22. баб̣б̣аж̇ж̇аавинижчаяагат̇аа
123. звам̣ ‘‘баб̣б̣аж̇ж̇аад̇и зд̇т̇а банаа’’д̇яаад̣̇имааха. д̇ад̇т̇а батамам̣ важ̇ид̇аб̣б̣аад̇и баб̣б̣аж̇ж̇аа, убасамбад̣̇аад̇о батамам̣ убаг̇ажчид̇аб̣б̣аад̇и гулабуд̇д̇анд̇и аажаарагулабуд̇д̇ам̣ санд̇хааяа вад̣̇ад̇и. яз буг̇г̇алаа бадигкид̇д̇аа, д̇з важ̇ж̇зд̇ваад̇и самб̣анд̇хо. баб̣б̣аж̇ж̇аад̣̇осавирахид̇од̇и баб̣б̣аж̇ж̇ааяа анд̇арааяагарзхи бан̃жааб̣аад̇хаад̣̇ид̣̇осзхи вирахид̇о. накабидтиббамаан̣анд̇и зд̇т̇а ганидтан̇г̇улинакабидти ад̇хиббзд̇аа. ‘‘д̇ан̃жз накабидтиббамаан̣амби вад̣дханабагкз тид̇ам̣ ход̇и, на баб̣б̣ааж̇зд̇аб̣б̣од̇и иминаа сааман̃н̃алагкан̣ам̣ д̣̇ассид̇ам̣, д̇асмаа яад̇т̇а гад̇т̇ажи сарийрааваяавзсу накабидтиббамаан̣ам̣ вад̣дханагабагкз тид̇ам̣ жз, на ваддад̇ийд̇и сид̣̇д̇хам̣. зван̃жа сад̇и накабидтиббамаан̣амби авад̣дханагабагкз тид̇ам̣ жз, саб̣б̣ад̇т̇а ваддад̇ийд̇и аабаннам̣, д̇ан̃жа на сааман̃н̃ад̇о ад̇хиббзд̇анд̇и бад̣̇зсависзсзязва нияамзд̇ваа д̣̇ассзнд̇о ‘сажз банаа’д̇иаад̣̇имааха. сажз хи ависзсзна накабидтиббамаан̣ам̣ авад̣дханагабагкз тид̇ам̣ ваддзяяа, ‘ниваасанабаарубанзхи багад̇ибадижчаннадтаанз’д̇и бад̣̇зсанияамам̣ на гарзяяа, д̇асмаа ниваасанабаарубанзхи багад̇ибадижчаннадтаанад̇о ан̃н̃ад̇т̇а накабидтиббамаан̣ам̣ авад̣дханагабагкз тид̇амби на ваддад̇ийд̇и сид̣̇д̇хам̣. накабидтиббамаан̣ад̇о куд̣̇д̣̇агад̇арам̣ бана авад̣дханагабагкз ваа вад̣дханагабагкз ваа тид̇ам̣ ход̇у, ваддад̇и накабидтиббамаан̣ад̇о куд̣̇д̣̇агад̇арасса вад̣дханагабагкз авад̣дханагабагкз ваа тид̇асса мукаад̣̇ийсуязва бадигкид̇д̇ад̇д̇аа’’д̇и саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.88) вуд̇д̇ам̣.
вимад̇ивинод̣̇анияам̣ (ви. ви. дий. махааваг̇г̇а 88-89) бана ‘‘бадижчаннадтаанз накабидтиббамаан̣ам̣ авад̣дханагабагкз тид̇ам̣ ход̇и, ваддад̇ийд̇и вуд̇д̇ад̇д̇аа аббадижчаннадтаанз д̇аад̣̇исамби на ваддад̇и, бадижчаннадтаанзби жа вад̣дханагабагкз тид̇ам̣ на ваддад̇ийд̇и сид̣̇д̇хамзва ход̇и. баагададтаанзби бана накабидтиббамаан̣ад̇о уунад̇арам̣ авад̣дханагам̣ ваддад̇ийд̇и яз г̇ан̣хзяяум̣, д̇зсам̣ д̇ам̣ г̇ахан̣ам̣ бадисзд̇хзд̇ум̣ ‘мукз банаа’д̇иаад̣̇и вуд̇д̇а’’нд̇и вуд̇д̇ам̣. г̇од̇хаа…бз… на ваддад̇ийд̇и иминаа д̇аад̣̇исоби рог̇о гудтзязва авад̣дханагабагкз тид̇збийд̇и зд̇т̇а би-сад̣̇д̣̇о авуд̇д̇асамбин̣д̣анад̇т̇о, д̇зна голадтимад̇д̇ад̇о багад̇иван̣н̣з ж̇аад̇зд̇и рог̇ахзд̇угасса вигаараван̣н̣асса абхаавам̣ санд̇хааяа вуд̇д̇ам̣.
голадтимад̇д̇агод̇и б̣ад̣̇арадтиббамаан̣о. ‘‘сан̃ж̇аад̇ачавим̣ гаарзд̇ваа’’д̇и баато, виж̇ж̇амааначавим̣ гаарзд̇ваад̇и ад̇т̇о. вимад̇ивинод̣̇анияам̣ (ви. ви. дий. махааваг̇г̇а 2.88-89) бана ‘‘сажчавим̣ гаарзд̇ваад̇и виж̇ж̇амааначавим̣ гаарзд̇ваад̇и ад̇т̇о, сан̃чавинд̇и ваа баато, сан̃ж̇аад̇ачаанд̇и ад̇т̇о. г̇ан̣д̣аад̣̇ийсу вуубасанд̇зсуби д̇ам̣ таанам̣ виван̣н̣амби ход̇и, д̇ам̣ ваддад̇ий’’д̇и вуд̇д̇ам̣.
бад̣̇умабун̣д̣арийгабад̇д̇аван̣н̣анд̇и рад̇д̇абад̣̇умасзд̇абад̣̇умабубпад̣̇алаван̣н̣ам̣. гудтз вуд̇д̇анаязнзваад̇и ‘‘бадижчаннадтаанз авад̣дханагам̣ ваддад̇и, ан̃н̃ад̇т̇а на гин̃жи ваддад̇ий’’д̇и вуд̇д̇анаяам̣ д̣̇ассзд̇и. сосаб̣яаад̇хийд̇и каяарог̇о. яагкуммаад̣̇од̇и гад̣̇аажи ааг̇анд̇ваа бхуумияам̣ баад̇зд̇ваа хад̇т̇амукаад̣̇игам̣ аваяавам̣ бхуумияам̣ гхам̣санаго яагкова рог̇о.
124. махаамад̇д̇од̇и махад̇ияаа иссарияамад̇д̇ааяа саманнааг̇ад̇о. ‘‘на д̣̇аанаахам̣ д̣̇звасса бхадо’’д̇и аабужчад̇ийд̇и ран̃н̃аа зва д̣̇иннам̣ таананд̇арам̣ санд̇хааяа вуд̇д̇ам̣. яо бана рааж̇агаммигзхи
125. ‘‘д̇хаж̇аб̣анд̇хо’’д̇и вуд̇д̇ад̇д̇аа абаагадажоро баб̣б̣ааж̇зд̇аб̣б̣од̇и вин̃н̃ааяад̇и. д̇зна вагкад̇и ‘‘яз бана амб̣алаб̣уж̇аад̣̇ижорагаа’’д̇иаад̣̇и. звам̣ ж̇аананд̇ийд̇и ‘‘сийлаваа ж̇аад̇о’’д̇и ж̇аананд̇и.
126. бхинд̣̇ид̇ваад̇и анд̣̇уб̣анд̇ханам̣ бхинд̣̇ид̇ваа. чинд̣̇ид̇ваад̇и сан̇калигаб̣анд̇ханам̣ чинд̣̇ид̇ваа. мун̃жид̇ваад̇и раж̇ж̇уб̣анд̇ханам̣ мун̃жид̇ваа. виварид̇ваад̇и г̇аамаб̣анд̇ханаад̣̇ийсу г̇аамад̣̇ваараад̣̇ийни виварид̇ваа. абассамаанаанам̣ ваа балааяад̇ийд̇и бурисаг̇уд̇д̇ияам̣ бурисаанам̣ г̇обагаанам̣ абассамаанаанам̣ балааяад̇и.
129. буриманаязнзваад̇и ‘‘гасаахад̇о гад̇ад̣̇ан̣д̣агаммо’’д̇и зд̇т̇а вуд̇д̇анаязнзва.
130. балаад̇обийд̇и г̇ийваа ход̇и ин̣ааяигабхаавам̣ н̃ад̇ваа анаад̣̇арзна ин̣амуд̇д̇агз бхигкубхаавз бавзсид̇ад̇д̇аа.
убад̣дхубад̣дханд̇и т̇огам̣ т̇огам̣. д̣̇аад̇аб̣б̣амзваад̇и ин̣ааяигзна д̇ханам̣ самбаж̇ж̇ад̇у ваа, маа ваа, д̣̇аанз сауссаахзнзва бхавид̇аб̣б̣ам̣, ан̃н̃зхи жа бхигкуухи ‘‘маа д̇хурам̣ нигкибаахий’’д̇и вад̇ваа сахааяагзхи бхавид̇аб̣б̣анд̇и д̣̇ассзд̇и. д̇хуранигкзбзна хисса бхан̣д̣аг̇гхзна гаарзд̇аб̣б̣ад̇аа сияаад̇и.
131. д̣̇аасажаарид̇д̇ам̣ ааробзд̇ваа гийд̇од̇и иминаа д̣̇аасабхаавабариможанад̇т̇ааяа гийд̇ам̣ нивад̇д̇зд̇и. д̇аад̣̇исо хи д̇ханаггийд̇оби ад̣̇аасо зва. важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 97) бана ‘‘д̣̇зсажаарид̇д̇анд̇и д̇ад̇т̇а д̇ад̇т̇а жаарид̇д̇авасзнаад̇и д̇асмим̣ д̇асмим̣ ж̇анабад̣̇з д̣̇аасабан̣н̣аж̇жхаабанаад̣̇инаа ад̣̇аасагаран̣анияаамзна. абхисзгаад̣̇ийсу саб̣б̣аб̣анд̇ханаани можаабзнд̇и, д̇ам̣ санд̇хааяа ‘‘саб̣б̣асаад̇хааран̣знаа’’д̇и вуд̇д̇ам̣.
сажз саяамзва бан̣н̣ам̣ ааробзнд̇и, на ваддад̇ийд̇и д̇аа бхуж̇иссид̇т̇ияо ‘‘маяамби ван̣н̣ад̣̇аасияо хомаа’’д̇и ад̇д̇ано рагкан̣ад̇т̇ааяа саяамзва рааж̇уунам̣ д̣̇аасибан̣н̣з ад̇д̇ано наамам̣ ликаабзнд̇и, д̇аасам̣ буд̇д̇ааби рааж̇ад̣̇аасаава хонд̇и, д̇асмаа д̇з баб̣б̣ааж̇зд̇ум̣ на ваддад̇и. д̇зхи ад̣̇иннаа на баб̣б̣ааж̇зд̇аб̣б̣аад̇и яад̇д̇агаа д̇зсам̣ саамино, д̇зсу згзна ад̣̇иннзби на баб̣б̣ааж̇зд̇аб̣б̣аа. бхуж̇иссз гад̇ваа бана баб̣б̣ааж̇зд̇ум̣ ваддад̇ийд̇и яасса вихаарасса д̇з аараамигаа д̣̇иннаа, д̇асмим̣ вихаарз сан̇гхам̣ н̃аабзд̇ваа паад̇игаммзна д̇ханаад̣̇им̣ гад̇ваа бхуж̇иссз гад̇ваа баб̣б̣ааж̇зд̇ум̣ ваддад̇и. важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 97) бана ‘‘д̣̇звад̣̇аасибуд̇д̇з ваддад̇ийд̇и ликид̇ам̣. ‘аараамиган̃жз баб̣б̣ааж̇зд̇угаамо, ан̃н̃амзгам̣ д̣̇ад̇ваа баб̣б̣ааж̇зд̇аб̣б̣а’нд̇и вуд̇д̇ам̣. махаабажжариваад̣̇асса аяамид̇ха ад̇хиббааяо, ‘бхигкусан̇гхасса аараамигз д̣̇змаа’д̇и д̣̇иннад̇д̇аа на д̇з д̇зсам̣ д̣̇аасаа, ‘аараамиго жа нзва д̣̇аасо на бхуж̇иссо’д̇и вад̇д̇аб̣б̣ад̇о на д̣̇аасод̇и ликид̇ам̣. д̇аггаасин̃жанам̣ сийхал̣ад̣̇ийбз жаарид̇д̇ам̣, д̇з жа баб̣б̣ааж̇зд̇аб̣б̣аа сан̇гхассаараамигад̇д̇аа. ниссаамигам̣ д̣̇аасам̣ ад̇д̇анааби бхуж̇иссам̣ гаад̇ум̣ лабхад̇ий’’д̇и вуд̇д̇ам̣.
саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.97) бана ‘‘д̇аггам̣ сийсз аасид̇д̇агасад̣̇исаава хонд̇ийд̇и яат̇аа ад̣̇аасз гаронд̇аа д̇аггзна сийсам̣ д̇ховид̇ваа ад̣̇аасам̣ гаронд̇и, звам̣ аараамигаважанзна д̣̇иннад̇д̇аа ад̣̇аасаава д̇зд̇и ад̇хиббааяо. ‘д̇аггаасин̃жанам̣ бана сийхал̣ад̣̇ийбз жаарид̇д̇а’нд̇и нзва баб̣б̣ааж̇зд̇аб̣б̣од̇и вуд̇д̇анд̇и габбияаважанзна д̣̇иннзби ‘‘д̇аггам̣ сийсз аасид̇д̇агасад̣̇исаава хонд̇ийд̇и гзсужи ж̇анабад̣̇зсу ад̣̇аасз гаронд̇аа д̇аггам̣ сийсз аасин̃жанд̇и, д̇зна гира д̇з ад̣̇аасаа хонд̇и, звамид̣̇амби аараамигаважанзна д̣̇иннамбийд̇и ад̇хиббааяо. д̇ат̇аа д̣̇иннзби сан̇гхасса аараамигад̣̇аасо зваад̇и ‘нзва баб̣б̣ааж̇зд̇аб̣б̣о’д̇и вуд̇д̇ам̣. ‘д̇аавагаалиго наама’д̇и вуд̇д̇ад̇д̇аа гаалабарижчзд̣̇ам̣ гад̇ваа ваа бажчааби г̇ахзд̇угаамад̇ааяа ваа д̣̇иннам̣ саб̣б̣ам̣ д̇аавагаалигамзваад̇и г̇ахзд̇аб̣б̣ам̣. ниссаамигад̣̇аасо наама яасса саамигулам̣ ан̃н̃аад̇игам̣ маран̣зна баригкийн̣ам̣, на гожи д̇асса д̣̇ааяаад̣̇о, со бана самаанаж̇аад̇игзхи ваа ниваасаг̇аамаваасийхи ваа иссарзхи ваа бхуж̇иссо гад̇ова баб̣б̣ааж̇зд̇аб̣б̣о. д̣̇звад̣̇аасааби д̣̇аасаа зва. д̇з хи гад̇т̇ажи д̣̇зсз рааж̇ад̣̇аасаа хонд̇и, гад̇т̇ажи вихаарад̣̇аасаа ваа, д̇асмаа баб̣б̣ааж̇зд̇ум̣ на ваддад̇ий’’д̇и вуд̇д̇ам̣.
саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.97) бана ‘‘ниссаамигад̣̇аасо наама яасса саамигаа сабуд̇д̇ад̣̇аараа мад̇аа хонд̇и, на гожи д̇асса бариг̇г̇аахаго, соби баб̣б̣ааж̇зд̇ум̣ на ваддад̇и, д̇ам̣ бана ад̇д̇анааби бхуж̇иссам̣ гаад̇ум̣ ваддад̇и. яз ваа бана д̇асмим̣ радтз саамино, д̇зхиби гаараабзд̇ум̣ ваддад̇и, ‘д̣̇звад̣̇аасибуд̇д̇ам̣ баб̣б̣ааж̇зд̇ум̣ ваддад̇ий’д̇и д̇ийсуби г̇ан̣тибад̣̇зсу вуд̇д̇ам̣. ‘д̣̇аасасса баб̣б̣аж̇ид̇ваа ад̇д̇ано саамигз д̣̇исваа балааяанд̇асса аабад̇д̇и над̇т̇ий’д̇и вад̣̇анд̇ий’’д̇и вуд̇д̇ам̣. вимад̇ивинод̣̇анияам̣ бана ‘‘д̣̇аасамби баб̣б̣ааж̇зд̇ваа саамигз д̣̇исваа бадижчаад̣̇анад̇т̇ам̣ абанзнд̇о бад̣̇аваарзна ад̣̇иннаад̣̇аанаабад̇д̇ияаа гаарзд̇аб̣б̣о, д̣̇аасасса бана балааяад̇о анаабад̇д̇ий’’д̇и вуд̇д̇ам̣.
132. хад̇т̇ажчиннагаад̣̇ивад̇т̇уусу ган̣н̣амуулзд̇и сагаласса ган̣н̣асса чзд̣̇ам̣ санд̇хааяааха. ган̣н̣асагкалигааяаад̇и ган̣н̣ажуул̣игааяа яасса бана ган̣н̣ааваддзд̇и хздтаа гун̣д̣алаад̣̇итабаначид̣̇д̣̇ам̣ санд̇хааяа вуд̇д̇ам̣. ‘‘д̇ан̃хи сан̇гхадданагкамам̣. аж̇абад̣̇агзд̇и аж̇абад̣̇анаасигадтигодияам̣. д̇ад̇о хи уд̣̇д̇хам̣ на вижчинд̣̇ид̇ум̣ саггаа ход̇и. санд̇хзд̇унд̇и авируубасан̣таанам̣ санд̇хааяа вуд̇д̇ам̣, вируубам̣ бана барисад̣̇уусагам̣ аабаад̣̇зд̇и.
куж̇ж̇асарийрод̇и ван̇гасарийро. б̣рахмуно вияа уж̇угам̣ г̇ад̇д̇ам̣ сарийрам̣ яасса со б̣рахмуж̇уг̇ад̇д̇о, бхаг̇аваа. авасзсо сад̇д̇од̇и иминаа лагкан̣зна рахид̇асад̇д̇о. зд̇зна табзд̇ваа махаабурисам̣ жаггавад̇д̇ин̃жа баривадумод̇и саманд̇ад̇о ваддагааяо. зд̇зна зваруубаа зва вааманагаа на вадданд̇ийд̇и д̣̇ассзд̇и.
133. адтисираажаммасарийрод̇и адтисираажаммамад̇д̇асарийро. гуудагуудасийсод̇и анзгзсу таанзсу бин̣д̣ид̇амам̣сад̇ам̣ д̣̇ассзд̇ум̣ аамзд̣ид̇ам̣ гад̇ам̣. д̇знааха ‘‘д̇аалапалабин̣д̣исад̣̇исзнаа’’д̇и. д̇аалапалаанам̣ ман̃ж̇арий бин̣д̣и наама. анубуб̣б̣ад̇анугзна сийсзнаад̇и жзд̇ияат̇уубигаа вияа гамзна гисзна сийсзна. махаавзл̣убаб̣б̣ам̣ вияа аад̣̇ид̇о бадтааяа яаава барияосаанаа ависамат̇уулзна сийсзна саманнааг̇ад̇о наал̣исийсо наама. габбасийсод̇и г̇аж̇амад̇т̇агам̣ вияа д̣̇вид̇хаа бхиннасийсо. ‘‘ган̣н̣игагзсо ваа’’д̇и имасса виваран̣ам̣ ‘‘баан̣агзхий’’д̇иаад̣̇и. маггадассзва налаадзби гзсаанам̣ удтид̇абхаавам̣ санд̇хааяааха ‘‘сийсаломзхий’’д̇иаад̣̇и.
маггадабхамугод̇и агкижаггзхийд̇и агкиман̣д̣алзхи. гзгарод̇и д̇ирияам̣ бассанаго. уд̣̇агад̇аарагаад̇и ологзнд̇аанам̣ уд̣̇агз бадиб̣имб̣игажчааяаа. уд̣̇агаб̣уб̣б̣ул̣анд̇и гзжи. агкид̇аарагаад̇и абхимукз тид̇аанам̣ чааяаа. агкибхан̣д̣агаад̇иби вад̣̇анд̇и. ад̇ибин̇г̇алагки маж̇ж̇аарагки. мад̇хубин̇г̇аланд̇и мад̇хуван̣н̣абин̇г̇алам̣. ниббакумагкийд̇и зд̇т̇а бакума-сад̣̇д̣̇о агкид̣̇алаломзсу нирул̣хо, д̇ад̣̇абхааваа ниббакумагки. агкибаагзнаад̇и агкид̣̇алабарияанд̇зсу бууд̇ид̇аабаж̇ж̇анарог̇зна.
жибиданаасигод̇и ануннад̇анаасиго. бадан̇г̇аман̣д̣ууго наама махаамукаман̣д̣ууго. бхиннамукод̇и убаггамукабарияосаано, саб̣б̣ад̣̇аа вивадамуко ваа. ван̇гамукод̇и згабассз абаггамма тид̇ахздтимаханугадтиго. одтажчиннагод̇и убхосу одтзсу яад̇т̇а гад̇т̇ажи ж̇аад̇ияаа ваа бажчаа ваа сад̇т̇аад̣̇инаа абанийд̇амам̣сзна одтзна саманнааг̇ад̇о. зл̣амукод̇и нижжабаг̇гхарид̇алаалаамуко.
бхиннаг̇алод̇и аванад̇аг̇ало. бхиннаурод̇и ад̇ининнаурамаж̇жхо. звам̣ бхиннабидтийд̇и. саб̣б̣ан̃жзд̇анд̇и ‘‘винижчаяо’’д̇иаад̣̇и.
