8. жийварагканд̇хагам̣
ж̇ийвагавад̇т̇угат̇ааван̣н̣анаа
329-330. жийварагканд̇хагз гаммавибааганд̇и гаммаж̇арог̇ам̣. сам̣яамассаад̇и аанисам̣сасса, убаяог̇ад̇т̇з жзд̇ам̣ саамиважанам̣.
баж̇ж̇од̇арааж̇авад̇т̇угат̇аад̣̇иван̣н̣анаа
334-336. вижчигасса ж̇аад̇од̇и д̇асса гира маад̇уяаа уд̇усамаяз саяанаг̇ад̇ааяа вижчиго наабхиббад̣̇зсам̣ аарул̣хо, саа д̇асса сампассзна г̇аб̣бхам̣ г̇ан̣хи. д̇ам̣ санд̇хааяа вуд̇д̇ам̣ ‘‘вижчигасса ж̇аад̇о’’д̇и. уссаннад̣̇осод̇и сан̃жид̇абид̇д̇аад̣̇ид̣̇осо.
вараяаажанагат̇ааван̣н̣анаа
337. ид̇арийд̇арзнаад̇и ид̇арзна ид̇арзна. ид̇ара-сад̣̇д̣̇о бана анияамаважано д̣̇вигкад̇д̇ум̣ вужжамаано яам̣гин̃жи-сад̣̇д̣̇зхи самаанад̇т̇о ход̇ийд̇и вуд̇д̇ам̣ ‘‘аббаг̇гхзнаби махаг̇гхзнаби язна гзнажий’’д̇и. махаабидтияагож̇аванд̇и хад̇т̇ибидтийсу ад̇т̇арид̇аб̣б̣ад̇ааяа махаабидтияанд̇и лад̣̇д̇хасаман̃н̃ам̣ жад̇уран̇г̇улабубпам̣ гож̇авам̣.
гамб̣алаануж̇аананаад̣̇игат̇ааван̣н̣анаа
340. убажаарзд̇и сусаанасса аасаннз бад̣̇зсз. чад̣д̣зд̇ваа г̇ад̇аад̇и гин̃жи авад̇вааязва чад̣д̣зд̇ваа г̇ад̇аа. со зва саамийд̇и агад̇ааяа гад̇игааяа язна г̇ахид̇ам̣, сова саамий.
жийварабадиг̇г̇аахагасаммуд̇иаад̣̇игат̇ааван̣н̣анаа
342-343. д̇хуравихаарадтаанзд̇и вихаарамаж̇жхзязва самманнид̇аб̣б̣анд̇и саб̣б̣зсам̣ ж̇аананад̇т̇ааяа вихаарамаж̇жхзязва нисиннзхи самманнид̇аб̣б̣ам̣. д̇улаабхууд̇од̇и д̇улаасад̣̇исо. ван̣н̣ааван̣н̣ам̣ гад̇ваад̇и саб̣б̣агодтаасз аг̇гхад̇о самагз гад̇ваа. д̇знзвааха ‘‘самз бадивийсз табзд̇ваа’’д̇и. ид̣̇анд̇и сааман̣зраанам̣ убад̣дхабадивийсасса д̣̇аанам̣. паад̇игамманд̇и саммун̃ж̇анийб̣анд̇ханаад̣̇ихад̇т̇агаммам̣ уггудтим̣ гаронд̇ийд̇и махаасад̣̇д̣̇ам̣ гаронд̇и. самабадивийсо д̣̇аад̇аб̣б̣од̇и гариссаамаад̇и яаажанд̇аанам̣ бадин̃н̃аамад̇д̇знаби самагодтаасо д̣̇аад̇аб̣б̣о.
жийварараж̇анагат̇ааван̣н̣анаа
344. раж̇анагумбхияаа маж̇жхз табзд̇ваад̇и анд̇ораж̇анагумбхияаа маж̇жхз табзд̇ваа звам̣ ваддаад̇хаарагз анд̇ораж̇анагумбхияаа багкид̇д̇з маж̇жхз уд̣̇агам̣ д̇идтад̇и, ваддаад̇хаарагад̇о б̣ахи саманд̇аа анд̇огумбхияам̣ раж̇анажчалли. раж̇анам̣ багкибид̇унд̇и раж̇анажчаллим̣ багкибид̇ум̣.
д̇ижийвараануж̇аананагат̇ааван̣н̣анаа
346. уд̣̇д̇хасд̇з арун̣зд̇и уг̇г̇ад̇з арун̣асийсз. нанд̣̇имукияаад̇и д̇удтамукияаа.
