2. взд̣̇анаасам̣яуд̇д̇ам̣
1. саг̇аат̇ааваг̇г̇о
1. самаад̇хисуд̇д̇аван̣н̣анаа
249. взд̣̇анаа жа баж̇аанаад̇ийд̇и сажжаабхисамб̣од̇хавасзна вужжамаанавзд̣̇анаанам̣ баж̇аананам̣ саад̇исаяасамаад̇хаанабуб̣б̣аганд̇и бхаг̇авад̇аа ‘‘самаахид̇о’’д̇и вуд̇д̇анд̇и ааха ‘‘убажаарзна ваа аббанааяа ваа самаахид̇о’’д̇и. взд̣̇анаад̇и д̇иссоби взд̣̇анаа. д̣̇угкасажжавасзнаад̇и д̣̇угкасажжабхаавзна, бариж̇аананавасзнаад̇и ад̇т̇о. самбхаванд̇и самуд̣̇аяам̣ д̇ан̣хаавиж̇ж̇аагаммапассаад̣̇иббабхзд̣̇ам̣ уббад̇д̇игааран̣ам̣. д̇знааха ‘‘самуд̣̇аяасажжавасзна баж̇аанаад̇ий’’д̇и. яад̇т̇аад̇и яам̣нимид̇д̇ам̣, яам̣ ааг̇амма гаамад̇ан̣хаавиж̇ж̇аад̣̇инирод̇хаа взд̣̇анаанирод̇хо, д̇зсам̣ аяам̣ нирод̇хо. ниб̣б̣аанам̣ аараб̣бха арияамаг̇г̇аббавад̇д̇ияаа хи ниб̣б̣аанам̣ взд̣̇анаанирод̇ход̇и вуд̇д̇о. каяам̣ г̇амзд̇ийд̇и каяаг̇аамий, д̇ам̣ каяаг̇ааминам̣. чаад̇ам̣ вужжад̇и д̇ан̣хаа гаамаанам̣ баад̇угаамад̇аавасзна бавад̇д̇анад̇о, ажжанд̇амзва самужчиннад̇д̇аа над̇т̇и зд̇асмим̣ чаад̇анд̇и нижчаад̇о. д̇знааха ‘‘нид̇д̇ан̣хо’’д̇и. саммасанажааравзд̣̇анаад̇и саммасануубажааравзд̣̇анаа. д̣̇вийхи бад̣̇зхийд̇и ‘‘самаахид̇о самбаж̇аано’’д̇и имзхи д̣̇вийхи. ‘‘сад̇о’’д̇и бана ид̣̇ам̣ самбаж̇аанабад̣̇ассзва убаб̣руухананд̇и ад̇хиббааяо. сзсзхи жад̇уухи жад̇усажжам̣ гат̇ид̇ам̣, ид̇арзхи бана д̣̇вийхи жад̇усажжаб̣уж̇жханамзва гат̇ид̇ам̣. саб̣б̣асан̇г̇аахигод̇и саб̣б̣асабхаавад̇хаммаанам̣ сан̇г̇ан̣ханаго. д̇знааха ‘‘жад̇убхуумагад̇хаммабарижчзд̣̇о вуд̇д̇о’’д̇и.
самаад̇хисуд̇д̇аван̣н̣анаа нидтид̇аа.
2. сукасуд̇д̇аван̣н̣анаа
250. д̣̇угкам̣ на ход̇ийд̇и ад̣̇угкам̣, сукам̣ на ход̇ийд̇и асукам̣, ма-гааро бад̣̇асанд̇хигаро. ад̣̇угкамасуканд̇и взд̣̇аяид̇асад̣̇д̣̇аабзгкааяа набум̣саганид̣̇д̣̇зсо. сабарасанд̇аанаг̇ад̇з санд̇хааяа аж̇жхад̇д̇аб̣ахид̣̇д̇хааг̇ахан̣анд̇и ааха ‘‘ад̇д̇ано жа барасса жаа’’д̇и. д̇зна саб̣б̣амби взд̣̇аяид̇ам̣ г̇ахид̇анд̇и д̣̇адтаб̣б̣ам̣ нассанасабхааванд̇и ид̇д̇аракан̣ад̇ааяа балогинам̣. д̇знааха ‘‘бхиж̇ж̇анасабхаава’’нд̇и. н̃аан̣зна пусид̇ваа пусид̇ваад̇и буб̣б̣абхааг̇з вибассанаан̃аан̣зна анижжаа бабхан̇г̇унод̇и аарамман̣ад̇о, уд̇д̇арагаалам̣ асаммохад̇о маг̇г̇абарамбарааяа пусид̇ваа пусид̇ваа ваяам̣ бассанд̇о. вираж̇ж̇ад̇ийд̇и маг̇г̇авирааг̇зна вираж̇ж̇ад̇и. саммасанажааравзд̣̇анаа гат̇ид̇аа аарад̣̇д̇хавибассагаанам̣ васзна д̣̇зсанаад̇и. логияалогуд̇д̇арзхи н̃аан̣зхи яаат̇аавад̇о бариж̇аананам̣ бадивиж̇жханам̣ н̃аан̣апусанам̣.
