(18) 3. убаасагаваг̇г̇о
1-3. саараж̇ж̇асуд̇д̇аад̣̇иван̣н̣анаа
171-173. д̇ад̇ияасса батамад̣̇уд̇ияад̇ад̇иязсу аг̇аарияаббадибад̇д̇и гат̇ид̇аа. сод̇аабаннасагад̣̇ааг̇ааминоби хонд̇у, вадданд̇иязва.
4. взрасуд̇д̇аван̣н̣анаа
174. жад̇уд̇т̇з бхаяаанийд̇и жид̇д̇уд̇раасабхаяаани. взраанийд̇и агусалавзрааниби буг̇г̇алавзрааниби жзд̇асиганд̇и жид̇д̇аниссид̇ам̣. д̣̇угканд̇и гааяабасаад̣̇авад̇т̇угам̣ д̣̇угкам̣. д̣̇оманассанд̇и д̣̇оманассавзд̣̇анам̣. имасмим̣ суд̇д̇з вирад̇ибахаанам̣ гат̇ид̇ам̣.
5. жан̣д̣ааласуд̇д̇аван̣н̣анаа
175. бан̃жамз убаасагабад̇игудтод̇и убаасагабажчимаго. год̇уухаламан̇г̇алигод̇и ‘‘иминаа ид̣̇ам̣ бхависсад̇ий’’д̇и звам̣ бавад̇д̇ад̇д̇аа год̇уухаласан̇каад̇зна д̣̇идтасуд̇амуд̇аман̇г̇алзна саманнааг̇ад̇о. ман̇г̇алам̣ бажжзд̇и но гамманд̇и ман̇г̇алам̣ ологзд̇и, гаммам̣ на ологзд̇и. ид̇о жа б̣ахид̣̇д̇хаад̇и имамхаа саасанаа б̣ахид̣̇д̇хаа. буб̣б̣агаарам̣ гарод̇ийд̇и д̣̇аанаад̣̇игам̣ гусалагижжам̣ батамад̇арам̣ гарод̇и.
6. бийд̇исуд̇д̇аван̣н̣анаа
176. чадтз гинд̇и маяанд̇и гзна наама убааязна маяам̣. бавивзгам̣ бийд̇инд̇и батамад̣̇уд̇ияаж̇жхаанаани ниссааяа уббаж̇ж̇анагабийд̇им̣. гаамуубасам̣хид̇анд̇и гааманиссид̇ам̣ д̣̇увид̇хз гаамз аараб̣бха уббаж̇ж̇анагам̣. агусалуубасам̣хид̇анд̇и ‘‘миг̇асуугараад̣̇аяо виж̇жхиссаамий’’д̇и сарам̣ кибид̇ваа д̇асмим̣ вирад̣̇д̇хз ‘‘вирад̣̇д̇хам̣ маяаа’’д̇и звам̣ агусалз ниссааяа уббаж̇ж̇анагам̣. д̇аад̣̇исзсу бана таанзсу авираж̇жханд̇асса ‘‘судту мз вид̣̇д̇хам̣, судту мз бахада’’нд̇и уббаж̇ж̇анагам̣ агусалуубасам̣хид̇ам̣ сукам̣ соманассам̣ наама. д̣̇аанаад̣̇иубагаран̣аанам̣ асамбад̇д̇ияаа уббаж̇ж̇амаанам̣ бана гусалуубасам̣хид̇ам̣ д̣̇угкам̣ д̣̇оманассанд̇и взд̣̇ид̇аб̣б̣ам̣.