ад̇ирзгажийвараад̣̇игат̇ааван̣н̣анаа
348. ажчубзяяанд̇и бад̇идтабзяяам̣. хад̇авад̇т̇агаананд̇и гаалаад̇ийд̇авад̇т̇аанам̣. уд̣̇д̇харид̇ваа аллийяаабанакан̣д̣анд̇и д̣̇уб̣б̣аладтаанам̣ абанзд̇ваа аллийяаабанавад̇т̇акан̣д̣ам̣.
висаакаавад̇т̇угат̇ааван̣н̣анаа
349-351. висаакаавад̇т̇умхи галлагааяаад̇и агиланд̇агааяаа бийд̇исоманассзхи пудасарийраа. г̇ад̇ийд̇и н̃аан̣аг̇ад̇и н̃аан̣аад̇хиг̇амо. абхисамбарааяод̇и н̃аан̣аабхисамбарааяо н̃аан̣асахид̇о бзжжабхааво.
д̇ам̣ бхаг̇аваа б̣яаагариссад̇ийд̇и ‘‘со бхигку сод̇аабанно сагад̣̇ааг̇аамий’’д̇иаад̣̇инаа д̇асса д̇ам̣ н̃аан̣аг̇ад̇им̣, д̇ад̇о барам̣ ‘‘нияад̇о самб̣од̇хибарааяан̣о сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссад̇ий’’д̇иаад̣̇инаа (сам̣. ни. 5.1004) н̃аан̣аабхисамбарааяан̃жа аави гариссад̇и. соваг̇г̇иганд̇и саг̇г̇асам̣вад̇д̇анигам̣. согам̣ нуд̣̇ад̇и винод̣̇зд̇ийд̇и согануд̣̇ам̣.
нисийд̣̇анаад̣̇иануж̇аананагат̇ааван̣н̣анаа
353. д̣̇угкам̣ субад̇ийд̇и наанаавид̇хасубинам̣ бассанд̇о д̣̇угкам̣ субад̇и. д̣̇угкам̣ бадиб̣уж̇жхад̇ийд̇и бадиб̣уж̇жханд̇оби уд̇д̇асид̇ваа саломахам̣со д̣̇угкам̣ бадиб̣уж̇жхад̇и.
бажчимавигаббанубаг̇ажийвараад̣̇игат̇ааван̣н̣анаа
359-362. адтабад̣̇агажчаннзна бад̇д̇амукам̣ сиб̣б̣ид̇унд̇и адтабад̣̇апалагаагаарзна бад̇д̇амукз д̇ад̇т̇а д̇ад̇т̇а г̇аб̣бхам̣ д̣̇ассзд̇ваа сиб̣б̣ид̇ум̣. аг̇г̇ал̣аг̇уд̇д̇иязва бамаан̣анд̇и имзхи жад̇уухи нигкзбагааран̣зхи табзнд̇знаби аг̇г̇ал̣аг̇уд̇д̇ивихаарзязва табзд̇ум̣ ваддад̇ийд̇и ад̇хиббааяо.
