5. рохид̇ассаваг̇г̇о
1. самаад̇хибхааванаасуд̇д̇ам̣
41. ‘‘жад̇ассо имаа, бхигкавз, самаад̇хибхааванаа. гад̇амаа жад̇ассо? ад̇т̇и, бхигкавз, самаад̇хибхааванаа бхаавид̇аа б̣ахулийгад̇аа д̣̇идтад̇хаммасукавихаарааяа сам̣вад̇д̇ад̇и; ад̇т̇и, бхигкавз, самаад̇хибхааванаа бхаавид̇аа б̣ахулийгад̇аа н̃аан̣ад̣̇ассанаббадилаабхааяа сам̣вад̇д̇ад̇и; ад̇т̇и, бхигкавз, самаад̇хибхааванаа бхаавид̇аа б̣ахулийгад̇аа сад̇исамбаж̇ан̃н̃ааяа сам̣вад̇д̇ад̇и; ад̇т̇и, бхигкавз, самаад̇хибхааванаа бхаавид̇аа б̣ахулийгад̇аа аасаваанам̣ каяааяа сам̣вад̇д̇ад̇и.
‘‘гад̇амаа жа, бхигкавз, самаад̇хибхааванаа бхаавид̇аа б̣ахулийгад̇аа д̣̇идтад̇хаммасукавихаарааяа сам̣вад̇д̇ад̇и? ид̇ха, бхигкавз, бхигку вивижжзва гаамзхи… жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣, бхигкавз, самаад̇хибхааванаа бхаавид̇аа б̣ахулийгад̇аа д̣̇идтад̇хаммасукавихаарааяа сам̣вад̇д̇ад̇и.
‘‘гад̇амаа жа, бхигкавз, самаад̇хибхааванаа бхаавид̇аа б̣ахулийгад̇аа н̃аан̣ад̣̇ассанаббадилаабхааяа сам̣вад̇д̇ад̇и? ид̇ха, бхигкавз, бхигку аалогасан̃н̃ам̣ манаси гарод̇и, д̣̇иваасан̃н̃ам̣ ад̇хидтаад̇и – яат̇аа д̣̇иваа д̇ат̇аа рад̇д̇им̣, яат̇аа рад̇д̇им̣ д̇ат̇аа д̣̇иваа. ид̇и вивадзна жзд̇асаа абарияонад̣̇д̇хзна саббабхаасам̣ жид̇д̇ам̣ бхаавзд̇и. аяам̣, бхигкавз, самаад̇хибхааванаа бхаавид̇аа б̣ахулийгад̇аа н̃аан̣ад̣̇ассанаббадилаабхааяа сам̣вад̇д̇ад̇и.
‘‘гад̇амаа жа, бхигкавз, самаад̇хибхааванаа бхаавид̇аа б̣ахулийгад̇аа сад̇исамбаж̇ан̃н̃ааяа сам̣вад̇д̇ад̇и? ид̇ха, бхигкавз, бхигкуно вид̣̇ид̇аа взд̣̇анаа уббаж̇ж̇анд̇и, вид̣̇ид̇аа убадтаханд̇и, вид̣̇ид̇аа аб̣бхад̇т̇ам̣ г̇ажчанд̇и; вид̣̇ид̇аа сан̃н̃аа…бз… вид̣̇ид̇аа вид̇аггаа уббаж̇ж̇анд̇и, вид̣̇ид̇аа убадтаханд̇и, вид̣̇ид̇аа аб̣бхад̇т̇ам̣ г̇ажчанд̇и. аяам̣, бхигкавз, самаад̇хибхааванаа бхаавид̇аа б̣ахулийгад̇аа сад̇исамбаж̇ан̃н̃ааяа сам̣вад̇д̇ад̇и.
