(12) 2. аабааяигаваг̇г̇о
1. аабааяигасуд̇д̇аван̣н̣анаа
114. д̣̇уд̇ияасса батамз абааязсу ниб̣б̣ад̇д̇анасийлад̇ааяа абааяуубаг̇аа аабааяигаад̇и ааха ‘‘абааяам̣ г̇ажчиссанд̇ийд̇и аабааяигаа’’д̇и. ан̃н̃з б̣рахмажаарино сунивад̇т̇з субааруд̇з сумбхагабад̇д̇ад̇харз г̇ааманиг̇амарааж̇ад̇хаанийсу ‘‘б̣рахмажаарибадин̃н̃од̇и б̣рахмажаарибадируубаго’’д̇и. ‘‘ахамби бхигкуу’’д̇и вад̇ваа убосат̇ан̇г̇аад̣̇ийни бависанд̇о бана б̣рахмажаарибадин̃н̃о ход̇иязва, д̇ат̇аа сан̇гхигам̣ лаабхам̣ г̇ан̣ханд̇о. д̇знааха ‘‘д̇зсам̣ ваа…бз… звам̣бадин̃н̃о’’д̇и. аггосад̇ийд̇и ‘‘ассаман̣оси, саман̣абадин̃н̃осий’’д̇иаад̣̇инаа аггосад̇и. барибхаасад̇ийд̇и ‘‘со д̇вам̣ ‘ход̇у, мун̣д̣агасаман̣о аха’нд̇и ман̃н̃аси, ид̣̇аани д̇з ассаман̣абхаавам̣ ааробзссаамий’’д̇иаад̣̇инаа вад̣̇анд̇о барибхаасад̇и.
гилзсагаамоби ассаад̣̇ияамаано вад̇т̇угааманд̇ог̇ад̇хоязва, гилзсагаамавасзна жа д̇зсам̣ ассаад̣̇анам̣ сияаад̇и ааха ‘‘гилзсагаамзна вад̇т̇угаамз сзванд̇ассаа’’д̇и. гилзсагаамзнаад̇и гаран̣ад̇т̇з гаран̣аважанам̣. над̇т̇и д̣̇осод̇и ассаад̣̇зд̇ваа висаяабарибхог̇з над̇т̇и аад̣̇ийнаво, д̇аббажжаяаа на гожи анд̇арааяод̇и ад̇хиббааяо. баад̇аб̣б̣ад̇ам̣ аабаж̇ж̇ад̇ийд̇и барибхун̃ж̇анагад̇ам̣ убаг̇ажчад̇и. барибхог̇ад̇т̇о хи аяам̣ баа-сад̣̇д̣̇о, гад̇д̇усаад̇хано жа д̇аб̣б̣а-сад̣̇д̣̇о, яат̇ааружи барибхун̃ж̇ад̇ийд̇и ад̇т̇о. бивид̇аб̣б̣ад̇ам̣ барибхун̃ж̇ид̇аб̣б̣ад̇анд̇и зд̇т̇ааби гад̇д̇увасзнзва ад̇т̇о взд̣̇ид̇аб̣б̣о.
аабааяигасуд̇д̇аван̣н̣анаа нидтид̇аа.
2. д̣̇уллабхасуд̇д̇аван̣н̣анаа
115. д̣̇уд̇ияз барзна гад̇асса убагаарасса ануруубаббавад̇д̇и ад̇д̇ани гад̇ам̣ убагаарам̣ убагаарад̇о ж̇аананд̇о взд̣̇ияанд̇о гад̇ан̃н̃уу гад̇авзд̣̇ийд̇и ааха ‘‘иминаа маяхам̣ гад̇а’’нд̇иаад̣̇и.
д̣̇уллабхасуд̇д̇аван̣н̣анаа нидтид̇аа.
3. аббамзяяасуд̇д̇аван̣н̣анаа
116. д̇ад̇ияз сукзна мзд̇аб̣б̣од̇и яат̇аа барид̇д̇асса уд̣̇агасса сукзна бамаан̣ам̣ г̇аяхад̇и, звамзва ‘‘уд̣̇д̇хад̇о’’д̇иаад̣̇инаа яат̇аавуд̇д̇зхи аг̇ун̣ан̇г̇зхи д̣̇угкзна мзд̇аб̣б̣од̇и яат̇аа махаасамуд̣̇д̣̇асса д̣̇угкзна бамаан̣ам̣ г̇аяхад̇и, звамзва ‘‘ануд̣̇д̇хад̇о’’д̇иаад̣̇инаа д̣̇ассид̇зхи г̇ун̣ан̇г̇зхи саманнааг̇ад̇асса д̣̇угкзна бамаан̣ам̣ г̇аяхад̇и, ‘‘анааг̇аамий бамзд̇ум̣ на саггод̇ийд̇и яат̇аа аагаасасса на саггаа бамаан̣ам̣ г̇ахзд̇ум̣, звам̣ кийн̣аасавасса, д̇знзса бамзд̇ум̣ на саггаад̇и аббамзяяо.
