7. д̣̇звад̇ааваг̇г̇о
1. анааг̇аамипаласуд̇д̇ам̣
65. ‘‘ча , бхигкавз, д̇хаммз аббахааяа абхаб̣б̣о анааг̇аамипалам̣ сажчигаад̇ум̣. гад̇амз ча? ассад̣̇д̇хияам̣, ахиригам̣, анод̇д̇аббам̣, госаж̇ж̇ам̣, мудтассажжам̣, д̣̇уббан̃н̃ад̇ам̣ – имз ко, бхигкавз, ча д̇хаммз аббахааяа абхаб̣б̣о анааг̇аамипалам̣ сажчигаад̇ум̣.
‘‘ча, бхигкавз, д̇хаммз бахааяа бхаб̣б̣о анааг̇аамипалам̣ сажчигаад̇ум̣. гад̇амз ча? ассад̣̇д̇хияам̣, ахиригам̣, анод̇д̇аббам̣, госаж̇ж̇ам̣, мудтассажжам̣, д̣̇уббан̃н̃ад̇ам̣ – имз ко, бхигкавз, ча д̇хаммз бахааяа бхаб̣б̣о анааг̇аамипалам̣ сажчигаад̇у’’нд̇и. батамам̣.
2. арахад̇д̇асуд̇д̇ам̣
66. ‘‘ча, бхигкавз, д̇хаммз аббахааяа абхаб̣б̣о арахад̇д̇ам̣ сажчигаад̇ум̣. гад̇амз ча? т̇инам̣ т̇ийнам̣ (сий. сяаа. гам̣. бий.), мид̣̇д̇хам̣, уд̣̇д̇хажжам̣, гуггужжам̣, ассад̣̇д̇хияам̣, бамаад̣̇ам̣ – имз ко, бхигкавз, ча д̇хаммз аббахааяа абхаб̣б̣о арахад̇д̇ам̣ сажчигаад̇ум̣.
‘‘ча , бхигкавз, д̇хаммз бахааяа бхаб̣б̣о арахад̇д̇ам̣ сажчигаад̇ум̣. гад̇амз ча? т̇инам̣, мид̣̇д̇хам̣, уд̣̇д̇хажжам̣, гуггужжам̣, ассад̣̇д̇хияам̣, бамаад̣̇ам̣ – имз ко, бхигкавз, ча д̇хаммз бахааяа бхаб̣б̣о арахад̇д̇ам̣ сажчигаад̇у’’нд̇и. д̣̇уд̇ияам̣.
3. мид̇д̇асуд̇д̇ам̣
67. ‘‘‘со вад̇а, бхигкавз, бхигку баабамид̇д̇о баабасахааяо баабасамбаван̇го, баабамид̇д̇з баабагз мид̇д̇з (га.) сзвамаано бхаж̇амаано баяирубаасамаано, д̇зсан̃жа д̣̇идтаануг̇ад̇им̣ аабаж̇ж̇амаано аабхисамаажааригам̣ д̇хаммам̣ барибуурзссад̇ий’д̇и нзд̇ам̣ таанам̣ виж̇ж̇ад̇и. ‘аабхисамаажааригам̣ д̇хаммам̣ абарибуурзд̇ваа сзкам̣ д̇хаммам̣ барибуурзссад̇ий’д̇и нзд̇ам̣ таанам̣ виж̇ж̇ад̇и. ‘сзкам̣ д̇хаммам̣ абарибуурзд̇ваа сийлаани барибуурзссад̇ий’д̇и нзд̇ам̣ таанам̣ виж̇ж̇ад̇и. ‘сийлаани абарибуурзд̇ваа гаамарааг̇ам̣ ваа руубарааг̇ам̣ ваа аруубарааг̇ам̣ ваа баж̇ахиссад̇ий’д̇и нзд̇ам̣ таанам̣ виж̇ж̇ад̇и.
