2. б̣алаваг̇г̇о
1. анануссуд̇асуд̇д̇ам̣
11. ‘‘буб̣б̣аахам̣ , бхигкавз, анануссуд̇зсу д̇хаммзсу абхин̃н̃аавосаанабаарамиббад̇д̇о бадиж̇аанаами. бан̃жимаани, бхигкавз, д̇ат̇ааг̇ад̇асса д̇ат̇ааг̇ад̇аб̣алаани, язхи б̣алзхи саманнааг̇ад̇о д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇и. гад̇амаани бан̃жа? сад̣̇д̇хааб̣алам̣, хирийб̣алам̣, од̇д̇аббаб̣алам̣, вийрияаб̣алам̣, бан̃н̃ааб̣алам̣ – имаани ко, бхигкавз, бан̃жа д̇ат̇ааг̇ад̇асса д̇ат̇ааг̇ад̇аб̣алаани язхи б̣алзхи саманнааг̇ад̇о д̇ат̇ааг̇ад̇о аасабхам̣ таанам̣ бадиж̇аанаад̇и, барисаасу сийханаад̣̇ам̣ над̣̇ад̇и, б̣рахмажаггам̣ бавад̇д̇зд̇ий’’д̇и. батамам̣.
2. гуудасуд̇д̇ам̣
12. ‘‘бан̃жимаани , бхигкавз, сзкаб̣алаани. гад̇амаани бан̃жа? сад̣̇д̇хааб̣алам̣, хирийб̣алам̣, од̇д̇аббаб̣алам̣, вийрияаб̣алам̣, бан̃н̃ааб̣алам̣ – имаани ко, бхигкавз, бан̃жа сзкаб̣алаани. имзсам̣ ко, бхигкавз, бан̃жаннам̣ сзкаб̣алаанам̣ зд̇ам̣ аг̇г̇ам̣ зд̇ам̣ сан̇г̇аахигам̣ зд̇ам̣ сан̇гхаад̇анияам̣, яад̣̇ид̣̇ам̣ бан̃н̃ааб̣алам̣.
‘‘сзяяат̇ааби , бхигкавз , гуудааг̇аарасса зд̇ам̣ аг̇г̇ам̣ зд̇ам̣ сан̇г̇аахигам̣ зд̇ам̣ сан̇гхаад̇анияам̣, яад̣̇ид̣̇ам̣ гуудам̣. звамзвам̣ ко, бхигкавз, имзсам̣ бан̃жаннам̣ сзкаб̣алаанам̣ зд̇ам̣ аг̇г̇ам̣ зд̇ам̣ сан̇г̇аахигам̣ зд̇ам̣ сан̇гхаад̇анияам̣, яад̣̇ид̣̇ам̣ бан̃н̃ааб̣алам̣.
‘‘д̇асмаад̇иха, бхигкавз, звам̣ сигкид̇аб̣б̣ам̣ – ‘сад̣̇д̇хааб̣алзна саманнааг̇ад̇аа бхависсаама сзкаб̣алзна, хирийб̣алзна… од̇д̇аббаб̣алзна… вийрияаб̣алзна… бан̃н̃ааб̣алзна саманнааг̇ад̇аа бхависсаама сзкаб̣алзнаа’д̇и. зван̃хи во, бхигкавз, сигкид̇аб̣б̣а’’нд̇и. д̣̇уд̇ияам̣.
3. сам̣кид̇д̇асуд̇д̇ам̣
13. ‘‘бан̃жимаани , бхигкавз, б̣алаани. гад̇амаани бан̃жа? сад̣̇д̇хааб̣алам̣, вийрияаб̣алам̣, сад̇иб̣алам̣, самаад̇хиб̣алам̣, бан̃н̃ааб̣алам̣ – имаани ко, бхигкавз, бан̃жа б̣алааний’’д̇и. д̇ад̇ияам̣.