ваад̇ан̣д̣игод̇и ан̣д̣агзсу вуд̣̇д̇хирог̇зна саманнааг̇ад̇о, ан̣д̣аваад̇арог̇зна уд̣̇д̇худ̇аб̣ийж̇ан̣д̣агосзна саманнааг̇ад̇о ваа. яасса ниваасанзна бадижчаннамби ун̣н̣ад̇ам̣ багаасад̇и, сова на баб̣б̣ааж̇зд̇аб̣б̣о. вигадод̇и д̇ирияам̣ г̇аманабаад̣̇зхи саманнааг̇ад̇о, яасса жан̇гамад̇о ж̇аан̣угаа б̣ахи ниг̇ажчанд̇и. сан̇гхаддод̇и г̇ажчад̇о баривад̇д̇анабаад̣̇зхи саманнааг̇ад̇о, яасса жан̇гамад̇о ж̇аан̣угаа анд̇о бависанд̇и. махааж̇ан̇гход̇и т̇уулаж̇ан̇гхо. махаабаад̣̇од̇и маханд̇зна баад̣̇ад̇алзна баад̣̇авзмаж̇жхзд̇и бидтибаад̣̇авзмаж̇жхз. зд̇зна аг̇г̇абаад̣̇о жа бан̣хи жа сад̣̇исааваад̇и д̣̇ассзд̇и.
134. маж̇жхз сам̣гудид̇абаад̣̇ад̇д̇аад̇и гун̣табаад̣̇ад̇ааяа гааран̣ам̣ д̣̇ассзд̇и, аг̇г̇з сам̣гудид̇абаад̣̇ад̇д̇аад̇и гун̣табаад̣̇ад̇ааяа. гун̣табаад̣̇ассзва жан̇гаманавибхааванам̣ ‘‘бидтибаад̣̇аг̇г̇зна жан̇гаманд̇о’’д̇и. ‘‘баад̣̇асса б̣аахиранд̇знаа’’д̇и жа ‘‘аб̣бханд̇аранд̇знаа’’д̇и жа ид̣̇ам̣ баад̣̇ад̇аласса убхохи барияанд̇зхи жан̇гаманам̣ санд̇хааяа вуд̇д̇ам̣.
маммананд̇и калид̇аважанам̣, яо згамзвагкарам̣ жад̇убан̃жагкад̇д̇ум̣ вад̣̇ад̇и, д̇ассзд̇ам̣ ад̇хиважанам̣, таанагаран̣ависуд̣̇д̇хияаа абхаавзна апудтагкараважанам̣. важанаанугаран̣зна хи со ‘‘маммано’’д̇и вуд̇д̇о. яо жа гаран̣асамбанноби згамзвагкарам̣ хиггаараб̣ахусо вад̣̇ад̇и, соби ид̇хзва сан̇г̇аяхад̇и. яо ваа бана д̇ам̣ ниг̇г̇ахзд̇вааби анаамзд̣ид̇агкарамзва сит̇илам̣ силидтаважанам̣ вад̇д̇ум̣ самад̇т̇о, со баб̣б̣ааж̇зд̇аб̣б̣о. аабад̇д̇ид̇о на мужжанд̇ийд̇и н̃ад̇ваа гаронд̇аава на мужжанд̇и. ж̇ийвид̇анд̇арааяаад̣̇иаабад̣̇аасу аружияаа гааяасаамаг̇г̇им̣ д̣̇знд̇асса анаабад̇д̇и.
135. абхаб̣б̣абуг̇г̇алагат̇аасу ‘‘яо гаал̣абагкз ид̇т̇ий ход̇и, ж̇ун̣хабагкз бурисо, аяам̣ багкабан̣д̣аго’’д̇и гзжи вад̣̇анд̇и. адтагат̇ааяам̣ бана ‘‘гаал̣абагкз бан̣д̣аго ход̇и, ж̇ун̣хабагкз банасса барил̣аахо вуубасаммад̇ий’’д̇и абан̣д̣агабагкз барил̣аахавуубасамассзва вуд̇д̇ад̇д̇аа бан̣д̣агабагкз уссаннабарил̣аахад̇аа бан̣д̣агабхааваабад̇д̇ийд̇и вин̃н̃ааяад̇ийд̇и виймам̣сид̇ваа яуд̇д̇ад̇арам̣ г̇ахзд̇аб̣б̣ам̣. ид̇т̇ибхааво бумбхааво ваа над̇т̇и зд̇ассаад̇и абхааваго. ‘‘д̇асмим̣язвасса багкз баб̣б̣аж̇ж̇аа ваарид̇аад̇и зд̇т̇а абан̣д̣агабагкз баб̣б̣ааж̇зд̇ваа бан̣д̣агабагкз наасзд̇аб̣б̣о’’д̇и д̇ийсуби г̇ан̣тибад̣̇зсу вуд̇д̇ам̣. гзжи бана ‘‘абан̣д̣агабагкз
вимад̇ивинод̣̇анияам̣ (ви. ви. дий. махааваг̇г̇а 2.109) бана бан̣д̣агавад̇т̇усмим̣ аасид̇д̇аусууяабагкабан̣д̣агаа д̇аяоби бурисабхаавалин̇г̇аад̣̇ияуд̇д̇аа ахзд̇угабадисанд̇хигаа, д̇з жа гилзсабарияудтаанасса б̣алавад̇ааяа набум̣сагабан̣д̣агасад̣̇исад̇д̇аа ‘‘бан̣д̣агаа’’д̇и вуд̇д̇аа, д̇зсу аасид̇д̇аусууяабан̣д̣агаанам̣ д̣̇виннам̣ гилзсабарияудтаанам̣ яонисоманасигаараад̣̇ийхи вийд̇иггамад̇о ниваарзд̇умби саггаа, д̇зна д̇з баб̣б̣ааж̇зд̇аб̣б̣аад̇и вуд̇д̇аа. багкабан̣д̣агасса бана гаал̣абагкз уммаад̣̇о вияа гилзсабарил̣аахо авад̇т̇аранд̇о ааг̇ажчад̇и, вийд̇иггамам̣ бад̇ваа зва жа нивад̇д̇ад̇и, д̇асмаа д̇асмим̣ багкз со на баб̣б̣ааж̇зд̇аб̣б̣од̇и вуд̇д̇о, д̇ад̣̇зд̇ам̣ вибхааг̇ам̣ д̣̇ассзд̇ум̣ ‘‘яасса барзса’’нд̇и вуд̇д̇ам̣. д̇ад̇т̇а аасид̇д̇ассаад̇и мукз аасид̇д̇асса ад̇д̇аноби асужимужжанзна барил̣аахо вуубасаммад̇и. усууяааяа уббаннааяаад̇и усууяааяа васзна ад̇д̇ано сзвзд̇угаамад̇аарааг̇з уббаннз асужимуд̇д̇ияаа барил̣аахо вуубасаммад̇и.
‘‘б̣ийж̇аани абанийд̇ааний’’д̇и вуд̇д̇ад̇д̇аа б̣ийж̇зсу тид̇зсу нимид̇д̇амад̇д̇з абанийд̇з бан̣д̣аго на ход̇и. бхигкуноби анааб̣аад̇хабажжаяаа д̇ад̣̇абанаяанз т̇уллажжаяамзва, на бан̣д̣агад̇д̇ам̣. б̣ийж̇зсу бана абанийд̇зсу ан̇г̇аж̇аад̇амби рааг̇зна гамманияам̣ на ход̇и, бумабхааво виг̇ажчад̇и, массуаад̣̇ибурисалин̇г̇амби убасамбад̣̇ааби виг̇ажчад̇и, гилзсабарил̣аахоби д̣̇уннивааравийд̇иггамо ход̇и набум̣сагабан̣д̣агасса вияа, д̇асмаа ийд̣̇исо убасамбанноби наасзд̇аб̣б̣од̇и вад̣̇анд̇и. яад̣̇и звам̣ гасмаа б̣ийж̇уд̣̇д̇харан̣з баарааж̇игам̣ на бан̃н̃ад̇д̇анд̇и? зд̇т̇а д̇аава гзжи вад̣̇анд̇и ‘‘бан̃н̃ад̇д̇амзвзд̇ам̣ бхаг̇авад̇аа ‘бан̣д̣аго бхигкавз анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’д̇и вуд̇д̇ад̇д̇аа’’д̇и. гзжи
ид̇т̇ад̇д̇аад̣̇и бхааво над̇т̇и зд̇ассаад̇и абхааваго. баб̣б̣аж̇ж̇аа на ваарид̇аад̇и зд̇т̇а баб̣б̣аж̇ж̇ааг̇г̇ахан̣знзва убасамбад̣̇ааби г̇ахид̇аа. д̇знааха ‘‘яасса жзд̇т̇а баб̣б̣аж̇ж̇аа ваарид̇аа’’д̇иаад̣̇и. д̇асмим̣ багкз баб̣б̣аж̇ж̇аа ваарид̇аад̇и зд̇т̇а бана абан̣д̣агабагкзби баб̣б̣аж̇ж̇аамад̇д̇амзва лабхад̇и, убасамбад̣̇аа бана д̇ад̣̇ааби на ваддад̇и, бан̣д̣агабагкз бана ааг̇ад̇о лин̇г̇анаасанааяа наасзд̇аб̣б̣од̇и взд̣̇ид̇аб̣б̣анд̇и вуд̇д̇ам̣.
136. убхад̇об̣яан̃ж̇анамасса ад̇т̇ийд̇и убхад̇об̣яан̃ж̇анагод̇и иминаа асамаанаад̇хигаран̣ависаяо б̣аахирад̇т̇асамаасояам̣, буримабад̣̇з жа вибхад̇д̇иалобод̇и д̣̇ассзд̇и. б̣яан̃ж̇ананд̇и жзд̇т̇а бурисанимид̇д̇ам̣ ид̇т̇инимид̇д̇ан̃жа ад̇хиббзд̇ам̣. ат̇а убхад̇об̣яан̃ж̇анагасса згамзва инд̣̇рияам̣ ход̇и, уд̣̇ааху д̣̇взд̇и? згамзва ход̇и, на д̣̇вз. гат̇ам̣ вин̃н̃ааяад̇ийд̇и жз? ‘‘яасса ид̇т̇инд̣̇рияам̣ уббаж̇ж̇ад̇и, д̇асса бурисинд̣̇рияам̣ уббаж̇ж̇ад̇ийд̇и, но. яасса ваа бана бурисинд̣̇рияам̣ уббаж̇ж̇ад̇и, д̇асса ид̇т̇инд̣̇рияам̣ уббаж̇ж̇ад̇ийд̇и, но’’д̇и (яама. 3.инд̣̇рияаяамага.188) згасмим̣ санд̇аанз инд̣̇рияабхууд̇абхаавад̣̇ваяасса уббад̇д̇ияаа абхид̇хаммз бадисзд̇хид̇ад̇д̇аа, д̇ан̃жа ко ид̇т̇иубхад̇об̣яан̃ж̇анагасса ид̇т̇инд̣̇рияам̣, бурисаубхад̇об̣яан̃ж̇анагасса бурисинд̣̇рияанд̇и. яад̣̇и звам̣ д̣̇уд̇ияаб̣яан̃ж̇анасса абхааво аабаж̇ж̇ад̇и инд̣̇рияан̃хи б̣яан̃ж̇анасса гааран̣ам̣ вуд̇д̇ам̣, д̇ан̃жа д̇асса над̇т̇ийд̇и? вужжад̇з – на д̇асса инд̣̇рияам̣ д̣̇уд̇ияаб̣яан̃ж̇анагааран̣ам̣. гасмаа? сад̣̇аа абхаавад̇о. ид̇т̇иубхад̇об̣яан̃ж̇анагасса хи яад̣̇аа ид̇т̇ияаа рааг̇ажид̇д̇ам̣ уббаж̇ж̇ад̇и, д̇ад̣̇аа бурисаб̣яан̃ж̇анам̣ баагадам̣ ход̇и, ид̇т̇иб̣яан̃ж̇анам̣ бадижчаннам̣ г̇ул̣хам̣ ход̇и, д̇ат̇аа
вимад̇ивинод̣̇анияам̣ ид̇т̇иубхад̇об̣яан̃ж̇анагод̇и ид̇т̇инд̣̇рияаяуд̇д̇о, ид̇аро бана бурисинд̣̇рияаяуд̇д̇о. згасса хи бхаавад̣̇ваяам̣ саха на уббаж̇ж̇ад̇и яамагз (яама. 3.инд̣̇рияаяамага.188) бадигкид̇д̇ад̇д̇аа. д̣̇уд̇ияаб̣яан̃ж̇анам̣ бана гаммасахааязна агусалажид̇д̇знзва бхааварахид̇ам̣ уббаж̇ж̇ад̇и. багад̇ид̇т̇ибурисаанамби гаммамзва б̣яан̃ж̇аналин̇г̇аанам̣ гааран̣ам̣, на бхааво д̇асса гзнажи бажжаязна бажжаяад̇д̇асса бадтаанз авуд̇д̇ад̇д̇аа. гзвалам̣ бхаавасахид̇аанам̣язва б̣яан̃ж̇аналин̇г̇аанам̣ бавад̇д̇ад̣̇ассанад̇т̇ам̣ адтагат̇аасу (д̇ха. са. адта. 632-633) ‘‘ид̇т̇инд̣̇рияам̣ бадижжа ид̇т̇илин̇г̇аад̣̇ийний’’д̇иаад̣̇инаа инд̣̇рияасса б̣яан̃ж̇анагааран̣ад̇д̇зна вуд̇д̇ам̣. ид̇ха бана агусалаб̣алзна инд̣̇рияам̣ винааби б̣яан̃ж̇анам̣ уббаж̇ж̇ад̇ийд̇и взд̣̇ид̇аб̣б̣ам̣. убхиннамби жз д̇зсам̣ убхад̇об̣яан̃ж̇анагаанам̣. яад̣̇аа ид̇т̇ияаа рааг̇о уббаж̇ж̇ад̇и, д̇ад̣̇аа бурисаб̣яан̃ж̇анам̣ баагадам̣ ход̇и, ид̇арам̣ бадижчаннам̣. яад̣̇аа бурисз рааг̇о уббаж̇ж̇ад̇и, д̇ад̣̇аа ид̇т̇иб̣яан̃ж̇анам̣ баагадам̣ ход̇и, ид̇арам̣ бадижчаннанд̇и ааг̇ад̇ам̣.
137. т̇зяяааяа сам̣ваасо зд̇ассаад̇и т̇зяяасам̣ваасаго. со жа на сам̣ваасамад̇д̇ассзва т̇знаго ид̇хаад̇хиббзд̇о, ат̇а ко лин̇г̇асса д̇ад̣̇убхаяасса жа т̇знагобийд̇и ааха ‘‘д̇аяо т̇зяяасам̣ваасагаа’’д̇иаад̣̇и. на яат̇аавуд̣дхам̣ ванд̣̇анам̣ саад̣̇ияад̇ийд̇и яат̇аавуд̣дхам̣ бхигкуунам̣ ваа сааман̣зраанам̣ ваа ванд̣̇анам̣ на саад̣̇ияад̇и. яат̇аавуд̣дхам̣ ванд̣̇анам̣ саад̣̇ияад̇ийд̇и ад̇д̇анаа мусааваад̣̇ам̣ гад̇ваа д̣̇ассид̇авассаануруубам̣ яат̇аавуд̣дхам̣ ванд̣̇анам̣ саад̣̇ияад̇и. бхигкувассаг̇ан̣анаад̣̇игод̇и иминаа на згагаммаад̣̇игова ид̇ха сам̣ваасо наамаад̇и д̣̇ассзд̇и.
138. рааж̇а…бз… бхаязнаад̇и зд̇т̇а бхаяа-сад̣̇д̣̇о бажжзгам̣ яож̇зд̇аб̣б̣о ‘‘рааж̇абхаязна д̣̇уб̣бхигкабхаязнаа’’д̇иаад̣̇инаа. сам̣ваасам̣ наад̇хиваасзд̇и, яаава со суд̣̇д̇хамаанасод̇и рааж̇абхаяаад̣̇ийхи саб̣б̣абаасан̣д̣ияабхад̇д̇аани бхун̃ж̇анд̇од̇и жа иминаа авуубасанд̇абхаязнаби сам̣ваасам̣ асаад̣̇ияанд̇знзва бхавид̇аб̣б̣анд̇и д̣̇ийбзд̇и. д̇знзва д̇ийсуби г̇ан̣тибад̣̇зсу вуд̇д̇ам̣ ‘‘яасмаа вихаарам̣ ааг̇анд̇ваа сан̇гхигам̣ г̇ан̣ханд̇асса сам̣ваасам̣ барихарид̇ум̣ д̣̇уггарам̣, д̇асмаа ‘саб̣б̣абаасан̣д̣ияабхад̇д̇аани бхун̃ж̇анд̇о’д̇и ид̣̇ам̣ вуд̇д̇а’’нд̇и. д̇асмаа рааж̇абхаяаад̣̇ийхи г̇ахид̇алин̇г̇ад̇ааязвзд̇т̇а суд̣̇д̇хажид̇д̇ад̇аад̇и г̇ахзд̇аб̣б̣ам̣.
саб̣б̣абаасан̣д̣ияабхад̇д̇аанийд̇и саб̣б̣асаамаяигаанам̣ саад̇хааран̣ам̣ гад̇ваа вийт̇ижад̇уггаад̣̇ийсу табзд̇ваа д̣̇аад̇аб̣б̣абхад̇д̇аани. гааяабарихаарияаанийд̇и гааязна барихарид̇аб̣б̣аани. аб̣бхуг̇г̇ажчанд̇ийд̇и абхимукам̣ г̇ажчанд̇и. гамманд̇аанудтаанзнаад̇и гасиг̇орагкаад̣̇игаммаагаран̣зна. д̇ад̣̇зва бад̇д̇ажийварам̣ аад̣̇ааяа вихаарам̣ г̇ажчад̇ийд̇и
нааби саяам̣ ж̇аанаад̇ийд̇и ‘‘яо звам̣ баб̣б̣аж̇ад̇и, со т̇зяяасам̣ваасаго наама ход̇ий’’д̇и ваа ‘‘звам̣ гаад̇ум̣ на лабхад̇ий’’д̇и ваа ‘‘звам̣ баб̣б̣аж̇ид̇о саман̣о наама на ход̇ий’’д̇и ваа на ж̇аанаад̇и. яо звам̣ баб̣б̣аж̇ад̇и, со т̇зяяасам̣ваасаго наама ход̇ийд̇и ид̣̇ам̣ бана нид̣̇ассанамад̇д̇ам̣. анубасамбаннагаалзязваад̇и иминаа убасамбаннагаалз суд̇ваа сажзби наарожзд̇и, т̇зяяасам̣ваасаго на ход̇ийд̇и д̣̇ийбзд̇и.
сигкам̣ аббажжагкааяа…бз… т̇зяяасам̣ваасаго на ход̇ийд̇и ид̣̇ам̣ бхигкуухи д̣̇инналин̇г̇асса абарижжад̇д̇ад̇д̇аа на лин̇г̇ад̇т̇знаго ход̇и, лин̇г̇аануруубасса сам̣ваасасса саад̣̇ид̇ад̇д̇аа нааби сам̣ваасад̇т̇знаго ход̇ийд̇и вуд̇д̇ам̣. зго бхигку гаасааяз сауссаахова од̣̇аад̇ам̣ ниваасзд̇ваад̇и зд̇т̇ааби ид̣̇амзва гааран̣ам̣ д̣̇адтаб̣б̣ам̣. барад̇о ‘‘сааман̣зро салин̇г̇з тид̇о’’д̇иаад̣̇инаа сааман̣зрасса вуд̇д̇авид̇хаанзсуби ат̇зяяасам̣ваасабагкз аяамзва наяо. ‘‘бхигкунияааби зсзва наяо’’д̇и вуд̇д̇амзвад̇т̇ам̣ ‘‘сааби г̇ихибхаавам̣ бад̇т̇аяамаанаа’’д̇иаад̣̇инаа вибхаавзд̇и.
сажз гожи вуд̣дхабаб̣б̣аж̇ид̇од̇и сааман̣зрам̣ санд̇хааяа вуд̇д̇ам̣. махаабзл̣аад̣̇ийсууд̇и зд̇зна г̇ихисанд̇агам̣ д̣̇ассид̇ам̣. сааман̣зрабадибаадияаа…бз… т̇зяяасам̣ваасаго на ход̇ийд̇и зд̇т̇а гин̃жааби т̇зяяасам̣ваасаго на ход̇и, баарааж̇игам̣ бана аабаж̇ж̇ад̇иязва. сзсамзд̇т̇а уд̇д̇аанамзваад̇и саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.110) вуд̇д̇ам̣.
вимад̇ивинод̣̇анияам̣ (ви. ви. дий. махааваг̇г̇а 2.110) бана – т̇зяяааяа лин̇г̇аг̇г̇ахан̣амад̇д̇амби ид̇ха сам̣ваасо зваад̇и ааха ‘‘д̇аяо т̇зяяасам̣ваасагаа’’д̇и. на яат̇аавуд̣дхам̣ ванд̣̇ананд̇и бхигкуунам̣ сааман̣зраанам̣ ваа ванд̣̇анам̣ на саад̣̇ияад̇и. яат̇аавуд̣дхам̣ ванд̣̇ананд̇и ад̇д̇анаа мусааваад̣̇зна д̣̇ассид̇авассаггамзна бхигкуунам̣ ванд̣̇анам̣ саад̣̇ияад̇и. д̣̇ахарасааман̣зро бана вуд̣дхасааман̣зраанам̣, д̣̇ахарабхигкуу жа вуд̣дхаанам̣ ванд̣̇анам̣ саад̣̇ияанд̇оби т̇зяяасам̣ваасаго на ход̇и. имасмим̣ ад̇т̇зд̇и сам̣ваасад̇т̇знагад̇т̇з. бхигкувассаанийд̇и ид̣̇ам̣ сам̣ваасад̇т̇знагз вуд̇д̇абаатавасзна вуд̇д̇ам̣, саяамзва бана баб̣б̣аж̇ид̇ваа сааман̣зравассаани г̇ан̣знд̇оби убхаяад̇т̇знаго зва. на гзвалан̃жа бурисова, ид̇т̇ийби бхигкуунийсу звам̣ бадибаж̇ж̇ад̇и, т̇зяяасам̣ваасигаава. аад̣̇игаммигааби жзд̇т̇а на мужжанд̇и. убасамбаннзсу зва бан̃н̃ад̇д̇аабад̇д̇им̣ бадижжа аад̣̇игаммигаа вуд̇д̇аа, д̇знзвзд̇т̇а аад̣̇игаммигоби на муд̇д̇о.
