4. д̣̇аанаваг̇г̇о
1. батамад̣̇аанасуд̇д̇ам̣
31. д̣̇ий. ни. 3.336 ‘‘адтимаани , бхигкавз, д̣̇аанаани. гад̇амаани адта? аасаж̇ж̇а д̣̇аанам̣ д̣̇зд̇и, бхаяаа д̣̇аанам̣ д̣̇зд̇и, ‘ад̣̇ааси мз’д̇и д̣̇аанам̣ д̣̇зд̇и, ‘д̣̇ассад̇и мз’д̇и д̣̇аанам̣ д̣̇зд̇и, ‘сааху д̣̇аана’нд̇и д̣̇аанам̣ д̣̇зд̇и, ‘ахам̣ бажаами, имз на бажанд̇и; наарахаами бажанд̇о абажанд̇аанам̣ д̣̇аанам̣ ад̣̇аад̇у’нд̇и д̣̇аанам̣ д̣̇зд̇и, ‘имам̣ мз д̣̇аанам̣ д̣̇ад̣̇ад̇о галяаан̣о гид̇д̇исад̣̇д̣̇о аб̣бхуг̇г̇ажчад̇ий’д̇и д̣̇аанам̣ д̣̇зд̇и, жид̇д̇аалан̇гааражид̇д̇абаригкаарад̇т̇ам̣ д̣̇аанам̣ д̣̇зд̇и. имаани ко, бхигкавз, адта д̣̇аанааний’’д̇и. батамам̣.
2. д̣̇уд̇ияад̣̇аанасуд̇д̇ам̣
32.
гат̇аа. 480 ‘‘сад̣̇д̇хаа хирияам̣ гусалан̃жа д̣̇аанам̣,
д̇хаммаа зд̇з саббурисаануяаад̇аа;
зд̇ан̃хи маг̇г̇ам̣ д̣̇ивияам̣ вад̣̇анд̇и,
зд̇зна хи г̇ажчад̇и д̣̇звалога’’нд̇и. д̣̇уд̇ияам̣;
3. д̣̇аанавад̇т̇усуд̇д̇ам̣
33. ‘‘адтимаани , бхигкавз, д̣̇аанавад̇т̇ууни. гад̇амаани адта? чанд̣̇аа д̣̇аанам̣ д̣̇зд̇и, д̣̇осаа д̣̇аанам̣ д̣̇зд̇и, мохаа д̣̇аанам̣ д̣̇зд̇и, бхаяаа д̣̇аанам̣ д̣̇зд̇и, ‘д̣̇иннабуб̣б̣ам̣ гад̇абуб̣б̣ам̣ бид̇убид̇аамахзхи, наарахаами бораан̣ам̣ гулавам̣сам̣ хаабзд̇у’нд̇и д̣̇аанам̣ д̣̇зд̇и, ‘имаахам̣ д̣̇аанам̣ д̣̇ад̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссаамий’д̇и д̣̇аанам̣ д̣̇зд̇и, ‘имам̣ мз д̣̇аанам̣ д̣̇ад̣̇ад̇о жид̇д̇ам̣ басийд̣̇ад̇и, ад̇д̇аманад̇аа соманассам̣ убаж̇ааяад̇ий’д̇и д̣̇аанам̣ д̣̇зд̇и, жид̇д̇аалан̇гааражид̇д̇абаригкаарад̇т̇ам̣ д̣̇аанам̣ д̣̇зд̇и. имаани ко, бхигкавз, адта д̣̇аанавад̇т̇ууний’’д̇и. д̇ад̇ияам̣.
4. кзд̇д̇асуд̇д̇ам̣
34. ‘‘адтан̇г̇асаманнааг̇ад̇з , бхигкавз, кзд̇д̇з б̣ийж̇ам̣ вуд̇д̇ам̣ на махабпалам̣ ход̇и на махассаад̣̇ам̣ на паад̇исзяяам̣ на паад̇исзяяанд̇и (сий. сяаа. га.), на паад̇исзяяаа (гад̇т̇ажи). гат̇ам̣ адтан̇г̇асаманнааг̇ад̇з? ид̇ха, бхигкавз, кзд̇д̇ам̣ уннааманиннаами жа ход̇и, баасаан̣асагкариган̃жа ход̇и, уусаран̃жа ход̇и, на жа г̇амбхийрасид̇ам̣ ход̇и, на ааяасамбаннам̣ ход̇и, на абааяасамбаннам̣ ход̇и, на маад̇игаасамбаннам̣ ход̇и, на марияаад̣̇асамбаннам̣ ход̇и. звам̣ адтан̇г̇асаманнааг̇ад̇з, бхигкавз, кзд̇д̇з б̣ийж̇ам̣ вуд̇д̇ам̣ на махабпалам̣ ход̇и на махассаад̣̇ам̣ на паад̇исзяяам̣.
