7. жуул̣аваг̇г̇о
1. батамалагун̣д̣агабхад̣̇д̣̇ияасуд̇д̇аван̣н̣анаа
61. жуул̣аваг̇г̇асса лагун̣д̣агабхад̣̇д̣̇ияанд̇и зд̇т̇а бхад̣̇д̣̇ияод̇и д̇асса ааяасмад̇о наамам̣, гааяасса бана рассад̇д̇аа ‘‘лагун̣д̣агабхад̣̇д̣̇ияо’’д̇и нам̣ сан̃ж̇аананд̇и. со гира саавад̇т̇иваасий гулабуд̇д̇о махад̣̇д̇хано махаабхог̇о руубзна абаасаад̣̇иго д̣̇уб̣б̣ан̣н̣о д̣̇уд̣̇д̣̇асиго огодимаго. со згад̣̇ивасам̣ сад̇т̇ари ж̇зд̇аванз вихаранд̇з убаасагзхи сад̣̇д̇хим̣ вихаарам̣ г̇анд̇ваа д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа лад̣̇д̇хуубасамбад̣̇о сад̇т̇у санд̇игз гаммадтаанам̣ г̇ахзд̇ваа вибассанааяа гаммам̣ гаронд̇о сод̇аабад̇д̇ипалам̣ баабун̣и. д̇ад̣̇аа сзгкаа бхигкуу язбхуяязна ааяасманд̇ам̣ саарибуд̇д̇ам̣ убасан̇гамид̇ваа убаримаг̇г̇ад̇т̇ааяа гаммадтаанам̣ яаажанд̇и, д̇хаммад̣̇зсанам̣ яаажанд̇и, бан̃хам̣ бужчанд̇и. со д̇зсам̣ ад̇хиббааяам̣ буурзнд̇о гаммадтаанам̣ аажигкад̇и, д̇хаммам̣ д̣̇зсзд̇и, бан̃хам̣ виссаж̇ж̇зд̇и. д̇з гхадзнд̇аа вааяаманд̇аа аббзгажжз сагад̣̇ааг̇аамипалам̣, аббзгажжз анааг̇аамипалам̣, аббзгажжз арахад̇д̇ам̣, аббзгажжз д̇иссо виж̇ж̇аа, аббзгажжз чал̣абхин̃н̃аа, аббзгажжз жад̇ассо бадисамбхид̣̇аа ад̇хиг̇ажчанд̇и. д̇з д̣̇исваа лагун̣д̣агабхад̣̇д̣̇ияоби сзко самаано гаалам̣ н̃ад̇ваа ад̇д̇ано жид̇д̇агаллад̇ан̃жа саллзкан̃жа бажжавзгкид̇ваа д̇хаммасзнаабад̇им̣ убасан̇гамид̇ваа гад̇абадисант̇ааро саммод̣̇амаано д̇хаммад̣̇зсанам̣ яаажи. собисса аж̇жхаасаяасса ануруубам̣ гат̇ам̣ гат̇зси. д̇зна вуд̇д̇ам̣ – ‘‘д̇зна ко бана самаязна ааяасмаа саарибуд̇д̇о ааяасманд̇ам̣ лагун̣д̣агабхад̣̇д̣̇ияам̣ анзгабарияааязна д̇хаммияаа гат̇ааяа санд̣̇ассзд̇ий’’д̇иаад̣̇и.
д̇ад̇т̇а анзгабарияааязнаад̇и ‘‘ид̇иби бан̃жагканд̇хаа анижжаа, ид̇иби д̣̇угкаа, ид̇иби анад̇д̇аа’’д̇и звам̣ анзгзхи гааран̣зхи. д̇хаммияаа гат̇ааяаад̇и бан̃жаннам̣ убаад̣̇аанагканд̇хаанам̣ уд̣̇аяаб̣б̣аяаад̣̇ибагаасанияаа д̇хаммияаа гат̇ааяа. санд̣̇ассзд̇ийд̇и д̇ааниязва анижжаад̣̇илагкан̣аани уд̣̇аяаб̣б̣аяаад̣̇игз жа саммаа д̣̇ассзд̇и, хад̇т̇зна г̇ахзд̇ваа вияа бажжагкад̇о д̣̇ассзд̇и. самаад̣̇абзд̇ийд̇и д̇ад̇т̇а самуд̇д̇зж̇зд̇ийд̇и вибассанааяа аарад̣̇д̇хааяа сан̇каараанам̣ уд̣̇аяаб̣б̣аяаад̣̇ийсу убадтаханд̇зсу яат̇аагаалам̣ самбахам̣сзд̇ийд̇и д̇ат̇аа бавад̇д̇ияамаанааяа вибассанааяа самаббавад̇д̇абхааванаавасзна жзва убарилад̣̇д̇хаб̣б̣абхааванааб̣алзна жа жид̇д̇ам̣ саммаа бахам̣сзд̇и, лад̣̇д̇хассаад̣̇авасзна ваа судту д̇осзд̇и. анубаад̣̇ааяа аасавзхи жид̇д̇ам̣ вимужжийд̇и яат̇аа яат̇аа д̇хаммасзнаабад̇и д̇хаммам̣ д̣̇зсзд̇и, д̇ат̇аа д̇ат̇аа д̇ат̇алагкан̣ам̣ вибассанд̇асса т̇зрасса жа д̣̇зсанаанубхаавзна, ад̇д̇ано жа убаниссаяасамбад̇д̇ияаа н̃аан̣асса барибаагам̣ г̇ад̇ад̇д̇аа д̣̇зсанаанусаарзна н̃аан̣з анубавад̇д̇анд̇з гаамаасаваад̣̇ийсу ган̃жи аасавам̣ аг̇г̇ахзд̇ваа маг̇г̇абадибаадияаава анавасзсад̇о жид̇д̇ам̣ вимужжи, арахад̇д̇апалам̣ сажчаагаасийд̇и ад̇т̇о.
зд̇амад̇т̇ам̣ вид̣̇ид̇ваад̇и зд̇ам̣ ааяасмад̇о лагун̣д̣агабхад̣̇д̣̇ияасса ан̃н̃аараад̇ханасан̇каад̇ам̣ ад̇т̇ам̣ саб̣б̣аагаарад̇о вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
д̇ад̇т̇а уд̣̇д̇ханд̇и руубад̇хаад̇уяаа аруубад̇хаад̇уяаа жа. ад̇ход̇и гаамад̇хаад̇уяаа. саб̣б̣ад̇хийд̇и саб̣б̣асмимби сан̇каараг̇ад̇з. виббамуд̇д̇од̇и буб̣б̣абхааг̇з вигкамбханавимуд̇д̇ияаа абарабхааг̇з самужчзд̣̇абадибассад̣̇д̇хивимуд̇д̇ийхи саб̣б̣аббагаарзна вимуд̇д̇о. зд̇т̇а жа уд̣̇д̇хам̣ виббамуд̇д̇од̇и зд̇зна бан̃жуд̣̇д̇хамбхааг̇ияасам̣яож̇анабахаанам̣ д̣̇ассзд̇и. ад̇хо виббамуд̇д̇од̇и зд̇зна бан̃жорамбхааг̇ияасам̣яож̇анабахаанам̣. саб̣б̣ад̇хи виббамуд̇д̇од̇и зд̇зна авасидтасаб̣б̣аагусалабахаанам̣ д̣̇ассзд̇и. ат̇а ваа уд̣̇д̇ханд̇и анааг̇ад̇агаалаг̇г̇ахан̣ам̣. ад̇ход̇и ад̇ийд̇агаалаг̇г̇ахан̣ам̣. убхаяаг̇г̇ахан̣знзва д̇ад̣̇убхаяабадисам̣яуд̇д̇ад̇д̇аа бажжуббанно ад̣̇д̇хаа г̇ахид̇о ход̇и, д̇ад̇т̇а анааг̇ад̇агаалаг̇г̇ахан̣зна анааг̇ад̇агканд̇хааяад̇анад̇хаад̇уяо г̇ахид̇аа. сзсабад̣̇зсуби зсзва наяо. саб̣б̣ад̇хийд̇и гаамабхзд̣̇аад̣̇игз саб̣б̣асмим̣ бхавз. ид̣̇ам̣ вуд̇д̇ам̣ ход̇и – анааг̇ад̇о ад̇ийд̇о бажжуббаннод̇и звам̣ д̇ияад̣̇д̇хасан̇г̇ахид̇з саб̣б̣асмим̣ бхавз виббамуд̇д̇од̇и.
аяам̣хамасмийд̇и анаанубассийд̇и яо звам̣ виббамуд̇д̇о, со руубавзд̣̇анаад̣̇ийсу ‘‘аяам̣ наама д̇хаммо ахамасмий’’д̇и д̣̇идтимаанаман̃н̃анаавасзна звам̣ наанубассад̇и. д̇асса д̇ат̇аа д̣̇ассанз гааран̣ам̣ над̇т̇ийд̇и ад̇хиббааяо. ат̇а ваа аяам̣хамасмийд̇и анаанубассийд̇и ид̣̇ам̣ яат̇аавуд̇д̇ааяа вимуд̇д̇ияаа ад̇хиг̇амубааяад̣̇ийбанам̣. д̇ияад̣̇д̇хасан̇г̇ахид̇з д̇збхуумагз сан̇каарз ‘‘зд̇ам̣ мама, зсохамасми, зсо мз ад̇д̇аа’’д̇и бавад̇д̇анасабхаавааяа ман̃н̃анааяа анад̇хидтаанам̣ гад̇ваа ‘‘нзд̇ам̣ мама, нзсохамасми, на мз со ад̇д̇аа’’д̇и звам̣ уббаж̇ж̇амаанаа яаа буб̣б̣абхааг̇авудтаанаг̇ааминий вибассанаа, саа вимуд̇д̇ияаа бад̣̇адтаанам̣. звам̣ вимуд̇д̇о уд̣̇ад̇аари огхам̣, ад̇ин̣н̣абуб̣б̣ам̣ абунаб̣бхавааяаад̇и звам̣ д̣̇асахи сам̣яож̇анзхи саб̣б̣аагусалзхи
батамасуд̇д̇аван̣н̣анаа нидтид̇аа.
