5. д̇хаммигаваг̇г̇о
1. нааг̇асуд̇д̇аван̣н̣анаа
43. бан̃жамасса ааяасмад̇аа аананд̣̇зна сад̣̇д̇хинд̇и ид̣̇ам̣ ‘‘ааяаамаананд̣̇аа’’д̇и т̇зрам̣ ааманд̇зд̇ваа г̇ад̇ад̇д̇аа вуд̇д̇ам̣, сад̇т̇аа бана ануунзхи бан̃жахи бхигкусад̇зхи баривуд̇о д̇ад̇т̇а аг̇амаасийд̇и взд̣̇ид̇аб̣б̣о. д̇знубасан̇гамийд̇и д̇зхзва бан̃жахи бхигкусад̇зхи баривуд̇о убасан̇гами. барисин̃жид̇ваад̇и вохаараважанамзд̇ам̣, нхааяид̇ваад̇и ад̇т̇о. буб̣б̣аабаяамаанод̇и рад̇д̇ад̣̇убаддам̣ ниваасзд̇ваа уд̇д̇араасан̇г̇ажийварам̣ д̣̇вийхи хад̇т̇зхи г̇ахзд̇ваа бажчималогад̇хаад̇ум̣ бидтид̇о гад̇ваа бурад̇т̇ималогад̇хаад̇ум̣ абхимуко вод̣̇агабхаавзна г̇ад̇д̇аани буб̣б̣асад̣̇исаани гурумаано адтаасийд̇и ад̇т̇о. бхигкусан̇гхоби д̇зна д̇зна таанзна од̇арид̇ваа нхад̇ваа бажжуд̇д̇арид̇ваа сад̇т̇аарам̣язва бариваарзд̇ваа адтааси. ид̇и д̇асмим̣ самаяз
д̇зна ко бана самаязна…бз… сзд̇о наама нааг̇од̇и сзд̇аван̣н̣ад̇ааяа звам̣ лад̣̇д̇ханаамо хад̇т̇инааг̇о. махаад̇уурияад̇аал̣ид̇аваад̣̇ид̇знаад̇и маханд̇зна д̇уурияад̇аал̣ид̇аваад̣̇ид̇зна. д̇ад̇т̇а батамам̣ сан̇гхадданам̣ д̇аал̣ид̇ам̣ наама ход̇и, д̇ад̇о барам̣ ваад̣̇ид̇ам̣. ж̇анод̇и хад̇т̇ид̣̇ассанад̇т̇ам̣ саннибад̇ид̇амахааж̇ано. д̣̇исваа звамаахаад̇и ан̇г̇абажжан̇г̇аани гхам̣сид̇ваа нхаабзд̇ваа уд̇д̇аарзд̇ваа б̣ахид̇ийрз табзд̇ваа г̇ад̇д̇аани вод̣̇агаани гад̇ваа хад̇т̇аалан̇гаарзна алан̇гад̇ам̣ д̇ам̣ махаанааг̇ам̣ д̣̇исваа ид̣̇ам̣ ‘‘абхируубо вад̇а, бхо’’д̇и басам̣сааважанамааха. гааяубабаннод̇и сарийрасамбад̇д̇ияаа убабанно, барибун̣н̣ан̇г̇абажжан̇г̇од̇и ад̇т̇о. ааяасмаа уд̣̇ааяийд̇и бадисамбхид̣̇ааббад̇д̇о гаал̣уд̣̇ааяид̇т̇зро. зд̇ад̣̇авожаад̇и д̇ам̣ махааж̇анам̣ хад̇т̇исса ван̣н̣ам̣ бхан̣анд̇ам̣ д̣̇исваа ‘‘аяам̣ ж̇ано ахзд̇угабадисанд̇хияам̣ ниб̣б̣ад̇д̇ахад̇т̇ино ван̣н̣ам̣ гат̇зд̇и, на б̣уд̣̇д̇хахад̇т̇исса. ахам̣ д̣̇аани иминаа хад̇т̇инааг̇зна убамам̣ гад̇ваа б̣уд̣̇д̇ханааг̇асса ван̣н̣ам̣ маханд̇анд̇и аарохасамбаннам̣. б̣раханд̇анд̇и барин̣аахасамбаннам̣. звамаахаад̇и звам̣ вад̣̇ад̇и. ат̇а бхаг̇аваа яасмаа аяам̣ нааг̇асад̣̇д̣̇о хад̇т̇имхижзва ассаг̇он̣аураг̇аругкамануссзсу жааби бавад̇д̇ад̇и, д̇асмаа хад̇т̇имби код̇иаад̣̇имааха.
ааг̇унд̇и д̇амахам̣ нааг̇од̇и б̣руумийд̇и д̇ам̣ ахам̣ имзхи д̇ийхи д̣̇ваарзхи д̣̇асаннам̣ агусалагаммабат̇аанам̣ д̣̇ваад̣̇асаннан̃жа агусалажид̇д̇аанам̣ агаран̣ад̇о нааг̇од̇и вад̣̇аами. аяан̃хи на ааг̇ум̣ гарод̇ийд̇и иминаа ад̇т̇зна нааг̇о. имаахи г̇аат̇аахи анумод̣̇аамийд̇и имаахи жад̇усадтибад̣̇аахи сол̣асахи г̇аат̇аахи анумод̣̇аами абхинанд̣̇аами.
мануссабхууд̇анд̇и д̣̇зваад̣̇ибхаавам̣ анубаг̇анд̇ваа мануссамзва бхууд̇ам̣. ад̇д̇ад̣̇анд̇анд̇и ад̇д̇анааязва д̣̇анд̇ам̣, на ан̃н̃зхи д̣̇амат̇ам̣ убанийд̇ам̣. бхаг̇аваа хи ад̇д̇анаа уббаад̣̇ид̇знзва маг̇г̇ад̣̇амат̇зна жагкуд̇оби д̣̇анд̇о, сод̇ад̇оби, гхаанад̇оби, ж̇ивхаад̇оби, гааяад̇оби, манад̇обийд̇и имзсу часу таанзсу д̣̇анд̇о санд̇о ниб̣б̣уд̇о бариниб̣б̣уд̇о. д̇знааха – ‘‘ад̇д̇ад̣̇анд̇а’’нд̇и. самаахид̇анд̇и д̣̇увид̇хзнааби самаад̇хинаа самаахид̇ам̣. ирияамаананд̇и вихарамаанам̣. б̣рахмабат̇зд̇и сздтабат̇з, амад̇абат̇з, ниб̣б̣аанабат̇з. жид̇д̇ассуубасамз рад̇анд̇и батамаж̇жхаанзна бан̃жа нийваран̣аани вуубасамзд̇ваа, д̣̇уд̇ияаж̇жхаанзна вид̇аггавижаарз, д̇ад̇ияаж̇жхаанзна бийд̇им̣, жад̇уд̇т̇аж̇жхаанзна сукад̣̇угкам̣ вуубасамзд̇ваа д̇асмим̣ жид̇д̇ассуубасамз рад̇ам̣ абхирад̇ам̣.
