(6) 1. сажид̇д̇аваг̇г̇о
1. сажид̇д̇асуд̇д̇ам̣
51. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘но жз, бхигкавз, бхигку баражид̇д̇абарияааяагусало ход̇и, ат̇а ‘сажид̇д̇абарияааяагусало бхависсаамий’д̇и бхависсаамаад̇и (сяаа.) – зван̃хи во, бхигкавз, сигкид̇аб̣б̣ам̣.
‘‘гат̇ан̃жа, бхигкавз, бхигку сажид̇д̇абарияааяагусало ход̇и? сзяяат̇ааби, бхигкавз, ид̇т̇ий ваа бурисо ваа д̣̇ахаро яуваа ман̣д̣анагаж̇аад̇иго аад̣̇аасз ваа барисуд̣̇д̇хз барияод̣̇аад̇з ажчз ваа уд̣̇агабад̇д̇з сагам̣ муканимид̇д̇ам̣ бажжавзгкамаано сажз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇ассзва раж̇асса ваа ан̇г̇ан̣асса ваа бахаанааяа вааяамад̇и. но жз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇знзвад̇д̇амано ход̇и барибун̣н̣асан̇габбо – ‘лаабхаа вад̇а мз, барисуд̣̇д̇хам̣ вад̇а мз’д̇и. звамзвам̣ ко, бхигкавз, бхигкуно бажжавзгкан̣аа б̣ахугаараа бхигку бажжавзгкамаано б̣ахугааро (га.) ход̇и гусалзсу д̇хаммзсу – ‘абхиж̇жхаалу ну ко б̣ахулам̣ вихараами, анабхиж̇жхаалу ну ко б̣ахулам̣ вихараами, б̣яаабаннажид̇д̇о ну ко б̣ахулам̣ вихараами, аб̣яаабаннажид̇д̇о ну ко б̣ахулам̣ вихараами, т̇инамид̣̇д̇хабарияудтид̇о ну ко б̣ахулам̣ вихараами, виг̇ад̇ат̇инамид̣̇д̇хо ну ко б̣ахулам̣ вихараами , уд̣̇д̇хад̇о ну ко б̣ахулам̣ вихараами, ануд̣̇д̇хад̇о ну ко б̣ахулам̣ вихараами, вижигижчо ну ко б̣ахулам̣ вихараами, д̇ин̣н̣авижигижчо ну ко б̣ахулам̣ вихараами, год̇хано ну ко б̣ахулам̣ вихараами, аггод̇хано ну ко б̣ахулам̣ вихараами, сам̣гилидтажид̇д̇о ну ко б̣ахулам̣ вихараами, асам̣гилидтажид̇д̇о ну ко б̣ахулам̣ вихараами , саарад̣̇д̇хагааяо ну ко б̣ахулам̣ вихараами, асаарад̣̇д̇хагааяо ну ко б̣ахулам̣ вихараами, гусийд̇о ну ко б̣ахулам̣ вихараами, аарад̣̇д̇хавийрияо ну ко б̣ахулам̣ вихараами, асамаахид̇о ну ко б̣ахулам̣ вихараами, самаахид̇о ну ко б̣ахулам̣ вихараамий’д̇и.
‘‘сажз , бхигкавз, бхигку бажжавзгкамаано звам̣ ж̇аанаад̇и – ‘абхиж̇жхаалу б̣ахулам̣ вихараами, б̣яаабаннажид̇д̇о б̣ахулам̣ вихараами, т̇инамид̣̇д̇хабарияудтид̇о б̣ахулам̣ вихараами, уд̣̇д̇хад̇о б̣ахулам̣ вихараами, вижигижчо б̣ахулам̣ вихараами, год̇хано б̣ахулам̣ вихараами, сам̣гилидтажид̇д̇о б̣ахулам̣ вихараами, саарад̣̇д̇хагааяо б̣ахулам̣ вихараами, гусийд̇о б̣ахулам̣ вихараами, асамаахид̇о б̣ахулам̣ вихараамий’д̇и, д̇зна, бхигкавз, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣. сзяяат̇ааби, бхигкавз, аад̣̇ид̇д̇ажзло ваа аад̣̇ид̇д̇асийсо ваа. д̇ассзва жзласса ваа сийсасса ваа ниб̣б̣аабанааяа ад̇химад̇д̇ам̣ чанд̣̇ан̃жа вааяааман̃жа уссаахан̃жа уссол̣хин̃жа аббадиваанин̃жа сад̇ин̃жа самбаж̇ан̃н̃ан̃жа гарзяяа. звамзвам̣ ко д̇зна, бхигкавз, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣.
‘‘сажз бана, бхигкавз, бхигку бажжавзгкамаано звам̣ ж̇аанаад̇и – ‘анабхиж̇жхаалу б̣ахулам̣ вихараами, аб̣яаабаннажид̇д̇о б̣ахулам̣ вихараами, виг̇ад̇ат̇инамид̣̇д̇хо б̣ахулам̣ вихараами, ануд̣̇д̇хад̇о б̣ахулам̣ вихараами, д̇ин̣н̣авижигижчо б̣ахулам̣ вихараами, аггод̇хано б̣ахулам̣ вихараами, асам̣гилидтажид̇д̇о б̣ахулам̣ вихараами, асаарад̣̇д̇хагааяо б̣ахулам̣ вихараами, аарад̣̇д̇хавийрияо б̣ахулам̣ вихараами, самаахид̇о б̣ахулам̣ вихараамий’д̇и, д̇зна, бхигкавз, бхигкунаа д̇зсуязва гусалзсу д̇хаммзсу бад̇идтааяа уд̇д̇ари аасаваанам̣ каяааяа яог̇о гаран̣ийяо’’д̇и. батамам̣.
2. саарибуд̇д̇асуд̇д̇ам̣
52. д̇ад̇ра ко ааяасмаа саарибуд̇д̇о бхигкуу ааманд̇зси – ‘‘аавусо бхигкавз’’д̇и. ‘‘аавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
‘‘но жз, аавусо, бхигку баражид̇д̇абарияааяагусало ход̇и, ат̇а ‘сажид̇д̇абарияааяагусало бхависсаамий’д̇и – зван̃хи во, аавусо, сигкид̇аб̣б̣ам̣.
‘‘гат̇ан̃жаавусо , бхигку сажид̇д̇абарияааяагусало ход̇и? сзяяат̇ааби, аавусо, ид̇т̇ий ваа бурисо ваа д̣̇ахаро яуваа ман̣д̣анагаж̇аад̇иго аад̣̇аасз ваа барисуд̣̇д̇хз барияод̣̇аад̇з ажчз ваа уд̣̇абад̇д̇з сагам̣ муканимид̇д̇ам̣ бажжавзгкамаано сажз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇ассзва раж̇асса ваа ан̇г̇ан̣асса ваа бахаанааяа вааяамад̇и. но жз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇знзвад̇д̇амано ход̇и барибун̣н̣асан̇габбо – ‘лаабхаа вад̇а мз, барисуд̣̇д̇хам̣ вад̇а мз’д̇и.
