(19) 4. б̣раахман̣аваг̇г̇о
1. яод̇хааж̇ийвасуд̇д̇ам̣
181. ‘‘жад̇уухи , бхигкавз, ан̇г̇зхи саманнааг̇ад̇о яод̇хааж̇ийво рааж̇аарахо ход̇и рааж̇абхог̇г̇о, ран̃н̃о ан̇г̇анд̇зва сан̇кам̣ г̇ажчад̇и. гад̇амзхи жад̇уухи? ид̇ха, бхигкавз, яод̇хааж̇ийво таанагусало жа ход̇и, д̣̇уурзбаад̇ий жа, агкан̣авзд̇хий жа, махад̇о жа гааяасса бад̣̇аалзд̇аа. имзхи ко, бхигкавз, жад̇уухи ан̇г̇зхи саманнааг̇ад̇о яод̇хааж̇ийво рааж̇аарахо ход̇и рааж̇абхог̇г̇о, ран̃н̃о ан̇г̇анд̇зва сан̇кам̣ г̇ажчад̇и. звамзвам̣ ко, бхигкавз, жад̇уухи д̇хаммзхи саманнааг̇ад̇о бхигку аахунзяяо ход̇и баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логасса. гад̇амзхи жад̇уухи? ид̇ха, бхигкавз, бхигку таанагусало жа ход̇и, д̣̇уурзбаад̇ий жа, агкан̣авзд̇хий жа, махад̇о жа гааяасса бад̣̇аалзд̇аа.
‘‘гат̇ан̃жа, бхигкавз, бхигку таанагусало ход̇и? ид̇ха, бхигкавз, бхигку сийлаваа ход̇и…бз… самаад̣̇ааяа сигкад̇и сигкаабад̣̇зсу. звам̣ ко, бхигкавз, бхигку таанагусало ход̇и.
‘‘гат̇ан̃жа, бхигкавз, бхигку д̣̇уурзбаад̇ий ход̇и? ид̇ха, бхигкавз , бхигку яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ руубам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. яаа гаажи взд̣̇анаа…бз… яаа гаажи сан̃н̃аа… яз гзжи сан̇каараа… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа , саб̣б̣ам̣ вин̃н̃аан̣ам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. звам̣ ко, бхигкавз, бхигку д̣̇уурзбаад̇ий ход̇и.
‘‘гат̇ан̃жа , бхигкавз, бхигку агкан̣авзд̇хий ход̇и? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. звам̣ ко, бхигкавз, бхигку агкан̣авзд̇хий ход̇и.
‘‘гат̇ан̃жа, бхигкавз, бхигку махад̇о гааяасса бад̣̇аалзд̇аа ход̇и? ид̇ха, бхигкавз, бхигку маханд̇ам̣ авиж̇ж̇аагканд̇хам̣ бад̣̇аалзд̇аа. звам̣ ко, бхигкавз, бхигку махад̇о гааяасса бад̣̇аалзд̇аа ход̇и. имзхи ко, бхигкавз, жад̇уухи д̇хаммзхи саманнааг̇ад̇о бхигку аахунзяяо ход̇и…бз… ануд̇д̇арам̣ бун̃н̃агкзд̇д̇ам̣ логассаа’’д̇и. батамам̣.
2. баадибхог̇асуд̇д̇ам̣
182. гат̇аа. 624 ‘‘жад̇уннам̣ , бхигкавз, д̇хаммаанам̣ над̇т̇и гожи баадибхог̇о – саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣.
‘‘гад̇амзсам̣ жад̇уннам̣? ‘ж̇араад̇хаммам̣ маа ж̇ийрий’д̇и над̇т̇и гожи баадибхог̇о – саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣; ‘б̣яаад̇хид̇хаммам̣ маа б̣яаад̇хияий’д̇и над̇т̇и гожи баадибхог̇о – саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣; ‘маран̣ад̇хаммам̣ маа мийяий’д̇и над̇т̇и гожи баадибхог̇о – саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣; ‘яаани ко бана д̇аани буб̣б̣з ад̇д̇анаа гад̇аани баабагаани гаммаани сам̣гилзсигаани бонобхавигаани сад̣̇араани д̣̇угкавибаагаани ааяад̇им̣ ж̇аад̇иж̇араамаран̣игаани, д̇зсам̣ вибааго маа ниб̣б̣ад̇д̇ий’д̇и над̇т̇и гожи баадибхог̇о – саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасмим̣.
‘‘имзсам̣ ко, бхигкавз, жад̇уннам̣ д̇хаммаанам̣ над̇т̇и гожи баадибхог̇о – саман̣о ваа б̣раахман̣о ваа д̣̇зво ваа мааро ваа б̣рахмаа ваа гожи ваа логасми’’нд̇и. д̣̇уд̇ияам̣.
3. суд̇асуд̇д̇ам̣
183. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇а ко вассагааро б̣раахман̣о маг̇ад̇хамахаамад̇д̇о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко вассагааро б̣раахман̣о маг̇ад̇хамахаамад̇д̇о бхаг̇аванд̇ам̣ зд̇ад̣̇авожа –
‘‘ахан̃хи, бхо г̇од̇ама, звам̣ваад̣̇ий звам̣д̣̇идти звам̣д̣̇идтий (саб̣б̣ад̇т̇а) – ‘яо гожи д̣̇идтам̣ бхаасад̇и – звам̣ мз д̣̇идтанд̇и, над̇т̇и д̇ад̇о д̣̇осо; яо гожи суд̇ам̣ бхаасад̇и – звам̣ мз суд̇анд̇и, над̇т̇и д̇ад̇о д̣̇осо; яо гожи муд̇ам̣ бхаасад̇и – звам̣ мз муд̇анд̇и, над̇т̇и д̇ад̇о д̣̇осо; яо гожи вин̃н̃аад̇ам̣ бхаасад̇и – звам̣ мз вин̃н̃аад̇анд̇и, над̇т̇и д̇ад̇о д̣̇осо’’’д̇и.
‘‘наахам̣, б̣раахман̣а, саб̣б̣ам̣ д̣̇идтам̣ бхаасид̇аб̣б̣анд̇и вад̣̇аами; на банаахам̣, б̣раахман̣а, саб̣б̣ам̣ д̣̇идтам̣ на бхаасид̇аб̣б̣анд̇и вад̣̇аами; наахам̣, б̣раахман̣а, саб̣б̣ам̣ суд̇ам̣ бхаасид̇аб̣б̣анд̇и вад̣̇аами; на банаахам̣, б̣раахман̣а, саб̣б̣ам̣ суд̇ам̣ на бхаасид̇аб̣б̣анд̇и вад̣̇аами; наахам̣, б̣раахман̣а, саб̣б̣ам̣ муд̇ам̣ бхаасид̇аб̣б̣анд̇и вад̣̇аами; на банаахам̣, б̣раахман̣а, саб̣б̣ам̣ муд̇ам̣ на бхаасид̇аб̣б̣анд̇и вад̣̇аами; наахам̣, б̣раахман̣а, саб̣б̣ам̣ вин̃н̃аад̇ам̣ бхаасид̇аб̣б̣анд̇и вад̣̇аами; на банаахам̣, б̣раахман̣а, саб̣б̣ам̣ вин̃н̃аад̇ам̣ на бхаасид̇аб̣б̣анд̇и вад̣̇аами.