намассанд̇ийд̇и гааязна намассанд̇и, ваажааяа намассанд̇и, манасаа намассанд̇и, д̇хаммаануд̇хаммабадибад̇д̇ияаа намассанд̇и, саггаронд̇и г̇арум̣ гаронд̇и. саб̣б̣ад̇хаммаанабаараг̇унд̇и саб̣б̣зсам̣ канд̇хааяад̇анад̇хаад̇уд̇хаммаанам̣ абхин̃н̃аабаараг̇уу, барин̃н̃аабаараг̇уу, бахаанабаараг̇уу, бхааванаабаараг̇уу, сажчигирияаабаараг̇уу, самаабад̇д̇ибаараг̇ууд̇и чаб̣б̣ид̇хзна баараг̇аманзна баараг̇ад̇ам̣ баараббад̇д̇ам̣ мад̇т̇агаббад̇д̇ам̣. д̣̇звааби д̇ам̣ намассанд̇ийд̇и д̣̇угкаббад̇д̇аа суб̣рахмад̣̇звабуд̇д̇аад̣̇аяо ид̇и мз арахад̇о суд̇анд̇и ид̇и маяаа жад̇уухи гааран̣зхи арахаад̇и лад̣̇д̇хавохаараанам̣ д̇умхаагам̣язва санд̇игз суд̇анд̇и д̣̇ийбзд̇и.
саб̣б̣асам̣яож̇анаад̇ийд̇анд̇и ванаа ниб̣б̣анамааг̇ад̇анд̇и гилзсаванад̇о ниб̣б̣анам̣ гилзсаванарахид̇ам̣ ниб̣б̣аанам̣ ааг̇ад̇ам̣ самбад̇д̇ам̣. гаамзхи нзгкаммарад̇анд̇и д̣̇увид̇хзхи гаамзхи нигканд̇ад̇д̇аа баб̣б̣аж̇ж̇аа адта самаабад̇д̇ияо жад̇д̇ааро жа арияамаг̇г̇аа гаамзхи нзгкаммам̣ наама, д̇ад̇т̇а рад̇ам̣ абхирад̇ам̣. муд̇д̇ам̣ сзлаава ган̃жананд̇и сзлад̇хаад̇уд̇о муд̇д̇ам̣ ган̃жанасад̣̇исам̣.
саб̣б̣з ажжаружийд̇и саб̣б̣асад̇д̇з ад̇иггамид̇ваа бавад̇д̇аружи. адтамаган̃хи ад̇иггамид̇ваа бавад̇д̇аружид̇ааяа сод̇аабанно ажжаружи наама, сод̇аабаннам̣ ад̇иггамид̇ваа бавад̇д̇аружид̇ааяа сагад̣̇ааг̇аамий…бз… кийн̣аасавам̣ ад̇иггамид̇ваа бавад̇д̇аружид̇ааяа бажжзгасамб̣уд̣̇д̇хо, бажжзгасамб̣уд̣̇д̇хам̣ ад̇иггамид̇ваа бавад̇д̇аружид̇ааяа саммаасамб̣уд̣̇д̇хо ажжаружи наама. химавааван̃н̃з силужжаязд̇и яат̇аа химаваа баб̣б̣ад̇арааж̇аа ан̃н̃з баб̣б̣ад̇з ад̇ирожад̇и, звам̣ ад̇ирожад̇ийд̇и ад̇т̇о. сажжанаамод̇и д̇ажчанаамо бхууд̇анаамо ааг̇ум̣ агаран̣знзва нааг̇од̇и звам̣ авид̇ат̇анаамо.
соражжанд̇и сужисийлам̣. авихим̣саад̇и гарун̣аа жа гарун̣аабуб̣б̣абхааг̇о жа. баад̣̇аа нааг̇асса д̇з д̣̇увзд̇и д̇з б̣уд̣̇д̇ханааг̇асса д̣̇увз буримабаад̣̇аа.
д̇абод̇и б̣рахмажарияанд̇и арияамаг̇г̇асийлам̣. жаран̣аа нааг̇асса д̇яаабарзд̇и д̇з б̣уд̣̇д̇ханааг̇асса абарз д̣̇вз бажчимабаад̣̇аа. сад̣̇д̇хаахад̇т̇од̇и сад̣̇д̇хаамаяааяа сон̣д̣ааяа саманнааг̇ад̇о. убзгкаасзд̇ад̣̇анд̇аваад̇и чал̣ан̇г̇убзгкаамаязхи сзд̇ад̣̇анд̇зхи саманнааг̇ад̇о.
сад̇и г̇ийваад̇и яат̇аа нааг̇асса ан̇г̇абажжан̇г̇асмим̣ сирааж̇аалаанам̣ г̇ийваа бад̇идтаа, звам̣ б̣уд̣̇д̇ханааг̇асса соражжаад̣̇ийнам̣ д̇хаммаанам̣ сад̇и. д̇зна вуд̇д̇ам̣ – ‘‘сад̇и г̇ийваа’’д̇и. сиро бан̃н̃аад̇и яат̇аа хад̇т̇инааг̇асса сиро уд̇д̇аман̇г̇о, звам̣ б̣уд̣̇д̇ханааг̇асса саб̣б̣ан̃н̃уд̇ан̃аан̣ам̣. д̇зна хи со саб̣б̣ад̇хаммз ж̇аанаад̇и. д̇зна вуд̇д̇ам̣ – ‘‘сиро бан̃н̃аа’’д̇и. виймам̣саа д̇хаммажинд̇анаад̇и яат̇аа хад̇т̇инааг̇асса аг̇г̇асон̣д̣о виймам̣саа наама ход̇и. со д̇ааяа т̇ад̣̇д̇хамуд̣̇угам̣ каад̣̇ид̇аб̣б̣аакаад̣̇ид̇аб̣б̣ан̃жа виймам̣сад̇и, д̇ад̇о бахаад̇аб̣б̣ам̣ баж̇ахад̇и, аад̣̇аад̇аб̣б̣ам̣ аад̣̇ияад̇и, звамзва б̣уд̣̇д̇ханааг̇асса д̇хаммагодтаасабарижчзд̣̇аган̃аан̣асан̇каад̇аа д̇хаммажинд̇анаа виймам̣саа. д̇зна хи н̃аан̣зна со бхаб̣б̣аабхаб̣б̣з ж̇аанаад̇и. д̇зна вуд̇д̇ам̣ – ‘‘виймам̣саа д̇хаммажинд̇анаа’’д̇и д̇хаммагужчисамаад̇абод̇и д̇хаммо вужжад̇и жад̇уд̇т̇аж̇жхаанасамаад̇хи, гужчиязва самаад̇або гужчисамаад̇або. самаад̇або наама самаад̇абанадтаанам̣. д̇хаммо гужчисамаад̇або ассаад̇и д̇хаммагужчисамаад̇або. жад̇уд̇т̇аж̇жхаанасамаад̇хисмим̣ тид̇асса хи д̇з д̇з ид̣̇д̇хивид̇хаад̣̇ид̇хаммаа иж̇жханд̇и, д̇асмаа со гужчисамаад̇абод̇и вуд̇д̇о. вивзгод̇и ваалад̇хийд̇и вуд̇д̇о.