2. д̣̇уд̇ияалагун̣д̣агабхад̣̇д̣̇ияасуд̇д̇аван̣н̣анаа
62. д̣̇уд̇ияз сзкам̣ ман̃н̃амаанод̇и ‘‘сзко аяа’’нд̇и ман̃н̃амаано. д̇ад̇рааяам̣ важанад̇т̇о – сигкад̇ийд̇и сзко. гим̣ сигкад̇и? ад̇хисийлам̣ ад̇хижид̇д̇ам̣ ад̇хибан̃н̃ан̃жа. ат̇а ваа сигканам̣ сигкаа, саа зд̇асса сийланд̇и сзко. со хи абарияосид̇асигкад̇д̇аа д̇ад̣̇ад̇химуд̇д̇ад̇д̇аа жа зганд̇зна сигканасийло, на баринидтид̇асигко асзко вияа д̇ад̇т̇а бадиббассад̣̇д̇хуссугго, нааби виссадтасигко бажураж̇ано вияа д̇ад̇т̇а анад̇химуд̇д̇о. ат̇а ваа арияааяа ж̇аад̇ияаа д̇ийсу сигкаасу ж̇аад̇о, д̇ад̇т̇а ваа бхавод̇и сзко. бхияяосомад̇д̇ааяаад̇и бамаан̣ад̇о уд̇д̇ари, бамаан̣ам̣ ад̇иггамид̇ваа ад̇хигад̇аранд̇и ад̇т̇о. ааяасмаа хи лагун̣д̣агабхад̣̇д̣̇ияо батамасуд̇д̇з вуд̇д̇зна вид̇хинаа батамоваад̣̇зна яат̇аанисиннова аасавагкаяаббад̇д̇о. д̇хаммасзнаабад̇и бана д̇асса д̇ам̣ арахад̇д̇аббад̇д̇им̣ анааваж̇ж̇анзна аж̇аанид̇ваа ‘‘сзкоязваа’’д̇и ман̃н̃амаано аббам̣ яаажид̇о б̣ахум̣ ‘‘д̇зна ко бана самаязнаа’’д̇иаад̣̇и. д̇ад̇т̇а яам̣ вад̇д̇аб̣б̣ам̣, д̇ам̣ ананд̇арасуд̇д̇з вуд̇д̇амзва.
г̇аат̇ааяам̣ бана ажчзжчи вадданд̇и анавасзсад̇о гилзсаваддам̣ самужчинд̣̇и, чиннз жа гилзсаваддз гаммаваддамби чиннамзва. б̣яаг̇аа нираасанд̇и аасаа вужжад̇и д̇ан̣хаа, над̇т̇и зд̇т̇а аасаад̇и нираасам̣, ниб̣б̣аанам̣. д̇ам̣ нираасам̣ висзсзна аг̇аа ад̇хиг̇ад̇од̇и б̣яаг̇аа, аг̇г̇амаг̇г̇асса ад̇хиг̇ад̇ад̇д̇аа буна ад̇хиг̇амагааран̣зна винаа ад̇хиг̇ад̇од̇и ад̇т̇о. яасмаа д̇ан̣хаа д̣̇угкасамуд̣̇аяабхууд̇аа, д̇ааяа ‘‘висугкаа сарид̇аа на санд̣̇ад̇ий’’д̇и ааха. д̇ассад̇т̇о – жад̇уд̇т̇асуурияабаад̇убхаавзна вияа махаанад̣̇ияо жад̇уд̇т̇амаг̇г̇ан̃аан̣уббаад̣̇зна анавасзсад̇о висугкаа висосид̇аа д̇ан̣хаасарид̇аа над̣̇ий на санд̣̇ад̇и, ид̇о бадтааяа на бавад̇д̇ад̇и. д̇ан̣хаа хи ‘‘сарид̇аа’’д̇и вужжад̇и. яат̇ааха – ‘‘сарид̇аани синзхид̇аани жа, соманассаани бхаванд̇и ж̇анд̇уно’’д̇и (д̇ха. ба. 341), ‘‘сарид̇аа висад̇д̇игаа’’д̇и (д̇ха. са. 1065; махаани. 3) жа. чиннам̣ ваддам̣ на вад̇д̇ад̇ийд̇и звам̣ гилзсаваддасамужчзд̣̇зна чиннам̣ ваддам̣ ануббаад̣̇ад̇хаммад̇ам̣ авибаагад̇хаммад̇ан̃жа аабаад̣̇анзна убажчиннам̣ гаммаваддам̣ на вад̇д̇ад̇и на бавад̇д̇ад̇и. зсзванд̇о д̣̇угкассаад̇и яад̣̇зд̇ам̣ саб̣б̣асо гилзсаваддаабхаавад̇о гаммаваддасса аббавад̇д̇анам̣, со ааяад̇им̣ вибаагаваддасса згам̣сзнзва ануббаад̣̇о зва сагалассааби сам̣саарад̣̇угкасса анд̇о барижчзд̣̇о баривадумабхаавод̇и.
д̣̇уд̇ияасуд̇д̇аван̣н̣анаа нидтид̇аа.
3. батамасад̇д̇асуд̇д̇аван̣н̣анаа
63. д̇ад̇ияз гаамзсууд̇и вад̇т̇угаамзсу. ад̇ивзланд̇и взлам̣ ад̇иггамид̇ваа. сад̇д̇аад̇и аяонисоманасигаараб̣ахулад̇ааяа виж̇ж̇амаанамби аад̣̇ийнавам̣ рад̇д̇аад̇и вад̇т̇ам̣ вияа ран̇г̇аж̇аад̇зна жид̇д̇асса вибарин̣аамагаран̣зна чанд̣̇арааг̇зна рад̇д̇аа саарад̇д̇аа. г̇ид̣̇д̇хаад̇и абхиган̇канасабхаавзна абхиж̇жханзна г̇ид̣̇д̇хаа г̇зд̇хам̣ аабаннаа. г̇ад̇хид̇аад̇и рааг̇амужчид̇аа вияа д̣̇умможанийяабхаавзна д̇ад̇т̇а бадиб̣ад̣̇д̇хаа. мужчид̇аад̇и гилзсавасзна аж̇жхобаннаад̇и анан̃н̃асаад̇хааран̣з вияа гад̇ваа г̇илид̇ваа баринидтабзд̇ваа тид̇аа. саммад̇д̇агаж̇аад̇аад̇и гаамзсу баад̇аб̣яад̇ам̣ аабаж̇ж̇анд̇аа аббасукавзд̣̇анааяа саммад̇д̇агаа судту мад̇д̇агаа ж̇аад̇аа. ‘‘саммод̣̇агаж̇аад̇аа’’д̇иби баато, ж̇аад̇асаммод̣̇анаа уббаннабахам̣саад̇и ад̇т̇о. саб̣б̣зхиби бад̣̇зхи д̇зсам̣ д̇ан̣хаад̇хибаннад̇ам̣язва вад̣̇ад̇и. зд̇т̇а жа батамам̣ ‘‘гаамзсуу’’д̇и вад̇ваа бунаби ‘‘гаамзсуу’’д̇и важанам̣ д̇зсам̣ сад̇д̇аанам̣ д̇ад̣̇ад̇химуд̇д̇ид̣̇ийбанад̇т̇ам̣. д̇зна саб̣б̣ирияаабат̇зсу гаамаг̇ун̣асаман̇г̇ино худ̇ваа д̇ад̣̇аа вихарим̣сууд̇и д̣̇ассзд̇и.
д̇асмин̃хи ‘‘ат̇а ко самб̣ахулаа бхигкуу…бз… гаамзсу вихаранд̇ий’’д̇и.
зд̇амад̇т̇ам̣ вид̣̇ид̇ваад̇и зд̇ам̣ д̇зсам̣ мануссаанам̣ аабаанабхуумираман̣ийязсу махаабарил̣аахзсу анзгаанад̇т̇аануб̣анд̇хзсу гхораасаяхагадугапалзсу гаамзсу анаад̣̇ийнавад̣̇ассид̇ам̣ саб̣б̣аагаарад̇о вид̣̇ид̇ваа гаамаанан̃жзва гилзсаанан̃жа аад̣̇ийнававибхааванам̣ имам̣ уд̣̇аанам̣ уд̣̇аанзси.
д̇ад̇т̇а гаамзсу сад̇д̇аад̇и вад̇т̇угаамзсу гилзсагаамзна рад̇д̇аа мад̇д̇аа гаамасан̇г̇асад̇д̇аад̇и д̇ааязва гаамасад̇д̇ияаа вад̇т̇угаамзсу рааг̇асан̇г̇зна жзва д̣̇идтимаанад̣̇осаавиж̇ж̇аасан̇г̇зхи жа сад̇д̇аа аасад̇д̇аа. сам̣яож̇анз важ̇ж̇амабассамаанаад̇и гаммаваддам̣ на хи ж̇аад̇у сам̣яож̇анасан̇г̇асад̇д̇аа, огхам̣ д̇арзяяум̣ вибулам̣ маханд̇анд̇и звам̣ аад̣̇ийнавад̣̇ассанаабхаавзна сам̣яож̇анасабхаавзсу сан̇г̇зсу, сам̣яож̇анасан̇каад̇зхи ваа сан̇г̇зхи д̇зсам̣ висаязсу д̇збхуумагад̇хаммзсу сад̇д̇аа вибулависаяад̇ааяа анаад̣̇игаалад̇ааяа жа вибулам̣ вид̇т̇ин̣н̣ам̣ маханд̇ан̃жа гаамаад̣̇иогхам̣, сам̣саарогхамзва ваа на гад̣̇аажи д̇арзяяум̣, згам̣сзнзва д̇асса огхасса баарам̣ на г̇ажчзяяунд̇и ад̇т̇о.