7. ван̣иж̇ж̇аасуд̇д̇аван̣н̣анаа
177. сад̇д̇амз ван̣иж̇ж̇аад̇и ваан̣иж̇агаммаани. убаасагзнаад̇и д̇исаран̣аг̇ад̇зна. сад̇т̇аван̣иж̇ж̇аад̇и аавуд̇хабхан̣д̣ам̣ гаарзд̇ваа д̇асса виггаяо. сад̇д̇аван̣иж̇ж̇аад̇и мануссавиггаяо. мам̣саван̣иж̇ж̇аад̇и суугарамиг̇аад̣̇аяо босзд̇ваа д̇зсам̣ виггаяо. маж̇ж̇аван̣иж̇ж̇аад̇и яам̣гин̃жи маж̇ж̇ам̣ гаарзд̇ваа д̇асса виггаяо. висаван̣иж̇ж̇аад̇и висам̣ гаарзд̇ваа д̇асса виггаяо. ид̇и саб̣б̣амби имам̣ ван̣иж̇ж̇ам̣ нзва ад̇д̇анаа гаад̇ум̣, на барз самаад̣̇абзд̇ваа гаарзд̇ум̣ ваддад̇и.
8. рааж̇асуд̇д̇аван̣н̣анаа
178. адтамз баб̣б̣ааж̇знд̇ийд̇и радтамхаа баб̣б̣ааж̇знд̇и. яат̇аабажжаяам̣ ваа гаронд̇ийд̇и яат̇аад̇хиббааяам̣ яат̇ааж̇жхаасаяам̣ гаронд̇и. д̇ат̇зва баабагаммам̣ бавзд̣̇знд̇ийд̇и яат̇аа д̇зна гад̇ам̣, д̇ам̣ д̇ат̇зва ан̃н̃зсам̣ аарожзнд̇и гат̇знд̇и.
9. г̇ихисуд̇д̇аван̣н̣анаа
179. навамз сам̣вуд̇агамманд̇анд̇и бихид̇агамманд̇ам̣. аабхижзд̇асигаананд̇и уд̇д̇амажид̇д̇аниссид̇аанам̣. д̣̇идтад̇хаммасукавихаараананд̇и бажжагкзязва д̇хаммз бавад̇д̇игкан̣з сукавихаараанам̣. арияаганд̇зхийд̇и арияаанам̣ ганд̇зхи маг̇г̇апаласийлзхи.
арияад̇хаммам̣ самаад̣̇ааяаад̇и зд̇т̇а арияад̇хаммод̇и бан̃жа сийлаани гат̇ид̇аани. мзраяам̣ ваарун̣инд̇и жад̇уб̣б̣ид̇хам̣ мзраяам̣ бан̃жавид̇хан̃жа сурам̣. д̇хамман̃жаанувид̇аггаязд̇и нававид̇хам̣ логуд̇д̇арад̇хаммам̣ ануссад̇ивасзнзва вид̇аггзяяа. аб̣яаабаж̇жхам̣ хид̇ам̣ жид̇д̇анд̇и нид̣̇д̣̇угкам̣ мзд̇д̇аад̣̇иб̣рахмавихааражид̇д̇ам̣. д̣̇звалогааяа бхааваязд̇и б̣рахмалогад̇т̇ааяа бхаавзяяа. бун̃н̃ад̇т̇асса ж̇иг̇ийсад̇од̇и бун̃н̃зна ад̇т̇игасса бун̃н̃ам̣ г̇авзсанд̇асса. санд̇зсууд̇и б̣уд̣̇д̇хабажжзгаб̣уд̣̇д̇хад̇ат̇ааг̇ад̇асаавагзсу. вибулаа ход̇и д̣̇агкин̣аад̇и звам̣ д̣̇иннад̣̇аанам̣ махабпалам̣ ход̇и. анубуб̣б̣знаад̇и сийлабууран̣аад̣̇инаа ануггамзна. сзсам̣ д̇иганибаад̇з вуд̇д̇ад̇т̇амзва.
