаасиссад̇и, го сунд̣̇арад̇арам̣ бхаасиссад̇и, го жирад̇арам̣ бхаасиссад̇ий’д̇и. яад̇о жа ко д̇умхз, бхигкавз, ажжаяам̣ ажжаяад̇о д̣̇исваа яат̇аад̇хаммам̣ бадигарот̇а, д̇ам̣ во маяам̣ маяам̣ ажжаяам̣ (сий.) бадиг̇г̇ан̣хаама. вуд̣̇д̇хи хзсаа, бхигкавз, арияасса винаяз яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и ааяад̇ин̃жа сам̣варам̣ аабаж̇ж̇ад̇ий’’д̇и. чадтам̣.
7. д̣̇уд̇ияаоваад̣̇асуд̇д̇ам̣
150. рааж̇аг̇ахз вихарад̇и взл̣уванз саавад̇т̇и, д̇ад̇ра-зд̇ад̣̇авожа (сий.). ат̇а ко ааяасмаа махаагассабо язна бхаг̇аваа д̇знубасан̇гами…бз… згаманд̇ам̣ нисиннам̣ ко ааяасманд̇ам̣ махаагассабам̣ бхаг̇аваа зд̇ад̣̇авожа – ‘‘овад̣̇а, гассаба, бхигкуу; гарохи, гассаба, бхигкуунам̣ д̇хаммим̣ гат̇ам̣. ахам̣ ваа, гассаба , бхигкуу овад̣̇зяяам̣ д̇вам̣ ваа; ахам̣ ваа бхигкуунам̣ д̇хаммим̣ гат̇ам̣ гарзяяам̣ д̇вам̣ ваа’’д̇и.
‘‘д̣̇уб̣б̣ажаа ко, бханд̇з, зд̇арахи бхигкуу, д̣̇оважассагаран̣зхи д̇хаммзхи саманнааг̇ад̇аа агкамаа аббад̣̇агкин̣аг̇г̇аахино анусаасаним̣. яасса гассажи, бханд̇з, сад̣̇д̇хаа над̇т̇и гусалзсу д̇хаммзсу, хирий хири (саб̣б̣ад̇т̇а) над̇т̇и гусалзсу д̇хаммзсу, од̇д̇аббам̣ над̇т̇и гусалзсу д̇хаммзсу, вийрияам̣ над̇т̇и гусалзсу д̇хаммзсу, бан̃н̃аа над̇т̇и гусалзсу д̇хаммзсу, д̇асса яаа рад̇д̇и ваа д̣̇ивасо ваа ааг̇ажчад̇и ааг̇ажчанд̇и (сий.), хааниязва баадиган̇каа гусалзсу д̇хаммзсу, но вуд̣̇д̇хи.
‘‘сзяяат̇ааби, бханд̇з, гаал̣абагкз жанд̣̇асса яаа рад̇д̇и ваа д̣̇ивасо ваа ааг̇ажчад̇и, хааяад̇зва ван̣н̣зна, хааяад̇и ман̣д̣алзна, хааяад̇и аабхааяа, хааяад̇и аарохабарин̣аахзна. звамзва ко, бханд̇з, яасса гассажи сад̣̇д̇хаа над̇т̇и гусалзсу д̇хаммзсу…бз… хирий над̇т̇и… од̇д̇аббам̣ над̇т̇и … вийрияам̣ над̇т̇и… бан̃н̃аа над̇т̇и… гусалзсу д̇хаммзсу д̇асса яаа рад̇д̇и ваа д̣̇ивасо ваа ааг̇ажчад̇и, хааниязва баадиган̇каа гусалзсу д̇хаммзсу, но вуд̣̇д̇хи.
‘‘‘ассад̣̇д̇хо бурисабуг̇г̇ало’д̇и, бханд̇з, барихаанамзд̇ам̣; ‘ахириго бурисабуг̇г̇ало’д̇и, бханд̇з, барихаанамзд̇ам̣; ‘анод̇д̇аббий бурисабуг̇г̇ало’д̇и, бханд̇з, барихаанамзд̇ам̣; ‘гусийд̇о бурисабуг̇г̇ало’д̇и, бханд̇з, барихаанамзд̇ам̣; ‘д̣̇уббан̃н̃о бурисабуг̇г̇ало’д̇и, бханд̇з, барихаанамзд̇ам̣; ‘год̇хано бурисабуг̇г̇ало’д̇и, бханд̇з, барихаанамзд̇ам̣; ‘убанаахий бурисабуг̇г̇ало’д̇и, бханд̇з, барихаанамзд̇ам̣; ‘на санд̇и бхигкуу оваад̣̇агаа’д̇и, бханд̇з, барихаанамзд̇ам̣.
‘‘яасса гассажи, бханд̇з, сад̣̇д̇хаа ад̇т̇и гусалзсу д̇хаммзсу, хирий ад̇т̇и гусалзсу д̇хаммзсу, од̇д̇аббам̣ ад̇т̇и гусалзсу д̇хаммзсу, вийрияам̣ ад̇т̇и гусалзсу д̇хаммзсу, бан̃н̃аа ад̇т̇и гусалзсу д̇хаммзсу, д̇асса яаа рад̇д̇и ваа д̣̇ивасо ваа ааг̇ажчад̇и, вуд̣̇д̇хиязва баадиган̇каа гусалзсу д̇хаммзсу, но барихаани.
‘‘сзяяат̇ааби, бханд̇з, ж̇ун̣хабагкз жанд̣̇асса яаа рад̇д̇и ваа д̣̇ивасо ваа ааг̇ажчад̇и, вад̣дхад̇зва ван̣н̣зна, вад̣дхад̇и ман̣д̣алзна , вад̣дхад̇и аабхааяа, вад̣дхад̇и аарохабарин̣аахзна. звамзва ко, бханд̇з, яасса гассажи сад̣̇д̇хаа ад̇т̇и гусалзсу д̇хаммзсу… хирий ад̇т̇и…бз… од̇д̇аббам̣ ад̇т̇и… вийрияам̣ ад̇т̇и… бан̃н̃аа ад̇т̇и гусалзсу д̇хаммзсу д̇асса яаа рад̇д̇и ваа д̣̇ивасо ваа ааг̇ажчад̇и, вуд̣̇д̇хиязва баадиган̇каа гусалзсу д̇хаммзсу, но барихаани.
‘‘‘сад̣̇д̇хо бурисабуг̇г̇ало’д̇и, бханд̇з, абарихаанамзд̇ам̣; ‘хиримаа бурисабуг̇г̇ало’д̇и, бханд̇з, абарихаанамзд̇ам̣; ‘од̇д̇аббий бурисабуг̇г̇ало’д̇и, бханд̇з, абарихаанамзд̇ам̣; ‘аарад̣̇д̇хавийрияо бурисабуг̇г̇ало’д̇и, бханд̇з, абарихаанамзд̇ам̣; ‘бан̃н̃аваа бурисабуг̇г̇ало’д̇и, бханд̇з, абарихаанамзд̇ам̣; ‘аггод̇хано бурисабуг̇г̇ало’д̇и, бханд̇з, абарихаанамзд̇ам̣; ‘анубанаахий бурисабуг̇г̇ало’д̇и, бханд̇з, абарихаанамзд̇ам̣; ‘санд̇и бхигкуу оваад̣̇агаа’д̇и, бханд̇з, абарихаанамзд̇а’’нд̇и.