рааж̇а…бз… бхаязнаад̇и зд̇т̇а бхаяа-сад̣̇д̣̇о бажжзгам̣ яож̇зд̇аб̣б̣о. яаава со суд̣̇д̇хамаанасод̇и ‘‘иминаа лин̇г̇зна бхигкуу ван̃жзд̇ваа д̇зхи сам̣васиссаамий’’д̇и асуд̣̇д̇хажид̇д̇аабхаавзна суд̣̇д̇хажид̇д̇о. д̇зна хи асуд̣̇д̇хажид̇д̇зна лин̇г̇з г̇ахид̇амад̇д̇з бажчаа бхигкуухи саха сам̣васад̇у ваа маа ваа, лин̇г̇ад̇т̇знаго ход̇и. бажчаа сам̣васанд̇оби абхаб̣б̣о худ̇ваа сам̣васад̇и, д̇асмаа убхаяад̇т̇знагоби лин̇г̇ад̇т̇знагз зва бависад̇ийд̇и взд̣̇ид̇аб̣б̣ам̣. яо бана рааж̇аад̣̇ибхаязна суд̣̇д̇хажид̇д̇ова лин̇г̇ам̣ г̇ахзд̇ваа вижаранд̇о ‘‘сам̣ваасам̣ наад̇хиваасзд̇и, яааваа’’д̇и
саб̣б̣абаасан̣д̣ияабхад̇д̇аанийд̇и саб̣б̣асаамаяигаанам̣ саад̇хааран̣ам̣ гад̇ваа бан̃н̃ад̇д̇аани бхад̇д̇аани. ид̣̇ан̃жа бхигкуунан̃н̃зва нияамид̇абхад̇д̇аг̇г̇ахан̣з сам̣ваасоби самбхавзяяаад̇и саб̣б̣асаад̇хааран̣абхад̇д̇ам̣ вуд̇д̇ам̣. сам̣ваасам̣ бана асаад̣̇ияид̇ваа абхигкугавихаараад̣̇ийсу вихаарабхад̇д̇аад̣̇ийни бхун̃ж̇анд̇оби т̇зяяасам̣ваасаго на ход̇и зва. гамманд̇аанудтаанзнаад̇и гасиаад̣̇игаммаагаран̣зна. бад̇д̇ажийварам̣ аад̣̇ааяаад̇и бхигкулин̇г̇авасзна сарийрзна д̇хаарзд̇ваа.
яо звам̣ баб̣б̣аж̇ад̇и, со т̇зяяасам̣ваасаго наама ход̇ийд̇и ид̣̇ам̣ нид̣̇ассанамад̇д̇ам̣. ‘‘т̇зяяасам̣ваасаго’’д̇и бана наамам̣ аж̇аананд̇оби ‘‘звам̣ гаад̇ум̣ на ваддад̇ий’’д̇и ваа ‘‘гаронд̇о саман̣о наама на ход̇ий’’д̇и ваа ‘‘яад̣̇и аарожзссаами, чад̣д̣аяиссанд̇и ма’’нд̇и ваа ‘‘язна гзнажи баб̣б̣аж̇ж̇аа мз на рухад̇ий’’д̇и ж̇аанаад̇и, т̇зяяасам̣ваасаго ход̇и. яо бана батамам̣ ‘‘баб̣б̣аж̇ж̇аа звам̣ мз г̇ахид̇аа’’д̇и сан̃н̃ий гзвалам̣ анд̇араа ад̇д̇ано сзд̇авад̇т̇аниваасанаад̣̇ивиббагаарам̣ багаасзд̇ум̣ лаж̇ж̇анд̇о на гат̇зд̇и, со т̇зяяасам̣ваасаго на ход̇и. анубасамбаннагаалзязваад̇и зд̇т̇а авад̇хааран̣зна убасамбаннагаалз т̇зяяасам̣ваасагалагкан̣ам̣ н̃ад̇ваа ван̃жанааяаби наарожзд̇и, т̇зяяасам̣ваасаго на ход̇ийд̇и д̣̇ийбзд̇и. со хи суд̣̇д̇хажид̇д̇зна г̇ахид̇алин̇г̇ад̇д̇аа лин̇г̇ад̇т̇знаго на ход̇и, лад̣̇д̇хуубасамбад̣̇ад̇д̇аа д̇ад̣̇ануг̇ун̣ассзва сам̣ваасасса саад̣̇ид̇ад̇д̇аа сам̣ваасад̇т̇знагоби
салин̇г̇з тид̇од̇и салин̇г̇абхаавз тид̇о. т̇зяяасам̣ваасаго на ход̇ийд̇и бхигкуухи д̣̇инналин̇г̇асса абарижжад̇д̇ад̇д̇аа лин̇г̇ад̇т̇знаго на ход̇и. бхигкубадин̃н̃ааяа абарижжад̇д̇ад̇д̇аа сам̣ваасад̇т̇знаго на ход̇и. яам̣ бана маад̇игаадтагат̇ааяам̣ (ган̇каа. адта. батамабаарааж̇игаван̣н̣анаа) ‘‘лин̇г̇аануруубасса сам̣ваасасса саад̣̇ид̇ад̇д̇аа нааби сам̣ваасад̇т̇знаго’’д̇и гааран̣ам̣ вуд̇д̇ам̣, д̇амби ид̣̇амзва гааран̣ам̣ санд̇хааяа вуд̇д̇ам̣. ид̇арат̇аа сааман̣зрассааби бхигкувассаг̇ан̣анаад̣̇ийсу лин̇г̇аануруубасам̣ваасо зва саад̣̇ид̇од̇и сам̣ваасад̇т̇знагад̇аа на сияаа бхигкуухи д̣̇инналин̇г̇асса убхиннамби саад̇хааран̣ад̇д̇аа. яат̇аа жзд̇т̇а бхигку, звам̣ сааман̣зроби баарааж̇игам̣ самаабанно сааман̣зрабадин̃н̃ааяа абарижжад̇д̇ад̇д̇аа сам̣ваасад̇т̇знаго на ход̇ийд̇и взд̣̇ид̇аб̣б̣о. собхад̇ийд̇и самбадижчид̇ваад̇и гаасаавад̇хааран̣з д̇хурам̣ нигкибид̇ваа г̇ихибхаавам̣ самбадижчид̇ваа.
сажз гожи вуд̣дхабаб̣б̣аж̇ид̇од̇и сааман̣зрам̣ санд̇хааяа вуд̇д̇ам̣. махаабзл̣аад̣̇ийсууд̇и вилийваад̣̇имаязсу гхарад̣̇ваарзсу табид̇зсу бхад̇д̇абхааж̇анависзсзсу. зд̇зна вихаарз бхигкуухи сад̣̇д̇хим̣ вассаг̇ан̣анаад̣̇ийнам̣ агаран̣ам̣ д̣̇ассзд̇ийд̇и вуд̇д̇ам̣.
139. д̇ид̇т̇ияабагганд̇агагат̇ааяам̣ д̇зсам̣ лин̇г̇з аад̣̇иннамад̇д̇з д̇ид̇т̇ияабагганд̇аго ход̇ийд̇и ‘‘д̇ид̇т̇ияо бхависсаамий’’д̇и г̇ад̇асса лин̇г̇аг̇г̇ахан̣знзва д̇зсам̣ лад̣̇д̇хиби г̇ахид̇ааязва ход̇ийд̇и гад̇ваа вуд̇д̇ам̣. гзнажи бана ‘‘д̇зсам̣ лин̇г̇з аад̣̇иннамад̇д̇з лад̣̇д̇хияаа г̇ахид̇ааяаби аг̇г̇ахид̇ааяаби д̇ид̇т̇ияабагганд̇аго ход̇ий’’д̇и вуд̇д̇ам̣, д̇ам̣ на г̇ахзд̇аб̣б̣ам̣. на хи ‘‘д̇ид̇т̇ияо бхависсаамий’’д̇и г̇ад̇асса лин̇г̇асамбадижчанад̇о ан̃н̃ам̣ лад̣̇д̇хиг̇г̇ахан̣ам̣ наг̇г̇ова ааж̇ийвагаанам̣ убассаяам̣ г̇ажчад̇и, бад̣̇аваарз бад̣̇аваарз д̣̇уггаданд̇и ‘‘ааж̇ийваго бхависса’’нд̇и асуд̣̇д̇хажид̇д̇зна г̇аманабажжаяаа д̣̇уггадам̣ вуд̇д̇ам̣. наг̇г̇зна худ̇ваа г̇аманабажжаяааби бад̣̇аваарз д̣̇уггадаа на мужжад̇иязваад̇и саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.110) вуд̇д̇ам̣.
вимад̇ивинод̣̇анияам̣ (ви. ви. дий. махааваг̇г̇а 2.110) бана – д̇ид̇т̇ияабагганд̇агаад̣̇игат̇аасу д̇зсам̣ лин̇г̇з аад̣̇иннамад̇д̇зд̇и виймам̣саад̣̇иад̇хиббааяам̣ винаа ‘‘д̇ид̇т̇ияо бхависсаамий’’д̇и саннидтаанавасзна лин̇г̇з гааязна д̇хаарид̇амад̇д̇з. саяамзваад̇и д̇ид̇т̇ияаанам̣ санд̇игам̣ аг̇анд̇ваа ааж̇ийваго бхависсанд̇и…бз… г̇ажчад̇ийд̇и ааж̇ийвагаанам̣ санд̇игз д̇зсам̣ баб̣б̣аж̇анавид̇хинаа ‘‘ааж̇ийваго бхависсаамий’’д̇и г̇ажчад̇и. д̇асса хи д̇ид̇т̇ияабхаавуубаг̇аманам̣ бад̇и саннидтаанз виж̇ж̇амаанзби ‘‘г̇анд̇ваа бхависсаамий’’д̇и баригаббид̇ад̇д̇аа бад̣̇аваарз д̣̇уггадамзва вуд̇д̇ам̣. д̣̇уггаданд̇и баал̣ияаа авуд̇д̇зби мзт̇унаад̣̇ийсу вуд̇д̇абуб̣б̣абаяог̇ад̣̇уггадаануломад̇о вуд̇д̇ам̣. зд̇зна жа саннидтаанавасзна лин̇г̇з самбадижчид̇з баарааж̇игам̣, д̇ад̇о буримабаяог̇з т̇уллажжаяан̃жа вад̇д̇аб̣б̣амзва. т̇уллажжаяагкан̣з нивад̇д̇анд̇оби аабад̇д̇им̣ д̣̇зсаабзд̇ваа мужжад̇и зваад̇и д̣̇адтаб̣б̣ам̣. яат̇аа жзд̇т̇а, звам̣ сан̇гхабхзд̣̇зби лохид̇уббаад̣̇зби бхигкуунам̣ буб̣б̣абаяог̇аад̣̇ийсу д̣̇уггадат̇уллажжаяабаарааж̇игаахи мужжанасиймаа жа взд̣̇ид̇аб̣б̣аа. саасанавируд̣̇д̇хад̇ааязд̇т̇а аад̣̇игаммигаанамби анаабад̇д̇и на вуд̇д̇аа. баб̣б̣аж̇ж̇ааяаби абхаб̣б̣ад̇аад̣̇ассанад̇т̇ам̣ банзд̇з ан̃н̃з жа баарааж̇игаган̣д̣з висум̣
д̇ам̣ лад̣̇д̇хийд̇и д̇ид̇т̇ияавзсз сздтабхааваг̇г̇ахан̣амзва санд̇хааяа вуд̇д̇ам̣. д̇зсан̃хи д̇ид̇т̇ияаанам̣ сассад̇аад̣̇иг̇г̇аахам̣ г̇ан̣ханд̇оби лин̇г̇з асамбадижчид̇з д̇ид̇т̇ияабагганд̇аго на ход̇и, д̇ам̣ лад̣̇д̇хим̣ аг̇г̇ахзд̇вааби ‘‘зд̇зсам̣ вад̇ажарияаа сунд̣̇араа’’д̇и лин̇г̇ам̣ самбадижчанд̇о д̇ид̇т̇ияабагганд̇аго ход̇и зва. лад̣̇д̇хияаа абхаавзнаад̇и бхигкубхаавз саалаяад̇ааяа д̇ид̇т̇ияабхаавуубаг̇аманалад̣̇д̇хияаа абхаавзна. зд̇зна жа аабад̣̇аасу гусажийраад̣̇им̣ баарубанд̇ассаби наг̇г̇асса вияа анаабад̇д̇ийд̇и д̣̇ассзд̇и. убасамбаннабхигкунаа гат̇ид̇од̇и зд̇т̇а сан̇гхабхзд̣̇агоби убасамбаннабхигкунаава гат̇ид̇о, маад̇угхаад̇агаад̣̇аяо бана анубасамбаннзнаад̇иби д̣̇адтаб̣б̣анд̇и ааг̇ад̇ам̣.
140. д̇иражчаанагат̇ааяам̣ ‘‘яо гожи амануссаж̇аад̇ияо, саб̣б̣ова имасмим̣ ад̇т̇з д̇иражчаанаг̇ад̇од̇и взд̣̇ид̇аб̣б̣о’’д̇и зд̇зна зсо мануссаж̇аад̇ияо зва бхаг̇авад̇о саасанз баб̣б̣аж̇ид̇ум̣ ваа убасамбаж̇ж̇ид̇ум̣ ваа лабхад̇и, на д̇ад̇о ан̃н̃зд̇и д̣̇ийбзд̇и. д̇знааха бхаг̇аваа ‘‘д̇умхз код̇т̇а нааг̇аа авирул̣хид̇хаммаа имасмим̣ д̇хаммавинаяз’’д̇и (махаава. 111).
141. аананд̇арияагат̇ааяам̣ д̇иражчаанаад̣̇иамануссаж̇аад̇ид̇о мануссаж̇аад̇игаанан̃н̃зва буд̇д̇зсу мзд̇д̇аад̣̇аяоби д̇игкависад̣̇аа хонд̇и логуд̇д̇араг̇ун̣аа вияаад̇и ааха ‘‘мануссид̇т̇ибхууд̇аа ж̇анигаа маад̇аа’’д̇и. яат̇аа мануссаанан̃н̃зва гусалабавад̇д̇и д̇игкависад̣̇аа, звам̣ агусалабавад̇д̇ибийд̇и ааха ‘‘саяамби мануссаж̇аад̇игзнзваа’’д̇иаад̣̇и. ат̇а ваа яат̇аа самаанаж̇аад̇ияасса вигобанз гаммам̣ г̇аруд̇арам̣, на д̇ат̇аа виж̇аад̇ияассаад̇и ааха ‘‘мануссид̇т̇ибхууд̇аа’’д̇и. буд̇д̇асамб̣анд̇хзна маад̇убид̇усаман̃н̃аа ‘‘ж̇анигаа маад̇аа’’д̇и вуд̇д̇ам̣. яат̇аа мануссад̇д̇абхаавз тид̇ассзва гусалад̇хаммаанам̣ д̇игкависад̣̇асуурабхааваабад̇д̇и яат̇аа д̇ам̣ д̇ин̣н̣амби б̣од̇хисад̇д̇аанам̣ б̣од̇хид̇д̇аяаниб̣б̣ад̇д̇ияам̣, звам̣ мануссад̇д̇абхаавз тид̇ассзва агусалад̇хаммаанамби д̇игкависад̣̇асуурабхааваабад̇д̇ийд̇и ааха ‘‘саяамби мануссаж̇аад̇игзнзваа’’д̇и. аананд̇ариязнаад̇и зд̇т̇а жуд̇иананд̇арам̣ нираяз бадисанд̇хипалам̣ ананд̇арам̣ наама, д̇асмим̣ ананд̇арз ж̇анагад̇д̇зна нияуд̇д̇ам̣ аананд̇арияам̣, д̇зна. ат̇а ваа жуд̇иананд̇арам̣ палам̣ ананд̇арам̣ наама, д̇асмим̣ ананд̇арз нияуд̇д̇ам̣, д̇анниб̣б̣ад̇д̇анзна ананд̇арагаран̣асийлам̣, ананд̇араббаяож̇анам̣ ваа аананд̇арияам̣, д̇зна аананд̇ариязна маад̇угхаад̇агагаммзна. бид̇угхаад̇агзби ‘‘язна мануссабхууд̇о ж̇анаго бид̇аа саяамби мануссаж̇аад̇игзнзва сад̇аа сан̃жижжа ж̇ийвид̇аа воробид̇о, аяам̣ аананд̇ариязна бид̇угхаад̇агагаммзна бид̇угхаад̇аго’’д̇иаад̣̇инаа саб̣б̣ам̣ взд̣̇ид̇аб̣б̣анд̇и ааха ‘‘бид̇угхаад̇агзби зсзва наяо’’д̇и.
баривад̇д̇ид̇алин̇г̇амби маад̇арам̣ ваа бид̇арам̣ ваа ж̇ийвид̇аа воробзнд̇асса аананд̇арияагаммам̣ ход̇иязва. сад̇иби хи лин̇г̇абаривад̇д̇з со зва згагамманиб̣б̣ад̇д̇о бхаван̇г̇аббаб̣анд̇хо ж̇ийвид̇аббаб̣анд̇хо, на ан̃н̃од̇и. яо бана саяам̣ мануссо д̇иражчаанабхууд̇ам̣ бид̇арам̣ ваа маад̇арам̣ ваа, саяам̣ ваа д̇иражчаанабхууд̇о мануссабхууд̇ам̣, д̇иражчааноязва ваа д̇иражчаанабхууд̇ам̣ ж̇ийвид̇аа воробзд̇и, д̇асса гаммам̣ аананд̇арияам̣ на ход̇и, бхаарияам̣ бана ход̇и, аананд̇арияам̣ аахажжзва д̇идтад̇и. зл̣агажад̇уггам̣ сан̇г̇аамажад̇уггам̣ жоражад̇угган̃жзд̇т̇а гат̇зд̇аб̣б̣ам̣. ‘‘зл̣агам̣ маарзмий’’д̇и абхисанд̇хинааби хи зл̣агадтаанз тид̇ам̣ мануссо мануссабхууд̇ам̣ маад̇арам̣ ваа бид̇арам̣ ваа маарзнд̇о аананд̇арияам̣ взсияаа буд̇д̇од̇и убалагкан̣амад̇д̇ам̣, гулид̇т̇ияаа ад̇ижааринияаа буд̇д̇оби ад̇д̇ано бид̇арам̣ аж̇аанид̇ваа гхаанд̇знд̇оби бид̇угхаад̇агова ход̇и.
араханд̇агхаад̇агагаммз авасзсанд̇и анааг̇аамиаад̣̇игам̣. аяамзд̇т̇а сан̇кзбо, вид̇т̇ааро бана д̇ад̇ияабаарааж̇игаван̣н̣анаад̇о г̇ахзд̇аб̣б̣о.
‘‘д̣̇удтажид̇д̇знаа’’д̇и вуд̇д̇амзвад̇т̇ам̣ вибхаавзд̇и ‘‘вад̇хагажид̇д̇знаа’’д̇и. вад̇хагажзд̇анааяа хи д̣̇уусид̇ам̣ жид̇д̇ам̣ ид̇ха д̣̇удтажид̇д̇ам̣ наама. лохид̇ам̣ уббаад̣̇зд̇ийд̇и зд̇т̇а д̇ат̇ааг̇ад̇асса абхзж̇ж̇агааяад̇ааяа баруубаггамзна жаммажчзд̣̇ам̣ гад̇ваа лохид̇абаг̇гхаран̣ам̣ наама над̇т̇и, сарийрасса бана анд̇оязва згасмим̣ таанз лохид̇ам̣ самосарад̇и, аагхаад̇зна багуббамаанам̣ сан̃жид̇ам̣ ход̇и. д̣̇звад̣̇ад̇д̇зна бавид̣̇д̇хасилад̇о бхиж̇ж̇ид̇ваа г̇ад̇аа сагкалигааби д̇ат̇ааг̇ад̇асса баад̣̇анд̇ам̣ бахари, парасунаа бахадо вияа ‘‘ж̇ийваго вияаа’’д̇иаад̣̇и.
ат̇а яз бариниб̣б̣уд̇з д̇ат̇ааг̇ад̇з жзд̇ияам̣ бхинд̣̇анд̇и, б̣од̇хим̣ чинд̣̇анд̇и, д̇хаад̇умхи убаггаманд̇и, д̇зсам̣ гим̣ ход̇ийд̇и? бхаарияам̣ гаммам̣ ход̇и аананд̇арияасад̣̇исам̣. сад̇хаад̇угам̣ бана т̇уубам̣ ваа бадимам̣ ваа б̣аад̇хамаанам̣ б̣од̇хисаакам̣ чинд̣̇ид̇ум̣ ваддад̇и. сажзби д̇ад̇т̇а нилийнаа сагун̣аа жзд̇ияз важжам̣ баад̇знд̇и, чинд̣̇ид̇ум̣ ваддад̇иязва. барибхог̇ажзд̇ияад̇о хи сарийражзд̇ияам̣ г̇аруд̇арам̣. жзд̇ияавад̇т̇ум̣ бхинд̣̇ид̇ваа г̇ажчанд̇з б̣од̇химуулзби чинд̣̇ид̇ваа харид̇ум̣ ваддад̇и. яаа бана б̣од̇хисаакаа б̣од̇хигхарам̣ б̣аад̇хад̇и, д̇ам̣ г̇зхарагкан̣ад̇т̇ам̣ чинд̣̇ид̇ум̣ на лабхад̇и. б̣од̇хиад̇т̇ааяа хи г̇зхам̣, на г̇зхад̇т̇ааяа б̣од̇хи. аасанагхарзби зсзва наяо. яасмим̣ бана аасанагхарз д̇хаад̇у нихид̇аа ход̇и, д̇асса рагкан̣ад̇т̇ааяа д̇ам̣ саакам̣ чинд̣̇ид̇ум̣ ваддад̇и. б̣од̇хиж̇аг̇г̇анад̇т̇ам̣ ож̇охаран̣асаакам̣ ваа бууд̇идтаанам̣ ваа чинд̣̇ид̇ум̣ ваддад̇иязва, сад̇т̇у руубагааяабадиж̇аг̇г̇анз вияа бун̃н̃амби ход̇и.