‘‘звамзвам̣ ко, бхигкавз, адтан̇г̇асаманнааг̇ад̇зсу саман̣аб̣раахман̣зсу д̣̇аанам̣ д̣̇иннам̣ на махабпалам̣ ход̇и на махаанисам̣сам̣ на махааж̇уд̇игам̣ на махаавибпаарам̣. гат̇ам̣ адтан̇г̇асаманнааг̇ад̇зсу? ид̇ха, бхигкавз, саман̣аб̣раахман̣аа мижчаад̣̇идтигаа хонд̇и, мижчаасан̇габбаа, мижчааваажаа, мижчаагамманд̇аа, мижчааааж̇ийваа, мижчаавааяаамаа, мижчаасад̇ино, мижчаасамаад̇хино. звам̣ адтан̇г̇асаманнааг̇ад̇зсу, бхигкавз, саман̣аб̣раахман̣зсу д̣̇аанам̣ д̣̇иннам̣ на махабпалам̣ ход̇и на махаанисам̣сам̣ на махааж̇уд̇игам̣ на махаавибпаарам̣.
‘‘адтан̇г̇асаманнааг̇ад̇з, бхигкавз, кзд̇д̇з б̣ийж̇ам̣ вуд̇д̇ам̣ махабпалам̣ ход̇и махассаад̣̇ам̣ паад̇исзяяам̣. гат̇ам̣ адтан̇г̇асаманнааг̇ад̇з? ид̇ха, бхигкавз, кзд̇д̇ам̣ ануннаамааниннаами жа ход̇и, абаасаан̣асагкариган̃жа ход̇и, ануусаран̃жа ход̇и, г̇амбхийрасид̇ам̣ ход̇и, ааяасамбаннам̣ ход̇и, абааяасамбаннам̣ ход̇и, маад̇игаасамбаннам̣ ход̇и, марияаад̣̇асамбаннам̣ ход̇и. звам̣ адтан̇г̇асаманнааг̇ад̇з, бхигкавз, кзд̇д̇з б̣ийж̇ам̣ вуд̇д̇ам̣ махабпалам̣ ход̇и махассаад̣̇ам̣ паад̇исзяяам̣.
‘‘звамзвам̣ ко, бхигкавз, адтан̇г̇асаманнааг̇ад̇зсу саман̣аб̣раахман̣зсу д̣̇аанам̣ д̣̇иннам̣ махабпалам̣ ход̇и махаанисам̣сам̣ махааж̇уд̇игам̣ махаавибпаарам̣. гат̇ам̣ адтан̇г̇асаманнааг̇ад̇зсу? ид̇ха, бхигкавз, саман̣аб̣раахман̣аа саммаад̣̇идтигаа хонд̇и, саммаасан̇габбаа, саммааваажаа, саммаагамманд̇аа, саммааааж̇ийваа, саммаавааяаамаа, саммаасад̇ино, саммаасамаад̇хино. звам̣ адтан̇г̇асаманнааг̇ад̇зсу, бхигкавз, саман̣аб̣раахман̣зсу д̣̇аанам̣ д̣̇иннам̣ махабпалам̣ ход̇и махаанисам̣сам̣ махааж̇уд̇игам̣ махаавибпаара’’нд̇и.
‘‘яат̇ааби кзд̇д̇з самбаннз, бавуд̇д̇аа б̣ийж̇асамбад̣̇аа;
д̣̇звз самбаад̣̇аяанд̇амхи сан̃ж̇ааяанд̇амхи (га.), ход̇и д̇хан̃н̃асса самбад̣̇аа.
‘‘анийд̇исамбад̣̇аа ход̇и, вируул̣хий бхавад̇и самбад̣̇аа;
взбулласамбад̣̇аа ход̇и, палам̣ вз ход̇и самбад̣̇аа.
‘‘звам̣ самбаннасийлзсу, д̣̇иннаа бхож̇анасамбад̣̇аа;
самбад̣̇аанам̣ убанзд̇и, самбаннам̣ хисса д̇ам̣ гад̇ам̣.
‘‘д̇асмаа самбад̣̇амааган̇кий, самбаннад̇т̇ууд̇ха буг̇г̇ало;
самбаннабан̃н̃з сзвзт̇а, звам̣ иж̇жханд̇и самбад̣̇аа.
‘‘виж̇ж̇аажаран̣асамбаннз, лад̣̇д̇хаа жид̇д̇асса самбад̣̇ам̣;
гарод̇и гаммасамбад̣̇ам̣, лабхад̇и жад̇т̇асамбад̣̇ам̣.
‘‘логам̣ н̃ад̇ваа яат̇аабхууд̇ам̣, баббуяяа д̣̇идтисамбад̣̇ам̣;
маг̇г̇асамбад̣̇амааг̇амма, яаад̇и самбаннамаанасо.
