(11) 1. саман̣асан̃н̃ааваг̇г̇о
1. саман̣асан̃н̃аасуд̇д̇ам̣
101. ‘‘д̇иссо имаа, бхигкавз, саман̣асан̃н̃аа бхаавид̇аа б̣ахулийгад̇аа сад̇д̇а д̇хаммз барибуурзнд̇и. гад̇амаа д̇иссо? взван̣н̣ияамхи аж̇жхубаг̇ад̇о, барабадиб̣ад̣̇д̇хаа мз ж̇ийвигаа, ан̃н̃о мз аагаббо гаран̣ийяод̇и – имаа ко, бхигкавз, д̇иссо саман̣асан̃н̃аа бхаавид̇аа б̣ахулийгад̇аа сад̇д̇а д̇хаммз барибуурзнд̇и.
‘‘гад̇амз сад̇д̇а? санд̇ад̇агаарий сад̇ад̇агаарий (сяаа. бий. га.) ход̇и санд̇ад̇авуд̇д̇и сад̇ад̇авуд̇д̇и (сяаа. бий.) сийлзсу, анабхиж̇жхаалу ход̇и, аб̣яаабаж̇ж̇о ход̇и, анад̇имааний ход̇и, сигкаагаамо ход̇и , ид̣̇амад̇т̇ам̣д̇исса ход̇и ж̇ийвид̇абаригкаарзсу, аарад̣̇д̇хавийрияо жа аарад̣̇д̇хавирияо жа (сий. бий.), аарад̣̇д̇хавирияо (сяаа.) вихарад̇и. имаа ко, бхигкавз, д̇иссо саман̣асан̃н̃аа бхаавид̇аа б̣ахулийгад̇аа имз сад̇д̇а д̇хаммз барибуурзнд̇ий’’д̇и. батамам̣.
2. б̣ож̇жхан̇г̇асуд̇д̇ам̣
102. ‘‘сад̇д̇имз, бхигкавз, б̣ож̇жхан̇г̇аа бхаавид̇аа б̣ахулийгад̇аа д̇иссо виж̇ж̇аа барибуурзнд̇и. гад̇амз сад̇д̇а? сад̇исамб̣ож̇жхан̇г̇о, д̇хаммавижаяасамб̣ож̇жхан̇г̇о, вийрияасамб̣ож̇жхан̇г̇о, бийд̇исамб̣ож̇жхан̇г̇о, бассад̣̇д̇хисамб̣ож̇жхан̇г̇о, самаад̇хисамб̣ож̇жхан̇г̇о, убзгкаасамб̣ож̇жхан̇г̇о – имз ко, бхигкавз, сад̇д̇а б̣ож̇жхан̇г̇аа бхаавид̇аа б̣ахулийгад̇аа д̇иссо виж̇ж̇аа барибуурзнд̇и. гад̇амаа д̇иссо? ид̇ха, бхигкавз, бхигку анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. д̣̇иб̣б̣зна жагкунаа висуд̣̇д̇хзна ад̇игганд̇амаанусагзна…бз… яат̇аагаммуубаг̇з сад̇д̇з баж̇аанаад̇и . аасаваанам̣ каяаа…бз… сажчигад̇ваа убасамбаж̇ж̇а вихарад̇и. имз ко, бхигкавз, сад̇д̇а б̣ож̇жхан̇г̇аа бхаавид̇аа б̣ахулийгад̇аа имаа д̇иссо виж̇ж̇аа барибуурзнд̇ий’’д̇и. д̣̇уд̇ияам̣.
3. мижчад̇д̇асуд̇д̇ам̣
103. ‘‘мижчад̇д̇ам̣ , бхигкавз, ааг̇амма вираад̇ханаа ход̇и, но аараад̇ханаа. гат̇ан̃жа, бхигкавз, мижчад̇д̇ам̣ ааг̇амма вираад̇ханаа ход̇и, но аараад̇ханаа? мижчаад̣̇идтигасса, бхигкавз, мижчаасан̇габбо баход̇и, мижчаасан̇габбасса мижчааваажаа баход̇и, мижчааваажасса мижчаагамманд̇о баход̇и, мижчаагамманд̇асса мижчааааж̇ийво баход̇и, мижчааааж̇ийвасса мижчаавааяаамо баход̇и, мижчаавааяаамасса мижчаасад̇и баход̇и, мижчаасад̇исса мижчаасамаад̇хи баход̇и, мижчаасамаад̇хисса мижчаан̃аан̣ам̣ баход̇и, мижчаан̃аан̣исса мижчаан̃аан̣асса (бий. га.) мижчаавимуд̇д̇и баход̇и. звам̣ ко, бхигкавз, мижчад̇д̇ам̣ ааг̇амма вираад̇ханаа ход̇и, но аараад̇ханаа.
