(13) 3. бхаяаваг̇г̇о
1. ад̇д̇аануваад̣̇асуд̇д̇ам̣
121. ‘‘жад̇д̇ааримаани , бхигкавз, бхаяаани. гад̇амаани жад̇д̇аари? ад̇д̇аануваад̣̇абхаяам̣, бараануваад̣̇абхаяам̣, д̣̇ан̣д̣абхаяам̣, д̣̇уг̇г̇ад̇ибхаяам̣.
‘‘гад̇аман̃жа, бхигкавз, ад̇д̇аануваад̣̇абхаяам̣? ид̇ха, бхигкавз, згажжо ид̇и бадисан̃жигкад̇и – ‘ахан̃жзва ахан̃жз (?) ко бана гааязна д̣̇ужжарид̇ам̣ жарзяяам̣, ваажааяа д̣̇ужжарид̇ам̣ жарзяяам̣, манасаа д̣̇ужжарид̇ам̣ жарзяяам̣, гин̃жа д̇ам̣ яам̣ мам̣ гин̃жа д̇ам̣ мам̣ (сий.), гин̃жа мам̣ (сяаа. гам̣.), гин̃жа д̇ам̣ гаммам̣ (бий. га.) ад̇д̇аа сийлад̇о на убавад̣̇зяяаа’д̇и! со ад̇д̇аануваад̣̇абхаяасса бхийд̇о гааяад̣̇ужжарид̇ам̣ бахааяа гааяасужарид̇ам̣ бхаавзд̇и, важийд̣̇ужжарид̇ам̣ бахааяа важийсужарид̇ам̣ бхаавзд̇и, манод̣̇ужжарид̇ам̣ бахааяа маносужарид̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇и. ид̣̇ам̣ вужжад̇и, бхигкавз, ад̇д̇аануваад̣̇абхаяам̣.
‘‘гад̇аман̃жа, бхигкавз, бараануваад̣̇абхаяам̣? ид̇ха , бхигкавз, згажжо ид̇и бадисан̃жигкад̇и – ‘ахан̃жзва ко бана гааязна д̣̇ужжарид̇ам̣ жарзяяам̣, ваажааяа д̣̇ужжарид̇ам̣ жарзяяам̣, манасаа д̣̇ужжарид̇ам̣ жарзяяам̣, гин̃жа д̇ам̣ яам̣ мам̣ барз сийлад̇о на убавад̣̇зяяу’нд̇и! со бараануваад̣̇абхаяасса бхийд̇о гааяад̣̇ужжарид̇ам̣ бахааяа гааяасужарид̇ам̣ бхаавзд̇и, важийд̣̇ужжарид̇ам̣ бахааяа важийсужарид̇ам̣ бхаавзд̇и, манод̣̇ужжарид̇ам̣ бахааяа маносужарид̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇и. ид̣̇ам̣ вужжад̇и, бхигкавз, бараануваад̣̇абхаяам̣.
‘‘гад̇аман̃жа, бхигкавз, д̣̇ан̣д̣абхаяам̣? ид̇ха, бхигкавз, згажжо бассад̇и жорам̣ ааг̇ужаарим̣, рааж̇аано г̇ахзд̇ваа вивид̇хаа гаммагааран̣аа гаарзнд̇з, гасаахиби д̇аал̣знд̇з, взд̇д̇зхиби д̇аал̣знд̇з, ад̣̇д̇хад̣̇ан̣д̣агзхиби д̇аал̣знд̇з, хад̇т̇амби чинд̣̇анд̇з, баад̣̇амби чинд̣̇анд̇з, хад̇т̇абаад̣̇амби чинд̣̇анд̇з, ган̣н̣амби чинд̣̇анд̇з, наасамби чинд̣̇анд̇з, ган̣н̣анаасамби чинд̣̇анд̇з, б̣илан̇г̇ат̇аалигамби гаронд̇з, сан̇камун̣д̣игамби гаронд̇з, раахумукамби гаронд̇з, ж̇од̇имаалигамби гаронд̇з, хад̇т̇абаж̇ж̇од̇игамби гаронд̇з, зрагавад̇д̇игамби гаронд̇з, жийрагаваасигамби гаронд̇з, зн̣зяяагамби гаронд̇з, б̣алисамам̣сигамби гаронд̇з, гахаабан̣агамби гаронд̇з, каараабад̇ажчигамби гаронд̇з, балигхабаривад̇д̇игамби гаронд̇з, балаалабийтагамби гаронд̇з, д̇ад̇д̇знаби д̇злзна осин̃жанд̇з, сунакзхиби каад̣̇аабзнд̇з, ж̇ийванд̇амби суулз уд̇д̇аасзнд̇з, асинааби сийсам̣ чинд̣̇анд̇з.
‘‘д̇асса звам̣ ход̇и – ‘яат̇ааруубаанам̣ ко баабагаанам̣ гаммаанам̣ хзд̇у жорам̣ ааг̇ужаарим̣ рааж̇аано г̇ахзд̇ваа вивид̇хаа гаммагааран̣аа гаарзнд̇и, гасаахиби д̇аал̣знд̇и…бз… асинааби сийсам̣ чинд̣̇анд̇и, ахан̃жзва ко бана зваруубам̣ баабагаммам̣ гарзяяам̣, мамби рааж̇аано г̇ахзд̇ваа зваруубаа вивид̇хаа гаммагааран̣аа гаарзяяум̣, гасаахиби д̇аал̣зяяум̣, взд̇д̇зхиби д̇аал̣зяяум̣, ад̣̇д̇хад̣̇ан̣д̣агзхиби д̇аал̣зяяум̣, хад̇т̇амби чинд̣̇зяяум̣, баад̣̇амби чинд̣̇зяяум̣, хад̇т̇абаад̣̇амби чинд̣̇зяяум̣, ган̣н̣амби чинд̣̇зяяум̣, наасамби чинд̣̇зяяум̣, ган̣н̣анаасамби чинд̣̇зяяум̣, б̣илан̇г̇ат̇аалигамби гарзяяум̣, сан̇камун̣д̣игамби гарзяяум̣; раахумукамби гарзяяум̣, ж̇од̇имаалигамби гарзяяум̣, хад̇т̇абаж̇ж̇од̇игамби гарзяяум̣, зрагавад̇д̇игамби гарзяяум̣, жийрагаваасигамби гарзяяум̣, зн̣зяяагамби гарзяяум̣, б̣алисамам̣сигамби гарзяяум̣, гахаабан̣агамби гарзяяум̣, каараабад̇ажчигамби гарзяяум̣, балигхабаривад̇д̇игамби гарзяяум̣, балаалабийтагамби гарзяяум̣, д̇ад̇д̇знаби д̇злзна осин̃жзяяум̣, сунакзхиби каад̣̇аабзяяум̣, ж̇ийванд̇амби суулз уд̇д̇аасзяяум̣, асинааби сийсам̣ чинд̣̇зяяу’нд̇и. со д̣̇ан̣д̣абхаяасса бхийд̇о на барзсам̣ баабхад̇ам̣ вилумбанд̇о жарад̇и. гааяад̣̇ужжарид̇ам̣ бахааяа…бз… суд̣̇д̇хам̣ ад̇д̇аанам̣ барихарад̇и. ид̣̇ам̣ вужжад̇и, бхигкавз, д̣̇ан̣д̣абхаяам̣.