звамзвам̣ ко, аавусо, бхигкуно бажжавзгкан̣аа б̣ахугаараа ход̇и гусалзсу д̇хаммзсу – ‘абхиж̇жхаалу ну ко б̣ахулам̣ вихараами, анабхиж̇жхаалу ну ко б̣ахулам̣ вихараами, б̣яаабаннажид̇д̇о ну ко б̣ахулам̣ вихараами, аб̣яаабаннажид̇д̇о ну ко б̣ахулам̣ вихараами, т̇инамид̣̇д̇хабарияудтид̇о ну ко б̣ахулам̣ вихараами, виг̇ад̇ат̇инамид̣̇д̇хо ну ко б̣ахулам̣ вихараами, уд̣̇д̇хад̇о ну ко б̣ахулам̣ вихараами, ануд̣̇д̇хад̇о ну ко б̣ахулам̣ вихараами, вижигижчо ну ко б̣ахулам̣ вихараами, д̇ин̣н̣авижигижчо ну ко б̣ахулам̣ вихараами, год̇хано ну ко б̣ахулам̣ вихараами, аггод̇хано ну ко б̣ахулам̣ вихараами, сам̣гилидтажид̇д̇о ну ко б̣ахулам̣ вихараами, асам̣гилидтажид̇д̇о ну ко б̣ахулам̣ вихараами, саарад̣̇д̇хагааяо ну ко б̣ахулам̣ вихараами, асаарад̣̇д̇хагааяо ну ко б̣ахулам̣ вихараами, гусийд̇о ну ко б̣ахулам̣ вихараами, аарад̣̇д̇хавийрияо ну ко б̣ахулам̣ вихараами, самаахид̇о ну ко б̣ахулам̣ вихараами, асамаахид̇о ну ко б̣ахулам̣ вихараамий’д̇и.
‘‘сажз, аавусо, бхигку бажжавзгкамаано звам̣ ж̇аанаад̇и – ‘абхиж̇жхаалу б̣ахулам̣ вихараами…бз… асамаахид̇о б̣ахулам̣ вихараамий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣. сзяяат̇ааби, аавусо, аад̣̇ид̇д̇ажзло ваа аад̣̇ид̇д̇асийсо ваа. д̇ассзва жзласса ваа сийсасса ваа ниб̣б̣аабанааяа ад̇химад̇д̇ам̣ чанд̣̇ан̃жа вааяааман̃жа уссаахан̃жа уссол̣хин̃жа аббадиваанин̃жа сад̇ин̃жа самбаж̇ан̃н̃ан̃жа гарзяяа. звамзвам̣ ко, аавусо, д̇зна бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣.
‘‘сажз банаавусо, бхигку бажжавзгкамаано звам̣ ж̇аанаад̇и – ‘анабхиж̇жхаалу б̣ахулам̣ вихараами…бз… самаахид̇о б̣ахулам̣ вихараамий’д̇и, д̇знаавусо, бхигкунаа д̇зсуязва гусалзсу д̇хаммзсу бад̇идтааяа уд̇д̇ари аасаваанам̣ каяааяа яог̇о гаран̣ийяо’’д̇и. д̣̇уд̇ияам̣.
3. тид̇исуд̇д̇ам̣
53. ‘‘тид̇имбаахам̣ , бхигкавз, на ван̣н̣аяаами гусалзсу д̇хаммзсу, баг̇зва барихааним̣. вуд̣дхин̃жа ко ахам̣, бхигкавз, ван̣н̣аяаами гусалзсу д̇хаммзсу, но тид̇им̣ но хааним̣.
‘‘гат̇ан̃жа, бхигкавз, хаани ход̇и гусалзсу д̇хаммзсу, но тид̇и но вуд̣дхи? ид̇ха, бхигкавз, бхигку яад̇д̇аго ход̇и сад̣̇д̇хааяа сийлзна суд̇зна жааг̇зна бан̃н̃ааяа бадибхаанзна, д̇асса д̇з д̇хаммаа нзва д̇идтанд̇и но вад̣дханд̇и. хаанимзд̇ам̣, бхигкавз, вад̣̇аами гусалзсу д̇хаммзсу, но тид̇им̣ но вуд̣дхим̣. звам̣ ко, бхигкавз, хаани ход̇и гусалзсу д̇хаммзсу, но тид̇и но вуд̣дхи.
‘‘гат̇ан̃жа, бхигкавз тид̇и ход̇и гусалзсу д̇хаммзсу, но хаани но вуд̣дхи? ид̇ха, бхигкавз, бхигку яад̇д̇аго ход̇и сад̣̇д̇хааяа сийлзна суд̇зна жааг̇зна бан̃н̃ааяа бадибхаанзна, д̇асса д̇з д̇хаммаа нзва хааяанд̇и но вад̣дханд̇и . тид̇имзд̇ам̣, бхигкавз, вад̣̇аами гусалзсу д̇хаммзсу, но хааним̣ но вуд̣дхим̣. звам̣ ко, бхигкавз, тид̇и ход̇и гусалзсу д̇хаммзсу, но вуд̣дхи но хаани.
‘‘гат̇ан̃жа, бхигкавз, вуд̣дхи ход̇и гусалзсу д̇хаммзсу, но тид̇и но хаани? ид̇ха, бхигкавз, бхигку яад̇д̇аго ход̇и сад̣̇д̇хааяа сийлзна суд̇зна жааг̇зна бан̃н̃ааяа бадибхаанзна, д̇асса д̇з д̇хаммаа нзва д̇идтанд̇и но хааяанд̇и. вуд̣дхимзд̇ам̣, бхигкавз, вад̣̇аами гусалзсу д̇хаммзсу, но тид̇им̣ но хааним̣. звам̣ ко, бхигкавз, вуд̣дхи ход̇и гусалзсу д̇хаммзсу, но тид̇и но хаани.
‘‘но жз, бхигкавз, бхигку баражид̇д̇абарияааяагусало ход̇и, ат̇а ‘сажид̇д̇абарияааяагусало бхависсаамий’д̇и – зван̃хи во, бхигкавз, сигкид̇аб̣б̣ам̣.
‘‘гат̇ан̃жа, бхигкавз, бхигку сажид̇д̇абарияааяагусало ход̇и? сзяяат̇ааби , бхигкавз, ид̇т̇ий ваа бурисо ваа д̣̇ахаро яуваа ман̣д̣анагаж̇аад̇иго аад̣̇аасз ваа барисуд̣̇д̇хз барияод̣̇аад̇з ажчз ваа уд̣̇абад̇д̇з сагам̣ муканимид̇д̇ам̣ бажжавзгкамаано сажз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇ассзва раж̇асса ваа ан̇г̇ан̣асса ваа бахаанааяа вааяамад̇и. но жз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇знзвад̇д̇амано ход̇и барибун̣н̣асан̇габбо – ‘лаабхаа вад̇а мз, барисуд̣̇д̇хам̣ вад̇а мз’д̇и. звамзвам̣ ко, бхигкавз, бхигкуно бажжавзгкан̣аа б̣ахугаараа ход̇и гусалзсу д̇хаммзсу – ‘абхиж̇жхаалу ну ко б̣ахулам̣ вихараами, анабхиж̇жхаалу ну ко б̣ахулам̣ вихараами, б̣яаабаннажид̇д̇о ну ко б̣ахулам̣ вихараами, аб̣яаабаннажид̇д̇о ну ко б̣ахулам̣ вихараами, т̇инамид̣̇д̇хабарияудтид̇о ну ко б̣ахулам̣ вихараами, виг̇ад̇ат̇инамид̣̇д̇хо ну ко б̣ахулам̣ вихараами, уд̣̇д̇хад̇о ну ко б̣ахулам̣ вихараами, ануд̣̇д̇хад̇о ну ко б̣ахулам̣ вихараами, вижигижчо ну ко б̣ахулам̣ вихараами, д̇ин̣н̣авижигижчо ну ко б̣ахулам̣ вихараами, год̇хано ну ко б̣ахулам̣ вихараами, аггод̇хано ну ко б̣ахулам̣ вихараами, сам̣гилидтажид̇д̇о ну ко б̣ахулам̣ вихараами, асам̣гилидтажид̇д̇о ну ко б̣ахулам̣ вихараами, саарад̣̇д̇хагааяо ну ко б̣ахулам̣ вихараами, асаарад̣̇д̇хагааяо ну ко б̣ахулам̣ вихараами, гусийд̇о ну ко б̣ахулам̣ вихараами, аарад̣̇д̇хавийрияо ну ко б̣ахулам̣ вихараами, самаахид̇о ну ко б̣ахулам̣ вихараами, асамаахид̇о ну ко б̣ахулам̣ вихараамий’д̇и.
