39. авадапалаваг̇г̇о
9. сон̣агодивийсад̇т̇зраабад̣̇аанаван̣н̣анаа
навамаабад̣̇аанз бана вибассино бааважанзд̇иаад̣̇игам̣ ааяасмад̇о сон̣асса годивийсад̇т̇зрасса абад̣̇аанам̣. аяамби т̇зро буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз махаавибхавз сздтигулз ниб̣б̣ад̇д̇о вуд̣̇д̇хиббад̇д̇о сздти худ̇ваа убаасагзхи сад̣̇д̇хим̣ вихаарам̣ г̇анд̇ваа сад̇т̇у д̇хаммад̣̇зсанам̣ суд̇ваа басаннамаанасо бхаг̇авад̇о жан̇гаманадтаанз суд̇хааяа баригаммам̣ гаарзд̇ваа зган̃жа лзн̣ам̣ гаарзд̇ваа наанаавирааг̇авад̇т̇зхи лзн̣абхуумияаа сант̇арид̇ваа убари вид̇аанан̃жа гад̇ваа жаад̇уд̣̇д̣̇исасса сан̇гхасса нияяаад̣̇зд̇ваа сад̇д̇аахам̣ махаад̣̇аанам̣ д̣̇ад̇ваа бан̣ид̇хаанам̣ агааси. сад̇т̇аа анумод̣̇анам̣ агааси. со д̇зна гусалагаммзна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ габбз бариниб̣б̣уд̇з гассабад̣̇асаб̣алз ануббаннз амхаагам̣ бхаг̇авад̇и б̣аараан̣асияам̣ гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о г̇ан̇г̇аад̇ийрз бан̣н̣асаалам̣ гарид̇ваа васанд̇ам̣ згам̣ бажжзгаб̣уд̣̇д̇хам̣ д̇змаасам̣ жад̇уухи бажжаязхи саггажжам̣ убадтахи. бажжзгаб̣уд̣̇д̇хо вудтавассо барибун̣н̣абаригкааро г̇анд̇хамаад̣̇анамзва аг̇амааси. соби гулабуд̇д̇о яааваж̇ийвам̣ д̇ад̇т̇а бун̃н̃аани гад̇ваа д̇ад̇о жавид̇ваа д̣̇звамануссзсу сам̣саранд̇о амхаагам̣ бхаг̇авад̇о гаалз жамбаанаг̇арз аг̇г̇асздтисса г̇зхз бадисанд̇хим̣ г̇ан̣хи. д̇асса бадисанд̇хиг̇г̇ахан̣агаалад̇о бадтааяа сздтисса махаабхог̇агканд̇хо абхивад̣дхи. д̇асса маад̇угужчид̇о нигкаманад̣̇ивасз сагаланаг̇арз махаалаабхасаггаарасаммаано ахоси, д̇асса буб̣б̣з бажжзгаб̣уд̣̇д̇хасса сад̇асахассаг̇гханигарад̇д̇агамб̣алабарижжааг̇зна суван̣н̣аван̣н̣о сукумаалад̇аро жа ад̇д̇абхааво ахоси, д̇знасса сон̣од̇и наамам̣ агам̣су. со махад̇аа бариваарзна абхивад̣дхи. д̇асса хад̇т̇абаад̣̇ад̇алаани б̣анд̇хуж̇ийвагабубпаван̣н̣аани ахзсум̣, д̇зсам̣ сад̇аваарам̣ вихад̇агаббаасам̣ вияа муд̣̇усампассо ахоси. баад̣̇ад̇алзсу ман̣игун̣д̣алааваддаван̣н̣аломаани ж̇ааяим̣су. ваяаббад̇д̇асса д̇асса д̇ин̣н̣ам̣ уд̇уунам̣ анужчавигз д̇аяо баасаад̣̇з гаараабзд̇ваа наадагид̇т̇ияо убадтаабзсум̣. со д̇ад̇т̇а махад̇им̣ самбад̇д̇им̣ анубхаванд̇о д̣̇звагумааро вияа бадивасад̇и.