‘‘‘со вад̇а, бхигкавз, бхигку галяаан̣амид̇д̇о галяаан̣асахааяо галяаан̣асамбаван̇го, галяаан̣амид̇д̇з сзвамаано бхаж̇амаано баяирубаасамаано, д̇зсан̃жа д̣̇идтаануг̇ад̇им̣ аабаж̇ж̇амаано аабхисамаажааригам̣ д̇хаммам̣ барибуурзссад̇ий’д̇и таанамзд̇ам̣ виж̇ж̇ад̇и. ‘аабхисамаажааригам̣ д̇хаммам̣ барибуурзд̇ваа сзкам̣ д̇хаммам̣ барибуурзссад̇ий’д̇и таанамзд̇ам̣ виж̇ж̇ад̇и. ‘сзкам̣ д̇хаммам̣ барибуурзд̇ваа сийлаани барибуурзссад̇ий’д̇и таанамзд̇ам̣ виж̇ж̇ад̇и. ‘сийлаани барибуурзд̇ваа гаамарааг̇ам̣ ваа руубарааг̇ам̣ ваа аруубарааг̇ам̣ ваа баж̇ахиссад̇ий’д̇и таанамзд̇ам̣ виж̇ж̇ад̇ий’’д̇и. д̇ад̇ияам̣.
4. сан̇г̇ан̣игаараамасуд̇д̇ам̣
68. ‘‘‘со вад̇а, бхигкавз, бхигку сан̇г̇ан̣игаараамо сан̇г̇ан̣игарад̇о сан̇г̇ан̣игаараамад̇ам̣ ануяуд̇д̇о, г̇ан̣аараамо г̇ан̣арад̇о г̇ан̣аараамад̇ам̣ ануяуд̇д̇о, зго бавивзгз абхирамиссад̇ий’д̇и нзд̇ам̣ таанам̣ виж̇ж̇ад̇и. ‘зго бавивзгз анабхираманд̇о жид̇д̇асса нимид̇д̇ам̣ г̇ахзссад̇ий’д̇и нзд̇ам̣ таанам̣ виж̇ж̇ад̇и. ‘жид̇д̇асса нимид̇д̇ам̣ аг̇ан̣ханд̇о саммаад̣̇идтим̣ барибуурзссад̇ий’д̇и нзд̇ам̣ таанам̣ виж̇ж̇ад̇и. ‘саммаад̣̇идтим̣ абарибуурзд̇ваа саммаасамаад̇хим̣ барибуурзссад̇ий’д̇и нзд̇ам̣ таанам̣ виж̇ж̇ад̇и. ‘саммаасамаад̇хим̣ абарибуурзд̇ваа сам̣яож̇анаани баж̇ахиссад̇ий’д̇и нзд̇ам̣ таанам̣ виж̇ж̇ад̇и. ‘сам̣яож̇анаани аббахааяа ниб̣б̣аанам̣ сажчигариссад̇ий’д̇и нзд̇ам̣ таанам̣ виж̇ж̇ад̇и.
‘‘‘со вад̇а, бхигкавз, бхигку на сан̇г̇ан̣игаараамо на сан̇г̇ан̣игарад̇о на сан̇г̇ан̣игаараамад̇ам̣ ануяуд̇д̇о, на г̇ан̣аараамо на г̇ан̣арад̇о на г̇ан̣аараамад̇ам̣ ануяуд̇д̇о, зго бавивзгз абхирамиссад̇ий’д̇и таанамзд̇ам̣ виж̇ж̇ад̇и. ‘зго бавивзгз абхираманд̇о жид̇д̇асса нимид̇д̇ам̣ г̇ахзссад̇ий’д̇и таанамзд̇ам̣ виж̇ж̇ад̇и. ‘жид̇д̇асса нимид̇д̇ам̣ г̇ан̣ханд̇о саммаад̣̇идтим̣ барибуурзссад̇ий’д̇и таанамзд̇ам̣ виж̇ж̇ад̇и. ‘саммаад̣̇идтим̣ барибуурзд̇ваа саммаасамаад̇хим̣ барибуурзссад̇ий’д̇и таанамзд̇ам̣ виж̇ж̇ад̇и. ‘саммаасамаад̇хим̣ барибуурзд̇ваа сам̣яож̇анаани баж̇ахиссад̇ий’д̇и таанамзд̇ам̣ виж̇ж̇ад̇и. ‘сам̣яож̇анаани бахааяа ниб̣б̣аанам̣ сажчигариссад̇ий’д̇и таанамзд̇ам̣ виж̇ж̇ад̇ий’’д̇и. жад̇уд̇т̇ам̣.