‘‘од̇хунид̇ваа малам̣ саб̣б̣ам̣, бад̇ваа ниб̣б̣аанасамбад̣̇ам̣;
мужжад̇и саб̣б̣ад̣̇угкзхи, саа ход̇и саб̣б̣асамбад̣̇аа’’д̇и. жад̇уд̇т̇ам̣;
5. д̣̇аануубабад̇д̇исуд̇д̇ам̣
35. д̣̇ий. ни. 3.337 ‘‘адтимаа, бхигкавз, д̣̇аануубабад̇д̇ияо. гад̇амаа адта? ид̇ха, бхигкавз, згажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и бажжаасим̣сад̇и (сий. сяаа. гам̣. бий.). со бассад̇и кад̇д̇ияамахаасаалз ваа б̣раахман̣амахаасаалз ваа г̇ахабад̇имахаасаалз ваа бан̃жахи гаамаг̇ун̣зхи самаббид̇з саман̇г̇ийбхууд̇з барижаараяамаанз. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа кад̇д̇ияамахаасаалаанам̣ ваа б̣раахман̣амахаасаалаанам̣ ваа г̇ахабад̇имахаасаалаанам̣ ваа сахаб̣яад̇ам̣ убабаж̇ж̇зяяа’нд̇и! со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇ам̣ жид̇д̇ам̣ хийнз вимуд̇д̇ам̣ хийнзд̇химуд̇д̇ам̣ (сяаа. бий.) вимуд̇д̇анд̇и ад̇химуд̇д̇ам̣, вимуд̇д̇анд̇и ваа виссадтам̣ (дийгаасам̣ван̣н̣анаа), уд̇д̇ари абхаавид̇ам̣, д̇ад̇руубабад̇д̇ияаа сам̣вад̇д̇ад̇и. гааяасса бхзд̣̇аа барам̣ маран̣аа кад̇д̇ияамахаасаалаанам̣ ваа б̣раахман̣амахаасаалаанам̣ ваа г̇ахабад̇имахаасаалаанам̣ ваа сахаб̣яад̇ам̣ убабаж̇ж̇ад̇и. д̇ан̃жа ко сийлавад̇о вад̣̇аами, но д̣̇уссийласса. иж̇жхад̇и, бхигкавз, сийлавад̇о жзд̇обан̣ид̇хи висуд̣̇д̇хад̇д̇аа.
‘‘ид̇ха бана, бхигкавз, згажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и. д̇асса суд̇ам̣ ход̇и – ‘жаад̇умахаарааж̇игаа жаад̇уммахаарааж̇игаа (сий. сяаа. гам̣. бий.) д̣̇зваа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇ам̣ жид̇д̇ам̣ хийнз вимуд̇д̇ам̣, уд̇д̇ари абхаавид̇ам̣, д̇ад̇руубабад̇д̇ияаа сам̣вад̇д̇ад̇и. гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ан̃жа ко сийлавад̇о вад̣̇аами, но д̣̇уссийласса. иж̇жхад̇и, бхигкавз, сийлавад̇о жзд̇обан̣ид̇хи висуд̣̇д̇хад̇д̇аа.
‘‘ид̇ха бана, бхигкавз, згажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и. д̇асса суд̇ам̣ ход̇и – д̇аавад̇им̣саа д̣̇зваа…бз… яаамаа д̣̇зваа… д̇усид̇аа д̣̇зваа… ниммаанарад̇ий д̣̇зваа… бараниммид̇авасавад̇д̇ий д̣̇зваа д̣̇ийгхааяугаа ван̣н̣аванд̇о сукаб̣ахулаад̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и , д̇ам̣ жид̇д̇ам̣ бхаавзд̇и. д̇асса д̇ам̣ жид̇д̇ам̣ хийнз вимуд̇д̇ам̣, уд̇д̇ари абхаавид̇ам̣, д̇ад̇руубабад̇д̇ияаа сам̣вад̇д̇ад̇и. гааяасса бхзд̣̇аа барам̣ маран̣аа бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ан̃жа ко сийлавад̇о вад̣̇аами, но д̣̇уссийласса. иж̇жхад̇и, бхигкавз, сийлавад̇о жзд̇обан̣ид̇хи висуд̣̇д̇хад̇д̇аа.
‘‘ид̇ха бана, бхигкавз, згажжо д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со яам̣ д̣̇зд̇и д̇ам̣ бажжаасийсад̇и. д̇асса суд̇ам̣ ход̇и – ‘б̣рахмагааяигаа д̣̇зваа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа б̣рахмагааяигаанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ д̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇ам̣ жид̇д̇ам̣ хийнз вимуд̇д̇ам̣, уд̇д̇ари абхаавид̇ам̣, д̇ад̇руубабад̇д̇ияаа сам̣вад̇д̇ад̇и. гааяасса бхзд̣̇аа барам̣ маран̣аа б̣рахмагааяигаанам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ан̃жа ко сийлавад̇о вад̣̇аами, но д̣̇уссийласса; вийд̇арааг̇асса, но сарааг̇асса. иж̇жхад̇и, бхигкавз, сийлавад̇о жзд̇обан̣ид̇хи вийд̇арааг̇ад̇д̇аа. имаа ко, бхигкавз, адта д̣̇аануубабад̇д̇ияо’’д̇и. бан̃жамам̣.
