3. урувзлаваг̇г̇о
1. батамаурувзласуд̇д̇аван̣н̣анаа
21. д̇ад̇ияасса батамз махаавзлаа вияа махаавзлаа, вибулаваалигабун̃ж̇ад̇ааяа маханд̇о взлаад̇адо вияаад̇и ад̇т̇о. д̇знааха ‘‘махааваалигараасийд̇и ад̇т̇о’’д̇и. уру, мару, сигад̇аа, ваалугаа, ван̣н̣у, ваалигаад̇и имз сад̣̇д̣̇аа самаанад̇т̇аа, б̣яан̃ж̇анамзва наанам̣. д̇знааха ‘‘урууд̇и ваалигаа вужжад̇ий’’д̇и.
наж̇ж̇аад̇и над̣̇ад̇и сад̣̇д̣̇ааяад̇ийд̇и над̣̇ий, д̇ассаа наж̇ж̇аа, над̣̇ияаа ниннаг̇ааяаад̇и ад̇т̇о. нзран̃ж̇арааяаад̇и ‘‘нзлан̃ж̇алааяаа’’д̇и вад̇д̇аб̣б̣з ла-гаарасса ра-гаарам̣ гад̇ваа ‘‘нзран̃ж̇арааяаа’’д̇и вуд̇д̇ам̣, гад̣̇д̣̇амасзваалабан̣агаад̣̇ид̣̇осарахид̇асалилааяаад̇и ад̇т̇о. гзжи ‘‘нийлам̣-ж̇алааяаад̇и вад̇д̇аб̣б̣з нзран̃ж̇арааяаа’’д̇и вад̣̇анд̇и. наамамзва ваа зд̇ам̣ д̇ассаа над̣̇ияаад̇и взд̣̇ид̇аб̣б̣ам̣. д̇ассаа над̣̇ияаа д̇ийрз яад̇т̇а бхаг̇аваа вихааси, д̇ам̣ д̣̇ассзд̇ум̣ ‘‘аж̇абааланиг̇род̇хз’’д̇и вуд̇д̇ам̣. гасмаа банааяам̣ аж̇абааланиг̇род̇хо наама ж̇аад̇од̇и ааха ‘‘д̇ассаа’’д̇иаад̣̇и. гзжи бана ‘‘яасмаа д̇ад̇т̇а взд̣̇з саж̇жхааяид̇ум̣ асамад̇т̇аа махаллагаб̣раахман̣аа баагаарабаригкзбаяуд̇д̇аани нивзсанаани гад̇ваа саб̣б̣з васим̣су, д̇асмаасса аж̇абааланиг̇род̇ход̇и наамам̣ ж̇аад̇а’’нд̇и вад̣̇анд̇и аж̇абаалод̇и. абарз
батамаабхисамб̣уд̣̇д̇ход̇и батамам̣ абхисамб̣уд̣̇д̇хо, анунаасигалобзнааяам̣ нид̣̇д̣̇зсо. д̇знзвааха ‘‘самб̣уд̣̇д̇хо худ̇ваа батамамзваа’’д̇и. батаманд̇и жа бхааванабум̣саганид̣̇д̣̇зсо, д̇асмаа абхисамб̣уд̣̇д̇хо худ̇ваа батамам̣ аж̇абааланиг̇род̇хз вихараамийд̇и звамзд̇т̇а самб̣анд̇хо взд̣̇ид̇аб̣б̣о. аяам̣ вид̇аггод̇и аяам̣ ‘‘гинну кваахам̣…бз… вихарзяяа’’нд̇и звам̣ бавад̇д̇авид̇агго. хад̇т̇ий жа ваанаро жа д̇ид̇д̇иро жа хад̇т̇иваанарад̇ид̇д̇ираа.
яз вуд̣̇д̇хамабажааяанд̇ийд̇и ж̇аад̇ивуд̣̇д̇хо, ваяовуд̣̇д̇хо, г̇ун̣авуд̣̇д̇ход̇и д̇аяо вуд̣̇д̇хаа. д̇зсу ж̇аад̇исамбанно ж̇аад̇ивуд̣̇д̇хо наама, ваяз тид̇о ваяовуд̣̇д̇хо наама, г̇ун̣асамбанно г̇ун̣авуд̣̇д̇хо наама. д̇зсу г̇ун̣асамбанно ваяовуд̣̇д̇хо имасмим̣ таанз вуд̣̇д̇ход̇и ад̇хиббзд̇о. абажааяанд̇ийд̇и ж̇здтаабажааяигаагаммзна бууж̇знд̇и. д̇хаммасса говид̣̇аад̇и ж̇здтаабажааяанад̇хаммасса говид̣̇аа гусалаа. д̣̇идтзва д̇хаммзд̇и имасмим̣язва ад̇д̇абхаавз. баасам̣саад̇и басам̣саарахаа. самбарааяз жа суг̇г̇ад̇ийд̇и самбарзд̇аб̣б̣з имам̣ логам̣ хид̇ваа г̇анд̇аб̣б̣з баралогзби д̇зсам̣ суг̇ад̇иязва. аяам̣ банзд̇т̇а бин̣д̣ад̇т̇о – кад̇д̇ияаа ваа хонд̇у б̣раахман̣аа ваа взссаа ваа суд̣̇д̣̇аа ваа г̇ахадтаа ваа баб̣б̣аж̇ид̇аа ваа д̇иражчаанаг̇ад̇аа ваа, яз гзжи сад̇д̇аа ж̇здтаабажид̇игаммзна сийлаад̣̇иг̇ун̣асамбаннаанам̣ ваяовуд̣̇д̇хаанам̣ абажид̇им̣ гаронд̇и, д̇з имасмин̃жа ад̇д̇абхаавз ж̇здтаабажид̇игаарагаад̇и басам̣сам̣ ван̣н̣анам̣ т̇оманам̣ лабханд̇и, гааяасса жа бхзд̣̇аа саг̇г̇з ниб̣б̣ад̇д̇анд̇ийд̇и.
ан̃н̃асминд̇и барасмим̣. ад̇д̇аа на ход̇ийд̇и ан̃н̃о, баро. со банзд̇т̇а на яо гожи ад̇хиббзд̇о, ат̇а ко г̇арудтаанияо. д̇знааха ‘‘ган̃жи г̇арудтаанз адтабзд̇ваа’’д̇и. бад̇иссад̇и г̇аруно аан̣ам̣ самбадижчад̇ийд̇и бад̇иссо, на бад̇иссо аббад̇иссо, бад̇иссаяарахид̇о, г̇арубассаяарахид̇од̇и ад̇т̇о.
сад̣̇звагзд̇и сад̣̇звагаг̇г̇ахан̣зна бан̃жагаамааважарад̣̇зваг̇г̇ахан̣ам̣ баарисзсан̃ааязна ид̇арзсам̣ бад̣̇анд̇арзхи сан̇г̇ахид̇ад̇д̇аа. самаарагаг̇г̇ахан̣зна чадтагаамааважарад̣̇зваг̇г̇ахан̣ам̣ бажжаасад̇д̇ин̃ааязна. д̇ад̇т̇а хи мааро ж̇аад̇о д̇анниваасий жа ход̇и. саб̣рахмагаважанзна б̣рахмагааяигаад̣̇иб̣рахмаг̇г̇ахан̣ам̣ бажжаасад̇д̇ин̃ааязнзва. сассаман̣аб̣раахман̣ияаа баж̇ааяаад̇и саасанасса бажжад̇т̇игасаман̣аб̣раахман̣аг̇г̇ахан̣ам̣. нид̣̇ассанамад̇д̇ан̃жзд̇ам̣ абажжад̇т̇игаанам̣ асамид̇ааб̣аахид̇абаабаанан̃жа саман̣аб̣раахман̣аанам̣ баж̇ааг̇ахан̣анд̇и баж̇ааважанзна сад̇д̇алогаг̇г̇ахан̣ам̣.
д̣̇звабхаавасааман̃н̃зна маараб̣рахмзсу г̇ахид̇зсуби ид̇арзхи д̇зсам̣ лаб̣бхамаанависзсад̣̇ассанад̇т̇ам̣ висум̣ г̇ахан̣анд̇и д̣̇ассзнд̇о ‘‘мааро наамаа’’д̇иаад̣̇имааха. мааро б̣рахмаанамби вижагкугаммааяа баход̇ийд̇и ааха ‘‘саб̣б̣зса’’нд̇и. убарийд̇и убарибхааг̇з. б̣рахмаад̇и д̣̇асасахассиб̣рахмаанам̣ санд̇хааяааха. д̇ат̇аа жааха ‘‘д̣̇асахи ан̇г̇улийхий’’д̇иаад̣̇и. ид̇ха д̣̇ийгханигааяаад̣̇аяо вияа б̣аахирагаанамби г̇ант̇анигааяо лаб̣бхад̇ийд̇и ааха ‘‘зганигааяаад̣̇ивасзнаа’’д̇и. вад̇т̇увиж̇ж̇аад̣̇ийд̇и аад̣̇и-сад̣̇д̣̇зна виж̇ж̇аадтаанаани сан̇г̇аяханд̇и. яат̇аасагам̣ гаммагилзсзхи баж̇аад̇ад̇д̇аа ниб̣б̣ад̇д̇ад̇д̇аа баж̇аа, сад̇д̇анигааяо, д̇ассаа баж̇ааяа. сад̣̇звамануссааяаад̇и ваа иминаа саммуд̇ид̣̇зваг̇г̇ахан̣ам̣ д̇ад̣̇авасидтамануссалогаг̇г̇ахан̣ан̃жа д̣̇адтаб̣б̣ам̣.
звам̣ бхааг̇асо логам̣ г̇ахзд̇ваа яож̇анам̣ д̣̇ассзд̇ваа ид̣̇аани абхааг̇асо логам̣ г̇ахзд̇ваа яож̇анам̣ д̣̇ассзд̇ум̣ ‘‘абижзд̇т̇аа’’д̇иаад̣̇и вуд̇д̇ам̣. логавасзна вуд̇д̇аани ‘‘логийяанд̇и зд̇т̇а гаммам̣ гаммапалааний’’д̇и гад̇ваа. баж̇аавасзна ‘‘хзд̇убажжаязхи баж̇аад̇аа’’д̇и гад̇ваа. сийласамбаннад̇аранд̇и зд̇т̇а барибун̣н̣асамбаннад̇аа ад̇хиббзд̇аа ‘‘самбаннам̣ саалигзд̣̇аара’’нд̇иаад̣̇ийсу (ж̇аа. 1.14.1) вияа. д̇знааха ‘‘ад̇хигад̇аранд̇и ад̇т̇о’’д̇и. барибун̣н̣ан̃хи ад̇хигад̇аранд̇и вад̇д̇ум̣ арахад̇и. гааран̣анд̇и яуд̇д̇им̣. ад̇т̇анд̇и авибарийд̇ад̇т̇ам̣. вад̣дхинд̇и ад̇ивад̣дхинимид̇д̇ам̣.
иминаа важанзнаад̇и имасмим̣ суд̇д̇з ананд̇арам̣ вуд̇д̇аважанзна. на гзвалам̣ иминаава, суд̇д̇анд̇арамби аанзд̇ваа бадиб̣аахид̇аб̣б̣од̇и д̣̇ассзнд̇о ‘‘на мз аажарияо ад̇т̇ий’’д̇иаад̣̇имааха. д̇ад̇т̇а на мз аажарияо ад̇т̇ийд̇и логуд̇д̇арад̇хаммз маяхам̣ аажарияо наама над̇т̇и. гин̃жааби логияад̇хаммаанамби яаад̣̇исо логанаат̇асса ад̇хиг̇амо, на д̇аад̣̇исо ад̇хиг̇амо баруубад̣̇зсо ад̇т̇и. логуд̇д̇арад̇хаммз банасса лзсоби над̇т̇и. над̇т̇и мз бадибуг̇г̇алод̇и маяхам̣ сийлаад̣̇ийхи г̇ун̣зхи бадинид̇хибхууд̇о буг̇г̇ало наама над̇т̇и. саранд̇и гаран̣з зд̇ам̣ бажжад̇д̇аважананд̇и ааха ‘‘саранд̇знаа’’д̇и, саранд̇и ваа саран̣ахзд̇у жаад̇и ад̇т̇о.
яад̇од̇и бхуммад̇т̇з д̇осад̣̇д̣̇од̇и ааха ‘‘яасмим̣ гаалз’’д̇и. рад̇д̇ияо ж̇аананд̇ийд̇и рад̇д̇ан̃н̃уу, ад̇д̇ано баб̣б̣аж̇ид̇ад̣̇ивасад̇о бадтааяа б̣ахуу рад̇д̇ияо ж̇аананд̇и, жирабаб̣б̣аж̇ид̇аад̇и вуд̇д̇ам̣ ход̇и. рад̇д̇ан̃н̃уунам̣ рад̇д̇ан̃н̃умаханд̇ам̣. бхааваббад̇хаано зса нид̣̇д̣̇зсо. ‘‘рад̇д̇ан̃н̃умахад̇д̇а’’нд̇и ваа баато. зса наяо сзсзсуби. т̇зранавамаж̇жхимаанам̣ васзна вибулабхааво взбулламаханд̇ам̣. сигкад̇д̇аяасан̇г̇ахид̇асса саасанаб̣рахмажарияасса жхаанаабхин̃н̃аад̣̇ивасзна вибулабхааво б̣рахмажарияамаханд̇ам̣. висидтасса бажжаяалаабхасса вибулабхааво лаабхаг̇г̇амаханд̇ам̣. жад̇уб̣б̣ид̇хзна маханд̇знаад̇и жад̇уб̣б̣ид̇хзна маханд̇абхаавзна. махаабаж̇аабад̇ияаа д̣̇уссаяуг̇ад̣̇аанагаалзд̇и бхаг̇авад̇о сан̇гхз г̇ааравасса баагадагаалад̣̇ассанамад̇д̇ам̣. на хи бхаг̇аваа д̇ад̇о буб̣б̣з сан̇гхз г̇аараварахид̇о вихааси.
батамаурувзласуд̇д̇аван̣н̣анаа нидтид̇аа.
2.д̣̇уд̇ияаурувзласуд̇д̇аван̣н̣анаа
22. д̣̇уд̇ияз хухун̇гаж̇аад̇игзнаад̇и со гира д̣̇идтаман̇г̇алиго маанавасзна год̇хавасзна жа ‘‘хуху’’нд̇и гаронд̇о вижарад̇и, д̇асмаа хухун̇гаж̇аад̇игод̇и вужжад̇и. ‘‘хухуггаж̇аад̇иго’’д̇иби батанд̇и, д̇зна сад̣̇д̇хим̣ ааг̇ад̇аад̇и ад̇т̇о. ж̇арааж̇ин̣н̣аад̇и ж̇арааяа кан̣д̣ад̣̇анд̇абалид̇агзсаад̣̇ибхаавам̣ аабаад̣̇ид̇аа. ваяовуд̣̇д̇хаад̇и ан̇г̇абажжан̇г̇аанам̣ вуд̣̇д̇химарияаад̣̇аббад̇д̇аа. ж̇аад̇имахаллагаад̇и убабад̇д̇ияаа махаллагабхаавзна саманнааг̇ад̇аа. махад̇д̇ам̣ ланд̇и г̇ан̣ханд̇ийд̇и ваяоануббад̇д̇аад̇и бажчимаваяам̣ самбад̇д̇аа, бажчимаваяо наама вассасад̇асса бажчимо д̇ад̇ияо бхааг̇о. ж̇ин̣н̣аад̇и ваа бораан̣аа, жирагаалаббавад̇д̇агуланваяаад̇и вуд̇д̇ам̣ ход̇и. вуд̣̇д̇хаад̇и сийлаажаараад̣̇иг̇ун̣авуд̣̇д̇хияуд̇д̇аа. махаллагаад̇и вибхавамаханд̇ад̇ааяа саманнааг̇ад̇аа. махад̣̇д̇ханаад̇и махаабхог̇аа. ад̣̇д̇хаг̇ад̇аад̇и маг̇г̇аббадибаннаа б̣раахман̣аанам̣ вад̇ажарияаад̣̇имарияаад̣̇ам̣ авийд̇иггамма жарамаанаа. ваяоануббад̇д̇аад̇и ж̇аад̇ивуд̣̇д̇хабхаавам̣ анд̇имаваяам̣ ануббад̇д̇аа. суд̇ам̣ нзд̇анд̇и зд̇т̇а суд̇ам̣ но зд̇анд̇и бад̣̇ажчзд̣̇о. нод̇и жа гаран̣ад̇т̇з саамиважанам̣. д̇знааха ‘‘амхзхи суд̇а’’нд̇и.
агаалзд̇и аяуд̇д̇агаалз. асабхаавам̣ вад̣̇ад̇ийд̇и яам̣ над̇т̇и, д̇ам̣ вад̣̇ад̇и. анад̇т̇ам̣ вад̣̇ад̇ийд̇и агааран̣аниссид̇ам̣ вад̣̇ад̇и. агааран̣аниссид̇анд̇и жа нибпаланд̇и ад̇т̇о. палан̃хи гааран̣аниссид̇ам̣. агааран̣аниссид̇ад̇аа жа д̇ад̣̇авинаабхаавад̇о агааран̣з ниссид̇ам̣, нибпалам̣ сампанд̇и вуд̇д̇ам̣ ход̇и. авинаяам̣ вад̣̇ад̇ийд̇и на сам̣варавинаяаббадисам̣яуд̇д̇ам̣ вад̣̇ад̇и, ад̇д̇ано сун̣анд̇асса жа на сам̣варавинаяаавахам̣ вад̣̇ад̇ийд̇и вуд̇д̇ам̣ ход̇и. на хад̣̇аяз нид̇хзд̇аб̣б̣аяуд̇д̇аганд̇и ахид̇асам̣хид̇ад̇д̇аа жид̇д̇ам̣ ануббавзсзд̇ваа нид̇хзд̇ум̣ аяуд̇д̇ам̣. гат̇зд̇ум̣ аяуд̇д̇агаалзнаад̇и д̇хаммам̣ гат̇знд̇зна яо ад̇т̇о яасмим̣ гаалз абад̣̇зсарахид̇анд̇и суд̇д̇аабад̣̇зсарахид̇ам̣. саабад̣̇зсам̣ сагааран̣ам̣ гад̇ваа на гат̇зд̇ийд̇и ‘‘бхаг̇авад̇аа асугз суд̇д̇з звам̣ вуд̇д̇а’’нд̇и звам̣ саабад̣̇зсам̣ гааран̣асахид̇ам̣ гад̇ваа на гат̇зд̇и.
барияанд̇арахид̇анд̇и барижчзд̣̇арахид̇ам̣, суд̇д̇ам̣ ваа ж̇аад̇агам̣ ваа нигкибид̇ваа д̇асса ануяог̇ам̣ убамам̣ ваа вад̇т̇ум̣ ваа аахарид̇ваа яам̣ суд̇д̇ам̣ ж̇аад̇агам̣ ваа нигкибид̇ам̣, д̇асса сарийрабхууд̇ам̣ гат̇ам̣ анаамасид̇ваа б̣аахирагат̇ам̣язва гат̇зд̇и, нигкид̇д̇ам̣ нигкид̇д̇амад̇д̇амзва ход̇и, ‘‘суд̇д̇ам̣ ну ко гат̇зд̇и ж̇аад̇агам̣ ну ко, наасса анд̇ам̣ ваа годим̣ ваа бассаамаа’’д̇и вад̇д̇аб̣б̣ад̇ам̣ аабаж̇ж̇ад̇и. яат̇аа вадаругкасаакаанам̣ г̇ад̇аг̇ад̇адтаанз баарохаа од̇аранд̇и, од̇ин̣н̣о-д̇ин̣н̣адтаанз вирул̣хим̣ аабаж̇ж̇ид̇ваа буна вад̣дханд̇иязва, звам̣ ад̣дхаяож̇анамби яож̇анамби г̇ажчад̇иязва. г̇ажчанд̇з г̇ажчанд̇з бана мууларугко винассад̇и, ануж̇аад̇абаарохамуулааниязва д̇идтанд̇и, звам̣ аяамби ниг̇род̇хад̇хаммагат̇иго наама ход̇и. нигкид̇д̇ам̣ нигкид̇д̇амзва гад̇ваа бассзнзва барихаранд̇о г̇ажчад̇и. яо бана б̣ахумби на логияалогуд̇д̇араад̇т̇аниссид̇анд̇и ад̇д̇ано барзсан̃жа на логияалогуд̇д̇арахид̇аавахам̣.
