5. аггосаваг̇г̇о
1. виваад̣̇асуд̇д̇ам̣
41. ат̇а ко ааяасмаа убаали язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа убаали бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у го бажжаяо, язна сан̇гхз бхан̣д̣анагалахавиг̇г̇ахавиваад̣̇аа уббаж̇ж̇анд̇и, бхигкуу жа на паасу паасум̣ (?) вихаранд̇ий’’д̇и? ‘‘ид̇хубаали, бхигкуу ад̇хаммам̣ д̇хаммод̇и д̣̇ийбзнд̇и, д̇хаммам̣ ад̇хаммод̇и д̣̇ийбзнд̇и, авинаяам̣ винаяод̇и д̣̇ийбзнд̇и, винаяам̣ авинаяод̇и д̣̇ийбзнд̇и, абхаасид̇ам̣ алабид̇ам̣ д̇ат̇ааг̇ад̇зна бхаасид̇ам̣ лабид̇ам̣ д̇ат̇ааг̇ад̇знаад̇и д̣̇ийбзнд̇и, бхаасид̇ам̣ лабид̇ам̣ д̇ат̇ааг̇ад̇зна абхаасид̇ам̣ алабид̇ам̣ д̇ат̇ааг̇ад̇знаад̇и д̣̇ийбзнд̇и, анаажин̣н̣ам̣ д̇ат̇ааг̇ад̇зна аажин̣н̣ам̣ д̇ат̇ааг̇ад̇знаад̇и д̣̇ийбзнд̇и, аажин̣н̣ам̣ д̇ат̇ааг̇ад̇зна анаажин̣н̣ам̣ д̇ат̇ааг̇ад̇знаад̇и д̣̇ийбзнд̇и, абан̃н̃ад̇д̇ам̣ д̇ат̇ааг̇ад̇зна бан̃н̃ад̇д̇ам̣ д̇ат̇ааг̇ад̇знаад̇и д̣̇ийбзнд̇и, бан̃н̃ад̇д̇ам̣ д̇ат̇ааг̇ад̇зна абан̃н̃ад̇д̇ам̣ д̇ат̇ааг̇ад̇знаад̇и д̣̇ийбзнд̇и. аяам̣ ко, убаали, хзд̇у аяам̣ бажжаяо, язна сан̇гхз бхан̣д̣анагалахавиг̇г̇ахавиваад̣̇аа уббаж̇ж̇анд̇и, бхигкуу жа на паасу вихаранд̇ий’’д̇и. батамам̣.
2. батамавиваад̣̇амууласуд̇д̇ам̣
42. ‘‘гад̇и ну ко, бханд̇з, виваад̣̇амуулааний’’д̇и? ‘‘д̣̇аса ко, убаали, виваад̣̇амуулаани. гад̇амаани д̣̇аса? ид̇хубаали, бхигкуу ад̇хаммам̣ д̇хаммод̇и д̣̇ийбзнд̇и, д̇хаммам̣ ад̇хаммод̇и д̣̇ийбзнд̇и, авинаяам̣ винаяод̇и д̣̇ийбзнд̇и, винаяам̣ авинаяод̇и д̣̇ийбзнд̇и, абхаасид̇ам̣ алабид̇ам̣ д̇ат̇ааг̇ад̇зна бхаасид̇ам̣ лабид̇ам̣ д̇ат̇ааг̇ад̇знаад̇и д̣̇ийбзнд̇и , бхаасид̇ам̣ лабид̇ам̣ д̇ат̇ааг̇ад̇зна абхаасид̇ам̣ алабид̇ам̣ д̇ат̇ааг̇ад̇знаад̇и д̣̇ийбзнд̇и, анаажин̣н̣ам̣ д̇ат̇ааг̇ад̇зна аажин̣н̣ам̣ д̇ат̇ааг̇ад̇знаад̇и д̣̇ийбзнд̇и, аажин̣н̣ам̣ д̇ат̇ааг̇ад̇зна анаажин̣н̣ам̣ д̇ат̇ааг̇ад̇знаад̇и д̣̇ийбзнд̇и, абан̃н̃ад̇д̇ам̣ д̇ат̇ааг̇ад̇зна бан̃н̃ад̇д̇ам̣ д̇ат̇ааг̇ад̇знаад̇и д̣̇ийбзнд̇и, бан̃н̃ад̇д̇ам̣ д̇ат̇ааг̇ад̇зна абан̃н̃ад̇д̇ам̣ д̇ат̇ааг̇ад̇знаад̇и д̣̇ийбзнд̇и. имаани ко, убаали, д̣̇аса виваад̣̇амуулааний’’д̇и. д̣̇уд̇ияам̣.
3. д̣̇уд̇ияавиваад̣̇амууласуд̇д̇ам̣
43. ‘‘гад̇и ну ко, бханд̇з, виваад̣̇амуулааний’’д̇и? ‘‘д̣̇аса ко, убаали, виваад̣̇амуулаани. гад̇амаани д̣̇аса? ид̇хубаали, бхигкуу анаабад̇д̇им̣ аабад̇д̇ийд̇и д̣̇ийбзнд̇и, аабад̇д̇им̣ анаабад̇д̇ийд̇и д̣̇ийбзнд̇и, лахугам̣ аабад̇д̇им̣ г̇аругаабад̇д̇ийд̇и д̣̇ийбзнд̇и , г̇аругам̣ аабад̇д̇им̣ лахугаабад̇д̇ийд̇и д̣̇ийбзнд̇и, д̣̇удтуллам̣ аабад̇д̇им̣ ад̣̇удтуллаабад̇д̇ийд̇и д̣̇ийбзнд̇и, ад̣̇удтуллам̣ аабад̇д̇им̣ д̣̇удтуллаабад̇д̇ийд̇и д̣̇ийбзнд̇и, саавасзсам̣ аабад̇д̇им̣ анавасзсаабад̇д̇ийд̇и д̣̇ийбзнд̇и, анавасзсам̣ аабад̇д̇им̣ саавасзсаабад̇д̇ийд̇и д̣̇ийбзнд̇и , саббадигаммам̣ аабад̇д̇им̣ аббадигаммаабад̇д̇ийд̇и д̣̇ийбзнд̇и, аббадигаммам̣ аабад̇д̇им̣ саббадигаммаабад̇д̇ийд̇и д̣̇ийбзнд̇и. имаани ко, убаали, д̣̇аса виваад̣̇амуулааний’’д̇и. д̇ад̇ияам̣.
