3. ануд̇д̇арияаваг̇г̇о
1-2. саамагасуд̇д̇аад̣̇иван̣н̣анаа
21-22. д̇ад̇ияасса гзвалагаббанд̇и зд̇т̇а гзвала-сад̣̇д̣̇о анавасзсад̇т̇о, габба-сад̣̇д̣̇о саманд̇абхаавад̇т̇о. д̇асмаа гзвалагаббам̣ богкаран̣ияанд̇и звамад̇т̇о д̣̇адтаб̣б̣о. анавасзсам̣ парид̇ум̣ самад̇т̇ассаби обхаасасса гзнажи гааран̣зна згад̣̇зсапаран̣амби сияаа, аяам̣ бана саб̣б̣асова парад̇ийд̇и д̣̇ассзд̇ум̣ саманд̇ад̇т̇о габба-сад̣̇д̣̇о г̇ахид̇о. ад̇д̇ано обхаасзна парид̇ваад̇и вад̇т̇аалан̇гаарасарийрасамудтид̇зна обхаасзна парид̇ваа, жанд̣̇имаа саманун̃н̃од̇и саммад̣̇зва гад̇аманун̃н̃о. д̇знааха ‘‘самаанажид̇д̇о’’д̇и, самаанаж̇жхаасаяод̇и ад̇т̇о. д̣̇угкам̣ важо зд̇асминд̇и д̣̇уб̣б̣ажо, д̇асса гаммам̣ д̣̇оважассам̣, д̇асса буг̇г̇аласса анаад̣̇арияавасзна бавад̇д̇аа жзд̇анаа, д̇асса бхааво ад̇т̇ид̇аа д̣̇оважассад̇аа. ат̇а ваа д̣̇оважассамзва д̣̇оважассад̇аа. саа ад̇т̇ад̇о сан̇каарагканд̇хо ход̇и. жзд̇анаабад̇хаано хи сан̇каарагканд̇хо. жад̇уннам̣ ваа канд̇хаанам̣ абад̣̇агкин̣аг̇г̇аахид̇аагаарзна бавад̇д̇аанам̣ зд̇ам̣ ад̇хиважананд̇и вад̣̇анд̇и. баабаа ассад̣̇д̇хаад̣̇аяо буг̇г̇алаа зд̇асса мид̇д̇аад̇и баабамид̇д̇о, д̇асса бхааво баабамид̇д̇ад̇аа. сааби ад̇т̇ад̇о д̣̇оважассад̇аа вияа д̣̇адтаб̣б̣аа. яааяа хи жзд̇анааяа буг̇г̇ало баабамид̇д̇о баабасамбаван̇го наама ход̇и, саа жзд̇анаа баабамид̇д̇ад̇аа. жад̇д̇аароби ваа аруубино канд̇хаа д̇ад̣̇аагаараббавад̇д̇аа баабамид̇д̇ад̇аа. д̣̇уд̇ияам̣ уд̇д̇аанамзва.
саамагасуд̇д̇аад̣̇иван̣н̣анаа нидтид̇аа.
3. бхаяасуд̇д̇аван̣н̣анаа
23. д̇ад̇ияз самбхавад̇и ж̇аад̇имаран̣ам̣ зд̇знаад̇и самбхаво, убаад̣̇аананд̇и ааха ‘‘ж̇аад̇ияаа жа маран̣асса жа самбхавз бажжаяабхууд̇з’’д̇и. анубаад̣̇аад̇и анубаад̣̇ааяа. д̇знааха ‘‘анубаад̣̇ияид̇ваа’’д̇и. ж̇аад̇имаран̣аани саммаа кийяанд̇и зд̇т̇аад̇и ж̇аад̇имаран̣асан̇каяо, ниб̣б̣аананд̇и ааха ‘‘ж̇аад̇имаран̣аанам̣ сан̇каяасан̇каад̇з ниб̣б̣аанз’’д̇и. саб̣б̣ад̣̇угкам̣ убажжаг̇унд̇и сагаламби ваддад̣̇угкам̣ ад̇игганд̇аа жаримажид̇д̇анирод̇хзна ваддад̣̇угкалзсассаби асамбхавад̇о.
