7. саарибуд̇д̇асам̣яуд̇д̇ам̣
1. вивзгаж̇асуд̇д̇ам̣
332. згам̣ самаяам̣ ааяасмаа саарибуд̇д̇о саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа саарибуд̇д̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна анд̇хаванам̣ д̇знубасан̇гами д̣̇иваавихаарааяа. анд̇хаванам̣ аж̇жхог̇аахзд̇ваа ан̃н̃ад̇арасмим̣ ругкамуулз д̣̇иваавихаарам̣ нисийд̣̇и.
ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о язна ж̇зд̇аванам̣ анаат̇абин̣д̣игасса аараамо д̇знубасан̇гами. ад̣̇д̣̇асаа ко ааяасмаа аананд̣̇о ааяасманд̇ам̣ саарибуд̇д̇ам̣ д̣̇уурад̇ова ааг̇ажчанд̇ам̣. д̣̇исваана ааяасманд̇ам̣ саарибуд̇д̇ам̣ зд̇ад̣̇авожа – ‘‘виббасаннаани ко д̇з, аавусо саарибуд̇д̇а, инд̣̇рияаани; барисуд̣̇д̇хо мукаван̣н̣о барияод̣̇аад̇о. гад̇амзнааяасмаа саарибуд̇д̇о аж̇ж̇а вихаарзна вихаасий’’д̇и?
‘‘ид̇хаахам̣, аавусо, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами. д̇асса маяхам̣, аавусо, на звам̣ ход̇и – ‘ахам̣ батамам̣ жхаанам̣ самаабаж̇ж̇аамий’д̇и ваа ‘ахам̣ батамам̣ жхаанам̣ самаабанно’д̇и ваа ‘ахам̣ батамаа жхаанаа вудтид̇о’д̇и ваа’’д̇и. ‘‘д̇ат̇аа хи банааяасмад̇о саарибуд̇д̇асса д̣̇ийгхарад̇д̇ам̣ ахан̇гаарамаман̇гаарамаанаанусаяаа сусамуухад̇аа. д̇асмаа ааяасмад̇о саарибуд̇д̇асса на звам̣ ход̇и – ‘ахам̣ батамам̣ жхаанам̣ самаабаж̇ж̇аамий’д̇и ваа ‘ахам̣ батамам̣ жхаанам̣ самаабанно’д̇и ваа ‘ахам̣ батамаа жхаанаа вудтид̇о’д̇и ваа’’д̇и. батамам̣.
2. авид̇аггасуд̇д̇ам̣
333. саавад̇т̇инид̣̇аанам̣ . ад̣̇д̣̇асаа ко ааяасмаа аананд̣̇о…бз… ааяасманд̇ам̣ саарибуд̇д̇ам̣ зд̇ад̣̇авожа – ‘‘виббасаннаани ко д̇з, аавусо саарибуд̇д̇а, инд̣̇рияаани; барисуд̣̇д̇хо мукаван̣н̣о барияод̣̇аад̇о. гад̇амзнааяасмаа саарибуд̇д̇о аж̇ж̇а вихаарзна вихаасий’’д̇и?
‘‘ид̇хаахам̣ , аавусо, вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихараами. д̇асса маяхам̣, аавусо, на звам̣ ход̇и – ‘ахам̣ д̣̇уд̇ияам̣ жхаанам̣ самаабаж̇ж̇аамий’д̇и ваа ‘ахам̣ д̣̇уд̇ияам̣ жхаанам̣ самаабанно’д̇и ваа ‘ахам̣ д̣̇уд̇ияаа жхаанаа вудтид̇о’д̇и ваа’’д̇и. ‘‘д̇ат̇аа хи банааяасмад̇о саарибуд̇д̇асса д̣̇ийгхарад̇д̇ам̣ ахан̇гаарамаман̇гаарамаанаанусаяаа сусамуухад̇аа. д̇асмаа ааяасмад̇о саарибуд̇д̇асса на звам̣ ход̇и – ‘ахам̣ д̣̇уд̇ияам̣ жхаанам̣ самаабаж̇ж̇аамий’д̇и ваа ‘ахам̣ д̣̇уд̇ияам̣ жхаанам̣ самаабанно’д̇и ваа ‘ахам̣ д̣̇уд̇ияаа жхаанаа вудтид̇о’д̇и ваа’’д̇и. д̣̇уд̇ияам̣.
3. бийд̇исуд̇д̇ам̣
334. саавад̇т̇инид̣̇аанам̣. ад̣̇д̣̇асаа ко ааяасмаа аананд̣̇о…бз… ‘‘виббасаннаани ко д̇з, аавусо саарибуд̇д̇а, инд̣̇рияаани; барисуд̣̇д̇хо мукаван̣н̣о барияод̣̇аад̇о. гад̇амзнааяасмаа саарибуд̇д̇о аж̇ж̇а вихаарзна вихаасий’’д̇и?