4. гусинаарасуд̇д̇ам̣
44. згам̣ самаяам̣ бхаг̇аваа гусинаарааяам̣ вихарад̇и б̣алихаран̣з ванасан̣д̣з. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
жуул̣ава. 399; бари. 436 ‘‘жод̣̇агзна, бхигкавз, бхигкунаа барам̣ жод̣̇зд̇угаамзна бан̃жа д̇хаммз аж̇жхад̇д̇ам̣ бажжавзгкид̇ваа бан̃жа д̇хаммз аж̇жхад̇д̇ам̣ убадтаабзд̇ваа баро жод̣̇зд̇аб̣б̣о. гад̇амз бан̃жа д̇хаммаа аж̇жхад̇д̇ам̣ бажжавзгкид̇аб̣б̣аа? жод̣̇агзна, бхигкавз, бхигкунаа барам̣ жод̣̇зд̇угаамзна звам̣ бажжавзгкид̇аб̣б̣ам̣ – ‘барисуд̣̇д̇хагааяасамаажааро ну комхи, барисуд̣̇д̇хзнамхи гааяасамаажаарзна саманнааг̇ад̇о ажчид̣̇д̣̇зна аббадимам̣сзна. сам̣виж̇ж̇ад̇и ну ко мз зсо д̇хаммо уд̣̇ааху но’д̇и? но жз, бхигкавз, бхигку барисуд̣̇д̇хагааяасамаажааро ход̇и барисуд̣̇д̇хзна гааяасамаажаарзна саманнааг̇ад̇о ажчид̣̇д̣̇зна аббадимам̣сзна, д̇асса бхаванд̇и вад̇д̇ааро – ‘ин̇гха д̇аава ааяасмаа гааяигам̣ сигкассуу’д̇и, ид̇исса бхаванд̇и вад̇д̇ааро.
‘‘буна жабарам̣, бхигкавз, жод̣̇агзна бхигкунаа барам̣ жод̣̇зд̇угаамзна звам̣ бажжавзгкид̇аб̣б̣ам̣ – ‘барисуд̣̇д̇хаважийсамаажааро ну комхи, барисуд̣̇д̇хзнамхи важийсамаажаарзна саманнааг̇ад̇о ажчид̣̇д̣̇зна аббадимам̣сзна. сам̣виж̇ж̇ад̇и ну ко мз зсо д̇хаммо уд̣̇ааху но’д̇и? но жз, бхигкавз, бхигку барисуд̣̇д̇хаважийсамаажааро ход̇и барисуд̣̇д̇хзна важийсамаажаарзна саманнааг̇ад̇о ажчид̣̇д̣̇зна аббадимам̣сзна, д̇асса бхаванд̇и вад̇д̇ааро – ‘ин̇гха д̇аава ааяасмаа ваажасигам̣ сигкассуу’д̇и, ид̇исса бхаванд̇и вад̇д̇ааро.
‘‘буна жабарам̣, бхигкавз, жод̣̇агзна бхигкунаа барам̣ жод̣̇зд̇угаамзна звам̣ бажжавзгкид̇аб̣б̣ам̣ – ‘мзд̇д̇ам̣ ну ко мз жид̇д̇ам̣ бажжубадтид̇ам̣ саб̣рахмажаарийсу анаагхаад̇ам̣. сам̣виж̇ж̇ад̇и ну ко мз зсо д̇хаммо уд̣̇ааху но’д̇и? но жз, бхигкавз, бхигкуно мзд̇д̇ам̣ жид̇д̇ам̣ бажжубадтид̇ам̣ ход̇и саб̣рахмажаарийсу анаагхаад̇ам̣, д̇асса бхаванд̇и вад̇д̇ааро – ‘ин̇гха д̇аава ааяасмаа саб̣рахмажаарийсу мзд̇д̇ам̣ жид̇д̇ам̣ убадтаабзхий’д̇и, ид̇исса бхаванд̇и вад̇д̇ааро.
‘‘буна жабарам̣, бхигкавз, жод̣̇агзна бхигкунаа барам̣ жод̣̇зд̇угаамзна звам̣ бажжавзгкид̇аб̣б̣ам̣ – ‘б̣ахуссуд̇о ну комхи суд̇ад̇харо суд̇асаннижаяо, яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаа мз д̇хаммаа б̣ахуссуд̇аа хонд̇и д̇хаад̇аа важасаа барижид̇аа манасаанубзгкид̇аа д̣̇идтияаа суббадивид̣̇д̇хаа. сам̣виж̇ж̇ад̇и ну ко мз зсо д̇хаммо уд̣̇ааху но’д̇и? но жз, бхигкавз, бхигку б̣ахуссуд̇о ход̇и суд̇ад̇харо суд̇асаннижаяо, яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаасса д̇хаммаа б̣ахуссуд̇аа хонд̇и д̇хаад̇аа важасаа барижид̇аа манасаанубзгкид̇аа д̣̇идтияаа суббадивид̣̇д̇хаа, д̇асса бхаванд̇и вад̇д̇ааро – ‘ин̇гха д̇аава ааяасмаа ааг̇амам̣ барияаабун̣ассуу’д̇и, ид̇исса бхаванд̇и вад̇д̇ааро.
