3. маад̇уг̇аамасам̣яуд̇д̇ам̣
1. батамабзяяаалаваг̇г̇о
1. маад̇уг̇аамасуд̇д̇ам̣
280. ‘‘бан̃жахи , бхигкавз, ан̇г̇зхи саманнааг̇ад̇о маад̇уг̇аамо зганд̇ааманаабо ход̇и бурисасса. гад̇амзхи бан̃жахи? на жа руубаваа ход̇и, на жа бхог̇аваа ход̇и, на жа сийлаваа ход̇и, аласо жа ход̇и, баж̇ан̃жасса на лабхад̇и – имзхи ко, бхигкавз, бан̃жахи ан̇г̇зхи саманнааг̇ад̇о маад̇уг̇аамо зганд̇ааманаабо ход̇и бурисасса. бан̃жахи, бхигкавз, ан̇г̇зхи саманнааг̇ад̇о маад̇уг̇аамо зганд̇аманаабо ход̇и бурисасса. гад̇амзхи бан̃жахи? руубаваа жа ход̇и, бхог̇аваа жа ход̇и, сийлаваа жа ход̇и, д̣̇агко жа ход̇и аналасо, баж̇ан̃жасса лабхад̇и – имзхи ко, бхигкавз, бан̃жахи ан̇г̇зхи саманнааг̇ад̇о маад̇уг̇аамо зганд̇аманаабо ход̇и бурисассаа’’д̇и. батамам̣.
2. бурисасуд̇д̇ам̣
281. ‘‘бан̃жахи, бхигкавз, ан̇г̇зхи саманнааг̇ад̇о бурисо зганд̇ааманаабо ход̇и маад̇уг̇аамасса. гад̇амзхи бан̃жахи? на жа руубаваа ход̇и, на жа бхог̇аваа ход̇и, на жа сийлаваа ход̇и, аласо жа ход̇и, баж̇ан̃жасса на лабхад̇и – имзхи ко, бхигкавз, бан̃жахи ан̇г̇зхи саманнааг̇ад̇о бурисо зганд̇ааманаабо ход̇и маад̇уг̇аамасса. бан̃жахи, бхигкавз, ан̇г̇зхи саманнааг̇ад̇о бурисо зганд̇аманаабо ход̇и маад̇уг̇аамасса. гад̇амзхи бан̃жахи? руубаваа жа ход̇и, бхог̇аваа жа ход̇и, сийлаваа жа ход̇и, д̣̇агко жа ход̇и аналасо, баж̇ан̃жасса лабхад̇и – имзхи ко, бхигкавз, бан̃жахи ан̇г̇зхи саманнааг̇ад̇о бурисо зганд̇аманаабо ход̇и маад̇уг̇аамассаа’’д̇и. д̣̇уд̇ияам̣.
3. аавзн̣игад̣̇угкасуд̇д̇ам̣
282. ‘‘бан̃жимаани, бхигкавз, маад̇уг̇аамасса аавзн̣игаани д̣̇угкаани, яаани маад̇уг̇аамо бажжанубход̇и, ан̃н̃ад̇рзва бурисзхи. гад̇амаани бан̃жа? ид̇ха, бхигкавз , маад̇уг̇аамо д̣̇ахарова самаано бад̇игулам̣ г̇ажчад̇и, н̃аад̇агзхи винаа ход̇и. ид̣̇ам̣, бхигкавз, маад̇уг̇аамасса батамам̣ аавзн̣игам̣ д̣̇угкам̣, яам̣ маад̇уг̇аамо бажжанубход̇и, ан̃н̃ад̇рзва бурисзхи. буна жабарам̣, бхигкавз, маад̇уг̇аамо уд̇уний ход̇и. ид̣̇ам̣, бхигкавз, маад̇уг̇аамасса д̣̇уд̇ияам̣ аавзн̣игам̣ д̣̇угкам̣, яам̣ маад̇уг̇аамо бажжанубход̇и, ан̃н̃ад̇рзва бурисзхи. буна жабарам̣, бхигкавз, маад̇уг̇аамо г̇аб̣бхиний ход̇и. ид̣̇ам̣, бхигкавз, маад̇уг̇аамасса д̇ад̇ияам̣ аавзн̣игам̣ д̣̇угкам̣, яам̣ маад̇уг̇аамо бажжанубход̇и, ан̃н̃ад̇рзва бурисзхи. буна жабарам̣, бхигкавз, маад̇уг̇аамо виж̇ааяад̇и. ид̣̇ам̣, бхигкавз, маад̇уг̇аамасса жад̇уд̇т̇ам̣ аавзн̣игам̣ д̣̇угкам̣, яам̣ маад̇уг̇аамо бажжанубход̇и, ан̃н̃ад̇рзва бурисзхи. буна жабарам̣, бхигкавз, маад̇уг̇аамо бурисасса баарижарияам̣ убзд̇и. ид̣̇ам̣ ко, бхигкавз, маад̇уг̇аамасса бан̃жамам̣ аавзн̣игам̣ д̣̇угкам̣, яам̣ маад̇уг̇аамо бажжанубход̇и, ан̃н̃ад̇рзва бурисзхи. имаани ко, бхигкавз, бан̃жа маад̇уг̇аамасса аавзн̣игаани д̣̇угкаани, яаани маад̇уг̇аамо бажжанубход̇и, ан̃н̃ад̇рзва бурисзхий’’д̇и. д̇ад̇ияам̣.
