7. жид̇д̇асам̣яуд̇д̇ам̣
1. сам̣яож̇анасуд̇д̇ам̣
343. згам̣ самаяам̣ самб̣ахулаа т̇зраа бхигкуу мажчигаасан̣д̣з вихаранд̇и амб̣аадагаванз. д̇зна ко бана самаязна самб̣ахулаанам̣ т̇зраанам̣ бхигкуунам̣ бажчаабхад̇д̇ам̣ бин̣д̣абаад̇абадигганд̇аанам̣ ман̣д̣аламаал̣з саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘‘‘сам̣яож̇ана’нд̇и ваа, аавусо, ‘сам̣яож̇анияаа д̇хаммаа’д̇и ваа имз д̇хаммаа наанад̇т̇аа наанааб̣яан̃ж̇анаа уд̣̇ааху згад̇т̇аа б̣яан̃ж̇анамзва наана’’нд̇и? д̇ад̇рзгажжзхи т̇зрзхи бхигкуухи звам̣ б̣яаагад̇ам̣ ход̇и – ‘‘‘сам̣яож̇ана’нд̇и ваа, аавусо, ‘сам̣яож̇анияаа д̇хаммаа’д̇и ваа имз д̇хаммаа наанад̇т̇аа жзва наанааб̣яан̃ж̇анаа жаа’’д̇и. згажжзхи т̇зрзхи бхигкуухи звам̣ б̣яаагад̇ам̣ ход̇и – ‘‘‘сам̣яож̇ана’нд̇и ваа, аавусо, ‘сам̣яож̇анияаа д̇хаммаа’д̇и ваа имз д̇хаммаа згад̇т̇аа б̣яан̃ж̇анамзва наана’’нд̇и.
д̇зна ко бана самаязна жид̇д̇о г̇ахабад̇и миг̇абат̇агам̣ ануббад̇д̇о ход̇и гзнажид̣̇зва гаран̣ийязна. ассоси ко жид̇д̇о г̇ахабад̇и самб̣ахулаанам̣ гира т̇зраанам̣ бхигкуунам̣ бажчаабхад̇д̇ам̣ бин̣д̣абаад̇абадигганд̇аанам̣ ман̣д̣аламаал̣з саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘‘‘сам̣яож̇ана’нд̇и ваа, аавусо, ‘сам̣яож̇анияаа д̇хаммаа’д̇и ваа имз д̇хаммаа наанад̇т̇аа наанааб̣яан̃ж̇анаа уд̣̇ааху згад̇т̇аа б̣яан̃ж̇анамзва наана’’нд̇и? д̇ад̇рзгажжзхи т̇зрзхи бхигкуухи звам̣ б̣яаагад̇ам̣ – ‘‘‘сам̣яож̇ана’нд̇и ваа, аавусо , ‘сам̣яож̇анияаа д̇хаммаа’д̇и ваа имз д̇хаммаа наанад̇т̇аа жзва наанааб̣яан̃ж̇анаа жаа’’д̇и. згажжзхи т̇зрзхи бхигкуухи звам̣ б̣яаагад̇ам̣ ‘сам̣яож̇ана’нд̇и ваа, аавусо ‘сам̣яож̇анияаа д̇хаммаа’д̇и ваа имз д̇хаммаа згад̇т̇аа б̣яан̃ж̇анамзва наананд̇и. ат̇а ко жид̇д̇о г̇ахабад̇и язна т̇зраа бхигкуу д̇знубасан̇гами; убасан̇гамид̇ваа т̇зрз бхигкуу абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко жид̇д̇о г̇ахабад̇и т̇зрз бхигкуу зд̇ад̣̇авожа – ‘‘суд̇ам̣ мзд̇ам̣, бханд̇з, самб̣ахулаанам̣ гира т̇зраанам̣ бхигкуунам̣ бажчаабхад̇д̇ам̣ бин̣д̣абаад̇абадигганд̇аанам̣ ман̣д̣аламаал̣з саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘сам̣яож̇ана’нд̇и ваа, аавусо, ‘сам̣яож̇анияаа д̇хаммаа’д̇и ваа имз д̇хаммаа наанад̇т̇аа наанааб̣яан̃ж̇анаа уд̣̇ааху згад̇т̇аа б̣яан̃ж̇анамзва наана’’нд̇и? згажжзхи т̇зрзхи бхигкуухи звам̣ б̣яаагад̇ам̣ – ‘‘‘сам̣яож̇ана’нд̇и ваа, аавусо, ‘сам̣яож̇анияаа д̇хаммаа’д̇и ваа имз д̇хаммаа наанад̇т̇аа жзва наанааб̣яан̃ж̇анаа жаа’’д̇и. згажжзхи т̇зрзхи бхигкуухи звам̣ б̣яаагад̇ам̣ ‘‘‘сам̣яож̇ана’нд̇и ваа, аавусо, ‘сам̣яож̇анияаа д̇хаммаа’д̇и ваа имз д̇хаммаа згад̇т̇аа б̣яан̃ж̇анамзва наана’’нд̇и. ‘‘звам̣, г̇ахабад̇ий’’д̇и.
‘‘‘сам̣яож̇ана’нд̇и ваа, бханд̇з, ‘сам̣яож̇анияаа д̇хаммаа’д̇и ваа имз д̇хаммаа наанад̇т̇аа жзва наанааб̣яан̃ж̇анаа жа. д̇зна хи, бханд̇з, убамам̣ во гариссаами. убамааяабид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇и. сзяяат̇ааби, бханд̇з, гаал̣о жа б̣алийб̣ад̣̇д̣̇о од̣̇аад̇о жа б̣алийб̣ад̣̇д̣̇о згзна д̣̇аамзна ваа яод̇д̇зна ваа сам̣яуд̇д̇аа ассу. яо ну ко звам̣ вад̣̇зяяа – ‘гаал̣о б̣алийб̣ад̣̇д̣̇о од̣̇аад̇асса б̣алийб̣ад̣̇д̣̇асса сам̣яож̇анам̣ , од̣̇аад̇о б̣алийб̣ад̣̇д̣̇о гаал̣асса б̣алийб̣ад̣̇д̣̇асса сам̣яож̇ана’нд̇и, саммаа ну ко со вад̣̇амаано вад̣̇зяяаа’’д̇и? ‘‘но хзд̇ам̣, г̇ахабад̇и! на ко, г̇ахабад̇и, гаал̣о б̣алийб̣ад̣̇д̣̇о од̣̇аад̇асса б̣алийб̣ад̣̇д̣̇асса сам̣яож̇анам̣, наби од̣̇аад̇о б̣алийб̣ад̣̇д̣̇о гаал̣асса б̣ал̣ийб̣ад̣̇д̣̇асса сам̣яож̇анам̣; язна ко д̇з згзна д̣̇аамзна ваа яод̇д̇зна ваа сам̣яуд̇д̇аа д̇ам̣ д̇ад̇т̇а сам̣яож̇ана’’нд̇и. ‘‘звамзва ко, бханд̇з, на жагку руубаанам̣ сам̣яож̇анам̣, на руубаа жагкусса сам̣яож̇анам̣; яан̃жа д̇ад̇т̇а д̇ад̣̇убхаяам̣ бадижжа уббаж̇ж̇ад̇и чанд̣̇арааг̇о д̇ам̣ д̇ад̇т̇а сам̣яож̇анам̣. на сод̇ам̣ сад̣̇д̣̇аанам̣… на гхаанам̣ г̇анд̇хаанам̣… на ж̇ивхаа расаанам̣… на гааяо подтаб̣б̣аанам̣ сам̣яож̇анам̣, на подтаб̣б̣аа гааяасса сам̣яож̇анам̣; яан̃жа д̇ад̇т̇а д̇ад̣̇убхаяам̣ бадижжа уббаж̇ж̇ад̇и чанд̣̇арааг̇о д̇ам̣ д̇ад̇т̇а сам̣яож̇анам̣. на мано д̇хаммаанам̣ сам̣яож̇анам̣, на д̇хаммаа манасса сам̣яож̇анам̣; яан̃жа д̇ад̇т̇а д̇ад̣̇убхаяам̣ бадижжа уббаж̇ж̇ад̇и чанд̣̇арааг̇о д̇ам̣ д̇ад̇т̇а сам̣яож̇ана’’нд̇и. ‘‘лаабхаа д̇з, г̇ахабад̇и, сулад̣̇д̇хам̣ д̇з, г̇ахабад̇и, яасса д̇з г̇амбхийрз б̣уд̣̇д̇хаважанз бан̃н̃аажагку гамад̇ий’’д̇и. батамам̣.
2. батамаисид̣̇ад̇д̇асуд̇д̇ам̣
344. згам̣ самаяам̣ самб̣ахулаа т̇зраа бхигкуу мажчигаасан̣д̣з вихаранд̇и амб̣аадагаванз. ат̇а ко жид̇д̇о г̇ахабад̇и язна т̇зраа бхигкуу д̇знубасан̇гами; убасан̇гамид̇ваа т̇зрз бхигкуу абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко жид̇д̇о г̇ахабад̇и т̇зрз бхигкуу зд̇ад̣̇авожа – ‘‘ад̇хиваасзнд̇у мз, бханд̇з, т̇зраа сваад̇анааяа бхад̇д̇а’’нд̇и. ад̇хиваасзсум̣ ко т̇зраа бхигкуу д̇ун̣хийбхаавзна . ат̇а ко жид̇д̇о г̇ахабад̇и т̇зраанам̣ бхигкуунам̣ ад̇хиваасанам̣ вид̣̇ид̇ваа удтааяаасанаа т̇зрз бхигкуу абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко т̇зраа бхигкуу д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна жид̇д̇асса г̇ахабад̇исса нивзсанам̣ д̇знубасан̇гамим̣су; убасан̇гамид̇ваа бан̃н̃ад̇д̇з аасанз нисийд̣̇им̣су.
