2. раад̇хасам̣яуд̇д̇ам̣
1. батамаваг̇г̇о
1. маарасуд̇д̇ам̣
160. саавад̇т̇инид̣̇аанам̣ . ат̇а ко ааяасмаа раад̇хо язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа –
‘‘‘мааро, мааро’д̇и, бханд̇з, вужжад̇и. гид̇д̇аавад̇аа ну ко, бханд̇з, мааро’’д̇и? ‘‘руубз ко, раад̇ха, сад̇и мааро ваа асса маарзд̇аа ваа яо ваа бана мийяад̇и. д̇асмаад̇иха д̇вам̣, раад̇ха, руубам̣ маарод̇и басса, маарзд̇аад̇и басса, мийяад̇ийд̇и басса, рог̇од̇и басса, г̇ан̣д̣од̇и басса, салланд̇и басса, агханд̇и басса, агхабхууд̇анд̇и басса. яз нам̣ звам̣ бассанд̇и д̇з саммаа бассанд̇и. взд̣̇анааяа сад̇и… сан̃н̃ааяа сад̇и… сан̇каарзсу сад̇и… вин̃н̃аан̣з сад̇и мааро ваа асса маарзд̇аа ваа яо ваа бана мийяад̇и. д̇асмаад̇иха д̇вам̣, раад̇ха, вин̃н̃аан̣ам̣ маарод̇и басса, маарзд̇аад̇и басса, мийяад̇ийд̇и басса, рог̇од̇и басса, г̇ан̣д̣од̇и басса, салланд̇и басса, агханд̇и басса, агхабхууд̇анд̇и басса. яз нам̣ звам̣ бассанд̇и, д̇з саммаа бассанд̇ий’’д̇и.
‘‘саммаад̣̇ассанам̣ бана, бханд̇з, гимад̇т̇ияа’’нд̇и? ‘‘саммаад̣̇ассанам̣ ко, раад̇ха, ниб̣б̣ид̣̇ад̇т̇ам̣’’. ‘‘ниб̣б̣ид̣̇аа бана, бханд̇з, гимад̇т̇ияаа’’д̇и? ‘‘ниб̣б̣ид̣̇аа ко, раад̇ха, вирааг̇ад̇т̇аа’’. ‘‘вирааг̇о бана, бханд̇з , гимад̇т̇ияо’’д̇и? ‘‘вирааг̇о ко, раад̇ха, вимуд̇д̇ад̇т̇о’’. ‘‘вимуд̇д̇и бана, бханд̇з, гимад̇т̇ияаа’’д̇и? ‘‘вимуд̇д̇и ко, раад̇ха, ниб̣б̣аанад̇т̇аа’’. ‘‘ниб̣б̣аанам̣ бана, бханд̇з, гимад̇т̇ияа’’нд̇и? ‘‘ажжаяааси ажжасараа (сий. сяаа. гам̣.), асса (бий.), ажжаяаа (га.), раад̇ха, бан̃хам̣, наасагки бан̃хасса барияанд̇ам̣ г̇ахзд̇ум̣. ниб̣б̣ааног̇ад̇хан̃хи, раад̇ха, б̣рахмажарияам̣ вуссад̇и, ниб̣б̣аанабарааяанам̣ ниб̣б̣аанабарияосаана’’нд̇и. батамам̣.
2. сад̇д̇асуд̇д̇ам̣
161. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘сад̇д̇о, сад̇д̇о’д̇и, бханд̇з, вужжад̇и. гид̇д̇аавад̇аа ну ко, бханд̇з , сад̇д̇од̇и вужжад̇ий’’д̇и? ‘‘руубз ко, раад̇ха, яо чанд̣̇о яо рааг̇о яаа нанд̣̇ий яаа д̇ан̣хаа, д̇ад̇ра сад̇д̇о, д̇ад̇ра висад̇д̇о, д̇асмаа сад̇д̇од̇и вужжад̇и. взд̣̇анааяа… сан̃н̃ааяа… сан̇каарзсу… вин̃н̃аан̣з яо чанд̣̇о яо рааг̇о яаа нанд̣̇ий яаа д̇ан̣хаа, д̇ад̇ра сад̇д̇о, д̇ад̇ра висад̇д̇о, д̇асмаа сад̇д̇од̇и вужжад̇и’’.