4. д̇ийхид̇хаммзхисуд̇д̇ам̣
283. ‘‘д̇ийхи , бхигкавз, д̇хаммзхи саманнааг̇ад̇о маад̇уг̇аамо язбхуяязна гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. гад̇амзхи д̇ийхи? ид̇ха, бхигкавз, маад̇уг̇аамо буб̣б̣ан̣хасамаяам̣ мажчзрамалабарияудтид̇зна жзд̇асаа аг̇аарам̣ аж̇жхаавасад̇и. маж̇жханхигасамаяам̣ иссаабарияудтид̇зна жзд̇асаа аг̇аарам̣ аж̇жхаавасад̇и. сааяанхасамаяам̣ гаамарааг̇абарияудтид̇зна жзд̇асаа аг̇аарам̣ аж̇жхаавасад̇и. имзхи ко, бхигкавз, д̇ийхи д̇хаммзхи саманнааг̇ад̇о маад̇уг̇аамо язбхуяязна гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’’д̇и. жад̇уд̇т̇ам̣.
5. год̇ханасуд̇д̇ам̣
284. ат̇а ко ааяасмаа ануруд̣̇д̇хо язна бхаг̇аваа д̇знубасан̇гами; убасан̇гамид̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа ануруд̣̇д̇хо бхаг̇аванд̇ам̣ зд̇ад̣̇авожа – ‘‘ид̇хаахам̣, бханд̇з, маад̇уг̇аамам̣ бассаами д̣̇иб̣б̣зна жагкунаа висуд̣̇д̇хзна ад̇игганд̇амаанусагзна гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇ам̣. гад̇ийхи ну ко, бханд̇з, д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’’д̇и?
‘‘бан̃жахи ко, ануруд̣̇д̇ха, д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. гад̇амзхи бан̃жахи? ассад̣̇д̇хо жа ход̇и, ахириго жа ход̇и, анод̇д̇аббий жа ход̇и, год̇хано жа ход̇и, д̣̇уббан̃н̃о жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’’д̇и. бан̃жамам̣.
6. убанаахийсуд̇д̇ам̣
285. ‘‘бан̃жахи , ануруд̣̇д̇ха, д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. гад̇амзхи бан̃жахи? ассад̣̇д̇хо жа ход̇и, ахириго жа ход̇и, анод̇д̇аббий жа ход̇и, убанаахий жа ход̇и, д̣̇уббан̃н̃о жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’’д̇и. чадтам̣.
7. иссугийсуд̇д̇ам̣
286. ‘‘бан̃жахи, ануруд̣̇д̇ха, д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. гад̇амзхи бан̃жахи? ассад̣̇д̇хо жа ход̇и, ахириго жа ход̇и, анод̇д̇аббий жа ход̇и, иссугий жа ход̇и, д̣̇уббан̃н̃о жа ход̇и – имзхи ко , ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’’д̇и. сад̇д̇амам̣.
8. мажчарийсуд̇д̇ам̣
287. ‘‘бан̃жахи, ануруд̣̇д̇ха, д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. гад̇амзхи бан̃жахи? ассад̣̇д̇хо жа ход̇и, ахириго жа ход̇и, анод̇д̇аббий жа ход̇и, мажчарий жа ход̇и, д̣̇уббан̃н̃о жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо…бз… абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’’д̇и. адтамам̣.