багадтаанам̣ уггадтаанам̣ сийлаад̣̇иад̇т̇аанам̣ б̣од̇ханад̇о сабхааванируд̇д̇ивасзна жа б̣уд̣̇д̇хаад̣̇ийхи бхаасид̇ад̇д̇аа багадтаанам̣ важанаббаб̣анд̇хаанам̣ аал̣ийд̇и баал̣и, барияад̇д̇ид̇хаммо. буримасса ад̇т̇асса бажчимзна ад̇т̇зна анусанд̇хаанам̣ анусанд̇хи, ад̇т̇амукзна бана баал̣иббад̣̇зсаанамби анусанд̇хи ход̇иязва. свааяам̣ анусанд̇хи бужчаанусанд̇хиаж̇жхаасаяаанусанд̇хияат̇аанусанд̇хиаад̣̇ивасзна жад̇уб̣б̣ид̇хо, д̇ам̣д̇ам̣д̣̇зсанаанам̣ бана буб̣б̣аабарабаал̣ивасзна анусанд̇хивасзна буб̣б̣аабаравасзнаад̇и бажжзгам̣ яож̇зд̇аб̣б̣ам̣. уг̇г̇ахид̇анд̇и б̣яан̃ж̇анасо ад̇т̇асо жа уд̣̇д̇хам̣ уд̣̇д̇хам̣ г̇ахид̇ам̣, барияаабун̣анавасзна жзва барибужчаавасзна жа хад̣̇аязна г̇ахид̇анд̇и ад̇т̇о. ваддад̣̇угканиссаран̣ад̇т̇игзхи сод̇аб̣б̣ад̇о суд̇ам̣, барияад̇д̇ид̇хаммо. д̇ам̣ д̇хаарзд̇ийд̇и суд̇ад̇харо. яо хи суд̇ад̇харо, суд̇ам̣ д̇асмим̣ бад̇идтид̇ам̣ ход̇и суббад̇идтид̇ам̣ арог̇игам̣, д̇асмаа вуд̇д̇ам̣ ‘‘суд̇асса аад̇хаарабхууд̇о’’д̇и. д̇знааха ‘‘яасса хий’’д̇иаад̣̇и. згам̣ бад̣̇ам̣ згагкарамби авинадтам̣ худ̇ваа саннижийяад̇ийд̇и саннижаяо, суд̇ам̣ саннижаяо зд̇асминд̇и суд̇асаннижаяо. аж̇жхосааяаад̇и ануббависид̇ваа. д̇идтад̇ийд̇и на саммуссад̇и.
баг̇ун̣аад̇и ваажуг̇г̇ад̇аа. нижжалиганд̇и авибаривад̇д̇ам̣. сам̣санд̣̇ид̇ваад̇и ан̃н̃зхи сам̣санд̣̇ид̇ваа. самануг̇г̇аахид̇ваад̇и г̇ан̇г̇аасод̇асад̣̇исам̣. ‘‘бхаван̇г̇асод̇асад̣̇иса’’нд̇и ваа баато, агид̇д̇имам̣ сукаббавад̇д̇ийд̇и ад̇т̇о. суд̇д̇згад̣̇зсасса суд̇д̇амад̇д̇асса жа важасаа барижаяо ид̇ха наад̇хиббзд̇о, ваг̇г̇аад̣̇ивасзна бана ад̇хиббзд̇од̇и ааха ‘‘суд̇д̇ад̣̇асага…бз… саж̇жхааяид̇аа’’д̇и, ‘‘д̣̇асасуд̇д̇аани г̇ад̇аани, д̣̇асаваг̇г̇аани г̇ад̇ааний’’д̇иаад̣̇инаа саллагкзд̇ваа ваажааяа саж̇жхааяид̇аад̇и ад̇т̇о. манасаа ану ану бзгкид̇аа бхааг̇асо ниж̇жхааяид̇аа жинд̇ид̇аа манасаанубзгкид̇аа. руубаг̇ад̇ам̣ вияа бан̃н̃ааяад̇ийд̇и руубаг̇ад̇ам̣ вияа жагкусса вибхууд̇ам̣ худ̇ваа бан̃н̃ааяад̇и. суббадивид̣̇д̇хаад̇и ниж̇ж̇адам̣ ниг̇г̇умб̣ам̣ гад̇ваа судту яаат̇аавад̇о бадивид̣̇д̇хаа.
ад̇хигам̣ абхижзд̇о, убажаараж̇жхаанажид̇д̇ам̣. д̇асса бана ад̇хигад̇аа баагад̇игагаамааважаражид̇д̇зхи сунд̣̇арад̇ааяа, саа бадибагкад̇о суд̣̇д̇хияаад̇и ааха ‘‘абхигганд̇ам̣ висуд̣̇д̇хам̣ жид̇д̇а’’нд̇и. ад̇хижид̇д̇анд̇и самаад̇химааха. соби убажаарасамаад̇хи д̣̇адтаб̣б̣о. вивзгаж̇ам̣ бийд̇исукам̣, самаад̇хиж̇ам̣ бийд̇исукам̣, абийд̇иж̇ам̣ гааяасукам̣, сад̇ибаарисуд̣̇д̇хиж̇ам̣ н̃аан̣асуканд̇и жад̇уб̣б̣ид̇хамби жхаанасукам̣ бадибагкад̇о нигканд̇ад̇ам̣ убаад̣̇ааяа нзгкаммасуканд̇и вужжад̇ийд̇и ааха ‘‘нзгкаммасукам̣ винд̣̇ад̇ий’’д̇и. ижчид̇ижчид̇агкан̣з самаабаж̇ж̇ид̇ум̣ самад̇т̇од̇и иминаа д̇зсу жхаанзсу самаабаж̇ж̇анавасийбхаавамааха. нигаамалаабхийд̇и бана важанад̇о ааваж̇ж̇анаад̇хидтаанабажжавзгкан̣авасияоби вуд̇д̇аа зваад̇и взд̣̇ид̇аб̣б̣аа. сукзнзва бажжанийгад̇хаммз вигкамбхзд̇ваад̇и зд̇зна д̇зсам̣ жхаанаанам̣ сукаббадибад̣̇ад̇ам̣ киббаабхин̃н̃ад̇ан̃жа д̣̇ассзд̇и.
вибулаананд̇и взбуллам̣ баабид̇аанам̣ жхаанаанам̣. вибулад̇аа наама субхаавид̇абхаавзна жирад̇араббавад̇д̇ияаа, саа жа барижчзд̣̇аануруубаава ижчид̇аб̣б̣аад̇и ‘‘вибулаана’’нд̇и вад̇ваа ‘‘яат̇аабарижчзд̣̇зна вудтаад̇ум̣ самад̇т̇од̇и вуд̇д̇ам̣ ход̇ий’’д̇и ааха. барижчзд̣̇агаалан̃хи аббад̇ваава вудтаханд̇о агасиралаабхий на ход̇и яаавад̣̇ижчид̇ам̣ бавад̇д̇зд̇ум̣ асамад̇т̇ад̇д̇аа. ид̣̇аани яат̇аавуд̇д̇з самаабаж̇ж̇анаад̣̇ивасийбхаавз б̣яад̇ирзгавасзна вибхаавзд̇ум̣ ‘‘згажжо хий’’д̇иаад̣̇и вуд̇д̇ам̣. д̇ад̇т̇а лаабхийязва ход̇ийд̇и ид̣̇ам̣ бадилад̣̇д̇хамад̇д̇асса жхаанасса васзна вуд̇д̇ам̣. д̇ат̇аад̇и ижчид̇ижчид̇агкан̣з. баарибант̇игзд̇и васийбхаавасса бажжанийгад̇хаммз. жхаанаад̇хиг̇амасса бана бажжанийгад̇хаммаа баг̇зва вигкамбхид̇аа, ан̃н̃ат̇аа жхаанаад̇хиг̇амо зва на сияаа. гижчзна вигкамбхзд̇ийд̇и гижчзна висод̇хзд̇и. гаамаад̣̇ийнавабажжавзгкан̣аад̣̇ийхи гаамажчанд̣̇аад̣̇ийнам̣ вияа ан̃н̃зсамби самаад̇хибаарибант̇игаанам̣ д̣̇уурасамуссааран̣ам̣ ид̇ха вигкамбханам̣ висод̇ханан̃жаад̇и взд̣̇ид̇аб̣б̣ам̣. наал̣игаяанд̇анд̇и гааламаананаал̣игаяанд̇амааха.
адтабид̇асан̇габбод̇и абхин̃н̃аабаараг̇ууд̇и саб̣б̣зсам̣ логияалогуд̇д̇арад̇хаммаанам̣ абхин̃н̃ааяа баарам̣ г̇ад̇о, саб̣б̣ад̇хаммз абхивисидтааяа аг̇г̇амаг̇г̇абан̃н̃ааяа ж̇аанид̇ваа тид̇од̇и ад̇т̇о. барин̃н̃аабаараг̇ууд̇и бан̃жаннам̣ канд̇хаанам̣ барин̃н̃ааяа баарам̣ г̇ад̇о, бан̃жагканд̇хз бариж̇аанид̇ваа тид̇од̇и ад̇т̇о. бхааванаабаараг̇ууд̇и жад̇уннам̣ маг̇г̇аанам̣ бхааванааяа баарам̣ г̇ад̇о, жад̇д̇ааро маг̇г̇з бхаавзд̇ваа тид̇од̇и ад̇т̇о. бахаанабаараг̇ууд̇и саб̣б̣агилзсаанам̣ бахаанзна баарам̣ г̇ад̇о, саб̣б̣агилзсз баж̇ахид̇ваа тид̇од̇и ад̇т̇о сажчигирияаабаараг̇ууд̇и нирод̇хасажчигирияааяа баарам̣ г̇ад̇о, нирод̇хам̣ сажчигад̇ваа тид̇од̇и ад̇т̇о. самаабад̇д̇ибаараг̇ууд̇и саб̣б̣асамаабад̇д̇ийнам̣ самаабаж̇ж̇анзна баарам̣ г̇ад̇о, саб̣б̣аа самаабад̇д̇ияо самаабаж̇ж̇ид̇ваа тид̇од̇и ад̇т̇о. б̣рахмажарияасса гзвалийд̇и яам̣ б̣рахмажарияасса гзвалам̣ сагалабхааво, д̇зна саманнааг̇ад̇о, сагалажад̇умаг̇г̇аб̣рахмажарияаваасод̇и ад̇т̇о. д̇знааха ‘‘сагалаб̣рахмажарияо’’д̇и, барибун̣н̣амаг̇г̇аб̣рахмажарияод̇и ад̇т̇о. сзсам̣ сувин̃н̃зяяамзва.
д̣̇уд̇ияаурувзласуд̇д̇аван̣н̣анаа нидтид̇аа.
3. логасуд̇д̇аван̣н̣анаа
23. д̇ад̇ияз логод̇и луж̇ж̇анабалуж̇ж̇анадтзна лого. ад̇т̇ад̇о буримасмим̣ арияасажжад̣̇ваяам̣, ид̇ха бана д̣̇угкам̣ арияасажжам̣ взд̣̇ид̇аб̣б̣ам̣. д̇знааха ‘‘логод̇и д̣̇угкасажжа’’нд̇и. висам̣яуд̇д̇од̇и висам̣садто на бадиб̣ад̣̇д̇хо, саб̣б̣зсам̣ сам̣яож̇анаанам̣ саммад̣̇зва самужчиннад̇д̇аа д̇ад̇о виббамуд̇д̇од̇и ад̇т̇о. логасамуд̣̇аяод̇и суд̇д̇анд̇анаязна д̇ан̣хаа, абхид̇хамманаязна бана абхисан̇каарзхи сад̣̇д̇хим̣ д̣̇ияад̣дхагилзсасахассам̣. логанирод̇ход̇и ниб̣б̣аанам̣. сажчигад̇од̇и ад̇д̇абажжагко гад̇о. логанирод̇хаг̇ааминий бадибад̣̇аад̇и сийлаад̣̇игканд̇хад̇д̇аяасан̇г̇ахо арияо адтан̇г̇иго маг̇г̇о. со хи логанирод̇хам̣ ниб̣б̣аанам̣ г̇ажчад̇и ад̇хиг̇ажчад̇и, д̇ад̣̇ад̇т̇ам̣ ариязхи бадибаж̇ж̇ийяад̇и жаад̇и логанирод̇хаг̇ааминий бадибад̣̇аад̇и вужжад̇и.
зд̇д̇аавад̇аа д̇ат̇аани абхисамб̣уд̣̇д̇хо яаат̇аавад̇о г̇ад̇од̇и д̇ат̇ааг̇ад̇од̇и аяамад̇т̇о д̣̇ассид̇о ход̇и. жад̇д̇аари хи арияасажжаани д̇ат̇аани наама. яат̇ааха –
‘‘жад̇д̇ааримаани, бхигкавз, д̇ат̇аани авид̇ат̇аани анан̃н̃ат̇аани. гад̇амаани жад̇д̇аари? ид̣̇ам̣ д̣̇угканд̇и, бхигкавз, д̇ат̇амзд̇ам̣ авид̇ат̇амзд̇ам̣ анан̃н̃ат̇амзд̇а’’нд̇и (сам̣. ни. 5.1090; бади. ма. 2.8) вид̇т̇ааро.
абижа д̇ат̇ааг̇ад̇о, г̇ад̇од̇и жа аваг̇ад̇о ад̇ийд̇о бад̇д̇о бадибаннод̇и ад̇т̇о. ид̣̇ам̣ вуд̇д̇ам̣ ход̇и – яасмаа бхаг̇аваа
ид̇и бхаг̇аваа жад̇усажжаабхисамб̣од̇хавасзна ад̇д̇ано д̇ат̇ааг̇ад̇абхаавам̣ багаасзд̇ваа ид̣̇аани д̇ад̇т̇а д̣̇идтаад̣̇иабхисамб̣од̇хавасзнаби д̇ам̣ д̣̇ассзд̇ум̣ ‘‘яам̣, бхигкавз’’д̇иаад̣̇имааха. адтагат̇ааяам̣ бана ‘‘жад̇уухи сажжзхи ад̇д̇ано б̣уд̣̇д̇хабхаавам̣ гат̇зд̇ваа’’д̇и вуд̇д̇ам̣, д̇ам̣ д̇ат̇ааг̇ад̇асад̣̇д̣̇аб̣уд̣̇д̇хасад̣̇д̣̇аанам̣ ад̇т̇ад̇о ниннаанаагаран̣ад̇ам̣ д̣̇ассзд̇ум̣ вуд̇д̇ам̣. д̇ат̇аа жзва хи баал̣и бавад̇д̇аад̇и. д̣̇идтанд̇и руубааяад̇анам̣ д̣̇адтаб̣б̣ад̇о. д̇зна яам̣ д̣̇идтам̣ яам̣ д̣̇иссад̇и, яам̣ д̣̇агкад̇и, яам̣ самавааяз бассзяяа, д̇ам̣ саб̣б̣ам̣ д̣̇идтанд̇зва г̇ахид̇ам̣ гаалависзсасса анаамадтабхаавад̇о яат̇аа ‘‘д̣̇уд̣̇д̇ха’’нд̇и д̣̇ассзд̇и. суд̇анд̇иаад̣̇ийсуби зсзва наяо. суд̇анд̇и сад̣̇д̣̇ааяад̇анам̣ сод̇аб̣б̣ад̇о. муд̇анд̇и саниссаяз инд̣̇рияз ниссаяам̣ мун̃жид̇ваа баабун̣ид̇ваа г̇ахзд̇аб̣б̣ам̣. д̇знааха ‘‘бад̇ваа г̇ахзд̇аб̣б̣ад̇о’’д̇и. вин̃н̃аад̇анд̇и виж̇аанид̇аб̣б̣ам̣. д̇ам̣ бана д̣̇идтаад̣̇ивинимуд̇д̇ам̣ вин̃н̃зяяанд̇и ааха ‘‘сукад̣̇угкаад̣̇и д̇хаммаарамман̣а’’нд̇и. бад̇д̇анд̇и яат̇аа д̇ат̇аа бад̇ваа хад̇т̇аг̇ад̇ам̣, ад̇хиг̇ад̇анд̇и ад̇т̇о. д̇знааха ‘‘бариязсид̇ваа ваа абариязсид̇ваа ваа’’д̇и. бариязсид̇анд̇и бад̇д̇ияаа ад̇т̇ам̣ барияидтам̣. д̇ам̣ бана бад̇д̇ам̣ ваа сияаа аббад̇д̇ам̣ ваа, убхаяат̇ааби бариязсид̇амзваад̇и ааха ‘‘бад̇д̇ам̣ ваа аббад̇д̇ам̣ ваа’’д̇и. д̣̇ваязнаби д̣̇виббагаарамби бад̇д̇ам̣ д̣̇виббагаарамби бариязсид̇ам̣ д̇зна д̇зна багаарзна д̇ат̇ааг̇ад̇зна абхисамб̣уд̣̇д̇ханд̇и д̣̇ассзд̇и. жид̇д̇зна анусан̃жарид̇анд̇и д̇з бана абаабзд̇ваа жид̇д̇знзва ану ану сан̃жарид̇ам̣, вибарид̇аггид̇анд̇и ад̇т̇о.
бийд̇аганд̇иаад̣̇ийд̇и аад̣̇исад̣̇д̣̇зна лохид̇аод̣̇аад̇аад̣̇исаб̣б̣ам̣ руубаарамман̣абхааг̇ам̣ сан̇г̇ан̣хаад̇и. суманод̇и рааг̇авасзна лобхавасзна сад̣̇д̇хаад̣̇ивасзна ваа сумано. д̣̇умманод̇и б̣яаабаад̣̇авид̇аггавасзна ваа вихим̣саавид̇аггавасзна ваа д̣̇уммано. маж̇жхад̇д̇од̇и ан̃н̃аан̣авасзна, н̃аан̣авасзна ваа маж̇жхад̇д̇о. зса наяо саб̣б̣ад̇т̇а. д̇ад̇т̇а аад̣̇исад̣̇д̣̇зна сан̇касад̣̇д̣̇о, бан̣авасад̣̇д̣̇о, бад̇д̇аг̇анд̇хо, бубпаг̇анд̇хо, бубпарасо, паларасо, убаад̣̇иннам̣, анубаад̣̇иннам̣, маж̇жхад̇д̇авзд̣̇анаа аббад̇д̇анд̇и н̃аан̣зна асамбад̇д̇ам̣, авид̣̇ид̇анд̇и ад̇т̇о. д̇знааха ‘‘н̃аан̣зна асажчигад̇а’’нд̇и. логзна г̇ад̇анд̇и логзна н̃аад̇ам̣. д̇ат̇зва г̇ад̇ад̇д̇аад̇и д̇ат̇зва н̃аад̇ад̇д̇аа абхисамб̣уд̣̇д̇хад̇д̇аа
яан̃жа, бхигкавз, рад̇им̣ д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇ийд̇и яассан̃жа висаакабун̣н̣амааяа рад̇д̇ияам̣ д̇ат̇ааааг̇ад̇ад̇д̇аад̣̇иад̇т̇зна д̇ат̇ааг̇ад̇о бхаг̇аваа б̣од̇химан̣д̣з абарааж̇ид̇абаллан̇гз нисинно д̇ин̣н̣ам̣ маараанам̣ мад̇т̇агам̣ мад̣̇д̣̇ид̇ваа уд̇д̇арид̇араабхаавад̇о ануд̇д̇арам̣ саммаасамб̣од̇хим̣ аасавагкаяан̃аан̣зна сад̣̇д̇хим̣ саб̣б̣ан̃н̃уд̇ан̃н̃аан̣ам̣ ад̇хиг̇ажчад̇и. яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇ийд̇и яассан̃жа висаакабун̣н̣амааяа рад̇д̇ияам̣язва гусинаарааяам̣ убавад̇д̇анз маллаанам̣ саалаванз яамагасаалаанаманд̇арз анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и. яам̣ зд̇асмим̣ анд̇арзд̇и имаасам̣ д̣̇виннам̣ саубаад̣̇исзсаанубаад̣̇исзсаниб̣б̣аанад̇хаад̇уунам̣ маж̇жхз бан̃жажад̇д̇аалийсавассабаримаан̣агаалз батамаб̣од̇хияамби маж̇жхимаб̣од̇хияамби бажчимаб̣од̇хияамби яам̣ суд̇д̇аг̇зяяаад̣̇иббабхзд̣̇ам̣ д̇хаммам̣ бхаасад̇и нид̣̇ассанавасзна, лабад̇и уд̣̇д̣̇исанавасзна, нид̣̇д̣̇исад̇и баринид̣̇д̣̇исанавасзна. саб̣б̣ам̣ д̇ам̣ д̇ат̇зва ход̇ийд̇и д̇ам̣ зд̇т̇анд̇арз д̣̇зсид̇ам̣ саб̣б̣ам̣ суд̇д̇аг̇зяяаад̣̇инаван̇г̇ам̣ б̣уд̣̇д̇хаважанам̣ ад̇т̇ад̇о б̣яан̃ж̇анад̇о жа ануунам̣ анад̇хигам̣ саб̣б̣аагаарабарибун̣н̣ам̣ рааг̇амад̣̇аниммад̣̇анам̣ д̣̇осамад̣̇аниммад̣̇анам̣ мохамад̣̇аниммад̣̇анам̣, над̇т̇и д̇ад̇т̇а ваалаг̇г̇амад̇д̇амби авагкалид̇ам̣, згамуд̣̇д̣̇игааяа лан̃чид̇ам̣ вияа згааяа наал̣ияаа мид̇ам̣ вияа згад̇улааяа д̇улид̇ам̣ вияа жа д̇ам̣ д̇ат̇зва ход̇и яассад̇т̇ааяа бхаасид̇ам̣, зганд̇знзва д̇асса саад̇ханад̇о, но ан̃н̃ат̇аа, д̇асмаа д̇ат̇ам̣ авид̇ат̇ам̣ анан̃н̃ат̇ам̣. зд̇зна д̇ат̇ааваад̣̇ид̇ааяа д̇ат̇ааг̇ад̇од̇и д̣̇ассзд̇и. г̇ад̣̇аад̇т̇о аяам̣ г̇ад̇асад̣̇д̣̇о д̣̇а-гаарасса д̇а-гаарам̣ гад̇ваа, д̇асмаа д̇ат̇ам̣ г̇ад̣̇ад̇ийд̇и д̇ат̇ааг̇ад̇од̇и ад̇т̇о. ат̇а ваа ааг̇ад̣̇анам̣ ааг̇ад̣̇о, важананд̇и ад̇т̇о. д̇ад̇о авибарийд̇о ааг̇ад̣̇о ассаад̇и д̣̇а-гаарасса д̇а-гаарам̣ гад̇ваа д̇ат̇ааг̇ад̇од̇и звамзд̇т̇а бад̣̇асид̣̇д̇хи взд̣̇ид̇аб̣б̣аа.