‘‘буна жабарам̣, бхигкавз, жод̣̇агзна бхигкунаа барам̣ жод̣̇зд̇угаамзна звам̣ бажжавзгкид̇аб̣б̣ам̣ – ‘убхаяаани ко бана мз баад̇имогкаани вид̇т̇аарзна свааг̇ад̇аани хонд̇и сувибхад̇д̇аани суббавад̇д̇ийни сувинижчид̇аани суд̇д̇асо ануб̣яан̃ж̇анасо. сам̣виж̇ж̇ад̇и ну ко мз зсо д̇хаммо уд̣̇ааху но’д̇и? но жз, бхигкавз, бхигкуно убхаяаани баад̇имогкаани вид̇т̇аарзна свааг̇ад̇аани хонд̇и сувибхад̇д̇аани суббавад̇д̇ийни сувинижчид̇аани суд̇д̇асо ануб̣яан̃ж̇анасо, ‘ид̣̇ам̣ банааяасмаа, гад̇т̇а вуд̇д̇ам̣ бхаг̇авад̇аа’д̇и, ид̇и будто на самбааяиссад̇и. д̇асса бхаванд̇и вад̇д̇ааро – ‘ин̇гха д̇аава ааяасмаа винаяам̣ сигкассуу’д̇и, ид̇исса бхаванд̇и вад̇д̇ааро. имз бан̃жа д̇хаммаа аж̇жхад̇д̇ам̣ бажжавзгкид̇аб̣б̣аа.
‘‘гад̇амз бан̃жа д̇хаммаа аж̇жхад̇д̇ам̣ убадтаабзд̇аб̣б̣аа? ‘гаалзна вагкаами, но агаалзна; бхууд̇зна вагкаами, но абхууд̇зна; сан̣хзна вагкаами, но парусзна; ад̇т̇асам̣хид̇зна вагкаами, но анад̇т̇асам̣хид̇зна; мзд̇д̇ажид̇д̇о вагкаами, но д̣̇осанд̇аро’д̇и – имз бан̃жа д̇хаммаа аж̇жхад̇д̇ам̣ убадтаабзд̇аб̣б̣аа. жод̣̇агзна, бхигкавз, бхигкунаа барам̣ жод̣̇зд̇угаамзна имз бан̃жа д̇хаммз аж̇жхад̇д̇ам̣ бажжавзгкид̇ваа имз бан̃жа д̇хаммз аж̇жхад̇д̇ам̣ убадтаабзд̇ваа баро жод̣̇зд̇аб̣б̣о’’д̇и. жад̇уд̇т̇ам̣.
5. рааж̇анд̇збураббавзсанасуд̇д̇ам̣
45. баажи. 497 ‘‘д̣̇асаяимз , бхигкавз, аад̣̇ийнаваа рааж̇анд̇збураббавзсанз. гад̇амз д̣̇аса? ид̇ха, бхигкавз, рааж̇аа махзсияаа сад̣̇д̇хим̣ нисинно ход̇и. д̇ад̇ра бхигку бависад̇и. махзсий ваа бхигкум̣ д̣̇исваа сид̇ам̣ баад̇угарод̇и, бхигку ваа махзсим̣ д̣̇исваа сид̇ам̣ баад̇угарод̇и. д̇ад̇т̇а ран̃н̃о звам̣ ход̇и – ‘ад̣̇д̇хаа имзсам̣ гад̇ам̣ ваа гариссанд̇и ваа’д̇и! аяам̣, бхигкавз, батамо аад̣̇ийнаво рааж̇анд̇збураббавзсанз.
‘‘буна жабарам̣, бхигкавз, рааж̇аа б̣ахугижжо б̣ахугаран̣ийяо ан̃н̃ад̇арам̣ ид̇т̇им̣ г̇анд̇ваа на сарад̇и – ‘саа д̇зна г̇аб̣бхам̣ г̇ан̣хаад̇и’. д̇ад̇т̇а ран̃н̃о звам̣ ход̇и – ‘на ко ид̇ха ан̃н̃о гожи бависад̇и, ан̃н̃ад̇ра баб̣б̣аж̇ид̇зна. сияаа ну ко баб̣б̣аж̇ид̇асса гамма’нд̇и. аяам̣, бхигкавз, д̣̇уд̇ияо аад̣̇ийнаво рааж̇анд̇збураббавзсанз.
‘‘буна жабарам̣, бхигкавз, ран̃н̃о анд̇збурз ан̃н̃ад̇арам̣ рад̇анам̣ нассад̇и. д̇ад̇т̇а ран̃н̃о звам̣ ход̇и – ‘на ко ид̇ха ан̃н̃о гожи бависад̇и, ан̃н̃ад̇ра баб̣б̣аж̇ид̇зна. сияаа ну ко баб̣б̣аж̇ид̇асса гамма’нд̇и. аяам̣, бхигкавз, д̇ад̇ияо аад̣̇ийнаво рааж̇анд̇збураббавзсанз.
‘‘буна жабарам̣, бхигкавз, ран̃н̃о анд̇збурз аб̣бханд̇араа г̇уяхаманд̇аа б̣ахид̣̇д̇хаа самбхзд̣̇ам̣ г̇ажчанд̇и. д̇ад̇т̇а ран̃н̃о звам̣ ход̇и – ‘на ко ид̇ха ан̃н̃о гожи бависад̇и, ан̃н̃ад̇ра баб̣б̣аж̇ид̇зна . сияаа ну ко баб̣б̣аж̇ид̇асса гамма’нд̇и. аяам̣, бхигкавз, жад̇уд̇т̇о аад̣̇ийнаво рааж̇анд̇збураббавзсанз.