‘‘гад̇амаа жа, бхигкавз, самаад̇хибхааванаа бхаавид̇аа б̣ахулийгад̇аа аасаваанам̣ каяааяа сам̣вад̇д̇ад̇и? ид̇ха, бхигкавз, бхигку бан̃жасу убаад̣̇аанагканд̇хзсу уд̣̇аяаб̣б̣аяаанубассий вихарад̇и – ‘ид̇и руубам̣, ид̇и руубасса самуд̣̇аяо, ид̇и руубасса ад̇т̇ан̇г̇амо ад̇т̇аг̇амо (сий. бий.); ид̇и взд̣̇анаа, ид̇и взд̣̇анааяа самуд̣̇аяо, ид̇и взд̣̇анааяа ад̇т̇ан̇г̇амо; ид̇и сан̃н̃аа, ид̇и сан̃н̃ааяа самуд̣̇аяо, ид̇и сан̃н̃ааяа ад̇т̇ан̇г̇амо; ид̇и сан̇каараа, ид̇и сан̇каараанам̣ самуд̣̇аяо, ид̇и сан̇каараанам̣ ад̇т̇ан̇г̇амо; ид̇и вин̃н̃аан̣ам̣, ид̇и вин̃н̃аан̣асса самуд̣̇аяо, ид̇и вин̃н̃аан̣асса ад̇т̇ан̇г̇амо’д̇и. аяам̣, бхигкавз, самаад̇хибхааванаа бхаавид̇аа б̣ахулийгад̇аа аасаваанам̣ каяааяа сам̣вад̇д̇ад̇и. имаа ко, бхигкавз, жад̇ассо самаад̇хибхааванаа. ид̣̇ан̃жа бана мзд̇ам̣, бхигкавз, санд̇хааяа бхаасид̇ам̣ баарааяанз бун̣н̣агабан̃хз –
‘‘сан̇кааяа логасмим̣ баробараани,
яассин̃ж̇ид̇ам̣ над̇т̇и гухин̃жи логз;
санд̇о вид̇хуумо анийгхо нираасо,
ад̇аари со ж̇аад̇иж̇аранд̇и б̣руумий’’д̇и су. ни. 1054; жуул̣ани. бун̣н̣агамаан̣авабужчаа 73. батамам̣;
2. бан̃хаб̣яаагаран̣асуд̇д̇ам̣
42. ‘‘жад̇д̇ааримаани , бхигкавз, бан̃хаб̣яаагаран̣аани бан̃хааб̣яаагаран̣аани (га.). гад̇амаани жад̇д̇аари? ад̇т̇и, бхигкавз, бан̃хо згам̣саб̣яаагаран̣ийяо; ад̇т̇и, бхигкавз, бан̃хо вибхаж̇ж̇аб̣яаагаран̣ийяо; ад̇т̇и, бхигкавз, бан̃хо бадибужчааб̣яаагаран̣ийяо; ад̇т̇и, бхигкавз, бан̃хо табанийяо. имаани ко, бхигкавз, жад̇д̇аари бан̃хаб̣яаагаран̣ааний’’д̇и.
‘‘згам̣саважанам̣ згам̣, вибхаж̇ж̇аважанаабарам̣;
д̇ад̇ияам̣ бадибужчзяяа, жад̇уд̇т̇ам̣ бана таабаяз.
‘‘яо жа д̇зсам̣ нзсам̣ (сий. сяаа. гам̣.) д̇ад̇т̇а д̇ад̇т̇а, ж̇аанаад̇и ануд̇хаммад̇ам̣;
жад̇убан̃хасса гусало, ааху бхигкум̣ д̇ат̇аавид̇хам̣.
‘‘д̣̇ураасад̣̇о д̣̇уббасахо, г̇амбхийро д̣̇уббад̇хам̣сияо;
ат̇о ад̇т̇з анад̇т̇з жа, убхаяасса ход̇и говид̣̇о убхаяад̇т̇асса говид̣̇о (сяаа. гам̣.).
‘‘анад̇т̇ам̣ бариваж̇ж̇зд̇и, ад̇т̇ам̣ г̇ан̣хаад̇и бан̣д̣ид̇о;
ад̇т̇аабхисамаяаа д̇хийро, бан̣д̣ид̇од̇и бавужжад̇ий’’д̇и. д̣̇уд̇ияам̣;
3. батамагод̇хаг̇арусуд̇д̇ам̣
43. ‘‘жад̇д̇ааромз, бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? год̇хаг̇ару на сад̣̇д̇хаммаг̇ару, магкаг̇ару на сад̣̇д̇хаммаг̇ару, лаабхаг̇ару на сад̣̇д̇хаммаг̇ару, саггаараг̇ару на сад̣̇д̇хаммаг̇ару. имз ко, бхигкавз, жад̇д̇ааро буг̇г̇алаа санд̇о сам̣виж̇ж̇амаанаа логасмим̣.
‘‘жад̇д̇ааромз, бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? сад̣̇д̇хаммаг̇ару на год̇хаг̇ару, сад̣̇д̇хаммаг̇ару на магкаг̇ару, сад̣̇д̇хаммаг̇ару на лаабхаг̇ару , сад̣̇д̇хаммаг̇ару на саггаараг̇ару. имз ко, бхигкавз, жад̇д̇ааро буг̇г̇алаа санд̇о сам̣виж̇ж̇амаанаа логасми’’нд̇и.
‘‘год̇хамагкаг̇аруу бхигкуу, лаабхасаггаараг̇аараваа;
на д̇з д̇хаммз вирууханд̇и, саммаасамб̣уд̣̇д̇хад̣̇зсид̇з.