‘‘гад̇аман̃жа , бхигкавз, д̣̇уг̇г̇ад̇ибхаяам̣? ид̇ха, бхигкавз, згажжо ид̇и бадисан̃жигкад̇и – ‘гааяад̣̇ужжарид̇асса ко баабаго вибааго абхисамбарааяам̣, важийд̣̇ужжарид̇асса баабаго вибааго абхисамбарааяам̣, манод̣̇ужжарид̇асса баабаго вибааго абхисамбарааяам̣. ахан̃жзва ко бана гааязна д̣̇ужжарид̇ам̣ жарзяяам̣, ваажааяа д̣̇ужжарид̇ам̣ жарзяяам̣, манасаа д̣̇ужжарид̇ам̣ жарзяяам̣, гин̃жа д̇ам̣ яаахам̣ на гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа’нд̇и! со д̣̇уг̇г̇ад̇ибхаяасса бхийд̇о гааяад̣̇ужжарид̇ам̣ бахааяа гааяасужарид̇ам̣ бхаавзд̇и, важийд̣̇ужжарид̇ам̣ бахааяа важийсужарид̇ам̣ бхаавзд̇и, манод̣̇ужжарид̇ам̣ бахааяа маносужарид̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇и. ид̣̇ам̣ вужжад̇и, бхигкавз, д̣̇уг̇г̇ад̇ибхаяам̣. имаани ко, бхигкавз, жад̇д̇аари бхаяааний’’д̇и. батамам̣.
2. уумибхаяасуд̇д̇ам̣
122. ‘‘жад̇д̇ааримаани , бхигкавз, бхаяаани уд̣̇агороханд̇асса уд̣̇агороханд̇з (ма. ни. 2.161) баадиган̇кид̇аб̣б̣аани . гад̇амаани жад̇д̇аари? уумибхаяам̣, гумбхийлабхаяам̣, ааваддабхаяам̣, сусугаабхаяам̣ – имаани ко, бхигкавз, жад̇д̇аари бхаяаани уд̣̇агороханд̇асса баадиган̇кид̇аб̣б̣аани. звамзвам̣ ко, бхигкавз, жад̇д̇аари бхаяаани ид̇хзгажжасса гулабуд̇д̇асса имасмим̣ д̇хаммавинаяз аг̇аарасмаа сад̣̇д̇хаа аг̇аарасмаа (сий. сяаа. гам̣.) анаг̇аарияам̣ баб̣б̣аж̇ид̇асса баб̣б̣аж̇ад̇о (сий.) баадиган̇кид̇аб̣б̣аани. гад̇амаани жад̇д̇аари? уумибхаяам̣, гумбхийлабхаяам̣, ааваддабхаяам̣, сусугаабхаяам̣.
‘‘гад̇аман̃жа, бхигкавз, уумибхаяам̣? ид̇ха, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о; аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и! д̇амзнам̣ д̇ат̇аа баб̣б̣аж̇ид̇ам̣ самаанам̣ саб̣рахмажаарино овад̣̇анд̇и анусаасанд̇и – ‘звам̣ д̇з абхиггамид̇аб̣б̣ам̣, звам̣ д̇з бадиггамид̇аб̣б̣ам̣, звам̣ д̇з аалогзд̇аб̣б̣ам̣ , звам̣ д̇з вилогзд̇аб̣б̣ам̣, звам̣ д̇з самин̃ж̇ид̇аб̣б̣ам̣, звам̣ д̇з басаарид̇аб̣б̣ам̣, звам̣ д̇з сан̇гхаадибад̇д̇ажийварам̣ д̇хаарзд̇аб̣б̣а’нд̇и. д̇асса звам̣ ход̇и – ‘маяам̣ ко буб̣б̣з аг̇аарияабхууд̇аа самаанаа ан̃н̃з овад̣̇аамаби анусаасаамаби. имз банамхаагам̣ буд̇д̇амад̇д̇аа ман̃н̃з над̇д̇амад̇д̇аа ман̃н̃з овад̣̇ид̇аб̣б̣ам̣ анусаасид̇аб̣б̣ам̣ ман̃н̃анд̇ий’д̇и. со губид̇о анад̇д̇амано сигкам̣ бажжагкааяа хийнааяаавад̇д̇ад̇и. аяам̣ вужжад̇и, бхигкавз, бхигку уумибхаяасса бхийд̇о сигкам̣ бажжагкааяа хийнааяаавад̇д̇о. уумибхаяанд̇и ко, бхигкавз, год̇хуубааяаасассзд̇ам̣ ад̇хиважанам̣. ид̣̇ам̣ вужжад̇и, бхигкавз, уумибхаяам̣.
