самудтаанасийсаван̣н̣анаа
257. баал̣ияам̣ ниб̣б̣аанан̃жзва бан̃н̃ад̇д̇ийд̇и зд̇т̇а яасмаа сан̇кад̇ад̇хаммз убаад̣̇ааяа бан̃н̃ад̇д̇аа саммуд̇исажжабхууд̇аа буг̇г̇алаад̣̇ибан̃н̃ад̇д̇и барамад̇т̇ад̇о авиж̇ж̇амаанад̇д̇аа уббад̇д̇ивинаасаяуд̇д̇авад̇т̇уд̇хамманияад̇зна анижжад̣̇угкалагкан̣ад̣̇ваязна яуд̇д̇аад̇и вад̇д̇ум̣ аяуд̇д̇аа, гаарагавзд̣̇агаад̣̇ируубзна бана баригаббид̇зна ад̇д̇асабхаавзна вирахид̇ад̇д̇аа ‘‘анад̇д̇аа’’д̇и вад̇д̇ум̣ яуд̇д̇аа. д̇асмаа аяам̣ бан̃н̃ад̇д̇иби асан̇кад̇ад̇д̇асааман̃н̃ад̇о ‘‘анад̇д̇аа ид̇и нижчаяаа’’д̇и вуд̇д̇аа. авиж̇ж̇амаанааби хи саммуд̇и гзнажи бажжаязна агад̇ад̇д̇аа асан̇кад̇аа зваад̇и.
гарун̣аасийд̇алад̇д̇ам̣, бан̃н̃аабабхаасид̇ад̇д̇ан̃жа бхаг̇авад̇о д̣̇ассзд̇ум̣ ‘‘б̣уд̣̇д̇хажанд̣̇з, б̣уд̣̇д̇хаад̣̇ижжз’’д̇и зд̇ам̣ убхаяам̣ вуд̇д̇ам̣. хааяад̇и зд̇знаад̇и хаани, д̣̇угкасса хаани д̣̇угкахаани, саб̣б̣ад̣̇угкаабанууд̣̇анагааран̣анд̇и ад̇т̇о. бидагз д̇ийн̣и д̣̇зсаяийд̇и яасмаа ан̃н̃зби махаавийраа саммаасамб̣уд̣̇д̇хаа сад̣̇д̇хаммам̣ д̣̇зсаяанд̇и, д̇асмаа махааг̇ун̣анд̇и махаанисам̣сам̣. звам̣ нийяад̇и сад̣̇д̇хаммод̇и яад̣̇и винаяабарияад̇д̇и абарихийнаа д̇идтад̇и, звам̣ сад̇и бадибад̇д̇ибадивзд̇хасад̣̇д̇хаммоби нийяад̇и бавад̇д̇ийяад̇и, на барихааяад̇ийд̇и ад̇т̇о.
винаяабарияад̇д̇и бана гат̇ам̣ д̇идтад̇ийд̇и ааха ‘‘убхад̇о жаа’’д̇иаад̣̇и. бариваарзна г̇ант̇ид̇аа д̇идтад̇ийд̇и яож̇зд̇аб̣б̣ам̣. д̇ассзва бариваарассаад̇и д̇асмим̣ зва бариваарз. самудтаанам̣ нияад̇о гад̇анд̇и згажжам̣ самудтаанзна нияад̇ам̣ гад̇ам̣. д̇асмим̣ бариваарз гин̃жи сигкаабад̣̇ам̣ нияад̇асамудтаанам̣ ан̃н̃зхи асаад̇хааран̣ам̣, д̇ам̣ багаасид̇анд̇и ад̇т̇о.