5. д̣̇звад̇аасуд̇д̇ам̣
69. ат̇а ко ан̃н̃ад̇араа д̣̇звад̇аа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ ж̇зд̇аванам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко саа д̣̇звад̇аа бхаг̇аванд̇ам̣ зд̇ад̣̇авожа – ‘‘чаяимз, бханд̇з, д̇хаммаа бхигкуно абарихаанааяа сам̣вад̇д̇анд̇и. гад̇амз ча? сад̇т̇уг̇ааравад̇аа, д̇хаммаг̇ааравад̇аа, сан̇гхаг̇ааравад̇аа, сигкааг̇ааравад̇аа, соважассад̇аа, галяаан̣амид̇д̇ад̇аа – имз ко, бханд̇з, ча д̇хаммаа бхигкуно абарихаанааяа сам̣вад̇д̇анд̇ий’’д̇и. ид̣̇амавожа саа д̣̇звад̇аа. саманун̃н̃о сад̇т̇аа ахоси. ат̇а ко саа д̣̇звад̇аа ‘‘саманун̃н̃о мз сад̇т̇аа’’д̇и бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяи.
ат̇а ко бхаг̇аваа д̇ассаа рад̇д̇ияаа ажжаязна бхигкуу ааманд̇зси – ‘‘имам̣ , бхигкавз, рад̇д̇им̣ ан̃н̃ад̇араа д̣̇звад̇аа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ ж̇зд̇аванам̣ обхаасзд̇ваа язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко, бхигкавз, саа д̣̇звад̇аа мам̣ зд̇ад̣̇авожа – ‘чаяимз, бханд̇з, д̇хаммаа бхигкуно абарихаанааяа сам̣вад̇д̇анд̇и. гад̇амз ча? сад̇т̇уг̇ааравад̇аа, д̇хаммаг̇ааравад̇аа, сан̇гхаг̇ааравад̇аа, сигкааг̇ааравад̇аа, соважассад̇аа, галяаан̣амид̇д̇ад̇аа – имз ко, бханд̇з, ча д̇хаммаа бхигкуно абарихаанааяа сам̣вад̇д̇анд̇ий’д̇и. ид̣̇амавожа, бхигкавз, саа д̣̇звад̇аа. ид̣̇ам̣ вад̇ваа мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяий’’д̇и.