сукасуд̇д̇аван̣н̣анаа нидтид̇аа.
3. бахаанасуд̇д̇аван̣н̣анаа
251. саб̣б̣амби адтасад̇абабхзд̣̇ам̣ д̇ан̣хам̣ чинд̣̇и самужчзд̣̇абахаанавасзна баж̇ахи. д̇знааха ‘‘самужчинд̣̇ий’’д̇и. яад̣̇аг̇г̇зна д̇ан̣хаа саб̣б̣асо самужчиннаа, д̇ад̣̇аг̇г̇зна саб̣б̣ааниби сан̃н̃ож̇анаанийд̇и ааха ‘‘д̣̇асавид̇хамбий’’д̇иаад̣̇и. саммаад̇и судту. бахаанан̃жа наама убааязна н̃ааязна бахаананд̇и ааха ‘‘хзд̇унаа гааран̣знаа’’д̇и. д̣̇ассанаабхисамаяаад̇и асаммохабадивзд̇хаа. арахад̇д̇амаг̇г̇о хи уббаж̇ж̇амаанова сабхаавабадижчаад̣̇агам̣ мохам̣ вид̣̇д̇хам̣сзнд̇о зва бавад̇д̇ад̇и, д̇зна маано яаат̇аавад̇о д̣̇идто наама ход̇и, аяамасса д̣̇ассанаабхисамаяо. яат̇аа хи суурияз удтид̇з анд̇хагааро вид̣̇д̇хам̣сияамаано вихад̇о, звам̣ арахад̇д̇амаг̇г̇з уббаж̇ж̇амаанз со саб̣б̣асо бахийно зва ход̇и, на д̇асмим̣ санд̇аанз бад̇идтам̣ лабхад̇и, аяамасса бахаанаабхисамаяо. д̇зна вуд̇д̇ам̣ ‘‘арахад̇д̇амаг̇г̇о хий’’д̇иаад̣̇и. гижжавасзнаад̇и асаммохабадивзд̇хасан̇каад̇асса д̣̇ассанагижжасса анибпаад̣̇анавасзна.
яз имз жад̇д̇ааро анд̇аад̇и самб̣анд̇хо. марияаад̣̇анд̇од̇и марияаад̣̇асан̇каад̇о анд̇о. зса наяо сзсад̇д̇аязби. д̇зсууд̇и жад̇уусу анд̇зсу. ад̣̇ум̣ жад̇уд̇т̇агодисан̇каад̇ам̣ саб̣б̣ассзва ваддад̣̇угкасса анд̇ам̣ барижчзд̣̇ам̣ арахад̇д̇амаг̇г̇зна маанасса д̣̇идтад̇д̇аа бахийнад̇д̇аа жа агаасийд̇и яож̇анаа. самуссаяо ад̇д̇абхааво.
на рин̃жад̇ийд̇и на вивзжзд̇и на виссаж̇ж̇зд̇и. д̇знааха ‘‘самбаж̇ан̃н̃ам̣ на ж̇ахад̇ий’’д̇и, самбаж̇ан̃н̃ам̣ на барижжаж̇ад̇ийд̇и ад̇т̇о. сан̇кяам̣ нобзд̇ийд̇и имасса ‘‘д̣̇идтад̇хаммз анаасаво’’д̇и ‘‘рад̇д̇о д̣̇удто’’д̇и авожа саубаад̣̇исзсаниб̣б̣аанавасзна. сан̇кяам̣ нобзд̇ийд̇и ваа д̣̇идтз-д̇хаммз анаасаво д̇хаммадто взд̣̇аг̇уу гааяасса бхзд̣̇аа мануссо д̣̇звод̇и ваа бан̃н̃ад̇д̇им̣ на убзд̇ийд̇и анубаад̣̇исзсаниб̣б̣аанавасзнаби ад̇т̇о вад̇д̇аб̣б̣о. зд̇т̇а жа сукаад̣̇ийсу взд̣̇анаасу яат̇ааггамам̣ ‘‘имасмим̣ суд̇д̇з аарамман̣аанусаяо гат̇ид̇о’’д̇и. яо хи рааг̇аад̣̇и бажжаяасамавааяз ад̇иидтаад̣̇ийсу уббаж̇ж̇анаарахо маг̇г̇зна аббахийно, со ‘‘рааг̇аанусаяо’’д̇иаад̣̇инаа вуд̇д̇о, аббахийнад̇т̇о со маг̇г̇зна бахаад̇аб̣б̣о, на барияудтаанаабхибхавад̇т̇од̇и.
бахаанасуд̇д̇аван̣н̣анаа нидтид̇аа.
