2. жараваг̇г̇о
1. жарасуд̇д̇ам̣
11. ид̇иву. 110 ‘‘жарад̇о жзби, бхигкавз, бхигкуно уббаж̇ж̇ад̇и гаамавид̇агго ваа б̣яаабаад̣̇авид̇агго ваа вихим̣саавид̇агго ваа. д̇ам̣ жз бхигку ад̇хиваасзд̇и, наббаж̇ахад̇и на винод̣̇зд̇и на б̣яанд̇ийгарод̇и б̣яанд̇игарод̇и (бий.), б̣яанд̇им̣ гарод̇и (га.) на анабхаавам̣ г̇амзд̇и, жарамби, бхигкавз, бхигку звам̣бхууд̇о ‘анаад̇аабий анод̇д̇аабий сад̇ад̇ам̣ самид̇ам̣ гусийд̇о хийнавийрияо’д̇и вужжад̇и.
‘‘тид̇асса жзби, бхигкавз, бхигкуно уббаж̇ж̇ад̇и гаамавид̇агго ваа б̣яаабаад̣̇авид̇агго ваа вихим̣саавид̇агго ваа. д̇ам̣ жз бхигку ад̇хиваасзд̇и, наббаж̇ахад̇и на винод̣̇зд̇и на б̣яанд̇ийгарод̇и на анабхаавам̣ г̇амзд̇и, тид̇оби, бхигкавз, бхигку звам̣бхууд̇о ‘анаад̇аабий анод̇д̇аабий сад̇ад̇ам̣ самид̇ам̣ гусийд̇о хийнавийрияо’д̇и вужжад̇и.
‘‘нисиннасса жзби, бхигкавз, бхигкуно уббаж̇ж̇ад̇и гаамавид̇агго ваа б̣яаабаад̣̇авид̇агго ваа вихим̣саавид̇агго ваа. д̇ам̣ жз бхигку ад̇хиваасзд̇и, наббаж̇ахад̇и на винод̣̇зд̇и на б̣яанд̇ийгарод̇и на анабхаавам̣ г̇амзд̇и, нисинноби, бхигкавз, бхигку звам̣бхууд̇о ‘анаад̇аабий анод̇д̇аабий сад̇ад̇ам̣ самид̇ам̣ гусийд̇о хийнавийрияо’д̇и вужжад̇и.
‘‘саяаанасса жзби, бхигкавз, бхигкуно ж̇ааг̇арасса уббаж̇ж̇ад̇и гаамавид̇агго ваа б̣яаабаад̣̇авид̇агго ваа вихим̣саавид̇агго ваа. д̇ам̣ жз бхигку ад̇хиваасзд̇и, наббаж̇ахад̇и на винод̣̇зд̇и на б̣яанд̇ийгарод̇и на анабхаавам̣ г̇амзд̇и, саяааноби, бхигкавз, бхигку ж̇ааг̇аро звам̣бхууд̇о ‘анаад̇аабий анод̇д̇аабий сад̇ад̇ам̣ самид̇ам̣ гусийд̇о хийнавийрияо’д̇и вужжад̇и.
‘‘жарад̇о жзби, бхигкавз, бхигкуно уббаж̇ж̇ад̇и гаамавид̇агго ваа б̣яаабаад̣̇авид̇агго ваа вихим̣саавид̇агго ваа. д̇ам̣ жз бхигку наад̇хиваасзд̇и, баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и, жарамби, бхигкавз, бхигку звам̣бхууд̇о ‘аад̇аабий од̇д̇аабий сад̇ад̇ам̣ самид̇ам̣ аарад̣̇д̇хавийрияо бахид̇ад̇д̇о’д̇и вужжад̇и.
‘‘тид̇асса жзби, бхигкавз, бхигкуно уббаж̇ж̇ад̇и гаамавид̇агго ваа б̣яаабаад̣̇авид̇агго ваа вихим̣саавид̇агго ваа. д̇ам̣ жз бхигку наад̇хиваасзд̇и, баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и, тид̇оби, бхигкавз, бхигку звам̣бхууд̇о ‘аад̇аабий од̇д̇аабий сад̇ад̇ам̣ самид̇ам̣ аарад̣̇д̇хавийрияо бахид̇ад̇д̇о’д̇и вужжад̇и.