саараабхаавзна д̇ужчад̇д̇аа нал̣о вияа нал̣о, маанод̇и ааха ‘‘уннал̣од̇и уг̇г̇ад̇анал̣о’’д̇и, удтид̇ад̇ужчамаанод̇и вуд̇д̇ам̣ ход̇и. д̇знааха ‘‘д̇ужчамаанам̣ угкибид̇ваа тид̇од̇и ад̇т̇о’’д̇и. мано хи сзяяасса сзяяод̇и сад̣̇исод̇и жа бавад̇д̇ияаа висзсад̇о д̇ужчо. жаабаллзнаад̇и жабалабхаавзна, д̇ан̣хаалолуббзнаад̇и ад̇т̇о. мукарод̇и мукзна парусо, парусаваажод̇и ад̇т̇о. вигин̣н̣аваажод̇и висадаважано сампаббалаабид̇ааяа абарияанд̇аважано. д̇знааха ‘‘асан̃н̃ад̇аважано’’д̇и, д̣̇ивасамби нирад̇т̇агаважанам̣ балаабийд̇и вуд̇д̇ам̣ ход̇и. жид̇д̇згаг̇г̇ад̇аарахид̇од̇и убажаараббанаасамаад̇хирахид̇о жан̣д̣асод̇з б̣ад̣̇д̇ханааваа вияа анавадтид̇агирияо. бханд̇ажид̇д̇од̇и анавадтид̇ажид̇д̇о бан̣н̣аарул̣хавааламиг̇асад̣̇исо. вивадинд̣̇рияод̇и сам̣вараабхаавзна г̇ихигаалз вияа асам̣вуд̇ажагкаад̣̇иинд̣̇рияо.
аббамзяяасуд̇д̇аван̣н̣анаа нидтид̇аа.
4. аанзн̃ж̇асуд̇д̇аван̣н̣анаа
117. жад̇уд̇т̇з саха б̣яаяад̇и г̇ажчад̇ийд̇и сахаб̣яо, сахабавад̇д̇анаго. д̇асса бхааво сахаб̣яад̇аа, сахабавад̇д̇ийд̇и ааха ‘‘сахабхаавам̣ убабаж̇ж̇ад̇ий’’д̇и. ‘‘яаавад̇агам̣ д̇зсам̣ д̣̇зваанам̣ ааяуббамаан̣ам̣, д̇ам̣ саб̣б̣ам̣ кзбзд̇ваа нираяамби г̇ажчад̇ий’’д̇иаад̣̇иважанад̇о аруубабхавад̇о жуд̇асса абааяуубабад̇д̇и вуд̇д̇аа вияа д̣̇иссад̇ийд̇и д̇аннивад̇д̇анад̇т̇ам̣ бхаг̇авад̇о ад̇хиббааяам̣ виваранд̇о ‘‘санд̇хааяабхаасид̇амид̣̇ам̣ важана’’нд̇и д̣̇ийбзд̇и ‘‘нираяаад̣̇ийхи авиббамуд̇д̇ад̇д̇аа’’д̇иаад̣̇инаа. на хи д̇асса убажаараж̇жхаанад̇о б̣алавад̇арам̣ агусалам̣ ад̇т̇ийд̇и. иминаа д̇ад̇о жаванд̇аанам̣ убажаараж̇жхаанамзва бадисанд̇хиж̇анагам̣ гамманд̇и д̣̇ийбзд̇и. ад̇хигам̣ ад̇хиббаяаасо, сависзсам̣ ид̇игад̇д̇аб̣б̣агирияаа. д̇знааха ‘‘ад̇хигаббаяог̇о’’д̇и. сзсамзд̇т̇а уд̇д̇аанамзва.
аанзн̃ж̇асуд̇д̇аван̣н̣анаа нидтид̇аа.