‘‘сажз, бхигкавз, бхигку бажжавзгкамаано звам̣ ж̇аанаад̇и – ‘абхиж̇жхаалу б̣ахулам̣ вихараами, б̣яаабаннажид̇д̇о б̣ахулам̣ вихараами, т̇инамид̣̇д̇хабарияудтид̇о б̣ахулам̣ вихараами, уд̣̇д̇хад̇о б̣ахулам̣ вихараами, вижигижчо б̣ахулам̣ вихараами, год̇хано б̣ахулам̣ вихараами, сам̣гилидтажид̇д̇о б̣ахулам̣ вихараами, саарад̣̇д̇хагааяо б̣ахулам̣ вихараами, гусийд̇о б̣ахулам̣ вихараами, асамаахид̇о б̣ахулам̣ вихараамий’д̇и, д̇зна, бхигкавз, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣. сзяяат̇ааби, бхигкавз, аад̣̇ид̇д̇ажзло ваа аад̣̇ид̇д̇асийсо ваа. д̇ассзва жзласса ваа сийсасса ваа ниб̣б̣аабанааяа ад̇химад̇д̇ам̣ чанд̣̇ан̃жа вааяааман̃жа уссаахан̃жа уссол̣хин̃жа аббадиваанин̃жа сад̇ин̃жа самбаж̇ан̃н̃ан̃жа гарзяяа; звамзвам̣ ко, бхигкавз, д̇зна бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣.
‘‘сажз бана, бхигкавз, бхигку бажжавзгкамаано звам̣ ж̇аанаад̇и – ‘анабхиж̇жхаалу б̣ахулам̣ вихараами, аб̣яаабаннажид̇д̇о б̣ахулам̣ вихараами, виг̇ад̇ат̇инамид̣̇д̇хо б̣ахулам̣ вихараами, ануд̣̇д̇хад̇о б̣ахулам̣ вихараами, д̇ин̣н̣авижигижчо б̣ахулам̣ вихараами, аггод̇хано б̣ахулам̣ вихараами, асам̣гилидтажид̇д̇о б̣ахулам̣ вихараами, асаарад̣̇д̇хагааяо б̣ахулам̣ вихараами, аарад̣̇д̇хавийрияо б̣ахулам̣ вихараами, самаахид̇о б̣ахулам̣ вихараамий’д̇и, д̇зна, бхигкавз, бхигкунаа д̇зсуязва гусалзсу д̇хаммзсу бад̇идтааяа уд̇д̇ари аасаваанам̣ каяааяа яог̇о гаран̣ийяо’’д̇и. д̇ад̇ияам̣.
4. самат̇асуд̇д̇ам̣
54. ‘‘но жз, бхигкавз, бхигку баражид̇д̇абарияааяагусало ход̇и, ат̇а ‘сажид̇д̇абарияааяагусало бхависсаамий’д̇и – зван̃хи во, бхигкавз, сигкид̇аб̣б̣ам̣.
‘‘гат̇ан̃жа, бхигкавз, бхигку сажид̇д̇абарияааяагусало ход̇и? сзяяат̇ааби, бхигкавз, ид̇т̇ий ваа бурисо ваа д̣̇ахаро яуваа ман̣д̣анагаж̇аад̇иго аад̣̇аасз ваа барисуд̣̇д̇хз барияод̣̇аад̇з ажчз ваа уд̣̇абад̇д̇з сагам̣ муканимид̇д̇ам̣ бажжавзгкамаано сажз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇ассзва раж̇асса ваа ан̇г̇ан̣асса ваа бахаанааяа вааяамад̇и. но жз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇знзвад̇д̇амано ход̇и барибун̣н̣асан̇габбо – ‘лаабхаа вад̇а мз, барисуд̣̇д̇хам̣ вад̇а мз’д̇и. звамзвам̣ ко, бхигкавз, бхигкуно бажжавзгкан̣аа б̣ахугаараа ход̇и гусалзсу д̇хаммзсу – ‘лаабхий ну комхи аж̇жхад̇д̇ам̣ жзд̇осамат̇асса, на ну комхи лаабхий аж̇жхад̇д̇ам̣ жзд̇осамат̇асса, лаабхий ну комхи ад̇хибан̃н̃аад̇хаммавибассанааяа, на ну комхи лаабхий ад̇хибан̃н̃аад̇хаммавибассанааяаа’д̇и.
‘‘сажз, бхигкавз, бхигку бажжавзгкамаано звам̣ ж̇аанаад̇и – ‘лаабхиймхи аж̇жхад̇д̇ам̣ жзд̇осамат̇асса, на лаабхий ад̇хибан̃н̃аад̇хаммавибассанааяаа’д̇и, д̇зна, бхигкавз, бхигкунаа аж̇жхад̇д̇ам̣ жзд̇осамат̇з бад̇идтааяа ад̇хибан̃н̃аад̇хаммавибассанааяа яог̇о гаран̣ийяо. со абарзна самаязна лаабхий жзва ход̇и аж̇жхад̇д̇ам̣ жзд̇осамат̇асса лаабхий жа ад̇хибан̃н̃аад̇хаммавибассанааяа.
‘‘сажз бана, бхигкавз, бхигку бажжавзгкамаано звам̣ ж̇аанаад̇и – ‘лаабхиймхи ад̇хибан̃н̃аад̇хаммавибассанааяа, на лаабхий аж̇жхад̇д̇ам̣ жзд̇осамат̇ассаа’д̇и, д̇зна, бхигкавз , бхигкунаа ад̇хибан̃н̃аад̇хаммавибассанааяа бад̇идтааяа аж̇жхад̇д̇ам̣ жзд̇осамат̇з яог̇о гаран̣ийяо. со абарзна самаязна лаабхий жзва ход̇и ад̇хибан̃н̃аад̇хаммавибассанааяа лаабхий жа аж̇жхад̇д̇ам̣ жзд̇осамат̇асса.
‘‘сажз, бана, бхигкавз, бхигку бажжавзгкамаано звам̣ ж̇аанаад̇и – ‘на лаабхий аж̇жхад̇д̇ам̣ жзд̇осамат̇асса, на лаабхий ад̇хибан̃н̃аад̇хаммавибассанааяаа’д̇и, д̇зна, бхигкавз, бхигкунаа д̇зсам̣язва гусалаанам̣ д̇хаммаанам̣ бадилаабхааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣. сзяяат̇ааби, бхигкавз, аад̣̇ид̇д̇ажзло ваа аад̣̇ид̇д̇асийсо ваа. д̇ассзва жзласса ваа сийсасса ваа ниб̣б̣аабанааяа ад̇химад̇д̇ам̣ чанд̣̇ан̃жа вааяааман̃жа уссаахан̃жа уссол̣хин̃жа аббадиваанин̃жа сад̇ин̃жа самбаж̇ан̃н̃ан̃жа гарзяяа. звамзвам̣ ко, бхигкавз, д̇зна бхигкунаа д̇зсам̣язва гусалаанам̣ д̇хаммаанам̣ бадилаабхааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣. со абарзна самаязна лаабхий жзва ход̇и аж̇жхад̇д̇ам̣ жзд̇осамат̇асса лаабхий жа ад̇хибан̃н̃аад̇хаммавибассанааяа.