‘‘саммад̇д̇ам̣, бхигкавз, ааг̇амма аараад̇ханаа ход̇и, но вираад̇ханаа. гат̇ан̃жа, бхигкавз, саммад̇д̇ам̣ ааг̇амма аараад̇ханаа ход̇и, но вираад̇ханаа? саммаад̣̇идтигасса, бхигкавз, саммаасан̇габбо баход̇и, саммаасан̇габбасса саммааваажаа баход̇и, саммааваажасса саммаагамманд̇о баход̇и, саммаагамманд̇асса саммааааж̇ийво баход̇и, саммааааж̇ийвасса саммаавааяаамо баход̇и, саммаавааяаамасса саммаасад̇и баход̇и, саммаасад̇исса саммаасамаад̇хи баход̇и, саммаасамаад̇хисса саммаан̃аан̣ам̣ баход̇и, саммаан̃аан̣исса саммаан̃аан̣асса (бий. га.) саммаавимуд̇д̇и баход̇и. звам̣ ко, бхигкавз, саммад̇д̇ам̣ ааг̇амма аараад̇ханаа ход̇и, но вираад̇ханаа’’д̇и. д̇ад̇ияам̣.
4. б̣ийж̇асуд̇д̇ам̣
104. а. ни. 1.306; гат̇аа. 708 ‘‘мижчаад̣̇идтигасса, бхигкавз, бурисабуг̇г̇аласса мижчаасан̇габбасса мижчааваажасса мижчаагамманд̇асса мижчааааж̇ийвасса мижчаавааяаамасса мижчаасад̇исса мижчаасамаад̇хисса мижчаан̃аан̣исса мижчаавимуд̇д̇исса яан̃жа гааяагаммам̣ яат̇аад̣̇идти самад̇д̇ам̣ самаад̣̇иннам̣ самаад̣̇ин̣н̣ам̣ (бий. га.) яан̃жа важийгаммам̣… яан̃жа маногаммам̣ яат̇аад̣̇идти самад̇д̇ам̣ самаад̣̇иннам̣ яаа жа жзд̇анаа яаа жа бад̇т̇анаа яо жа бан̣ид̇хи яз жа сан̇каараа, саб̣б̣з д̇з д̇хаммаа анидтааяа аганд̇ааяа аманаабааяа ахид̇ааяа д̣̇угкааяа сам̣вад̇д̇анд̇и. д̇ам̣ гисса хзд̇у? д̣̇идти хисса д̣̇идти хи (сий. сяаа. бий.), бхигкавз, баабигаа.
‘‘сзяяат̇ааби, бхигкавз, нимб̣аб̣ийж̇ам̣ ваа госаад̇агиб̣ийж̇ам̣ ваа д̇ид̇д̇агаалааб̣уб̣ийж̇ам̣ ваа аллааяа бат̇авияаа нигкид̇д̇ам̣ яан̃жзва бат̇авирасам̣ убаад̣̇ияад̇и яан̃жа ааборасам̣ убаад̣̇ияад̇и , саб̣б̣ам̣ д̇ам̣ д̇ид̇д̇агад̇д̇ааяа гадугад̇д̇ааяа асаад̇ад̇д̇ааяа сам̣вад̇д̇ад̇и. д̇ам̣ гисса хзд̇у? б̣ийж̇ан̃хи, бхигкавз, баабагам̣. звамзвам̣ ко, бхигкавз, мижчаад̣̇идтигасса бурисабуг̇г̇аласса мижчаасан̇габбасса мижчааваажасса мижчаагамманд̇асса мижчааааж̇ийвасса мижчаавааяаамасса мижчаасад̇исса мижчаасамаад̇хисса мижчаан̃аан̣исса мижчаавимуд̇д̇исса яан̃жзва гааяагаммам̣ яат̇аад̣̇идти самад̇д̇ам̣ самаад̣̇иннам̣ яан̃жа важийгаммам̣… яан̃жа маногаммам̣ яат̇аад̣̇идти самад̇д̇ам̣ самаад̣̇иннам̣ яаа жа жзд̇анаа яаа жа бад̇т̇анаа яо жа бан̣ид̇хи яз жа сан̇каараа, саб̣б̣з д̇з д̇хаммаа анидтааяа аганд̇ааяа аманаабааяа ахид̇ааяа д̣̇угкааяа сам̣вад̇д̇анд̇и. д̇ам̣ гисса хзд̇у? д̣̇идти хисса, бхигкавз , баабигаа.