яат̇ааваад̣̇ийд̇и яз д̇хаммз бхаг̇аваа ‘‘имз д̇хаммаа агусалаа сааваж̇ж̇аа вин̃н̃уг̇арахид̇аа самад̇д̇аа самаад̣̇иннаа ахид̇ааяа д̣̇угкааяа сам̣вад̇д̇анд̇ий’’д̇и барзсам̣ д̇хаммам̣ д̣̇зсзнд̇о вад̣̇ад̇и, д̇з д̇хаммз зганд̇знзва саяам̣ бахааси. яз бана д̇ат̇ааваад̣̇ий. бхаг̇авад̇о хи ваажааяа гааяо ануломзд̇и, гааяассаби ваажаа, д̇асмаа
абхибхуу анабхибхууд̇од̇и убари бхаваг̇г̇ам̣, хздтаа авийжинираяам̣ барияанд̇ам̣ гад̇ваа д̇ирияам̣ абаримаан̣аасу логад̇хаад̇уусу бхаг̇аваа саб̣б̣асад̇д̇з абхибхавад̇и сийлзнаби самаад̇хинааби бан̃н̃ааяаби вимуд̇д̇ияааби, на д̇асса д̇улаа ваа бамаан̣ам̣ ваа ад̇т̇и. асамо асамасамо аббадимо аббадибхааг̇о аббадибуг̇г̇ало ад̇уло аббамзяяо ануд̇д̇аро д̇хаммарааж̇аа д̣̇звад̣̇зво саггаанам̣ ад̇исагго б̣рахмаанам̣ ад̇иб̣рахмаа, д̇ад̇о зва аяам̣ на гзнажи абхибхууд̇о. д̣̇агкад̇ийд̇и саб̣б̣ам̣ бассад̇и. висзсаважанижчааяаби абхаавад̇о анавасзсависаяо д̣̇асасад̣̇д̣̇о. д̇зна яам̣ гин̃жи нзяяам̣ наама, саб̣б̣ам̣ д̇ам̣ хад̇т̇ад̇алз аамалагам̣ вияа бассад̇ийд̇и д̣̇ийбзд̇и. авибарийд̇ам̣ аасаяаад̣̇иаваб̣од̇хзна хид̇уубасам̣хаараад̣̇инаа жа сад̇д̇з, бхааван̃н̃ад̇т̇ад̇д̇уубанаяавасзна сан̇каарз, саб̣б̣аагаарзна сужин̣н̣авасид̇ааяа самаабад̇д̇ияо, жид̇д̇ан̃жа васз вад̇д̇зд̇ийд̇и васавад̇д̇ийд̇и звамзд̇т̇а ад̇т̇о д̣̇адтаб̣б̣о.
висам̣яуд̇д̇од̇и жад̇уухи яог̇зхи висам̣яуд̇д̇о. д̇знааха ‘‘жад̇уннам̣ яог̇аанам̣ бахаанзна висам̣яуд̇д̇о’’д̇и. д̇ан̣хаад̣̇идтиубаязхи вирахид̇од̇и саб̣б̣асмимби логз д̇ан̣хаад̣̇идтисан̇каад̇зхи убаязхи вирахид̇о.
абхибхавид̇ваа тид̇од̇и д̇аб̣б̣исаяагилзсаббахаанзна абхибхуяяа ад̇иггамид̇ваа тид̇о. жад̇д̇аароби г̇ант̇з можзд̇ваа тид̇од̇и саб̣б̣з абхиж̇жхаагааяаг̇ант̇аад̣̇игз сагасанд̇аанад̇о можзд̇ваа тид̇о. взнзяяасанд̇аанз ваа ад̇д̇ано д̣̇зсанаавилаасзна д̇зсам̣ баможанод̇и саб̣б̣аг̇ант̇аббаможано. пудтасса барамаа санд̇ийд̇и асса анзна кийн̣аасавзна б̣уд̣̇д̇хзна ‘‘пудтассаа’’д̇иаад̣̇и. ниб̣б̣аанз гуд̇ожи бхаяам̣ над̇т̇ийд̇и гуд̇ожи бхаяагааран̣ад̇о ниб̣б̣аанз бхаяам̣ над̇т̇и асан̇кад̇абхаавзна саб̣б̣асо кзмад̇д̇аа. д̇знааха бхаг̇аваа – ‘‘кзман̃жа во, бхигкавз, д̇хаммам̣ д̣̇зсзссаами кзмаг̇ааминин̃жа бадибад̣̇а’’нд̇иаад̣̇и (сам̣. ни. 4.379-408). ниб̣б̣аанаббад̇д̇асса ваа гуд̇ожи бхаяам̣ над̇т̇ийд̇и ниб̣б̣аанам̣ агуд̇обхаяанд̇и звамзд̇т̇а ад̇т̇о д̣̇адтаб̣б̣о, на гуд̇ожи бхаяам̣ зд̇т̇а зд̇асмим̣ ад̇хиг̇ад̇зд̇и агуд̇обхаяам̣, ниб̣б̣аананд̇и звамзд̇т̇а ниб̣б̣ажанан̃жа д̣̇адтаб̣б̣ам̣.
анийгхо нид̣̇д̣̇угко. саб̣б̣агаммагкаяам̣ бад̇д̇од̇и саб̣б̣зсам̣ гаммаанам̣ каяам̣ барияосаанам̣ ажжанд̇абхаавам̣ бад̇д̇о. убад̇хий саммад̣̇зва кийяанд̇и зд̇т̇аад̇и убад̇хисан̇каяо, ниб̣б̣аананд̇и ааха ‘‘убад̇хисан̇каяасан̇каад̇з ниб̣б̣аанз’’д̇и. жагганд̇и д̇хаммажаггам̣. бавад̇д̇аяийд̇и д̇збариваддам̣ д̣̇ваад̣̇асаагаарам̣ бавад̇д̇зси маханд̇ам̣. вийд̇асаарад̣̇анд̇и жад̇увзсаараж̇ж̇аяог̇зна вийд̇асаарад̣̇ам̣. сзсам̣ уд̇д̇аанамзва.
логасуд̇д̇аван̣н̣анаа нидтид̇аа.
4. гаал̣агаараамасуд̇д̇аван̣н̣анаа
24. жад̇уд̇т̇з б̣аал̣хам̣ ко нз басам̣сасийд̇и нз саман̣з б̣аал̣хам̣ гад̇ваа басам̣саси ван̣н̣аяаси. гийд̣̇исам̣ сийлам̣ зд̇зсанд̇и гим̣сийлаа. го самаажааро зд̇зсанд̇и гим̣самаажаараа. г̇ун̣амаг̇г̇асан̣тид̇аад̇и г̇ун̣аг̇г̇асан̣тид̇аа. ма-гааро бад̣̇асанд̇хигаро, аг̇г̇аг̇ун̣з бад̇идтид̇аад̇и вуд̇д̇ам̣ ход̇и. санд̇инд̣̇рияаа санд̇амаанасаа, ‘‘санд̇ам̣ д̇зсам̣ г̇ад̇ам̣ тид̇а’’нд̇иби батанд̇и. згагияаад̇и згагаа, жад̇уусу ирияаабат̇зсу згагаа худ̇ваа вихаранд̇ийд̇и ад̇хиббааяо. д̇знзвааха ‘‘ад̣̇уд̇ияаа’’д̇и. д̇аад̣̇исаа саман̣аа мамаад̇ийд̇и зд̇т̇а ид̇и-сад̣̇д̣̇о аад̣̇иад̇т̇о. д̇зна –
‘‘гааяагаммам̣ сужи нзсам̣, ваажаагаммам̣ анаавилам̣;
маногаммам̣ сувисуд̣̇д̇хам̣, д̇аад̣̇исаа саман̣аа мама.
‘‘вималаа
бун̣н̣аа суд̣̇д̇хзхи д̇хаммзхи, д̇аад̣̇исаа саман̣аа мама.
‘‘лаабхзна уннад̇о лого, алаабхзна жа онад̇о;
лаабхаалаабхзна згадтаа, д̇аад̣̇исаа саман̣аа мама.
‘‘яасзна уннад̇о лого, аяасзна жа онад̇о;
яасааяасзна згадтаа, д̇аад̣̇исаа саман̣аа мама.
‘‘басам̣сааяуннад̇о лого, нинд̣̇ааяаби жа онад̇о;
самаа нинд̣̇аабасам̣саасу, д̇аад̣̇исаа саман̣аа мама.
‘‘сукзна
агамбаа сукад̣̇угкзсу, д̇аад̣̇исаа саман̣аа мамаа’’д̇и. (д̇ха. ба. адта. 2.303 жуул̣асубхад̣̇д̣̇аавад̇т̇у) –
звамаад̣̇им̣ сан̇г̇ан̣хаад̇и.
‘‘д̣̇уурз санд̇о’’д̇иаад̣̇иг̇аат̇ааяа аяамад̇т̇о. санд̇од̇и рааг̇аад̣̇ийнам̣ санд̇ад̇ааяа б̣уд̣̇д̇хаад̣̇аяо санд̇о наама, ид̇ха бана буб̣б̣аб̣уд̣̇д̇хзсу гад̇аад̇хигаараа уссаннагусаламуулаа бхаавид̇абхааванаа сад̇д̇аа санд̇од̇и ад̇хиббзд̇аа. багаасанд̇ийд̇и д̣̇уурз тид̇ааби б̣уд̣̇д̇хаанам̣ н̃аан̣абат̇ам̣ ааг̇ажчанд̇аа баагадаа хонд̇и. химаванд̇оваад̇и яат̇аа д̇ияож̇анасахассавид̇т̇ад̇о бан̃жаяож̇анасад̇уб̣б̣зд̇хо жад̇ураасийд̇ияаа гуудасахассзхи бадиман̣д̣ид̇о химаванд̇абаб̣б̣ад̇о д̣̇уурз тид̇аанамби абхимукз тид̇о вияа багаасад̇и, звам̣ багаасанд̇ийд̇и ад̇т̇о. асанд̇зд̇т̇а на д̣̇иссанд̇ийд̇и лаабхаг̇аругаа, вид̇т̇ин̣н̣абаралогаа, аамисажагкугаа, ж̇ийвигад̇т̇ааяа баб̣б̣аж̇ид̇аа, б̣аалабуг̇г̇алаа асанд̇о наама. д̇з зд̇т̇а б̣уд̣̇д̇хаанам̣ д̣̇агкин̣асса ж̇аан̣уман̣д̣аласса санд̇игз нисиннааби на д̣̇иссанд̇и на бан̃н̃ааяанд̇и. рад̇д̇им̣ кид̇д̇аа яат̇аа сараад̇и рад̇д̇им̣ жад̇уран̇г̇асаманнааг̇ад̇з анд̇хагаарз кид̇д̇аа сараа вияа д̇ат̇ааруубасса убаниссаяабхууд̇асса буб̣б̣ахзд̇уно абхаавзна на бан̃н̃ааяанд̇ийд̇и ад̇т̇о.
б̣рахмад̣̇зяяанд̇и сздтад̣̇зяяам̣, яат̇аа д̣̇иннам̣ на буна г̇ахзд̇аб̣б̣ам̣ ход̇и ниссадтам̣ барижжад̇д̇ам̣, звам̣ д̣̇иннанд̇и ад̇т̇о.
д̣̇идтам̣ на ман̃н̃ад̇ийд̇и зд̇т̇а д̣̇идтанд̇и мам̣сажагкунааби д̣̇идтам̣, д̣̇иб̣б̣ажагкунааби д̣̇идтам̣, руубааяад̇анассзд̇ам̣ ад̇хиважанам̣. яан̃хи жагкуд̣̇ваязна гад̇ад̣̇ассанагирияаасамаабанам̣, яам̣ ‘‘д̣̇идтам̣ руубааяад̇ана’’нд̇и. зваруубаани хи важанаанийд̇и ‘‘д̣̇адтаб̣б̣ам̣ сод̇аб̣б̣а’’нд̇иаад̣̇ийни.
лаабхзби д̇аад̣̇ий, алаабхзби д̇аад̣̇ийд̇и яат̇аа алаабхагаалз лаабхасса лад̣̇д̇хагаалзби д̇ат̇зваад̇и д̇аад̣̇исо. яасзбийд̇и яасз сад̇иби махаабариваарагаалзби. сзсамзд̇т̇а уд̇д̇аанамзва.
гаал̣агаараамасуд̇д̇аван̣н̣анаа нидтид̇аа.
5. б̣рахмажарияасуд̇д̇аван̣н̣анаа
25. бан̃жамз наяид̣̇анд̇и зд̇т̇а на-ид̇и бадисзд̇хз нибаад̇о, д̇асса ‘‘вуссад̇ий’’д̇и иминаа самб̣анд̇хо ‘‘на вуссад̇ий’’д̇и, яа-гааро бад̣̇асанд̇хигаро. ид̣̇ам̣-сад̣̇д̣̇о ‘‘згамид̣̇аахам̣, бхигкавз, самаяам̣ уггадтааяам̣ вихараами субхаг̇аванз сааларааж̇амуулз’’д̇иаад̣̇ийсу (д̣̇ий. ни. 2.91; ма. ни. 1.501) нибаад̇амад̇д̇ам̣, ‘‘ид̣̇ам̣ ко д̇ам̣, бхигкавз, аббамад̇д̇агам̣ сийламад̇д̇ага’’нд̇иаад̣̇ийсу (д̣̇ий. ни. 1.27) яат̇аавуд̇д̇з аасаннабажжагкз ааг̇ад̇о.
‘‘ид̣̇ан̃хи д̇ам̣ ж̇зд̇аванам̣, исисан̇гханисзвид̇ам̣;
аавуд̇т̇ам̣ д̇хаммарааж̇зна, бийд̇исан̃ж̇ананам̣ мамаа’’д̇и. (ма. ни. 3.387-388; сам̣. ни. 1.48, 101) –
аад̣̇ийсу вагкамаанз аасаннабажжагкз. ид̇хааби вагкамаанзязва аасаннабажжагкз д̣̇адтаб̣б̣о.
б̣рахмажарияа-сад̣̇д̣̇о –
‘‘гим̣ д̇з вад̇ам̣ гим̣ бана б̣рахмажарияам̣,
гисса сужин̣н̣асса аяам̣ вибааго;
ид̣̇д̇хий ж̇уд̇ий б̣алавийрияуубабад̇д̇и,
ид̣̇ан̃жа д̇з нааг̇а махаавимаанам̣.
‘‘ахан̃жа бхарияаа жа мануссалогз,
сад̣̇д̇хаа убхо д̣̇аанабад̇ий ахумхаа;
обаанабхууд̇ам̣ мз гхарам̣ д̇ад̣̇ааси,
санд̇аббид̇аа саман̣аб̣раахман̣аа жа.
‘‘д̇ам̣
д̇асса сужин̣н̣асса аяам̣ вибааго;
ид̣̇д̇хий ж̇уд̇ий б̣алавийрияуубабад̇д̇и,
ид̣̇ан̃жа мз вийра махаавимаана’’нд̇и. –
имасмим̣ бун̣н̣агаж̇аад̇агз (ж̇аа. 2.22.1595) д̣̇аанз ааг̇ад̇о.
‘‘гзна баан̣и гаамад̣̇ад̣̇о, гзна баан̣и мад̇хуссаво;
гзна д̇з б̣рахмажариязна, бун̃н̃ам̣ баан̣имхи иж̇жхад̇ий’’д̇и. –
имасмим̣ ан̇гурабзд̇авад̇т̇усмим̣ (бз. ва. 275, 277) взяяааважжз.
‘‘звам̣ ко д̇ам̣, бхигкавз, д̇ид̇д̇ирияам̣ наама б̣рахмажарияам̣ ахосий’’д̇и имасмим̣ д̇ид̇д̇ираж̇аад̇агз (жуул̣ава. 311) бан̃жасигкаабад̣̇асийлз.
‘‘д̇ам̣ ко бана мз, бан̃жасика, б̣рахмажарияам̣ нзва ниб̣б̣ид̣̇ааяа на вирааг̇ааяа…бз… яаавад̣̇зва б̣рахмалогуубабад̇д̇ияаа’’д̇и имасмим̣ махааг̇овинд̣̇асуд̇д̇з (д̣̇ий. ни. 2.329) б̣рахмавихаарз.
‘‘барз аб̣рахмажаарий бхависсанд̇и, маяамзд̇т̇а б̣рахмажаарий бхависсаамаа’’д̇и имасмим̣ саллзкасуд̇д̇з (ма. ни. 1.83) мзт̇унавирад̇ияам̣.
‘‘маяан̃жа бхарияаа наад̇иггамаама,
амхз жа бхарияаа наад̇иггаманд̇и;
ан̃н̃ад̇ра д̇аахи б̣рахмажарияам̣ жараама,
д̇асмаа хи амхам̣ д̣̇ахараа на мийяарз’’д̇и. –
имасмим̣ махаад̇хаммабаалаж̇аад̇агз (ж̇аа. 1.10.97) сад̣̇аарасанд̇осз.
‘‘абхиж̇аанаами ко банаахам̣, саарибуд̇д̇а, жад̇уран̇г̇асаманнааг̇ад̇ам̣ б̣рахмажарияам̣ жарид̇аа, д̇абассий суд̣̇ам̣ хомий’’д̇и ломахам̣сасуд̇д̇з (ма. ни. 1.155) вийрияз.
‘‘хийнзна б̣рахмажариязна, кад̇д̇ияз убабаж̇ж̇ад̇и;
маж̇жхимзна жа д̣̇звад̇д̇ам̣, уд̇д̇амзна висуж̇жхад̇ий’’д̇и. –
нимиж̇аад̇агз (ж̇аа. 2.22.429) ад̇д̇ад̣̇аманавасзна гад̇з адтан̇г̇игз убосат̇з.