сан̇гхигажийваруббаад̣̇агат̇ааван̣н̣анаа
363. бан̃жа маасзд̇и ажжанд̇асам̣яог̇з убаяог̇аважанам̣. вад̣дхим̣ баяож̇зд̇ваа табид̇аубанигкзбад̇од̇и вассааваасигад̇т̇ааяа взяяааважжагарзхи вад̣дхим̣ баяож̇зд̇ваа табид̇аубанигкзбад̇о. д̇ад̇руббаад̣̇ад̇од̇и наал̣игзрааараамаад̣̇ид̇ад̇руббаад̣̇ад̇о. ‘‘вассааваасигалаабхавасзна ваа мад̇агажийваравасзна ваа д̇ад̇руббаад̣̇авасзна ваа ан̃н̃зна ваа гзнажи аагаарзна сан̇гхам̣ уд̣̇д̣̇исса уббаннажийварам̣, саб̣б̣ам̣ д̇ассзва ад̇т̇ад̇агат̇инасса бан̃жа маасз, анад̇т̇ад̇агат̇инасса згам̣ жийварамаасам̣ баабун̣аад̇ий’’д̇и ависзсад̇о вад̇вааби буна вассааваасигалаабхавасзна уббаннз лаб̣бхамаанависзсам̣ д̣̇ассзд̇ум̣ ‘‘яам̣ бана ид̣̇а’’нд̇иаад̣̇и аарад̣̇д̇хам̣. д̇ад̇т̇а ид̇хаад̇и абхилаабамад̇д̇амзд̇ам̣. ‘‘вассам̣вуд̇т̇асан̇гхасса д̣̇змаа’’д̇и вуд̇д̇зби соязва наяо. анад̇т̇ад̇агат̇инассаби бан̃жа маасз баабун̣аад̇ийд̇и вассааваасигалаабхавасзна уббаннад̇д̇аа анад̇т̇ад̇агат̇инассаби вуд̇т̇авассасса бан̃жа маасз баабун̣аад̇и. гзнажи бана ‘‘ид̇ха-сад̣̇д̣̇зна нияамид̇ад̇д̇аа’’д̇и гааран̣ам̣ вуд̇д̇ам̣, д̇ам̣ агааран̣ам̣. д̇ат̇аа хи ид̇ха-сад̣̇д̣̇зна анияамзд̇вааби ‘‘вассам̣вуд̇т̇асан̇гхасса д̣̇змаа’’д̇и ваа ‘‘вассааваасигам̣ д̣̇змаа’’д̇и ваа анд̇охзманд̇з вассааваасигалаабхавасзна д̣̇иннам̣ жийварам̣ анад̇т̇ад̇агат̇инассаби вуд̇т̇авассасса бан̃жа маасз баабун̣аад̇и, д̇знзва д̇ад̇о баранд̇и бан̃жамаасад̇о барам̣, г̇имхаанасса батамад̣̇ивасад̇о бадтааяаад̇и ад̇т̇о.
‘‘гасмаа? бидтисамаяз уббаннад̇д̇аа’’д̇и ид̣̇ам̣ ‘‘уд̣̇ааху анааг̇ад̇авассз’’д̇и имассаананд̇арам̣ д̣̇адтаб̣б̣ам̣. г̇имхаанасса батамад̣̇ивасад̇о бадтааяа уббаннамзва хи бидтисамаяз уббаннад̇д̇аа ‘‘гим̣ ад̇ийд̇авассз ид̣̇ам̣ вассааваасига’’нд̇иаад̣̇инаа бужчид̇аб̣б̣ам̣, д̇знзва барад̇оби вагкад̇и ‘‘г̇имхаанам̣ батамад̣̇ивасад̇о бадтааяа вуд̇д̇з бана маад̇игаа ааробзд̇аб̣б̣аа ‘ад̇ийд̇авассааваасасса бан̃жа маасаа ад̇игганд̇аа, анааг̇ад̇о жаад̇умаасажжаязна бхависсад̇и, гад̇аравассааваасасса д̣̇зсий’д̇и. сажз ‘ад̇ийд̇авассам̣вуд̇т̇аанам̣ д̣̇аммий’д̇и вад̣̇ад̇и, д̇ам̣анд̇овассам̣вуд̇т̇аанамзва баабун̣аад̇ий’’д̇и (махаава. адта. 379). бод̇т̇агзсу бана ‘‘анад̇т̇ад̇агат̇инассаби бан̃жа маасз баабун̣аад̇ий’’д̇и имассаананд̇арам̣ ‘‘гасмаа? бидтисамаяз уббаннад̇д̇аа’’д̇и ид̣̇ам̣ ликанд̇и, д̇ам̣ на яуж̇ж̇ад̇и. на хи бидтисамаяз уббаннам̣ санд̇хааяа ‘‘анад̇т̇ад̇агат̇инассаби бан̃жа маасз баабун̣аад̇ий’’д̇и вуд̇д̇ам̣, на жа бидтисамаяз уббаннам̣ вуд̇т̇авассассзва баабун̣аад̇и, саммукийбхууд̇аанам̣ саб̣б̣зсам̣ баабун̣аад̇и, д̇знзва барад̇о вагкад̇и ‘‘асугавихаарз вассам̣вуд̇т̇асан̇гхассаад̇и вад̣̇ад̇и, д̇ад̇ра вассам̣вуд̇т̇аанамзва яаава гат̇инассуб̣бхаараа баабун̣аад̇и. сажз бана г̇имхаанам̣ батамад̣̇ивасад̇о бадтааяа звам̣ вад̣̇ад̇и, д̇ад̇ра саммукийбхууд̇аанам̣ саб̣б̣зсам̣ баабун̣аад̇и. гасмаа? бидтисамаяз уббаннад̇д̇аа’’д̇и (махаава. адта. 379).