д̇ад̇ияасуд̇д̇аван̣н̣анаа нидтид̇аа.
4. д̣̇уд̇ияасад̇д̇асуд̇д̇аван̣н̣анаа
64. жад̇уд̇т̇з анд̇хийгад̇аад̇и гаамаа наама ананд̇хамби анд̇хам̣ гаронд̇и.
яат̇ааха
‘‘луд̣̇д̇хо ад̇т̇ам̣ на ж̇аанаад̇и, луд̣̇д̇хо д̇хаммам̣ на бассад̇и;
анд̇хад̇амам̣ д̇ад̣̇аа ход̇и, яам̣ лобхо сахад̇з нара’’нд̇и. (ид̇иву. 88; махаани. 5; жуул̣ани. каг̇г̇ависаан̣асуд̇д̇анид̣̇д̣̇зса 128) –
д̇асмаа гаамзна ананд̇хааби анд̇хаа гад̇аад̇и анд̇хийгад̇аа. сзсам̣ ананд̇арасуд̇д̇з вуд̇д̇анаяамзва. д̇ад̇т̇а хи мануссаанам̣ бавад̇д̇и бхигкуухи д̣̇исваа бхаг̇авад̇о аарожид̇аа, ид̇ха бхаг̇авад̇аа саамам̣язва д̣̇идтаад̇и аяамзва висзсо. сад̇т̇аа саавад̇т̇ид̇о нигкамид̇ваа ж̇зд̇аванам̣ г̇ажчанд̇о анд̇араамаг̇г̇з ажиравад̇ияам̣ над̣̇ияам̣ мажчаб̣анд̇хзхи од̣д̣ид̇ам̣ гуминам̣ бависид̇ваа нигканд̇ум̣ асаггонд̇з б̣ахуу мажчз басси, д̇ад̇о абарабхааг̇з
д̇ад̇т̇а гааманд̇хаад̇и вад̇т̇угаамзсу гилзсагаамзна анд̇хаа вижагкугаа гад̇аа. ж̇ааласан̃чаннаад̇и сагад̇д̇абхаавабарад̇д̇абхаавзсу аж̇жхад̇д̇игаб̣аахирааяад̇анзсу, д̇анниссид̇зсу жа д̇хаммзсу ад̇ийд̇аад̣̇ивасзна анзгабхзд̣̇абхиннзсу хздтубарияавасзна абараабарам̣ уббад̇д̇ияаа анд̇ог̇ад̇хаанам̣ анад̇т̇аавахад̇о жа ж̇аалабхууд̇ааяа д̇ан̣хааяа сукумажчид̣̇д̣̇зна ж̇аалзна баривуд̇о вияа уд̣̇агарахад̣̇о сан̃чаннаа балиг̇ун̣тид̇аа аж̇жход̇т̇адаа. д̇ан̣хаачад̣̇аначаад̣̇ид̇аад̇и д̇ан̣хаасан̇каад̇зна чад̣̇анзна сзваалабан̣агзна вияа уд̣̇агам̣ чаад̣̇ид̇аа, бадижчаннаа бихид̇аад̇и ад̇т̇о. бад̣̇ад̣̇ваязнааби гаамажчанд̣̇анийваран̣аниваарид̇агусалажид̇д̇аажаарад̇ам̣ д̣̇ассзд̇и.
бамад̇д̇аб̣анд̇хунаа б̣ад̣̇д̇хаад̇и гилзсамаарзна д̣̇звабуд̇д̇амаарзна жа б̣ад̣̇д̇хаа. яад̣̇аг̇г̇зна хи гилзсамаарзна б̣ад̣̇д̇хаа, д̇ад̣̇аг̇г̇зна д̣̇звабуд̇д̇амаарзнаби б̣ад̣̇д̇хаа наама хонд̇и. вуд̇д̇ан̃хзд̇ам̣ –
‘‘анд̇алигкажаро баасо, явааяам̣ жарад̇и маанасо;
д̇зна д̇ам̣ б̣аад̇хаяиссаами, на мз саман̣а могкасий’’д̇и. (сам̣. ни. 1.151; махаава. 33);
намужи б̣анд̇ханзд̇и гаамаг̇ун̣аб̣анд̇ханзд̇и ад̇т̇о. б̣ад̣̇д̇хаад̇и нияамид̇аа. яат̇аа гим̣? мажчаава гуминаамукз яат̇аа наама мажчаб̣анд̇хагзна од̣д̣ид̇асса гуминасса мукз бавидтаа мажчаа д̇зна б̣ад̣̇д̇хаа худ̇ваа маран̣аманвзнд̇и ж̇араамаран̣аманвзнд̇и. важчо кийрабагова маад̇арам̣ яат̇аа кийрабааяий д̇арун̣аважчо ад̇д̇ано маад̇арам̣ анвзд̇и ануг̇ажчад̇и, на ан̃н̃ам̣ звам̣ маараб̣анд̇ханаб̣ад̣̇д̇хаа сад̇д̇аа сам̣саарз бариб̣бхаманд̇аа маран̣амзва анвзнд̇и ануг̇ажчанд̇и, на аж̇арам̣ амаран̣ам̣ ниб̣б̣аананд̇и ад̇хиббааяо.
жад̇уд̇т̇асуд̇д̇аван̣н̣анаа нидтид̇аа.
5. абаралагун̣д̣агабхад̣̇д̣̇ияасуд̇д̇аван̣н̣анаа
65. бан̃жамз самб̣ахулаанам̣ бхигкуунам̣ бидтид̇о бидтид̇од̇и ааяасмаа лагун̣д̣агабхад̣̇д̣̇ияо згад̣̇ивасам̣ самб̣ахулзхи бхигкуухи сад̣̇д̇хим̣ г̇ааманд̇арзна бин̣д̣ааяа жарид̇ваа гад̇абхад̇д̇агижжо бад̇д̇ам̣ вод̣̇агам̣ гад̇ваа т̇авигааяа багкибид̇ваа ам̣сз лаг̇г̇зд̇ваа жийварам̣ сан̇гхарид̇ваа д̇амби ваамам̣сз табзд̇ваа баасаад̣̇игзна абхигганд̇зна бадигганд̇зна аалогид̇зна вилогид̇зна самин̃ж̇ид̇зна басаарид̇зна огкид̇д̇ажагку ирияаабат̇асамбанно ад̇д̇ано сад̇ибан̃н̃аавзбуллам̣ багаасзнд̇о вияа сад̇исамбаж̇ан̃н̃ам̣ суубадтид̇ам̣ гад̇ваа самаахид̇зна жид̇д̇зна бад̣̇з бад̣̇ам̣ нигкибанд̇о г̇ажчад̇и, г̇ажчанд̇о жа бхигкуунам̣ бажчад̇о бажчад̇о г̇ажчад̇и д̇зхи бхигкуухи асам̣миссо. гасмаа? асам̣садтавихаарид̇ааяа. абижа д̇ассааяасмад̇о руубам̣ барибхууд̇ам̣ барибхавадтаанийяам̣ бут̇уж̇ж̇анаа охийл̣знд̇и. т̇зро д̇ам̣ ж̇аанид̇ваа бидтид̇о бидтид̇о г̇ажчад̇и ‘‘маа имз мам̣ ниссааяа абун̃н̃ам̣ басавим̣суу’’д̇и. звам̣ д̇з бхигкуу жа т̇зро жа саавад̇т̇им̣ бад̇ваа вихаарам̣ бависид̇ваа язна бхаг̇аваа д̇знубасан̇гаманд̇и. д̇зна вуд̇д̇ам̣ – ‘‘д̇зна ко бана самаязна ааяасмаа лагун̣д̣агабхад̣̇д̣̇ияо’’д̇иаад̣̇и.
д̇ад̇т̇а д̣̇уб̣б̣ан̣н̣анд̇и вируубам̣. д̇знасса ван̣н̣асамбад̇д̇ияаа сан̣таанасамбад̇д̇ияаа жа абхаавам̣ д̣̇ассзд̇и. д̣̇уд̣̇д̣̇асиганд̇и огодимаганд̇и рассам̣. иминаа аарохасамбад̇д̇ияаа абхаавам̣ д̣̇ассзд̇и. язбхуяязна бхигкуунам̣ барибхууд̇аруубанд̇и бут̇уж̇ж̇анабхигкуухи охийл̣ид̇аруубам̣. бут̇уж̇ж̇анаа згажжз чаб̣б̣аг̇г̇ияаад̣̇аяо д̇ассааяасмад̇о г̇ун̣ам̣ аж̇аананд̇аа хад̇т̇аган̣н̣ажуул̣игаад̣̇ийсу г̇ан̣ханд̇аа бараамасанд̇аа гийл̣анд̇аа барибхаванд̇и, на арияаа, галяаан̣абут̇уж̇ж̇анаа ваа.
бхигкуу ааманд̇зсийд̇и гасмаа ааманд̇зси? т̇зрасса г̇ун̣ам̣ багаасзд̇ум̣. звам̣ гира бхаг̇авад̇о ахоси ‘‘имз бхигкуу мама буд̇д̇асса махаанубхаавад̇ам̣ на ж̇аананд̇и, д̇зна д̇ам̣ барибхаванд̇и, д̇ам̣ нзсам̣ д̣̇ийгхарад̇д̇ам̣ ахид̇ааяа д̣̇угкааяа бхависсад̇и, ханд̣̇аахам̣ имасса г̇ун̣з бхигкуунам̣ багаасзд̇ваа барибхавад̇о нам̣ можзссаамий’’д̇и.