4. баад̇ааласуд̇д̇аван̣н̣анаа
252. яад̇т̇а бад̇идтаа над̇т̇и зганд̇игаад̇и зганд̇игасса махад̇о баад̇асса аланд̇и аяамзд̇т̇а ад̇т̇о ад̇хиббзд̇од̇и ааха ‘‘над̇т̇и зд̇т̇а бад̇идтаа’’д̇и. асамбхууд̇ад̇т̇анд̇и на самбхууд̇ад̇т̇ам̣, мусаад̇и ад̇т̇о. сод̇и ассуд̇аваа бут̇уж̇ж̇ано. яам̣ д̇ам̣ уд̣̇агам̣ бад̇ад̇ийд̇и яож̇анаа. яасмаа самуд̣̇д̣̇абидтз анд̇аранд̇араа взрамбхаваад̇асад̣̇исо махааваад̇о удтахид̇ваа махаасамуд̣̇д̣̇з уд̣̇агам̣ уг̇г̇ажчаабзд̇и, д̇ам̣ гад̣̇аажи жаггаваал̣аабхимукам̣, гад̣̇аажи синзрубаад̣̇аабхимукам̣ г̇анд̇ваа д̇ам̣ бад̇иханад̇и, д̇асмаа вуд̇д̇ам̣ ‘‘б̣алаваамукам̣ махаасамуд̣̇д̣̇ассаа’’д̇иаад̣̇и. взг̇зна багканд̣̇ид̇ваад̇и махад̇аа ваад̇авзг̇зна самуд̣̇д̇хад̇ам̣ д̇знзва взг̇зна багканд̣̇анд̇ан̃жа худ̇ваа. махаанарагабабаад̇о вияаад̇и яож̇анааяаамавид̇т̇аараг̇амбхийрасоб̣бхабабаад̇о вияа ход̇и. д̇ат̇ааруубаананд̇и д̇ад̇т̇а васид̇ум̣ самад̇т̇аанам̣. асанд̇анд̇и абхууд̇ам̣. ад̇т̇авасзна хи ваажаа абхууд̇ам̣ наама.
на бад̇идтаасийд̇и бад̇идтам̣ на лабхи. аниб̣ад̣̇д̇ханд̇и аниб̣анд̇ханад̇т̇ам̣ яам̣гин̃жи. д̣̇уб̣б̣алан̃аан̣од̇и н̃аан̣аб̣аларахид̇о. ‘‘ассуд̇аваа бут̇уж̇ж̇ано’’д̇и вад̇ваа ‘‘суд̇аваа арияасааваго’’д̇и вуд̇д̇ад̇д̇аа ‘‘сод̇аабанно д̇хура’’нд̇и вуд̇д̇ам̣. ид̇арзсу арияасаавагзсу вад̇д̇аб̣б̣амзва над̇т̇и. д̇зсан̃хи взд̣̇анаа субарин̃н̃аад̇аа. б̣алававибассаго…бз… яог̇ааважароби ваддад̇и мад̇д̇асо взд̣̇анаанам̣ барин̃н̃аад̇ад̇д̇аа.
баад̇ааласуд̇д̇аван̣н̣анаа нидтид̇аа.
5. д̣̇адтаб̣б̣асуд̇д̇аван̣н̣анаа
253. вибарин̣ааманавасзна д̣̇угкад̇о д̣̇адтаб̣б̣аад̇и гин̃жааби сукаа, барин̣аамад̣̇угкад̇аа бана сукавзд̣̇анааяа зганд̇игаад̇и. винивиж̇жханадтзнаад̇и бийл̣анавасзна ад̇д̇абхаавасса виж̇жханадтзна. худ̇ваад̇и бажжаяасамааг̇амзна уббаж̇ж̇ид̇ваа. д̇зна баагабхаавабуб̣б̣аго ад̇д̇алаабхо вуд̇д̇о. абхааваагаарзнаад̇и бхан̇г̇убаг̇аманаагаарзна. д̇зна вид̣̇д̇хам̣сабхааво вуд̇д̇о. убхаязна уд̣̇аяаб̣б̣аяабарижчиннад̇ааяа сикаббад̇д̇ам̣ анижжад̇ам̣ ад̣̇д̣̇аад̇и н̃аан̣аг̇ад̇ияаа сажчигад̇ваа ад̣̇агки. н̃аан̣аг̇аманан̃хзд̇ам̣, яад̣̇ид̣̇ам̣ д̣̇угкад̇о д̣̇ассанам̣. санд̇асабхаавам̣ сукад̣̇угкад̇о убасанд̇аруубад̇д̇аа.
д̣̇адтаб̣б̣асуд̇д̇аван̣н̣анаа нидтид̇аа.
