9. субан̣н̣асам̣яуд̇д̇ам̣
1. суд̣̇д̇хигасуд̇д̇ам̣
392. саавад̇т̇инид̣̇аанам̣ . ‘‘жад̇ассо имаа, бхигкавз, субан̣н̣аяонияо. гад̇амаа жад̇ассо? ан̣д̣аж̇аа субан̣н̣аа, ж̇алааб̣уж̇аа субан̣н̣аа, сам̣сзд̣̇аж̇аа субан̣н̣аа, обабаад̇игаа субан̣н̣аа – имаа ко, бхигкавз, жад̇ассо субан̣н̣аяонияо’’д̇и. батамам̣.
2. харанд̇исуд̇д̇ам̣
393. саавад̇т̇инид̣̇аанам̣ . ‘‘жад̇ассо имаа, бхигкавз, субан̣н̣аяонияо. гад̇амаа жад̇ассо? ан̣д̣аж̇аа…бз… имаа ко, бхигкавз, жад̇ассо субан̣н̣аяонияо. д̇ад̇ра, бхигкавз, ан̣д̣аж̇аа субан̣н̣аа ан̣д̣аж̇зва нааг̇з харанд̇и, на ж̇алааб̣уж̇з, на сам̣сзд̣̇аж̇з, на обабаад̇игз. д̇ад̇ра, бхигкавз, ж̇алааб̣уж̇аа субан̣н̣аа ан̣д̣аж̇з жа ж̇алааб̣уж̇з жа нааг̇з харанд̇и, на сам̣сзд̣̇аж̇з, на обабаад̇игз. д̇ад̇ра, бхигкавз, сам̣сзд̣̇аж̇аа субан̣н̣аа ан̣д̣аж̇з жа ж̇алааб̣уж̇з жа сам̣сзд̣̇аж̇з жа нааг̇з харанд̇и, на обабаад̇игз. д̇ад̇ра, бхигкавз, обабаад̇игаа субан̣н̣аа ан̣д̣аж̇з жа ж̇алааб̣уж̇з жа сам̣сзд̣̇аж̇з жа обабаад̇игз жа нааг̇з харанд̇и. имаа ко, бхигкавз, жад̇ассо субан̣н̣аяонияо’’д̇и. д̣̇уд̇ияам̣.
3. д̣̇ваяагаарийсуд̇д̇ам̣
394. саавад̇т̇инид̣̇аанам̣. ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у, го бажжаяо, язна мид̇хзгажжо гааяасса бхзд̣̇аа барам̣ маран̣аа ан̣д̣аж̇аанам̣ субан̣н̣аанам̣ сахаб̣яад̇ам̣ убабаж̇ж̇ад̇ий’’д̇и? ‘‘ид̇ха, бхигку, згажжо гааязна д̣̇ваяагаарий ход̇и, ваажааяа д̣̇ваяагаарий, манасаа д̣̇ваяагаарий. д̇асса суд̇ам̣ ход̇и – ‘ан̣д̣аж̇аа субан̣н̣аа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа ан̣д̣аж̇аанам̣ субан̣н̣аанам̣ сахаб̣яад̇ам̣ убабаж̇ж̇зяяа’нд̇и. со гааяасса бхзд̣̇аа барам̣ маран̣аа ан̣д̣аж̇аанам̣ субан̣н̣аанам̣ сахаб̣яад̇ам̣ убабаж̇ж̇ад̇и. аяам̣ ко, бхигку, хзд̇у, аяам̣ бажжаяо , язна мид̇хзгажжо гааяасса бхзд̣̇аа барам̣ маран̣аа ан̣д̣аж̇аанам̣ субан̣н̣аанам̣ сахаб̣яад̇ам̣ убабаж̇ж̇ад̇ий’’д̇и. д̇ад̇ияам̣.
4-6. д̣̇уд̇ияаад̣̇ид̣̇ваяагаарийсуд̇д̇ад̇д̇игам̣
395-397. саавад̇т̇инид̣̇аанам̣. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у, го бажжаяо, язна мид̇хзгажжо гааяасса бхзд̣̇аа барам̣ маран̣аа ж̇алааб̣уж̇аанам̣ субан̣н̣аанам̣…бз… сам̣сзд̣̇аж̇аанам̣ субан̣н̣аанам̣…бз… обабаад̇игаанам̣ субан̣н̣аанам̣ сахаб̣яад̇ам̣ убабаж̇ж̇ад̇ий’’д̇и? ‘‘ид̇ха, бхигку, згажжо гааязна д̣̇ваяагаарий ход̇и, ваажааяа д̣̇ваяагаарий, манасаа д̣̇ваяагаарий. д̇асса суд̇ам̣ ход̇и – ‘обабаад̇игаа субан̣н̣аа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа обабаад̇игаанам̣ субан̣н̣аанам̣ сахаб̣яад̇ам̣ убабаж̇ж̇зяяа’нд̇и. со гааяасса бхзд̣̇аа барам̣ маран̣аа обабаад̇игаанам̣ субан̣н̣аанам̣ сахаб̣яад̇ам̣ убабаж̇ж̇ад̇и. аяам̣ ко, бхигку, хзд̇у, аяам̣ бажжаяо, язна мид̇хзгажжо гааяасса бхзд̣̇аа барам̣ маран̣аа обабаад̇игаанам̣ субан̣н̣аанам̣ сахаб̣яад̇ам̣ убабаж̇ж̇ад̇ий’’д̇и. чадтам̣.