9. ад̇ижаарийсуд̇д̇ам̣
288. ‘‘бан̃жахи , ануруд̣̇д̇ха, д̇хаммзхи саманнааг̇ад̇о маад̇уг̇аамо…бз… абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. гад̇амзхи бан̃жахи? ассад̣̇д̇хо жа ход̇и, ахириго жа ход̇и, анод̇д̇аббий жа ход̇и, ад̇ижаарий жа ход̇и, д̣̇уббан̃н̃о жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо…бз… убабаж̇ж̇ад̇ий’’д̇и. навамам̣.
10. д̣̇уссийласуд̇д̇ам̣
289. ‘‘бан̃жахи, ануруд̣̇д̇ха, д̇хаммзхи саманнааг̇ад̇о маад̇уг̇аамо…бз… нираяам̣ убабаж̇ж̇ад̇и. гад̇амзхи бан̃жахи? ассад̣̇д̇хо жа ход̇и, ахириго жа ход̇и, анод̇д̇аббий жа ход̇и, д̣̇уссийло жа ход̇и, д̣̇уббан̃н̃о жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо…бз… нираяам̣ убабаж̇ж̇ад̇ий’’д̇и. д̣̇асамам̣.
11. аббассуд̇асуд̇д̇ам̣
290. ‘‘бан̃жахи, ануруд̣̇д̇ха, д̇хаммзхи саманнааг̇ад̇о маад̇уг̇аамо…бз… нираяам̣ убабаж̇ж̇ад̇и . гад̇амзхи бан̃жахи? ассад̣̇д̇хо жа ход̇и, ахириго жа ход̇и, анод̇д̇аббий жа ход̇и, аббассуд̇о жа ход̇и, д̣̇уббан̃н̃о жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо…бз… нираяам̣ убабаж̇ж̇ад̇ий’’д̇и. згаад̣̇асамам̣.
12. гусийд̇асуд̇д̇ам̣
291. ‘‘бан̃жахи, ануруд̣̇д̇ха, д̇хаммзхи саманнааг̇ад̇о маад̇уг̇аамо…бз… нираяам̣ убабаж̇ж̇ад̇и. гад̇амзхи бан̃жахи? ассад̣̇д̇хо жа ход̇и, ахириго жа ход̇и, анод̇д̇аббий жа ход̇и, гусийд̇о жа ход̇и, д̣̇уббан̃н̃о жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо…бз… абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’’д̇и. д̣̇ваад̣̇асамам̣.
13. мудтассад̇исуд̇д̇ам̣
292. ‘‘бан̃жахи , ануруд̣̇д̇ха, д̇хаммзхи саманнааг̇ад̇о маад̇уг̇аамо…бз… нираяам̣ убабаж̇ж̇ад̇и. гад̇амзхи бан̃жахи? ассад̣̇д̇хо жа ход̇и, ахириго жа ход̇и, анод̇д̇аббий жа ход̇и, мудтассад̇и жа ход̇и, д̣̇уббан̃н̃о жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо…бз… нираяам̣ убабаж̇ж̇ад̇ий’’д̇и. д̇зрасамам̣.
14. бан̃жавзрасуд̇д̇ам̣
293. ‘‘бан̃жахи, ануруд̣̇д̇ха, д̇хаммзхи саманнааг̇ад̇о маад̇уг̇аамо…бз… нираяам̣ убабаж̇ж̇ад̇и. гад̇амзхи бан̃жахи? баан̣аад̇ибаад̇ий жа ход̇и, ад̣̇иннаад̣̇ааяий жа ход̇и, гаамзсумижчаажаарий жа ход̇и, мусааваад̣̇ий жа ход̇и, сураамзраяамаж̇ж̇аббамаад̣̇адтааяий жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’’д̇и. жуд̣̇д̣̇асамам̣.
батамабзяяаалаваг̇г̇о.
д̇ассуд̣̇д̣̇аанам̣ –
маад̇уг̇аамо бурисо жа, аавзн̣игаа д̇ид̇хаммо жа д̣̇вз манаабааманаабаажа, аавзн̣игаа д̇ийхи ануруд̣̇д̇хо (саб̣б̣ад̇т̇а);
год̇хано убанаахий жа, иссугий мажчарзна жа;
ад̇ижаарий жа д̣̇уссийло, аббассуд̇о жа гусийд̇о;
мудтассад̇и бан̃жавзрам̣, ган̣хабагкз багаасид̇о.