6. салласуд̇д̇аван̣н̣анаа
254. д̣̇вийсу ж̇анзсууд̇и суд̇аванд̇аассуд̇аванд̇зсу д̣̇вийсу ж̇анзсу. ануг̇ад̇авзд̇ханд̇и буб̣б̣з бавад̇д̇авзд̇хасса ануг̇ад̇авзд̇хам̣. б̣алавад̇араа д̣̇иг̇ун̣аа вияа худ̇ваа д̣̇ал̣хад̇арабавад̇д̇ияаа. звамзваад̇и яат̇аа вид̣̇д̇хасса бурисасса анувзд̇ханаа б̣алавад̇араа, звамзва. самаад̇химаг̇г̇апалаани ниссаран̣ам̣ вигкамбханасамужчзд̣̇абадиббассад̣̇д̇хивасзна. самаад̇хисийсзна хзд̇т̇а жхаанан̃жа г̇ахид̇ам̣. со на ж̇аанаад̇и анад̇хиг̇ад̇ад̇д̇аа. ниссаран̣анд̇и ж̇аанаад̇и аниссаран̣амзва. д̇аасам̣ самад̇хиг̇ад̇аанам̣ сукад̣̇угкавзд̣̇анаанам̣. на виббаяуд̇д̇о аббахийнагилзсад̇д̇аа. сан̇каад̇ад̇хаммассаад̇и сан̇кааяа бан̃н̃ааяа барин̃н̃аад̇ажад̇угканд̇хасса. д̇знааха ‘‘д̇улид̇ад̇хаммассаа’’д̇и. имасмимби суд̇д̇з буримасуд̇д̇з вияа аарамман̣аанусаяова гат̇ид̇о, со бана д̇ад̇т̇а вуд̇д̇анаязнзва взд̣̇ид̇аб̣б̣о. анурод̇хавирод̇хабахаанасса вуд̇д̇ад̇д̇аа кийн̣аасаво д̇хурам̣. анааг̇аамийби ваддад̇и, д̇асса вирод̇хаббахаанам̣ лаб̣бхад̇и.
салласуд̇д̇аван̣н̣анаа нидтид̇аа.
7. батамаг̇злан̃н̃асуд̇д̇аван̣н̣анаа
255. сад̣̇д̣̇ахид̇ваа д̇ад̇т̇аад̇и д̇асмим̣ таанз. гаммадтаанаануяог̇о саббааяо язсам̣ д̇з гаммадтаанасаббааяаа, сад̇ибадтаанарад̇аад̇и ад̇т̇о. анижжад̇ам̣ анубассанд̇од̇и гааяам̣ бадижжа уббаннааяа взд̣̇анааяа жа анижжад̇ам̣ анубассанд̇о. ваяам̣ анубассанд̇од̇иаад̣̇ийсуби зсзва наяо. ваяанд̇и бана д̇ааяа зва каяасан̇каад̇ам̣. вирааг̇анд̇и вираж̇ж̇анам̣. бадиниссаг̇г̇анд̇и барижжааг̇абадиниссаг̇г̇ам̣, багканд̣̇анабадиниссаг̇г̇амби ваа.
ааг̇аманийяабадибад̣̇аад̇и арияамаг̇г̇асса ааг̇аманадтаанияаа буб̣б̣абхааг̇абадибад̣̇аа. буб̣б̣абхааг̇ааязва на логуд̇д̇араа. самбаж̇ан̃н̃ам̣ буб̣б̣абхааг̇ияамзва. д̇иссо анубассанаа буб̣б̣абхааг̇ааязва вибассанаабарияаабаннад̇д̇аа миссагаад̇и логияалогуд̇д̇арамиссагаа. бхааванаагаало д̣̇ассид̇о ‘‘нирод̇хаанубассино вихарад̇о, бадиниссаг̇г̇аанубассино вихарад̇о рааг̇аанусаяо бахийяад̇ий’’д̇и вуд̇д̇ад̇д̇аа.
батамаг̇злан̃н̃асуд̇д̇аван̣н̣анаа нидтид̇аа.
8-9. д̣̇уд̇ияаг̇злан̃н̃асуд̇д̇аад̣̇иван̣н̣анаа
256-257. пассам̣ бадижжаад̇и зд̇т̇а пассасийсзна пассааяад̇анаанам̣ г̇ахан̣ам̣. на хи пассааяад̇анзхи винаа пассасса самбхаво. д̇знааха ‘‘гааяова хи зд̇т̇а пассод̇и вуд̇д̇о’’д̇и, пассасийсзна вуд̇д̇од̇и ад̇хиббааяо. навамам̣ уд̇д̇аанамзва хздтаа вуд̇д̇анаяад̇д̇аа.
д̣̇уд̇ияаг̇злан̃н̃асуд̇д̇аад̣̇иван̣н̣анаа нидтид̇аа.
10. пассамуулагасуд̇д̇аван̣н̣анаа
258. сукавзд̣̇анааяа хид̇ам̣ сукавзд̣̇анияам̣. со банзса хид̇абхааво бажжаяабхаавзнаад̇и ааха ‘‘сукавзд̣̇анааяа бажжаяабхууд̇а’’нд̇и. имасмимби суд̇д̇ад̣̇ваязд̇и саммасанажааравзд̣̇анаад̇и саммасанийяавзд̣̇анаа зва гат̇ид̇аа, на логуд̇д̇араад̇и ад̇хиббааяо.
пассамуулагасуд̇д̇аван̣н̣анаа нидтид̇аа.
саг̇аат̇ааваг̇г̇аван̣н̣анаа нидтид̇аа.