самбхзд̣̇ам̣ нид̣̇аанан̃жан̃н̃анд̇и самбхзд̣̇о сигкаабад̣̇аанам̣ ан̃н̃аман̃н̃асамудтаанзна сам̣гин̣н̣ад̇аа, нид̣̇аанан̃жа бан̃н̃ад̇д̇идтаанам̣, ан̃н̃ам̣ буг̇г̇алаад̣̇ивад̇т̇аад̣̇и жа. суд̇д̇з д̣̇иссанд̇и убарийд̇и хздтаа вуд̇д̇з, убари вагкамаанз жа бариваарасуд̇д̇з зва д̣̇иссанд̇и. яасмаа жа звам̣, д̇асмаа сагаласаасанаад̇хаарасса винаяасса тид̇ихзд̇убхууд̇ам̣ бариваарам̣ сигкзд̇и, звамзд̇т̇а яож̇анаа д̣̇адтаб̣б̣аа.
самбхиннасамудтаанаанийд̇и ан̃н̃зхи саад̇хааран̣асамудтаанаани. аад̣̇имхи д̇аава буриманаязд̇и саб̣б̣абатамз бан̃н̃ад̇д̇иваарз ааг̇ад̇анаяам̣ санд̇хааяа вад̣̇ад̇и, д̇ад̇т̇а бана бан̃н̃ад̇д̇иваарз ‘‘батамам̣ баарааж̇игам̣ гад̇т̇а бан̃н̃ад̇д̇анд̇и, взсаалияам̣ бан̃н̃ад̇д̇а’’нд̇иаад̣̇инаа (бари. 1) нид̣̇аанамби д̣̇иссад̇и зва. барад̇од̇и ааг̇ад̇абхаавам̣ бана санд̇хааяа барад̇о ааг̇ад̇з суд̇д̇з д̣̇иссад̇ийд̇и взд̣̇ид̇аб̣б̣анд̇и вуд̇д̇ам̣. д̇ассаад̇и убхад̇овибхан̇г̇абарияаабаннасса сигкаабад̣̇асса.
258. анияад̇аа батамигаад̇и аабад̇д̇им̣ абзгкид̇ваава ид̇т̇илин̇г̇ам̣ гад̇ам̣, батамаанияад̇ам̣ сигкаабад̣̇анд̇и ад̇т̇о. баал̣ияам̣ наануб̣анд̇хз бавад̇д̇ининд̇и вудтаабид̇ам̣ бавад̇д̇иним̣ анануб̣анд̇ханасигкаабад̣̇ам̣.
260. зл̣агаломасигкаабад̣̇авад̇т̇усмим̣ ‘‘вибхан̇г̇з ‘рин̃жанд̇и уд̣̇д̣̇зса’нд̇и ааг̇ад̇ам̣ зл̣агаломад̇ховаабанасигкаабад̣̇а’’нд̇и ааха.
вассигасаадигасигкаабад̣̇анд̇и рад̇анасигкаабад̣̇анд̇и рад̇анам̣ ваа рад̇анасаммад̇ам̣ ваа бадисааманасигкаабад̣̇ам̣ (баажи. 502 аад̣̇аяо).
265. баал̣ияам̣ б̣уд̣̇д̇хан̃аан̣знаад̇и бадивид̣̇д̇хасаб̣б̣ан̃н̃уд̇ан̃н̃аан̣зна.
267. ‘‘на д̣̇зсзнд̇и д̇ат̇ааг̇ад̇аа’’д̇и зд̇зна чад̇д̇абаан̣исса д̇хаммад̣̇зсанаабадигкзбам̣ д̣̇ассзд̇и.
269. агад̇анд̇и ан̃н̃зхи амиссийгад̇ам̣, нияад̇асамудтаананд̇и ад̇т̇о. агад̇анд̇и ваа буб̣б̣з анааг̇ад̇ам̣, абхинаванд̇и ад̇т̇о.
270. самудтаанан̃хи сан̇кзбанд̇и зд̇т̇а сан̇кибанд̇и сан̇г̇аяханд̇и сад̣̇исасамудтаанаани зд̇т̇аад̇и сан̇кзбо, самудтаанасийсам̣. нзд̇и винзд̇и гааяаважийд̣̇ужжарид̇анд̇и нзд̇д̇и, винаяабаал̣и, саа зва д̇хаммод̇и нзд̇д̇ид̇хаммод̇и ааха ‘‘винаяабаал̣ид̇хаммассаа’’д̇и.
самудтаанасийсаван̣н̣анаа нидтид̇аа.