(14) 4. яод̇хааж̇ийваваг̇г̇о
1. яод̇хааж̇ийвасуд̇д̇ам̣
134. ‘‘д̇ийхи , бхигкавз, ан̇г̇зхи саманнааг̇ад̇о яод̇хааж̇ийво рааж̇аарахо ход̇и рааж̇абхог̇г̇о, ран̃н̃о ан̇г̇анд̇зва сан̇кяам̣ г̇ажчад̇и. гад̇амзхи д̇ийхи ? ид̇ха, бхигкавз, яод̇хааж̇ийво д̣̇уурз баад̇ий жа ход̇и агкан̣авзд̇хий жа махад̇о жа гааяасса бад̣̇аалзд̇аа. имзхи, ко, бхигкавз, д̇ийхи ан̇г̇зхи саманнааг̇ад̇о яод̇хааж̇ийво рааж̇аарахо ход̇и рааж̇абхог̇г̇о, ран̃н̃о ан̇г̇анд̇зва сан̇кяам̣ г̇ажчад̇и. звамзвам̣ ко, бхигкавз, д̇ийхи ан̇г̇зхи саманнааг̇ад̇о бхигку аахунзяяо ход̇и…бз… ануд̇д̇арам̣ бун̃н̃агкзд̇д̇ам̣ логасса. гад̇амзхи д̇ийхи? ид̇ха, бхигкавз, бхигку д̣̇уурз баад̇ий жа ход̇и агкан̣авзд̇хий жа махад̇о жа гааяасса бад̣̇аалзд̇аа.
‘‘гат̇ан̃жа, бхигкавз, бхигку д̣̇уурз баад̇ий ход̇и? ид̇ха, бхигкавз, бхигку яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ руубам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. яаа гаажи взд̣̇анаа ад̇ийд̇аанааг̇ад̇абажжуббаннаа аж̇жхад̇д̇аа ваа б̣ахид̣̇д̇хаа ваа ол̣ааригаа ваа сукумаа ваа хийнаа ваа бан̣ийд̇аа ваа яаа д̣̇уурз санд̇игз ваа, саб̣б̣ам̣ взд̣̇анам̣ саб̣б̣аа взд̣̇анаа (сяаа. гам̣. бий. га.) – ‘нзд̇ам̣ мама, нзсохамасми , на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. яаа гаажи сан̃н̃аа ад̇ийд̇аанааг̇ад̇абажжуббаннаа аж̇жхад̇д̇аа ваа б̣ахид̣̇д̇хаа ваа ол̣ааригаа ваа сукумаа ваа хийнаа ваа бан̣ийд̇аа ваа яаа д̣̇уурз санд̇игз ваа, саб̣б̣ам̣ сан̃н̃ам̣ саб̣б̣аа сан̃н̃аа (сяаа. гам̣. бий. га.) – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. яз гзжи сан̇каараа ад̇ийд̇аанааг̇ад̇абажжуббаннаа аж̇жхад̇д̇аа ваа б̣ахид̣̇д̇хаа ваа ол̣ааригаа ваа сукумаа ваа хийнаа ваа бан̣ийд̇аа ваа яз д̣̇уурз санд̇игз ваа, саб̣б̣з сан̇каарз – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. звам̣ ко, бхигкавз, бхигку д̣̇уурз баад̇ий ход̇и.
‘‘гат̇ан̃жа, бхигкавз, бхигку агкан̣авзд̇хий ход̇и? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и; ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и; ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и; ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. звам̣ ко, бхигкавз, бхигку агкан̣авзд̇хий ход̇и.
‘‘гат̇ан̃жа, бхигкавз, бхигку махад̇о гааяасса бад̣̇аалзд̇аа ход̇и? ид̇ха, бхигкавз, бхигку маханд̇ам̣ авиж̇ж̇аагканд̇хам̣ бад̣̇аалзд̇и. звам̣ ко, бхигкавз, бхигку махад̇о гааяасса бад̣̇аалзд̇аа ход̇и. имзхи ко, бхигкавз, д̇ийхи д̇хаммзхи саманнааг̇ад̇о бхигку аахунзяяо ход̇и…бз… ануд̇д̇арам̣ бун̃н̃агкзд̇д̇ам̣ логассаа’’д̇и. батамам̣.