‘‘саммаад̣̇идтигасса, бхигкавз, бурисабуг̇г̇аласса саммаасан̇габбасса саммааваажасса саммаагамманд̇асса саммааааж̇ийвасса саммаавааяаамасса саммаасад̇исса саммаасамаад̇хисса саммаан̃аан̣исса саммаавимуд̇д̇исса яан̃жзва гааяагаммам̣ яат̇аад̣̇идти самад̇д̇ам̣ самаад̣̇иннам̣ яан̃жа важийгаммам̣ яат̇аад̣̇идти самад̇д̇ам̣ самаад̣̇иннам̣ яан̃жа маногаммам̣ яат̇аад̣̇идти самад̇д̇ам̣ самаад̣̇иннам̣ яаа жа жзд̇анаа яаа жа бад̇т̇анаа яо жа бан̣ид̇хи яз жа сан̇каараа, саб̣б̣з д̇з д̇хаммаа идтааяа ганд̇ааяа манаабааяа хид̇ааяа сукааяа сам̣вад̇д̇анд̇и. д̇ам̣ гисса хзд̇у? д̣̇идти хисса, бхигкавз, бхад̣̇д̣̇игаа.
‘‘сзяяат̇ааби, бхигкавз, ужчуб̣ийж̇ам̣ ваа саалиб̣ийж̇ам̣ ваа муд̣̇д̣̇игааб̣ийж̇ам̣ ваа аллааяа бат̇авияаа нигкид̇д̇ам̣ яан̃жа бат̇авирасам̣ убаад̣̇ияад̇и яан̃жа ааборасам̣ убаад̣̇ияад̇и саб̣б̣ам̣ д̇ам̣ саад̇ад̇д̇ааяа мад̇хурад̇д̇ааяа асзжанагад̇д̇ааяа сам̣вад̇д̇ад̇и. д̇ам̣ гисса хзд̇у? б̣ийж̇ан̃хи бхигкавз, бхад̣̇д̣̇агам̣. звамзвам̣ ко, бхигкавз, саммаад̣̇идтигасса…бз. … саммаавимуд̇д̇исса яан̃жзва гааяагаммам̣ яат̇аад̣̇идти самад̇д̇ам̣ самаад̣̇иннам̣ яан̃жа важийгаммам̣… яан̃жа маногаммам̣ яат̇аад̣̇идти самад̇д̇ам̣ самаад̣̇иннам̣ яаа жа жзд̇анаа яаа жа бад̇т̇анаа яо жа бан̣ид̇хи яз жа сан̇каараа, саб̣б̣з д̇з д̇хаммаа идтааяа ганд̇ааяа манаабааяа хид̇ааяа сукааяа сам̣вад̇д̇анд̇и. д̇ам̣ гисса хзд̇у? д̣̇идти хисса, бхигкавз, бхад̣̇д̣̇игаа’’д̇и. жад̇уд̇т̇ам̣.
5. виж̇ж̇аасуд̇д̇ам̣
105. ‘‘авиж̇ж̇аа , бхигкавз, буб̣б̣ан̇г̇амаа агусалаанам̣ д̇хаммаанам̣ самаабад̇д̇ияаа, анвад̣̇зва ахиригам̣ анод̇д̇аббам̣. авиж̇ж̇ааг̇ад̇асса, бхигкавз, авид̣̇д̣̇асуно мижчаад̣̇идти баход̇и, мижчаад̣̇идтигасса мижчаасан̇габбо баход̇и, мижчаасан̇габбасса мижчааваажаа баход̇и, мижчааваажасса мижчаагамманд̇о баход̇и, мижчаагамманд̇асса мижчааааж̇ийво баход̇и, мижчааааж̇ийвасса мижчаавааяаамо баход̇и, мижчаавааяаамасса мижчаасад̇и баход̇и, мижчаасад̇исса мижчаасамаад̇хи баход̇и, мижчаасамаад̇хисса мижчаан̃аан̣ам̣ баход̇и, мижчаан̃аан̣исса мижчаавимуд̇д̇и баход̇и.