4. вид̇т̇ад̇асуд̇д̇ам̣
14. ‘‘бан̃жимаани, бхигкавз, б̣алаани. гад̇амаани бан̃жа? сад̣̇д̇хааб̣алам̣, вийрияаб̣алам̣, сад̇иб̣алам̣, самаад̇хиб̣алам̣, бан̃н̃ааб̣алам̣.
‘‘гад̇аман̃жа, бхигкавз, сад̣̇д̇хааб̣алам̣? ид̇ха, бхигкавз, арияасааваго сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и . ид̣̇ам̣ вужжад̇и, бхигкавз, сад̣̇д̇хааб̣алам̣.
‘‘гад̇аман̃жа, бхигкавз, вийрияаб̣алам̣? ид̇ха, бхигкавз, арияасааваго аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. ид̣̇ам̣ вужжад̇и, бхигкавз, вийрияаб̣алам̣.
‘‘гад̇аман̃жа, бхигкавз , сад̇иб̣алам̣? ид̇ха, бхигкавз, арияасааваго сад̇имаа ход̇и барамзна сад̇инзбаггзна саманнааг̇ад̇о, жирагад̇амби жирабхаасид̇амби сарид̇аа ануссарид̇аа. ид̣̇ам̣ вужжад̇и, бхигкавз, сад̇иб̣алам̣.
‘‘гад̇аман̃жа, бхигкавз, самаад̇хиб̣алам̣? ид̇ха, бхигкавз, арияасааваго вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и; вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и; бийд̇ияаа жа вирааг̇аа убзгкаго жа вихарад̇и сад̇о жа самбаж̇аано сукан̃жа гааязна бадисам̣взд̣̇зд̇и яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и; сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. ид̣̇ам̣ вужжад̇и, бхигкавз, самаад̇хиб̣алам̣.
‘‘гад̇аман̃жа, бхигкавз, бан̃н̃ааб̣алам̣? ид̇ха, бхигкавз, арияасааваго бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. ид̣̇ам̣ вужжад̇и, бхигкавз, бан̃н̃ааб̣алам̣. имаани ко, бхигкавз, бан̃жа б̣алааний’’д̇и. жад̇уд̇т̇ам̣.
5. д̣̇адтаб̣б̣асуд̇д̇ам̣
15. ‘‘бан̃жимаани, бхигкавз, б̣алаани. гад̇амаани бан̃жа? сад̣̇д̇хааб̣алам̣, вийрияаб̣алам̣, сад̇иб̣алам̣, самаад̇хиб̣алам̣, бан̃н̃ааб̣алам̣ . гад̇т̇а жа, бхигкавз, сад̣̇д̇хааб̣алам̣ д̣̇адтаб̣б̣ам̣? жад̇уусу сод̇аабад̇д̇ияан̇г̇зсу. зд̇т̇а сад̣̇д̇хааб̣алам̣ д̣̇адтаб̣б̣ам̣. гад̇т̇а жа, бхигкавз, вийрияаб̣алам̣ д̣̇адтаб̣б̣ам̣? жад̇уусу саммаббад̇хаанзсу. зд̇т̇а вийрияаб̣алам̣ д̣̇адтаб̣б̣ам̣. гад̇т̇а жа, бхигкавз, сад̇иб̣алам̣ д̣̇адтаб̣б̣ам̣? жад̇уусу сад̇ибадтаанзсу. зд̇т̇а сад̇иб̣алам̣ д̣̇адтаб̣б̣ам̣. гад̇т̇а жа, бхигкавз, самаад̇хиб̣алам̣ д̣̇адтаб̣б̣ам̣? жад̇уусу жхаанзсу. зд̇т̇а самаад̇хиб̣алам̣ д̣̇адтаб̣б̣ам̣. гад̇т̇а жа, бхигкавз, бан̃н̃ааб̣алам̣ д̣̇адтаб̣б̣ам̣? жад̇уусу арияасажжзсу. зд̇т̇а бан̃н̃ааб̣алам̣ д̣̇адтаб̣б̣ам̣. имаани ко, бхигкавз, бан̃жа б̣алааний’’д̇и. бан̃жамам̣.
