4. самажид̇д̇аваг̇г̇о
33. ‘‘асаббурисабхуумин̃жа во, бхигкавз, д̣̇зсзссаами саббурисабхуумин̃жа. д̇ам̣ сун̣аат̇а, саад̇хугам̣ манаси гарот̇а. бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘гад̇амаа жа, бхигкавз, асаббурисабхууми? асаббурисо, бхигкавз, агад̇ан̃н̃уу ход̇и агад̇авзд̣̇ий. асаб̣бхи хзд̇ам̣, бхигкавз, убан̃н̃аад̇ам̣ яад̣̇ид̣̇ам̣ агад̇ан̃н̃уд̇аа агад̇авзд̣̇ид̇аа. гзвалаа зсаа, бхигкавз, асаббурисабхууми яад̣̇ид̣̇ам̣ агад̇ан̃н̃уд̇аа агад̇авзд̣̇ид̇аа. саббурисо жа ко, бхигкавз, гад̇ан̃н̃уу ход̇и гад̇авзд̣̇ий. саб̣бхи хзд̇ам̣, бхигкавз, убан̃н̃аад̇ам̣ яад̣̇ид̣̇ам̣ гад̇ан̃н̃уд̇аа гад̇авзд̣̇ид̇аа. гзвалаа зсаа, бхигкавз, саббурисабхууми яад̣̇ид̣̇ам̣ гад̇ан̃н̃уд̇аа гад̇авзд̣̇ид̇аа’’д̇и.
34. ‘‘д̣̇виннаахам̣, бхигкавз, на суббад̇игаарам̣ вад̣̇аами. гад̇амзсам̣ д̣̇виннам̣? маад̇у жа бид̇у жа. згзна, бхигкавз, ам̣сзна маад̇арам̣ барихарзяяа , згзна ам̣сзна бид̇арам̣ барихарзяяа вассасад̇ааяуго вассасад̇аж̇ийвий со жа нзсам̣ ужчаад̣̇анабаримад̣̇д̣̇ананхаабанасамб̣ааханзна. д̇з жа д̇ад̇т̇зва муд̇д̇агарийсам̣ жаж̇зяяум̣. на д̇взва, бхигкавз, маад̇аабид̇уунам̣ гад̇ам̣ ваа ход̇и бадигад̇ам̣ ваа. имиссаа жа, бхигкавз, махаабат̇авияаа бахууд̇арад̇д̇арад̇анааяа бахууд̇асад̇д̇арад̇анааяа (сий. сяаа. гам̣. бий.) д̇иганибаад̇з махааваг̇г̇з д̣̇асамасуд̇д̇адийгааяам̣ д̣̇ассид̇абаал̣ияаа самзд̇и маад̇аабид̇аро иссараад̇хибажжз раж̇ж̇з бад̇идтаабзяяа, на д̇взва, бхигкавз, маад̇аабид̇уунам̣ гад̇ам̣ ваа ход̇и бадигад̇ам̣ ваа. д̇ам̣ гисса хзд̇у? б̣ахугаараа б̣ахуубагаараа (га.), бхигкавз, маад̇аабид̇аро буд̇д̇аанам̣ аабаад̣̇агаа босагаа имасса логасса д̣̇ассзд̇ааро. яо жа ко, бхигкавз, маад̇аабид̇аро ассад̣̇д̇хз сад̣̇д̇хаасамбад̣̇ааяа самаад̣̇абзд̇и нивзсзд̇и бад̇идтаабзд̇и, д̣̇уссийлз сийласамбад̣̇ааяа самаад̣̇абзд̇и нивзсзд̇и бад̇идтаабзд̇и, мажчарий жааг̇асамбад̣̇ааяа самаад̣̇абзд̇и нивзсзд̇и бад̇идтаабзд̇и, д̣̇уббан̃н̃з бан̃н̃аасамбад̣̇ааяа самаад̣̇абзд̇и нивзсзд̇и бад̇идтаабзд̇и, зд̇д̇аавад̇аа ко, бхигкавз, маад̇аабид̇уунам̣ гад̇ан̃жа ход̇и бадигад̇ан̃жаа’’д̇и бадигад̇ан̃жа ад̇игад̇ан̃жаад̇и (сий. бий.).