‘‘ид̣̇ам̣ махааг̇овинд̣̇асуд̇д̇зязва (д̣̇ий. ни. 2.329) арияамаг̇г̇з.
‘‘д̇аяид̣̇ам̣ б̣рахмажарияам̣ ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇а’’нд̇и баасаад̣̇игасуд̇д̇з (д̣̇ий. ни. 3.174) сигкад̇д̇аяасан̇г̇ахид̇з сагаласмим̣ саасанз. ид̇хааби арияамаг̇г̇з саасанз жа вад̇д̇ад̇и.
вуссад̇ийд̇и вусийяад̇и, жарийяад̇ийд̇и ад̇т̇о. ж̇анагуханад̇т̇анд̇и ‘‘ахо аяяо сийлаваа вад̇д̇асамбанно аббижчо санд̇удто махид̣̇д̇хиго махаанубхааво’’д̇иаад̣̇инаа ж̇анасса сад̇д̇алогасса вимхаабанад̇т̇ам̣. гзжи бана ‘‘гуханад̇т̇анд̇и баабижчасса ижчаабагад̇асса сад̇о сааманд̇аж̇аббанаирияаабат̇аниссид̇абажжаяабадисзванасан̇каад̇зна д̇ивид̇хзна гуханавад̇т̇унаа гухагабхаавзна ж̇анасса вимхаабанад̇т̇а’’нд̇и вад̣̇анд̇и. ид̇хааби аяамзвад̇т̇о д̣̇ассид̇о. д̇знзвааха ‘‘д̇ийхи гуханавад̇т̇уухи ж̇анасса гуханад̇т̇ааяаа’’д̇и, ж̇анасса вимхаабанад̇т̇ааяаад̇и ад̇т̇о. ж̇аналаабанад̇т̇анд̇и ‘‘зваруубасса наама аяяасса д̣̇иннам̣ махабпалам̣ бхависсад̇ий’’д̇и басаннажид̇д̇зхи ‘‘гзнад̇т̇о, гим̣ аахарийяад̇уу’’д̇и вад̣̇аабанад̇т̇ам̣. ‘‘ж̇аналабанад̇т̇а’’нд̇иби батанд̇и, д̇асса баабижчасса сад̇о бажжаяад̇т̇ам̣ баригат̇обхаасаад̣̇ивасзна лабанабхаавзна убалаабагабхаавзна ж̇анасса лабанад̇т̇анд̇и ад̇т̇о. д̇знзвааха ‘‘на ж̇аналабанад̇т̇анд̇и на ж̇анасса убалаабанад̇т̇а’’нд̇и.
на ид̇иваад̣̇аббамогкаанисам̣сад̇т̇анд̇и зд̇т̇а ‘‘на лаабхасаггаарасилогаанисам̣сад̇т̇а’’нд̇иби батанд̇и. д̇ад̇т̇а явааяам̣ ‘‘ааган̇кзяяа жз, бхигкавз, бхигку ‘лаабхий ассам̣ жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’нд̇и, сийлзсвзвасса барибуурагаарий’’д̇и (ма. ни. 1.65) сийлаанисам̣сабхаавзна вуд̇д̇о жад̇убажжаяалаабхо жа. жад̇уннам̣ бажжаяаанам̣ саггажжад̣̇аанасан̇каад̇о аад̣̇араб̣ахумаанаг̇аругаран̣асан̇каад̇о жа саггааро, яо жа ‘‘сийласамбанно б̣ахуссуд̇о суд̇ад̇харо аарад̣̇д̇хавийрияо’’д̇иаад̣̇инаа наязна уг̇г̇ажчанагат̇уд̇игхосасан̇каад̇о силого б̣рахмажарияам̣ васанд̇аанам̣ д̣̇идтад̇хаммиго аанисам̣со, д̇ад̣̇ад̇т̇анд̇и ад̇т̇о. гзжи бана ‘‘лаабхасаггаарасилогаанисам̣сад̇т̇анд̇и баабижчассзва сад̇о лаабхаад̣̇иг̇аруд̇ааяа лаабхасаггаарасилогасан̇каад̇асса аанисам̣сасса уд̣̇аяасса нибпаад̣̇анад̇т̇а’’нд̇и звамад̇т̇ам̣ вад̣̇анд̇и.
на ид̇и мам̣ ж̇ано ж̇аанаад̇ууд̇и звам̣ б̣рахмажарияаваасз сад̇и ‘‘сийлаваа галяаан̣ад̇хаммо’’д̇иаад̣̇инаа
ат̇а код̇и зд̇т̇а ат̇аад̇и ан̃н̃ад̇т̇з нибаад̇о, код̇и авад̇хааран̣з. д̇зна гуханаад̣̇ид̇о ан̃н̃ад̣̇ад̇т̇ам̣язва ид̣̇ам̣, бхигкавз, б̣рахмажарияам̣ вуссад̇ийд̇и д̣̇ассзд̇и. ид̣̇аани д̇ам̣ баяож̇анам̣ д̣̇ассзнд̇о ‘‘сам̣варад̇т̇ам̣ бахаанад̇т̇а’’нд̇и ааха. д̇ад̇т̇а бан̃жавид̇хо сам̣варо – баад̇имогкасам̣варо, сад̇исам̣варо, н̃аан̣асам̣варо, канд̇исам̣варо, вийрияасам̣варод̇и. ‘‘ид̇и иминаа баад̇имогкасам̣варзна убзд̇о ход̇и самубзд̇о’’д̇иаад̣̇инаа (вибха. 511) наязна ааг̇ад̇о аяам̣ баад̇имогкасам̣варо, сийласам̣варод̇иби вужжад̇и. ‘‘рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇ий’’д̇и (ма. ни. 1.295; сам̣. ни. 4.239; а. ни. 3.16) ааг̇ад̇о аяам̣ сад̇исам̣варо.
‘‘яаани сод̇аани логасмим̣, сад̇и д̇зсам̣ нивааран̣ам̣;
сод̇аанам̣ сам̣варам̣ б̣рууми, бан̃н̃ааязд̇з бид̇хийяарз’’д̇и. (су. ни. 1041; жуул̣ани. аж̇ид̇амаан̣авабужчаанид̣̇д̣̇зсо 4; нзд̇д̇и. 4.11, 45) –
ааг̇ад̇о аяам̣ н̃аан̣асам̣варо. ‘‘камо ход̇и сийд̇асса ун̣хассаа’’д̇иаад̣̇инаа (ма. ни. 1.24; а. ни. 4.114; 6.58) наязна ааг̇ад̇о аяам̣ канд̇исам̣варо.
‘‘уббаннам̣ гаамавид̇аггам̣ наад̇хиваасзд̇ий’’д̇иаад̣̇инаа (ма. ни. 1.26; а. ни. 4.114; 6.58) наязна ааг̇ад̇о аяам̣ вийрияасам̣варо.
ад̇т̇ад̇о бана баан̣аад̇ибаад̇аад̣̇ийнам̣ баж̇аханавасзна вад̇д̇аббадивад̇д̇аанам̣ бууран̣авасзна жа бавад̇д̇аа жзд̇анаа жзва вирад̇и жа. сан̇кзбад̇о саб̣б̣о гааяаважийсам̣яамо, вид̇т̇аарад̇о сад̇д̇аннам̣ аабад̇д̇игканд̇хаанам̣ авийд̇иггамо сийласам̣варо. сад̇и зва сад̇исам̣варо, сад̇иббад̇хаанаа ваа гусалаа канд̇хаа. н̃аан̣амзва н̃аан̣асам̣варо. ад̇хиваасанавасзна ад̣̇осо, ад̣̇осаббад̇хаанаа ваа канд̇исам̣варо, бан̃н̃аад̇и згз. гаамавид̇аггаад̣̇ийнам̣ абхибхаванавасзна бавад̇д̇ам̣ вийрияамзва вийрияасам̣варо. д̇зсу батамо гааяад̣̇ужжарид̇аад̣̇ийсу д̣̇уссийласса сам̣варан̣ад̇о сам̣варо, д̣̇уд̇ияо мудтассажжасса сам̣варад̇т̇ам̣ сам̣варанибпаад̣̇анад̇т̇анд̇и ад̇т̇о.
д̇ийхи бахаанзхийд̇и д̇ад̣̇ан̇г̇авигкамбханасамужчзд̣̇асан̇каад̇зхи д̇ийхи бахаанзхи. бан̃жавид̇хаббахаанамби ид̇ха вад̇д̇ум̣ ваддад̇иязва. бан̃жавид̇хан̃хи бахаанам̣ д̇ад̣̇ан̇г̇авигкамбханасамужчзд̣̇аббадиббассад̣̇д̇хиниссаран̣авасзна. д̇ад̇т̇а яам̣ д̣̇ийбаалогзнзва д̇амасса бадибагкабхаавад̇о алобхаад̣̇ийхи лобхаад̣̇игасса наамаруубабарижчзд̣̇аад̣̇ивибассанаан̃аан̣зхи д̇асса д̇асса анад̇т̇асса бахаанам̣, сзяяат̇ид̣̇ам̣ – барижжааг̇зна лобхаад̣̇ималасса, сийлзна баан̣аад̇ибаад̇аад̣̇ид̣̇уссийляасса, сад̣̇д̇хаад̣̇ийхи ассад̣̇д̇хияаад̣̇игасса, наамаруубававад̇т̇аанзна саггааяад̣̇идтияаа, бажжаяабариг̇г̇ахзна ахзд̇увисамахзд̇уд̣̇идтийнам̣, д̇ассзва абарабхааг̇зна ган̇каавид̇аран̣зна гат̇ам̣гат̇ийбхаавасса, галаабасаммасанзна ахам̣мамаад̇и г̇аахасса, маг̇г̇аамаг̇г̇ававад̇т̇аанзна амаг̇г̇з маг̇г̇асан̃н̃ааяа, уд̣̇аяад̣̇ассанзна ужчзд̣̇ад̣̇идтияаа, ваяад̣̇ассанзна сассад̇ад̣̇идтияаа, бхаяад̣̇ассанзна сабхаяз абхаяасан̃н̃ааяа, аад̣̇ийнавад̣̇ассанзна ассаад̣̇асан̃н̃ааяа, ниб̣б̣ид̣̇аанубассанзна абхирад̇исан̃н̃ааяа, мужжид̇угамяад̇аан̃аан̣зна амужжид̇угамяад̇ааяа, убзгкаан̃аан̣зна анубзгкааяа, ануломзна д̇хаммадтид̇ияам̣ ниб̣б̣аанз жа бадиломабхаавасса, г̇од̇рабхунаа сан̇кааранимид̇д̇аг̇г̇аахасса бахаанам̣, зд̇ам̣ д̇ад̣̇ан̇г̇аббахаанам̣ наама.
яам̣ бана убажаараббанаабхзд̣̇зна самаад̇хинаа бавад̇д̇ибхааванивааран̣ад̇о гхадаббахаарзнзва уд̣̇агабидтз сзвааласса, д̇зсам̣ д̇зсам̣ нийваран̣аад̣̇ид̇хаммаанам̣ бахаанам̣, зд̇ам̣ вигкамбханаббахаанам̣ наама. яам̣ жад̇уннам̣ арияамаг̇г̇аанам̣ бхаавид̇ад̇д̇аа д̇ам̣д̇ам̣маг̇г̇авад̇о ад̇д̇ано санд̇аанз ‘‘д̣̇идтиг̇ад̇аанам̣ бахаанааяаа’’д̇иаад̣̇инаа (д̇ха. са. 277; вибха. 628) наязна вуд̇д̇асса самуд̣̇аяабагкияасса гилзсаг̇ахан̣асса ажжанд̇ам̣ аббавад̇д̇ибхаавзна самужчинд̣̇анам̣, зд̇ам̣ самужчзд̣̇аббахаанам̣ наама. яам̣ бана палагкан̣з бадиббассад̣̇д̇хад̇т̇ам̣ гилзсаанам̣, зд̇ам̣ бадиббассад̣̇д̇хиббахаанам̣ наама. яам̣ саб̣б̣асан̇кад̇аниссадад̇д̇аа бахийнасаб̣б̣асан̇кад̇ам̣ ниб̣б̣аанам̣, зд̇ам̣ ниссаран̣аббахаанам̣ наама
д̇ад̇т̇а сам̣варзна гилзсаанам̣ жид̇д̇асанд̇аанз бавзсанивааран̣ам̣ бахаанзна жа бавзсанивааран̣амзва самуг̇гхаад̇о жаад̇и вад̣̇анд̇и. убхаязнаби бана яат̇аарахам̣ убхаяам̣ самбаж̇ж̇ад̇ийд̇и д̣̇адтаб̣б̣ам̣. сийлаад̣̇ид̇хаммаа зва хи сам̣варан̣ад̇о сам̣варам̣, баж̇аханад̇о бахаананд̇и.
анийд̇иханд̇и анийд̇ихам̣, саасанаб̣рахмажарияам̣ маг̇г̇аб̣рахмажарияан̃жа. ат̇а ваа ийд̇ийхи анад̇т̇зхи сад̣̇д̇хим̣ хананд̇и г̇ажчанд̇и бавад̇д̇анд̇ийд̇и ийд̇ихаа, д̇ан̣хаад̣̇иубаггилзсаа. над̇т̇и зд̇т̇а ийд̇ихаад̇и анийд̇ихам̣. ийд̇ихаа ваа яат̇аавуд̇д̇знад̇т̇зна д̇ид̇т̇ияасамаяаа, д̇аббадибагкад̇о ид̣̇ам̣ анийд̇ихам̣. ‘‘анид̇иха’’нд̇иби баато. д̇ассад̇т̇о – ‘‘ид̇ихааяа’’нд̇и д̇хаммзсу анзгам̣саг̇г̇аахабхаавад̇о вижигижчаа ид̇ихам̣ наама, саммаасамб̣уд̣̇д̇хаббавзд̣̇ид̇ад̇д̇аа яат̇аанусидтам̣ бадибаж̇ж̇анд̇аанам̣ нигган̇кабхаавасаад̇ханад̇о жа над̇т̇и зд̇т̇а ид̇иханд̇и анид̇ихам̣, абарабад̇д̇ияанд̇и ад̇т̇о. вуд̇д̇ан̃хзд̇ам̣ ‘‘бажжад̇д̇ам̣ взд̣̇ид̇аб̣б̣о вин̃н̃уухий’’д̇и, ‘‘ад̇аггааважаро’’д̇и (д̣̇ий. ни. 2.67; ма. ни. 1.281; 2.337; сам̣. ни. 1.172; махаава. 7-8) жа. г̇аат̇ааб̣анд̇хасукад̇т̇ам̣ бана ‘‘анийд̇иха’’нд̇и д̣̇ийгхам̣ гад̇ваа батанд̇и. бажчимам̣ банзд̇т̇а ад̇т̇авигаббам̣ д̣̇ассзд̇ум̣ ‘‘ид̇ихабариваж̇ж̇ид̇а’’нд̇иаад̣̇и вуд̇д̇ам̣.
ниб̣б̣аанасан̇каад̇ам̣ ог̇ад̇хам̣ бад̇идтам̣ баарам̣ г̇ажчад̇ийд̇и ниб̣б̣ааног̇ад̇хаг̇аамий, вимуд̇д̇ирасад̇д̇аа зганд̇знзва ниб̣б̣аанасамбаабагод̇и ад̇т̇о, д̇ам̣ ниб̣б̣ааног̇ад̇хаг̇ааминам̣ б̣рахмажарияам̣. ниб̣б̣ааног̇ад̇ход̇и ваа арияамаг̇г̇о вужжад̇и д̇зна винаа ниб̣б̣аанааваг̇аахан̣асса асамбхавад̇о д̇асса жа ниб̣б̣аанам̣ анааламб̣ид̇ваа аббавад̇д̇анад̇о, д̇ан̃жзд̇ам̣ зганд̇асамбаад̣̇анзна г̇ажчад̇ийд̇и ниб̣б̣ааног̇ад̇хаг̇аамий. ат̇а ваа ниб̣б̣ааног̇ад̇хаг̇ааминанд̇и ниб̣б̣аанасса анд̇ог̇ааминам̣. маг̇г̇аб̣рахмажарияан̃хи ниб̣б̣аанам̣ аарамман̣ам̣ гарид̇ваа д̇асса анд̇о зва бавад̇д̇ад̇ийд̇и. имамзва жа ад̇т̇авигаббам̣ д̣̇ассзд̇ум̣ ‘‘ниб̣б̣аанасса анд̇ог̇аамина’’нд̇иаад̣̇и вуд̇д̇ам̣. сод̇и яо со самад̇им̣са баарамияо буурзд̇ваа саб̣б̣агилзсз бхан̃ж̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо, со бхаг̇аваа ад̣̇зсаяи д̣̇зсзси маханд̇зхийд̇и махаааад̇умзхи ул̣аараж̇жхаасаязхи. маханд̇ам̣ ниб̣б̣аанам̣, маханд̇з ваа сийлагканд̇хаад̣̇игз зсанд̇и г̇авзсанд̇ийд̇и махзсино, б̣уд̣̇д̇хаад̣̇аяо арияаа. д̇зхи ануяаад̇о бадибанно.
яат̇аа б̣уд̣̇д̇хзна д̣̇зсид̇анд̇и яат̇аа абхин̃н̃зяяаад̣̇ибхаавзна саммаасамб̣уд̣̇д̇хзна маяаа д̣̇зсид̇ам̣, звам̣ яз зд̇ам̣ маг̇г̇аб̣рахмажарияам̣ д̇ад̣̇ад̇т̇ам̣ саасанаб̣рахмажарияан̃жа бадибаж̇ж̇анд̇и. д̇з д̣̇идтад̇хаммигасамбарааяигабарамад̇т̇зхи яат̇аарахам̣ анусаасанд̇асса сад̇т̇у маяхам̣ саасанагаарино оваад̣̇аббадигараа сагаласса ваддад̣̇угкасса анд̇ам̣ барияанд̇ам̣ аббавад̇д̇им̣ гариссанд̇и, д̣̇угкасса ваа анд̇ам̣ ниб̣б̣аанам̣ сажчигариссанд̇ийд̇и.
б̣рахмажарияасуд̇д̇аван̣н̣анаа нидтид̇аа.
6. гухасуд̇д̇аван̣н̣анаа
26. чадтз гухагаад̇и сааманд̇аж̇аббанаад̣̇инаа гуханавад̇т̇унаа гухагаа, асанд̇аг̇ун̣асамбхааванижчааяа гохан̃н̃ам̣ гад̇ваа барзсам̣ вид̣̇д̇хам̣сагаад̇и ад̇т̇о. т̇ад̣̇д̇хаад̇и ‘‘год̇хано ход̇и убааяаасаб̣ахуло, аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇ий’’д̇и (а. ни. 3.25, 27) звам̣ вуд̇д̇зна год̇хзна жа, ‘‘д̣̇уб̣б̣ажо ход̇и д̣̇оважассагаран̣зхи д̇хаммзхи саманнааг̇ад̇о агкамо аббад̣̇агкин̣аг̇г̇аахий анусаасани’’нд̇и (ма. ни. 1.181; баараа. 426). звам̣ вуд̇д̇зна д̣̇оважассзна жа, ‘‘ж̇аад̇имад̣̇о, г̇од̇д̇амад̣̇о, лаабхамад̣̇о, аарог̇яамад̣̇о, яоб̣б̣анамад̣̇о, ж̇ийвид̇амад̣̇о’’д̇и (вибха. 832) звам̣ вуд̇д̇аж̇аад̇имад̣̇аад̣̇ибхзд̣̇зна маанзна жа г̇аругаад̇аб̣б̣зсу г̇аруусуби нибажжагаарам̣ агад̇ваа аяосалаагам̣ г̇илид̇ваа тид̇аа вияа анонад̇аа худ̇ваа вижаран̣агаа. д̇знааха ‘‘год̇хзна жаа’’д̇иаад̣̇и.