‘‘буна жабарам̣, бхигкавз, ран̃н̃о анд̇збурз бид̇аа ваа буд̇д̇ам̣ бад̇т̇зд̇и буд̇д̇о ваа бид̇арам̣ бад̇т̇зд̇и. д̇зсам̣ звам̣ ход̇и – ‘на ко ид̇ха ан̃н̃о гожи бависад̇и, ан̃н̃ад̇ра баб̣б̣аж̇ид̇зна. сияаа ну ко баб̣б̣аж̇ид̇асса гамма’нд̇и. аяам̣, бхигкавз, бан̃жамо аад̣̇ийнаво рааж̇анд̇збураббавзсанз.
‘‘буна жабарам̣, бхигкавз, рааж̇аа нийжадтаанияам̣ ужжз таанз табзд̇и. язсам̣ д̇ам̣ аманаабам̣ д̇зсам̣ звам̣ ход̇и – ‘рааж̇аа ко баб̣б̣аж̇ид̇зна сам̣садто. сияаа ну ко баб̣б̣аж̇ид̇асса гамма’нд̇и. аяам̣, бхигкавз, чадто аад̣̇ийнаво рааж̇анд̇збураббавзсанз.
‘‘буна жабарам̣, бхигкавз, рааж̇аа ужжадтаанияам̣ нийжз таанз табзд̇и. язсам̣ д̇ам̣ аманаабам̣ д̇зсам̣ звам̣ ход̇и – ‘рааж̇аа ко баб̣б̣аж̇ид̇зна сам̣садто. сияаа ну ко баб̣б̣аж̇ид̇асса гамма’нд̇и. аяам̣, бхигкавз, сад̇д̇амо аад̣̇ийнаво рааж̇анд̇збураббавзсанз.
‘‘буна жабарам̣, бхигкавз, рааж̇аа агаалз сзнам̣ уяяож̇зд̇и. язсам̣ д̇ам̣ аманаабам̣ д̇зсам̣ звам̣ ход̇и – ‘рааж̇аа ко баб̣б̣аж̇ид̇зна сам̣садто. сияаа ну ко баб̣б̣аж̇ид̇асса гамма’нд̇и. аяам̣, бхигкавз, адтамо аад̣̇ийнаво рааж̇анд̇збураббавзсанз.
‘‘буна жабарам̣, бхигкавз, рааж̇аа гаалз сзнам̣ уяяож̇зд̇ваа анд̇араамаг̇г̇ад̇о нивад̇д̇аабзд̇и. язсам̣ д̇ам̣ аманаабам̣ д̇зсам̣ звам̣ ход̇и – ‘рааж̇аа ко баб̣б̣аж̇ид̇зна сам̣садто. сияаа ну ко баб̣б̣аж̇ид̇асса гамма’нд̇и. аяам̣, бхигкавз, навамо аад̣̇ийнаво рааж̇анд̇збураббавзсанз.
‘‘буна жабарам̣, бхигкавз, ран̃н̃о анд̇збурам̣ хад̇т̇исаммад̣̇д̣̇ам̣ ассасаммад̣̇д̣̇ам̣ рат̇асаммад̣̇д̣̇ам̣ раж̇анийяаани руубасад̣̇д̣̇аг̇анд̇харасаподтаб̣б̣аани, яаани на баб̣б̣аж̇ид̇асса сааруббаани. аяам̣, бхигкавз, д̣̇асамо аад̣̇ийнаво рааж̇анд̇збураббавзсанз. имз ко, бхигкавз, д̣̇аса аад̣̇ийнаваа рааж̇анд̇збураббавзсанз’’д̇и. бан̃жамам̣.
6. саггасуд̇д̇ам̣
46. згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко самб̣ахулаа саггаа убаасагаа д̇ад̣̇ахубосат̇з язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннз ко саггз убаасагз бхаг̇аваа зд̇ад̣̇авожа – ‘‘аби ну д̇умхз, саггаа, адтан̇г̇асаманнааг̇ад̇ам̣ убосат̇ам̣ убавасат̇аа’’д̇и? ‘‘аббзгад̣̇аа маяам̣, бханд̇з, адтан̇г̇асаманнааг̇ад̇ам̣ убосат̇ам̣ убавасаама, аббзгад̣̇аа на убавасаамаа’’д̇и. ‘‘д̇зсам̣ во, саггаа, алаабхаа д̇зсам̣ д̣̇уллад̣̇д̇хам̣, яз д̇умхз звам̣ согасабхаяз ж̇ийвид̇з маран̣асабхаяз ж̇ийвид̇з аббзгад̣̇аа адтан̇г̇асаманнааг̇ад̇ам̣ убосат̇ам̣ убавасат̇а, аббзгад̣̇аа на убавасат̇а.
‘‘д̇ам̣ гим̣ ман̃н̃ат̇а, саггаа, ид̇ха бурисо язна гзнажи гаммадтаанзна анаабаж̇ж̇а агусалам̣ д̣̇ивасам̣ ад̣дхагахаабан̣ам̣ ниб̣б̣исзяяа. д̣̇агко бурисо удтаанасамбаннод̇и алам̣ важанааяаа’’д̇и? ‘‘звам̣, бханд̇з’’.