бхаяасуд̇д̇аван̣н̣анаа нидтид̇аа.
4. химаванд̇асуд̇д̇аван̣н̣анаа
24. жад̇уд̇т̇з самаабад̇д̇игусало ход̇ийд̇и самаабаж̇ж̇анагусало ход̇и. д̇знааха ‘‘самаабаж̇ж̇ид̇ум̣ гусало’’д̇и. д̇ад̇т̇а анд̇ог̇ад̇ахзд̇уад̇т̇о тид̇и-сад̣̇д̣̇о, д̇асмаа табанагусалод̇и ад̇т̇од̇и ааха ‘‘самаад̇хим̣ табзд̇ум̣ саггод̇ийд̇и ад̇т̇о’’д̇и. д̇ад̇т̇а табзд̇ум̣ саггод̇ийд̇и сад̇д̇адтаажчараамад̇д̇ам̣ яат̇аабарижчзд̣̇знаад̇и яат̇аабарижчиннагаалзна. вудтаад̇ум̣ саггод̇и вудтаанавасибхаавасса нибпаад̣̇ид̇ад̇д̇аа. галлам̣ сан̃ж̇аад̇ам̣ ассаад̇и галлид̇ам̣, д̇асмим̣ галлид̇з галлид̇абхаавз гусало галлид̇агусало. хаасзд̇ум̣ д̇осзд̇ум̣ самбахам̣сзд̇ум̣. галлам̣ гаад̇унд̇и самаад̇хаанасса бадибагкад̇хаммаанам̣ д̣̇уурийгаран̣зна сахагаарийгааран̣аанан̃жа самаббад̇хаанзна самаабаж̇ж̇анз жид̇д̇ам̣ самад̇т̇ам̣ гаад̇ум̣. самаад̇хисса г̇ожарагусалод̇и самаад̇хисмим̣ нибпаад̣̇зд̇аб̣б̣з д̇асса г̇ожарз гаммадтаанасан̃н̃ид̇з бавад̇д̇идтаанз бхигкаажаараг̇ожарз сад̇исамбаж̇ан̃н̃аяог̇ад̇о гусало чзго. д̇знааха ‘‘самаад̇хисса асаббааяз анубагаарагз д̇хаммз важ̇ж̇зд̇ваа’’д̇иаад̣̇и. батамаж̇жхаанаад̣̇исамаад̇хим̣ абхинийхарид̇унд̇и батамаж̇жхаанаад̣̇исамаад̇хим̣ висзсабхааг̇ияад̇ааяа абхинийхарид̇ум̣ убанзд̇ум̣.
химаванд̇асуд̇д̇аван̣н̣анаа нидтид̇аа.
5. ануссад̇идтаанасуд̇д̇аван̣н̣анаа
25. бан̃жамз ануссад̇игааран̣аанийд̇и ануссад̇ияо зва д̣̇идтад̇хаммигасамбарааяигаад̣̇ихид̇асукаанам̣ хзд̇убхаавад̇о гааран̣аани. нигканд̇анд̇и ниссадам̣. муд̇д̇анд̇и виссадтам̣. вудтид̇анд̇и абзд̇ам̣. саб̣б̣амзд̇ам̣ вигкамбханамзва санд̇хааяа вад̣̇ад̇и. г̇зд̇хамхаад̇и бан̃жагаамаг̇ун̣ад̇о. ид̣̇амбийд̇и б̣уд̣̇д̇хаануссад̇ивасзна лад̣̇д̇хам̣ убажаараж̇жхаанамааха. аарамман̣ам̣ гарид̇ваад̇и бажжаяам̣ гарид̇ваа, баад̣̇агам̣ гад̇ваад̇и ад̇т̇о.
ануссад̇идтаанасуд̇д̇аван̣н̣анаа нидтид̇аа.