‘‘яз жа сад̣̇д̇хаммаг̇аруно, вихам̣су вихаранд̇и жа;
д̇з вз д̇хаммз вирууханд̇и, саммаасамб̣уд̣̇д̇хад̣̇зсид̇з’’д̇и. д̇ад̇ияам̣;
4. д̣̇уд̇ияагод̇хаг̇арусуд̇д̇ам̣
44. ‘‘жад̇д̇ааромз , бхигкавз, асад̣̇д̇хаммаа. гад̇амз жад̇д̇ааро? год̇хаг̇аруд̇аа на сад̣̇д̇хаммаг̇аруд̇аа, магкаг̇аруд̇аа на сад̣̇д̇хаммаг̇аруд̇аа, лаабхаг̇аруд̇аа на сад̣̇д̇хаммаг̇аруд̇аа, саггаараг̇аруд̇аа на сад̣̇д̇хаммаг̇аруд̇аа. имз ко, бхигкавз, жад̇д̇ааро асад̣̇д̇хаммаа.
‘‘жад̇д̇ааромз, бхигкавз, сад̣̇д̇хаммаа. гад̇амз жад̇д̇ааро? сад̣̇д̇хаммаг̇аруд̇аа на год̇хаг̇аруд̇аа, сад̣̇д̇хаммаг̇аруд̇аа на магкаг̇аруд̇аа, сад̣̇д̇хаммаг̇аруд̇аа на лаабхаг̇аруд̇аа, сад̣̇д̇хаммаг̇аруд̇аа на саггаараг̇аруд̇аа. имз ко, бхигкавз, жад̇д̇ааро сад̣̇д̇хаммаа’’д̇и.
‘‘год̇хамагкаг̇ару бхигку, лаабхасаггаараг̇аараво;
сукзд̇д̇з бууд̇иб̣ийж̇ам̣ва, сад̣̇д̇хаммз на вируухад̇и.
‘‘яз жа сад̣̇д̇хаммаг̇аруно, вихам̣су вихаранд̇и жа;
д̇з вз д̇хаммз вирууханд̇и, снзхаанваяамивосад̇хаа’’д̇и снзхаманвааяамивосад̇хаад̇и (сий. сяаа. гам̣. бий.). жад̇уд̇т̇ам̣;
5. рохид̇ассасуд̇д̇ам̣
45. згам̣ самаяам̣ бхаг̇аваа сам̣. ни. 1.107 саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко рохид̇ассо д̣̇звабуд̇д̇о абхигганд̇ааяа рад̇д̇ияаа абхигганд̇аван̣н̣о гзвалагаббам̣ ж̇зд̇аванам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко рохид̇ассо д̣̇звабуд̇д̇о бхаг̇аванд̇ам̣ зд̇ад̣̇авожа –
‘‘яад̇т̇а ну ко, бханд̇з, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, саггаа ну ко со, бханд̇з, г̇аманзна логасса анд̇о н̃аад̇ум̣ ваа д̣̇адтум̣ ваа баабун̣ид̇ум̣ ваа’’д̇и? ‘‘яад̇т̇а ко, аавусо, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, наахам̣ д̇ам̣ г̇аманзна логасса анд̇ам̣ н̃аад̇зяяам̣ д̣̇адтзяяам̣ бад̇д̇зяяанд̇и вад̣̇аамий’’д̇и.
‘‘ажчарияам̣ , бханд̇з, аб̣бхуд̇ам̣, бханд̇з! яаава субхаасид̇амид̣̇ам̣, бханд̇з, бхаг̇авад̇аа – ‘яад̇т̇а ко, аавусо, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, наахам̣ д̇ам̣ г̇аманзна логасса анд̇ам̣ н̃аад̇зяяам̣ д̣̇адтзяяам̣ бад̇д̇зяяанд̇и вад̣̇аамий’’’д̇и.
‘‘бхууд̇абуб̣б̣аахам̣, бханд̇з, рохид̇ассо наама иси ахосим̣ бхож̇абуд̇д̇о ид̣̇д̇химаа взхаасан̇г̇амо. д̇асса маяхам̣, бханд̇з, зваруубо ж̇аво ахоси, сзяяат̇ааби наама д̣̇ал̣хад̇хаммаа д̣̇ал̣хад̇хаммо, а. ни. 9.38; ма. ни. 1.161 (саб̣б̣ад̇т̇а) дийгаа жа мог̇г̇аллаанаб̣яаагаран̣ам̣ жа ологзд̇аб̣б̣ам̣ д̇хануг̇г̇ахо сигкид̇о гад̇ахад̇т̇о гад̇уубаасано лахугзна асанзна аббагасирзна д̇ирияам̣ д̇аалажчааяам̣ ад̇ибаад̇зяяа. д̇асса маяхам̣, бханд̇з, зваруубо бад̣̇авийд̇ихааро ахоси, сзяяат̇ааби наама бурад̇т̇имаа самуд̣̇д̣̇аа бажчимо самуд̣̇д̣̇о. д̇асса маяхам̣, бханд̇з, зваруубзна ж̇авзна саманнааг̇ад̇асса зваруубзна жа бад̣̇авийд̇ихаарзна зваруубам̣ ижчааг̇ад̇ам̣ уббаж̇ж̇и – ‘ахам̣ г̇аманзна логасса анд̇ам̣ баабун̣иссаамий’д̇и. со ко ахам̣, бханд̇з, ан̃н̃ад̇рзва асид̇абийд̇акааяид̇асааяид̇аа ан̃н̃ад̇ра ужжаарабассаавагаммаа ан̃н̃ад̇ра нид̣̇д̣̇аагиламат̇абадивинод̣̇анаа вассасад̇ааяуго вассасад̇аж̇ийвий вассасад̇ам̣ г̇анд̇ваа аббад̇ваава логасса анд̇ам̣ анд̇арааязва гаалан̇гад̇о.