ат̇а амхаагам̣ бхаг̇авад̇и саб̣б̣ан̃н̃уд̇ам̣ бад̇ваа бавад̇д̇ид̇аварад̇хаммажаггз рааж̇аг̇ахам̣ убаниссааяа вихаранд̇з б̣имб̣исаараран̃н̃аа баггосаабид̇о д̇зхи асийд̇ияаа г̇аамигасахассзхи сад̣̇д̇хим̣ рааж̇аг̇ахам̣ ааг̇ад̇о сад̇т̇у санд̇игам̣ г̇анд̇ваа д̇хаммам̣ суд̇ваа бадилад̣̇д̇хасад̣̇д̇хо маад̇аабид̇аро ануж̇аанаабзд̇ваа бхаг̇авад̇о санд̇игз баб̣б̣аж̇ид̇ваа лад̣̇д̇хуубасамбад̣̇о сад̇т̇у санд̇игз гаммадтаанам̣ г̇ахзд̇ваа ж̇анасам̣саг̇г̇абарихаран̣ад̇т̇ам̣ сийд̇аванз вихааси. со д̇ад̇т̇а васанд̇о ‘‘мама сарийрам̣ сукумаалам̣, на жа саггаа сукзнзва сукам̣ ад̇хиг̇анд̇ум̣, гааяам̣ гиламзд̇вааби саман̣ад̇хаммам̣ гаад̇ум̣ ваддад̇ий’’д̇и жинд̇зд̇ваа таанажан̇гамамзва ад̇хидтааяа бад̇хаанамануяун̃ж̇анд̇о баад̣̇ад̇алзсу подзсу удтид̇зсуби взд̣̇анам̣ аж̇жхубзгкид̇ваа д̣̇ал̣хам̣ вийрияам̣ гаронд̇о ажжаарад̣̇д̇хавийрияад̇ааяа висзсам̣ ниб̣б̣ад̇д̇зд̇ум̣ асаггонд̇о ‘‘звам̣ ахам̣ вааяаманд̇оби маг̇г̇апалаани ниб̣б̣ад̇д̇зд̇ум̣ на саггоми, гим̣ мз баб̣б̣аж̇ж̇ааяа, хийнааяаавад̇д̇ид̇ваа бхог̇з жа бхун̃ж̇аами, бун̃н̃аани жа гариссаамий’’д̇и жинд̇зси. ат̇а сад̇т̇аа д̇асса жид̇д̇аажаарам̣ н̃ад̇ваа д̇ад̇т̇а г̇анд̇ваа вийн̣обамоваад̣̇зна (махаава. 243) овад̣̇ид̇ваа вийрияасамад̇ааяож̇анавид̇хим̣ д̣̇ассзнд̇о гаммадтаанам̣ сод̇хзд̇ваа г̇иж̇жхагуудам̣ г̇ад̇о. сон̣оби ко сад̇т̇у санд̇игаа оваад̣̇ам̣ лабхид̇ваа вийрияасамад̇ам̣ яож̇зд̇ваа вибассанам̣ уссуггаабзд̇ваа арахад̇д̇з бад̇идтааси.
49. со арахаа худ̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о вибассино бааважанзд̇иаад̣̇имааха. д̇ад̇т̇а вибассийд̇и висзсзна, вивид̇хам̣ ваа бассад̇ийд̇и вибассий. бааважанзд̇и багаарзна вужжад̇ийд̇и бааважанам̣, бидагад̇д̇аяам̣. д̇асса вибассино д̇асмим̣ бааважанзд̇и ад̇т̇о. лзн̣анд̇и линанд̇з нилийяанд̇з зд̇т̇аад̇и лзн̣ам̣ вихаарам̣. б̣анд̇хумаарааж̇ад̇хаанияаад̇и б̣анд̇ханд̇и гулабарамбарааяа васзна ан̃н̃аман̃н̃ам̣ самб̣аж̇жханд̇ийд̇и б̣анд̇хуу, н̃аад̇агаа. д̇з зд̇т̇а бадивасанд̇ийд̇и б̣анд̇хумаа, б̣анд̇ху асса ад̇т̇ийд̇и ваа б̣анд̇хумаа. рааж̇уунам̣ васанадтаананд̇и рааж̇ад̇хааний, б̣анд̇хумаа жа саа рааж̇ад̇хааний жзд̇и б̣анд̇хумаарааж̇ад̇хааний, д̇ассаа б̣анд̇хумаарааж̇ад̇хаанияаа, лзн̣ам̣ маяаа гад̇анд̇и самб̣анд̇хо. сзсамзд̇т̇а уд̇д̇аанад̇т̇амзваад̇и.