бассат̇а нод̇и бассат̇а ну. на жа саа самаабад̇д̇и сулабхаруубаа, яаа д̇зна бхигкунаа асамаабаннабуб̣б̣аад̇и руубасамаабад̇д̇и аруубасамаабад̇д̇и б̣рахмавихаарасамаабад̇д̇и нирод̇хасамаабад̇д̇и паласамаабад̇д̇ийд̇и звам̣ бабхзд̣̇аа саавагасаад̇хааран̣аа яаа гаажи самаабад̇д̇ияо наама, д̇аасу згааби самаабад̇д̇и на ‘‘махид̣̇д̇хиго махаанубхааво’’д̇и, д̇ад̇т̇а махид̣̇д̇хигад̇ам̣ багаасзд̇ваа ид̣̇аани махаанубхаавад̇ам̣ д̣̇ассзд̇ум̣ ‘‘яасса жад̇т̇ааяаа’’д̇иаад̣̇имааха. д̇ам̣ хздтаа вуд̇д̇анаяамзва. зд̇т̇а жа бхаг̇аваа ‘‘зсо, бхигкавз, бхигкуу’’д̇иаад̣̇инаа, ‘‘бхигкавз, аяам̣ бхигку на яо ваа со ваа д̣̇уб̣б̣ан̣н̣о д̣̇уд̣̇д̣̇асиго огодимагод̇и бхигкуунам̣ бидтид̇о бидтид̇о ааг̇ажчад̇ийд̇и жа зд̇д̇агзна на он̃н̃аад̇аб̣б̣о, ат̇а ко махид̣̇д̇хиго махаанубхааво, яам̣гин̃жи саавагзна бад̇д̇аб̣б̣ам̣, саб̣б̣ам̣ д̇ам̣ д̇зна ануббад̇д̇ам̣, д̇асмаа д̇ам̣ баасаан̣ажчад̇д̇ам̣ вияа г̇арум̣ гад̇ваа ологзт̇а, д̇ам̣ во д̣̇ийгхарад̇д̇ам̣ хид̇ааяа сукааяа бхависсад̇ий’’д̇и д̣̇ассзд̇и.
зд̇амад̇т̇ам̣ вид̣̇ид̇ваад̇и зд̇ам̣ ааяасмад̇о лагун̣д̣агабхад̣̇д̣̇ияасса махид̣̇д̇хигад̇аамахаанубхаавад̇аад̣̇ибхзд̣̇ам̣ г̇ун̣араасим̣ саб̣б̣аагаарад̇о ж̇аанид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
д̇ад̇т̇а нзлан̇г̇од̇и злам̣ вужжад̇и д̣̇осо, наасса зланд̇и нзлам̣ сзд̇абажчаад̣̇о. бажчаад̣̇од̇и рат̇асса убари ад̇т̇арид̇аб̣б̣агамб̣алаад̣̇и. со бана субарисуд̣̇д̇хад̇хавалабхаавзна сзд̇о ваа ход̇и рад̇д̇анийлаад̣̇ийсу ваа ан̃н̃ад̇аро. ид̇ха бана арахад̇д̇апалавимуд̇д̇ияаа ад̇хиббзд̇ад̇д̇аа субарисуд̣̇д̇хабхаавам̣ убаад̣̇ааяа згааро. вад̇д̇ад̇ийд̇и бавад̇д̇ад̇и. рат̇од̇и т̇зрасса ад̇д̇абхаавам̣ санд̇хааяа вад̣̇ад̇и.
анийгханд̇и нид̣̇д̣̇угкам̣, кобхавирахид̇ам̣ яаанам̣ вияа гилзсабарикобхавирахид̇анд̇и ад̇т̇о. ааяанд̇анд̇и самб̣ахулаанам̣ бхигкуунам̣ бидтид̇о бидтид̇о ааг̇ажчанд̇ам̣. чиннасод̇анд̇и бажчиннасод̇ам̣. багад̇ират̇асса хи сукабавад̇д̇анад̇т̇ам̣ агкасийсзсу аб̣анд̇хано. рат̇уубад̇т̇арасса хи агкзна сад̣̇д̇хим̣ нижжалабхаавагаран̣ад̇т̇ам̣ б̣ахууни б̣анд̇ханаани хонд̇и, д̇зна со саб̣анд̇хано. аяам̣ бана саб̣б̣асам̣яож̇анаб̣анд̇ханаанам̣ анавасзсад̇о баригкийн̣ад̇д̇аа аб̣анд̇хано, д̇ам̣ аб̣анд̇ханам̣. бассаад̇и бхаг̇аваа т̇зрасса г̇ун̣зхи соманассаббад̇д̇о худ̇ваа ад̇д̇аанам̣ вад̣̇ад̇и.
ид̇и сад̇т̇аа ааяасманд̇ам̣ лагун̣д̣агабхад̣̇д̣̇ияам̣ арахад̇д̇апаласийсзна сужаггам̣, арахад̇д̇апалавимуд̇д̇ияаа сууд̇д̇аражчад̣̇ам̣, суубадтид̇ааяа сад̇ияаа сваарам̣, гилзсабарикобхаабхаавзна
бан̃жамасуд̇д̇аван̣н̣анаа нидтид̇аа.
6. д̇ан̣хаасан̇каяасуд̇д̇аван̣н̣анаа
66. чадтз ан̃н̃аасигон̣д̣ан̃н̃од̇и зд̇т̇а гон̣д̣ан̃н̃од̇и д̇ассааяасмад̇о г̇од̇д̇ад̇о ааг̇ад̇анаамам̣. саавагзсу бана саб̣б̣абатамам̣ арияасажжаани бадивиж̇жхийд̇и бхаг̇авад̇аа ‘‘ан̃н̃ааси вад̇а, бхо, гон̣д̣ан̃н̃о’’д̇и (махаава. 17; сам̣. ни. 5.1081) вуд̇д̇ауд̣̇аанавасзна т̇зро саасанз ‘‘ан̃н̃аасигон̣д̣ан̃н̃о’’д̇взва бан̃н̃ааяид̇т̇а. д̇ан̣хаасан̇каяавимуд̇д̇инд̇и д̇ан̣хаа сан̇кийяад̇и бахийяад̇и зд̇т̇аад̇и д̇ан̣хаасан̇каяо, ниб̣б̣аанам̣. д̇асмим̣ д̇ан̣хаасан̇каяз вимуд̇д̇и. д̇ан̣хаа ваа сан̇кийяад̇и бахийяад̇и зд̇знаад̇и д̇ан̣хаасан̇каяо, арияамаг̇г̇о. д̇асса палабхууд̇аа, барияосаанабхууд̇аа ваа вимуд̇д̇ийд̇и д̇ан̣хаасан̇каяавимуд̇д̇и
зд̇амад̇т̇ам̣ вид̣̇ид̇ваад̇и зд̇ам̣ ан̃н̃аасигон̣д̣ан̃н̃ад̇т̇зрасса аг̇г̇апалабажжавзгкан̣ам̣ вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
д̇ад̇т̇а яасса муулам̣ чамаа над̇т̇ийд̇и яасса арияабуг̇г̇аласса ад̇д̇абхааваругкамуулабхууд̇аа авиж̇ж̇аа, д̇ассаава бад̇идтаа хзд̇убхууд̇аа аасаванийваран̣ааяонисоманасигаарасан̇каад̇аа чамаа бат̇авий жа над̇т̇и аг̇г̇амаг̇г̇зна самуг̇гхаад̇ид̇ад̇д̇аа. бан̣н̣аа над̇т̇и гуд̇о лад̇аад̇и над̇т̇и лад̇аа гуд̇о бан̣н̣аад̇и бад̣̇асамб̣анд̇хо. маанаад̇имаанаад̣̇ибабхзд̣̇аа саакаабасаакаад̣̇исан̇каад̇аа лад̇ааби над̇т̇и, гуд̇о зва мад̣̇аббамаад̣̇амааяаасаатзяяаад̣̇ибан̣н̣аанийд̇и ад̇т̇о. ат̇а ваа бан̣н̣аа над̇т̇и гуд̇о лад̇аад̇и ругкан̇гурасса вад̣дхамаанасса батамам̣ бан̣н̣аани ниб̣б̣ад̇д̇анд̇и. бажчаа саакаабасаакаасан̇каад̇аа лад̇аад̇и гад̇ваа вуд̇д̇ам̣. д̇ад̇т̇а
д̇ам̣ д̇хийрам̣ б̣анд̇ханаа муд̇д̇анд̇и д̇ам̣ жад̇уб̣б̣ид̇хасаммаббад̇хаанавийрияаяог̇зна виж̇ид̇амаарад̇д̇аа д̇хийрам̣, д̇ад̇о зва саб̣б̣агилзсаабхисан̇каараб̣анд̇ханад̇о муд̇д̇ам̣. го д̇ам̣ нинд̣̇ид̇умарахад̇ийд̇и зд̇т̇а нд̇и нибаад̇амад̇д̇ам̣. звам̣ саб̣б̣агилзсавиббамуд̇д̇ам̣ сийлаад̣̇иануд̇д̇араг̇ун̣асаманнааг̇ад̇ам̣ го наама вин̃н̃уж̇аад̇иго нинд̣̇ид̇ум̣ г̇арахид̇ум̣ арахад̇и нинд̣̇аанимид̇д̇ассзва абхаавад̇о. д̣̇звааби нам̣ басам̣санд̇ийд̇и ан̃н̃ад̣̇ад̇т̇у д̣̇зваа саггаад̣̇аяо г̇ун̣ависзсавид̣̇уу, абисад̣̇д̣̇зна мануссааби кад̇д̇ияабан̣д̣ид̇аад̣̇аяо басам̣санд̇и. гин̃жа бхияяо б̣рахмунааби басам̣сид̇о махааб̣рахмунааби ан̃н̃зхиби б̣рахманааг̇аяагкаг̇анд̇хаб̣б̣аад̣̇ийхиби басам̣сид̇о т̇омид̇оязваад̇и.
чадтасуд̇д̇аван̣н̣анаа нидтид̇аа.