‘‘нисиннасса жзби, бхигкавз, бхигкуно уббаж̇ж̇ад̇и гаамавид̇агго ваа б̣яаабаад̣̇авид̇агго ваа вихим̣саавид̇агго ваа. д̇ам̣ жз бхигку наад̇хиваасзд̇и, баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и, нисинноби, бхигкавз, бхигку звам̣бхууд̇о ‘аад̇аабий од̇д̇аабий сад̇ад̇ам̣ самид̇ам̣ аарад̣̇д̇хавийрияо бахид̇ад̇д̇о’д̇и вужжад̇и.
‘‘саяаанасса жзби, бхигкавз, бхигкуно ж̇ааг̇арасса уббаж̇ж̇ад̇и гаамавид̇агго ваа б̣яаабаад̣̇авид̇агго ваа вихим̣саавид̇агго ваа. д̇ам̣ жз бхигку наад̇хиваасзд̇и, баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и, саяааноби, бхигкавз, бхигку ж̇ааг̇аро звам̣бхууд̇о ‘аад̇аабий од̇д̇аабий сад̇ад̇ам̣ самид̇ам̣ аарад̣̇д̇хавийрияо бахид̇ад̇д̇о’д̇и вужжад̇ий’’д̇и.
‘‘жарам̣ ваа яад̣̇и ваа д̇идтам̣, нисинно уд̣̇а ваа саяам̣;
яо вид̇аггам̣ вид̇аггзд̇и, баабагам̣ г̇зханиссид̇ам̣.
‘‘гуммаг̇г̇аббадибанно со, моханзяязсу мужчид̇о;
абхаб̣б̣о д̇аад̣̇исо бхигку, пудтум̣ самб̣од̇химуд̇д̇амам̣.
‘‘яо жа жарам̣ ваа д̇идтам̣ ваа, нисинно уд̣̇а ваа саяам̣;
вид̇аггам̣ самаяид̇ваана, вид̇аггуубасамз рад̇о;
бхаб̣б̣о со д̇аад̣̇исо бхигку, пудтум̣ самб̣од̇химуд̇д̇ама’’нд̇и. батамам̣;
2. сийласуд̇д̇ам̣
12. ‘‘самбаннасийлаа, бхигкавз, вихарат̇а самбаннабаад̇имогкаа, баад̇имогкасам̣варасам̣вуд̇аа вихарат̇а аажаараг̇ожарасамбаннаа ан̣умад̇д̇зсу важ̇ж̇зсу бхаяад̣̇ассаавино. самаад̣̇ааяа сигкат̇а сигкаабад̣̇зсу. самбаннасийлаанам̣ во, бхигкавз, вихарад̇ам̣ самбаннабаад̇имогкаанам̣ баад̇имогкасам̣варасам̣вуд̇аанам̣ вихарад̇ам̣ аажаараг̇ожарасамбаннаанам̣ ан̣умад̇д̇зсу важ̇ж̇зсу бхаяад̣̇ассаавийнам̣ самаад̣̇ааяа сигкад̇ам̣ сигкаабад̣̇зсу гимасса уд̇д̇ари гаран̣ийяам̣?
‘‘жарад̇о жзби, бхигкавз, бхигкуно абхиж̇жхааб̣яаабаад̣̇о виг̇ад̇о ход̇и, т̇инамид̣̇д̇хам̣… уд̣̇д̇хажжагуггужжам̣… вижигижчаа бахийнаа ход̇и, аарад̣̇д̇хам̣ ход̇и вийрияам̣ асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣, жарамби, бхигкавз, бхигку звам̣бхууд̇о ‘аад̇аабий од̇д̇аабий сад̇ад̇ам̣ самид̇ам̣ аарад̣̇д̇хавийрияо бахид̇ад̇д̇о’д̇и вужжад̇и.
‘‘тид̇асса жзби, бхигкавз, бхигкуно абхиж̇жхааб̣яаабаад̣̇о виг̇ад̇о ход̇и, т̇инамид̣̇д̇хам̣… уд̣̇д̇хажжагуггужжам̣… вижигижчаа бахийнаа ход̇и, аарад̣̇д̇хам̣ ход̇и вийрияам̣ асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣, тид̇оби, бхигкавз, бхигку звам̣бхууд̇о ‘аад̇аабий од̇д̇аабий сад̇ад̇ам̣ самид̇ам̣ аарад̣̇д̇хавийрияо бахид̇ад̇д̇о’д̇и вужжад̇и.