жхааяийд̇и д̣̇увид̇хзна жхаанзна жхааяий. ассаасарад̇од̇и нааг̇асса хи ассаасабассаасаа вияа б̣уд̣̇д̇ханааг̇асса паласамаабад̇д̇и, д̇ад̇т̇а рад̇о, ассаасабассаасзхи вияа д̇ааяа винаа на вад̇д̇ад̇ийд̇и ад̇т̇о. саб̣б̣ад̇т̇а сам̣вуд̇од̇и саб̣б̣ад̣̇ваарзсу сам̣вуд̇о. анаваж̇ж̇аанийд̇и саммааааж̇ийвзна уббаннабхож̇анаани. сааваж̇ж̇аанийд̇и бан̃жавид̇хамижчааж̇ийвавасзна уббаннабхож̇анаани.
ан̣ум̣т̇ууланд̇и куд̣̇д̣̇аган̃жа маханд̇ан̃жа. саб̣б̣ам̣ чзд̇ваана б̣анд̇хананд̇и саб̣б̣ам̣ д̣̇асавид̇хамби сам̣яож̇анам̣ чинд̣̇ид̇ваана. нубалиббад̇и логзнаад̇и логзна сад̣̇д̇хим̣ д̇ан̣хаамаанад̣̇идтилзбзхи на либбад̇и. махааг̇инийд̇и махаааг̇г̇и. вин̃н̃уухи д̣̇зсид̇аад̇и ид̇ха бадисамбхид̣̇ааббад̇д̇о гаал̣уд̣̇ааяид̇т̇зрова вин̃н̃уу бан̣д̣ид̇о, д̇зна д̣̇зсид̇аад̇и ад̇т̇о. вин̃н̃ассанд̇и махаанааг̇аа, нааг̇ам̣ нааг̇зна д̣̇зсид̇анд̇и уд̣̇ааяид̇т̇зранааг̇зна д̣̇зсид̇ам̣ б̣уд̣̇д̇ханааг̇ам̣ ид̇арз кийн̣аасаваа нааг̇аа виж̇ааниссанд̇и.
сарийрам̣ виж̇ахам̣ нааг̇о, бариниб̣б̣иссад̇ийд̇и б̣од̇хибаллан̇гз гилзсабариниб̣б̣аанзна бариниб̣б̣уд̇о, яамагасааланд̇арз анубаад̣̇исзсааяа ниб̣б̣аанад̇хаад̇уяаа бариниб̣б̣ааяиссад̇и. звам̣ бадисамбхид̣̇ааббад̇д̇о уд̣̇ааяид̇т̇зро сол̣асахи г̇аат̇аахи жад̇усадтияаа бад̣̇зхи д̣̇асаб̣аласса ван̣н̣ам̣ гат̇знд̇о д̣̇зсанам̣ нидтаабзси
2. миг̇асаалаасуд̇д̇аван̣н̣анаа
44. д̣̇уд̇ияз гат̇ам̣ гат̇ам̣ наамаад̇и гзна гзна гааран̣зна. ан̃н̃зяяод̇и ааж̇аанид̇аб̣б̣о. яад̇ра хи наамаад̇и яасмим̣ наама д̇хаммз. самасамаг̇ад̇игаад̇и бхависсанд̇ийд̇и ж̇аад̇аа. сагад̣̇ааг̇аамибад̇д̇о д̇усид̇ам̣ гааяам̣ убабаннод̇и сагад̣̇ааг̇аамибуг̇г̇ало худ̇ваа д̇усид̇абхаванзязва ниб̣б̣ад̇д̇о. гат̇ам̣ гат̇ам̣ наамаад̇и гзна гзна ну ко гааран̣зна, гим̣ ну ко ж̇аанид̇ваа д̣̇зсид̇о, уд̣̇ааху аж̇аанид̇ваад̇и. т̇зро гааран̣ам̣ аж̇аананд̇о звам̣ ко банзд̇ам̣ бхаг̇ини бхаг̇авад̇аа б̣яаагад̇анд̇и ааха.
аммагаа аммагабан̃н̃аад̇и ид̇т̇ий худ̇ваа ид̇т̇исан̃н̃ааяа зва саманнааг̇ад̇аа. гз жа бурисабуг̇г̇алабаробарияан̃аан̣зд̇и зд̇т̇а бурисабуг̇г̇алабаробарияан̃аан̣ам̣ вужжад̇и бурисабуг̇г̇алаанам̣ д̇игкамуд̣̇увасзна инд̣̇рияабаробарияан̃аан̣ам̣. д̇асмаа гаа жа б̣аалаа миг̇асаалаа, гз жа бурисабуг̇г̇алаанам̣ инд̣̇рияабаробарияан̃аан̣з аббадихад̇ависаяаа саммаасамб̣уд̣̇д̇хаа, убхаяамзд̇ам̣ д̣̇уурз сувид̣̇уурзд̇и аяамзд̇т̇а сан̇кзбо.
ид̣̇аани миг̇асаалааяа ад̇д̇ано д̣̇уурабхаавам̣ д̣̇ассзнд̇о чаяимз, аананд̣̇аад̇иаад̣̇имааха. сорад̇о ход̇ийд̇и баабад̇о судту орад̇о вирад̇о ход̇и. сурад̇од̇иби баато. абхинанд̣̇анд̇и саб̣рахмажаарий згад̇д̇аваасзнаад̇и д̇зна сад̣̇д̇хим̣ згад̇оваасзна саванзнаби агад̇ам̣ ход̇ийд̇и сод̇аб̣б̣аяуд̇д̇агам̣ асуд̇ам̣ ход̇и. б̣аахусажжзнаби агад̇ам̣ ход̇ийд̇и зд̇т̇а б̣аахусажжам̣ вужжад̇и вийрияам̣, вийриязна гад̇д̇аб̣б̣аяуд̇д̇агам̣ агад̇ам̣ ход̇ийд̇и ад̇т̇о. д̣̇идтияааби аббадивид̣̇д̇хам̣ ход̇ийд̇и д̣̇идтияаа бадивиж̇жхид̇аб̣б̣ам̣ аббадивид̣̇д̇хам̣ саамааяигамби вимуд̇д̇им̣ на лабхад̇ийд̇и гаалаанугаалам̣ д̇хаммассаванам̣ ниссааяа бийд̇ибаамож̇ж̇ам̣ на лабхад̇и. хаанаг̇аамийязва ход̇ийд̇и барихаанимзва г̇ажчад̇и.