‘‘яан̃хи, б̣раахман̣а, д̣̇идтам̣ бхаасад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и, зваруубам̣ д̣̇идтам̣ на бхаасид̇аб̣б̣анд̇и вад̣̇аами. яан̃жа квасса, б̣раахман̣а, д̣̇идтам̣ абхаасад̇о гусалаа д̇хаммаа барихааяанд̇и, агусалаа д̇хаммаа абхивад̣дханд̇и, зваруубам̣ д̣̇идтам̣ бхаасид̇аб̣б̣анд̇и вад̣̇аами.
‘‘яан̃хи, б̣раахман̣а, суд̇ам̣ бхаасад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и , зваруубам̣ суд̇ам̣ на бхаасид̇аб̣б̣анд̇и вад̣̇аами. яан̃жа квасса, б̣раахман̣а, суд̇ам̣ абхаасад̇о гусалаа д̇хаммаа барихааяанд̇и, агусалаа д̇хаммаа абхивад̣дханд̇и, зваруубам̣ суд̇ам̣ бхаасид̇аб̣б̣анд̇и вад̣̇аами.
‘‘яан̃хи, б̣раахман̣а, муд̇ам̣ бхаасад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и, зваруубам̣ муд̇ам̣ на бхаасид̇аб̣б̣анд̇и вад̣̇аами. яан̃жа квасса, б̣раахман̣а, муд̇ам̣ абхаасад̇о гусалаа д̇хаммаа барихааяанд̇и, агусалаа д̇хаммаа абхивад̣дханд̇и, зваруубам̣ муд̇ам̣ бхаасид̇аб̣б̣анд̇и вад̣̇аами .
‘‘яан̃хи , б̣раахман̣а, вин̃н̃аад̇ам̣ бхаасад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и, зваруубам̣ вин̃н̃аад̇ам̣ на бхаасид̇аб̣б̣анд̇и вад̣̇аами. яан̃жа квасса, б̣раахман̣а, вин̃н̃аад̇ам̣ абхаасад̇о гусалаа д̇хаммаа барихааяанд̇и, агусалаа д̇хаммаа абхивад̣дханд̇и, зваруубам̣ вин̃н̃аад̇ам̣ бхаасид̇аб̣б̣анд̇и вад̣̇аамий’’д̇и.
ат̇а ко вассагааро б̣раахман̣о маг̇ад̇хамахаамад̇д̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа баггаамийд̇и. д̇ад̇ияам̣.
4. абхаяасуд̇д̇ам̣
184. ат̇а ко ж̇аан̣уссон̣и б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ж̇аан̣уссон̣и б̣раахман̣о бхаг̇аванд̇ам̣ зд̇ад̣̇авожа –
‘‘ахан̃хи, бхо г̇од̇ама, звам̣ваад̣̇ий звам̣д̣̇идти – ‘над̇т̇и яо маран̣ад̇хаммо самаано на бхааяад̇и, на санд̇аасам̣ аабаж̇ж̇ад̇и маран̣ассаа’’’д̇и. ‘‘ад̇т̇и, б̣раахман̣а, маран̣ад̇хаммо самаано бхааяад̇и, санд̇аасам̣ аабаж̇ж̇ад̇и маран̣асса; ад̇т̇и бана, б̣раахман̣а, маран̣ад̇хаммо самаано на бхааяад̇и, на санд̇аасам̣ аабаж̇ж̇ад̇и маран̣асса.
‘‘гад̇амо жа, б̣раахман̣а, маран̣ад̇хаммо самаано бхааяад̇и, санд̇аасам̣ аабаж̇ж̇ад̇и маран̣асса? ид̇ха, б̣раахман̣а, згажжо гаамзсу авийд̇арааг̇о ход̇и авиг̇ад̇ажчанд̣̇о авиг̇ад̇абзмо авиг̇ад̇абибаасо авиг̇ад̇абарил̣аахо авиг̇ад̇ад̇ан̣хо. д̇амзнам̣ ан̃н̃ад̇аро г̇аал̣хо рог̇аад̇ан̇го пусад̇и. д̇асса ан̃н̃ад̇арзна г̇аал̣хзна рог̇аад̇ан̇гзна пудтасса звам̣ ход̇и – ‘бияаа вад̇а мам̣ гаамаа ж̇ахиссанд̇и, бияз жаахам̣ гаамз ж̇ахиссаамий’д̇и. со сожад̇и гиламад̇и барид̣̇звад̇и, урад̇д̇аал̣им̣ ганд̣̇ад̇и, саммохам̣ аабаж̇ж̇ад̇и. аяам̣ ко, б̣раахман̣а, маран̣ад̇хаммо самаано бхааяад̇и, санд̇аасам̣ аабаж̇ж̇ад̇и маран̣асса.
‘‘буна жабарам̣, б̣раахман̣а, ид̇хзгажжо гааяз авийд̇арааг̇о ход̇и авиг̇ад̇ажчанд̣̇о авиг̇ад̇абзмо авиг̇ад̇абибаасо авиг̇ад̇абарил̣аахо авиг̇ад̇ад̇ан̣хо. д̇амзнам̣ ан̃н̃ад̇аро г̇аал̣хо рог̇аад̇ан̇го пусад̇и. д̇асса ан̃н̃ад̇арзна г̇аал̣хзна рог̇аад̇ан̇гзна пудтасса звам̣ ход̇и – ‘бияо вад̇а мам̣ гааяо ж̇ахиссад̇и, бияан̃жаахам̣ гааяам̣ ж̇ахиссаамий’д̇и. со сожад̇и гиламад̇и барид̣̇звад̇и, урад̇д̇аал̣им̣ ганд̣̇ад̇и, саммохам̣ аабаж̇ж̇ад̇и. аяамби ко, б̣раахман̣а, маран̣ад̇хаммо самаано бхааяад̇и, санд̇аасам̣ аабаж̇ж̇ад̇и маран̣асса.