2. д̣̇уд̇ияабзяяаалаваг̇г̇о
1. аггод̇ханасуд̇д̇ам̣
294. ат̇а ко ааяасмаа ануруд̣̇д̇хо язна бхаг̇аваа д̇знубасан̇гами; убасан̇гамид̇ваа…бз… згаманд̇ам̣ нисинно ко ааяасмаа ануруд̣̇д̇хо бхаг̇аванд̇ам̣ зд̇ад̣̇авожа – ‘‘ид̇хаахам̣, бханд̇з, маад̇уг̇аамам̣ бассаами д̣̇иб̣б̣зна жагкунаа висуд̣̇д̇хзна ад̇игганд̇амаанусагзна гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇ам̣. гад̇ийхи ну ко, бханд̇з, д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇ий’’д̇и?
‘‘бан̃жахи ко, ануруд̣̇д̇ха, д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. гад̇амзхи бан̃жахи? сад̣̇д̇хо жа ход̇и, хиримаа жа ход̇и, од̇д̇аббий жа ход̇и, аггод̇хано жа ход̇и, бан̃н̃аваа жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇ий’’д̇и. батамам̣.
2. анубанаахийсуд̇д̇ам̣
295. ‘‘бан̃жахи, ануруд̣̇д̇ха, д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. гад̇амзхи бан̃жахи? сад̣̇д̇хо жа ход̇и, хиримаа жа ход̇и, од̇д̇аббий жа ход̇и, анубанаахий жа ход̇и, бан̃н̃аваа жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇ий’’д̇и. д̣̇уд̇ияам̣.
3. аниссугийсуд̇д̇ам̣
296. ‘‘бан̃жахи, ануруд̣̇д̇ха, д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. гад̇амзхи бан̃жахи? сад̣̇д̇хо жа ход̇и, хиримаа жа ход̇и, од̇д̇аббий жа ход̇и, аниссугий жа ход̇и, бан̃н̃аваа жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇ий’’д̇и. д̇ад̇ияам̣.
4. амажчарийсуд̇д̇ам̣
297. амажчарий жа ход̇и, бан̃н̃аваа жа ход̇и…бз…. жад̇уд̇т̇ам̣.
5. анад̇ижаарийсуд̇д̇ам̣
298. анад̇ижаарий жа ход̇и, бан̃н̃аваа жа ход̇и…бз…. бан̃жамам̣.
6. сусийласуд̇д̇ам̣
299. сийлаваа жа ход̇и, бан̃н̃аваа жа ход̇и…бз…. чадтам̣.
7. б̣ахуссуд̇асуд̇д̇ам̣
300. б̣ахуссуд̇о жа ход̇и, бан̃н̃аваа жа ход̇и…бз…. сад̇д̇амам̣.
8. аарад̣̇д̇хавийрияасуд̇д̇ам̣
301. аарад̣̇д̇хавийрияо жа ход̇и, бан̃н̃аваа жа ход̇и…бз…. адтамам̣.
9. убадтид̇ассад̇исуд̇д̇ам̣
302. ‘‘убадтид̇ассад̇и жа ход̇и, бан̃н̃аваа жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇ий’’д̇и. навамам̣.
имз адта суд̇д̇анд̇асан̇кзбаа.
10. бан̃жасийласуд̇д̇ам̣
303. ‘‘бан̃жахи, ануруд̣̇д̇ха, д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. гад̇амзхи бан̃жахи? баан̣аад̇ибаад̇аа бадивирад̇о жа ход̇и, ад̣̇иннаад̣̇аанаа бадивирад̇о жа ход̇и, гаамзсумижчаажаараа бадивирад̇о жа ход̇и, мусааваад̣̇аа бадивирад̇о жа ход̇и, сураамзраяамаж̇ж̇аббамаад̣̇адтаанаа бадивирад̇о жа ход̇и – имзхи ко, ануруд̣̇д̇ха, бан̃жахи д̇хаммзхи саманнааг̇ад̇о маад̇уг̇аамо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇ий’’д̇и. д̣̇асамам̣.