10. г̇авзсийсуд̇д̇аван̣н̣анаа
180. д̣̇асамз сид̇ам̣ баад̇ваагаасийд̇и махаамаг̇г̇знзва г̇ажчанд̇о д̇ам̣ саалаванам̣ ологзд̇ваа ‘‘ад̇т̇и ну ко имасмим̣ таанз гин̃жи сугааран̣ам̣ уббаннабуб̣б̣а’’нд̇и ад̣̇д̣̇аса гассабаб̣уд̣̇д̇хагаалз г̇авзсинаа убаасагзна гад̇ам̣ сугааран̣ам̣. ат̇асса зд̇ад̣̇ахоси – ‘‘ид̣̇ам̣ сугааран̣ам̣ бхигкусан̇гхасса абаагадам̣ бадижчаннам̣, ханд̣̇а нам̣ бхигкусан̇гхасса баагадам̣ гаромий’’д̇и маг̇г̇аа оггамма ан̃н̃ад̇арасмим̣ бад̣̇зсз тид̇ова сид̇абаад̇угаммам̣
хасид̇ан̃жа наамзд̇ам̣ д̇зрасахи соманассасахаг̇ад̇ажид̇д̇зхи ход̇и. д̇ад̇т̇а логияамахааж̇ано агусалад̇о жад̇уухи, гаамааважарагусалад̇о жад̇уухийд̇и адтахи жид̇д̇зхи хасад̇и, сзкаа агусалад̇о д̣̇идтиг̇ад̇асамбаяуд̇д̇аани д̣̇вз абанзд̇ваа чахи жид̇д̇зхи хасанд̇и, кийн̣аасаваа жад̇уухи сахзд̇угагирияажид̇д̇зхи, згзна ахзд̇угагирияажид̇д̇знаад̇и бан̃жахи жид̇д̇зхи
д̇ам̣ банзд̇ам̣ хасид̇ам̣ звам̣ аббамад̇д̇агамби т̇зрасса баагадам̣ ахоси. гат̇ам̣? д̇ат̇ааруубз хи гаалз д̇ат̇ааг̇ад̇асса жад̇уухи д̣̇аатаахи жаад̇уд̣̇д̣̇ийбигамахаамзгхамукад̇о самосарид̇аа виж̇ж̇улад̇аа вияа вирожамаанаа махаад̇аалагканд̇хаббамаан̣аа расмиваддияо удтахид̇ваа д̇игкад̇д̇ум̣ сираварам̣ бад̣̇агкин̣ам̣ гад̇ваа д̣̇аатаг̇г̇зсуязва анд̇арад̇хааяанд̇и. д̇зна сан̃н̃аан̣зна ааяасмаа аананд̣̇о бхаг̇авад̇о бажчад̇о г̇ажчамааноби сид̇абаад̇убхаавам̣ ж̇аанаад̇и.
ид̣̇д̇ханд̇и самид̣̇д̇хам̣. пийд̇анд̇и ад̇исамид̣̇д̇хам̣ саб̣б̣абаалипуллам̣ вияа. аагин̣н̣амануссанд̇и ж̇анасамаагулам̣. сийлзсу абарибуурагаарийд̇и бан̃жасу сийлзсу асамад̇д̇агаарий. бадид̣̇зсид̇аанийд̇и самаад̣̇абид̇аанийд̇и саран̣зсу бад̇идтаабид̇аанийд̇и ад̇т̇о. ижжзд̇ам̣ самасаманд̇и ид̇и зд̇ам̣ гааран̣ам̣ саб̣б̣аагаарад̇о самабхаавзнзва самам̣, на згад̣̇зсзна. над̇т̇и гин̃жи ад̇ирзганд̇и маяхам̣ имзхи гин̃жи ад̇ирзгам̣ над̇т̇и. ханд̣̇аад̇и вавассаг̇г̇ад̇т̇з нибаад̇о. ад̇ирзгааяаад̇и висзсагааран̣ад̇т̇ааяа бадибаж̇ж̇аамийд̇и ад̇т̇о. сийлзсу барибуурагаарим̣ д̇хаарзт̇аад̇и бан̃жасу сийлзсу самад̇д̇агаарийд̇и ж̇аанаат̇а. зд̇д̇аавад̇аа д̇зна бан̃жа сийлаани самаад̣̇иннаани наама хонд̇и. гиман̇г̇а бана на маяанд̇и маяам̣ бана гзнзва гааран̣зна барибуурагаарино на бхависсаама. сзсамзд̇т̇а уд̇д̇аанамзваад̇и.
убаасагаваг̇г̇о д̇ад̇ияо.