35. ат̇а ко ан̃н̃ад̇аро б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣…бз… згаманд̇ам̣ нисинно ко со б̣раахман̣о бхаг̇аванд̇ам̣ зд̇ад̣̇авожа – ‘‘гим̣ваад̣̇ий бхавам̣ г̇од̇амо гимагкааяий’’д̇и? ‘‘гирияаваад̣̇ий жаахам̣, б̣раахман̣а, агирияаваад̣̇ий жаа’’д̇и. ‘‘яат̇аагат̇ам̣ бана бхавам̣ г̇од̇амо гирияаваад̣̇ий жа агирияаваад̣̇ий жаа’’д̇и?
‘‘агирияам̣ ко ахам̣, б̣раахман̣а, вад̣̇аами гааяад̣̇ужжарид̇асса важийд̣̇ужжарид̇асса манод̣̇ужжарид̇асса, анзгавихид̇аанам̣ баабагаанам̣ агусалаанам̣ д̇хаммаанам̣ агирияам̣ вад̣̇аами. гирияан̃жа ко ахам̣, б̣раахман̣а, вад̣̇аами гааяасужарид̇асса важийсужарид̇асса маносужарид̇асса, анзгавихид̇аанам̣ гусалаанам̣ д̇хаммаанам̣ гирияам̣ вад̣̇аами. звам̣ ко ахам̣, б̣раахман̣а, гирияаваад̣̇ий жа агирияаваад̣̇ий жаа’’д̇и.
‘‘абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
36. ат̇а ко анаат̇абин̣д̣иго г̇ахабад̇и язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко анаат̇абин̣д̣иго г̇ахабад̇и бхаг̇аванд̇ам̣ зд̇ад̣̇авожа – ‘‘гад̇и ну ко, бханд̇з, логз д̣̇агкин̣зяяаа, гад̇т̇а жа д̣̇аанам̣ д̣̇аад̇аб̣б̣а’’нд̇и? ‘‘д̣̇вз ко, г̇ахабад̇и, логз д̣̇агкин̣зяяаа – сзко жа асзко жа. имз ко, г̇ахабад̇и, д̣̇вз логз д̣̇агкин̣зяяаа, зд̇т̇а жа д̣̇аанам̣ д̣̇аад̇аб̣б̣а’’нд̇и.
ид̣̇амавожа бхаг̇аваа. ид̣̇ам̣ вад̇ваана вад̇ваа (сий. бий.) звамийд̣̇исзсу таанзсу суг̇ад̇о ат̇аабарам̣ зд̇ад̣̇авожа сад̇т̇аа –
‘‘сзко асзко жа имасмим̣ логз,
аахунзяяаа яаж̇амаанаанам̣ хонд̇и;
д̇з уж̇ж̇убхууд̇аа уж̇убхууд̇аа (сяаа. гам̣. га.) гааязна, ваажааяа уд̣̇а жзд̇асаа;
кзд̇д̇ам̣ д̇ам̣ яаж̇амаанаанам̣, зд̇т̇а д̣̇иннам̣ махабпала’’нд̇и.
37. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа саарибуд̇д̇о саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. д̇ад̇ра ко ааяасмаа саарибуд̇д̇о бхигкуу ааманд̇зси – ‘‘аавусо бхигкавз’’д̇и. ‘‘аавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа – ‘‘аж̇жхад̇д̇асам̣яож̇анан̃жа, аавусо, буг̇г̇алам̣ д̣̇зсзссаами б̣ахид̣̇д̇хаасам̣яож̇анан̃жа. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звамаавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
‘‘гад̇амо жаавусо, аж̇жхад̇д̇асам̣яож̇ано буг̇г̇ало? ид̇хаавусо, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно , ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. со гааяасса бхзд̣̇аа барам̣ маран̣аа ан̃н̃ад̇арам̣ д̣̇званигааяам̣ убабаж̇ж̇ад̇и. со д̇ад̇о жуд̇о ааг̇аамий ход̇и, ааг̇анд̇аа ид̇т̇ад̇д̇ам̣. аяам̣ вужжад̇и, аавусо, аж̇жхад̇д̇асам̣яож̇ано буг̇г̇ало ааг̇аамий ход̇и, ааг̇анд̇аа ид̇т̇ад̇д̇ам̣.