‘‘нисиннасса жзби, бхигкавз, бхигкуно абхиж̇жхааб̣яаабаад̣̇о виг̇ад̇о ход̇и, т̇инамид̣̇д̇хам̣… уд̣̇д̇хажжагуггужжам̣… вижигижчаа бахийнаа ход̇и, аарад̣̇д̇хам̣ ход̇и вийрияам̣ асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣, нисинноби, бхигкавз, бхигку звам̣бхууд̇о ‘аад̇аабий од̇д̇аабий сад̇ад̇ам̣ самид̇ам̣ аарад̣̇д̇хавийрияо бахид̇ад̇д̇о’д̇и вужжад̇и.
‘‘саяаанасса жзби, бхигкавз, бхигкуно ж̇ааг̇арасса абхиж̇жхааб̣яаабаад̣̇о виг̇ад̇о ход̇и, т̇инамид̣̇д̇хам̣… уд̣̇д̇хажжагуггужжам̣… вижигижчаа бахийнаа ход̇и, аарад̣̇д̇хам̣ ход̇и вийрияам̣ асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣, саяааноби, бхигкавз, бхигку ж̇ааг̇аро звам̣бхууд̇о ‘аад̇аабий од̇д̇аабий сад̇ад̇ам̣ самид̇ам̣ аарад̣̇д̇хавийрияо бахид̇ад̇д̇о’д̇и вужжад̇ий’’д̇и.
‘‘яад̇ам̣ яат̇аа (га.) ид̇иву. 111 жарз яад̇ам̣ яат̇аа (га.) ид̇иву. 111 д̇идтз, яад̇ам̣ яат̇аа (га.) ид̇иву. 111 ажчз яад̇ам̣ яат̇аа (га.) ид̇иву. 111 саяз;
яад̇ам̣ яат̇аа (га.) ид̇иву. 111 самин̃ж̇аяз саммин̃ж̇аяз (сий. сяаа. гам̣. бий.) бхигку, яад̇амзнам̣ яад̇амзва нам̣ (сий.), яад̇амзд̇ам̣ (сяаа. гам̣.), яад̇амзва (?) басаараяз.
‘‘уд̣̇д̇хам̣ д̇ирияам̣ абаажийнам̣, яаавад̇аа ж̇аг̇ад̇о г̇ад̇и;
самавзгкид̇аа жа д̇хаммаанам̣, канд̇хаанам̣ уд̣̇аяаб̣б̣аяам̣.
‘‘жзд̇осамат̇асаамийжим̣, сигкамаанам̣ сад̣̇аа сад̇ам̣;
сад̇ад̇ам̣ бахид̇ад̇д̇од̇и, ааху бхигкум̣ д̇ат̇аавид̇ха’’нд̇и. д̣̇уд̇ияам̣;
3. бад̇хаанасуд̇д̇ам̣
13. ‘‘жад̇д̇ааримаани, бхигкавз, саммаббад̇хаанаани. гад̇амаани жад̇д̇аари? ид̇ха, бхигкавз, бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. имаани ко, бхигкавз, жад̇д̇аари саммаббад̇хаанааний’’д̇и.
‘‘саммаббад̇хаанаа маарад̇хзяяаабхибхууд̇аа,
д̇з асид̇аа ж̇аад̇имаран̣абхаяасса баараг̇уу;
д̇з д̇усид̇аа ж̇зд̇ваа маарам̣ саваахиним̣ савааханам̣ (сяаа. гам̣. бий. га.) д̇з анзж̇аа,
саб̣б̣ам̣ намужиб̣алам̣ убаад̇ивад̇д̇аа д̇з сукид̇аа’’д̇и. д̇ад̇ияам̣;
4. сам̣варасуд̇д̇ам̣
14. ‘‘жад̇д̇ааримаани , бхигкавз, бад̇хаанаани. гад̇амаани жад̇д̇аари? сам̣вараббад̇хаанам̣, бахаанаббад̇хаанам̣, бхааванааббад̇хаанам̣, анурагкан̣ааббад̇хаанам̣. гад̇аман̃жа, бхигкавз, сам̣вараббад̇хаанам̣? ид̇ха, бхигкавз, бхигку жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ , д̇асса сам̣варааяа бадибаж̇ж̇ад̇и, рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий, яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и, рагкад̇и манинд̣̇рияам̣, манинд̣̇рияз сам̣варам̣ аабаж̇ж̇ад̇и. ид̣̇ам̣ вужжад̇и, бхигкавз, сам̣вараббад̇хаанам̣.