сан̇гхабхзд̣̇з жад̇уннам̣ гаммаананд̇и абалоганаад̣̇ийнам̣ жад̇уннам̣ гаммаанам̣. аяам̣ сан̇гхабхзд̣̇агод̇и багад̇ад̇д̇ам̣ бхигкум̣
бхигкунийд̣̇уусанз ижчамаананд̇и од̣̇аад̇авад̇т̇авасанам̣ ижчамаанам̣. д̇знзвааха ‘‘г̇ихибхаавз самбадижчид̇амад̇д̇зязваа’’д̇и. нзва баб̣б̣аж̇ж̇аа
142. г̇аб̣бхамаасзхи сад̣̇д̇хим̣ вийсад̇и вассаани ассаад̇и г̇аб̣бхавийсо. хааяанавад̣дхананд̇и г̇аб̣бхамаасзсу ад̇хигзсу уд̇д̇ари хааяанам̣, уунзсу вад̣дхананд̇и взд̣̇ид̇аб̣б̣ам̣. згуунавийсад̇ивассанд̇и д̣̇ваад̣̇аса маасз маад̇угужчисмим̣ васид̇ваа махаабавааран̣ааяа ж̇аад̇агаалад̇о бадтааяа згуунавийсад̇ивассам̣. баадибад̣̇ад̣̇ивасзд̇и бажчимигааяа вассуубаг̇аманад̣̇ивасз. ‘‘д̇им̣сарад̇д̇ид̣̇иво маасо’’д̇и (а. ни. 3.71; 8.43; вибха. 1023) важанад̇о ‘‘жад̇д̇ааро маасаа барихааяанд̇ий’’д̇и вуд̇д̇ам̣. вассам̣ уггад̣дханд̇ийд̇и вассам̣ уд̣̇д̇хам̣ гад̣дханд̇и, д̇ад̇ияасам̣важчарз згамаасасса ад̇хигад̇д̇аа маасабарижжаж̇анавасзна вассам̣ уд̣̇д̇хам̣ гад̣дханд̇ийд̇и ад̇т̇о, д̇асмаа д̇ад̇ияо сам̣важчаро д̇зрасамаасиго ход̇и. сам̣важчарасса бана д̣̇ваад̣̇асамаасигад̇д̇аа адтаарасасу вассзсу ад̇хигамаасз висум̣ г̇ахзд̇ваа ‘‘ча маасаа вад̣дханд̇ий’’д̇и вуд̇д̇ам̣. д̇ад̇од̇и чамаасад̇о. нигган̇каа худ̇ваад̇и ад̇хигамаасзхи сад̣̇д̇хим̣ барибун̣н̣авийсад̇ивассад̇д̇аа ниб̣б̣змад̇игаа худ̇ваа. яам̣ бана вуд̇д̇ам̣ д̇ийсуби г̇ан̣тибад̣̇зсу ‘‘адтаарасаннам̣язва вассаанам̣ ад̇хигамаасз г̇ахзд̇ваа г̇ан̣ид̇ад̇д̇аа сзсавассад̣̇ваяассаби ад̇хигад̣̇ивасаани хонд̇и, д̇аани ад̇хигад̣̇ивасаани санд̇хааяа ‘нигган̇каа худ̇ваа’д̇и вуд̇д̇а’’нд̇и, д̇ам̣ на г̇ахзд̇аб̣б̣ам̣. на хи д̣̇вийсу вассзсу ад̇хигад̣̇ивасаани наама висум̣ убалаб̣бханд̇и д̇ад̇ияз вассз вассуггад̣дханавасзна ад̇хигамаасз барижжад̇д̇зязва ад̇ирзгамаасасамбхавад̇о, д̇асмаа д̣̇вийсу вассзсу ад̇ирзгад̣̇ивасаани висум̣ на самбхаванд̇и.
‘‘д̇з д̣̇вз маасз г̇ахзд̇ваа вийсад̇и вассаани барибун̣н̣аани хонд̇ий’’д̇и гасмаа вуд̇д̇ам̣, згуунавийсад̇ивассамхи жа буна абарасмим̣ ‘‘зд̇т̇а бана…бз… вуд̇д̇а’’нд̇и. анзгад̇т̇ад̇д̇аа нибаад̇аанам̣ бана-сад̣̇д̣̇о хисад̣̇д̣̇ад̇т̇о, зд̇т̇а д̇асмаад̇и яасмаа г̇аб̣бхамаасааби г̇ан̣ануубаг̇аа хонд̇и, д̇асмаа. згавийсад̇ивассо ход̇ийд̇и ж̇аад̇ад̣̇ивасад̇о бадтааяа вийсад̇ивассо самаано г̇аб̣бхамаасзхи сад̣̇д̇хим̣ згавийсад̇ивассо ход̇и. ан̃н̃ам̣ убасамбаад̣̇зд̇ийд̇и убаж̇жхааяо, гаммаваажаажарияо ваа худ̇ваа убасамбаад̣̇зд̇ийд̇и саарад̇т̇ад̣̇ийбанияам̣ (саарад̇т̇а. дий. баажид̇д̇ияа 3.406) ааг̇ад̇ам̣.
г̇аб̣бхз саяид̇агаалзна сад̣̇д̇хим̣ вийсад̇имам̣ вассам̣ барибун̣н̣амассаад̇и г̇аб̣бхавийсо. нигкаманийяабун̣н̣амаасийд̇и сааван̣амаасасса бун̣н̣амияаа аасаал̣хийбун̣н̣амияаа ананд̇арабун̣н̣амий. баадибад̣̇ад̣̇ивасзд̇и бажчимигааяа вассуубанааяигааяа, д̣̇ваад̣̇аса маасз маад̇угужчисмим̣ васид̇ваа махаабавааран̣ааяа ж̇аад̇ам̣ убасамбаад̣̇знд̇ийд̇и ад̇т̇о. ‘‘д̇им̣сарад̇д̇ид̣̇иво маасо, д̣̇ваад̣̇асамаасиго сам̣важчаро’’д̇и важанад̇о ‘‘жад̇д̇ааро маасаа барихааяанд̇ий’’д̇и вуд̇д̇ам̣. вассам̣ уггад̣дханд̇ийд̇и вассам̣ уд̣̇д̇хам̣ гад̣дханд̇и, ‘‘згамаасам̣ ад̇хигамаасо’’д̇и чад̣д̣зд̇ваа вассам̣ убаг̇ажчанд̇ийд̇и ад̇т̇о, д̇асмаа д̇ад̇ияо д̇ад̇ияо сам̣важчаро д̇зрасамаасиго ход̇и. д̇з д̣̇вз маасз г̇ахзд̇ваад̇и нигкаманийяабун̣н̣амаасад̇о яаава ж̇аад̇ад̣̇ивасабхууд̇аа махаабавааран̣аа, д̇аава яз д̣̇вз маасаа анааг̇ад̇аа, д̇зсам̣ ад̇т̇ааяа ‘‘нигган̇каа худ̇ваа’’д̇и ид̣̇ам̣ адтаарасаннам̣ вассаанам̣ зва ад̇хигамаасз г̇ахзд̇ваа д̇ад̇о вийсад̇ияаа вассзсуби жаад̇уд̣̇д̣̇асийнам̣ ад̇т̇ааяа жад̇уннам̣ маасаанам̣ барихаабанзна саб̣б̣ат̇аа барибун̣н̣авийсад̇ивассад̇ам̣ санд̇хааяа вуд̇д̇ам̣.
баваарзд̇ваа вийсад̇ивассо бхависсад̇ийд̇и махаабавааран̣аад̣̇ивасз ад̇игганд̇з г̇аб̣бхавассзна саха вийсад̇ивассо бхависсад̇ийд̇и ад̇т̇о. д̇асмаад̇и яасмаа г̇аб̣бхамаасааби г̇ан̣ануубаг̇аа хонд̇и, д̇асмаа. згавийсад̇ивассод̇и ж̇аад̇ияаа вийсад̇ивассам̣ санд̇хааяа вуд̇д̇ам̣. ан̃н̃ам̣ убасамбаад̣̇зд̇ийд̇и убаж̇жхааяо, аажарияо ваа худ̇ваа убасамбаад̣̇зд̇и. собийд̇и убасамбаад̣̇знд̇оби анубасамбаннод̇и вимад̇ивинод̣̇анияам̣ (ви. ви. дий. баажид̇д̇ияа 2.406) ааг̇ад̇ам̣.
зд̇т̇а
143. маад̇аа ваа мад̇аа ход̇ийд̇и самб̣анд̇хо. соязваад̇и баб̣б̣аж̇ж̇аабзгко зва.
144. ‘‘згасиймааяан̃жа ан̃н̃зби бхигкуу ад̇т̇ийд̇и иминаа згасиймааяам̣ бхигкумхи асад̇и бхан̣д̣угаммаарожанагижжам̣ над̇т̇ийд̇и д̣̇ассзд̇и. кан̣д̣асиймааяа ваа тад̇ваа над̣̇ийсамуд̣̇д̣̇аад̣̇ийни ваа г̇анд̇ваа баб̣б̣ааж̇зд̇аб̣б̣од̇и зд̇зна саб̣б̣з сиймадтагабхигкуу аабужчид̇аб̣б̣аа, анаабужчаа баб̣б̣ааж̇зд̇ум̣ на ваддад̇ийд̇и д̣̇ийбзд̇и.
145. анаамадтабин̣д̣абаад̇анд̇и аг̇г̇ахид̇ааг̇г̇ам̣ бин̣д̣абаад̇ам̣. сааман̣зрабхааг̇асамаго аамисабхааг̇од̇и зд̇т̇а гин̃жааби сааман̣зраанам̣ аамисабхааг̇асса самагамзва д̣̇ийяамаанад̇д̇аа висум̣ сааман̣зрабхааг̇о наама над̇т̇и, хздтаа г̇ажчанд̇ам̣ бана бхад̇д̇ам̣ гад̣̇аажи манд̣̇ам̣ бхавзяяа, д̇асмаа убари аг̇г̇ахзд̇ваа сааман̣зрабаал̣ияаава г̇ахзд̇ваа д̣̇аад̇аб̣б̣од̇и ад̇хиббааяо. нияад̇абаб̣б̣аж̇ж̇ассзва жааяам̣ бхааг̇о д̣̇ийяад̇и. д̇знзва ‘‘абаггам̣ бад̇д̇а’’нд̇иаад̣̇и вуд̇д̇ам̣. ан̃н̃з ваа бхигкуу д̣̇аад̇угаамаа хонд̇ийд̇и самб̣анд̇хо.
146. саяам̣ баб̣б̣ааж̇зд̇аб̣б̣од̇и гзсажчзд̣̇анаад̣̇ийни саяам̣ гаронд̇зна баб̣б̣ааж̇зд̇аб̣б̣о. гзсажчзд̣̇анам̣ гаасааяажчаад̣̇анам̣ саран̣ад̣̇аананд̇и хи имаани д̇ийн̣и гаронд̇о ‘‘баб̣б̣ааж̇зд̇ий’’д̇и вужжад̇и, д̇зсу згам̣ д̣̇вз вааби гаронд̇о д̇ат̇аа вохарийяад̇иязва, д̇асмаа зд̇ам̣ баб̣б̣ааж̇зхийд̇и гзсажчзд̣̇анам̣ гаасааяажчаад̣̇анан̃жа санд̇хааяа вуд̇д̇ам̣. убаж̇жхааяам̣ уд̣̇д̣̇исса баб̣б̣ааж̇зд̇ийд̇и зд̇т̇ааби зсзва наяо. кан̣д̣асиймам̣ нзд̇ваад̇и бхан̣д̣угаммаарожанабарихаран̣ад̇т̇ам̣ вуд̇д̇ам̣. д̇зна сабхигкугз вихаарз ан̃н̃амби ‘‘зд̇асса гзсз чинд̣̇аа’’д̇и вад̇д̇ум̣ на ваддад̇и. баб̣б̣ааж̇зд̇ваад̇и гзсажчзд̣̇анам̣ санд̇хааяа вад̣̇ад̇и. бхигкуд̇о ан̃н̃о баб̣б̣ааж̇зд̇ум̣ на лабхад̇ийд̇и саран̣ад̣̇аанам̣ санд̇хааяа вуд̇д̇ам̣. д̇знзвааха ‘‘сааман̣зро банаа’’д̇иаад̣̇ийд̇и саяам̣ баб̣б̣ааж̇зд̇аб̣б̣од̇и баб̣б̣ааж̇зхийд̇и ид̣̇ам̣ д̇ивид̇хамби санд̇хааяа вуд̇д̇ам̣. кан̣д̣асиймам̣ нзд̇ваад̇и бхан̣д̣угаммаарожанабарихаран̣ад̇т̇ам̣. бхигкуунан̃хи анаарожзд̇ваа згасиймааяа ‘‘зд̇асса гзсз чинд̣̇аа’’д̇и ан̃н̃ам̣ аан̣аабзд̇умби на ваддад̇и. баб̣б̣ааж̇зд̇ваад̇и гзсаад̣̇ижчзд̣̇анамзва санд̇хааяа вуд̇д̇ам̣ ‘‘гаасааяаани ажчаад̣̇зд̇ваа’’д̇и висум̣ вуд̇д̇ад̇д̇аа. баб̣б̣ааж̇зд̇ум̣ на лабхад̇ийд̇и саран̣ад̣̇аанам̣ санд̇хааяа вуд̇д̇ам̣. анубасамбаннзна бхигкуаан̣ад̇д̇ияаа д̣̇иннамби саран̣ам̣ на рухад̇ийд̇и вуд̇д̇ам̣.
важ̇ираб̣уд̣̇д̇хидийгааяамби (важ̇ира дий. махааваг̇г̇а 34) – кан̣д̣асиймам̣ нзд̇ваад̇и бхан̣д̣угаммаарожанабарихаран̣ад̇т̇ам̣ вуд̇д̇ам̣, д̇зна сабхигкугз вихаарз ан̃н̃амби ‘‘зд̇асса гзсз чинд̣̇аа’’д̇и вад̇д̇ум̣ на ваддад̇и. ‘‘баб̣б̣ааж̇зд̇ваа’’д̇и имасса ад̇хиббааяабагаасанад̇т̇ам̣ ‘‘гаасааяаани ажчаад̣̇зд̇ваа зхий’’д̇и вуд̇д̇ам̣. убаж̇жхааяо жз гзсамассуоробанаад̣̇ийни агад̇ваа баб̣б̣аж̇ж̇ад̇т̇ам̣ саран̣аани д̣̇зд̇и, на рухад̇и баб̣б̣аж̇ж̇аа. гаммаваажааяа саавзд̇ваа убасамбаад̣̇зд̇и, рухад̇и убасамбад̣̇аа. абад̇д̇ажийвараанам̣ убасамбад̣̇аасид̣̇д̇хид̣̇ассанад̇о, гаммавибад̇д̇ияаа абхаавад̇о жзд̇ам̣ яуж̇ж̇ад̇зваад̇и згз. ход̇и жзд̇т̇а –
‘‘салин̇г̇ассзва баб̣б̣аж̇ж̇аа, вилин̇г̇ассааби жзд̇араа;
абзд̇абуб̣б̣авзсасса, д̇ам̣д̣̇ваяаа ид̇и жаабарз’’д̇и.
бхигкунаа хи сахад̇т̇зна ваа аан̣ад̇д̇ияаа ваа д̣̇иннамзва гаасаавам̣ ваддад̇и, ад̣̇иннам̣ на ваддад̇ийд̇и бана санд̇зсвзва гаасаавзсу, наасанд̇зсу асамбхавад̇од̇и д̇зсам̣ ад̇хиббааяод̇и ааг̇ад̇о.
бхаб̣б̣аруубод̇и ‘‘сахзд̇уго’’д̇и. н̃аад̇од̇и баагадо. яасассийд̇и бариваарасамбад̇д̇ияаа саманнааг̇ад̇о.
ван̣н̣асан̣таанаг̇анд̇хаасаяогаасавасзна асужиж̇зг̇ужчабадигуулабхаавам̣ баагадам̣ гаронд̇знаад̇и самб̣анд̇хо. д̇ад̇т̇а гзсаа наамзд̇з ван̣н̣ад̇оби бадигуулаа, сан̣таанад̇оби г̇анд̇хад̇оби аасаяад̇оби огаасад̇оби ван̣н̣ад̇о бадигуулаа. рад̇д̇им̣ бхун̃ж̇анд̇ааби гзсасан̣таанам̣ аггаваагам̣ ваа магаживаагам̣ ваа чубид̇ваа д̇ат̇зва ж̇иг̇ужчанд̇и, звам̣ сан̣таанад̇оби бадигуулаа. д̇зламагканабубпад̇хуумаад̣̇исан̇кааравирахид̇аанан̃жа гзсаанам̣ г̇анд̇хо барамаж̇зг̇ужчо ход̇и. д̇ад̇о ж̇зг̇ужчад̇аро аг̇г̇имхи багкид̇д̇аанам̣. гзсаа хи ван̣н̣асан̣таанад̇о аббадигуулааби сияум̣, г̇анд̇хзна бана бадигуулааязва. яат̇аа хи д̣̇ахарасса гумаарагасса важжам̣ ван̣н̣ад̇о халид̣̇д̣̇иван̣н̣ам̣, сан̣таанад̇о халид̣̇д̣̇ибин̣д̣исан̣таанам̣. сан̇гарадтаанз чад̣д̣ид̇ан̃жа уд̣̇д̇хумаад̇агагаал̣асунакасарийрам̣ ван̣н̣ад̇о д̇аалабаггаван̣н̣ам̣, сан̣таанад̇о ваддзд̇ваа виссадтамуд̣̇ин̇г̇асан̣таанам̣, д̣̇аатаабисса суманамагул̣асад̣̇исаа, д̇ам̣ убхаяамби ван̣н̣асан̣таанад̇о сияаа аббадигуулам̣, г̇анд̇хзна бана бадигууламзва, звам̣ гзсааби сияум̣ ван̣н̣асан̣таанад̇о аббадигуулаа, г̇анд̇хзна бана бадигуулааязваад̇и.
яат̇аа бана асужидтаанз г̇ааманиссанд̣̇зна ж̇аад̇аани суубзяяабан̣н̣аани нааг̇аригамануссаанам̣ ж̇зг̇ужчаани хонд̇и абарибхог̇аани, звам̣ гзсааби буб̣б̣алохид̇амуд̇д̇агарийсабид̇д̇асзмхаад̣̇иниссанд̣̇зна ж̇аад̇ад̇д̇аа барамаж̇зг̇ужчаад̇и. звам̣ аасаяад̇оби бадигуулаа. имз жа гзсаа наама г̇уут̇араасимхи удтид̇аган̣н̣агаа вияа згад̇им̣сагодтаасараасимхи ж̇аад̇аа, д̇з сусаанасан̇гаарадтаанаад̣̇ийсу огаасад̇о бадигуулаад̇иаад̣̇инаа наязна д̇ажабан̃жагасса ван̣н̣аад̣̇ивасзна бадигуулабхаавам̣ багаасзнд̇знаад̇и ад̇т̇о.
ниж̇ж̇ийваниссад̇д̇абхаавам̣ ваа баагадам̣ гаронд̇знаад̇и имз гзсаа наама сийсагадаахабаливзтанажаммз ж̇аад̇аа, д̇ад̇т̇а яат̇аа ваммигамад̇т̇агз ж̇аад̇зсу гун̣тад̇ин̣зсу на ваммигамад̇т̇аго ж̇аанаад̇и ‘‘маяи гун̣тад̇ин̣аани ж̇аад̇ааний’’д̇и, нааби гун̣тад̇ин̣аани ж̇аананд̇и ‘‘маяам̣ ваммигамад̇т̇агз ж̇аад̇ааний’’д̇и. звамзва на сийсагадаахабаливзтанажаммам̣ ж̇аанаад̇и ‘‘маяи гзсаа ж̇аад̇аа’’д̇и, нааби гзсаа ж̇аананд̇и ‘‘маяам̣ сийсагадаахабаливзтанажаммз ж̇аад̇аа’’д̇и, ан̃н̃аман̃н̃ам̣ аабхог̇абажжавзгкан̣арахид̇аа зд̇з д̇хаммаа. ид̇и ‘‘гзсаа наама имасмим̣ сарийрз баадиязгго годтаасо ажзд̇ано аб̣яаагад̇о сун̃н̃о ниссад̇д̇о т̇ад̣̇д̇хо бат̇авийд̇хаад̇уу’’д̇иаад̣̇инаа наязна ниж̇ж̇ийваниссад̇д̇абхаавам̣ багаасзнд̇зна. буб̣б̣зд̇и буримаб̣уд̣̇д̇хаанам̣ санд̇игз. мад̣̇д̣̇ид̇асан̇каарод̇и наамаруубававад̇т̇аанзна жзва бажжаяабариг̇г̇ахавасзна жа н̃аан̣зна баримад̣̇д̣̇ид̇асан̇кааро. бхаавид̇абхааванод̇и галаабасаммасанаад̣̇инаа саб̣б̣асо гусалабхааванааяа бууран̣зна бхаавид̇абхаавано ад̣̇иннам̣ на ваддад̇ийд̇и зд̇т̇а ‘‘баб̣б̣аж̇ж̇аа на рухад̇ийд̇и вад̣̇анд̇ий’’д̇и саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.34) вуд̇д̇ам̣.
вимад̇ивинод̣̇анияам̣ (ви. ви. дий. махааваг̇г̇а 2.34) бана – яасассийд̇и бариваарасамбанно. ниж̇ж̇ийваниссад̇д̇абхааванд̇и ‘‘гзсаа наама имасмим̣ сарийрз баадиязгго годтаасо ажзд̇ано аб̣яаагад̇о сун̃н̃о ниссад̇д̇о т̇ад̣̇д̇хо бат̇авийд̇хаад̇уу’’д̇иаад̣̇инаяам̣ сан̇г̇ан̣хаад̇и, саб̣б̣ам̣ висуд̣̇д̇химаг̇г̇з (висуд̣̇д̇хи. 1.311) ааг̇ад̇анаязна г̇ахзд̇аб̣б̣ам̣. буб̣б̣зд̇и буб̣б̣аб̣уд̣̇д̇хуббаад̣̇зсу мад̣̇д̣̇ид̇асан̇каарод̇и вибассанаавасзна вуд̇д̇ам̣. бхаавид̇абхааванод̇и самат̇авасзнаби.