2. барисаасуд̇д̇ам̣
135. ‘‘д̇иссо имаа, бхигкавз, барисаа. гад̇амаа д̇иссо? уггаажид̇авинийд̇аа барисаа, бадибужчаавинийд̇аа барисаа, яаавад̇аавинийд̇аа яаавад̇аж̇жхаавинийд̇аа (адтагат̇ааяам̣ баатанд̇арам̣) барисаа – имаа ко, бхигкавз, д̇иссо барисаа’’д̇и. д̣̇уд̇ияам̣.
3. мид̇д̇асуд̇д̇ам̣
136. ‘‘д̇ийхи , бхигкавз, ан̇г̇зхи саманнааг̇ад̇о мид̇д̇о сзвид̇аб̣б̣о. гад̇амзхи д̇ийхи? ( ) (ид̇ха бхигкавз бхигку) (бий. га.) д̣̇уд̣̇д̣̇ад̣̇ам̣ д̣̇ад̣̇аад̇и, д̣̇уггарам̣ гарод̇и, д̣̇угкамам̣ камад̇и – имзхи ко, бхигкавз, д̇ийхи ан̇г̇зхи саманнааг̇ад̇о мид̇д̇о сзвид̇аб̣б̣о’’д̇и. д̇ад̇ияам̣.
4. уббаад̣̇аасуд̇д̇ам̣
137. ‘‘уббаад̣̇аа ваа, бхигкавз, д̇ат̇ааг̇ад̇аанам̣ ануббаад̣̇аа ваа д̇ат̇ааг̇ад̇аанам̣, тид̇аава саа д̇хаад̇у д̇хаммадтид̇ад̇аа д̇хамманияаамад̇аа. саб̣б̣з сан̇каараа анижжаа. д̇ам̣ д̇ат̇ааг̇ад̇о абхисамб̣уж̇жхад̇и абхисамзд̇и. абхисамб̣уж̇жхид̇ваа абхисамзд̇ваа аажигкад̇и д̣̇зсзд̇и бан̃н̃аабзд̇и бадтабзд̇и виварад̇и вибхаж̇ад̇и уд̇д̇аанийгарод̇и – ‘саб̣б̣з сан̇каараа анижжаа’д̇и. уббаад̣̇аа ваа, бхигкавз, д̇ат̇ааг̇ад̇аанам̣ ануббаад̣̇аа ваа д̇ат̇ааг̇ад̇аанам̣ тид̇аава саа д̇хаад̇у д̇хаммадтид̇ад̇аа д̇хамманияаамад̇аа. саб̣б̣з сан̇каараа д̣̇угкаа. д̇ам̣ д̇ат̇ааг̇ад̇о абхисамб̣уж̇жхад̇и абхисамзд̇и. абхисамб̣уж̇жхид̇ваа абхисамзд̇ваа аажигкад̇и д̣̇зсзд̇и бан̃н̃аабзд̇и бадтабзд̇и виварад̇и вибхаж̇ад̇и уд̇д̇аанийгарод̇и – ‘саб̣б̣з сан̇каараа д̣̇угкаа’д̇и. уббаад̣̇аа ваа, бхигкавз, д̇ат̇ааг̇ад̇аанам̣ ануббаад̣̇аа ваа д̇ат̇ааг̇ад̇аанам̣ тид̇аава саа д̇хаад̇у д̇хаммадтид̇ад̇аа д̇хамманияаамад̇аа. саб̣б̣з д̇хаммаа анад̇д̇аа. д̇ам̣ д̇ат̇ааг̇ад̇о абхисамб̣уж̇жхад̇и абхисамзд̇и. абхисамб̣уж̇жхид̇ваа абхисамзд̇ваа аажигкад̇и д̣̇зсзд̇и бан̃н̃аабзд̇и бадтабзд̇и виварад̇и вибхаж̇ад̇и уд̇д̇аанийгарод̇и – ‘саб̣б̣з д̇хаммаа анад̇д̇аа’’’д̇и. жад̇уд̇т̇ам̣.
