3. б̣аалаваг̇г̇о
22. ‘‘‘д̣̇взмз , бхигкавз, б̣аалаа. гад̇амз д̣̇вз? яо жа ажжаяам̣ ажжаяад̇о на бассад̇и, яо жа ажжаяам̣ д̣̇зсзнд̇асса яат̇аад̇хаммам̣ наббадиг̇г̇ан̣хаад̇и . имз ко, бхигкавз, д̣̇вз б̣аалаа’д̇и. ‘д̣̇взмз , бхигкавз, бан̣д̣ид̇аа. гад̇амз д̣̇вз? яо жа ажжаяам̣ ажжаяад̇о бассад̇и, яо жа ажжаяам̣ д̣̇зсзнд̇асса яат̇аад̇хаммам̣ бадиг̇г̇ан̣хаад̇и. имз ко, бхигкавз, д̣̇вз бан̣д̣ид̇аа’’’д̇и.
23. ‘‘д̣̇взмз, бхигкавз, д̇ат̇ааг̇ад̇ам̣ аб̣бхаажигканд̇и. гад̇амз д̣̇вз? д̣̇удто ваа д̣̇осанд̇аро, сад̣̇д̇хо ваа д̣̇уг̇г̇ахид̇зна д̣̇уг̇г̇ахийд̇зна (сий.). имз ко, бхигкавз, д̣̇вз д̇ат̇ааг̇ад̇ам̣ аб̣бхаажигканд̇ий’’д̇и.
24. ‘‘‘д̣̇взмз, бхигкавз, д̇ат̇ааг̇ад̇ам̣ аб̣бхаажигканд̇и. гад̇амз д̣̇вз? яо жа абхаасид̇ам̣ алабид̇ам̣ д̇ат̇ааг̇ад̇зна бхаасид̇ам̣ лабид̇ам̣ д̇ат̇ааг̇ад̇знаад̇и д̣̇ийбзд̇и, яо жа бхаасид̇ам̣ лабид̇ам̣ д̇ат̇ааг̇ад̇зна абхаасид̇ам̣ алабид̇ам̣ д̇ат̇ааг̇ад̇знаад̇и д̣̇ийбзд̇и. имз ко, бхигкавз, д̣̇вз д̇ат̇ааг̇ад̇ам̣ аб̣бхаажигканд̇ий’д̇и. ‘д̣̇взмз, бхигкавз, д̇ат̇ааг̇ад̇ам̣ нааб̣бхаажигканд̇и. гад̇амз д̣̇вз? яо жа абхаасид̇ам̣ алабид̇ам̣ д̇ат̇ааг̇ад̇зна абхаасид̇ам̣ алабид̇ам̣ д̇ат̇ааг̇ад̇знаад̇и д̣̇ийбзд̇и, яо жа бхаасид̇ам̣ лабид̇ам̣ д̇ат̇ааг̇ад̇зна бхаасид̇ам̣ лабид̇ам̣ д̇ат̇ааг̇ад̇знаад̇и д̣̇ийбзд̇и. имз ко, бхигкавз, д̣̇вз д̇ат̇ааг̇ад̇ам̣ нааб̣бхаажигканд̇ий’’’д̇и.
25. ‘‘д̣̇взмз, бхигкавз, д̇ат̇ааг̇ад̇ам̣ аб̣бхаажигканд̇и. гад̇амз д̣̇вз? яо жа нзяяад̇т̇ам̣ суд̇д̇анд̇ам̣ нийд̇ад̇т̇о суд̇д̇анд̇од̇и д̣̇ийбзд̇и, яо жа нийд̇ад̇т̇ам̣ суд̇д̇анд̇ам̣ нзяяад̇т̇о суд̇д̇анд̇од̇и д̣̇ийбзд̇и. имз ко, бхигкавз, д̣̇вз д̇ат̇ааг̇ад̇ам̣ аб̣бхаажигканд̇ий’’д̇и.