д̣̇уд̇ияабзяяаалаваг̇г̇о.
д̇ассуд̣̇д̣̇аанам̣ –
д̣̇уд̇ияз жа ануруд̣̇д̇хо (саб̣б̣ад̇т̇а) аггод̇хано, анубанаахий аниссугий;
амажчарий анад̇ижаарий, сийлаваа жа б̣ахуссуд̇о;
вийрияам̣ сад̇и сийлан̃жа, суггабагкз багаасид̇о.
3. б̣алаваг̇г̇о
1. висаарад̣̇асуд̇д̇ам̣
304. ‘‘бан̃жимаани , бхигкавз, маад̇уг̇аамасса б̣алаани. гад̇амаани бан̃жа? руубаб̣алам̣, бхог̇аб̣алам̣, н̃аад̇иб̣алам̣, буд̇д̇аб̣алам̣, сийлаб̣алам̣ – имаани ко, бхигкавз, бан̃жа маад̇уг̇аамасса б̣алаани. имзхи ко, бхигкавз, бан̃жахи б̣алзхи саманнааг̇ад̇о маад̇уг̇аамо висаарад̣̇о аг̇аарам̣ аж̇жхаавасад̇ий’’д̇и. батамам̣.
2. басаяхасуд̇д̇ам̣
305. ‘‘бан̃жимаани, бхигкавз, маад̇уг̇аамасса б̣алаани. гад̇амаани бан̃жа? руубаб̣алам̣, бхог̇аб̣алам̣, н̃аад̇иб̣алам̣, буд̇д̇аб̣алам̣, сийлаб̣алам̣ – имаани ко, бхигкавз, бан̃жа маад̇уг̇аамасса б̣алаани. имзхи ко, бхигкавз, бан̃жахи б̣алзхи саманнааг̇ад̇о маад̇уг̇аамо саамигам̣ басаяха аг̇аарам̣ аж̇жхаавасад̇ий’’д̇и. д̣̇уд̇ияам̣.
3. абхибхуяяасуд̇д̇ам̣
306. ‘‘бан̃жимаани, бхигкавз, маад̇уг̇аамасса б̣алаани. гад̇амаани бан̃жа? руубаб̣алам̣, бхог̇аб̣алам̣, н̃аад̇иб̣алам̣, буд̇д̇аб̣алам̣, сийлаб̣алам̣ – имаани ко, бхигкавз, бан̃жа маад̇уг̇аамасса б̣алаани. имзхи ко, бхигкавз, бан̃жахи б̣алзхи саманнааг̇ад̇о маад̇уг̇аамо саамигам̣ абхибхуяяа вад̇д̇ад̇ий’’д̇и. д̇ад̇ияам̣.
4. згасуд̇д̇ам̣
307. ‘‘згзна жа ко, бхигкавз, б̣алзна саманнааг̇ад̇о бурисо маад̇уг̇аамам̣ абхибхуяяа вад̇д̇ад̇и. гад̇амзна згзна б̣алзна? иссарияаб̣алзна абхибхууд̇ам̣ маад̇уг̇аамам̣ нзва руубаб̣алам̣ д̇ааяад̇и, на бхог̇аб̣алам̣ д̇ааяад̇и, на н̃аад̇иб̣алам̣ д̇ааяад̇и, на буд̇д̇аб̣алам̣ д̇ааяад̇и, на сийлаб̣алам̣ д̇ааяад̇ий’’д̇и. жад̇уд̇т̇ам̣.