6. бун̃н̃агирияавад̇т̇усуд̇д̇ам̣
36. ‘‘д̇ийн̣имаани, бхигкавз, бун̃н̃агирияавад̇т̇ууни. гад̇амаани д̇ийн̣и? д̣̇аанамаяам̣ бун̃н̃агирияавад̇т̇у бун̃н̃агирияавад̇т̇ум̣ (сий. бий.) звамубариби, сийламаяам̣ бун̃н̃агирияавад̇т̇у, бхааванаамаяам̣ бун̃н̃агирияавад̇т̇у. ид̇ха, бхигкавз, згажжасса д̣̇аанамаяам̣ бун̃н̃агирияавад̇т̇у барид̇д̇ам̣ гад̇ам̣ ход̇и, сийламаяам̣ бун̃н̃агирияавад̇т̇у барид̇д̇ам̣ гад̇ам̣ ход̇и, бхааванаамаяам̣ бун̃н̃агирияавад̇т̇ум̣ бун̃н̃агирияавад̇т̇у (сяаа.) наабхисамбход̇и. со гааяасса бхзд̣̇аа барам̣ маран̣аа мануссад̣̇обхаг̇яам̣ убабаж̇ж̇ад̇и.
‘‘ид̇ха бана, бхигкавз, згажжасса д̣̇аанамаяам̣ бун̃н̃агирияавад̇т̇у мад̇д̇асо гад̇ам̣ ход̇и, сийламаяам̣ бун̃н̃агирияавад̇т̇у мад̇д̇асо гад̇ам̣ ход̇и, бхааванаамаяам̣ бун̃н̃агирияавад̇т̇ум̣ наабхисамбход̇и. со гааяасса бхзд̣̇аа барам̣ маран̣аа мануссасобхаг̇яам̣ убабаж̇ж̇ад̇и.
‘‘ид̇ха бана, бхигкавз , згажжасса д̣̇аанамаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, сийламаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, бхааванаамаяам̣ бун̃н̃агирияавад̇т̇ум̣ наабхисамбход̇и. со гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ад̇ра, бхигкавз, жад̇д̇ааро махаарааж̇аано д̣̇аанамаяам̣ бун̃н̃агирияавад̇т̇ум̣ ад̇ирзгам̣ гарид̇ваа, сийламаяам̣ бун̃н̃агирияавад̇т̇ум̣ ад̇ирзгам̣ гарид̇ваа, жаад̇умахаарааж̇игз д̣̇звз д̣̇асахи таанзхи ад̇хиг̇ан̣ханд̇и – д̣̇иб̣б̣зна ааяунаа, д̣̇иб̣б̣зна ван̣н̣зна, д̣̇иб̣б̣зна сукзна, д̣̇иб̣б̣зна яасзна, д̣̇иб̣б̣зна аад̇хибад̇зяязна, д̣̇иб̣б̣зхи руубзхи, д̣̇иб̣б̣зхи сад̣̇д̣̇зхи, д̣̇иб̣б̣зхи г̇анд̇хзхи, д̣̇иб̣б̣зхи расзхи, д̣̇иб̣б̣зхи подтаб̣б̣зхи.
‘‘ид̇ха бана, бхигкавз, згажжасса д̣̇аанамаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, сийламаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, бхааванаамаяам̣ бун̃н̃агирияавад̇т̇ум̣ наабхисамбход̇и. со гааяасса бхзд̣̇аа барам̣ маран̣аа д̇аавад̇им̣саанам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ад̇ра, бхигкавз, сагго д̣̇зваанаминд̣̇о д̣̇аанамаяам̣ бун̃н̃агирияавад̇т̇ум̣ ад̇ирзгам̣ гарид̇ваа сийламаяам̣ бун̃н̃агирияавад̇т̇ум̣ ад̇ирзгам̣ гарид̇ваа д̇аавад̇им̣сз д̣̇звз д̣̇асахи таанзхи ад̇хиг̇ан̣хаад̇и – д̣̇иб̣б̣зна ааяунаа…бз… д̣̇иб̣б̣зхи подтаб̣б̣зхи.
‘‘ид̇ха бана, бхигкавз, згажжасса д̣̇аанамаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, сийламаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, бхааванаамаяам̣ бун̃н̃агирияавад̇т̇ум̣ наабхисамбход̇и. со гааяасса бхзд̣̇аа барам̣ маран̣аа яаамаанам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ад̇ра, бхигкавз, суяаамо д̣̇звабуд̇д̇о д̣̇аанамаяам̣ бун̃н̃агирияавад̇т̇ум̣ ад̇ирзгам̣ гарид̇ваа , сийламаяам̣ бун̃н̃агирияавад̇т̇ум̣ ад̇ирзгам̣ гарид̇ваа, яаамз д̣̇звз д̣̇асахи таанзхи ад̇хиг̇ан̣хаад̇и – д̣̇иб̣б̣зна ааяунаа…бз… д̣̇иб̣б̣зхи подтаб̣б̣зхи.