5. гзсагамб̣аласуд̇д̇ам̣
138. ‘‘сзяяат̇ааби, бхигкавз, яаани гаанижи д̇анд̇аавуд̇аанам̣ вад̇т̇аанам̣, гзсагамб̣ало д̇зсам̣ бадигидто агкааяад̇и. гзсагамб̣ало, бхигкавз, сийд̇з сийд̇о, ун̣хз ун̣хо, д̣̇уб̣б̣ан̣н̣о, д̣̇уг̇г̇анд̇хо, д̣̇угкасампассо. звамзвам̣ ко, бхигкавз, яаани гаанижи бут̇усаман̣аб̣раахман̣аваад̣̇аанам̣ саман̣аббаваад̣̇аанам̣ (сий. сяаа. гам̣. бий.) магкаливаад̣̇о д̇зсам̣ бадигидто агкааяад̇и.
‘‘магкали, бхигкавз, могхабурисо звам̣ваад̣̇ий звам̣д̣̇идти – ‘над̇т̇и гаммам̣, над̇т̇и гирияам̣, над̇т̇и вийрияа’нд̇и. язби д̇з, бхигкавз, ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа, д̇зби бхаг̇аванд̇о гаммаваад̣̇аа жзва ахзсум̣ гирияаваад̣̇аа жа вийрияаваад̣̇аа жа. д̇зби, бхигкавз, магкали могхабурисо бадиб̣аахад̇и – ‘над̇т̇и гаммам̣, над̇т̇и гирияам̣, над̇т̇и вийрияа’нд̇и. язби д̇з, бхигкавз, бхависсанд̇и анааг̇ад̇амад̣̇д̇хаанам̣ араханд̇о саммаасамб̣уд̣̇д̇хаа, д̇зби бхаг̇аванд̇о гаммаваад̣̇аа жзва бхависсанд̇и гирияаваад̣̇аа жа вийрияаваад̣̇аа жа. д̇зби, бхигкавз, магкали могхабурисо бадиб̣аахад̇и – ‘над̇т̇и гаммам̣, над̇т̇и гирияам̣, над̇т̇и вийрияа’нд̇и. ахамби, бхигкавз, зд̇арахи арахам̣ саммаасамб̣уд̣̇д̇хо гаммаваад̣̇о жзва гирияаваад̣̇о жа вийрияаваад̣̇о жа. мамби, бхигкавз, магкали могхабурисо бадиб̣аахад̇и – ‘над̇т̇и гаммам̣, над̇т̇и гирияам̣, над̇т̇и вийрияа’’’нд̇и.
‘‘сзяяат̇ааби , бхигкавз, над̣̇иймукз киббам̣ уд̣д̣зяяа од̣д̣зяяа (сий.) б̣ахуунам̣ б̣ахуннам̣ (сий. сяаа. гам̣. бий.) мажчаанам̣ ахид̇ааяа д̣̇угкааяа анаяааяа б̣яасанааяа; звамзвам̣ ко, бхигкавз, магкали могхабурисо мануссакиббам̣ ман̃н̃з логз уббанно б̣ахуунам̣ сад̇д̇аанам̣ ахид̇ааяа д̣̇угкааяа анаяааяа б̣яасанааяаа’’д̇и. бан̃жамам̣.
6. самбад̣̇аасуд̇д̇ам̣
139. ‘‘д̇иссо имаа, бхигкавз, самбад̣̇аа. гад̇амаа д̇иссо? сад̣̇д̇хаасамбад̣̇аа, сийласамбад̣̇аа, бан̃н̃аасамбад̣̇аа – имаа ко, бхигкавз, д̇иссо самбад̣̇аа’’д̇и. чадтам̣.
7. вуд̣̇д̇хисуд̇д̇ам̣
140. ‘‘д̇иссо имаа, бхигкавз, вуд̣̇д̇хияо. гад̇амаа д̇иссо? сад̣̇д̇хаавуд̣̇д̇хи, сийлавуд̣̇д̇хи, бан̃н̃аавуд̣̇д̇хи – имаа ко, бхигкавз, д̇иссо вуд̣̇д̇хияо’’д̇и. сад̇д̇амам̣.
8. ассакал̣ун̇гасуд̇д̇ам̣
141. ‘‘д̇аяо жа, бхигкавз, ассакал̣ун̇гз д̣̇зсзссаами д̇аяо жа бурисакал̣ун̇гз. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘гад̇амз жа, бхигкавз, д̇аяо ассакал̣ун̇гаа? ид̇ха , бхигкавз, згажжо ассакал̣ун̇го ж̇авасамбанно ход̇и; на ван̣н̣асамбанно, на аарохабарин̣аахасамбанно. ид̇ха бана, бхигкавз, згажжо ассакал̣ун̇го ж̇авасамбанно жа ход̇и ван̣н̣асамбанно жа; на аарохабарин̣аахасамбанно. ид̇ха бана, бхигкавз, згажжо ассакал̣ун̇го ж̇авасамбанно жа ход̇и ван̣н̣асамбанно жа аарохабарин̣аахасамбанно жа. имз ко, бхигкавз, д̇аяо ассакал̣ун̇гаа.