убалаабагаад̇и мижчааж̇ийвавасзна гуласан̇г̇ан̣хагаа. лабаад̇и бажжаяад̇т̇ам̣ баяуд̇д̇аваажаавасзна ниббзсигад̇аавасзна лабагаад̇и ад̇т̇о. син̇г̇анд̇и син̇г̇аарам̣. д̇ан̃хи гусаласса виж̇жханад̇о судту аасзвид̇ад̇ааяа сийсз баригкид̇д̇ам̣ суниб̣б̣ад̇д̇ам̣ висаан̣ам̣ вияа т̇ирад̇д̇аа жа син̇г̇ам̣ вияаад̇и син̇г̇ам̣, нааг̇аригабхаавасан̇каад̇асса гилзсасин̇г̇ассзд̇ам̣ наамам̣. син̇г̇аарабхааво син̇г̇аарад̇аа, син̇г̇аарагаран̣агааагааро ваа. жаад̇урабхааво жаад̇урад̇аа. д̇ат̇аа жаад̇урияам̣. баригкад̇абхааво баригкад̇ад̇аа, барикан̣ид̇ваа табид̇ассзва д̣̇ал̣хасин̇г̇аарассзд̇ам̣ наамам̣. ид̇арам̣ д̇ассзва взважанам̣. звам̣ саб̣б̣зхи ваарзхи гилзсасин̇г̇аарад̇аава гат̇ид̇аа.
уг̇г̇ад̇анал̣аад̇и нал̣асад̣̇исам̣ д̇ужчамаанам̣ угкибид̇ваа вижаран̣агаа. д̇знааха ‘‘д̇ужчамаанам̣ угкибид̇ваа тид̇аа’’д̇и. яасмаа д̇з гуханаад̣̇ияог̇ад̇о на саммаабадибаннаа, д̇асмаа ‘‘мама санд̇агаа на хонд̇ий’’д̇и вуд̇д̇ам̣. абаг̇ад̇аад̇и яад̣̇иби д̇з мама саасанз баб̣б̣аж̇ид̇аа, яат̇аанусидтам̣ бана аббадибаж̇ж̇анад̇о абаг̇ад̇аа зва имасмаа д̇хаммавинаяаа, ид̇о д̇з сувид̣̇уурз тид̇аад̇и д̣̇ассзд̇и. вуд̇д̇ан̃хзд̇ам̣ –
‘‘набхан̃жа д̣̇уурз бат̇авий жа д̣̇уурз,
баарам̣ самуд̣̇д̣̇асса д̇ад̣̇ааху д̣̇уурз;
д̇ад̇о хавз д̣̇уурад̇арам̣ вад̣̇анд̇и,
сад̇ан̃жа д̇хаммо асад̇ан̃жа рааж̇аа’’д̇и. (ж̇аа. 2.21.414);
саб̣б̣ад̇т̇а бад̇т̇адад̇ааяа взбуллам̣ баабун̣анд̇ийд̇и саб̣б̣ад̇т̇а бад̇т̇адабхаавзна сийлаад̣̇ид̇хаммагканд̇хабаарибуурияаа взбуллам̣ баабун̣анд̇и.
гухасуд̇д̇аван̣н̣анаа нидтид̇аа.
7. санд̇удтисуд̇д̇аван̣н̣анаа
27. сад̇д̇амз нид̣̇д̣̇осаанийд̇и аваж̇ж̇арахид̇аани ааг̇аманасуд̣̇д̇хид̇о гааяаман̣д̣анаад̣̇игилзсавад̇т̇убхааваабхаавад̇о жа. д̇ад̇т̇а сулабхад̇ааяа бариязсанад̣̇угкасса абхааво д̣̇ассид̇о, аббад̇ааяа барихаран̣ад̣̇угкассаби абхааво д̣̇ассид̇о, анаваж̇ж̇ад̇ааяа аг̇арахид̇аб̣б̣ад̇ааяа бхигкусааруббабхааво д̣̇ассид̇о ход̇и. аббад̇ааяа ваа барид̇д̇аасасса авад̇т̇уд̇аа, сулабхад̇ааяа г̇зд̇хаад̣̇ийнам̣ авад̇т̇уд̇аа, анаваж̇ж̇ад̇ааяа аад̣̇ийнавад̣̇ассананиссаран̣абан̃н̃аанам̣ ад̇т̇ид̇аа д̣̇ассид̇аа ход̇и. аббад̇ааяа ваа лаабхзна на соманассам̣ ж̇анаяанд̇и, алаабхзна на д̣̇оманассам̣ ж̇анаяанд̇и, анаваж̇ж̇ад̇ааяа виббадисааранимид̇д̇ам̣ ан̃н̃аан̣убзгкам̣ на ж̇анаяанд̇и авиббадисааравад̇т̇убхаавад̇о.
бам̣сугууланд̇и ругкамууланд̇и вивзгаануруубам̣ яам̣ гин̃жи ругкасамийбам̣. яам̣ гин̃жи муд̇д̇анд̇и яам̣ гин̃жи г̇омуд̇д̇ам̣. гзжи банзд̇т̇а ‘‘г̇омуд̇д̇абарибхаавид̇ахарийд̇агакан̣д̣ам̣ бууд̇имуд̇д̇а’’нд̇и вад̣̇анд̇и. ‘‘бууд̇ибхаавзна аабан̣аад̣̇ид̇о виссадтам̣ чад̣д̣ид̇ам̣ абариг̇г̇ахид̇ам̣ яам̣ гин̃жи бхзсаж̇ж̇ам̣ бууд̇имуд̇д̇анд̇и ад̇хиббзд̇а’’нд̇и абарз.
яад̇о код̇и бажжад̇д̇з ниссаггаважанам̣, яам̣ код̇и вуд̇д̇ам̣ ход̇и. д̇зна д̇удто ход̇ийд̇и вуд̇д̇агирияам̣ бараамасад̇и. д̇удтод̇и санд̇удто. ид̣̇амассааханд̇и явааяам̣ жад̇уб̣б̣ид̇хзна яат̇аавуд̇д̇зна бажжаязна аббзна сулабхзна санд̇осо, ид̣̇ам̣ имасса бхигкуно сийласам̣вараад̣̇ийсу ан̃н̃ад̇арам̣ згам̣ сааман̃н̃ан̇г̇ам̣ саман̣абхаавагааран̣анд̇и ахам̣ вад̣̇аами. санд̇удтасса хи жад̇убаарисуд̣̇д̇хисийлам̣ барибун̣н̣ам̣ ход̇и, самат̇авибассанаа жа бхааванаабаарибуурим̣ г̇ажчанд̇и. ат̇а ваа сааман̃н̃ам̣ наама арияамаг̇г̇о, д̇асса сан̇кзбад̇о д̣̇вз ан̇г̇аа б̣аахирам̣ аж̇жхад̇д̇иганд̇и. д̇ад̇т̇а б̣аахирам̣ саббурисуубаниссаяо сад̣̇д̇хаммассаванан̃жа. аж̇жхад̇д̇игам̣ бана яонисоманасигааро д̇хаммаануд̇хаммаббадибад̇д̇и жа. д̇зсу яасмаа яат̇аарахам̣ д̇хаммаануд̇хаммаббадибад̇д̇ибхууд̇аа д̇асса муулабхууд̇аа жзд̇з д̇хаммаа, яад̣̇ид̣̇ам̣ аббижчад̇аа санд̇удтид̇аа бавивид̇д̇ад̇аа асам̣садтад̇аа ‘‘ид̣̇амассаахам̣ ан̃н̃ад̇арам̣ сааман̃н̃ан̇г̇анд̇и вад̣̇аамий’’д̇и.
сзнаасанамаараб̣бхаад̇и вихаараад̣̇им̣ ман̃жабийтаад̣̇ин̃жа сзнаасанам̣ ниссааяа. жийварам̣ баанабхож̇ананд̇и ниваасанаад̣̇ижийварам̣ амб̣абаанагаад̣̇ибаанам̣ каад̣̇анийяабхож̇анийяаад̣̇ибхун̃ж̇ид̇аб̣б̣авад̇т̇ун̃жа аараб̣бхаад̇и самб̣анд̇хо. вигхаад̇од̇и вигхаад̇абхааво, жид̇д̇асса д̣̇угкам̣ на ход̇ийд̇и яож̇анаа. аяан̃хзд̇т̇а сан̇кзбад̇т̇о – ‘‘амугасмим̣ наама ааваасз бажжаяаа сулабхаа’’д̇и лабхид̇аб̣б̣адтаанаг̇аманзна ваа ‘‘маяхам̣ баабун̣аад̇и, на д̇уяха’’нд̇и виваад̣̇аабаж̇ж̇анзна ваа навагаммагаран̣аад̣̇ивасзна ваа сзнаасанаад̣̇ийни бариязсанд̇аанам̣ асанд̇удтаанам̣ ижчид̇аалаабхаад̣̇инаа яо вигхаад̇о жид̇д̇асса ход̇и, со д̇ад̇т̇а санд̇удтасса на ход̇и. д̣̇исаа наббадихан̃н̃ад̇ийд̇и санд̇удтияаа жаад̇уд̣̇д̣̇исабхаавзна д̣̇исаа на бадиханад̇и. вуд̇д̇ан̃хзд̇ам̣ ‘‘жаад̇уд̣̇д̣̇исо аббадигхо жа ход̇и, санд̇уссамаано ид̇арийд̇арзнаа’’д̇и (су. ни. 42).
саман̣ад̇хаммасса ануломаад̇и саман̣ад̇хаммасса самат̇авибассанаабхааванааяа, арияамаг̇г̇ассзва ваа анужчавигаа аббижчад̇аад̣̇аяо. д̇удтажид̇д̇асса бхигкунод̇и д̇удтажид̇д̇зна бхигкунаа. ад̇хиг̇г̇ахид̇аа хонд̇ийд̇и бадибагкад̇хаммз абхибхавид̇ваа г̇ахид̇аа хонд̇и. анд̇ог̇ад̇аад̇и аб̣бханд̇араг̇ад̇аа. на бариб̣аахираад̇и на б̣аахираа гад̇аа.
санд̇удтисуд̇д̇аван̣н̣анаа нидтид̇аа.
8. арияавам̣сасуд̇д̇аван̣н̣анаа
28. адтамз вам̣са-сад̣̇д̣̇о ‘‘бидтивам̣сам̣ ад̇иггамид̇ваа нисийд̣̇ад̇ий’’д̇иаад̣̇ийсу д̣̇виннам̣ г̇обаанасийнам̣ санд̇хаанадтаанз табзд̇аб̣б̣ад̣̇ан̣д̣агз ааг̇ад̇о.
‘‘вам̣со висаало жа яат̇аа висад̇д̇о,
буд̇д̇зсу д̣̇аарзсу жа яаа абзгкаа;
вам̣саггал̣ийрова асаж̇ж̇амаано,
зго жарз каг̇г̇ависаан̣агаббо’’д̇и. –
аад̣̇ийсу гадтагз. ‘‘бхзрисад̣̇д̣̇о муд̣̇ин̇г̇асад̣̇д̣̇о вам̣сад̇ааласад̣̇д̣̇о’’д̇иаад̣̇ийсу д̇уурияависзсз, взн̣ууд̇иби вужжад̇и ‘‘яат̇аа хий’’д̇иаад̣̇и вуд̇д̇ам̣. д̇ад̇т̇а кад̇д̇ияавам̣сод̇и кад̇д̇ияагулавам̣со. зса наяо сзсабад̣̇зсуби. саман̣авам̣со бана саман̣ад̇анд̇и саман̣абавзн̣ий. муулаг̇анд̇хаад̣̇ийнанд̇и аад̣̇и-сад̣̇д̣̇зна яат̇аа саараг̇анд̇хаад̣̇ийнам̣ сан̇г̇ахо, звамзд̇т̇а г̇орасаад̣̇ийнамби сан̇г̇ахо д̣̇адтаб̣б̣о, д̣̇уд̇иязна бана аад̣̇и-сад̣̇зна гаасигавад̇т̇асаббиман̣д̣аад̣̇ийнам̣.
арияа-сад̣̇д̣̇о амилагкзсуби мануссзсу бавад̇д̇ад̇и, язсам̣ нивасанадтаанам̣ арияам̣ ааяад̇ананд̇и вужжад̇и. яат̇ааха ‘‘яаавад̇аа, аананд̣̇а, арияам̣ ааяад̇ана’’нд̇и ‘‘гз бана д̇з арияаа’’д̇и бужчам̣ гад̇ваа ‘‘арияаа вужжанд̇ий’’д̇иаад̣̇и вуд̇д̇ам̣. д̇ад̇т̇а яз махаабан̣ид̇хаанагаббад̇о бадтааяа яаавааяам̣ габбо, зд̇т̇анд̇арз уббаннаа саммаасамб̣уд̣̇д̇хаа. д̇з д̇аава саруубад̇о д̣̇ассзд̇ваа д̇ад̣̇ан̃н̃зби саммаасамб̣уд̣̇д̇хз бажжзгаб̣уд̣̇д̇хз б̣уд̣̇д̇хасаавагз жа сан̇г̇ахзд̇ваа анавасзсад̇о арияз д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. д̇ад̇т̇а яаава саасанам̣ анд̇арад̇хааяад̇и, д̇аава сад̇т̇аа д̇харад̇и зва наамаад̇и имамзва бхаг̇аванд̇ам̣. яз жзд̇арахи б̣уд̣̇д̇хасаавагаа, д̇з жа санд̇хааяа бажжуббаннаг̇г̇ахан̣ам̣. д̇асмим̣ д̇асмим̣ гаалз д̇з д̇з бажжуббаннаад̇и жз, ад̇ийд̇аанааг̇ад̇аг̇г̇ахан̣ам̣ на гад̇д̇аб̣б̣ам̣ сияаа.
ид̣̇аани яат̇аа бхаг̇аваа ‘‘д̇хаммам̣ во, бхигкавз, д̣̇зсзссаами аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзссаами, яад̣̇ид̣̇ам̣ ча чаггааний’’д̇и чачаггад̣̇зсанааяа (ма. ни. 3.420) адтахи бад̣̇зхи ван̣н̣ам̣ абхааси. звам̣ махааарияавам̣сад̣̇зсанааяа арияаанам̣ вам̣сам̣ ‘‘жад̇д̇ааромз, бхигкавз, арияавам̣саа аг̇г̇ан̃н̃аа рад̇д̇ан̃н̃аа вам̣сан̃н̃аа бораан̣аа, асам̣гин̣н̣аа асам̣гин̣н̣абуб̣б̣аа на сам̣гийяанд̇и на сам̣гийяиссанд̇и, аббадигудтаа саман̣зхи б̣раахман̣зхи вин̃н̃уухий’’д̇и язхи навахи бад̣̇зхи ван̣н̣ам̣ абхааси, д̇аани д̇аава аанзд̇ваа т̇оманаавасзнзва ван̣н̣знд̇о ‘‘д̇з ко банзд̇з’’д̇иаад̣̇имааха. аг̇г̇аад̇и ж̇аанид̇аб̣б̣аа саб̣б̣авам̣сзхи сздтабхаавад̇о сздтабхаавасаад̇ханад̇о жа.
рад̇д̇ан̃н̃аа жирарад̇д̇аад̇и ж̇аанид̇аб̣б̣аа рад̇д̇ан̃н̃уухи б̣уд̣̇д̇хаад̣̇ийхи д̇зхи жа д̇ат̇аа анудтид̇ад̇д̇аа. вам̣саад̇и ж̇аанид̇аб̣б̣аад̇и бораан̣аад̇и бураад̇анаа. на ад̇хунаббад̇д̇игаад̇и на ад̇хунаад̇анаа. авигин̣н̣аад̇и на кид̇д̇аа на чад̣д̣ид̇аа. д̇знааха ‘‘анабанийд̇аа’’д̇и. на абанийд̇абуб̣б̣аад̇и на чад̣д̣ид̇абуб̣б̣аа, д̇иссаннамби сигкаанам̣ барибууран̣уубааяабхаавад̇о на барижжад̇д̇абуб̣б̣аа. д̇ад̇о зва ид̣̇ааниби на абанийяанд̇и, анааг̇ад̇зби на абанийяиссанд̇иязва. д̇хаммасабхаавасса виж̇аананзна вин̃н̃уу. самид̇абаабаа саман̣аа жзва б̣раахман̣аа жа. д̇зхи аббадигудтаа аббадигкид̇д̇аа. яз хи на бадиггосид̇аб̣б̣аа, д̇з анинд̣̇ид̇аб̣б̣аа. аг̇арахид̇аб̣б̣аа абарижжаж̇ид̇аб̣б̣ад̇ааяа аббадигкибид̇аб̣б̣аа хонд̇ийд̇и.
санд̇удтод̇и зд̇т̇а яат̇аад̇хиббзд̇асанд̇осамзва д̣̇ассзнд̇зна бажжаяасанд̇осавасзна санд̇удтод̇и вуд̇д̇ам̣, жхаанавибассанаад̣̇ивасзнаби ид̇ха бхигкуно санд̇удтад̇аа ход̇ийд̇и. ид̇арийд̇арзнаад̇и ид̇арзна ид̇арзна. ид̇арасад̣̇д̣̇о анияамаважано д̣̇вигкад̇д̇ум̣ вужжамаано яам̣-гин̃жисад̣̇д̣̇зхи самаанад̇т̇о ход̇ийд̇и вуд̇д̇ам̣ ‘‘язна гзнажий’’д̇и. свааяам̣ анияамаваажид̇ааяа зва яат̇аа т̇уулаад̣̇ийнам̣ ан̃н̃ад̇араважано, звам̣ яат̇аалад̣̇д̇хаад̣̇ийнамби ан̃н̃ад̇араважанод̇и. д̇ад̇т̇а д̣̇уд̇ияабагкассзва ид̇ха ижчид̇абхаавам̣ д̣̇ассзнд̇о ‘‘ат̇а ко’’д̇иаад̣̇имааха. нану жа яат̇аалад̣̇д̇хаад̣̇аяоби т̇уулаад̣̇аяо зва? сажжамзд̇ам̣, д̇ат̇ааби ад̇т̇и висзсо. яо хи яат̇аалад̣̇д̇хзсу т̇уулаад̣̇ийсу санд̇осо, со яат̇аалаабхасанд̇осова, на ид̇аро. на хи со бажжаяамад̇д̇асанниссаяо ижчид̇о, ат̇а ко ад̇д̇ано гааяаб̣аласааруббабхаавасанниссаяоби. т̇уулад̣̇угаад̣̇аяо д̇аяоби жийварз лаб̣бханд̇и, маж̇жхимо жад̇убажжаяасаад̇хааран̣о, бажчимо бана жийварз сзнаасанз жа лаб̣бхад̇ийд̇и д̣̇адтаб̣б̣ам̣. имз д̇аяо санд̇осзд̇и ид̣̇ам̣ саб̣б̣асан̇г̇аахиганаязна вуд̇д̇ам̣. яз хи барад̇о г̇илаанабажжаяам̣ бин̣д̣абаад̇з зва багкибид̇ваа жийварз вийсад̇и, бин̣д̣абаад̇з баннараса, сзнаасанз баннарасаад̇и самабан̃н̃ааса санд̇осаа вужжанд̇и, д̇з саб̣б̣зби яат̇аарахам̣ имзсу зва д̇ийсу санд̇осзсу сан̇г̇ахам̣ самосаран̣ам̣ г̇ажчанд̇ийд̇и.