6. махаагажжаанасуд̇д̇аван̣н̣анаа
26. чадтз самб̣аад̇хзд̇и ваа д̇ан̣хаасам̣гилзсаад̣̇ийнам̣ самбийл̣з сан̇гарз гхарааваасз. огаасаа вужжанд̇ийд̇и маг̇г̇апаласукаад̇хиг̇амааяа огаасабхаавад̇о огаасаад̇и вужжанд̇и. огаасаад̇хиг̇амод̇и логуд̇д̇арад̇хаммасса висуж̇жханад̇т̇ааяаад̇и рааг̇аад̣̇ийхи малзхи абхиж̇жхаависамалобхаад̣̇ийхи ‘‘согабарид̣̇зваанам̣ самад̇иггамааяаа’’д̇иаад̣̇и. д̇ад̇т̇а сожанам̣ н̃аад̇иб̣яасанаад̣̇инимид̇д̇ам̣ жзд̇асо санд̇аабо анд̇од̇аабо анд̇ониж̇жхаанам̣ сого, н̃аад̇иб̣яасанаад̣̇инимид̇д̇амзва сожигад̇аа. ‘‘гахам̣ згабуд̇д̇агаа’’д̇иаад̣̇инаа (ма. ни. 2.353-354; сам̣. ни. 2.63) барид̣̇званавасзна лабанам̣ барид̣̇зво. самад̇иггаманад̇т̇ааяаад̇и бахаанааяа. ааяад̇им̣ ануббаж̇ж̇анан̃хи ид̇ха самад̇иггамо. д̣̇угкад̣̇оманассаанам̣ ад̇т̇ан̇г̇амааяаад̇и гааяигад̣̇угкасса жа жзд̇асигад̣̇оманассасса жаад̇и имзсам̣ д̣̇виннам̣ ад̇т̇ан̇г̇амааяа, нирод̇хааяаад̇и ад̇т̇о. н̃ааяад̇и нижчаязна гамад̇и ниб̣б̣аанам̣, д̇ам̣ ваа н̃ааяад̇и бадивиж̇жхад̇и зд̇знаад̇и н̃ааяо, арияамаг̇г̇о. ид̇ха бана саха буб̣б̣абхааг̇зна арияамаг̇г̇о г̇ахид̇од̇и ааха ‘‘сахавибассанагасса маг̇г̇асса ад̇хиг̇аманад̇т̇ааяаа’’д̇и. абажжаяабариниб̣б̣аанассаад̇и анубаад̣̇исзсаниб̣б̣аанам̣ санд̇хааяа вад̣̇ад̇и. бажжаяавасзна ануббаннам̣ асан̇кад̇ам̣ амад̇ад̇хаад̇умзва. сзсамзд̇т̇а уд̇д̇аанамзва.
махаагажжаанасуд̇д̇аван̣н̣анаа нидтид̇аа.
7. батамасамаяасуд̇д̇аван̣н̣анаа
27. сад̇д̇амз вад̣дхзд̇ийд̇и манасо вивадданиссид̇ам̣ вад̣дхим̣ аавахад̇и. манобхааванийяод̇и ваа манасаа бхаавид̇о самбхаавид̇о. яан̃жа ааваж̇ж̇ад̇о манаси гарод̇о жид̇д̇ам̣ винийваран̣ам̣ ход̇и. имасмим̣ багкз гаммасаад̇хано самбхааванад̇т̇о бхааванийяа-сад̣̇д̣̇о. ‘‘т̇инамид̣̇д̇хавинод̣̇анагаммадтаана’’нд̇и вад̇ваа д̇ад̣̇зва вибхаавзнд̇о ‘‘аалогасан̃н̃ам̣ ваа’’д̇иаад̣̇имааха. вийрияаарамбхавад̇т̇уаад̣̇ийнам̣ ваад̇и зд̇т̇а аад̣̇и-сад̣̇д̣̇зна ид̇ха авуд̇д̇аанам̣ ад̇ибхож̇анз нимид̇д̇аг̇г̇аахаад̣̇ийнам̣ сан̇г̇ахо д̣̇адтаб̣б̣о. вуд̇д̇ан̃хзд̇ам̣ ‘‘ча д̇хаммаа т̇инамид̣̇д̇хасса бахаанааяа сам̣вад̇д̇анд̇и ад̇ибхож̇анз нимид̇д̇аг̇г̇аахо, ирияаабат̇асамбаривад̇д̇анад̇аа, аалогасан̃н̃ааманасигааро, аб̣бхогаасаваасо, галяаан̣амид̇д̇ад̇аа, саббааяагат̇аа’’д̇и (ид̇иву. адта. 111). анд̇арааяасад̣̇д̣̇абарияааяо ид̇ха анд̇араа-сад̣̇д̣̇од̇и ааха ‘‘ананд̇арааязнаа’’д̇и.