‘‘гад̇амз жа, бхигкавз, д̇аяо бурисакал̣ун̇гаа? ид̇ха, бхигкавз, згажжо бурисакал̣ун̇го ж̇авасамбанно ход̇и; на ван̣н̣асамбанно, на аарохабарин̣аахасамбанно. ид̇ха бана, бхигкавз, згажжо бурисакал̣ун̇го ж̇авасамбанно жа ход̇и ван̣н̣асамбанно жа; на аарохабарин̣аахасамбанно. ид̇ха бана, бхигкавз, згажжо бурисакал̣ун̇го ж̇авасамбанно жа ход̇и ван̣н̣асамбанно жа аарохабарин̣аахасамбанно жа.
‘‘гат̇ан̃жа, бхигкавз, бурисакал̣ун̇го ж̇авасамбанно ход̇и; на ван̣н̣асамбанно на аарохабарин̣аахасамбанно? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. ид̣̇амасса ж̇авасмим̣ вад̣̇аами. абхид̇хаммз ко бана абхивинаяз бан̃хам̣ будто сам̣саад̣̇зд̇и сам̣хийрзд̇и (га.), но виссаж̇ж̇зд̇и. ид̣̇амасса на ван̣н̣асмим̣ вад̣̇аами. на ко бана лаабхий ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ид̣̇амасса на аарохабарин̣аахасмим̣ вад̣̇аами. звам̣ ко, бхигкавз, бурисакал̣ун̇го ж̇авасамбанно ход̇и; на ван̣н̣асамбанно, на аарохабарин̣аахасамбанно.
‘‘гат̇ан̃жа, бхигкавз, бурисакал̣ун̇го ж̇авасамбанно жа ход̇и ван̣н̣асамбанно жа; на аарохабарин̣аахасамбанно? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. ид̣̇амасса ж̇авасмим̣ вад̣̇аами. абхид̇хаммз ко бана абхивинаяз бан̃хам̣ будто виссаж̇ж̇зд̇и, но сам̣саад̣̇зд̇и. ид̣̇амасса ван̣н̣асмим̣ вад̣̇аами. на бана лаабхий ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ид̣̇амасса на аарохабарин̣аахасмим̣ вад̣̇аами. звам̣ ко , бхигкавз, бурисакал̣ун̇го ж̇авасамбанно жа ход̇и ван̣н̣асамбанно жа; на аарохабарин̣аахасамбанно.
‘‘гат̇ан̃жа, бхигкавз, бурисакал̣ун̇го ж̇авасамбанно жа ход̇и ван̣н̣асамбанно жа аарохабарин̣аахасамбанно жа? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. ид̣̇амасса ж̇авасмим̣ вад̣̇аами. абхид̇хаммз ко бана абхивинаяз бан̃хам̣ будто виссаж̇ж̇зд̇и, но сам̣саад̣̇зд̇и. ид̣̇амасса ван̣н̣асмим̣ вад̣̇аами. лаабхий ко бана ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ид̣̇амасса аарохабарин̣аахасмим̣ вад̣̇аами. звам̣ ко, бхигкавз, бурисакал̣ун̇го ж̇авасамбанно жа ход̇и ван̣н̣асамбанно жа аарохабарин̣аахасамбанно жа. имз ко, бхигкавз, д̇аяо бурисакал̣ун̇гаа’’д̇и. адтамам̣.