ат̇а ко жид̇д̇о г̇ахабад̇и язна т̇зраа бхигкуу д̇знубасан̇гами; убасан̇гамид̇ваа т̇зрз бхигкуу абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко жид̇д̇о г̇ахабад̇и ааяасманд̇ам̣ т̇зрам̣ зд̇ад̣̇авожа – ‘‘‘д̇хаад̇унаанад̇д̇ам̣, д̇хаад̇унаанад̇д̇а’нд̇и, бханд̇з т̇зра, вужжад̇и. гид̇д̇аавад̇аа ну ко, бханд̇з, д̇хаад̇унаанад̇д̇ам̣ вуд̇д̇ам̣ бхаг̇авад̇аа’’д̇и? звам̣ вуд̇д̇з ааяасмаа т̇зро д̇ун̣хий ахоси. д̣̇уд̇ияамби ко жид̇д̇о г̇ахабад̇и ааяасманд̇ам̣ т̇зрам̣ зд̇ад̣̇авожа – ‘‘‘д̇хаад̇унаанад̇д̇ам̣, д̇хаад̇унаанад̇д̇а’нд̇и, бханд̇з т̇зра, вужжад̇и. гид̇д̇аавад̇аа ну ко, бханд̇з, д̇хаад̇унаанад̇д̇ам̣ вуд̇д̇ам̣ бхаг̇авад̇аа’’д̇и? д̣̇уд̇ияамби ко ааяасмаа т̇зро д̇ун̣хий ахоси. д̇ад̇ияамби ко жид̇д̇о г̇ахабад̇и ааяасманд̇ам̣ т̇зрам̣ зд̇ад̣̇авожа – ‘‘‘д̇хаад̇унаанад̇д̇ам̣, д̇хаад̇унаанад̇д̇а’нд̇и, бханд̇з т̇зра, вужжад̇и. гид̇д̇аавад̇аа ну ко, бханд̇з, д̇хаад̇унаанад̇д̇ам̣ вуд̇д̇ам̣ бхаг̇авад̇аа’’д̇и? д̇ад̇ияамби ко ааяасмаа т̇зро д̇ун̣хий ахоси.
д̇зна ко бана самаязна ааяасмаа исид̣̇ад̇д̇о д̇асмим̣ бхигкусан̇гхз саб̣б̣анаваго ход̇и. ат̇а ко ааяасмаа исид̣̇ад̇д̇о ааяасманд̇ам̣ т̇зрам̣ зд̇ад̣̇авожа – ‘‘б̣яаагаромахам̣, бханд̇з т̇зра, жид̇д̇асса г̇ахабад̇ино зд̇ам̣ бан̃ха’’нд̇и? ‘‘б̣яаагарохи д̇вам̣, аавусо исид̣̇ад̇д̇а, жид̇д̇асса г̇ахабад̇ино зд̇ам̣ бан̃ха’’нд̇и. ‘‘зван̃хи д̇вам̣, г̇ахабад̇и, бужчаси – ‘д̇хаад̇унаанад̇д̇ам̣, д̇хаад̇унаанад̇д̇анд̇и, бханд̇з т̇зра, вужжад̇и. гид̇д̇аавад̇аа ну ко, бханд̇з, д̇хаад̇унаанад̇д̇ам̣, вуд̇д̇ам̣ бхаг̇авад̇аа’’’д̇и? ‘‘звам̣ , бханд̇з’’. ‘‘ид̣̇ам̣ ко, г̇ахабад̇и, д̇хаад̇унаанад̇д̇ам̣ вуд̇д̇ам̣ бхаг̇авад̇аа – жагкуд̇хаад̇у, руубад̇хаад̇у, жагкувин̃н̃аан̣ад̇хаад̇у…бз… манод̇хаад̇у, д̇хаммад̇хаад̇у, мановин̃н̃аан̣ад̇хаад̇у. зд̇д̇аавад̇аа ко, г̇ахабад̇и, д̇хаад̇унаанад̇д̇ам̣ вуд̇д̇ам̣ бхаг̇авад̇аа’’д̇и.
ат̇а ко жид̇д̇о г̇ахабад̇и ааяасмад̇о исид̣̇ад̇д̇асса бхаасид̇ам̣ абхинанд̣̇ид̇ваа анумод̣̇ид̇ваа т̇зрз бхигкуу бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко т̇зраа бхигкуу бхуд̇д̇аавино онийд̇абад̇д̇абаан̣ино удтааяаасанаа баггамим̣су. ат̇а ко ааяасмаа т̇зро ааяасманд̇ам̣ исид̣̇ад̇д̇ам̣ зд̇ад̣̇авожа – ‘‘саад̇ху ко д̇ам̣, аавусо исид̣̇ад̇д̇а , зсо бан̃хо бадибхааси, нзсо бан̃хо мам̣ бадибхааси. д̇знахаавусо исид̣̇ад̇д̇а, яад̣̇аа ан̃н̃ат̇ааби яад̣̇аа ан̃н̃ад̣̇ааби (сий. бий.) ан̃н̃ад̣̇ааби (?) зваруубо бан̃хо ааг̇ажчзяяа, д̇ан̃н̃звзд̇т̇а бадибхаасзяяаа’’д̇и. д̣̇уд̇ияам̣.
3. д̣̇уд̇ияаисид̣̇ад̇д̇асуд̇д̇ам̣
345. згам̣ самаяам̣ самб̣ахулаа т̇зраа бхигкуу мажчигаасан̣д̣з вихаранд̇и амб̣аадагаванз. ат̇а ко жид̇д̇о г̇ахабад̇и язна т̇зраа бхигкуу д̇знубасан̇гами; убасан̇гамид̇ваа т̇зрз бхигкуу абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко жид̇д̇о г̇ахабад̇и т̇зрз бхигкуу зд̇ад̣̇авожа – ‘‘ад̇хиваасзнд̇у мз, бханд̇з т̇зраа, сваад̇анааяа бхад̇д̇а’’нд̇и. ад̇хиваасзсум̣ ко т̇зраа бхигкуу д̇ун̣хийбхаавзна. ат̇а ко жид̇д̇о г̇ахабад̇и т̇зраанам̣ бхигкуунам̣ ад̇хиваасанам̣ вид̣̇ид̇ваа удтааяаасанаа т̇зрз бхигкуу абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко т̇зраа бхигкуу д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна жид̇д̇асса г̇ахабад̇исса нивзсанам̣ д̇знубасан̇гамим̣су; убасан̇гамид̇ваа бан̃н̃ад̇д̇з аасанз нисийд̣̇им̣су.
ат̇а ко жид̇д̇о г̇ахабад̇и язна т̇зраа бхигкуу д̇знубасан̇гами; убасан̇гамид̇ваа т̇зрз бхигкуу абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко жид̇д̇о г̇ахабад̇и ааяасманд̇ам̣ т̇зрам̣ зд̇ад̣̇авожа – ‘‘яаа имаа, бханд̇з т̇зра, анзгавихид̇аа д̣̇идтияо логз уббаж̇ж̇анд̇и – ‘сассад̇о логод̇и ваа, асассад̇о логод̇и ваа, анд̇аваа логод̇и ваа, ананд̇аваа логод̇и ваа, д̇ам̣ ж̇ийвам̣ д̇ам̣ сарийранд̇и ваа, ан̃н̃ам̣ ж̇ийвам̣ ан̃н̃ам̣ сарийранд̇и ваа, ход̇и д̇ат̇ааг̇ад̇о барам̣ маран̣аад̇и ваа, на ход̇и д̇ат̇ааг̇ад̇о барам̣ маран̣аад̇и ваа, ход̇и жа на жа ход̇и д̇ат̇ааг̇ад̇о барам̣ маран̣аад̇и ваа, нзва ход̇и на на ход̇и д̇ат̇ааг̇ад̇о барам̣ маран̣аа’д̇и ваа. яаани жимаани д̣̇ваасадти д̣̇идтиг̇ад̇аани б̣рахмаж̇аалз бхан̣ид̇аани; имаа ну ко, бханд̇з, д̣̇идтияо гисмим̣ сад̇и хонд̇и, гисмим̣ асад̇и на хонд̇ий’’д̇и?
звам̣ вуд̇д̇з, ааяасмаа т̇зро д̇ун̣хий ахоси. д̣̇уд̇ияамби ко жид̇д̇о г̇ахабад̇и…бз… д̇ад̇ияамби ко жид̇д̇о г̇ахабад̇и ааяасманд̇ам̣ т̇зрам̣ зд̇ад̣̇авожа – ‘‘яаа имаа, бханд̇з т̇зра, анзгавихид̇аа д̣̇идтияо логз уббаж̇ж̇анд̇и – сассад̇о логод̇и ваа, асассад̇о логод̇и ваа, анд̇аваа логод̇и ваа, ананд̇аваа логод̇и ваа, д̇ам̣ ж̇ийвам̣ д̇ам̣ сарийранд̇и ваа, ан̃н̃ам̣ ж̇ийвам̣ ан̃н̃ам̣ сарийранд̇и ваа, ход̇и д̇ат̇ааг̇ад̇о барам̣ маран̣аад̇и ваа, на ход̇и д̇ат̇ааг̇ад̇о барам̣ маран̣аад̇и ваа, ход̇и жа на жа ход̇и д̇ат̇ааг̇ад̇о барам̣ маран̣аад̇и ваа, нзва ход̇и на на ход̇и д̇ат̇ааг̇ад̇о барам̣ маран̣аад̇и ваа. яаани жимаани д̣̇ваасадти д̣̇идтиг̇ад̇аани б̣рахмаж̇аалз бхан̣ид̇аани; имаа ну ко, бханд̇з, д̣̇идтияо гисмим̣ сад̇и хонд̇и, гисмим̣ асад̇и на хонд̇ий’’д̇и? д̇ад̇ияамби ко ааяасмаа т̇зро д̇ун̣хий ахоси.