‘‘виж̇ж̇аа, бхигкавз, буб̣б̣ан̇г̇амаа гусалаанам̣ д̇хаммаанам̣ самаабад̇д̇ияаа, анвад̣̇зва хирод̇д̇аббам̣. виж̇ж̇ааг̇ад̇асса, бхигкавз, вид̣̇д̣̇асуно саммаад̣̇идти баход̇и, саммаад̣̇идтигасса саммаасан̇габбо баход̇и, саммаасан̇габбасса саммааваажаа баход̇и, саммааваажасса саммаагамманд̇о баход̇и, саммаагамманд̇асса саммааааж̇ийво баход̇и, саммааааж̇ийвасса саммаавааяаамо баход̇и, саммаавааяаамасса саммаасад̇и баход̇и, саммаасад̇исса саммаасамаад̇хи баход̇и, саммаасамаад̇хисса саммаан̃аан̣ам̣ баход̇и, саммаан̃аан̣исса саммаавимуд̇д̇и баход̇ий’’д̇и. бан̃жамам̣.
6. ниж̇ж̇арасуд̇д̇ам̣
106. д̣̇ий. ни. 3.360 ‘‘д̣̇асаяимаани , бхигкавз, ниж̇ж̇аравад̇т̇ууни. гад̇амаани д̣̇аса? саммаад̣̇идтигасса, бхигкавз, мижчаад̣̇идти ниж̇ж̇ин̣н̣аа ход̇и; яз жа мижчаад̣̇идтибажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и; саммаад̣̇идтибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммаасан̇габбасса, бхигкавз, мижчаасан̇габбо ниж̇ж̇ин̣н̣о ход̇и; яз жа мижчаасан̇габбабажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и; саммаасан̇габбабажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммааваажасса, бхигкавз, мижчааваажаа ниж̇ж̇ин̣н̣аа ход̇и; яз жа мижчааваажаабажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и; саммааваажаабажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммаагамманд̇асса, бхигкавз, мижчаагамманд̇о ниж̇ж̇ин̣н̣о ход̇и; яз жа мижчаагамманд̇абажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и; саммаагамманд̇абажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммааааж̇ийвасса , бхигкавз, мижчааааж̇ийво ниж̇ж̇ин̣н̣о ход̇и; яз жа мижчааааж̇ийвабажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и; саммааааж̇ийвабажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммаавааяаамасса, бхигкавз, мижчаавааяаамо ниж̇ж̇ин̣н̣о ход̇и; яз жа мижчаавааяаамабажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и; саммаавааяаамабажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммаасад̇исса, бхигкавз, мижчаасад̇и ниж̇ж̇ин̣н̣аа ход̇и; яз жа мижчаасад̇ибажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и; саммаасад̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммаасамаад̇хисса, бхигкавз, мижчаасамаад̇хи ниж̇ж̇ин̣н̣о ход̇и; яз жа мижчаасамаад̇хибажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и; саммаасамаад̇хибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммаан̃аан̣исса, бхигкавз, мижчаан̃аан̣ам̣ ниж̇ж̇ин̣н̣ам̣ ход̇и; яз жа мижчаан̃аан̣абажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и; саммаан̃аан̣абажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммаавимуд̇д̇исса, бхигкавз, мижчаавимуд̇д̇и ниж̇ж̇ин̣н̣аа ход̇и; яз жа мижчаавимуд̇д̇ибажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и; саммаавимуд̇д̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и. имаани ко, бхигкавз, д̣̇аса ниж̇ж̇аравад̇т̇ууний’’д̇и. чадтам̣.