‘‘буна жабарам̣, б̣раахман̣а, ид̇хзгажжо агад̇агаляаан̣о ход̇и агад̇агусало агад̇абхийруд̇д̇аан̣о гад̇абаабо гад̇алуд̣̇д̣̇о гад̇агиб̣б̣исо. д̇амзнам̣ ан̃н̃ад̇аро г̇аал̣хо рог̇аад̇ан̇го пусад̇и. д̇асса ан̃н̃ад̇арзна г̇аал̣хзна рог̇аад̇ан̇гзна пудтасса звам̣ ход̇и – ‘агад̇ам̣ вад̇а мз галяаан̣ам̣, агад̇ам̣ гусалам̣, агад̇ам̣ бхийруд̇д̇аан̣ам̣; гад̇ам̣ баабам̣, гад̇ам̣ луд̣̇д̣̇ам̣, гад̇ам̣ гиб̣б̣исам̣. яаавад̇аа, бхо, агад̇агаляаан̣аанам̣ агад̇агусалаанам̣ агад̇абхийруд̇д̇аан̣аанам̣ гад̇абаабаанам̣ гад̇алуд̣̇д̣̇аанам̣ гад̇агиб̣б̣исаанам̣ г̇ад̇и д̇ам̣ г̇ад̇им̣ бзжжа г̇ажчаамий’д̇и. со сожад̇и гиламад̇и барид̣̇звад̇и, урад̇д̇аал̣им̣ ганд̣̇ад̇и, саммохам̣ аабаж̇ж̇ад̇и. аяамби ко, б̣раахман̣а, маран̣ад̇хаммо самаано бхааяад̇и, санд̇аасам̣ аабаж̇ж̇ад̇и маран̣асса.
‘‘буна жабарам̣, б̣раахман̣а, ид̇хзгажжо ган̇кий ход̇и вижигижчий анидтан̇г̇ад̇о сад̣̇д̇хаммз. д̇амзнам̣ ан̃н̃ад̇аро г̇аал̣хо рог̇аад̇ан̇го пусад̇и. д̇асса ан̃н̃ад̇арзна г̇аал̣хзна рог̇аад̇ан̇гзна пудтасса звам̣ ход̇и – ‘ган̇кий вад̇амхи вижигижчий анидтан̇г̇ад̇о сад̣̇д̇хаммз’д̇и. со сожад̇и гиламад̇и барид̣̇звад̇и, урад̇д̇аал̣им̣ ганд̣̇ад̇и, саммохам̣ аабаж̇ж̇ад̇и. аяамби ко, б̣раахман̣а, маран̣ад̇хаммо самаано бхааяад̇и, санд̇аасам̣ аабаж̇ж̇ад̇и маран̣асса. имз ко, б̣раахман̣а, жад̇д̇ааро маран̣ад̇хаммаа самаанаа бхааяанд̇и, санд̇аасам̣ аабаж̇ж̇анд̇и маран̣асса.
‘‘гад̇амо жа, б̣раахман̣а, маран̣ад̇хаммо самаано на бхааяад̇и, на санд̇аасам̣ аабаж̇ж̇ад̇и маран̣асса? ид̇ха, б̣раахман̣а, згажжо гаамзсу вийд̇арааг̇о ход̇и виг̇ад̇ажчанд̣̇о виг̇ад̇абзмо виг̇ад̇абибаасо виг̇ад̇абарил̣аахо виг̇ад̇ад̇ан̣хо. д̇амзнам̣ ан̃н̃ад̇аро г̇аал̣хо рог̇аад̇ан̇го пусад̇и. д̇асса ан̃н̃ад̇арзна г̇аал̣хзна рог̇аад̇ан̇гзна пудтасса на звам̣ ход̇и – ‘бияаа вад̇а мам̣ гаамаа ж̇ахиссанд̇и, бияз жаахам̣ гаамз ж̇ахиссаамий’д̇и. со на сожад̇и на гиламад̇и на барид̣̇звад̇и, на урад̇д̇аал̣им̣ ганд̣̇ад̇и, на саммохам̣ аабаж̇ж̇ад̇и. аяам̣ ко, б̣раахман̣а, маран̣ад̇хаммо самаано на бхааяад̇и, на санд̇аасам̣ аабаж̇ж̇ад̇и маран̣асса.
‘‘буна жабарам̣, б̣раахман̣а, ид̇хзгажжо гааяз вийд̇арааг̇о ход̇и виг̇ад̇ажчанд̣̇о виг̇ад̇абзмо виг̇ад̇абибаасо виг̇ад̇абарил̣аахо виг̇ад̇ад̇ан̣хо. д̇амзнам̣ ан̃н̃ад̇аро г̇аал̣хо рог̇аад̇ан̇го пусад̇и. д̇асса ан̃н̃ад̇арзна г̇аал̣хзна рог̇аад̇ан̇гзна пудтасса на звам̣ ход̇и – ‘бияо вад̇а мам̣ гааяо ж̇ахиссад̇и, бияан̃жаахам̣ гааяам̣ ж̇ахиссаамий’д̇и. со на сожад̇и на гиламад̇и на барид̣̇звад̇и, на урад̇д̇аал̣им̣ ганд̣̇ад̇и, на саммохам̣ аабаж̇ж̇ад̇и. аяамби ко, б̣раахман̣а, маран̣ад̇хаммо самаано на бхааяад̇и, на санд̇аасам̣ аабаж̇ж̇ад̇и маран̣асса.
‘‘буна жабарам̣, б̣раахман̣а, ид̇хзгажжо агад̇абаабо ход̇и агад̇алуд̣̇д̣̇о агад̇агиб̣б̣исо гад̇агаляаан̣о гад̇агусало гад̇абхийруд̇д̇аан̣о. д̇амзнам̣ ан̃н̃ад̇аро г̇аал̣хо рог̇аад̇ан̇го пусад̇и. д̇асса ан̃н̃ад̇арзна г̇аал̣хзна рог̇аад̇ан̇гзна пудтасса звам̣ ход̇и – ‘агад̇ам̣ вад̇а мз баабам̣, агад̇ам̣ луд̣̇д̣̇ам̣, агад̇ам̣ гиб̣б̣исам̣; гад̇ам̣ галяаан̣ам̣, гад̇ам̣ гусалам̣, гад̇ам̣ бхийруд̇д̇аан̣ам̣. яаавад̇аа, бхо, агад̇абаабаанам̣ агад̇алуд̣̇д̣̇аанам̣ агад̇агиб̣б̣исаанам̣ гад̇агаляаан̣аанам̣ гад̇агусалаанам̣ гад̇абхийруд̇д̇аан̣аанам̣ г̇ад̇и д̇ам̣ г̇ад̇им̣ бзжжа г̇ажчаамий’д̇и. со на сожад̇и на гиламад̇и на барид̣̇звад̇и, на урад̇д̇аал̣им̣ ганд̣̇ад̇и, на саммохам̣ аабаж̇ж̇ад̇и. аяамби ко, б̣раахман̣а, маран̣ад̇хаммо самаано на бхааяад̇и, на санд̇аасам̣ аабаж̇ж̇ад̇и маран̣асса.