звам̣ вуд̇д̇з ааяасмаа саарибуд̇д̇о бхаг̇аванд̇ам̣ абхиваад̣̇зд̇ваа зд̇ад̣̇авожа – ‘‘имасса ко ахам̣, бханд̇з, бхаг̇авад̇аа сам̣кид̇д̇зна бхаасид̇асса звам̣ вид̇т̇аарзна ад̇т̇ам̣ ааж̇аанаами. ид̇ха, бханд̇з, бхигку ад̇д̇анаа жа сад̇т̇уг̇аараво ход̇и сад̇т̇уг̇ааравад̇ааяа жа ван̣н̣аваад̣̇ий. яз жан̃н̃з бхигкуу на сад̇т̇уг̇аараваа д̇з жа сад̇т̇уг̇ааравад̇ааяа самаад̣̇абзд̇и. яз жан̃н̃з бхигкуу сад̇т̇уг̇аараваа д̇зсан̃жа ван̣н̣ам̣ бхан̣ад̇и бхууд̇ам̣ д̇ажчам̣ гаалзна. ад̇д̇анаа жа д̇хаммаг̇аараво ход̇и…бз… сан̇гхаг̇аараво ход̇и… сигкааг̇аараво ход̇и … суважо ход̇и… галяаан̣амид̇д̇о ход̇и галяаан̣амид̇д̇ад̇ааяа жа ван̣н̣аваад̣̇ий. яз жан̃н̃з бхигкуу на галяаан̣амид̇д̇аа д̇з жа галяаан̣амид̇д̇ад̇ааяа самаад̣̇абзд̇и. яз жан̃н̃з бхигкуу галяаан̣амид̇д̇аа д̇зсан̃жа ван̣н̣ам̣ бхан̣ад̇и бхууд̇ам̣ д̇ажчам̣ гаалзна . имасса ко ахам̣, бханд̇з, бхаг̇авад̇аа сам̣кид̇д̇зна бхаасид̇асса звам̣ вид̇т̇аарзна ад̇т̇ам̣ ааж̇аанаамий’’д̇и.
‘‘саад̇ху саад̇ху, саарибуд̇д̇а! саад̇ху ко д̇вам̣, саарибуд̇д̇а, имасса маяаа сам̣кид̇д̇зна бхаасид̇асса звам̣ вид̇т̇аарзна ад̇т̇ам̣ ааж̇аанааси. ид̇ха, саарибуд̇д̇а, бхигку ад̇д̇анаа жа сад̇т̇уг̇аараво ход̇и сад̇т̇уг̇ааравад̇ааяа жа ван̣н̣аваад̣̇ий. яз жан̃н̃з бхигкуу на сад̇т̇уг̇аараваа д̇з жа сад̇т̇уг̇ааравад̇ааяа самаад̣̇абзд̇и. яз жан̃н̃з бхигкуу сад̇т̇уг̇аараваа д̇зсан̃жа ван̣н̣ам̣ бхан̣ад̇и бхууд̇ам̣ д̇ажчам̣ гаалзна. ад̇д̇анаа жа д̇хаммаг̇аараво ход̇и…бз… сан̇гхаг̇аараво ход̇и… сигкааг̇аараво ход̇и… суважо ход̇и… галяаан̣амид̇д̇о ход̇и галяаан̣амид̇д̇ад̇ааяа жа ван̣н̣аваад̣̇ий. яз жан̃н̃з бхигкуу на галяаан̣амид̇д̇аа д̇з жа галяаан̣амид̇д̇ад̇ааяа самаад̣̇абзд̇и. яз жан̃н̃з бхигкуу галяаан̣амид̇д̇аа д̇зсан̃жа ван̣н̣ам̣ бхан̣ад̇и бхууд̇ам̣ д̇ажчам̣ гаалзна. имасса ко, саарибуд̇д̇а, маяаа сам̣кид̇д̇зна бхаасид̇асса звам̣ вид̇т̇аарзна ад̇т̇о д̣̇адтаб̣б̣о’’д̇и. бан̃жамам̣.
