५. पाटिदेसनीयकण्डं (भिक्खुनीविभङ्गो)
१. पठमपाटिदेसनीयसिक्खापदं
इमे खो पनाय्यायो अट्ठ पाटिदेसनीया
धम्मा उद्देसं आगच्छन्ति।
१२२८. तेन
‘‘या पन भिक्खुनी सप्पिं विञ्ञापेत्वा भुञ्जेय्य, पटिदेसेतब्बं ताय भिक्खुनिया – ‘गारय्हं, अय्ये, धम्मं आपज्जिं असप्पायं पाटिदेसनीयं, तं पटिदेसेमी’’’ति।
एवञ्चिदं भगवता
१२२९. तेन
१२३०. ‘‘या पन भिक्खुनी अगिलाना सप्पिं विञ्ञापेत्वा भुञ्जेय्य, पटिदेसेतब्बं ताय भिक्खुनिया – ‘गारय्हं, अय्ये, धम्मं आपज्जिं असप्पायं पाटिदेसनीयं तं पटिदेसेमी’’’ति।
१२३१. या पनाति या यादिसा…पे॰… भिक्खुनीति…पे॰… अयं इमस्मिं अत्थे अधिप्पेता भिक्खुनीति।
अगिलाना नाम यस्सा विना सप्पिना फासु होति।
गिलाना नाम यस्सा विना सप्पिना न फासु होति।
सप्पि नाम गोसप्पि वा अजिकासप्पि वा महिंससप्पि वा। येसं मंसं कप्पति तेसं सप्पि।
अगिलाना अत्तनो अत्थाय विञ्ञापेति, पयोगे दुक्कटं। पटिलाभेन ‘‘भुञ्जिस्सामी’’ति पटिग्गण्हाति, आपत्ति दुक्कटस्स। अज्झोहारे अज्झोहारे
१२३२. अगिलाना अगिलानसञ्ञा सप्पिं विञ्ञापेत्वा भुञ्जति, आपत्ति पाटिदेसनीयस्स। अगिलाना वेमतिका सप्पिं विञ्ञापेत्वा भुञ्जति, आपत्ति पाटिदेसनीयस्स। अगिलाना गिलानसञ्ञा सप्पिं विञ्ञापेत्वा भुञ्जति, आपत्ति पाटिदेसनीयस्स।
गिलाना
१२३३. अनापत्ति
पठमपाटिदेसनीयसिक्खापदं निट्ठितं।
२. दुतियादिपाटिदेसनीयसिक्खापदानि
१२३४. तेन समयेन बुद्धो भगवा सावत्थियं विहरति जेतवने अनाथपिण्डिकस्स आरामे। तेन खो पन समयेन छब्बग्गिया भिक्खुनियो तेलं विञ्ञापेत्वा भुञ्जन्ति…पे॰… मधुं विञ्ञापेत्वा भुञ्जन्ति…पे॰… फाणितं विञ्ञापेत्वा भुञ्जन्ति…पे॰… मच्छं विञ्ञापेत्वा भुञ्जन्ति…पे॰… मंसं विञ्ञापेत्वा भुञ्जन्ति…पे॰… खीरं विञ्ञापेत्वा भुञ्जन्ति…पे॰… दधिं विञ्ञापेत्वा भुञ्जन्ति। मनुस्सा उज्झायन्ति खिय्यन्ति विपाचेन्ति – ‘‘कथञ्हि नाम भिक्खुनियो दधिं विञ्ञापेत्वा भुञ्जिस्सन्ति! कस्स सम्पन्नं न मनापं, कस्स सादुं
‘‘या पन भिक्खुनी दधिं विञ्ञापेत्वा भुञ्जेय्य, पटिदेसेतब्बं ताय भिक्खुनिया – ‘गारय्हं, अय्ये, धम्मं आपज्जिं असप्पायं पाटिदेसनीयं, तं पटिदेसेमी’’’ति।
एवञ्चिदं भगवता भिक्खुनीनं सिक्खापदं पञ्ञत्तं होति।
१२३५. तेन
१२३६. ‘‘या पन भिक्खुनी अगिलाना (तेलं…पे॰… मधुं…पे॰… फाणितं…पे॰… मच्छं…पे॰… मंसं…पे॰… खीरं…पे॰…) दधिं विञ्ञापेत्वा भुञ्जेय्य
१२३७. या पनाति या यादिसा…पे॰… भिक्खुनीति…पे॰… अयं इमस्मिं अत्थे अधिप्पेता भिक्खुनीति।
अगिलाना नाम यस्सा विना दधिना फासु होति।
गिलाना नाम यस्सा विना दधिना न फासु होति।
तेलं नाम तिलतेलं सासपतेलं मधुकतेलं एरण्डतेलं वसातेलं।
मधु नाम मक्खिकामधु। फाणितं नाम उच्छुम्हा निब्बत्तं। मच्छो नाम ओदको वुच्चति। मंसं नाम येसं मंसं कप्पति तेसं मंसं। खीरं नाम गोखीरं वा अजिकाखीरं वा महिंसखीरं वा येसं मंसं कप्पति तेसं खीरं। दधि नाम तेसञ्ञेव दधि।
अगिलाना अत्तनो अत्थाय विञ्ञापेति, पयोगे दुक्कटं। पटिलाभेन भुञ्जिस्सामीति पटिग्गण्हाति, आपत्ति दुक्कटस्स। अज्झोहारे अज्झोहारे आपत्ति पाटिदेसनीयस्स।
१२३८. अगिलाना अगिलानसञ्ञा दधिं विञ्ञापेत्वा भुञ्जति, आपत्ति पाटिदेसनीयस्स
गिलाना
१२३९. अनापत्ति
अट्ठमपाटिदेसनीयसिक्खापदं निट्ठितं।
उद्दिट्ठा खो, अय्यायो, अट्ठ पाटिदेसनीया धम्मा। तत्थाय्यायो पुच्छामि – ‘‘कच्चित्थ परिसुद्धा’’? दुतियम्पि पुच्छामि – ‘‘कच्चित्थ परिसुद्धा’’? ततियम्पि पुच्छामि – ‘‘कच्चित्थ परिसुद्धा’’? परिसुद्धेत्थाय्यायो, तस्मा तुण्ही, एवमेतं धारयामीति।
भिक्खुनिविभङ्गे पाटिदेसनीयकण्डं निट्ठितं।