2. рахог̇ад̇аваг̇г̇о
1. рахог̇ад̇асуд̇д̇аван̣н̣анаа
259. яам̣гин̃жи взд̣̇аяид̇анд̇и ‘‘сукам̣ д̣̇угкам̣ ад̣̇угкамасука’’нд̇и вуд̇д̇ам̣ взд̣̇аяид̇ам̣ д̣̇угкасмим̣ анд̇ог̇ад̇хам̣, д̣̇угканд̇и вад̇д̇аб̣б̣ад̇ам̣ лабхад̇и барияааязнаад̇и ад̇т̇о. д̇знааха ‘‘д̇ам̣ саб̣б̣ам̣ д̣̇угканд̇и ад̇т̇о’’д̇и. яаа зсаад̇иаад̣̇ийсу яо сан̇каараанам̣ анижжад̇аасан̇каад̇о худ̇ваа абхааваагааро, яаа каяасабхаавад̇аа винассанасабхаавад̇аа ж̇арааяа маран̣зна жаад̇и д̣̇вид̇хаа вибарин̣ааманасабхаавад̇аа, зд̇ам̣ санд̇хааяа уд̣̇д̣̇исса саб̣б̣ам̣ взд̣̇аяид̇ам̣ д̣̇угканд̇и маяаа вуд̇д̇анд̇и аяам̣ сан̇кзбад̇т̇о. саад̇и сан̇каараанам̣ анижжад̇аа взд̣̇анаанамби анижжад̇аа зва сан̇каарасабхаавад̇д̇аа. д̇аасам̣ анижжад̇аа жа наама маран̣ам̣ бхан̇г̇од̇и гад̇ваа д̇ад̇о уд̇д̇ари д̣̇угкам̣ наама над̇т̇ийд̇и саб̣б̣аа взд̣̇анаа ‘‘д̣̇угкаа’’д̇и вуд̇д̇аа, яат̇аа ‘‘яад̣̇анижжам̣ д̇ам̣ д̣̇угка’’нд̇и жа, ‘‘бан̃жубаад̣̇аанагканд̇хаа д̣̇угкаа’’д̇и жа вуд̇д̇ам̣. ид̣̇ам̣ суд̇д̇абад̣̇ам̣. жад̇д̇ааро ааруббаад̇и жад̇ассо аруубасамаабад̇д̇ияо. зд̇т̇аад̇и жа зд̇асмим̣ бадиббассад̣̇д̇хиваарз.
рахог̇ад̇асуд̇д̇аван̣н̣анаа нидтид̇аа.
4. аг̇аарасуд̇д̇аван̣н̣анаа
262. бурад̇т̇имаад̇и вибхад̇д̇илобзна нид̣̇д̣̇зсо, ниссаггз ваа зд̇ам̣ бажжад̇д̇аважанам̣. батамаж̇жхаанаад̣̇ивасзнаад̇и батамад̣̇уд̇ияаж̇жхаанавасзна. ануссад̇ивасзнаад̇и нид̣̇ассанамад̇д̇ам̣ ан̃н̃ассаби убажаараж̇жхаанаг̇г̇ахид̇асса савид̇аггажаарасса нираамисасса сукасса лаб̣бханад̇о. д̇ассаби ваа батамаж̇жхаанаад̣̇ийд̇и зд̇т̇а аад̣̇и-сад̣̇д̣̇зна сан̇г̇ахо д̣̇адтаб̣б̣о. гаамахзд̇у д̣̇угкаббад̇д̇аанам̣ д̣̇угкавзд̣̇анаа гаамаамисзна саамисаа взд̣̇анаа. ануд̇д̇аравимогкаа наама арахад̇д̇апалам̣. ‘‘гуд̣̇аассу наамаахам̣ д̇ад̣̇ааяад̇анам̣ убасамбаж̇ж̇а вихариссаамий’’д̇и звам̣ бихам̣ убадтаабаяад̇о д̇асмим̣ аниж̇жхамаанз бихаббажжаяаа уббаннад̣̇оманассавзд̣̇анаа. нзгкамманиссид̇аа убзгкаавзд̣̇анаа нираамисаа ад̣̇угкамасукаа наама. сависзсам̣ бана д̣̇ассзд̇ум̣ ‘‘жад̇уд̇т̇аж̇жхаанавасзна уббаннаа ад̣̇угкамасукавзд̣̇анаа’’д̇и вуд̇д̇ам̣.
аг̇аарасуд̇д̇аван̣н̣анаа нидтид̇аа.
5-8. батамааананд̣̇асуд̇д̇аад̣̇иван̣н̣анаа
263-266. хздтаа гат̇ид̇анаяаанзва, взнзяяаж̇жхаасаяад̇о бана д̇зсам̣ д̣̇зсанаад̇и д̣̇адтаб̣б̣ам̣. зд̇т̇аад̇и зд̇зсу жад̇уусу суд̇д̇зсу. буримаани д̣̇вз ‘‘батамам̣ жхаанам̣ самаабаннасса ваажаа бадиббассад̣̇д̇хаа ход̇ий’’д̇иаад̣̇инаа наязна яаава кийн̣аасавасса гилзсабадиббассад̣̇д̇хи, д̇аава д̣̇зсанааяа бавад̇д̇ад̇д̇аа ‘‘барибун̣н̣абассад̣̇д̇хигааний’’д̇и вуд̇д̇аани. д̇аава барибуурам̣ гад̇ваа ад̣̇зсид̇ад̇д̇аа ‘‘бажчимаани убад̣дхабассад̣̇д̇хигаани, д̣̇зсанааяаа’’д̇иаад̣̇и вуд̇д̇ам̣.