‘‘саад̇ху саад̇ху, гассаба. яасса гассажи, гассаба, сад̣̇д̇хаа над̇т̇и гусалзсу д̇хаммзсу…бз… хирий над̇т̇и… од̇д̇аббам̣ над̇т̇и… вийрияам̣ над̇т̇и… бан̃н̃аа над̇т̇и гусалзсу д̇хаммзсу д̇асса яаа рад̇д̇и ваа д̣̇ивасо ваа ааг̇ажчад̇и, хааниязва баадиган̇каа гусалзсу д̇хаммзсу, но вуд̣̇д̇хи.
‘‘сзяяат̇ааби, гассаба, гаал̣абагкз жанд̣̇асса яаа рад̇д̇и ваа д̣̇ивасо ваа ааг̇ажчад̇и, хааяад̇зва ван̣н̣зна…бз… хааяад̇и аарохабарин̣аахзна. звамзва ко, гассаба, яасса гассажи сад̣̇д̇хаа над̇т̇и гусалзсу д̇хаммзсу…бз… хирий над̇т̇и… од̇д̇аббам̣ над̇т̇и… вийрияам̣ над̇т̇и… бан̃н̃аа над̇т̇и гусалзсу д̇хаммзсу д̇асса яаа рад̇д̇и ваа д̣̇ивасо ваа ааг̇ажчад̇и, хааниязва баадиган̇каа гусалзсу д̇хаммзсу, но вуд̣̇д̇хи. ‘ассад̣̇д̇хо бурисабуг̇г̇ало’д̇и, гассаба, барихаанамзд̇ам̣ ; ахириго…бз… анод̇д̇аббий… гусийд̇о… д̣̇уббан̃н̃о… год̇хано… ‘убанаахий бурисабуг̇г̇ало’д̇и, гассаба, барихаанамзд̇ам̣; ‘на санд̇и бхигкуу оваад̣̇агаа’д̇и, гассаба, барихаанамзд̇ам̣.
‘‘яасса гассажи, гассаба, сад̣̇д̇хаа ад̇т̇и гусалзсу д̇хаммзсу…бз… хирий ад̇т̇и… од̇д̇аббам̣ ад̇т̇и… вийрияам̣ ад̇т̇и… бан̃н̃аа ад̇т̇и гусалзсу д̇хаммзсу д̇асса яаа рад̇д̇и ваа д̣̇ивасо ваа ааг̇ажчад̇и, вуд̣̇д̇хиязва баадиган̇каа гусалзсу д̇хаммзсу, но барихаани.
‘‘сзяяат̇ааби, гассаба, ж̇ун̣хабагкз жанд̣̇асса яаа рад̇д̇и ваа д̣̇ивасо ваа ааг̇ажчад̇и, вад̣дхад̇зва ван̣н̣зна, вад̣дхад̇и ман̣д̣алзна, вад̣дхад̇и аабхааяа, вад̣дхад̇и аарохабарин̣аахзна. звамзва ко, гассаба, яасса гассажи сад̣̇д̇хаа ад̇т̇и гусалзсу д̇хаммзсу хирий ад̇т̇и… од̇д̇аббам̣ ад̇т̇и… вийрияам̣ ад̇т̇и… бан̃н̃аа ад̇т̇и гусалзсу д̇хаммзсу д̇асса яаа рад̇д̇и ваа д̣̇ивасо ваа ааг̇ажчад̇и, вуд̣̇д̇хиязва баадиган̇каа гусалзсу д̇хаммзсу, но барихаани.
‘‘‘сад̣̇д̇хо бурисабуг̇г̇ало’д̇и, гассаба, абарихаанамзд̇ам̣; хиримаа…бз… од̇д̇аббий… аарад̣̇д̇хавийрияо… бан̃н̃аваа… аггод̇хано… ‘анубанаахий бурисабуг̇г̇ало’д̇и, гассаба, абарихаанамзд̇ам̣; ‘санд̇и бхигкуу оваад̣̇агаа’д̇и, гассаба, абарихаанамзд̇а’’нд̇и. сад̇д̇амам̣.
8. д̇ад̇ияаоваад̣̇асуд̇д̇ам̣
151. рааж̇аг̇ахз галанд̣̇аганиваабз саавад̇т̇и, аараамз (сий.). ат̇а ко ааяасмаа махаагассабо язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ махаагассабам̣ бхаг̇аваа зд̇ад̣̇авожа – ‘‘овад̣̇а, гассаба, бхигкуу; гарохи, гассаба, бхигкуунам̣ д̇хаммим̣ гат̇ам̣. ахам̣ ваа, гассаба, бхигкуунам̣ овад̣̇зяяам̣ д̇вам̣ ваа; ахам̣ ваа бхигкуунам̣ д̇хаммим̣ гат̇ам̣ гарзяяам̣ д̇вам̣ ваа’’д̇и.
‘‘д̣̇уб̣б̣ажаа ко, бханд̇з, зд̇арахи бхигкуу, д̣̇оважассагаран̣зхи д̇хаммзхи саманнааг̇ад̇аа, агкамаа, аббад̣̇агкин̣аг̇г̇аахино анусаасаний’’нд̇и. ‘‘д̇ат̇аа хи бана, гассаба, буб̣б̣з т̇зраа бхигкуу ааран̃н̃игаа жзва ахзсум̣ ааран̃н̃игад̇д̇асса жа ван̣н̣аваад̣̇ино, бин̣д̣абаад̇игаа жзва ахзсум̣ бин̣д̣абаад̇игад̇д̇асса жа ван̣н̣аваад̣̇ино , бам̣сугуулигаа жзва ахзсум̣ бам̣сугуулигад̇д̇асса жа ван̣н̣аваад̣̇ино, д̇зжийваригаа жзва ахзсум̣ д̇зжийваригад̇д̇асса жа ван̣н̣аваад̣̇ино, аббижчаа жзва ахзсум̣ аббижчад̇ааяа жа ван̣н̣аваад̣̇ино, санд̇удтаа жзва ахзсум̣ санд̇удтияаа жа ван̣н̣аваад̣̇ино, бавивид̇д̇аа жзва ахзсум̣ бавивзгасса жа ван̣н̣аваад̣̇ино, асам̣садтаа жзва ахзсум̣ асам̣саг̇г̇асса жа ван̣н̣аваад̣̇ино, аарад̣̇д̇хавийрияаа жзва ахзсум̣ вийрияаарамбхасса жа ван̣н̣аваад̣̇ино.