бамаан̣игаад̇и буг̇г̇алзсу бамаан̣аг̇г̇аахагаа. баминанд̇ийд̇и бамзд̇ум̣ д̇улзд̇ум̣ аарабханд̇и. зго хийнод̇и зго г̇ун̣зхи хийно. зго бан̣ийд̇од̇и зго г̇ун̣зхи бан̣ийд̇о. д̇ам̣ хийд̇и д̇ам̣ бамаан̣агаран̣ам̣.
абхигганд̇ад̇арод̇и сунд̣̇арад̇аро. бан̣ийд̇ад̇арод̇и уд̇д̇амад̇аро. д̇хаммасод̇о ниб̣б̣ахад̇ийд̇и суурам̣ худ̇ваа бавад̇д̇амаанавибассанаан̃аан̣ам̣ ниб̣б̣ахад̇и, арияабхуумим̣ д̇ад̣̇анд̇арам̣ го ж̇аанзяяаад̇и д̇ам̣ анд̇арам̣ д̇ам̣ гааран̣ам̣ ан̃н̃ад̇ра д̇ат̇ааг̇ад̇зна го ж̇аанзяяаад̇и ад̇т̇о.
год̇хамаанод̇и год̇хо жа маано жа. лобхад̇хаммаад̇и лобхоязва. важийсан̇каараад̇и аалаабасаллаабавасзна важанаанзва. яо ваа банасса маад̣̇исод̇и яо ваа бана ан̃н̃оби маяаа сад̣̇исо саммаасамб̣уд̣̇д̇хоязва кан̃н̃ад̇ийд̇и г̇ун̣акан̣анам̣ баабун̣аад̇и. имз ко, аананд̣̇а, ча буг̇г̇алаад̇и д̣̇вз сорад̇аа, д̣̇вз ад̇хиг̇ад̇агод̇хамааналобхад̇хаммаа, д̣̇вз ад̇хиг̇ад̇агод̇хамаанаважийсан̇каараад̇и имз ча буг̇г̇алаа. г̇ад̇инд̇и н̃аан̣аг̇ад̇им̣. зган̇г̇ахийнаад̇и згзгзна г̇ун̣ан̇г̇зна хийнаа. бууран̣о сийлзна висзсий ахоси, исид̣̇ад̇д̇о бан̃н̃ааяа. бууран̣асса сийлам̣ исид̣̇ад̇д̇асса бан̃н̃аатаанз тид̇ам̣, исид̣̇ад̇д̇асса бан̃н̃аа бууран̣асса сийладтаанз тид̇аад̇и.
3. ин̣асуд̇д̇аван̣н̣анаа
45. д̇ад̇ияз д̣̇аалид̣̇д̣̇ияанд̇и д̣̇алид̣̇д̣̇абхааво. гаамабхог̇инод̇и гаамз бхун̃ж̇анагасад̇д̇асса. ассагод̇и ад̇д̇ано санд̇агзна рахид̇о. анаал̣хигод̇и на ад̣дхо. ин̣ам̣ аад̣̇ияад̇ийд̇и ж̇ийвид̇ум̣ асаггонд̇о ин̣ам̣ аад̣̇ияад̇и. вад̣дхим̣ бадиссун̣аад̇ийд̇и д̣̇аад̇ум̣ асаггонд̇о вад̣дхим̣ д̣̇ассаамийд̇и бадиж̇аанаад̇и. анужаранд̇иби нанд̇и барисамаж̇жхаг̇ан̣амаж̇жхаад̣̇ийсу аад̇абатабанабам̣суогиран̣аад̣̇ийхи виббагаарам̣ баабзнд̇о бажчад̇о бажчад̇о ануб̣анд̇ханд̇и. сад̣̇д̇хаа над̇т̇ийд̇и огаббанагасад̣̇д̇хаамад̇д̇агамби над̇т̇и. хирий над̇т̇ийд̇и хирийяанаагаарамад̇д̇агамби над̇т̇и. од̇д̇аббам̣ над̇т̇ийд̇и бхааяанаагаарамад̇д̇агамби над̇т̇и. вийрияам̣ над̇т̇ийд̇и гааяигавийрияамад̇д̇агамби над̇т̇и. бан̃н̃аа над̇т̇ийд̇и гаммассагад̇абан̃н̃аамад̇д̇агамби ин̣аад̣̇аанасмим̣ вад̣̇аамийд̇и ин̣аг̇г̇ахан̣ам̣ вад̣̇аами. маа мам̣ ж̇ан̃н̃ууд̇и маа мам̣ ж̇аанаад̇у.
д̣̇аалид̣̇д̣̇ияам̣ д̣̇угканд̇и д̇ханад̣̇алид̣̇д̣̇абхааво д̣̇угкам̣. гаамалаабхаабхиж̇аббинанд̇и гаамалаабхам̣ бад̇т̇знд̇аанам̣. баабагаммавиниб̣б̣аяод̇и баабагаммавад̣дхаго. сам̣саббад̇ийд̇и барибпанд̣̇ад̇и. ж̇аананд̇и ж̇аананд̇о. яасса виббадисаараж̇аад̇и яз асса яониман̃н̃ад̇аранд̇и згам̣ д̇иражчаанаяоним̣. д̣̇ад̣̇ам̣ жид̇д̇ам̣ басаад̣̇аяанд̇и жид̇д̇ам̣ басаад̣̇знд̇о д̣̇ад̣̇амаано.
гадаг̇г̇ааход̇и ж̇аяаг̇г̇аахо, анабараад̇хаг̇г̇аахо ход̇и. гхарамзсинод̇и гхарааваасам̣ бариязсанд̇асса васамаанасса ваа. жааг̇о бун̃н̃ам̣ бавад̣дхад̇ийд̇и жааг̇од̇и сан̇кам̣ г̇ад̇ам̣ бун̃н̃ам̣ вад̣дхад̇и. жааг̇аа бун̃н̃анд̇и ваа баато. бад̇идтид̇аад̇и бад̇идтид̇асад̣̇д̇хаа наама сод̇аабаннасса сад̣̇д̇хаа. хириманод̇и хирисамбаяуд̇д̇ажид̇д̇о. нираамисам̣ суканд̇и д̇ийн̣и жхаанаани ниссааяа уббаж̇ж̇анагасукам̣. убзгканд̇и жад̇уд̇т̇аж̇жхаанубзгкам̣. аарад̣̇д̇хавийрияод̇и барибун̣н̣абаг̇г̇ахид̇авийрияо. жхаанаани убасамбаж̇ж̇аад̇и жад̇д̇аари жхаанаани бад̇ваа. згод̣̇и нибаго сад̇од̇и згаг̇г̇ажид̇д̇о гаммассагад̇ан̃аан̣асад̇ийхи жа саманнааг̇ад̇о.