9. ассабарассасуд̇д̇ам̣
142. ‘‘д̇аяо жа, бхигкавз, ассабарассз ассасад̣̇ассз (сий сяаа. гам̣. бий.) д̣̇зсзссаами д̇аяо жа бурисабарассз бурисасад̣̇ассз (сий. сяаа. гам̣. бий.). д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘гад̇амз жа, бхигкавз, д̇аяо ассабарассаа? ид̇ха, бхигкавз, згажжо ассабарассо ж̇авасамбанно ход̇и; на ван̣н̣асамбанно на аарохабарин̣аахасамбанно. ид̇ха бана, бхигкавз, згажжо ассабарассо ж̇авасамбанно ход̇и ван̣н̣асамбанно жа; на аарохабарин̣аахасамбанно. ид̇ха бана, бхигкавз, згажжо ассабарассо ж̇авасамбанно жа ход̇и ван̣н̣асамбанно жа аарохабарин̣аахасамбанно жа. имз ко, бхигкавз, д̇аяо ассабарассаа.
‘‘гад̇амз жа, бхигкавз, д̇аяо бурисабарассаа? ид̇ха, бхигкавз, згажжо бурисабарассо ж̇авасамбанно ход̇и; на ван̣н̣асамбанно на аарохабарин̣аахасамбанно. ид̇ха бана, бхигкавз, згажжо бурисабарассо ж̇авасамбанно жа ход̇и ван̣н̣асамбанно жа; на аарохабарин̣аахасамбанно. ид̇ха бана, бхигкавз , згажжо бурисабарассо ж̇авасамбанно жа ход̇и ван̣н̣асамбанно жа аарохабарин̣аахасамбанно жа.
‘‘гат̇ан̃жа , бхигкавз, бурисабарассо ж̇авасамбанно ход̇и; на ван̣н̣асамбанно, на аарохабарин̣аахасамбанно? ид̇ха, бхигкавз, бхигку бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. ид̣̇амасса ж̇авасмим̣ вад̣̇аами. абхид̇хаммз ко бана абхивинияз бан̃хам̣ будто сам̣саад̣̇зд̇и, но виссаж̇ж̇зд̇и. ид̣̇амасса на ван̣н̣асмим̣ вад̣̇аами. на ко бана лаабхий ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣ . ид̣̇амасса на аарохабарин̣аахасмим̣ вад̣̇аами. звам̣ ко, бхигкавз, бурисабарассо ж̇авасамбанно ход̇и; на ван̣н̣асамбанно, на аарохабарин̣аахасамбанно.
‘‘гат̇ан̃жа, бхигкавз, бурисабарассо ж̇авасамбанно жа ход̇и ван̣н̣асамбанно жа, на аарохабарин̣аахасамбанно? ид̇ха, бхигкавз, бхигку бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. ид̣̇амасса ж̇авасмим̣ вад̣̇аами. абхид̇хаммз ко бана абхивинаяз бан̃хам̣ будто виссаж̇ж̇зд̇и, но сам̣саад̣̇зд̇и. ид̣̇амасса ван̣н̣асмим̣ вад̣̇аами. на ко бана лаабхий ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ид̣̇амасса на аарохабарин̣аахасмим̣ вад̣̇аами. звам̣ ко, бхигкавз, бурисабарассо ж̇авасамбанно жа ход̇и; ван̣н̣асамбанно жа, на аарохабарин̣аахасамбанно.
‘‘гат̇ан̃жа , бхигкавз, бурисабарассо ж̇авасамбанно жа ход̇и ван̣н̣асамбанно жа аарохабарин̣аахасамбанно жа? ид̇ха, бхигкавз , бхигку бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. ид̣̇амасса ж̇авасмим̣ вад̣̇аами. абхид̇хаммз ко бана абхивинаяз бан̃хам̣ будто виссаж̇ж̇зд̇и, но сам̣саад̣̇зд̇и. ид̣̇амасса ван̣н̣асмим̣ вад̣̇аами. лаабхий ко бана ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ид̣̇амасса аарохабарин̣аахасмим̣ вад̣̇аами. звам̣ ко, бхигкавз, бурисабарассо ж̇авасамбанно жа ход̇и ван̣н̣асамбанно жа аарохабарин̣аахасамбанно жа. имз ко, бхигкавз, д̇аяо бурисабарассаа’’д̇и. навамам̣.
10. ассааж̇аанийяасуд̇д̇ам̣
143. ‘‘д̇аяо жа, бхигкавз, бхад̣̇рз ассааж̇аанийяз д̣̇зсзссаами д̇аяо жа бхад̣̇рз бурисааж̇аанийяз. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘гад̇амз жа, бхигкавз, д̇аяо бхад̣̇раа ассааж̇аанийяаа? ид̇ха, бхигкавз, згажжо бхад̣̇ро ассааж̇аанийяо …бз… ж̇авасамбанно жа ход̇и ван̣н̣асамбанно жа аарохабарин̣аахасамбанно жа. имз ко, бхигкавз, д̇аяо бхад̣̇раа ассааж̇аанийяаа.