батамааананд̣̇асуд̇д̇аад̣̇иван̣н̣анаа нидтид̇аа.
9-10. бан̃жаган̇г̇асуд̇д̇аад̣̇иван̣н̣анаа
267-268. д̣̇ан̣д̣амуг̇г̇арам̣ аг̇г̇асон̣д̣амуг̇г̇арам̣. гаал̣асуд̇д̇абагкибанам̣ гаал̣асуд̇д̇анаал̣и. ваасиаад̣̇ийни бан̃жаган̇г̇о. вад̇т̇увиж̇ж̇ааяа вуд̇д̇авид̇хинаа гад̇д̇аб̣б̣аниссаяаани табзд̇ийд̇и т̇абад̇и. бан̣д̣ид̇ауд̣̇ааяид̇т̇зро, на лаал̣уд̣̇ааяид̇т̇зро. д̣̇взбаананд̣̇аад̇и адтагат̇ааяа бад̣̇уд̣̇д̇хааро гад̇о – ‘‘д̣̇взби маяаа аананд̣̇аа’’д̇и бана баал̣ияам̣. басаад̣̇агааяасанниссид̇аа гааяигаа, жзд̇осанниссид̇аа жзд̇асигаа. аад̇хибажжадтзна сукамзва инд̣̇рияанд̇и сукинд̣̇рияам̣. убавижааравасзнаад̇и руубаад̣̇ийни убзжжа вижаран̣авасзна. ад̇ийд̇з аарамман̣з. бажжуббаннзд̇и ад̣̇д̇хаабажжуббаннз. звам̣ адтаад̇хигам̣ сад̇ам̣ адтасад̇ам̣.
баадиязгго анусанд̇хийд̇и бужчаанусанд̇хиаад̣̇ийхи висум̣ д̇зхи асаммиссо зго анусанд̇хи. згааби взд̣̇анаа гат̇ид̇аа ‘‘д̇ад̇ра, бхигкавз, суд̇аваа арияасааваго’’д̇и аахарид̇ваа ‘‘пассабажжаяаа взд̣̇анаа’’д̇и. яасмаа бхаг̇аваа т̇абад̇ино ваад̣̇ам̣ убад̇т̇амбхзд̇и наама. д̇зна хи убзгкаавзд̣̇анаа ‘‘сука’’нд̇зва вуд̇д̇аа санд̇асабхаавад̇д̇аа. абхигганд̇ад̇аранд̇и ад̇ивияа ганд̇ад̇арам̣ манорамад̇арам̣. д̇знааха ‘‘сунд̣̇арад̇ара’’нд̇и. бан̣ийд̇ад̇аранд̇и бад̇хаанабхаавам̣ нийд̇ад̇ааяа ул̣аарад̇арам̣. д̇знааха ‘‘ад̇аббагад̇ара’’нд̇и. суканд̇и вуд̇д̇аа бадибагкасса судту каад̣̇анзна, сугарам̣ огаасад̣̇аанамассаад̇и ваа. нирод̇хо сукам̣ наама саб̣б̣асо уд̣̇аяаб̣б̣аяаабхаавад̇о. д̇знааха ‘‘нид̣̇д̣̇угкабхаавасан̇каад̇зна сукадтзнаа’’д̇и.
сукасмим̣язваад̇и сукамижжзва бан̃н̃абзд̇и. нирод̇хасамаабад̇д̇им̣ сийсам̣ гад̇ваад̇и нирод̇хасамаабад̇д̇ид̣̇зсанааяа сийсам̣ уд̇д̇амам̣ гад̇ваа. д̣̇зсанааяа уд̣̇д̣̇зсаад̇химуд̇д̇з удтаабзд̇ваа вид̇т̇аарид̇ад̇д̇аа ‘‘нзяяабуг̇г̇аласса васзнаа’’д̇и вуд̇д̇ам̣. д̣̇асамам̣ ананд̇арасуд̇д̇з вуд̇д̇анаяад̇д̇аа уд̇д̇аанад̇т̇амзва.
бан̃жаган̇г̇асуд̇д̇аад̣̇иван̣н̣анаа нидтид̇аа.
рахог̇ад̇аваг̇г̇аван̣н̣анаа нидтид̇аа.