гаасааяаани д̇игкад̇д̇ум̣ ваа…бз… бадиг̇г̇аахаабзд̇аб̣б̣од̇и зд̇т̇а ‘‘саб̣б̣ад̣̇угканиссаран̣ад̇т̇ааяа имам̣ гаасаавам̣ г̇ахзд̇ваа’’д̇и ваа ‘‘д̇ам̣ гаасаавам̣ д̣̇ад̇ваа’’д̇и ваа вад̇ваа ‘‘баб̣б̣ааж̇зт̇а мам̣, бханд̇з, анугамбам̣ убаад̣̇ааяаа’’д̇и звам̣ яаажанабуб̣б̣агам̣ жийварам̣ бадижчаабзд̇и. ат̇аабийд̇иаад̣̇и д̇игкад̇д̇ум̣ бадиг̇г̇аахаабанад̇о барам̣ гад̇д̇аб̣б̣авид̇хид̣̇ассанам̣, ат̇аабийд̇и д̇ад̇о барамбийд̇и ад̇т̇о. гзжи бана ‘‘жийварам̣ аббадиг̇г̇аахаабзд̇ваа баб̣б̣ааж̇анаббагаарабхзд̣̇ад̣̇ассанад̇т̇ам̣ ‘ат̇аабий’д̇и вуд̇д̇ам̣. ат̇аабийд̇и ат̇а ваад̇и ад̇т̇о’’д̇и вад̣̇анд̇и. ад̣̇иннам̣ на ваддад̇ийд̇и иминаа баб̣б̣аж̇ж̇аа на рухад̇ийд̇и д̣̇ассзд̇и.
147. баад̣̇з ванд̣̇аабзд̇ваад̇и баад̣̇аабхимукам̣ намаабзд̇ваа. д̣̇уурз ванд̣̇анд̇оби хи баад̣̇з ванд̣̇ад̇ийд̇и вужжад̇ийд̇и. убаж̇жхааязна ваад̇и зд̇т̇а яасса санд̇игз убаж̇жхам̣ г̇ан̣хаад̇и, аяам̣ убаж̇жхааяо. яам̣ аабхисамаажааригзсу винаяанад̇т̇ааяа аажарияам̣ гад̇ваа нияяаад̇знд̇и, аяам̣ аажарияо. сажз бана убаж̇жхааяо саяамзва саб̣б̣ам̣ сигкаабзд̇и, ан̃н̃амби на нияяаад̇зд̇и, убаж̇жхааяовасса аажарияоби ход̇и. яат̇аа убасамбад̣̇аагаалз саяамзва гаммаваажам̣ ваажзнд̇о убаж̇жхааяова гаммаваажаажарияоби ход̇ийд̇и вуд̇д̇ам̣.
анун̃н̃аад̇аубасамбад̣̇аад̇и н̃ад̇д̇ижад̇уд̇т̇агаммзна анун̃н̃аад̇аубасамбад̣̇аа. таанагаран̣асамбад̣̇анд̇и зд̇т̇а урааад̣̇ийни таанаани, сам̣вуд̇аад̣̇ийни гаран̣аанийд̇и взд̣̇ид̇аб̣б̣аани. анунаасиганд̇ам̣ гад̇ваа д̣̇аанагаалз анд̇араавижчзд̣̇ам̣ агад̇ваа д̣̇аад̇аб̣б̣аанийд̇и д̣̇ассзд̇ум̣ ‘‘згасамб̣анд̇хааний’’д̇и вуд̇д̇ам̣. вижчинд̣̇ид̇ваад̇и ма-гааранд̇ам̣ гад̇ваа д̣̇аанасамаяз вижчзд̣̇ам̣ гад̇ваа.
148. саб̣б̣амасса габбияаагаббияам̣ аажигкид̇аб̣б̣анд̇и д̣̇асасигкаабад̣̇авинимуд̇д̇ам̣ бараамаасаабараамаасаад̣̇ибхзд̣̇ам̣ габбияаагаббияам̣ аажигкид̇аб̣б̣ам̣. аабхисамаажааригзсу винзд̇аб̣б̣од̇и иминаа ‘‘сзкияаубаж̇жхааяавад̇д̇аад̣̇иаабхисамаажааригасийламанзна буурзд̇аб̣б̣ам̣. д̇ад̇т̇а жа гад̇д̇аб̣б̣асса агаран̣з, агад̇д̇аб̣б̣асса жа гаран̣з д̣̇ан̣д̣агаммаарахо ход̇ийд̇и д̣̇ийбзд̇ийд̇и саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.34) вуд̇д̇ам̣. анунаасиганд̇ам̣ гад̇ваа д̣̇аанагаалз анд̇араавижчзд̣̇о на гаад̇аб̣б̣од̇и ааха ‘‘згасамб̣анд̇хааний’’д̇и. аабхисамаажааригзсу винзд̇аб̣б̣од̇и иминаа сзкияавад̇д̇аагканд̇хагавад̇д̇зсу, ан̃н̃зсу жа суггависсадтиаад̣̇илогаваж̇ж̇асигкаабад̣̇зсу жа сааман̣зрзхи вад̇д̇ид̇аб̣б̣ам̣, д̇ад̇т̇а авад̇д̇амаано алаж̇ж̇ий д̣̇ан̣д̣агаммаарахо жа ход̇ийд̇и д̣̇ассзд̇ийд̇и вимад̇ивинод̣̇анияам̣ (ви. ви. дий. махааваг̇г̇а 2.34).
ураад̣̇ийни таанаани наама, сам̣вуд̇аад̣̇ийни гаран̣аани наама. анунаасиганд̇ам̣ гад̇ваа згасамб̣анд̇хам̣ гад̇ваа д̣̇аанагаалз анд̇араа адтад̇ваа вад̇д̇аб̣б̣ам̣, вижчинд̣̇ид̇ваа д̣̇аанагаалзби яат̇аавуд̇д̇адтаанз зва вижчзд̣̇о, ан̃н̃ад̇ра на ваддад̇ийд̇и ликид̇ам̣, анунаасиганд̇з д̣̇ийяамаанз калид̇ваа ‘‘б̣уд̣̇д̇хам̣ саран̣ам̣ г̇ажчаамий’’д̇и ма-гаарзна миссийбхууд̇з кзд̇д̇з од̇ин̣н̣ад̇д̇аа ваддад̇ийд̇и убад̇иссад̇т̇зро. миссам̣ гад̇ваа вад̇д̇ум̣ ваддад̇и, важанагаалз бана анунаасигадтаанз вижчзд̣̇ам̣ агад̇ваа вад̇д̇аб̣б̣анд̇и д̇хаммасирид̇т̇зро. ‘‘звам̣ гаммаваажааяамбий’’д̇и вуд̇д̇ам̣. убхад̇осуд̣̇д̇хияаава ваддад̇ийд̇и зд̇т̇а махаат̇зро бад̇ид̇ад̣̇анд̇аад̣̇игааран̣ад̇ааяа ажад̇урассам̣ гад̇ваа вад̣̇ад̇и, б̣яад̇д̇асааман̣зро самийбз тид̇о баб̣б̣аж̇ж̇аабзгкам̣ б̣яад̇д̇ам̣ вад̣̇аабзд̇и, махаат̇зрзна авуд̇д̇ам̣ вад̣̇аабзд̇ийд̇и на ваддад̇и. гаммаваажааяа ид̇аро бхигку жз вад̣̇ад̇и, ваддад̇ийд̇и. сан̇гхо хи гаммам̣ гарод̇и, на буг̇г̇алод̇и. на, наанаасиймабавад̇д̇агаммаваажаасааман̃н̃анаязна бадигкибид̇аб̣б̣ад̇д̇аа. ат̇а т̇зрзна жад̇урассам̣ вуд̇д̇ам̣ саб̣б̣амасса габбияаагаббияанд̇и д̣̇асасигкаабад̣̇авинимуд̇д̇ам̣ бараамаасаабараамаасаад̣̇ибхзд̣̇ам̣. ‘‘аабхисамаажааригзсу винзд̇аб̣б̣о’’д̇и важанад̇о сзкияаубаж̇жхааяавад̇д̇аад̣̇иаабхисамаажааригасийламанзна буурзд̇аб̣б̣ам̣. д̇ад̇т̇а жаарид̇д̇асса агаран̣з, ваарид̇д̇асса гаран̣з д̣̇ан̣д̣агаммаарахо ход̇ий’’д̇и д̣̇ийбзд̇ийд̇и важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 34) ааг̇ад̇о.
ануж̇аанаами бхигкавз сааман̣зраанам̣ д̣̇аса сигкаабад̣̇аанийд̇иаад̣̇ийсу сигкид̇аб̣б̣аани бад̣̇аани сигкаабад̣̇аани, сигкаагодтаасаад̇и ад̇т̇о. сигкааяа ваа бад̣̇аани сигкаабад̣̇аани, ад̇хисийлаад̇хижид̇д̇аад̇хибан̃н̃аасигкаанам̣ ад̇хиг̇амубааяод̇и ад̇т̇о. ад̇т̇ад̇о бана гаамааважарагусалажид̇д̇асамбаяуд̇д̇аа вирад̇ияо, д̇ам̣самбаяуд̇д̇ад̇хаммаа банзд̇т̇а д̇аг̇г̇ахан̣знзва г̇ахзд̇аб̣б̣аа. баан̣од̇и барамад̇т̇ад̇о ж̇ийвид̇инд̣̇рияам̣, д̇асса ад̇ибаад̇анам̣ баб̣анд̇хавасзна бавад̇д̇ид̇ум̣ ад̣̇ад̇ваа сад̇т̇аад̣̇ийхи ад̇иггамма абхибхавид̇ваа баад̇анам̣ баан̣аад̇ибаад̇о, баан̣авад̇ход̇и ад̇т̇о. со бана ад̇т̇ад̇о баан̣з баан̣асан̃н̃ино ж̇ийвид̇инд̣̇рияубажчзд̣̇агаубаггамасамудтаабигаа вад̇хагажзд̇анаава, д̇асмаа баан̣аад̇ибаад̇аа взраман̣и, взрахзд̇уд̇ааяа взрасан̇каад̇ам̣ баан̣аад̇ибаад̇аад̣̇ибаабад̇хаммам̣ ман̣ад̇и нийхарад̇ийд̇и вирад̇и ‘‘взраман̣ий’’д̇и вужжад̇и. вирамад̇и зд̇ааяаад̇и ваа ‘‘вирамад̇ий’’д̇и вад̇д̇аб̣б̣з нируд̇д̇инаязна ‘‘взраман̣ий’’д̇и самаад̣̇аанавирад̇и вуд̇д̇аа. зса наяо сзсзсуби.
ад̣̇иннасса ад̣̇иннаад̣̇аанам̣, т̇зяяажзд̇анаа. аб̣рамхажарияанд̇и асздтажарияам̣, маг̇г̇знамаг̇г̇абадибад̇д̇исамудтаабигаа мзт̇унажзд̇анаа. мусаад̇и абхууд̇авад̇т̇у, д̇асса ваад̣̇о абхууд̇ам̣ н̃ад̇ваава бхууд̇ад̇о вин̃н̃аабанажзд̇анаа мусааваад̣̇о. бидтабууваад̣̇иниб̣б̣ад̇д̇аа сураа жзва бубпаасаваад̣̇ибхзд̣̇ам̣ мзраяан̃жа сураамзраяам̣. д̇ад̣̇зва мад̣̇анийяадтзна маж̇ж̇ан̃жзва бамаад̣̇агааран̣адтзна бамаад̣̇адтаанан̃жа, д̇ам̣ яааяа жзд̇анааяа бивад̇и, д̇ассаа звам̣ ад̇хиважанам̣.
арун̣уг̇г̇аманад̇о бадтааяа яаава маж̇жханхигаа, аяам̣ арияаанам̣ бхож̇анасса гаало наама, д̇ад̣̇ан̃н̃о вигаало. бхун̃ж̇ид̇аб̣б̣адтзна бхож̇ананд̇и ид̇ха саб̣б̣ам̣ яаавагаалигам̣ вужжад̇и, д̇асса аж̇жхохаран̣ам̣ ид̇ха уд̇д̇арабад̣̇алобзна бхож̇ананд̇и ад̇хиббзд̇ам̣. вигаалз бхож̇анам̣ аж̇жхохаран̣ам̣ вигаалабхож̇анам̣, вигаалз вааяаавагаалигасса бхож̇анам̣ аж̇жхохаран̣ам̣ вигаалабхож̇ананд̇иби ад̇т̇о г̇ахзд̇аб̣б̣о, д̇ам̣ ад̇т̇ад̇о вигаалз яаавагаалигааж̇жхохаран̣ажзд̇анаава.
саасанасса анануломад̇д̇аа висуугам̣ бадаан̣ийбхууд̇ам̣ д̣̇ассанам̣ ‘‘висуугад̣̇ассанам̣, нажжаг̇ийд̇аад̣̇ид̣̇ассанасаванаанан̃жзва ваддагаяуд̣̇д̇хаж̇ууд̇агийл̣аад̣̇исаб̣б̣агийл̣аанан̃жа наамам̣. д̣̇ассананд̇и жзд̇т̇а бан̃жаннамби вин̃н̃аан̣аанам̣ яат̇аасагам̣ висаяасса ааложанасабхаавад̇ааяа д̣̇ассанасад̣̇д̣̇зна сан̇г̇ахзд̇аб̣б̣ад̇д̇аа саванамби сан̇г̇ахид̇ам̣. нажжаг̇ийд̇аваад̣̇ид̇асад̣̇д̣̇зхи жзд̇т̇а ад̇д̇ано нажжанаг̇ааяанаад̣̇ийниби сан̇г̇ахид̇аанийд̇и д̣̇адтаб̣б̣ам̣.
маалаад̇и г̇анд̇ханд̇и ваасажун̣н̣аад̣̇ивилзбанад̇о ан̃н̃ам̣ яам̣ гин̃жи г̇анд̇хаж̇аад̇ам̣. вилзбананд̇и бисид̇ваа г̇ахид̇ам̣ чавирааг̇агаран̣ан̃жзва г̇анд̇хаж̇аад̇ан̃жа. д̇хааран̣ам̣ наама бил̣анд̇ханам̣. ман̣д̣анам̣ наама уунадтаанабууран̣ам̣. г̇анд̇хавасзна, чавирааг̇авасзна ваа саад̣̇ияанам̣ вибхуусанам̣ наама, маалаад̣̇ийсу
ужжаад̇и ужжа-сад̣̇д̣̇зна самаанад̇т̇о нибаад̇о. ужжаасаяанам̣ вужжад̇и бамаан̣аад̇игганд̇ам̣ аасанд̣̇аад̣̇и. махаасаяанам̣ агаббияад̇т̇аран̣зхи ад̇т̇ад̇ам̣ салохид̇авид̇аанан̃жа. зд̇зсу хи аасанам̣ саяанан̃жа ужжаасаяанамахаасаяанасад̣̇д̣̇зхи г̇ахид̇аани уд̇д̇арабад̣̇алобзна. ж̇аад̇аруубараж̇ад̇абадиг̇г̇ахан̣аад̇и зд̇т̇а раж̇ад̇асад̣̇д̣̇зна д̣̇аарумаасагаад̣̇и саб̣б̣ам̣ руубияам̣ сан̇г̇ахид̇ам̣. муд̇д̇ааман̣иаад̣̇аяобзд̇т̇а д̇хан̃н̃агкзд̇д̇авад̇т̇аад̣̇аяо жа сан̇г̇ахид̇аад̇и д̣̇адтаб̣б̣аа. бадиг̇г̇ахан̣а-сад̣̇д̣̇зна бана бадиг̇г̇аахаабанасаад̣̇ияанааниби сан̇г̇ахид̇аани.
149. сзнаасанаг̇г̇аахо жа бадиббассамбханд̇ийд̇и иминаа вассажчзд̣̇ам̣ д̣̇ассзд̇и. убасамбаннаанамби баарааж̇игасамаабад̇д̇ияаа саран̣аг̇аманаад̣̇исааман̣зрабхаавассаби винассанад̇о сзнаасанаг̇г̇аахо жа бадиббассамбхад̇и, сан̇гхалаабхамби д̇з на лабханд̇ийд̇и взд̣̇ид̇аб̣б̣ам̣. буримигааяа буна саран̣аани г̇ахид̇аанийд̇и саран̣аг̇ахан̣зна саха д̇ад̣̇ахзвасса вассуубаг̇аманамби д̣̇ассзд̇и. бажчимигааяа вассааваасиганд̇и вассааваасигалаабхаг̇г̇ахан̣ад̣̇ассанамад̇д̇амзвзд̇ам̣, д̇ад̇о бурзби ваа бажчааби ваа вассааваасиган̃жа жийварамаасзсу сан̇гхз уббаннагаалажийваран̃жа буримигааяа убаг̇анд̇ваа авибаннасийло сааман̣зро лабхад̇и зва. сажз бажчимигааяа г̇ахид̇аанийд̇и бажчимигааяа вассуубаг̇аманан̃жа чиннавассад̇ан̃жа д̣̇ассзд̇и. д̇асса хи гаалажийваралаабхо на баабун̣аад̇и, д̇асмаа ‘‘абалогзд̇ваа лаабхо д̣̇аад̇аб̣б̣о’’д̇и вуд̇д̇ам̣. вассааваасигалаабхо бана яад̣̇и сзнаасанассаамигаа д̣̇ааяагаа сзнаасанаг̇уд̇д̇ад̇т̇ааяа бажчимигааяа убаг̇анд̇ваа вад̇д̇ам̣ гад̇ваа ад̇д̇ано сзнаасанз васанд̇ассаби вассааваасигам̣ д̣̇аад̇аб̣б̣анд̇и вад̣̇анд̇и, анабалогзд̇вааби д̣̇аад̇аб̣б̣ова. яам̣ бана саарад̇т̇ад̣̇ийбанияам̣ ‘‘бажчимигааяа вассааваасигам̣ лажчад̇ийд̇и бажчимигааяа буна вассам̣ убаг̇ад̇ад̇д̇аа лажчад̇ий’’д̇и вуд̇д̇ам̣, д̇амби вассааваасигз д̣̇ааяагаанам̣ имам̣ ад̇хиббааяам̣ ниссааяа вуд̇д̇ан̃жз, сунд̣̇арам̣, сан̇гхигам̣, гаалажийварамби санд̇хааяа вуд̇д̇ан̃жз, на яуж̇ж̇ад̇ийд̇и взд̣̇ид̇аб̣б̣ам̣.
на аж̇аанид̇ваад̇и ‘‘сураа’’д̇и аж̇аанид̇ваа бивад̇о баан̣аад̇ибаад̇аавзраман̣иаад̣̇исаб̣б̣асийлабхзд̣̇ам̣ саран̣абхзд̣̇ан̃жа ид̇араанийд̇и вигаалабхож̇анаавзраман̣иаад̣̇ийни. д̇ааниби хи сан̃жижжа вийд̇иггаманд̇асса д̇ам̣ д̇ам̣ бхиж̇ж̇ад̇и зва, ид̇арийд̇арзсам̣ бана абхиж̇ж̇анзна наасанан̇г̇аани на хонд̇и. д̇знзва ‘‘зд̇зсу бхиннзсуу’’д̇и бхзд̣̇аважанам̣ вуд̇д̇ам̣.