‘‘гад̇амз жа бхигкавз, д̇аяо бхад̣̇раа бурисааж̇аанийяаа? ид̇ха, бхигкавз, згажжо бхад̣̇ро бурисааж̇аанийяо…бз… ж̇авасамбанно жа ход̇и ван̣н̣асамбанно жа аарохабарин̣аахасамбанно жа.
‘‘гат̇ан̃жа, бхигкавз, бхад̣̇ро бурисааж̇аанийяо…бз… ж̇авасамбанно жа ход̇и ван̣н̣асамбанно жа аарохабарин̣аахасамбанно жа? ид̇ха, бхигкавз, бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. ид̣̇амасса ж̇авасмим̣ вад̣̇аами. абхид̇хаммз ко бана абхивинаяз бан̃хам̣ будто виссаж̇ж̇зд̇и, но сам̣саад̣̇зд̇и. ид̣̇амасса ван̣н̣асмим̣ вад̣̇аами. лаабхий ко бана ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ид̣̇амасса аарохабарин̣аахасмим̣ вад̣̇аами. звам̣ ко, бхигкавз, бхад̣̇ро бурисааж̇аанийяо ж̇авасамбанно жа ход̇и ван̣н̣асамбанно жа аарохабарин̣аахасамбанно жа. имз ко, бхигкавз, д̇аяо бхад̣̇раа бурисааж̇аанийяаа’’д̇и. д̣̇асамам̣.
11. батамамораниваабасуд̇д̇ам̣
144. згам̣ самаяам̣ бхаг̇аваа рааж̇аг̇ахз вихарад̇и мораниваабз бариб̣б̣ааж̇агаараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘д̇ийхи, бхигкавз, д̇хаммзхи саманнааг̇ад̇о бхигку ажжанд̇анидто ход̇и ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаанам̣. гад̇амзхи д̇ийхи? асзгкзна сийлагканд̇хзна, асзгкзна самаад̇хигканд̇хзна, асзгкзна бан̃н̃аагканд̇хзна. имзхи ко, бхигкавз, д̇ийхи д̇хаммзхи саманнааг̇ад̇о бхигку ажжанд̇анидто ход̇и ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаана’’нд̇и. згаад̣̇асамам̣.
12. д̣̇уд̇ияамораниваабасуд̇д̇ам̣
145. ‘‘д̇ийхи, бхигкавз, д̇хаммзхи саманнааг̇ад̇о бхигку ажжанд̇анидто ход̇и ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаанам̣. гад̇амзхи д̇ийхи? ид̣̇д̇хибаадихаариязна , аад̣̇зсанаабаадихаариязна, анусаасанийбаадихаариязна – имзхи ко, бхигкавз, д̇ийхи д̇хаммзхи саманнааг̇ад̇о бхигку ажжанд̇анидто ход̇и ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаана’’нд̇и. д̣̇ваад̣̇асамам̣.
13. д̇ад̇ияамораниваабасуд̇д̇ам̣
146. ‘‘д̇ийхи, бхигкавз, д̇хаммзхи саманнааг̇ад̇о бхигку ажжанд̇анидто ход̇и ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаанам̣. гад̇амзхи д̇ийхи? саммаад̣̇идтияаа, саммаан̃аан̣зна, саммаавимуд̇д̇ияаа – имзхи ко, бхигкавз, д̇ийхи д̇хаммзхи саманнааг̇ад̇о бхигку ажжанд̇анидто ход̇и ажжанд̇аяог̇агкзмий ажжанд̇аб̣рахмажаарий ажжанд̇абарияосаано сздто д̣̇звамануссаана’’нд̇и. д̇зрасамам̣.
яод̇хааж̇ийваваг̇г̇о жуд̣̇д̣̇асамо.
д̇ассуд̣̇д̣̇аанам̣ –
яод̇хо барисамид̇д̇ан̃жа, уббаад̣̇аа гзсагамб̣ало;
самбад̣̇аа вуд̣̇д̇хи д̇аяо, ассаа д̇аяо мораниваабинод̇и.