батамасамаяасуд̇д̇аван̣н̣анаа нидтид̇аа.
8. д̣̇уд̇ияасамаяасуд̇д̇аван̣н̣анаа
28. адтамз ман̣д̣аламаал̣аад̇и ад̇хиббзд̇аад̇и ааха ‘‘бхож̇анасаалааяаа’’д̇и. сзсамзд̇т̇а сувин̃н̃зяяамзва.
д̣̇уд̇ияасамаяасуд̇д̇аван̣н̣анаа нидтид̇аа.
9. уд̣̇ааяийсуд̇д̇аван̣н̣анаа
29. навамз д̣̇идтад̇хаммо вужжад̇и бажжагко ад̇д̇абхаавод̇и ааха ‘‘имасмим̣язва ад̇д̇абхаавз’’д̇и. сукавихаарад̇т̇ааяаад̇и ниггилзсад̇ааяа нираамисзна сукзна вихаарад̇т̇ааяа. аалогасан̃н̃ам̣ манаси гарод̇ийд̇и суурияажанд̣̇абаж̇ж̇од̇аман̣иуггаавиж̇ж̇уаад̣̇ийнам̣ аалого д̣̇иваа рад̇д̇ин̃жа убалад̣̇д̇хо, яат̇аалад̣̇д̇хавасзнзва аалогам̣ манаси гарод̇и, жид̇д̇з табзд̇и. д̇ат̇аа жа нам̣ манаси гарод̇и, яат̇аасса субхаавид̇аалогагасин̣асса вияа гасин̣аалого яат̇ижчагам̣ яаавад̣̇ижчаган̃жа со аалого рад̇д̇ияам̣ убад̇идтад̇и. язна д̇ад̇т̇а д̣̇иваасан̃н̃ам̣ табзд̇и, д̣̇иваарива виг̇ад̇ат̇инамид̣̇д̇хо ход̇и. д̇знааха ‘‘яат̇аа д̣̇иваа д̇ат̇аа рад̇д̇и’’нд̇и. д̣̇иваад̇и сан̃н̃ам̣ табзд̇ийд̇и вуд̇д̇анаязна манаси гад̇ваа д̣̇иваарива сан̃н̃ам̣ уббаад̣̇зд̇и. яат̇аанзна д̣̇иваа…бз… д̇ат̇зва д̇ам̣ манаси гарод̇ийд̇и яат̇аанзна д̣̇иваа убалад̣̇д̇хо суурияаалого, звам̣ рад̇д̇имби д̣̇иваа д̣̇идтаагаарзнзва д̇ам̣ аалогам̣ манаси гарод̇и. яат̇аа жанзна рад̇д̇им̣…бз… манаси гарод̇ийд̇и яат̇аа рад̇д̇ияам̣ жанд̣̇аалого убалад̣̇д̇хо, звам̣ д̣̇ивааби рад̇д̇им̣ д̣̇идтаагаарзнзва д̇ам̣ аалогам̣ манаси гарод̇и, жид̇д̇з табзд̇и. вивадзнаад̇и т̇инамид̣̇д̇хзна абихид̇ад̇д̇аа вивадзна. анонад̣̇д̇хзнаад̇и асан̃чаад̣̇ид̇зна. сахобхаасаганд̇и сан̃н̃аан̣обхаасам̣. д̣̇иб̣б̣ажагкун̃аан̣ам̣ руубаг̇ад̇асса д̣̇иб̣б̣асса ид̇арасса жа д̣̇ассанадтзна ид̇ха н̃аан̣ад̣̇ассананд̇и ад̇хиббзд̇анд̇и ааха ‘‘д̣̇иб̣б̣ажагкусан̇каад̇ассаа’’д̇иаад̣̇и.