‘‘буна жабарам̣, б̣раахман̣а, ид̇хзгажжо аган̇кий ход̇и авижигижчий нидтан̇г̇ад̇о сад̣̇д̇хаммз. д̇амзнам̣ ан̃н̃ад̇аро г̇аал̣хо рог̇аад̇ан̇го пусад̇и. д̇асса ан̃н̃ад̇арзна г̇аал̣хзна рог̇аад̇ан̇гзна пудтасса звам̣ ход̇и – ‘аган̇кий вад̇амхи авижигижчий нидтан̇г̇ад̇о сад̣̇д̇хаммз’д̇и. со на сожад̇и на гиламад̇и на барид̣̇звад̇и, на урад̇д̇аал̣им̣ ганд̣̇ад̇и, на саммохам̣ аабаж̇ж̇ад̇и. аяамби ко, б̣раахман̣а, маран̣ад̇хаммо самаано на бхааяад̇и, на санд̇аасам̣ аабаж̇ж̇ад̇и маран̣асса. имз ко, б̣раахман̣а, жад̇д̇ааро маран̣ад̇хаммаа самаанаа на бхааяанд̇и, на санд̇аасам̣ аабаж̇ж̇анд̇и маран̣ассаа’’д̇и.
‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. жад̇уд̇т̇ам̣.
5. б̣раахман̣асажжасуд̇д̇ам̣
185. згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. д̇зна ко бана самаязна самб̣ахулаа абхин̃н̃аад̇аа абхин̃н̃аад̇аа бариб̣б̣ааж̇агаа сиббинигаад̇ийрз бариб̣б̣ааж̇агаараамз бадивасанд̇и, сзяяат̇ид̣̇ам̣ аннабхааро варад̇харо сагулуд̣̇ааяий жа бариб̣б̣ааж̇аго ан̃н̃з жа абхин̃н̃аад̇аа абхин̃н̃аад̇аа бариб̣б̣ааж̇агаа. ат̇а ко бхаг̇аваа сааяанхасамаяам̣ бадисаллаанаа вудтид̇о язна сиббинигаад̇ийрз бариб̣б̣ааж̇агаараамо д̇знубасан̇гами.
д̇зна ко бана самаязна д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ саннисиннаанам̣ саннибад̇ид̇аанам̣ аяаманд̇араа гат̇аа уд̣̇абаад̣̇и – ‘‘ид̇иби б̣раахман̣асажжаани, ид̇иби б̣раахман̣асажжааний’’д̇и. ат̇а ко бхаг̇аваа язна д̇з бариб̣б̣ааж̇агаа д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа д̇з бариб̣б̣ааж̇агз зд̇ад̣̇авожа –
‘‘гааяа нуд̇т̇а, бариб̣б̣ааж̇агаа, зд̇арахи гат̇ааяа саннисиннаа, гаа жа бана во анд̇араагат̇аа виббагад̇аа’’д̇и? ‘‘ид̇ха, бхо г̇од̇ама, амхаагам̣ саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘ид̇иби б̣раахман̣асажжаани, ид̇иби б̣раахман̣асажжааний’’’д̇и.
‘‘жад̇д̇ааримаани, бариб̣б̣ааж̇агаа, б̣раахман̣асажжаани маяаа саяам̣ абхин̃н̃аа сажчигад̇ваа бавзд̣̇ид̇аани. гад̇амаани жад̇д̇аари? ид̇ха, бариб̣б̣ааж̇агаа, б̣раахман̣о звамааха – ‘саб̣б̣з баан̣аа аваж̇жхаа’д̇и . ид̇и вад̣̇ам̣ б̣раахман̣о сажжам̣ ааха, но мусаа. со д̇зна на саман̣од̇и ман̃н̃ад̇и, на б̣раахман̣од̇и ман̃н̃ад̇и, на сзяяохамасмийд̇и ман̃н̃ад̇и, на сад̣̇исохамасмийд̇и ман̃н̃ад̇и, на хийнохамасмийд̇и ман̃н̃ад̇и. аби жа яад̣̇зва д̇ад̇т̇а сажжам̣ д̇ад̣̇абхин̃н̃ааяа баан̣аанам̣язва ануд̣̇д̣̇аяааяа д̇ад̣̇абхин̃н̃ааяа ануд̣̇аяааяа (га.) анугамбааяа бадибанно ход̇и.
‘‘буна жабарам̣, бариб̣б̣ааж̇агаа, б̣раахман̣о звамааха – ‘саб̣б̣з гаамаа анижжаа д̣̇угкаа вибарин̣аамад̇хаммаа’д̇и. ид̇и вад̣̇ам̣ б̣раахман̣о сажжамааха, но мусаа. со д̇зна на саман̣од̇и ман̃н̃ад̇и, на б̣раахман̣од̇и ман̃н̃ад̇и, на сзяяохамасмийд̇и ман̃н̃ад̇и, на сад̣̇исохамасмийд̇и ман̃н̃ад̇и, на хийнохамасмийд̇и ман̃н̃ад̇и. аби жа яад̣̇зва д̇ад̇т̇а сажжам̣ д̇ад̣̇абхин̃н̃ааяа гаамаанам̣язва ниб̣б̣ид̣̇ааяа вирааг̇ааяа нирод̇хааяа бадибанно ход̇и.
‘‘буна жабарам̣, бариб̣б̣ааж̇агаа, б̣раахман̣о звамааха – ‘саб̣б̣з бхаваа анижжаа…бз… бхаваанам̣язва ниб̣б̣ид̣̇ааяа вирааг̇ааяа нирод̇хааяа бадибанно ход̇и.
‘‘буна жабарам̣, бариб̣б̣ааж̇агаа, б̣раахман̣о звамааха – ‘наахам̣ гважани гважана (сий. сяаа.) гассажи гин̃жанад̇асмим̣ на жа мама гважани гад̇т̇ажи гин̃жанад̇ад̇т̇ий’д̇и. ид̇и вад̣̇ам̣ б̣раахман̣о сажжам̣ ааха, но мусаа. со д̇зна на саман̣од̇и ман̃н̃ад̇и, на б̣раахман̣од̇и ман̃н̃ад̇и, на сзяяохамасмийд̇и ман̃н̃ад̇и, на сад̣̇исохамасмийд̇и ман̃н̃ад̇и, на хийнохамасмийд̇и ман̃н̃ад̇и. аби жа яад̣̇зва д̇ад̇т̇а сажжам̣ д̇ад̣̇абхин̃н̃ааяа аагин̃жан̃н̃ам̣язва бадибад̣̇ам̣ бадибанно ход̇и. имаани ко, бариб̣б̣ааж̇агаа, жад̇д̇аари б̣раахман̣асажжаани маяаа саяам̣ абхин̃н̃аа сажчигад̇ваа бавзд̣̇ид̇ааний’’д̇и. бан̃жамам̣.