‘‘гад̇амо жаавусо, б̣ахид̣̇д̇хаасам̣яож̇ано буг̇г̇ало? ид̇хаавусо, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно, ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. со ан̃н̃ад̇арам̣ санд̇ам̣ жзд̇овимуд̇д̇им̣ убасамбаж̇ж̇а вихарад̇и. со гааяасса бхзд̣̇аа барам̣ маран̣аа ан̃н̃ад̇арам̣ д̣̇званигааяам̣ убабаж̇ж̇ад̇и. со д̇ад̇о жуд̇о анааг̇аамий ход̇и, анааг̇анд̇аа ид̇т̇ад̇д̇ам̣. аяам̣ вужжад̇аавусо, б̣ахид̣̇д̇хаасам̣яож̇ано буг̇г̇ало анааг̇аамий ход̇и, анааг̇анд̇аа ид̇т̇ад̇д̇ам̣.
‘‘буна жабарам̣, аавусо, бхигку сийлаваа ход̇и…бз… самаад̣̇ааяа сигкад̇и сигкаабад̣̇зсу. со гаамаанам̣язва ниб̣б̣ид̣̇ааяа вирааг̇ааяа нирод̇хааяа бадибанно ход̇и. со бхаваанам̣язва ниб̣б̣ид̣̇ааяа вирааг̇ааяа нирод̇хааяа бадибанно ход̇и. со д̇ан̣хаагкаяааяа бадибанно ход̇и. со лобхагкаяааяа бадибанно ход̇и. со гааяасса бхзд̣̇аа барам̣ маран̣аа ан̃н̃ад̇арам̣ д̣̇званигааяам̣ убабаж̇ж̇ад̇и. со д̇ад̇о жуд̇о анааг̇аамий ход̇и, анааг̇анд̇аа ид̇т̇ад̇д̇ам̣. аяам̣ вужжад̇аавусо, б̣ахид̣̇д̇хаасам̣яож̇ано буг̇г̇ало анааг̇аамий ход̇и, анааг̇анд̇аа ид̇т̇ад̇д̇а’’нд̇и.
ат̇а ко самб̣ахулаа самажид̇д̇аа д̣̇звад̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко д̇аа д̣̇звад̇аа бхаг̇аванд̇ам̣ зд̇ад̣̇авожум̣ – ‘‘зсо, бханд̇з, ааяасмаа саарибуд̇д̇о буб̣б̣аараамз миг̇аарамаад̇убаасаад̣̇з бхигкуунам̣ аж̇жхад̇д̇асам̣яож̇анан̃жа буг̇г̇алам̣ д̣̇зсзд̇и б̣ахид̣̇д̇хаасам̣яож̇анан̃жа. хадтаа, бханд̇з, барисаа. саад̇ху, бханд̇з, бхаг̇аваа язнааяасмаа саарибуд̇д̇о д̇знубасан̇гамад̇у анугамбам̣ убаад̣̇ааяаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко бхаг̇аваа – сзяяат̇ааби наама б̣алаваа бурисо самин̃ж̇ид̇ам̣ саммин̃ж̇ид̇ам̣ (сий. сяаа. гам̣. бий.) ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа , звамзвам̣ – ж̇зд̇аванз анд̇арахид̇о буб̣б̣аараамз миг̇аарамаад̇убаасаад̣̇з ааяасмад̇о саарибуд̇д̇асса саммукз баад̇урахоси. нисийд̣̇и бхаг̇аваа бан̃н̃ад̇д̇з аасанз. ааяасмааби ко саарибуд̇д̇о бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ саарибуд̇д̇ам̣ бхаг̇аваа зд̇ад̣̇авожа –
‘‘ид̇ха, саарибуд̇д̇а, самб̣ахулаа самажид̇д̇аа д̣̇звад̇аа язнаахам̣ д̇знубасан̇гамим̣су; убасан̇гамид̇ваа мам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко, саарибуд̇д̇а, д̇аа д̣̇звад̇аа мам̣ зд̇ад̣̇авожум̣ – ‘зсо, бханд̇з, ааяасмаа саарибуд̇д̇о буб̣б̣аараамз миг̇аарамаад̇убаасаад̣̇з бхигкуунам̣ аж̇жхад̇д̇асам̣яож̇анан̃жа буг̇г̇алам̣ д̣̇зсзд̇и