‘‘сажз бана, бхигкавз, бхигку бажжавзгкамаано звам̣ ж̇аанаад̇и – ‘лаабхиймхи аж̇жхад̇д̇ам̣ жзд̇осамат̇асса, лаабхий ад̇хибан̃н̃аад̇хаммавибассанааяаа’д̇и, д̇зна, бхигкавз, бхигкунаа д̇зсуязва гусалзсу д̇хаммзсу бад̇идтааяа уд̇д̇ари аасаваанам̣ каяааяа яог̇о гаран̣ийяо.
‘‘жийварамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амби. бин̣д̣абаад̇амбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амби. сзнаасанамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амби. г̇ааманиг̇амамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амби. ж̇анабад̣̇абад̣̇зсамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амби. буг̇г̇аламбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амби.
‘‘‘жийварамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа жийварам̣ – ‘ид̣̇ам̣ ко мз жийварам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и, зваруубам̣ жийварам̣ на сзвид̇аб̣б̣ам̣. д̇ад̇т̇а яам̣ ж̇ан̃н̃аа жийварам̣ – ‘ид̣̇ам̣ ко мз жийварам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубам̣ жийварам̣ сзвид̇аб̣б̣ам̣. ‘жийварамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
‘‘‘бин̣д̣абаад̇амбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа бин̣д̣абаад̇ам̣ – ‘имам̣ ко мз бин̣д̣абаад̇ам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и, зваруубо бин̣д̣абаад̇о на сзвид̇аб̣б̣о. д̇ад̇т̇а яам̣ ж̇ан̃н̃аа бин̣д̣абаад̇ам̣ – ‘имам̣ ко мз бин̣д̣абаад̇ам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубо бин̣д̣абаад̇о сзвид̇аб̣б̣о. ‘бин̣д̣абаад̇амбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
‘‘‘сзнаасанамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа сзнаасанам̣ – ‘ид̣̇ам̣ ко мз сзнаасанам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и, зваруубам̣ сзнаасанам̣ на сзвид̇аб̣б̣ам̣. д̇ад̇т̇а яам̣ ж̇ан̃н̃аа сзнаасанам̣ – ‘ид̣̇ам̣ ко мз сзнаасанам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубам̣ сзнаасанам̣ сзвид̇аб̣б̣ам̣. ‘сзнаасанамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
‘‘‘г̇ааманиг̇амамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа г̇ааманиг̇амам̣ – ‘имам̣ ко мз г̇ааманиг̇амам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и , зваруубо г̇ааманиг̇амо на сзвид̇аб̣б̣о. д̇ад̇т̇а яам̣ ж̇ан̃н̃аа г̇ааманиг̇амам̣ – ‘имам̣ ко мз г̇ааманиг̇амам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубо г̇ааманиг̇амо сзвид̇аб̣б̣о . ‘г̇ааманиг̇амамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
‘‘‘ж̇анабад̣̇абад̣̇зсамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа ж̇анабад̣̇абад̣̇зсам̣ – ‘имам̣ ко мз ж̇анабад̣̇абад̣̇зсам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и, зваруубо ж̇анабад̣̇абад̣̇зсо на сзвид̇аб̣б̣о. д̇ад̇т̇а яам̣ ж̇ан̃н̃аа ж̇анабад̣̇абад̣̇зсам̣ – ‘имам̣ ко мз ж̇анабад̣̇абад̣̇зсам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубо ж̇анабад̣̇абад̣̇зсо сзвид̇аб̣б̣о. ‘ж̇анабад̣̇абад̣̇зсамбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇ам̣.
‘‘‘буг̇г̇аламбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̇ад̇т̇а яам̣ ж̇ан̃н̃аа буг̇г̇алам̣ – ‘имам̣ ко мз буг̇г̇алам̣ сзвад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇ий’д̇и, зваруубо буг̇г̇ало на сзвид̇аб̣б̣о. д̇ад̇т̇а яам̣ ж̇ан̃н̃аа буг̇г̇алам̣ – ‘имам̣ ко мз буг̇г̇алам̣ сзвад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇ий’д̇и, зваруубо буг̇г̇ало сзвид̇аб̣б̣о . ‘буг̇г̇аламбаахам̣, бхигкавз, д̣̇увид̇хзна вад̣̇аами – сзвид̇аб̣б̣амби асзвид̇аб̣б̣амбий’д̇и, ид̇и яам̣ д̇ам̣ вуд̇д̇ам̣, ид̣̇амзд̇ам̣ бадижжа вуд̇д̇а’’нд̇и. жад̇уд̇т̇ам̣.
5. барихаанасуд̇д̇ам̣
55. д̇ад̇ра ко ааяасмаа саарибуд̇д̇о бхигкуу ааманд̇зси – ‘‘аавусо бхигкавз’’д̇и бхигкавод̇и (сий. сяаа.). ‘‘аавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
‘‘‘барихаанад̇хаммо буг̇г̇ало, барихаанад̇хаммо буг̇г̇ало’д̇и, аавусо, вужжад̇и. ‘абарихаанад̇хаммо буг̇г̇ало, абарихаанад̇хаммо буг̇г̇ало’д̇и, аавусо, вужжад̇и. гид̇д̇аавад̇аа ну ко, аавусо, барихаанад̇хаммо буг̇г̇ало вуд̇д̇о бхаг̇авад̇аа, гид̇д̇аавад̇аа жа бана абарихаанад̇хаммо буг̇г̇ало вуд̇д̇о бхаг̇авад̇аа’’д̇и? ‘‘д̣̇уурад̇оби ко маяам̣, аавусо, ааг̇ажчаама ааяасмад̇о саарибуд̇д̇асса санд̇игз зд̇асса бхаасид̇асса ад̇т̇аман̃н̃аад̇ум̣. саад̇ху вад̇ааяасманд̇ам̣язва саарибуд̇д̇ам̣ бадибхаад̇у зд̇асса бхаасид̇асса ад̇т̇о . ааяасмад̇о саарибуд̇д̇асса суд̇ваа бхигкуу д̇хаарзссанд̇ий’’д̇и.
‘‘д̇знахаавусо , сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звамаавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
‘‘гид̇д̇аавад̇аа ну ко, аавусо, барихаанад̇хаммо буг̇г̇ало вуд̇д̇о бхаг̇авад̇аа? ид̇хаавусо, бхигку ассуд̇ан̃жзва д̇хаммам̣ на сун̣аад̇и, суд̇аа жасса д̇хаммаа саммосам̣ г̇ажчанд̇и, яз жасса д̇хаммаа буб̣б̣з жзд̇асо асампудтабуб̣б̣аа д̇з жасса на самуд̣̇аажаранд̇и, авин̃н̃аад̇ан̃жзва на виж̇аанаад̇и. зд̇д̇аавад̇аа ко, аавусо, барихаанад̇хаммо буг̇г̇ало вуд̇д̇о бхаг̇авад̇аа.
‘‘гид̇д̇аавад̇аа жа банаавусо, абарихаанад̇хаммо буг̇г̇ало вуд̇д̇о бхаг̇авад̇аа? ид̇хаавусо, бхигку ассуд̇ан̃жзва д̇хаммам̣ сун̣аад̇и, суд̇аа жасса д̇хаммаа на саммосам̣ г̇ажчанд̇и, яз жасса д̇хаммаа буб̣б̣з жзд̇асо асампудтабуб̣б̣аа д̇з жасса самуд̣̇аажаранд̇и, авин̃н̃аад̇ан̃жзва виж̇аанаад̇и. зд̇д̇аавад̇аа ко, аавусо, абарихаанад̇хаммо буг̇г̇ало вуд̇д̇о бхаг̇авад̇аа.