д̇зна ко бана самаязна ааяасмаа исид̣̇ад̇д̇о д̇асмим̣ бхигкусан̇гхз саб̣б̣анаваго ход̇и. ат̇а ко ааяасмаа исид̣̇ад̇д̇о ааяасманд̇ам̣ т̇зрам̣ зд̇ад̣̇авожа – ‘‘б̣яаагаромахам̣, бханд̇з т̇зра, жид̇д̇асса г̇ахабад̇ино зд̇ам̣ бан̃ха’’нд̇и? ‘‘б̣яаагарохи д̇вам̣, аавусо исид̣̇ад̇д̇а, жид̇д̇асса г̇ахабад̇ино зд̇ам̣ бан̃ха’’нд̇и. ‘‘зван̃хи д̇вам̣, г̇ахабад̇и, бужчаси – ‘яаа имаа, бханд̇з т̇зра, анзгавихид̇аа д̣̇идтияо логз уббаж̇ж̇анд̇и – сассад̇о логод̇и ваа…бз…; имаа ну ко, бханд̇з, д̣̇идтияо гисмим̣ сад̇и хонд̇и, гисмим̣ асад̇и на хонд̇ий’’’д̇и? ‘‘звам̣, бханд̇з’’. ‘‘яаа имаа, г̇ахабад̇и, анзгавихид̇аа д̣̇идтияо логз уббаж̇ж̇анд̇и – ‘сассад̇о логод̇и ваа, асассад̇о логод̇и ваа, анд̇аваа логод̇и ваа ананд̇аваа логод̇и ваа, д̇ам̣ ж̇ийвам̣ д̇ам̣ сарийранд̇и ваа, ан̃н̃ам̣ ж̇ийвам̣ ан̃н̃ам̣ сарийранд̇и ваа, ход̇и д̇ат̇ааг̇ад̇о барам̣ маран̣аад̇и ваа, на ход̇и д̇ат̇ааг̇ад̇о барам̣ маран̣аад̇и ваа, ход̇и жа на жа ход̇и д̇ат̇ааг̇ад̇о барам̣ маран̣аад̇и ваа, нзва ход̇и на на ход̇и д̇ат̇ааг̇ад̇о барам̣ маран̣аад̇и ваа. яаани жимаани д̣̇ваасадти д̣̇идтиг̇ад̇аани б̣рахмаж̇аалз бхан̣ид̇аани; имаа ко, г̇ахабад̇и, д̣̇идтияо саггааяад̣̇идтияаа сад̇и хонд̇и, саггааяад̣̇идтияаа асад̇и на хонд̇ий’’’д̇и.
‘‘гат̇ам̣ бана, бханд̇з, саггааяад̣̇идти ход̇ий’’д̇и? ‘‘ид̇ха, г̇ахабад̇и, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о руубам̣ ад̇д̇ад̇о саманубассад̇и, руубаванд̇ам̣ ваа ад̇д̇аанам̣, ад̇д̇ани ваа руубам̣, руубасмим̣ ваа ад̇д̇аанам̣; взд̣̇анам̣ ад̇д̇ад̇о саманубассад̇и…бз… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇и, вин̃н̃аан̣аванд̇ам̣ ваа ад̇д̇аанам̣, ад̇д̇ани ваа вин̃н̃аан̣ам̣, вин̃н̃аан̣асмим̣ ваа ад̇д̇аанам̣. звам̣ ко, г̇ахабад̇и, саггааяад̣̇идти ход̇ий’’д̇и.
‘‘гат̇ам̣ бана, бханд̇з, саггааяад̣̇идти на ход̇ий’’д̇и? ‘‘ид̇ха, г̇ахабад̇и, суд̇аваа арияасааваго арияаанам̣ д̣̇ассаавий арияад̇хаммасса говид̣̇о арияад̇хаммз сувинийд̇о саббурисаанам̣ д̣̇ассаавий саббурисад̇хаммасса говид̣̇о саббурисад̇хаммз сувинийд̇о на руубам̣ ад̇д̇ад̇о саманубассад̇и, на руубаванд̇ам̣ ваа ад̇д̇аанам̣, на ад̇д̇ани ваа руубам̣, на руубасмим̣ ваа ад̇д̇аанам̣; на взд̣̇анам̣… на сан̃н̃ам̣… на сан̇каарз… на вин̃н̃аан̣ам̣ ад̇д̇ад̇о саманубассад̇и, на вин̃н̃аан̣аванд̇ам̣ ваа ад̇д̇аанам̣, на ад̇д̇ани ваа вин̃н̃аан̣ам̣, на вин̃н̃аан̣асмим̣ ваа ад̇д̇аанам̣. звам̣ ко, г̇ахабад̇и, саггааяад̣̇идти на ход̇ий’’д̇и.
‘‘гуд̇о , бханд̇з, аяяо исид̣̇ад̇д̇о ааг̇ажчад̇ий’’д̇и? ‘‘аванд̇ияаа ко, г̇ахабад̇и, ааг̇ажчаамий’’д̇и. ‘‘ад̇т̇и, бханд̇з, аванд̇ияаа исид̣̇ад̇д̇о наама гулабуд̇д̇о амхаагам̣ ад̣̇идтасахааяо баб̣б̣аж̇ид̇о? д̣̇идто со ааяасмад̇аа’’д̇и? ‘‘звам̣, г̇ахабад̇ий’’д̇и. ‘‘гахам̣ ну ко со, бханд̇з, ааяасмаа зд̇арахи вихарад̇ий’’д̇и? звам̣ вуд̇д̇з, ааяасмаа исид̣̇ад̇д̇о д̇ун̣хий ахоси. ‘‘аяяо но, бханд̇з, исид̣̇ад̇д̇о’’д̇и? ‘‘звам̣, г̇ахабад̇ий’’д̇и. ‘‘абхирамад̇у, бханд̇з, аяяо исид̣̇ад̇д̇о мажчигаасан̣д̣з. раман̣ийяам̣ амб̣аадагаванам̣. ахам̣ аяяасса исид̣̇ад̇д̇асса уссуггам̣ гариссаами жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараана’’нд̇и. ‘‘галяаан̣ам̣ вужжад̇и, г̇ахабад̇ий’’д̇и.
ат̇а ко жид̇д̇о г̇ахабад̇и ааяасмад̇о исид̣̇ад̇д̇асса бхаасид̇ам̣ абхинанд̣̇ид̇ваа анумод̣̇ид̇ваа т̇зрз бхигкуу бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко т̇зраа бхигкуу бхуд̇д̇аавино онийд̇абад̇д̇абаан̣ино удтааяаасанаа баггамим̣су. ат̇а ко ааяасмаа т̇зро ааяасманд̇ам̣ исид̣̇ад̇д̇ам̣ зд̇ад̣̇авожа – ‘‘саад̇ху ко д̇ам̣, аавусо исид̣̇ад̇д̇а, зсо бан̃хо бадибхааси. нзсо бан̃хо мам̣ бадибхааси. д̇знахаавусо исид̣̇ад̇д̇а, яад̣̇аа ан̃н̃ат̇ааби зваруубо бан̃хо ааг̇ажчзяяа, д̇ан̃н̃звзд̇т̇а бадибхаасзяяаа’’д̇и. ат̇а ко ааяасмаа исид̣̇ад̇д̇о сзнаасанам̣ сам̣саамзд̇ваа бад̇д̇ажийварамаад̣̇ааяа мажчигаасан̣д̣амхаа баггаами. яам̣ мажчигаасан̣д̣амхаа баггаами, д̇ат̇аа багганд̇ова ахоси, на буна бажжааг̇ажчийд̇и. д̇ад̇ияам̣.
4. махагабаадихаарияасуд̇д̇ам̣
346. згам̣ самаяам̣ самб̣ахулаа т̇зраа бхигкуу мажчигаасан̣д̣з вихаранд̇и амб̣аадагаванз. ат̇а ко жид̇д̇о г̇ахабад̇и язна т̇зраа бхигкуу д̇знубасан̇гами; убасан̇гамид̇ваа т̇зрз бхигкуу абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко жид̇д̇о г̇ахабад̇и т̇зрз бхигкуу зд̇ад̣̇авожа – ‘‘ад̇хиваасзнд̇у мз, бханд̇з т̇зраа, сваад̇анааяа г̇огулз бхад̇д̇а’’нд̇и. ад̇хиваасзсум̣ ко т̇зраа бхигкуу д̇ун̣хийбхаавзна. ат̇а ко жид̇д̇о г̇ахабад̇и т̇зраанам̣ бхигкуунам̣ ад̇хиваасанам̣ вид̣̇ид̇ваа удтааяаасанаа т̇зрз бхигкуу абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко т̇зраа бхигкуу д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна жид̇д̇асса г̇ахабад̇ино г̇огулам̣ д̇знубасан̇гамим̣су; убасан̇гамид̇ваа бан̃н̃ад̇д̇з аасанз нисийд̣̇им̣су.
ат̇а ко жид̇д̇о г̇ахабад̇и т̇зрз бхигкуу бан̣ийд̇зна саббибааяаасзна сахад̇т̇аа санд̇аббзси самбаваарзси. ат̇а ко т̇зраа бхигкуу бхуд̇д̇аавино онийд̇абад̇д̇абаан̣ино удтааяаасанаа баггамим̣су. жид̇д̇оби ко г̇ахабад̇и ‘сзсагам̣ виссаж̇ж̇зт̇аа’д̇и вад̇ваа т̇зрз бхигкуу бидтид̇о бидтид̇о ануб̣анд̇хи. д̇зна ко бана самаязна ун̣хам̣ ход̇и гут̇ид̇ам̣ гудтид̇ам̣ (сий. сяаа. гам̣. бий.); д̇з жа т̇зраа бхигкуу бавзлияамаанзна ман̃н̃з гааязна г̇ажчанд̇и, яат̇аа д̇ам̣ бхож̇анам̣ бхуд̇д̇аавино.
д̇зна ко бана самаязна ааяасмаа махаго д̇асмим̣ бхигкусан̇гхз саб̣б̣анаваго ход̇и. ат̇а ко ааяасмаа махаго ааяасманд̇ам̣ т̇зрам̣ зд̇ад̣̇авожа – ‘‘саад̇ху квасса, бханд̇з т̇зра, сийд̇аго жа ваад̇о вааязяяа, аб̣бхасамбилаабо аб̣бхасам̣б̣илаабо (сий.), аб̣бхасам̣вилаабо (бий.) жа асса, д̣̇зво жа згамзгам̣ пусааязяяаа’’д̇и.