звам̣ н̃ад̇ваа яат̇аабхууд̇анд̇и звам̣ зд̇д̇агам̣ гааран̣ам̣ яат̇аасабхаавам̣ ж̇аанид̇ваа. саб̣б̣асам̣яож̇анагкаязд̇и ниб̣б̣аанз. саб̣б̣асод̇и саб̣б̣аагаарзна. анубаад̣̇ааяаад̇и аг̇г̇ахзд̇ваа. саммаа жид̇д̇ам̣ вимужжад̇ийд̇и ид̣̇ам̣ вуд̇д̇ам̣ ход̇и – саб̣б̣асам̣яож̇анагкаяасан̇каад̇з ниб̣б̣аанз саб̣б̣асо анубаад̣̇ияид̇ваа саммаа хзд̇унаа наязна маг̇г̇ажид̇д̇ам̣ вимужжад̇и. ‘‘зд̇ам̣ н̃ад̇ваа яат̇аабхууд̇ам̣, саб̣б̣асам̣яож̇анагкаяа’’нд̇иби баал̣ияам̣ ликид̇ам̣, д̇асса зд̇ам̣ саб̣б̣асам̣яож̇анагкаяасан̇каад̇ам̣ ниб̣б̣аанам̣ яат̇аабхууд̇ам̣ н̃ад̇ваад̇и ад̇т̇о. буримабажчимзхи бана сад̣̇д̇хим̣ на гхадийяад̇и.
д̇асса саммаа вимуд̇д̇ассаад̇и д̇асса саммаа вимуд̇д̇асса кийн̣аасавасса. н̃аан̣ам̣ ход̇ийд̇и бажжавзгкан̣ан̃аан̣ам̣ ход̇и. д̇аад̣̇инод̇и д̇ам̣сан̣тид̇асса. агуббаад̇и агуббаарамман̣ад̇д̇аа губбагааран̣аанам̣ гилзсаанан̃жа абхаавзна агуббаа. вимуд̇д̇ийд̇и маг̇г̇авимуд̇д̇иби палавимуд̇д̇иби. бхавасам̣яож̇анагкаязд̇и бхавасам̣яож̇анагкаяасан̇каад̇з ниб̣б̣аанз бхавасам̣яож̇анаанан̃жа каяанд̇з уббаннаа. зд̇ам̣ ко барамам̣ н̃аан̣анд̇и зд̇ам̣ маг̇г̇апалан̃аан̣ам̣ бараман̃аан̣ам̣ наама. сукамануд̇д̇аранд̇и зд̇ад̣̇зва маг̇г̇апаласукам̣ ануд̇д̇арам̣ аан̣ан̣яамуд̇д̇аманд̇и саб̣б̣зсам̣ ан̣ан̣аанам̣ кийн̣аасаво уд̇д̇амаан̣ан̣о
4. махаажунд̣̇асуд̇д̇аван̣н̣анаа
46. жад̇уд̇т̇з жзд̇ийсууд̇и жзд̇ирадтз. саяам̣ж̇аад̇ияанд̇и звам̣наамагз ниг̇амз. махаажунд̣̇од̇и д̇хаммасзнаабад̇исса ганидтабхаад̇иго. д̇хаммз яог̇о ануяог̇о зд̇зсанд̇и д̇хаммаяог̇аа. д̇хаммагат̇игаанам̣ зд̇ам̣ наамам̣. жхааяанд̇ийд̇и жхааяий. абасаад̣̇знд̇ийд̇и гхаддзнд̇и хим̣санд̇и. жхааяанд̇ийд̇и жинд̇знд̇и. баж̇жхааяанд̇ийд̇иаад̣̇ийни убасаг̇г̇авасзна вад̣дхид̇аани. гимимз жхааяанд̇ийд̇и гим̣ наама имз жхааяанд̇и. гинд̇имз жхааяанд̇ийд̇и гимад̇т̇ам̣ имз жхааяанд̇и. гат̇ам̣ имз жхааяанд̇ийд̇и гзна гааран̣зна имз жхааяанд̇и. амад̇ам̣ д̇хаад̇ум̣ гааязна пусид̇ваа вихаранд̇ийд̇и маран̣авирахид̇ам̣ ниб̣б̣аанад̇хаад̇ум̣ санд̇хааяа гаммадтаанам̣ г̇ахзд̇ваа вихаранд̇аа ануггамзна д̇ам̣ наамагааязна пусид̇ваа вихаранд̇и. г̇амбхийрам̣ ад̇т̇абад̣̇анд̇и г̇ул̣хам̣ бадижчаннам̣ канд̇хад̇хаад̇уааяад̇анаад̣̇иад̇т̇ам̣. бан̃н̃ааяа ад̇ивиж̇жха бассанд̇ийд̇и сахавибассанааяа маг̇г̇абан̃н̃ааяа бадивиж̇жхид̇ваа бассанд̇и. имасмим̣ банад̇т̇з саммасанабадивзд̇хабан̃н̃ааби уг̇г̇ахабарибужчаабан̃н̃ааби ваддад̇иязваад̇и.
5-6. санд̣̇идтигасуд̇д̇ад̣̇ваяаван̣н̣анаа
47-48. бан̃жамз санд̇ам̣ ваа аж̇жхад̇д̇анд̇и нияагаж̇жхад̇д̇з виж̇ж̇амаанам̣. лобход̇иаад̣̇ийхи д̇ийн̣и агусаламуулаани д̣̇ассид̇аани. лобхад̇хаммаад̇иаад̣̇ийхи д̇ам̣самбаяуд̇д̇агаа д̇хаммаа. чадтз гааяасанд̣̇осанд̇и гааяад̣̇ваарасса д̣̇уссанаагаарам̣. сзсад̣̇ваязби зсзва наяо. имзсу д̣̇вийсу суд̇д̇зсу бажжавзгкан̣аава гат̇ид̇аа.