‘‘д̇ам̣ гим̣ ман̃н̃ат̇а, саггаа, ид̇ха бурисо язна гзнажи гаммадтаанзна анаабаж̇ж̇а агусалам̣ д̣̇ивасам̣ гахаабан̣ам̣ ниб̣б̣исзяяа. д̣̇агко бурисо удтаанасамбаннод̇и алам̣ важанааяаа’’д̇и? ‘‘звам̣, бханд̇з’’.
‘‘д̇ам̣ гим̣, ман̃н̃ат̇а, саггаа, ид̇ха бурисо язна гзнажи гаммадтаанзна анаабаж̇ж̇а агусалам̣ д̣̇ивасам̣ д̣̇вз гахаабан̣з ниб̣б̣исзяяа … д̇аяо гахаабан̣з ниб̣б̣исзяяа… жад̇д̇ааро гахаабан̣з ниб̣б̣исзяяа… бан̃жа гахаабан̣з ниб̣б̣исзяяа… ча гахаабан̣з ниб̣б̣исзяяа… сад̇д̇а гахаабан̣з ниб̣б̣исзяяа… адта гахаабан̣з ниб̣б̣исзяяа… нава гахаабан̣з ниб̣б̣исзяяа… д̣̇аса гахаабан̣з ниб̣б̣исзяяа… вийса гахаабан̣з ниб̣б̣исзяяа… д̇им̣са гахаабан̣з ниб̣б̣исзяяа… жад̇д̇аарийсам̣ гахаабан̣з ниб̣б̣исзяяа… бан̃н̃аасам̣ гахаабан̣з ниб̣б̣исзяяа… гахаабан̣асад̇ам̣ ниб̣б̣исзяяа. д̣̇агко бурисо удтаанасамбаннод̇и алам̣ важанааяаа’’д̇и? ‘‘звам̣, бханд̇з’’.
‘‘д̇ам̣ гим̣ ман̃н̃ат̇а, саггаа, аби ну со бурисо д̣̇ивасз д̣̇ивасз гахаабан̣асад̇ам̣ гахаабан̣асахассам̣ ниб̣б̣исамаано лад̣̇д̇хам̣ лад̣̇д̇хам̣ нигкибанд̇о вассасад̇ааяуго вассасад̇аж̇ийвий маханд̇ам̣ бхог̇агканд̇хам̣ ад̇хиг̇ажчзяяаа’’д̇и? ‘‘звам̣, бханд̇з’’.
‘‘д̇ам̣ гим̣ ман̃н̃ат̇а, саггаа, аби ну со бурисо бхог̇ахзд̇у бхог̇анид̣̇аанам̣ бхог̇аад̇хигаран̣ам̣ згам̣ ваа рад̇д̇им̣ згам̣ ваа д̣̇ивасам̣ убад̣дхам̣ ваа рад̇д̇им̣ убад̣дхам̣ ваа д̣̇ивасам̣ зганд̇асукаббадисам̣взд̣̇ий вихарзяяаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘гаамаа хи, бханд̇з, анижжаа д̇ужчаа мусаа мосад̇хаммаа’’д̇и.
‘‘ид̇ха бана во, саггаа, мама сааваго д̣̇аса вассаани аббамад̇д̇о аад̇аабий бахид̇ад̇д̇о вихаранд̇о яат̇аа маяаанусидтам̣ д̇ат̇аа бадибаж̇ж̇амаано сад̇амби вассаани сад̇амби вассасад̇аани сад̇амби вассасахассаани зганд̇асукаббадисам̣взд̣̇ий вихарзяяа. со жа квасса сагад̣̇ааг̇аамий ваа анааг̇аамий ваа абан̣н̣агам̣ ваа сод̇аабанно. д̇идтанд̇у, саггаа, д̣̇аса вассаани.
ид̇ха мама сааваго нава вассаани… адта вассаани… сад̇д̇а вассаани… ча вассаани… бан̃жа вассаани жад̇д̇аари вассаани… д̇ийн̣и вассаани… д̣̇вз вассаани… згам̣ вассам̣ аббамад̇д̇о аад̇аабий бахид̇ад̇д̇о вихаранд̇о яат̇аа маяаанусидтам̣ д̇ат̇аа бадибаж̇ж̇амаано сад̇амби вассаани сад̇амби вассасад̇аани сад̇амби вассасахассаани зганд̇асукаббадисам̣взд̣̇ий вихарзяяа, со жа квасса сагад̣̇ааг̇аамий ваа анааг̇аамий ваа абан̣н̣агам̣ ваа сод̇аабанно. д̇идтад̇у, саггаа, згам̣ вассам̣.
ид̇ха мама сааваго д̣̇аса маасз аббамад̇д̇о аад̇аабий бахид̇ад̇д̇о вихаранд̇о яат̇аа маяаанусидтам̣ д̇ат̇аа бадибаж̇ж̇амаано сад̇амби вассаани сад̇амби вассасад̇аани сад̇амби вассасахассаани зганд̇асукаббадисам̣взд̣̇ий вихарзяяа, со жа квасса сагад̣̇ааг̇аамий ваа анааг̇аамий ваа абан̣н̣агам̣ ваа сод̇аабанно. д̇идтанд̇у, саггаа, д̣̇аса маасаа.
ид̇ха мама сааваго нава маасз… адта маасз… сад̇д̇а маасз… ча маасз… бан̃жа маасз… жад̇д̇ааро маасз… д̇аяо маасз… д̣̇вз маасз… згам̣ маасам̣… ад̣дхамаасам̣ аббамад̇д̇о аад̇аабий бахид̇ад̇д̇о вихаранд̇о яат̇аа маяаанусидтам̣ д̇ат̇аа бадибаж̇ж̇амаано сад̇амби вассаани сад̇амби вассасад̇аани сад̇амби вассасахассаани зганд̇асукаббадисам̣взд̣̇ий вихарзяяа, со жа квасса сагад̣̇ааг̇аамий ваа анааг̇аамий ваа абан̣н̣агам̣ ваа сод̇аабанно. д̇идтад̇у, саггаа, ад̣дхамаасо.