‘‘гад̇аман̃жа, бхигкавз, бахаанаббад̇хаанам̣? ид̇ха, бхигкавз, бхигку уббаннам̣ гаамавид̇аггам̣ наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и; уббаннам̣ б̣яаабаад̣̇авид̇аггам̣…бз… уббаннам̣ вихим̣саавид̇аггам̣…бз… уббаннуббаннз баабагз агусалз д̇хаммз наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇и. ид̣̇ам̣ вужжад̇и, бхигкавз, бахаанаббад̇хаанам̣.
‘‘гад̇аман̃жа, бхигкавз, бхааванааббад̇хаанам̣? ид̇ха, бхигкавз, бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣, д̇хаммавижаяасамб̣ож̇жхан̇г̇ам̣ бхаавзд̇и… вийрияасамб̣ож̇жхан̇г̇ам̣ бхаавзд̇и… бийд̇исамб̣ож̇жхан̇г̇ам̣ бхаавзд̇и… бассад̣̇д̇хисамб̣ож̇жхан̇г̇ам̣ бхаавзд̇и… самаад̇хисамб̣ож̇жхан̇г̇ам̣ бхаавзд̇и… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. ид̣̇ам̣ вужжад̇и, бхигкавз, бхааванааббад̇хаанам̣.
‘‘гад̇аман̃жа , бхигкавз, анурагкан̣ааббад̇хаанам̣? ид̇ха, бхигкавз, бхигку уббаннам̣ бхад̣̇д̣̇агам̣ самаад̇хинимид̇д̇ам̣ анурагкад̇и адтигасан̃н̃ам̣ бул̣авагасан̃н̃ам̣ винийлагасан̃н̃ам̣ вижчид̣̇д̣̇агасан̃н̃ам̣ уд̣̇д̇хумаад̇агасан̃н̃ам̣. ид̣̇ам̣ вужжад̇и, бхигкавз, анурагкан̣ааббад̇хаанам̣. имаани ко, бхигкавз, жад̇д̇аари бад̇хаанааний’’д̇и.
‘‘сам̣варо жа бахаанан̃жа, бхааванаа анурагкан̣аа;
зд̇з бад̇хаанаа жад̇д̇ааро, д̣̇зсид̇аад̣̇ижжаб̣анд̇хунаа;
язхи бхигку ид̇хаад̇аабий, каяам̣ д̣̇угкасса баабун̣з’’д̇и. жад̇уд̇т̇ам̣;
5. бан̃н̃ад̇д̇исуд̇д̇ам̣
15. ‘‘жад̇ассо имаа, бхигкавз, аг̇г̇абан̃н̃ад̇д̇ияо. гад̇амаа жад̇ассо? зд̇ад̣̇аг̇г̇ам̣, бхигкавз, ад̇д̇абхаавийнам̣ яад̣̇ид̣̇ам̣ – рааху асуринд̣̇о. зд̇ад̣̇аг̇г̇ам̣, бхигкавз, гаамабхог̇ийнам̣ яад̣̇ид̣̇ам̣ – рааж̇аа манд̇хаад̇аа. зд̇ад̣̇аг̇г̇ам̣, бхигкавз, аад̇хибад̇зяяаанам̣ яад̣̇ид̣̇ам̣ – мааро баабимаа. сад̣̇звагз, бхигкавз, логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа д̇ат̇ааг̇ад̇о аг̇г̇амагкааяад̇и арахам̣ саммаасамб̣уд̣̇д̇хо. имаа ко, бхигкавз, жад̇ассо аг̇г̇абан̃н̃ад̇д̇ияо’’д̇и.
‘‘раахуг̇г̇ам̣ ад̇д̇абхаавийнам̣, манд̇хаад̇аа гаамабхог̇инам̣;
мааро аад̇хибад̇зяяаанам̣, ид̣̇д̇хияаа яасасаа ж̇алам̣.