‘‘ид̇ха бана, бхигкавз, згажжасса д̣̇аанамаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, сийламаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, бхааванаамаяам̣ бун̃н̃агирияавад̇т̇ум̣ наабхисамбход̇и. со гааяасса бхзд̣̇аа барам̣ маран̣аа д̇усид̇аанам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ад̇ра , бхигкавз, санд̇усид̇о д̣̇звабуд̇д̇о д̣̇аанамаяам̣ бун̃н̃агирияавад̇т̇ум̣ ад̇ирзгам̣ гарид̇ваа, сийламаяам̣ бун̃н̃агирияавад̇т̇ум̣ ад̇ирзгам̣ гарид̇ваа, д̇усид̇з д̣̇звз д̣̇асахи таанзхи ад̇хиг̇ан̣хаад̇и – д̣̇иб̣б̣зна ааяунаа…бз… д̣̇иб̣б̣зхи подтаб̣б̣зхи.
‘‘ид̇ха бана, бхигкавз, згажжасса д̣̇аанамаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, сийламаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, бхааванаамаяам̣ бун̃н̃агирияавад̇т̇ум̣ наабхисамбход̇и. со гааяасса бхзд̣̇аа барам̣ маран̣аа ниммаанарад̇ийнам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ад̇ра, бхигкавз, суниммид̇о д̣̇звабуд̇д̇о д̣̇аанамаяам̣ бун̃н̃агирияавад̇т̇ум̣ ад̇ирзгам̣ гарид̇ваа, сийламаяам̣ бун̃н̃агирияавад̇т̇ум̣ ад̇ирзгам̣ гарид̇ваа, ниммаанарад̇ийд̣̇звз д̣̇асахи таанзхи ад̇хиг̇ан̣хаад̇и – д̣̇иб̣б̣зна ааяунаа…бз… д̣̇иб̣б̣зхи подтаб̣б̣зхи.
‘‘ид̇ха бана, бхигкавз, згажжасса д̣̇аанамаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, сийламаяам̣ бун̃н̃агирияавад̇т̇у ад̇химад̇д̇ам̣ гад̇ам̣ ход̇и, бхааванаамаяам̣ бун̃н̃агирияавад̇т̇ум̣ наабхисамбход̇и. со гааяасса бхзд̣̇аа барам̣ маран̣аа бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇ад̇и. д̇ад̇ра, бхигкавз, васавад̇д̇ий д̣̇звабуд̇д̇о д̣̇аанамаяам̣ бун̃н̃агирияавад̇т̇ум̣ ад̇ирзгам̣ гарид̇ваа, сийламаяам̣ бун̃н̃агирияавад̇т̇ум̣ ад̇ирзгам̣ гарид̇ваа, бараниммид̇авасавад̇д̇ийд̣̇звз д̣̇асахи таанзхи ад̇хиг̇ан̣хаад̇и – д̣̇иб̣б̣зна ааяунаа, д̣̇иб̣б̣зна ван̣н̣зна, д̣̇иб̣б̣зна сукзна, д̣̇иб̣б̣зна яасзна, д̣̇иб̣б̣зна аад̇хибад̇зяязна, д̣̇иб̣б̣зхи руубзхи, д̣̇иб̣б̣зхи сад̣̇д̣̇зхи, д̣̇иб̣б̣зхи г̇анд̇хзхи, д̣̇иб̣б̣зхи расзхи, д̣̇иб̣б̣зхи подтаб̣б̣зхи. имаани ко, бхигкавз, д̇ийн̣и бун̃н̃агирияавад̇т̇ууний’’д̇и. чадтам̣.
7. саббурисад̣̇аанасуд̇д̇ам̣
37. ‘‘адтимаани, бхигкавз, саббурисад̣̇аанаани. гад̇амаани адта? сужим̣ д̣̇зд̇и, бан̣ийд̇ам̣ д̣̇зд̇и, гаалзна д̣̇зд̇и, габбияам̣ д̣̇зд̇и, вижзяяа д̣̇зд̇и, абхин̣хам̣ д̣̇зд̇и, д̣̇ад̣̇ам̣ жид̇д̇ам̣ басаад̣̇зд̇и, д̣̇ад̇ваа ад̇д̇амано ход̇и. имаани ко, бхигкавз, адта саббурисад̣̇аанааний’’д̇и.
‘‘сужим̣ бан̣ийд̇ам̣ гаалзна, габбияам̣ баанабхож̇анам̣;
абхин̣хам̣ д̣̇ад̣̇аад̇и д̣̇аанам̣, сукзд̇д̇зсу сукзд̇д̇з (сий. бий.) б̣рахмажаарису.
‘‘нзва на жа (сий. бий.) виббадисаарисса, жаж̇ид̇ваа аамисам̣ б̣ахум̣;
звам̣ д̣̇иннаани д̣̇аанаани, ван̣н̣аяанд̇и вибассино.