‘‘гад̇аман̃жа, бхигкавз, гумбхийлабхаяам̣? ид̇ха, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о; аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и! д̇амзнам̣ д̇ат̇аа баб̣б̣аж̇ид̇ам̣ самаанам̣ саб̣рахмажаарино овад̣̇анд̇и анусаасанд̇и – ‘ид̣̇ам̣ д̇з каад̣̇ид̇аб̣б̣ам̣, ид̣̇ам̣ д̇з на каад̣̇ид̇аб̣б̣ам̣, ид̣̇ам̣ д̇з бхун̃ж̇ид̇аб̣б̣ам̣, ид̣̇ам̣ д̇з на бхун̃ж̇ид̇аб̣б̣ам̣, ид̣̇ам̣ д̇з сааяид̇аб̣б̣ам̣, ид̣̇ам̣ д̇з на сааяид̇аб̣б̣ам̣, ид̣̇ам̣ д̇з баад̇аб̣б̣ам̣ , ид̣̇ам̣ д̇з на баад̇аб̣б̣ам̣, габбияам̣ д̇з каад̣̇ид̇аб̣б̣ам̣, агаббияам̣ д̇з на каад̣̇ид̇аб̣б̣ам̣, габбияам̣ д̇з бхун̃ж̇ид̇аб̣б̣ам̣, агаббияам̣ д̇з на бхун̃ж̇ид̇аб̣б̣ам̣, габбияам̣ д̇з сааяид̇аб̣б̣ам̣, агаббияам̣ д̇з на сааяид̇аб̣б̣ам̣, габбияам̣ д̇з баад̇аб̣б̣ам̣, агаббияам̣ д̇з на баад̇аб̣б̣ам̣, гаалз д̇з каад̣̇ид̇аб̣б̣ам̣, вигаалз д̇з на каад̣̇ид̇аб̣б̣ам̣, гаалз д̇з бхун̃ж̇ид̇аб̣б̣ам̣, вигаалз д̇з на бхун̃ж̇ид̇аб̣б̣ам̣, гаалз д̇з сааяид̇аб̣б̣ам̣, вигаалз д̇з на сааяид̇аб̣б̣ам̣, гаалз д̇з баад̇аб̣б̣ам̣, вигаалз д̇з на баад̇аб̣б̣а’нд̇и. д̇асса звам̣ ход̇и – ‘маяам̣ ко буб̣б̣з аг̇аарияабхууд̇аа самаанаа яам̣ ижчаама д̇ам̣ каад̣̇аама, яам̣ на ижчаама на д̇ам̣ каад̣̇аама; яам̣ ижчаама д̇ам̣ бхун̃ж̇аама, яам̣ на ижчаама на д̇ам̣ бхун̃ж̇аама; яам̣ ижчаама д̇ам̣ сааяаама, яам̣ на ижчаама на д̇ам̣ сааяаама; яам̣ ижчаама д̇ам̣ биваама, яам̣ на ижчаама на д̇ам̣ биваама; габбияамби каад̣̇аама агаббияамби каад̣̇аама габбияамби бхун̃ж̇аама агаббияамби бхун̃ж̇аама габбияамби сааяаама агаббияамби сааяаама габбияамби биваама агаббияамби биваама, гаалзби каад̣̇аама вигаалзби каад̣̇аама гаалзби бхун̃ж̇аама вигаалзби бхун̃ж̇аама гаалзби сааяаама вигаалзби сааяаама гаалзби биваама вигаалзби биваама; яамби но сад̣̇д̇хаа г̇ахабад̇игаа д̣̇иваа вигаалз бан̣ийд̇ам̣ каад̣̇анийяам̣ ваа бхож̇анийяам̣ ваа д̣̇знд̇и, д̇ад̇рабимз д̇ад̇т̇абимз (ма. ни. 2.163) мукааваран̣ам̣ ман̃н̃з гаронд̇ий’д̇и. со губид̇о анад̇д̇амано сигкам̣ бажжагкааяа хийнааяаавад̇д̇ад̇и. аяам̣ вужжад̇и, бхигкавз, бхигку гумбхийлабхаяасса бхийд̇о сигкам̣ бажжагкааяа хийнааяаавад̇д̇о. гумбхийлабхаяанд̇и ко, бхигкавз, од̣̇аригад̇д̇ассзд̇ам̣ ад̇хиважанам̣. ид̣̇ам̣ вужжад̇и, бхигкавз, гумбхийлабхаяам̣.
‘‘гад̇аман̃жа, бхигкавз, ааваддабхаяам̣? ид̇ха, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи, д̣̇угкзхи д̣̇оманассзхи убааяаасзхи д̣̇угкод̇ин̣н̣о д̣̇угкабарзд̇о; аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и! со звам̣ баб̣б̣аж̇ид̇о самаано буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа г̇аамам̣ ваа ниг̇амам̣ ваа бин̣д̣ааяа бависад̇и арагкид̇знзва гааязна арагкид̇ааяа ваажааяа арагкид̇зна жид̇д̇зна анубадтид̇ааяа сад̇ияаа асам̣вуд̇зхи инд̣̇риязхи. со д̇ад̇т̇а бассад̇и г̇ахабад̇им̣ ваа г̇ахабад̇ибуд̇д̇ам̣ ваа бан̃жахи гаамаг̇ун̣зхи самаббид̇ам̣ саман̇г̇ийбхууд̇ам̣ барижаараяамаанам̣. д̇асса звам̣ ход̇и – ‘маяам̣ ко буб̣б̣з аг̇аарияабхууд̇аа самаанаа бан̃жахи гаамаг̇ун̣зхи самаббид̇аа саман̇г̇ийбхууд̇аа барижааримхаа; сам̣виж̇ж̇анд̇и ко бана мз гулз бхог̇аа. саггаа бхог̇з жа бхун̃ж̇ид̇ум̣ бун̃н̃аани жа гаад̇ум̣. яам̣нуунаахам̣ сигкам̣ бажжагкааяа хийнааяаавад̇д̇ид̇ваа бхог̇з жа бхун̃ж̇зяяам̣ бун̃н̃аани жа гарзяяа’нд̇и ! со сигкам̣ бажжагкааяа хийнааяаавад̇д̇ад̇и . аяам̣ вужжад̇и, бхигкавз, бхигку ааваддабхаяасса бхийд̇о сигкам̣ бажжагкааяа хийнааяаавад̇д̇о. ааваддабхаяанд̇и ко, бхигкавз, бан̃жаннзд̇ам̣ гаамаг̇ун̣аанам̣ ад̇хиважанам̣. ид̣̇ам̣ вужжад̇и, бхигкавз, ааваддабхаяам̣.