‘‘саад̇ху квасса, аавусо махага, яам̣ сийд̇аго жа ваад̇о вааязяяа, аб̣бхасамбилаабо жа асса, д̣̇зво жа згамзгам̣ пусааязяяаа’’д̇и. ат̇а ко ааяасмаа махаго д̇ат̇ааруубам̣ ид̣̇д̇хаабхисан̇каарам̣ абхисан̇кари абхисан̇кааси (сий.) яат̇аа сийд̇аго жа ваад̇о вааяи, аб̣бхасамбилаабо жа асса ааси (?), д̣̇зво жа згамзгам̣ пуси. ат̇а ко жид̇д̇асса г̇ахабад̇ино зд̇ад̣̇ахоси – ‘‘яо ко имасмим̣ бхигкусан̇гхз саб̣б̣анаваго бхигку д̇ассааяам̣ зваруубо ид̣̇д̇хаанубхааво’’д̇и . ат̇а ко ааяасмаа махаго аараамам̣ самбаабун̣ид̇ваа ааяасманд̇ам̣ т̇зрам̣ зд̇ад̣̇авожа – ‘‘аламзд̇д̇аавад̇аа, бханд̇з т̇зраа’’д̇и? ‘‘аламзд̇д̇аавад̇аа, аавусо махага! гад̇амзд̇д̇аавад̇аа, аавусо махага! бууж̇ид̇амзд̇д̇аавад̇аа, аавусо махагаа’’д̇и . ат̇а ко т̇зраа бхигкуу яат̇аавихаарам̣ аг̇амам̣су. ааяасмааби махаго сагам̣ вихаарам̣ аг̇амааси.
ат̇а ко жид̇д̇о г̇ахабад̇и язнааяасмаа махаго д̇знубасан̇гами; убасан̇гамид̇ваа ааяасманд̇ам̣ махагам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко жид̇д̇о г̇ахабад̇и ааяасманд̇ам̣ махагам̣ зд̇ад̣̇авожа – ‘‘саад̇ху мз, бханд̇з, аяяо махаго уд̇д̇аримануссад̇хаммам̣ ид̣̇д̇хибаадихаарияам̣ д̣̇ассзд̇уу’’д̇и. ‘‘д̇зна хи д̇вам̣, г̇ахабад̇и, аалинд̣̇з уд̇д̇араасан̇г̇ам̣ бан̃н̃абзд̇ваа д̇ин̣агалаабам̣ огаасзхий’’д̇и. ‘‘звам̣, бханд̇з’’д̇и ко жид̇д̇о г̇ахабад̇и ааяасмад̇о махагасса бадиссуд̇ваа аалинд̣̇з уд̇д̇араасан̇г̇ам̣ бан̃н̃абзд̇ваа д̇ин̣агалаабам̣ огаасзси. ат̇а ко ааяасмаа махаго вихаарам̣ бависид̇ваа суужигхадигам̣ д̣̇ад̇ваа д̇ат̇ааруубам̣ ид̣̇д̇хаабхисан̇каарам̣ абхисан̇кари яат̇аа д̇аалажчиг̇г̇ал̣зна жа аг̇г̇ал̣анд̇аригааяа жа ажжи нигкамид̇ваа д̇ин̣аани жхаабзси, уд̇д̇араасан̇г̇ам̣ на жхаабзси. ат̇а ко жид̇д̇о г̇ахабад̇и уд̇д̇араасан̇г̇ам̣ бабподзд̇ваа сам̣виг̇г̇о ломахадтаж̇аад̇о згаманд̇ам̣ адтааси. ат̇а ко ааяасмаа махаго вихаараа нигкамид̇ваа жид̇д̇ам̣ г̇ахабад̇им̣ зд̇ад̣̇авожа – ‘‘аламзд̇д̇аавад̇аа, г̇ахабад̇ий’’д̇и?
‘‘аламзд̇д̇аавад̇аа , бханд̇з махага! гад̇амзд̇д̇аавад̇аа, бханд̇з, махага! бууж̇ид̇амзд̇д̇аавад̇аа, бханд̇з махага! абхирамад̇у, бханд̇з, аяяо махаго мажчигаасан̣д̣з. раман̣ийяам̣ амб̣аадагаванам̣. ахам̣ аяяасса махагасса уссуггам̣ гариссаами жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараана’’нд̇и. ‘‘галяаан̣ам̣ вужжад̇и, г̇ахабад̇ий’’д̇и. ат̇а ко ааяасмаа махаго сзнаасанам̣ сам̣саамзд̇ваа бад̇д̇ажийварамаад̣̇ааяа мажчигаасан̣д̣амхаа баггаами. яам̣ мажчигаасан̣д̣амхаа баггаами, д̇ат̇аа багганд̇ова ахоси; на буна бажжааг̇ажчийд̇и. жад̇уд̇т̇ам̣.
5. батамагаамабхуусуд̇д̇ам̣
347. згам̣ самаяам̣ ааяасмаа гаамабхуу мажчигаасан̣д̣з вихарад̇и амб̣аадагаванз. ат̇а ко жид̇д̇о г̇ахабад̇и язнааяасмаа гаамабхуу д̇знубасан̇гами; убасан̇гамид̇ваа ааяасманд̇ам̣ гаамабхум̣ абхиваад̣̇зд̇ваа згаманд̇ам̣ нисийд̣̇и . згаманд̇ам̣ нисиннам̣ ко жид̇д̇ам̣ г̇ахабад̇им̣ ааяасмаа гаамабхуу зд̇ад̣̇авожа –
‘‘вуд̇д̇амид̣̇ам̣ , г̇ахабад̇и –
‘‘нзлан̇г̇о сзд̇абажчаад̣̇о, згааро вад̇д̇ад̇ий рат̇о;
анийгхам̣ басса ааяанд̇ам̣ аббад̇д̇ам̣ (сяаа. гам̣. га.), чиннасод̇ам̣ аб̣анд̇хана’’нд̇и.
‘‘имасса ну ко, г̇ахабад̇и, сам̣кид̇д̇зна бхаасид̇асса гат̇ам̣ вид̇т̇аарзна ад̇т̇о д̣̇адтаб̣б̣о’’д̇и? ‘‘гим̣ ну ко зд̇ам̣, бханд̇з, бхаг̇авад̇аа бхаасид̇а’’нд̇и? ‘‘звам̣, г̇ахабад̇ий’’д̇и. ‘‘д̇зна хи, бханд̇з, мухуд̇д̇ам̣ ааг̇амзхи яаавасса ад̇т̇ам̣ бзгкаамий’’д̇и. ат̇а ко жид̇д̇о г̇ахабад̇и мухуд̇д̇ам̣ д̇ун̣хий худ̇ваа ааяасманд̇ам̣ гаамабхум̣ зд̇ад̣̇авожа –
‘‘‘нзлан̇г̇а’нд̇и ко, бханд̇з, сийлаанамзд̇ам̣ ад̇хиважанам̣. ‘сзд̇абажчаад̣̇о’д̇и ко, бханд̇з, вимуд̇д̇ияаа зд̇ам̣ ад̇хиважанам̣. ‘згааро’д̇и ко, бханд̇з, сад̇ияаа зд̇ам̣ ад̇хиважанам̣. ‘вад̇д̇ад̇ий’д̇и ко, бханд̇з, абхиггамабадиггамассзд̇ам̣ ад̇хиважанам̣. ‘рат̇о’д̇и ко, бханд̇з, имассзд̇ам̣ жаад̇умахаабхууд̇игасса гааяасса ад̇хиважанам̣ маад̇аабзд̇д̇игасамбхавасса од̣̇анагуммаасуубажаяасса анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммасса. рааг̇о ко, бханд̇з, нийгхо, д̣̇осо нийгхо, мохо нийгхо. д̇з кийн̣аасавасса бхигкуно бахийнаа ужчиннамуулаа д̇аалаавад̇т̇угад̇аа анабхааван̇гад̇аа ааяад̇им̣ ануббаад̣̇ад̇хаммаа. д̇асмаа кийн̣аасаво бхигку ‘анийгхо’д̇и вужжад̇и. ‘ааяанд̇а’нд̇и ко, бханд̇з, арахад̇о зд̇ам̣ ад̇хиважанам̣. ‘сод̇о’д̇и ко, бханд̇з, д̇ан̣хааязд̇ам̣ ад̇хиважанам̣. саа кийн̣аасавасса бхигкуно бахийнаа ужчиннамуулаа д̇аалаавад̇т̇угад̇аа анабхааван̇гад̇аа ааяад̇им̣ ануббаад̣̇ад̇хаммаа. д̇асмаа кийн̣аасаво бхигку ‘чиннасод̇о’д̇и вужжад̇и. рааг̇о ко, бханд̇з, б̣анд̇ханам̣, д̣̇осо б̣анд̇ханам̣, мохо б̣анд̇ханам̣. д̇з кийн̣аасавасса бхигкуно бахийнаа ужчиннамуулаа д̇аалаавад̇т̇угад̇аа анабхааван̇гад̇аа ааяад̇им̣ ануббаад̣̇ад̇хаммаа. д̇асмаа кийн̣аасаво бхигку ‘аб̣анд̇хано’д̇и вужжад̇и. ид̇и ко, бханд̇з, яам̣ д̇ам̣ бхаг̇авад̇аа вуд̇д̇ам̣ –
‘‘нзлан̇г̇о сзд̇абажчаад̣̇о, згааро вад̇д̇ад̇ий рат̇о;
анийгхам̣ басса ааяанд̇ам̣, чиннасод̇ам̣ аб̣анд̇хана’’нд̇и.
