4. д̣̇звад̇ааваг̇г̇о
1-4. сзкасуд̇д̇аад̣̇иван̣н̣анаа
31-34. жад̇уд̇т̇асса батамз сзкаанам̣ бадилад̣̇д̇хаг̇ун̣асса барихаани наама над̇т̇ийд̇и ааха ‘‘убаруубариг̇ун̣абарихаанааяаа’’д̇и, убаруубарилад̣̇д̇хаб̣б̣аанам̣ маг̇г̇апалаанам̣ барихаанааяа ануббаад̣̇ааяаад̇и ад̇т̇о. д̇ад̇ияаад̣̇ийни уд̇д̇аанад̇т̇аанзва.
сзкасуд̇д̇аад̣̇иван̣н̣анаа нидтид̇аа.
5. виж̇ж̇аабхааг̇ияасуд̇д̇аван̣н̣анаа
35. бан̃жамз виж̇ж̇аабхааг̇ияаа. ат̇а ваа виж̇ж̇аабхааг̇з виж̇ж̇аагодтаасз вад̇д̇анд̇и виж̇ж̇аасабхааг̇ад̇ааяа д̇ад̣̇згад̣̇зсз виж̇ж̇аагодтаасз бавад̇д̇анд̇ийд̇и виж̇ж̇аабхааг̇ияаа. д̇ад̇т̇а вибассанаан̃аан̣ам̣, маномаяид̣̇д̇хи, ча абхин̃н̃аад̇и адта виж̇ж̇аа. буримзна ад̇т̇зна д̇аахи самбаяуд̇д̇ад̇хаммаа виж̇ж̇аабхааг̇ияаа. бажчимзна ад̇т̇зна д̇аасу яаа гаажи згаава виж̇ж̇аа анижжаанубассанаан̃аан̣зд̇и анижжаанубассанаан̃аан̣з ниссаяабажжаяабхууд̇з уббаннасан̃н̃аа, д̇зна сахаг̇ад̇аад̇и ад̇т̇о. сзсзсуби зсзва наяо.
виж̇ж̇аабхааг̇ияасуд̇д̇аван̣н̣анаа нидтид̇аа.
6. виваад̣̇амууласуд̇д̇аван̣н̣анаа
36. чадтз год̇ханод̇и гуж̇жханасийло. яасмаа со аббахийнагод̇хад̇ааяа ад̇хиг̇ад̇агод̇хо наама ход̇и, д̇асмаа ‘‘год̇хзна саманнааг̇ад̇о’’д̇и ааха. убанаахо зд̇асса ад̇т̇ийд̇и убанаахий, убанаяханасийлод̇и ваа убанаахий. виваад̣̇о наама уббаж̇ж̇амаано язбхуяязна батамам̣ д̣̇виннам̣ васзна уббаж̇ж̇ад̇ийд̇и вуд̇д̇ам̣ ‘‘д̣̇виннам̣ бхигкуунам̣ виваад̣̇о’’д̇и. со бана яат̇аа б̣ахуунам̣ анад̇т̇аавахо ход̇и, д̇ам̣ нид̣̇ассанамукзна нид̣̇ассзнд̇о ‘‘гат̇а’’нд̇иаад̣̇имааха. аб̣бханд̇арабарисааяаад̇и барисаб̣бханд̇арз.
г̇ун̣амагканааяа бавад̇д̇оби ад̇д̇ано гаарагам̣ г̇уут̇зна бахаранд̇им̣ г̇уут̇о вияа батамад̇арам̣ магкзд̇ийд̇и магко, со зд̇асса ад̇т̇ийд̇и магкий. бал̣аасад̇ийд̇и бал̣аасо, барасса г̇ун̣з д̣ам̣сид̇ваа вияа абанзд̇ийд̇и ад̇т̇о. со зд̇асса ад̇т̇ийд̇и бал̣аасий. бал̣аасий буг̇г̇ало хи д̣̇уд̇ияасса д̇хурам̣ на д̣̇зд̇и, самам̣ харид̇ваа ад̇ивад̣̇ад̇и. д̇знааха ‘‘яуг̇аг̇г̇аахалагкан̣зна бал̣аасзна саманнааг̇ад̇о’’д̇и. иссад̇ийд̇и иссугий. мажчарааяад̇ийд̇и мажчарам̣, д̇ам̣ зд̇асса ад̇т̇ийд̇и мажчарий. сатаяад̇и на саммаа бхаасад̇ийд̇и сато ан̃н̃ат̇аа санд̇ам̣ ад̇д̇аанам̣ ан̃н̃ат̇аа бавзд̣̇анад̇о. мааяаа зд̇асса ад̇т̇ий мааяаавий. мижчаа баабигаа вин̃н̃уг̇арахид̇аа зд̇асса д̣̇идтийд̇и мижчаад̣̇идти, гаммабат̇абарияаабаннааяа ‘‘над̇т̇и д̣̇инна’’нд̇иаад̣̇ивад̇т̇угааяа мижчад̇д̇абарияаабаннааяа анияяаанигааяа д̣̇идтияаа саманнааг̇ад̇од̇и ад̇т̇о. д̇знааха ‘‘над̇т̇игаваад̣̇ий’’д̇иаад̣̇и.