ид̇ха мама сааваго д̣̇аса рад̇д̇инд̣̇ивз рад̇д̇ид̣̇ивз (га.) аббамад̇д̇о аад̇аабий бахид̇ад̇д̇о вихаранд̇о яат̇аа маяаанусидтам̣ д̇ат̇аа бадибаж̇ж̇амаано сад̇амби вассаани сад̇амби вассасад̇аани сад̇амби вассасахассаани зганд̇асукаббадисам̣взд̣̇ий вихарзяяа, со жа квасса сагад̣̇ааг̇аамий ваа анааг̇аамий ваа абан̣н̣агам̣ ваа сод̇аабанно. д̇идтанд̇у, саггаа, д̣̇аса рад̇д̇инд̣̇иваа.
ид̇ха мама сааваго нава рад̇д̇инд̣̇ивз… адта рад̇д̇инд̣̇ивз… сад̇д̇а рад̇д̇инд̣̇ивз… ча рад̇д̇инд̣̇ивз… бан̃жа рад̇д̇инд̣̇ивз… жад̇д̇ааро рад̇д̇инд̣̇ивз… д̇аяо рад̇д̇инд̣̇ивз… д̣̇вз рад̇д̇инд̣̇ивз… згам̣ рад̇д̇инд̣̇ивам̣ аббамад̇д̇о аад̇аабий бахид̇ад̇д̇о вихаранд̇о яат̇аа маяаанусидтам̣ д̇ат̇аа бадибаж̇ж̇амаано сад̇амби вассаани сад̇амби вассасад̇аани сад̇амби вассасахассаани зганд̇асукаббадисам̣взд̣̇ий вихарзяяа, со жа квасса сагад̣̇ааг̇аамий ваа анааг̇аамий ваа абан̣н̣агам̣ ваа сод̇аабанно. д̇зсам̣ во, саггаа, алаабхаа д̇зсам̣ д̣̇уллад̣̇д̇хам̣, яз д̇умхз звам̣ согасабхаяз ж̇ийвид̇з маран̣асабхаяз ж̇ийвид̇з аббзгад̣̇аа адтан̇г̇асаманнааг̇ад̇ам̣ убосат̇ам̣ убавасат̇а, аббзгад̣̇аа на убавасат̇аа’’д̇и. ‘‘зд̇з маяам̣, бханд̇з, аж̇ж̇ад̇аг̇г̇з адтан̇г̇асаманнааг̇ад̇ам̣ убосат̇ам̣ убавасиссаамаа’’д̇и. чадтам̣.
7. махаалисуд̇д̇ам̣
47. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко махаали лижчави язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко махаали лижчави бхаг̇аванд̇ам̣ зд̇ад̣̇авожа – ‘‘го ну ко, бханд̇з хзд̇у, го бажжаяо баабасса гаммасса гирияааяа баабасса гаммасса бавад̇д̇ияаа’’д̇и? ‘‘лобхо ко, махаали, хзд̇у, лобхо бажжаяо баабасса гаммасса гирияааяа баабасса гаммасса бавад̇д̇ияаа. д̣̇осо ко, махаали, хзд̇у, д̣̇осо бажжаяо баабасса гаммасса гирияааяа баабасса гаммасса бавад̇д̇ияаа. мохо ко, махаали, хзд̇у, мохо бажжаяо баабасса гаммасса гирияааяа баабасса гаммасса бавад̇д̇ияаа. аяонисо манасигааро ко, махаали, хзд̇у, аяонисо манасигааро бажжаяо баабасса гаммасса гирияааяа баабасса гаммасса бавад̇д̇ияаа. мижчаабан̣ихид̇ам̣ ко, махаали, жид̇д̇ам̣ хзд̇у, мижчаабан̣ихид̇ам̣ жид̇д̇ам̣ бажжаяо баабасса гаммасса гирияааяа баабасса гаммасса бавад̇д̇ияаад̇и. аяам̣ ко, махаали, хзд̇у, аяам̣ бажжаяо баабасса гаммасса гирияааяа баабасса гаммасса бавад̇д̇ияаа’’д̇и.
‘‘го бана, бханд̇з, хзд̇у го бажжаяо галяаан̣асса гаммасса гирияааяа галяаан̣асса гаммасса бавад̇д̇ияаа’’д̇и? ‘‘алобхо ко, махаали, хзд̇у, алобхо бажжаяо галяаан̣асса гаммасса гирияааяа галяаан̣асса гаммасса бавад̇д̇ияаа. ад̣̇осо ко, махаали, хзд̇у, ад̣̇осо бажжаяо галяаан̣асса гаммасса гирияааяа галяаан̣асса гаммасса бавад̇д̇ияаа. амохо ко, махаали, хзд̇у, амохо бажжаяо галяаан̣асса гаммасса гирияааяа галяаан̣асса гаммасса бавад̇д̇ияаа. яонисо манасигааро ко, махаали, хзд̇у, яонисо манасигааро бажжаяо галяаан̣асса гаммасса гирияааяа галяаан̣асса гаммасса бавад̇д̇ияаа. саммаабан̣ихид̇ам̣ ко, махаали, жид̇д̇ам̣ хзд̇у, саммаабан̣ихид̇ам̣ жид̇д̇ам̣ бажжаяо галяаан̣асса гаммасса гирияааяа галяаан̣асса гаммасса бавад̇д̇ияаа. аяам̣ ко, махаали, хзд̇у, аяам̣ бажжаяо галяаан̣асса гаммасса гирияааяа галяаан̣асса гаммасса бавад̇д̇ияаа. имз жа, махаали, д̣̇аса д̇хаммаа логз на сам̣виж̇ж̇зяяум̣, наяид̇ха бан̃н̃ааязт̇а ад̇хаммажарияаависамажарияаад̇и ваа д̇хаммажарияаасамажарияаад̇и ваа. яасмаа жа ко, махаали, имз д̣̇аса д̇хаммаа логз сам̣виж̇ж̇анд̇и, д̇асмаа бан̃н̃ааяад̇и ад̇хаммажарияаависамажарияаад̇и ваа д̇хаммажарияаасамажарияаад̇и ваа’’д̇и. сад̇д̇амам̣.