6. бунагуудасуд̇д̇ам̣
16. ‘‘бан̃жимаани, бхигкавз, б̣алаани. гад̇амаани бан̃жа? сад̣̇д̇хааб̣алам̣, вийрияаб̣алам̣, сад̇иб̣алам̣, самаад̇хиб̣алам̣, бан̃н̃ааб̣алам̣ – имаани ко, бхигкавз, бан̃жа б̣алаани. имзсам̣ ко, бхигкавз, бан̃жаннам̣ б̣алаанам̣ зд̇ам̣ аг̇г̇ам̣ зд̇ам̣ сан̇г̇аахигам̣ зд̇ам̣ сан̇гхаад̇анияам̣, яад̣̇ид̣̇ам̣ бан̃н̃ааб̣алам̣. сзяяат̇ааби, бхигкавз, гуудааг̇аарасса зд̇ам̣ аг̇г̇ам̣ зд̇ам̣ сан̇г̇аахигам̣ зд̇ам̣ сан̇гхаад̇анияам̣, яад̣̇ид̣̇ам̣ гуудам̣. звамзвам̣ ко, бхигкавз, имзсам̣ бан̃жаннам̣ б̣алаанам̣ зд̇ам̣ аг̇г̇ам̣ зд̇ам̣ сан̇г̇аахигам̣ зд̇ам̣ сан̇гхаад̇анияам̣, яад̣̇ид̣̇ам̣ бан̃н̃ааб̣ала’’нд̇и. чадтам̣.
7. батамахид̇асуд̇д̇ам̣
17. ‘‘бан̃жахи , бхигкавз, д̇хаммзхи саманнааг̇ад̇о бхигку ад̇д̇ахид̇ааяа бадибанно ход̇и, но барахид̇ааяа. гад̇амзхи бан̃жахи? ид̇ха, бхигкавз, бхигку ад̇д̇анаа сийласамбанно ход̇и, но барам̣ сийласамбад̣̇ааяа самаад̣̇абзд̇и; ад̇д̇анаа самаад̇хисамбанно ход̇и, но барам̣ самаад̇хисамбад̣̇ааяа самаад̣̇абзд̇и; ад̇д̇анаа бан̃н̃аасамбанно ход̇и, но барам̣ бан̃н̃аасамбад̣̇ааяа самаад̣̇абзд̇и; ад̇д̇анаа вимуд̇д̇исамбанно ход̇и, но барам̣ вимуд̇д̇исамбад̣̇ааяа самаад̣̇абзд̇и; ад̇д̇анаа вимуд̇д̇ин̃аан̣ад̣̇ассанасамбанно ход̇и, но барам̣ вимуд̇д̇ин̃аан̣ад̣̇ассанасамбад̣̇ааяа самаад̣̇абзд̇и. имзхи ко, бхигкавз, бан̃жахи ан̇г̇зхи саманнааг̇ад̇о бхигку ад̇д̇ахид̇ааяа бадибанно ход̇и, но барахид̇ааяаа’’д̇и. сад̇д̇амам̣.
8. д̣̇уд̇ияахид̇асуд̇д̇ам̣
18. ‘‘бан̃жахи, бхигкавз, д̇хаммзхи саманнааг̇ад̇о бхигку барахид̇ааяа бадибанно ход̇и, но ад̇д̇ахид̇ааяа. гад̇амзхи бан̃жахи? ид̇ха, бхигкавз, бхигку ад̇д̇анаа на сийласамбанно ход̇и, барам̣ сийласамбад̣̇ааяа самаад̣̇абзд̇и; ад̇д̇анаа на самаад̇хисамбанно ход̇и, барам̣ самаад̇хисамбад̣̇ааяа самаад̣̇абзд̇и; ад̇д̇анаа на бан̃н̃аасамбанно ход̇и, барам̣ бан̃н̃аасамбад̣̇ааяа самаад̣̇абзд̇и; ад̇д̇анаа на вимуд̇д̇исамбанно ход̇и, барам̣ вимуд̇д̇исамбад̣̇ааяа самаад̣̇абзд̇и; ад̇д̇анаа на вимуд̇д̇ин̃аан̣ад̣̇ассанасамбанно ход̇и, барам̣ вимуд̇д̇ин̃аан̣ад̣̇ассанасамбад̣̇ааяа самаад̣̇абзд̇и. имзхи ко, бхигкавз, бан̃жахи д̇хаммзхи саманнааг̇ад̇о бхигку барахид̇ааяа бадибанно ход̇и, но ад̇д̇ахид̇ааяаа’’д̇и. адтамам̣.