‘‘д̇ад̇ра яо ход̇и бхигку ааран̃н̃иго жзва ааран̃н̃игад̇д̇асса жа ван̣н̣аваад̣̇ий, бин̣д̣абаад̇иго жзва бин̣д̣абаад̇игад̇д̇асса жа ван̣н̣аваад̣̇ий, бам̣сугуулиго жзва бам̣сугуулигад̇д̇асса жа ван̣н̣аваад̣̇ий, д̇зжийвариго жзва д̇зжийваригад̇д̇асса жа ван̣н̣аваад̣̇ий, аббижчо жзва аббижчад̇ааяа жа ван̣н̣аваад̣̇ий, санд̇удто жзва санд̇удтияаа жа ван̣н̣аваад̣̇ий, бавивид̇д̇о жзва бавивзгасса жа ван̣н̣аваад̣̇ий, асам̣садто жзва асам̣саг̇г̇асса жа ван̣н̣аваад̣̇ий, аарад̣̇д̇хавийрияо жзва вийрияаарамбхасса жа ван̣н̣аваад̣̇ий, д̇ам̣ т̇зраа бхигкуу аасанзна ниманд̇знд̇и – ‘зхи, бхигку, го наамааяам̣ бхигку, бхад̣̇д̣̇аго вад̇ааяам̣ бхигку, сигкаагаамо вад̇ааяам̣ бхигку; зхи, бхигку, ид̣̇ам̣ аасанам̣ нисийд̣̇аахий’’’д̇и.
‘‘д̇ад̇ра, гассаба, наваанам̣ бхигкуунам̣ звам̣ ход̇и – ‘яо гира со ход̇и бхигку ааран̃н̃иго жзва ааран̃н̃игад̇д̇асса жа ван̣н̣аваад̣̇ий, бин̣д̣абаад̇иго жзва…бз… бам̣сугуулиго жзва… д̇зжийвариго жзва… аббижчо жзва… санд̇удто жзва… бавивид̇д̇о жзва… асам̣садто жзва… аарад̣̇д̇хавийрияо жзва вийрияаарамбхасса жа ван̣н̣аваад̣̇ий, д̇ам̣ т̇зраа бхигкуу аасанзна ниманд̇знд̇и – зхи, бхигку, го наамааяам̣ бхигку, бхад̣̇д̣̇аго вад̇ааяам̣ бхигку, сигкаагаамо вад̇ааяам̣ бхигку; зхи, бхигку, ид̣̇ам̣ аасанам̣ нисийд̣̇аахий’д̇и. д̇з д̇ат̇ад̇д̇ааяа бадибаж̇ж̇анд̇и; д̇зсам̣ д̇ам̣ ход̇и д̣̇ийгхарад̇д̇ам̣ хид̇ааяа сукааяа.
‘‘зд̇арахи бана, гассаба, т̇зраа бхигкуу на жзва ааран̃н̃игаа на жа ааран̃н̃игад̇д̇асса ван̣н̣аваад̣̇ино, на жзва бин̣д̣абаад̇игаа на жа бин̣д̣абаад̇игад̇д̇асса ван̣н̣аваад̣̇ино, на жзва бам̣сугуулигаа на жа бам̣сугуулигад̇д̇асса ван̣н̣аваад̣̇ино, на жзва д̇зжийваригаа на жа д̇зжийваригад̇д̇асса ван̣н̣аваад̣̇ино, на жзва аббижчаа на жа аббижчад̇ааяа ван̣н̣аваад̣̇ино, на жзва санд̇удтаа на жа санд̇удтияаа ван̣н̣аваад̣̇ино, на жзва бавивид̇д̇аа на жа бавивзгасса ван̣н̣аваад̣̇ино, на жзва асам̣садтаа на жа асам̣саг̇г̇асса ван̣н̣аваад̣̇ино , на жзва аарад̣̇д̇хавийрияаа на жа вийрияаарамбхасса ван̣н̣аваад̣̇ино.
‘‘д̇ад̇ра яо ход̇и бхигку н̃аад̇о яасассий лаабхий жийвара-бин̣д̣абаад̇а-сзнаасанаг̇илаанаббажжаяабхзсаж̇ж̇абаригкаараанам̣ д̇ам̣ т̇зраа бхигкуу аасанзна ниманд̇знд̇и – ‘зхи, бхигку, го наамааяам̣ бхигку, бхад̣̇д̣̇аго вад̇ааяам̣ бхигку, саб̣рахмажааригаамо вад̇ааяам̣ бхигку; зхи, бхигку, ид̣̇ам̣ аасанам̣ нисийд̣̇аахий’’’д̇и.
‘‘д̇ад̇ра, гассаба, наваанам̣ бхигкуунам̣ звам̣ ход̇и – ‘яо гира со ход̇и бхигку н̃аад̇о яасассий лаабхий жийвара-бин̣д̣абаад̇а-сзнаасана-г̇илаанаббажжаяабхзсаж̇ж̇абаригкаараанам̣ д̇ам̣ т̇зраа бхигкуу аасанзна ниманд̇знд̇и – зхи, бхигку, го наамааяам̣ бхигку, бхад̣̇д̣̇аго вад̇ааяам̣ бхигку, саб̣рахмажааригаамо вад̇ааяам̣ бхигку; зхи, бхигку, ид̣̇ам̣ аасанам̣ нисийд̣̇аахий’д̇и. д̇з д̇ат̇ад̇д̇ааяа бадибаж̇ж̇анд̇и. д̇зсам̣ д̇ам̣ ход̇и д̣̇ийгхарад̇д̇ам̣ ахид̇ааяа д̣̇угкааяа. яан̃хи д̇ам̣, гассаба, саммаа вад̣̇амаано вад̣̇зяяа – ‘убад̣̇д̣̇уд̇аа б̣рахмажаарий б̣рахмажааруубад̣̇д̣̇авзна абхибад̇т̇анаа абхибхаванаа (сий.) б̣рахмажаарий б̣рахмажаариабхибад̇т̇анзнаа’д̇и б̣рахмажаариабхибхаванзнаад̇и (сий.), зд̇арахи д̇ам̣, гассаба, саммаа вад̣̇амаано вад̣̇зяяа – ‘убад̣̇д̣̇уд̇аа б̣рахмажаарий б̣рахмажааруубад̣̇д̣̇авзна абхибад̇т̇анаа б̣рахмажаарий б̣рахмажаариабхибад̇т̇анзнаа’’’д̇и. адтамам̣.
9. жхаанаабхин̃н̃асуд̇д̇ам̣
152. саавад̇т̇ияам̣ вихарад̇и…бз… ‘‘ахам̣, бхигкавз, яаавад̣̇зва ааган̇каами вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами. гассабоби , бхигкавз, яаавад̣̇зва ааган̇кад̇и вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и’’.
‘‘ахам̣ , бхигкавз, яаавад̣̇зва ааган̇каами вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихараами. гассабоби, бхигкавз, яаавад̣̇зва ааган̇кад̇и вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и.
‘‘ахам̣, бхигкавз, яаавад̣̇зва ааган̇каами бийд̇ияаа жа вирааг̇аа убзгкаго жа вихараами сад̇о жа самбаж̇аано сукан̃жа гааязна бадисам̣взд̣̇зми, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихараами. гассабоби, бхигкавз, яаавад̣̇зва ааган̇кад̇и бийд̇ияаа жа вирааг̇аа убзгкаго жа вихарад̇и сад̇о жа самбаж̇аано, сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и.
‘‘ахам̣, бхигкавз, яаавад̣̇зва ааган̇каами сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихараами. гассабоби, бхигкавз, яаавад̣̇зва ааган̇кад̇и сукасса жа бахаанаа …бз… жад̇уд̇т̇ам̣ жхаанам̣ убасамбаж̇ж̇а вихарад̇и.