‘‘гад̇аман̃жа, бхигкавз, сусугаабхаяам̣? ид̇ха, бхигкавз, згажжо гулабуд̇д̇о сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о; аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и! со звам̣ баб̣б̣аж̇ид̇о самаано буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа г̇аамам̣ ваа ниг̇амам̣ ваа бин̣д̣ааяа бависад̇и арагкид̇знзва гааязна арагкид̇ааяа ваажааяа арагкид̇зна жид̇д̇зна анубадтид̇ааяа сад̇ияаа асам̣вуд̇зхи инд̣̇риязхи. со д̇ад̇т̇а бассад̇и маад̇уг̇аамам̣ д̣̇уннивад̇т̇ам̣ ваа д̣̇уббааруд̇ам̣ ваа. д̇асса маад̇уг̇аамам̣ д̣̇исваа д̣̇уннивад̇т̇ам̣ ваа д̣̇уббааруд̇ам̣ ваа рааг̇о жид̇д̇ам̣ ануд̣̇д̇хам̣сзд̇и. со рааг̇аануд̣̇д̇хам̣сид̇зна жид̇д̇зна сигкам̣ бажжагкааяа хийнааяаавад̇д̇ад̇и. аяам̣ вужжад̇и, бхигкавз, бхигку сусугаабхаяасса бхийд̇о сигкам̣ бажжагкааяа хийнааяаавад̇д̇о. сусугаабхаяанд̇и ко, бхигкавз, маад̇уг̇аамассзд̇ам̣ ад̇хиважанам̣. ид̣̇ам̣ вужжад̇и, бхигкавз, сусугаабхаяам̣. имаани ко, бхигкавз, жад̇д̇аари бхаяаани ид̇хзгажжасса гулабуд̇д̇асса имасмим̣ д̇хаммавинаяз аг̇аарасмаа анаг̇аарияам̣ баб̣б̣аж̇ид̇асса баадиган̇кид̇аб̣б̣ааний’’д̇и. д̣̇уд̇ияам̣.
3. батаманаанаагаран̣асуд̇д̇ам̣
123. ‘‘жад̇д̇ааромз, бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? гат̇аа. 671 аад̣̇аяо ид̇ха, бхигкавз, згажжо буг̇г̇ало вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. со д̇ад̣̇ассаад̣̇зд̇и, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇и. д̇ад̇т̇а тид̇о д̇ад̣̇ад̇химуд̇д̇о д̇аб̣б̣ахулавихаарий абарихийно гаалам̣ гурумаано б̣рахмагааяигаанам̣ д̣̇зваанам̣ сахаб̣яад̇ам̣ убабаж̇ж̇ад̇и. б̣рахмагааяигаанам̣, бхигкавз, д̣̇зваанам̣ габбо ааяуббамаан̣ам̣. д̇ад̇т̇а бут̇уж̇ж̇ано яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа нираяамби г̇ажчад̇и д̇иражчаанаяонимби г̇ажчад̇и бзд̇д̇ивисаяамби г̇ажчад̇и. бхаг̇авад̇о бана сааваго д̇ад̇т̇а яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа д̇асмим̣язва бхавз бариниб̣б̣ааяад̇и. аяам̣ ко, бхигкавз, висзсо аяам̣ ад̇хиббаяаасо ид̣̇ам̣ наанаагаран̣ам̣ суд̇авад̇о арияасаавагасса ассуд̇авад̇аа бут̇уж̇ж̇анзна, яад̣̇ид̣̇ам̣ г̇ад̇ияаа убабад̇д̇ияаа сад̇и яад̣̇ид̣̇ам̣ жуд̇ияаа убабад̇д̇ияаа жаад̇и (га.) а. ни. 3.117 бассид̇аб̣б̣ам̣.
‘‘буна жабарам̣, бхигкавз, ид̇хзгажжо буг̇г̇ало вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. со д̇ад̣̇ассаад̣̇зд̇и, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇и. д̇ад̇т̇а тид̇о д̇ад̣̇ад̇химуд̇д̇о д̇аб̣б̣ахулавихаарий абарихийно гаалам̣ гурумаано аабхассараанам̣ д̣̇зваанам̣ сахаб̣яад̇ам̣ убабаж̇ж̇ад̇и. аабхассараанам̣, бхигкавз, д̣̇зваанам̣ д̣̇вз габбаа ааяуббамаан̣ам̣. д̇ад̇т̇а бут̇уж̇ж̇ано яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа нираяамби г̇ажчад̇и д̇иражчаанаяонимби г̇ажчад̇и бзд̇д̇ивисаяамби г̇ажчад̇и. бхаг̇авад̇о бана сааваго д̇ад̇т̇а яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа д̇асмим̣язва бхавз бариниб̣б̣ааяад̇и. аяам̣ ко, бхигкавз, висзсо аяам̣ ад̇хиббаяаасо ид̣̇ам̣ наанаагаран̣ам̣ суд̇авад̇о арияасаавагасса ассуд̇авад̇аа бут̇уж̇ж̇анзна, яад̣̇ид̣̇ам̣ г̇ад̇ияаа убабад̇д̇ияаа сад̇и.