б̣ахид̣̇д̇хаасам̣яож̇анан̃жа. хадтаа, бханд̇з, барисаа. саад̇ху, бханд̇з, бхаг̇аваа язна ааяасмаа саарибуд̇д̇о д̇знубасан̇гамад̇у анугамбам̣ убаад̣̇ааяаа’д̇и. д̇аа ко бана, саарибуд̇д̇а, д̣̇звад̇аа д̣̇асаби худ̇ваа вийсамби худ̇ваа д̇им̣самби худ̇ваа жад̇д̇аалийсамби худ̇ваа бан̃н̃аасамби худ̇ваа садтиби худ̇ваа аараг̇г̇агодинид̇уд̣̇анамад̇д̇зби д̇идтанд̇и, на жа ан̃н̃аман̃н̃ам̣ б̣яааб̣аад̇хзнд̇и б̣яааб̣аад̇хзнд̇ийд̇и (саб̣б̣ад̇т̇а). сияаа ко бана бана д̇з (сий. сяаа. гам̣. бий.), саарибуд̇д̇а, звамасса – ‘д̇ад̇т̇а нууна д̇аасам̣ д̣̇звад̇аанам̣ д̇ат̇аа жид̇д̇ам̣ бхаавид̇ам̣ язна д̇аа д̣̇звад̇аа д̣̇асаби худ̇ваа вийсамби худ̇ваа д̇им̣самби худ̇ваа жад̇д̇аалийсамби худ̇ваа бан̃н̃аасамби худ̇ваа садтиби худ̇ваа аараг̇г̇агодинид̇уд̣̇анамад̇д̇зби д̇идтанд̇и на жа ан̃н̃аман̃н̃ам̣ б̣яааб̣аад̇хзнд̇ий’д̇и. на ко банзд̇ам̣, саарибуд̇д̇а, звам̣ д̣̇адтаб̣б̣ам̣. ид̇хзва ко, саарибуд̇д̇а, д̇аасам̣ д̣̇звад̇аанам̣ д̇ат̇аа жид̇д̇ам̣ бхаавид̇ам̣, язна д̇аа д̣̇звад̇аа д̣̇асаби худ̇ваа…бз… на жа ан̃н̃аман̃н̃ам̣ б̣яааб̣аад̇хзнд̇и. д̇асмаад̇иха, саарибуд̇д̇а, звам̣ сигкид̇аб̣б̣ам̣ – ‘санд̇инд̣̇рияаа бхависсаама санд̇амаанасаа’д̇и. зван̃хи во, саарибуд̇д̇а, сигкид̇аб̣б̣ам̣. ‘санд̇инд̣̇рияаанан̃хи во, саарибуд̇д̇а, санд̇амаанасаанам̣ санд̇ам̣язва гааяагаммам̣ бхависсад̇и санд̇ам̣ важийгаммам̣ санд̇ам̣ маногаммам̣. санд̇ам̣язва убахаарам̣ убахариссаама саб̣рахмажаарийсуу’д̇и. ‘зван̃хи во, саарибуд̇д̇а, сигкид̇аб̣б̣ам̣. анассум̣ ко, саарибуд̇д̇а, ан̃н̃ад̇ид̇т̇ияаа бариб̣б̣ааж̇агаа яз имам̣ д̇хаммабарияааяам̣ наассосу’’’нд̇и.
38. звам̣ мз суд̇ам̣ – згам̣ самаяам̣ ааяасмаа махаагажжаано варан̣ааяам̣ вихарад̇и бхад̣̇д̣̇асаарид̇ийрз гад̣̇д̣̇амад̣̇ахад̇ийрз (сий. сяаа. гам̣. бий.). ат̇а ко аараамад̣̇ан̣д̣о б̣раахман̣о язнааяасмаа махаагажжаано д̇знубасан̇гами; убасан̇гамид̇ваа ааяасмад̇аа махаагажжаанзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко аараамад̣̇ан̣д̣о б̣раахман̣о ааяасманд̇ам̣ махаагажжаанам̣ зд̇ад̣̇авожа – ‘‘го ну ко, бхо гажжаана, хзд̇у го бажжаяо язна кад̇д̇ияааби кад̇д̇иязхи вивад̣̇анд̇и, б̣раахман̣ааби б̣раахман̣зхи вивад̣̇анд̇и, г̇ахабад̇игааби г̇ахабад̇игзхи вивад̣̇анд̇ий’’д̇и? ‘‘гаамарааг̇аабхинивзсавиниб̣анд̇ха гаамарааг̇авинивзсавиниб̣ад̣̇д̇ха (сий. сяаа. гам̣. бий.) балиг̇зд̇хабарияудтаанаж̇жхосаанахзд̇у ко, б̣раахман̣а, кад̇д̇ияааби кад̇д̇иязхи вивад̣̇анд̇и, б̣раахман̣ааби б̣раахман̣зхи вивад̣̇анд̇и, г̇ахабад̇игааби г̇ахабад̇игзхи вивад̣̇анд̇ий’’д̇и.