сам̣ ад̇д̇ано д̣̇идтим̣, саяам̣ ваа ад̇д̇анаа яат̇ааг̇ахид̇ам̣ бараамасад̇и, сабхаавам̣ ад̇иггамид̇ваа барад̇о аамасад̇ийд̇и санд̣̇идтийбараамаасий. аад̇хаанам̣ д̣̇ал̣хам̣ г̇ан̣хаад̇ийд̇и аад̇хаанаг̇г̇аахий, д̣̇ал̣хаг̇г̇аахий, ‘‘ид̣̇амзва сажжа’’нд̇и т̇ираг̇г̇аахийд̇и ад̇т̇о. яуд̇д̇ам̣ гааран̣ам̣ д̣̇исваава лад̣̇д̇хим̣ бадиниссаж̇ж̇ад̇ийд̇и бадиниссаг̇г̇ий, д̣̇угкзна гижчзна гасирзна б̣ахумби гааран̣ам̣ д̣̇ассзд̇ваа на саггаа бадиниссаг̇г̇ам̣ гаад̇унд̇и д̣̇уббадиниссаг̇г̇ий. яо ад̇д̇ано уббаннад̣̇идтим̣ ‘‘ид̣̇амзва сажжа’’нд̇и д̣̇ал̣хам̣ г̇ан̣хид̇ваа аби б̣уд̣̇д̇хаад̣̇ийхи гааран̣ам̣ д̣̇ассзд̇ваа вужжамаано на бадиниссаж̇ж̇ад̇и. д̇ассзд̇ам̣ ад̇хиважанам̣. д̇аад̣̇исо хи буг̇г̇ало яам̣ яад̣̇зва д̇хаммам̣ ваа ад̇хаммам̣ ваа сун̣аад̇и, д̇ам̣ саб̣б̣ам̣ ‘‘звам̣ амхаагам̣ аажариязхи гат̇ид̇ам̣, звам̣ амхзхи суд̇а’’нд̇и гуммова ан̇г̇аани сагз габаалз анд̇оязва самод̣̇ахад̇и. яат̇аа хи гажчабо ад̇д̇ано хад̇т̇абаад̣̇аад̣̇игз ан̇г̇з гзнажи гхадид̇з саб̣б̣аани ан̇г̇аани ад̇д̇ано габаалзязва самод̣̇ахад̇и, на б̣ахи нийхарад̇и, звамаяамби ‘‘на сунд̣̇аро д̇ава г̇аахо, чад̣д̣зхи на’’нд̇и вуд̇д̇о д̇ам̣ на виссаж̇ж̇ад̇и, анд̇оязва ад̇д̇ано хад̣̇аяз зва табзд̇ваа вижарад̇и, гумбхийлаг̇г̇аахам̣ г̇ан̣хаад̇и. яат̇аа сусумаараа г̇ахид̇ам̣ на бадиниссаж̇ж̇анд̇и, звам̣ г̇ан̣хаад̇и.
виваад̣̇амууласуд̇д̇аван̣н̣анаа нидтид̇аа.
7. чал̣ан̇г̇ад̣̇аанасуд̇д̇аван̣н̣анаа
37. сад̇д̇амз д̣̇агканд̇и вад̣дханд̇и зд̇ааяаад̇и д̣̇агкин̣аа, барижжааг̇амаяам̣ бун̃н̃ам̣, д̇ассуубагаран̣абхууд̇о д̣̇зяяад̇хаммо жа. ид̇ха бана д̣̇зяяад̇хаммо ад̇хиббзд̇о. д̇знзвааха ‘‘д̣̇агкин̣ам̣ бад̇идтаабзд̇ий’’д̇и. ид̇о удтид̇знаад̇и ид̇о кзд̇д̇ад̇о уббаннзна. рааг̇о винаяад̇и зд̇знаад̇и рааг̇авинаяо, рааг̇асса самужчзд̣̇игаа бадибад̣̇аа. д̇знааха ‘‘рааг̇авинаяабадибад̣̇ам̣ бадибаннаа’’д̇и.