‘‘уд̣̇д̇хам̣ д̇ирияам̣ абаажийнам̣, яаавад̇аа ж̇аг̇ад̇о г̇ад̇и;
сад̣̇звагасса логасса, б̣уд̣̇д̇хо аг̇г̇о бавужжад̇ий’’д̇и. бан̃жамам̣;
6. сокуммасуд̇д̇ам̣
16. ‘‘жад̇д̇ааримаани, бхигкавз, сокуммаани. гад̇амаани жад̇д̇аари? ид̇ха, бхигкавз, бхигку руубасокуммзна саманнааг̇ад̇о ход̇и барамзна; д̇зна жа руубасокуммзна ан̃н̃ам̣ руубасокуммам̣ уд̇д̇арид̇арам̣ ваа бан̣ийд̇ад̇арам̣ ваа на саманубассад̇и; д̇зна жа руубасокуммзна ан̃н̃ам̣ руубасокуммам̣ уд̇д̇арид̇арам̣ ваа бан̣ийд̇ад̇арам̣ ваа на бад̇т̇зд̇и. взд̣̇анаасокуммзна саманнааг̇ад̇о ход̇и барамзна; д̇зна жа взд̣̇анаасокуммзна ан̃н̃ам̣ взд̣̇анаасокуммам̣ уд̇д̇арид̇арам̣ ваа бан̣ийд̇ад̇арам̣ ваа на саманубассад̇и; д̇зна жа взд̣̇анаасокуммзна ан̃н̃ам̣ взд̣̇анаасокуммам̣ уд̇д̇арид̇арам̣ ваа бан̣ийд̇ад̇арам̣ ваа на бад̇т̇зд̇и. сан̃н̃аасокуммзна саманнааг̇ад̇о ход̇и барамзна; д̇зна жа сан̃н̃аасокуммзна ан̃н̃ам̣ сан̃н̃аасокуммам̣ уд̇д̇арид̇арам̣ ваа бан̣ийд̇ад̇арам̣ ваа на саманубассад̇и; д̇зна жа сан̃н̃аасокуммзна ан̃н̃ам̣ сан̃н̃аасокуммам̣ уд̇д̇арид̇арам̣ ваа бан̣ийд̇ад̇арам̣ ваа на бад̇т̇зд̇и. сан̇каарасокуммзна саманнааг̇ад̇о ход̇и барамзна; д̇зна жа сан̇каарасокуммзна ан̃н̃ам̣ сан̇каарасокуммам̣ уд̇д̇арид̇арам̣ ваа бан̣ийд̇ад̇арам̣ ваа на саманубассад̇и; д̇зна жа сан̇каарасокуммзна ан̃н̃ам̣ сан̇каарасокуммам̣ уд̇д̇арид̇арам̣ ваа бан̣ийд̇ад̇арам̣ ваа на бад̇т̇зд̇и. имаани ко, бхигкавз, жад̇д̇аари сокуммааний’’д̇и.
‘‘руубасокуммад̇ам̣ н̃ад̇ваа, взд̣̇анаанан̃жа самбхавам̣;
сан̃н̃аа яад̇о самуд̣̇зд̇и, ад̇т̇ам̣ г̇ажчад̇и яад̇т̇а жа;
сан̇каарз барад̇о н̃ад̇ваа, д̣̇угкад̇о но жа ад̇д̇ад̇о.
‘‘са вз саммад̣̇д̣̇асо бхигку, санд̇о санд̇ибад̣̇з рад̇о;
д̇хаарзд̇и анд̇имам̣ д̣̇зхам̣, ж̇зд̇ваа маарам̣ саваахини’’нд̇и. чадтам̣;
7. батамааг̇ад̇исуд̇д̇ам̣
17. ‘‘жад̇д̇ааримаани, бхигкавз, аг̇ад̇иг̇аманаани. гад̇амаани жад̇д̇аари? чанд̣̇ааг̇ад̇им̣ г̇ажчад̇и, д̣̇осааг̇ад̇им̣ г̇ажчад̇и, мохааг̇ад̇им̣ г̇ажчад̇и, бхаяааг̇ад̇им̣ г̇ажчад̇и – имаани ко, бхигкавз, жад̇д̇аари аг̇ад̇иг̇аманааний’’д̇и.
‘‘чанд̣̇аа д̣̇осаа бхаяаа мохаа, яо д̇хаммам̣ ад̇ивад̇д̇ад̇и;
нихийяад̇и д̇асса яасо, гаал̣абагкзва жанд̣̇имаа’’д̇и. сад̇д̇амам̣;
8. д̣̇уд̇ияааг̇ад̇исуд̇д̇ам̣
18. ‘‘жад̇д̇ааримаани , бхигкавз, нааг̇ад̇иг̇аманаани. гад̇амаани жад̇д̇аари? на чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и – имаани ко, бхигкавз, жад̇д̇аари нааг̇ад̇иг̇аманааний’’д̇и.
