९. नवकनिपातो
१. भूतत्थेरगाथा
५१८.
‘‘यदा
दुक्खं परिञ्ञाय सतोव झायति, ततो रतिं परमतरं न विन्दति॥
५१९.
‘‘यदा दुक्खस्सावहनिं विसत्तिकं, पपञ्चसङ्घातदुखाधिवाहिनिं।
तण्हं पहन्त्वान सतोव झायति, ततो रतिं परमतरं न विन्दति॥
५२०.
‘‘यदा सिवं द्वेचतुरङ्गगामिनं, मग्गुत्तमं
पञ्ञाय पस्सित्व सतोव झायति, ततो रतिं परमतरं न विन्दति॥
५२१.
‘‘यदा असोकं विरजं असङ्खतं, सन्तं पदं सब्बकिलेससोधनं।
भावेति सञ्ञोजनबन्धनच्छिदं, ततो रतिं परमतरं न विन्दति॥
५२२.
‘‘यदा नभे गज्जति मेघदुन्दुभि, धाराकुला विहगपथे समन्ततो।
भिक्खू च पब्भारगतोव झायति, ततो रतिं परमतरं न विन्दति॥
५२३.
‘‘यदा नदीनं कुसुमाकुलानं, विचित्त-वानेय्य-वटंसकानं।
तीरे निसिन्नो सुमनोव झायति, ततो रतिं परमतरं न विन्दति॥
५२४.
‘‘यदा
भिक्खू च पब्भारगतोव झायति, ततो रतिं परमतरं न विन्दति॥
५२५.
‘‘यदा
वीतद्दरो वीतखिलोव झायति, ततो रतिं परमतरं न विन्दति॥
५२६.
‘‘यदा
सब्बासवे ब्यन्तिकतोव झायति, ततो रतिं परमतरं न विन्दती’’ति॥
… भूतो थेरो…।
नवकनिपातो निट्ठितो।
तत्रुद्दानं –
भूतो तथद्दसो थेरो, एको खग्गविसाणवा।
नवकम्हि निपातम्हि, गाथायोपि इमा नवाति॥