7. бабан̃жакаяасуд̇д̇аван̣н̣анаа
67. сад̇д̇амз бабан̃жасан̃н̃аасан̇каабахаананд̇и бабан̃жзнд̇и яад̇т̇а саяам̣ уббаннаа, д̇ам̣ санд̇аанам̣ вид̇т̇аарзнд̇и жирам̣ табзнд̇ийд̇и бабан̃жаа, гилзсаа. висзсад̇о рааг̇ад̣̇осамохад̇ан̣хаад̣̇идтимаанаа. д̇ат̇аа хи вуд̇д̇ам̣ –
‘‘рааг̇о бабан̃жо, д̣̇осо бабан̃жо, мохо бабан̃жо, д̇ан̣хаа бабан̃жо, д̣̇идти бабан̃жо, маано бабан̃жо’’д̇и. –
абижа сам̣гилзсадто бабан̃жадто, гажаварадто бабан̃жадто. д̇ад̇т̇а рааг̇абабан̃жасса субхасан̃н̃аа нимид̇д̇ам̣, д̣̇осабабан̃жасса аагхаад̇авад̇т̇у, мохабабан̃жасса аасаваа, д̇ан̣хаабабан̃жасса
д̇ад̣̇аа хи бхаг̇аваа ад̇ийд̇аасу анзгагодисад̇асахассасан̇каасу ад̇д̇ано ж̇аад̇ийсу анад̇т̇асса нимид̇д̇абхууд̇з гилзсз имасмим̣ жаримабхавз арияамаг̇г̇зна б̣од̇химан̣д̣з саваасанз бахийнз бажжавзгкид̇ваа сад̇д̇асанд̇аанан̃жа гилзсажарид̇ам̣ рааг̇аад̣̇игилзсасам̣гилидтам̣ ган̃ж̇ияабун̣н̣алааб̣ум̣ вияа д̇аггабхарид̇ажаадим̣ вияа васаабийд̇абилод̇игам̣ вияа жа д̣̇уб̣б̣иниможияам̣ д̣̇исваа ‘‘звам̣ г̇аханам̣ наамид̣̇ам̣ гилзсаваддам̣ анаад̣̇игаалабхаавид̇ам̣ маяхам̣ анавасзсам̣ бахийнам̣, ахо суббахийна’’нд̇и уббаннабийд̇ибаамож̇ж̇о уд̣̇аанам̣ уд̣̇аанзси. д̇зна вуд̇д̇ам̣ – ‘‘ат̇а ко бхаг̇аваа ад̇д̇ано бабан̃жасан̃н̃аасан̇каабахаанам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзсий’’д̇и.
д̇ад̇т̇а яасса бабан̃жаа тид̇и жа над̇т̇ийд̇и яасмаа бхаг̇аваа ад̇д̇аанамзва барам̣ вияа гад̇ваа нид̣̇д̣̇исад̇и д̇асмаа яасса аг̇г̇абуг̇г̇аласса вуд̇д̇алагкан̣аа бабан̃жаа, д̇зхи гад̇аа сам̣саарз тид̇и жа над̇т̇и. нзд̇д̇ияам̣ бана ‘‘тид̇и наама анусаяо’’д̇и (нзд̇д̇и. 27) вуд̇д̇ам̣. анусаяо хи бхавабавад̇д̇ияаа мууланд̇и. сад̇д̇з сам̣саарз бабан̃жзнд̇ийд̇и санд̣̇аанам̣ балигхан̃жа вийд̇ивад̇д̇од̇и яо б̣анд̇ханадтзна санд̇аанасад̣̇исад̇д̇аа
д̇ам̣ нид̇д̇ан̣хам̣ муним̣ жаранд̇анд̇и д̇ам̣ саб̣б̣ат̇ааби д̇ан̣хаабхаавзна нид̇д̇ан̣хам̣, убхаяалогамунанад̇о ад̇д̇ахид̇абарахид̇амунанад̇о жа муним̣, зганд̇знзва саб̣б̣асад̇д̇ахид̇ад̇т̇ам̣ жад̇уухи ирияаабат̇зхи наанаасамаабад̇д̇ижаарзхи анан̃н̃асаад̇хааран̣зна н̃аан̣ажаарзна жа жаранд̇ам̣. нааваж̇аанаад̇и сад̣̇звагоби логод̇и саб̣б̣о сабан̃н̃аж̇аад̇иго сад̇д̇алого сад̣̇звагоби саб̣рахмагоби на гад̣̇аажиби аваж̇аанаад̇и на барибход̇и, ат̇а ко аяамзва логз аг̇г̇о сздто уд̇д̇амо баварод̇и г̇арум̣ гаронд̇о саггажжам̣ бууж̇аасаггааранирад̇о ход̇ийд̇и.
сад̇д̇амасуд̇д̇аван̣н̣анаа нидтид̇аа.
8. гажжаанасуд̇д̇аван̣н̣анаа
68. адтамз аж̇жхад̇д̇анд̇и зд̇т̇а аяам̣ аж̇жхад̇д̇асад̣̇д̣̇о ‘‘ча аж̇жхад̇д̇игаани ааяад̇анааний’’д̇иаад̣̇ийсу (ма. ни. 3.304) аж̇жхад̇д̇аж̇жхад̇д̇з ааг̇ад̇о. ‘‘аж̇жхад̇д̇аа д̇хаммаа (д̇ха. са. д̇игамаад̇игаа 20), аж̇жхад̇д̇ам̣ ваа гааяз гааяаанубассий’’д̇иаад̣̇ийсу (д̣̇ий. ни. 2.373-374) нияагаж̇жхад̇д̇з. ‘‘саб̣б̣анимид̇д̇аанам̣ аманасигаараа аж̇жхад̇д̇ам̣ сун̃н̃ад̇ам̣ убасамбаж̇ж̇а вихарад̇ий’’д̇иаад̣̇ийсу (ма. ни. 3.187) висаяаж̇жхад̇д̇з, иссарияадтаанзд̇и ад̇т̇о. паласамаабад̇д̇и хи б̣уд̣̇д̇хаанам̣ иссарияадтаанам̣ наама. ‘‘д̇знаананд̣̇а, бхигкунаа д̇асмим̣язва буримасмим̣ самаад̇хинимид̇д̇з аж̇жхад̇д̇амзва жид̇д̇ам̣ сан̣табзд̇аб̣б̣а’’нд̇иаад̣̇ийсу (ма. ни. 3.188) г̇ожараж̇жхад̇д̇з. ид̇хааби г̇ожараж̇жхад̇д̇зязва аж̇жхад̇д̇анд̇и г̇ожараж̇жхад̇д̇абхууд̇з гаммадтаанаарамман̣зд̇и вуд̇д̇ам̣ ход̇и. баримуканд̇и суубадтид̇ааяаад̇и судту убадтид̇ааяа гааяаг̇ад̇ааяа сад̇ияаа. сад̇исийсзна жзд̇т̇а жхаанам̣ вуд̇д̇ам̣. ид̣̇ам̣ вуд̇д̇ам̣ ход̇и ‘‘аж̇жхад̇д̇ам̣ гааяаанубассанаасад̇ибадтаанавасзна бадилад̣̇д̇хам̣ ул̣аарам̣ жхаанам̣ самаабаж̇ж̇ид̇ваа’’д̇и.
аяан̃хи ‘‘д̇зна ко бана самаязна ааяасмаа махаагажжаано…бз… суубадтид̇ааяаа’’д̇и.
зд̇амад̇т̇ам̣ вид̣̇ид̇ваад̇и зд̇ам̣ ааяасмад̇о махаагажжаанад̇т̇зрасса сад̇ибадтаанабхааванаавасзна ад̇хиг̇ад̇ам̣ жхаанам̣ баад̣̇агам̣ гад̇ваа самаабаж̇ж̇анам̣ саб̣б̣аагаарад̇о вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
д̇ад̇т̇а яасса сияаа саб̣б̣ад̣̇аа сад̇и, сад̇ад̇ам̣ гааяаг̇ад̇аа убадтид̇аад̇и яасса аарад̣̇д̇хавибассагасса згад̣̇ивасам̣ ча годтаасз гад̇ваа саб̣б̣асмимби гаалз наамаруубабхзд̣̇зна д̣̇увид̇хзби гааяз г̇ад̇аа гааяаарамман̣аа бан̃жаннам̣ убаад̣̇аанагканд̇хаанам̣ анижжаад̣̇исаммасанавасзна сад̇ад̇ам̣ ниранд̇арам̣ саад̇ажжаабхияог̇авасзна сад̇и убадтид̇аа сияаа.
аяам̣ гирааяасмаа батамам̣ гааяаг̇ад̇аасад̇игаммадтаанавасзна жхаанам̣ ниб̣б̣ад̇д̇зд̇ваа д̇ам̣ баад̣̇агам̣ гад̇ваа гааяаанубассанаасад̇ибадтаанамукзна вибассанам̣ бадтабзд̇ваа арахад̇д̇ам̣ бад̇д̇о. со абарабхааг̇зби язбхуяязна д̇амзва жхаанам̣ самаабаж̇ж̇ид̇ваа вудтааяа д̇ат̇зва жа вибассид̇ваа паласамаабад̇д̇им̣ самаабаж̇ж̇ад̇и. свааяам̣ язна вид̇хинаа арахад̇д̇ам̣ бад̇д̇о, д̇ам̣ вид̇хим̣ д̣̇ассзнд̇о сад̇т̇аа ‘‘яасса сияаа саб̣б̣ад̣̇аа сад̇и, сад̇ад̇ам̣ гааяаг̇ад̇аа убадтид̇аа’’д̇и вад̇ваа д̇ассаа убадтаанаагаарам̣ вибхаавзд̇ум̣ ‘‘но жасса но жа мз сияаа, на бхависсад̇и на жа мз бхависсад̇ий’’д̇и ааха.