‘‘ажчарияам̣, бханд̇з, аб̣бхуд̇ам̣, бханд̇з! яаава субхаасид̇амид̣̇ам̣, бханд̇з, бхаг̇авад̇аа – ‘яад̇т̇а ко, аавусо, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, наахам̣ д̇ам̣ г̇аманзна логасса анд̇ам̣ н̃аад̇зяяам̣ д̣̇адтзяяам̣ бад̇д̇зяяанд̇и вад̣̇аамий’’’д̇и.
‘‘‘яад̇т̇а ко, аавусо, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, наахам̣ д̇ам̣ г̇аманзна логасса анд̇ам̣ н̃аад̇зяяам̣ д̣̇адтзяяам̣ бад̇д̇зяяа’нд̇и вад̣̇аами. на жаахам̣, аавусо, аббад̇ваава логасса анд̇ам̣ д̣̇угкасса анд̇агирияам̣ вад̣̇аами. аби жаахам̣, аавусо, имасмим̣язва б̣яаамамад̇д̇з гал̣зварз гал̣зб̣арз (сий. бий.) сасан̃н̃имхи саманагз логан̃жа бан̃н̃аабзми логасамуд̣̇аяан̃жа логанирод̇хан̃жа логанирод̇хаг̇ааминин̃жа бадибад̣̇а’’нд̇и.
‘‘г̇аманзна на бад̇д̇аб̣б̣о, логассанд̇о гуд̣̇аажанам̣;
на жа аббад̇ваа логанд̇ам̣, д̣̇угкаа ад̇т̇и баможанам̣.
‘‘д̇асмаа хавз логавид̣̇уу сумзд̇хо,
логанд̇аг̇уу вусид̇аб̣рахмажарияо;
логасса анд̇ам̣ самид̇аави н̃ад̇ваа,
наасийсад̇ий наасим̣сад̇ий (сий.) логамимам̣ баран̃жаа’’д̇и. бан̃жамам̣;
6. д̣̇уд̇ияарохид̇ассасуд̇д̇ам̣
46. ат̇а ко бхаг̇аваа д̇ассаа рад̇д̇ияаа ажжаязна бхигкуу ааманд̇зси – ‘‘имам̣, бхигкавз, рад̇д̇им̣ рохид̇ассо д̣̇звабуд̇д̇о абхигганд̇ааяа рад̇д̇ияаа абхигганд̇аван̣н̣о гзвалагаббам̣ ж̇зд̇аванам̣ обхаасзд̇ваа язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко , бхигкавз, рохид̇ассо д̣̇звабуд̇д̇о мам̣ зд̇ад̣̇авожа – ‘яад̇т̇а ну ко, бханд̇з сам̣. ни. 1.107, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, саггаа ну ко со, бханд̇з, г̇аманзна логасса анд̇о н̃аад̇ум̣ ваа д̣̇адтум̣ ваа баабун̣ид̇ум̣ ваа’д̇и? звам̣ вуд̇д̇з ахам̣, бхигкавз, рохид̇ассам̣ д̣̇звабуд̇д̇ам̣ зд̇ад̣̇авожам̣ – ‘яад̇т̇а ко, аавусо, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, наахам̣ д̇ам̣ г̇аманзна логасса анд̇ам̣ н̃аад̇зяяам̣ д̣̇адтзяяам̣ бад̇д̇зяяанд̇и вад̣̇аамий’д̇и. звам̣ вуд̇д̇з, бхигкавз, рохид̇ассо д̣̇звабуд̇д̇о мам̣ зд̇ад̣̇авожа – ‘ажчарияам̣, бханд̇з, аб̣бхуд̇ам̣, бханд̇з! яаава субхаасид̇амид̣̇ам̣, бханд̇з, бхаг̇авад̇аа – яад̇т̇а ко, аавусо, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, наахам̣ д̇ам̣ г̇аманзна логасса анд̇ам̣ н̃аад̇зяяам̣ д̣̇адтзяяам̣ бад̇д̇зяяанд̇и вад̣̇аами’’’.