‘‘но жз, аавусо, бхигку баражид̇д̇абарияааяагусало ход̇и, ат̇а ‘сажид̇д̇абарияааяагусало бхависсаамий’д̇и – зван̃хи во, аавусо, сигкид̇аб̣б̣ам̣.
‘‘гат̇ан̃жаавусо, бхигку сажид̇д̇абарияааяагусало ход̇и? сзяяат̇ааби, аавусо, ид̇т̇ий ваа бурисо ваа д̣̇ахаро яуваа ман̣д̣анагаж̇аад̇иго аад̣̇аасз ваа барисуд̣̇д̇хз барияод̣̇аад̇з ажчз ваа уд̣̇абад̇д̇з сагам̣ муканимид̇д̇ам̣ бажжавзгкамаано сажз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇ассзва раж̇асса ваа ан̇г̇ан̣асса ваа бахаанааяа вааяамад̇и. но жз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇знзвад̇д̇амано ход̇и барибун̣н̣асан̇габбо – ‘лаабхаа вад̇а мз, барисуд̣̇д̇хам̣ вад̇а мз’д̇и. звамзва ко, аавусо, бхигкуно бажжавзгкан̣аа б̣ахугаараа ход̇и гусалзсу д̇хаммзсу – ‘анабхиж̇жхаалу ну ко б̣ахулам̣ вихараами, сам̣виж̇ж̇ад̇и ну ко мз зсо д̇хаммо уд̣̇ааху но, аб̣яаабаннажид̇д̇о ну ко б̣ахулам̣ вихараами, сам̣виж̇ж̇ад̇и ну ко мз зсо д̇хаммо уд̣̇ааху но, виг̇ад̇ат̇инамид̣̇д̇хо ну ко б̣ахулам̣ вихараами, сам̣виж̇ж̇ад̇и ну ко мз зсо д̇хаммо уд̣̇ааху но, ануд̣̇д̇хад̇о ну ко б̣ахулам̣ вихараами, сам̣виж̇ж̇ад̇и ну ко мз зсо д̇хаммо уд̣̇ааху но, д̇ин̣н̣авижигижчо ну ко б̣ахулам̣ вихараами, сам̣виж̇ж̇ад̇и ну ко мз зсо д̇хаммо уд̣̇ааху но, аггод̇хано ну ко б̣ахулам̣ вихараами, сам̣виж̇ж̇ад̇и ну ко мз зсо д̇хаммо уд̣̇ааху но, асам̣гилидтажид̇д̇о ну ко б̣ахулам̣ вихараами, сам̣виж̇ж̇ад̇и ну ко мз зсо д̇хаммо уд̣̇ааху но, лаабхий ну комхи аж̇жхад̇д̇ам̣ д̇хаммабаамож̇ж̇асса, сам̣виж̇ж̇ад̇и ну ко мз зсо д̇хаммо уд̣̇ааху но, лаабхий ну комхи аж̇жхад̇д̇ам̣ жзд̇осамат̇асса, сам̣виж̇ж̇ад̇и ну ко мз зсо д̇хаммо уд̣̇ааху но, лаабхий ну комхи ад̇хибан̃н̃аад̇хаммавибассанааяа, сам̣виж̇ж̇ад̇и ну ко мз зсо д̇хаммо уд̣̇ааху но’д̇и.
‘‘сажз бана, аавусо, бхигку бажжавзгкамаано саб̣б̣збимз гусалз д̇хаммз ад̇д̇ани на саманубассад̇и, д̇знаавусо, бхигкунаа саб̣б̣зсам̣язва имзсам̣ гусалаанам̣ д̇хаммаанам̣ бадилаабхааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣. сзяяат̇ааби, аавусо, аад̣̇ид̇д̇ажзло ваа аад̣̇ид̇д̇асийсо ваа. д̇ассзва жзласса ваа сийсасса ваа ниб̣б̣аабанааяа ад̇химад̇д̇ам̣ чанд̣̇ан̃жа вааяааман̃жа уссаахан̃жа уссол̣хин̃жа аббадиваанин̃жа сад̇ин̃жа самбаж̇ан̃н̃ан̃жа гарзяяа. звамзвам̣ ко, аавусо, д̇зна бхигкунаа саб̣б̣зсам̣язва гусалаанам̣ д̇хаммаанам̣ бадилаабхааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣.
‘‘сажз банаавусо, бхигку бажжавзгкамаано згажжз гусалз д̇хаммз ад̇д̇ани саманубассад̇и, згажжз гусалз д̇хаммз ад̇д̇ани на саманубассад̇и, д̇знаавусо, бхигкунаа яз гусалз д̇хаммз ад̇д̇ани саманубассад̇и д̇зсу гусалзсу д̇хаммзсу бад̇идтааяа, яз гусалз д̇хаммз ад̇д̇ани на саманубассад̇и д̇зсам̣ гусалаанам̣ д̇хаммаанам̣ бадилаабхааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣. сзяяат̇ааби, аавусо, аад̣̇ид̇д̇ажзло ваа аад̣̇ид̇д̇асийсо ваа. д̇ассзва жзласса ваа сийсасса ваа ниб̣б̣аабанааяа ад̇химад̇д̇ам̣ чанд̣̇ан̃жа вааяааман̃жа уссаахан̃жа уссол̣хин̃жа аббадиваанин̃жа сад̇ин̃жа самбаж̇ан̃н̃ан̃жа гарзяяа. звамзвам̣ ко, аавусо, д̇зна бхигкунаа яз гусалз д̇хаммз ад̇д̇ани саманубассад̇и д̇зсу гусалзсу д̇хаммзсу бад̇идтааяа, яз гусалз д̇хаммз ад̇д̇ани на саманубассад̇и д̇зсам̣ гусалаанам̣ д̇хаммаанам̣ бадилаабхааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣.
‘‘сажз банаавусо, бхигку бажжавзгкамаано саб̣б̣збимз гусалз д̇хаммз ад̇д̇ани саманубассад̇и, д̇знаавусо, бхигкунаа саб̣б̣зсвзва имзсу гусалзсу д̇хаммзсу бад̇идтааяа уд̇д̇ари аасаваанам̣ каяааяа яог̇о гаран̣ийяо’’д̇и. бан̃жамам̣.
6. батамасан̃н̃аасуд̇д̇ам̣
56. ‘‘д̣̇асаяимаа, бхигкавз, сан̃н̃аа бхаавид̇аа б̣ахулийгад̇аа махабпалаа хонд̇и махаанисам̣саа амад̇ог̇ад̇хаа амад̇абарияосаанаа. гад̇амаа д̣̇аса? асубхасан̃н̃аа, маран̣асан̃н̃аа, аахаарз бадигууласан̃н̃аа, саб̣б̣алогз анабхирад̇асан̃н̃аа, анижжасан̃н̃аа, анижжз д̣̇угкасан̃н̃аа, д̣̇угкз анад̇д̇асан̃н̃аа, бахаанасан̃н̃аа, вирааг̇асан̃н̃аа, нирод̇хасан̃н̃аа – имаа ко, бхигкавз, д̣̇аса сан̃н̃аа бхаавид̇аа б̣ахулийгад̇аа махабпалаа хонд̇и махаанисам̣саа амад̇ог̇ад̇хаа амад̇абарияосаанаа’’д̇и. чадтам̣.