уд̣̇д̇хам̣ ж̇ийвид̇абарияаад̣̇аанаад̇и ж̇ийвид̇агкаяад̇о убари маран̣ад̇о барам̣. самуг̇г̇ад̇знаад̇и удтид̇зна. д̇хумаад̇ад̇д̇аад̇и уд̣̇д̇хам̣ уд̣̇д̇хам̣ д̇хумаад̇ад̇д̇аа суунад̇д̇аа винийлаганд̇и га-гаарзна бад̣̇авад̣дханамааха анад̇т̇анд̇арад̇о яат̇аа ‘‘бийд̇агам̣ лохид̇ага’’нд̇и. бадигуулад̇д̇аад̇и ж̇иг̇ужчанийяад̇д̇аа. гужчид̇ам̣ винийлам̣ винийлаганд̇и гужчанад̇т̇о ваа аяам̣ га-гаарод̇и д̣̇ассзд̇ум̣ вуд̇д̇ам̣ яат̇аа ‘‘баабаго гид̇д̇исад̣̇д̣̇о аб̣бхуг̇г̇ажчад̇ий’’д̇и (д̣̇ий. ни. 3.316; а. ни. 5.213). барибхиннадтаанзхи гаагад̇хан̇гаад̣̇ийхи виссанд̣̇амаанам̣ буб̣б̣анд̇и виссаванд̇абуб̣б̣ам̣, д̇ахам̣ д̇ахам̣ баг̇гхаранд̇абуб̣б̣анд̇и ад̇т̇о. д̇ат̇аабхааванд̇и виссанд̣̇амаанабуб̣б̣ад̇ам̣.
со бхигкууд̇и яо ‘‘бассзяяа сарийрам̣ сийват̇игааяа чад̣д̣ид̇а’’нд̇и вуд̇д̇о, со бхигку. убасам̣харад̇и сад̣̇исад̇ам̣. аяамби код̇иаад̣̇и убасам̣харан̣аагаарад̣̇ассанам̣. ааяууд̇и руубаж̇ийвид̇инд̣̇рияам̣. аруубаж̇ийвид̇инд̣̇рияам̣ банзд̇т̇а вин̃н̃аан̣аг̇ад̇игамзва. усмаад̇и гаммаж̇ад̇зж̇о. звам̣бууд̇игасабхаавод̇и звам̣ ад̇ивияа бууд̇исабхааво ааяуаад̣̇ивиг̇амз вияаад̇и ад̇хиббааяо. зд̣̇исо бхависсад̇ийд̇и звам̣бхаавийд̇и ааха ‘‘звамзвам̣ уд̣̇д̇хумаад̇аад̣̇ибхзд̣̇о бхависсад̇ий’’д̇и.
лун̃жид̇ваа лун̃жид̇ваад̇и уббаадзд̇ваа уббаадзд̇ваа. сзсаавасзсамам̣салохид̇аяуд̇д̇анд̇и саб̣б̣асо агкаад̣̇ид̇ад̇д̇аа д̇ахам̣ д̇ахам̣ сзсзна аббаавасзсзна мам̣салохид̇зна яуд̇д̇ам̣. ан̃н̃зна хад̇т̇адтиганд̇и ависзсзна хад̇т̇адтигаанам̣ виббагин̣н̣ад̇аа ж̇од̇ид̇аад̇и анавасзсад̇о д̇зсам̣ виббагин̣н̣ад̇ам̣ д̣̇ассзнд̇о ‘‘жад̇усадтибхзд̣̇амбий’’д̇иаад̣̇имааха. д̇зровассигаанийд̇и д̇ировассаг̇ад̇аани. д̇аани бана сам̣важчарам̣ вийд̇ивад̇д̇аани хонд̇ийд̇и ааха ‘‘ад̇игганд̇асам̣важчарааний’’д̇и. бураан̣ад̇ааяа гханабхаававиг̇амзна вижун̣н̣ад̇аа ид̇ха бууд̇ибхааво. со яат̇аа ход̇и, д̇ам̣ д̣̇ассзнд̇о ‘‘аб̣бхогаасз’’д̇иаад̣̇имааха. анзгад̇хаад̇уунанд̇и жагкуд̇хаад̇уаад̣̇ийнам̣, гаамад̇хаад̇уаад̣̇ийнам̣ ваа. сад̇ияаа жа н̃аан̣асса жа ад̇т̇ааяаад̇и ‘‘абхигганд̇з бадигганд̇з самбаж̇аанагаарий ход̇ий’’д̇иаад̣̇инаа (д̣̇ий. ни. 1.214; 2.376; ма. ни. 1.109) вуд̇д̇ааяа сад̇д̇адтаанигааяа сад̇ияаа жзва д̇ам̣самбаяуд̇д̇ан̃аан̣асса жа ад̇т̇ааяа.