6. самаад̇хисуд̇д̇ам̣
70. ‘‘‘со вад̇а, бхигкавз, бхигку на санд̇зна самаад̇хинаа на бан̣ийд̇зна на бадиббассад̣̇д̇хилад̣̇д̇хзна на бадиббассад̣̇д̇халад̣̇д̇хзна (сий.) на згод̣̇ибхааваад̇хиг̇ад̇зна анзгавихид̇ам̣ ид̣̇д̇хивид̇хам̣ бажжанубхависсад̇и – згоби худ̇ваа б̣ахуд̇хаа бхависсад̇и, б̣ахуд̇хааби худ̇ваа зго бхависсад̇и…бз… яаава б̣рахмалогааби гааязна васам̣ вад̇д̇зссад̇ий’д̇и нзд̇ам̣ таанам̣ виж̇ж̇ад̇и. ‘д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣иссад̇и – д̣̇иб̣б̣з жа маанусз жа яз д̣̇уурз санд̇игз жаа’д̇и нзд̇ам̣ таанам̣ виж̇ж̇ад̇и. ‘барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇ааниссад̇и – сарааг̇ам̣ ваа жид̇д̇ам̣ сарааг̇ам̣ жид̇д̇анд̇и баж̇ааниссад̇и …бз… вимуд̇д̇ам̣ ваа жид̇д̇ам̣ вимуд̇д̇ам̣ жид̇д̇анд̇и баж̇ааниссад̇ий’д̇и нзд̇ам̣ таанам̣ виж̇ж̇ад̇и. ‘анзгавихид̇ам̣ буб̣б̣зниваасам̣ ануссариссад̇и, сзяяат̇ид̣̇ам̣ – згамби ж̇аад̇им̣, д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссариссад̇ий’д̇и нзд̇ам̣ таанам̣ виж̇ж̇ад̇и. ‘д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассиссад̇и…бз… яат̇аагаммуубаг̇з сад̇д̇з баж̇ааниссад̇ий’д̇и нзд̇ам̣ таанам̣ виж̇ж̇ад̇и . ‘аасаваанам̣ каяаа…бз… сажчигад̇ваа убасамбаж̇ж̇а вихариссад̇ий’д̇и нзд̇ам̣ таанам̣ виж̇ж̇ад̇и.
‘‘‘со вад̇а, бхигкавз, бхигку санд̇зна самаад̇хинаа бан̣ийд̇зна бадиббассад̣̇д̇хилад̣̇д̇хзна згод̣̇ибхааваад̇хиг̇ад̇зна анзгавихид̇ам̣ ид̣̇д̇хивид̇хам̣ бажжанубхависсад̇и…бз… яаава б̣рахмалогааби гааязна васам̣ вад̇д̇зссад̇ий’д̇и таанамзд̇ам̣ виж̇ж̇ад̇и. ‘д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣иссад̇и – д̣̇иб̣б̣з жа маанусз жа яз д̣̇уурз санд̇игз жаа’д̇и таанамзд̇ам̣ виж̇ж̇ад̇и. ‘барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇ааниссад̇и – сарааг̇ам̣ ваа жид̇д̇ам̣ сарааг̇ам̣ жид̇д̇анд̇и баж̇ааниссад̇и…бз… вимуд̇д̇ам̣ ваа жид̇д̇ам̣ вимуд̇д̇ам̣ жид̇д̇анд̇и баж̇ааниссад̇ий’д̇и таанамзд̇ам̣ виж̇ж̇ад̇и. ‘анзгавихид̇ам̣ буб̣б̣зниваасам̣ ануссариссад̇и, сзяяат̇ид̣̇ам̣ – згамби ж̇аад̇им̣, д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссариссад̇ий’д̇и таанамзд̇ам̣ виж̇ж̇ад̇и. ‘д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассиссад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇ааниссад̇ий’д̇и таанамзд̇ам̣ виж̇ж̇ад̇и . ‘аасаваанам̣ каяаа анаасавам̣ жзд̇овимуд̇д̇им̣…бз… сажчигад̇ваа убасамбаж̇ж̇а вихариссад̇ий’д̇и таанамзд̇ам̣ виж̇ж̇ад̇ий’’д̇и. чадтам̣.