7. д̣̇уд̇ияасан̃н̃аасуд̇д̇ам̣
57. ‘‘д̣̇асаяимаа , бхигкавз, сан̃н̃аа бхаавид̇аа б̣ахулийгад̇аа махабпалаа хонд̇и махаанисам̣саа амад̇ог̇ад̇хаа амад̇абарияосаанаа. гад̇амаа д̣̇аса? анижжасан̃н̃аа, анад̇д̇асан̃н̃аа, маран̣асан̃н̃аа, аахаарз бадигууласан̃н̃аа, саб̣б̣алогз анабхирад̇асан̃н̃аа, адтигасан̃н̃аа, бул̣авагасан̃н̃аа булавагасан̃н̃аа (сий. бий.), бул̣увагасан̃н̃аа (га.), а. ни. 1.463-472, винийлагасан̃н̃аа, вижчид̣̇д̣̇агасан̃н̃аа, уд̣̇д̇хумаад̇агасан̃н̃аа – имаа ко, бхигкавз, д̣̇аса сан̃н̃аа бхаавид̇аа б̣ахулийгад̇аа махабпалаа хонд̇и махаанисам̣саа амад̇ог̇ад̇хаа амад̇абарияосаанаа’’д̇и. сад̇д̇амам̣.
8. муулагасуд̇д̇ам̣
58. а. ни. 8.83 ‘‘сажз, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘гим̣муулагаа, аавусо, саб̣б̣з д̇хаммаа, гим̣самбхаваа саб̣б̣з д̇хаммаа, гим̣самуд̣̇аяаа саб̣б̣з д̇хаммаа, гим̣самосаран̣аа саб̣б̣з д̇хаммаа, гим̣бамукаа саб̣б̣з д̇хаммаа, гим̣ад̇хибад̇зяяаа саб̣б̣з д̇хаммаа, гим̣уд̇д̇араа саб̣б̣з д̇хаммаа, гим̣саараа саб̣б̣з д̇хаммаа, гим̣ог̇ад̇хаа саб̣б̣з д̇хаммаа, гим̣барияосаанаа саб̣б̣з д̇хаммаа’д̇и, звам̣ будтаа д̇умхз, бхигкавз , д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ гинд̇и б̣яаагарзяяаат̇аа’’д̇и? ‘‘бхаг̇авам̣муулагаа но, бханд̇з, д̇хаммаа бхаг̇авам̣нзд̇д̇игаа бхаг̇авам̣бадисаран̣аа. саад̇ху вад̇а, бханд̇з, бхаг̇аванд̇ам̣язва бадибхаад̇у зд̇асса бхаасид̇асса ад̇т̇о. бхаг̇авад̇о суд̇ваа бхигкуу д̇хаарзссанд̇ий’’д̇и.
‘‘д̇зна хи, бхигкавз, сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
‘‘сажз, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘гим̣муулагаа, аавусо, саб̣б̣з д̇хаммаа, гим̣самбхаваа саб̣б̣з д̇хаммаа, гим̣самуд̣̇аяаа саб̣б̣з д̇хаммаа, гим̣самосаран̣аа саб̣б̣з д̇хаммаа гим̣бамукаа саб̣б̣з д̇хаммаа, гим̣ ад̇хибад̇зяяаа саб̣б̣з д̇хаммаа, гим̣уд̇д̇араа саб̣б̣з д̇хаммаа, гим̣саараа саб̣б̣з д̇хаммаа, гим̣ог̇ад̇хаа саб̣б̣з д̇хаммаа, гим̣барияосаанаа саб̣б̣з д̇хаммаа’д̇и, звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а – ‘чанд̣̇амуулагаа, аавусо, саб̣б̣з д̇хаммаа, манасигаарасамбхаваа саб̣б̣з д̇хаммаа, пассасамуд̣̇аяаа саб̣б̣з д̇хаммаа, взд̣̇анаасамосаран̣аа саб̣б̣з д̇хаммаа, самаад̇хиббамукаа саб̣б̣з д̇хаммаа, сад̇аад̇хибад̇зяяаа саб̣б̣з д̇хаммаа, бан̃н̃уд̇д̇араа саб̣б̣з д̇хаммаа, вимуд̇д̇исаараа саб̣б̣з д̇хаммаа, амад̇ог̇ад̇хаа саб̣б̣з д̇хаммаа, ниб̣б̣аанабарияосаанаа саб̣б̣з д̇хаммаа’д̇и. звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇аа’’д̇и. адтамам̣.
9. баб̣б̣аж̇ж̇аасуд̇д̇ам̣
59. ‘‘д̇асмаад̇иха, бхигкавз, звам̣ сигкид̇аб̣б̣ам̣ – ‘яат̇аабаб̣б̣аж̇ж̇аабарижид̇ан̃жа но жид̇д̇ам̣ бхависсад̇и, на жуббаннаа баабагаа агусалаа д̇хаммаа жид̇д̇ам̣ барияаад̣̇ааяа тассанд̇и; анижжасан̃н̃аабарижид̇ан̃жа но жид̇д̇ам̣ бхависсад̇и, анад̇д̇асан̃н̃аабарижид̇ан̃жа но жид̇д̇ам̣ бхависсад̇и, асубхасан̃н̃аабарижид̇ан̃жа но жид̇д̇ам̣ бхависсад̇и, аад̣̇ийнавасан̃н̃аабарижид̇ан̃жа но жид̇д̇ам̣ бхависсад̇и, логасса саман̃жа висаман̃жа н̃ад̇ваа д̇ам̣сан̃н̃аабарижид̇ан̃жа но жид̇д̇ам̣ бхависсад̇и, логасса бхаван̃жа самбхаван̃жа (сий. сяаа.) вибхаван̃жа н̃ад̇ваа д̇ам̣сан̃н̃аабарижид̇ан̃жа но жид̇д̇ам̣ бхависсад̇и, логасса самуд̣̇аяан̃жа ад̇т̇ан̇г̇аман̃жа н̃ад̇ваа д̇ам̣сан̃н̃аабарижид̇ан̃жа но жид̇д̇ам̣ бхависсад̇и, бахаанасан̃н̃аабарижид̇ан̃жа но жид̇д̇ам̣ бхависсад̇и, вирааг̇асан̃н̃аабарижид̇ан̃жа но жид̇д̇ам̣ бхависсад̇и, нирод̇хасан̃н̃аабарижид̇ан̃жа но жид̇д̇ам̣ бхависсад̇ий’д̇и – зван̃хи во, бхигкавз, сигкид̇аб̣б̣ам̣.
‘‘яад̇о ко, бхигкавз, бхигкуно яат̇аабаб̣б̣аж̇ж̇аабарижид̇ан̃жа жид̇д̇ам̣ ход̇и на жуббаннаа баабагаа агусалаа д̇хаммаа жид̇д̇ам̣ барияаад̣̇ааяа д̇идтанд̇и, анижжасан̃н̃аабарижид̇ан̃жа жид̇д̇ам̣ ход̇и, анад̇д̇асан̃н̃аабарижид̇ан̃жа жид̇д̇ам̣ ход̇и, асубхасан̃н̃аабарижид̇ан̃жа жид̇д̇ам̣ ход̇и, аад̣̇ийнавасан̃н̃аабарижид̇ан̃жа жид̇д̇ам̣ ход̇и, логасса саман̃жа висаман̃жа н̃ад̇ваа д̇ам̣сан̃н̃аабарижид̇ан̃жа жид̇д̇ам̣ ход̇и, логасса бхаван̃жа вибхаван̃жа н̃ад̇ваа д̇ам̣сан̃н̃аабарижид̇ан̃жа жид̇д̇ам̣ ход̇и, логасса самуд̣̇аяан̃жа ад̇т̇ан̇г̇аман̃жа н̃ад̇ваа д̇ам̣сан̃н̃аабарижид̇ан̃жа жид̇д̇ам̣ ход̇и, бахаанасан̃н̃аабарижид̇ан̃жа жид̇д̇ам̣ ход̇и, вирааг̇асан̃н̃аабарижид̇ан̃жа жид̇д̇ам̣ ход̇и, нирод̇хасан̃н̃аабарижид̇ан̃жа жид̇д̇ам̣ ход̇и, д̇асса д̣̇виннам̣ палаанам̣ ан̃н̃ад̇арам̣ палам̣ баадиган̇кам̣ – д̣̇идтзва д̇хаммз ан̃н̃аа, сад̇и ваа убаад̣̇исзсз анааг̇аамид̇аа’’д̇и. навамам̣.
