(23) 3. д̣̇ийгхажааригаваг̇г̇о
1. батамад̣̇ийгхажааригасуд̇д̇ам̣
221. ‘‘бан̃жимз , бхигкавз, аад̣̇ийнаваа д̣̇ийгхажааригам̣ анавад̇т̇ажааригам̣ ануяуд̇д̇асса вихарад̇о. гад̇амз бан̃жа? ассуд̇ам̣ на сун̣аад̇и, суд̇ам̣ на барияод̣̇аабзд̇и, суд̇знзгажжзна ависаарад̣̇о ход̇и, г̇аал̣хам̣ б̣аал̣хам̣ (сяаа.) рог̇аад̇ан̇гам̣ пусад̇и, на жа мид̇д̇аваа ход̇и. имз ко, бхигкавз, бан̃жа аад̣̇ийнаваа д̣̇ийгхажааригам̣ анавад̇т̇ажааригам̣ ануяуд̇д̇асса вихарад̇о.
‘‘бан̃жимз, бхигкавз, аанисам̣саа самавад̇т̇ажаарз. гад̇амз бан̃жа? ассуд̇ам̣ сун̣аад̇и, суд̇ам̣ барияод̣̇аабзд̇и, суд̇знзгажжзна висаарад̣̇о ход̇и, на г̇аал̣хам̣ рог̇аад̇ан̇гам̣ пусад̇и, мид̇д̇аваа жа ход̇и. имз ко, бхигкавз, бан̃жа аанисам̣саа самавад̇т̇ажаарз’’д̇и. батамам̣.
2. д̣̇уд̇ияад̣̇ийгхажааригасуд̇д̇ам̣
222. ‘‘бан̃жимз , бхигкавз, аад̣̇ийнаваа д̣̇ийгхажааригам̣ анавад̇т̇ажааригам̣ ануяуд̇д̇асса вихарад̇о. гад̇амз бан̃жа? анад̇хиг̇ад̇ам̣ наад̇хиг̇ажчад̇и, ад̇хиг̇ад̇аа барихааяад̇и, ад̇хиг̇ад̇знзгажжзна ависаарад̣̇о ход̇и, г̇аал̣хам̣ рог̇аад̇ан̇гам̣ пусад̇и, на жа мид̇д̇аваа ход̇и. имз ко, бхигкавз, бан̃жа аад̣̇ийнаваа д̣̇ийгхажааригам̣ анавад̇т̇ажааригам̣ ануяуд̇д̇асса вихарад̇о.
‘‘бан̃жимз, бхигкавз, аанисам̣саа самавад̇т̇ажаарз. гад̇амз бан̃жа? анад̇хиг̇ад̇ам̣ ад̇хиг̇ажчад̇и, ад̇хиг̇ад̇аа на барихааяад̇и, ад̇хиг̇ад̇знзгажжзна висаарад̣̇о ход̇и, на г̇аал̣хам̣ рог̇аад̇ан̇гам̣ пусад̇и, мид̇д̇аваа жа ход̇и. имз ко, бхигкавз, бан̃жа аанисам̣саа самавад̇т̇ажаарз’’д̇и. д̣̇уд̇ияам̣.
3. ад̇иниваасасуд̇д̇ам̣
223. ‘‘бан̃жимз , бхигкавз, аад̣̇ийнаваа ад̇иниваасз. гад̇амз бан̃жа? б̣ахубхан̣д̣о ход̇и б̣ахубхан̣д̣асаннижаяо, б̣ахубхзсаж̇ж̇о ход̇и б̣ахубхзсаж̇ж̇асаннижаяо, б̣ахугижжо ход̇и б̣ахугаран̣ийяо б̣яад̇д̇о гим̣гаран̣ийязсу, сам̣садто вихарад̇и г̇ахадтабаб̣б̣аж̇ид̇зхи анануломигзна г̇ихисам̣саг̇г̇зна, д̇амхаа жа ааваасаа баггаманд̇о саабзгко баггамад̇и. имз ко, бхигкавз, бан̃жа аад̣̇ийнаваа ад̇иниваасз.
‘‘бан̃жимз, бхигкавз, аанисам̣саа самавад̇т̇аваасз. гад̇амз бан̃жа? на б̣ахубхан̣д̣о ход̇и на б̣ахубхан̣д̣асаннижаяо, на б̣ахубхзсаж̇ж̇о ход̇и на б̣ахубхзсаж̇ж̇асаннижаяо, на б̣ахугижжо ход̇и на б̣ахугаран̣ийяо на б̣яад̇д̇о гим̣гаран̣ийязсу, асам̣садто вихарад̇и г̇ахадтабаб̣б̣аж̇ид̇зхи анануломигзна г̇ихисам̣саг̇г̇зна, д̇амхаа жа ааваасаа баггаманд̇о анабзгко баггамад̇и. имз ко, бхигкавз, бан̃жа аанисам̣саа самавад̇т̇аваасз’’д̇и. д̇ад̇ияам̣.