‘‘ид̇хаахам̣, аавусо, бийд̇ияаа жа вирааг̇аа убзгкаго жа вихаасим̣ сад̇о жа самбаж̇аано сукан̃жа гааязна бадисам̣взд̣̇зми; яам̣ д̇ам̣ арияаа аажигканд̇и ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихараами. д̇асса маяхам̣, аавусо, на звам̣ ход̇и – ‘ахам̣ д̇ад̇ияам̣ жхаанам̣ самаабаж̇ж̇аамий’д̇и ваа ‘ахам̣ д̇ад̇ияам̣ жхаанам̣ самаабанно’д̇и ваа ‘ахам̣ д̇ад̇ияаа жхаанаа вудтид̇о’д̇и ваа’’д̇и. ‘‘д̇ат̇аа хи банааяасмад̇о саарибуд̇д̇асса д̣̇ийгхарад̇д̇ам̣ ахан̇гаарамаман̇гаарамаанаанусаяаа сусамуухад̇аа. д̇асмаа ааяасмад̇о саарибуд̇д̇асса на звам̣ ход̇и – ‘ахам̣ д̇ад̇ияам̣ жхаанам̣ самаабаж̇ж̇аамий’д̇и ваа ‘ахам̣ д̇ад̇ияам̣ жхаанам̣ самаабанно’д̇и ваа ‘ахам̣ д̇ад̇ияаа жхаанаа вудтид̇о’д̇и ваа’’д̇и. д̇ад̇ияам̣.
4. убзгкаасуд̇д̇ам̣
335. саавад̇т̇инид̣̇аанам̣ . ад̣̇д̣̇асаа ко ааяасмаа аананд̣̇о…бз… ‘‘виббасаннаани ко д̇з, аавусо саарибуд̇д̇а, инд̣̇рияаани; барисуд̣̇д̇хо мукаван̣н̣о барияод̣̇аад̇о. гад̇амзнааяасмаа саарибуд̇д̇о аж̇ж̇а вихаарзна вихаасий’’д̇и?
‘‘ид̇хаахам̣, аавусо, сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихараами. д̇асса маяхам̣, аавусо, на звам̣ ход̇и – ‘ахам̣ жад̇уд̇т̇ам̣ жхаанам̣ самаабаж̇ж̇аамий’д̇и ваа ‘ахам̣ жад̇уд̇т̇ам̣ жхаанам̣ самаабанно’д̇и ваа ‘ахам̣ жад̇уд̇т̇аа жхаанаа вудтид̇о’д̇и ваа’’д̇и. ‘‘д̇ат̇аа хи банааяасмад̇о саарибуд̇д̇асса д̣̇ийгхарад̇д̇ам̣ ахан̇гаарамаман̇гаарамаанаанусаяаа сусамуухад̇аа. д̇асмаа ааяасмад̇о саарибуд̇д̇асса на звам̣ ход̇и – ‘ахам̣ жад̇уд̇т̇ам̣ жхаанам̣ самаабаж̇ж̇аамий’д̇и ваа ‘ахам̣ жад̇уд̇т̇ам̣ жхаанам̣ самаабанно’д̇и ваа ‘ахам̣ жад̇уд̇т̇аа жхаанаа вудтид̇о’д̇и ваа’’д̇и. жад̇уд̇т̇ам̣.
5. аагаасаанан̃жааяад̇анасуд̇д̇ам̣
336. саавад̇т̇инид̣̇аанам̣ . ад̣̇д̣̇асаа ко ааяасмаа аананд̣̇о…бз… ‘‘ид̇хаахам̣, аавусо, саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ананд̇о аагаасод̇и аагаасаанан̃жааяад̇анам̣ убасамбаж̇ж̇а вихараами…бз… вудтид̇од̇и ваа’’д̇и. бан̃жамам̣.
6. вин̃н̃аан̣ан̃жааяад̇анасуд̇д̇ам̣
337. саавад̇т̇инид̣̇аанам̣. ад̣̇д̣̇асаа ко ааяасмаа аананд̣̇о…бз… ‘‘ид̇хаахам̣, аавусо, саб̣б̣асо аагаасаанан̃жааяад̇анам̣ самад̇иггамма ананд̇ам̣ вин̃н̃аан̣анд̇и вин̃н̃аан̣ан̃жааяад̇анам̣ убасамбаж̇ж̇а вихараами…бз… вудтид̇од̇и ваа’’д̇и. чадтам̣.