‘‘ахам̣, бхигкавз, яаавад̣̇зва ааган̇каами саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ананд̇о аагаасод̇и аагаасаанан̃жааяад̇анам̣ убасамбаж̇ж̇а вихараами. гассабоби , бхигкавз, яаавад̣̇зва ааган̇кад̇и саб̣б̣асо руубасан̃н̃аанам̣ самад̇иггамаа…бз… аагаасаанан̃жааяад̇анам̣ убасамбаж̇ж̇а вихарад̇и.
‘‘ахам̣, бхигкавз, яаавад̣̇зва ааган̇каами саб̣б̣асо аагаасаанан̃жааяад̇анам̣ самад̇иггамма ананд̇ам̣ вин̃н̃аан̣анд̇и вин̃н̃аан̣ан̃жааяад̇анам̣ убасамбаж̇ж̇а вихараами. гассабоби , бхигкавз, яаавад̣̇зва ааган̇кад̇и саб̣б̣асо аагаасаанан̃жааяад̇анам̣ самад̇иггамма ананд̇ам̣ вин̃н̃аан̣анд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и.
‘‘ахам̣, бхигкавз, яаавад̣̇зва ааган̇каами саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихараами. гассабоби, бхигкавз, яаавад̣̇зва ааган̇кад̇и…бз… аагин̃жан̃н̃ааяад̇анам̣ убасамбаж̇ж̇а вихарад̇и.
‘‘ахам̣, бхигкавз, яаавад̣̇зва ааган̇каами саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихараами. гассабоби, бхигкавз, яаавад̣̇зва ааган̇кад̇и…бз… нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и.
‘‘ахам̣, бхигкавз, яаавад̣̇зва ааган̇каами саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихараами. гассабоби, бхигкавз…бз… сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и.
‘‘ахам̣ , бхигкавз, яаавад̣̇зва ааган̇каами анзгавихид̇ам̣ ид̣̇д̇хивид̇хам̣ бажжанубхоми – згоби худ̇ваа б̣ахуд̇хаа хоми, б̣ахуд̇хааби худ̇ваа зго хоми; аавибхаавам̣, д̇иробхаавам̣, д̇ирогуддам̣, д̇иробаагаарам̣, д̇иробаб̣б̣ад̇ам̣, асаж̇ж̇амаано г̇ажчаами, сзяяат̇ааби аагаасз; бат̇авияааби уммуж̇ж̇анимуж̇ж̇ам̣ гароми, сзяяат̇ааби уд̣̇агз; уд̣̇агзби абхиж̇ж̇амаанз г̇ажчаами, сзяяат̇ааби бат̇авияам̣; аагаасзби баллан̇гзна гамаами, сзяяат̇ааби багкий сагун̣о; имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа баримасаами баримаж̇ж̇аами; яаава б̣рахмалогааби гааязна васам̣ вад̇д̇зми. гассабоби, бхигкавз, яаавад̣̇зва ааган̇кад̇и анзгавихид̇ам̣ ид̣̇д̇хивид̇хам̣ бажжанубход̇и…бз… яаава б̣рахмалогааби гааязна васам̣ вад̇д̇зд̇и.
‘‘ахам̣, бхигкавз, яаавад̣̇зва ааган̇каами д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣аами, д̣̇иб̣б̣з жа маанусз жа, яз д̣̇уурз санд̇игз жа. гассабоби, бхигкавз, яаавад̣̇зва ааган̇кад̇и д̣̇иб̣б̣ааяа сод̇ад̇хаад̇уяаа…бз… д̣̇уурз санд̇игз жа.
‘‘ахам̣ , бхигкавз, яаавад̣̇зва ааган̇каами барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанаами – сарааг̇ам̣ ваа жид̇д̇ам̣ сарааг̇ам̣ жид̇д̇анд̇и баж̇аанаами, вийд̇арааг̇ам̣ ваа жид̇д̇ам̣ вийд̇арааг̇ам̣ жид̇д̇анд̇и баж̇аанаами, сад̣̇осам̣ ваа жид̇д̇ам̣…бз… вийд̇ад̣̇осам̣ ваа жид̇д̇ам̣… самохам̣ ваа жид̇д̇ам̣… вийд̇амохам̣ ваа жид̇д̇ам̣… сам̣кид̇д̇ам̣ ваа жид̇д̇ам̣… вигкид̇д̇ам̣ ваа жид̇д̇ам̣… махаг̇г̇ад̇ам̣ ваа жид̇д̇ам̣… амахаг̇г̇ад̇ам̣ ваа жид̇д̇ам̣… сауд̇д̇арам̣ ваа жид̇д̇ам̣… ануд̇д̇арам̣ ваа жид̇д̇ам̣… самаахид̇ам̣ ваа жид̇д̇ам̣… асамаахид̇ам̣ ваа жид̇д̇ам̣… вимуд̇д̇ам̣ ваа жид̇д̇ам̣… авимуд̇д̇ам̣ ваа жид̇д̇ам̣ авимуд̇д̇ам̣ жид̇д̇анд̇и баж̇аанаами. гассабоби, бхигкавз, яаавад̣̇зва ааган̇кад̇и барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанаад̇и – сарааг̇ам̣ ваа жид̇д̇ам̣ сарааг̇ам̣ жид̇д̇анд̇и баж̇аанаад̇и…бз… авимуд̇д̇ам̣ ваа жид̇д̇ам̣ авимуд̇д̇ам̣ жид̇д̇анд̇и баж̇аанаад̇и.
‘‘ахам̣, бхигкавз, яаавад̣̇зва ааган̇каами анзгавихид̇ам̣ буб̣б̣зниваасам̣ ануссараами, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби, анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о , со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссараами. гассабоби, бхигкавз, яаавад̣̇зва ааган̇кад̇и анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и.
‘‘ахам̣, бхигкавз, яаавад̣̇зва ааган̇каами д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассаами жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаами – ‘имз вад̇а, бхонд̇о, сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа; д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа, имз ваа бана, бхонд̇о, сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа; д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассаами жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаами. гассабоби, бхигкавз, яаавад̣̇зва ааган̇кад̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз…бз… яат̇аагаммуубаг̇з сад̇д̇з баж̇аанаад̇и.
‘‘ахам̣, бхигкавз, аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихараами. гассабоби, бхигкавз, аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и. навамам̣.
10. убассаяасуд̇д̇ам̣
153. звам̣ мз суд̇ам̣ – згам̣ самаяам̣ ааяасмаа махаагассабо саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа аананд̣̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язнааяасмаа махаагассабо д̇знубасан̇гами; убасан̇гамид̇ваа ааяасманд̇ам̣ махаагассабам̣ зд̇ад̣̇авожа – ‘‘ааяаама, бханд̇з гассаба, язна ан̃н̃ад̇аро бхигкунубассаяо д̇знубасан̇гамиссаамаа’’д̇и. ‘‘г̇ажча д̇вам̣, аавусо аананд̣̇а, б̣ахугижжо д̇вам̣ б̣ахугаран̣ийяо’’д̇и. д̣̇уд̇ияамби ко ааяасмаа аананд̣̇о ааяасманд̇ам̣ махаагассабам̣ зд̇ад̣̇авожа – ‘‘ааяаама, бханд̇з гассаба, язна ан̃н̃ад̇аро бхигкунубассаяо д̇знубасан̇гамиссаамаа’’д̇и. ‘‘г̇ажча д̇вам̣, аавусо аананд̣̇а, б̣ахугижжо д̇вам̣ б̣ахугаран̣ийяо’’д̇и. д̇ад̇ияамби ко ааяасмаа аананд̣̇о ааяасманд̇ам̣ махаагассабам̣ зд̇ад̣̇авожа – ‘‘ааяаама, бханд̇з гассаба, язна ан̃н̃ад̇аро бхигкунубассаяо д̇знубасан̇гамиссаамаа’’д̇и.