7. кзмасуд̇д̇аван̣н̣анаа
49. сад̇д̇амз вусид̇аваад̇и вуд̇т̇аб̣рахмажарияаваасо. гад̇агаран̣ийяод̇и жад̇уухи маг̇г̇зхи гад̇д̇аб̣б̣ам̣ гад̇ваа тид̇о. охид̇абхаарод̇и канд̇хабхаарам̣ гилзсабхаарам̣ абхисан̇каарабхааран̃жа од̇аарзд̇ваа тид̇о. ануббад̇д̇асад̣̇ад̇т̇од̇и баригкийн̣абхавасам̣яож̇анод̇и кийн̣абхаваб̣анд̇хано. саммад̣̇ан̃н̃аа вимуд̇д̇од̇и саммаа хзд̇унаа гааран̣зна ж̇аанид̇ваа вимуд̇д̇о. д̇асса на звам̣ ход̇и ад̇т̇и мз сзяяод̇и ваад̇иаад̣̇ийхи сзяяасса сзяяохамасмийд̇и маанаад̣̇аяо д̇аяо маанаа бадигкид̇д̇аа. на хи кийн̣аасавасса ‘‘ад̇т̇и маяхам̣ сзяяо, ад̇т̇и сад̣̇исо, ад̇т̇и хийно’’д̇и маано ход̇и. над̇т̇и мз сзяяод̇иаад̣̇ийхиби д̇зязва
ажирабагганд̇зсууд̇и ан̃н̃ам̣ б̣яаагаронд̇ийд̇и арахад̇д̇ам̣ гат̇знд̇и. хасамаанагаа ман̃н̃з ан̃н̃ам̣ б̣яаагаронд̇ийд̇и хасамаанаа вияа гат̇знд̇и. вигхаад̇ам̣ аабаж̇ж̇анд̇ийд̇и д̣̇угкам̣ аабаж̇ж̇анд̇и.
на уссзсу на омзсу, самад̇д̇з нобанийяарзд̇и зд̇т̇а уссаад̇и уссид̇ад̇аа сзяяабуг̇г̇алаа. омаад̇и хийнаа. самад̇д̇од̇и сад̣̇исо. ид̇и имзсу д̇ийсуби сзяяахийнасад̣̇исзсу кийн̣аасаваа маанзна на убанийяарз, на убанзнд̇и, на убаг̇ажчанд̇ийд̇и ад̇т̇о. кийн̣аа ж̇аад̇ийд̇и кийн̣аа д̇зсам̣ ж̇аад̇и. вусид̇ам̣ б̣рахмажарияанд̇и вуд̇т̇ам̣ маг̇г̇аб̣рахмажарияам̣. жаранд̇и сам̣яож̇анавиббамуд̇д̇аад̇и саб̣б̣асам̣яож̇анзхи вимуд̇д̇аа худ̇ваа жаранд̇и. суд̇д̇зби г̇аат̇ааяамби кийн̣аасаво гат̇ид̇о.
8. инд̣̇рияасам̣варасуд̇д̇аван̣н̣анаа
50. адтамз хад̇уубанисам̣ ход̇ийд̇и хад̇уубаниссаяам̣ ход̇и. сийлавибаннассаад̇и вибаннасийласса. яат̇аабхууд̇ан̃аан̣ад̣̇ассананд̇и д̇арун̣авибассанаан̃аан̣ам̣. ниб̣б̣ид̣̇аавирааг̇од̇и зд̇т̇а ниб̣б̣ид̣̇аа б̣алававибассанаа, вирааг̇о арияамаг̇г̇о. вимуд̇д̇ин̃аан̣ад̣̇ассананд̇и зд̇т̇а вимуд̇д̇ийд̇и арахад̇д̇апалам̣, н̃аан̣ад̣̇ассананд̇и бажжавзгкан̣ан̃аан̣ам̣. убаниссаяасамбаннам̣ ход̇ийд̇и самбаннаубаниссаяам̣ ход̇и. имасмим̣ суд̇д̇з сийлаанурагкан̣аинд̣̇рияасам̣варо гат̇ид̇о.
9. аананд̣̇асуд̇д̇аван̣н̣анаа
51. навамз гид̇д̇аавад̇аад̇и гид̇д̇агзна. ассуд̇ан̃жзваад̇и ан̃н̃асмим̣ гаалз ассуд̇абуб̣б̣ам̣. на саммосам̣ г̇ажчанд̇ийд̇и винаасам̣ на г̇ажчанд̇и. жзд̇асо сампудтабуб̣б̣аад̇и жид̇д̇зна пусид̇абуб̣б̣аа. самуд̣̇аажаранд̇ийд̇и авин̃н̃аад̇ан̃жа виж̇аанаад̇ийд̇и ан̃н̃асмим̣ гаалз авин̃н̃аад̇агааран̣ам̣ ж̇аанаад̇и. барияаабун̣аад̇ийд̇и вал̣ан̃ж̇зд̇и гат̇зд̇и. д̣̇зсзд̇ийд̇и багаасзд̇и. барам̣ ваажзд̇ийд̇и барам̣ уг̇г̇ан̣хаабзд̇и.
ааг̇ад̇ааг̇амаад̇и д̇хаммад̇хараад̇и суд̇д̇анд̇абидагад̇хараа. винаяад̇хараад̇и винаяабидагад̇хараа. маад̇игаад̇хараад̇и д̣̇взбаад̇имогкад̇хараа. барибужчад̇ийд̇и анусанд̇хибуб̣б̣аабарам̣ бужчад̇и. барибан̃хад̇ийд̇и ид̣̇ан̃жид̣̇ан̃жа бужчиссаамийд̇и барид̇улад̇и барижчинд̣̇ад̇и. ид̣̇ам̣, бханд̇з, гат̇анд̇и, бханд̇з, ид̣̇ам̣ анусанд̇хибуб̣б̣аабарам̣ гат̇ам̣ ход̇ийд̇и бужчад̇и. имасса гвад̇т̇од̇и имасса бхаасид̇асса го ад̇т̇од̇и бужчад̇и. авиваданд̇и авиварид̇ам̣. виваранд̇ийд̇и баагадам̣ гаронд̇и. ган̇каатааниязсууд̇и ган̇кааяа гааран̣абхууд̇зсу. д̇ад̇т̇а яасмим̣ д̇хаммз ган̇каа уббаж̇ж̇ад̇и, свзва ган̇каатаанияо наамаад̇и взд̣̇ид̇аб̣б̣о.
10. кад̇д̇ияасуд̇д̇аван̣н̣анаа
52. д̣̇асамз бхог̇аад̇хиббааяаад̇и бхог̇асам̣харан̣ад̇т̇ам̣ табид̇аад̇хиббааяаа бавад̇д̇ааж̇жхаасаяаа. бан̃н̃уубавижаараад̇и бан̃н̃аванд̇о бхавзяяаамаад̇и звам̣ бан̃н̃ад̇т̇ааяа бавад̇д̇уубавижаараа. аяамзва нзсам̣ вижааро жид̇д̇з убавижарад̇и. б̣алаад̇хидтаанаад̇и бат̇авибхинивзсаад̇и бат̇ависаамино бхависсаамаад̇и звам̣ бат̇авиад̇т̇ааяа гад̇ажид̇д̇аабхинивзсаа. иссарияабарияосаанаад̇и раж̇ж̇аабхисзгабарияосаанаа. абхисзган̃хи бад̇ваа д̇з барияосаанаббад̇д̇аа наама хонд̇и. иминаа наязна саб̣б̣ад̇т̇а ад̇т̇о взд̣̇ид̇аб̣б̣о.