д̇ассад̇т̇о но жасса но жа мз сияаад̇и ад̇ийд̇агаалз мама гилзсагаммам̣ но жасса на бхавзяяа жз, имасмим̣ бажжуббаннагаалз аяам̣ ад̇д̇абхааво но жа мз сияаа на мз уббаж̇ж̇зяяа. яасмаа бана мз ад̇ийд̇з гаммагилзсаа ахзсум̣, д̇асмаа д̇ам̣нимид̇д̇о зд̇арахи аяам̣ мз ад̇д̇абхааво бавад̇д̇ад̇и. на бхависсад̇и на жа мз бхависсад̇ийд̇и имасмим̣ ад̇д̇абхаавз бадибагкаад̇хиг̇амзна гилзсагаммам̣ на бхависсад̇и на уббаж̇ж̇иссад̇и мз, ааяад̇им̣ вибаагаваддам̣ на жа мз бхависсад̇и на мз бавад̇д̇иссад̇ийд̇и. звам̣ гаалад̇д̇аяз гаммагилзсахзд̇угам̣ ид̣̇ам̣ маяхам̣ ад̇д̇абхаавасан̇каад̇ам̣ канд̇хабан̃жагам̣
саммасанагаалавасзна бана но жасса но жа мз сияаад̇и яасмаа ид̣̇ам̣ канд̇хабан̃жагам̣ худ̇ваа абхаавадтзна анижжам̣, абхин̣хабадибийл̣анадтзна д̣̇угкам̣, авасавад̇д̇анадтзна анад̇д̇аа, звам̣ яад̣̇и аяам̣ ад̇д̇аа наама нааби канд̇хабан̃жагавинимуд̇д̇о гожи но жасса но жа сияаа на бхавзяяа, звам̣, бханд̇з, но жа мз сияаа мама санд̇агам̣ наама гин̃жи на бхавзяяа. на бхависсад̇ийд̇и ад̇д̇ани ад̇д̇анияз бхавид̇аб̣б̣ам̣ яат̇аа жид̣̇ам̣ наамаруубам̣ зд̇арахи жа ад̇ийд̇з жа ад̇д̇ад̇д̇анияам̣ сун̃н̃ам̣, звам̣ на бхависсад̇и на мз бхависсад̇и, анааг̇ад̇зби канд̇хавинимуд̇д̇о ад̇д̇аа наама на гожи на мз бхависсад̇и на бавад̇д̇иссад̇и, д̇ад̇о зва гин̃жи балиб̣од̇хадтаанияам̣ на мз бхависсад̇и ааяад̇имби ад̇д̇анияам̣ наама на мз гин̃жи бхависсад̇ийд̇и. иминаа д̇ийсу гаалзсу ‘‘аха’’нд̇и г̇ахзд̇аб̣б̣асса абхаавад̇о ‘‘мама’’нд̇и г̇ахзд̇аб̣б̣асса жа абхаавам̣ д̣̇ассзд̇и. д̇зна жад̇уггодигаа сун̃н̃ад̇аа багаасид̇аа ход̇и.
анубуб̣б̣авихаари д̇ад̇т̇а сод̇и звам̣ д̇ийсуби гаалзсу ад̇д̇ад̇д̇анияам̣ сун̃н̃ад̇ам̣ д̇ад̇т̇а сан̇каараг̇ад̇з анубассанд̇о ануггамзна уд̣̇аяаб̣б̣аяан̃аан̣аад̣̇ивибассанаан̃аан̣зсу уббаж̇ж̇амаанзсу анубуб̣б̣авибассанаавихааравасзна анубуб̣б̣авихаарий самаано. гаалзнзва д̇арз висад̇д̇иганд̇и со звам̣ вибассанам̣ мад̇т̇агам̣ баабзд̇ваа тид̇о яог̇ааважаро инд̣̇рияаанам̣ барибаагаг̇ад̇агаалзна вудтаанаг̇ааминияаа вибассанааяа маг̇г̇зна гхадид̇агаалзна арияамаг̇г̇асса уббад̇д̇игаалзна
ид̇и бхаг̇аваа ан̃н̃аабад̣̇зсзна ааяасмад̇о махаагажжаанасса арахад̇д̇уббад̇д̇ид̣̇ийбанам̣ уд̣̇аанам̣ уд̣̇аанзси.
адтамасуд̇д̇аван̣н̣анаа нидтид̇аа.
9. уд̣̇абаанасуд̇д̇аван̣н̣анаа
69. навамз маллзсууд̇и маллаа наама ж̇аанабад̣̇ино рааж̇агумаараа, д̇зсам̣ ниваасо згоби ж̇анабад̣̇о жаарияам̣ жарамаанод̇и ад̇урид̇ажааригаавасзна махааман̣д̣алаж̇анабад̣̇ажааригам̣ жарамаано. махад̇аа бхигкусан̇гхзнаад̇и абарижчзд̣̇аг̇ун̣зна маханд̇зна саман̣аг̇ан̣зна. д̇ад̣̇аа хи бхаг̇авад̇о махаабхигкубаривааро ахоси. т̇уун̣ам̣ наама маллаанам̣ б̣раахман̣аг̇аамод̇и бурад̇т̇имад̣̇агкин̣ааяа д̣̇исааяа маж̇жхимад̣̇зсасса авад̇хидтаанз маллад̣̇зсз т̇уун̣анаамаго б̣раахман̣аб̣ахулад̇ааяа б̣раахман̣аг̇аамо. д̇ад̣̇авасарийд̇и д̇ам̣ авасари, т̇уун̣аг̇аамамаг̇г̇ам̣ баабун̣ийд̇и ад̇т̇о. ассосунд̇и сун̣им̣су, сод̇ад̣̇ваарасамбад̇д̇аважананиг̇гхосаанусаарзна ж̇ааним̣сууд̇и ад̇т̇о. код̇и бад̣̇абууран̣з, авад̇хааран̣ад̇т̇з ваа нибаад̇о. д̇ад̇т̇а авад̇хааран̣ад̇т̇зна ассосум̣язва, на д̇зсам̣ савананд̇арааяо ахосийд̇и вуд̇д̇ам̣ ход̇и. бад̣̇абууран̣зна бад̣̇аб̣яан̃ж̇анасилидтад̇д̇амад̇д̇амзва. т̇уун̣зяяагаад̇и т̇уун̣аг̇аамаваасино. б̣раахман̣аг̇ахабад̇игаад̇и зд̇т̇а б̣рахмам̣ ан̣анд̇ийд̇и б̣раахман̣аа, манд̇з саж̇жхааяанд̇ийд̇и ад̇т̇о. ид̣̇амзва хи ж̇аад̇иб̣раахман̣аанам̣ ниб̣б̣ажанам̣, арияаа г̇ахабад̇игаад̇и кад̇д̇ияаб̣раахман̣з важ̇ж̇зд̇ваа яз гзжи аг̇аарам̣ аж̇жхаавасанд̇аа вужжанд̇и, висзсад̇о взссаа. б̣раахман̣аа жа г̇ахабад̇игаа жа б̣раахман̣аг̇ахабад̇игаа.
ид̣̇аани яамад̇т̇ам̣ д̇з ассосум̣, д̇ам̣ д̣̇ассзд̇ум̣ ‘‘саман̣о калу, бхо, г̇од̇амо’’д̇иаад̣̇и вуд̇д̇ам̣. д̇ад̇т̇а самид̇абаабад̇д̇аа ‘‘саман̣о’’д̇и взд̣̇ид̇аб̣б̣о. вуд̇д̇ан̃хзд̇ам̣ калууд̇и ануссавад̇т̇з нибаад̇о. бход̇и б̣раахман̣аж̇аад̇игаанам̣ ж̇аад̇исамуд̣̇ааг̇ад̇ам̣ аалабанамад̇д̇ам̣. вуд̇д̇амби жзд̇ам̣ ‘‘бховаад̣̇и наама со ход̇и, сажз ход̇и сагин̃жано’’д̇и (д̇ха. ба. 396). г̇од̇амод̇и г̇од̇д̇авасзна бхаг̇авад̇о баригид̇д̇анам̣. д̇асмаа ‘‘саман̣о калу, бхо, г̇од̇амо’’д̇и саман̣о гира, бхо, г̇од̇амаг̇од̇д̇од̇и аяамзд̇т̇а ад̇т̇о. сагяабуд̇д̇од̇и ид̣̇ам̣ бана бхаг̇авад̇о ужжаагулабарид̣̇ийбанам̣. сагяагулаа баб̣б̣аж̇ид̇од̇и сад̣̇д̇хаабаб̣б̣аж̇ид̇абхаавабарид̣̇ийбанам̣. гзнажи баариж̇ун̃н̃зна анабхибхууд̇о абаригкийн̣ам̣язва д̇ам̣ гулам̣ бахааяа нзгкаммаад̇хиг̇амасад̣̇д̇хааяа баб̣б̣аж̇ид̇од̇и вуд̇д̇ам̣ ход̇и. уд̣̇абаанам̣ д̇ин̣асса жа бхусасса жа яаава мукад̇о буурзсунд̇и баанийяагуубам̣ д̇ин̣зна жа бхусзна жа мукаббамаан̣зна вад̣дхзсум̣, д̇ин̣аад̣̇ийни багкибид̇ваа гуубам̣ бид̣̇ахим̣сууд̇и ад̇т̇о.
д̇асса гира г̇аамасса б̣ахи бхаг̇авад̇о ааг̇аманамаг̇г̇з б̣раахман̣аанам̣ барибхог̇абхууд̇о зго уд̣̇абаано ахоси. д̇ам̣ табзд̇ваа д̇ад̇т̇а саб̣б̣аани гуубад̇ал̣аагаад̣̇ийни уд̣̇агадтаанаани д̇ад̣̇аа висугкаани нируд̣̇агаани ахзсум̣. ат̇а т̇уун̣зяяагаа рад̇анад̇д̇аяз аббасаннаа мажчзрабагад̇аа бхаг̇авад̇о ааг̇аманам̣ ‘‘уд̣̇абаанам̣ д̇ин̣асса жа бхусасса жа яаава мукад̇о буурзсум̣, ‘маа д̇з мун̣д̣агаа саман̣агаа баанийяам̣ абам̣суу’’’д̇и.