6. уммаг̇г̇асуд̇д̇ам̣
186. ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘гзна ну ко, бханд̇з, лого нийяад̇и, гзна лого баригассад̇и, гасса жа уббаннасса васам̣ г̇ажчад̇ий’’д̇и?
‘‘саад̇ху саад̇ху, бхигку! бхад̣̇д̣̇аго ко д̇з, бхигку, уммаг̇г̇о умман̇г̇о (сяаа. га.), бхад̣̇д̣̇агам̣ бадибхаанам̣, галяаан̣ий галяаан̣аа (га.) барибужчаа. зван̃хи д̇вам̣, бхигку, бужчаси – ‘гзна ну ко, бханд̇з, лого нийяад̇и, гзна лого баригассад̇и, гасса жа уббаннасса васам̣ г̇ажчад̇ий’’’д̇и? ‘‘звам̣, бханд̇з’’. ‘‘жид̇д̇зна ко, бхигку, лого нийяад̇и, жид̇д̇зна баригассад̇и, жид̇д̇асса уббаннасса васам̣ г̇ажчад̇ий’’д̇и.
‘‘саад̇ху , бханд̇з’’д̇и ко со бхигку бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ уд̇д̇ари бан̃хам̣ абужчи – ‘‘‘б̣ахуссуд̇о д̇хаммад̇харо, б̣ахуссуд̇о д̇хаммад̇харо’д̇и, бханд̇з, вужжад̇и. гид̇д̇аавад̇аа ну ко, бханд̇з, б̣ахуссуд̇о д̇хаммад̇харо ход̇ий’’д̇и?
‘‘саад̇ху саад̇ху, бхигку! бхад̣̇д̣̇аго ко д̇з, бхигку уммаг̇г̇о, бхад̣̇д̣̇агам̣ бадибхаанам̣, галяаан̣ий барибужчаа. зван̃хи д̇вам̣, бхигку, бужчаси – ‘б̣ахуссуд̇о д̇хаммад̇харо, б̣ахуссуд̇о д̇хаммад̇харод̇и, бханд̇з, вужжад̇и. гид̇д̇аавад̇аа ну ко, бханд̇з, б̣ахуссуд̇о д̇хаммад̇харо ход̇ий’’’д̇и? ‘‘звам̣, бханд̇з’’. ‘‘б̣ахуу ко, бхигку, маяаа д̇хаммаа д̣̇зсид̇аа б̣аху ко бхигку маяаа д̇хаммо д̣̇зсид̇о (га.) – суд̇д̇ам̣, г̇зяяам̣, взяяаагаран̣ам̣, г̇аат̇аа, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. жад̇уббад̣̇ааяа жзби, бхигку, г̇аат̇ааяа ад̇т̇аман̃н̃ааяа д̇хаммаман̃н̃ааяа д̇хаммаануд̇хаммаббадибанно ход̇и б̣ахуссуд̇о д̇хаммад̇харод̇и алам̣ важанааяаа’’д̇и.
‘‘саад̇ху, бханд̇з’’д̇и ко со бхигку бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ уд̇д̇ари бан̃хам̣ абужчи – ‘‘‘суд̇аваа ниб̣б̣зд̇хигабан̃н̃о, суд̇аваа ниб̣б̣зд̇хигабан̃н̃о’д̇и, бханд̇з, вужжад̇и. гид̇д̇аавад̇аа ну ко, бханд̇з, суд̇аваа ниб̣б̣зд̇хигабан̃н̃о ход̇ий’’д̇и?
‘‘саад̇ху саад̇ху, бхигку! бхад̣̇д̣̇аго ко д̇з, бхигку, уммаг̇г̇о, бхад̣̇д̣̇агам̣ бадибхаанам̣, галяаан̣ий барибужчаа. зван̃хи д̇вам̣, бхигку, бужчаси – ‘суд̇аваа ниб̣б̣зд̇хигабан̃н̃о, суд̇аваа ниб̣б̣зд̇хигабан̃н̃од̇и, бханд̇з, вужжад̇и. гид̇д̇аавад̇аа ну ко, бханд̇з, суд̇аваа ниб̣б̣зд̇хигабан̃н̃о ход̇ий’’’д̇и? ‘‘звам̣, бханд̇з’’. ‘‘ид̇ха, бхигку, бхигкуно ‘ид̣̇ам̣ д̣̇угка’нд̇и суд̇ам̣ ход̇и, бан̃н̃ааяа жасса ад̇т̇ам̣ ад̇ивиж̇жха бассад̇и; ‘аяам̣ д̣̇угкасамуд̣̇аяо’д̇и суд̇ам̣ ход̇и, бан̃н̃ааяа жасса ад̇т̇ам̣ ад̇ивиж̇жха бассад̇и; ‘аяам̣ д̣̇угканирод̇хо’д̇и суд̇ам̣ ход̇и, бан̃н̃ааяа жасса ад̇т̇ам̣ ад̇ивиж̇жха бассад̇и; ‘аяам̣ д̣̇угканирод̇хаг̇ааминий бадибад̣̇аа’д̇и суд̇ам̣ ход̇и, бан̃н̃ааяа жасса ад̇т̇ам̣ ад̇ивиж̇жха бассад̇и. звам̣ ко, бхигку, суд̇аваа ниб̣б̣зд̇хигабан̃н̃о ход̇ий’’д̇и.
‘‘саад̇ху, бханд̇з’’д̇и ко со бхигку бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ уд̇д̇ари бан̃хам̣ абужчи – ‘‘‘бан̣д̣ид̇о махаабан̃н̃о, бан̣д̣ид̇о махаабан̃н̃о’д̇и, бханд̇з, вужжад̇и. гид̇д̇аавад̇аа ну ко, бханд̇з, бан̣д̣ид̇о махаабан̃н̃о ход̇ий’’д̇и?
‘‘саад̇ху саад̇ху бхигку! бхад̣̇д̣̇аго ко д̇з, бхигку, уммаг̇г̇о, бхад̣̇д̣̇агам̣ бадибхаанам̣, галяаан̣ий барибужчаа. зван̃хи д̇вам̣ бхигку бужчаси – ‘бан̣д̣ид̇о махаабан̃н̃о, бан̣д̣ид̇о махаабан̃н̃од̇и , бханд̇з, вужжад̇и. гид̇д̇аавад̇аа ну ко, бханд̇з, бан̣д̣ид̇о махаабан̃н̃о ход̇ий’’’д̇и? ‘‘звам̣, бханд̇з’’. ‘‘ид̇ха, бхигку, бан̣д̣ид̇о махаабан̃н̃о нзвад̇д̇аб̣яааб̣аад̇хааяа жзд̇зд̇и на бараб̣яааб̣аад̇хааяа жзд̇зд̇и на убхаяаб̣яааб̣аад̇хааяа жзд̇зд̇и ад̇д̇ахид̇абарахид̇аубхаяахид̇асаб̣б̣алогахид̇амзва жинд̇аяамаано жинд̇зд̇и. звам̣ ко, бхигку, бан̣д̣ид̇о махаабан̃н̃о ход̇ий’’д̇и. чадтам̣.