тид̇игаа бана на д̇идтад̇ийд̇и зд̇т̇а адтид̇ааяа тид̇игааяа буна ан̃н̃асмим̣ жийварз уббаннз сажз зго бхигку ааг̇ажчад̇и, маж̇жхз чинд̣̇ид̇ваа д̣̇вийхиби г̇ахзд̇аб̣б̣ам̣. тид̇ааяа бана тид̇игааяа буна ан̃н̃асмим̣ жийварз уббаннз сажз навагад̇аро ааг̇ажчад̇и, тид̇игаа хздтаа г̇ажчад̇и. сажз вуд̣дхад̇аро ааг̇ажчад̇и, тид̇игаа уд̣̇д̇хамаарохад̇и. ат̇а ан̃н̃о над̇т̇и, буна ад̇д̇ано баабзд̇ваа г̇ахзд̇аб̣б̣ам̣. д̣̇уг̇г̇ахид̇аани хонд̇ийд̇и зд̇т̇а сан̇гхигаанзва хонд̇ийд̇и ад̇хиббааяо. г̇ахид̇амзва наамаад̇и ‘‘имасса ид̣̇ам̣ бад̇д̇а’’нд̇и гин̃жааби на вид̣̇ид̇ам̣, д̇з бана бхааг̇аа ад̇т̇ад̇о д̇зсам̣ бад̇д̇ааязваад̇и ад̇хиббааяо. ид̇оваад̇и т̇зраанам̣ д̣̇аад̇аб̣б̣ад̇оязва.
сан̇гхигажийваруббаад̣̇агат̇ааван̣н̣анаа нидтид̇аа.
убананд̣̇асагяабуд̇д̇авад̇т̇угат̇ааван̣н̣анаа
364. сад̇д̇аахаваарзна арун̣амзва удтаабзд̇ийд̇и зд̇ам̣ важанамад̇д̇амзва згасмим̣ вихаарз сад̇д̇аахагижжаабхаавад̇о. ид̣̇анд̇и згаад̇хиббааяад̣̇аанам̣. наанаалаабхзхийд̇иаад̣̇ийсу наанаа висум̣ висум̣ лаабхо зд̇зсууд̇и наанаалаабхаа, д̣̇вз вихаараа, д̇зхи наанаалаабхзхи. наанаа висум̣ висум̣ баагаараад̣̇ийхи барижчинно убажааро зд̇зсанд̇и наануубажаараа, д̇зхи наануубажаарзхи. згасиймавихаарзхийд̇и згуубажаарасиймааяам̣ д̣̇вийхи вихаарзхи.
г̇илаанавад̇т̇угат̇ааван̣н̣анаа
365. балибаннод̇и нимуг̇г̇о, магкид̇од̇и ад̇т̇о. ужжаарзд̇ваад̇и угкибид̇ваа. самаанаажарияагод̇и зд̇т̇а сажзби згасса аажарияасса зго анд̇зваасиго ход̇и, зго сад̣̇д̇хивихаариго, зд̇зби ан̃н̃аман̃н̃ам̣ самаанаажарияагаа зваад̇и вад̣̇анд̇и.
366. бхзсаж̇ж̇ам̣ яож̇зд̇ум̣ асамад̇т̇о ход̇ийд̇и взж̇ж̇зна ‘‘ид̣̇ан̃жид̣̇ан̃жа бхзсаж̇ж̇ам̣ г̇ахзд̇ваа иминаа яож̇зд̇ваа д̣̇аад̇аб̣б̣а’’нд̇и вуд̇д̇з д̇ат̇аа гаад̇ум̣ асамад̇т̇од̇и ад̇т̇о. нийхаад̇унд̇и нийхарид̇ум̣, чад̣д̣зд̇унд̇и ад̇т̇о.
мад̇асанд̇агагат̇ааван̣н̣анаа
367-369. бхигкусса гаалагад̇зд̇и зд̇т̇а гаалагад̇а-сад̣̇д̣̇о бхаавасаад̇ханод̇и ааха ‘‘гаалагирияааяаа’’д̇и. д̇ад̇т̇а д̇ад̇т̇а сан̇гхассаад̇и д̇асмим̣ д̇асмим̣ вихаарз сан̇гхасса.