жийварам̣ ж̇аанид̇аб̣б̣анд̇и ‘‘ид̣̇ам̣ наама жийварам̣ габбияа’’нд̇и ж̇аад̇ид̇о жийварам̣ ж̇аанид̇аб̣б̣ам̣. жийваракзд̇д̇анд̇и жийварасса уббад̇д̇игкзд̇д̇ам̣. бам̣сугууланд̇и бам̣сугуулажийварам̣, бам̣сугуулалагкан̣аббад̇д̇ам̣ жийварам̣ ж̇аанид̇аб̣б̣анд̇и ад̇т̇о. жийварасанд̇осод̇и жийварз лаб̣бхамаано саб̣б̣о санд̇осо ж̇аанид̇аб̣б̣о. жийвараббадисам̣яуд̇д̇аани д̇худ̇ан̇г̇аани ж̇аанид̇аб̣б̣аани, яаани г̇обзнд̇о жийварасанд̇осзна саммад̣̇зва санд̇удто ход̇ийд̇и. комагаббаасигагосзяяагамб̣аласаан̣абхан̇г̇аани комаад̣̇ийни. д̇ад̇т̇а комам̣ наама комасуд̇д̇зхи вааяид̇ам̣ комабаддажийварам̣. д̇ат̇аа сзсааниби. саан̣анд̇и саан̣аваагасуд̇д̇зхи гад̇ажийварам̣. бхан̇г̇анд̇и бана комасуд̇д̇аад̣̇ийни саб̣б̣аани, згажжаани ваа миссзд̇ваа гад̇ажийварам̣. бхан̇г̇амби ваагамаяамзваад̇и гзжи. чаад̇и г̇ан̣анабарижчзд̣̇о. яад̣̇и звам̣ ид̇о ан̃н̃аа ‘‘д̣̇угуулаад̣̇ийний’’д̇иаад̣̇и вуд̇д̇ам̣. аад̣̇и-сад̣̇д̣̇зна бад̇д̇ун̣н̣ам̣, сомаарабаддам̣, жийнабаддам̣, ид̣̇д̇хиж̇ам̣, д̣̇звад̣̇иннанд̇и д̇зсам̣ сан̇г̇ахо. д̇ад̇т̇а д̣̇угуулам̣ саан̣асса ануломам̣ ваагамаяад̇д̇аа. бад̇д̇ун̣н̣ад̣̇зсз сан̃ж̇аад̇авад̇т̇ам̣ бад̇д̇ун̣н̣ам̣. ‘‘госзяяависзсо’’д̇и хи абхид̇хаанагосз вуд̇д̇ам̣. сомаарад̣̇зсз жийнад̣̇зсз жа ж̇аад̇авад̇т̇аани сомааражийнабаддаани. бад̇д̇ун̣н̣аад̣̇ийни д̇ийн̣и госзяяасса ануломаани баан̣агзхи гад̇асуд̇д̇амаяад̇д̇аа. ид̣̇д̇хиж̇ам̣ зхибхигкуунам̣ бун̃н̃ид̣̇д̇хияаа ниб̣б̣ад̇д̇ажийварам̣, д̇ам̣ комаад̣̇ийнам̣ ан̃н̃ад̇арам̣ ход̇ийд̇и д̇зсам̣ зва ануломам̣. д̣̇звад̇аахи д̣̇иннажийварам̣ д̣̇звад̣̇иннам̣, д̇ам̣ габбаругкз ниб̣б̣ад̇д̇ам̣ ж̇аалинияаа д̣̇зваган̃н̃ааяа ануруд̣̇д̇хад̇т̇зрасса д̣̇иннавад̇т̇асад̣̇исам̣, д̇амби комаад̣̇ийнам̣язва ануломам̣ ход̇и д̇зсу ан̃н̃ад̇арабхаавад̇о.
имаанийд̇и анд̇ог̇ад̇хаавад̇хааран̣аважанам̣, имаани зваад̇и ад̇т̇о. б̣уд̣̇д̇хаад̣̇ийнам̣ барибхог̇аяог̇г̇ад̇ааяа габбияажийвараани. ид̣̇аани авад̇хааран̣зна нивад̇д̇ид̇аани згад̣̇зсзна д̣̇ассзд̇ум̣ ‘‘гусажийра’’нд̇иаад̣̇и вуд̇д̇ам̣. д̇ад̇т̇а гусад̇ин̣зхи ан̃н̃зхи ваа д̇аад̣̇исзхи д̇ин̣зхи гад̇ажийварам̣ гусажийрам̣. аггаваагаад̣̇ийхи ваагзхи гад̇ажийварам̣ ваагажийрам̣. жад̇уггон̣зхи д̇игон̣зхи ваа палагзхи гад̇ажийварам̣ палагажийрам̣. мануссаанам̣ гзсзхи гад̇агамб̣алам̣ гзсагамб̣алам̣. жаамариваалаассаваалаад̣̇ийхи гад̇ам̣ ваалагамб̣алам̣. магажид̇анд̇уухи вааяид̇о бод̇т̇аго. жамманд̇и миг̇ажаммаад̣̇и яам̣ гин̃жи жаммам̣. улуугабагкзхи г̇ант̇ид̇ваа гад̇ажийварам̣ улуугабагкам̣. бхуж̇абад̇д̇ад̇ажаад̣̇имаяам̣ ругкад̣̇уссам̣. д̇ирийдаганд̇и ад̇т̇о. сукумад̇араахи лад̇аахи лад̇ааваагзхи ваа вааяид̇ам̣ лад̇аад̣̇уссам̣. зрагаваагзхи гад̇ам̣ зрагад̣̇уссам̣. д̇ат̇аа гад̣̇алид̣̇уссам̣. сукумзхи взл̣увилийвзхи гад̇ам̣ взл̣уд̣̇уссам̣. аад̣̇и-сад̣̇д̣̇зна ваггалаад̣̇ийнам̣ сан̇г̇ахо. агаббияажийвараани д̇ид̇т̇ияад̣̇д̇хаж̇абхаавад̇о.
адтаннам̣ маад̇игаанам̣ васзнаад̇и ‘‘сиймааяа д̣̇зд̇и, гад̇игааяа д̣̇зд̇ий’’д̇иаад̣̇инаа (махаава. 379) ааг̇ад̇аанам̣ адтаннам̣ жийваруббад̇д̇имаад̇игаанам̣ васзна. жийвараанам̣ бадилаабхагкзд̇д̇ад̣̇ассанад̇т̇ан̃хи бхаг̇авад̇аа ‘‘адтимаа, бхигкавз, маад̇игаа’’д̇иаад̣̇инаа маад̇игаа табид̇аа. маад̇игаад̇и хи маад̇аро жийваруббад̇д̇иж̇анигаад̇и.
сосааниганд̇и баабан̣иганд̇и аабан̣ад̣̇ваарз бад̇ид̇ам̣. рат̇ияанд̇и бун̃н̃ад̇т̇игзхи ваад̇абаананд̇арзна рат̇игааяа чад̣д̣ид̇ажол̣агам̣. сан̇гаарагуудаганд̇и сан̇гаарадтаанз чад̣д̣ид̇ажол̣агам̣. синаананд̇и нахаанажол̣агам̣, яам̣ бхууд̇авзж̇ж̇зхи сасийсам̣ нахааяид̇ваа гаалаган̣н̣ижол̣анд̇и чад̣д̣зд̇ваа г̇ажчанд̇и. д̇ид̇т̇анд̇и д̇ид̇т̇ажол̣ам̣, синаанад̇ид̇т̇з чад̣д̣ид̇абилод̇игаа. аг̇г̇ид̣̇ад̣дханд̇и аг̇г̇инаа д̣̇ад̣дхаббад̣̇зсам̣. д̇ан̃хи мануссаа чад̣д̣знд̇и. г̇окааяид̇аад̣̇ийни баагадаанзва. д̇ааниби хи мануссаа чад̣д̣знд̇и. д̇хаж̇ам̣ уссаабзд̇ваад̇и аанийд̇ам̣ д̇зхи чад̣д̣ид̇анд̇и ад̇хиббааяо.
саад̣̇агабхигкунаад̇и г̇ахабад̇ижийварасса саад̣̇ияанабхигкунаа. згамаасамад̇д̇анд̇и жийварамаасасан̃н̃ид̇ам̣ згамаасамад̇д̇ам̣ вид̇аггзд̇ум̣ ваддад̇и, на д̇ад̇о баранд̇и ад̇хиббааяо. саб̣б̣ассаби хи д̇ан̣хааниг̇г̇ахад̇т̇аа саасанз бадибад̇д̇ийд̇и. бам̣сугуулиго ад̣̇д̇хамаасзнзва гарод̇и абараббадиб̣ад̣̇д̇хад̇д̇аа бадилаабхасса, ид̇арасса бана бараббадиб̣ад̣̇д̇хад̇д̇аа маасамад̇д̇ам̣ анун̃н̃аад̇ам̣. ид̣̇ам̣ маасад̣дхамаасамад̇д̇ам̣…бз… вид̇аггасанд̇осо вид̇аггзнд̇асса баримид̇агаалигад̇д̇аа. махаат̇зрам̣ д̇ад̇т̇а ад̇д̇ано сахааяам̣ ижчанд̇оби г̇аруг̇ааравзна ‘‘г̇аамад̣̇ваарам̣, бханд̇з, г̇амиссаами’’ижжзвааха. т̇зроби д̇асса аж̇жхаасаяам̣ н̃ад̇ваа ‘‘ахамбаавусо, г̇амиссаамий’’д̇и ааха. ‘‘имасса бхигкуно вид̇аггасса авасаро маа ход̇уу’’д̇и бан̃хам̣ бужчамаано г̇аамам̣ баависи. ужжаарабалиб̣уд̣̇д̇ход̇и ужжаарзна бийл̣ид̇о. д̇ад̣̇аа бхаг̇авад̇о д̣̇уггарагирияаануссаран̣амукзна д̇ат̇ааг̇ад̇з уббаннасса бийд̇исоманассавзг̇асса б̣алавабхаавзна гилзсаанам̣ вигкамбхид̇ад̇д̇аа д̇асмим̣язва…бз… д̇ийн̣и палаани бад̇д̇о.
гад̇т̇а лабхиссаамийд̇и жинд̇анааби лаабхаасаабуб̣б̣игаад̇и д̇ат̇аа ‘‘ажинд̇зд̇ваа’’д̇и вуд̇д̇ам̣. ‘‘сунд̣̇арам̣ лабхиссаами, манаабам̣ лабхиссаамий’’д̇извамаад̣̇ижинд̇анааяа гаа наама гат̇аа, гат̇ам̣ бана г̇анд̇аб̣б̣анд̇и ааха ‘‘гаммадтаанасийсзнзва г̇амана’’нд̇и. д̇зна жийварам̣ бадижжа гин̃жиби на жинд̇зд̇аб̣б̣амзваад̇и д̣̇ассзд̇и. абзсало аббад̇ируубааяаби бариязсанааяа бажжаяо бхавзяяаад̇и ‘‘бзсалам̣ бхигкум̣ г̇ахзд̇ваа’’д̇и вуд̇д̇ам̣. аахарияамаананд̇и сусаанаад̣̇ийсу бад̇ид̇ам̣ вад̇т̇ам̣ ‘‘имз бхигкуу бам̣сугуулабариязсанам̣ жаранд̇ий’’д̇и н̃ад̇ваа гзнажи бурисзна д̇ад̇о аанийяамаанам̣. звам̣ лад̣̇д̇хам̣ г̇ан̣ханд̇ассабийд̇и звам̣ бадилаабхасанд̇осам̣ агобзд̇ваа лад̣̇д̇хам̣ г̇ан̣ханд̇ассаби. ад̇д̇ано бахонагамад̇д̇знзваад̇и лолуббавиваж̇ж̇анам̣ наама лолуббасса д̣̇уурасамуссаарид̇ад̇д̇аа.
яаабзд̇унд̇и ад̇д̇абхаавам̣ бавад̇д̇зд̇ум̣. д̇хованубаг̇знаад̇и д̇хованаяог̇г̇зна. бан̣н̣аанийд̇и амб̣аж̇амб̣аад̣̇ибан̣н̣аани. агобзд̇ваад̇и санд̇осам̣ агобзд̇ваа. бахонаганийхаарзнзваад̇и анд̇араваасагаад̣̇ийсу яам̣ гаад̇угаамо, д̇асса бахонаганияаамзнзва яат̇аалад̣̇д̇хам̣ т̇ууласукумаад̣̇им̣ г̇ахзд̇ваа гаран̣ам̣. д̇иман̣д̣алаббадижчаад̣̇анамад̇д̇ассзваад̇и ниваасанам̣ жз наабхиман̣д̣алам̣, ж̇аан̣уман̣д̣алам̣, ид̇аран̃жз г̇алаваадаман̣д̣алам̣ авижаарзд̇ваа на вижаарзд̇ваа.
гусиб̣анд̇ханагаалзд̇и ман̣д̣алаани яож̇зд̇ваа сиб̣б̣анагаалз. сад̇д̇а ваарзд̇и сад̇д̇а сиб̣б̣анаваарз. габбаб̣инд̣̇уабад̣̇зсзна гассажи вигаарасса агаран̣ам̣ габбасанд̇осо.
сийд̇аббадигхаад̇анаад̣̇и ад̇т̇аабад̇д̇ид̇о сиж̇жхад̇ийд̇и мукяамзва жийварабарибхог̇з баяож̇анам̣ д̣̇ассзд̇ум̣ ‘‘хиригобийнаббадижчаад̣̇анамад̇д̇авасзнаа’’д̇и вуд̇д̇ам̣. д̇знааха бхаг̇аваа ‘‘яаавад̣̇зва хиригобийнаббадижчаад̣̇анад̇т̇а’’нд̇и (ма. ни. 1.23; а. ни. 6.58; махаани. 206). ваддад̇и, на д̇аавад̇аа санд̇осо губбад̇и самбхаараанам̣ д̣̇агкин̣зяяаанам̣ алаабхад̇о. сааран̣ийяад̇хаммз тад̇ваад̇и сийлаванд̇зхи бхигкуухи саад̇хааран̣абхог̇ибхаавз тад̇ваа. ид̇ийд̇иаад̣̇инаа батамассзва арияавам̣сасса бам̣сугуулиган̇г̇ад̇зжийвариган̇г̇аанам̣ д̇зсан̃жасса бажжаяад̇ам̣ д̣̇ассзнд̇о ‘‘ид̇и имз д̇хаммаа ан̃н̃аман̃н̃асса самудтаабагаа убад̇т̇амбхагаа жаа’’д̇и д̣̇ийбзд̇и. зса наяо ид̇о барзсу.
санд̇удто ход̇и ван̣н̣аваад̣̇ийд̇и зд̇т̇а жад̇уггодигам̣ самбхавад̇и. д̇ад̇т̇а жад̇уд̇т̇оязва багко ван̣н̣ид̇ат̇омид̇од̇и д̇ат̇аа д̣̇зсанаа гад̇аа. зго санд̇удто ход̇и, санд̇осасса ван̣н̣ам̣ на гат̇зд̇и сзяяат̇ааби т̇зро наал̣аго. зго на санд̇удто ход̇и, санд̇осасса ван̣н̣ам̣ гат̇зд̇и сзяяат̇ааби убананд̣̇о сагяабуд̇д̇о. зго нзва санд̇удто ход̇и, на санд̇осасса ван̣н̣ам̣ гат̇зд̇и сзяяат̇ааби т̇зро лаал̣уд̣̇ааяи зго санд̇удто жзва ход̇и, санд̇осасса жа ван̣н̣ам̣ гат̇зд̇и сзяяат̇ааби т̇зро махаагассабо.
анзсананд̇и аяуд̇д̇ам̣ зсанам̣. д̇знааха ‘‘аббад̇ирууба’’нд̇и, саасанз тид̇аанам̣ аббад̇ируубам̣ аяог̇г̇ам̣. гохан̃н̃ам̣ гаронд̇од̇и жийваруббаад̣̇ананимид̇д̇ам̣ барзсам̣ гуханам̣ вимхаабанам̣ гаронд̇о. уд̇д̇асад̇ийд̇и д̇ан̣хаасанд̇аасзна убаруубари д̇асад̇и. барид̇ассад̇ийд̇и барид̇о д̇ассад̇и. яат̇аа саб̣б̣з гааяаважиббаяог̇аа д̇ад̣̇ад̇т̇аа зва ж̇ааяанд̇и, звам̣ саб̣б̣абхааг̇зхи д̇асад̇и. г̇ад̇хид̇ам̣ вужжад̇и г̇ид̣̇д̇хо, со жзд̇т̇а абхиж̇жхаалагкан̣о ад̇хиббзд̇о. г̇ад̇хид̇ам̣ зд̇асса над̇т̇ийд̇и аг̇ад̇хид̇од̇и ааха ‘‘виг̇ад̇алобхаг̇ид̣̇д̇хо’’д̇и. мужчанд̇и д̇ан̣хаавасзна муяханам̣. д̇асса самуссаяасса ад̇хиг̇ад̇ам̣ анаабанно анубаг̇ад̇о. анод̇т̇ад̇о анаж̇жход̇т̇ад̇о. абарияонад̣̇д̇ход̇и д̇ан̣хажчад̣̇анзна ажчаад̣̇ид̇о. аад̣̇ийнавам̣ бассамаанод̇и д̣̇идтад̇хаммигам̣ самбарааяиган̃жа д̣̇осам̣ бассанд̇о. г̇ад̇хид̇абарибхог̇ад̇о ниссарад̇и зд̇знаад̇и ниссаран̣ам̣ ниссаран̣абан̃н̃о. д̇знааха ‘‘яаавад̣̇зва…бз… ж̇аананд̇о’’д̇и.
нзвад̇д̇аануггам̣сзд̇ийд̇и ад̇д̇аанам̣ нзва уггам̣сзд̇и на угкибад̇и на уггадтад̇о д̣̇ахад̇и. аханд̇иаад̣̇и уггам̣санаагаарад̣̇ассанам̣. на вамбхзд̇и на хийл̣зд̇и на нихийнад̇о д̣̇ахад̇и. д̇асмим̣ жийварасанд̇осзд̇и д̇асмим̣ яат̇аавуд̇д̇з вийсад̇ивид̇хз жийварасанд̇осз. гааман̃жзд̇т̇а вуд̇д̇аббагаарасанд̇осаг̇г̇ахан̣знзва жийварахзд̇у анзсанаабаж̇ж̇анаад̣̇иби г̇ахид̇амзва д̇асмим̣ сад̇и д̇асса бхаавад̇о, асад̇и жа абхаавад̇о. ван̣н̣аваад̣̇ид̇ааад̇д̇уггам̣санабаравамбханаани бана г̇ахид̇аани на хонд̇ийд̇и ‘‘ван̣н̣аваад̣̇аад̣̇ийсу ваа’’д̇и вигаббо вуд̇д̇о. зд̇т̇а жа д̣̇агкод̇иаад̣̇и язсам̣ д̇хаммаанам̣ васзнасса яат̇аавуд̇д̇асанд̇осаад̣̇ий иж̇жханд̇и, д̇ам̣д̣̇ассанам̣. д̇ад̇т̇а д̣̇агкод̇и иминаа д̇зсам̣ самудтаабанабан̃н̃ам̣ д̣̇ассзд̇и. аналасод̇и иминаа баг̇г̇ан̣ханавийрияам̣, самбаж̇аанод̇и иминаа баарихаарияабан̃н̃ам̣, бадиссад̇од̇и иминаа д̇ад̇т̇а асаммосавуд̇д̇им̣ д̣̇ассзд̇и.
бин̣д̣абаад̇о ж̇аанид̇аб̣б̣од̇и бабхзд̣̇ад̇о бин̣д̣абаад̇о ж̇аанид̇аб̣б̣о. бин̣д̣абаад̇агкзд̇д̇анд̇и бин̣д̣абаад̇асса уббад̇д̇идтаанам̣. бин̣д̣абаад̇асанд̇осо ж̇аанид̇аб̣б̣од̇и
бин̣д̣абаад̇агкзд̇д̇ам̣ бин̣д̣абаад̇асса уббад̇д̇идтаанам̣ кзд̇д̇ам̣ вияа кзд̇д̇ам̣. уббаж̇ж̇ад̇и зд̇т̇а, зд̇знаад̇и жа уббад̇д̇идтаанам̣. сан̇гхад̇о ваа хи бхигкуно бин̣д̣абаад̇о уббаж̇ж̇ад̇и уд̣̇д̣̇иссавасзна ваа. д̇ад̇т̇а сагаласса сан̇гхасса д̣̇аад̇аб̣б̣абхад̇д̇ам̣ сан̇гхабхад̇д̇ам̣. гад̇ибаяз бхигкуу уд̣̇д̣̇исид̇ваа уд̣̇д̣̇зсзна д̣̇аад̇аб̣б̣абхад̇д̇ам̣ уд̣̇д̣̇зсабхад̇д̇ам̣. ниманд̇зд̇ваа д̣̇аад̇аб̣б̣абхад̇д̇ам̣ ниманд̇анам̣. салаагааяа д̣̇аад̇аб̣б̣абхад̇д̇ам̣ салаагабхад̇д̇ам̣. згасмим̣ багкз згад̣̇ивасам̣ д̣̇аад̇аб̣б̣абхад̇д̇ам̣ багкигам̣. убосат̇з убосат̇з д̣̇аад̇аб̣б̣абхад̇д̇ам̣ убосат̇игам̣. баадибад̣̇ад̣̇ивасз д̣̇аад̇аб̣б̣абхад̇д̇ам̣ баадибад̣̇игам̣. ааг̇анд̇угаанам̣ д̣̇аад̇аб̣б̣абхад̇д̇ам̣ ааг̇анд̇угабхад̇д̇ам̣. д̇хураг̇зхз зва табзд̇ваа д̣̇аад̇аб̣б̣абхад̇д̇ам̣ д̇хурабхад̇д̇ам̣. гудим̣ уд̣̇д̣̇исса д̣̇аад̇аб̣б̣абхад̇д̇ам̣ гудибхад̇д̇ам̣. г̇аамаваасиаад̣̇ийхи ваарзна д̣̇аад̇аб̣б̣абхад̇д̇ам̣ ваарабхад̇д̇ам̣. вихаарам̣ уд̣̇д̣̇исса д̣̇аад̇аб̣б̣абхад̇д̇ам̣ вихаарабхад̇д̇ам̣. сзсаани баагадаанзва.