5. ан̇г̇асуд̇д̇ам̣
308. ‘‘бан̃жимаани , бхигкавз, маад̇уг̇аамасса б̣алаани. гад̇амаани бан̃жа? руубаб̣алам̣, бхог̇аб̣алам̣, н̃аад̇иб̣алам̣, буд̇д̇аб̣алам̣, сийлаб̣алам̣. руубаб̣алзна жа, бхигкавз, маад̇уг̇аамо саманнааг̇ад̇о ход̇и, на жа бхог̇аб̣алзна – звам̣ со д̇знан̇г̇зна абарибууро ход̇и. яад̇о жа ко, бхигкавз, маад̇уг̇аамо руубаб̣алзна жа саманнааг̇ад̇о ход̇и, бхог̇аб̣алзна жа – звам̣ со д̇знан̇г̇зна барибууро ход̇и. руубаб̣алзна жа, бхигкавз, маад̇уг̇аамо саманнааг̇ад̇о ход̇и, бхог̇аб̣алзна жа, на жа н̃аад̇иб̣алзна – звам̣ со д̇знан̇г̇зна абарибууро ход̇и. яад̇о жа ко, бхигкавз, маад̇уг̇аамо руубаб̣алзна жа саманнааг̇ад̇о ход̇и, бхог̇аб̣алзна жа, н̃аад̇иб̣алзна жа – звам̣ со д̇знан̇г̇зна барибууро ход̇и. руубаб̣алзна жа, бхигкавз, маад̇уг̇аамо саманнааг̇ад̇о ход̇и, бхог̇аб̣алзна жа, н̃аад̇иб̣алзна жа, на жа буд̇д̇аб̣алзна – звам̣ со д̇знан̇г̇зна абарибууро ход̇и. яад̇о жа ко, бхигкавз, маад̇уг̇аамо руубаб̣алзна жа саманнааг̇ад̇о ход̇и, бхог̇аб̣алзна жа, н̃аад̇иб̣алзна жа, буд̇д̇аб̣алзна жа – звам̣ со д̇знан̇г̇зна барибууро ход̇и. руубаб̣алзна жа, бхигкавз, маад̇уг̇аамо саманнааг̇ад̇о ход̇и, бхог̇аб̣алзна жа, н̃аад̇иб̣алзна жа, буд̇д̇аб̣алзна жа, на жа сийлаб̣алзна – звам̣ со д̇знан̇г̇зна абарибууро ход̇и. яад̇о жа ко, бхигкавз, маад̇уг̇аамо руубаб̣алзна жа саманнааг̇ад̇о ход̇и, бхог̇аб̣алзна жа, н̃аад̇иб̣алзна жа, буд̇д̇аб̣алзна жа, сийлаб̣алзна жа – звам̣ со д̇знан̇г̇зна барибууро ход̇и. имаани ко , бхигкавз, бан̃жа маад̇уг̇аамасса б̣алааний’’д̇и. бан̃жамам̣.
6. наасзнд̇исуд̇д̇ам̣
309. ‘‘бан̃жимаани, бхигкавз, маад̇уг̇аамасса б̣алаани. гад̇амаани бан̃жа? руубаб̣алам̣, бхог̇аб̣алам̣, н̃аад̇иб̣алам̣, буд̇д̇аб̣алам̣, сийлаб̣алам̣. руубаб̣алзна жа, бхигкавз, маад̇уг̇аамо саманнааг̇ад̇о ход̇и, на жа сийлаб̣алзна, наасзнд̇зва нам̣, гулз на ваасзнд̇и. руубаб̣алзна жа, бхигкавз, маад̇уг̇аамо саманнааг̇ад̇о ход̇и, бхог̇аб̣алзна жа, на жа сийлаб̣алзна, наасзнд̇зва нам̣, гулз на ваасзнд̇и. руубаб̣алзна жа, бхигкавз, маад̇уг̇аамо саманнааг̇ад̇о ход̇и, бхог̇аб̣алзна жа, н̃аад̇иб̣алзна жа, на жа сийлаб̣алзна, наасзнд̇зва нам̣, гулз на ваасзнд̇и. руубаб̣алзна жа, бхигкавз, маад̇уг̇аамо саманнааг̇ад̇о ход̇и, бхог̇аб̣алзна жа, н̃аад̇иб̣алзна жа , буд̇д̇аб̣алзна жа, на жа сийлаб̣алзна, наасзнд̇зва нам̣, гулз на ваасзнд̇и. сийлаб̣алзна жа, бхигкавз, маад̇уг̇аамо саманнааг̇ад̇о ход̇и, на жа руубаб̣алзна, ваасзнд̇зва нам̣, гулз на наасзнд̇и. сийлаб̣алзна жа, бхигкавз, маад̇уг̇аамо саманнааг̇ад̇о ход̇и, на жа бхог̇аб̣алзна, ваасзнд̇зва нам̣, гулз на наасзнд̇и. сийлаб̣алзна жа, бхигкавз, маад̇уг̇аамо саманнааг̇ад̇о ход̇и, на жа н̃аад̇иб̣алзна, ваасзнд̇зва нам̣, гулз на наасзнд̇и. сийлаб̣алзна жа, бхигкавз, маад̇уг̇аамо саманнааг̇ад̇о ход̇и, на жа буд̇д̇аб̣алзна, ваасзнд̇зва нам̣, гулз на наасзнд̇и. имаани ко, бхигкавз, бан̃жа маад̇уг̇аамасса б̣алааний’’д̇и. чадтам̣.