‘‘звам̣ яаж̇ид̇ваа мзд̇хаавий, сад̣̇д̇хо муд̇д̇зна жзд̇асаа;
аб̣яааб̣аж̇жхам̣ аб̣яаабаж̇жхам̣ (га.) а. ни. 4.40; 6.37 сукам̣ логам̣, бан̣д̣ид̇о убабаж̇ж̇ад̇ий’’д̇и. сад̇д̇амам̣;
8. саббурисасуд̇д̇ам̣
38. ‘‘саббурисо , бхигкавз, гулз ж̇ааяамаано б̣ахуно ж̇анасса ад̇т̇ааяа хид̇ааяа сукааяа ход̇и – маад̇аабид̇уунам̣ ад̇т̇ааяа хид̇ааяа сукааяа ход̇и, буд̇д̇ад̣̇аарасса ад̇т̇ааяа хид̇ааяа сукааяа ход̇и , д̣̇аасагаммагараборисасса ад̇т̇ааяа хид̇ааяа сукааяа ход̇и, мид̇д̇аамажжаанам̣ ад̇т̇ааяа хид̇ааяа сукааяа ход̇и, буб̣б̣абзд̇аанам̣ ад̇т̇ааяа хид̇ааяа сукааяа ход̇и, ран̃н̃о ад̇т̇ааяа хид̇ааяа сукааяа ход̇и, д̣̇звад̇аанам̣ ад̇т̇ааяа хид̇ааяа сукааяа ход̇и, саман̣аб̣раахман̣аанам̣ ад̇т̇ааяа хид̇ааяа сукааяа ход̇и.
‘‘сзяяат̇ааби, бхигкавз, махаамзгхо саб̣б̣асассаани самбаад̣̇знд̇о б̣ахуно ж̇анасса ад̇т̇ааяа хид̇ааяа сукааяа хид̇ааяа…бз… (сяаа. га.) ход̇и; звамзвам̣ ко, бхигкавз, саббурисо гулз ж̇ааяамаано б̣ахуно ж̇анасса ад̇т̇ааяа хид̇ааяа сукааяа ход̇и – маад̇аабид̇уунам̣ ад̇т̇ааяа хид̇ааяа сукааяа ход̇и, буд̇д̇ад̣̇аарасса ад̇т̇ааяа хид̇ааяа сукааяа ход̇и, д̣̇аасагаммагараборисасса ад̇т̇ааяа хид̇ааяа сукааяа ход̇и, мид̇д̇аамажжаанам̣ ад̇т̇ааяа хид̇ааяа сукааяа ход̇и, буб̣б̣абзд̇аанам̣ ад̇т̇ааяа хид̇ааяа сукааяа ход̇и, ран̃н̃о ад̇т̇ааяа хид̇ааяа сукааяа ход̇и, д̣̇звад̇аанам̣ ад̇т̇ааяа хид̇ааяа сукааяа ход̇и, саман̣аб̣раахман̣аанам̣ ад̇т̇ааяа хид̇ааяа сукааяа ход̇ий’’д̇и.
‘‘б̣ахуунам̣ б̣ахуннам̣ (сий. бий.) вад̇а ад̇т̇ааяа, саббан̃н̃о гхарамаавасам̣;
маад̇арам̣ бид̇арам̣ буб̣б̣з, рад̇д̇инд̣̇ивамад̇анд̣̇ид̇о.
‘‘бууж̇зд̇и сахад̇хаммзна, буб̣б̣згад̇амануссарам̣;
анааг̇аарз баб̣б̣аж̇ид̇з, абажз б̣рахмажаараяо б̣рахмажаарино (сяаа.).
‘‘нивидтасад̣̇д̇хо бууж̇зд̇и, н̃ад̇ваа д̇хаммз жа бзсало бзсалз (га.);
ран̃н̃о хид̇о д̣̇звахид̇о, н̃аад̇ийнам̣ сакинам̣ хид̇о.
‘‘саб̣б̣зсам̣ саб̣б̣зсу (га.) со са (сяаа. бий. га.) хид̇о ход̇и, сад̣̇д̇хаммз суббад̇идтид̇о;
винзяяа мажчзрамалам̣, са логам̣ бхаж̇ад̇з сива’’нд̇и. адтамам̣;
9. абхисанд̣̇асуд̇д̇ам̣
39. ‘‘адтимз , бхигкавз, бун̃н̃аабхисанд̣̇аа гусалаабхисанд̣̇аа сукассаахаараа соваг̇г̇игаа сукавибаагаа саг̇г̇асам̣вад̇д̇анигаа, идтааяа ганд̇ааяа манаабааяа хид̇ааяа сукааяа сам̣вад̇д̇анд̇и. гад̇амз адта? ид̇ха, бхигкавз, арияасааваго б̣уд̣̇д̇хам̣ саран̣ам̣ г̇ад̇о ход̇и. аяам̣, бхигкавз, батамо бун̃н̃аабхисанд̣̇о гусалаабхисанд̣̇о сукассаахааро соваг̇г̇иго сукавибааго саг̇г̇асам̣вад̇д̇аниго, идтааяа ганд̇ааяа манаабааяа хид̇ааяа сукааяа сам̣вад̇д̇ад̇и.
‘‘буна жабарам̣, бхигкавз, арияасааваго д̇хаммам̣ саран̣ам̣ г̇ад̇о ход̇и. аяам̣, бхигкавз, д̣̇уд̇ияо бун̃н̃аабхисанд̣̇о…бз… сам̣вад̇д̇ад̇и.