7-16. ан̣д̣аж̇ад̣̇аануубагаарасуд̇д̇ад̣̇асагам̣
398-407. саавад̇т̇инид̣̇аанам̣ . згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у, го бажжаяо, язна мид̇хзгажжо гааяасса бхзд̣̇аа барам̣ маран̣аа ан̣д̣аж̇аанам̣ субан̣н̣аанам̣ сахаб̣яад̇ам̣ убабаж̇ж̇ад̇ий’’д̇и? ‘‘ид̇ха, бхигку, згажжо гааязна д̣̇ваяагаарий ход̇и, ваажааяа д̣̇ваяагаарий, манасаа д̣̇ваяагаарий. д̇асса суд̇ам̣ ход̇и – ‘ан̣д̣аж̇аа субан̣н̣аа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа ан̣д̣аж̇аанам̣ субан̣н̣аанам̣ сахаб̣яад̇ам̣ убабаж̇ж̇зяяа’нд̇и. со аннам̣ д̣̇зд̇и…бз… баанам̣ д̣̇зд̇и… вад̇т̇ам̣ д̣̇зд̇и… яаанам̣ д̣̇зд̇и… маалам̣ д̣̇зд̇и… г̇анд̇хам̣ д̣̇зд̇и… вилзбанам̣ д̣̇зд̇и… сзяяам̣ д̣̇зд̇и… аавасат̇ам̣ д̣̇зд̇и… бад̣̇ийбзяяам̣ д̣̇зд̇и. со гааяасса бхзд̣̇аа барам̣ маран̣аа ан̣д̣аж̇аанам̣ субан̣н̣аанам̣ сахаб̣яад̇ам̣ убабаж̇ж̇ад̇и. аяам̣ ко, бхигку, хзд̇у, аяам̣ бажжаяо, язна мид̇хзгажжо гааяасса бхзд̣̇аа барам̣ маран̣аа ан̣д̣аж̇аанам̣ субан̣н̣аанам̣ сахаб̣яад̇ам̣ убабаж̇ж̇ад̇ий’’д̇и. сол̣асамам̣.
17-46. ж̇алааб̣уж̇аад̣̇ид̣̇аануубагаарасуд̇д̇ад̇им̣сагам̣
408-437. саавад̇т̇инид̣̇аанам̣ . згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у, го бажжаяо, язна мид̇хзгажжо гааяасса бхзд̣̇аа барам̣ маран̣аа ж̇алааб̣уж̇аанам̣ субан̣н̣аанам̣…бз… сам̣сзд̣̇аж̇аанам̣ субан̣н̣аанам̣…бз… обабаад̇игаанам̣ субан̣н̣аанам̣ сахаб̣яад̇ам̣ убабаж̇ж̇ад̇ий’’д̇и? ‘‘ид̇ха, бхигку, згажжо гааязна д̣̇ваяагаарий ход̇и, ваажааяа д̣̇ваяагаарий, манасаа д̣̇ваяагаарий. д̇асса суд̇ам̣ ход̇и – ‘обабаад̇игаа субан̣н̣аа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа обабаад̇игаанам̣ субан̣н̣аанам̣ сахаб̣яад̇ам̣ убабаж̇ж̇зяяа’нд̇и. со аннам̣ д̣̇зд̇и…бз… баанам̣ д̣̇зд̇и…бз… бад̣̇ийбзяяам̣ д̣̇зд̇и. со гааяасса бхзд̣̇аа барам̣ маран̣аа обабаад̇игаанам̣ субан̣н̣аанам̣ сахаб̣яад̇ам̣ убабаж̇ж̇ад̇и. аяам̣ ко, бхигку, хзд̇у, аяам̣ бажжаяо, язна мид̇хзгажжо гааяасса бхзд̣̇аа барам̣ маран̣аа обабаад̇игаанам̣ субан̣н̣аанам̣ сахаб̣яад̇ам̣ убабаж̇ж̇ад̇ий’’д̇и. чажад̇д̇аалийсамам̣.
(звам̣ бин̣д̣агзна чажад̇д̇аалийсам̣ суд̇д̇анд̇аа хонд̇и.)
субан̣н̣асам̣яуд̇д̇ам̣ самад̇д̇ам̣.
д̇ассуд̣̇д̣̇аанам̣ –
суд̣̇д̇хигам̣ харанд̇и жзва, д̣̇ваяагаарий жа жад̇уро;
д̣̇аануубагаараа д̇аалийсам̣, субан̣н̣з суббагаасид̇аад̇и.