3. адтасад̇абарияааяаваг̇г̇о
1. сийвагасуд̇д̇аван̣н̣анаа
269. жуул̣аа бана асса махад̇ий ад̇т̇и сависзсаа, д̇асмаа ‘‘мол̣ияасийваго’’д̇и вужжад̇и. чаннабариб̣б̣ааж̇агод̇и гамб̣алаад̣̇инаа гобийнабадижчаад̣̇агабариб̣б̣ааж̇аго. бид̇д̇абажжаяаанийд̇и бид̇д̇ахзд̇угаани ‘‘д̇иссо взд̣̇анаа’’д̇и вад̇ваа д̇аасам̣ самбхавам̣ д̣̇ассзд̇ум̣ ‘‘гат̇а’’нд̇иаад̣̇и вуд̇д̇ам̣. гусалавзд̣̇анаа уббаж̇ж̇ад̇и бид̇д̇абажжаяаа. бид̇д̇абхзсаж̇ж̇ам̣ гариссаамийд̇и бхзсаж̇ж̇асамбхаран̣ад̇т̇ан̃жзва д̇ад̣̇ад̇т̇ам̣ аамисагин̃ж̇агкасамбхаран̣ад̇т̇ан̃жа баан̣ам̣ ханад̇ийд̇и яож̇анаа. маж̇жхад̇д̇о бхзсаж̇ж̇агаран̣з уд̣̇аасийно.
д̇асмаад̇и яасмаа бид̇д̇аад̣̇ибажжаяахзд̇уганд̇и ад̇д̇ано жа логасса жа бажжагкам̣ ад̇ид̇хааванд̇и яз саман̣аа ваа б̣раахман̣аа ваа, д̇асмаа д̇зсам̣ мижчаа. бид̇д̇аад̣̇ийнам̣ д̇ин̣н̣амби самод̇хаанасаннибаад̇з ж̇аад̇аани саннибаад̇игаани. буримауд̇уно висад̣̇исо уд̇увибарин̣аамод̇и ааха ‘‘висабхааг̇ауд̇уд̇о ж̇аад̇ааний’’д̇и ж̇ан̇г̇алад̣̇зсо, вуд̇д̇авибарияааязна анубад̣̇зсо взд̣̇ид̇аб̣б̣о. малаяам̣ химасийд̇аб̣ахуло, ид̇аро ун̣хаб̣ахуло.
ад̇д̇ано багад̇ижарияаанам̣ висамам̣ гааяасса барихаран̣авасзна, ж̇аад̇аани бана асаяхасаханаад̣̇зсаагаалажаран̣аад̣̇инаа взд̣̇ид̇аб̣б̣аанийд̇и ааха ‘‘махаабхаараваханаа’’д̇иаад̣̇и. барасса убаггамад̇о ниб̣б̣ад̇д̇аани обаггамигаанийд̇и ааха – ‘‘аяам̣ жоро ваа’’д̇иаад̣̇и. гзваланд̇и б̣аахирабажжаяам̣ анабзгкид̇ваа гзвалам̣ д̇знзва. д̇знааха ‘‘гаммавибаагад̇ова ж̇аад̇ааний’’д̇и. саггаа бадиб̣аахид̇ум̣ бад̇ийгаарзна. логавохааро наама гат̇ид̇о бид̇д̇асамудтаанаад̣̇исаман̃н̃ааяа логасид̣̇д̇хад̇д̇аа. гаамам̣ сарийрасанниссид̇аа взд̣̇анаа гамманиб̣б̣ад̇д̇аава, д̇ассаа бана бажжуббаннабажжаяавасзна звамаяам̣ логавохаарод̇и вуд̇д̇ан̃жзва г̇ахзд̇ваа бараваад̣̇абадисзд̇хо гад̇од̇и д̣̇адтаб̣б̣ам̣.
сийвагасуд̇д̇аван̣н̣анаа нидтид̇аа.
2-10. адтасад̇асуд̇д̇аад̣̇иван̣н̣анаа
270-278. взд̣̇анаанам̣ адтаад̇хигам̣ сад̇ам̣, д̇асса адтасад̇асса д̇аб̣бхаавасса барияааяо гааран̣ам̣ зд̇т̇а ад̇т̇ийд̇и адтасад̇абарияааяо, суд̇д̇ам̣. д̇знааха ‘‘адтасад̇асса гааран̣абхууд̇а’’нд̇и. д̇хаммагааран̣анд̇и барияад̇д̇ид̇хаммабхууд̇ам̣ гааран̣ам̣. гааяигаад̇и бан̃жад̣̇ваарагааяигаа. д̇знааха ‘‘гаамааважарзязва лаб̣бханд̇ий’’д̇и, гаамабхуумигаад̇и ад̇т̇о. аруубааважарз над̇т̇и, д̇ибхуумигаад̇и ад̇т̇о. д̇знааха – ‘‘аруубз д̇игажад̇уггаж̇жхаанам̣ уббаж̇ж̇ад̇и, д̇ан̃жа ко логуд̇д̇арам̣, на логияа’’нд̇и. ид̇араа убзгкаавзд̣̇анаа. убавижаранд̇и убзжжа баж̇ж̇анд̇ийд̇и ад̇т̇о. д̇ам̣самбаяуд̇д̇аананд̇и вижаарасамбаяуд̇д̇аанам̣.
бадилаабхад̇од̇и бадилад̣̇д̇хабхаавад̇о. саманубассад̇од̇и бажжавзгкад̇о бассад̇о. ад̇ийд̇ам̣ кан̣ад̇д̇аяаад̇иггамзна ад̇игганд̇ам̣, нируд̣̇д̇хаббад̇д̇ияаа нируд̣̇д̇хам̣, багад̇ивиж̇аханзна вибарин̣ад̇ам̣. самануссарад̇од̇и г̇зхассид̇анд̇и гаамаг̇ун̣аниссид̇ам̣. гаамаг̇ун̣аа хи ид̇ха г̇зханиссид̇ад̇хаммзна г̇зхабарияааязна вуд̇д̇аа.