вид̇аггзд̇и ‘‘гад̇т̇а ну ко ахам̣ аж̇ж̇а бин̣д̣ааяа жариссаамий’’д̇и. ‘‘свз гад̇т̇а бин̣д̣ааяа жариссаамаа’’д̇и т̇зрзна вуд̇д̇з ‘‘асугаг̇аамз, бханд̇з’’д̇и гаамамзд̇ам̣ бадиважанад̣̇аанам̣, язна бана жид̇д̇зна жинд̇зд̇ваа д̇ам̣ вуд̇д̇ам̣, д̇ам̣ санд̇хааяааха ‘‘зд̇д̇агам̣ жинд̇зд̇ваа’’д̇и. д̇ад̇о бадтааяаад̇и вид̇аггамаал̣агз тад̇ваа д̇ад̇о барам̣ вид̇аггзнд̇о арияавам̣саа жуд̇о ход̇ийд̇и ид̣̇ам̣ д̇ин̣н̣амби арияавам̣сигаанам̣ васзна г̇ахзд̇аб̣б̣ам̣, на згажааригассзва. саб̣б̣оби хи арияавам̣сиго згаваарамзва вид̇аггзд̇ум̣ лабхад̇и, на д̇ад̇о барам̣. бариб̣аахирод̇и арияавам̣сигабхаавад̇о б̣ахибхууд̇о. свааяам̣ вид̇аггасанд̇осо гаммадтаанаманасигаарзна на губбад̇и висуж̇жхад̇и жа. ид̇о барзсуби зсзва наяо. д̇знзвааха ‘‘гаммадтаанасийсзна г̇анд̇аб̣б̣а’’нд̇и. г̇ахзд̇аб̣б̣амзваад̇и адтаанаббаяуд̇д̇о зва-сад̣̇д̣̇о. яаабанамад̇д̇амзва г̇ахзд̇аб̣б̣анд̇и яож̇зд̇аб̣б̣ам̣.
зд̇т̇аад̇и зд̇асмим̣ бин̣д̣абаад̇аббадиг̇г̇ахан̣з. аббанд̇и ад̇д̇ано яаабанаббамаан̣ад̇оби аббам̣ г̇ахзд̇аб̣б̣ам̣ д̣̇ааяагасса жид̇д̇аараад̇ханад̇т̇ам̣. бамаан̣знзваад̇и ад̇д̇ано бамаан̣знзва аббам̣ г̇ахзд̇аб̣б̣ам̣. бамаан̣зна г̇ахзд̇аб̣б̣анд̇и зд̇т̇а гааран̣ам̣ д̣̇ассзд̇ум̣ ‘‘бадиг̇г̇ахан̣асмин̃хий’’д̇иаад̣̇и вуд̇д̇ам̣. магкзд̇ийд̇и вид̣̇д̇хам̣сзд̇и абанзд̇и. винибаад̇зд̇и винаасзд̇и адтаанавинияог̇зна. саасананд̇и сад̇т̇усаасанам̣ анусидтим̣ на гарод̇и на бадибаж̇ж̇ад̇и. сабад̣̇аанажааринаа вияа лолуббавиваж̇ж̇анасанд̇осод̇и ааха ‘‘д̣̇ваарабадибаадияаа г̇анд̇аб̣б̣а’’нд̇и.
хараабзд̇ваад̇и ад̇хигам̣ абанзд̇ваа. аахаараг̇зд̇хад̇о ниссарад̇и зд̇знаад̇и ниссаран̣ам̣. ж̇игхажчааяа бадивинод̣̇анад̇т̇ам̣ гад̇аа, гааяасса тид̇иаад̣̇ибаяож̇анам̣ бана ад̇т̇аабад̇д̇ид̇о ааг̇ад̇амзваад̇и ааха ‘‘ж̇игхажчааяа…бз… санд̇осо наамаа’’д̇и. нид̣̇ахид̇ваа на барибхун̃ж̇ид̇аб̣б̣ам̣ д̇ад̣̇ахубийд̇и ад̇хиббааяо. ид̇арад̇т̇а бана сигкаабад̣̇знзва ваарид̇ам̣. сааран̣ийяад̇хаммз тид̇знаад̇и сийлаванд̇зхи бхигкуухи саад̇хааран̣абхог̇ибхаавз тид̇зна.
сзнаасанзнаад̇и саяанзна аасанзна жа. яад̇т̇а яад̇т̇а хи ман̃жаад̣̇игз вихаараад̣̇игз жа сзд̇и, д̇ам̣ сзнам̣. яад̇т̇а яад̇т̇а бийтаад̣̇игз аасад̇и, д̇ам̣ аасанам̣. д̇ад̣̇убхаяам̣ згад̇о гад̇ваа ‘‘сзнаасана’’нд̇и вуд̇д̇ам̣. д̇знааха ‘‘ман̃жо’’д̇иаад̣̇и. д̇ад̇т̇а ман̃жо масаарагаад̣̇и. д̇ат̇аа бийтам̣. ман̃жабхиси, бийтабхисийд̇и д̣̇увид̇хо бхиси. вихааро баагаарабарижчинно сагало ааваасо, ‘‘д̣̇ийгхамукабаасаад̣̇о’’д̇и гзжи. ад̣дхаяог̇о д̣̇ийгхабаасаад̣̇о, ‘‘згабассажчаад̣̇анагасзнаасана’’нд̇и гзжи. баасаад̣̇од̇и жад̇урассабаасаад̣̇о, ‘‘ааяад̇ажад̇урассабаасаад̣̇о’’д̇и гзжи. хаммияанд̇и мун̣д̣ажчад̣̇анабаасаад̣̇о. г̇ухаад̇и гзвалаа баб̣б̣ад̇аг̇ухаа. лзн̣ам̣ д̣̇ваараб̣анд̇хам̣. аддо б̣ахалабхид̇д̇игаг̇зхам̣, яасса г̇обаанасияо аг̇г̇ахзд̇ваа идтагаахи зва чад̣̇анам̣ ход̇и, ‘‘аддалаагаарзна гарийяад̇ий’’д̇иби вад̣̇анд̇и. маал̣о згагуудасан̇г̇ахид̇о анзгагон̣о бадиссаяависзсо, ‘‘ваддаагаарзна гад̇асзнаасана’’нд̇и гзжи.
бин̣д̣абаад̇з вуд̇д̇анаязнзваад̇и ‘‘саад̣̇аго бхигку ‘ахам̣ гад̇т̇а васиссаамий’д̇и вид̇аггзд̇ий’’д̇иаад̣̇инаа яат̇аарахам̣ бин̣д̣абаад̇з вуд̇д̇анаязнзва взд̣̇ид̇аб̣б̣аа. ‘‘д̇ад̇о барам̣ вид̇аггзнд̇о арияавам̣саа жуд̇о ход̇и бариб̣аахиро, сзнаасанам̣ гухим̣ лабхиссаамийд̇и ажинд̇зд̇ваа гаммадтаанасийсзнзва г̇анд̇аб̣б̣а’’нд̇и жа звамаад̣̇и саб̣б̣ам̣ буриманаязнзва.
гасмаа банзд̇т̇а бажжаяасанд̇осам̣ д̣̇ассзнд̇зна бхаг̇авад̇аа г̇илаанабажжаяасанд̇осо на г̇ахид̇од̇и? на ко банзд̇ам̣ звам̣ д̣̇адтаб̣б̣анд̇и д̣̇ассзнд̇о ‘‘г̇илаанабажжаяо бана бин̣д̣абаад̇з зва бавидто’’д̇и ааха, аахарид̇аб̣б̣ад̇аасааман̃н̃знаад̇и ад̇хиббааяо. яад̣̇и звам̣ д̇ад̇т̇ааби бин̣д̣абаад̇з вияа вид̇аггасанд̇осаад̣̇аяоби ‘‘д̇ад̇т̇аа’’д̇иаад̣̇и. нану жзд̇т̇а д̣̇ваад̣̇асзва д̇худ̇ан̇г̇аани винияог̇ам̣ г̇ад̇аани, згам̣ бана нзсаж̇ж̇иган̇г̇ам̣ на гад̇т̇ажи винияуд̇д̇анд̇и ааха ‘‘нзсаж̇ж̇иган̇г̇ам̣ бхааванаараамаарияавам̣сам̣ бхаж̇ад̇ий’’д̇и. аяан̃жа ад̇т̇о адтагат̇аарул̣хо зваад̇и д̣̇ассзнд̇о ‘‘вуд̇д̇амби жзд̇а’’нд̇иаад̣̇имааха.
бат̇авим̣ бад̇т̇арамаано вияаад̇иаад̣̇и арияавам̣сад̣̇зсанааяа суд̣̇уггарабхаавад̣̇ассанам̣ махаависаяад̇д̇аа д̇ассаа д̣̇зсанааяа. яасмаа наяасахассабадиман̣д̣ид̇ам̣ ход̇и, арияамаг̇г̇аад̇хиг̇амааяа вид̇т̇аарад̇о бавад̇д̇ияамаанаа д̣̇зсанаа жид̇д̇уббаад̣̇аган̣д̣з аяан̃жа бхааванаараамаарияавам̣сагат̇аа арияамаг̇г̇аад̇хиг̇амааяа вид̇т̇аарад̇о бавад̇д̇ияамаанаа зва ход̇ийд̇и вуд̇д̇ам̣ ‘‘сахассанаяабадиман̣д̣ид̇ам̣…бз… д̣̇зсанам̣ аарабхий’’д̇и.
бадибагкавид̇хаманад̇о абхимукабхаавзна раман̣ам̣ аараман̣ам̣ аараамод̇и ааха ‘‘абхирад̇ийд̇и ад̇т̇о’’д̇и. б̣яад̇хигаран̣аанамби бад̣̇аанам̣ васзна бхавад̇и б̣аахирад̇т̇асамаасо яат̇аа ‘‘урасиломо ган̣тзгаал̣о’’д̇и ааха ‘‘бхааванааяа аараамо ассаад̇и бхааванаараамо’’д̇и. абхирамид̇аб̣б̣адтзна ваа аараамо, бхааванаа аараамо ассаад̇и бхааванаараамод̇и звамбзд̇т̇а самаасаяож̇анаа взд̣̇ид̇аб̣б̣аа. бхаавзнд̇о рамад̇ийд̇и зд̇зна бхааванаараамасад̣̇д̣̇аанам̣ гад̇д̇усаад̇ханад̇ам̣ гаммад̇хаараяасамаасад̇ан̃жа д̣̇ассзд̇и. ‘‘баж̇аханд̇о рамад̇ий’’д̇и вуд̇д̇ад̇д̇аа бахаанаараамод̇и зд̇т̇ааби зсзва наяо.
гаамам̣ ‘‘нзсаж̇ж̇иган̇г̇ам̣ бхааванаараамаарияавам̣сам̣ бхаж̇ад̇ий’’д̇и вуд̇д̇ам̣ бхааванаануяог̇асса анужчавигад̇д̇аа, нзсаж̇ж̇иган̇г̇авасзна бана нзсаж̇ж̇игасса бхигкуно згажжаахи аабад̇д̇ийхи анаабад̇д̇ибхаавод̇и д̇амби сан̇г̇ан̣ханд̇о ‘‘д̇зрасаннам̣ д̇худ̇ан̇г̇аана’’нд̇и вад̇ваа винаяам̣ бад̇ваа г̇аругз таад̇аб̣б̣анд̇и ижчид̇ад̇д̇аа саллзкасса абарижжаж̇анавасзна бадибад̇д̇и наама винаяз тид̇ассзваад̇и ааха ‘‘д̇зрасаннам̣…бз… гат̇ид̇ам̣ ход̇ий’’д̇и. гаамам̣ суд̇д̇аабхид̇хаммабидагзсуби д̇ад̇т̇а д̇ад̇т̇а сийлагат̇аа аахадааязва, язхи бана г̇ун̣зхи сийласса вод̣̇аанам̣ ход̇и, д̇зсу гат̇ид̇зсу яат̇аа сийлагат̇ааб̣аахуллам̣ винаяабидагам̣ гат̇ид̇ам̣ ход̇и, звам̣ бхааванаагат̇ааб̣аахуллам̣ суд̇д̇абидагам̣ абхид̇хаммабидаган̃жа жад̇уд̇т̇зна арияавам̣сзна гат̇ид̇зна гат̇ид̇амзва ход̇ийд̇и вуд̇д̇ам̣ ‘‘бхааванаараамзна авасзсам̣ бидагад̣̇ваяам̣ гат̇ид̇а’’нд̇и. ‘‘со нзгкаммам̣ бхаавзнд̇о ‘‘нзгкамабаал̣ияаа гат̇зд̇аб̣б̣о’’д̇и. д̇знааха адтагат̇ааяам̣ ‘‘саб̣б̣зби гусалаа д̇хамаа, нзгкамманд̇и бавужжарз’’д̇и. д̣̇асуд̇д̇арасуд̇д̇анд̇абарияааязнаад̇и д̣̇асуд̇д̇арасуд̇д̇анд̇ад̇хаммзна (д̣̇ий. ни. 3.350 аад̣̇аяо) д̣̇асуд̇д̇арасуд̇д̇анд̇з ааг̇ад̇анаязнаад̇и ваа ад̇т̇о. сзсабад̣̇ад̣̇ваязби зсзва наяо.
сод̇и ж̇ааг̇арияам̣ ануяуд̇д̇о бхигку. нзгкамманд̇и гаамзхи нигканд̇абхаавад̇о нзгкаммасан̃н̃ид̇ам̣ батамаж̇жхаануубажаарам̣, со ‘‘абхиж̇жхам̣ логз бахааяаа’’д̇иаад̣̇инаа (вибха. 508) ааг̇ад̇о. батамаж̇жхаанасса буб̣б̣абхааг̇абхааванаа хи ид̇хаад̇хиббзд̇аа, д̇асмаа ‘‘аб̣яаабаад̣̇а’’нд̇иаад̣̇ийсуби звамзва ад̇т̇о взд̣̇ид̇аб̣б̣о. саубааяаанан̃хи адтаннам̣ самаабад̇д̇ийнам̣ адтаарасаннам̣ махаавибассанаанам̣ жад̇уннам̣ арияамаг̇г̇аанан̃жа васзнзд̇т̇а д̣̇зсанаа бавад̇д̇аад̇и. д̇ад̇т̇а аб̣яаабаад̣̇анд̇и мзд̇д̇аа. аалогасан̃н̃анд̇и вибхууд̇ам̣ гад̇ваа манасигаран̣зна убадтид̇ааалогасан̃ж̇аананам̣. авигкзбанд̇и самаад̇хим̣. д̇хаммававад̇т̇аананд̇и гусалаад̣̇ид̇хаммаанам̣ яаат̇ааванижчаяам̣, ‘‘сабажжаяанаамававад̇т̇аана’’нд̇иби вад̣̇анд̇и. звам̣ гаамажчанд̣̇аад̣̇инийваран̣аббахаанзна ‘‘абхиж̇жхам̣ логз бахааяаа’’д̇иаад̣̇инаа вуд̇д̇асса батамаж̇жхаанасса буб̣б̣абхааг̇абадибад̣̇ааяа бхааванаараамад̇ам̣ бахаанаараамад̇ан̃жа д̣̇ассзд̇ваа ид̣̇аани саха убааязна адтасамаабад̇д̇ийхи адтаарасахи жа махаавибассанаахи д̇ам̣ д̣̇ассзд̇ум̣ ‘‘н̃аан̣а’’нд̇иаад̣̇имааха. наамаруубабариг̇г̇ахан̣аган̇каавид̇аран̣аанан̃хи виб̣анд̇хабхууд̇асса мохасса д̣̇уурийгаран̣зна н̃аад̇абарин̃н̃ааяа тид̇асса анижжасан̃н̃аад̣̇аяо сиж̇жханд̇и. д̇ат̇аа жхаанасамаабад̇д̇ийсу анабхирад̇инимид̇д̇зна баамож̇ж̇зна д̇ад̇т̇а анабхирад̇ияаа винод̣̇ид̇ааяа жхаанаад̣̇ийнам̣ самад̇хиг̇амод̇и самаабад̇д̇ивибассанам̣ арад̇ивинод̣̇анаавиж̇ж̇аабад̣̇ааланаубааяо. уббадибаадинид̣̇д̣̇зсо бана нийваран̣асабхаавааяа авиж̇ж̇ааяа хздтаанийваран̣зсу сан̇г̇ахад̣̇ассанад̇т̇анд̇и д̣̇адтаб̣б̣ам̣. гин̃жааби батамаж̇жхаануубажаарзязва д̣̇угкам̣, жад̇уд̇т̇аж̇жхаануубажаарзязва сукам̣ бахийяад̇и, ад̇исаяаббахаанам̣ бана санд̇хааяааха ‘‘жад̇уд̇т̇аж̇жхаанам̣ сукад̣̇угкз’’д̇и.
анижжасса анижжаанубассанаа, д̇збхуумагад̇хаммаанам̣ анижжад̇ам̣ г̇ахзд̇ваа нижжасан̃н̃анд̇и сан̇кад̇ад̇хаммзсу нижжаа сассад̇аад̇и бавад̇д̇ам̣ мижчаасан̃н̃ам̣. сан̃н̃аасийсзна д̣̇идтижид̇д̇аанамби г̇ахан̣ам̣ д̣̇адтаб̣б̣ам̣. зса наяо ид̇о барзсуби. ниб̣б̣ид̣̇аанубассананд̇и сан̇каарзсу ниб̣б̣инд̣̇анаагаарзна бавад̇д̇ам̣ анубассанам̣. нанд̣̇инд̇и саббийд̇игад̇ан̣хам̣. вирааг̇аанубассананд̇и вираж̇ж̇анаагаарзна бавад̇д̇ам̣ анубассанам̣. нирод̇хаанубассананд̇и сан̇каараанам̣ нирод̇хасса анубассанам̣. ‘‘д̇з сан̇каараа нируж̇жханд̇иязва, ааяад̇им̣ самуд̣̇аяавасзна на уббаж̇ж̇анд̇ий’’д̇и звам̣ ваа анубассанаа нирод̇хаанубассанаа. д̇знзвааха ‘‘нирод̇хаанубассанааяа нирод̇хзд̇и но самуд̣̇зд̇ий’’д̇и. мужжид̇угаамад̇аа хи аяам̣ б̣алаббад̇д̇аад̇и. бадиниссаж̇ж̇анаагаарзна бавад̇д̇аа анубассанаа бадиниссаг̇г̇аанубассанаа. бадисан̇каа санд̇идтанаа хи аяам̣. аад̣̇аананд̇и нижжаад̣̇ивасзна г̇ахан̣ам̣. санд̇ад̇исамуухагижжаарамман̣аанам̣ васзна згад̇д̇аг̇г̇ахан̣ам̣ гханасан̃н̃аа. ааяууханам̣ абхисан̇каран̣ам̣. авад̇т̇аависзсаабад̇д̇и вибарин̣аамо. д̇хувасан̃н̃анд̇и т̇ирабхааваг̇г̇ахан̣ам̣.