9. д̇ад̇ияахид̇асуд̇д̇ам̣
19. ‘‘бан̃жахи, бхигкавз, д̇хаммзхи саманнааг̇ад̇о бхигку нзва ад̇д̇ахид̇ааяа бадибанно ход̇и, но барахид̇ааяа. гад̇амзхи бан̃жахи? ид̇ха, бхигкавз, бхигку ад̇д̇анаа на сийласамбанно ход̇и, но барам̣ сийласамбад̣̇ааяа самаад̣̇абзд̇и; ад̇д̇анаа на самаад̇хисамбанно ход̇и, но барам̣ самаад̇хисамбад̣̇ааяа самаад̣̇абзд̇и; ад̇д̇анаа на бан̃н̃аасамбанно ход̇и, но барам̣ бан̃н̃аасамбад̣̇ааяа самаад̣̇абзд̇и; ад̇д̇анаа на вимуд̇д̇исамбанно ход̇и, но барам̣ вимуд̇д̇исамбад̣̇ааяа самаад̣̇абзд̇и; ад̇д̇анаа на вимуд̇д̇ин̃аан̣ад̣̇ассанасамбанно ход̇и, но барам̣ вимуд̇д̇ин̃аан̣ад̣̇ассанасамбад̣̇ааяа самаад̣̇абзд̇и. имзхи ко , бхигкавз, бан̃жахи д̇хаммзхи саманнааг̇ад̇о бхигку нзва ад̇д̇ахид̇ааяа бадибанно ход̇и, но барахид̇ааяаа’’д̇и. навамам̣.
10. жад̇уд̇т̇ахид̇асуд̇д̇ам̣
20. ‘‘бан̃жахи , бхигкавз, д̇хаммзхи саманнааг̇ад̇о бхигку ад̇д̇ахид̇ааяа жа бадибанно ход̇и барахид̇ааяа жа. гад̇амзхи бан̃жахи? ид̇ха, бхигкавз, бхигку ад̇д̇анаа жа сийласамбанно ход̇и, баран̃жа сийласамбад̣̇ааяа самаад̣̇абзд̇и; ад̇д̇анаа жа самаад̇хисамбанно ход̇и, баран̃жа самаад̇хисамбад̣̇ааяа самаад̣̇абзд̇и, ад̇д̇анаа жа бан̃н̃аасамбанно ход̇и, баран̃жа бан̃н̃аасамбад̣̇ааяа самаад̣̇абзд̇и; ад̇д̇анаа жа вимуд̇д̇исамбанно ход̇и, баран̃жа вимуд̇д̇исамбад̣̇ааяа самаад̣̇абзд̇и; ад̇д̇анаа жа вимуд̇д̇ин̃аан̣ад̣̇ассанасамбанно ход̇и, баран̃жа вимуд̇д̇ин̃аан̣ад̣̇ассанасамбад̣̇ааяа самаад̣̇абзд̇и. имзхи ко, бхигкавз, бан̃жахи д̇хаммзхи саманнааг̇ад̇о бхигку ад̇д̇ахид̇ааяа жа бадибанно ход̇и барахид̇ааяа жаа’’д̇и. д̣̇асамам̣.
б̣алаваг̇г̇о д̣̇уд̇ияо.
д̇ассуд̣̇д̣̇аанам̣ –
анануссуд̇агуудан̃жа, сам̣кид̇д̇ам̣ вид̇т̇ад̇зна жа;
д̣̇адтаб̣б̣ан̃жа буна гуудам̣, жад̇д̇аароби хид̇зна жаад̇и.