5. вибад̇д̇исамбад̣̇аасуд̇д̇аван̣н̣анаа
118. бан̃жамз д̣̇иннанд̇и д̣̇зяяад̇хаммасийсзна д̣̇аанам̣ вуд̇д̇анд̇и ааха ‘‘д̣̇иннасса палаабхаавам̣ санд̇хааяа вад̣̇ад̇ий’’д̇и. д̣̇иннам̣ бана аннаад̣̇ивад̇т̇ум̣ гат̇ам̣ бадигкибад̇и. зса наяо ‘‘яидтам̣ худ̇а’’нд̇и зд̇т̇ааби. махааяааг̇од̇и саб̣б̣асаад̇хааран̣ам̣ махаад̣̇аанам̣. бахзн̣агасаггаарод̇и баахунагаанам̣ гаад̇аб̣б̣асаггааро. паланд̇и аанисам̣сапалам̣ ниссанд̣̇апалан̃жа. вибаагод̇и сад̣̇исапалам̣. баралогз тид̇асса аяам̣ лого над̇т̇ийд̇и баралогз тид̇асса гаммунаа лад̣̇д̇хаб̣б̣о аяам̣ лого на ход̇и. ид̇халогз тид̇ассаби баралого над̇т̇ийд̇и ид̇халогз тид̇асса гаммунаа лад̣̇д̇хаб̣б̣о баралого на ход̇и. д̇ад̇т̇а гааран̣амааха ‘‘саб̣б̣з д̇ад̇т̇а д̇ад̇т̇зва ужчиж̇ж̇анд̇ий’’д̇и. имз сад̇д̇аа яад̇т̇а яад̇т̇а бхаваяониг̇ад̇иаад̣̇ийсу тид̇аа, д̇ад̇т̇а д̇ад̇т̇зва ужчиж̇ж̇анд̇и, д̣̇ваяавинаасзна винассанд̇и.
палаабхаававасзнаад̇и маад̇аабид̇уусу саммаабадибад̇д̇имижчаабадибад̇д̇ийнам̣ паласса абхаававасзна ‘‘над̇т̇и маад̇аа, над̇т̇и бид̇аа’’д̇и вад̣̇ад̇и, на маад̇аабид̇уунам̣, нааби д̇зсу саммаабадибад̇д̇имижчаабадибад̇д̇ийнам̣ абхаававасзна д̇зсам̣ логабажжагкад̇д̇аа. буб̣б̣ул̣агасса вияа имзсам̣ сад̇д̇аанам̣ уббаад̣̇о наама гзвало, на жа канабуб̣б̣агод̇и д̣̇ассанад̇т̇ам̣ ‘‘над̇т̇и сад̇д̇аа обабаад̇игаа’’д̇и вуд̇д̇анд̇и ааха ‘‘жавид̇ваа уббаж̇ж̇анагаа сад̇д̇аа наама над̇т̇ийд̇и вад̣̇ад̇ий’’д̇и. саяам̣ абхин̃н̃аа сажчигад̇ваа бавзд̣̇знд̇ийд̇и яз иман̃жа логам̣ баран̃жа логам̣ абхивисидтааяа бан̃н̃ааяа саяам̣ бажжагкам̣ гад̇ваа бавзд̣̇знд̇и, д̇з над̇т̇ийд̇и саб̣б̣ан̃н̃уб̣уд̣̇д̇хаанам̣ абхаавам̣ д̣̇ийбзд̇и.
вибад̇д̇исамбад̣̇аасуд̇д̇аван̣н̣анаа нидтид̇аа.
6-7. абан̣н̣агасуд̇д̇аад̣̇иван̣н̣анаа
119-120. чадтз чахи д̇алзхи саманнааг̇ад̇о баасагод̇и жад̇уусу бассзсу жад̇д̇аари д̇алаани, д̣̇вийсу годийсу д̣̇вз д̇алаанийд̇и звам̣ чахи д̇алзхи саманнааг̇ад̇о баасагагийл̣аабасуд̇аанам̣ ман̣исад̣̇исо баасагависзсо. сад̇д̇амам̣ уд̇д̇аанамзва.
абан̣н̣агасуд̇д̇аад̣̇иван̣н̣анаа нидтид̇аа.
8. батамасожзяяасуд̇д̇аван̣н̣анаа
121. адтамз сужибхаавод̇и гилзсаасуживиг̇амзна суд̣̇д̇хабхааво асам̣гилидтабхааво, ад̇т̇ад̇о гааяасужарид̇аад̣̇ийни.