‘‘сзяяат̇ааби, раад̇ха, гумаарагаа ваа гумааригааяо ваа бам̣свааг̇аарагзхи гийл̣анд̇и. яаавагийван̃жа д̇зсу бам̣свааг̇аарагзсу авиг̇ад̇арааг̇аа хонд̇и авиг̇ад̇ажчанд̣̇аа авиг̇ад̇абзмаа авиг̇ад̇абибаасаа авиг̇ад̇абарил̣аахаа авиг̇ад̇ад̇ан̣хаа, д̇аава д̇аани бам̣свааг̇аарагаани аллийяанд̇и гзл̣ааяанд̇и д̇ханааяанд̇и манааяанд̇и (сий. бий. га.) мамааяанд̇и. яад̇о жа ко, раад̇ха, гумаарагаа ваа гумааригааяо ваа д̇зсу бам̣свааг̇аарагзсу виг̇ад̇арааг̇аа хонд̇и виг̇ад̇ажчанд̣̇аа виг̇ад̇абзмаа виг̇ад̇абибаасаа виг̇ад̇абарил̣аахаа виг̇ад̇ад̇ан̣хаа, ат̇а ко д̇аани бам̣свааг̇аарагаани хад̇т̇зхи жа баад̣̇зхи жа вигиранд̇и вид̇хаманд̇и вид̣̇д̇хам̣сзнд̇и вигийл̣анияам̣ вигийл̣анигам̣ (сий. сяаа. гам̣. бий.) гаронд̇и. звамзва ко, раад̇ха, д̇умхзби руубам̣ вигират̇а вид̇хамат̇а вид̣̇д̇хам̣сзт̇а вигийл̣анияам̣ гарот̇а д̇ан̣хаагкаяааяа бадибаж̇ж̇ат̇а. взд̣̇анам̣ вигират̇а вид̇хамат̇а вид̣̇д̇хам̣сзт̇а вигийл̣анияам̣ гарот̇а д̇ан̣хаагкаяааяа бадибаж̇ж̇ат̇а. сан̃н̃ам̣… сан̇каарз вигират̇а вид̇хамат̇а вид̣̇д̇хам̣сзт̇а вигийл̣анияам̣ гарот̇а д̇ан̣хаагкаяааяа бадибаж̇ж̇ат̇а. вин̃н̃аан̣ам̣ вигират̇а вид̇хамат̇а вид̣̇д̇хам̣сзт̇а вигийл̣анияам̣ гарот̇а д̇ан̣хаагкаяааяа бадибаж̇ж̇ат̇а. д̇ан̣хаагкаяо хи, раад̇ха, ниб̣б̣аана’’нд̇и. д̣̇уд̇ияам̣.
3. бхаванзд̇д̇исуд̇д̇ам̣
162. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘бхаванзд̇д̇инирод̇хо бхаванзд̇д̇и (сий. сяаа. гам̣. бий.), бхаванзд̇д̇инирод̇хо’д̇и бхаванзд̇д̇ийд̇и (сий. сяаа. гам̣.), бханд̇з, вужжад̇и. гад̇амаа ну ко, бханд̇з, бхаванзд̇д̇и, гад̇амо бхаванзд̇д̇инирод̇хо’’д̇и? ‘‘руубз ко, раад̇ха, яо чанд̣̇о яо рааг̇о яаа нанд̣̇ий яаа д̇ан̣хаа яз убаяубаад̣̇аанаа жзд̇асо ад̇хидтаанаабхинивзсаанусаяаа – аяам̣ вужжад̇и бхаванзд̇д̇и. д̇зсам̣ нирод̇хо нирод̇хаа (сий. сяаа. гам̣. бий.) бхаванзд̇д̇инирод̇хо. взд̣̇анааяа… сан̃н̃ааяа… сан̇каарзсу … вин̃н̃аан̣з яо чанд̣̇о…бз… ад̇хидтаанаабхинивзсаанусаяаа – аяам̣ вужжад̇и бхаванзд̇д̇и. д̇зсам̣ нирод̇хо бхаванзд̇д̇инирод̇хо’’д̇и. д̇ад̇ияам̣.