‘‘буна жабарам̣, бхигкавз, арияасааваго сан̇гхам̣ саран̣ам̣ г̇ад̇о ход̇и. аяам̣, бхигкавз, д̇ад̇ияо бун̃н̃аабхисанд̣̇о гусалаабхисанд̣̇о сукассаахааро соваг̇г̇иго сукавибааго саг̇г̇асам̣вад̇д̇аниго, идтааяа ганд̇ааяа манаабааяа хид̇ааяа сукааяа сам̣вад̇д̇ад̇и.
гат̇аа. 480 ‘‘бан̃жимаани , бхигкавз, д̣̇аанаани махаад̣̇аанаани аг̇г̇ан̃н̃аани рад̇д̇ан̃н̃аани вам̣сан̃н̃аани бораан̣аани асам̣гин̣н̣аани асам̣гин̣н̣абуб̣б̣аани, на сам̣гияанд̇и на сам̣гияиссанд̇и, аббадигудтаани аббад̇игудтаани (сий.) саман̣зхи б̣раахман̣зхи вин̃н̃уухи. гад̇амаани бан̃жа? ид̇ха, бхигкавз, арияасааваго баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и. баан̣аад̇ибаад̇аа бадивирад̇о, бхигкавз, арияасааваго абаримаан̣аанам̣ сад̇д̇аанам̣ абхаяам̣ д̣̇зд̇и, авзрам̣ д̣̇зд̇и, аб̣яааб̣аж̇жхам̣ аб̣яаабаж̇жхам̣ (га.) звамубариби д̣̇зд̇и. абаримаан̣аанам̣ сад̇д̇аанам̣ абхаяам̣ д̣̇ад̇ваа авзрам̣ д̣̇ад̇ваа аб̣яааб̣аж̇жхам̣ д̣̇ад̇ваа абаримаан̣асса абхаяасса авзрасса аб̣яааб̣аж̇жхасса бхааг̇ий ход̇и. ид̣̇ам̣, бхигкавз, батамам̣ д̣̇аанам̣ махаад̣̇аанам̣ аг̇г̇ан̃н̃ам̣ рад̇д̇ан̃н̃ам̣ вам̣сан̃н̃ам̣ бораан̣ам̣ асам̣гин̣н̣ам̣ асам̣гин̣н̣абуб̣б̣ам̣, на сам̣гияад̇и на сам̣гияиссад̇и, аббадигудтам̣ саман̣зхи б̣раахман̣зхи вин̃н̃уухи. аяам̣, бхигкавз, жад̇уд̇т̇о бун̃н̃аабхисанд̣̇о гусалаабхисанд̣̇о сукассаахааро соваг̇г̇иго сукавибааго саг̇г̇асам̣вад̇д̇аниго, идтааяа ганд̇ааяа манаабааяа хид̇ааяа сукааяа сам̣вад̇д̇ад̇и.
‘‘буна жабарам̣, бхигкавз, арияасааваго ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и…бз… гаамзсумижчаажаарам̣ бахааяа гаамзсумижчаажаараа бадивирад̇о ход̇и…бз… мусааваад̣̇ам̣ бахааяа мусааваад̣̇аа бадивирад̇о ход̇и…бз… сураамзраяамаж̇ж̇абамаад̣̇адтаанам̣ бахааяа сураамзраяамаж̇ж̇абамаад̣̇адтаанаа бадивирад̇о ход̇и. сураамзраяамаж̇ж̇абамаад̣̇адтаанаа бадивирад̇о, бхигкавз, арияасааваго абаримаан̣аанам̣ сад̇д̇аанам̣ абхаяам̣ д̣̇зд̇и авзрам̣ д̣̇зд̇и аб̣яааб̣аж̇жхам̣ д̣̇зд̇и. абаримаан̣аанам̣ сад̇д̇аанам̣ абхаяам̣ д̣̇ад̇ваа авзрам̣ д̣̇ад̇ваа аб̣яааб̣аж̇жхам̣ д̣̇ад̇ваа, абаримаан̣асса абхаяасса авзрасса аб̣яааб̣аж̇жхасса бхааг̇ий ход̇и. ид̣̇ам̣, бхигкавз, бан̃жамам̣ д̣̇аанам̣ махаад̣̇аанам̣ аг̇г̇ан̃н̃ам̣ рад̇д̇ан̃н̃ам̣ вам̣сан̃н̃ам̣ бораан̣ам̣ асам̣гин̣н̣ам̣ асам̣гин̣н̣абуб̣б̣ам̣, на сам̣гияад̇и на сам̣гияиссад̇и, аббадигудтам̣ саман̣зхи б̣раахман̣зхи вин̃н̃уухи. аяам̣ ко, бхигкавз, адтамо бун̃н̃аабхисанд̣̇о гусалаабхисанд̣̇о сукассаахааро соваг̇г̇иго сукавибааго саг̇г̇асам̣вад̇д̇аниго, идтааяа ганд̇ааяа манаабааяа хид̇ааяа сукааяа сам̣вад̇д̇ад̇и. имз ко, бхигкавз, адта бун̃н̃аабхисанд̣̇аа гусалаабхисанд̣̇аа сукассаахаараа соваг̇г̇игаа сукавибаагаа саг̇г̇асам̣вад̇д̇анигаа, идтааяа ганд̇ааяа манаабааяа хид̇ааяа сукааяа сам̣вад̇д̇анд̇ий’’д̇и. навамам̣.