8. баб̣б̣аж̇ид̇аабхин̣хасуд̇д̇ам̣
48. ‘‘д̣̇асаяимз, бхигкавз, д̇хаммаа баб̣б̣аж̇ид̇зна абхин̣хам̣ бажжавзгкид̇аб̣б̣аа . гад̇амз д̣̇аса? ‘взван̣н̣ияамхи аж̇жхубаг̇ад̇о’д̇и баб̣б̣аж̇ид̇зна абхин̣хам̣ бажжавзгкид̇аб̣б̣ам̣; ‘барабадиб̣ад̣̇д̇хаа мз ж̇ийвигаа’д̇и баб̣б̣аж̇ид̇зна абхин̣хам̣ бажжавзгкид̇аб̣б̣ам̣; ‘ан̃н̃о мз аагаббо гаран̣ийяо’д̇и баб̣б̣аж̇ид̇зна абхин̣хам̣ бажжавзгкид̇аб̣б̣ам̣; ‘гажжи ну ко мз ад̇д̇аа сийлад̇о на убавад̣̇ад̇ий’д̇и баб̣б̣аж̇ид̇зна абхин̣хам̣ бажжавзгкид̇аб̣б̣ам̣; ‘гажжи ну ко мам̣ анувижжа вин̃н̃уу саб̣рахмажаарий сийлад̇о на убавад̣̇анд̇ий’д̇и баб̣б̣аж̇ид̇зна абхин̣хам̣ бажжавзгкид̇аб̣б̣ам̣; ‘саб̣б̣зхи мз биязхи манаабзхи наанаабхааво винаабхааво’д̇и баб̣б̣аж̇ид̇зна абхин̣хам̣ бажжавзгкид̇аб̣б̣ам̣; ‘гаммассагомхи гаммад̣̇ааяаад̣̇о гаммаяони гаммаб̣анд̇ху гаммабадисаран̣о, яам̣ гаммам̣ гариссаами галяаан̣ам̣ ваа баабагам̣ ваа д̇асса д̣̇ааяаад̣̇о бхависсаамий’д̇и баб̣б̣аж̇ид̇зна абхин̣хам̣ бажжавзгкид̇аб̣б̣ам̣; ‘гат̇ам̣бхууд̇асса мз рад̇д̇инд̣̇иваа вийд̇ивад̇д̇анд̇ий’д̇и баб̣б̣аж̇ид̇зна абхин̣хам̣ бажжавзгкид̇аб̣б̣ам̣; ‘гажжи ну ко ахам̣ сун̃н̃ааг̇аарз абхирамаамий’д̇и баб̣б̣аж̇ид̇зна абхин̣хам̣ бажжавзгкид̇аб̣б̣ам̣; ‘ад̇т̇и ну ко мз уд̇д̇ари мануссад̇хаммо аламарияан̃аан̣ад̣̇ассанависзсо ад̇хиг̇ад̇о, язнаахам̣ яохам̣ (сий. бий. га.), сохам̣ (сяаа.) бажчимз гаалз саб̣рахмажаарийхи будто на ман̇гу бхависсаамий’д̇и баб̣б̣аж̇ид̇зна абхин̣хам̣ бажжавзгкид̇аб̣б̣ам̣. имз ко, бхигкавз, д̣̇аса д̇хаммаа баб̣б̣аж̇ид̇зна абхин̣хам̣ бажжавзгкид̇аб̣б̣аа’’д̇и. адтамам̣.
9. сарийрадтад̇хаммасуд̇д̇ам̣
49. ‘‘д̣̇асаяимз, бхигкавз, д̇хаммаа сарийрадтаа. гад̇амз д̣̇аса? сийд̇ам̣, ун̣хам̣, ж̇игхажчаа, бибаасаа, ужжааро, бассааво, гааяасам̣варо, важийсам̣варо, ааж̇ийвасам̣варо, бонобхавиго боноб̣бхавиго (га.) бхавасан̇кааро – имз ко, бхигкавз, д̣̇аса д̇хаммаа сарийрадтаа’’д̇и. навамам̣.
10. бхан̣д̣анасуд̇д̇ам̣
50. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна самб̣ахулаа бхигкуу бажчаабхад̇д̇ам̣ бин̣д̣абаад̇абадигганд̇аа убадтаанасаалааяам̣ саннисиннаа саннибад̇ид̇аа бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и.
ат̇а ко бхаг̇аваа сааяанхасамаяам̣ бадисаллаанаа вудтид̇о язна убадтаанасаалаа д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа бхигкуу ааманд̇зси – ‘‘гааяа нуд̇т̇а, бхигкавз, зд̇арахи гат̇ааяа саннисиннаа саннибад̇ид̇аа, гаа жа бана во анд̇араагат̇аа виббагад̇аа’’д̇и?