7. д̇хованасуд̇д̇ам̣
107. ‘‘ад̇т̇и, бхигкавз, д̣̇агкин̣зсу ж̇анабад̣̇зсу д̇хованам̣ наама. д̇ад̇т̇а ход̇и аннамби баанамби каж̇ж̇амби бхож̇ж̇амби лзяяамби бзяяамби нажжамби г̇ийд̇амби ваад̣̇ид̇амби. ад̇т̇зд̇ам̣, бхигкавз, д̇хованам̣; ‘нзд̇ам̣ над̇т̇ий’д̇и вад̣̇аами. д̇ан̃жа ко зд̇ам̣, бхигкавз, д̇хованам̣ хийнам̣ г̇аммам̣ бот̇уж̇ж̇анигам̣ анарияам̣ анад̇т̇асам̣хид̇ам̣ на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и.
‘‘ахан̃жа ко, бхигкавз, арияам̣ д̇хованам̣ д̣̇зсзссаами, яам̣ д̇хованам̣ зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и, яам̣ д̇хованам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и, ж̇араад̇хаммаа сад̇д̇аа ж̇арааяа баримужжанд̇и, маран̣ад̇хаммаа сад̇д̇аа маран̣зна баримужжанд̇и, согабарид̣̇звад̣̇угкад̣̇оманассубааяаасад̇хаммаа сад̇д̇аа согабарид̣̇звад̣̇угкад̣̇оманассубааяаасзхи баримужжанд̇и. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘гад̇аман̃жа д̇ам̣, бхигкавз, арияам̣ д̇хованам̣, (яам̣ д̇хованам̣) ( ) над̇т̇и сяаамабод̇т̇агз зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и, яам̣ д̇хованам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и, ж̇араад̇хаммаа сад̇д̇аа ж̇арааяа баримужжанд̇и, маран̣ад̇хаммаа сад̇д̇аа маран̣зна баримужжанд̇и, согабарид̣̇звад̣̇угкад̣̇оманассубааяаасад̇хаммаа сад̇д̇аа согабарид̣̇звад̣̇угкад̣̇оманассубааяаасзхи баримужжанд̇и?
‘‘саммаад̣̇идтигасса, бхигкавз, мижчаад̣̇идти нид̣̇д̇ход̇аа ход̇и; яз жа мижчаад̣̇идтибажжаяаа анзгз баабагаа агусалаа д̇хаммаа самбхаванд̇и д̇з жасса нид̣̇д̇ход̇аа хонд̇и; саммаад̣̇идтибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммаасан̇габбасса, бхигкавз, мижчаасан̇габбо нид̣̇д̇ход̇о ход̇и…бз… саммааваажасса, бхигкавз, мижчааваажаа нид̣̇д̇ход̇аа ход̇и… саммаагамманд̇асса, бхигкавз, мижчаагамманд̇о нид̣̇д̇ход̇о ход̇и… саммааааж̇ийвасса, бхигкавз, мижчааааж̇ийво нид̣̇д̇ход̇о ход̇и… саммаавааяаамасса, бхигкавз, мижчаавааяаамо нид̣̇д̇ход̇о ход̇и… саммаасад̇исса, бхигкавз, мижчаасад̇и нид̣̇д̇ход̇аа ход̇и… саммаасамаад̇хисса, бхигкавз, мижчаасамаад̇хи нид̣̇д̇ход̇о ход̇и… саммаан̃аан̣исса, бхигкавз, мижчаан̃аан̣ам̣ нид̣̇д̇ход̇ам̣ ход̇и…бз….
‘‘саммаавимуд̇д̇исса , бхигкавз, мижчаавимуд̇д̇и нид̣̇д̇ход̇аа ход̇и; яз жа мижчаавимуд̇д̇ибажжаяаа анзгз баабагаа агусалаа д̇хаммаа самбхаванд̇и д̇з жасса нид̣̇д̇ход̇аа хонд̇и; саммаавимуд̇д̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и. ид̣̇ам̣ ко д̇ам̣, бхигкавз, арияам̣ д̇хованам̣ зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и, яам̣ д̇хованам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и, ж̇араад̇хаммаа сад̇д̇аа ж̇арааяа баримужжанд̇и, маран̣ад̇хаммаа сад̇д̇аа маран̣зна баримужжанд̇и, согабарид̣̇звад̣̇угкад̣̇оманассубааяаасад̇хаммаа сад̇д̇аа согабарид̣̇звад̣̇угкад̣̇оманассубааяаасзхи баримужжанд̇ий’’д̇и. сад̇д̇амам̣.