сзсабад̣̇зсу банзд̇т̇а аяамад̇хиббааяо – б̣раахман̣аа д̇аава манд̇з лабхид̇ваа лад̣̇д̇хабад̇идтаа наама хонд̇и, г̇ахабад̇игаа яам̣гин̃жи сиббам̣, ид̇т̇ий гулад̣̇ааяаж̇ж̇асаамигам̣ буд̇д̇ам̣, жораа яам̣гин̃жи аавуд̇хасад̇т̇ам̣ манд̇аад̇хидтаанаад̇иаад̣̇ийни вуд̇д̇аани.
б̣раахман̣аанан̃жа ‘‘яан̃н̃ам̣ яаж̇иссаамаа’’д̇и жид̇д̇ам̣ абхинивисад̇и, б̣рахмалогз бад̇д̇з барияосаанаббад̇д̇аа наама хонд̇и. д̇асмаа д̇з яан̃н̃аабхинивзсаа б̣рахмалогабарияосаанаад̇и вуд̇д̇аа. гамманд̇агаран̣ад̇т̇ааяа мано зд̇зсам̣ абхинивисад̇ийд̇и гамманд̇аабхинивзсаа. гаммз нидтид̇з барияосаанаббад̇д̇аа наама хонд̇ийд̇и нидтид̇агамманд̇абарияосаанаа.
бурисаад̇хиббааяаад̇и бурисзсу бавад̇д̇ааж̇жхаасаяаа. алан̇гаарад̇т̇ааяа мано убавижарад̇и зд̇иссаад̇и алан̇гааруубавижаараа. асабад̇д̇ий худ̇ваа згигаава асабад̇д̇ийбхинивзсаа. гхарааваасиссарияз лад̣̇д̇хз барияосаанаббад̇д̇аа наама хонд̇ийд̇и иссарияабарияосаанаа.
барабхан̣д̣асса аад̣̇аанаад̇хиббааяаа. г̇аханз нилийяанадтаанз зд̇зсам̣ мано убавижарад̇ийд̇и г̇ахануубавижаараа. анд̇хагаарад̇т̇ааяа зд̇зсам̣ жид̇д̇ам̣ абхинивисад̇ийд̇и анд̇хагаараабхинивзсаа. ад̣̇ассанаббад̇д̇аа барияосаанаббад̇д̇аа хонд̇ийд̇и ад̣̇ассанабарияосаанаа.
ад̇хиваасанагканд̇ияан̃жа сужибхаавасийлз жа ад̇хиббааяо зд̇зсанд̇и канд̇исоражжаад̇хиббааяаа. агин̃жанабхаавз ниг̇г̇ахан̣абхаавз жид̇д̇ам̣ зд̇зсам̣ абхинивисад̇ийд̇и аагин̃жан̃н̃аабхинивзсаа. ниб̣б̣аанаббад̇д̇аа барияосаанаббад̇д̇аа хонд̇ийд̇и ниб̣б̣аанабарияосаанаа.
11. аббамаад̣̇асуд̇д̇аван̣н̣анаа
53. згаад̣̇асамз самад̇хиг̇г̇аяхаад̇и судту г̇ан̣хид̇ваа. ж̇ан̇г̇алаанам̣ баан̣аананд̇и бат̇авийд̇алажаарийнам̣ сабаад̣̇агабаан̣аанам̣. бад̣̇аж̇аад̇аанийд̇и бад̣̇аани. самод̇хаанам̣ г̇ажчанд̇ийд̇и од̇хаанам̣ убанигкзбам̣ г̇ажчанд̇и. аг̇г̇амагкааяад̇ийд̇и сздтам̣ агкааяад̇и. баб̣б̣аж̇алааяагод̇и баб̣б̣аж̇ад̇ин̣ажчзд̣̇аго. од̇хунаад̇ийд̇и хздтаа мукам̣ д̇хунаад̇и. нид̇хунаад̇ийд̇и убхохи бассзхи д̇хунаад̇и. нижчаад̣̇зд̇ийд̇и б̣аахааяа ваа бахарад̇и, ругкз ваа бахарад̇и. амб̣абин̣д̣ияаад̇и амб̣апалабин̣д̣ияаа. ван̣дуубаниб̣анд̇ханаанийд̇и д̇ад̣̇анваяаани бхаванд̇ийд̇и ван̣даанувад̇д̇агаани бхаванд̇и, амб̣абин̣д̣ид̣̇ан̣д̣агаанувад̇д̇агаани бхаванд̇ийд̇иби ад̇т̇о. куд̣̇д̣̇арааж̇аанод̇и куд̣̇д̣̇агарааж̇аано, багад̇ирааж̇аано ваа.
12. д̇хаммигасуд̇д̇аван̣н̣анаа
54. д̣̇ваад̣̇асамз саб̣б̣асод̇и саб̣б̣зсу. сад̇д̇асу вихаарзсууд̇и сад̇д̇асу баривзн̣зсу. барибхаасад̇ийд̇и барибхавад̇и бхаяам̣ убад̣̇ам̣сзд̇и. вихим̣сад̇ийд̇и вихзтзд̇и. вид̇уд̣̇ад̇ийд̇и виж̇жхад̇и. росзд̇и ваажааяаад̇и ваажааяа гхаддзд̇и. баггаманд̇ийд̇и д̣̇исаа баггаманд̇и. на сан̣таханд̇ийд̇и наббад̇идтаханд̇и. рин̃жанд̇ийд̇и баб̣б̣ааж̇зяяаамаад̇и нийхарзяяаама. ханд̣̇аад̇и вавассаг̇г̇ад̇т̇з нибаад̇о. аланд̇и яуд̇д̇амзд̇ам̣, яам̣ д̇ам̣ баб̣б̣ааж̇зяяунд̇и ад̇т̇о. гим̣ д̇з иминаад̇и гим̣ д̇ава иминаа ж̇аад̇ибхуумияам̣ ваасзна. д̇ийрад̣̇ассим̣ сагун̣анд̇и д̣̇исаагаагам̣. мун̃жанд̇ийд̇и д̣̇исаад̣̇ассанад̇т̇ам̣ виссаж̇ж̇знд̇и. сааманд̇аад̇и авид̣̇уурз. саманд̇аад̇иби баато, саманд̇ад̇од̇и ад̇т̇о. абхинивзсод̇и бад̇т̇арид̇ваа тид̇асаакаанам̣ нивзсо. мууласанд̇аанагаананд̇и муулаанам̣ нивзсо.