ат̇а ко ааяасмаа махаагассабо буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа ааяасмад̇аа аананд̣̇зна бажчаасаман̣зна язна ан̃н̃ад̇аро бхигкунубассаяо д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко самб̣ахулаа бхигкунияо язнааяасмаа махаагассабо д̇знубасан̇гамим̣су; убасан̇гамид̇ваа ааяасманд̇ам̣ махаагассабам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇аа бхигкунияо ааяасмаа махаагассабо д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко ааяасмаа махаагассабо д̇аа бхигкунияо д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами.
ат̇а ко т̇уллад̇иссаа бхигкуний анад̇д̇аманаа анад̇д̇аманаваажам̣ нижчаарзси – ‘‘гим̣ бана аяяо махаагассабо, аяяасса аананд̣̇асса взд̣̇зхамунино саммукаа д̇хаммам̣ бхаасид̇аб̣б̣ам̣ ман̃н̃ад̇и? сзяяат̇ааби наама сууживаан̣иж̇аго суужигаарасса санд̇игз суужим̣ виггзд̇аб̣б̣ам̣ ман̃н̃зяяа; звамзва аяяо махаагассабо аяяасса аананд̣̇асса взд̣̇зхамунино саммукаа д̇хаммам̣ бхаасид̇аб̣б̣ам̣ ман̃н̃ад̇ий’’д̇и.
ассоси ко ааяасмаа махаагассабо т̇уллад̇иссааяа бхигкунияаа имам̣ ваажам̣ бхаасамаанааяа. ат̇а ко ааяасмаа махаагассабо ааяасманд̇ам̣ аананд̣̇ам̣ зд̇ад̣̇авожа – ‘‘гим̣ ну ко, аавусо аананд̣̇а, ахам̣ сууживаан̣иж̇аго, д̇вам̣ суужигааро; уд̣̇ааху ахам̣ суужигааро, д̇вам̣ сууживаан̣иж̇аго’’д̇и? ‘‘кама , бханд̇з гассаба, б̣аало маад̇уг̇аамо’’д̇и. ‘‘ааг̇амзхи д̇вам̣, аавусо аананд̣̇а, маа д̇з сан̇гхо уд̇д̇ари убабаригки’’.
‘‘д̇ам̣ гим̣ ман̃н̃аси, аавусо аананд̣̇а, аби ну д̇вам̣ бхаг̇авад̇о саммукаа бхигкусан̇гхз убанийд̇о – ‘ахам̣, бхигкавз, яаавад̣̇зва ааган̇каами вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами. аананд̣̇оби, бхигкавз, яаавад̣̇зва ааган̇кад̇и вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇ий’’’д̇и? ‘‘но хзд̇ам̣, бханд̇з’’.
‘‘ахам̣ ко, аавусо, бхаг̇авад̇о саммукаа бхигкусан̇гхз убанийд̇о – ‘ахам̣, бхигкавз, яаавад̣̇зва ааган̇каами вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами. гассабоби, бхигкавз, яаавад̣̇зва ааган̇кад̇и вивижжзва гаамзхи вивижжа агусалзхи д̇хаммзхи…бз… батамам̣ жхаанам̣ убасамбаж̇ж̇а вихарад̇ий’д̇и…бз… . (наваннам̣ анубуб̣б̣авихаарасамаабад̇д̇ийнам̣ бан̃жаннан̃жа абхин̃н̃аанам̣ звам̣ вид̇т̇ааро взд̣̇ид̇аб̣б̣о.)
‘‘д̇ам̣ гим̣ ман̃н̃аси, аавусо аананд̣̇а, аби ну д̇вам̣ бхаг̇авад̇о саммукаа бхигкусан̇гхз убанийд̇о – ‘ахам̣, бхигкавз, аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихараами. аананд̣̇оби, бхигкавз, аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’’д̇и? ‘‘но хзд̇ам̣, бханд̇з’’.
‘‘ахам̣ ко, аавусо, бхаг̇авад̇о саммукаа бхигкусан̇гхз убанийд̇о – ‘ахам̣, бхигкавз, аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихараами. гассабоби, бхигкавз, аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’’д̇и.
‘‘сад̇д̇арад̇анам̣ ваа, аавусо, нааг̇ам̣ ад̣дхадтамарад̇анам̣ ваа д̇аалабад̇д̇игааяа чаад̣̇зд̇аб̣б̣ам̣ ман̃н̃зяяа, яо мз ча абхин̃н̃аа чаад̣̇зд̇аб̣б̣ам̣ ман̃н̃зяяаа’’д̇и.
жавид̇т̇а жа бана т̇уллад̇иссаа бхигкуний б̣рахмажарияамхаад̇и. д̣̇асамам̣.
11. жийварасуд̇д̇ам̣
154. згам̣ самаяам̣ ааяасмаа махаагассабо рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа аананд̣̇о д̣̇агкин̣аг̇ирисмим̣ жааригам̣ жарад̇и махад̇аа бхигкусан̇гхзна сад̣̇д̇хим̣.
д̇зна ко бана самаязна ааяасмад̇о аананд̣̇асса д̇им̣самад̇д̇аа сад̣̇д̇хивихаарино бхигкуу сигкам̣ бажжагкааяа хийнааяаавад̇д̇аа бхаванд̇и язбхуяязна гумаарабхууд̇аа. ат̇а ко ааяасмаа аананд̣̇о д̣̇агкин̣аг̇ирисмим̣ яат̇аабхиранд̇ам̣ жааригам̣ жарид̇ваа язна рааж̇аг̇ахам̣ взл̣уванам̣ галанд̣̇аганиваабо язнааяасмаа махаагассабо д̇знубасан̇гами; убасан̇гамид̇ваа ааяасманд̇ам̣ махаагассабам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ аананд̣̇ам̣ ааяасмаа махаагассабо зд̇ад̣̇авожа – ‘‘гад̇и ну ко, аавусо аананд̣̇а, ад̇т̇авасз бадижжа бхаг̇авад̇аа гулзсу д̇игабхож̇анам̣ бан̃н̃ад̇д̇а’’нд̇и?