‘‘имасса ко, бханд̇з, бхаг̇авад̇аа сам̣кид̇д̇зна бхаасид̇асса звам̣ вид̇т̇аарзна ад̇т̇ам̣ ааж̇аанаамий’’д̇и . ‘‘лаабхаа д̇з, г̇ахабад̇и, сулад̣̇д̇хам̣ д̇з, г̇ахабад̇и! яасса д̇з г̇амбхийрз б̣уд̣̇д̇хаважанз бан̃н̃аажагку гамад̇ий’’д̇и. бан̃жамам̣.
6. д̣̇уд̇ияагаамабхуусуд̇д̇ам̣
348. згам̣ самаяам̣ ааяасмаа гаамабхуу мажчигаасан̣д̣з вихарад̇и амб̣аадагаванз. ат̇а ко жид̇д̇о г̇ахабад̇и язнааяасмаа гаамабхуу д̇знубасан̇гами; убасан̇гамид̇ваа згаманд̇ам̣ нисийд̣̇и. згаманд̇ам̣ нисинно ко жид̇д̇о г̇ахабад̇и ааяасманд̇ам̣ гаамабхум̣ зд̇ад̣̇авожа – ‘‘гад̇и ну ко, бханд̇з, сан̇каараа’’д̇и? ‘‘д̇аяо ко, г̇ахабад̇и, сан̇каараа – гааяасан̇кааро, важийсан̇кааро, жид̇д̇асан̇кааро’’д̇и. ‘‘саад̇ху, бханд̇з’’д̇и ко жид̇д̇о г̇ахабад̇и ааяасмад̇о гаамабхусса бхаасид̇ам̣ абхинанд̣̇ид̇ваа анумод̣̇ид̇ваа ааяасманд̇ам̣ гаамабхум̣ уд̇д̇арим̣ бан̃хам̣ абужчи – ‘‘гад̇амо бана, бханд̇з, гааяасан̇кааро, гад̇амо важийсан̇кааро, гад̇амо жид̇д̇асан̇кааро’’д̇и? ‘‘ассаасабассаасаа ко, г̇ахабад̇и, гааяасан̇кааро, вид̇аггавижаараа важийсан̇кааро, сан̃н̃аа жа взд̣̇анаа жа жид̇д̇асан̇кааро’’д̇и.
‘‘саад̇ху, бханд̇з’’д̇и ко жид̇д̇о г̇ахабад̇и…бз… уд̇д̇арим̣ бан̃хам̣ абужчи – ‘‘гасмаа бана, бханд̇з, ассаасабассаасаа гааяасан̇кааро, гасмаа вид̇аггавижаараа важийсан̇кааро, гасмаа сан̃н̃аа жа взд̣̇анаа жа жид̇д̇асан̇кааро’’д̇и? ‘‘ассаасабассаасаа ко, г̇ахабад̇и, гааяигаа. зд̇з д̇хаммаа гааяаббадиб̣ад̣̇д̇хаа, д̇асмаа ассаасабассаасаа гааяасан̇кааро. буб̣б̣з ко, г̇ахабад̇и, вид̇аггзд̇ваа вижаарзд̇ваа бажчаа ваажам̣ бхинд̣̇ад̇и, д̇асмаа вид̇аггавижаараа важийсан̇кааро. сан̃н̃аа жа взд̣̇анаа жа жзд̇асигаа. зд̇з д̇хаммаа жид̇д̇аббадиб̣ад̣̇д̇хаа, д̇асмаа сан̃н̃аа жа взд̣̇анаа жа жид̇д̇асан̇кааро’’д̇и.
саад̇ху…бз… уд̇д̇арим̣ бан̃хам̣ абужчи – ‘‘гат̇ам̣ бана, бханд̇з, сан̃н̃аавзд̣̇аяид̇анирод̇хасамаабад̇д̇и ход̇ий’’д̇и? ‘‘на ко, г̇ахабад̇и, сан̃н̃аавзд̣̇аяид̇анирод̇хам̣ самаабаж̇ж̇анд̇асса бхигкуно звам̣ ход̇и – ‘ахам̣ сан̃н̃аавзд̣̇аяид̇анирод̇хам̣ самаабаж̇ж̇исса’нд̇и ваа ‘ахам̣ сан̃н̃аавзд̣̇аяид̇анирод̇хам̣ самаабаж̇ж̇аамий’д̇и ваа ‘ахам̣ сан̃н̃аавзд̣̇аяид̇анирод̇хам̣ самаабанно’д̇и ваа . ат̇а квасса буб̣б̣зва д̇ат̇аа жид̇д̇ам̣ бхаавид̇ам̣ ход̇и яам̣ д̇ам̣ д̇ат̇ад̇д̇ааяа убанзд̇ий’’д̇и.
саад̇ху …бз… уд̇д̇арим̣ бан̃хам̣ абужчи – ‘‘сан̃н̃аавзд̣̇аяид̇анирод̇хам̣ самаабаж̇ж̇анд̇асса бана, бханд̇з , бхигкуно гад̇амз д̇хаммаа батамам̣ нируж̇жханд̇и, яад̣̇и ваа гааяасан̇кааро, яад̣̇и ваа важийсан̇кааро, яад̣̇и ваа жид̇д̇асан̇кааро’’д̇и? ‘‘сан̃н̃аавзд̣̇аяид̇анирод̇хам̣ самаабаж̇ж̇анд̇асса ко, г̇ахабад̇и, бхигкуно важийсан̇кааро батамам̣ нируж̇жхад̇и, д̇ад̇о гааяасан̇кааро, д̇ад̇о жид̇д̇асан̇кааро’’д̇и.
саад̇ху…бз… уд̇д̇арим̣ бан̃хам̣ абужчи – ‘‘явааяам̣, бханд̇з, мад̇о гаалан̇гад̇о, яо жааяам̣ бхигку сан̃н̃аавзд̣̇аяид̇анирод̇хам̣ самаабанно, имзсам̣ гим̣ наанаагаран̣а’’нд̇и? ‘‘явааяам̣ г̇ахабад̇и, мад̇о гаалан̇гад̇о д̇асса гааяасан̇кааро нируд̣̇д̇хо бадиббассад̣̇д̇хо, важийсан̇кааро нируд̣̇д̇хо бадиббассад̣̇д̇хо, жид̇д̇асан̇кааро нируд̣̇д̇хо бадиббассад̣̇д̇хо, ааяу баригкийн̣о, усмаа вуубасанд̇аа, инд̣̇рияаани вибарибхиннаани. яо жа квааяам̣, г̇ахабад̇и, бхигку сан̃н̃аавзд̣̇аяид̇анирод̇хам̣ самаабанно, д̇ассаби гааяасан̇кааро нируд̣̇д̇хо бадиббассад̣̇д̇хо, важийсан̇кааро нируд̣̇д̇хо бадиббассад̣̇д̇хо, жид̇д̇асан̇кааро нируд̣̇д̇хо бадиббассад̣̇д̇хо, ааяу абаригкийн̣о, усмаа авуубасанд̇аа, инд̣̇рияаани виббасаннаани. явааяам̣, г̇ахабад̇и, мад̇о гаалан̇гад̇о, яо жааяам̣ бхигку сан̃н̃аавзд̣̇аяид̇анирод̇хам̣ самаабанно, ид̣̇ам̣ нзсам̣ наанаагаран̣а’’нд̇и.
саад̇ху…бз… уд̇д̇арим̣ бан̃хам̣ абужчи – ‘‘гат̇ам̣ бана, бханд̇з, сан̃н̃аавзд̣̇аяид̇анирод̇хасамаабад̇д̇ияаа вудтаанам̣ ход̇ий’’д̇и? ‘‘на ко, г̇ахабад̇и, сан̃н̃аавзд̣̇аяид̇анирод̇хасамаабад̇д̇ияаа вудтаханд̇асса бхигкуно звам̣ ход̇и – ‘ахам̣ сан̃н̃аавзд̣̇аяид̇анирод̇хасамаабад̇д̇ияаа вудтахисса’нд̇и ваа ‘ахам̣ сан̃н̃аавзд̣̇аяид̇анирод̇хасамаабад̇д̇ияаа вудтахаамий’д̇и ваа ‘ахам̣ сан̃н̃аавзд̣̇аяид̇анирод̇хасамаабад̇д̇ияаа вудтид̇о’д̇и ваа. ат̇а квасса буб̣б̣зва д̇ат̇аа жид̇д̇ам̣ бхаавид̇ам̣ ход̇и, яам̣ д̇ам̣ д̇ат̇ад̇д̇ааяа убанзд̇ий’’д̇и.
саад̇ху , бханд̇з…бз… уд̇д̇арим̣ бан̃хам̣ абужчи – ‘‘сан̃н̃аавзд̣̇аяид̇анирод̇хасамаабад̇д̇ияаа вудтаханд̇асса бана, бханд̇з, бхигкуно гад̇амз д̇хаммаа батамам̣ уббаж̇ж̇анд̇и, яад̣̇и ваа гааяасан̇кааро, яад̣̇и ваа важийсан̇кааро, яад̣̇и ваа жид̇д̇асан̇кааро’’д̇и? ‘‘сан̃н̃аавзд̣̇аяид̇анирод̇хасамаабад̇д̇ияаа вудтаханд̇асса, г̇ахабад̇и, бхигкуно жид̇д̇асан̇кааро батамам̣ уббаж̇ж̇ад̇и, д̇ад̇о гааяасан̇кааро, д̇ад̇о важийсан̇кааро’’д̇и.
саад̇ху…бз… уд̇д̇арим̣ бан̃хам̣ абужчи – ‘‘сан̃н̃аавзд̣̇аяид̇анирод̇хасамаабад̇д̇ияаа вудтид̇ам̣ бана, бханд̇з , бхигкум̣ гад̇и пассаа пусанд̇и’’? ‘‘сан̃н̃аавзд̣̇аяид̇анирод̇хасамаабад̇д̇ияаа вудтид̇ам̣ ко, г̇ахабад̇и, бхигкум̣ д̇аяо пассаа пусанд̇и – сун̃н̃ад̇о пассо, анимид̇д̇о пассо, аббан̣ихид̇о пассо’’д̇и.