ажжаяам̣ д̣̇зсаабзд̇аб̣б̣од̇и ‘‘ажжаяо мам̣ бханд̇з ажжааг̇амаа’’д̇иаад̣̇инаа сан̇гхамаж̇жхз д̣̇зсаабзд̇ваа саран̣асийлам̣ д̣̇аад̇аб̣б̣анд̇и ад̇хиббааяо баарааж̇игад̇д̇аа д̇зсам̣. д̇знааха ‘‘лин̇г̇анаасанааяа наасзд̇аб̣б̣о’’д̇и. аяамзва хи наасанаа ид̇хаад̇хиббзд̇аад̇и лин̇г̇анаасанаагааран̣зхи баан̣аад̇ибаад̇аад̣̇ийхи аван̣н̣абхаасанаад̣̇ийнам̣ саха бад̇ид̇ад̇д̇аа вуд̇д̇ам̣. нану жа ган̣дагасааман̣зроби мижчаад̣̇идтиго зва, д̇асса жа хздтаа д̣̇ан̣д̣агамманаасанаава вуд̇д̇аа, ид̇ха бана мижчаад̣̇идтигасса лин̇г̇анаасанаа вужжад̇и, го имзсам̣ бхзд̣̇од̇и жод̣̇анам̣ манаси нид̇хааяааха ‘‘сассад̇ужчзд̣̇аанан̃хи ан̃н̃ад̇арад̣̇идтиго’’д̇и. зд̇т̇а жааяам̣ ад̇хиббааяо – яо хи ‘‘ад̇д̇аа иссаро’’д̇и ваа ‘‘нижжо д̇хуво’’д̇иаад̣̇инаа ваа ‘‘ад̇д̇аа ужчиж̇ж̇иссад̇и винассиссад̇ий’’д̇иаад̣̇инаа ваа д̇ид̇т̇ияабаригаббид̇ам̣ яам̣ гин̃жи сассад̇ужчзд̣̇ад̣̇идтим̣ д̣̇ал̣хам̣ г̇ахзд̇ваа вохарад̇и, д̇асса саа баарааж̇игадтаанам̣ ход̇и, со жа лин̇г̇анаасанааяа наасзд̇аб̣б̣о. яо бана ийд̣̇исам̣
150. ‘‘ад̇д̇ано баривзн̣анд̇и ид̣̇ам̣ буг̇г̇алигам̣ санд̇хааяа вуд̇д̇а’’нд̇и г̇ан̣тибад̣̇зсу вуд̇д̇ам̣. аяам̣ банзд̇т̇а г̇ан̣тибад̣̇агаараанам̣ ад̇хиббааяо – вассаг̇г̇зна бад̇д̇асзнаасананд̇и иминаа д̇асса вассаг̇г̇зна бад̇д̇ам̣ сан̇гхигасзнаасанам̣ вуд̇д̇ам̣. ад̇д̇ано баривзн̣анд̇и иминааби д̇ассзва буг̇г̇алигасзнаасанам̣ вуд̇д̇анд̇и. аяам̣ банзд̇т̇а амхаагам̣ канд̇и – яад̇т̇а ваа васад̇ийд̇и иминаа сан̇гхигам̣ ваа ход̇у буг̇г̇алигам̣ ваа, д̇асса ниб̣ад̣̇д̇хавасанагасзнаасанам̣ вуд̇д̇ам̣. яад̇т̇а ваа бадиггамад̇ийд̇и иминаа бана яам̣ аажарияубаж̇жхааяасса васанадтаанам̣ убадтаанаад̣̇инимид̇д̇ам̣ ниб̣ад̣̇д̇хам̣ бависад̇и, д̇ам̣ аажарияубаж̇жхааяаанам̣ бависанадтаанам̣ вуд̇д̇ам̣, д̇асмаа д̇ад̣̇убхаяам̣ д̣̇ассзд̇ум̣ ‘‘убхаязнаби ад̇д̇ано баривзн̣ан̃жа вассаг̇г̇зна бад̇д̇асзнаасанан̃жа вуд̇д̇а’’нд̇и ааха. д̇ад̇т̇а ад̇д̇ано баривзн̣анд̇и иминаа аажарияубаж̇жхааяаанам̣ ниваасанадтаанам̣ д̣̇ассид̇ам̣, вассаг̇г̇зна бад̇д̇асзнаасананд̇и мукад̣̇ваариганд̇и мукад̣̇ваарзна бхун̃ж̇ид̇аб̣б̣ам̣. д̣̇ан̣д̣агаммам̣ гад̇ваад̇и д̣̇ан̣д̣агаммам̣ яож̇зд̇ваа. д̣̇ан̣д̣знд̇и винзнд̇и зд̇знаад̇и д̣̇ан̣д̣о, соязва гад̇д̇аб̣б̣ад̇д̇аа гамманд̇и д̣̇ан̣д̣агаммам̣, ааваран̣аад̣̇и. д̣̇ан̣д̣агаммамасса гарот̇аад̇и асса д̣̇ан̣д̣агаммам̣ яож̇зт̇а аан̣аабзт̇а. д̣̇ан̣д̣агамманд̇и ваа ниг̇г̇ахагаммам̣, д̇асмаа ниг̇г̇ахамасса гарот̇аад̇и
сзнаасанаг̇г̇аахо жа бадиббассамбханд̇ийд̇и иминаа чиннавассо ход̇ийд̇и д̣̇ийбзд̇и. сажз аагин̣н̣ад̣̇осова ход̇и, ааяад̇им̣ сам̣варз на д̇идтад̇и, ниггад̣дхид̇аб̣б̣од̇и зд̇т̇а сажз яаавад̇ад̇ияам̣ вужжамаано на орамад̇и, сан̇гхам̣ абалогзд̇ваа наасзд̇аб̣б̣о, буна баб̣б̣аж̇ж̇ам̣ яаажамааноби абалогзд̇ваа баб̣б̣ааж̇зд̇аб̣б̣од̇и вад̣̇анд̇и. бажчимигааяа вассааваасигам̣ лажчад̇ийд̇и бажчимигааяа буна вассам̣ убаг̇ад̇ад̇д̇аа лажчад̇и. абалогзд̇ваа лаабхо д̣̇аад̇аб̣б̣од̇и чиннавассад̇ааяа вуд̇д̇ам̣. ид̇араани бан̃жа сигкаабад̣̇аанийд̇и вигаалабхож̇анаад̣̇ийни бан̃жа. ажжаяам̣ д̣̇зсаабзд̇аб̣б̣од̇и ‘‘ажжаяо мам̣ бханд̇з ажжааг̇амаа’’д̇иаад̣̇инаа наязна д̣̇зсаабзд̇аб̣б̣од̇и саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.108) вуд̇д̇ам̣.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
баб̣б̣аж̇ж̇аавинижчаяагат̇аалан̇гааро наама
д̣̇ваавийсад̇имо барижчзд̣̇о.
убасамбад̣̇аавинижчаяагат̇аа
звам̣ баб̣б̣аж̇ж̇аавинижчаяам̣ гат̇зд̇ваа д̇ад̣̇ананд̇арам̣ убасамбад̣̇аавинижчаяо гат̇зд̇аб̣б̣о, звам̣ санд̇зби адтагат̇ааяам̣ убасамбад̣̇аавинижчаяагат̇аа баал̣иван̣н̣анаавасзнзва ааг̇ад̇аа, но баал̣имуд̇д̇агавинижчаяавасзна, имасса бана багаран̣асса баал̣имуд̇д̇агавинижчаяагат̇аабхууд̇ад̇д̇аа д̇амагат̇зд̇ваа ниссаяавинижчаяо зва аажариязна гат̇ид̇о, маяам̣ бана убасамбад̣̇аавинижчаяасса ад̇исукумад̇д̇аа
д̇зна ко бана самаязнаад̇и язна самаязна бхаг̇авад̇аа ‘‘на бхигкавз анубаж̇жхааяаго’’д̇иаад̣̇исигкаабад̣̇ам̣ абан̃н̃ад̇д̇ам̣ ход̇и, д̇зна самаязна. анубаж̇жхааяаганд̇и убаж̇жхам̣ аг̇аахаабзд̇ваа саб̣б̣зна саб̣б̣ам̣ убаж̇жхааяавирахид̇ам̣, звам̣ убасамбаннаа нзва д̇хаммад̇о на аамисад̇о сан̇г̇ахам̣ лабханд̇и, д̇з барихааяанд̇иязва, на вад̣дханд̇и. на бхигкавз анубаж̇жхааяагод̇и убаж̇жхам̣ аг̇аахаабзд̇ваа нирубаж̇жхааяаго на убасамбаад̣̇зд̇аб̣б̣о, яо убасамбаад̣̇зяяа, аабад̇д̇и д̣̇уггадассаад̇и сигкаабад̣̇абан̃н̃ад̇д̇ид̇о бадтааяа звам̣ убасамбаад̣̇знд̇асса аабад̇д̇и ход̇и, гаммам̣ бана на губбад̇и. гзжи ‘‘губбад̇ий’’д̇и вад̣̇анд̇и, д̇ам̣ на г̇ахзд̇аб̣б̣ам̣. ‘‘сан̇гхзна убаж̇жхааязнаа’’д̇иаад̣̇ийсуби убхад̇об̣яан̃ж̇анагубаж̇жхааяабарияосаанзсу зсзва наяо.
абад̇д̇агаа хад̇т̇зсу бин̣д̣ааяа жаранд̇ийд̇и яо хад̇т̇зсу бин̣д̣о лаб̣бхад̇и, д̇ад̣̇ад̇т̇ааяа жаранд̇и. сзяяат̇ааби д̇ид̇т̇ияаад̇и яат̇аа ааж̇ийваганаамагаа д̇ид̇т̇ияаа. суубаб̣яан̃ж̇анзхи миссзд̇ваа хад̇т̇зсу табид̇абин̣д̣амзва хи д̇з бхун̃ж̇анд̇и. аабад̇д̇и д̣̇уггадассаад̇и звам̣ убасамбаад̣̇знд̇ассзва аабад̇д̇и ход̇и, гаммам̣ бана на губбад̇и, ажийварагаад̣̇ивад̇т̇уусуби зсзва наяо.
яаажид̇агзнаад̇и ‘‘яаава убасамбад̣̇ам̣ гарома, д̇аава д̣̇зт̇аа’’д̇и яаажид̇ваа г̇ахид̇зна, д̇аавагаалигзнаад̇и ад̇т̇о. ийд̣̇исзна хи бад̇д̇зна ваа жийварзна ваа бад̇д̇ажийварзна ваа убасамбаад̣̇знд̇ассзва аабад̇д̇и ход̇и, гаммам̣ бана на губбад̇и, д̇асмаа барибун̣н̣абад̇д̇ажийварова убасамбаад̣̇зд̇аб̣б̣о. сажз д̇асса над̇т̇и, аажарияубаж̇жхааяаа жасса д̣̇аад̇угаамаа хонд̇и
г̇од̇д̇знаби ануссаавзд̇унд̇и ‘‘махаагассабасса убасамбад̣̇аабзгко’’д̇и звам̣ г̇од̇д̇ам̣ вад̇ваа ануссаавзд̇ум̣ ануж̇аанаамийд̇и ад̇т̇о. д̣̇вз згаануссааванзд̇и д̣̇вз згад̇о ануссааванз, згзна згасса, ан̃н̃зна ид̇арассаад̇и звам̣ д̣̇вийхи ваа аажариязхи згзна ваа згагкан̣з гаммаваажам̣ ануссаавзнд̇зхи убасамбаад̣̇зд̇ум̣ ануж̇аанаамийд̇и ад̇т̇о. д̣̇вз д̇аяо згаануссааванз гаад̇ум̣, д̇ан̃жа ко згзна убаж̇жхааязнаад̇и д̣̇вз ваа д̇аяо ваа ж̇анз буриманаязнзва згад̇о ануссааванз гаад̇ум̣ ануж̇аанаами, д̇ан̃жа ко ануссааванагирияам̣ згзна убаж̇жхааязна ануж̇аанаамийд̇и ад̇т̇о. д̇асмаа згзна аажариязна д̣̇вз ваа д̇аяо ваа ануссаавзд̇аб̣б̣аа. д̣̇вийхи ваа д̇ийхи ваа аажариязхи висум̣ висум̣ згзна згассаад̇и звам̣ згаббахаарзнзва д̣̇вз д̇иссо ваа гаммаваажаа гаад̇аб̣б̣аа. сажз бана наанаажарияаа наанубаж̇жхааяаа хонд̇и, д̇иссад̇т̇зро суманад̇т̇зрасса сад̣̇д̇хивихааригам̣, суманад̇т̇зро д̇иссад̇т̇зрасса сад̣̇д̇хивихааригам̣ ануссаавзд̇и, ан̃н̃аман̃н̃ан̃жа г̇ан̣абуурагаа хонд̇и, ваддад̇и. сажз наанубаж̇жхааяаа хонд̇и, зго аажарияо ход̇и, ‘‘на д̇взва наанубаж̇жхааязнаа’’д̇и бадигкид̇д̇ад̇д̇аа на ваддад̇и. ид̣̇ам̣ санд̇хааяа хи зса бадигкзбо.
батамам̣ убаж̇жхам̣ г̇аахаабзд̇аб̣б̣од̇и зд̇т̇а важ̇ж̇ааваж̇ж̇ам̣ убаниж̇жхааяад̇ийд̇и убаж̇жхаа, д̇ам̣ убаж̇жхам̣ ‘‘убаж̇жхааяо мз, бханд̇з, хохий’’д̇и звам̣ вад̣̇аабзд̇ваа г̇аахаабзд̇аб̣б̣о. вид̇т̇ааяанд̇ийд̇и вид̇т̇ад̣̇д̇хаг̇ад̇д̇аа хонд̇и. яам̣ ж̇аад̇анд̇и яам̣ д̇ава сарийрз ж̇аад̇ам̣ ниб̣б̣ад̇д̇ам̣ виж̇ж̇амаанам̣, д̇ам̣ сан̇гхамаж̇жхз бужчанд̇з санд̇ам̣ ад̇т̇ийд̇и вад̇д̇аб̣б̣анд̇иаад̣̇и. уллумбад̇у манд̇и уд̣̇д̇харад̇у мам̣.
д̇аавад̣̇зваад̇и чааяаа мзд̇аб̣б̣аад̇и згаборисаа ваа д̣̇виборисаа ваад̇и чааяаа мзд̇аб̣б̣аа. уд̇уббамаан̣ам̣ аажигкид̇аб̣б̣анд̇и ‘‘вассаано хзманд̇о г̇имхо’’д̇и уд̇уббамаан̣ам̣ аажигкид̇аб̣б̣ам̣. зд̇т̇а жа уд̇уязва уд̇уббамаан̣ам̣. сажз вассаанаад̣̇аяо абарибун̣н̣аа хонд̇и, яад̇д̇агзхи д̣̇ивасзхи яасса яо уд̇у абарибун̣н̣о, д̇з д̣̇ивасз саллагкзд̇ваа со д̣̇ивасабхааг̇о аажигкид̇аб̣б̣о. ат̇а ваа ‘‘аяам̣ наама уд̇у, со жа ко барибун̣н̣о абарибун̣н̣о ваа’’д̇и звам̣ уд̇уббамаан̣ам̣ аажигкид̇аб̣б̣ам̣, ‘‘буб̣б̣ан̣хо ваа сааяанхо ваа’’д̇и звам̣ д̣̇ивасабхааг̇о аажигкид̇аб̣б̣о. сан̇г̇ийд̇ийд̇и ид̣̇амзва саб̣б̣ам̣ згад̇о гад̇ваа ‘‘д̇вам̣ гим̣ лабхаси, гаа д̇з чааяаа, гим̣ уд̇уббамаан̣ам̣, го д̣̇ивасабхааг̇о’’д̇и будто ‘‘ид̣̇ам̣ наама лабхаами вассам̣ ваа хзманд̇ам̣ ваа г̇имхам̣ ваа, аяам̣ мз чааяаа, ид̣̇ам̣ уд̇уббамаан̣ам̣, аяам̣ д̣̇ивасабхааг̇од̇и вад̣̇зяяаасий’’д̇и звам̣ аажигкид̇аб̣б̣ам̣.
охааяаад̇и чад̣д̣зд̇ваа. д̣̇уд̇ияам̣ д̣̇аад̇унд̇и убасамбад̣̇амаал̣агад̇о баривзн̣ам̣ г̇ажчанд̇асса д̣̇уд̇ияагам̣ д̣̇аад̇ум̣ ануж̇аанаами, жад̇д̇аари жа агаран̣ийяаани аажигкид̇унд̇и ад̇т̇о. бан̣д̣убалаасод̇и бан̣д̣уван̣н̣о бад̇д̇о. б̣анд̇ханаа бавуд̇д̇од̇и ван̣дад̇о бад̇ид̇о. абхаб̣б̣о харид̇ад̇т̇ааяаад̇и буна харид̇о бхавид̇ум̣ бут̇усилаад̇и махаасилаа. аяам̣ саманд̇абаасаад̣̇игад̇о нийхарид̇ваа аабхад̇о убасамбад̣̇аавинижчаяо.
анубаж̇жхааяаад̣̇ивад̇т̇уусу сигкаабад̣̇ам̣ абан̃н̃ад̇д̇анд̇и ‘‘на анубаж̇жхааяаго убасамбаад̣̇зд̇аб̣б̣о’’д̇и (махаава. 117) ид̇хзва бан̃н̃аабияамаанам̣ сигкаабад̣̇ам̣ санд̇хааяа вуд̇д̇ам̣. гаммам̣ бана на губбад̇ийд̇и ид̣̇ам̣ убаж̇жхааяаабхаавзби ‘‘ид̇т̇аннаамасса убасамбад̣̇аабзгкаа ид̇т̇аннаамзна убаж̇жхааязнаа’’д̇и сан̇гхзна убаж̇жхааязнаад̇и ‘‘аяам̣ ид̇т̇аннаамо сан̇гхасса убасамбад̣̇аабзгко, ид̇т̇аннаамо сан̇гхам̣ убасамбад̣̇ам̣ яаажад̇и сан̇гхзна убаж̇жхааязнаа’’д̇и звам̣ гаммаваажааяа сан̇гхамзва убаж̇жхааяам̣ гид̇д̇зд̇ваад̇и ад̇т̇о. звам̣ г̇ан̣зна убаж̇жхааязнаад̇и зд̇т̇ааби ‘‘аяам̣ ид̇т̇аннаамо г̇ан̣асса убасамбад̣̇аабзгко’’д̇иаад̣̇инаа яож̇анаа взд̣̇ид̇аб̣б̣аа. звам̣ вуд̇д̇зби гаммам̣ на губбад̇и зва д̣̇уггадассзва вуд̇д̇ад̇д̇аа, ан̃н̃ат̇аа ‘‘со жа буг̇г̇ало анубасамбанно’’д̇и вад̣̇зяяа. д̇знааха ‘‘сан̇гхзнаа’’д̇иаад̣̇и. д̇ад̇т̇а бан̣д̣агаад̣̇иубаж̇жхааязхи гарияамаанзсу гаммзсу бан̣д̣агаад̣̇игз винаава яад̣̇и бан̃жаваг̇г̇аад̣̇иг̇ан̣о буурад̇и, гаммам̣ на губбад̇и, ид̇арат̇аа губбад̇ийд̇и взд̣̇ид̇аб̣б̣ам̣.
абад̇д̇ажийваравад̇т̇уусуби бад̇д̇ажийвараанам̣ абхаавзби ‘‘барибун̣н̣асса бад̇д̇ажийвара’’нд̇и гаммаваажааяа саавид̇ад̇д̇аа гаммагобам̣ авад̇ваа д̣̇уггадамзва вуд̇д̇ам̣. ид̇арат̇аа сааванааяа хаабанад̇о гаммагобо зва сияаа. гзжи бана ‘‘батамам̣ анун̃н̃аад̇агаммаваажааяам̣ убасамбаннаа вияа ид̣̇ааниби ‘барибун̣н̣асса бад̇д̇ажийвара’нд̇и авад̇ваа гаммаваажааяа убасамбаннааби суубасамбаннаа зваа’’д̇и вад̣̇анд̇и, д̇ам̣ на яуд̇д̇ам̣. анун̃н̃аад̇агаалад̇о бадтааяа хи абараамасанам̣ сааванааяа хаабанавибад̇д̇и зва ход̇и ‘‘ид̇т̇аннаамо сан̇гхам̣ убасамбад̣̇ам̣ яаажад̇ий’’д̇и бад̣̇асса хаабанз вияа
важ̇ираб̣уд̣̇д̇хидийгааяам̣ (важ̇ира. дий. махааваг̇г̇а 117) бана ‘‘гзжи губбад̇ийд̇и вад̣̇анд̇и, д̇ам̣ на г̇ахзд̇аб̣б̣а’’нд̇и яам̣ вуд̇д̇ам̣, д̇ам̣ ‘‘бан̃жаваг̇г̇агаран̣ийяан̃жз, бхигкавз, гаммам̣, бхигкунибан̃жамо гаммам̣ гарзяяа, агаммам̣ на жа гаран̣ийяа’’нд̇иаад̣̇инаа (махаава. 390) наязна вуд̇д̇ад̇д̇аа бан̣д̣агаанам̣ г̇ан̣абууран̣абхаавз зва гаммам̣ губбад̇и, на саб̣б̣анд̇и гад̇ваа сувуд̇д̇ам̣, ид̇арат̇аа ‘‘бан̣д̣агубаж̇жхааязна гаммам̣ гарзяяа, агаммам̣ на жа гаран̣ийяа’’нд̇иаад̣̇игааяа баал̣ияаа бхавид̇аб̣б̣ам̣ сияаа. яат̇аа абарибун̣н̣абад̇д̇ажийварасса убасамбаад̣̇анагаалз гаммаваажааяам̣ ‘‘барибун̣н̣асса бад̇д̇ажийвара’’нд̇и асанд̇ам̣ вад̇т̇ум̣ гид̇д̇зд̇ваа убасамбад̣̇ааяа гад̇ааяа д̇асмим̣ асанд̇зби убасамбад̣̇аа рухад̇и, звам̣ ‘‘аяам̣ б̣уд̣̇д̇харагкид̇о ааяасмад̇о д̇хаммарагкид̇асса убасамбад̣̇аабзгко’’д̇и авад̇т̇ум̣ бан̣д̣агубаж̇жхааяаад̣̇им̣, асанд̇ам̣ ваа вад̇т̇ум̣ гид̇д̇зд̇ваа гад̇ааяаби г̇ан̣абуурагаанамад̇т̇ид̇ааяа убасамбад̣̇аа рухад̇зва. ‘‘на, бхигкавз, бан̣д̣агубаж̇жхааязна убасамбаад̣̇зд̇аб̣б̣о, яо убасамбаад̣̇зяяа, аабад̇д̇и д̣̇уггадасса, со жа буг̇г̇ало анубасамбанно’’д̇иаад̣̇иважанасса абхааваа аяамад̇т̇о сид̣̇д̇хова ход̇и. на хи б̣уд̣̇д̇хаа вад̇д̇аб̣б̣аяуд̇д̇ам̣ на вад̣̇анд̇и. д̇зна вуд̇д̇ам̣ ‘‘яо бана бхигку ж̇аанам̣ уунавийсад̇ивассам̣
гин̃жа бхияяо – ‘‘имаани жад̇д̇аари гаммаани бан̃жахаагаарзхи вибаж̇ж̇анд̇ий’’д̇иаад̣̇инаа (бари. 482) наязна гаммаанам̣ самбад̇д̇ивибад̇д̇ияаа гат̇ияамаанааяа ‘‘сад̇д̇ахи аагаарзхи гаммаани вибаж̇ж̇анд̇и вад̇т̇уд̇о ваа н̃ад̇д̇ид̇о ваа ануссааванад̇о ваа сиймад̇о ваа барисад̇о ваа убаж̇жхааяад̇о ваа аажарияад̇о ваа’’д̇и агат̇ид̇ад̇д̇аа на г̇ахзд̇аб̣б̣ам̣. ‘‘барисад̇о ваа’’д̇и важанзна аажарияубаж̇жхааяаанам̣ ваа сан̇г̇ахо гад̇од̇и жз? на, ‘‘д̣̇ваад̣̇асахи аагаарзхи барисад̇о гаммаани вибаж̇ж̇анд̇ий’’д̇и зд̇асса вибхан̇г̇з д̇зсаманаамадтад̇д̇аа, аяамад̇т̇о яасмаа д̇ад̇т̇а д̇ад̇т̇а саруубзна вуд̇д̇абаал̣ивасзнзва
д̇ад̇рид̣̇ам̣ вижаарзд̇аб̣б̣ам̣ – анубаж̇жхааяагам̣ убасамбаад̣̇знд̇аа д̇з бхигкуу яат̇аавуд̇д̇анаязна абхууд̇ам̣ вад̇т̇ум̣ гид̇д̇аяим̣су, уд̣̇ааху мусааваад̣̇абхаяаа д̇аанзва бад̣̇аани на саавзсунд̇и. гин̃жзд̇т̇а – яад̣̇и д̇аава убаж̇жхааяаабхаавад̇о на саавзсум̣, ‘‘буг̇г̇алам̣ на бараамасад̇ий’’д̇и вуд̇д̇авибад̇д̇иббасан̇г̇о ход̇и, ат̇а саавзсум̣, мусааваад̣̇о нзсам̣ бхавад̇ийд̇и? вужжад̇з – саавзсум̣язва яат̇аавуд̇д̇авибад̇д̇иббасан̇г̇абхаяаа, ‘‘гаммам̣ бана на губбад̇ий’’д̇и адтагат̇ааяам̣ вуд̇д̇ад̇д̇аа жа. на, мусааваад̣̇асса асамбхавад̇о, мусааваад̣̇знаби гаммасамбхавад̇о жа. на хи саггаа мусааваад̣̇зна гаммавибад̇д̇исамбад̇д̇им̣ гаад̇унд̇и. д̇асмаа ‘‘анубаж̇жхааяагам̣ убасамбаад̣̇знд̇ий’’д̇и важанасса жа убхаяад̣̇осавинимуд̇д̇о ад̇т̇о бариязсид̇аб̣б̣о.