8. д̇игижчагасуд̇д̇ам̣
108. ‘‘д̇игижчагаа , бхигкавз, вирзжанам̣ д̣̇знд̇и бид̇д̇асамудтаанаанамби ааб̣аад̇хаанам̣ бадигхаад̇ааяа, сзмхасамудтаанаанамби ааб̣аад̇хаанам̣ бадигхаад̇ааяа, ваад̇асамудтаанаанамби ааб̣аад̇хаанам̣ бадигхаад̇ааяа. ад̇т̇зд̇ам̣, бхигкавз, вирзжанам̣; ‘нзд̇ам̣ над̇т̇ий’д̇и вад̣̇аами. д̇ан̃жа ко зд̇ам̣, бхигкавз, вирзжанам̣ самбаж̇ж̇ад̇иби вибаж̇ж̇ад̇иби.
‘‘ахан̃жа ко, бхигкавз, арияам̣ вирзжанам̣ д̣̇зсзссаами, яам̣ вирзжанам̣ самбаж̇ж̇ад̇иязва но вибаж̇ж̇ад̇и, яам̣ вирзжанам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и, ж̇араад̇хаммаа сад̇д̇аа ж̇арааяа баримужжанд̇и, маран̣ад̇хаммаа сад̇д̇аа маран̣зна баримужжанд̇и, согабарид̣̇звад̣̇угкад̣̇оманассубааяаасад̇хаммаа сад̇д̇аа согабарид̣̇звад̣̇угкад̣̇оманассубааяаасзхи баримужжанд̇и. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘гад̇аман̃жа д̇ам̣, бхигкавз, арияам̣ вирзжанам̣, яам̣ вирзжанам̣ самбаж̇ж̇ад̇иязва но вибаж̇ж̇ад̇и, яам̣ вирзжанам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и, ж̇араад̇хаммаа сад̇д̇аа ж̇арааяа баримужжанд̇и, маран̣ад̇хаммаа сад̇д̇аа маран̣зна баримужжанд̇и , согабарид̣̇звад̣̇угкад̣̇оманассубааяаасад̇хаммаа сад̇д̇аа согабарид̣̇звад̣̇угкад̣̇оманассубааяаасзхи баримужжанд̇и?
‘‘саммаад̣̇идтигасса, бхигкавз, мижчаад̣̇идти вирид̇д̇аа ход̇и; яз жа мижчаад̣̇идтибажжаяаа анзгз баабагаа агусалаа д̇хаммаа самбхаванд̇и д̇з жасса вирид̇д̇аа хонд̇и; саммаад̣̇идтибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммаасан̇габбасса , бхигкавз, мижчаасан̇габбо вирид̇д̇о ход̇и…бз… саммааваажасса, бхигкавз, мижчааваажаа вирид̇д̇аа ход̇и… саммаагамманд̇асса, бхигкавз, мижчаагамманд̇о вирид̇д̇о ход̇и… саммааааж̇ийвасса, бхигкавз, мижчааааж̇ийво вирид̇д̇о ход̇и… саммаавааяаамасса, бхигкавз, мижчаавааяаамо вирид̇д̇о ход̇и… саммаасад̇исса, бхигкавз, мижчаасад̇и вирид̇д̇аа ход̇и… саммаасамаад̇хисса , бхигкавз, мижчаасамаад̇хи вирид̇д̇о ход̇и… саммаан̃аан̣исса, бхигкавз, мижчаан̃аан̣ам̣ вирид̇д̇ам̣ ход̇и…бз….
‘‘саммаавимуд̇д̇исса, бхигкавз, мижчаавимуд̇д̇и вирид̇д̇аа ход̇и; яз жа мижчаавимуд̇д̇ибажжаяаа анзгз баабагаа агусалаа д̇хаммаа самбхаванд̇и д̇з жасса вирид̇д̇аа хонд̇и; саммаавимуд̇д̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и. ид̣̇ам̣ ко д̇ам̣, бхигкавз, арияам̣ вирзжанам̣ яам̣ вирзжанам̣ самбаж̇ж̇ад̇иязва но вибаж̇ж̇ад̇и, яам̣ вирзжанам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и…бз… согабарид̣̇звад̣̇угкад̣̇оманассубааяаасзхи баримужжанд̇ий’’д̇и. адтамам̣.