д̇ад̇т̇а мун̣д̣агаа саман̣агаад̇и мун̣д̣з ‘‘мун̣д̣аа’’д̇и саман̣з ‘‘саман̣аа’’д̇и вад̇д̇ум̣ ваддзяяа, д̇з бана кум̣санаад̇хиббааязна хийл̣знд̇аа звамаахам̣су. маад̇и бадисзд̇хз, маа абам̣су маа бивим̣сууд̇и ад̇т̇о. маг̇г̇аа оггаммаад̇и зд̇амхаад̇и яо уд̣̇абаано д̇зхи д̇ат̇аа гад̇о, д̇амзва нид̣̇д̣̇исанд̇о ааха. гим̣ бана бхаг̇аваа д̇зсам̣ б̣раахман̣аанам̣ виббагаарам̣ анааваж̇ж̇ид̇ваа звамааха – ‘‘зд̇амхаа уд̣̇абаанаа баанийяам̣ аахараа’’д̇и, уд̣̇ааху ааваж̇ж̇ид̇ваа ж̇аананд̇од̇и? ж̇аананд̇о зва бхаг̇аваа ад̇д̇ано б̣уд̣̇д̇хаанубхаавам̣ багаасзд̇ваа д̇з д̣̇амзд̇ваа ниб̣б̣исзванз гаад̇ум̣ звамааха, на баанийяам̣ баад̇угаамо. д̇знзвзд̇т̇а махаабариниб̣б̣аанасуд̇д̇з вияа ‘‘бибаасид̇осмий’’д̇и (д̣̇ий. ни. 2.191) на вуд̇д̇ам̣. д̇хаммабхан̣д̣ааг̇аариго бана сад̇т̇у аж̇жхаасаяам̣ аж̇аананд̇о т̇уун̣зяяагзхи гад̇ам̣ виббагаарам̣ аажигканд̇о ‘‘ид̣̇аани со, бханд̇з’’д̇иаад̣̇имааха.
д̇ад̇т̇а ид̣̇аанийд̇и ад̇хунаа, амхаагам̣ ааг̇аманавзлааяамзваад̇и ад̇т̇о. зсо, бханд̇з, уд̣̇абаанод̇и батанд̇и. т̇зро д̣̇вигкад̇д̇ум̣ бадигкибид̇ваа д̇ад̇ияаваарз ‘‘на ко д̇ат̇ааг̇ад̇аа д̇игкад̇д̇ум̣ бажжанийгаа гаад̇аб̣б̣аа, гааран̣ам̣ д̣̇идтам̣ бхависсад̇и д̣̇ийгхад̣̇ассинаа’’д̇и махаарааж̇ад̣̇ад̇д̇ияам̣ бхаг̇авад̇о бад̇д̇ам̣ г̇ахзд̇ваа уд̣̇абаанам̣ аг̇амааси. г̇ажчанд̇з т̇зрз уд̣̇абаанз уд̣̇агам̣ барибун̣н̣ам̣ худ̇ваа уд̇д̇арид̇ваа саманд̇ад̇о санд̣̇ад̇и, саб̣б̣ам̣ д̇ин̣ам̣ бхусан̃жа ублавид̇ваа саяамзва абаг̇ажчи. д̇зна жа санд̣̇амаанзна салилзна убаруубари вад̣дханд̇зна д̇асмим̣ г̇аамз саб̣б̣зва богкаран̣ийаад̣̇аяо ж̇алаасаяаа висугкаа барибуурим̣су, д̇ат̇аа барикаагусуб̣бханиннаад̣̇ийни жа. саб̣б̣о г̇аамаббад̣̇зсо махогхзна аж̇жход̇т̇адо махаавассагаалз вияа ахоси. гумуд̣̇уббалабад̣̇умабун̣д̣арийгаад̣̇ийни ж̇алаж̇абубпаани д̇ад̇т̇а д̇ад̇т̇а уб̣бхиж̇ж̇ид̇ваа вигасамаанаани уд̣̇агам̣ сан̃чаад̣̇им̣су. сарзсу хам̣сагон̃жажаггаваагагааран̣д̣аваб̣агаад̣̇аяаа
д̇з ‘‘звам̣, бханд̇зд̇и ко ааяасмаа аананд̣̇о’’д̇иаад̣̇и.
д̇ад̇т̇а мукад̇о овамид̇ваад̇и саб̣б̣ам̣ д̇ам̣ д̇ин̣аад̣̇им̣ мукзна чад̣д̣зд̇ваа. виссанд̣̇анд̇о ман̃н̃зд̇и буб̣б̣з д̣̇ийгхараж̇ж̇угзна уд̣̇абаанзна уссин̃жид̇ваа г̇ахзд̇аб̣б̣ауд̣̇агогхо бхаг̇авад̇о бад̇д̇ам̣ г̇ахзд̇ваа т̇зрасса г̇ад̇агаалз мукзна виссанд̣̇анд̇о вияа самад̇ид̇д̇иго гаагабзяяо худ̇ваа адтааси. ид̣̇ан̃жа т̇зрасса г̇ад̇агаалз уд̣̇агаббавад̇д̇им̣ санд̇хааяа вуд̇д̇ам̣. д̇ад̇о барам̣ бана буб̣б̣з вуд̇д̇анаязна д̇асмим̣ г̇аамз сагалам̣ ниннадтаанам̣ уд̣̇агзна барибун̣н̣ам̣ ахосийд̇и. аяам̣ банид̣̇д̇хи на б̣уд̣̇д̇хаанам̣ ад̇хидтаанзна, нааби д̣̇зваанубхаавзна, ат̇а ко бхаг̇авад̇о
зд̇амад̇т̇ам̣ вид̣̇ид̇ваад̇и зд̇ам̣ ад̇хидтаанзна винаа ад̇д̇анаа ижчид̇анибпад̇д̇исан̇каад̇ам̣ ад̇т̇ам̣ саб̣б̣аагаарад̇о вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
д̇ад̇т̇а гим̣ гаяираа уд̣̇абаанзна, аабаа жз саб̣б̣ад̣̇аа сияунд̇и яасса саб̣б̣агаалам̣ саб̣б̣ад̇т̇а жа аабаа жз яад̣̇и сияум̣ яад̣̇и убалаб̣бхзяяум̣ яад̣̇и ааган̇каамад̇д̇абадиб̣ад̣̇д̇хо, д̇зсам̣ лаабхо, д̇зна уд̣̇абаанзна гим̣ гаяираа гим̣ гарзяяа, гим̣ баяож̇ананд̇и ад̇т̇о. д̇ан̣хааяа муулад̇о чзд̇ваа, гисса бариязсанам̣ жарзд̇и яааяа д̇ан̣хааяа муулад̇о чзд̇д̇аад̇и муулад̇о бадтааяа д̇ан̣хааяа чзд̣̇аго. ид̣̇ам̣ вуд̇д̇ам̣ ход̇и – яо б̣од̇хияаа муулабхууд̇амахаабан̣ид̇хаанад̇о бадтааяа абаримид̇ам̣ сагалам̣ бун̃н̃асамбхаарам̣ ад̇д̇ано ажинд̇зд̇ваа логахид̇ад̇т̇амзва барин̣ааманавасзна барибуурзнд̇о муулад̇о бабхуд̇и д̇ан̣хааяа чзд̇д̇аа, со д̇ан̣хаахзд̇угасса ижчид̇аалаабхасса абхаавад̇о гисса гзна гааран̣зна уд̣̇агабариязсанам̣ жарзяяа, имз бана т̇уун̣зяяагаа анд̇хаб̣аалаа имам̣ гааран̣ам̣ аж̇аананд̇аа звамагам̣сууд̇и.
навамасуд̇д̇аван̣н̣анаа нидтид̇аа.
10. уд̇знасуд̇д̇аван̣н̣анаа
70. д̣̇асамз ран̃н̃о уд̇знассаад̇и уд̇знасса наама ран̃н̃о, яо ‘‘важ̇ж̇ирааж̇аа’’д̇иби вужжад̇и. уяяаанаг̇ад̇ассаад̇и уяяаанагийл̣анад̇т̇ам̣ уяяаанам̣ г̇ад̇асса гаалан̇гад̇аанийд̇и аг̇г̇ид̣̇ад̣дхаани худ̇ваа мад̇аани хонд̇и. саамаавад̇ийбамукаанийд̇и зд̇т̇а гаа банааяам̣ саамаавад̇ий, гат̇ан̃жа д̣̇ад̣дхаад̇и? вужжад̇з, бхад̣̇д̣̇авад̇ияам̣ сздтино д̇хийд̇аа гхосагасздтинаа д̇хийд̇удтаанз табид̇аа бан̃жасад̇аид̇т̇ибариваараа
‘‘д̣̇исваана
наахоси чанд̣̇о аби мзт̇унасмим̣;
гимзвид̣̇ам̣ муд̇д̇агарийсабун̣н̣ам̣,
баад̣̇ааби нам̣ сампусид̇ум̣ на ижчз’’д̇и. (су. ни. 841) –
бхаг̇авад̇аа д̣̇зсид̇ам̣ имам̣ г̇аат̇ам̣ суд̇ваа сад̇т̇ари б̣ад̣̇д̇хаагхаад̇аа мааг̇ан̣д̣ияаа абарабхааг̇з ран̃н̃аа уд̇знзна махзсидтаанз табид̇аа бхаг̇авад̇о госамб̣им̣ убаг̇ад̇абхаавам̣, саамаавад̇ийбамукаанан̃жа бан̃жаннам̣ ид̇т̇исад̇аанам̣ убаасигаабхаавам̣ н̃ад̇ваа ‘‘ааг̇ад̇о наама саман̣о г̇од̇амо имам̣ наг̇арам̣, д̣̇аанисса гад̇д̇аб̣б̣ам̣ ж̇ааниссаами, имааби д̇асса убадтааяигаа, имаасамби саамаавад̇ийбамукаанан̃жа гад̇д̇аб̣б̣ам̣ ж̇ааниссаамий’’д̇и анзгабарияааязхи д̇ат̇ааг̇ад̇асса д̇аасан̃жа анад̇т̇ам̣ гаад̇ум̣ вааяамид̇вааби асаггонд̇ий бунзгад̣̇ивасам̣ ран̃н̃аа сад̣̇д̇хим̣ уяяаанагийл̣ам̣ г̇ажчанд̇ий жуул̣абид̇у саасанам̣ бахин̣и ‘‘саамаавад̇ияаа баасаад̣̇ам̣ г̇анд̇ваа д̣̇уссагодтааг̇аарад̇злагодтааг̇аараани вивараабзд̇ваа д̣̇уссаани д̇злажаадийсу д̇змзд̇ваа т̇амбхз взтзд̇ваа д̇аа саб̣б̣аа згад̇о гад̇ваа д̣̇ваарам̣ бид̣̇ахид̇ваа б̣ахи яанд̇ам̣ д̣̇ад̇ваа д̣̇ан̣д̣ад̣̇ийбигаахи г̇зхз аг̇г̇им̣ д̣̇ад̣̇амаано од̇арид̇ваа г̇ажчад̇уу’’д̇и.