сан̇гхз бхиннз жийваруббаад̣̇агат̇ааван̣н̣анаа
376. яад̇т̇а бана д̣̇агкин̣од̣̇агам̣ бамаан̣анд̇и бхигкуу яасмим̣ радтз д̣̇агкин̣од̣̇агабааг̇г̇ахан̣амад̇д̇знаби д̣̇зяяад̇хаммасса саамино хонд̇ийд̇и ад̇хиббааяо. барасамуд̣̇д̣̇зд̇и ж̇амб̣уд̣̇ийбз.
378. мад̇агажийварам̣ ад̇хидтаад̇ийд̇и зд̇т̇а маг̇г̇ам̣ г̇ажчанд̇о д̇асса гаалагирияам̣ суд̇ваа авихаарадтаанз
адтажийварамаад̇игаагат̇ааван̣н̣анаа
379. буг̇г̇алаад̇хидтаананаязна вуд̇д̇анд̇и ‘‘сиймааяад̣̇аана’’нд̇иаад̣̇инаа вад̇д̇аб̣б̣з ‘‘сиймааяа д̣̇зд̇ий’’д̇иаад̣̇и буг̇г̇алаад̇хидтаананаязна вуд̇д̇ам̣. баригкзбаарахадтаанзна барижчиннаад̇и иминаа абаригкид̇д̇асса вихаарасса д̇хувасаннибаад̇адтаанаад̣̇ид̇о батамалзд̣д̣убаад̇асса анд̇о убажаарасиймаад̇и д̣̇ассзд̇и. ид̣̇аани д̣̇уд̇ияалзд̣д̣убаад̇асса анд̇оби убажаарасиймааязваад̇и д̣̇ассзд̇ум̣ ‘‘абижаа’’д̇иаад̣̇и аарад̣̇д̇хам̣. д̇хувасаннибаад̇адтаанамби барияанд̇аг̇ад̇амзва г̇ахзд̇аб̣б̣ам̣. бхигкунийнам̣ аараамаббавзсанасзнаасанаабужчанаад̣̇и бариваасамаанад̇д̇аарожанавассажчзд̣̇аниссаяасзнаасанаг̇г̇аахаад̣̇и вид̇хаананд̇и ид̣̇ам̣ саб̣б̣ам̣ имиссааязва убажаарасиймааяа васзна взд̣̇ид̇аб̣б̣ам̣. лаабхад̇т̇ааяа табид̇асиймаа лаабхасиймаа. самаанасам̣ваасаавиббаваасасиймаасу д̣̇иннасса ид̣̇ам̣ наанад̇д̇ам̣ – ‘‘авиббаваасасиймааяа д̣̇аммий’’д̇и д̣̇иннам̣ г̇аамадтаанам̣ на баабун̣аад̇и. гасмаа? ‘‘табзд̇ваа г̇ааман̃жа г̇аамуубажааран̃жаа’’д̇и вуд̇д̇ад̇д̇аа. ‘‘самаанасам̣ваасагасиймааяа д̣̇аммий’’д̇и д̣̇иннам̣ бана г̇аамз тид̇аанамби баабун̣аад̇ийд̇и.
б̣уд̣̇д̇хаад̇хивуд̇т̇од̇и б̣уд̣̇д̇хзна бхаг̇авад̇аа ад̇хивуд̇т̇о. згасминд̇и згасмим̣ вихаарз. баагавадданд̇и д̣̇аанаваддам̣. вад̇д̇ад̇ийд̇и бавад̇д̇ад̇и. бам̣сугуулигаанамби ваддад̇ийд̇и ‘‘д̇уяхам̣ д̣̇змаа’’д̇и авад̇ваа ‘‘бхигкуунам̣ д̣̇зма, т̇зраанам̣ д̣̇змаа’’д̇и вуд̇д̇ад̇д̇аа бам̣сугуулигаанам̣ ваддад̇и. вижаарид̇амзваад̇и убааханад̇т̇авигаад̣̇ийнамад̇т̇ааяа вижаарид̇амзва.