нимид̇д̇анд̇и самуухагханавасзна, сагижжабарижчзд̣̇ад̇ааяа жа сан̇каараанам̣ савиг̇г̇ахад̇ам̣. бан̣ид̇хинд̇и рааг̇аад̣̇ибан̣ид̇хим̣. саа банад̇т̇ад̇о д̇ан̣хаавасзна сан̇каарзсу ниннад̇аа. абхинивзсанд̇и ад̇д̇аануд̣̇идти. анижжад̣̇угкаад̣̇ивасзна саб̣б̣ад̇хаммад̇ийран̣ам̣ ад̇хибан̃н̃аад̇хаммавибассанаа. саараад̣̇аанаабхинивзсанд̇и асаарз сааранд̇и г̇ахан̣авибаллаасам̣. ‘‘иссарагуд̇д̇аад̣̇ивасзна лого самуббанно’’д̇и абхинивзсо саммохаабхинивзсо. гзжи бана ‘‘ахосим̣ ну ко ахамад̇ийд̇амад̣̇д̇хаананд̇иаад̣̇инаа (ма. ни. 1.18; сам̣. ни. 2.20) бавад̇д̇асам̣саяаабад̇д̇и саммохаабхинивзсо’’д̇и вад̣̇анд̇и. сан̇каарзсу д̇аан̣алзн̣абхааваг̇г̇ахан̣ам̣ аалаяаабхинивзсо. ‘‘аалаяарад̇аа аалаяасаммуд̣̇ид̇аа’’д̇и (д̣̇ий. ни. 2.64, 67; ма. ни. 1.281; 2.337; сам̣. ни. 1.172; махаава. 7, 8) жа важанад̇о аалаяо д̇ан̣хаа, сааязва жагкаад̣̇ийсу руубаад̣̇ийсу жа абхинивзсавасзна бавад̇д̇ияаа аалаяаабхинивзсод̇и гзжи. звам̣ тид̇аа д̇з сан̇каараа бадиниссаж̇ж̇ийяанд̇ийд̇и бавад̇д̇ам̣ н̃аан̣ам̣ бадисан̇каанубассанаа. ваддад̇о виг̇ад̇ад̇д̇аа виваддам̣ ниб̣б̣аанам̣, д̇ад̇т̇а аарамман̣асан̇каад̇зна анубассанзна бавад̇д̇ияаа виваддаанубассанаа г̇од̇рабху. сам̣яог̇аабхинивзсанд̇и сам̣яуж̇ж̇анавасзна сан̇каарзсу нивзсанам̣. д̣̇идтзгадтзд̇и д̣̇идтияаа сахаж̇аад̇згадтз бахаанзгадтз жа. ол̣ааригзд̇и убаримаг̇г̇аваж̇жхз гилзсз ан̣усахаг̇ад̇зд̇и ан̣убхууд̇з. ид̣̇ам̣ хздтимамаг̇г̇аваж̇жхз абзгкид̇ваа вуд̇д̇ам̣. саб̣б̣агилзсзд̇и авасидтасаб̣б̣агилзсз. на хи батамаад̣̇имаг̇г̇зхиби бахийнаа гилзсаа буна бахийяанд̇ийд̇и.
званд̇и бадисамбхид̣̇аамаг̇г̇з (бади. ма. 1.41, 95) нзгкаммабаал̣ияаа яож̇анам̣ ниг̇амзд̇ваа д̣̇ийгханигааязд̇иаад̣̇инаа д̣̇асуд̇д̇арабарияааязна (д̣̇ий. ни. 3.350 аад̣̇аяо) яож̇анам̣ д̣̇ассзд̇и згам̣ д̇хаммам̣ бхаавзнд̇о рамад̇и, згам̣ д̇хаммам̣ баж̇аханд̇о рамад̇ийд̇и жа наяид̣̇ам̣ д̣̇асуд̇д̇арасуд̇д̇з (д̣̇ий. ни. 3.350 аад̣̇аяо) ааг̇ад̇анияаамзна вуд̇д̇ам̣, д̇ад̇т̇а бана ‘‘зго д̇хаммо бхаавзд̇аб̣б̣о, зго д̇хаммо бахаад̇аб̣б̣о’’д̇и д̣̇зсанаа ааг̇ад̇аа. звам̣ санд̇зби яасмаа ад̇т̇ад̇о бхзд̣̇о над̇т̇и, д̇асмаа бадисамбхид̣̇аамаг̇г̇з (бади. ма. 1.41, 95) нзгкаммабаал̣ияам̣ ааг̇ад̇анийхаарзнзва ‘‘згам̣ д̇хаммам̣ бхаавзнд̇о рамад̇и, згам̣ д̇хаммам̣ баж̇аханд̇о рамад̇ий’’д̇и вуд̇д̇ам̣. зса наяо сзсаваарзсуби.
званд̇иаад̣̇инаа д̣̇асуд̇д̇арабарияааязна (д̣̇ий. ни. 3.350 аад̣̇аяо) яож̇анам̣ ниг̇амзд̇ваа ид̣̇аани сад̇ибадтаанасуд̇д̇анд̇абарияааязна (ма. ни. 1.105 аад̣̇аяо) яож̇анам̣ д̣̇ассзд̇ум̣ ‘‘маж̇жхиманигааяз’’д̇иаад̣̇и аарад̣̇д̇хам̣. гааман̃жзд̇т̇а гааяаанубассанаавасзнзва сам̣кибид̇ваа яож̇анаа гад̇аа, згавийсад̇ияаа бана таанаанам̣ васзнаби яож̇анаа гаад̇аб̣б̣аа. ид̣̇аани абхид̇хамманид̣̇д̣̇зсабарияааязна д̣̇ассзд̇ум̣ ‘‘абхид̇хаммз нид̣̇д̣̇зсабарияааязнаа’’д̇иаад̣̇и аарад̣̇д̇хам̣. анижжад̇од̇иаад̣̇ийсу яам̣ вад̇д̇аб̣б̣ам̣, д̇ам̣ висуд̣̇д̇химаг̇г̇асам̣ван̣н̣анаасу (висуд̣̇д̇хи. 2.698; висуд̣̇д̇хи. махаадий. 2.698) вуд̇д̇анаязна взд̣̇ид̇аб̣б̣ам̣.
угган̣тид̇анд̇и ад̇хигусалзсу д̇хаммзсу банд̇асзнаасанзсу жа угган̣таад̣̇ин̃жа, анануяог̇од̇и ад̇т̇о. арияавам̣сабуураго д̇хийро сийлаваа бхигку арияавам̣сабарибууран̣асса бхзд̣̇ам̣ анижчанд̇о самаахид̇о вибассаго жа бажжаяагхаад̇зна арад̇ияаа рад̇ияаа жа сахид̇аа абхибхавид̇аа ход̇ийд̇и вуд̇д̇ам̣ ‘‘арад̇ирад̇исахо, бхигкавз, д̇хийро’’д̇и. сзсам̣ сувин̃н̃зяяамзва.
арияавам̣сасуд̇д̇аван̣н̣анаа нидтид̇аа.
9. д̇хаммабад̣̇асуд̇д̇аван̣н̣анаа
29. навамз анабхиж̇жхаад̇хаммабад̣̇ам̣, анабхиж̇жхаабад̇хаано ваа д̇хаммагодтаасо анабхиж̇жхаад̇хаммабад̣̇ам̣. звам̣ сзсзсуби. ад̇т̇ад̇о бана анабхиж̇жхаад̇хаммабад̣̇ам̣ наама алобхо ваа алобхасийсзна ад̇хиг̇ад̇аж̇жхаанавибассанаамаг̇г̇апаланиб̣б̣аанаани ваа. аб̣яаабаад̣̇о д̇хаммабад̣̇ам̣ наама мзд̇д̇аа ваа мзд̇д̇аасийсзна ад̇хиг̇ад̇аж̇жхаанаад̣̇ийни ваа. саммаасад̇ид̇хаммабад̣̇ам̣ наама суубадтид̇ассад̇и ваа сад̇исийсзна ад̇хиг̇ад̇аж̇жхаанаад̣̇ийни ваа. саммаасамаад̇хид̇хаммабад̣̇ам̣ наама адтасамаабад̇д̇и ваа адтасамаабад̇д̇исийсзна ад̇хиг̇ад̇аж̇жхаанавибассанаамаг̇г̇апаланиб̣б̣аанаани ваа. д̣̇асаасубхавасзна ваа ад̇хиг̇ад̇аж̇жхаанаад̣̇ийни анабхиж̇ж̇аа д̇хаммабад̣̇ам̣. жад̇уб̣рахмавихааравасзна аб̣яаабаад̣̇о д̇хаммабад̣̇ам̣. д̣̇асаануссад̇и аахаарзбадигууласан̃н̃аавасзна ад̇хиг̇ад̇аани саммаасад̇ид̇хаммабад̣̇ам̣. д̣̇асагасин̣ааанаабаанавасзна ад̇хиг̇ад̇аани саммаасамаад̇хид̇хаммабад̣̇ам̣. анабхиж̇жхаалууд̇и анабхиж̇жхааяанасийло. абхибуб̣б̣о жхзсад̣̇д̣̇о абхиж̇жхааяанадто. д̇знзвааха ‘‘нид̇д̇ан̣хо худ̇ваа’’д̇и. багад̇ибхаавам̣ авиж̇аханд̇знаад̇и барисуд̣̇д̇хабхаавам̣ сабхаавасан̇каад̇аанаваж̇ж̇асан̇каад̇ам̣ багад̇ибхаавам̣ авиж̇аханд̇зна. сааваж̇ж̇ад̇хаммасамуббад̇д̇ияаа хи жид̇д̇асса анаваж̇ж̇абхааво ж̇ахид̇о ход̇ийд̇и.
д̇хаммабад̣̇асуд̇д̇аван̣н̣анаа нидтид̇аа.
10. бариб̣б̣ааж̇агасуд̇д̇аван̣н̣анаа
30. д̣̇асамз абхин̃н̃аад̇аад̇и зд̣̇исо жа зд̣̇исо жаад̇и абхилагкан̣авасзна н̃аад̇аа. д̇знааха ‘‘н̃аад̇аа баагадаа’’д̇и. бадисаллаанаа вудтид̇од̇и зд̇т̇а бадисаллаананд̇и д̇зхи д̇зхи сад̣̇д̇хивихааригаанд̇зваасигаубаасагаад̣̇исад̇д̇зхи жзва руубаарамман̣аад̣̇исан̇каарзхи жа бадинивад̇д̇ид̇ваа абасаггид̇ваа саллийнам̣ нилийяанам̣, згийбхааво бавивзгод̇и вуд̇д̇ам̣ ход̇и. яо д̇ад̇о вудтид̇о, со бадисаллаанаа вудтид̇о наама ход̇и. бхаг̇аваа бана яасмаа бадисаллаанаа уд̇д̇амад̇о паласамаабад̇д̇ид̇о вудтааси, д̇асмаа вуд̇д̇ам̣ ‘‘бадисаллаанаа вудтид̇од̇и паласамаабад̇д̇ид̇о вудтид̇о’’д̇и. вад̇т̇угаамзсууд̇и руубаад̣̇ийсу гилзсагаамасса вад̇т̇убхууд̇зсу гаамзсу. б̣ахаларааг̇анд̇и т̇ирамуулад̣̇умможанийяад̇аахи аж̇жхосаанзна б̣ахалабхууд̇ам̣ гилзсагаамам̣ сагааран̣аад̇и язхи гааран̣зхи барзсам̣ ваад̣̇з д̣̇осам̣ д̣̇ассзнд̇и, д̇зхи гааран̣зхи сагааран̣аа. на хи лагкан̣аяуд̇д̇зна хзд̇унаа винаа бараваад̣̇зсу д̣̇осам̣ д̣̇ассзд̇ум̣ саггаа.
звамаад̣̇ийд̇и зд̇т̇а аад̣̇исад̣̇д̣̇зна ‘‘над̇т̇и хзд̇у над̇т̇и бажжаяо сад̇д̇аанам̣ сам̣гилзсааяаа’’д̇и (д̣̇ий. ни. 1.168) звамаад̣̇им̣ сан̇г̇ан̣хаад̇и, д̇асмаа звамаад̣̇иваад̣̇ино звам̣ хзд̇уббадигкзбаваад̣̇инод̇и ад̇т̇о. зд̇т̇а жа над̇т̇игад̣̇идти вибаагам̣ бадиб̣аахад̇и, агирияад̣̇идти гаммам̣ бадиб̣аахад̇и, ахзд̇угад̣̇идти убхаяам̣ бадиб̣аахад̇и. д̇ад̇т̇а гаммам̣ бадиб̣ааханд̇зна вибааго бадиб̣аахид̇о ход̇и, вибаагам̣ бадиб̣ааханд̇знаби гаммам̣ бадиб̣аахид̇ам̣. ид̇и саб̣б̣збзд̇з ад̇т̇ад̇о убхаяабадиб̣аахагаа ахзд̇уваад̣̇аа жзва агирияаваад̣̇аа жа над̇т̇игаваад̣̇аа жа хонд̇и.
огганд̇анияамаад̇и ог̇аал̣хамижчад̇д̇анияамаа. саж̇жхааяад̇ийд̇и д̇ам̣ д̣̇идтид̣̇ийбагам̣ г̇ант̇ам̣ уг̇г̇ахзд̇ваа батад̇и. виймам̣сад̇ийд̇и д̇асса ад̇т̇ам̣ вижаарзд̇и. д̇ассаад̇иаад̣̇и виймам̣санаагаарад̣̇ассанам̣. д̇асмим̣ аарамман̣зд̇и яат̇аабаригаббид̇ахзд̇убажжаяаабхааваад̣̇игз над̇т̇и хзд̇ууд̇иаад̣̇инаяаббавад̇д̇ааяа лад̣̇д̇хияаа аарамман̣з. мижчаасад̇и санд̇идтад̇ийд̇и ‘‘над̇т̇и хзд̇уу’’д̇иаад̣̇ивасзна ануссавуубалад̣̇д̇хз ад̇т̇з д̇ад̣̇аагаарабаривид̇агганзхи савиг̇г̇ахз вияа саруубад̇о жид̇д̇асса бажжубадтид̇з жирагаалабарижаязна звамзд̇анд̇и ниж̇жхаанагкамабхаавуубаг̇аманзна ниж̇жхаанагканд̇ияаа д̇ат̇ааг̇ахид̇з бунаббунам̣ д̇ат̇зва аасзванд̇асса б̣ахулийгаронд̇асса мижчаавид̇аггзна самаанийяамаанаа мижчаавааяаамобад̇т̇амбхид̇аа ад̇ам̣сабхаавам̣ д̇ам̣сабхааванд̇и г̇ан̣ханд̇ий мижчаасад̇ийд̇и лад̣̇д̇ханаамаа д̇ам̣лад̣̇д̇хисахаг̇ад̇аа д̇ан̣хаа санд̇идтад̇и. жид̇д̇ам̣ згаг̇г̇ам̣ ход̇ийд̇и яат̇аавуд̇д̇авид̇аггаад̣̇ибажжаяалаабхзна д̇асмим̣ аарамман̣з авадтид̇ад̇ааяа анзгаг̇г̇ад̇ам̣ бахааяа жид̇д̇ам̣ згаг̇г̇ам̣ аббид̇ам̣ вияа ход̇и мижчаасамаад̇хинаа. соби хи бажжаяависзсзна лад̣̇д̇хабхааванааб̣ало гад̣̇аажи самаад̇хаанабадируубагижжагаро ход̇иязва бахаран̣авиж̇жханаад̣̇ийсу вияаад̇и д̣̇адтаб̣б̣ам̣.
ж̇аванаани ж̇аванд̇ийд̇и анзгагкад̇д̇ум̣ д̇знаагаарзна буб̣б̣абхааг̇иязсу ж̇аванаваарзсу бавад̇д̇зсу саб̣б̣абажчимз ж̇аванаваарз сад̇д̇а ж̇аванаани ж̇аванд̇и. батамаж̇аванз сад̇згижчо ход̇и, д̇ат̇аа д̣̇уд̇ияаад̣̇ийсууд̇и д̇хаммасабхаавад̣̇ассанамзд̇ам̣, на бана д̇асмим̣ кан̣з д̇зсам̣ сад̇згижчабхааваабаад̣̇анам̣ гзнажи д̇ад̇т̇аад̇и д̇зсу д̇ийсу мижчаад̣̇ассанзсу. гожи згам̣ д̣̇ассанам̣ оггамад̇ийд̇и яасса згасмим̣язва абхинивзсо аасзванаа бавад̇д̇аа, со згам̣язва д̣̇ассанам̣ оггамад̇и. яасса д̣̇вийсу д̇ийсуби ваа абхинивзсо аасзванаа бавад̇д̇аа, со д̣̇вз д̇ийн̣и оггамад̇и. зд̇зна яаа буб̣б̣з убхаяабадиб̣аахигад̇аамукзна бавад̇д̇аа ад̇т̇асид̣̇д̇хаа саб̣б̣ад̣̇идтигаа, саа буб̣б̣абхааг̇ияаа, мижчаанияаамогганд̇ияаа бана яат̇аасагам̣ бажжаяасамуд̣̇ааг̇амад̣̇идтид̇о бхиннаарамман̣аанам̣ вияа висзсаад̇хиг̇амаанам̣ згаж̇жхам̣ ануббад̇д̇ияаа абхигин̣н̣аа зваад̇и д̣̇ассзд̇и. згасмим̣ огганд̇зби д̣̇вийсу д̇ийсу огганд̇зсуби нияад̇амижчаад̣̇идтигова ход̇ийд̇и иминаа д̇иссаннамби д̣̇идтийнам̣ самаанапалад̇ам̣ самаанаб̣алан̃жа д̣̇ассзд̇и. д̇асмаа д̇иссоби жзд̇анаа згасса уббаннаа ан̃н̃аман̃н̃ам̣ ануб̣алаббад̣̇ааяигаа хонд̇и.
гим̣ банзса зд̇асмин̃н̃зва ад̇д̇абхаавз нияад̇о, уд̣̇ааху ан̃н̃асмимбийд̇и? зд̇асмин̃н̃зва нияад̇о. агусалан̃хи наамзд̇ам̣ аб̣алам̣, на гусалам̣ вияа махааб̣алам̣. ан̃н̃ат̇аа саммад̇д̇анияаамо вияа ажжанд̇иго сияаа, аасзванавасзна бана бхаванд̇арзби д̇ам̣ д̇ам̣ д̣̇идтим̣ рожзд̇иязва. д̇знзвааха ‘‘ваддакаан̣уго наамзса сад̇д̇о’’д̇и. д̇асмаа ‘‘сагим̣ нимуг̇г̇о нимуг̇г̇о зва б̣аало’’д̇и вияа ваддакаан̣уж̇од̇анаа, яаад̣̇исзхи бана бажжаязхи аяам̣ д̇ам̣ д̣̇ассанам̣ огганд̇о буна гад̣̇аажи мижчад̇д̇анияаамо д̇аббадигкзбабажжаяз бадижжа д̇ад̇о сийсугкзбанамасса на ход̇ийд̇и на вад̇д̇аб̣б̣ам̣. д̇зна вуд̇д̇ам̣ ‘‘язбхуяязнаа’’д̇и. зд̣̇исаад̇и ‘‘б̣уд̣̇д̇хаанамби ад̇згижчаа’’д̇иаад̣̇инаа вуд̇д̇асад̣̇исаа.
ад̇д̇ано нинд̣̇аабхаязнаад̇и ‘‘саммаа д̣̇идтин̃жа наама д̇з г̇араханд̇ий’’д̇иаад̣̇инаа ад̇д̇ано убари барзхи вад̇д̇аб̣б̣анинд̣̇аабхаязна. гхадданабхаязнаад̇и д̇ат̇аа барзсам̣ абасаад̣̇анабхаязна. сахад̇хаммзна барзна ад̇д̇ано убари гаад̇аб̣б̣аниг̇г̇ахо убаарамбхо, д̇ад̇о барид̇д̇аасо убаарамбхабхаяам̣. д̇ам̣ бана ад̇т̇ад̇о убаваад̣̇абхаяам̣ ход̇ийд̇и ааха ‘‘убаваад̣̇абхаязнаа’’д̇и. бадиббассад̣̇д̇хивасзна абхиж̇жхаа винаяад̇и зд̇знаад̇и абхиж̇жхаавинаяо, арахад̇д̇апалам̣. д̇знааха ‘‘абхиж̇жхаавинаяо вужжад̇и арахад̇д̇а’’нд̇и.
бариб̣б̣ааж̇агасуд̇д̇аван̣н̣анаа нидтид̇аа.
урувзлаваг̇г̇аван̣н̣анаа нидтид̇аа.