д̇ам̣ суд̇ваа со баасаад̣̇ам̣ абхируяха годтааг̇аараани виварид̇ваа вад̇т̇аани д̇злажаадийсу д̇змзд̇ваа т̇амбхз взтзд̇ум̣ аарабхи. ат̇а нам̣ саамаавад̇ийбамукаа ид̇т̇ияо ‘‘гим̣ зд̇ам̣ жуул̣абид̇аа’’д̇и вад̣̇анд̇ияо убасан̇гамим̣су. ‘‘аммаа, рааж̇аа д̣̇ал̣хигаммад̇т̇ааяа имз т̇амбхз д̇злабилод̇игаахи б̣анд̇хаабзд̇и ‘‘д̇зна ко бана самаязна ран̃н̃о уд̇знасса…бз… анибпалаа гаалан̇гад̇аа’’д̇и.
д̇ад̇т̇а анибпалаад̇и на нибпалаа, самбад̇д̇асааман̃н̃апалаа зва гаалан̇гад̇аа. д̇аа бана палаани бадилабханд̇ияо саамаавад̇ияаа –
‘‘аарамбхат̇а ниггамат̇а, яун̃ж̇ат̇а б̣уд̣̇д̇хасаасанз;
д̇хунаат̇а мажжуно сзнам̣, нал̣ааг̇аарам̣ва гун̃ж̇аро.
‘‘яо имасмим̣ д̇хаммавинаяз, аббамад̇д̇о вихассад̇и;
бахааяа ж̇аад̇исам̣саарам̣, д̣̇угкассанд̇ам̣ гариссад̇ий’’д̇и. (сам̣. ни. 1.185; нзд̇д̇и. 29) –
г̇аат̇аахи овад̣̇ияамаанаа взд̣̇анаабариг̇г̇ахагаммадтаанам̣ манаси гаронд̇ияо вибассид̇ваа д̣̇уд̇ияад̇ад̇ияапалаани бадилабхим̣су. куж̇ж̇уд̇д̇араа бана ааяусзсасса ад̇т̇ид̇ааяа, буб̣б̣з д̇аад̣̇исасса гаммасса агад̇ад̇д̇аа жа д̇ад̇о баасаад̣̇ад̇о б̣ахи ахоси. ‘‘д̣̇асаяож̇ананд̇арз баггаамий’’д̇и жа вад̣̇анд̇и. ат̇а бхигкуу д̇хаммасабхааяам̣ гат̇ам̣ самудтаабзсум̣, ‘‘аавусо, ананужчавигам̣ вад̇а арияасаавигаанам̣ зваруубам̣ маран̣а’’нд̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з адта бажжзгаб̣уд̣̇д̇хаа ран̃н̃о нивзсанз ниб̣ад̣̇д̇хам̣ бхун̃ж̇анд̇и. бан̃жасад̇аа
яасмаа бана д̇з имасмим̣ ад̇д̇абхаавз арияапалаани сажчаагам̣су, рад̇анад̇д̇аяам̣ баяирубаасим̣су, д̇асмаа д̇ад̇т̇а анааг̇ааминияо суд̣̇д̇хааваасзсу убабаннаа, ид̇араа гаажи д̇аавад̇им̣сзсу, гаажи яаамзсу, гаажи д̇усид̇зсу, гаажи ниммаанарад̇ийсу, гаажи бараниммид̇авасавад̇д̇ийсу убабаннаа.
рааж̇ааби ко уд̇зно ‘‘саамаавад̇ияаа г̇зхам̣ гира жхааяад̇ий’’д̇и суд̇ваа взг̇зна ааг̇ажчанд̇оби д̇ам̣ бад̣̇зсам̣ д̇аасу д̣̇ад̣дхаасуязва самбаабун̣и. ааг̇анд̇ваа бана г̇зхам̣ ниб̣б̣аабзд̇ваа уббаннаб̣алавад̣̇оманассо мааг̇ан̣д̣ияааяа д̇ат̇аа гаарид̇абхаавам̣ убааязна н̃ад̇ваа арияасаавигаасу гад̇аабараад̇хагаммунаа жод̣̇ияамаано д̇ассаа рааж̇аан̣ам̣ гаарзси сад̣̇д̇хим̣ н̃аад̇агзхи. звам̣ саа сабариж̇анаа самид̇д̇аб̣анд̇хаваа анаяаб̣яасанам̣ баабун̣и.
зд̇амад̇т̇ам̣ вид̣̇ид̇ваад̇и зд̇ам̣ саамаавад̇ийбамукаанам̣ д̇аасам̣ ид̇т̇ийнам̣ аг̇г̇имхи анаяаб̣яасанаабад̇д̇ихзд̇ум̣, мааг̇ан̣д̣ияааяа жа имам̣ уд̣̇аанам̣ уд̣̇аанзси.
д̇ад̇т̇а мохасамб̣анд̇хано лого, бхаб̣б̣аруубова д̣̇иссад̇ийд̇и яо ид̇ха сад̇д̇алого бхаб̣б̣аруубова хзд̇усамбанно вияа худ̇ваа д̣̇иссад̇и, соби мохасамб̣анд̇хано мохзна балиг̇ун̣тид̇о ад̇д̇ахид̇аахид̇ам̣ аж̇аананд̇о хид̇з на бадибаж̇ж̇ад̇и, ахид̇ам̣ д̣̇угкаавахам̣ б̣ахун̃жа абун̃н̃ам̣ аажинаад̇и. ‘‘бхаваруубова д̣̇иссад̇ий’’д̇иби баато. д̇ассад̇т̇о – аяам̣ лого мохасамб̣анд̇хано мохзна балиг̇ун̣тид̇о, д̇ад̇о зва бхаваруубова сассад̇асабхааво вияасса ад̇д̇аа д̣̇иссад̇и, аж̇араамаро вияа убадтаад̇и, язна баан̣аад̇ибаад̇аад̣̇ийни агад̇д̇аб̣б̣аани гарод̇и.
убад̇хиб̣анд̇хано б̣аало, д̇амасаа бариваарид̇о. сассад̇орива кааяад̇ийд̇и на гзвалан̃жа мохасамб̣анд̇хано зва, абижа ко убад̇хиб̣анд̇ханоби аяам̣ анд̇хаб̣аалалого авиж̇ж̇аад̇амасаа бариваарид̇о. ид̣̇ам̣ вуд̇д̇ам̣ ход̇и – язна н̃аан̣зна авибарийд̇ам̣ гаамз жа канд̇хз жа ‘‘анижжаа д̣̇угкаа вибарин̣аамад̇хаммаа’’д̇и бассзяяа, д̇асса абхаавад̇о яасмаа б̣аало анд̇хабут̇уж̇ж̇ано ан̃н̃аан̣ад̇амасаа саманд̇ад̇о бариваарид̇о нивуд̇о, д̇асмаа со гаамуубад̇хи гилзсуубад̇хи канд̇хуубад̇хийд̇и имзсам̣ убад̇хийнам̣ васзна жа убад̇хиб̣анд̇хано, д̇ад̇о зва жасса собад̇хисса бассад̇о сассад̇о вияа нижжо саб̣б̣агаалабхаавий вияа кааяад̇и. ‘‘асассад̇ирива кааяад̇ий’’д̇иби баато. д̇ассад̇т̇о – ад̇д̇аа саб̣б̣агаалам̣ виж̇ж̇ад̇и убалаб̣бхад̇ийд̇и ан̃н̃о асассад̇и анижжод̇и логасса со убад̇хи мижчаабхинивзсавасзна згад̣̇зсо вияа кааяад̇и, убадтахад̇ийд̇и ад̇т̇о. рагааро хи бад̣̇асанд̇хигаро. бассад̇о над̇т̇и гин̃жананд̇и яо бана сан̇каарз бариг̇г̇ахзд̇ваа анижжаад̣̇ивасзна вибассад̇и, д̇ассзва вибассанаабан̃н̃аасахид̇ааяа маг̇г̇абан̃н̃ааяа яат̇аабхууд̇ам̣ бассад̇о ж̇аанад̇о бадивиж̇жхад̇о рааг̇аад̣̇игин̃жанам̣
д̣̇асамасуд̇д̇аван̣н̣анаа нидтид̇аа.
нидтид̇аа жа жуул̣аваг̇г̇аван̣н̣анаа.