‘‘бхууд̇абуб̣б̣аахам̣, бханд̇з, рохид̇ассо наама иси ахосим̣ бхож̇абуд̇д̇о ид̣̇д̇химаа взхаасан̇г̇амо. д̇асса маяхам̣, бханд̇з, зваруубо ж̇аво ахоси, сзяяат̇ааби наама д̣̇ал̣хад̇хаммаа д̇хануг̇г̇ахо сигкид̇о гад̇ахад̇т̇о гад̇уубаасано лахугзна асанзна аббагасирзна д̇ирияам̣ д̇аалажчааяам̣ ад̇ибаад̇зяяа . д̇асса маяхам̣, бханд̇з, зваруубо бад̣̇авийд̇ихааро ахоси, сзяяат̇ааби наама бурад̇т̇имаа самуд̣̇д̣̇аа бажчимо самуд̣̇д̣̇о. д̇асса маяхам̣, бханд̇з, зваруубзна ж̇авзна саманнааг̇ад̇асса зваруубзна жа бад̣̇авийд̇ихаарзна зваруубам̣ ижчааг̇ад̇ам̣ уббаж̇ж̇и – ахам̣ г̇аманзна логасса анд̇ам̣ баабун̣иссаамий’’д̇и. со ко ахам̣, бханд̇з, ан̃н̃ад̇рзва асид̇абийд̇акааяид̇асааяид̇аа ан̃н̃ад̇ра ужжаарабассаавагаммаа ан̃н̃ад̇ра нид̣̇д̣̇аагиламат̇абадивинод̣̇анаа вассасад̇ааяуго вассасад̇аж̇ийвий вассасад̇ам̣ г̇анд̇ваа аббад̇ваава логасса анд̇ам̣ анд̇арааязва гаалан̇гад̇о.
‘‘ажчарияам̣, бханд̇з, аб̣бхуд̇ам̣, бханд̇з! яаава субхаасид̇амид̣̇ам̣, бханд̇з, бхаг̇авад̇аа – ‘яад̇т̇а ко, аавусо, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, наахам̣ д̇ам̣ г̇аманзна логасса анд̇ам̣ н̃аад̇зяяам̣ д̣̇адтзяяам̣ бад̇д̇зяяанд̇и вад̣̇аамий’’’д̇и. звам̣ вуд̇д̇з ахам̣, бхигкавз, рохид̇ассам̣ д̣̇звабуд̇д̇ам̣ зд̇ад̣̇авожам̣ –
‘‘‘яад̇т̇а ко, аавусо, на ж̇ааяад̇и на ж̇ийяад̇и на мийяад̇и на жавад̇и на убабаж̇ж̇ад̇и, наахам̣, д̇ам̣ г̇аманзна логасса анд̇ам̣ н̃аад̇зяяам̣ д̣̇адтзяяам̣ бад̇д̇зяяанд̇и вад̣̇аамий’д̇и. на жаахам̣, аавусо, аббад̇ваава логасса анд̇ам̣ д̣̇угкассанд̇агирияам̣ вад̣̇аами. аби жаахам̣, аавусо, имасмим̣язва б̣яаамамад̇д̇з гал̣зварз сасан̃н̃имхи саманагз логан̃жа бан̃н̃аабзми логасамуд̣̇аяан̃жа логанирод̇хан̃жа логанирод̇хаг̇ааминин̃жа бадибад̣̇а’’нд̇и.
‘‘г̇аманзна на бад̇д̇аб̣б̣о, логассанд̇о гуд̣̇аажанам̣;
на жа аббад̇ваа логанд̇ам̣, д̣̇угкаа ад̇т̇и баможанам̣.
‘‘д̇асмаа хавз логавид̣̇уу сумзд̇хо,
логанд̇аг̇уу вусид̇аб̣рахмажарияо;
логасса анд̇ам̣ самид̇аави н̃ад̇ваа,
наасийсад̇ий логамимам̣ баран̃жаа’’д̇и. чадтам̣;
7. сувид̣̇уурасуд̇д̇ам̣
47. ‘‘жад̇д̇ааримаани, бхигкавз, сувид̣̇ууравид̣̇уураани. гад̇амаани жад̇д̇аари? набхан̃жа , бхигкавз, бат̇авий жа; ид̣̇ам̣ батамам̣ сувид̣̇ууравид̣̇уурз. ориман̃жа, бхигкавз, д̇ийрам̣ самуд̣̇д̣̇асса баариман̃жа; ид̣̇ам̣ д̣̇уд̇ияам̣ сувид̣̇ууравид̣̇уурз. яад̇о жа, бхигкавз, взрожано аб̣бхуд̣̇зд̇и яад̇т̇а жа ад̇т̇амзд̇и ад̇т̇ан̇г̇амзд̇и (сяаа.), взд̇и (га.); ид̣̇ам̣ д̇ад̇ияам̣ сувид̣̇ууравид̣̇уурз. сад̇ан̃жа, бхигкавз, д̇хаммо асад̇ан̃жа д̇хаммо; ид̣̇ам̣ жад̇уд̇т̇ам̣ сувид̣̇ууравид̣̇уурз. имаани ко, бхигкавз, жад̇д̇аари сувид̣̇ууравид̣̇уурааний’’д̇и.