7. аагин̃жан̃н̃ааяад̇анасуд̇д̇ам̣
338. саавад̇т̇инид̣̇аанам̣. ат̇а ко ааяасмаа саарибуд̇д̇о…бз… ‘‘ид̇хаахам̣, аавусо, саб̣б̣асо вин̃н̃аан̣ан̃жааяад̇анам̣ самад̇иггамма, над̇т̇и гин̃жийд̇и аагин̃жан̃н̃ааяад̇анам̣ убасамбаж̇ж̇а вихараами…бз… вудтид̇од̇и ваа’’д̇и. сад̇д̇амам̣.
8. нзвасан̃н̃аанаасан̃н̃ааяад̇анасуд̇д̇ам̣
339. саавад̇т̇инид̣̇аанам̣ . ат̇а ко ааяасмаа саарибуд̇д̇о…бз… ‘‘ид̇хаахам̣, аавусо, аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихараами…бз… вудтид̇од̇и ваа’’д̇и. адтамам̣.
9. нирод̇хасамаабад̇д̇исуд̇д̇ам̣
340. саавад̇т̇инид̣̇аанам̣. ат̇а ко ааяасмаа саарибуд̇д̇о…бз… . ‘‘ид̇хаахам̣, аавусо, саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихараами. д̇асса маяхам̣, аавусо, на звам̣ ход̇и – ‘ахам̣ сан̃н̃аавзд̣̇аяид̇анирод̇хам̣ самаабаж̇ж̇аамий’д̇и ваа ‘ахам̣ сан̃н̃аавзд̣̇аяид̇анирод̇хам̣ самаабанно’д̇и ваа ‘ахам̣ сан̃н̃аавзд̣̇аяид̇анирод̇хаа вудтид̇о’д̇и ваа’’д̇и. ‘‘д̇ат̇аа хи банааяасмад̇о саарибуд̇д̇асса д̣̇ийгхарад̇д̇ам̣ ахан̇гаарамаман̇гаарамаанаанусаяаа сусамуухад̇аа. д̇асмаа ааяасмад̇о саарибуд̇д̇асса на звам̣ ход̇и – ‘ахам̣ сан̃н̃аавзд̣̇аяид̇анирод̇хам̣ самаабаж̇ж̇аамий’д̇и ваа ‘ахам̣ сан̃н̃аавзд̣̇аяид̇анирод̇хам̣ самаабанно’д̇и ваа ‘ахам̣ сан̃н̃аавзд̣̇аяид̇анирод̇хаа вудтид̇о’д̇и ваа’’д̇и. навамам̣.
10. суужимукийсуд̇д̇ам̣
341. згам̣ самаяам̣ ааяасмаа саарибуд̇д̇о рааж̇аг̇ахз вихарад̇и взл̣уванз галанд̣̇аганиваабз. ат̇а ко ааяасмаа саарибуд̇д̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахз бин̣д̣ааяа баависи. рааж̇аг̇ахз сабад̣̇аанам̣ бин̣д̣ааяа жарид̇ваа д̇ам̣ бин̣д̣абаад̇ам̣ ан̃н̃ад̇арам̣ гуддамуулам̣ гуд̣д̣амуулам̣ (сий. сяаа. гам̣.), гуд̣д̣ам̣ (бий.) ниссааяа барибхун̃ж̇ад̇и. ат̇а ко суужимукий бариб̣б̣ааж̇игаа язнааяасмаа саарибуд̇д̇о д̇знубасан̇гами; убасан̇гамид̇ваа ааяасманд̇ам̣ саарибуд̇д̇ам̣ зд̇ад̣̇авожа –
‘‘гим̣ ну ко, саман̣а, ад̇хомуко бхун̃ж̇асий’’д̇и? ‘‘на кваахам̣, бхаг̇ини, ад̇хомуко бхун̃ж̇аамий’’д̇и. ‘‘д̇зна хи, саман̣а, уб̣бхамуко уд̣̇д̇хам̣муко (сий. адта.) бхун̃ж̇асий’’д̇и? ‘‘на кваахам̣, бхаг̇ини, уб̣бхамуко бхун̃ж̇аамий’’д̇и. ‘‘д̇зна хи, саман̣а, д̣̇исаамуко бхун̃ж̇асий’’д̇и? ‘‘на кваахам̣, бхаг̇ини, д̣̇исаамуко бхун̃ж̇аамий’’д̇и. ‘‘д̇зна хи, саман̣а, вид̣̇исаамуко бхун̃ж̇асий’’д̇и? ‘‘на кваахам̣, бхаг̇ини, вид̣̇исаамуко бхун̃ж̇аамий’’д̇и.