7. вассагаарасуд̇д̇ам̣
187. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇а ко вассагааро б̣раахман̣о маг̇ад̇хамахаамад̇д̇о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко вассагааро б̣раахман̣о маг̇ад̇хамахаамад̇д̇о бхаг̇аванд̇ам̣ зд̇ад̣̇авожа –
‘‘ж̇аанзяяа ну ко, бхо г̇од̇ама, асаббурисо асаббурисам̣ – ‘асаббурисо аяам̣ бхава’’’нд̇и? ‘‘адтаанам̣ ко зд̇ам̣, б̣раахман̣а, анавагаасо яам̣ асаббурисо асаббурисам̣ ж̇аанзяяа – ‘асаббурисо аяам̣ бхава’’’нд̇и. ‘‘ж̇аанзяяа бана, бхо г̇од̇ама, асаббурисо саббурисам̣ – ‘саббурисо аяам̣ бхава’’’нд̇и? ‘‘зд̇амби ко, б̣раахман̣а, адтаанам̣ анавагаасо яам̣ асаббурисо саббурисам̣ ж̇аанзяяа – ‘саббурисо аяам̣ бхава’’’нд̇и. ‘‘ж̇аанзяяа ну ко, бхо г̇од̇ама, саббурисо саббурисам̣ – ‘саббурисо аяам̣ бхава’’’нд̇и? ‘‘таанам̣ ко зд̇ам̣, б̣раахман̣а, виж̇ж̇ад̇и яам̣ саббурисо саббурисам̣ ж̇аанзяяа – ‘саббурисо аяам̣ бхава’’’нд̇и. ‘‘ж̇аанзяяа бана, бхо г̇од̇ама, саббурисо асаббурисам̣ – ‘асаббурисо аяам̣ бхава’’’нд̇и? ‘‘зд̇амби ко, б̣раахман̣а, таанам̣ виж̇ж̇ад̇и яам̣ саббурисо асаббурисам̣ ж̇аанзяяа – ‘асаббурисо аяам̣ бхава’’’нд̇и.
‘‘ажчарияам̣, бхо г̇од̇ама, аб̣бхуд̇ам̣, бхо г̇од̇ама! яаава субхаасид̇ам̣ жид̣̇ам̣, бход̇аа г̇од̇амзна – ‘адтаанам̣ ко зд̇ам̣, б̣раахман̣а, анавагаасо яам̣ асаббурисо асаббурисам̣ ж̇аанзяяа – асаббурисо аяам̣ бхаванд̇и. зд̇амби ко, б̣раахман̣а, адтаанам̣ анавагаасо яам̣ асаббурисо саббурисам̣ ж̇аанзяяа – саббурисо аяам̣ бхаванд̇и. таанам̣ ко зд̇ам̣, б̣раахман̣а, виж̇ж̇ад̇и яам̣ саббурисо саббурисам̣ ж̇аанзяяа – саббурисо аяам̣ бхаванд̇и. зд̇амби ко, б̣раахман̣а, таанам̣ виж̇ж̇ад̇и яам̣ саббурисо асаббурисам̣ ж̇аанзяяа – асаббурисо аяам̣ бхава’’’нд̇и.
‘‘згамид̣̇ам̣, бхо г̇од̇ама, самаяам̣ д̇од̣̇зяяасса б̣раахман̣асса барисад̇и баруубаарамбхам̣ вад̇д̇знд̇и – ‘б̣аало аяам̣ рааж̇аа зл̣зяяо саман̣з раамабуд̇д̇з абхиббасанно, саман̣з жа бана раамабуд̇д̇з зваруубам̣ бараманибажжагаарам̣ гарод̇и, яад̣̇ид̣̇ам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигамма’нд̇и. имзби ран̃н̃о зл̣зяяасса барихаарагаа б̣аалаа – яамаго мог̇г̇алло буг̇г̇ало (га.) уг̇г̇о наавинд̣̇агий г̇анд̇хаб̣б̣о аг̇г̇ивзссо, яз саман̣з раамабуд̇д̇з абхиббасаннаа, саман̣з жа бана раамабуд̇д̇з зваруубам̣ бараманибажжагаарам̣ гаронд̇и, яад̣̇ид̣̇ам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигамманд̇и. д̇яаассуд̣̇ам̣ д̇од̣̇зяяо б̣раахман̣о иминаа наязна нзд̇и. д̇ам̣ гим̣ ман̃н̃анд̇и, бхонд̇о, бан̣д̣ид̇о рааж̇аа зл̣зяяо гаран̣ийяаад̇хигаран̣ийязсу важанийяаад̇хиважанийязсу аламад̇т̇ад̣̇асад̇арзхи аламад̇т̇ад̣̇асад̇аро’д̇и? ‘звам̣, бхо, бан̣д̣ид̇о рааж̇аа зл̣зяяо гаран̣ийяаад̇хигаран̣ийязсу важанийяаад̇хиважанийязсу аламад̇т̇ад̣̇асад̇арзхи аламад̇т̇ад̣̇асад̇аро’’’д̇и.
‘‘яасмаа жа ко, бхо, саман̣о раамабуд̇д̇о ран̃н̃аа зл̣зяязна бан̣д̣ид̇зна бан̣д̣ид̇ад̇аро гаран̣ийяаад̇хигаран̣ийязсу важанийяаад̇хиважанийязсу аламад̇т̇ад̣̇асад̇арзна аламад̇т̇ад̣̇асад̇аро, д̇асмаа рааж̇аа зл̣зяяо саман̣з раамабуд̇д̇з абхиббасанно, саман̣з жа бана раамабуд̇д̇з зваруубам̣ бараманибажжагаарам̣ гарод̇и, яад̣̇ид̣̇ам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣’’.
‘‘д̇ам̣ гим̣ ман̃н̃анд̇и, бхонд̇о, бан̣д̣ид̇аа ран̃н̃о зл̣зяяасса барихаарагаа – яамаго мог̇г̇алло уг̇г̇о наавинд̣̇агий г̇анд̇хаб̣б̣о аг̇г̇ивзссо, гаран̣ийяаад̇хигаран̣ийязсу важанийяаад̇хиважанийязсу аламад̇т̇ад̣̇асад̇арзхи аламад̇т̇ад̣̇асад̇араад̇и? ‘звам̣, бхо, бан̣д̣ид̇аа ран̃н̃о зл̣зяяасса барихаарагаа – яамаго мог̇г̇алло уг̇г̇о наавинд̣̇агий г̇анд̇хаб̣б̣о аг̇г̇ивзссо, гаран̣ийяаад̇хигаран̣ийязсу важанийяаад̇хиважанийязсу аламад̇т̇ад̣̇асад̇арзхи аламад̇т̇ад̣̇асад̇араа’’’д̇и.