‘‘буб̣б̣зва д̣̇аанаа сумано’’д̇иаад̣̇иг̇аат̇ааяа буб̣б̣зва д̣̇аанаа мун̃жажзд̇анааяа буб̣б̣з д̣̇аануубагаран̣асамбхаран̣ад̇о бадтааяа сумано ‘‘самбад̇д̇ийнам̣ нид̣̇аанам̣ ануг̇аамигад̣̇аанам̣ д̣̇ад̣̇ам̣ жид̇д̇ам̣ басаад̣̇аязд̇и д̣̇ад̣̇анд̇о д̣̇зяяад̇хаммам̣ д̣̇агкин̣зяяахад̇т̇з бад̇идтаабзнд̇о ‘‘асаарад̇о д̇ханад̇о саараад̣̇аанам̣ гаромий’’д̇и ад̇д̇ано жид̇д̇ам̣ басаад̣̇зяяа. д̣̇ад̇ваа ад̇д̇амано ход̇ийд̇и д̣̇агкин̣зяяаанам̣ д̣̇зяяад̇хаммам̣ барижжаж̇ид̇ваа ‘‘бан̣д̣ид̇абан̃н̃ад̇д̇ам̣ наама маяаа анудтид̇ам̣, ахо саад̇ху судтуу’’д̇и ад̇д̇амано бамуд̣̇ид̇о бийд̇исоманассаж̇аад̇о ход̇и. зсаад̇и яаа аяам̣ буб̣б̣ажзд̇анаа мун̃жажзд̇анаа абаражзд̇анаад̇и имаасам̣ гаммапалаанам̣ сад̣̇д̇хаануг̇ад̇аанам̣ соманассабариг̇г̇ахид̇аанам̣ д̇ивид̇хаанам̣ жзд̇анаанам̣ баарибуурий, зсаа.
сийласан̃н̃амзнаад̇и гааяигаваажасигасам̣варзна. хад̇т̇абаад̣̇зд̇и д̣̇агкин̣зяяаанам̣ хад̇т̇абаад̣̇з. мукам̣ вигкаалзд̇ваад̇и д̇зсам̣язва мукам̣ вигкаалзд̇ваа, ад̇д̇анаава мукод̣̇агам̣ д̣̇ад̇ваад̇и ад̇хиббааяо.
чал̣ан̇г̇ад̣̇аанасуд̇д̇аван̣н̣анаа нидтид̇аа.
8-11. ад̇д̇агаарийсуд̇д̇аад̣̇иван̣н̣анаа
38-41. адтамз ‘‘аарамбхад̇хаад̇ууд̇и аарабханавасзна бавад̇д̇авийрияа’’нд̇и. лад̣̇д̇хаасзванам̣ вийрияам̣ б̣алаббад̇д̇ам̣ худ̇ваа бадибагкз вид̇хамад̇ийд̇и ааха ‘‘ниггамад̇хаад̇ууд̇и госаж̇ж̇ад̇о нигкаманасабхаавам̣ вийрияа’’нд̇и. бараггаманасабхаавод̇и ад̇химад̇д̇ад̇араанам̣ бадибагкад̇хаммаанам̣ вид̇хаманасамад̇т̇ад̇ааяа бадубадуд̇арабхаавзна барам̣ барам̣ таанам̣ аггаманасабхааво. навамаад̣̇ийсу над̇т̇и вад̇д̇аб̣б̣ам̣.
ад̇д̇агаарийсуд̇д̇аад̣̇иван̣н̣анаа нидтид̇аа.
12. нааг̇ид̇асуд̇д̇аван̣н̣анаа
42. д̣̇ваад̣̇асамз маахам̣ нааг̇ид̇а яасзна самааг̇аманд̇и маа ахам̣ яасзна самааг̇аманам̣ бад̇т̇зми. маа жа маяаа яасод̇и яасо жа маяаа маа самааг̇ажчад̇ууд̇и бан̃жахи вимуд̇д̇ийхийд̇и д̇ад̣̇ан̇г̇авимуд̇д̇иаад̣̇ийхи бан̃жахи вимуд̇д̇ийхи. сзсамзд̇т̇а уд̇д̇аанамзва.
нааг̇ид̇асуд̇д̇аван̣н̣анаа нидтид̇аа.
д̣̇звад̇ааваг̇г̇аван̣н̣анаа нидтид̇аа.