7. сагкибхаб̣б̣асуд̇д̇ам̣
71. ‘‘чахи, бхигкавз, д̇хаммзхи саманнааг̇ад̇о бхигку абхаб̣б̣о д̇ад̇ра д̇ад̇рзва сагкибхаб̣б̣ад̇ам̣ баабун̣ид̇ум̣ сад̇и сад̇и ааяад̇анз. гад̇амзхи чахи? ид̇ха , бхигкавз, бхигку ‘имз хаанабхааг̇ияаа д̇хаммаа’д̇и яат̇аабхууд̇ам̣ наббаж̇аанаад̇и, ‘имз тид̇ибхааг̇ияаа д̇хаммаа’д̇и яат̇аабхууд̇ам̣ наббаж̇аанаад̇и, ‘имз висзсабхааг̇ияаа д̇хаммаа’д̇и яат̇аабхууд̇ам̣ наббаж̇аанаад̇и, ‘имз ниб̣б̣зд̇хабхааг̇ияаа д̇хаммаа’д̇и яат̇аабхууд̇ам̣ наббаж̇аанаад̇и, асаггажжагаарий жа ход̇и, асаббааяагаарий жа. имзхи ко, бхигкавз, чахи д̇хаммзхи саманнааг̇ад̇о бхигку абхаб̣б̣о д̇ад̇ра д̇ад̇рзва сагкибхаб̣б̣ад̇ам̣ баабун̣ид̇ум̣ сад̇и сад̇и ааяад̇анз.
‘‘чахи, бхигкавз, д̇хаммзхи саманнааг̇ад̇о бхигку бхаб̣б̣о д̇ад̇ра д̇ад̇рзва сагкибхаб̣б̣ад̇ам̣ баабун̣ид̇ум̣ сад̇и сад̇и ааяад̇анз. гад̇амзхи чахи? ид̇ха, бхигкавз, бхигку ‘имз хаанабхааг̇ияаа д̇хаммаа’д̇и яат̇аабхууд̇ам̣ баж̇аанаад̇и, ‘имз тид̇ибхааг̇ияаа д̇хаммаа’д̇и яат̇аабхууд̇ам̣ баж̇аанаад̇и, ‘имз висзсабхааг̇ияаа д̇хаммаа’д̇и яат̇аабхууд̇ам̣ баж̇аанаад̇и, ‘имз ниб̣б̣зд̇хабхааг̇ияаа д̇хаммаа’д̇и яат̇аабхууд̇ам̣ баж̇аанаад̇и, саггажжагаарий жа ход̇и, саббааяагаарий жа. имзхи ко, бхигкавз, чахи д̇хаммзхи саманнааг̇ад̇о бхигку бхаб̣б̣о д̇ад̇ра д̇ад̇рзва сагкибхаб̣б̣ад̇ам̣ баабун̣ид̇ум̣ сад̇и сад̇и ааяад̇анз’’д̇и. сад̇д̇амам̣.
8. б̣аласуд̇д̇ам̣
72. ‘‘чахи, бхигкавз, д̇хаммзхи саманнааг̇ад̇о бхигку абхаб̣б̣о самаад̇хисмим̣ самаад̇химхи (га.) б̣алад̇ам̣ баабун̣ид̇ум̣. гад̇амзхи чахи? ид̇ха, бхигкавз, бхигку на самаад̇хисса самаабад̇д̇игусало ход̇и, на самаад̇хисса тид̇игусало ход̇и, на самаад̇хисса на самаад̇химхаа (га.) убарисад̇д̇аганибаад̇з д̣̇звад̇ааваг̇г̇з бана саб̣б̣ад̇т̇аби ‘‘самаад̇хисса’’ид̇взва д̣̇иссад̇и вудтаанагусало ход̇и, асаггажжагаарий жа ход̇и, асаад̇ажжагаарий жа, асаббааяагаарий жа. имзхи ко, бхигкавз, чахи д̇хаммзхи саманнааг̇ад̇о бхигку абхаб̣б̣о самаад̇хисмим̣ б̣алад̇ам̣ баабун̣ид̇ум̣.
‘‘чахи, бхигкавз, д̇хаммзхи саманнааг̇ад̇о бхигку бхаб̣б̣о самаад̇хисмим̣ б̣алад̇ам̣ баабун̣ид̇ум̣. гад̇амзхи чахи? ид̇ха , бхигкавз, бхигку самаад̇хисса самаабад̇д̇игусало ход̇и, самаад̇хисса тид̇игусало ход̇и, самаад̇хисса вудтаанагусало ход̇и, саггажжагаарий жа ход̇и, саад̇ажжагаарий жа, саббааяагаарий жа. имзхи ко, бхигкавз, чахи д̇хаммзхи саманнааг̇ад̇о бхигку бхаб̣б̣о самаад̇хисмим̣ б̣алад̇ам̣ баабун̣ид̇у’’нд̇и. адтамам̣.