9. ваманасуд̇д̇ам̣
109. ‘‘д̇игижчагаа , бхигкавз, ваманам̣ д̣̇знд̇и бид̇д̇асамудтаанаанамби ааб̣аад̇хаанам̣ бадигхаад̇ааяа, сзмхасамудтаанаанамби ааб̣аад̇хаанам̣ бадигхаад̇ааяа, ваад̇асамудтаанаанамби ааб̣аад̇хаанам̣ бадигхаад̇ааяа. ад̇т̇зд̇ам̣, бхигкавз, ваманам̣; ‘нзд̇ам̣ над̇т̇ий’д̇и вад̣̇аами. д̇ан̃жа ко зд̇ам̣, бхигкавз, ваманам̣ самбаж̇ж̇ад̇иби вибаж̇ж̇ад̇иби.
‘‘ахан̃жа ко, бхигкавз, арияам̣ ваманам̣ д̣̇зсзссаами, яам̣ ваманам̣ самбаж̇ж̇ад̇иязва но вибаж̇ж̇ад̇и, яам̣ ваманам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и, ж̇араад̇хаммаа сад̇д̇аа ж̇арааяа баримужжанд̇и, маран̣ад̇хаммаа сад̇д̇аа маран̣зна баримужжанд̇и, согабарид̣̇звад̣̇угкад̣̇оманассубааяаасад̇хаммаа сад̇д̇аа согабарид̣̇звад̣̇угкад̣̇оманассубааяаасзхи баримужжанд̇и. д̇ам̣ сун̣аат̇а…бз….
‘‘гад̇аман̃жа д̇ам̣, бхигкавз, арияам̣ ваманам̣, яам̣ ваманам̣ самбаж̇ж̇ад̇иязва но вибаж̇ж̇ад̇и, яам̣ ваманам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и…бз… согабарид̣̇звад̣̇угкад̣̇оманассубааяаасад̇хаммаа сад̇д̇аа согабарид̣̇звад̣̇угкад̣̇оманассубааяаасзхи баримужжанд̇и?
‘‘саммаад̣̇идтигасса , бхигкавз, мижчаад̣̇идти ванд̇аа ход̇и; яз жа мижчаад̣̇идтибажжаяаа анзгз баабагаа агусалаа д̇хаммаа самбхаванд̇и д̇з жасса ванд̇аа хонд̇и; саммаад̣̇идтибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
‘‘саммаасан̇габбасса, бхигкавз, мижчаасан̇габбо ванд̇о ход̇и…бз… саммааваажасса, бхигкавз, мижчааваажаа ванд̇аа ход̇и… саммаагамманд̇асса, бхигкавз, мижчаагамманд̇о ванд̇о ход̇и… саммааааж̇ийвасса бхигкавз, мижчааааж̇ийво ванд̇о ход̇и… саммаавааяаамасса, бхигкавз, мижчаавааяаамо ванд̇о ход̇и… саммаасад̇исса, бхигкавз, мижчаасад̇и ванд̇аа ход̇и… саммаасамаад̇хисса, бхигкавз, мижчаасамаад̇хи ванд̇о ход̇и… саммаан̃аан̣исса, бхигкавз, мижчаан̃аан̣ам̣ ванд̇ам̣ ход̇и …бз….
‘‘саммаавимуд̇д̇исса , бхигкавз, мижчаавимуд̇д̇и ванд̇аа ход̇и; яз жа мижчаавимуд̇д̇ибажжаяаа анзгз баабагаа агусалаа д̇хаммаа самбхаванд̇и д̇з жасса ванд̇аа хонд̇и; саммаавимуд̇д̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и. ид̣̇ам̣ ко д̇ам̣, бхигкавз, арияам̣ ваманам̣ яам̣ ваманам̣ самбаж̇ж̇ад̇иязва но вибаж̇ж̇ад̇и, яам̣ ваманам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и…бз… согабарид̣̇звад̣̇угкад̣̇оманассубааяаасзхи баримужжанд̇ий’’д̇и. навамам̣.
10. нид̣̇д̇хаманийяасуд̇д̇ам̣
110. ‘‘д̣̇асаяимз, бхигкавз, нид̣̇д̇хаманийяаа д̇хаммаа. гад̇амз д̣̇аса? саммаад̣̇идтигасса, бхигкавз, мижчаад̣̇идти нид̣̇д̇ханд̇аа ход̇и; яз жа мижчаад̣̇идтибажжаяаа анзгз баабагаа агусалаа д̇хаммаа самбхаванд̇и д̇з жасса нид̣̇д̇ханд̇аа хонд̇и; саммаад̣̇идтибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и .