‘‘буна жабарам̣, бхигкавз, ид̇хзгажжо буг̇г̇ало бийд̇ияаа жа вирааг̇аа убзгкаго жа вихарад̇и сад̇о жа самбаж̇аано сукан̃жа гааязна бадисам̣взд̣̇зд̇и яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. со д̇ад̣̇ассаад̣̇зд̇и, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇и. д̇ад̇т̇а тид̇о д̇ад̣̇ад̇химуд̇д̇о д̇аб̣б̣ахулавихаарий абарихийно, гаалам̣ гурумаано субхагин̣хаанам̣ д̣̇зваанам̣ сахаб̣яад̇ам̣ убабаж̇ж̇ад̇и. субхагин̣хаанам̣, бхигкавз, д̣̇зваанам̣ жад̇д̇ааро габбаа ааяуббамаан̣ам̣. д̇ад̇т̇а бут̇уж̇ж̇ано яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа нираяамби г̇ажчад̇и д̇иражчаанаяонимби г̇ажчад̇и бзд̇д̇ивисаяамби г̇ажчад̇и. бхаг̇авад̇о бана сааваго д̇ад̇т̇а яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа д̇асмим̣язва бхавз бариниб̣б̣ааяад̇и. аяам̣ ко, бхигкавз, висзсо аяам̣ ад̇хиббаяаасо ид̣̇ам̣ наанаагаран̣ам̣ суд̇авад̇о арияасаавагасса ассуд̇авад̇аа бут̇уж̇ж̇анзна, яад̣̇ид̣̇ам̣ г̇ад̇ияаа убабад̇д̇ияаа сад̇и.
‘‘буна жабарам̣, бхигкавз, ид̇хзгажжо буг̇г̇ало сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. со д̇ад̣̇ассаад̣̇зд̇и, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇и. д̇ад̇т̇а тид̇о д̇ад̣̇ад̇химуд̇д̇о д̇аб̣б̣ахулавихаарий абарихийно гаалам̣ гурумаано взхабпалаанам̣ д̣̇зваанам̣ сахаб̣яад̇ам̣ убабаж̇ж̇ад̇и. взхабпалаанам̣, бхигкавз, д̣̇зваанам̣ бан̃жа габбасад̇аани ааяуббамаан̣ам̣. д̇ад̇т̇а бут̇уж̇ж̇ано яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа нираяамби г̇ажчад̇и д̇иражчаанаяонимби г̇ажчад̇и бзд̇д̇ивисаяамби г̇ажчад̇и. бхаг̇авад̇о бана сааваго д̇ад̇т̇а яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа д̇асмим̣язва бхавз бариниб̣б̣ааяад̇и. аяам̣ ко, бхигкавз, висзсо аяам̣ ад̇хиббаяаасо ид̣̇ам̣ наанаагаран̣ам̣ суд̇авад̇о арияасаавагасса ассуд̇авад̇аа бут̇уж̇ж̇анзна, яад̣̇ид̣̇ам̣ г̇ад̇ияаа убабад̇д̇ияаа сад̇и. имз ко, бхигкавз, жад̇д̇ааро буг̇г̇алаа санд̇о сам̣виж̇ж̇амаанаа логасми’’нд̇и. д̇ад̇ияам̣.
4. д̣̇уд̇ияанаанаагаран̣асуд̇д̇ам̣
124. ‘‘жад̇д̇ааромз, бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇ха, бхигкавз, згажжо буг̇г̇ало вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и. со яад̣̇зва д̇ад̇т̇а ход̇и руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣, д̇з д̇хаммз анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о сун̃н̃ад̇о анад̇д̇ад̇о саманубассад̇и. со гааяасса бхзд̣̇аа барам̣ маран̣аа суд̣̇д̇хааваасаанам̣ д̣̇зваанам̣ сахаб̣яад̇ам̣ убабаж̇ж̇ад̇и. аяам̣, бхигкавз, убабад̇д̇и асаад̇хааран̣аа бут̇уж̇ж̇анзхи.
‘‘буна жабарам̣, бхигкавз, ид̇хзгажжо буг̇г̇ало вид̇аггавижаараанам̣ вуубасамаа…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. со яад̣̇зва д̇ад̇т̇а ход̇и руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣, д̇з д̇хаммз анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о сун̃н̃ад̇о анад̇д̇ад̇о саманубассад̇и. со гааяасса бхзд̣̇аа барам̣ маран̣аа суд̣̇д̇хааваасаанам̣ д̣̇зваанам̣ сахаб̣яад̇ам̣ убабаж̇ж̇ад̇и. аяам̣, бхигкавз, убабад̇д̇и асаад̇хааран̣аа бут̇уж̇ж̇анзхи. имз ко, бхигкавз, жад̇д̇ааро буг̇г̇алаа санд̇о сам̣виж̇ж̇амаанаа логасми’’нд̇и. жад̇уд̇т̇ам̣.
5. батамамзд̇д̇аасуд̇д̇ам̣
125. ‘‘жад̇д̇ааромз, бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇ха, бхигкавз, згажжо буг̇г̇ало мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. со д̇ад̣̇ассаад̣̇зд̇и, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇и. д̇ад̇т̇а тид̇о д̇ад̣̇ад̇химуд̇д̇о д̇аб̣б̣ахулавихаарий абарихийно гаалам̣ гурумаано б̣рахмагааяигаанам̣ д̣̇зваанам̣ сахаб̣яад̇ам̣ убабаж̇ж̇ад̇и. б̣рахмагааяигаанам̣, бхигкавз, д̣̇зваанам̣ габбо ааяуббамаан̣ам̣. д̇ад̇т̇а бут̇уж̇ж̇ано яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа нираяамби г̇ажчад̇и д̇иражчаанаяонимби г̇ажчад̇и бзд̇д̇ивисаяамби г̇ажчад̇и. бхаг̇авад̇о бана сааваго д̇ад̇т̇а яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа д̇асмим̣язва бхавз бариниб̣б̣ааяад̇и. аяам̣ ко , бхигкавз, висзсо аяам̣ ад̇хиббаяаасо ид̣̇ам̣ наанаагаран̣ам̣ суд̇авад̇о арияасаавагасса ассуд̇авад̇аа бут̇уж̇ж̇анзна, яад̣̇ид̣̇ам̣ г̇ад̇ияаа убабад̇д̇ияаа сад̇и.