‘‘‘гим̣ ну, саман̣а, ад̇хомуко бхун̃ж̇асий’д̇и ид̇и будто самаано ‘на кваахам̣, бхаг̇ини, ад̇хомуко бхун̃ж̇аамий’д̇и вад̣̇зси. ‘д̇зна хи, саман̣а, уб̣бхамуко бхун̃ж̇асий’д̇и ид̇и будто самаано ‘на кваахам̣, бхаг̇ини, уб̣бхамуко бхун̃ж̇аамий’д̇и вад̣̇зси. ‘д̇зна хи, саман̣а, д̣̇исаамуко бхун̃ж̇асий’д̇и ид̇и будто самаано ‘на кваахам̣, бхаг̇ини, д̣̇исаамуко бхун̃ж̇аамий’д̇и вад̣̇зси. ‘д̇зна хи, саман̣а, вид̣̇исаамуко бхун̃ж̇асий’д̇и ид̇и будто самаано ‘на кваахам̣, бхаг̇ини, вид̣̇исаамуко бхун̃ж̇аамий’д̇и вад̣̇зси’’.
‘‘гат̇ан̃жарахи , саман̣а, бхун̃ж̇асий’’д̇и? ‘‘яз хи гзжи, бхаг̇ини, саман̣аб̣раахман̣аа саман̣аа ваа б̣раахман̣аа ваа (сий.) ниг̇аманаваагяз бана саб̣б̣ад̇т̇ааби самаасоязва д̣̇иссад̇и вад̇т̇увиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ ж̇ийвид̇ам̣ (га.) габбзнд̇и, имз вужжанд̇и, бхаг̇ини, саман̣аб̣раахман̣аа ‘ад̇хомукаа бхун̃ж̇анд̇ий’д̇и. яз хи гзжи, бхаг̇ини, саман̣аб̣раахман̣аа нагкад̇д̇авиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ габбзнд̇и, имз вужжанд̇и, бхаг̇ини, саман̣аб̣раахман̣аа ‘уб̣бхамукаа бхун̃ж̇анд̇ий’д̇и. яз хи гзжи, бхаг̇ини, саман̣аб̣раахман̣аа д̣̇ууд̇зяяабахин̣аг̇аманаануяог̇ааяа … нуяог̇аа (сий. сяаа. гам̣. бий.), … нуяог̇зна (?) мижчааж̇ийвзна ж̇ийвигам̣ габбзнд̇и, имз вужжанд̇и, бхаг̇ини, саман̣аб̣раахман̣аа ‘д̣̇исаамукаа бхун̃ж̇анд̇ий’д̇и. яз хи гзжи, бхаг̇ини, саман̣аб̣раахман̣аа ан̇г̇авиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ габбзнд̇и, имз вужжанд̇и, бхаг̇ини, саман̣аб̣раахман̣аа ‘вид̣̇исаамукаа бхун̃ж̇анд̇ий’’’д̇и.
‘‘со кваахам̣, бхаг̇ини, на вад̇т̇увиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ габбзми, на нагкад̇д̇авиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ габбзми, на д̣̇ууд̇зяяабахин̣аг̇аманаануяог̇ааяа мижчааж̇ийвзна ж̇ийвигам̣ габбзми, на ан̇г̇авиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ габбзми. д̇хаммзна бхигкам̣ бариязсаами; д̇хаммзна бхигкам̣ бариязсид̇ваа бхун̃ж̇аамий’’д̇и.
ат̇а ко суужимукий бариб̣б̣ааж̇игаа рааж̇аг̇ахз рат̇ияааяа рат̇ияам̣, син̇гхаадагзна син̇гхаадагам̣ убасан̇гамид̇ваа звамаарожзси – ‘‘д̇хаммигам̣ саман̣аа сагяабуд̇д̇ияаа аахаарам̣ аахаарзнд̇и; анаваж̇ж̇ам̣ анаваж̇ж̇зна (га.) саман̣аа сагяабуд̇д̇ияаа аахаарам̣ аахаарзнд̇и. д̣̇зт̇а саман̣аанам̣ сагяабуд̇д̇ияаанам̣ бин̣д̣а’’нд̇и. д̣̇асамам̣.
саарибуд̇д̇асам̣яуд̇д̇ам̣ самад̇д̇ам̣.
д̇ассуд̣̇д̣̇аанам̣ –
вивзгаж̇ам̣ авид̇аггам̣, бийд̇и убзгкаа жад̇уд̇т̇агам̣;
аагаасан̃жзва вин̃н̃аан̣ам̣, аагин̃жам̣ нзвасан̃н̃инаа;
нирод̇хо навамо вуд̇д̇о, д̣̇асамам̣ суужимукий жаад̇и.