10. г̇иримаананд̣̇асуд̇д̇ам̣
60. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа г̇иримаананд̣̇о ааб̣аад̇хиго ход̇и д̣̇угкид̇о б̣аал̣хаг̇илаано. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа –
‘‘ааяасмаа, бханд̇з, г̇иримаананд̣̇о ааб̣аад̇хиго ход̇и д̣̇угкид̇о б̣аал̣хаг̇илаано . саад̇ху, бханд̇з, бхаг̇аваа язнааяасмаа г̇иримаананд̣̇о д̇знубасан̇гамад̇у анугамбам̣ убаад̣̇ааяаа’’д̇и. ‘‘сажз ко д̇вам̣, аананд̣̇а, г̇иримаананд̣̇асса бхигкуно д̣̇аса сан̃н̃аа бхаасзяяааси, таанам̣ ко банзд̇ам̣ виж̇ж̇ад̇и яам̣ г̇иримаананд̣̇асса бхигкуно д̣̇аса сан̃н̃аа суд̇ваа со ааб̣аад̇хо таанасо бадиббассамбхзяяа.
‘‘гад̇амаа д̣̇аса? анижжасан̃н̃аа , анад̇д̇асан̃н̃аа, асубхасан̃н̃аа, аад̣̇ийнавасан̃н̃аа, бахаанасан̃н̃аа, вирааг̇асан̃н̃аа, нирод̇хасан̃н̃аа, саб̣б̣алогз анабхирад̇асан̃н̃аа анабхирад̇исан̃н̃аа (га.), саб̣б̣асан̇каарзсу анижчаасан̃н̃аа, аанаабаанассад̇и.
‘‘гад̇амаа жаананд̣̇а, анижжасан̃н̃аа? ид̇хаананд̣̇а, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и – ‘руубам̣ анижжам̣, взд̣̇анаа анижжаа , сан̃н̃аа анижжаа , сан̇каараа анижжаа, вин̃н̃аан̣ам̣ анижжа’нд̇и. ид̇и имзсу бан̃жасу убаад̣̇аанагканд̇хзсу анижжаанубассий вихарад̇и. аяам̣ вужжад̇аананд̣̇а, анижжасан̃н̃аа.
‘‘гад̇амаа жаананд̣̇а, анад̇д̇асан̃н̃аа? ид̇хаананд̣̇а, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и – ‘жагку анад̇д̇аа, руубаа анад̇д̇аа, сод̇ам̣ анад̇д̇аа, сад̣̇д̣̇аа анад̇д̇аа, гхаанам̣ анад̇д̇аа, г̇анд̇хаа анад̇д̇аа, ж̇ивхаа анад̇д̇аа, расаа анад̇д̇аа, гааяаа анад̇д̇аа, подтаб̣б̣аа анад̇д̇аа, мано анад̇д̇аа, д̇хаммаа анад̇д̇аа’д̇и. ид̇и имзсу часу аж̇жхад̇д̇игаб̣аахирзсу ааяад̇анзсу анад̇д̇аанубассий вихарад̇и. аяам̣ вужжад̇аананд̣̇а, анад̇д̇асан̃н̃аа.
‘‘гад̇амаа жаананд̣̇а, асубхасан̃н̃аа? ид̇хаананд̣̇а, бхигку имамзва гааяам̣ уд̣̇д̇хам̣ баад̣̇ад̇алаа ад̇хо гзсамад̇т̇агаа д̇ажабарияанд̇ам̣ буурам̣ наанааббагаарасса асужино бажжавзгкад̇и – ‘ад̇т̇и имасмим̣ гааяз гзсаа ломаа накаа д̣̇анд̇аа д̇ажо мам̣сам̣ нхаару адти адтимин̃ж̇ам̣ ваггам̣ хад̣̇аяам̣ яаганам̣ гиломагам̣ бихагам̣ бабпаасам̣ анд̇ам̣ анд̇аг̇ун̣ам̣ уд̣̇арияам̣ гарийсам̣ бид̇д̇ам̣ сзмхам̣ буб̣б̣о лохид̇ам̣ сзд̣̇о мзд̣̇о ассу васаа кзл̣о син̇гхаан̣игаа ласигаа муд̇д̇а’нд̇и. ид̇и имасмим̣ гааяз асубхаанубассий вихарад̇и. аяам̣ вужжад̇аананд̣̇а, асубхасан̃н̃аа.
‘‘гад̇амаа жаананд̣̇а, аад̣̇ийнавасан̃н̃аа? ид̇хаананд̣̇а, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и – ‘б̣ахуд̣̇угко ко аяам̣ гааяо б̣ахуаад̣̇ийнаво? ид̇и имасмим̣ гааяз вивид̇хаа ааб̣аад̇хаа уббаж̇ж̇анд̇и, сзяяат̇ид̣̇ам̣ – жагкурог̇о сод̇арог̇о гхаанарог̇о ж̇ивхаарог̇о гааяарог̇о сийсарог̇о ган̣н̣арог̇о мукарог̇о д̣̇анд̇арог̇о одтарог̇о гаасо саасо бинаасо д̣аахо д̣ахо (сий. сяаа.) ж̇аро гужчирог̇о мужчаа багканд̣̇игаа суулаа висуужигаа гудтам̣ г̇ан̣д̣о гилаасо сосо абамааро д̣̇ад̣̇д̣̇у ган̣д̣у гажчу накасаа вид̇ажчигаа лохид̇ам̣ бид̇д̇ам̣ лохид̇абид̇д̇ам̣ (сий.) мад̇хумзхо ам̣саа бил̣агаа бхаг̇анд̣̇алаа бид̇д̇асамудтаанаа ааб̣аад̇хаа сзмхасамудтаанаа ааб̣аад̇хаа ваад̇асамудтаанаа ааб̣аад̇хаа саннибаад̇игаа ааб̣аад̇хаа уд̇убарин̣аамаж̇аа ааб̣аад̇хаа висамабарихаараж̇аа ааб̣аад̇хаа обаггамигаа ааб̣аад̇хаа гаммавибаагаж̇аа ааб̣аад̇хаа сийд̇ам̣ ун̣хам̣ ж̇игхажчаа бибаасаа ужжааро бассааво’д̇и. ид̇и имасмим̣ гааяз аад̣̇ийнаваанубассий вихарад̇и. аяам̣ вужжад̇аананд̣̇а, аад̣̇ийнавасан̃н̃аа.