10. д̣̇ужжарид̇авибаагасуд̇д̇ам̣
40. ‘‘баан̣аад̇ибаад̇о, бхигкавз, аасзвид̇о бхаавид̇о б̣ахулийгад̇о нираяасам̣вад̇д̇аниго д̇иражчаанаяонисам̣вад̇д̇аниго бзд̇д̇ивисаяасам̣вад̇д̇аниго. яо саб̣б̣алахусо саб̣б̣алахусод̇и саб̣б̣алахуго (сяаа. адта.) баан̣аад̇ибаад̇асса вибааго, мануссабхууд̇асса аббааяугасам̣вад̇д̇аниго ход̇и.
‘‘ад̣̇иннаад̣̇аанам̣, бхигкавз, аасзвид̇ам̣ бхаавид̇ам̣ б̣ахулийгад̇ам̣ нираяасам̣вад̇д̇анигам̣ д̇иражчаанаяонисам̣вад̇д̇анигам̣ бзд̇д̇ивисаяасам̣вад̇д̇анигам̣. яо саб̣б̣алахусо ад̣̇иннаад̣̇аанасса вибааго, мануссабхууд̇асса бхог̇аб̣яасанасам̣вад̇д̇аниго ход̇и.
‘‘гаамзсумижчаажааро, бхигкавз, аасзвид̇о бхаавид̇о б̣ахулийгад̇о нираяасам̣вад̇д̇аниго д̇иражчаанаяонисам̣вад̇д̇аниго бзд̇д̇ивисаяасам̣вад̇д̇аниго. яо саб̣б̣алахусо гаамзсумижчаажаарасса вибааго, мануссабхууд̇асса сабад̇д̇авзрасам̣вад̇д̇аниго ход̇и.
‘‘мусааваад̣̇о , бхигкавз, аасзвид̇о бхаавид̇о б̣ахулийгад̇о нираяасам̣вад̇д̇аниго д̇иражчаанаяонисам̣вад̇д̇аниго бзд̇д̇ивисаяасам̣вад̇д̇аниго. яо саб̣б̣алахусо мусааваад̣̇асса вибааго, мануссабхууд̇асса абхууд̇аб̣бхагкаанасам̣вад̇д̇аниго ход̇и.
‘‘бисун̣аа , бхигкавз, ваажаа аасзвид̇аа бхаавид̇аа б̣ахулийгад̇аа нираяасам̣вад̇д̇анигаа д̇иражчаанаяонисам̣вад̇д̇анигаа бзд̇д̇ивисаяасам̣вад̇д̇анигаа. яо саб̣б̣алахусо бисун̣ааяа ваажааяа вибааго, мануссабхууд̇асса мид̇д̇зхи бхзд̣̇анасам̣вад̇д̇аниго ход̇и.
‘‘парусаа , бхигкавз, ваажаа аасзвид̇аа бхаавид̇аа б̣ахулийгад̇аа нираяасам̣вад̇д̇анигаа д̇иражчаанаяонисам̣вад̇д̇анигаа бзд̇д̇ивисаяасам̣вад̇д̇анигаа. яо саб̣б̣алахусо парусааяа ваажааяа вибааго, мануссабхууд̇асса аманаабасад̣̇д̣̇асам̣вад̇д̇аниго ход̇и.
‘‘сампаббалаабо, бхигкавз, аасзвид̇о бхаавид̇о б̣ахулийгад̇о нираяасам̣вад̇д̇аниго д̇иражчаанаяонисам̣вад̇д̇аниго бзд̇д̇ивисаяасам̣вад̇д̇аниго. яо саб̣б̣алахусо сампаббалаабасса вибааго, мануссабхууд̇асса анаад̣̇зяяаваажаасам̣вад̇д̇аниго ход̇и.
‘‘сураамзраяабаанам̣, бхигкавз , аасзвид̇ам̣ бхаавид̇ам̣ б̣ахулийгад̇ам̣ нираяасам̣вад̇д̇анигам̣ д̇иражчаанаяонисам̣вад̇д̇анигам̣ бзд̇д̇ивисаяасам̣вад̇д̇анигам̣. яо саб̣б̣алахусо сураамзраяабаанасса вибааго, мануссабхууд̇асса уммад̇д̇агасам̣вад̇д̇аниго ход̇ий’’д̇и. д̣̇асамам̣.
д̣̇аанаваг̇г̇о жад̇уд̇т̇о.
д̇ассуд̣̇д̣̇аанам̣ –
д̣̇вз д̣̇аанаани вад̇т̇ун̃жа, кзд̇д̇ам̣ д̣̇аануубабад̇д̇ияо;
гирияам̣ д̣̇вз саббурисаа, абхисанд̣̇о вибааго жаад̇и.