4. мажчарийсуд̇д̇ам̣
224. ‘‘бан̃жимз, бхигкавз, аад̣̇ийнаваа ад̇иниваасз. гад̇амз бан̃жа? ааваасамажчарий ход̇и, гуламажчарий ход̇и, лаабхамажчарий ход̇и, ван̣н̣амажчарий ход̇и, д̇хаммамажчарий ход̇и. имз ко, бхигкавз, бан̃жа аад̣̇ийнаваа ад̇иниваасз.
‘‘бан̃жимз , бхигкавз, аанисам̣саа самавад̇т̇аваасз. гад̇амз бан̃жа? на ааваасамажчарий ход̇и, на гуламажчарий ход̇и, на лаабхамажчарий ход̇и, на ван̣н̣амажчарий ход̇и, на д̇хаммамажчарий ход̇и. имз ко, бхигкавз, бан̃жа аанисам̣саа самавад̇т̇аваасз’’д̇и. жад̇уд̇т̇ам̣.
5. батамагулуубагасуд̇д̇ам̣
225. ‘‘бан̃жимз, бхигкавз, аад̣̇ийнаваа гулуубагз гулубагз (сяаа. бий.), гулуубаг̇з (сий.). гад̇амз бан̃жа? анааманд̇ажаарз аабаж̇ж̇ад̇и, рахо нисаж̇ж̇ааяа аабаж̇ж̇ад̇и, бадижчаннз аасанз аабаж̇ж̇ад̇и, маад̇уг̇аамасса уд̇д̇ари чаббан̃жаваажаахи д̇хаммам̣ д̣̇зсзнд̇о аабаж̇ж̇ад̇и, гаамасан̇габбаб̣ахуло вихарад̇и. имз ко, бхигкавз, бан̃жа аад̣̇ийнаваа гулуубагз’’д̇и. бан̃жамам̣.
6. д̣̇уд̇ияагулуубагасуд̇д̇ам̣
226. ‘‘бан̃жимз, бхигкавз, аад̣̇ийнаваа гулуубагасса бхигкуно ад̇ивзлам̣ гулзсу сам̣садтасса вихарад̇о. гад̇амз бан̃жа? маад̇уг̇аамасса абхин̣хад̣̇ассанам̣, д̣̇ассанз сад̇и сам̣саг̇г̇о, сам̣саг̇г̇з сад̇и виссаасо, виссаасз сад̇и од̇ааро, од̇ин̣н̣ажид̇д̇ассзд̇ам̣ баадиган̇кам̣ – ‘анабхирад̇о ваа б̣рахмажарияам̣ жариссад̇и ан̃н̃ад̇арам̣ ваа сам̣гилидтам̣ аабад̇д̇им̣ аабаж̇ж̇иссад̇и сигкам̣ ваа бажжагкааяа хийнааяаавад̇д̇иссад̇и’. имз ко, бхигкавз, бан̃жа аад̣̇ийнаваа гулуубагасса бхигкуно ад̇ивзлам̣ гулзсу сам̣садтасса вихарад̇о’’д̇и. чадтам̣.
7. бхог̇асуд̇д̇ам̣
227. ‘‘бан̃жимз, бхигкавз, аад̣̇ийнаваа бхог̇зсу. гад̇амз бан̃жа? аг̇г̇исаад̇хааран̣аа бхог̇аа, уд̣̇агасаад̇хааран̣аа бхог̇аа, рааж̇асаад̇хааран̣аа бхог̇аа, жорасаад̇хааран̣аа бхог̇аа, аббиязхи д̣̇ааяаад̣̇зхи саад̇хааран̣аа бхог̇аа. имз ко, бхигкавз, бан̃жа аад̣̇ийнаваа бхог̇зсу.
‘‘бан̃жимз, бхигкавз, аанисам̣саа бхог̇зсу. гад̇амз бан̃жа? бхог̇з ниссааяа ад̇д̇аанам̣ сукзд̇и бийн̣зд̇и саммаа сукам̣ барихарад̇и, маад̇аабид̇аро сукзд̇и бийн̣зд̇и саммаа сукам̣ барихарад̇и, буд̇д̇ад̣̇аарад̣̇аасагаммагараборисз сукзд̇и бийн̣зд̇и саммаа сукам̣ барихарад̇и, мид̇д̇аамажжз сукзд̇и бийн̣зд̇и саммаа сукам̣ барихарад̇и, саман̣аб̣раахман̣зсу уд̣̇д̇хаг̇г̇игам̣ д̣̇агкин̣ам̣ бад̇идтаабзд̇и соваг̇г̇игам̣ сукавибаагам̣ саг̇г̇асам̣вад̇д̇анигам̣. имз ко, бхигкавз, бан̃жа аанисам̣саа бхог̇зсуу’’д̇и. сад̇д̇амам̣.