ж̇аа. 2.21.414, 448 ‘‘набхан̃жа д̣̇уурз бат̇авий жа д̣̇уурз,
баарам̣ самуд̣̇д̣̇асса д̇ад̣̇ааху д̣̇уурз;
яад̇о жа взрожано аб̣бхуд̣̇зд̇и,
бабхан̇гаро яад̇т̇а жа ад̇т̇амзд̇и;
д̇ад̇о хавз д̣̇уурад̇арам̣ вад̣̇анд̇и,
сад̇ан̃жа д̇хаммам̣ асад̇ан̃жа д̇хаммам̣.
‘‘аб̣яааяиго ход̇и сад̇ам̣ самааг̇амо,
яаавааби яаавамби (сий. сяаа. гам̣. бий.) д̇идтзяяа д̇ат̇зва ход̇и;
киббан̃хи взд̇и асад̇ам̣ самааг̇амо,
д̇асмаа сад̇ам̣ д̇хаммо асаб̣бхи аарагаа’’д̇и. сад̇д̇амам̣;
8. висаакасуд̇д̇ам̣
48. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа висаако бан̃жаалабуд̇д̇о бан̃жаалибуд̇д̇о (сий. сяаа. гам̣. бий.) убадтаанасаалааяам̣ бхигкуу д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и, борияаа ваажааяа виссадтааяа анзлаг̇алааяа ад̇т̇асса вин̃н̃аабанияаа барияаабаннааяа аниссид̇ааяа. ат̇а ко бхаг̇аваа сааяанхасамаяам̣ бадисаллаанаа вудтид̇о язна убадтаанасаалаа д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа бхигкуу ааманд̇зси –
‘‘го ну ко, бхигкавз, убадтаанасаалааяам̣ бхигкуу д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и борияаа ваажааяа виссадтааяа анзлаг̇алааяа ад̇т̇асса вин̃н̃аабанияаа барияаабаннааяа аниссид̇ааяаа’’д̇и ? ‘‘ааяасмаа, бханд̇з, висаако бан̃жаалабуд̇д̇о убадтаанасаалааяам̣ бхигкуу д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и борияаа ваажааяа виссадтааяа анзлаг̇алааяа ад̇т̇асса вин̃н̃аабанияаа барияаабаннааяа аниссид̇ааяаа’’д̇и.
ат̇а ко бхаг̇аваа ааяасманд̇ам̣ висаакам̣ бан̃жаалабуд̇д̇ам̣ зд̇ад̣̇авожа – ‘‘саад̇ху саад̇ху, висаака! саад̇ху ко д̇вам̣, висаака, бхигкуу д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси борияаа ваажааяа виссадтааяа анзлаг̇алааяа ад̇т̇асса вин̃н̃аабанияаа барияаабаннааяа аниссид̇ааяаад̇и.
‘‘наабхаасамаанам̣ ж̇аананд̇и, миссам̣ б̣аалзхи бан̣д̣ид̇ам̣;
бхаасамаанан̃жа ж̇аананд̇и, д̣̇зсзнд̇ам̣ амад̇ам̣ бад̣̇ам̣.
‘‘бхаасаяз ж̇од̇аяз д̇хаммам̣, баг̇г̇ан̣хз исинам̣ д̇хаж̇ам̣;
субхаасид̇ад̇хаж̇аа исаяо, д̇хаммо хи исинам̣ д̇хаж̇о’’д̇и. адтамам̣;
9. вибаллаасасуд̇д̇ам̣
49. ‘‘жад̇д̇ааромз , бхигкавз, сан̃н̃аавибаллаасаа жид̇д̇авибаллаасаа д̣̇идтивибаллаасаа . гад̇амз жад̇д̇ааро? анижжз, бхигкавз, нижжанд̇и сан̃н̃аавибаллаасо жид̇д̇авибаллаасо д̣̇идтивибаллаасо; д̣̇угкз, бхигкавз, суканд̇и сан̃н̃аавибаллаасо жид̇д̇авибаллаасо д̣̇идтивибаллаасо; анад̇д̇ани, бхигкавз, ад̇д̇аад̇и сан̃н̃аавибаллаасо жид̇д̇авибаллаасо д̣̇идтивибаллаасо; асубхз, бхигкавз, субханд̇и сан̃н̃аавибаллаасо жид̇д̇авибаллаасо д̣̇идтивибаллаасо. имз ко, бхигкавз, жад̇д̇ааро сан̃н̃аавибаллаасаа жид̇д̇авибаллаасаа д̣̇идтивибаллаасаа.