вибарин̣аамавирааг̇анирод̇ханд̇и буб̣б̣зд̇и ад̇ийд̇з. зд̇арахийд̇и ид̣̇аани вад̇д̇амаанаа. саммаббан̃н̃ааяа бассад̇од̇и вибассанаабан̃н̃ааяа жзва маг̇г̇абан̃н̃ааяа жа яаат̇аавад̇о бассад̇о. уссуггаабзд̇унд̇и вибассанам̣ бадтабзд̇ваа маг̇г̇абадивзд̇хам̣ баабзд̇ум̣. ниб̣б̣аанам̣ уд̣̇д̣̇исса бавад̇д̇ид̇ад̇д̇аа нзгкаммассид̇асоманассаани наама. логаамисабадисам̣яуд̇д̇аананд̇и гаамаг̇ун̣аниссид̇аанам̣. д̇ад̣̇ааяад̇ананд̇и д̇ам̣ ааяад̇анам̣ д̇ам̣ гааран̣ам̣ арахад̇д̇ам̣. ануд̇д̇арзсу вимогкзсууд̇и арияапалад̇хаммзсу. биханд̇и ад̇хиг̇амижчам̣.
убзгкаад̇и соманассарахид̇аан̃н̃аан̣убзгкаа. б̣ааляаяог̇ад̇о б̣ааласса, д̇ад̇о зва муул̣хасса бут̇уж̇ж̇анасса. гилзсод̇хийнам̣ маг̇г̇од̇хийхи аж̇ид̇ад̇д̇аа анод̇хиж̇инасса. сад̇д̇амабхаваад̣̇ид̇о уд̣̇д̇хам̣ бавад̇д̇анавибаагасса аж̇ид̇ад̇д̇аа авибаагаж̇инасса. анзгаад̣̇ийнавз ваддз аад̣̇ийнавасса аж̇аананзна анаад̣̇ийнавад̣̇ассаавино. бадибад̇д̇ибадивзд̇хаб̣аахусажжаабхаавзна ассуд̇авад̇о бут̇уж̇ж̇анасса. руубам̣ саа наад̇ивад̇д̇ад̇и на ад̇иггамад̇и н̃аан̣асамбаяуд̇д̇аабхаавад̇о. саб̣б̣асан̇г̇аахагод̇и саб̣б̣ад̇хаммз сан̇г̇ан̣ханаго. д̇ад̇ияаад̣̇ийни яаава д̣̇асамаа хздтаа вуд̇д̇анаяад̇д̇аа уд̇д̇аанад̇т̇аанзва.
адтасад̇асуд̇д̇аад̣̇иван̣н̣анаа нидтид̇аа.
11. нираамисасуд̇д̇аван̣н̣анаа
279. аарамман̣ад̇о самбаяог̇ад̇о жа гилзсаамисзна саамисаа. нираамисааяаад̇и ниссаггаважанам̣. нираамисад̇арааваад̇и згам̣саважанам̣ д̇ассаа д̇ат̇аа ниссамзд̇аб̣б̣ад̇ааяа. саа хи бийд̇и саб̣б̣асо санд̇агилзсаамисз санд̇аанз бавад̇д̇ияаа ажжанд̇асабхаавад̇хаммаарамман̣ависаяад̇ааяа саяамби саад̇исаяам̣ санд̇асабхааваагаарзна бавад̇д̇ияаа нираамисааяаби нираамисад̇араа вуд̇д̇аа. д̇знааха ‘‘нану жаа’’д̇иаад̣̇и. ид̣̇аани д̇амад̇т̇ам̣ убамааяа саад̇хзд̇ум̣ ‘‘яат̇аа хий’’д̇иаад̣̇имааха. аббадихаариганд̇и бадихаран̣арахид̇ам̣ аббадихаарам̣, гзнажи анааваданд̇и ад̇т̇о. сзсаваарзсууд̇и сукаваараубзгкааваарзсу.
вимогкавааро бана на ад̇ид̣̇идто ид̇арзхи висад̣̇исад̇д̇аа. д̇знааха ‘‘вимогкаваарз банаа’’д̇иаад̣̇и. руубабадисам̣яуд̇д̇од̇и бхаавид̇аруубабадисам̣яуд̇д̇о. саамисо наама яасмаа саамисаруубабадиб̣ад̣̇д̇хавуд̇д̇и саамисо наама. аруубаамисасса абхаавад̇о аруубабадисам̣яуд̇д̇о вимогко нираамисо наама.
нираамисасуд̇д̇аван̣н̣анаа нидтид̇аа.
адтасад̇абарияааяаваг̇г̇аван̣н̣анаа нидтид̇аа.
взд̣̇анаасам̣яуд̇д̇аван̣н̣анаа нидтид̇аа.