убад̣дхам̣ д̣̇аад̇аб̣б̣анд̇и яам̣ убхад̇осан̇гхасса д̣̇иннам̣, д̇ад̇о убад̣дхам̣ бхигкуунам̣, убад̣дхам̣ бхигкунийнам̣ д̣̇аад̇аб̣б̣ам̣. сажзби зго бхигку ход̇и згаа ваа бхигкуний, анд̇амасо анубасамбаннассаби убад̣дхамзва д̣̇аад̇аб̣б̣ам̣. ‘‘бхигкусан̇гхасса жа бхигкунийнан̃жа д̇уяхан̃жаа’’д̇и вуд̇д̇з бана буг̇г̇ало висум̣ на лабхад̇ийд̇и ид̣̇ам̣ адтагат̇аабамаан̣знзва г̇ахзд̇аб̣б̣ам̣. на хзд̇т̇а висзсагааран̣ам̣ убалаб̣бхад̇и. д̇ат̇аа хи ‘‘убхад̇осан̇гхасса жа д̇уяхан̃жа д̣̇аммий’’д̇и вуд̇д̇з сааман̃н̃ависзсаважанзхи сан̇г̇ахид̇ад̇д̇аа яат̇аа буг̇г̇ало висум̣ лабхад̇и, звамид̇хааби ‘‘бхигкусан̇гхасса жа д̇уяхан̃жаа’’д̇и сааман̃н̃ависзсаважанасаб̣бхаавад̇о бхавид̇аб̣б̣амзва висум̣ буг̇г̇алабадивийсзнаад̇и вин̃н̃ааяад̇и, д̇асмаа адтагат̇ааважанамзвзд̇т̇а бамаан̣ам̣. баабун̣анадтаанад̇о згамзва лабхад̇ийд̇и ад̇д̇ано вассаг̇г̇зна бад̇д̇адтаанад̇о згамзва ‘‘гасмаа? бхигкусан̇гхаг̇г̇ахан̣зна г̇ахид̇ад̇д̇аа’’д̇и, бхигкусан̇гхаг̇г̇ахан̣знзва буг̇г̇алассаби г̇ахид̇ад̇д̇аад̇и бхигкусан̇гхасса хараад̇и вуд̇д̇зби харид̇аб̣б̣анд̇и ийд̣̇исам̣ г̇ихивзяяааважжам̣ на ход̇ийд̇и гад̇ваа вуд̇д̇ам̣.
лагкан̣ан̃н̃уу вад̣̇анд̇ийд̇и ид̣̇ам̣ саннидтаанаважанам̣, адтагат̇аасу анааг̇ад̇ад̇д̇аа бана звам̣ вуд̇д̇ам̣. б̣ахиубажаарасиймааяам̣…бз… саб̣б̣зсам̣ баабун̣аад̇ийд̇и яад̇т̇а гад̇т̇ажи вуд̇т̇авассаанам̣ саб̣б̣зсам̣ баабун̣аад̇ийд̇и ад̇хиббааяо. д̇знзва маад̇игаадтагат̇ааяамби (ган̇каа. адта. агаалажийварасигкаабад̣̇аван̣н̣анаа) ‘‘сажз бана б̣ахиубажаарасиймааяам̣ тид̇о ‘вассам̣вуд̇т̇асан̇гхассаа’д̇и вад̣̇ад̇и, яад̇т̇а гад̇т̇ажи вуд̇т̇авассаанам̣ саб̣б̣зсам̣ самбад̇д̇аанам̣ баабун̣аад̇ий’’д̇и вуд̇д̇ам̣. г̇ан̣тибад̣̇зсу бана ‘‘вассааваасасса анануруубз бад̣̇зсз тад̇ваа вуд̇д̇ад̇д̇аа вассам̣вуд̇т̇аанам̣ авуд̇т̇аанан̃жа саб̣б̣зсам̣ баабун̣аад̇ий’’д̇и вуд̇д̇ам̣, д̇ам̣ на г̇ахзд̇аб̣б̣ам̣. на хи ‘‘вассам̣вуд̇т̇асан̇гхасса д̣̇аммий’’д̇и вуд̇д̇з авуд̇т̇авассаанам̣ баабун̣аад̇и. звам̣ вад̣̇ад̇ийд̇и ‘‘вассам̣вуд̇т̇асан̇гхасса д̣̇аммий’’д̇и вад̣̇ад̇и. уд̣̇д̣̇зсам̣ г̇ахзд̇ум̣ ааг̇ад̇од̇и д̇асса санд̇игз уд̣̇д̣̇зсам̣ аг̇ахид̇абуб̣б̣ассаби уд̣̇д̣̇зсам̣ г̇ан̣хиссаамийд̇и ааг̇ад̇агаалад̇о бадтааяа анд̇зваасигабхаавуубаг̇аманад̇о вуд̇д̇ам̣. сзсамзд̇т̇а сувин̃н̃зяяамзва.
адтажийварамаад̇игаагат̇ааван̣н̣анаа нидтид̇аа.
жийварагканд̇хагаван̣н̣анаа нидтид̇аа.