‘‘чанд̣̇аа д̣̇осаа бхаяаа мохаа, яо д̇хаммам̣ наад̇ивад̇д̇ад̇и;
аабуурад̇и д̇асса яасо, суггабагкзва жанд̣̇имаа’’д̇и. адтамам̣;
9. д̇ад̇ияааг̇ад̇исуд̇д̇ам̣
19. ‘‘жад̇д̇ааримаани, бхигкавз, аг̇ад̇иг̇аманаани. гад̇амаани жад̇д̇аари? чанд̣̇ааг̇ад̇им̣ г̇ажчад̇и , д̣̇осааг̇ад̇им̣ г̇ажчад̇и, мохааг̇ад̇им̣ г̇ажчад̇и, бхаяааг̇ад̇им̣ г̇ажчад̇и – имаани ко, бхигкавз, жад̇д̇аари аг̇ад̇иг̇аманаани.
‘‘жад̇д̇ааримаани, бхигкавз, нааг̇ад̇иг̇аманаани. гад̇амаани жад̇д̇аари? на чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и – имаани ко, бхигкавз, жад̇д̇аари нааг̇ад̇иг̇аманааний’’д̇и.
‘‘чанд̣̇аа д̣̇осаа бхаяаа мохаа, яо д̇хаммам̣ ад̇ивад̇д̇ад̇и;
нихийяад̇и д̇асса яасо, гаал̣абагкзва жанд̣̇имаа.
‘‘чанд̣̇аа д̣̇осаа бхаяаа мохаа, яо д̇хаммам̣ наад̇ивад̇д̇ад̇и;
аабуурад̇и д̇асса яасо, суггабагкзва жанд̣̇имаа’’д̇и. навамам̣;
10. бхад̇д̇уд̣̇д̣̇зсагасуд̇д̇ам̣
20. ‘‘жад̇уухи, бхигкавз, д̇хаммзхи саманнааг̇ад̇о бхад̇д̇уд̣̇д̣̇зсаго яат̇аабхад̇ам̣ нигкид̇д̇о звам̣ нираяз. гад̇амзхи жад̇уухи? чанд̣̇ааг̇ад̇им̣ г̇ажчад̇и, д̣̇осааг̇ад̇им̣ г̇ажчад̇и, мохааг̇ад̇им̣ г̇ажчад̇и, бхаяааг̇ад̇им̣ г̇ажчад̇и – имзхи ко, бхигкавз, жад̇уухи д̇хаммзхи саманнааг̇ад̇о бхад̇д̇уд̣̇д̣̇зсаго яат̇аабхад̇ам̣ нигкид̇д̇о звам̣ нираяз.
‘‘жад̇уухи, бхигкавз, д̇хаммзхи саманнааг̇ад̇о бхад̇д̇уд̣̇д̣̇зсаго яат̇аабхад̇ам̣ нигкид̇д̇о звам̣ саг̇г̇з. гад̇амзхи жад̇уухи? на чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и – имзхи ко, бхигкавз, жад̇уухи д̇хаммзхи саманнааг̇ад̇о бхад̇д̇уд̣̇д̣̇зсаго яат̇аабхад̇ам̣ нигкид̇д̇о звам̣ саг̇г̇з’’д̇и.
‘‘яз гзжи гаамзсу асан̃н̃ад̇аа ж̇анаа,
ад̇хаммигаа хонд̇и ад̇хаммаг̇аараваа;
чанд̣̇аа д̣̇осаа мохаа жа бхаяаа г̇аамино чанд̣̇аа жа д̣̇осаа жа бхаяаа жа г̇аамино (сий. сяаа. гам̣. бий),
барисаагасадо барисаггасааво (сий. сяаа. гам̣. бий.) жа банзса вужжад̇и.
‘‘зван̃хи вуд̇д̇ам̣ саман̣зна ж̇аанад̇аа,
д̇асмаа хи д̇з саббурисаа басам̣сияаа;
д̇хаммз тид̇аа яз на гаронд̇и баабагам̣,
на чанд̣̇аа на д̣̇осаа на мохаа на бхаяаа жа г̇аамино на чанд̣̇ад̣̇осаа на бхаяаа жа г̇аамино (сий. сяаа. гам̣. бий.);
‘‘барисааяа ман̣д̣о жа банзса вужжад̇и,
зван̃хи вуд̇д̇ам̣ саман̣зна ж̇аанад̇аа’’д̇и. д̣̇асамам̣;
жараваг̇г̇о д̣̇уд̇ияо.
д̇ассуд̣̇д̣̇аанам̣ –
жарам̣ сийлам̣ бад̇хаанаани, сам̣варам̣ бан̃н̃ад̇д̇и бан̃жамам̣;
сокуммам̣ д̇аяо аг̇ад̇ий, бхад̇д̇уд̣̇д̣̇зсзна д̇з д̣̇асаад̇и.