8. уссуурабхад̇д̇асуд̇д̇ам̣
228. ‘‘бан̃жимз , бхигкавз, аад̣̇ийнаваа уссуурабхад̇д̇з гулз. гад̇амз бан̃жа? яз д̇з ад̇ит̇ий баахунаа, д̇з на гаалзна бадибууж̇знд̇и; яаа д̇аа б̣алибадиг̇г̇аахигаа д̣̇звад̇аа, д̇аа на гаалзна бадибууж̇знд̇и; яз д̇з саман̣аб̣раахман̣аа згабхад̇д̇игаа рад̇д̇уубарад̇аа вирад̇аа вигаалабхож̇анаа, д̇з на гаалзна бадибууж̇знд̇и; д̣̇аасагаммагараборисаа вимукаа гаммам̣ гаронд̇и; д̇аавад̇агам̣язва асамаязна бхуд̇д̇ам̣ анож̇аванд̇ам̣ ход̇и. имз ко, бхигкавз, бан̃жа аад̣̇ийнаваа уссуурабхад̇д̇з гулз.
‘‘бан̃жимз, бхигкавз, аанисам̣саа самаяабхад̇д̇з гулз. гад̇амз бан̃жа? яз д̇з ад̇ит̇ий баахунаа, д̇з гаалзна бадибууж̇знд̇и; яаа д̇аа б̣алибадиг̇г̇аахигаа д̣̇звад̇аа, д̇аа гаалзна бадибууж̇знд̇и; яз д̇з саман̣аб̣раахман̣аа згабхад̇д̇игаа рад̇д̇уубарад̇аа вирад̇аа вигаалабхож̇анаа, д̇з гаалзна бадибууж̇знд̇и; д̣̇аасагаммагараборисаа авимукаа гаммам̣ гаронд̇и; д̇аавад̇агам̣язва самаязна бхуд̇д̇ам̣ ож̇аванд̇ам̣ ход̇и. имз ко, бхигкавз, бан̃жа аанисам̣саа самаяабхад̇д̇з гулз’’д̇и. адтамам̣.
9. батамаган̣хасаббасуд̇д̇ам̣
229. ‘‘бан̃жимз, бхигкавз, аад̣̇ийнаваа ган̣хасаббз. гад̇амз бан̃жа? асужи, д̣̇уг̇г̇анд̇хо, сабхийру, саббадибхаяо, мид̇д̇ад̣̇уб̣бхий – имз ко, бхигкавз , бан̃жа аад̣̇ийнаваа ган̣хасаббз. звамзвам̣ ко, бхигкавз, бан̃жимз аад̣̇ийнаваа маад̇уг̇аамз. гад̇амз бан̃жа? асужи, д̣̇уг̇г̇анд̇хо, сабхийру, саббадибхаяо, мид̇д̇ад̣̇уб̣бхий – имз ко, бхигкавз, бан̃жа аад̣̇ийнаваа маад̇уг̇аамз’’д̇и. навамам̣.
10. д̣̇уд̇ияаган̣хасаббасуд̇д̇ам̣
230. ‘‘бан̃жимз, бхигкавз, аад̣̇ийнаваа ган̣хасаббз. гад̇амз бан̃жа? год̇хано, убанаахий, гхорависо, д̣̇уж̇ж̇ивхо, мид̇д̇ад̣̇уб̣бхий – имз ко, бхигкавз, бан̃жа аад̣̇ийнаваа ган̣хасаббз.
‘‘звамзвам̣ ко, бхигкавз, бан̃жимз аад̣̇ийнаваа маад̇уг̇аамз. гад̇амз бан̃жа? год̇хано, убанаахий, гхорависо, д̣̇уж̇ж̇ивхо, мид̇д̇ад̣̇уб̣бхий. д̇ад̇рид̣̇ам̣, бхигкавз, маад̇уг̇аамасса гхорависад̇аа – язбхуяязна, бхигкавз, маад̇уг̇аамо д̇иб̣б̣арааг̇о. д̇ад̇рид̣̇ам̣, бхигкавз, маад̇уг̇аамасса д̣̇уж̇ж̇ивхад̇аа – язбхуяязна, бхигкавз, маад̇уг̇аамо бисун̣аваажо. д̇ад̇рид̣̇ам̣, бхигкавз, маад̇уг̇аамасса мид̇д̇ад̣̇уб̣бхид̇аа – язбхуяязна , бхигкавз, маад̇уг̇аамо ад̇ижаариний. имз ко, бхигкавз, бан̃жа аад̣̇ийнаваа маад̇уг̇аамз’’д̇и. д̣̇асамам̣.
д̣̇ийгхажааригаваг̇г̇о д̇ад̇ияо.
д̇ассуд̣̇д̣̇аанам̣ –
д̣̇вз д̣̇ийгхажааригаа вуд̇д̇аа, ад̇иниваасамажчарий;
д̣̇вз жа гулуубагаа бхог̇аа, бхад̇д̇ам̣ саббаабарз д̣̇увзд̇и.