‘‘ид̇ха маяам̣, бханд̇з, бажчаабхад̇д̇ам̣ бин̣д̣абаад̇абадигганд̇аа убадтаанасаалааяам̣ саннисиннаа саннибад̇ид̇аа бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихараамаа’’д̇и. ‘‘на ко банзд̇ам̣, бхигкавз, д̇умхаагам̣ бад̇ируубам̣ гулабуд̇д̇аанам̣ сад̣̇д̇хааяа аг̇аарасмаа анаг̇аарияам̣ баб̣б̣аж̇ид̇аанам̣, яам̣ д̇умхз бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихарзяяаат̇а.
‘‘д̣̇асаяимз, бхигкавз, д̇хаммаа сааран̣ийяаа бияагаран̣аа г̇аругаран̣аа бияагараан̣аа г̇аругараан̣аа (?) сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇анд̇и. гад̇амз д̣̇аса? ид̇ха, бхигкавз, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. яамби, бхигкавз, бхигку сийлаваа ход̇и…бз… самаад̣̇ааяа сигкад̇и сигкаабад̣̇зсу, аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
‘‘буна жабарам̣, бхигкавз, бхигку б̣ахуссуд̇о ход̇и суд̇ад̇харо суд̇асаннижаяо, яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаасса д̇хаммаа б̣ахуссуд̇аа хонд̇и д̇хаад̇аа важасаа барижид̇аа манасаанубзгкид̇аа д̣̇идтияаа суббадивид̣̇д̇хаа. яамби, бхигкавз, бхигку б̣ахуссуд̇о ход̇и…бз… д̣̇идтияаа суббадивид̣̇д̇хаа, аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
‘‘буна жабарам̣, бхигкавз, бхигку галяаан̣амид̇д̇о ход̇и галяаан̣асахааяо галяаан̣асамбаван̇го. яамби, бхигкавз, бхигку галяаан̣амид̇д̇о ход̇и галяаан̣асахааяо галяаан̣асамбаван̇го, аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
‘‘буна жабарам̣, бхигкавз, бхигку суважо ход̇и соважассагаран̣зхи д̇хаммзхи саманнааг̇ад̇о камо бад̣̇агкин̣аг̇г̇аахий анусаасаним̣. яамби, бхигкавз, бхигку суважо ход̇и соважассагаран̣зхи д̇хаммзхи саманнааг̇ад̇о камо бад̣̇агкин̣аг̇г̇аахий анусаасаним̣, аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
‘‘буна жабарам̣, бхигкавз, бхигку яаани д̇аани саб̣рахмажаарийнам̣ ужжааважаани гим̣гаран̣ийяаани – д̇ад̇т̇а д̣̇агко ход̇и аналасо, д̇ад̇руубааяааяа виймам̣сааяа саманнааг̇ад̇о алам̣ гаад̇ум̣ алам̣ сам̣вид̇хаад̇ум̣. яамби, бхигкавз, бхигку яаани д̇аани саб̣рахмажаарийнам̣ ужжааважаани гим̣гаран̣ийяаани – д̇ад̇т̇а д̣̇агко ход̇и аналасо д̇ад̇руубааяааяа виймам̣сааяа саманнааг̇ад̇о алам̣ гаад̇ум̣ алам̣ сам̣вид̇хаад̇ум̣, аяамби д̇хаммо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
‘‘буна жабарам̣, бхигкавз, бхигку д̇хаммагаамо ход̇и бияасамуд̣̇аахааро, абхид̇хаммз абхивинаяз ул̣аарабаамож̇ж̇о. яамби, бхигкавз, бхигку д̇хаммагаамо ход̇и бияасамуд̣̇аахааро, абхид̇хаммз абхивинаяз ул̣аарабаамож̇ж̇о, аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
‘‘буна жабарам̣, бхигкавз, бхигку аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. яамби, бхигкавз, бхигку аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу, аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
‘‘буна жабарам̣, бхигкавз, бхигку санд̇удто ход̇и ид̇арийд̇аражийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарзна. яамби, бхигкавз, бхигку санд̇удто ход̇и ид̇арийд̇аражийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарзна, аяамби д̇хаммо сааран̣ийяо…бз… сам̣вад̇д̇ад̇и.
‘‘буна жабарам̣, бхигкавз, бхигку сад̇имаа ход̇и, барамзна сад̇инзбаггзна саманнааг̇ад̇о, жирагад̇амби жирабхаасид̇амби сарид̇аа ануссарид̇аа. яамби , бхигкавз, бхигку сад̇имаа ход̇и, барамзна сад̇инзбаггзна саманнааг̇ад̇о, жирагад̇амби жирабхаасид̇амби сарид̇аа ануссарид̇аа, аяамби д̇хаммо сааран̣ийяо…бз… сам̣вад̇д̇ад̇и.
‘‘буна жабарам̣, бхигкавз, бхигку бан̃н̃аваа ход̇и, уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. яамби, бхигкавз, бхигку бан̃н̃аваа ход̇и, уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа, аяамби д̇хаммо сааран̣ийяо…бз… сам̣вад̇д̇ад̇и. имз ко, бхигкавз, д̣̇аса д̇хаммаа сааран̣ийяаа бияагаран̣аа г̇аругаран̣аа сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇анд̇ий’’д̇и. д̣̇асамам̣.
аггосаваг̇г̇о бан̃жамо.
д̇ассуд̣̇д̣̇аанам̣ –
виваад̣̇аа д̣̇вз жа муулаани, гусинаарабавзсанз;
сагго махаали абхин̣хам̣, сарийрадтаа жа бхан̣д̣анаад̇и.
батамабан̣н̣аасагам̣ самад̇д̇ам̣.
2. д̣̇уд̇ияабан̣н̣аасагам̣