‘‘яасмаа жа ко, бхо, саман̣о раамабуд̇д̇о ран̃н̃о зл̣зяяасса барихаарагзхи бан̣д̣ид̇зхи бан̣д̣ид̇ад̇аро гаран̣ийяаад̇хигаран̣ийязсу важанийяаад̇хиважанийязсу аламад̇т̇ад̣̇асад̇арзхи аламад̇т̇ад̣̇асад̇аро, д̇асмаа ран̃н̃о зл̣зяяасса барихаарагаа саман̣з раамабуд̇д̇з абхиббасаннаа; саман̣з жа бана раамабуд̇д̇з зваруубам̣ бараманибажжагаарам̣ гаронд̇и, яад̣̇ид̣̇ам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигамма’’нд̇и.
‘‘ажчарияам̣, бхо, г̇од̇ама, аб̣бхуд̇ам̣, бхо г̇од̇ама! яаава субхаасид̇ам̣ жид̣̇ам̣ бход̇аа г̇од̇амзна – ‘адтаанам̣ ко зд̇ам̣, б̣раахман̣а, анавагаасо яам̣ асаббурисо асаббурисам̣ ж̇аанзяяа – асаббурисо аяам̣ бхаванд̇и. зд̇амби ко, б̣раахман̣а, адтаанам̣ анавагаасо яам̣ асаббурисо саббурисам̣ ж̇аанзяяа – саббурисо аяам̣ бхаванд̇и. таанам̣ ко зд̇ам̣, б̣раахман̣а, виж̇ж̇ад̇и яам̣ саббурисо саббурисам̣ ж̇аанзяяа – саббурисо аяам̣ бхаванд̇и. зд̇амби ко, б̣раахман̣а, таанам̣ виж̇ж̇ад̇и яам̣ саббурисо асаббурисам̣ ж̇аанзяяа – асаббурисо аяам̣ бхава’нд̇и. ханд̣̇а жа д̣̇аани маяам̣, бхо г̇од̇ама, г̇ажчаама. б̣ахугижжаа маяам̣ б̣ахугаран̣ийяаа’’д̇и. ‘‘яассад̣̇аани д̇вам̣, б̣раахман̣а, гаалам̣ ман̃н̃асий’’д̇и. ат̇а ко вассагааро б̣раахман̣о маг̇ад̇хамахаамад̇д̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа баггаамийд̇и. сад̇д̇амам̣.
8. убагасуд̇д̇ам̣
188. згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. ат̇а ко убаго ман̣д̣игаабуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко убаго ман̣д̣игаабуд̇д̇о бхаг̇аванд̇ам̣ зд̇ад̣̇авожа –
‘‘ахан̃хи, бханд̇з, звам̣ваад̣̇ий звам̣д̣̇идти – ‘яо гожи баруубаарамбхам̣ вад̇д̇зд̇и, баруубаарамбхам̣ вад̇д̇знд̇о саб̣б̣о со саб̣б̣асо (сий. бий.) на убабаад̣̇зд̇и. анубабаад̣̇знд̇о г̇аараяхо ход̇и убаваж̇ж̇о’’’д̇и. ‘‘баруубаарамбхам̣ жз, убага, вад̇д̇зд̇и баруубаарамбхам̣ вад̇д̇знд̇о на убабаад̣̇зд̇и, анубабаад̣̇знд̇о г̇аараяхо ход̇и убаваж̇ж̇о. д̇вам̣ ко, убага, баруубаарамбхам̣ вад̇д̇зси, баруубаарамбхам̣ вад̇д̇знд̇о на убабаад̣̇зси, анубабаад̣̇знд̇о г̇аараяхо хоси убаваж̇ж̇о’’д̇и. ‘‘сзяяат̇ааби, бханд̇з , уммуж̇ж̇амаанагам̣язва махад̇аа баасзна б̣анд̇хзяяа; звамзвам̣ ко ахам̣, бханд̇з, уммуж̇ж̇амаанагоязва бхаг̇авад̇аа махад̇аа ваад̣̇абаасзна махад̇аа баасзна (га.) б̣ад̣̇д̇хо’’д̇и.
‘‘ид̣̇ам̣ агусаланд̇и ко, убага, маяаа бан̃н̃ад̇д̇ам̣. д̇ад̇т̇а абаримаан̣аа бад̣̇аа абаримаан̣аа б̣яан̃ж̇анаа абаримаан̣аа д̇ат̇ааг̇ад̇асса д̇хаммад̣̇зсанаа – ид̇ибид̣̇ам̣ агусаланд̇и. д̇ам̣ ко банид̣̇ам̣ агусалам̣ бахаад̇аб̣б̣анд̇и ко, убага, маяаа бан̃н̃ад̇д̇ам̣. д̇ад̇т̇а абаримаан̣аа бад̣̇аа абаримаан̣аа б̣яан̃ж̇анаа абаримаан̣аа д̇ат̇ааг̇ад̇асса д̇хаммад̣̇зсанаа – ид̇ибид̣̇ам̣ агусалам̣ бахаад̇аб̣б̣анд̇и.
‘‘ид̣̇ам̣ гусаланд̇и ко, убага, маяаа бан̃н̃ад̇д̇ам̣. д̇ад̇т̇а абаримаан̣аа бад̣̇аа абаримаан̣аа б̣яан̃ж̇анаа абаримаан̣аа д̇ат̇ааг̇ад̇асса д̇хаммад̣̇зсанаа – ид̇ибид̣̇ам̣ гусаланд̇и. д̇ам̣ ко банид̣̇ам̣ гусалам̣ бхаавзд̇аб̣б̣анд̇и ко, убага, маяаа бан̃н̃ад̇д̇ам̣. д̇ад̇т̇а абаримаан̣аа бад̣̇аа абаримаан̣аа б̣яан̃ж̇анаа абаримаан̣аа д̇ат̇ааг̇ад̇асса д̇хаммад̣̇зсанаа – ид̇ибид̣̇ам̣ гусалам̣ бхаавзд̇аб̣б̣а’’нд̇и.
ат̇а ко убаго ман̣д̣игаабуд̇д̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа язна рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о д̇знубасан̇гами; убасан̇гамид̇ваа яаавад̇аго ахоси бхаг̇авад̇аа сад̣̇д̇хим̣ гат̇аасаллаабо д̇ам̣ саб̣б̣ам̣ ран̃н̃о мааг̇ад̇хасса аж̇аад̇асад̇д̇усса взд̣̇зхибуд̇д̇асса аарожзси.