7. хзд̇усуд̇д̇ам̣
310. ‘‘бан̃жимаани , бхигкавз, маад̇уг̇аамасса б̣алаани. гад̇амаани бан̃жа? руубаб̣алам̣, бхог̇аб̣алам̣, н̃аад̇иб̣алам̣, буд̇д̇аб̣алам̣, сийлаб̣алам̣. на, бхигкавз, маад̇уг̇аамо руубаб̣алахзд̇у ваа бхог̇аб̣алахзд̇у ваа н̃аад̇иб̣алахзд̇у ваа буд̇д̇аб̣алахзд̇у ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. сийлаб̣алахзд̇у ко, бхигкавз, маад̇уг̇аамо гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. имаани ко, бхигкавз, бан̃жа маад̇уг̇аамасса б̣алааний’’д̇и. сад̇д̇амам̣.
8. таанасуд̇д̇ам̣
311. ‘‘бан̃жимаани , бхигкавз, таанаани д̣̇уллабхаани агад̇абун̃н̃зна маад̇уг̇аамзна. гад̇амаани бан̃жа? бад̇ируубз гулз ж̇ааязяяанд̇и – ид̣̇ам̣, бхигкавз, батамам̣ таанам̣ д̣̇уллабхам̣ агад̇абун̃н̃зна маад̇уг̇аамзна. бад̇ируубз гулз ж̇ааяид̇ваа бад̇ируубам̣ гулам̣ г̇ажчзяяанд̇и – ид̣̇ам̣, бхигкавз, д̣̇уд̇ияам̣ таанам̣ д̣̇уллабхам̣ агад̇абун̃н̃зна маад̇уг̇аамзна. бад̇ируубз гулз ж̇ааяид̇ваа, бад̇ируубам̣ гулам̣ г̇анд̇ваа, асабад̇д̇и аг̇аарам̣ аж̇жхаавасзяяанд̇и – ид̣̇ам̣, бхигкавз, д̇ад̇ияам̣ таанам̣ д̣̇уллабхам̣ агад̇абун̃н̃зна маад̇уг̇аамзна. бад̇ируубз гулз ж̇ааяид̇ваа, бад̇ируубам̣ гулам̣ г̇анд̇ваа, асабад̇д̇и аг̇аарам̣ аж̇жхаавасанд̇ий буд̇д̇авад̇ий ассанд̇и – ид̣̇ам̣, бхигкавз, жад̇уд̇т̇ам̣ таанам̣ д̣̇уллабхам̣ агад̇абун̃н̃зна маад̇уг̇аамзна. бад̇ируубз гулз ж̇ааяид̇ваа, бад̇ируубам̣ гулам̣ г̇анд̇ваа, асабад̇д̇и аг̇аарам̣ аж̇жхаавасанд̇ий буд̇д̇авад̇ий самаанаа саамигам̣ абхибхуяяа вад̇д̇зяяанд̇и – ид̣̇ам̣, бхигкавз, бан̃жамам̣ таанам̣ д̣̇уллабхам̣ агад̇абун̃н̃зна маад̇уг̇аамзна . имаани ко, бхигкавз, бан̃жа таанаани д̣̇уллабхаани агад̇абун̃н̃зна маад̇уг̇аамзнаад̇и.