саад̇ху…бз… уд̇д̇арим̣ бан̃хам̣ абужчи – ‘‘сан̃н̃аавзд̣̇аяид̇анирод̇хасамаабад̇д̇ияаа вудтид̇асса бана, бханд̇з, бхигкуно гим̣ниннам̣ жид̇д̇ам̣ ход̇и, гим̣бон̣ам̣, гим̣баб̣бхаара’’нд̇и? ‘‘сан̃н̃аавзд̣̇аяид̇анирод̇хасамаабад̇д̇ияаа вудтид̇асса ко, г̇ахабад̇и, бхигкуно вивзганиннам̣ жид̇д̇ам̣ ход̇и вивзгабон̣ам̣ вивзгабаб̣бхаара’’нд̇и.
‘‘саад̇ху, бханд̇з’’д̇и ко жид̇д̇о г̇ахабад̇и ааяасмад̇о гаамабхусса бхаасид̇ам̣ абхинанд̣̇ид̇ваа анумод̣̇ид̇ваа ааяасманд̇ам̣ гаамабхум̣ уд̇д̇арим̣ бан̃хам̣ абужчи – ‘‘сан̃н̃аавзд̣̇аяид̇анирод̇хасамаабад̇д̇ияаа бана, бханд̇з, гад̇и д̇хаммаа б̣ахуубагаараа’’д̇и? ‘‘ад̣̇д̇хаа ко д̇вам̣, г̇ахабад̇и, яам̣ батамам̣ бужчид̇аб̣б̣ам̣ д̇ам̣ бужчаси. аби жа д̇яаахам̣ б̣яаагариссаами. сан̃н̃аавзд̣̇аяид̇анирод̇хасамаабад̇д̇ияаа ко, г̇ахабад̇и, д̣̇вз д̇хаммаа б̣ахуубагаараа – самат̇о жа вибассанаа жаа’’д̇и. чадтам̣.
7. г̇од̣̇ад̇д̇асуд̇д̇ам̣
349. згам̣ самаяам̣ ааяасмаа г̇од̣̇ад̇д̇о мажчигаасан̣д̣з вихарад̇и амб̣аадагаванз. ат̇а ко жид̇д̇о г̇ахабад̇и язнааяасмаа г̇од̣̇ад̇д̇о д̇знубасан̇гами; убасан̇гамид̇ваа ааяасманд̇ам̣ г̇од̣̇ад̇д̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко жид̇д̇ам̣ г̇ахабад̇им̣ ааяасмаа г̇од̣̇ад̇д̇о зд̇ад̣̇авожа – ‘‘яаа жааяам̣, г̇ахабад̇и, аббамаан̣аа жзд̇овимуд̇д̇и, яаа жа аагин̃жан̃н̃аа жзд̇овимуд̇д̇и, яаа жа сун̃н̃ад̇аа жзд̇овимуд̇д̇и, яаа жа анимид̇д̇аа жзд̇овимуд̇д̇и, имз д̇хаммаа наанад̇т̇аа наанааб̣яан̃ж̇анаа уд̣̇ааху згад̇т̇аа б̣яан̃ж̇анамзва наана’’нд̇и? ‘‘ад̇т̇и, бханд̇з, барияааяо яам̣ барияааяам̣ ааг̇амма имз д̇хаммаа наанад̇т̇аа жзва наанааб̣яан̃ж̇анаа жа. ад̇т̇и бана, бханд̇з, барияааяо яам̣ барияааяам̣ ааг̇амма имз д̇хаммаа згад̇т̇аа б̣яан̃ж̇анамзва наана’’нд̇и.
‘‘гад̇амо жа, бханд̇з, барияааяо яам̣ барияааяам̣ ааг̇амма имз д̇хаммаа наанад̇т̇аа жзва наанааб̣яан̃ж̇анаа жа? ид̇ха, бханд̇з, бхигку мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ат̇аа жад̇уд̇т̇ам̣ жад̇уд̇т̇им̣ (?). ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна аб̣яаабаж̇жхзна (сий. сяаа. гам̣. бий.), аб̣яааб̣аж̇жхзна (?) парид̇ваа вихарад̇и. гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. аяам̣ вужжад̇и, бханд̇з, аббамаан̣аа жзд̇овимуд̇д̇и.
‘‘гад̇амаа жа, бханд̇з, аагин̃жан̃н̃аа жзд̇овимуд̇д̇и? ид̇ха, бханд̇з, бхигку саб̣б̣асо вин̃н̃аан̣ан̃жааяад̇анам̣ самад̇иггамма, ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. аяам̣ вужжад̇и, бханд̇з, аагин̃жан̃н̃аа жзд̇овимуд̇д̇и.
‘‘гад̇амаа жа, бханд̇з, сун̃н̃ад̇аа жзд̇овимуд̇д̇и? ид̇ха, бханд̇з, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и – ‘сун̃н̃амид̣̇ам̣ ад̇д̇зна ваа ад̇д̇аниязна ваа’д̇и. аяам̣ вужжад̇и, бханд̇з, сун̃н̃ад̇аа жзд̇овимуд̇д̇и.
‘‘гад̇амаа жа, бханд̇з, анимид̇д̇аа жзд̇овимуд̇д̇и? ид̇ха, бханд̇з, бхигку саб̣б̣анимид̇д̇аанам̣ аманасигаараа анимид̇д̇ам̣ жзд̇осамаад̇хим̣ убасамбаж̇ж̇а вихарад̇и. аяам̣ вужжад̇и, бханд̇з, анимид̇д̇аа жзд̇овимуд̇д̇и. аяам̣ ко, бханд̇з, барияааяо яам̣ барияааяам̣ ааг̇амма имз д̇хаммаа наанад̇т̇аа жзва наанааб̣яан̃ж̇анаа жа.
‘‘гад̇амо жа, бханд̇з, барияааяо яам̣ барияааяам̣ ааг̇амма имз д̇хаммаа згад̇т̇аа б̣яан̃ж̇анамзва наанам̣? рааг̇о, бханд̇з, бамаан̣агаран̣о, д̣̇осо бамаан̣агаран̣о, мохо бамаан̣агаран̣о. д̇з кийн̣аасавасса бхигкуно бахийнаа ужчиннамуулаа д̇аалаавад̇т̇угад̇аа анабхааван̇гад̇аа ааяад̇им̣ ануббаад̣̇ад̇хаммаа. яаавад̇аа ко, бханд̇з, аббамаан̣аа жзд̇овимуд̇д̇ияо, агуббаа д̇аасам̣ жзд̇овимуд̇д̇и аг̇г̇амагкааяад̇и. саа ко бана агуббаа жзд̇овимуд̇д̇и сун̃н̃аа рааг̇зна, сун̃н̃аа д̣̇осзна, сун̃н̃аа мохзна. рааг̇о ко, бханд̇з, гин̃жанам̣, д̣̇осо гин̃жанам̣, мохо гин̃жанам̣. д̇з кийн̣аасавасса бхигкуно бахийнаа ужчиннамуулаа д̇аалаавад̇т̇угад̇аа анабхааван̇гад̇аа ааяад̇им̣ ануббаад̣̇ад̇хаммаа. яаавад̇аа ко , бханд̇з, аагин̃жан̃н̃аа жзд̇овимуд̇д̇ияо, агуббаа д̇аасам̣ жзд̇овимуд̇д̇и аг̇г̇амагкааяад̇и. саа ко бана агуббаа жзд̇овимуд̇д̇и сун̃н̃аа рааг̇зна, сун̃н̃аа д̣̇осзна, сун̃н̃аа мохзна. рааг̇о ко, бханд̇з, нимид̇д̇агаран̣о, д̣̇осо нимид̇д̇агаран̣о, мохо нимид̇д̇агаран̣о. д̇з кийн̣аасавасса бхигкуно бахийнаа ужчиннамуулаа д̇аалаавад̇т̇угад̇аа анабхааван̇гад̇аа ааяад̇им̣ ануббаад̣̇ад̇хаммаа. яаавад̇аа ко, бханд̇з, анимид̇д̇аа жзд̇овимуд̇д̇ияо, агуббаа д̇аасам̣ жзд̇овимуд̇д̇и аг̇г̇амагкааяад̇и. саа ко бана агуббаа жзд̇овимуд̇д̇и сун̃н̃аа рааг̇зна, сун̃н̃аа д̣̇осзна, сун̃н̃аа мохзна. аяам̣ ко, бханд̇з, барияааяо яам̣ барияааяам̣ ааг̇амма имз д̇хаммаа згад̇т̇аа б̣яан̃ж̇анамзва наана’’нд̇и. ‘‘лаабхаа д̇з, г̇ахабад̇и, сулад̣̇д̇хам̣ д̇з, г̇ахабад̇и! яасса д̇з г̇амбхийрз б̣уд̣̇д̇хаважанз бан̃н̃аажагку гамад̇ий’’д̇и. сад̇д̇амам̣.
8. ниг̇ан̣танаадабуд̇д̇асуд̇д̇ам̣
350. д̇зна ко бана самаязна ниг̇ан̣то наадабуд̇д̇о наад̇абуд̇д̇о (сий.) мажчигаасан̣д̣ам̣ ануббад̇д̇о ход̇и махад̇ияаа ниг̇ан̣табарисааяа сад̣̇д̇хим̣. ассоси ко жид̇д̇о г̇ахабад̇и – ‘‘ниг̇ан̣то гира наадабуд̇д̇о мажчигаасан̣д̣ам̣ ануббад̇д̇о махад̇ияаа ниг̇ан̣табарисааяа сад̣̇д̇хи’’нд̇и. ат̇а ко жид̇д̇о г̇ахабад̇и самб̣ахулзхи убаасагзхи сад̣̇д̇хим̣ язна ниг̇ан̣то наадабуд̇д̇о д̇знубасан̇гами; убасан̇гамид̇ваа ниг̇ан̣тзна наадабуд̇д̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко жид̇д̇ам̣ г̇ахабад̇им̣ ниг̇ан̣то наадабуд̇д̇о зд̇ад̣̇авожа – ‘‘сад̣̇д̣̇ахаси д̇вам̣, г̇ахабад̇и, саман̣асса г̇од̇амасса – ад̇т̇и авид̇агго авижааро самаад̇хи, ад̇т̇и вид̇аггавижаараанам̣ нирод̇хо’’д̇и?
