6. баадид̣̇зсанийяаган̣д̣ам̣
1. батамабаадид̣̇зсанийяасигкаабад̣̇аван̣н̣анаа
553. баадид̣̇зсанийязсу бадид̣̇зсзд̇аб̣б̣аагаарад̣̇ассананд̇и звам̣ аабад̇д̇им̣ навагасса санд̇игз д̣̇зсзд̇аб̣б̣аагаарад̣̇ассанам̣. иминаа лагкан̣зна самб̣ахулаанам̣ аабад̇д̇ийнамби вуд̣дхасса санд̇игз жа д̣̇зсзд̇аб̣б̣аагааро саггаа вин̃н̃аад̇унд̇и. д̇ад̇рааяам̣ наяо – ‘‘г̇аараяхз, аавусо, д̇хаммз аабаж̇ж̇им̣ асаббааяз баадид̣̇зсанийяз’’д̇и звам̣ самб̣ахулаасу. вуд̣дхасса бана санд̇игз ‘‘г̇аараяхам̣, бханд̇з, д̇хаммам̣…бз… г̇аараяхз, бханд̇з, д̇хаммз’’д̇и яож̇анаа взд̣̇ид̇аб̣б̣аа. д̇ад̇т̇а асаббааяанд̇и саг̇г̇амогканд̇арааяагаранд̇и ад̇т̇о. ан̃н̃аад̇игааяа бхигкунияаа анд̇арагхарз тид̇ааяа хад̇т̇ад̇о сахад̇т̇аа яаавагаалигаг̇г̇ахан̣ам̣, аж̇жхохаран̣анд̇и д̣̇вз ан̇г̇аани.
батамабаадид̣̇зсанийяасигкаабад̣̇аван̣н̣анаа нидтид̇аа.
558. д̣̇уд̇ияз барибун̣н̣уубасамбаннааяа ананун̃н̃аад̇аагаарзна восаасанаа, аниваарзд̇ваа бхож̇анаж̇жхохаарод̇и д̣̇вз ан̇г̇аани.
563. д̇ад̇ияз сзгкасаммад̇ад̇аа, гхаруубажаарз аниманд̇ид̇ад̇аа, г̇илаанасса анижжабхад̇д̇аад̣̇им̣ г̇ахзд̇ваа бхун̃ж̇ананд̇и д̇ийн̣и ан̇г̇аани.
570. жад̇уд̇т̇з саасан̇гааран̃н̃асзнаасанад̇аа, ананун̃н̃аад̇ам̣ яаавагаалигам̣ аббадисам̣вид̣̇ид̇ам̣ аж̇жхаараамз бадиг̇г̇ахзд̇ваа аг̇илаанасса аж̇жхохаран̣анд̇и д̣̇вз ан̇г̇аани. сзсам̣ уд̇д̇аанамзва.
баадид̣̇зсанийяаван̣н̣анаанаяо нидтид̇о.