4. барин̃н̃зяяасуд̇д̇ам̣
163. саавад̇т̇инид̣̇аанам̣. ааяасмаа раад̇хо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ раад̇хам̣ бхаг̇аваа зд̇ад̣̇авожа –
‘‘барин̃н̃зяяз жа, раад̇ха, д̇хаммз д̣̇зсзссаами барин̃н̃ан̃жа барин̃н̃аад̇аавим̣ буг̇г̇алан̃жа. д̇ам̣ сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бханд̇з’’д̇и ко ааяасмаа раад̇хо бхаг̇авад̇о бажжассоси. бхаг̇аваа зд̇ад̣̇авожа – ‘‘гад̇амз жа, раад̇ха, барин̃н̃зяяаа д̇хаммаа? руубам̣ ко, раад̇ха, барин̃н̃зяяо д̇хаммо, взд̣̇анаа барин̃н̃зяяо д̇хаммо, сан̃н̃аа барин̃н̃зяяо д̇хаммо, сан̇каараа барин̃н̃зяяо д̇хаммо, вин̃н̃аан̣ам̣ барин̃н̃зяяо д̇хаммо. имз вужжанд̇и, раад̇ха, барин̃н̃зяяаа д̇хаммаа. гад̇амаа жа, раад̇ха, барин̃н̃аа? яо ко, раад̇ха, рааг̇агкаяо д̣̇осагкаяо мохагкаяо – аяам̣ вужжад̇и, раад̇ха, барин̃н̃аа. гад̇амо жа, раад̇ха, барин̃н̃аад̇аавий буг̇г̇ало? ‘арахаа’д̇исса важанийяам̣. явааяам̣ ааяасмаа звам̣наамо звам̣г̇од̇д̇о – аяам̣ вужжад̇и, раад̇ха, барин̃н̃аад̇аавий буг̇г̇ало’’д̇и. жад̇уд̇т̇ам̣.
5. саман̣асуд̇д̇ам̣
164. саавад̇т̇инид̣̇аанам̣. згаманд̇ам̣ нисиннам̣ ко ааяасманд̇ам̣ раад̇хам̣ бхаг̇аваа зд̇ад̣̇авожа – ‘‘бан̃жимз, раад̇ха, убаад̣̇аанагканд̇хаа. гад̇амз бан̃жа? руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо , сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо. яз хи гзжи, раад̇ха, саман̣аа ваа б̣раахман̣аа ваа имзсам̣ бан̃жаннам̣ убаад̣̇аанагканд̇хаанам̣ ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ наббаж̇аананд̇и; на мз д̇з, раад̇ха, саман̣аа ваа б̣раахман̣аа ваа саман̣зсу ваа саман̣асаммад̇аа б̣раахман̣зсу ваа б̣раахман̣асаммад̇аа, на жа бана д̇з ааяасманд̇о сааман̃н̃ад̇т̇ам̣ ваа б̣рахман̃н̃ад̇т̇ам̣ ваа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и. яз жа ко гзжи, раад̇ха, саман̣аа ваа б̣раахман̣аа ваа имзсам̣ бан̃жаннам̣ убаад̣̇аанагканд̇хаанам̣ ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ баж̇аананд̇и; д̇з ко мз, раад̇ха, саман̣аа ваа б̣раахман̣аа ваа саман̣зсу жзва саман̣асаммад̇аа б̣раахман̣зсу жа б̣раахман̣асаммад̇аа , д̇з жа банааяасманд̇о сааман̃н̃ад̇т̇ан̃жа б̣рахман̃н̃ад̇т̇ан̃жа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇ий’’д̇и. бан̃жамам̣.
6. д̣̇уд̇ияасаман̣асуд̇д̇ам̣
165. саавад̇т̇инид̣̇аанам̣. згаманд̇ам̣ нисиннам̣ ко ааяасманд̇ам̣ раад̇хам̣ бхаг̇аваа зд̇ад̣̇авожа – ‘‘бан̃жимз, раад̇ха, убаад̣̇аанагканд̇хаа. гад̇амз бан̃жа? руубубаад̣̇аанагканд̇хо…бз… вин̃н̃аан̣убаад̣̇аанагканд̇хо. яз хи гзжи, раад̇ха, саман̣аа ваа б̣раахман̣аа ваа имзсам̣ бан̃жаннам̣ убаад̣̇аанагканд̇хаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ наббаж̇аананд̇и…бз… саяам̣ абхин̃н̃аа сажчигад̇ваа убасамбаж̇ж̇а вихаранд̇ий’’д̇и. чадтам̣.
7. сод̇аабаннасуд̇д̇ам̣
166. саавад̇т̇инид̣̇аанам̣ . згаманд̇ам̣ нисиннам̣ ко ааяасманд̇ам̣ раад̇хам̣ бхаг̇аваа зд̇ад̣̇авожа – ‘‘бан̃жимз, раад̇ха, убаад̣̇аанагканд̇хаа. гад̇амз бан̃жа? руубубаад̣̇аанагканд̇хо…бз… вин̃н̃аан̣убаад̣̇аанагканд̇хо. яад̇о ко, раад̇ха, арияасааваго имзсам̣ бан̃жаннам̣ убаад̣̇аанагканд̇хаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ баж̇аанаад̇и – аяам̣ вужжад̇и, раад̇ха, арияасааваго сод̇аабанно авинибаад̇ад̇хаммо нияад̇о самб̣од̇хибарааяано’’д̇и. сад̇д̇амам̣.