уд̣̇ааяийсуд̇д̇аван̣н̣анаа нидтид̇аа.
10. ануд̇д̇арияасуд̇д̇аван̣н̣анаа
30. д̣̇асамз нихийнанд̇и лаамагам̣, гилидтам̣ ваа. г̇аамаваасигаананд̇и б̣аалаанам̣. бут̇уж̇ж̇анаанам̣ ид̣̇анд̇и бот̇уж̇ж̇анигам̣. д̇знааха ‘‘бут̇уж̇ж̇анаанам̣ санд̇ага’’нд̇и, бут̇уж̇ж̇анзхи сзвид̇аб̣б̣ад̇д̇аа д̇зсам̣ санд̇аганд̇и вуд̇д̇ам̣ ход̇и. анарияанд̇и на нид̣̇д̣̇осам̣. нид̣̇д̣̇осадто хи арияадто. д̇знааха ‘‘на уд̇д̇амам̣ на барисуд̣̇д̇ха’’нд̇и. ариязхи ваа на сзвид̇аб̣б̣анд̇и анарияам̣. анад̇т̇асам̣хид̇анд̇и д̣̇идтад̇хаммигасамбарааяигаад̣̇ививид̇хавибулаанад̇т̇асахид̇ам̣. д̇аад̣̇исан̃жа ад̇т̇асанниссид̇ам̣ на ход̇ийд̇и ааха ‘‘на ад̇т̇асанниссид̇а’’нд̇и. на ваддз ниб̣б̣инд̣̇анад̇т̇ааяаад̇и жад̇усажжагаммадтаанаабхаавад̇о. асад̇и бана ваддз ниб̣б̣ид̣̇ааяа вирааг̇аад̣̇ийнам̣ асамбхавоязваад̇и ааха ‘‘на вирааг̇ааяаа’’д̇иаад̣̇и.
ануд̇д̇амам̣ ануд̇д̇арияанд̇и ааха ‘‘зд̇ам̣ ануд̇д̇ара’’нд̇и. хад̇т̇исминд̇и нимид̇д̇ад̇т̇з бхумманд̇и ааха ‘‘хад̇т̇инимид̇д̇ам̣ сигкид̇аб̣б̣а’’нд̇и. хад̇т̇ивисаяад̇д̇аа хад̇т̇исанниссид̇ад̇д̇аа жа хад̇т̇исиббам̣ ‘‘хад̇т̇ий’’д̇и г̇ахзд̇ваа ‘‘хад̇т̇исмимби сигкад̇ий’’д̇и вуд̇д̇ам̣. д̇асмаа хад̇т̇исиббз сигкад̇ийд̇и звамзд̇т̇а ад̇т̇о д̣̇адтаб̣б̣о. сзсабад̣̇зсуби зсзва наяо.
лин̇г̇аб̣яад̇д̇аязна вибхад̇д̇иб̣яад̇д̇аязна баарижариязд̇и вуд̇д̇анд̇и ааха ‘‘баарижарияааяа бажжубадтид̇аа’’д̇и. сзсамзд̇т̇а сувин̃н̃зяяамзва.
ануд̇д̇арияасуд̇д̇аван̣н̣анаа нидтид̇аа.
ануд̇д̇арияаваг̇г̇аван̣н̣анаа нидтид̇аа.