9. батамад̇аж̇жхаанасуд̇д̇ам̣
73. ‘‘ча, бхигкавз, д̇хаммз аббахааяа абхаб̣б̣о батамам̣ жхаанам̣ убасамбаж̇ж̇а вихарид̇ум̣. гад̇амз ча? гаамажчанд̣̇ам̣, б̣яаабаад̣̇ам̣, т̇инамид̣̇д̇хам̣, уд̣̇д̇хажжагуггужжам̣, вижигижчам̣. гаамзсу ко банасса аад̣̇ийнаво на яат̇аабхууд̇ам̣ саммаббан̃н̃ааяа суд̣̇идто ход̇и. имз ко, бхигкавз, ча д̇хаммз аббахааяа абхаб̣б̣о батамам̣ жхаанам̣ убасамбаж̇ж̇а вихарид̇ум̣.
‘‘ча, бхигкавз, д̇хаммз бахааяа бхаб̣б̣о батамам̣ жхаанам̣ убасамбаж̇ж̇а вихарид̇ум̣. гад̇амз ча? гаамажчанд̣̇ам̣, б̣яаабаад̣̇ам̣, т̇инамид̣̇д̇хам̣, уд̣̇д̇хажжагуггужжам̣, вижигижчам̣, гаамзсу ко банасса аад̣̇ийнаво на яат̇аабхууд̇ам̣ саммаббан̃н̃ааяа суд̣̇идто ход̇и. имз ко, бхигкавз, ча д̇хаммз бахааяа бхаб̣б̣о батамам̣ жхаанам̣ убасамбаж̇ж̇а вихарид̇у’’нд̇и. навамам̣.
10. д̣̇уд̇ияад̇аж̇жхаанасуд̇д̇ам̣
74. ‘‘ча , бхигкавз, д̇хаммз аббахааяа абхаб̣б̣о батамам̣ жхаанам̣ убасамбаж̇ж̇а вихарид̇ум̣. гад̇амз ча? гаамавид̇аггам̣, б̣яаабаад̣̇авид̇аггам̣, вихим̣саавид̇аггам̣, гаамасан̃н̃ам̣, б̣яаабаад̣̇асан̃н̃ам̣, вихим̣саасан̃н̃ам̣ – имз ко, бхигкавз, ча д̇хаммз аббахааяа абхаб̣б̣о батамам̣ жхаанам̣ убасамбаж̇ж̇а вихарид̇ум̣.
‘‘ча, бхигкавз, д̇хаммз бахааяа бхаб̣б̣о батамам̣ жхаанам̣ убасамбаж̇ж̇а вихарид̇ум̣. гад̇амз ча? гаамавид̇аггам̣, б̣яаабаад̣̇авид̇аггам̣, вихим̣саавид̇аггам̣, гаамасан̃н̃ам̣, б̣яаабаад̣̇асан̃н̃ам̣, вихим̣саасан̃н̃ам̣ – имз ко, бхигкавз, ча д̇хаммз бахааяа бхаб̣б̣о батамам̣ жхаанам̣ убасамбаж̇ж̇а вихарид̇у’’нд̇и. д̣̇асамам̣.
д̣̇звад̇ааваг̇г̇о сад̇д̇амо. д̣̇уд̇ияо (сяаа. га.)
д̇ассуд̣̇д̣̇аанам̣ –
анааг̇аами арахам̣ мид̇д̇аа, сан̇г̇ан̣игаараамад̣̇звад̇аа;
самаад̇хи сагкибхаб̣б̣ам̣ б̣алам̣, д̇аж̇жхаанаа абарз д̣̇увзд̇и.