8. араханд̇асуд̇д̇ам̣
167. саавад̇т̇инид̣̇аанам̣ . згаманд̇ам̣ нисиннам̣ ко ааяасманд̇ам̣ раад̇хам̣ бхаг̇аваа зд̇ад̣̇авожа – ‘‘бан̃жимз, раад̇ха, убаад̣̇аанагканд̇хаа. гад̇амз бан̃жа? руубубаад̣̇аанагканд̇хо…бз… вин̃н̃аан̣убаад̣̇аанагканд̇хо. яад̇о ко, раад̇ха, бхигку имзсам̣ бан̃жаннам̣ убаад̣̇аанагканд̇хаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ вид̣̇ид̇ваа анубаад̣̇аавимуд̇д̇о ход̇и – аяам̣ вужжад̇и, раад̇ха, арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аавимуд̇д̇о’’д̇и. адтамам̣.
9. чанд̣̇арааг̇асуд̇д̇ам̣
168. саавад̇т̇инид̣̇аанам̣. згаманд̇ам̣ нисиннам̣ ко ааяасманд̇ам̣ раад̇хам̣ бхаг̇аваа зд̇ад̣̇авожа – ‘‘руубз ко, раад̇ха, яо чанд̣̇о яо рааг̇о яаа нанд̣̇ий яаа д̇ан̣хаа, д̇ам̣ баж̇ахат̇а. звам̣ д̇ам̣ руубам̣ бахийнам̣ бхависсад̇и ужчиннамуулам̣ д̇аалаавад̇т̇угад̇ам̣ анабхаавам̣гад̇ам̣ ааяад̇им̣ ануббаад̣̇ад̇хаммам̣. взд̣̇анааяа яо чанд̣̇о яо рааг̇о яаа нанд̣̇ий яаа д̇ан̣хаа, д̇ам̣ баж̇ахат̇а . звам̣ саа взд̣̇анаа бахийнаа бхависсад̇и ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. сан̃н̃ааяа… сан̇каарзсу яо чанд̣̇о яо рааг̇о яаа нанд̣̇ий яаа д̇ан̣хаа, д̇ам̣ баж̇ахат̇а. звам̣ д̇з сан̇каараа бахийнаа бхависсанд̇и ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. вин̃н̃аан̣з яо чанд̣̇о яо рааг̇о яаа нанд̣̇ий яаа д̇ан̣хаа, д̇ам̣ баж̇ахат̇а. звам̣ д̇ам̣ вин̃н̃аан̣ам̣ бахийнам̣ бхависсад̇и…бз… ануббаад̣̇ад̇хамма’’нд̇и. навамам̣.
10. д̣̇уд̇ияачанд̣̇арааг̇асуд̇д̇ам̣
169. саавад̇т̇инид̣̇аанам̣. згаманд̇ам̣ нисиннам̣ ко ааяасманд̇ам̣ раад̇хам̣ бхаг̇аваа зд̇ад̣̇авожа – ‘‘руубз ко, раад̇ха, яо чанд̣̇о яо рааг̇о яаа нанд̣̇ий яаа д̇ан̣хаа яз убаяубаад̣̇аанаа жзд̇асо ад̇хидтаанаабхинивзсаанусаяаа, д̇з баж̇ахат̇а. звам̣ д̇ам̣ руубам̣ бахийнам̣ бхависсад̇и ужчиннамуулам̣ д̇аалаавад̇т̇угад̇ам̣ анабхаавам̣гад̇ам̣ ааяад̇им̣ ануббаад̣̇ад̇хаммам̣. взд̣̇анааяа яо чанд̣̇о яо рааг̇о яаа нанд̣̇ий яаа д̇ан̣хаа яз убаяубаад̣̇аанаа жзд̇асо ад̇хидтаанаабхинивзсаанусаяаа, д̇з баж̇ахат̇а. звам̣ саа взд̣̇анаа бахийнаа бхависсад̇и ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. сан̃н̃ааяа… сан̇каарзсу яо чанд̣̇о яо рааг̇о яаа нанд̣̇ий яаа д̇ан̣хаа яз убаяубаад̣̇аанаа жзд̇асо ад̇хидтаанаабхинивзсаанусаяаа, д̇з баж̇ахат̇а. звам̣ д̇з сан̇каараа бахийнаа бхависсанд̇и ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. вин̃н̃аан̣з яо чанд̣̇о яо рааг̇о яаа нанд̣̇ий яаа д̇ан̣хаа яз убаяубаад̣̇аанаа жзд̇асо ад̇хидтаанаабхинивзсаанусаяаа, д̇з баж̇ахат̇а. звам̣ д̇ам̣ вин̃н̃аан̣ам̣ бахийнам̣ бхависсад̇и ужчиннамуулам̣ д̇аалаавад̇т̇угад̇ам̣ анабхаавам̣гад̇ам̣ ааяад̇им̣ ануббаад̣̇ад̇хамма’’нд̇и. д̣̇асамам̣.