‘‘го бана, бхо гажжаана, хзд̇у го бажжаяо язна саман̣ааби саман̣зхи вивад̣̇анд̇ий’’д̇и? ‘‘д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанахзд̇у ко, б̣раахман̣а, саман̣ааби саман̣зхи вивад̣̇анд̇ий’’д̇и.
‘‘ад̇т̇и бана, бхо гажжаана, гожи логасмим̣ яо иман̃жзва гаамарааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о, иман̃жа д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о’’д̇и? ‘‘ад̇т̇и, б̣раахман̣а, логасмим̣ яо иман̃жзва гаамарааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о, иман̃жа д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о’’д̇и.
‘‘го бана со, бхо гажжаана, логасмим̣ яо иман̃жзва гааг̇арааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о, иман̃жа д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о’’д̇и? ‘‘ад̇т̇и, б̣раахман̣а, бурад̇т̇имзсу ж̇анабад̣̇зсу саавад̇т̇ий наама наг̇арам̣. д̇ад̇т̇а со бхаг̇аваа зд̇арахи вихарад̇и арахам̣ саммаасамб̣уд̣̇д̇хо. со хи, б̣раахман̣а, бхаг̇аваа иман̃жзва гаамарааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о , иман̃жа д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о’’д̇и.
звам̣ вуд̇д̇з аараамад̣̇ан̣д̣о б̣раахман̣о удтааяаасанаа згам̣сам̣ уд̇д̇араасан̇г̇ам̣ гарид̇ваа д̣̇агкин̣ам̣ ж̇аан̣уман̣д̣алам̣ бат̇авияам̣ ниханд̇ваа язна бхаг̇аваа д̇знан̃ж̇алим̣ бан̣аамзд̇ваа д̇игкад̇д̇ум̣ уд̣̇аанам̣ уд̣̇аанзси –
‘‘намо д̇асса бхаг̇авад̇о арахад̇о саммаасамб̣уд̣̇д̇хасса, намо д̇асса бхаг̇авад̇о арахад̇о саммаасамб̣уд̣̇д̇хасса, намо д̇асса бхаг̇авад̇о арахад̇о саммаасамб̣уд̣̇д̇хасса. яо хи со бхаг̇аваа иман̃жзва гаамарааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о, иман̃жа д̣̇идтирааг̇аабхинивзсавиниб̣анд̇хабалиг̇зд̇хабарияудтаанаж̇жхосаанам̣ самад̇игганд̇о’’д̇и.
‘‘абхигганд̇ам̣, бхо гажжаана, абхигганд̇ам̣, бхо гажжаана! сзяяат̇ааби, бхо гажжаана, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и, звамзвам̣ бход̇аа гажжаанзна анзгабарияааязна д̇хаммо багаасид̇о. зсаахам̣, бхо гажжаана, д̇ам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ гажжаано д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
39. згам̣ самаяам̣ ааяасмаа махаагажжаано мад̇хурааяам̣ вихарад̇и г̇унд̣̇ааванз. ат̇а ко ганд̣̇арааяано ган̣д̣арааяано (сий. сяаа. гам̣. бий.) б̣раахман̣о язнааяасмаа махаагажжаано д̇знубасан̇гами; убасан̇гамид̇ваа ааяасмад̇аа махаагажжаанзна сад̣̇д̇хим̣…бз… згаманд̇ам̣ нисинно ко ганд̣̇арааяано б̣раахман̣о ааяасманд̇ам̣ махаагажжаанам̣ зд̇ад̣̇авожа – ‘‘суд̇ам̣ мзд̇ам̣, бхо гажжаана, ‘на саман̣о гажжаано б̣раахман̣з ж̇ин̣н̣з вуд̣̇д̇хз махаллагз ад̣̇д̇хаг̇ад̇з ваяоануббад̇д̇з абхиваад̣̇зд̇и ваа бажжудтзд̇и ваа аасанзна ваа ниманд̇зд̇ий’д̇и. д̇аяид̣̇ам̣, бхо гажжаана, д̇ат̇зва? на хи бхавам̣ гажжаано б̣раахман̣з ж̇ин̣н̣з вуд̣̇д̇хз махаллагз ад̣̇д̇хаг̇ад̇з ваяоануббад̇д̇з абхиваад̣̇зд̇и ваа бажжудтзд̇и ваа аасанзна ваа ниманд̇зд̇и. д̇аяид̣̇ам̣, бхо гажжаана, на самбаннамзваа’’д̇и.