‘‘гад̇амаа жаананд̣̇а, бахаанасан̃н̃аа? ид̇хаананд̣̇а, бхигку уббаннам̣ гаамавид̇аггам̣ наад̇хиваасзд̇и, баж̇ахад̇и , винод̣̇зд̇и, б̣яанд̇ийгарод̇и, анабхаавам̣ г̇амзд̇и. уббаннам̣ б̣яаабаад̣̇авид̇аггам̣ наад̇хиваасзд̇и, баж̇ахад̇и, винод̣̇зд̇и, б̣яанд̇ийгарод̇и, анабхаавам̣ г̇амзд̇и. уббаннам̣ вихим̣саавид̇аггам̣ наад̇хиваасзд̇и, баж̇ахад̇и, винод̣̇зд̇и, б̣яанд̇ийгарод̇и, анабхаавам̣ г̇амзд̇и. уббаннуббаннз баабагз агусалз д̇хаммз наад̇хиваасзд̇и, баж̇ахад̇и, винод̣̇зд̇и, б̣яанд̇ийгарод̇и, анабхаавам̣ г̇амзд̇и. аяам̣ вужжад̇аананд̣̇а, бахаанасан̃н̃аа.
‘‘гад̇амаа жаананд̣̇а, вирааг̇асан̃н̃аа? ид̇хаананд̣̇а, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и – ‘зд̇ам̣ санд̇ам̣ зд̇ам̣ бан̣ийд̇ам̣ яад̣̇ид̣̇ам̣ саб̣б̣асан̇каарасамат̇о саб̣б̣уубад̇хиббадиниссаг̇г̇о д̇ан̣хаагкаяо вирааг̇о ниб̣б̣аана’нд̇и. аяам̣ вужжад̇аананд̣̇а, вирааг̇асан̃н̃аа.
‘‘гад̇амаа жаананд̣̇а, нирод̇хасан̃н̃аа? ид̇хаананд̣̇а, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и – ‘зд̇ам̣ санд̇ам̣ зд̇ам̣ бан̣ийд̇ам̣ яад̣̇ид̣̇ам̣ саб̣б̣асан̇каарасамат̇о саб̣б̣уубад̇хиббадиниссаг̇г̇о д̇ан̣хаагкаяо нирод̇хо ниб̣б̣аана’нд̇и. аяам̣ вужжад̇аананд̣̇а, нирод̇хасан̃н̃аа.
‘‘гад̇амаа жаананд̣̇а, саб̣б̣алогз анабхирад̇асан̃н̃аа? ид̇хаананд̣̇а, бхигку яз логз убаад̣̇аанаа жзд̇асо ад̇хидтаанаабхинивзсаанусаяаа, д̇з баж̇аханд̇о вихарад̇и анубаад̣̇ияанд̇о. аяам̣ вужжад̇аананд̣̇а, саб̣б̣алогз анабхирад̇асан̃н̃аа.
‘‘гад̇амаа жаананд̣̇а, саб̣б̣асан̇каарзсу анижчаасан̃н̃аа? ид̇хаананд̣̇а, бхигку саб̣б̣асан̇каарзсу аддийяад̇и харааяад̇и ж̇иг̇ужчад̇и. аяам̣ вужжад̇аананд̣̇а, саб̣б̣асан̇каарзсу анижчаасан̃н̃аа.
‘‘гад̇амаа жаананд̣̇а, аанаабаанассад̇и? ид̇хаананд̣̇а, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со сад̇ова ассасад̇и сад̇ова бассасад̇и. д̣̇ийгхам̣ ваа ассасанд̇о ‘д̣̇ийгхам̣ ассасаамий’д̇и баж̇аанаад̇и. д̣̇ийгхам̣ ваа бассасанд̇о ‘д̣̇ийгхам̣ бассасаамий’д̇и баж̇аанаад̇и. рассам̣ ваа ассасанд̇о ‘рассам̣ ассасаамий’д̇и баж̇аанаад̇и. рассам̣ ваа бассасанд̇о ‘рассам̣ бассасаамий’д̇и баж̇аанаад̇и. ‘саб̣б̣агааяабадисам̣взд̣̇ий ассасиссаамий’д̇и сигкад̇и. ‘саб̣б̣агааяабадисам̣взд̣̇ий бассасиссаамий’д̇и сигкад̇и. ‘бассамбхаяам̣ гааяасан̇каарам̣ ассасиссаамий’д̇и сигкад̇и. ‘бассамбхаяам̣ гааяасан̇каарам̣ бассасиссаамий’д̇и сигкад̇и. ‘бийд̇ибадисам̣взд̣̇ий ассасиссаамий’д̇и сигкад̇и. ‘бийд̇ибадисам̣взд̣̇ий бассасиссаамий’д̇и сигкад̇и. ‘сукабадисам̣взд̣̇ий ассасиссаамий’д̇и сигкад̇и. ‘сукабадисам̣взд̣̇ий бассасиссаамий’д̇и сигкад̇и. ‘жид̇д̇асан̇каарабадисам̣взд̣̇ий ассасиссаамий’д̇и сигкад̇и. ‘жид̇д̇асан̇каарабадисам̣взд̣̇ий бассасиссаамий’д̇и сигкад̇и. ‘бассамбхаяам̣ жид̇д̇асан̇каарам̣ ассасиссаамий’д̇и сигкад̇и. ‘бассамбхаяам̣ жид̇д̇асан̇каарам̣ бассасиссаамий’д̇и сигкад̇и. ‘жид̇д̇абадисам̣взд̣̇ий ассасиссаамий’д̇и сигкад̇и. ‘жид̇д̇абадисам̣взд̣̇ий бассасиссаамий’д̇и сигкад̇и . абхиббамод̣̇аяам̣ жид̇д̇ам̣…бз… самаад̣̇ахам̣ жид̇д̇ам̣…бз… виможаяам̣ жид̇д̇ам̣…бз… анижжаанубассий…бз… вирааг̇аанубассий…бз… нирод̇хаанубассий…бз… ‘бадиниссаг̇г̇аанубассий ассасиссаамий’д̇и сигкад̇и. ‘бадиниссаг̇г̇аанубассий бассасиссаамий’д̇и сигкад̇и. аяам̣ вужжад̇аананд̣̇а, аанаабаанассад̇и.
‘‘сажз ко д̇вам̣, аананд̣̇а, г̇иримаананд̣̇асса бхигкуно имаа д̣̇аса сан̃н̃аа бхаасзяяааси, таанам̣ ко банзд̇ам̣ виж̇ж̇ад̇и яам̣ г̇иримаананд̣̇асса бхигкуно имаа д̣̇аса сан̃н̃аа суд̇ваа со ааб̣аад̇хо таанасо бадиббассамбхзяяаа’’д̇и.
ат̇а ко ааяасмаа аананд̣̇о бхаг̇авад̇о санд̇игз имаа д̣̇аса сан̃н̃аа уг̇г̇ахзд̇ваа язнааяасмаа г̇иримаананд̣̇о д̇знубасан̇гами; убасан̇гамид̇ваа ааяасмад̇о г̇иримаананд̣̇асса имаа д̣̇аса сан̃н̃аа абхааси. ат̇а ко ааяасмад̇о г̇иримаананд̣̇асса д̣̇аса сан̃н̃аа суд̇ваа со ааб̣аад̇хо таанасо бадиббассамбхи. вудтахи жааяасмаа г̇иримаананд̣̇о д̇амхаа ааб̣аад̇хаа. д̇ат̇аа бахийно жа банааяасмад̇о г̇иримаананд̣̇асса со ааб̣аад̇хо ахосий’’д̇и. д̣̇асамам̣.
сажид̇д̇аваг̇г̇о батамо.
д̇ассуд̣̇д̣̇аанам̣ –
сажид̇д̇ан̃жа саарибуд̇д̇а, тид̇и жа самат̇зна жа;
барихаано жа д̣̇вз сан̃н̃аа, муулаа баб̣б̣аж̇ид̇ам̣ г̇ирийд̇и.