‘‘д̇аяо ко, бханд̇з гассаба, ад̇т̇авасз бадижжа бхаг̇авад̇аа гулзсу д̇игабхож̇анам̣ бан̃н̃ад̇д̇ам̣ – д̣̇умман̇гуунам̣ буг̇г̇алаанам̣ ниг̇г̇ахааяа бзсалаанам̣ бхигкуунам̣ паасувихаарааяа, маа баабижчаа багкам̣ ниссааяа сан̇гхам̣ бхинд̣̇зяяум̣ винаяабидагз жуул̣аваг̇г̇з сам̣гхабхзд̣̇агагканд̇хагз важ̇ираб̣уд̣̇д̇хияам̣ ан̃н̃ат̇аа самб̣анд̇хо д̣̇ассид̇о, гулаануд̣̇д̣̇аяад̇ааяа жа. имз ко, бханд̇з гассаба, д̇аяо ад̇т̇авасз бадижжа бхаг̇авад̇аа гулзсу д̇игабхож̇анам̣ бан̃н̃ад̇д̇а’’нд̇и.
‘‘ат̇а гин̃жарахи д̇вам̣, аавусо аананд̣̇а, имзхи навзхи бхигкуухи инд̣̇риязсу аг̇уд̇д̇ад̣̇ваарзхи бхож̇анз амад̇д̇ан̃н̃уухи ж̇ааг̇арияам̣ анануяуд̇д̇зхи сад̣̇д̇хим̣ жааригам̣ жараси? сассагхаад̇ам̣ ман̃н̃з жараси, гулуубагхаад̇ам̣ ман̃н̃з жараси. олуж̇ж̇ад̇и уллуж̇ж̇ад̇и (сий. адтагат̇аасу жа) ко д̇з, аавусо аананд̣̇а, барисаа; балуж̇ж̇анд̇и ко д̇з, аавусо, наваббааяаа. на вааяам̣ гумаараго мад̇д̇аман̃н̃аасий’’д̇и.
‘‘аби мз, бханд̇з гассаба, сирасмим̣ балид̇аани ж̇аад̇аани. ат̇а жа бана маяам̣ аж̇ж̇ааби ааяасмад̇о махаагассабасса гумаарагаваад̣̇аа на мужжаамаа’’д̇и. ‘‘д̇ат̇аа хи бана д̇вам̣, аавусо аананд̣̇а, имзхи навзхи бхигкуухи инд̣̇риязсу аг̇уд̇д̇ад̣̇ваарзхи бхож̇анз амад̇д̇ан̃н̃уухи ж̇ааг̇арияам̣ анануяуд̇д̇зхи сад̣̇д̇хим̣ жааригам̣ жараси, сассагхаад̇ам̣ ман̃н̃з жараси, гулуубагхаад̇ам̣ ман̃н̃з жараси. олуж̇ж̇ад̇и ко д̇з, аавусо аананд̣̇а, барисаа; балуж̇ж̇анд̇и ко д̇з, аавусо, наваббааяаа. балуж̇ж̇ад̇и ко д̇з аавусо аананд̣̇а барисаа (га. сий.) на вааяам̣ гумаараго мад̇д̇аман̃н̃аасий’’д̇и.
ассоси ко т̇уллананд̣̇аа бхигкуний – ‘‘аяязна гира махаагассабзна аяяо аананд̣̇о взд̣̇зхамуни гумаарагаваад̣̇зна абасаад̣̇ид̇о’’д̇и.
ат̇а ко т̇уллананд̣̇аа бхигкуний анад̇д̇аманаа анад̇д̇аманаваажам̣ нижчаарзси – ‘‘гим̣ бана аяяо махаагассабо ан̃н̃ад̇ид̇т̇ияабуб̣б̣о самаано аяяам̣ аананд̣̇ам̣ взд̣̇зхамуним̣ гумаарагаваад̣̇зна абасаад̣̇зд̇аб̣б̣ам̣ ман̃н̃ад̇ий’’д̇и! ассоси ко ааяасмаа махаагассабо т̇уллананд̣̇ааяа бхигкунияаа имам̣ ваажам̣ бхаасамаанааяа.
ат̇а ко ааяасмаа махаагассабо ааяасманд̇ам̣ аананд̣̇ам̣ зд̇ад̣̇авожа – ‘‘д̇аг̇гхаавусо аананд̣̇а, т̇уллананд̣̇ааяа бхигкунияаа сахасаа аббадисан̇каа ваажаа бхаасид̇аа. яад̇ваахам̣, аавусо, гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о, наабхиж̇аанаами ан̃н̃ам̣ сад̇т̇аарам̣ уд̣̇д̣̇исид̇аа уд̣̇д̣̇исид̇ум̣ (сий. бий. га.), ан̃н̃ад̇ра д̇зна бхаг̇авад̇аа арахад̇аа саммаасамб̣уд̣̇д̇хзна. буб̣б̣з мз, аавусо, аг̇ааригабхууд̇асса сад̇о зд̇ад̣̇ахоси – ‘самб̣аад̇хо гхарааваасо раж̇аабат̇о раж̇обат̇о (сий.), аб̣бхогаасо баб̣б̣аж̇ж̇аа. наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со кваахам̣, аавусо, абарзна самаязна бадабилод̇игаанам̣ сан̇гхаадим̣ гаарзд̇ваа гарид̇ваа (сий. сяаа. гам̣. бий.) яз логз араханд̇о д̇з уд̣̇д̣̇исса гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇им̣.
со звам̣ баб̣б̣аж̇ид̇о самаано ад̣̇д̇хаанамаг̇г̇аббадибанно ад̣̇д̣̇асам̣ бхаг̇аванд̇ам̣ анд̇араа жа рааж̇аг̇ахам̣ анд̇араа жа наал̣анд̣̇ам̣ б̣ахубуд̇д̇з жзд̇ияз нисиннам̣. д̣̇исваана мз зд̇ад̣̇ахоси – ‘сад̇т̇ааран̃жа вад̇аахам̣ бассзяяам̣, бхаг̇аванд̇амзва бассзяяам̣; суг̇ад̇ан̃жа вад̇аахам̣ бассзяяам̣, бхаг̇аванд̇амзва бассзяяам̣; саммаасамб̣уд̣̇д̇хан̃жа вад̇аахам̣ бассзяяам̣; бхаг̇аванд̇амзва бассзяяа’нд̇и. со кваахам̣, аавусо, д̇ад̇т̇зва бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожам̣ – ‘сад̇т̇аа мз, бханд̇з, бхаг̇аваа, саавагохамасми; сад̇т̇аа мз, бханд̇з, бхаг̇аваа, саавагохамасмий’д̇и . звам̣ вуд̇д̇з мам̣, аавусо, бхаг̇аваа зд̇ад̣̇авожа – ‘яо ко, гассаба, звам̣ саб̣б̣ажзд̇асаа саманнааг̇ад̇ам̣ саавагам̣ аж̇аанан̃н̃зва вад̣̇зяяа ж̇аанаамийд̇и, абассан̃н̃зва вад̣̇зяяа бассаамийд̇и, муд̣̇д̇хааби д̇асса вибад̇зяяа. ахам̣ ко бана, гассаба, ж̇аанан̃н̃зва вад̣̇аами ж̇аанаамийд̇и, бассан̃н̃зва вад̣̇аами бассаамий’д̇и.
д̇асмаад̇иха д̇з, гассаба, звам̣ сигкид̇аб̣б̣ам̣ – ‘д̇иб̣б̣ам̣ мз хирод̇д̇аббам̣ бажжубадтид̇ам̣ бхависсад̇и т̇зрзсу навзсу маж̇жхимзсуу’д̇и. зван̃хи д̇з, гассаба, сигкид̇аб̣б̣ам̣.
