3. самужжаяагканд̇хаго
суггависсадтигат̇ааван̣н̣анаа
97. самужжаяагканд̇хагз взд̣̇аяаамаханд̇и ж̇аанаабзми ахам̣, аарожзмийд̇иад̇т̇о. анубхаваамийд̇ибисса ад̇т̇ам̣ вад̣̇анд̇и. буримам̣ бана басам̣санд̇и ааробанаважанад̇д̇аа. аарожзд̇ваа нигкибид̇аб̣б̣анд̇и д̣̇уггадабариможанад̇т̇ам̣ вуд̇д̇ам̣. гзжи бана ‘‘д̇ад̣̇ахзва буна вад̇д̇ам̣ самаад̣̇ияид̇ваа арун̣ам̣ удтаабзд̇угаамасса рад̇д̇ижчзд̣̇абарихаарад̇т̇амбий’’д̇и вад̣̇анд̇и.
‘‘сабхааг̇аа бхигкуу васанд̇ий’’д̇и вуд̇д̇ад̇д̇аа висабхааг̇аанам̣ васанадтаанз вад̇д̇ам̣ асамаад̣̇ияид̇ваа б̣ахи зва гаад̇умби ваддад̇ийд̇и д̣̇адтаб̣б̣ам̣. ‘‘д̣̇вз лзд̣д̣убаад̇з ад̇иггамид̇ваа’’д̇и ид̣̇ам̣ вихаарз бхигкуунам̣ саж̇жхааяаад̣̇исад̣̇д̣̇асавануубажааравиж̇аханад̇т̇ам̣ вуд̇д̇ам̣. ‘‘махаамаг̇г̇ад̇о оггаммаа’’д̇и ид̣̇ам̣ маг̇г̇абадибаннаанам̣ бхигкуунам̣ убажаараад̇иггаманад̇т̇ам̣ вуд̇д̇ам̣. г̇умб̣зна ваад̇иаад̣̇и д̣̇ассануубажааравиж̇аханад̇т̇ам̣.
‘‘соби гзнажи гаммзна бурз арун̣з зва г̇ажчад̇ий’’д̇и иминаа аарожанааяа гад̇ааяа саб̣б̣зсуби бхигкуусу вихаараг̇ад̇зсу уунз г̇ан̣з жаран̣ад̣̇осо ваа виббаваасад̣̇осо ваа на ход̇и аарожид̇ад̇д̇аа сахаваасассаад̇и д̣̇ассзд̇и. д̇знааха ‘‘аяан̃жаа’’ д̇иаад̣̇и. аб̣бхаанам̣ гаад̇ум̣ на ваддад̇ийд̇и гад̇амби агад̇амзва ход̇ийд̇и ад̇т̇о.
суггависсадтигат̇ааван̣н̣анаа нидтид̇аа.
бадижчаннабариваасагат̇ааван̣н̣анаа
102. суд̣̇д̇хассаад̇и сабхааг̇асан̇гхаад̣̇исзсам̣ анаабаннасса, д̇ад̇о вудтид̇асса ваа. ан̃н̃асминд̇и суд̣̇д̇ханд̇абариваасавасзна
‘‘уд̣̇ааяим̣ аавигаараабзд̇ваа виссаж̇ж̇зд̇аб̣б̣од̇и д̇асса ад̇згижчабхаавам̣ д̇знзва сан̇гхасса баагадам̣ гаарзд̇ваа лаж̇ж̇иг̇ан̣ад̇о вияож̇анавасзна виссаж̇ж̇зд̇аб̣б̣о.
сад̇ам̣ аабад̇д̇ияод̇и гааяасам̣саг̇г̇аад̣̇ивасзна згад̣̇ивасз аабаннаа сад̇ам̣ аабад̇д̇ияо. д̣̇асасад̇анд̇и сахассаа аабад̇д̇ияо. рад̇д̇исад̇ам̣ чаад̣̇аяид̇ваанаад̇и яож̇зд̇аб̣б̣о. саб̣б̣абариваасагаммаваажаавасаанзд̇и хздтаа д̣̇ассид̇аанам̣ д̣̇виннам̣ суд̣̇д̇ханд̇абариваасаанам̣, д̇ин̣н̣ам̣ самод̇хаанабариваасаанан̃жаад̇и имзсам̣ саб̣б̣зсам̣ бариваасаанам̣ гаммаваажаабарияосаанз. буриманаязнзваад̇и бадижчаннабариваасз вуд̇д̇анаязна.
вихааруубажаарад̇обийд̇и б̣ахиг̇аамз бхигкуунам̣ вихааруубажаарад̇оби. ‘‘д̣̇вз лзд̣д̣убаад̇аа ад̇иггамид̇аб̣б̣аа’’д̇и ид̣̇ам̣ бхигкуунам̣ савануубажаараад̇иггаманам̣ вуд̇д̇ам̣. г̇аамассаад̇и на вуд̇д̇анд̇и г̇аамасса убажаарам̣ мун̃жид̇ум̣ ваддад̇ийд̇и на вуд̇д̇ам̣. д̇зна г̇аамуубажаарз тид̇ааби д̇ад̇т̇а д̣̇ассанасавануубажаарз ад̇иггамид̇ваа тид̇аа бхигкуу жа бхигкунияо жа д̇ассаа рад̇д̇ижчзд̣̇ам̣ на гаронд̇ийд̇и д̣̇ийбзд̇и.