‘‘жад̇д̇ааромз, бхигкавз, насан̃н̃аавибаллаасаа нажид̇д̇авибаллаасаа над̣̇идтивибаллаасаа. гад̇амз жад̇д̇ааро? анижжз, бхигкавз, анижжанд̇и насан̃н̃аавибаллаасо нажид̇д̇авибаллаасо над̣̇идтивибаллаасо; д̣̇угкз, бхигкавз, д̣̇угканд̇и насан̃н̃аавибаллаасо нажид̇д̇авибаллаасо над̣̇идтивибаллаасо; анад̇д̇ани, бхигкавз, анад̇д̇аад̇и насан̃н̃аавибаллаасо нажид̇д̇авибаллаасо над̣̇идтивибаллаасо; асубхз, бхигкавз, асубханд̇и насан̃н̃аавибаллаасо нажид̇д̇авибаллаасо над̣̇идтивибаллаасо . имз ко, бхигкавз, жад̇д̇ааро насан̃н̃аавибаллаасаа нажид̇д̇авибаллаасаа над̣̇идтивибаллаасаа’’д̇и.
‘‘анижжз нижжасан̃н̃ино, д̣̇угкз жа сукасан̃н̃ино;
анад̇д̇ани жа ад̇д̇аад̇и, асубхз субхасан̃н̃ино;
мижчаад̣̇идтихад̇аа сад̇д̇аа, кид̇д̇ажид̇д̇аа висан̃н̃ино.
‘‘д̇з яог̇аяуд̇д̇аа маарасса, аяог̇агкзмино ж̇анаа;
сад̇д̇аа г̇ажчанд̇и сам̣саарам̣, ж̇аад̇имаран̣аг̇аамино.
‘‘яад̣̇аа жа б̣уд̣̇д̇хаа логасмим̣, уббаж̇ж̇анд̇и бабхан̇гараа;
д̇з имам̣ д̇хаммам̣ д̇змам̣ д̇хаммам̣ (сий. сяаа. гам̣.) багаасзнд̇и, д̣̇угкуубасамаг̇ааминам̣.
‘‘д̇зсам̣ суд̇ваана саббан̃н̃аа, сажид̇д̇ам̣ бажжалад̣̇д̇хаа д̇з;
анижжам̣ анижжад̇о д̣̇агкум̣, д̣̇угкамад̣̇д̣̇агку д̣̇угкад̇о.
‘‘анад̇д̇ани анад̇д̇аад̇и, асубхам̣ асубхад̇ад̣̇д̣̇асум̣;
саммаад̣̇идтисамаад̣̇аанаа, саб̣б̣ам̣ д̣̇угкам̣ убажжаг̇у’’нд̇и бади. ма. 1.236. навамам̣;
10. убаггилзсасуд̇д̇ам̣
50. ‘‘жад̇д̇ааромз , бхигкавз жуул̣ава. 447, жанд̣̇имасуурияаанам̣ убаггилзсаа, язхи убаггилзсзхи убаггилидтаа жанд̣̇имасуурияаа на д̇абанд̇и на бхаасанд̇и на вирожанд̇и. гад̇амз жад̇д̇ааро? аб̣бхаа, бхигкавз, жанд̣̇имасуурияаанам̣ убаггилзсаа, язна убаггилзсзна убаггилидтаа жанд̣̇имасуурияаа на д̇абанд̇и на бхаасанд̇и на вирожанд̇и.
‘‘махигаа, бхигкавз, жанд̣̇имасуурияаанам̣ убаггилзсаа, язна убаггилзсзна убаггилидтаа жанд̣̇имасуурияаа на д̇абанд̇и на бхаасанд̇и на вирожанд̇и.
‘‘д̇хуумо раж̇о, бхигкавз, жанд̣̇имасуурияаанам̣ убаггилзсо, язна убаггилзсзна убаггилидтаа жанд̣̇имасуурияаа на д̇абанд̇и на бхаасанд̇и на вирожанд̇и.
‘‘рааху , бхигкавз, асуринд̣̇о жанд̣̇имасуурияаанам̣ убаггилзсо, язна убаггилзсзна убаггилидтаа жанд̣̇имасуурияаа на д̇абанд̇и на бхаасанд̇и на вирожанд̇и. имз ко , бхигкавз, жад̇д̇ааро жанд̣̇имасуурияаанам̣ убаггилзсаа, язхи убаггилзсзхи убаггилидтаа жанд̣̇имасуурияаа на д̇абанд̇и на бхаасанд̇и на вирожанд̇и.