аяан̃жзд̇т̇а
абад̇д̇ажийварам̣ убасамбаад̣̇знд̇ийд̇и гаммаваажаажарияо ‘‘барибун̣н̣асса бад̇д̇ажийвара’’нд̇и сан̃н̃ааяа, гзвалам̣ ад̇т̇асамбад̇д̇им̣ анабзгкид̇ваа санд̇абад̣̇анийхаарзна ваа ‘‘барибун̣н̣асса бад̇д̇ажийвара’’нд̇и гаммаваажам̣ саавзд̇и. яат̇аа зд̇арахи мад̇авиббавуд̇д̇амаад̇аабид̇игоби ‘‘анун̃н̃аад̇оси маад̇аабид̇уухий’’д̇и будто ‘‘аама бханд̇з’’д̇и вад̣̇ад̇и, гим̣ б̣ахунаа? аяам̣ банзд̇т̇а сааро – ‘‘д̇асмим̣ самаяз жад̇д̇аари гаммаани бан̃жахаагаарзхи вибаж̇ж̇анд̇ий’’д̇и лагкан̣асса на д̇аава бан̃н̃ад̇д̇ад̇д̇аа анубаж̇жхааяагаад̣̇им̣ убасамбаад̣̇знд̇и. важ̇ж̇анийяабуг̇г̇алаанам̣ авуд̇д̇ад̇д̇аа бан̣д̣агубаж̇жхааяаад̣̇им̣ убасамбаад̣̇знд̇и, д̇зрасанд̇арааяабужчааяа ад̣̇ассанад̇д̇аа абад̇д̇ажийварагам̣ убасамбаад̣̇знд̇и, ‘‘ануж̇аанаами бхигкавз н̃ад̇д̇ижад̇уд̇т̇зна гаммзна убасамбаад̣̇зд̇у’’нд̇и (махаава. 69) звам̣ саб̣б̣абатамам̣ анун̃н̃аад̇ааяа гаммаваажааяа ‘‘барибун̣н̣асса бад̇д̇ажийвара’’нд̇и аважанамзд̇т̇а саад̇хаганд̇и взд̣̇ид̇аб̣б̣ам̣. д̇ан̃хи важанам̣ ануггамзнаанун̃н̃аад̇анд̇и.
ид̣̇ам̣ д̇аава саб̣б̣ат̇аа ход̇у, ‘‘мууг̇ам̣ баб̣б̣ааж̇знд̇и б̣ад̇хирам̣ баб̣б̣ааж̇знд̇ий’’д̇и ид̣̇ам̣ гат̇ам̣ самбхавид̇умарахад̇и аад̣̇ид̇о бадтааяа ‘‘ануж̇аанаами бхигкавз имзхи д̇ийхи саран̣аг̇аманзхи баб̣б̣аж̇ж̇а’’нд̇иаад̣̇инаа анун̃н̃аад̇ад̇д̇аад̇и? вужжад̇з – ‘‘зван̃жа бана, бхигкавз, баб̣б̣ааж̇зд̇аб̣б̣од̇и, звам̣ вад̣̇зхийд̇и вад̇д̇аб̣б̣о…бз… д̇ад̇ияамби сан̇гхам̣ саран̣ам̣ г̇ажчаамий’’д̇и зд̇т̇а ‘‘звам̣ вад̣̇зхийд̇и вад̇д̇аб̣б̣о’’д̇и имасса важанасса мижчаа ад̇т̇ам̣ г̇ахзд̇ваа мууг̇ам̣ баб̣б̣ааж̇зсум̣. ‘‘звам̣ вад̣̇зхий’’д̇и д̇ам̣ баб̣б̣аж̇ж̇аабзгкам̣ аан̣аабзд̇ваа саяам̣ убаж̇жхааязна вад̇д̇аб̣б̣о ‘‘д̇ад̇ияамби сан̇гхам̣ саран̣ам̣ г̇ажчаамий’’д̇и, со баб̣б̣аж̇ж̇аабзгкаа д̇ат̇аа аан̣ад̇д̇о убаж̇жхааяаважанасса ану ану вад̣̇ад̇у ваа маа ваа, д̇ад̇т̇а д̇ад̇т̇а бхаг̇аваа ‘‘гааязна вин̃н̃аабзд̇и, ваажааяа вин̃н̃аабзд̇и, гааязна ваажааяа вин̃н̃аабзд̇и, г̇ахид̇о ход̇и убаж̇жхааяо. д̣̇инно ход̇и чанд̣̇о, д̣̇иннаа ход̇и баарисуд̣̇д̇хи, д̣̇иннаа ход̇и бавааран̣аа’’д̇и вад̣̇ад̇и
аяам̣
абижа д̇зсам̣ хад̇т̇ажчиннаад̣̇ийнам̣ баб̣б̣аж̇ид̇аанам̣ субаб̣б̣аж̇ид̇абхаавад̣̇ийбанад̇т̇ам̣, баб̣б̣аж̇ж̇аабхаавасан̇гаанивааран̣ад̇т̇ан̃жзд̇т̇а баб̣б̣аж̇ж̇аабхилаабо гад̇о. гат̇ам̣? ‘‘на, бхигкавз, хад̇т̇ажчинно баб̣б̣ааж̇зд̇аб̣б̣о’’д̇иаад̣̇инаа (махаава. 119) бадигкзбзна, ‘‘баб̣б̣аж̇ид̇аа субаб̣б̣аж̇ид̇аа’’д̇и вуд̇д̇адтаанаабхаавзна жа д̇зсам̣ баб̣б̣аж̇ж̇аабхаавасан̇гаа бхавзяяа, яат̇аа басан̇гаа бхавз, д̇ат̇аа басан̇гам̣ табзяяа. канд̇хагз убасамбад̣̇ам̣ санд̇хааяа ‘‘хад̇т̇ажчинно, бхигкавз, абад̇д̇о осааран̣ам̣, д̇ан̃жз сан̇гхо осаарзд̇и, сосаарид̇о’’д̇иаад̣̇инаа (махаава. 396) наязна бхаг̇аваа ниваарзд̇и. д̇знзва наязна баб̣б̣аж̇ид̇аа банзд̇з саб̣б̣зби субаб̣б̣аж̇ид̇аа зваад̇и д̣̇ийбзд̇и. ан̃н̃ат̇аа саб̣б̣збзд̇з убасамбаннаава хонд̇и, на баб̣б̣аж̇ид̇аад̇и аяаманидтаббасан̇г̇о аабаж̇ж̇ад̇и. гат̇ам̣? ‘‘хад̇т̇ажчинно, бхигкавз, на баб̣б̣ааж̇зд̇аб̣б̣о, баб̣б̣аж̇ид̇о наасзд̇аб̣б̣о’’д̇и ваа ‘‘на, бхигкавз, хад̇т̇ажчинно баб̣б̣ааж̇зд̇аб̣б̣о, яо баб̣б̣ааж̇зяяа, аабад̇д̇и д̣̇уггадасса, со жа абаб̣б̣аж̇ид̇о’’д̇и (махаава. 119) ваа д̇анд̇ияаа табид̇ааяа жамбзяяагканд̇хагз ‘‘сосаарид̇о’’д̇и вуд̇д̇ад̇д̇аа гзвалам̣ ‘‘имз хад̇т̇ажчиннаад̣̇аяо убасамбаннаава хонд̇и, на баб̣б̣аж̇ид̇аа’’д̇и ваа ‘‘убасамбаннааби жз баб̣б̣аж̇ид̇аа, наасзд̇аб̣б̣аа’’д̇и ваа анидтагодтаасо аабаж̇ж̇ад̇ийд̇и ад̇хиббааяо.
ид̣̇ам̣
‘‘г̇од̇д̇знаби ануссаавзд̇у’’нд̇и (махаава. 122) важанад̇о язна вохаарзна вохарад̇и, д̇зна ваддад̇ийд̇и сид̣̇д̇хам̣, д̇асмаа ‘‘го наамо д̇з убаж̇жхааяо’’д̇и будтзнаби г̇од̇д̇амзва наамам̣ гад̇ваа вад̇д̇аб̣б̣анд̇и сид̣̇д̇хам̣ ход̇и, д̇асмаа жад̇уб̣б̣ид̇хзсу наамзсу язна гзнажи наамзна ануссааванаа гаад̇аб̣б̣аад̇и вад̣̇анд̇и. згасса б̣ахууни наамаани хонд̇и, д̇ад̇т̇а згам̣ наамам̣ н̃ад̇д̇ияаа, згам̣ ануссааванааяа гаад̇ум̣ на ваддад̇и, ад̇т̇ад̇о б̣яан̃ж̇анад̇о жа абхиннаахи ануссааванаахи бхавид̇аб̣б̣анд̇и. гин̃жааби ‘‘ид̇т̇аннаамо ид̇т̇аннаамасса ааяасмад̇о’’д̇и баал̣ияам̣ ‘‘ааяасмад̇о’’д̇и бад̣̇ам̣ бажчаа вуд̇д̇ам̣, гаммаваажаабаал̣ияам̣ бана ‘‘аяам̣ б̣уд̣̇д̇харагкид̇о ааяасмад̇о д̇хаммарагкид̇ассаа’’д̇и батамам̣ ликанд̇и, д̇ам̣ уббадибаадияаа вуд̇д̇анд̇и на бажжзд̇аб̣б̣ам̣. баал̣ияан̃хи ‘‘ид̇т̇аннаамо ид̇т̇аннаамассаа’’д̇и ад̇т̇амад̇д̇ам̣ д̣̇ассид̇ам̣, д̇асмаа баал̣ияам̣ авуд̇д̇оби ‘‘аяам̣ б̣уд̣̇д̇харагкид̇о ааяасмад̇о д̇хаммарагкид̇ассаа’’д̇и гаммаваажаабаал̣ияам̣ баяог̇о д̣̇ассид̇о. ‘‘на мз
згаануссааванзд̇и зд̇т̇а згад̇о ануссааванам̣ зд̇зсанд̇и згаануссааванаад̇и асамаанаад̇хигаран̣ависаяо б̣аахирад̇т̇асамаасод̇и д̣̇адтаб̣б̣ам̣. д̇знзвааха ‘‘д̣̇вз згад̇о ануссааванз’’д̇и. д̇ад̇т̇а згад̇од̇и згагкан̣зд̇и ад̇т̇о, вибхад̇д̇иалобзна жааяам̣ нид̣̇д̣̇зсо. буриманаязнзва згад̇о ануссааванз гаад̇унд̇и ‘‘згзна згасса, ан̃н̃зна ид̇арассаа’’д̇иаад̣̇инаа буб̣б̣з вуд̇д̇анаязна д̣̇вийхи ваа д̇ийхи ваа аажариязхи згзна ваа згад̇о ануссааванз гаад̇ум̣. важ̇ж̇ааваж̇ж̇ам̣ убаниж̇жхааяад̇ийд̇и убаж̇жхаад̇и иминаа убаж̇жхааяасад̣̇д̣̇асамаанад̇т̇о убаж̇жхаасад̣̇д̣̇обийд̇и ад̇т̇ам̣ д̣̇ассзд̇ийд̇и саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.123).
г̇од̇д̇знаабийд̇и ‘‘ааяасмад̇о биббалисса убасамбад̣̇аабзгко’’д̇и звам̣ наамам̣ авад̇ваа г̇од̇д̇анаамзнабийд̇и ад̇т̇о, д̇зна ‘‘го наамо д̇з убаж̇жхааяо’’д̇и будтзна г̇од̇д̇анаамзна ‘‘ааяасмаа гассабо’’д̇и вад̇д̇аб̣б̣анд̇и сид̣̇д̇хам̣ ход̇и. д̇асмаа ан̃н̃амби яам̣ гин̃жи д̇асса наамам̣ басид̣̇д̇хам̣, д̇асмим̣ ваа кан̣з сукаг̇г̇ахан̣ад̇т̇ам̣ наамам̣ бан̃н̃аабид̇ам̣, д̇ам̣ саб̣б̣ам̣ г̇ахзд̇вааби ануссааванаа гаад̇аб̣б̣аа. яат̇аа убаж̇жхааяасса, звам̣ убасамбад̣̇аабзгкассааби г̇од̇д̇аад̣̇инаамзна
д̇ад̇т̇а жа гин̃жааби убаж̇жхааяассзва наамам̣ аг̇г̇ахзд̇ваа язна гзнажи наамзна ‘‘д̇иссасса убасамбад̣̇аабзгко’’д̇иаад̣̇инааби буг̇г̇алз бараамадтз гаммам̣ сугад̇амзва ход̇и анубаж̇жхааяагаад̣̇ийнам̣ убасамбад̣̇аагаммам̣ вияа убаж̇жхааяасса абхаавзби абхаб̣б̣ад̇д̇зби гаммаваажааяа буг̇г̇алз бараамадтз гаммасса
яам̣ бана убасамбад̣̇аабзгкаубаж̇жхааяаанам̣ згад̇т̇а г̇ахид̇ам̣ наамам̣ д̇ад̣̇зва н̃ад̇д̇ияаа, саб̣б̣ад̇т̇а ануссааванаасу жа г̇ахзд̇аб̣б̣ам̣. г̇ахид̇ад̇о хи ан̃н̃асмим̣ г̇ахид̇з б̣яан̃ж̇анам̣ бхиннам̣ наама ход̇и, гаммам̣
баал̣ияам̣ (махаава. 126) бана гин̃жааби ‘‘ид̇т̇аннаамасса ааяасмад̇о’’д̇и бажчад̇о ‘‘ааяасмад̇о’’д̇и бад̣̇ам̣ вуд̇д̇ам̣, д̇ат̇ааби ‘‘ааяасмаа саарибуд̇д̇о ад̇т̇агусало’’д̇иаад̣̇инаа наамасса бурад̇о ‘ааяасманд̇абад̣̇а’яог̇асса д̣̇ассанад̇о бурад̇ова баяог̇о яуд̇д̇ад̇аро, д̇ан̃жа згад̇т̇а яож̇зд̇ваа ан̃н̃ад̇т̇а аяож̇ид̇зби згад̇т̇а бурад̇о яож̇зд̇ваа ан̃н̃ад̇т̇а бажчад̇о яож̇анзби сааванааяа хаабанам̣ наама на ход̇и наамасса ахаабид̇ад̇д̇аа. д̇знзва баал̣ияамби ‘‘ид̇т̇аннаамасса ааяасмад̇о’’д̇и згад̇т̇а яож̇зд̇ваа ‘‘ид̇т̇аннаамзна убаж̇жхааязнаа’’д̇иаад̣̇ийсу ‘‘ааяасмад̇о’’д̇и на яож̇ид̇анд̇и вад̣̇анд̇и. д̇ан̃жа гин̃жааби звам̣, д̇ат̇ааби саб̣б̣адтаанзби згзнзва багаарзна яож̇зд̇ваа зва ваа аяож̇зд̇ваа ваа ануссааванам̣ басад̇т̇ад̇аранд̇и г̇ахзд̇аб̣б̣ам̣.
згад̇о сахзва згасмим̣ кан̣з ануссааванам̣ зд̇зсанд̇и згаануссааванаа, убасамбад̣̇аабзгкаа, зд̇з згаануссааванз гаад̇ум̣. д̇знааха ‘‘згад̇оанусааванз’’д̇и. ид̣̇ан̃жа згам̣ бад̣̇ам̣ вибхад̇д̇иалобзна д̣̇адтаб̣б̣ам̣. згзна ваад̇и д̣̇виннамби згасмим̣ кан̣з згааяа зва гаммаваажааяа ануссааванз згзна аажариязнаад̇и ад̇т̇о. ‘‘аяам̣ б̣уд̣̇д̇харагкид̇о жа аяам̣ д̇хаммарагкид̇о жа ааяасмад̇о сан̇гхарагкид̇асса
буриманаязнзва згад̇о ануссааванз гаад̇унд̇и ‘‘згзна згасса, ан̃н̃зна ид̇арассаа’’д̇иаад̣̇инаа буб̣б̣з вуд̇д̇анаязна д̣̇виннам̣ д̣̇вийхи ваа д̇ин̣н̣ам̣ д̇ийхи ваа аажариязхи, згзна ваа аажариязна д̇аяоби згад̇оануссааванз гаад̇унд̇и ад̇т̇о. ‘‘д̇ан̃жа ко згзна убаж̇жхааязна, на д̇взва наанубаж̇жхааязнаа’’д̇и ид̣̇ам̣ згзна аажариязна д̣̇вийхи ваа д̇ийхи ваа убаж̇жхааязхи д̣̇вз ваа д̇аяо ваа убасамбад̣̇аабзгкз згагкан̣з згааяа ануссааванааяа згаануссааванз гаад̇ум̣ на ваддад̇ийд̇и бадигкзбабад̣̇ам̣, на бана наанаажариязхи наанубаж̇жхааязхи д̇аяо згаануссааванз гаад̇ум̣ на ваддад̇ийд̇и ааха ‘‘сажз бана наанаажарияаа наанубаж̇жхааяаа…бз… ваддад̇ий’’д̇и. яан̃жзд̇т̇а ‘‘д̇иссад̇т̇зро суманад̇т̇зрасса сад̣̇д̇хивихааригам̣, суманад̇т̇зро д̇иссад̇т̇зрасса сад̣̇д̇хивихаарига’’нд̇и звам̣ убаж̇жхааязхи ан̃н̃аман̃н̃ам̣ сад̣̇д̇хивихааригаанам̣ ануссааванагаран̣ам̣ вуд̇д̇ам̣, д̇ам̣ убалагкан̣амад̇д̇ам̣. д̇асмаа сажз д̇иссад̇т̇зро суманад̇т̇зрасса сад̣̇д̇хивихааригам̣, суманад̇т̇зро нанд̣̇ад̇т̇зрасса сад̣̇д̇хивихааригам̣ ануссаавзд̇и, ан̃н̃аман̃н̃ан̃жа г̇ан̣абуурагаа хонд̇и, ваддад̇и зва. сажз бана убаж̇жхааяо саяамзва ад̇д̇ано сад̣̇д̇хивихааригам̣ ануссаавзд̇и, зд̇т̇а вад̇д̇аб̣б̣амзва над̇т̇и, гаммам̣ сугад̇амзва ход̇и, анубаж̇жхааяагассаби язна гзнажи ануссаавид̇з убасамбад̣̇аа ход̇и, гиман̇г̇ам̣ бана саубаж̇жхааяагасса убаж̇жхааязнзва ануссааванзд̇и д̣̇адтаб̣б̣ам̣. д̇знзва навадданабагкам̣ д̣̇ассзд̇ум̣ ‘‘сажз банаа’’д̇иаад̣̇имааха.
убаж̇жхаад̇и убаж̇жхааяасад̣̇д̣̇асамаанад̇т̇о аагааранд̇о убаж̇жхаасад̣̇д̣̇од̇и д̣̇ассзд̇и. убаж̇жхааяа-сад̣̇д̣̇о зва ваа убаж̇жхаа, убаяог̇абажжад̇д̇аважанзсу яа-гаара лобам̣ гад̇ваа звам̣ вуд̇д̇о гаран̣аважанаад̣̇ийсу убаж̇жхаасад̣̇д̣̇асса баяог̇аабхааваад̇и д̣̇адтаб̣б̣ам̣. баал̣ияам̣ ад̇д̇анаава ад̇д̇аанам̣ самманнид̇аб̣б̣анд̇и ад̇д̇анаава гад̇д̇убхууд̇зна гаран̣абхууд̇зна ад̇д̇аанамзва гаммабхууд̇ам̣ ад̇д̇аананд̇и ваа бажжад̇д̇з убаяог̇аважанам̣, ад̇д̇анаава ад̇д̇аа самманнид̇аб̣б̣од̇и ад̇т̇о. на гзвалан̃жа зд̇т̇зва, ан̃н̃ад̇рааби д̇зрасасаммуд̇иаад̣̇ийсу иминаава лагкан̣зна ад̇д̇анаава ад̇д̇аа самманнид̇аб̣б̣ова. абижа саяам̣ гаммаарахад̇д̇аа ад̇д̇аанам̣ мун̃жид̇ваа жад̇уваг̇г̇аад̣̇иго г̇ан̣о саб̣б̣ад̇т̇а ижчид̇аб̣б̣о.
сажжагаалод̇и бхууд̇агаалод̇и ван̃жанааяа абхаавзби мануссад̇д̇аад̣̇ивад̇т̇уно бхууд̇ад̇ааяа авассам̣ ижчид̇аб̣б̣агаало, ид̇арат̇аа гаммагобаад̣̇ианд̇арааяо ход̇ийд̇и ад̇хиббааяо. ман̇гууд̇и ад̇хомуко. уд̣̇д̇харад̇ууд̇и анубасамбаннабхаавад̇о убасамбад̇д̇ияам̣ бад̇идтабзд̇ууд̇и ад̇т̇о.