‘‘буна жабарам̣, бхигкавз, ид̇хзгажжо буг̇г̇ало гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. со д̇ад̣̇ассаад̣̇зд̇и, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇и. д̇ад̇т̇а тид̇о д̇ад̣̇ад̇химуд̇д̇о д̇аб̣б̣ахулавихаарий абарихийно гаалам̣ гурумаано аабхассараанам̣ сяаамабод̇т̇агз бана гарун̣аад̣̇аяо д̇аяо вихаараа аабхассараад̣̇ийхи д̇ийхи висум̣ висум̣ яож̇зд̇ваа барибун̣н̣амзва д̣̇ассид̇ам̣ д̣̇зваанам̣ сахаб̣яад̇ам̣ убабаж̇ж̇ад̇и. аабхассараанам̣, бхигкавз, д̣̇зваанам̣ д̣̇вз габбаа ааяуббамаан̣ам̣…бз… субхагин̣хаанам̣ сяаамабод̇т̇агз бана гарун̣аад̣̇аяо д̇аяо вихаараа аабхассараад̣̇ийхи д̇ийхи висум̣ висум̣ яож̇зд̇ваа барибун̣н̣амзва д̣̇ассид̇ам̣ д̣̇зваанам̣ сахаб̣яад̇ам̣ убабаж̇ж̇ад̇и. субхагин̣хаанам̣, бхигкавз, д̣̇зваанам̣ жад̇д̇ааро габбаа ааяуббамаан̣ам̣…бз… взхабпалаанам̣ д̣̇зваанам̣ сахаб̣яад̇ам̣ убабаж̇ж̇ад̇и. взхабпалаанам̣, бхигкавз, д̣̇зваанам̣ бан̃жа габбасад̇аани ааяуббамаан̣ам̣. д̇ад̇т̇а бут̇уж̇ж̇ано яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа нираяамби г̇ажчад̇и д̇иражчаанаяонимби г̇ажчад̇и бзд̇д̇ивисаяамби г̇ажчад̇и. бхаг̇авад̇о бана сааваго д̇ад̇т̇а яаавад̇ааяугам̣ тад̇ваа яаавад̇агам̣ д̇зсам̣ д̣̇зваанам̣ ааяуббамаан̣ам̣ д̇ам̣ саб̣б̣ам̣ кзбзд̇ваа д̇асмим̣язва бхавз бариниб̣б̣ааяад̇и. аяам̣ ко, бхигкавз, висзсо аяам̣ ад̇хиббаяаасо ид̣̇ам̣ наанаагаран̣ам̣ суд̇авад̇о арияасаавагасса ассуд̇авад̇аа бут̇уж̇ж̇анзна, яад̣̇ид̣̇ам̣ г̇ад̇ияаа убабад̇д̇ияаа сад̇и. имз ко, бхигкавз, жад̇д̇ааро буг̇г̇алаа санд̇о сам̣виж̇ж̇амаанаа логасми’’нд̇и. бан̃жамам̣.
6. д̣̇уд̇ияамзд̇д̇аасуд̇д̇ам̣
126. ‘‘жад̇д̇ааромз , бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇ха, бхигкавз, згажжо буг̇г̇ало мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. со яад̣̇зва д̇ад̇т̇а ход̇и руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣ д̇з д̇хаммз анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о сун̃н̃ад̇о анад̇д̇ад̇о саманубассад̇и. со гааяасса бхзд̣̇аа барам̣ маран̣аа суд̣̇д̇хааваасаанам̣ д̣̇зваанам̣ сахаб̣яад̇ам̣ убабаж̇ж̇ад̇и. аяам̣, бхигкавз, убабад̇д̇и асаад̇хааран̣аа бут̇уж̇ж̇анзхи.
‘‘буна жабарам̣, бхигкавз, ид̇хзгажжо буг̇г̇ало гарун̣аа…бз… муд̣̇ид̇аа…бз… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и . со яад̣̇зва д̇ад̇т̇а ход̇и руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣ д̇з д̇хаммз анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о сун̃н̃ад̇о анад̇д̇ад̇о саманубассад̇и. со гааяасса бхзд̣̇аа барам̣ маран̣аа суд̣̇д̇хааваасаанам̣ д̣̇зваанам̣ сахаб̣яад̇ам̣ убабаж̇ж̇ад̇и. аяам̣, бхигкавз, убабад̇д̇и асаад̇хааран̣аа бут̇уж̇ж̇анзхи. имз ко, бхигкавз, жад̇д̇ааро буг̇г̇алаа санд̇о сам̣виж̇ж̇амаанаа логасми’’нд̇и. чадтам̣.
7. батамад̇ат̇ааг̇ад̇аажчарияасуд̇д̇ам̣
127. ‘‘д̇ат̇ааг̇ад̇асса , бхигкавз, арахад̇о саммаасамб̣уд̣̇д̇хасса баад̇убхааваа жад̇д̇ааро ажчарияаа аб̣бхуд̇аа д̇хаммаа аб̣бхуд̇ад̇хаммаа (сяаа. гам̣. га.) баад̇убхаванд̇и. гад̇амз жад̇д̇ааро? яад̣̇аа, бхигкавз, б̣од̇хисад̇д̇о д̇усид̇аа гааяаа жавид̇ваа сад̇о самбаж̇аано маад̇угужчим̣ оггамад̇и, ат̇а сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. яааби д̇аа логанд̇аригаа агхаа асам̣вуд̇аа анд̇хагаараа анд̇хагаарад̇имисаа яад̇т̇абимзсам̣ яад̇т̇имзсам̣ (сий. сяаа. гам̣.) жанд̣̇имасуурияаанам̣ звам̣махид̣̇д̇хигаанам̣ звам̣махаанубхааваанам̣ аабхаа наанубхонд̇и, д̇ад̇т̇аби аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. язби д̇ад̇т̇а сад̇д̇аа убабаннаа д̇зби д̇знобхаасзна ан̃н̃аман̃н̃ам̣ сан̃ж̇аананд̇и – ‘ан̃н̃зби гира, бхо, санд̇и сад̇д̇аа ид̇хуубабаннаа’д̇и. д̇ат̇ааг̇ад̇асса , бхигкавз, арахад̇о саммаасамб̣уд̣̇д̇хасса баад̇убхааваа аяам̣ батамо ажчарияо аб̣бхуд̇о д̇хаммо аб̣бхуд̇ад̇хаммо (сяаа. гам̣. га.) баад̇убхавад̇и.