раад̇хасам̣яуд̇д̇асса батамо ваг̇г̇о.
д̇ассуд̣̇д̣̇аанам̣ –
мааро сад̇д̇о бхаванзд̇д̇и, барин̃н̃зяяаа саман̣аа д̣̇увз;
сод̇аабанно арахаа жа, чанд̣̇арааг̇аабарз д̣̇увзд̇и.
2. д̣̇уд̇ияаваг̇г̇о
1. маарасуд̇д̇ам̣
170. саавад̇т̇инид̣̇аанам̣ . згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘мааро, мааро’д̇и, бханд̇з, вужжад̇и. гад̇амо ну ко, бханд̇з, мааро’’д̇и? ‘‘руубам̣ ко, раад̇ха, мааро, взд̣̇анаа мааро, сан̃н̃аа мааро, сан̇каараа мааро, вин̃н̃аан̣ам̣ мааро. звам̣ бассам̣, раад̇ха, суд̇аваа арияасааваго руубасмимби ниб̣б̣инд̣̇ад̇и, взд̣̇анааяаби ниб̣б̣инд̣̇ад̇и, сан̃н̃ааяаби ниб̣б̣инд̣̇ад̇и, сан̇каарзсуби ниб̣б̣инд̣̇ад̇и, вин̃н̃аан̣асмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. батамам̣.
2. маарад̇хаммасуд̇д̇ам̣
171. саавад̇т̇инид̣̇аанам̣ . згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘маарад̇хаммо, маарад̇хаммо’д̇и, бханд̇з, вужжад̇и. гад̇амо ну ко, бханд̇з, маарад̇хаммо’’д̇и? ‘‘руубам̣ ко, раад̇ха, маарад̇хаммо, взд̣̇анаа маарад̇хаммо, сан̃н̃аа маарад̇хаммо, сан̇каараа маарад̇хаммо, вин̃н̃аан̣ам̣ маарад̇хаммо. звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. д̣̇уд̇ияам̣.
3. анижжасуд̇д̇ам̣
172. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘анижжам̣, анижжа’нд̇и, бханд̇з, вужжад̇и. гад̇амам̣ ну ко, бханд̇з, анижжа’’нд̇и? ‘‘руубам̣ ко, раад̇ха, анижжам̣, взд̣̇анаа анижжаа, сан̃н̃аа анижжаа, сан̇каараа анижжаа, вин̃н̃аан̣ам̣ анижжам̣. звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. д̇ад̇ияам̣.
4. анижжад̇хаммасуд̇д̇ам̣
173. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘анижжад̇хаммо, анижжад̇хаммо’д̇и, бханд̇з, вужжад̇и. гад̇амо ну ко, бханд̇з, анижжад̇хаммо’’д̇и? ‘‘руубам̣ ко, раад̇ха, анижжад̇хаммо, взд̣̇анаа анижжад̇хаммо , сан̃н̃аа анижжад̇хаммо, сан̇каараа анижжад̇хаммо, вин̃н̃аан̣ам̣ анижжад̇хаммо. звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. жад̇уд̇т̇ам̣.
5. д̣̇угкасуд̇д̇ам̣
174. саавад̇т̇инид̣̇аанам̣ . згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘д̣̇угкам̣, д̣̇угка’нд̇и, бханд̇з, вужжад̇и. гад̇амам̣ ну ко, бханд̇з, д̣̇угка’’нд̇и? ‘‘руубам̣ ко, раад̇ха, д̣̇угкам̣, взд̣̇анаа д̣̇угкаа, сан̃н̃аа д̣̇угкаа, сан̇каараа д̣̇угкаа, вин̃н̃аан̣ам̣ д̣̇угкам̣. звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. бан̃жамам̣.