‘‘ад̇т̇и, б̣раахман̣а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна вуд̣̇д̇хабхууми жа агкаад̇аа д̣̇ахарабхууми жа. вуд̣̇д̇хо жзби, б̣раахман̣а, ход̇и аасийд̇иго ваа наавуд̇иго ваа вассасад̇иго ваа ж̇аад̇ияаа, со жа гаамз барибхун̃ж̇ад̇и гаамамаж̇жхаавасад̇и гаамабарил̣аахзна барид̣аяхад̇и гаамавид̇аггзхи каж̇ж̇ад̇и гаамабариязсанааяа уссуго. ат̇а ко со б̣аало на т̇зрод̇взва сан̇кяам̣ г̇ажчад̇и. д̣̇ахаро жзби, б̣раахман̣а, ход̇и яуваа сусугаал̣агзсо бхад̣̇рзна яоб̣б̣анзна саманнааг̇ад̇о батамзна ваяасаа . со жа на гаамз барибхун̃ж̇ад̇и на гаамамаж̇жхаавасад̇и, на гаамабарил̣аахзна барид̣аяхад̇и, на гаамавид̇аггзхи каж̇ж̇ад̇и, на гаамабариязсанааяа уссуго. ат̇а ко со бан̣д̣ид̇о т̇зрод̇взва сан̇кяам̣ г̇ажчад̇ий’’д̇и.
звам̣ вуд̇д̇з ганд̣̇арааяано б̣раахман̣о удтааяаасанаа згам̣сам̣ уд̇д̇араасан̇г̇ам̣ гарид̇ваа д̣̇ахараанам̣ сад̇ам̣ суд̣̇ам̣ (сий. сяаа. гам̣. бий.) бхигкуунам̣ баад̣̇з сирасаа ванд̣̇ад̇и – ‘‘вуд̣̇д̇хаа бхаванд̇о, вуд̣̇д̇хабхуумияам̣ тид̇аа. д̣̇ахараа маяам̣, д̣̇ахарабхуумияам̣ тид̇аа’’д̇и.
‘‘абхигганд̇ам̣, бхо гажжаана…бз… убаасагам̣ мам̣ бхавам̣ гажжаано д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
40. ‘‘яасмим̣, бхигкавз, самаяз жораа б̣алаванд̇о хонд̇и, рааж̇аано д̇асмим̣ самаяз д̣̇уб̣б̣алаа хонд̇и. д̇асмим̣, бхигкавз, самаяз ран̃н̃о на паасу ход̇и ад̇ияаад̇ум̣ ваа нияяаад̇ум̣ ваа бажжанд̇имз ваа ж̇анабад̣̇з анусан̃н̃аад̇ум̣. б̣раахман̣аг̇ахабад̇игаанамби д̇асмим̣ самаяз на паасу ход̇и ад̇ияаад̇ум̣ ваа нияяаад̇ум̣ ваа б̣аахираани ваа гамманд̇аани бадивзгкид̇ум̣. звамзвам̣ ко, бхигкавз, яасмим̣ самаяз баабабхигкуу б̣алаванд̇о хонд̇и, бзсалаа бхигкуу д̇асмим̣ самаяз д̣̇уб̣б̣алаа хонд̇и. д̇асмим̣, бхигкавз, самаяз бзсалаа бхигкуу д̇ун̣хийбхууд̇аа д̇ун̣хийбхууд̇аава сан̇гхамаж̇жхз сан̇гасааяанд̇и сан̇гамма жхааяанд̇и (га.), сан̃жааяанд̇и (сий. адта.) бажжанд̇имз ваа ж̇анабад̣̇з ажчанд̇и бхаж̇анд̇и (сий. сяаа. гам̣. бий.). д̇аяид̣̇ам̣, бхигкавз, ход̇и б̣ахуж̇анаахид̇ааяа б̣ахуж̇анаасукааяа, б̣ахуно ж̇анасса анад̇т̇ааяа ахид̇ааяа д̣̇угкааяа д̣̇звамануссаанам̣.