‘‘буна жабарам̣, бхигкавз, яад̣̇аа б̣од̇хисад̇д̇о сад̇о самбаж̇аано маад̇угужчимхаа нигкамад̇и, ат̇а сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. яааби д̇аа логанд̇аригаа агхаа асам̣вуд̇аа анд̇хагаараа анд̇хагаарад̇имисаа яад̇т̇абимзсам̣ жанд̣̇имасуурияаанам̣ звам̣махид̣̇д̇хигаанам̣ звам̣махаанубхааваанам̣ аабхаа наанубхонд̇и, д̇ад̇т̇аби аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. язби д̇ад̇т̇а сад̇д̇аа убабаннаа д̇зби д̇знобхаасзна ан̃н̃аман̃н̃ам̣ сан̃ж̇аананд̇и – ‘ан̃н̃зби гира, бхо, санд̇и сад̇д̇аа ид̇хуубабаннаа’д̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ д̣̇уд̇ияо ажчарияо аб̣бхуд̇о д̇хаммо баад̇убхавад̇и.
‘‘буна жабарам̣, бхигкавз, яад̣̇аа д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, ат̇а сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. яааби д̇аа логанд̇аригаа агхаа асам̣вуд̇аа анд̇хагаараа анд̇хагаарад̇имисаа яад̇т̇абимзсам̣ жанд̣̇имасуурияаанам̣ звам̣махид̣̇д̇хигаанам̣ звам̣махаанубхааваанам̣ аабхаа наанубхонд̇и, д̇ад̇т̇аби аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. язби д̇ад̇т̇а сад̇д̇аа убабаннаа д̇зби д̇знобхаасзна ан̃н̃аман̃н̃ам̣ сан̃ж̇аананд̇и – ‘ан̃н̃зби гира, бхо, санд̇и сад̇д̇аа ид̇хуубабаннаа’д̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ д̇ад̇ияо ажчарияо аб̣бхуд̇о д̇хаммо баад̇убхавад̇и.
‘‘буна жабарам̣, бхигкавз, яад̣̇аа д̇ат̇ааг̇ад̇о ануд̇д̇арам̣ д̇хаммажаггам̣ бавад̇д̇зд̇и, ат̇а сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. яааби д̇аа логанд̇аригаа агхаа асам̣вуд̇аа анд̇хагаараа анд̇хагаарад̇имисаа яад̇т̇абимзсам̣ жанд̣̇имасуурияаанам̣ звам̣махид̣̇д̇хигаанам̣ звам̣махаанубхааваанам̣ аабхаа наанубхонд̇и, д̇ад̇т̇аби аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. язби д̇ад̇т̇а сад̇д̇аа убабаннаа д̇зби д̇знобхаасзна ан̃н̃аман̃н̃ам̣ сан̃ж̇аананд̇и – ‘ан̃н̃зби гира, бхо, санд̇и сад̇д̇аа ид̇хуубабаннаа’д̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ жад̇уд̇т̇о ажчарияо аб̣бхуд̇о д̇хаммо баад̇убхавад̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа имз жад̇д̇ааро ажчарияаа аб̣бхуд̇аа д̇хаммаа баад̇убхаванд̇ий’’д̇и. сад̇д̇амам̣.
8. д̣̇уд̇ияад̇ат̇ааг̇ад̇аажчарияасуд̇д̇ам̣
128. ‘‘д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа жад̇д̇ааро ажчарияаа аб̣бхуд̇аа д̇хаммаа баад̇убхаванд̇и. гад̇амз жад̇д̇ааро? аалаяаараамаа аалаяараамаа (ан̃н̃асуд̇д̇зсу), бхигкавз, баж̇аа аалаяарад̇аа аалаяасаммуд̣̇ид̇аа; саа д̇ат̇ааг̇ад̇зна анаалаяз д̇хаммз д̣̇зсияамаанз суссуусад̇и сод̇ам̣ од̣̇ахад̇и ан̃н̃аа жид̇д̇ам̣ убадтабзд̇и . д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ батамо ажчарияо аб̣бхуд̇о д̇хаммо баад̇убхавад̇и.
‘‘маанаараамаа , бхигкавз, баж̇аа маанарад̇аа маанасаммуд̣̇ид̇аа. саа д̇ат̇ааг̇ад̇зна маанавинаяз д̇хаммз д̣̇зсияамаанз суссуусад̇и сод̇ам̣ од̣̇ахад̇и ан̃н̃аа жид̇д̇ам̣ убадтабзд̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ д̣̇уд̇ияо ажчарияо аб̣бхуд̇о д̇хаммо баад̇убхавад̇и.
‘‘анубасамаараамаа, бхигкавз, баж̇аа анубасамарад̇аа анубасамасаммуд̣̇ид̇аа. саа д̇ат̇ааг̇ад̇зна обасамигз д̇хаммз д̣̇зсияамаанз суссуусад̇и сод̇ам̣ од̣̇ахад̇и ан̃н̃аа жид̇д̇ам̣ убадтабзд̇и. д̇ат̇ааг̇ад̇асса , бхигкавз, арахад̇о саммаасамб̣уд̣̇д̇хасса баад̇убхааваа аяам̣ д̇ад̇ияо ажчарияо аб̣бхуд̇о д̇хаммо баад̇убхавад̇и.
‘‘авиж̇ж̇ааг̇ад̇аа, бхигкавз, баж̇аа ан̣д̣абхууд̇аа барияонад̣̇д̇хаа. саа д̇ат̇ааг̇ад̇зна авиж̇ж̇аавинаяз д̇хаммз д̣̇зсияамаанз суссуусад̇и сод̇ам̣ од̣̇ахад̇и ан̃н̃аа жид̇д̇ам̣ убадтабзд̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ жад̇уд̇т̇о ажчарияо аб̣бхуд̇о д̇хаммо баад̇убхавад̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа имз жад̇д̇ааро ажчарияаа аб̣бхуд̇аа д̇хаммаа баад̇убхаванд̇ий’’д̇и. адтамам̣.