д̇асмаад̇иха д̇з, гассаба, звам̣ сигкид̇аб̣б̣ам̣ – ‘яам̣ гин̃жи д̇хаммам̣ сун̣иссаами гусалуубасам̣хид̇ам̣ саб̣б̣ам̣ д̇ам̣ адтим̣ гад̇ваа манаси гарид̇ваа саб̣б̣ажзд̇асаа саманнаахарид̇ваа охид̇асод̇о д̇хаммам̣ сун̣иссаамий’д̇и. зван̃хи д̇з, гассаба, сигкид̇аб̣б̣ам̣.
д̇асмаад̇иха д̇з, гассаба, звам̣ сигкид̇аб̣б̣ам̣ – ‘саад̇асахаг̇ад̇аа жа мз гааяаг̇ад̇аасад̇и на виж̇ахиссад̇ий’д̇и. зван̃хи д̇з, гассаба, сигкид̇аб̣б̣анд̇и.
‘‘ат̇а ко мам̣, аавусо, бхаг̇аваа иминаа оваад̣̇зна овад̣̇ид̇ваа удтааяаасанаа баггаами. сад̇д̇аахамзва кваахам̣, аавусо, саран̣о саан̣о (сий.) радтабин̣д̣ам̣ бхун̃ж̇им̣’’. адтамияаа ан̃н̃аа уд̣̇абаад̣̇и.
‘‘ат̇а ко, аавусо, бхаг̇аваа маг̇г̇аа оггамма язна ан̃н̃ад̇арам̣ ругкамуулам̣ д̇знубасан̇гами. ат̇а кваахам̣, аавусо, бадабилод̇игаанам̣ сан̇гхаадим̣ жад̇уг̇г̇ун̣ам̣ бан̃н̃абзд̇ваа бхаг̇аванд̇ам̣ зд̇ад̣̇авожам̣ – ‘ид̇ха, бханд̇з, бхаг̇аваа нисийд̣̇ад̇у, яам̣ мамасса д̣̇ийгхарад̇д̇ам̣ хид̇ааяа сукааяаа’д̇и. нисийд̣̇и ко, аавусо, бхаг̇аваа бан̃н̃ад̇д̇з аасанз. нисаж̇ж̇а ко мам̣, аавусо, бхаг̇аваа зд̇ад̣̇авожа – ‘муд̣̇угаа ко д̇яааяам̣, гассаба, бадабилод̇игаанам̣ сан̇гхаадий’д̇и. ‘бадиг̇г̇ан̣хаад̇у мз, бханд̇з, бхаг̇аваа бадабилод̇игаанам̣ сан̇гхаадим̣ анугамбам̣ убаад̣̇ааяаа’д̇и. ‘д̇хаарзссаси бана мз д̇вам̣, гассаба, саан̣аани бам̣сугуулаани ниб̣б̣асанааний’д̇и. ‘д̇хаарзссаамахам̣, бханд̇з, бхаг̇авад̇о саан̣аани бам̣сугуулаани ниб̣б̣асанааний’д̇и. ‘‘со кваахам̣, аавусо, бадабилод̇игаанам̣ сан̇гхаадим̣ бхаг̇авад̇о баад̣̇аасим̣. ахам̣ бана бхаг̇авад̇о саан̣аани бам̣сугуулаани ниб̣б̣асанаани бадибаж̇ж̇им̣’’.
‘‘яан̃хи д̇ам̣, аавусо, саммаа вад̣̇амаано вад̣̇зяяа – ‘бхаг̇авад̇о буд̇д̇о орасо мукад̇о ж̇аад̇о д̇хаммаж̇о д̇хамманиммид̇о д̇хаммад̣̇ааяаад̣̇о, бадиг̇г̇ахид̇аани бадиг̇г̇ахзд̇аа (сий.) саан̣аани бам̣сугуулаани ниб̣б̣асанааний’д̇и, мамам̣ д̇ам̣ саммаа вад̣̇амаано вад̣̇зяяа – ‘бхаг̇авад̇о буд̇д̇о орасо мукад̇о ж̇аад̇о д̇хаммаж̇о д̇хамманиммид̇о д̇хаммад̣̇ааяаад̣̇о, бадиг̇г̇ахид̇аани саан̣аани бам̣сугуулаани ниб̣б̣асанааний’’’д̇и.
‘‘ахам̣ ко, аавусо, яаавад̣̇зва ааган̇каами вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами. ахам̣ ко, аавусо, яаавад̣̇з ааган̇каами…бз… (наваннам̣ анубуб̣б̣авихаарасамаабад̇д̇инам̣ бан̃жаннан̃жа абхин̃н̃аанам̣ звам̣ вид̇т̇ааро взд̣̇ид̇аб̣б̣о) .
‘‘ахам̣ ко, аавусо, аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихараами; сад̇д̇арад̇анам̣ ваа, аавусо, нааг̇ам̣ ад̣дхадтамарад̇анам̣ ваа д̇аалабад̇д̇игааяа чаад̣̇зд̇аб̣б̣ам̣ ман̃н̃зяяа, яо мз ча абхин̃н̃аа чаад̣̇зд̇аб̣б̣ам̣ ман̃н̃зяяаа’’д̇и.
жавид̇т̇а жа бана т̇уллананд̣̇аа бхигкуний б̣рахмажарияамхаад̇и. згаад̣̇асамам̣.
12. барам̣маран̣асуд̇д̇ам̣
155. згам̣ самаяам̣ ааяасмаа жа махаагассабо ааяасмаа жа саарибуд̇д̇о б̣аараан̣асияам̣ вихаранд̇и исибад̇анз миг̇ад̣̇ааяз. ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о язнааяасмаа махаагассабо д̇знубасан̇гами; убасан̇гамид̇ваа ааяасмад̇аа махаагассабзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о ааяасманд̇ам̣ махаагассабам̣ зд̇ад̣̇авожа – ‘‘гим̣ ну ко, аавусо гассаба, ход̇и д̇ат̇ааг̇ад̇о барам̣ маран̣аа’’д̇и? ‘‘аб̣яаагад̇ам̣ ко зд̇ам̣, аавусо, бхаг̇авад̇аа – ‘ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ банаавусо, на ход̇и д̇ат̇ааг̇ад̇о барам̣ маран̣аа’’д̇и? ‘‘звамби ко, аавусо, аб̣яаагад̇ам̣ бхаг̇авад̇аа – ‘на ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ ну ко, аавусо, ход̇и жа на жа ход̇и д̇ат̇ааг̇ад̇о барам̣ маран̣аа’’д̇и? ‘‘аб̣яаагад̇ам̣ ко зд̇ам̣, аавусо, бхаг̇авад̇аа – ‘ход̇и жа на жа ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ банаавусо, нзва ход̇и, на на ход̇и д̇ат̇ааг̇ад̇о барам̣ маран̣аа’’д̇и? ‘‘звамби ко, аавусо, аб̣яаагад̇ам̣ бхаг̇авад̇аа – ‘нзва ход̇и на на ход̇и д̇ат̇ааг̇ад̇о барам̣ маран̣аа’’’д̇и. ‘‘гасмаа жзд̇ам̣, аавусо , аб̣яаагад̇ам̣ бхаг̇авад̇аа’’д̇и? ‘‘на хзд̇ам̣, аавусо, ад̇т̇асам̣хид̇ам̣ наад̣̇иб̣рахмажарияагам̣ на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и. д̇асмаа д̇ам̣ аб̣яаагад̇ам̣ бхаг̇авад̇аа’’д̇и.