26. ‘‘д̣̇взмз, бхигкавз, д̇ат̇ааг̇ад̇ам̣ нааб̣бхаажигканд̇и. гад̇амз д̣̇вз? яо жа нзяяад̇т̇ам̣ суд̇д̇анд̇ам̣ нзяяад̇т̇о суд̇д̇анд̇од̇и д̣̇ийбзд̇и , яо жа нийд̇ад̇т̇ам̣ суд̇д̇анд̇ам̣ нийд̇ад̇т̇о суд̇д̇анд̇од̇и д̣̇ийбзд̇и. имз ко, бхигкавз, д̣̇вз д̇ат̇ааг̇ад̇ам̣ нааб̣бхаажигканд̇ий’’д̇и.
27. ‘‘бадижчаннагамманд̇асса , бхигкавз, д̣̇виннам̣ г̇ад̇ийнам̣ ан̃н̃ад̇араа г̇ад̇и баадиган̇каа – нираяо ваа д̇иражчаанаяони ваад̇и. аббадижчаннагамманд̇асса, бхигкавз, д̣̇виннам̣ г̇ад̇ийнам̣ ан̃н̃ад̇араа г̇ад̇и баадиган̇каа – д̣̇зваа ваа мануссаа ваа’’д̇и.
28. ‘‘мижчаад̣̇идтигасса , бхигкавз, д̣̇виннам̣ г̇ад̇ийнам̣ ан̃н̃ад̇араа г̇ад̇и баадиган̇каа – нираяо ваа д̇иражчаанаяони ваа’’д̇и.
29. ‘‘саммаад̣̇идтигасса, бхигкавз, д̣̇виннам̣ г̇ад̇ийнам̣ ан̃н̃ад̇араа г̇ад̇и баадиган̇каа – д̣̇зваа ваа мануссаа ваа’’д̇и.
30. ‘‘д̣̇уссийласса, бхигкавз, д̣̇вз бадиг̇г̇аахаа – нираяо ваа д̇иражчаанаяони ваа. сийлавад̇о, бхигкавз, д̣̇вз бадиг̇г̇аахаа – д̣̇зваа ваа мануссаа ваа’’д̇и д̣̇зво ваа мануссо ваад̇и (га.).
31. ‘‘д̣̇ваахам̣, бхигкавз, ад̇т̇авасз самбассамаано аран̃н̃аванабад̇т̇аани аран̃н̃з баванабад̇т̇аани (сий. бий.) банд̇аани сзнаасанаани бадисзваами. гад̇амз д̣̇вз? ад̇д̇ано жа д̣̇идтад̇хаммасукавихаарам̣ самбассамаано, бажчиман̃жа ж̇анад̇ам̣ анугамбамаано. имз ко ахам̣, бхигкавз, д̣̇вз ад̇т̇авасз самбассамаано аран̃н̃аванабад̇т̇аани банд̇аани сзнаасанаани бадисзваамий’’д̇и.
32. ‘‘д̣̇вз мз, бхигкавз, д̇хаммаа виж̇ж̇аабхааг̇ияаа. гад̇амз д̣̇вз? самат̇о жа вибассанаа жа. самат̇о, бхигкавз, бхаавид̇о гамад̇т̇а гимад̇т̇а (сяаа. гам̣.), гад̇амад̇т̇а (га.) манубход̇и? жид̇д̇ам̣ бхаавийяад̇и. жид̇д̇ам̣ бхаавид̇ам̣ гамад̇т̇аманубход̇и? яо рааг̇о со бахийяад̇и. вибассанаа, бхигкавз, бхаавид̇аа гамад̇т̇аманубход̇и? бан̃н̃аа бхаавийяад̇и. бан̃н̃аа бхаавид̇аа гамад̇т̇аманубход̇и? яаа авиж̇ж̇аа саа бахийяад̇и. рааг̇убаггилидтам̣ ваа, бхигкавз, жид̇д̇ам̣ на вимужжад̇и, авиж̇ж̇убаггилидтаа ваа бан̃н̃аа на бхаавийяад̇и. ид̇и ко, бхигкавз, рааг̇авирааг̇аа жзд̇овимуд̇д̇и, авиж̇ж̇аавирааг̇аа бан̃н̃аавимуд̇д̇ий’’д̇и.
б̣аалаваг̇г̇о д̇ад̇ияо.