‘‘бан̃жимаани, бхигкавз, таанаани сулабхаани гад̇абун̃н̃зна маад̇уг̇аамзна. гад̇амаани бан̃жа? бад̇ируубз гулз ж̇ааязяяанд̇и – ид̣̇ам̣, бхигкавз, батамам̣ таанам̣ сулабхам̣ гад̇абун̃н̃зна маад̇уг̇аамзна. бад̇ируубз гулз ж̇ааяид̇ваа бад̇ируубам̣ гулам̣ г̇ажчзяяанд̇и – ид̣̇ам̣, бхигкавз, д̣̇уд̇ияам̣ таанам̣ сулабхам̣ гад̇абун̃н̃зна маад̇уг̇аамзна. бад̇ируубз гулз ж̇ааяид̇ваа бад̇ируубам̣ гулам̣ г̇анд̇ваа асабад̇д̇и аг̇аарам̣ аж̇жхаавасзяяанд̇и – ид̣̇ам̣, бхигкавз, д̇ад̇ияам̣ таанам̣ сулабхам̣ гад̇абун̃н̃зна маад̇уг̇аамзна. бад̇ируубз гулз ж̇ааяид̇ваа бад̇ируубам̣ гулам̣ г̇анд̇ваа асабад̇д̇и аг̇аарам̣ аж̇жхаавасанд̇ий буд̇д̇авад̇ий ассанд̇и – ид̣̇ам̣, бхигкавз, жад̇уд̇т̇ам̣ таанам̣ сулабхам̣ гад̇абун̃н̃зна маад̇уг̇аамзна. бад̇ируубз гулз ж̇ааяид̇ваа бад̇ируубам̣ гулам̣ г̇анд̇ваа асабад̇д̇и аг̇аарам̣ аж̇жхаавасанд̇ий буд̇д̇авад̇ий самаанаа саамигам̣ абхибхуяяа вад̇д̇зяяанд̇и – ид̣̇ам̣, бхигкавз, бан̃жамам̣ таанам̣ сулабхам̣ гад̇абун̃н̃зна маад̇уг̇аамзна. имаани ко, бхигкавз, бан̃жа таанаани сулабхаани гад̇абун̃н̃зна маад̇уг̇аамзнаа’’д̇и. адтамам̣.
9. бан̃жасийлависаарад̣̇асуд̇д̇ам̣
312. ‘‘бан̃жахи, бхигкавз, д̇хаммзхи саманнааг̇ад̇о маад̇уг̇аамо висаарад̣̇о аг̇аарам̣ аж̇жхаавасад̇и. гад̇амзхи бан̃жахи? баан̣аад̇ибаад̇аа бадивирад̇о жа ход̇и, ад̣̇иннаад̣̇аанаа бадивирад̇о жа ход̇и, гаамзсумижчаажаараа бадивирад̇о жа ход̇и, мусааваад̣̇аа бадивирад̇о жа ход̇и , сураамзраяамаж̇ж̇аббамаад̣̇адтаанаа бадивирад̇о жа ход̇и – имзхи ко, бхигкавз, бан̃жахи д̇хаммзхи саманнааг̇ад̇о маад̇уг̇аамо висаарад̣̇о аг̇аарам̣ аж̇жхаавасад̇ий’’д̇и. навамам̣.
10. вад̣дхийсуд̇д̇ам̣
313. ‘‘бан̃жахи, бхигкавз, вад̣дхийхи вад̣дхамаанаа арияасаавигаа арияааяа вад̣дхияаа вад̣дхад̇и саараад̣̇ааяиний жа ход̇и вараад̣̇ааяиний жа гааяасса. гад̇амзхи бан̃жахи? сад̣̇д̇хааяа вад̣дхад̇и, сийлзна вад̣дхад̇и, суд̇зна вад̣дхад̇и, жааг̇зна вад̣дхад̇и, бан̃н̃ааяа вад̣дхад̇и – имзхи ко, бхигкавз, бан̃жахи вад̣дхийхи вад̣дхамаанаа арияасаавигаа арияааяа вад̣дхияаа вад̣дхад̇и, саараад̣̇ааяиний жа ход̇и, вараад̣̇ааяиний жа гааяассаа’’д̇и.
‘‘сад̣̇д̇хааяа сийлзна жа яаад̇ха вад̣дхад̇и,
бан̃н̃ааяа жааг̇зна суд̇зна жуубхаяам̣;
саа д̇аад̣̇исий сийлавад̇ий убаасигаа,
аад̣̇ийяад̇и саарамид̇хзва ад̇д̇ано’’д̇и. д̣̇асамам̣;
б̣алаваг̇г̇о д̇ад̇ияо.
д̇ассуд̣̇д̣̇аанам̣ –
висаарад̣̇аа басаяха абхибхуяяа, згам̣ ан̇г̇зна бан̃жамам̣;
наасзнд̇и хзд̇у таанан̃жа, висаарад̣̇о вад̣дхинаа д̣̇асаад̇и.
маад̇уг̇аамасам̣яуд̇д̇ам̣ самад̇д̇ам̣.