9. аананд̣̇аажчарияасуд̇д̇ам̣
129. ‘‘жад̇д̇ааромз, бхигкавз, ажчарияаа аб̣бхуд̇аа д̇хаммаа аананд̣̇з. гад̇амз жад̇д̇ааро? сажз, бхигкавз, бхигкубарисаа аананд̣̇ам̣ д̣̇ассанааяа убасан̇гамад̇и, д̣̇ассанзнаби саа ад̇д̇аманаа ход̇и. д̇ад̇ра жз аананд̣̇о д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, бхигкубарисаа ход̇и, ат̇а аананд̣̇о д̇ун̣хий бхавад̇и.
‘‘сажз, бхигкавз, бхигкунибарисаа аананд̣̇ам̣ д̣̇ассанааяа убасан̇гамад̇и, д̣̇ассанзнаби саа ад̇д̇аманаа ход̇и. д̇ад̇т̇а жз аананд̣̇о д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, бхигкунибарисаа ход̇и, ат̇а аананд̣̇о д̇ун̣хий бхавад̇и.
‘‘сажз, бхигкавз, убаасагабарисаа аананд̣̇ам̣ д̣̇ассанааяа убасан̇гамад̇и, д̣̇ассанзнаби саа ад̇д̇аманаа ход̇и. д̇ад̇ра жз аананд̣̇о д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, убаасагабарисаа ход̇и, ат̇а аананд̣̇о д̇ун̣хий бхавад̇и.
‘‘сажз, бхигкавз, убаасигаабарисаа аананд̣̇ам̣ д̣̇ассанааяа убасан̇гамад̇и, д̣̇ассанзнаби саа ад̇д̇аманаа ход̇и. д̇ад̇ра жз аананд̣̇о д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, убаасигаабарисаа ход̇и, ат̇а аананд̣̇о д̇ун̣хий бхавад̇и. имз ко, бхигкавз, жад̇д̇ааро ажчарияаа аб̣бхуд̇аа д̇хаммаа аананд̣̇з’’д̇и. навамам̣.
10. жаггавад̇д̇иажчарияасуд̇д̇ам̣
130. ‘‘жад̇д̇ааромз , бхигкавз, ажчарияаа аб̣бхуд̇аа д̇хаммаа ран̃н̃з жаггавад̇д̇имхи. гад̇амз жад̇д̇ааро? сажз, бхигкавз, кад̇д̇ияабарисаа рааж̇аанам̣ жаггавад̇д̇им̣ д̣̇ассанааяа убасан̇гамад̇и, д̣̇ассанзнаби саа ад̇д̇аманаа ход̇и. д̇ад̇ра жз рааж̇аа жаггавад̇д̇ий бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, кад̇д̇ияабарисаа ход̇и, ат̇а рааж̇аа жаггавад̇д̇ий д̇ун̣хий бхавад̇и.
‘‘сажз, бхигкавз, б̣раахман̣абарисаа рааж̇аанам̣ жаггавад̇д̇им̣ д̣̇ассанааяа убасан̇гамад̇и, д̣̇ассанзнаби саа ад̇д̇аманаа ход̇и. д̇ад̇ра жз рааж̇аа жаггавад̇д̇ий бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, б̣раахман̣абарисаа ход̇и, ат̇а рааж̇аа жаггавад̇д̇ий д̇ун̣хий бхавад̇и.
‘‘сажз, бхигкавз, г̇ахабад̇ибарисаа рааж̇аанам̣ жаггавад̇д̇им̣ д̣̇ассанааяа убасан̇гамад̇и, д̣̇ассанзнаби саа ад̇д̇аманаа ход̇и. д̇ад̇ра жз рааж̇аа жаггавад̇д̇ий бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, г̇ахабад̇ибарисаа ход̇и, ат̇а рааж̇аа жаггавад̇д̇ий д̇ун̣хий бхавад̇и.
‘‘сажз, бхигкавз, саман̣абарисаа рааж̇аанам̣ жаггавад̇д̇им̣ д̣̇ассанааяа убасан̇гамад̇и, д̣̇ассанзнаби саа ад̇д̇аманаа ход̇и. д̇ад̇ра жз рааж̇аа жаггавад̇д̇ий бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, саман̣абарисаа ход̇и, ат̇а рааж̇аа жаггавад̇д̇ий д̇ун̣хий бхавад̇и. имз ко, бхигкавз, жад̇д̇ааро ажчарияаа аб̣бхуд̇аа д̇хаммаа ран̃н̃з жаггавад̇д̇имхи.
‘‘звамзвам̣ ко, бхигкавз, жад̇д̇ааро жад̇д̇ааромз (га.) ажчарияаа аб̣бхуд̇аа д̇хаммаа аананд̣̇з. гад̇амз жад̇д̇ааро? сажз, бхигкавз, бхигкубарисаа аананд̣̇ам̣ д̣̇ассанааяа убасан̇гамад̇и, д̣̇ассанзнаби саа ад̇д̇аманаа ход̇и. д̇ад̇ра жз аананд̣̇о д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, бхигкубарисаа ход̇и, ат̇а аананд̣̇о д̇ун̣хий бхавад̇и.
‘‘сажз, бхигкавз, бхигкунибарисаа…бз… сажз, бхигкавз, убаасагабарисаа…бз… сажз , бхигкавз, убаасигаабарисаа аананд̣̇ам̣ д̣̇ассанааяа убасан̇гамад̇и, д̣̇ассанзнаби саа ад̇д̇аманаа ход̇и. д̇ад̇ра жз аананд̣̇о д̇хаммам̣ бхаасад̇и, бхаасид̇знаби саа ад̇д̇аманаа ход̇и. ад̇ид̇д̇аава, бхигкавз, убаасигаабарисаа ход̇и, ат̇а аананд̣̇о д̇ун̣хий бхавад̇и. имз ко, бхигкавз, жад̇д̇ааро ажчарияаа аб̣бхуд̇аа д̇хаммаа аананд̣̇з’’д̇и. д̣̇асамам̣.
бхаяаваг̇г̇о д̇ад̇ияо.
д̇ассуд̣̇д̣̇аанам̣ –
ад̇д̇аануваад̣̇аууми жа, д̣̇вз жа наанаа д̣̇вз жа хонд̇и;
мзд̇д̇аа д̣̇вз жа ажчарияаа, абараа жа д̇ат̇аа д̣̇увзд̇и.