анигкид̇д̇авад̇д̇абхигкуунам̣ вуд̇д̇анаязнзваад̇и убажаарасиймааяа бавидтаанам̣ васзна рад̇д̇ижчзд̣̇ам̣ санд̇хааяа вуд̇д̇ам̣. д̇асмим̣ г̇аамзд̇и бхигкунийнам̣ ниваасанаг̇аамз. ад̇д̇аанам̣ д̣̇ассзд̇ваад̇и яат̇аа аарожзд̇ум̣ саггаа, д̇ат̇аа д̣̇ассзд̇ваа. ‘‘самманнид̇ваа д̣̇аад̇аб̣б̣аа’’д̇и иминаа саммад̇ааяа сахаваасзби рад̇д̇ижчзд̣̇о на ход̇ийд̇и д̣̇ассзд̇и.
муулааяабадигассид̇ассаад̇и муулааяабадигассид̇асса буна баривуд̇т̇абариваасассаад̇и ад̇т̇о. д̇иссаннанд̇и муулаабад̇д̇ияаа саха д̣̇виннам̣ анд̇араабад̇д̇ийнан̃жа.
108. сажз бадижчаннаад̇и нигкид̇д̇авад̇д̇знаабаннаабад̇д̇им̣ санд̇хааяа вуд̇д̇ам̣. баал̣ияам̣ бан̃жаахаббадижчаннаваарз анд̇араабад̇д̇игат̇ааяам̣ ‘‘зван̃жа бана, бхигкавз, чаарад̇д̇ам̣ маанад̇д̇ам̣ д̣̇аад̇аб̣б̣а’’нд̇и ид̣̇ам̣ муулааяабадигассанаагаммаваажаананд̇арамзва д̣̇аад̇ум̣ вуд̇д̇ам̣ на ход̇и. муулааяабадигассид̇асса бана бан̃жад̣̇ивасаани баривасид̇ваа яаажид̇асса ‘‘згаахаббадижчаннаад̣̇ивасзна бан̃жаа’’д̇и ид̣̇ам̣ згаахаббадижчаннаад̣̇ийнам̣ жад̇уннам̣ бажжзгабариваасад̣̇аанамаанад̇д̇ад̣̇аанааб̣бхаанаани згзгам̣ гад̇ваа вуд̇д̇ам̣. ‘‘анд̇араабад̇д̇ивасзна жад̇ассо’’д̇и ид̣̇амби маанад̇д̇ад̣̇аанааб̣бхаанаани д̇асмим̣ д̇асмим̣ муулааяабадигассанз згад̇д̇ам̣ ааробзд̇ваа вуд̇д̇ам̣.
бадижчаннабариваасагат̇ааван̣н̣анаа нидтид̇аа.
самод̇хаанабариваасагат̇ааван̣н̣анаа
125. ‘‘яасмаа бадижчаннаа анд̇араабад̇д̇ий’’д̇и ид̣̇ам̣ самод̇хаанабариваасад̣̇аанасса гааран̣аважанам̣, на бана жин̣н̣абаривуд̇т̇ад̣̇ивасаанам̣ магкид̇абхаавасса, аббадижчаннааяа анд̇араабад̇д̇ияаа муулааяабадигассанз гад̇зби д̇зсам̣ магкид̇абхаавасамбхавад̇о. д̇асмаа ‘‘маанад̇д̇ажин̣н̣ад̣̇ивасааби баривуд̇т̇ад̣̇ивасааби саб̣б̣з магкид̇аава хонд̇ий’’д̇и имассаананд̇арам̣ ‘‘самод̇хаанабариваасо жасса д̣̇аад̇аб̣б̣о’’д̇и звамзд̇т̇а яож̇анаа гаад̇аб̣б̣аа. д̇знааха ‘‘д̇знзваа’’д̇иаад̣̇и.
самод̇хаанабариваасагат̇ааван̣н̣анаа нидтид̇аа.
аг̇гхасамод̇хаанабариваасагат̇ааван̣н̣анаа
134. ‘‘згаабад̇д̇имуулаган̃жаа’’д̇и иминаа ‘‘згаа аабад̇д̇и згаахаббадижчаннаа, згаа аабад̇д̇и д̣̇вийхаббадижчаннаа’’д̇иаад̣̇инаяам̣ д̣̇ассзд̇и. аббадижчаннабхаавам̣ д̣̇ассзд̇унд̇и аж̇аананаад̣̇инаа бадижчаннааяаби аабад̇д̇ияаа маанад̇д̇аарахад̇ааважанзна аббадижчаннабхаавам̣ д̣̇ассзд̇ум̣. ‘‘згасса, аавусо, маасасса бхигку маанад̇д̇аарахо’’д̇и магкад̇хаммод̇и мад̣̇д̣̇ид̇угаамад̇аа. сан̇гхаад̣̇исзсаанам̣ бариваасад̣̇аанаад̣̇исаб̣б̣авинижчаяасса самужжаяад̇д̇аа банзса самужжаяагканд̇хагод̇и вуд̇д̇од̇и взд̣̇ид̇аб̣б̣о.
аг̇гхасамод̇хаанабариваасагат̇ааван̣н̣анаа нидтид̇аа.
самужжаяагканд̇хагаван̣н̣анаанаяо нидтид̇о.