6. д̣̇угкад̇хаммасуд̇д̇ам̣
175. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘д̣̇угкад̇хаммо, д̣̇угкад̇хаммо’д̇и, бханд̇з, вужжад̇и. гад̇амо ну ко, бханд̇з, д̣̇угкад̇хаммо’’д̇и? ‘‘руубам̣ ко, раад̇ха, д̣̇угкад̇хаммо, взд̣̇анаа д̣̇угкад̇хаммо, сан̃н̃аа д̣̇угкад̇хаммо, сан̇каараа д̣̇угкад̇хаммо, вин̃н̃аан̣ам̣ д̣̇угкад̇хаммо. звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. чадтам̣.
7. анад̇д̇асуд̇д̇ам̣
176. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘анад̇д̇аа, анад̇д̇аа’д̇и, бханд̇з, вужжад̇и. гад̇амо ну ко, бханд̇з, анад̇д̇аа’’д̇и? ‘‘руубам̣ ко, раад̇ха, анад̇д̇аа, взд̣̇анаа анад̇д̇аа, сан̃н̃аа анад̇д̇аа, сан̇каараа анад̇д̇аа, вин̃н̃аан̣ам̣ анад̇д̇аа. звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. сад̇д̇амам̣.
8. анад̇д̇ад̇хаммасуд̇д̇ам̣
177. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘анад̇д̇ад̇хаммо, анад̇д̇ад̇хаммо’д̇и, бханд̇з, вужжад̇и. гад̇амо ну ко, бханд̇з, анад̇д̇ад̇хаммо’’д̇и? ‘‘руубам̣ ко, раад̇ха, анад̇д̇ад̇хаммо, взд̣̇анаа анад̇д̇ад̇хаммо , сан̃н̃аа анад̇д̇ад̇хаммо, сан̇каараа анад̇д̇ад̇хаммо, вин̃н̃аан̣ам̣ анад̇д̇ад̇хаммо. звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. адтамам̣.
9.каяад̇хаммасуд̇д̇ам̣
178. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘каяад̇хаммо, каяад̇хаммо’д̇и, бханд̇з, вужжад̇и. гад̇амо ну ко, бханд̇з, каяад̇хаммо’’д̇и? ‘‘руубам̣ ко, раад̇ха, каяад̇хаммо, взд̣̇анаа каяад̇хаммо, сан̃н̃аа каяад̇хаммо, сан̇каараа каяад̇хаммо, вин̃н̃аан̣ам̣ каяад̇хаммо. звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. навамам̣.
10. ваяад̇хаммасуд̇д̇ам̣
179. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘ваяад̇хаммо, ваяад̇хаммо’д̇и, бханд̇з, вужжад̇и. гад̇амо ну ко, бханд̇з, ваяад̇хаммо’’д̇и? ‘‘руубам̣ ко, раад̇ха, ваяад̇хаммо, взд̣̇анаа ваяад̇хаммо, сан̃н̃аа ваяад̇хаммо, сан̇каараа ваяад̇хаммо, вин̃н̃аан̣ам̣ ваяад̇хаммо . звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. д̣̇асамам̣.
11. самуд̣̇аяад̇хаммасуд̇д̇ам̣
180. саавад̇т̇инид̣̇аанам̣ . згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘самуд̣̇аяад̇хаммо, самуд̣̇аяад̇хаммо’д̇и, бханд̇з, вужжад̇и. гад̇амо ну ко, бханд̇з, самуд̣̇аяад̇хаммо’’д̇и? ‘‘руубам̣ ко, раад̇ха, самуд̣̇аяад̇хаммо, взд̣̇анаа самуд̣̇аяад̇хаммо, сан̃н̃аа самуд̣̇аяад̇хаммо, сан̇каараа самуд̣̇аяад̇хаммо, вин̃н̃аан̣ам̣ самуд̣̇аяад̇хаммо. звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. згаад̣̇асамам̣.
12. нирод̇хад̇хаммасуд̇д̇ам̣
181. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘‘нирод̇хад̇хаммо, нирод̇хад̇хаммо’д̇и , бханд̇з, вужжад̇и. гад̇амо ну ко, бханд̇з, нирод̇хад̇хаммо’’д̇и? ‘‘руубам̣ ко, раад̇ха, нирод̇хад̇хаммо, взд̣̇анаа нирод̇хад̇хаммо, сан̃н̃аа нирод̇хад̇хаммо, сан̇каараа нирод̇хад̇хаммо, вин̃н̃аан̣ам̣ нирод̇хад̇хаммо. звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. д̣̇ваад̣̇асамам̣.