‘‘на кваахам̣ зд̇т̇а, бханд̇з, бхаг̇авад̇о сад̣̇д̇хааяа г̇ажчаами. ад̇т̇и авид̇агго авижааро самаад̇хи, ад̇т̇и вид̇аггавижаараанам̣ нирод̇хо’’д̇и. звам̣ вуд̇д̇з, ниг̇ан̣то наадабуд̇д̇о уллогзд̇ваа сагам̣ барисам̣ абалогзд̇ваа (сий. сяаа. гам̣.), ологзд̇ваа (сий. адта. сяаа. адта.) зд̇ад̣̇авожа – ‘‘ид̣̇ам̣ бхаванд̇о бассанд̇у, яаава уж̇уго жааяам̣ жид̇д̇о г̇ахабад̇и, яаава асато жааяам̣ жид̇д̇о г̇ахабад̇и, яаава амааяаавий жааяам̣ жид̇д̇о г̇ахабад̇и, ваад̇ам̣ ваа со ж̇аалзна б̣аад̇хзд̇аб̣б̣ам̣ ман̃н̃зяяа, яо вид̇аггавижаарз нирод̇хзд̇аб̣б̣ам̣ ман̃н̃зяяа , сагамудтинаа ваа со г̇ан̇г̇ааяа сод̇ам̣ ааваарзд̇аб̣б̣ам̣ ман̃н̃зяяа, яо вид̇аггавижаарз нирод̇хзд̇аб̣б̣ам̣ ман̃н̃зяяаа’’д̇и.
‘‘д̇ам̣ гим̣ ман̃н̃аси, бханд̇з, гад̇амам̣ ну ко бан̣ийд̇ад̇арам̣ – н̃аан̣ам̣ ваа сад̣̇д̇хаа ваа’’д̇и? ‘‘сад̣̇д̇хааяа ко, г̇ахабад̇и, н̃аан̣ам̣язва бан̣ийд̇ад̇ара’’нд̇и. ‘‘ахам̣ ко, бханд̇з, яаавад̣̇зва ааган̇каами, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами . ахам̣ ко, бханд̇з, яаавад̣̇зва ааган̇каами, вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихараами. ахам̣ ко, бханд̇з, яаавад̣̇зва ааган̇каами, бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихараами. ахам̣ ко, бханд̇з, яаавад̣̇зва ааган̇каами, сукасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихараами. на со кваахам̣, бханд̇з, звам̣ ж̇аананд̇о звам̣ бассанд̇о гасса ан̃н̃асса саман̣асса ваа б̣раахман̣асса ваа сад̣̇д̇хааяа г̇амиссаами? ад̇т̇и авид̇агго авижааро самаад̇хи, ад̇т̇и вид̇аггавижаараанам̣ нирод̇хо’’д̇и.
звам̣ вуд̇д̇з, ниг̇ан̣то наадабуд̇д̇о сагам̣ барисам̣ абалогзд̇ваа зд̇ад̣̇авожа – ‘‘ид̣̇ам̣ бхаванд̇о бассанд̇у, яаава ануж̇уго жааяам̣ жид̇д̇о г̇ахабад̇и, яаава сато жааяам̣ жид̇д̇о г̇ахабад̇и, яаава мааяаавий жааяам̣ жид̇д̇о г̇ахабад̇ий’’д̇и.
‘‘ид̣̇аанзва ко д̇з ид̣̇аанзва жа бана (сяаа. гам̣. га.) маяам̣, бханд̇з, бхаасид̇ам̣ – ‘звам̣ ааж̇аанаама ид̣̇ам̣ бхаванд̇о бассанд̇у, яаава уж̇уго жааяам̣ жид̇д̇о г̇ахабад̇и, яаава асато жааяам̣ жид̇д̇о г̇ахабад̇и, яаава амааяаавий жааяам̣ жид̇д̇о г̇ахабад̇ий’д̇и. ид̣̇аанзва жа бана маяам̣, бханд̇з, бхаасид̇ам̣ – ‘звам̣ ааж̇аанаама ид̣̇ам̣ бхаванд̇о бассанд̇у, яаава ануж̇уго жааяам̣ жид̇д̇о г̇ахабад̇и, яаава сато жааяам̣ жид̇д̇о г̇ахабад̇и, яаава мааяаавий жааяам̣ жид̇д̇о г̇ахабад̇ий’д̇и. сажз д̇з, бханд̇з, буримам̣ сажжам̣, бажчимам̣ д̇з мижчаа. сажз бана д̇з, бханд̇з, буримам̣ мижчаа, бажчимам̣ д̇з сажжам̣. имз ко бана, бханд̇з, д̣̇аса сахад̇хаммигаа бан̃хаа ааг̇ажчанд̇и. яад̣̇аа нзсам̣ ад̇т̇ам̣ ааж̇аанзяяааси, ат̇а мам̣ бадихарзяяааси сад̣̇д̇хим̣ ниг̇ан̣табарисааяа. зго бан̃хо, зго уд̣̇д̣̇зсо, згам̣ взяяаагаран̣ам̣. д̣̇вз бан̃хаа, д̣̇вз уд̣̇д̣̇зсаа, д̣̇вз взяяаагаран̣аани. д̇аяо бан̃хаа, д̇аяо уд̣̇д̣̇зсаа, д̇ийн̣и взяяаагаран̣аани. жад̇д̇ааро бан̃хаа, жад̇д̇ааро уд̣̇д̣̇зсаа, жад̇д̇аари взяяаагаран̣аани. бан̃жа бан̃хаа, бан̃жа уд̣̇д̣̇зсаа, бан̃жа взяяаагаран̣аани. ча бан̃хаа, ча уд̣̇д̣̇зсаа, ча взяяаагаран̣аани. сад̇д̇а бан̃хаа, сад̇д̇а уд̣̇д̣̇зсаа, сад̇д̇а взяяаагаран̣аани . адта бан̃хаа, адта уд̣̇д̣̇зсаа, адта взяяаагаран̣аани. нава бан̃хаа, нава уд̣̇д̣̇зсаа, нава взяяаагаран̣аани. д̣̇аса бан̃хаа, д̣̇аса уд̣̇д̣̇зсаа, д̣̇аса взяяаагаран̣ааний’’д̇и. ат̇а ко жид̇д̇о г̇ахабад̇и ниг̇ан̣там̣ наадабуд̇д̇ам̣ имз д̣̇аса сахад̇хаммигз бан̃хз аабужчид̇ваа удтааяаасанаа баггаамийд̇и. адтамам̣.
9. ажзлагассабасуд̇д̇ам̣
351. д̇зна ко бана самаязна ажзло гассабо мажчигаасан̣д̣ам̣ ануббад̇д̇о ход̇и жид̇д̇асса г̇ахабад̇ино бураан̣аг̇ихисахааяо. ассоси ко жид̇д̇о г̇ахабад̇и – ‘‘ажзло гира гассабо мажчигаасан̣д̣ам̣ ануббад̇д̇о амхаагам̣ бураан̣аг̇ихисахааяо’’д̇и. ат̇а ко жид̇д̇о г̇ахабад̇и язна ажзло гассабо д̇знубасан̇гами; убасан̇гамид̇ваа ажзлзна гассабзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко жид̇д̇о г̇ахабад̇и ажзлам̣ гассабам̣ зд̇ад̣̇авожа – ‘‘гийважирам̣ баб̣б̣аж̇ид̇асса, бханд̇з, гассабаа’’д̇и? ‘‘д̇им̣самад̇д̇аани ко мз, г̇ахабад̇и, вассаани баб̣б̣аж̇ид̇ассаа’’д̇и. ‘‘имзхи бана д̇з, бханд̇з, д̇им̣самад̇д̇зхи вассзхи ад̇т̇и гожи уд̇д̇аримануссад̇хаммаа уд̇д̇аримануссад̇хаммо (сяаа. гам̣.) аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и? ‘‘имзхи ко мз, г̇ахабад̇и, д̇им̣самад̇д̇зхи вассзхи баб̣б̣аж̇ид̇асса над̇т̇и гожи уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро, ан̃н̃ад̇ра наг̇г̇зяяаа жа мун̣д̣зяяаа жа баавал̣анибподанааяа жаа’’д̇и. звам̣ вуд̇д̇з, жид̇д̇о г̇ахабад̇и ажзлам̣ гассабам̣ зд̇ад̣̇авожа – ‘‘ажчарияам̣ вад̇а, бхо, аб̣бхуд̇ам̣ вад̇а, бхо! д̇хаммасса сваагкаад̇ад̇аа саб̣б̣ад̇т̇аби звамзва д̣̇иссад̇и яад̇ра хи наама д̇им̣самад̇д̇зхи вассзхи на гожи уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о абхависса паасувихааро, ан̃н̃ад̇ра наг̇г̇зяяаа жа мун̣д̣зяяаа жа баавал̣анибподанааяа жаа’’д̇и!