аал̣хагат̇аалигаад̇и д̇ан̣д̣улаал̣хагасса бхад̇д̇абажанат̇аалигаа. куд̣̇д̣̇ам̣ мад̇хунд̇и куд̣̇д̣̇амагкигаахи гад̇ам̣ д̣̇ан̣д̣агамад̇хум̣. анзлаганд̇и на жа суд̣̇ам̣ ан̃н̃аман̃н̃асса палаани хим̣санд̇ийд̇и ан̃н̃аман̃н̃асса годтаасз палаани на хим̣санд̇и. ад̇д̇ано годтаасзхи муулам̣ ваа д̇ажам̣ ваа бад̇д̇ам̣ ваа чинд̣̇анд̇о наама над̇т̇и, ад̇д̇ано ад̇д̇ано саакааяа хздтаа бад̇ид̇аанзва барибхун̃ж̇анд̇и. ан̃н̃асса годтаасад̇о ан̃н̃аса годтаасам̣ баривад̇д̇ид̇ваа г̇ад̇амби ‘‘на амхаагам̣ саакааяа пала’’нд̇и н̃ад̇ваа но каад̣̇анд̇и. яаавад̣̇ад̇т̇ам̣ бхагкид̇ваад̇и ган̣таббамаан̣зна каад̣̇ид̇ваа. саакам̣ бхан̃ж̇ид̇ваад̇и чад̇д̇аббамаан̣амад̇д̇ам̣ чинд̣̇ид̇ваа чааяам̣ гад̇ваа баггаами. яад̇ра хи наамаад̇и яо хи наама. баггамиссад̇ийд̇и багганд̇о. наад̣̇аасийд̇и д̣̇звад̇ааяа аанубхаавзна паламзва на г̇ан̣хи. зван̃хи саа ад̇хидтааси.
д̇знубасан̇гамийд̇и ж̇анабад̣̇аваасийхи г̇анд̇ваа, ‘‘махаарааж̇а, ругко палам̣ на г̇ан̣хи, амхаагам̣ ну ко д̣̇осо д̇умхаага’’нд̇и вуд̇д̇з ‘‘нзва маяхам̣ д̣̇осо ад̇т̇и, на ж̇аанабад̣̇аанам̣, амхаагам̣ виж̇ид̇з ад̇хаммо наама на вад̇д̇ад̇и, гзна ну ко гааран̣зна ругко на палид̇о, саггам̣ убасан̇гамид̇ваа бужчиссаамий’’д̇и бавад̇д̇зсийд̇и баривад̇д̇зси. уммууламагаасийд̇и уд̣̇д̇хам̣муулам̣ агааси. аби ну д̇ванд̇и аби ну д̇ава. адтид̇ааязваад̇и адтид̇ааяа зва. сажчавийнийд̇и самаанажчавийни багад̇идтаанз тид̇аани. на бажжаггосад̇ийд̇и наббадиггосад̇и. росанд̇анд̇и гхаддзнд̇ам̣. бхан̣д̣анд̇анд̇и бахаранд̇ам̣.
сунзд̇д̇од̇и д̇ид̇т̇агарод̇и суг̇ад̇иог̇ааханад̇ид̇т̇асса гаараго. вийд̇арааг̇од̇и вигкамбханавасзна басавад̇ийд̇и бадилабхад̇и. д̣̇идтисамбаннанд̇и д̣̇ассанасамбаннам̣, сод̇аабаннанд̇и ад̇т̇о. канд̇инд̇и ад̇д̇ано г̇ун̣акан̣анам̣. яат̇аамам̣ саб̣рахмажаарийсууд̇и яат̇аа имам̣ саб̣рахмажаарийсу аггосанабарибхаасанам̣, ан̃н̃ам̣ зваруубам̣ г̇ун̣аканд̇им̣ на вад̣̇аамийд̇и ад̇т̇о. на но самасаб̣рахмажаарийсууд̇и зд̇т̇а самаж̇ано наама сагаж̇ано вужжад̇и. д̇асмаа на но сагзсу самаанаб̣рахмажаарийсу жид̇д̇аани бад̣̇удтаани бхависсанд̇ийд̇и аяамзд̇т̇а ад̇т̇о.
ж̇од̇ибаало жа г̇овинд̣̇од̇и наамзна ж̇од̇ибаало таанзна махааг̇овинд̣̇о. сад̇д̇абурохид̇од̇и рзн̣уаад̣̇ийнам̣ сад̇д̇аннам̣ рааж̇уунам̣ бурохид̇о. ахим̣сагаа ад̇ийд̇ам̣сзд̇и зд̇з ча сад̇т̇ааро ад̇ийд̇ам̣сз ахим̣сагаа ахзсум̣. нираамаг̇анд̇хаад̇и год̇хаамаг̇анд̇хзна нираамаг̇анд̇хаа. гарун̣звимуд̇д̇аад̇и гарун̣аж̇жхаанз ад̇химуд̇д̇аа, гарун̣ааяа жа гарун̣аабуб̣б̣абхааг̇з жа тид̇аа. язд̇зд̇и зд̇з, аяамзва ваа баато. на саад̇хуруубам̣ аасийд̣̇зд̇и саад̇хусабхаавам̣ на гхаддзяяа. д̣̇идтидтаанаббахааяинанд̇и сад̇д̇амод̇и арахад̇д̇ад̇о бадтааяа сад̇д̇амо. авийд̇арааг̇од̇и авиг̇ад̇арааг̇о. зд̇зна анааг̇аамибхаавам̣ бадигкибад̇и. бан̃жинд̣̇рияаа муд̣̇ууд̇и бан̃жа вибассанинд̣̇рияаани муд̣̇ууни. д̇асса хи д̇аани сагад̣̇ааг̇аамим̣ убаад̣̇ааяа муд̣̇ууни наама хонд̇и. вибассанаад̇и сан̇каарабариг̇г̇ахан̃аан̣ам̣. буб̣б̣зва убахан̃н̃ад̇ийд̇и батамад̇аран̃н̃зва убахан̃н̃ад̇и. агкад̇од̇и г̇ун̣акан̣анзна агкад̇о анубахад̇о худ̇ваа. сзсам̣ саб̣б̣ад̇т̇а уд̇д̇аанамзваад̇и.
д̇хаммигаваг̇г̇о бан̃жамо.
батамабан̣н̣аасагам̣ нидтид̇ам̣.
2. д̣̇уд̇ияабан̣н̣аасагам̣