звам̣ вуд̇д̇з рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о губид̇о анад̇д̇амано убагам̣ ман̣д̣игаабуд̇д̇ам̣ зд̇ад̣̇авожа – ‘‘яаава д̇хам̣сий вад̇ааяам̣ лон̣агаарад̣̇аараго яаава мукаро яаава баг̇аб̣б̣о яад̇ра хи наама д̇ам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ аасаад̣̇зд̇аб̣б̣ам̣ ман̃н̃иссад̇и; абзхи д̇вам̣, убага, винасса, маа д̇ам̣ ад̣̇д̣̇аса’’нд̇и. адтамам̣.
9. сажчигаран̣ийяасуд̇д̇ам̣
189. ‘‘жад̇д̇ааромз , бхигкавз, сажчигаран̣ийяаа д̇хаммаа. гад̇амз жад̇д̇ааро? ад̇т̇и , бхигкавз, д̇хаммаа гааязна сажчигаран̣ийяаа; ад̇т̇и, бхигкавз, д̇хаммаа сад̇ияаа сажчигаран̣ийяаа; ад̇т̇и, бхигкавз, д̇хаммаа жагкунаа сажчигаран̣ийяаа; ад̇т̇и, бхигкавз, д̇хаммаа бан̃н̃ааяа сажчигаран̣ийяаа. гад̇амз жа, бхигкавз, д̇хаммаа гааязна сажчигаран̣ийяаа? адта вимогкаа, бхигкавз, гааязна сажчигаран̣ийяаа.
‘‘гад̇амз жа, бхигкавз, д̇хаммаа сад̇ияаа сажчигаран̣ийяаа? буб̣б̣зниваасо, бхигкавз, сад̇ияаа сажчигаран̣ийяо.
‘‘гад̇амз жа, бхигкавз, д̇хаммаа жагкунаа сажчигаран̣ийяаа? сад̇д̇аанам̣ жуд̇уубабаад̇о, бхигкавз, жагкунаа сажчигаран̣ийяо.
‘‘гад̇амз жа, бхигкавз, д̇хаммаа бан̃н̃ааяа сажчигаран̣ийяаа? аасаваанам̣ каяо, бхигкавз, бан̃н̃ааяа сажчигаран̣ийяо. имз ко, бхигкавз, жад̇д̇ааро сажчигаран̣ийяаа д̇хаммаа’’д̇и. навамам̣.
10. убосат̇асуд̇д̇ам̣
190. згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. д̇зна ко бана самаязна бхаг̇аваа д̇ад̣̇ахубосат̇з бхигкусан̇гхабаривуд̇о нисинно ход̇и. ат̇а ко бхаг̇аваа д̇ун̣хийбхууд̇ам̣ д̇ун̣хийбхууд̇ам̣ бхигкусан̇гхам̣ анувилогзд̇ваа бхигкуу ааманд̇зси –
‘‘абалаабааяам̣, бхигкавз, барисаа ниббалаабааяам̣, бхигкавз, барисаа суд̣̇д̇хаа саарз бад̇идтид̇аа. д̇ат̇ааруубо аяам̣ , бхигкавз, бхигкусан̇гхо, д̇ат̇ааруубааяам̣, бхигкавз, барисаа. яат̇ааруубаа барисаа д̣̇уллабхаа д̣̇ассанааяаби логасмим̣, д̇ат̇ааруубо аяам̣, бхигкавз, бхигкусан̇гхо, д̇ат̇ааруубааяам̣, бхигкавз, барисаа. яат̇ааруубаа барисаа аахунзяяаа баахунзяяаа д̣̇агкин̣зяяаа ан̃ж̇алигаран̣ийяаа ануд̇д̇арам̣ бун̃н̃агкзд̇д̇ам̣ логасса, д̇ат̇ааруубо аяам̣, бхигкавз, бхигкусан̇гхо, д̇ат̇ааруубааяам̣, бхигкавз, барисаа . яат̇ааруубааяа барисааяа аббам̣ д̣̇иннам̣ б̣аху ход̇и б̣аху д̣̇иннам̣ б̣ахуд̇арам̣, д̇ат̇ааруубо аяам̣, бхигкавз, бхигкусан̇гхо, д̇ат̇ааруубааяам̣, бхигкавз, барисаа. яат̇ааруубам̣ барисам̣ алам̣ яож̇анаг̇ан̣анааниби д̣̇ассанааяа г̇анд̇ум̣ аби будосзнааби, д̇ат̇ааруубо аяам̣, бхигкавз, бхигкусан̇гхо, (д̇ат̇ааруубааяам̣, бхигкавз, барисаа) ( ) сий. сяаа. гам̣. бий. бод̇т̇агзсу над̇т̇и.
‘‘санд̇и , бхигкавз, бхигкуу имасмим̣ бхигкусан̇гхз д̣̇зваббад̇д̇аа вихаранд̇и; санд̇и, бхигкавз, бхигкуу имасмим̣ бхигкусан̇гхз б̣рахмаббад̇д̇аа вихаранд̇и; санд̇и, бхигкавз, бхигкуу имасмим̣ бхигкусан̇гхз аанзн̃ж̇аббад̇д̇аа вихаранд̇и; санд̇и, бхигкавз, бхигкуу имасмим̣ бхигкусан̇гхз арияаббад̇д̇аа вихаранд̇и.
‘‘гат̇ан̃жа, бхигкавз, бхигку д̣̇зваббад̇д̇о ход̇и? ид̇ха, бхигкавз, бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и; вид̇аггавижаараанам̣ вуубасамаа…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. звам̣ ко, бхигкавз, бхигку д̣̇зваббад̇д̇о ход̇и.
‘‘гат̇ан̃жа, бхигкавз, бхигку б̣рахмаббад̇д̇о ход̇и? ид̇ха, бхигкавз, бхигку мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. гарун̣аа… муд̣̇ид̇аа… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣ д̇ат̇аа д̇ад̇ияам̣ д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. звам̣ ко, бхигкавз, бхигку б̣рахмаббад̇д̇о ход̇и.
‘‘гат̇ан̃жа, бхигкавз, бхигку аанзн̃ж̇аббад̇д̇о ход̇и? ид̇ха, бхигкавз, бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. звам̣ ко, бхигкавз, бхигку аанзн̃ж̇аббад̇д̇о ход̇и.
‘‘гат̇ан̃жа, бхигкавз, бхигку арияаббад̇д̇о ход̇и? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. звам̣ ко, бхигкавз, бхигку арияаббад̇д̇о ход̇ий’’д̇и. д̣̇асамам̣.
б̣раахман̣аваг̇г̇о яод̇хааж̇ийваваг̇г̇о (сий. сяаа. гам̣. бий.) жад̇уд̇т̇о.
д̇ассуд̣̇д̣̇аанам̣ –
яод̇хаа баадибхог̇асуд̇ам̣, абхаяам̣ б̣раахман̣асажжзна бан̃жамам̣;
уммаг̇г̇авассагааро, убаго сажчигирияаа жа убосат̇од̇и.