‘‘саммаасан̇габбасса, бхигкавз, мижчаасан̇габбо нид̣̇д̇ханд̇о ход̇и…бз… саммааваажасса бхигкавз, мижчааваажаа нид̣̇д̇ханд̇аа ход̇и… саммаагамманд̇асса, бхигкавз, мижчаагамманд̇о нид̣̇д̇ханд̇о ход̇и… саммааааж̇ийвасса, бхигкавз, мижчааааж̇ийво нид̣̇д̇ханд̇о ход̇и… саммаавааяаамасса, бхигкавз, мижчаавааяаамо нид̣̇д̇ханд̇о ход̇и… саммаасад̇исса, бхигкавз, мижчаасад̇и нид̣̇д̇ханд̇аа ход̇и… саммаасамаад̇хисса, бхигкавз, мижчаасамаад̇хи нид̣̇д̇ханд̇о ход̇и… саммаан̃аан̣исса, бхигкавз, мижчаан̃аан̣ам̣ нид̣̇д̇ханд̇ам̣ ход̇и….
‘‘саммаавимуд̇д̇исса , бхигкавз, мижчаавимуд̇д̇и нид̣̇д̇ханд̇аа ход̇и; яз жа мижчаавимуд̇д̇ибажжаяаа анзгз баабагаа агусалаа д̇хаммаа самбхаванд̇и д̇з жасса нид̣̇д̇ханд̇аа хонд̇и; саммаавимуд̇д̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и. имз ко, бхигкавз, д̣̇аса нид̣̇д̇хаманийяаа д̇хаммаа’’д̇и. д̣̇асамам̣.
11. батамаасзкасуд̇д̇ам̣
111. ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа –
‘‘‘асзко асзко’д̇и, бханд̇з, вужжад̇и. гид̇д̇аавад̇аа бханд̇з, бхигку асзко ход̇ий’’д̇и? ‘‘ид̇ха, бхигку, бхигку асзкааяа саммаад̣̇идтияаа саманнааг̇ад̇о ход̇и, асзкзна саммаасан̇габбзна саманнааг̇ад̇о ход̇и, асзкааяа саммааваажааяа саманнааг̇ад̇о ход̇и, асзкзна саммаагамманд̇зна саманнааг̇ад̇о ход̇и, асзкзна саммааааж̇ийвзна саманнааг̇ад̇о ход̇и, асзкзна саммаавааяаамзна саманнааг̇ад̇о ход̇и, асзкааяа саммаасад̇ияаа саманнааг̇ад̇о ход̇и, асзкзна саммаасамаад̇хинаа саманнааг̇ад̇о ход̇и, асзкзна саммаан̃аан̣зна саманнааг̇ад̇о ход̇и, асзкааяа саммаавимуд̇д̇ияаа саманнааг̇ад̇о ход̇и. звам̣ ко, бхигку, бхигку асзко ход̇ий’’д̇и. згаад̣̇асамам̣.
12. д̣̇уд̇ияаасзкасуд̇д̇ам̣
112. ‘‘д̣̇асаяимз , бхигкавз, асзкияаа д̇хаммаа. гад̇амз д̣̇аса? асзкаа саммаад̣̇идти, асзко саммаасан̇габбо, асзкаа саммааваажаа, асзко саммаагамманд̇о, асзко саммааааж̇ийво, асзко саммаавааяаамо, асзкаа саммаасад̇и, асзко саммаасамаад̇хи, асзкам̣ саммаан̃аан̣ам̣, асзкаа саммаавимуд̇д̇и – имз ко, бхигкавз, д̣̇аса асзкияаа д̇хаммаа’’д̇и. д̣̇ваад̣̇асамам̣.
саман̣асан̃н̃ааваг̇г̇о батамо.
д̇ассуд̣̇д̣̇аанам̣ –
сан̃н̃аа б̣ож̇жхан̇г̇аа мижчад̇д̇ам̣, б̣ийж̇ам̣ виж̇ж̇ааяа ниж̇ж̇арам̣;
д̇хованам̣ д̇игижчаа ваманам̣ нид̣̇д̇хаманам̣ д̣̇вз асзкаад̇и.