‘‘ат̇а гин̃жарахаавусо, б̣яаагад̇ам̣ бхаг̇авад̇аа’’д̇и? ‘‘ид̣̇ам̣ ‘д̣̇угка’нд̇и ко , аавусо, б̣яаагад̇ам̣ бхаг̇авад̇аа; аяам̣ ‘д̣̇угкасамуд̣̇аяо’д̇и б̣яаагад̇ам̣ бхаг̇авад̇аа; аяам̣ ‘д̣̇угканирод̇хо’д̇и б̣яаагад̇ам̣ бхаг̇авад̇аа; аяам̣ ‘д̣̇угканирод̇хаг̇ааминий бадибад̣̇аа’д̇и б̣яаагад̇ам̣ бхаг̇авад̇аа’’д̇и. ‘‘гасмаа жзд̇ам̣, аавусо, б̣яаагад̇ам̣ бхаг̇авад̇аа’’д̇и? ‘‘зд̇ан̃хи, аавусо, ад̇т̇асам̣хид̇ам̣ зд̇ам̣ аад̣̇иб̣рахмажарияагам̣ зд̇ам̣ ниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. д̇асмаа д̇ам̣ б̣яаагад̇ам̣ бхаг̇авад̇аа’’д̇и. д̣̇ваад̣̇асамам̣.
13. сад̣̇д̇хаммаббад̇ируубагасуд̇д̇ам̣
156. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа махаагассабо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа махаагассабо бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у го бажжаяо, язна буб̣б̣з аббад̇араани жзва сигкаабад̣̇аани ахзсум̣ б̣ахуд̇араа жа бхигкуу ан̃н̃ааяа сан̣тахим̣су? го бана, бханд̇з, хзд̇у го бажжаяо, язнзд̇арахи б̣ахуд̇араани жзва сигкаабад̣̇аани аббад̇араа жа бхигкуу ан̃н̃ааяа сан̣таханд̇ий’’д̇и? ‘‘зван̃жзд̇ам̣, гассаба, ход̇и сад̇д̇зсу хааяамаанзсу сад̣̇д̇хаммз анд̇арад̇хааяамаанз, б̣ахуд̇араани жзва сигкаабад̣̇аани хонд̇и аббад̇араа жа бхигкуу ан̃н̃ааяа сан̣таханд̇и. на д̇аава, гассаба, сад̣̇д̇хаммасса анд̇арад̇хаанам̣ ход̇и яаава на сад̣̇д̇хаммаббад̇ируубагам̣ логз уббаж̇ж̇ад̇и. яад̇о жа ко, гассаба, сад̣̇д̇хаммаббад̇ируубагам̣ логз уббаж̇ж̇ад̇и, ат̇а сад̣̇д̇хаммасса анд̇арад̇хаанам̣ ход̇и’’.
‘‘сзяяат̇ааби, гассаба, на д̇аава ж̇аад̇аруубасса анд̇арад̇хаанам̣ ход̇и яаава на ж̇аад̇аруубаббад̇ируубагам̣ логз уббаж̇ж̇ад̇и. яад̇о жа ко, гассаба, ж̇аад̇аруубаббад̇ируубагам̣ логз уббаж̇ж̇ад̇и, ат̇а ж̇аад̇аруубасса анд̇арад̇хаанам̣ ход̇и. звамзва ко, гассаба, на д̇аава сад̣̇д̇хаммасса анд̇арад̇хаанам̣ ход̇и яаава на сад̣̇д̇хаммаббад̇ируубагам̣ логз уббаж̇ж̇ад̇и. яад̇о жа ко, гассаба, сад̣̇д̇хаммаббад̇ируубагам̣ логз уббаж̇ж̇ад̇и, ат̇а сад̣̇д̇хаммасса анд̇арад̇хаанам̣ ход̇и.
‘‘на ко, гассаба, бат̇авийд̇хаад̇у сад̣̇д̇хаммам̣ анд̇арад̇хаабзд̇и, на аабод̇хаад̇у сад̣̇д̇хаммам̣ анд̇арад̇хаабзд̇и, на д̇зж̇од̇хаад̇у сад̣̇д̇хаммам̣ анд̇арад̇хаабзд̇и, на вааяод̇хаад̇у сад̣̇д̇хаммам̣ анд̇арад̇хаабзд̇и; ат̇а ко ид̇хзва д̇з уббаж̇ж̇анд̇и могхабурисаа яз имам̣ сад̣̇д̇хаммам̣ анд̇арад̇хаабзнд̇и. сзяяат̇ааби, гассаба, нааваа аад̣̇игзнзва обилавад̇и; на ко, гассаба, звам̣ сад̣̇д̇хаммасса анд̇арад̇хаанам̣ ход̇и.
‘‘бан̃жа комз, гассаба, оггаманияаа д̇хаммаа сад̣̇д̇хаммасса саммосааяа анд̇арад̇хаанааяа сам̣вад̇д̇анд̇и. гад̇амз бан̃жа? ид̇ха, гассаба, бхигкуу бхигкунияо убаасагаа убаасигааяо сад̇т̇ари аг̇аараваа вихаранд̇и аббад̇иссаа, д̇хаммз аг̇аараваа вихаранд̇и аббад̇иссаа, сан̇гхз аг̇аараваа вихаранд̇и аббад̇иссаа, сигкааяа аг̇аараваа вихаранд̇и аббад̇иссаа, самаад̇хисмим̣ аг̇аараваа вихаранд̇и аббад̇иссаа – имз ко, гассаба, бан̃жа оггаманияаа д̇хаммаа сад̣̇д̇хаммасса саммосааяа анд̇арад̇хаанааяа сам̣вад̇д̇анд̇и.
‘‘бан̃жа комз, гассаба, д̇хаммаа сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇анд̇и. гад̇амз бан̃жа? ид̇ха, гассаба, бхигкуу бхигкунияо убаасагаа убаасигааяо сад̇т̇ари саг̇аараваа вихаранд̇и саббад̇иссаа, д̇хаммз саг̇аараваа вихаранд̇и саббад̇иссаа, сан̇гхз саг̇аараваа вихаранд̇и саббад̇иссаа, сигкааяа саг̇аараваа вихаранд̇и саббад̇иссаа, самаад̇хисмим̣ саг̇аараваа вихаранд̇и саббад̇иссаа – имз ко, гассаба, бан̃жа д̇хаммаа сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇анд̇ий’’д̇и. д̇зрасамам̣.
гассабасам̣яуд̇д̇ам̣ самад̇д̇ам̣.
д̇ассуд̣̇д̣̇аанам̣ –
санд̇удтан̃жа анод̇д̇аббий, жанд̣̇уубамам̣ гулуубагам̣;
ж̇ин̣н̣ам̣ д̇аяо жа оваад̣̇аа, жхаанаабхин̃н̃аа убассаяам̣;
жийварам̣ барам̣маран̣ам̣, сад̣̇д̇хаммаббад̇ируубаганд̇и.