‘‘д̇уяхам̣ бана, г̇ахабад̇и, гийважирам̣ убаасагад̇д̇ам̣ убаг̇ад̇ассаа’’д̇и? ‘‘маяхамби ко бана, бханд̇з, д̇им̣самад̇д̇аани вассаани убаасагад̇д̇ам̣ убаг̇ад̇ассаа’’д̇и. ‘‘имзхи бана д̇з, г̇ахабад̇и, д̇им̣самад̇д̇зхи вассзхи ад̇т̇и гожи уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и? ‘‘г̇ихиноби сияаа, бханд̇з. ахан̃хи, бханд̇з, яаавад̣̇зва ааган̇каами, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами. ахан̃хи, бханд̇з, яаавад̣̇зва ааган̇каами, вид̇аггавижаараанам̣ вуубасамаа …бз… д̣̇уд̇ияам̣ жхаанам̣ убасамбаж̇ж̇а вихараами. ахан̃хи, бханд̇з, яаавад̣̇зва ааган̇каами, бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихараами. ахан̃хи, бханд̇з, яаавад̣̇зва ааган̇каами, сукасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихараами. сажз ко банаахам̣, бханд̇з, бхаг̇авад̇о бхаг̇авад̇аа (сяаа. гам̣.) батамад̇арам̣ гаалам̣ гарзяяам̣, анажчарияам̣ ко банзд̇ам̣ яам̣ мам̣ бхаг̇аваа звам̣ б̣яаагарзяяа – ‘над̇т̇и д̇ам̣ сам̣яож̇анам̣ язна сам̣яож̇анзна сам̣яуд̇д̇о жид̇д̇о г̇ахабад̇и буна имам̣ логам̣ ааг̇ажчзяяаа’’’д̇и. звам̣ вуд̇д̇з, ажзло гассабо жид̇д̇ам̣ г̇ахабад̇им̣ зд̇ад̣̇авожа – ‘‘ажчарияам̣ вад̇а бхо, аб̣бхуд̇ам̣ вад̇а бхо! д̇хаммасса сваагкаад̇ад̇аа, яад̇ра хи наама г̇ихий од̣̇аад̇авасано г̇ихий од̣̇аад̇авасанаа (сий. бий.) зваруубам̣ уд̇д̇аримануссад̇хаммаа аламарияан̃аан̣ад̣̇ассанависзсам̣ ад̇хиг̇амиссад̇и ад̇хиг̇амиссанд̇и (сий. бий.) паасувихаарам̣. лабхзяяаахам̣, г̇ахабад̇и , имасмим̣ д̇хаммавинаяз баб̣б̣аж̇ж̇ам̣, лабхзяяам̣ убасамбад̣̇а’’нд̇и.
ат̇а ко жид̇д̇о г̇ахабад̇и ажзлам̣ гассабам̣ аад̣̇ааяа язна т̇зраа бхигкуу д̇знубасан̇гами; убасан̇гамид̇ваа т̇зрз бхигкуу зд̇ад̣̇авожа – ‘‘аяам̣, бханд̇з, ажзло гассабо амхаагам̣ бураан̣аг̇ихисахааяо. имам̣ т̇зраа баб̣б̣ааж̇знд̇у убасамбаад̣̇знд̇у. ахамасса уссуггам̣ гариссаами жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараана’’нд̇и. алад̇т̇а ко ажзло гассабо имасмим̣ д̇хаммавинаяз баб̣б̣аж̇ж̇ам̣, алад̇т̇а убасамбад̣̇ам̣. ажируубасамбанно жа банааяасмаа гассабо зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро жа банааяасмаа гассабо арахад̇ам̣ ахосийд̇и. навамам̣.
10. г̇илаанад̣̇ассанасуд̇д̇ам̣
352. д̇зна ко бана самаязна жид̇д̇о г̇ахабад̇и ааб̣аад̇хиго ход̇и д̣̇угкид̇о б̣аал̣хаг̇илаано. ат̇а ко самб̣ахулаа аараамад̣̇звад̇аа ванад̣̇звад̇аа ругкад̣̇звад̇аа осад̇хид̇ин̣аванаббад̇ийсу ад̇хивад̇т̇аа д̣̇звад̇аа сан̇г̇амма самааг̇амма жид̇д̇ам̣ г̇ахабад̇им̣ зд̇ад̣̇авожум̣ – ‘‘бан̣ид̇хзхи, г̇ахабад̇и, анааг̇ад̇амад̣̇д̇хаанам̣ рааж̇аа ассам̣ жаггавад̇д̇ий’’д̇и.
звам̣ вуд̇д̇з, жид̇д̇о г̇ахабад̇и д̇аа аараамад̣̇звад̇аа ванад̣̇звад̇аа ругкад̣̇звад̇аа осад̇хид̇ин̣аванаббад̇ийсу ад̇хивад̇т̇аа д̣̇звад̇аа зд̇ад̣̇авожа – ‘‘д̇амби анижжам̣, д̇амби ад̣̇д̇хувам̣, д̇амби бахааяа г̇аманийяа’’нд̇и. звам̣ вуд̇д̇з, жид̇д̇асса г̇ахабад̇ино мид̇д̇аамажжаа н̃аад̇исаалохид̇аа жид̇д̇ам̣ г̇ахабад̇им̣ зд̇ад̣̇авожум̣ – ‘‘сад̇им̣, аяяабуд̇д̇а, убадтабзхи, маа виббалабий’’д̇и. ‘‘гим̣ д̇аахам̣ вад̣̇аами яам̣ мам̣ д̇умхз звам̣ вад̣̇зт̇а – ‘сад̇им̣, аяяабуд̇д̇а, убадтабзхи, маа виббалабий’’’д̇и? ‘‘звам̣ ко д̇вам̣, аяяабуд̇д̇а, вад̣̇зси – ‘д̇амби анижжам̣, д̇амби ад̣̇д̇хувам̣, д̇амби бахааяа г̇аманийяа’’’нд̇и. ‘‘д̇ат̇аа хи бана мам̣ аараамад̣̇звад̇аа ванад̣̇звад̇аа ругкад̣̇звад̇аа осад̇хид̇ин̣аванаббад̇ийсу ад̇хивад̇т̇аа д̣̇звад̇аа звамаахам̣су – ‘бан̣ид̇хзхи, г̇ахабад̇и, анааг̇ад̇амад̣̇д̇хаанам̣ рааж̇аа ассам̣ жаггавад̇д̇ий’д̇и. д̇аахам̣ звам̣ вад̣̇аами – ‘д̇амби анижжам̣…бз… д̇амби бахааяа г̇аманийяа’’’нд̇и. ‘‘гим̣ бана д̇аа, аяяабуд̇д̇а, аараамад̣̇звад̇аа ванад̣̇звад̇аа ругкад̣̇звад̇аа осад̇хид̇ин̣аванаббад̇ийсу ад̇хивад̇т̇аа д̣̇звад̇аа ад̇т̇авасам̣ самбассамаанаа звамаахам̣су – ‘бан̣ид̇хзхи, г̇ахабад̇и, анааг̇ад̇амад̣̇д̇хаанам̣ рааж̇аа ассам̣ жаггавад̇д̇ий’’’д̇и? ‘‘д̇аасам̣ ко аараамад̣̇звад̇аанам̣ ванад̣̇звад̇аанам̣ ругкад̣̇звад̇аанам̣ осад̇хид̇ин̣аванаббад̇ийсу ад̇хивад̇т̇аанам̣ д̣̇звад̇аанам̣ звам̣ ход̇и – ‘аяам̣ ко жид̇д̇о г̇ахабад̇и, сийлаваа сийлаванд̇о (га.) галяаан̣ад̇хаммо. сажз бан̣ид̣̇ахиссад̇и – анааг̇ад̇амад̣̇д̇хаанам̣ рааж̇аа ассам̣ жаггавад̇д̇ий’д̇и, ‘д̇асса ко аяам̣ иж̇жхиссад̇и, сийлавад̇о жзд̇обан̣ид̇хи висуд̣̇д̇хад̇д̇аа д̇хаммиго д̇хаммигам̣ палам̣ анубассад̇ий’д̇и. имам̣ ко д̇аа аараамад̣̇звад̇аа ванад̣̇звад̇аа ругкад̣̇звад̇аа осад̇хид̇ин̣аванаббад̇ийсу ад̇хивад̇т̇аа д̣̇звад̇аа ад̇т̇авасам̣ самбассамаанаа звамаахам̣су – ‘бан̣ид̇хзхи, г̇ахабад̇и, анааг̇ад̇амад̣̇д̇хаанам̣ рааж̇аа ассам̣ жаггавад̇д̇ий’д̇и. д̇аахам̣ звам̣ вад̣̇аами – ‘д̇амби анижжам̣, д̇амби ад̣̇д̇хувам̣, д̇амби бахааяа г̇аманийяа’’’нд̇и.
‘‘д̇зна хи, аяяабуд̇д̇а, амхзби овад̣̇аахий’’д̇и. ‘‘д̇асмаа хи во звам̣ сигкид̇аб̣б̣ам̣ – б̣уд̣̇д̇хз авзжжаббасаад̣̇зна саманнааг̇ад̇аа бхависсаама – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. д̇хаммз авзжжаббасаад̣̇зна саманнааг̇ад̇аа бхависсаама – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’д̇и. сан̇гхз авзжжаббасаад̣̇зна саманнааг̇ад̇аа бхависсаама – ‘суббадибанно бхаг̇авад̇о саавагасан̇гхо, уж̇уббадибанно бхаг̇авад̇о саавагасан̇гхо, н̃ааяаббадибанно бхаг̇авад̇о саавагасан̇гхо, саамийжиббадибанно бхаг̇авад̇о саавагасан̇гхо, яад̣̇ид̣̇ам̣ жад̇д̇аари бурисаяуг̇аани адта бурисабуг̇г̇алаа зса бхаг̇авад̇о саавагасан̇гхо аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаа’д̇и. яам̣ ко бана гин̃жи гулз д̣̇зяяад̇хаммам̣ саб̣б̣ам̣ д̇ам̣ аббадивибхад̇д̇ам̣ бхависсад̇и сийлаванд̇зхи галяаан̣ад̇хаммзхийд̇и зван̃хи во сигкид̇аб̣б̣а’’нд̇и. ат̇а ко жид̇д̇о г̇ахабад̇и мид̇д̇аамажжз н̃аад̇исаалохид̇з б̣уд̣̇д̇хз жа д̇хаммз жа сан̇гхз жа жааг̇з жа самаад̣̇абзд̇ваа гааламагаасийд̇и. д̣̇асамам̣.
жид̇д̇асам̣яуд̇д̇ам̣ самад̇д̇ам̣.
д̇ассуд̣̇д̣̇аанам̣ –
сам̣яож̇анам̣ д̣̇вз исид̣̇ад̇д̇аа, махаго гаамабхууби жа;
г̇од̣̇ад̇д̇о жа ниг̇ан̣то жа, ажзлзна г̇илаанад̣̇ассананд̇и.