(7) 2. сан̃н̃ааваг̇г̇о
1. батамасан̃н̃аасуд̇д̇ам̣
61. ‘‘бан̃жимаа , бхигкавз, сан̃н̃аа бхаавид̇аа б̣ахулийгад̇аа махабпалаа хонд̇и махаанисам̣саа амад̇ог̇ад̇хаа амад̇абарияосаанаа. гад̇амаа бан̃жа? асубхасан̃н̃аа, маран̣асан̃н̃аа, аад̣̇ийнавасан̃н̃аа, аахаарз бадигууласан̃н̃аа, саб̣б̣алогз анабхирад̇асан̃н̃аа анабхирад̇исан̃н̃аа (га.) а. ни. 5.121-122, 303-304 бассид̇аб̣б̣ам̣ – имаа ко, бхигкавз, бан̃жа сан̃н̃аа бхаавид̇аа б̣ахулийгад̇аа махабпалаа хонд̇и махаанисам̣саа амад̇ог̇ад̇хаа амад̇абарияосаанаа’’д̇и. батамам̣.
2. д̣̇уд̇ияасан̃н̃аасуд̇д̇ам̣
62. ‘‘бан̃жимаа, бхигкавз, сан̃н̃аа бхаавид̇аа б̣ахулийгад̇аа махабпалаа хонд̇и махаанисам̣саа амад̇ог̇ад̇хаа амад̇абарияосаанаа. гад̇амаа бан̃жа? анижжасан̃н̃аа, анад̇д̇асан̃н̃аа, маран̣асан̃н̃аа, аахаарз бадигууласан̃н̃аа, саб̣б̣алогз анабхирад̇асан̃н̃аа – имаа ко, бхигкавз, бан̃жа сан̃н̃аа бхаавид̇аа б̣ахулийгад̇аа махабпалаа хонд̇и махаанисам̣саа амад̇ог̇ад̇хаа амад̇абарияосаанаа’’д̇и. д̣̇уд̇ияам̣.
3. батамавад̣дхисуд̇д̇ам̣
63. ‘‘бан̃жахи, бхигкавз, вад̣дхийхи вад̣дхамаано арияасааваго арияааяа вад̣дхияаа вад̣дхад̇и, саараад̣̇ааяий жа ход̇и вараад̣̇ааяий жа гааяасса. гад̇амаахи бан̃жахи? сад̣̇д̇хааяа вад̣дхад̇и, сийлзна вад̣дхад̇и, суд̇зна вад̣дхад̇и, жааг̇зна вад̣дхад̇и, бан̃н̃ааяа вад̣дхад̇и – имаахи ко, бхигкавз, бан̃жахи вад̣дхийхи вад̣дхамаано арияасааваго арияааяа вад̣дхияаа вад̣дхад̇и, саараад̣̇ааяий жа ход̇и вараад̣̇ааяий жа гааяассаа’’д̇и.
‘‘сад̣̇д̇хааяа сийлзна жа яо бавад̣дхад̇и яод̇ха вад̣дхад̇и (сий.),
бан̃н̃ааяа жааг̇зна суд̇зна жуубхаяам̣;
со д̇аад̣̇исо саббурисо вижагкан̣о,
аад̣̇ийяад̇ий саарамид̇хзва ад̇д̇ано’’д̇и. д̇ад̇ияам̣;
4. д̣̇уд̇ияавад̣дхисуд̇д̇ам̣
64. ‘‘бан̃жахи , бхигкавз, вад̣дхийхи вад̣дхамаанаа арияасаавигаа арияааяа вад̣дхияаа вад̣дхад̇и, саараад̣̇ааяиний жа ход̇и вараад̣̇ааяиний жа гааяасса. гад̇амаахи бан̃жахи? сад̣̇д̇хааяа вад̣дхад̇и, сийлзна вад̣дхад̇и, суд̇зна вад̣дхад̇и, жааг̇зна вад̣дхад̇и, бан̃н̃ааяа вад̣дхад̇и – имаахи ко, бхигкавз, бан̃жахи вад̣дхийхи вад̣дхамаанаа арияасаавигаа арияааяа вад̣дхияаа вад̣дхад̇и, саараад̣̇ааяиний жа ход̇и вараад̣̇ааяиний жа гааяассаа’’д̇и.