сон̣агодивийсад̇т̇зраабад̣̇аанаван̣н̣анаа самад̇д̇аа.
10. буб̣б̣агаммабилод̇игаб̣уд̣̇д̇хаабад̣̇аанаван̣н̣анаа
64. д̣̇асамаабад̣̇аанз анод̇ад̇д̇асараасаннзд̇и баб̣б̣ад̇агуудзхи бадижчаннад̇д̇аа жанд̣̇имасуурияаанам̣ санд̇аабзхи од̇ад̇д̇ам̣ ун̣хам̣ уд̣̇агам̣ зд̇т̇а над̇т̇ийд̇и анод̇ад̇д̇о. саранд̇и г̇ажчанд̇и бабхаванд̇и санд̣̇анд̇и зд̇асмаа махаанад̣̇ияод̇и саро. сийхамукаад̣̇ийхи нигканд̇аа махаанад̣̇ияо д̇игкад̇д̇ум̣ д̇игкад̇д̇ум̣ бад̣̇агкин̣ам̣ гад̇ваа нигканд̇анигканд̇ад̣̇исаабхааг̇зна саранд̇и г̇ажчанд̇ийд̇и ад̇т̇о. анод̇ад̇д̇о жа со саро жаад̇и анод̇ад̇д̇асаро . д̇асса аасаннам̣ самийбадтаананд̇и анод̇ад̇д̇асараасаннам̣, д̇асмим̣ анод̇ад̇д̇асараасаннз, самийбзд̇и ад̇т̇о. раман̣ийязд̇и д̣̇звад̣̇аанаваг̇анд̇хаб̣б̣агиннарораг̇аб̣уд̣̇д̇хабажжзгаб̣уд̣̇д̇хаад̣̇ийхи рамид̇аб̣б̣ам̣ аллийяид̇аб̣б̣анд̇и раман̣ийяам̣, д̇асмим̣ раман̣ийяз. силаад̇алзд̇и згаг̇гханабаб̣б̣ад̇асилаад̇алзд̇и ад̇т̇о. наанаарад̇анабаж̇ж̇од̇зд̇и бад̣̇умарааг̇авзл̣урияаад̣̇инаанааанзгзхи рад̇анзхи баж̇ж̇од̇з багаарзна ж̇од̇амаанз. наанааг̇анд̇хавананд̇арзд̇и наанаббагаарзхи жанд̣̇анааг̇аругаббуурад̇амаалад̇илагаасоганааг̇абуннааг̇агзд̇агаад̣̇ийхи анзгзхи суг̇анд̇хабубпзхи г̇аханийбхууд̇авананд̇арз силаад̇алзд̇и самб̣анд̇хо.
65. г̇ун̣амаханд̇ад̇ааяа сан̇кяаамаханд̇ад̇ааяа жа махад̇аа бхигкусан̇гхзна, барзд̇о баривуд̇о логанааяаго логад̇д̇аяасаамисаммаасамб̣уд̣̇д̇хо д̇ад̇т̇а силаасанз нисинно ад̇д̇ано буб̣б̣аани гаммаани б̣яаагарий висзсзна баагадамагаасийд̇и ад̇т̇о. сзсамзд̇т̇а хздтаа б̣уд̣̇д̇хаабад̣̇аанз (аба. т̇зра 1.1.1 аад̣̇аяо) вуд̇д̇ад̇д̇аа уд̇д̇аанад̇т̇ад̇д̇аа жа сувин̃н̃зяяамзва. б̣уд̣̇д̇хаабад̣̇аанз анд̇ог̇ад̇хамби ид̇хаабад̣̇аанз гусалаагусалам̣ гаммасам̣суужагад̇д̇аа ваг̇г̇асан̇г̇ахавасзна д̇хаммасан̇г̇аахагад̇т̇зраа сан̇г̇ааяим̣сууд̇и.
буб̣б̣агаммабилод̇игаб̣уд̣̇д̇хаабад̣̇аанаван̣н̣анаа самад̇д̇аа.
згуунажад̇д̇аалийсамаваг̇г̇аван̣н̣анаа самад̇д̇аа.