батамасожзяяасуд̇д̇аван̣н̣анаа нидтид̇аа.
9. д̣̇уд̇ияасожзяяасуд̇д̇аван̣н̣анаа
122. навамз самужчзд̣̇авасзна бахийнасаб̣б̣агааяад̣̇ужжарид̇ад̇ааяа гааяз, гааязна ваа сужи гааяасужи. д̇знааха ‘‘гааяад̣̇ваарз’’д̇иаад̣̇и. сожзяяасамбаннанд̇и бадиббассад̣̇д̇хагилзсад̇д̇аа барисуд̣̇д̇хааяа сожзяяасамбад̇д̇ияаа убзд̇ам̣. нинхаад̇аа аг̇г̇амаг̇г̇асалилзна вигкаалид̇аа баабаа зд̇знаад̇и нинхаад̇абаабаго, кийн̣аасаво. д̇знааха ‘‘кийн̣аасавова гат̇ид̇о’’д̇и.
д̣̇уд̇ияасожзяяасуд̇д̇аван̣н̣анаа нидтид̇аа.
10. монзяяасуд̇д̇аван̣н̣анаа
123. д̣̇асамз мунино бхааваа монзяяаани, язхи д̇хаммзхи убхаяахид̇амунанад̇о муни наама ход̇и, д̇з мунибхаавагараа монзяяаа бадибад̣̇аа д̇хаммаа зва вуд̇д̇аа. мунино ваа зд̇аани монзяяаани, яат̇аавуд̇д̇ад̇хаммаа зва. д̇ад̇т̇а яасмаа гааязна агад̇д̇аб̣б̣асса агаран̣ам̣, гад̇д̇аб̣б̣асса жа гаран̣ам̣ гааяамонзяяам̣ наама. д̇асмаа д̇амад̇т̇ам̣ д̣̇ассзд̇ум̣ ‘‘гад̇амам̣ гааяамонзяяам̣? д̇ивид̇хагааяад̣̇ужжарид̇асса бахаанам̣ гааяамонзяяам̣, д̇ивид̇хагааяасужарид̇амби гааяамонзяяа’’нд̇иаад̣̇инаа (махаани. 14) баал̣и ааг̇ад̇аа. ид̇хааби д̇знзва баал̣инаязна ад̇т̇ам̣ д̣̇ассзнд̇о ‘‘д̇ивид̇хагааяад̣̇ужжарид̇аббахаанам̣ гааяамонзяяам̣ наамаа’’д̇иаад̣̇имааха.
ид̣̇аани ‘‘важиймонзяязби зсзва наяо’’д̇иаад̣̇имааха. д̇ад̇т̇а жобанаваажан̃жзва сад̣̇д̣̇аваажан̃жа аараб̣бха бавад̇д̇аа бан̃н̃аа ваажаарамман̣з н̃аан̣ам̣. д̇ассаа ваажааяа самуд̣̇аяаад̣̇ид̇о бариж̇аананам̣ ваажаабарин̃н̃аа.
‘‘гад̇амам̣ маномонзяяам̣? д̇ивид̇хаманод̣̇ужжарид̇асса бахаанам̣ маномонзяяам̣, д̇ивид̇хам̣ маносужжарид̇ам̣, манаарамман̣з н̃аан̣ам̣, манабарин̃н̃аа, барин̃н̃аасахаг̇ад̇о маг̇г̇о, манасмим̣ чанд̣̇арааг̇асса бахаанам̣, жид̇д̇асан̇кааранирод̇хо сан̃н̃аавзд̣̇аяид̇анирод̇хасамаабад̇д̇и маномонзяяа’’нд̇и имааяа баал̣ияаа ааг̇ад̇анаязна ад̇т̇ам̣ вибхаавзнд̇о ‘‘маномонзяязби иминаава наязна ад̇т̇ам̣ н̃ад̇ваа’’д̇иаад̣̇имааха. д̇ад̇т̇а жа згаасийд̇ивид̇хам̣ логияажид̇д̇ам̣ аараб̣бха бавад̇д̇ан̃аан̣ам̣ манаарамман̣з н̃аан̣ам̣. д̇асса самуд̣̇аяаад̣̇ид̇о бариж̇аананам̣ манабарин̃н̃аад̇и аяам̣ висзсо.
монзяяасуд̇д̇аван̣н̣анаа нидтид̇аа.
аабааяигаваг̇г̇аван̣н̣анаа нидтид̇аа.