‘‘яасмим̣ , бхигкавз, самаяз рааж̇аано б̣алаванд̇о хонд̇и, жораа д̇асмим̣ самаяз д̣̇уб̣б̣алаа хонд̇и. д̇асмим̣, бхигкавз, самаяз ран̃н̃о паасу ход̇и ад̇ияаад̇ум̣ ваа нияяаад̇ум̣ ваа бажжанд̇имз ваа ж̇анабад̣̇з анусан̃н̃аад̇ум̣. б̣раахман̣аг̇ахабад̇игаанамби д̇асмим̣ самаяз паасу ход̇и ад̇ияаад̇ум̣ ваа нияяаад̇ум̣ ваа б̣аахираани ваа гамманд̇аани бадивзгкид̇ум̣. звамзвам̣ ко, бхигкавз, яасмим̣ самаяз бзсалаа бхигкуу б̣алаванд̇о хонд̇и, баабабхигкуу д̇асмим̣ самаяз д̣̇уб̣б̣алаа хонд̇и. д̇асмим̣, бхигкавз, самаяз баабабхигкуу д̇ун̣хийбхууд̇аа д̇ун̣хийбхууд̇аава сан̇гхамаж̇жхз сан̇гасааяанд̇и, язна ваа бана д̇зна баггаманд̇и бабад̇анд̇и (сий. сяаа. гам̣. бий.). д̇аяид̣̇ам̣, бхигкавз, ход̇и б̣ахуж̇анахид̇ааяа б̣ахуж̇анасукааяа, б̣ахуно ж̇анасса ад̇т̇ааяа хид̇ааяа сукааяа д̣̇звамануссаана’’нд̇и.
41. ‘‘д̣̇виннаахам̣ , бхигкавз, мижчаабадибад̇д̇им̣ на ван̣н̣зми, г̇ихисса ваа баб̣б̣аж̇ид̇асса ваа. г̇ихий ваа, бхигкавз, баб̣б̣аж̇ид̇о ваа мижчаабадибанно мижчаабадибад̇д̇аад̇хигаран̣ахзд̇у на аараад̇хаго ход̇и н̃ааяам̣ д̇хаммам̣ гусалам̣.
‘‘д̣̇виннаахам̣, бхигкавз, саммаабадибад̇д̇им̣ ван̣н̣зми, г̇ихисса ваа баб̣б̣аж̇ид̇асса ваа. г̇ихий ваа, бхигкавз, баб̣б̣аж̇ид̇о ваа саммаабадибанно саммаабадибад̇д̇аад̇хигаран̣ахзд̇у аараад̇хаго ход̇и н̃ааяам̣ д̇хаммам̣ гусала’’нд̇и.
42. ‘‘яз д̇з, бхигкавз, бхигкуу д̣̇уг̇г̇ахид̇зхи суд̇д̇анд̇зхи б̣яан̃ж̇анаббад̇ируубагзхи ад̇т̇ан̃жа д̇хамман̃жа бадивааханд̇и д̇з, бхигкавз, бхигкуу б̣ахуж̇анаахид̇ааяа бадибаннаа б̣ахуж̇анаасукааяа, б̣ахуно ж̇анасса анад̇т̇ааяа ахид̇ааяа д̣̇угкааяа д̣̇звамануссаанам̣. б̣ахун̃жа д̇з, бхигкавз, бхигкуу абун̃н̃ам̣ басаванд̇и, д̇з жимам̣ сад̣̇д̇хаммам̣ анд̇арад̇хаабзнд̇и.
‘‘яз д̇з, бхигкавз, бхигкуу суг̇г̇ахид̇зхи суд̇д̇анд̇зхи б̣яан̃ж̇анаббад̇ируубагзхи ад̇т̇ан̃жа д̇хамман̃жа ануломзнд̇и д̇з, бхигкавз, бхигкуу б̣ахуж̇анахид̇ааяа бадибаннаа б̣ахуж̇анасукааяа, б̣ахуно ж̇анасса ад̇т̇ааяа хид̇ааяа сукааяа д̣̇звамануссаанам̣. б̣ахун̃жа д̇з, бхигкавз, бхигкуу бун̃н̃ам̣ басаванд̇и, д̇з жимам̣ сад̣̇д̇хаммам̣ табзнд̇ий’’д̇и.
самажид̇д̇аваг̇г̇о жад̇уд̇т̇о.