‘‘сад̣̇д̇хааяа сийлзна жа яаа бавад̣дхад̇и яаад̇ха вад̣дхад̇и (сий.),
бан̃н̃ааяа жааг̇зна суд̇зна жуубхаяам̣;
саа д̇аад̣̇исий сийлавад̇ий убаасигаа,
аад̣̇ийяад̇ий саарамид̇хзва ад̇д̇ано’’д̇и. жад̇уд̇т̇ам̣;
5. саагажчасуд̇д̇ам̣
65. а. ни. 5.164 ‘‘бан̃жахи , бхигкавз, д̇хаммзхи саманнааг̇ад̇о бхигку алам̣саагажчо саб̣рахмажаарийнам̣. гад̇амзхи бан̃жахи? ид̇ха, бхигкавз, бхигку ад̇д̇анаа жа сийласамбанно ход̇и, сийласамбад̣̇ааяа гат̇ааяа жа ааг̇ад̇ам̣ бан̃хам̣ б̣яаагад̇д̇аа ход̇и; ад̇д̇анаа жа самаад̇хисамбанно ход̇и, самаад̇хисамбад̣̇ааяа гат̇ааяа жа ааг̇ад̇ам̣ бан̃хам̣ б̣яаагад̇д̇аа ход̇и; ад̇д̇анаа жа бан̃н̃аасамбанно ход̇и, бан̃н̃аасамбад̣̇ааяа гат̇ааяа жа ааг̇ад̇ам̣ бан̃хам̣ б̣яаагад̇д̇аа ход̇и; ад̇д̇анаа жа вимуд̇д̇исамбанно ход̇и, вимуд̇д̇исамбад̣̇ааяа гат̇ааяа жа ааг̇ад̇ам̣ бан̃хам̣ б̣яаагад̇д̇аа ход̇и; ад̇д̇анаа жа вимуд̇д̇ин̃аан̣ад̣̇ассанасамбанно ход̇и, вимуд̇д̇ин̃аан̣ад̣̇ассанасамбад̣̇ааяа гат̇ааяа жа ааг̇ад̇ам̣ бан̃хам̣ б̣яаагад̇д̇аа ход̇и. имзхи ко, бхигкавз, бан̃жахи д̇хаммзхи саманнааг̇ад̇о бхигку алам̣саагажчо саб̣рахмажаарийна’’нд̇и. бан̃жамам̣.
6. сааж̇ийвасуд̇д̇ам̣
66. а. ни. 5.164 ‘‘бан̃жахи , бхигкавз, д̇хаммзхи саманнааг̇ад̇о бхигку алам̣сааж̇ийво саб̣рахмажаарийнам̣. гад̇амзхи бан̃жахи? ид̇ха, бхигкавз, бхигку ад̇д̇анаа жа сийласамбанно ход̇и, сийласамбад̣̇ааяа гат̇ааяа жа гад̇ам̣ бан̃хам̣ б̣яаагад̇д̇аа ход̇и; ад̇д̇анаа жа самаад̇хисамбанно ход̇и, самаад̇хисамбад̣̇ааяа гат̇ааяа жа гад̇ам̣ бан̃хам̣ б̣яаагад̇д̇аа ход̇и; ад̇д̇анаа жа бан̃н̃аасамбанно ход̇и, бан̃н̃аасамбад̣̇ааяа гат̇ааяа жа гад̇ам̣ бан̃хам̣ б̣яаагад̇д̇аа ход̇и; ад̇д̇анаа жа вимуд̇д̇исамбанно ход̇и, вимуд̇д̇исамбад̣̇ааяа гат̇ааяа жа гад̇ам̣ бан̃хам̣ б̣яаагад̇д̇аа ход̇и; ад̇д̇анаа жа вимуд̇д̇ин̃аан̣ад̣̇ассанасамбанно ход̇и, вимуд̇д̇ин̃аан̣ад̣̇ассанасамбад̣̇ааяа гат̇ааяа жа гад̇ам̣ бан̃хам̣ б̣яаагад̇д̇аа ход̇и. имзхи ко, бхигкавз, бан̃жахи д̇хаммзхи саманнааг̇ад̇о бхигку алам̣сааж̇ийво саб̣рахмажаарийна’’нд̇и. чадтам̣.
7. батамаид̣̇д̇хибаад̣̇асуд̇д̇ам̣
67. ‘‘яо хи гожи, бхигкавз, бхигку ваа бхигкуний ваа бан̃жа д̇хаммз имз бан̃жа д̇хаммз (га.) бхаавзд̇и, бан̃жа д̇хаммз имз бан̃жа д̇хаммз (га.) б̣ахулийгарод̇и, д̇асса д̣̇виннам̣ палаанам̣ ан̃н̃ад̇арам̣ палам̣ баадиган̇кам̣ – д̣̇идтзва д̇хаммз ан̃н̃аа, сад̇и ваа убаад̣̇исзсз анааг̇аамид̇аа.