саб̣б̣агаммаваажаасу ад̇т̇агосаллад̇т̇ам̣ банзд̇т̇а убасамбад̣̇агаммаваажааяа звамад̇т̇о д̣̇адтаб̣б̣о – сун̣аад̇ууд̇и саванаан̣ад̇д̇ияам̣ батамабурисзгаважанам̣. д̇ан̃жа гин̃жааби яо со сан̇гхо саванагирияааяам̣ нияож̇ийяад̇и, д̇асса саммукад̇д̇аа ‘‘сун̣аахий’’д̇и маж̇жхимабурисаважанзна вад̇д̇аб̣б̣ам̣, д̇ат̇ааби яасмаа сан̇гхасад̣̇д̣̇асаннид̇хаанз батамабурисаббаяог̇ова сад̣̇д̣̇авид̣̇уухи самаажин̣н̣о бхаванд̇абхаг̇аванд̇аааяасмаад̣̇исад̣̇д̣̇асаннид̇хаанзсу вияа ‘‘ад̇хиваасзд̇у мз бхавам̣ г̇од̇амо (баараа. 22), зд̇асса суг̇ад̇а гаало, яам̣ бхаг̇аваа саавагаанам̣ сигкаабад̣̇ам̣ бан̃н̃абзяяа (баараа. 21), баггамад̇ааяасмаа (баараа. 436), сун̣анд̇у мз ааяасманд̇о’’д̇иаад̣̇ийсу (махаава. 168). д̇асмаа ид̇ха батамабурисаббаяог̇о гад̇о. ат̇а ваа г̇аарававасзнзд̇ам̣ вуд̇д̇ам̣. г̇арудтааниязсу хи г̇аарававасзна маж̇жхимабурисабаяог̇уббад̇д̇ияамби батамабурисаббаяог̇ам̣ баяуж̇ж̇анд̇и ‘‘д̣̇зсзд̇у суг̇ад̇о д̇хамма’’нд̇иаад̣̇ийсу (д̣̇ий. ни. 2.66; ма. ни. 2.338; махаава. 8) вияаад̇и д̣̇адтаб̣б̣ам̣. гзжи бана
мзд̇и яо саавзд̇и, д̇асса ад̇д̇анид̣̇д̣̇зсз саамиважанам̣. бханд̇зд̇и аалабанад̇т̇з вуд̣дхзсу саг̇аарававажанам̣, ‘‘аавусо’’д̇и бад̣̇ам̣ бана навагзсу. д̇ад̣̇убхаяамби нибаад̇о ‘‘д̇умхз бханд̇з д̇умхз аавусо’’д̇и б̣ахуусуби самаанаруубад̇д̇аа. сан̇гход̇и ависзсад̇о жад̇уваг̇г̇аад̣̇игз багад̇ад̇д̇абуг̇г̇аласамуухз вад̇д̇ад̇и. ид̇ха бана бажжанд̇имзсу ж̇анабад̣̇зсу бан̃жаваг̇г̇ад̇о бадтааяа, маж̇жхимзсу ж̇анабад̣̇зсу д̣̇асаваг̇г̇ад̇о бадтааяа сан̇гход̇и г̇ахзд̇аб̣б̣о. д̇ад̇рааяам̣ бин̣д̣ад̇т̇о – бханд̇з, сан̇гхо мама важанам̣ сун̣аад̇ууд̇и. ид̣̇ан̃жа навагад̇арзна вад̇д̇аб̣б̣аважанам̣. сажз бана ануссааваго саб̣б̣зхи бхигкуухи вуд̣дхад̇аро ход̇и, ‘‘сун̣аад̇у мз, аавусо сан̇гхо’’д̇и вад̇д̇аб̣б̣ам̣. соби жз ‘‘бханд̇з’’д̇и вад̣̇зяяа, навагад̇аро ваа ‘‘аавусо’’д̇и, гаммагобо над̇т̇и. гзжи бана ‘‘згад̇т̇а ‘аавусо’д̇и вад̇ваа ан̃н̃ад̇т̇а ‘бханд̇з’д̇и вуд̇д̇зби над̇т̇и д̣̇осо убхаязнаби аалабанасса сиж̇жханад̇о’’д̇и вад̣̇анд̇и.
ид̣̇аани ‘‘аяам̣ ид̇т̇аннаамо’’д̇иаад̣̇имааха. д̇ад̇т̇а аяанд̇и убасамбад̣̇аабзгкасса хад̇т̇абаасз саннихид̇абхаавад̣̇ассанам̣, д̇зна жа хад̇т̇абаасз тид̇ассзва убасамбад̣̇аа рухад̇ийд̇и сиж̇жхад̇и хад̇т̇абаасад̇о б̣ахи тид̇асса ‘‘аяа’’нд̇и на вад̇д̇аб̣б̣ад̇о. д̇знзва анусаасагасаммуд̇ияам̣ со хад̇т̇абаасад̇о б̣ахи тид̇ад̇д̇аа ‘‘аяа’’нд̇и на вуд̇д̇о, д̇асмаа аяам̣ ид̇т̇аннаамод̇и аяам̣-сад̣̇д̣̇о жа авассам̣ баяуж̇ж̇ид̇аб̣б̣о, со жа имасмим̣ батаманаамабаяог̇з зваад̇и г̇ахзд̇аб̣б̣ам̣. ‘‘ид̇т̇аннаамо’’д̇и ид̣̇ам̣ анияамад̇о д̇асса наамад̣̇ассанам̣, убхаязнаби аяам̣ б̣уд̣̇д̇харагкид̇од̇иаад̣̇инаамам̣ д̣̇ассзд̇и. ‘‘убасамбад̣̇аабзгко’’д̇и бхиннаад̇хигаран̣ависаяз б̣ахуб̣б̣ийхисамаасо, убасамбад̣̇ам̣ мз сан̇гхо абзгкамаанод̇и ад̇т̇о. д̇асса жа убаж̇жхааяад̇ам̣ саман̇г̇ибхаавзна д̣̇ассзд̇ум̣ ‘‘ид̇т̇аннаамасса ааяасмад̇о’’д̇и вуд̇д̇ам̣. зд̇зна ‘‘аяам̣ б̣уд̣̇д̇харагкид̇о ааяасмад̇о д̇хаммарагкид̇асса сад̣̇д̇хивихааригабхууд̇о убасамбад̣̇аабзгко’’д̇и звамаад̣̇инаа наязна наамаяож̇анааяа саха ад̇т̇о д̣̇ассид̇о. зд̇т̇а жа ‘‘ааяасмад̇о’’д̇и бад̣̇ам̣ авад̇вааби ‘‘аяам̣ б̣уд̣̇д̇харагкид̇о д̇хаммарагкид̇асса убасамбад̣̇аабзгко’’д̇и вад̇д̇ум̣ ваддад̇и. д̇знзва баал̣ияам̣ ‘‘ид̇т̇аннаамзна убаж̇жхааязнаа’’д̇и зд̇т̇а ‘‘ааяасмад̇о’’д̇и бад̣̇ам̣ на вуд̇д̇ам̣. яан̃жзд̇т̇а вад̇д̇аб̣б̣ам̣, д̇ам̣ хздтаа вуд̇д̇амзва.
нану жзд̇т̇а убаж̇жхааяоби убасамбад̣̇аабзгко вияа хад̇т̇абаасз тид̇о зва ижчид̇аб̣б̣о, ат̇а гасмаа ‘‘аяам̣ ид̇т̇аннаамо имасса ид̇т̇аннаамасса убасамбад̣̇аабзгко’’д̇и звам̣ убаж̇жхааяасса наамабараамасанзби ид̣̇ам̣-сад̣̇д̣̇аббаяог̇о на гад̇од̇и? нааяам̣ вирод̇хо убаж̇жхааяасса абхаавзби гаммагобаабхаавад̇о. гзвалан̃хи гамманиб̣б̣ад̇д̇ияаа санд̇абад̣̇авасзна авиж̇ж̇амаанассаби убаж̇жхааяасса наамагид̇д̇анам̣ анубаж̇жхааяасса убасамбад̣̇аад̣̇ийсуби гарийяад̇и, д̇асмаа убаж̇жхааяасса асаннихид̇ааяаби д̇аббараамасанамад̇д̇знзва гаммасид̣̇д̇хид̇о ‘‘имассаа’’д̇и нид̣̇д̣̇исид̇ум̣ на ваддад̇ийд̇и.
барисуд̣̇д̇хо анд̇арааяигзхи д̇хаммзхийд̇и абхаб̣б̣ад̇д̇аад̣̇игзхи убасамбад̣̇ааяа авад̇т̇угарзхи жзва бан̃жааб̣аад̇хахад̇т̇ажчиннаад̣̇ийхи аабад̇д̇игарзхи жа анд̇арааяигасабхаавзхи баримуд̇д̇о. звам̣ вуд̇д̇з барибун̣н̣асса бад̇д̇ажийваранд̇и барибун̣н̣амасса убасамбад̣̇аабзгкасса бад̇д̇ажийварам̣. звам̣ вуд̇д̇з зва абад̇д̇ажийварассаби убасамбад̣̇аа рухад̇и, наан̃н̃ат̇аа. убасамбад̣̇ам̣ яаажад̇ийд̇и ‘‘сан̇гхам̣, бханд̇з, убасамбад̣̇ам̣ яаажаамий’’д̇иаад̣̇инаа (махаава. 126) яаажаабид̇абхаавам̣ санд̇хааяа вуд̇д̇ам̣. звам̣ д̇зна сан̇гхз аяаажид̇зби убаж̇жхааязнаад̇и убаж̇жхааязна гаран̣абхууд̇зна, ид̇т̇аннаамам̣ убаж̇жхааяам̣ гад̇ваа гаммабхууд̇ам̣ убасамбад̣̇ам̣ д̣̇аад̇ум̣ нибпаад̣̇зд̇ум̣ гад̇д̇убхууд̇ам̣ сан̇гхам̣ яаажад̇ийд̇и ад̇т̇о. яаажад̇хаад̇уно бана д̣̇вигаммагад̇д̇аа ‘‘сан̇гхам̣ убасамбад̣̇а’’нд̇и д̣̇вз гаммабад̣̇аани вуд̇д̇аани.
яад̣̇и сан̇гхасса бад̇д̇агалланд̇и зд̇т̇а бад̇д̇о гаало имасса гаммассаад̇и бад̇д̇агаалам̣, абалоганаад̣̇ижад̇уб̣б̣ид̇хам̣ сан̇гхаг̇ан̣агаммам̣, д̇ад̣̇зва сагад̇т̇з яа-бажжаязна ‘‘бад̇д̇агалла’’нд̇и вужжад̇и. ид̇ха бана н̃ад̇д̇ижад̇уд̇т̇аубасамбад̣̇аагаммам̣ ад̇хиббзд̇ам̣, д̇ам̣ гаад̇ум̣ сан̇гхасса бад̇д̇агаллам̣ ж̇аад̇ам̣. яад̣̇ийд̇и анумад̇иг̇ахан̣авасзна гаммасса бад̇д̇агаллад̇ам̣ н̃аабзд̇и, яо хи гожи д̇ад̇т̇а абад̇д̇агаллад̇ам̣ ман̃н̃иссад̇и, со вагкад̇и. имамзва хи ад̇т̇ам̣ санд̇хааяа ануссааванаасу ‘‘яассааяасмад̇о камад̇и…бз… со бхаасзяяаа’’д̇и (махаава. 127) вуд̇д̇ам̣. д̇ад̣̇зд̇ам̣ бад̇д̇агаллам̣ вад̇т̇усамбад̣̇аа, анд̇арааяигзхи д̇хаммзхи жасса барисуд̣̇д̇хад̇аа, сиймаасамбад̣̇аа, барисаасамбад̣̇аа, буб̣б̣агижжанидтаананд̇и имзхи бан̃жахи ан̇г̇зхи сан̇г̇ахид̇ам̣.
д̇ад̇т̇а вад̇т̇усамбад̣̇аа наама яат̇аавуд̇д̇зхи згаад̣̇асаабхаб̣б̣абуг̇г̇алзхи жзва анд̇имавад̇т̇уаж̇жхаабаннзхи жа ан̃н̃о барибун̣н̣авийсад̇ивассо анубасамбаннабхууд̇о мануссабурисо. зд̇асмин̃хи буг̇г̇алз
анд̇арааяигзхи д̇хаммзхи жасса барисуд̣̇д̇хад̇аа наама яат̇аавуд̇д̇ассзва убасамбад̣̇аавад̇т̇убхууд̇асса буг̇г̇аласса яз имз бхаг̇авад̇аа бадигкид̇д̇аа бан̃жааб̣аад̇хапудтад̇аад̣̇аяо маад̇аабид̇уухи ананун̃н̃аад̇ад̇аабааяосаанаа жзва хад̇т̇ажчиннаад̣̇аяо жа д̣̇осад̇хаммаа гаарагасан̇гхасса аабад̇д̇аад̣̇ианд̇арааяахзд̇уд̇ааяа ‘‘анд̇арааяигаа’’д̇и вужжанд̇и, д̇зхи анд̇арааяигзхи д̣̇осад̇хаммзхи баримуд̇д̇ад̇аа, имиссаа жа сад̇и зва ид̣̇ам̣ гаммам̣ бад̇д̇агаллам̣ наама ход̇и, наасад̇и, гад̇ам̣ бана гаммам̣ сугад̇амзва ход̇и табзд̇ваа уунавийсад̇ивассам̣ буг̇г̇алам̣.
сиймаасамбад̣̇аа бана убосат̇агканд̇хагз (махаава. 138 аад̣̇аяо) вагкамаананаязна саб̣б̣ад̣̇осарахид̇ааяа б̣ад̣̇д̇хааб̣ад̣̇д̇хавасзнзва д̣̇увид̇хааяа сиймааяа васзна взд̣̇ид̇аб̣б̣аа. д̇аад̣̇исааяа хи сиймааяа сад̇и зва ид̣̇ам̣ гаммам̣ бад̇д̇агаллам̣ наама ход̇и, наасад̇и, гад̇ан̃жа гаммам̣ вибаж̇ж̇ад̇и.
барисаасамбад̣̇аа
буб̣б̣агижжанидтаанам̣
ид̇т̇аннаамам̣ убасамбаад̣̇зяяаад̇и убасамбад̣̇аанибпаад̣̇анзна д̇ам̣саман̇г̇им̣ гарзяяа гарод̇ууд̇и бад̇т̇анааяам̣, вид̇химхи ваа ид̣̇ам̣ д̣̇адтаб̣б̣ам̣. яат̇аа хи ‘‘д̣̇звад̣̇ад̇д̇ам̣ сукаабзяяаа’’д̇и вуд̇д̇з сукамасса нибпаад̣̇зд̇ваа д̇ам̣ сукасаман̇г̇инам̣ гарзяяаад̇и ад̇т̇о ход̇и, звамид̇хааби убасамбад̣̇амасса нибпаад̣̇зд̇ваа д̇ам̣ убасамбад̣̇аасаман̇г̇инам̣ гарзяяаад̇и ад̇т̇о. баяож̇агаб̣яаабаарз жзд̇ам̣. яат̇аа сукаяанд̇ам̣ гин̃жи суд̣̇д̇хагад̇д̇аарам̣ гожи хзд̇угад̇д̇аа сукахзд̇унибпаад̣̇анзна сукаабзяяаад̇и вужжад̇и, звамид̇хааби убасамбаж̇ж̇анд̇ам̣ суд̣̇д̇хагад̇д̇аарам̣ буг̇г̇алам̣ хзд̇угад̇д̇убхууд̇о сан̇гхо убасамбад̣̇аахзд̇унибпаад̣̇анзна убасамбаад̣̇зяяаад̇и вуд̇д̇о. зд̇зна жа сукам̣ вияа сукад̣̇ааяагзна сан̇гхзна буг̇г̇аласса д̣̇ийяамаанаа д̇ат̇аабавад̇д̇абарамад̇т̇ад̇хаммз
зсаа н̃ад̇д̇ийд̇и ‘‘сан̇гхо н̃аабзд̇аб̣б̣о’’д̇и вуд̇д̇ан̃аабанаа зсаа. ид̣̇ан̃жа ануссааванаанамби саб̣бхаавасуужанад̇т̇ам̣ вужжад̇и. авассан̃жзд̇ам̣ вад̇д̇аб̣б̣амзва. н̃ад̇д̇игаммз зва д̇ам̣ на вад̇д̇аб̣б̣ам̣. д̇ад̇т̇а бана яяа-гаарз вуд̇д̇амад̇д̇з зва н̃ад̇д̇игаммам̣ нидтид̇ам̣ ход̇ийд̇и д̣̇адтаб̣б̣ам̣. камад̇ийд̇и ружжад̇и. убасамбад̣̇аад̇и сан̇гхзна д̣̇ийяамаанаа нибпаад̣̇ияамаанаа убасамбад̣̇аа, яасса камад̇и, со д̇ун̣хассаад̇и яож̇анаа. д̇ун̣хийд̇и жа агат̇анад̇т̇з нибаад̇о, агат̇анаго асса бхавзяяаад̇и ад̇т̇о. камад̇и сан̇гхасса ид̇т̇аннаамасса убасамбад̣̇аад̇и багад̇зна самб̣анд̇хо. д̇ад̇т̇а гааран̣амааха ‘‘д̇асмаа д̇ун̣хий’’д̇и. д̇ад̇т̇а ‘‘аасий’’д̇и сзсо. яасмаа ‘‘яасса нагкамад̇и, со бхаасзяяаа’’д̇и д̇игкад̇д̇ум̣ вужжамааноби сан̇гхо д̇ун̣хий нираво ахоси, д̇асмаа камад̇и сан̇гхассаад̇и ад̇т̇о. званд̇и иминаа багаарзна. д̇ун̣хийбхаавзнзвзд̇ам̣ сан̇гхасса ружжанабхаавам̣ д̇хаараяаами, б̣уж̇жхаами ж̇аанаамийд̇и ад̇т̇о. ид̇и-сад̣̇д̣̇о барисамаабанад̇т̇з гад̇о, со жа гаммаваажааяа анан̇г̇ам̣, д̇асмаа ануссаавагзна ‘‘д̇хаараяаамий’’д̇и зд̇т̇а ми-гаарабарияосаанамзва вад̇ваа нидтабзд̇аб̣б̣ам̣, ид̇и-сад̣̇д̣̇о на баяуж̇ж̇ид̇аб̣б̣од̇и д̣̇адтаб̣б̣ам̣. иминаа наязна саб̣б̣агаммаваажаанамад̇т̇о взд̣̇ид̇аб̣б̣о.
згаборисаа ваад̇иаад̣̇и сад̇д̇аанам̣ сарийрачааяам̣ баад̣̇зхи минид̇ваа ж̇аананаббагаарад̣̇ассанам̣. часад̇д̇абад̣̇абаримид̇аа хи чааяаа ‘‘борисаа’’д̇и вужжад̇и, ид̣̇ан̃жа уд̇уббамаан̣аажигкан̣аад̣̇и жа ааг̇анд̇угзхи сад̣̇д̇хим̣ виймам̣сид̇ваа вуд̣дханавабхаавам̣ н̃ад̇ваа ванд̣̇анаванд̣̇аабанаад̣̇игаран̣ад̇т̇ам̣ вуд̇д̇ам̣. зд̇и ааг̇ажчад̇и, г̇ажчад̇и жаад̇и уд̇у, сова бамийяад̇з анзна сам̣важчаранд̇и бамаан̣анд̇и ааха ‘‘уд̇уязва уд̇уббамаан̣а’’нд̇и. абарибун̣н̣аад̇и убасамбад̣̇аад̣̇ивасзна абарибун̣н̣аа. яад̣̇и уд̇увзмаж̇жхз убасамбаад̣̇ид̇о, д̇ад̣̇аа д̇асмим̣ уд̇умхи авасидтад̣̇ивасаажигкан̣ам̣ д̣̇ивасабхааг̇аажигкан̣анд̇и д̣̇ассзд̇и. д̇знааха ‘‘яад̇д̇агзхи д̣̇ивасзхи яасса яо уд̇у абарибун̣н̣о, д̇з д̣̇ивасз’’д̇и. д̇ад̇т̇а яасса д̇ан̇кан̣ам̣ лад̣̇д̇хуубасамбад̣̇асса
чааяаад̣̇игамзва саб̣б̣ам̣ сан̇г̇ахзд̇ваа г̇ааяид̇аб̣б̣ад̇о гат̇зд̇аб̣б̣ад̇о сан̇г̇ийд̇ийд̇и ааха ‘‘ид̣̇амзваа’’д̇иаад̣̇и. д̇ад̇т̇а згад̇о гад̇ваа аажигкид̇аб̣б̣ам̣. д̇вам̣ гим̣ лабхасийд̇и д̇вам̣ убасамбаад̣̇анагаалз гад̇аравассам̣, гад̇арауд̇ун̃жа лабхаси, гад̇арасмим̣ д̇з убасамбад̣̇аа лад̣̇д̇хаад̇и ад̇т̇о. вассанд̇и вассаанауд̇у, ид̣̇ан̃жа сам̣важчараажигкан̣ам̣ винаа вуд̇д̇амби на вин̃н̃ааяад̇ийд̇и иминаа уд̇уаажигкан̣знзва саасанавассзсу ваа галияуг̇авассаад̣̇ийсу ваа сахассимз ваа сад̇имз ваа асугауд̇ум̣ лабхаамийд̇и д̣̇ассид̇анд̇и д̣̇адтаб̣б̣ам̣. чааяаад̇и ид̣̇ам̣ баал̣ияам̣ ааг̇ад̇абадибаадим̣ санд̇хааяа вуд̇д̇ам̣, вад̇д̇аб̣б̣агаммад̇о бана галияуг̇авассаад̣̇ийсу саб̣б̣ад̣̇зсабасид̣̇д̇хзсу асугавассз асугауд̇умхи асугамаасз асугаган̣хз ваа суггз ваа багкз асугз д̇ит̇иваарависзсаяуд̇д̇з буб̣б̣ан̣хаад̣̇ид̣̇ивасабхааг̇з зд̇д̇агз чааяаабамаан̣з, наад̣игаабамаан̣з ваа маяаа убасамбад̣̇аа лад̣̇д̇хаад̇и вад̣̇зяяаасийд̇и звам̣ аажигкид̇аб̣б̣ам̣. ид̣̇ам̣ судту уг̇г̇ахзд̇ваа ааг̇анд̇угзхи
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
убасамбад̣̇аавинижчаяагат̇аалан̇гааро.