раад̇хасам̣яуд̇д̇асса д̣̇уд̇ияо ваг̇г̇о.
д̇ассуд̣̇д̣̇аанам̣ –
мааро жа маарад̇хаммо жа, анижжзна абарз д̣̇увз;
д̣̇угкзна жа д̣̇увз вуд̇д̇аа, анад̇д̇зна анад̇д̇зхи (сий. сяаа. гам̣.) д̇ат̇зва жа;
каяаваяасамуд̣̇аяам̣, нирод̇хад̇хаммзна д̣̇ваад̣̇асаад̇и.
3. ааяаажанаваг̇г̇о
1-11. маараад̣̇исуд̇д̇азгаад̣̇асагам̣
182. саавад̇т̇инид̣̇аанам̣ . згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇у, яамахам̣ бхаг̇авад̇о д̇хаммам̣ суд̇ваа зго вуубагадто аббамад̇д̇о аад̇аабий бахид̇ад̇д̇о вихарзяяа’’нд̇и.
‘‘яо ко, раад̇ха, мааро; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о сийхал̣абод̇т̇агз бана ‘‘д̇ад̇ра д̇з чанд̣̇о бахаад̇аб̣б̣од̇и згам̣ суд̇д̇ам̣, д̇ад̇ра д̇з рааг̇о бахаад̇аб̣б̣од̇и згам̣ суд̇д̇ам̣, д̇ад̇ра д̇з чанд̣̇арааг̇о бахаад̇аб̣б̣од̇и згам̣ суд̇д̇а’’нд̇и звам̣ висум̣ висум̣ д̇ийн̣и суд̇д̇аани вибхаж̇ид̇ваа д̣̇ассид̇аани. звамубарисуд̇д̇зсуби. го жа, раад̇ха, мааро? руубам̣ ко, раад̇ха, мааро; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о сийхал̣абод̇т̇агз бана ‘‘д̇ад̇ра д̇з чанд̣̇о бахаад̇аб̣б̣од̇и згам̣ суд̇д̇ам̣, д̇ад̇ра д̇з рааг̇о бахаад̇аб̣б̣од̇и згам̣ суд̇д̇ам̣, д̇ад̇ра д̇з чанд̣̇арааг̇о бахаад̇аб̣б̣од̇и згам̣ суд̇д̇а’’нд̇и звам̣ висум̣ висум̣ д̇ийн̣и суд̇д̇аани вибхаж̇ид̇ваа д̣̇ассид̇аани. звамубарисуд̇д̇зсуби. взд̣̇анаа мааро; д̇ад̇ра д̇з чанд̣̇о бахаад̇аб̣б̣о…бз… сан̃н̃аа мааро; д̇ад̇ра д̇з чанд̣̇о бахаад̇аб̣б̣о…бз… сан̇каараа мааро; д̇ад̇ра д̇з чанд̣̇о бахаад̇аб̣б̣о…бз… вин̃н̃аан̣ам̣ мааро; д̇ад̇ра д̇з чанд̣̇о бахаад̇аб̣б̣о…бз… яо ко, раад̇ха, мааро; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о’’д̇и.
183. яо ко, раад̇ха, маарад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о…бз….
184. яам̣ ко, раад̇ха, анижжам̣…бз….
185. яо ко, раад̇ха, анижжад̇хаммо…бз….
186. яам̣ ко, раад̇ха, д̣̇угкам̣…бз….
187. яо ко, раад̇ха, д̣̇угкад̇хаммо…бз….
188. яо ко, раад̇ха, анад̇д̇аа…бз….
189. яо ко, раад̇ха, анад̇д̇ад̇хаммо…бз….
190. яо ко, раад̇ха, каяад̇хаммо…бз….
191. яо ко, раад̇ха, ваяад̇хаммо…бз….
192. яо ко, раад̇ха, самуд̣̇аяад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о…бз….
12. нирод̇хад̇хаммасуд̇д̇ам̣
193. саавад̇т̇инид̣̇аанам̣. згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇у, яамахам̣ бхаг̇авад̇о д̇хаммам̣ суд̇ваа зго вуубагадто аббамад̇д̇о аад̇аабий бахид̇ад̇д̇о вихарзяяа’’нд̇и.