‘‘звамзвам̣ ко, бхигкавз, жад̇д̇ааромз саман̣аб̣раахман̣аанам̣ убаггилзсаа, язхи убаггилзсзхи убаггилидтаа згз саман̣аб̣раахман̣аа на д̇абанд̇и на бхаасанд̇и на вирожанд̇и. гад̇амз жад̇д̇ааро? санд̇и, бхигкавз , згз саман̣аб̣раахман̣аа сурам̣ биванд̇и мзраяам̣, сураамзраяабаанаа аббадивирад̇аа. аяам̣, бхигкавз, батамо саман̣аб̣раахман̣аанам̣ убаггилзсо, язна убаггилзсзна убаггилидтаа згз саман̣аб̣раахман̣аа на д̇абанд̇и на бхаасанд̇и на вирожанд̇и.
‘‘санд̇и, бхигкавз, згз саман̣аб̣раахман̣аа мзт̇унам̣ д̇хаммам̣ бадисзванд̇и, мзт̇унасмаа д̇хаммаа аббадивирад̇аа. аяам̣, бхигкавз, д̣̇уд̇ияо саман̣аб̣раахман̣аанам̣ убаггилзсо, язна убаггилзсзна убаггилидтаа згз саман̣аб̣раахман̣аа на д̇абанд̇и на бхаасанд̇и на вирожанд̇и.
‘‘санд̇и, бхигкавз, згз саман̣аб̣раахман̣аа ж̇аад̇аруубараж̇ад̇ам̣ саад̣̇ияанд̇и, ж̇аад̇аруубараж̇ад̇абадиг̇г̇ахан̣аа аббадивирад̇аа. аяам̣, бхигкавз, д̇ад̇ияо саман̣аб̣раахман̣аанам̣ убаггилзсо, язна убаггилзсзна убаггилидтаа згз саман̣аб̣раахман̣аа на д̇абанд̇и на бхаасанд̇и на вирожанд̇и.
‘‘санд̇и, бхигкавз, згз саман̣аб̣раахман̣аа мижчааж̇ийвзна ж̇ийванд̇и, мижчааж̇ийваа аббадивирад̇аа. аяам̣, бхигкавз, жад̇уд̇т̇о саман̣аб̣раахман̣аанам̣ убаггилзсо, язна убаггилзсзна убаггилидтаа згз саман̣аб̣раахман̣аа на д̇абанд̇и на бхаасанд̇и на вирожанд̇и. имз ко, бхигкавз, жад̇д̇ааро саман̣аб̣раахман̣аанам̣ убаггилзсаа , язхи убаггилзсзхи убаггилидтаа згз саман̣аб̣раахман̣аа на д̇абанд̇и на бхаасанд̇и на вирожанд̇ий’’д̇и.
‘‘рааг̇ад̣̇осабариггидтаа, згз саман̣аб̣раахман̣аа;
авиж̇ж̇аанивуд̇аа босаа, бияаруубаабхинанд̣̇ино.
‘‘сурам̣ биванд̇и мзраяам̣, бадисзванд̇и мзт̇унам̣;
раж̇ад̇ам̣ ж̇аад̇аруубан̃жа, саад̣̇ияанд̇и авид̣̇д̣̇асуу;
мижчааж̇ийвзна ж̇ийванд̇и, згз саман̣аб̣раахман̣аа.
‘‘зд̇з убаггилзсаа вуд̇д̇аа, б̣уд̣̇д̇хзнаад̣̇ижжаб̣анд̇хунаа;
язхи убаггилзсзхи убаггилидтаа (сий. бий.), згз саман̣аб̣раахман̣аа;
на д̇абанд̇и на бхаасанд̇и, асуд̣̇д̇хаа сараж̇аа маг̇аа.
‘‘анд̇хагаарзна онад̣̇д̇хаа, д̇ан̣хаад̣̇аасаа санзд̇д̇игаа;
вад̣дхзнд̇и гадасим̣ гхорам̣, аад̣̇ияанд̇и бунаб̣бхава’’нд̇и. д̣̇асамам̣;
рохид̇ассаваг̇г̇о бан̃жамо.
д̇ассуд̣̇д̣̇аанам̣ –
самаад̇хибан̃хаа д̣̇вз год̇хаа, рохид̇ассаабарз д̣̇увз;
сувид̣̇уурависаакавибаллаасаа, убаггилзсзна д̇з д̣̇асаад̇и.
батамабан̣н̣аасагам̣ самад̇д̇ам̣.
2. д̣̇уд̇ияабан̣н̣аасагам̣