‘‘гад̇амз бан̃жа? ид̇ха, бхигкавз, бхигку чанд̣̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, вийрияасамаад̇хи…бз… жид̇д̇асамаад̇хи… виймам̣саасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, уссол̣хин̃н̃зва бан̃жамим̣ уссол̣хийязва бан̃жамий (сий.). яо хи гожи, бхигкавз, бхигку ваа бхигкуний ваа имз бан̃жа д̇хаммз бхаавзд̇и, имз бан̃жа д̇хаммз б̣ахулийгарод̇и, д̇асса д̣̇виннам̣ палаанам̣ ан̃н̃ад̇арам̣ палам̣ баадиган̇кам̣ – д̣̇идтзва д̇хаммз ан̃н̃аа, сад̇и ваа убаад̣̇исзсз анааг̇аамид̇аа’’д̇и. сад̇д̇амам̣.
8. д̣̇уд̇ияаид̣̇д̇хибаад̣̇асуд̇д̇ам̣
68. ‘‘буб̣б̣зваахам̣, бхигкавз, самб̣од̇хаа анабхисамб̣уд̣̇д̇хо б̣од̇хисад̇д̇ова самаано бан̃жа д̇хаммз бхаавзсим̣, бан̃жа д̇хаммз б̣ахулийгаасим̣ б̣ахулимагаасим̣ (га.), б̣ахуламагаасим̣ (га.). гад̇амз бан̃жа? чанд̣̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзсим̣ , вийрияасамаад̇хи… жид̇д̇асамаад̇хи… виймам̣саасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзсим̣, уссол̣хин̃н̃зва бан̃жамим̣. со ко ахам̣, бхигкавз, имзсам̣ уссол̣хибан̃жамаанам̣ д̇хаммаанам̣ бхаавид̇ад̇д̇аа б̣ахулийгад̇ад̇д̇аа яасса яасса абхин̃н̃аасажчигаран̣ийяасса д̇хаммасса жид̇д̇ам̣ абхининнаамзсим̣ абхин̃н̃аасажчигирияааяа, д̇ад̇ра д̇ад̇рзва сагкибхаб̣б̣ад̇ам̣ баабун̣им̣ сад̇и сад̇и ааяад̇анз.
‘‘со сажз ааган̇ким̣ – ‘анзгавихид̇ам̣ ид̣̇д̇хивид̇хам̣ бажжанубхавзяяам̣…бз… яаава б̣рахмалогааби гааязна васам̣ вад̇д̇зяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣им̣ сад̇и сад̇и ааяад̇анз.
‘‘со сажз ааган̇ким̣…бз… ‘аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣им̣ сад̇и сад̇и ааяад̇анз’’д̇и. адтамам̣.
9. ниб̣б̣ид̣̇аасуд̇д̇ам̣
69. ‘‘бан̃жимз, бхигкавз, д̇хаммаа бхаавид̇аа б̣ахулийгад̇аа зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇анд̇и.
‘‘гад̇амз бан̃жа? ид̇ха, бхигкавз, бхигку асубхаанубассий гааяз вихарад̇и, аахаарз бадигууласан̃н̃ий, саб̣б̣алогз анабхирад̇асан̃н̃ий анабхирад̇исан̃н̃ий (га.) а. ни. 5.121-122, 303-304 бассид̇аб̣б̣ам̣, саб̣б̣асан̇каарзсу анижжаанубассий, маран̣асан̃н̃аа ко банасса аж̇жхад̇д̇ам̣ суубадтид̇аа ход̇и. имз ко, бхигкавз, бан̃жа д̇хаммаа бхаавид̇аа б̣ахулийгад̇аа зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇анд̇ий’’д̇и. навамам̣.
10. аасавагкаяасуд̇д̇ам̣
70. ‘‘бан̃жимз, бхигкавз, д̇хаммаа бхаавид̇аа б̣ахулийгад̇аа аасаваанам̣ каяааяа сам̣вад̇д̇анд̇и. гад̇амз бан̃жа? ид̇ха, бхигкавз, бхигку асубхаанубассий гааяз вихарад̇и, аахаарз бадигууласан̃н̃ий , саб̣б̣алогз анабхирад̇асан̃н̃ий, саб̣б̣асан̇каарзсу анижжаанубассий, маран̣асан̃н̃аа ко банасса аж̇жхад̇д̇ам̣ суубадтид̇аа ход̇и. имз ко, бхигкавз, бан̃жа д̇хаммаа бхаавид̇аа б̣ахулийгад̇аа аасаваанам̣ каяааяа сам̣вад̇д̇анд̇ий’’д̇и. д̣̇асамам̣.
сан̃н̃ааваг̇г̇о д̣̇уд̇ияо.
д̇ассуд̣̇д̣̇аанам̣ –
д̣̇вз жа сан̃н̃аа д̣̇вз вад̣дхий жа, саагажчзна жа сааж̇ийвам̣;
ид̣̇д̇хибаад̣̇аа жа д̣̇вз вуд̇д̇аа, ниб̣б̣ид̣̇аа жаасавагкаяаад̇и.