‘‘яо ко, раад̇ха, нирод̇хад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о. го жа, раад̇ха, нирод̇хад̇хаммо? руубам̣ ко, раад̇ха, нирод̇хад̇хаммо; д̇ад̇ра д̇з чанд̣̇о бахаад̇аб̣б̣о…бз… взд̣̇анаа нирод̇хад̇хаммо; д̇ад̇ра д̇з чанд̣̇о бахаад̇аб̣б̣о…бз… сан̃н̃аа нирод̇хад̇хаммо; д̇ад̇ра д̇з чанд̣̇о бахаад̇аб̣б̣о…бз… сан̇каараа нирод̇хад̇хаммо; д̇ад̇ра д̇з чанд̣̇о бахаад̇аб̣б̣о…бз… вин̃н̃аан̣ам̣ нирод̇хад̇хаммо; д̇ад̇ра д̇з чанд̣̇о бахаад̇аб̣б̣о…бз… яо ко, раад̇ха, нирод̇хад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о’’д̇и сийхал̣абод̇т̇агз бана имасмим̣ ваг̇г̇з чад̇д̇им̣са суд̇д̇аани вибхад̇д̇аани згзгам̣ суд̇д̇ам̣ д̇ийн̣и д̇ийн̣и гад̇ваа, звам̣ жад̇уд̇т̇аваг̇г̇зби.
ааяаажанаваг̇г̇о д̇ад̇ияо.
д̇ассуд̣̇д̣̇аанам̣ –
мааро жа маарад̇хаммо жа, анижжзна абарз д̣̇увз;
д̣̇угкзна жа д̣̇увз вуд̇д̇аа, анад̇д̇зна д̇ат̇зва жа;
каяаваяасамуд̣̇аяам̣, нирод̇хад̇хаммзна д̣̇ваад̣̇асаад̇и.
4. убанисиннаваг̇г̇о
1-11. маараад̣̇исуд̇д̇азгаад̣̇асагам̣
194. саавад̇т̇инид̣̇аанам̣ . згаманд̇ам̣ нисиннам̣ ко ааяасманд̇ам̣ раад̇хам̣ бхаг̇аваа зд̇ад̣̇авожа – ‘‘яо ко, раад̇ха, мааро; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о. го жа, раад̇ха, мааро? руубам̣ ко, раад̇ха, мааро; д̇ад̇ра д̇з чанд̣̇о бахаад̇аб̣б̣о…бз… вин̃н̃аан̣ам̣ мааро; д̇ад̇ра д̇з чанд̣̇о бахаад̇аб̣б̣о…бз… яо ко, раад̇ха, мааро; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о’’д̇и.
195. яо ко, раад̇ха, маарад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о…бз….
196. яам̣ ко, раад̇ха, анижжам̣…бз….
197. яо ко, раад̇ха, анижжад̇хаммо…бз….
198. яам̣ ко, раад̇ха, д̣̇угкам̣…бз….
199. яо ко, раад̇ха, д̣̇угкад̇хаммо…бз….
200. яо ко, раад̇ха, анад̇д̇аа…бз….
201. яо ко, раад̇ха, анад̇д̇ад̇хаммо…бз….
202. яо ко, раад̇ха, каяад̇хаммо…бз….
203. яо ко, раад̇ха, ваяад̇хаммо…бз….
204. яо ко, раад̇ха, самуд̣̇аяад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о…бз….
12. нирод̇хад̇хаммасуд̇д̇ам̣
205. саавад̇т̇инид̣̇аанам̣. згаманд̇ам̣ нисиннам̣ ко ааяасманд̇ам̣ раад̇хам̣ бхаг̇аваа зд̇ад̣̇авожа – ‘‘яо ко, раад̇ха, нирод̇хад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о. го жа, раад̇ха, нирод̇хад̇хаммо? руубам̣ ко, раад̇ха, нирод̇хад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о. взд̣̇анаа…бз… сан̃н̃аа…бз… сан̇каараа…бз… вин̃н̃аан̣ам̣ нирод̇хад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о. яо ко, раад̇ха, нирод̇хад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о’’д̇и.
убанисиннаваг̇г̇о жад̇уд̇т̇о.
д̇ассуд̣̇д̣̇аанам̣ –
мааро жа маарад̇хаммо жа, анижжзна абарз д̣̇увз;
д̣̇угкзна жа д̣̇увз вуд̇д̇аа, анад̇д̇зна д̇ат̇зва жа;
каяаваяасамуд̣̇аяам̣, нирод̇хад̇хаммзна д̣̇ваад̣̇асаад̇и.
раад̇хасам̣яуд̇д̇ам̣ самад̇д̇ам̣.